جاهد بكل اخلاص حقق مراده
لله باع النفس والدم والمال

#شهاب_المتوكل

حيا بشبوه العز قوم الرياده
ذي فالحرايب هم صناديد وابطال

واسأل على ابو نصر شعب وقياده
فارس وفي الهيجاء كم صال كم جال

واجه فلول الكفر واصدق جهاده
واخلص مع مولاه في كل الاحوال

والباري اعطى له وسام الشهاده
واقسم بربي فاز يهناه مانال

#ابوحيدر_عامر

رمز الوفى والعز حقق مراده
نال الشهاده فاز يهناه مانال

عند النبي واالال توج جهاده
من بعد مانكل بقوات الانذال

داس الجيوش الغازيه بالبياده
يشهد له الميدان ذا نسل الأبطال

نصر الشموخ المرجله والاراده
مازال فينا حي ابونصر لازال

#ابوناصح_العزي

يهناك يابونصر دار السعاده
مرافق المختار فيها مع الال

ياحر من شبوان اخلص جهاده
لله باقواله وصادق بالافعال

من اجل دينه والوطن والسياده
ضحى بنفسه في ميادين الابطال

على الله متوكل عليه اعتماده
في كل جبهه زلزل الخصم زلزال

#الكرار_المشراقي

ابونصر في الميدان حقق مــــراده
جنب الرسل في جنة الخلد والااَل

يهـناك دار الخــــلــد دار الســـعاده
لك هاجسي يوقف تحيات واجلال

لجل الوطن والدين لجــل السياده
دك اولياء الشيطان خاين ودجال

نيل الـشهــاده لليــمانيـــين عـــاده
اعتادها شعبي على كل لـــحوال ..

#أبوفايد_علي_أبوشوصاء

ياشاعرٍ قد ثار يحمي بلاده
نلت الشهاده في رضى رب متعال

ابدت حلف الشر واهله إباده
ساح الوغى يشهد صحاريه وجبال

والان يابو نصر دار السعاده
يهناك جنب الانبيا وكل رجال

والقتل عند اهل الكرامات عاده
رجال قد ضحوا بالاْنفس والاْموال

#الشاعر_ابوالاشتر_ابوسعيد

قد فزت ياابونصر بعظم شهاده
وتضحياتك خالده عبر لجيال

واموقفك موقف كبار القيادة
واحسانك الحسان ياخير من نال

من في رضا الرحمن واصل جهاده
ومن سلك نهج النبي واتبع الال

ذكراك تشهد لك ويشهد عتاده
وابندقه لاصوبه كال واكتال

#يونس_المجهدي

اكيد يابو نصر نلت السعاده
يامن مع الرحمن جاهد ولا مال

كم في صفوف الكفر سوى إباده
وكم سقى بالموت ياكم من انذال

اعظم مراتب من ينال الشهاده
كُلاً يدورها على كل الأحوال

من كانت التقوى شرابه وزاده
ومن وفي بالعهد باقوال وافعال

#ابوهادي_صيفان

نال الشرف والعزواكبر قلاده
وصار عندرالله حيارولازال

وفازباالجنه وحقق مراده
حياه دايم عند طه مع الآل

الله يثبتنا لنهج الشهاده
نرقى مع الابطال اقوال وافعال

مع ابن بدرالدين فخر القياده
ذي قادهامن راس مران بقتال

#ابوحسين_المنصور

جاهد وحقق غايته من جهاده
حاز الوسام اغلا من الاهل والمال

قوله وفعله عمده بالشهاده
شاعر مجاهد رام تاريخ الابطال

تاريخهم يشهد بكل امتداده
خلد رجال اقوالهم تصدق افعال

#شِبّلُ_الُحُدِاء_ابّوَفَلُاحُ

استشهد. الكرار رمز السياده
ذي كان وقت الحرب صادق وفعال

فيك الوفاء. فيك النقاء. والقياده
ذكرى الشهاده فيك يا فخر الابطال

وفي سبيل الله وصل لامراده
والله اصطفاه وصار مضرب للأمثال

شبواني المقدام. اثبت جهاده
انااشهد انه شبل. من. بين الاشبال

#ابوزيد_الزبدي

يهناك يابو نصر عيش السعاده
يوم التحقته بالرجاجيل الابطال

القلب يابو نصر يعلن حداده
ياخير من يوفي بوعده اذا قال

افضل شرف للمؤمنين الشهاده
مثل الشهيد دي جسد القول بافعال

نصر البطل قد حقق الله مراده
مؤمن مجاهد طلق العيش والمال

#ابو_يحيى_الشوكاني

بالعز والناموس قابض زناده
وبالقلم والبندقيه معا المال

قدم من اشعاره عزايم جهاده
وفي سبيل الله بادر بما قال

ذكراك يابونصر ذكرى القياده
ذكرى نجددها وفي كل الاحوال

وفي خطاكم بالقلم والبياده
نواصل المشوار من نالها نال

#ناديه_السقطي

ازكى ســــلام الله تحيه وافاده
للشاعر الي قد ضرب خير الامثال

يوم اصدق الله العهود في جهاده
واصدق ابو نصـر القوافي والامال

بالبـــذل والايثـــار والاستعاده
لكرامة اليمني بتنكيل الانـــذال

من دمه التــــاريخ سطر مداده
شـــــاعر وفي لله وطه مع الال

#ابورعد_مصلح

جاهد مع الرحمن اسرج جواده
واخلص مـعـه بـ النفس والعمر والمال

مـؤمـن ولـي مغوار اعلن جهاده
شاعر في الميدان يضرب به امثال

على خطى النمري تحقق مراده
صادق في الميدان بقوله والافعال

من اجل دينه واليمن والسياده
ضحى ابونصر ارتقى عند الابطال

#حمزة_الاشموري

أنا اشهد أنه كان صلب إلاراده
ببيات شعره قطع الخصم اوصال

حتى اصطفاه الله ونال الشهادة
من بعد ما جسد كلامه بالافعال

يهناك يابو نصر عيش السعادة
يافخر هذا الشعب يانهج الابطال

#ابوكنعان_الروس

شبواني الامجاد عنده إرااده.
مولى الشهامه والوفاء فخر واجلال

راعي حروف القافيه والافاده.
القاف يشهد له بنظمه وما قال

ذي باع من ربه بدار السعاده.
في جنة الفردوس يهناه مانال

باالصدق والايمان قابض زناده.
وفاز واستشهد مع الله رجااال

#ابوهادي_الجامع

عز الله انه للنشامى قياده
الشاعر الي قال ووفى بما قال

تابع المجاراة بعنوان أصابع الماسونية العالمية واللوبي الصهيوني وراء كل إساءة للإسلام ورموزه المقدسة.

البداية #يحيى_الوحيشي

بعد السويدي يهودي واليهود اليهود
اعداء للإسلام من يوم انبعاث النبي

كل الجرايم وراها مكر تلك القـرود
قولوا لهم ما بقيش اليوم مؤمن غبي

#ذوالفقار_القيدله

أنجاس وامعانهم عمد الإساءه يعود
لخسة اليهوده من يوم عهد النبي

هم قتلوا الأنبيا موسى وعيسى وهود
لعنهم الله. من. خاخامهم. لا الصبي

#الشاعر_ابوجهاد_صبر

والله لو توقف ابحاره وماهب نود
مابنحرف قط عن ماسار جدي أبي

قولوا لماسونية نجـد العدؤ الـدود
قد الحقايق جليه في نماء مذهبي

#الشاعر_ماجد_القادري

ياكل مسلم فتى بادر بكل الجهود
اليوم حلف العماله بالمواقف غبي

امسح شعوب العماله لابقى بالوجود
بادر بااغلى عزيمه ياحفيد النبي

#ذوالفقار_سفيان

لابد من معركة تروي ظمات الكبود
والكفر واهل الخيانه قل ما تحنبي

عدو الإسلام با تقبل له ايام سود
من هولها بايشيّب كلمن هو صبي

#ابوالحمزه_السواري

لاعاش لاعاش من بايرتضي ب القعود
وكتاب ربي بنار الكفر يتلهبي

في جسم لسلام غده ماكنه من عقود
وبيننا حرب شبو طايفي مذهبي

#ابوعلي_جعفر

من هو يبى ينهي الاسـلام غير اليهـود
كم حاولوا والقسـم من عهد طه النبـي

ومدرســتهـم حقيــره دولة ابنا سعـود
وطـلّابهـا غيــر كمـن مرتـــزق اجـنبـي

#شاعر_بلاد_الروس

لن ترضا عنك اليهود يامن تحب القعود
جهاد ولو بالكلام اصرخ وقوم اكتبي

لولا النفاق الممنهج والغبا. والجحود
حرام مايستطيع صهيون يضرب صبي

#ابوهادي_الجامع

المملكه روجت لعمال ذاك اليهود
وصبح مروج معا حاقد خبيث اجنبي

ماسونية فاشله علا ممر العقود
والشمس غابت متا مالشعب قال اغربي

#عبدالكريم_ناصر_الحداء

يوم الملوك غارقه في كفرها والجحود
واعداء الاسلام بالاذلال تتلاعبي

شعب اليمن دان واستنكر فعال اليهود
وكل مسلم رفض ل الذل شامخ ابي

#جبريل_الخدري

هذآ كتاب اللّه الرحمان قل لليهـود
يا ويل من احـرقة من نار تتلهبي

دام السويدي يهودي قل لشلـة ثمـود
والله لٱ نشعل الدنياء على. الاجنبــي

#الشاعر_علي_الغماري

طبع اليهودي يهودي والمطبع حقود
وبسم الإسلام مسلم والخفا مذنبي

يا أمة الحق صيحي سمعي ذا الوجود
جهاد واجب وواجب للخيول إركبي

#وضحى_الهمداني

بعد السويدي سعودي واليهود الحقود
اعداء للسلام وحتى بعد لُمي وابي

وماسونيه قد كشفنا سعيها لليهود
واحنا علينا نلقن درسنا للغبي

#أسـامـة_المـعبـاء

من فعل ذاك السويدي والعدؤ اللدود
الله يغضب وشعب العز هو غاضبي

اترقبوا يا يهود الشر كل الردود
فمن تمادئ على القران با يضربي

#أبوصخر_الجوحمي

الشر والخبث والافساد نقض العهود
هي من صفات اليهود وسعود ذاك الصبي

مادام شعب اليمن عاده بهذا الوجود
لابد ماننتقم وشعبنا هو الابي

#ابوهادي_صيفان

لولا ال زايد وال اسعود تصرف نقود
ماون تجرو على المصحف وسب النبي

هم ارذل الخلق هم من طبعو لليهود
وباعو القدس بمر الخاين اليعربي

#ابن_دغشر_الشومي

سلام ياكل شاعر مارضي بالقعود
سطر حروف القوافي نارها تلهبي

نفير تكتيك تحشيد يا النشاما الأسود
نكافح الحلف الأمريكي وسلمان الغبي

#أبو_همدان_المعتكف

يا أمة المصطفى المختار يكفي جمود
من أجل دينك وقرآنك متى تغضبي

لابد من رد حاسم مثل شعب الصمود
أنصار ربي وقائدهم حفيد النبي

#الشاعر_يوسف_الحداد_ابوحيدر

تعودو من زمان في نقضهم للعهود
وعادو المصطفى يوم كان في يثربي

داعي وجيه الشوافع كلها والزيود
تستنفر اليوم ضد الملحد الاجنبي

#الشاعر_ابوحاشد_ابوسعيد

مابعد حرق المصاحف غير كسر العمود
كلمه وباتستوي مشرق إلا مغربي

وماحدث بالهدى هو من فعايل سعود
هم صفقو لليهودي نجد وابو ضبي

#الكرار_المشراقي

الله لعنهم وخلاهم يعـودوقـرود
من حاربو الانبياء وحفادطه النبي

صهيون ماسونيه وجيه غبراوسود
هم العدو احذره ياكـل مؤمن ابي

#محمد_حميد_الحمادي

الا لعنة الله عليك يا ذا العدو اللدود.
من انت تحرق كتاب منزل على اكرم نبي..

ما انت الا يهودي خلط من الف عود.
والدم ذي في عروقك بول كلب اجنبي..

#الشاعر_ماجد_غانم

موقف مشرف وغاضب للهويه يعود
عن شعب حامي لهدي الله ثاير ابي

يوم العروبه تشخر والممالك رقود
ثرنا على الدين والقران وابن النبي

#ابو_يحيى_الشوكاني

ياسيدي لك قطعنا العهدمابانعود
اضرب بنا كل مجرم شرق اومغربي

من حارب الله والقران جاته جنود
تسحق عضامه ودين الله مايغلبي

#صقر_الريمي

ابن السعودي يهودي كامل ابنا سعود
اسلامهم كان خوفه من سيوف النبي

قدحان وقت اليهودي نرطوه بلقيود
ونلقنه درس قاسي كافر الاجنبي

#الشاعر_محمد_عيشان

لا بدما الدين والقـرآن نـوره يســود
ولو كره مشرك المشرق مـع المغربي

مادام في أمّة الإسلام شعب الأسود
الجزيه الليل يااهل الكتــاب اقطبي

#إتحاد_الشعراء_والمنشدين

https://t.me/aboyahyaalshami

المجاراة بعنوان اعتقال مروة الصبري (عمل يهودي ينسف عروبة آل سعود.. )

البدع #يحيى_الوحيشي

بعض العرب ماهم عرب واقطع يدي..
صــــهاينة والا الــيهــود اخــــــوالها..

وما حدث للأخت ‎#مـــروة شاهدي..
والناس تعـرف من خــــلال افعالها..

#جمال_الماوري

المعتدي لا زال ذاك الــمـــعــتـدي
وانــــــذال هذي الأرض تبقى انذالها

لا عاد يا #مروة مُـــــــــــرُوَّة واشهدي
مــــــــا ابنا سعود الا يهود لــحــالها

#إسماعيل_الاهــدل

والله مانخضع لحلف المعتدي
ولانساوم ف النساء واذلالهــا

كرامة المكلف ثمنهــا يـــاردي
الموت الاحمر للخناء واذيالها

#أبوصخر_الجوحمي

السعوده واليهوده هي واحدي
والكل شاهد من خلال اعمالها

ماذنب مروه ياسعود الملحدي
ياخادم امريكا وخس أنذالها

#عدنان_سالم_الذويبي

العار في وجه الذي هو معتدي
ذي يهتك اعراض النساء بذلالها

ما يعتدي ضد المره غير الردي
ذيما به الغيره ولا هو شألها

#الشاعر_احمدالشريف_ابوفاطمة

نظام ال سعود متيهود ردي
شفنا اليهود تبين فيه افعالها

نظام لايمكن بعمره يهتدي
مادام لاءسرائيل صار نعالها

#عزالدين_جحاف

نظام آل سعود بهتان يرتدي
عباءة الإسلام وهو دجالها

مروة بموقفها ابرزت وجهه الردي
واهتز عرشه من عظيم اقوالها

#الشاعر_محمد_علي_الجنيد

فعل ابن سلمان الردي مثله ردي
ذي طال مكلف لو رجل ماطالها

داشر حقير على المكالف يعتدي
هذه طباع الامركه واذيالها

#ابوناصح_العزي

لوهم عرب مامنهم من يعتدي
وإن البلد آمن وربي قالها

ابنا سعود وابن اليهودي واحدي
ف القدس كم (مروه )التعسف طالها

#محمد_الاخرم

يا قوة الإسلام حنّي وأرعدي
السعودة طاعت بلاء دجـالها

مروة تنادي شعبها الحر الندي
نفك من شر اليــــهود اغلالها

#ابومصطفى_الرضي

ابليس نجد وقرنه المؤذي بدي
طه قد اخبرنا بسوء اعمالها

والحل لازم بآل طه نقتدي
ونطهر البيت من شرور انذالها

#ابوشهيد_القطمي

ما ينخذل في وقتها إلا الردي
وكل الدروس تشهد لنا باأمثالها

بعض العرب بإسم العروبة يعتدي
و اليهودة كائن و هم سروالها

#ذوالفقار_سفيان

لا بد من حالة تدك المعتدي
وتدكدك الصهيونية واذيالها

الليل يبقى في سماها سرمدي
والقايمه تعرض أشد اهوالها

#أبوحسين_العصري

قرن الشياطين الخسيس المعتدي
زيد بها كل النذاله شالها

بااااع الشهامة باليهودي يقتدي
حمى على حلف الدنائة فالها

#شهاب_المتوكل

يالعن ابو الاعراب ماخطت يدي
من شعر ابيات القصيد جزالها

انذال كمن وغد في اصله ردي
مثل الذي لبس لمروه اغلالها

#امين_الراجحي

العز والناموس عرقه يوقدي
داخل شرايين النساء واطفالها

والمرجله ماتت ومروه تنقدي
قل للعروبه حالها من حالها

#ابوبدر_ذيبان


هم زمرة الشيطان وقرن المعتدي
خدام للماسونيه واذيالها

يا امة الاحرار حني وارعدي
جهاد مع الباري لكسر اغلالها

#ابوحيدر_عامر

ماقالت الا الحق اﷲ يشهدي
الاخت مروة احنا اهلها ورجالها

دم الحميه فار وجه سيدي
ندعس ابو السجان نفك اقفالها

#أخت_شهداء_البكالي

ضجوا وخلوا كل موقع معتدي
باسم الحجر والمومري بلبالها

ولاعتقال الأخت مروه مابدي
ولا سمعنا الا نهيق اذيالها

جريح الحرب #رفيق_زرعان

يا الأعجميه يا الحروف الأبجدي
عز الله ان ابن الوحيشي قالها

بعض العرب صهيونية مستعبدي
تشهد عليها افعالها واقوالها

#مناع_شريم

ياصرخه الثوره المجيده رددي
تبقى العروبه لااهلها وابطالها

ذي طبعوا هم شله الكفرالردي
وكل ظالم بايذوق اغلالها

#أحـــمــد_الاهـــدل

اقسم بربي ياسعــــــــــود المعتدي
بان مروة منت تســـــــــــوى نعالها

امــــــــــــــا تـــــفكوها واما نـبتدي
واحنا وراهــــــــــا ياردي ورجــالها

#ابوهادي_صيفان

لاقبيله ولاالعروبه توجدي
في اسرة ال سعودماحد نالها

اسرةخبيثه والمجازر تشهدي
قتل المره والطفل من اهم افعالها

#ابو_وعدالله_هفج

وقـد دري ذي مـادري يـــا قائـــدي
بحقــدهـا وبسـوئ كـل أعمـالـهــــا

ودي وود الكـل حــربـاً تـبـتــدي
وتعـيدهـــا أرض امهــا وأخوالهــا

#ابوهادي_الجامع

يالسعوده في صف من بتعصدي
عليش. خيرة. ربنا. وقوالها

احسن لراسش هجعينا وقعدي
يكفي لجرمش في هدن وضلالها

#نجيب_جعشن

مـن ما هـــداه الله مــاهو مهتدي
بالـمـُختـصر لا داعــي الـ طوالها

من قد قتل طفـلي وشـرد والدي
بايعتقل #مــروه ويـــرم اطفالها

#ابوعلي_البريهي

أبنا سعود الكف والدولة ثدي
لمريك وإسرائيل هم أذيالها

وهمهم إغواء كمن مهتدي
كي يعبدوا في الأرض عجل اعجالها

#الــكــرار_الـعـقـيـبـي

الله يــــلـعــن وجـه سـلـمـان الـردي
خـادام مشـاريـع الـيـهـود واعمالـها

يـامـــــة الاســلام حـان تـتـوحـدي
ضـد الـنـصـارى والـيـهـود واذيالـها

#إتحاد_الشعراء_والمنشدين

https://t.me/aboyahyaalshami

لبيك ياقدس من بدت جميع الدول
احنا حماة الوطن والقدس ورجالها

لبيك.لبيك.رددها اليماني وشل
ماقد رضينا بقتل الام وعوالها

مافيك فينا علينا العار مابانضل
مثل الذي باعو الكعبه وطربالها

صدق انمابه حيا فيهم ولابه خجل
ذي كانو الامس قدوه سارو انذالها

سلمان وبنه ومن معهم كلاب الهمل
الله يلعن صورهم شعبنا قالها

في حرب غزه سكتو يارعات الابل
وين الضماير امام القدس واطفالها

اومنتضر جاه من غزه تقلك تعل
ياصاحبي جاه غزه عاد في شالها

لنتو دريدو فلصطين تنحرق تشتعل
ابلغك لاتفكر كيف تغتالها

لابه هزيمه وذله عندكم باتحل
اما فلصطين فال الله والا فالها

قال المثل اربعه اشخاص شلوجمل
وحنا حملنا القوافل هي وجمالها

#ابوهادي_الجامع
#إتحاد_الشعراء_والمنشدين

https://t.me/aboyahyaalshami

تابع المجاراة عن الشعار وقوة تأثيره في في صنع المواقف المشرفة المناهضة لقوى الطاغوت.

البداية #عزالدين_جحاف

ياشعار الحق والعدل رفرف
أشهد أنك صانع المستحيل

من أحبك عاش شامخ مقنف
والذي عاداك عايش ذليل

#الشاعر_أبوالحسن_الصياح

شعارنا صوته مع الله هتف
ضد المنااافق وضد العميل

وصاارت أمريكااء منه نتف
وحنا من وراها نمسي نكيل

#ابومصطفى_الرضي

الشعار موقف وموقف مشرف
فاق تأثيره نفسنا الطويل

قد فضح كمن منافق ومرجف
وانكشف مكر العدو والعميل

#بشير_سفيان

الله اكبر خبروت الكل يعرف
صرخه الحق بينت بالعميل

والمنافق دق قلبه ويرجف
والعدو للخلف شد الرحيل

#ابومحمد_السحاري

شعار للعزه سلاح وموقف
ويرعب امريكا وذيهو عميل

ومن وقف ظده قسم بايودف
وذي معه وقف قسم مايميل

#اسامه_الزيلعي

الشعار مبدأ امانه وموقف
غير المجرى في ساعه وليل

حين ارفع رايته الكل يرجف
المنافق والمحايد والعميل

#ابوبراءة_الديلمي

صرختك يـاشعبنا مـاتـوقف
والبراءة ضـد حلف الـعميل

ياشعار الاباء باالغازي انسف
واشعل ارضه شـ ــعــ ـــيل

#ابوالفتــح_الجــــرادي

الشعار اســـلاح للامه وموقف
خفف الاوزار والحمل الثقيل

يوم كان الوضع متردي ومُئسف
اخرج الامه من الوضع الهزيل

‌‌‎#ابوزكريا_المأخذي

مـا يـعـز الله متخاذل ومـرجـف
والـكـرامـة مـا تـبناها عـمـيـل

والذي ما يرفع الصرخة ويهتف !
كيف باينصر فلسطين والخليل؟

الجهاد يحتاج له مـن قبل موقف
والـشـعـار للصادقين يبقى دليل

#روابي

قالوا انك من عبارات التخلف
وانت برهان المنافق والعميل

لاصرخنا زمجرة منا تنكف
فوق امريكا من ايدينا صميل

واليهودي يرتعد_والله_ويعرف
ان هذا خط لليوم الثقيل

#عبدالقوي_البطل

والذي للغزو جالس بيعزف
لحن مغناه في قناة السهيل

مالحقهم غير كمن مودف
دون اسمه في الصوافح عميل

#ابونصر_عزام

الله أكبر أصرخ ياولى اهدف
بالموت لأمريكا مع اسرائيل

شعار سلاح موقف لنا مشرف
من حاربه سود المنايا بديل

#ابورفيق_العياني

ذي يعادي الصرخه اصبح مودف
والحقايق تكشف انه عميل

والذي يوقف ويسرح ويهتف
المواقف تعرف انه اصيل

#ابوهادي_الجامع

ذي صنع معناك صنّع وكثف
والزمن يشهد لنا جيل جيل

ماصرخنا الاوصهيون عطف
ماحصل في القدس اكبر دليل

#الشاعر_علي_حمي

رغم قصف الحرب والدم ينزف
ماتغير نا ولا با نميل

والله اكبر صرختي باترفرف
صوتها ويهز عرش الذليل

صارت امريكا من الحق ترجف
وامن الصرخات تدي العويل

#مجدالدين_البدري

المسيرة كم بهتفك تشرف
واسقطت كمن منافق عميل

خادم اسرائيل ولى وعطف
واليمن شامخ وثابت أصيل

#الاشتر_المحمدي

باالشعار ياقوم نصرخ ونهتف
والكلام ذي فيه ماهو قليل

فيه نتبراء_ باعلان _موقف
ضد اعدانا ومن هو عميل

#احمد_سنان_الغولي

ياشعار البدر من مران يجرف
قوه امريكا معا الحلف العميل

ياشعار الحق فوق السحب رفرف
انسف الباطل و الفكر الدخيل

#الشاعـر_ابوكـيان_الجـابـري

ياشعار النصر وجِّـف كل مرجِـف
واثبـت معـانـا جـيـلٍ بعد جـيـل

هذا شعارك يايمن موقف مشرِّف
والمواقـف شـاهـده واكبر دلـيـل

#ابوعبدالملك_الغولي

يا شعار من داخل القران مصنف
صاغك السيد حسين الاصيل

انت قدمت الهدئ والدين مقنف
بعد ما كان قدموه انه ذليل

غد في الاقصئ ومكه با ترفرف
واشهد الله بان ماهو مستحيل

#ابوعز_الدين_عطاء

بالسما طولك وبالجو ملقف
للعداله رايتي ما تميل

صرختي ضد العدو ما توقف
لو تحملنا الحمول الثقيل

بعد ابو جبريل قيدنا المثقف
صرخته مثلا ودربه طويل

#ابن_دغشر_الشومي

صوتنا معروف بالصرخه مقنف
شامخ الهامات يتبع كل جيل

والعدو الغازي في شعبي مودف
منهزم مدحور. الغازي الذليل

#ابومثنى_زايد

شعار يتساما وبالإكرام يوصف
وفي مقـــام العــز مالـه مثيــــل

يهـــد أركـان الضـلال المـزيـف
ويجعل امريكا. وإسرائيل قليل

#ابو_هاشم_الحكيم

يابيان الله مامثلك مزخرف
والهداية منبع الصبر الجميل

منهج القرآن والدين المشرَّرف
والفريضة بالرضا ولّا صميــل

#ابوعلي_الموشكي

بشعارنا، بانجعل،امريكا،تخرف
واوطاننا،بالعز، دايم،تخيل

عزه،كرامه،مجد،والهامه،ترفرف
وكل،نشمي،،من،صدا،الشعر،شايل

#بشار_عباس_الشومي

جيت يا جحاف بالحرف المشرف
فخر ذا الأنصار والشعب الأصيل

والمنافق والدواعش والتطرف
في يمن الإيمان مدحور وقتيل

#محمد_الزكري

من تمسك فيك ترا ماهو مودف
والذي عاد. والله انه عميــــــل

ياشعار النصـــــار طه يامخوف
سوف نصرخ بوجه اعداء السبيل

#عزيز_محمد_البروي

الشعار يا كل خايف ومرجف
كاشف عروق المرتزق والعميل

وما صرخ به غير مؤمن وعارف
مفعوله أقوى من شعيل الفتيل

#يعقوب_الخمري

يا شعار نشبّهك سيل يجرف
قارات أمريك وإسرائيل

أنت بلسمنا دواء جرح ينزف
أنت قوة مالها في الكون مثيل

#إتحاد_الشعراء_والمنشدين

https://t.me/aboyahyaalshami

حرب اليماني

اليماني لادخل في حرب شمر
اووووه منه لاحمل دانت عياره

تخضع الدنيا لنا والبحر والبر
والشواهد شاهده لي والحضاره

حربنا مافيه لا ضحكه ومجبر
لا ولا شلو وهاتو لي شقاره

حربنا قبه وفيها الموت لحمر
من غزانا نسقيه قاس المراره

من دخل في حربنا ماعد تعمر
نلقطه من قبل مايعلن فراره

مسح نمسح به على الدنيا ونعبر
لاجهنم نرسله حسب اختباره

قد هزمنا جيش لتراك المطور
وسألو مذبح معا قمت شهاره

حربنا ماقد سلم منها غضنفر
من دخل فيها تودع له دياره

لاسرحنا الصبح يصبح كل منكر
تحت اقدام اليماني في قراره

كم نصحنا حلف سلمان المغرر
لايودف ثعل لابين النماره

بانهينه مثل ماهناه واكثر
ان هجع والا دخل بركان داره

لا يهنجم بالمدرع والمجنزر
بانقدعها مثل وادي جباره

والجيوش الكافره كمن معسكر
قد طحنا طحن ابوهم في قفاره

من سلم من جيشكم روح منثر
والبقيه كل خمسه في غراره

من مصاكيع المجاهد حلفك ادور
بعضهم من خوفنا تم انتحاره

لاقلق يقلق في المترس وينفر
ماتشوفو غير في السحرا غباره

يلقفه صاروخ من قومي تصدر
يبعده ميتين كيلو من مساره

العدو اهتان في حربي وبنشر
ونكسر ساقه واشر بالاشاره

قلتله فرسان شعبي كمن اعصر
لادخل في حرب يختمها انتصاره

مارجعله عقله الاقد تدهور
بعد متخلفع قد اعلن انكساره

#ابوهادي_الجامع
#إتحاد_الشعراء_والمنشدين

https://t.me/aboyahyaalshami

تابع المجاراة بعنوان قبس مما جاء في الدرس الثاني للسيد عليه السلام من وصية الامام علي لإبنه الامام الحسن عليهما السلام..

البداية #أبو_رواسي_أرحب

النفس ميدان الجهاد الأكبر
أفلح (بهدي الله) من زكاها

ونفس بالقرآن  ماتتأثر
سجل عليهاخاب من دساها.

بعض المعاصي ذنبها لايغفر
فجورها يغلب على تقواها

والأصل يبقى أصل مايتغير
نفسيته مايختلف مبداها

#ابوحمزه_المقـاش.

العهد ميدان الرضاء والاشتـر
كل الـدعايـم في الولاء فحواهـا

هـاماتنـا فـ المـعركه ما تكـسـر
سبحـان من هو بـ التقـى سواهـا

والـذكر لي مـا يتـبعـه با يحـسر
من واقع الدنياء ومن رجواهـا

يـا سـيدي قولك بـنـا يـتـصـدر
والله يعـين الـنفـس في لقياهـا

#الكرار_المشراقي

لابـــد للامـــة بــأن تـتــحــرر
من الوصايه من جميع اعداها

بولاية احـــفاد النبـي الاطهر
تقهر قوا امريكاء ومن ولاها

معى ابن طه من سلالت حيدر
تفلح في باولاها وفي اخراها

نــمـــضي معه بايمان مايــتأثر
نزهق قوا الــباطل ونتحداها

#ابـومـازن_الـرازحـي

المؤمن الواعي حذِر ما يغتر
بزخارف الدنيا ولا باهـواها

يجعل تجارب كل ماضي مصدر
لاعداد نفسه في لقاء مولاها

مابا يجازف قبل ما يتخبر
عن ماهية ذا الطائفة ولواها

ولا لسانه يقحمه في منكر
ولا دخـل فتنة ولا غـذاها

#براق_المنبهي

كل الامور اليوم تحت المجهر
وكل العناوين اتضح مغزاها

زارع بذور الشر يحصدها شر
ومن زرع حسن النيه يلقاها

واحنا مع الله بعلمنا نفخر
مابه نجاة الا بعترة طه

على السفينه من ركبها كبر
بالله مجراها وبه مرساها

#ابو_هاشم_الحكيم

مثل الطهارة والوضو والكوثر
والمنتهــى طــه وعتـرة  طـة

أنفـاسهـا تسبيـح لــو  تتفـكّـر
في كـل ركعـة  للـذي  يهواهـا

يمسك عليهـا  دايمـا واتشـكّـر
ذي من   أثرها   قيّمـة  دنياها

والويل والساهون ماعون ابتر
لا  قامهـا    كلا   ولا  يـلقـاهـا

#الشاعر_أبوعزام_الشامي

ياكــل مؤمن بالحياة لا تغتر
نفسك مع الله دايمآ مسعاها

وعــيش متواضع ولا تتكــبر
فيمــا مــضى عبر لا تنساها

وإتجنب العصيان لله وإحذر
فالذنب في نفسيتك أعماها

وإنتبه من الــغــرور والمظهر
بأخلاص نفسك بايزيد تقواها

#ابوالكرار_المجنحي

فجر المسيره فالنواحي نور
والخير عم الارض في مسراها

والشعب طالع نورها واستبشر
بالقايد المغوار ذي سراها

وارسل قراره للقياده واصدر
بسم المسيره لاحدا يتباها

والبعض ذي يقراء ولايتعبر
ما فالرساله واحتوى معناها

ماهو من الي يفهمون المجبر
يطلق عنان النفس في مهواها

#ابوفتح_الجرادي

من وحي ايات الهُدا نتذكر
ونتــبع اعلامها وهــــداهـا

ونعتبر من من مضا نتعبـر
عاد وثمود اذانبعث اشقاها

كيف النهايه من طغا وتكبـر
لم يلبثو الا عشي وضحاها

#ابوهادي_الجامع

النفس عند الله ماتتقدر
سبحان رب الكون من سواها

من عزها جاهد بوجه المنكر
والنفس من جاهد فقد زكاها

مابين من قصر وذي ماقصر
الفرق واضح واللحى حماها

عمر المعاصي ماتجيب الا الشر
والخير يثمر سعد من شقاها

#أبوصخر_الجوحمي

الكل. منا لازم ان يتذكر
بالهدي نرقى وعي في معناها

واحرص على الفاظك ولاتتجبر
فالله. يحصيها ولا ينساها

وتبين الاقوال دايم. وحذر
من قول باطل يدخلك اشقاها

#ابومجاهد_بجاش

فوق الخطا ذي فوق ماتتصور
انك تبارز بلمعاصي طاها

وكبر مودف يوم يوم المحشر
ذي سااقته نفسه علا منواهاا

ذي ماتبرا من جرايم زعتر
ولا تحرك ساكنه بشلاااها

هذا من الباغين وحفاد الشر
ذي فوق ذالك قاام يتبنااها

#الشاعر_بشار_دهقم

يا سعد منهو با الهدى استثمر
كامل حياته في رضا مولاها

والحسرة الكبرى لمن هو دمر
نفسه بكثر أطماعها واهواها

ذي ما أمر معروف ونها منكر
من احقر الامه ومن اشقاها

والفايز الي قاتل افلول الشر
ينعم بجنه ربنا سواها

#عبدالقوي_البطل

ومن طغى في الارض والا اتجبر
يشقى في الاولى وفي اخراها

الله يصليه العذاب الاكبر
داخل جهنم يشتوي بلظاها

وسيدي وضح لنا حين حاضر
كيف نتقي يامؤمنين شواها

نقبل على الله مخلصين نتدبر
آيات ذكره نستقي من ماها

#الشاعر_أحمد_الشريف_ابوفاطمة

ذي ما تبع درب الهدى بايخسر
خسارة الدارين بايلقاها

وكل من يبغى النجا فليحذر
من حالة الاضلال من عقباها

يمسك بحبل الله ذي ما يقهر
الي خلق خلقه وذي يرعاها

والله يرحم من وعى وتفكر
والنفس أفلح كل من زكاها

#بشار_عباس_الشومي

من وحي محراب الكرامه شمر
شعبي مع الرحمن روحه افدها

ومن هدى القران شعبي كبرر
صرخه قويه حيدرية ألقاها

عزه كرامه فخر جند الاشتر
شعب الفداء والتضحية بأبنائها

والحلف الأمريكي لابد يخسررر
والضربه الكبرى قريب يلقاها

#إتحاد_الشعراء_والمنشدين

https://t.me/aboyahyaalshami

تابع المجاراة عن ماحصل في السويد
#حرق_القران_إهانة_للإسلام_والمسلمين

البداية #الشاعر_منيف_ثعيل

يا مسلمين مابعد حرق المصاحف
يحرق عدو الله وإلا حرقنا

لازم نسارع باتخاذ المواقف
فوق السويد نلقي قنابل غضبنا

في حرمة القرآن ما با نجازف
نلعن أبو شكل الذي ماحترمنا

#ابو_حجار_الضبياني

النصر والعزه تجي بالتكاتف
ماغير قدضعنا وضاعت بلدنا

مابانحقق شي وعاد التحالف
عبيد لامريكا وهوذي خذلنا

الصبر قوتنا وقاهر وقاصـف
وقوه الايمان تــرفع همـمنا

مابا ندمر خصمنا بالسوالف
اما تحركنا او الا سكــــتنا

#ابومنيف_المنبهي

المسلم اللي ماتجية العواطف
يوم الهدى يحرق على ماسمعنا

مافيده يصمت مثل كلب خايف
واصابعه تحرق بجمرة شمعنا

لايعتبر مسلم مثل ما انت شايف
ياليل ساكن في سكك مجتمعنا

#الشاعر_ابومجاهد_بجاش

مع ابن بدر الدين مابا نخالف
يئئمر بنا نفزع وبعده فزعنا

وحنا لها وقت الخطر والنوايف
نقبل مثيل السيل ساعة غضبنا

والكل عنا. سار داري وعااررف
لاقد. رمينا. مانضيع هددفنا

#الكرار_المجهدي

ندعس رقاب الغرب بعد التحالف
ماغير سحق الغرب يروي عطشنا

في قلب الأعداء ولعوا بالكواشف
دكو حصون الغرب مفرد ومثنا

قل لسويد جات الرياح العواصف
من حرق القران لابد يفنا

#الشاعر_عبدالمجيد_الغانم

عمر منصــة قاذفـات الرواجــف
قيس المسافه ذي تحقق هدفنا

واهمز عـلا زر المجنح وقـاصف
نحو السويد اليوم وجه لهبنــا

ياجند ربي عار حرق المصاحف
مادام لجل الدين والله نفـرنـا

الله خلقنـا لجل دحـر المخالف
والله خلقنا لجل نحمل جعبنا

#صقر_الريمي_ابو_الذهب

كثّر عدو الله بهاذي السوالف
لازم نضع له حد يكفي تعبنا

اقسم قسم بالله ماني بعارف
عد للعرب قيمة ولا انتهينا

يوقع لاهاذا حل طارى وناصف
ولا علينا العار الا محترقنا

#محمد_البجل

الرد واجب مثلما البرق خاطف
وجه صواريخ الهدى ياعلمنا

انصار طه مثلما السيل جارف
نحرق من اتعدا بنضرة غضبنا

محنا من الي يغضبو بالعواطف
احنا رصاص الموت والموت منا

#ابوهادي_الجامع

المعنويه فل والراس ناشف
لعلا كتاب الله واصل هدفنا

ماهو مجي ملعون يحرق مصاحف
لا والقسم ماغير غادر غدرنا

قل للسعودي غير حرب العواصف
كنا على باب السويدي صرخنا

#الكرار_المشراقي

الله أكبر حان وقت التكاتف
نفيروستنــفار نعلن نكفنا

نعرف انذال السويد المكالف
فوق السويدي يالنشامازحفنا

حرق الهدى ياكل مؤمن وعارف
لمايحــــركنا فضاعت قيمانا

#الشاعر_أبوعزام_الشامي

دعوة لكــل المسلمين بالتكــاتف
إحنا مع الله دائمآ ما أنحرفنا

ضد اليهود نوقـف جميع المواقف
نوقــف بعزه مثلـمـا الله طلبنا

نحرق أبتهــم حرق بصماد وقاصف
حتى يهود الغرب تكون تحترمنا

#الشاعر_نبراس_الحماس

اليوم شبو النار من كل قاذف
نعلن على الشعب السويدي غضبنا

الليل ياقوم الحضى والمواقف
اذا سكتنا كننا ذي انتهكنا

لاما سخطنا فابشرو بالعواصف
والويل والتنكيل ممن خلقنا

#ابوحامد_جارالله

هذا احتقار او يحسبونا مكالف
قل للسويد اليوم صارت هدفنا

لابد ما تعلن جميع الطوايف
موقف يشرفنا فهذا شرفنا

يامسلمين ماحنا على الدين خوالف
هذا هو القرآن مهما اختلفنا

إن كان موقفنا يهز المشارف
ولا امام الكون نعلن أسفنا

#ابوفتح_الجرادي

ياامـــة المليـار.فاهــــم وعــــــارف
ان السويــدي هانـــنـــا واحتقرنـــا

الله يلعن مـن تهــاون وخــــايــــف
ولعـــــنت البــــاري اذا مـــانفــــرنا

قرانننا ينداس يـــــاهـــل السـوالف
ياننصره ولا فــلاعـــــد قــــــرينـــا

#حسن_الجدمي

منحط كل انسان ماله مواقف
مع كتاب الله ومع قيمنا

بختي على امة في اللهو عازف
ياويلها من بطش ربّي ومنا

احنا قسمنا يرجع العمد آسف
ما دام فينا دم ودامت يمنا

با ننسف اسرائيل باقوى النواسف
من أجل دين الله وجّه علمنا

#احمد_تاج_الدين

يالداعيه ذي في صفوف التحالف
ويـن البكى والعلم ذي فـيك شفنا

يـحـرق كــتــاب والـجــرح نــازف
ايـش باتسوّي واي مــوقـف تـبـنّـا

مكّنـتنا بـدعه وصـاحـب مـعـارف
واليـوم اقلك كـيف وتـقـول دعـنا

مثـل الخـوالف لا وعـاد الخـوالـف
بـتـضـحّي لـهذي القـضـيه بالابـنـا

#ابوكنعان_الروس

من فوهة المدفع ودانه وقاااذف..
نردع سويد الشرك ولاهجعنا

مافايدة تنديد عبر الهواتف..
ولاادانات باتداوي وجعنا

هاذا تطاول ياعرب في الطوارف..
الثانيه مره وهو يعترينا

#ابوشامخ_الشرقي

ندعس على خشم السويد الخوالف
وكل من طبع معاها وغنا

والله ما نقبل بهذي السوالف
قرآننا مصدر ومنبع قيمنا

قل للذي ودف بحرق المصاحف
لا بد ما يحرق بفوهة بغمنا

#الشاعر_ابوجهاد_صبر

دق الجرس ون تو ثري فور فايف
يا اهـل الشجاعه والشهامه سرينا

فعل السويدي فعل تافـه وحاسف
حـرق كــتـاب الله ذي بـه حـيـينا

يا كُـل كـافـر نذل واطـي وخـايف
عن فـعـلـكـم هاذا قـسـم ماسكتنا

#إتحاد_الشعراء_والمنشدين

https://t.me/aboyahyaalshami

تابع المجاراة عن فاجعة كربلاء وألمها وتاثيرها على الامة الاسلامية.

البداية #رامي_السوداني

يا كربلاء عاد الوجع حي فينا
يا فاجعه فاقت جميع الفجايع

من هول تلك الواقعه كم بكينا
وكم ألم كم حزن كم يا مواجع

سبط النبي المختار غالي علينا
بصرخته خضنا جميع المواقع

على طريقه بالجهاد انتمينا
هيهات منا الذل يا كل طامع

#عبدالله_محسن_جحاف

واحنا حسينيين وان مابكينا
ورجالنا راس الرتب في المواقع

بعد النبي وال النبي ماحيينا
نظل ننصرهم ونبقى ندافع

لحسين ألف حسين موجود فينا
يذود عن دين النبي حصن مانع

يزيد يوم انه تولا علينا
هرب نظنه نسويه بالبراقع

#مقبل_العماري

يشهد علينا الله ماقد نسينا
تلك المآسي ولألم والمواجع

والله ما ننساه مهما حيينا
يلعن ابو من ينحرف او تراجع

على طريق السبط دنيا ودينا
وولايته قوه وإيمان دافع

هذا هو النهج القويم المبينا
يا من يريد العز معنا يسارع

#ابوغلاب_همدان

يا آل طــه ياحنــيني حــنيــنا
والعين هماله غــزير المدامــع

الله يعظم أجركم في حسينا
ذي قام عن ملة محمد يدافع

لكن سلالة هنــد والــمارقــينا
حــلّوا دمه واتجاوزا كــل مانــع

والحمد لله منهجــه حيّ فــينا
لاجله من الرحمن لـ النفس بايع

#ابوحرب_الحالمي

يا فاجعه كربلاء ما قد نسينا
تلك المآسي والعناء والوقايع

احداث صبت وابل الحزن فينا
في ما حوت الآمها والمواجع

سبط النبي ثاره توجب علينا
يا امه الاسلام ما بش تراجع

نمضي مع آل البيت والمؤمنينا
درب التولي والهدى درب نافع

#أوس_مرفق

يالفاجعــــــه الكبــــــرا بكل السنينا
ياجـــــــــرح متئصل في كل خاشع

ياضر صاب الكـــــــــــون والعالمينا
والجان والإنـــــسان حتی الجوامع

غثا المسيح عيسی واحمــــد نبينا
مقتل حسين السبط ذي هو مدافع

الفاجعــه ماضي وحــــــــزنً دفينا
لكن أثــــــــــرها فعل دايم مضارع

#الشاعر_مازن_بَرَاش

من وحي عاشوراء والمها أتينا
نحمل هدى القرآن حافز ودافع

ياسبط طه في طريقك مضينا
بعد العلم لبيك يانور ساطع

ذكرى أليمة وقعها حَلّ فينا
أم المآسي وام كل الفواجع

نبقى على عهد الوفاء مابقينا
ياكربلاء هيهات منا التراجع

#ابوسياف_الكرب

القلب يتألم وينعي حسيــــنا
والعين من ماصار باكي ودامع

يافاجعه اودت بعترة نبينــــــا
منها شعرنا بلألم والمواجـــــع

مضت قرون اربع عشر مانسينا
سوى وعاد الحادثه أمس واقع

على الخطى ياسبط طه مضينا
هيهات منا الذل والا التراجــــع

#الشاعر_عزيز_البروي

لا يمكن ان تنعاد لوما بقينا
ونترك الباطل مسيطر وقابع

في ظل آل البيت ولا فنينا
هيهات منا الذل لا للتراجع

ل اعلام دين المصطفى انتمينا
انصار فالميدان ضارب وشاجع

نبقى حسينيون ابد ما حيينا
ويموت من غيضه منافق وطامع

#ابو_صماد_الفليتي

لكن على نهج النبي والحسينا
ماضين بســتبسال وابكل دافع

مهما الجروح القاسـية والانينا
من كربلاء جتنا بــكبر المواجع

بانكمل المـشوأر دنيا ودينا
على دروب حسين والحق نابع

مانخذل الأسلام طول السنينا
وامع ابن بدر الدين وسط المواقع

#ابومحضار_السقاف

يقول ابو محضار يا سامعينا
في عاشر امحرم لنا امر جامع

بانرفع الصرخة لثار الحسينا
ونواجه الطاغوت ياكل سامع

لنصرة ابن المصطفى قد دعينا
وكل عاصي بانخليه طايع

ندعس يزيد اليوم ذي جا صلينا
اسقوه كاس الموت ياكل شاجع

#كليم_النجار

يا(نينوى) ياخير دافع إلينا
ويانهاية كل طاغي وطامع

فينا إبآء وعز وايمان فينا
وكربلاء العصر هي خير دافع

والذل طول العمر به مارضينا
ولو تقطعنا قطائع قطائع

لو باتُقطّع في المعارك يدينا
وانا اشهد ان العز وسط المواقع

#ابوهادي_الجامع

يا حادثه ِفي ڪربلا مانسينا
ِجرمش ِعلا صبط النبي المداِفع

ڪلا ولا ننسا ولو قد محينا
ومن نسي ماله ِفي القبر شاِفع

سبط النبي منا ومنا وِفينا
ومقتله قد هزِ ڪل المواجع

طعن السقيِفه ماتوقِف علينا
ومستمر الغدر ِفي ڪل واقع

#ابوحسين_الشبيطي

ترفع شعار احسين قبضة يدينا
هيهات منّا الذل بكل المواقع

القلب من فعلة أمية حزينا
والعين فيها زاد حد المدامع

احنا على نهج الحسين اهتدينا
نمضي على نهجة زيودُ وشوافع

لولا السقيفة ماجرى في حسينا
ولا ارتفع باطل وزاد المواجع

#صدام_شايف_الغولي

ياهاجسي هات العلوم فالبحينا
وانظم حروف الشعر لاكنت بارع

في كربلاء ابشع جرايم يقينا
يشهد لها كل الزيود والشوافع

قتل الحسن وحسين ظلما رائينا
من شلة الاجرام واهل المطامع

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان (القران اقدس مقدساتنا)

البداية #ضيف_الله_سلمان

مابين حزب الله وحزب الشيطان
كلن يحدد موقفه ورهانه..

قال المثل(هذا الفرس) و(الميدان)
وكل فارس يثبته ميدانه..

قد بانوا اهل الكفر واهل الايمان
اقسم بمن سوّى السما سبحانه

يا من سكت من بعد حرق القرآن
والله مابه فايدة في ايمانه..!!

#الشاعر_أخوهيثم_نضال_حُميد

إحنا مع الله الرحيم الرحمن
محنا مع الباغي ولا شيطانه

في صف ضيف الله مرعي سلمان
بانحرق الطاغي مع عدوانه

ومن سكت منا ولاحتى دان
محنا بني عمه ولا احنا اخوانه

ويل السويدي يوم نرسل بركان
والقدس ابو جنحان والزنانه

ومثلما اطاول بحرق القرآن
بانحرقه ونهد كل اركانه

#نادية_السقطي

في واقع الامه راينــا الخذلان
لكتابنا القران مع اقرانه

من واجهوا كفر ونفاق الطغيان
لاعداء دين الله مع قرانه

واقع اليم يستدعي لكل انسان
يحمي كتاب الله ويعلي شانه

يتمــسك بدينه ونهج العدنان
والال والاعلام طول ازمانه

#محمد_مجلي

ذي مايدافـع عـن كتـابه او دان
مابايدافع فـ احتلال اوطانه

عن ديننا تشهــد شوامخ مــران
وكتابنا لو نطحـن من شانه

الحرب قدها حرب كبرى واديان
ماعادها حرب الطلق والدانه

يامن سكـت يبقـى زمانـه مهتان
يستاهل انه يسحبوا با آذانه

#أبوحسين_العصري

ابليس و اهل المثلية و الطغيان
والصهينة والغرب في طغيانه

حاقد و حقده من قديم الأزمان
من عهد آدم قد ضمن خسرانه

من اجل هذا قد شرع للعدوان
على الهدى واهل الغوى فتيانه

و الحل نتوعى بنور القرآن
نقدر نواجه ف الوغى عدوانه

#أبوصياد_الغمري

والله مانسكت بشعب الايمان
عن فعلة الموساد هو واخوانه

قراننـــــــا دونه نشب البركان
من يحــــرقه بانسحبه بااذانه

هذا كتـــاب الله نور وبرهان
من ناله ابسوء نقتلع شريانه

ذي ما تحــــرك مانعده إنسان
وماشاننا يااهل الإباء من شانه

#أبوخارف_ابوشوصاء

الله وياحمى عليها الادقان
مايسكت إلاشخص ربي هانه

ويش عاد باقي بعد حرق القرآن
الحرب شبت حان وقت إعلانه

من كان مسلم فيه ذرة إيمان
يكون للقرآن من أعوانه

هيهات أن نسكت لباغي سكران
قرآننا محفوظ ربي صانه

#الشاعر_يوسف_الحداد_ابوحيدر

من هو مع الله والنبي والفرقان
يوقف بوجه الخارجي وكيانه

مات الضمير الحي ببعض البلدان
والكفر يغرز خنجره واسنانه

هذا ورى تطبيع بعض العربان
للكلب الامركي وكل اعوانه

وسقوط حكام الشعوب الخضعان
شرعن لهم حرق الكتاب وبيانه

#أسـامـة_المـعبـاء

وقفـــه أمــام الله يأهل الإيمـان
ضـد اليهــودي المعتدي واعوانه

من احرقوا بأرض السويد القرآن
من أجل ينهــوا الدين من آركانه

لاكن نقســـم بالرحيــم الرحمـن
الخالق البــاري الصمـد سبحـانه

ان ننهــي إسرائيل مع لامريكان
وايضآ اخو نـوره وابن مرجانه

#أبوالكرار_المجنحي

اقسم بطه والزمر والانسان
؟وبكل أيه جات في قرانه

ان الدم الي ما اشتعل في الشريان
انه يهودي واليهود اخوانه

وين امة الاسلام وين العربان
نادكم القران يا فرسانه

نتايج التفريط هي والخذلان
يحرق كتاب الله من عدوانه

#ابوفتح_الجرادي

اكبر شواهـــد عصرنا والبرهــــــان
بانت فـي الحلف الردي واعـــوانه

من باعـو الاسلام بارخص لثمـــان
للغـرب وتولــــو مــــعه شيطــــانه

صارو لأمريكا وصـــهيـون اخــوان
ونفــذو فــــــي شعبنا عــــــدوانه

#الشاعر_أبوعزام_الشامي

من منبع الحكمة وأرض الإيمان
والإستعانه بالقوي سبحانه

والله ما نسكـت لحزب الشيطان
بانحرق المجرم مع شيطانه

وكـــل ساكت ما يريد من برهـان
مافــائدة حفــظه مع إيــمــانه

هــــذا كـــتاب الله أسمى عـنوان
ملعون من يسكت على خذلانه

#ابوهادي_الجامع

النور والاسرا وسورت لقمان
والطور والفرقان في قرآنه

منهو مآمن بالقوي الرحمن
مابا يقِفي برجله وآذانه

اما ومسلم صدق والا خوان
ما ِفايده ِفي دان دانه دانه

خلاص يتخلا ويعبد اوثان
ودين ربي يتركه ِفي شانه

#ابواياد_المطري

ياكل مسلم فز واجمع دومان
هذا كتاب الله عظّم شانه

قد حرقوة المجرمين الطغيان
واجب نقطّع لليهود ابنانه

لاما وقفنا ضدهم حتى الان
با يكثروا يا صاح في الملعانه

قف موقف اللي فيه قوة إيمان
اللي في الأرض إتّبَع قرآنه

#الكرار_المشراقي

منهو معى الله موقفه بايبتان
يثبت معى القران صدق ايمانه

يبذل حياته في سبيل الرحمن
وكل غالي يرخصه من شانه

ومن سكــت نهايتـه بايهـتان
وفي جهنم قد خسر خسرانه

#ابوزيد_الزبدي

يا أ مه الاسلام يكفي خذلان
ضد السويد وفعالها الشيطانة

ياذي  بتتفاخر  بحرق  القران
ماباتنجيك السويد واعوانه

لاما نصرنا الدين حما الادقان
ومن  مع  القرآن  ربي  عانه

في السويد قد زاد حرق القران
والنفس ضدش يسويد عطشانه

#إتحاد_الشعراء_والمنشدين

https://t.me/aboyahyaalshami

المجاراة الليلة لمناقشة كلمة الرئيس #مهدي_المشاط خلال لقائة بوفد من #قبائل_الجوف.

البداية #فتى_همدان

كلمة المشاط يا اهل الفلاحي
ذي طرح فوق النقاط الحروف

ناقشوها من جميع النواحي
تأمنوا في الجوف من بعد خوف

#فايز_بقلان

ياقــــوم للجــــودات هـــياء المراحي
حسب الوفاء والجود بنيان الصفوف

قومــو مـع الريـس لصـنع النجاحي
مثل الذي قادو المعارك بالسيوف

#الشاعر_منصور_الحراسي

قائدي يا طب يشفي جراحي
يا غمامه فوق هام الظروف

طالما والأمن يا اخوك صاحي
أي مجرم باينال الحتوف

#أبوعلي_البريهي

قالها المشاط يا كل قاحي
يد بيد نقهر جميع الظروف

بالكرامة بالإبا بالكفاحي
وحدوا ضد الطغاة الصفوف

#الشاعر_زياد_زيـد

يارجـال الجـوف انتوا رزاحي
وقـعوا على الـورق والكشوف

وحـدوا الصـف قبل المراحي
يامقـاديـم النكـف والـصفـوف

جريح الحرب#رفيق_زرعان

مهدي المشاط رجال قاحي
في السياسة او بصد الزحوف

كلمته بلسم يداوي جراحي
تشفي اوجاع هذه الظروف

بعد طول الليل يطلع صباحي
والتجلي جاء بعد الكسوف

#ابوبدر_ذيبان

يارجال الجوف يا كل قاحي
هيأوا للامن كل الضروف

كلمة المشاط تداوي الجراحي
حل كل اشكال رص الصفوف

#ابوحمـزه_المـقـاش.

كـلـمـته طلقـات تـسـكـن سـلاحـي
ترمـي الـخـايـن وعـيـنـي تشـوف

شـافـي الآمـي وبـلـسـم جـراحـي
مـا تـروف الا بـمـن هـو يـروف!! "

#حسن_الجدمي

القبائل عريقة تتبعه بارتياحي
وتعرف ان الحل لم الصفوف

والمشير الركن مابه مزاحي
ويل من ودّف بهذا الضروف

#الشاعر_ذوالفقار_القيدله

يا أولو الألباب. ياكل صاحي
انتم اخبر عن جديد الضروف

مهدي المشاط حسب اقتراحي
قد أتا باالحل. واحنا نشوف

#أبوصخر_الجوحمي

افهموها توصلوا للنجاحي
وحدوا الكلمه ورصوا الصفوف

واستغلوا ارضكم هي فساحي
وازرعوها من جميع الصنوف

#الشاعر_ابوجهاد_صبر

أكـد (الـمـشـاط) يـاكُـل قاحي
فــي لـقـائـه للـكـرام الضيوف

قال الأعداء راهنوا لإجتياحي
بـالـتـفـرُّق وإنشتات الصفوف

مـهـدي اليله يـريـد إصتلاحي
ينهي الثارات رغـم الـضـروف

#ابوهادي_عقاب

مهدي المشاط عارف وصاحي
يبلغ الحجه بأدق الوصوف

يرشد الاحرار رغم الجراحي
والخون فالجوف تلقى الحتوف

#ابوحـمـزه_الــعــزي

قــادنا المشاط نحو الفلاحي
فــي سبيل الله شــم الأنوف

رجال ماتُخدع برفع الرماحي
اتسلحت الايمان ثم السيوف

#ابوهادي_الجامع

ڪلمت المشاط بلسم جراحي
هي غذا من ڪان صايم عطوف

هامته في الجو وقت النطاحي
ماتعرڪل من جميع الضروِف

#فايز_الحمزي

يا ظلام الليل هذا صباحي
قد تجلى البدر بعد الخسوف

من يريد الأمن ونهج الفلاحي
ما يخون العهد بكل الظروف

#ابوزيد_الزبدي

كلمه المشاط داوت جراحي
وهتمامه نحو توحيد الصفوف

هاتوا لي الجعبه وهاتو سلاحي
شعب جاهز للقا والزحوف

#محمد_الزكري

حسب تفكيري وحسب اقتراحي
مهدي المشاط لا حلت يطووف

كلمة كلمه وتقريره نجاحي
والتكاتف هوو موحد لصفووف

#عبدالله_محسن_جحاف

مهدي المشاط مقدام قاحي
من رجال احسين شم الأنوف

قال يبن الجوف خليك صاحي
والخون ريسانهم للقطوف

#الشاعر_أبوالعز_القيدله

شعبنا شعب الـــوفاء والكفـاحي
شعب صامد في جميع الضروف

رغم كيد الكفر بحمل ســـلاحي
بعد ابن البـــدر مــابه حســـوف

#مقبل_العماري

في سبيل خافظ جناحي
ومن وثق بالله مابا يخوف

من رمال الجوف هبت رياحي
والمنافق بايشوف الحتوف

#ابوالقدس_الجهيزي

هـكـذا المـشـاط لاقـال قـاحي
تبدأ الـقـوات نحـو الزحـوف

يسمع لهبها كل نايم وصاحي
ومن يوالي امن من بعد خوف

#ابوفارس_قحفـه

كـلمـته ضـمـن الـسـلاح الـمـلاحي
كـاشفـه والـقـلـب فـيـهـا شـغـوف

مـن حـروف الـطور والانـشـراحي
حـمـلهـا مـن فـوق حـمـل الكتوف!! "

#ماجد_القادري

التكاتف والإخاء كل الضواحي
يلتزم ياابن دهم ياابن نوف

بايكون الأمن بلسم في جراحي
والتكاتف يارجال الجوف عوف

#ابـومـازن_الـرازحـي

مهدي المشاط إنسان صاحي
بالمخاطر ذي تشق الصفوف

للشعب كله يريد الصـلاحي
من غرب صعدةإلى شرق حوف

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان الجاهزيه والأستعداد لخوض كل مراحل المواجهه مع العدو في البر والبحر والتصدي لكل مؤامرات الأعداء.

البداية #أبورواسي_أرحب

البحر الأحمر موج من تحته أمواج
يغرق أساطيل العداء والبوارج

وإعدادنا للقادم أفواج و أفواج
للتصفيه والحسم داخل وخارج

#ابوعبدالله_الغولي

بقوة الله بانغلق المندب ونهد البراج
وجيشنا فالبحر كالموج هايج

نستقبل الاعدا۽ من ببطن ابوتاج
والحرب عند اليماني مثلزوايج

#ابوطارق_زياد_محسن

موج المنايا للعدو غيث فجاج
والعزم فيهم بعد ماصار زالج

قل ابن سلمان بس يكفيهم احراج
هم داء في الامه واحنا المعالج

#ابونكال_همدان

ياسيدي يبن النبي يانجم وهاج
ياهادي الامه لكل المخارج

باتشهد امواج البحور احدث انتاج
مُنتج يماني وقت حرق البوارج

فيها براكين اليمن تصنع امواج
طوفان تعصف باليهود الخوارج

#ابوهادي_الجامع

البحر الاحمر عصرته موت سجاج
يندم من اتعدا ولا له مخارج

بايزِرط امريڪا بوارج وميراج
احوووه منه بحر ڪم بايزِارج

#ابوالقدس_الجهيزي

حان النقاء والكل فاقد ومحتاج
للحرب نقصف بالقواصف بوارج

لاقد بني صهيون تتجمع افواج
فـ الحرب تظهر للجميع النواتج

ياجيش بالايمان قد حطم ابراج
لندن و واشنطن ودق الخوارج

#الشاعر_يعقوب_الخمري

البحر الأحمر موت قاتل ومزلاج
ونهاية أمريكا أبتدت لا مخارج

ف إحنا تولينا الهُدى آيات منهاج
بقوة الله نحرق سفنهم والبوارج

#الشاعر_ابوحاشد_معمر_ابوسعيد

بحر اليمن نيران يتنابع أمواج
ييستهدف العدوان داخل وخارج

ماعد معا من يوصله اي مخراج
لا بالزوارق لا والا بالبوارج

#أوس_مرفق

البحر الاحمر صار عاطش ومحتاج
يروی مـــن ادماء الفضول الخوارج

وامواجه العظۡما لها صــــوت رجاج
كأنــها الـوعـــــد الـذي فـي المعارج

#ابومعارك_ المعدني

ياحلف ما يخجل ولايعرف احراج
ارحب ب(اساطيلك ) وكل البوارج

قد ضيفتك جاهز ولا عاد يحتاج
ب(نخلط) البارود بين الحوايج

#ابواحمد_العفيف

البحر الاحمر هج بالموج واهتاج
والخصم يفهم لا البحر هايـــــج

يكف نفسه لايسبب شي ازعـــاج
ولاجــباه الموت داخل وخــــارج

لوتحشدوا لابحرنا الهاج والــداج
تاكــدو ا ماحد من البحر خـــارج

#حسان_الكوكباني

الـيـوم يلـعـالـم علـيك بتفـراج
واحصر جميعات العِبر والنتايج

اليوم جن البحر بتموج فى الأمواج
وتـغـرق اساطيـلـه وكـل البـوارج

ما همني لا جا العدو جيش وافواج
مـادام هـو ربي بـنـاصـر وفـارج

#ابوزيد_الزبدي

مياهنا الاقليمه موجها هاج
والبحر الأحمر فيه تحرق بوارج

الحرب ماهي فلم تصميم ومكساج
ومن دخل في الحرب ماهوه بخارج

البحر فيه الغام حاطم و معراج
نهاية ا مريكا وكل الخوارج

#ابو_يحيى_الحارثي

يكفي كفا ياالغزو يكفي تهماااج
بحر اليمن لا هاج مالك مخارج

ما ينفعوك اهل الغوى والتلاباج
  حد اليمن نيران قُل. للخوراج

عطف فرشك مانت ناجي ولاناج
البحرالاحمرموت داخل وخارج

#ابوهادي_عقاب

قولوا لامريكا ومن غير لغاج
تحسب عواقبها اذا باتخارج

صبر اليمانيين من دون احراج
لاقد نفذ ماعاد معها مخارج

فالبحريه والبر نصداد الابراج
وقوة الله تلتقف كل مارج

#عدنان_سالم_الذويبي

ما ينفع القيصر ووهنفر وحجاج
وبحرنا ما. يوصلوه.(( الخوارج))

ياما وياما قد حرق داخله أفواج
وكم يا غزو قط طاح في موج (هايج))

قد طار قرن إبليس في ريح واعجاج
والبحر. مالح مايرحب ( بسامج)

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان تجسيداً لقول الله ..النبي اولى بالمؤمنين من انفسهم.

البداية #محمود_الجنيد

لجل (النبي) رأسي وروس اولادي
تقــرح وتتفجـــر وتحـــرق دونــة

حب (النبي) نهجي ونهج اجدادي
ذي في الوغى بارواحهم يفــدونة

إسـم (النـبي طـه) نشيــد بــلادي
ذي خصهــــا باقــواله المضمــونة

#الكرار_المشراقي

لجل النبي روحي وفلذ اكبادي
متعطشه تفدا النبي مجنونه

يامن سكن حبه صميم افؤادي
وقلوبنا له بالولاء مشحونه

في منهـــجه مـاردنا ردادي
نقتل ونفنا كلنا من دونه

#ابوهادي_عقاب

حب النبي والال زاد فؤادي
وسلو نفسي لا غدت محزونه

روحي فداء ذكره وكل انشادي
باسمه نزومل نوزن الايقونه

من قال بدعه مولدك يالهادي
فعليه لعنه والعمى لعيونه

#أسـامـة_المـعبـاء

هـاذا النبي المصطفـى والهادي
روحي بحبــــه ذايبـــه مفتونه

لو بخســر حيــاتي لأجله عادي
يفـــداه كل غالي ويقتــل دونه

حفـرت اسمه في صميم فؤادي
ونفسي من هديه بقت مصيونه

#مرتضى_ناجي

وصيتــي لبني يـقـول لـحـفادي
نفسي ومــالي للنبي مــرهـونـه

حـب النبي وآلـه بوسـط اكبادي
دقـات قـلبي بسمهـم مشحونـه

ذي ماعشقهم في الحياه متمادي
نـقطـع وريـد انفاسـه الملعـونه

#مقبل_العماري

اقبل علينا اليوم ذكرى الهادي
واجب على الاعراب ان يحيونه

نقهر به الملعون والموسادي
والشله الباغيه والملعونه

صلو على المختار يا عوادي
هذا رسول واحنا دونه

#الشاعر_بشير_الشامي

صـخـرة فـي حبه فمي وازنـادي
واجعلة مـن اجلـه حروفي مـونه

حب النبي في داخلي مش عادي
نـفـسـي بحبه مغـرمـه مجـنـونـه

والنفس ذي في مولده بتـعــادي
قــلـدنـي اللـه بنـهـا ملـعـــــونــه

#محمد_رطاس

والله مانترك ابد ذا الوادي
ولانصدق كذبة الملعونه

حب النبي شربي وايضا زادي
والاورده بالحب له مشحونه

حب النبي ماهو لنا شي عادي
حب النبي طاعه رضاء مسنونه

#منذر_الطيبي

حب النبي شربي ولقمة زادي
علاج كبد المؤمن المغبونة

إن كان حبّك "شِرك"هذا إفسادي
بالحب هذا مهجتي مفتونة

وذي يحاول بالحروب إخمادي
ذكراك تشحن فُلكنا المشحونة

#أبوعلي_مبخوت

حب النبي في مهجتي وفؤادي.
لجله نضمت ابياتي الموزونه

بانحتفل رغماً على الحسادي.
والضوء الأخضر شع مجمل لونه

السوق وللع والفلل والنادي.
والبيت والشارع وراس حصونه

#ابوبدر_ذيبان

طه وحبه منــــهلي وزوادي
فطره من الله راسخه مكنونه

عقيدتي ديني وسـر جــهادي
وسيلتي للغايه المضــمــــونه

محمد النور البديع الهــــادي
درب الفلاح وطاعته مسنونه

#ذاالنون_مشتاق_شريان

حب النـبي في داخـلي وقـــادي
حبه أساسـي لاحـياة أبـــــدونـة

جدي وصاني توصية لـحفــادي
حبوا النبي لاخـــر حفيد تلقـونة

من كثر حـبه اليهـــود بتعــــادي
بي حاربوني شــلّـة الـــــملعونة

#محمد_محمد_زيد

لجل النبي لوبا يسير اكبادي
والي لدين الله فاالله عونه

حب النبي من عهدكم يجدادي
لجله نكون الدرع ولا المونه

بانحتفل ننثر بعيد الميلادي
كا لن يطبع او. يغير لونه

#ابوتراب_الوادعي

شوقي للقياء(المصطفى) وقادي
والروح في حب النبي مجنونه

حبه فريضه واجبه ياحادي
واعظم عبادة بالهدى مقرونه

طه ختام الانبياء والهادي
لأجله خلق رب البرايا كونه

#ابونكال_همدان

لجل النبي طه بذلت اولادي
وكل غالي في الحياه يفدونه

هذه وصيه قد وصيت احفادي
نحيا من اجله اوفنينا دونه

ماهي غريبه ورث من اجدادي
مولد محمد الجميع يحيونه

#عبدالمجيـد_الغـانـم

لمــــن حبـــــه سكـــن بفـــؤادي
ومن دماءنا له فــداء لادونـــــه

محمد المختــــار طـــه الهــادي
سيد الخلايق والامــم وحصونه

في مـولده ثـابت علا الميعــادي
واقسم برب الكـون مابا اخـونه

#نبيل_المهـــــــــدلي

يا سيدي يا صانع الامجـــــادي
ذكرك دواء النفس ذي محزونه

أوصيت أهلي واخوتي واحفادي
المــــــــوت دونك سيدي يلقونه

في طاعتك نقتل مع الله عادي
ولا نسلم للقوى الملعـــــــــونه

#الشاعر_أحمد_الشريف_ابو_فاطمة

حب النبي طه سكن با فوادي
والله يرحم كل من حبونه

هاذا النبي هاذا الرسول الهادي
با قلوبنا بانحفظه ونصونه

حب النبي فينا كبر وزدادي
وبانعادي كل من عادونه

#ابورائد_السعدي

محمد اولى بي سرور فؤادي
وفرحتي به صادقه مضمونه

محمد الهادي منار وداي
أقرب الى روحي ولا حد دونه

حبه يعانق هاجسي وأنشادي
في نبض قلبي والمشاعر كونه

#ابوهادي_الجامع

حب النبي المصطفى والهادي
في القلب ساكن والحشا مسكونه

ولينا جدي وابي واحفادي
واولابنا من نفسنا المئمونه

هاذا رسول الله ماهو عادي
ماكان للاسلام شي من دونه

#ابو_وعدالله_هفج

بـ ابـــي وامــي يا (النبي) الهـــادي
وروح هـذا المـؤمــن ومضــنونــــة

فـي كُـــل عــادي لليـــمن ميـــعادي
مــن المــبادي (مولـدك) يحــيونـــة

صـــلاة ربـــي ما يســـيل امــوادي
وحـن رعــادي وصــب امــزونـــــة

#إتحاد_الشعراء_والمنشدين

https://t.me/aboyahyaalshami

انت فينا ياختام المرسلينا
انت فينا حي. ياخير. الانام

وانت قدوتنا امام المشركينا
وانت قايدنا المبجل والهمام

وانت منقذنا من الشر القينا
وانت مخرجنا من اجحور الضلام

وانت يابو فاطمه منا وفينا
رسلك ربي لنا مسك الختام

بك جعلنا الله ربي مسلمينا
بعد ماكنا في. الكعبه غُشام

الف. لك لبيك. يا طه نبينا
والف لك لبيك يابدر. التمام

مولدك. عزه .لنا دنيا. ودينا
مولدك. بانحتفل به. كل عام

بين مالاعراب تعشق جون سينا
نعشقك والعشق فينا مستدام

بين. مالاعراب ضلو مانسينا
وكل. ماضلوم يزيد الاهتمام

ون نسينا يومها تبت يدينا
بس حبك دوم يجري في العضام

حبنا. لك حب يا طه ثمينا
بعد حب الله حبك في الامام

يوم ميلادك حضرنا واحتفينا
واليمن حضر لها شرقي وشام

لابسين اللون لخضر واكتسينا
واكتسات العاصمه ثوب السلام

اخضر. اخضر يامدورنا لقينا
ادخل القوقل وشاهد للتزام

شعب شوف الخارطه تشد علينا
في صورها اليوم يطلع لون عام

من جعله الله في الدنيا وصينا
يستحق ايكون من فوق الغمام

#ابوهادي_الجامع

تابع المجاراة بعنوان أستعداد الشعب اليمني
لنصرة شعب فلسطين قول وفعل رغم خذلان الأعراب المطبعين والساكتين على مجازر الموساد في غزة.

البداية #أحمد_الماوري

هـذا هو الإســـلام هـذا هو الـديــن
ما لليــهـود اليوم عـاصـم وسلطان

يا احرار غــزة يا كتايب فلســطين
شنّوا على المستوطنات الف عـدوان

البارحة طـوفــان وطـوفــان ذلحين
واحـنا نـعــزّزكم بصــاروخ طـوفـان

#الشاعر_ابوجهاد_صبر

مـن دار ابـوجـبـريـل والسيد إحـسـيـن
مـن موطن الحكمه ومن شعب الإيمان

يــا ارض غـــزة كُـلـنـاء مـسـتـعـديـن
والــكــل قـد جــهّــز عــتــاده والإدوان

نـقـسـم. بــمـن. ســوّئ. محمد وياسين
لـو يـفـتـحـون الــخــط لا نـسـري الآن

#ابوكرار_المجنحي

طوفان رجع للعرب يوم حطين
في معركة ماكان تخطر بحسبان

كتايب القسام تقدح براكين
ماهمهم لندن ولا جيش للمان

خلو قوى جيش اليهود الملاعين
الرعب يجري في دماهم ولبدان

#ابوكنعان_الروس

ياغزة العزة بقوه وتمكين
النصر قادم من قداء شعب الايمان

لعنة على الأعراب والمستحلين
الصهينة والمملكة وأل نهيان

لا وين يا حفاد الخنازير لاوين
قله على فرعون يامكر هامان

#أحمد_الوايلي

لبيك يا الأقصى خرجنا ملايين
يدنا بيدك يلعن الله من خان

قامت قيامات العدو يا فلسطين
النصر من ربي وقاهر وبركـان

دم العروبه مات باقي لنا اثـنـيـن
حسن وابو جبريل قادات شُجعان

#الشاعر_أبوعزام_الشامي

ليش التخاذل ياعرب عن فلسطين
شوفوا الذي حاصل بغزه إلى الآن

لازم نـــساندهــا بــقــوه وتمـكــين
نوقـــف بجــانبها عـلى أي عنوان

يكـــفي ياعـــرب ذلـه وتــهــجــين
جـــهـاد المعتدي واجب وقد حان

#ابوهادي_الجامع

شعب اليمن بايجمع الصف صفين
لبيك يالاقصى ولو كان ما كان

لبيك يامسراء النبي طور سينين
والله يلعن من تخلف ومن لان

لا كفو. الاعراب محنا مكفين
ابشربنا ياقدس نأتيك فرسان

#أبوصخر_الجوحمي

احنا اليمن حكمه مروءه مع الدين
نوفي مع الاقصى ولو كان ماكان

بقيادة ابن البدر شعبي معدين
للمعركه في القدس قاصف وبركان

ياقدس ياغزه وكامل فلسطين
ابشر بجيش العز من شعب الايمان

#كليم_النجار

نحسم شراع المعركة يافلسطين
والشعب جاهــز ماتــوانا ولا لآن

لأكبر معارك بالأباء مستعدين
نيل الشهادة خير مقصد وعنوان

نرّغم انوف البغي والحلف بالطين
ونسحبله بالراس صاغر ومهتان

#ابوحسين_السحاري

الله وأكــبـر فــوق حلـف المظلين
والله وأكـبـر ذي شـرع قتل هامان

والـمـوت لامريكا وصهيو وبـرلين
واللعنة اللعنة على أيهود عِجـمان

والعز يا أقصى على منهج أحسين
سُفن (النجى)للمسلمين آل عدنان

#ابو_صماد_الفليتي

ياشـعبنا المـؤمن على غازي الدين"
لبي نداء غـــــــــزة إلى كل ميدان"

وسري مع الاقصى وحـرر فلسطين
وجاهد اســــرأئيل واحلاف شيطان

رغم الصـــعايب والعناء والمضلين
لبيك يامسـرى النبي طول الأزمان

#ابوحزام_ سامي_المضري

اليوم هبو فوق حلف الملاعين
حان اجتثاث الكفر ياخواننا حان

غزه والاقصى ياعرب ذي ينادين
وين الرجوله والحميه والايمان

خمسين دوله ياعرب وين راحين
محدفزع معهم سوا حزب لبنان

#الشاعر_حسين_المستكا

قولو للاقصى بانجي بالملايين
ونطهرة من كل ملعون شيطان

وشعبنا جاهز يجي لا فلسطين
لو بايجيكم رجل والكل حفيان

ارض اليمن للصهينة كا البراكين
حرام لو شي خط لا يمشي الآن

#ابوحرب_الحالمي

ابشر بنا يا قدس واحنا اليمانين
قوم النبي والآل حكمه وايمان

يا كم نسفنا مملكات وسلاطين
وفي يدينا كم سقط قبل عثمان

تبت يدا المحتل وعاشت فلسطين
واحنا بجانبهم بساحه وميدان

#أبوذي_يزن_الدربي

يا كاتب التاريخ خبر فلسطين
إن اليمن يعلن نفيره مـن الآن

با ندعم الاقصئ وبا ننصر الدين
وابن اليهودي مالهم غير طوفان

#قرناس_القديمي

النصر قادم شب نار البراكين
وامريك في الميدان لا شك خسران

بقوه الله والرجال الميامين
بل موت نسقيهم بدبشك وفلكان.

القدس غايتنا من اسنــين وسنين
صرخ به ابن البدر من سط مران

#ابو تراب_الوادعي

من سورة الاسراء نسري فلسطين
مع العلم عبدالملك عالي الشآن

ونحرر اقصانا من أولاد رابين
ونعيد مجد الأرض وامجاد الانسان

احنا السند واحنا المدد يافلسطين
مابانخونش قط لو كان ماكان

#أسـامـة_المـعبـاء

من با يجير اليوم حلف الملاعين
من بأس آولوا البأس حمران الاعيان

يا أرض "غزة" فابشري بالميامين
ذي با يهدوا الصهينة والمريكان

الفتح يومه صار في قاب قوسين
ونهاية إسرائيل حانت من الان

#أبويمان_المهذري

ياقدس جاك أنصار ربي الميامين
طوفان يـغـرق صهينه والمريكان

وتـجـهـزوا وتـحـركـوا بـالملايين
والـقـائد مجهز بـ قاصف وبـركان

وحـدودنـا لا تغلقت جـوَّنـا ويـن
نرسل لهم سجيل من بين الامزان

#إتحاد_الشعراء_والمنشدين

https://t.me/aboyahyaalshami

تابع المجاراة عن عملية #طوفان_الأقصى وانهيار الكيان الصهيوني

البداية #ضيف_الله_سلمان

حصحص الحق والوعد الالهي تجلى
حلقت يابني صهيون من كل جانب ..

الف طوفان قادم يااليهود الاذلاء
شعب ياسين والقسام كله كتايب..

قال ناطق سرايا القدس الايام حُبلى
والعواقب وخيمة يا جيوش الارانب

الكيان انتهى جرحى واسرى وقتلى
والخيارات تاتي فالزمان المناسب..

#ابتسام_شرف_المحطوري

داعي الله نادى جـاهدوا من تولى
ارعبوا الكفر جمعاً بسيف مدمي وضارب

اليمن يافلسطين ماوقف أو تخلى
عن قضية عظيمة تعتبر فرض واجب

حب الاقصى بشريان اليماني تغـلى
عن قريب الرجال الصادقة سيل غاضب

يجرف الظلم ذي أجرم تمادى تعالى
بشاير النصر فاحت لا غالب اليوم غالب

#ابـومـازن_الـرازحـي

قل لصهيون كم طوفان من بعد هـلَّا
لو حشد جيش أوربّٕا والغرب مايواكب

ثلث شعبه،قد اصبح بين أشلاء وثكلى
والبقية على ابـوب المطارات هـارب

لجل طوفان واحد صارو اعجاز نخلا
من كتيبة بمحور من مئات الكتايب

إرحلوا لعن ابوكم واسحبوا من تولى
فاي طوفان قـادم، با يجـر الطلاحب

#حامد_النمري

يااجبن الخلق ولى عصرالاذالال ولى
شع نور الصبح بين منافق وعايب

نورالاسلام شع وكل خافي تجلى
مكرهم والخداع اليوم قدصارخايب

الخلى يااليهود القدس ضايق وملى
الخلى ياااخس الخلق واصل المصايب

صبرنا قدنفذ يانعن ابومن تخلى
نعن ابومن رضى للقدس واهله غلايب

#الشاعر_ابوحيدر_عامر

جيش صهيون نصه بين جرحى وقتلى
والبقية عشاء قومي رجال الحرايب

والكيان في هوس آيات ربي تجلى
امزعو راس ابوزنار يهل النوايب

نصرنا نصر كوني كلمة الله أعلى
مد جنده بعونه في جميع الجوانب

قوته غالبه والقدس اغلى وأغلى
لن يعادل ترابه كل ذا الكون قاطب

#الشاعر_عزالدين_المرادي

طعفروهم رجال الله انتاف وشلى
ورتوت لارض في غزه بدم الأجانب

اذن الفجر في الاقصى وكبر وصلا
وانطلق في سبيل الله قلباً وقالب

وعد لله ذي من فوق عرشه تعلى
مانفرط في افلسطين والله غالب

بلغو صلف اسرائيل اهلا وسهلا
قبله الموت الازول في فلسطين ضارب

#الشاعر_عبدالكريم_الشمسي

الله أكبر تزلزل بارق النصر علَّا
شبت النار شبت شرقها والمغارب

طاف صهيون طوفان المقاوم وملَّا
من جثثهم جهنم وأمتلت بالكتايب

هذه إلا البداية باقي ايام خبلاء
يحلم النذل فيها ان يعود الترايب

يوم يندم منافق لليهودي تولى
بعد طحن الصهاين باللضى والمخالب

#ابوهمام_سليم

راح عـصـر الإدانــه يا عــربـنـا و ولّــى
وابتدأ عصر أخـذ الثأر والـحـقّ غـالـب

حان تحريرالأقصى سُعدمن فيه صلى
واحـتـزم جعبته للقدس شـد الركـايب

والتحق في النشاماما خـظـع او تخلى
ضمن محورمجاهد رغم كل المصاعب

الكيان انـهـزم مـابـيـن جـرحـا وقـتلـى
يوم طوفان الأقصى طم من كل جانب

#ابوهادي_الجامع

يبن سلمان قل لصحابك اليوم مهلى
جيش القصى نهاية كل خاين وعايب

البشاير قريبه قول متبوع فعلى
والنهايه قريبه والغرايب قرايب

مثل طوفان قادم الف مليون واعلى
كل محتل غاصب بايشوف الغرايب

#مانع_البوساني

الظلام انجلاء والضُلم غادر وولَّاء
وانتهت هيمنة صهيون بعد التجارب

بعد طوفان ذي جنَّح بريشه وعلَّاء
حطَّم الكُفر واسرآئيل سارت خرايب

واليهود انتهوا قطَّع مناخرهم اشلاء
بادهم ذي إبادتهم لنا فرض واجب

#أبوأحمد_الوايلي

لآح براق نصر القدس والشر ولـى
با تزول الفتن وتزول كل المصايب

فوقهم يا سرايا القدس يامن تولآء
بعد ربي كتابه والنبي وإبن طالب

اليهودي تقطع داخل القدس أشلاء
ما بقي له مِنجي من رجال الحرايب

نصـر ربي لمن جاهد عدوه وصـلـى
من توثق بحبله مارجع يوم خايب

#أحمد_الخاشب

ما لصهيون -من طوفان- ناصر ومولى
قل له البيت الابيض مثل بيت العناكب

محور الحق بعد اليوم قد قال كلا
لا بقى لاي صهيوني يهودي وغاصب

انتهت كل هدنة قد أضلّت جِبِلَّا
وابتدت مرحلة تمزيقهم بالمخالب

#محمد_مجلي

ياشــواهــــد في الواقــــع وآيات تُتــلا
وثقـي معـركــــة طـوفان من كل جانب

سلط الله محـــورنا على امـــريك وابلا
بعــد ماباعوا الاقصـى العــرب للأجانب

انهـــزم جيـش بن صهيون وادبـــر وولا
مامعه غير يرحل غصب مذموم خايب

#ماجد_المطري

جيش صهيون من طوفان الابطال ولَّى
ذاك مقتول ذا مأسور هاذاك هارب

دام والحق لاهل الحق والحق يُعلى
لن ترى القدس بعد اليوم محتل غاصب

وابشري يادما الأطفال يادمع ثكلى
حان ميعاد أخذ الثار والثار واجب

عزمنا عزم يتلهجم كما نار شعلى
با نشارك ببركان اليمن والكتايب

#عبدالله_حسين_مسعود

حسبنى الله جل الله والله اولى!!
من تولاه يتفنن بصنع العجايب!!

من يصدق مع اسرائيل الفين ثكلى!!
بعد طوفان حلي فوقهم يا المصايب..

الزمن دار والأشلى تقابل بأشلى !!
قل لصهيون هل تقوى فراق الحبايب؟

#عبدالقوي_البطل

واليمن قام في عمق الحدث صرح ادلى
قال واجب علينا ياعرب الف واجب

نعتصر كلنا ثورة مع القدس فضلى
نرفد اخواننا بعيوننا والحواجب

نار الغضب فليماني حرها كادحة
أين المفر من رجال الله وتحذيرها

و نحرر القدس نفتحها بها الفاتحة
ونزحـزح الشـر ونرِّجـع لها خيـرها

#الشاعر_ابو_نجران_المرادي

كل الجرايم امـــــام المسلمين واضحه
والانس والجن تشهد من حوافيرها

صلف اليهودي طفح والصهينه طافحه
واليوم الاقصى وغزه حان تطهيرها

#ابوكرار_المجنحي

لوشي عروبه وشي عربان متناصحه
لايدعمو ارض غزه لجل تحريرها

لكن اسف كلهم في بعض متناطحه
والغرب يسعى بقواته لتكسيرها

#ابوكنعان_الروس

الله لا وفق التطبيع ولاسامحه.
ذل النفوس الضعيفه بسم تطويرها

والله يخزي وجيهه بااليهوده فارحه.
ولعنة الله على الأعراب وتسييرها

#ابوهادي_عقاب

غزه تنادي لامه فالخنوع طايحه
ما غير محور مقاوم هم بتحريرها

لازم تدخل اجابه بالسلاح قارحه
اما الادانه فما تنفع وتقريرها

#الشاعر_ابويزن_الصيادي

نقرأ على موت الانسانيه الفاتحه
بياعة القدس مايسعو لتحريرها

ومن تفرج على غزه فلا سامحه
هذه خيانه وما نقبل لتبريرها

#ابواياد_المطري

حكام في كرسي السلطات متشابحه
ولا استفاقت مع غزه لتحريرها

وكلابها في مسار اليهوده نابحه
الله يلعن عروبتها وتعبيرها

#أحمـد_الاهــدل

نقسم برب الفلق والقاف والفاتحه
ما يبرد الدم إلا بعد تحريرها

هاذي الذي عندنا في الغد والبارحه
والمعركه لم تزل باول مشاويرها

#ماجد_القادري

شفت العرب والعروبه كلها نازحه
متفرقه بالمواقف حاز تصغيرها

ذي مايصون شربة العذب يشربه مالحة
لاكن غزه عظيمه صوت تكبيرها

#الشاعر_ابوفضل_المتوكل

كبودنا اعطاش والبغمات متنافحه
لري الاكباد بسرائيل ...تكفيرها

وكل من خان له في عيبته صافحه
ونافخ با ينفخ .......بتعزيرها

#ابوحمزه_المقاش

مـا يـنـصـر الـديـن الا قـوم لـه شـارحـه
سـنـه عـضـيـمـه تـجلـة حسب تـعبيرها

دام الـعـيـاراة لا مٌـره ولا مـالـحـه
غـزه كـرامـه جـلـيـه حـان تحـريرهـا

#الشاعر_أبوعزام_الشامي

بحــق الإسراء وحق الكهف والفاتحه
يارب أنصر فلسطين ياكريم جيرها

حكام الآعراب دومآ في النفاق فالحه
راضين بتدمير غزه بل وتهجيرها

#أبوصخر_الجوحمي

من قام ضد اليمن في حربه البارحه
هو نفسه اللي على غزه وتدميرها

بفضل الاخلاص مع ياسين والفاتحه
تخزي وتهزم بني صهيون ماغيرها

#أبوأحمد_الوايلي

ذي ما يلبي نداء غزه وهي صايحه
محسوب من شِله أمريكا وفي سيرها

العار له من ترك لأقصى وهي طايحه
ونال كل الشرف من في جماهيرها

#ابوهادي_الجامع

من كان مسلم يصارحني وباصارحه
لغزه الكل. نسعاء بعد. تحريرها

واللي مروح وعاد الناس متسارحه
لاعز. نفسه في الدنيا ولا غيرها

#الشاعر_زياد_زيد

فصـايل المعتـدي وحلافهـم طايحه
والقـدس ربي امرنا أمـر بتحريرها

كل العرب يارجال قداصبحة كادحه
وكل دولـه عـرفنـا ايـش تقصيرهـا

#ابو_صماد_الفليتي

ومن سـكت بعد هذا الجرم والجارحه
ماهوا مضـحي مع الاقصى للتطهيرها

ومن تخـاذل وغـــــزة با الدماء نافحه
كافر من انـصار أســـــــرائيل وأجيرها

#الشاعر_ابوحاشد_معمر

ماغد كما اليوم او بعده كما البارحه
هي غير كلما ولا نحتاج تفسيرها

غزه في القصف وينش يالعرب طايحه
من في سرائيل بايقلع حذافيرها

#أبو_أنس_الوصابي

اليوم نشطب على التأريخ بالماسحه
تغربل الناس لا داعي لتكريرها

من هو مع القدس تبقى فزته واضحه
ومن تخاذل محال يفزع لتحريرها

#أسـامـة_المـعبـاء

"غزة" تنــادي بنبــرة محــزنه نايـحة
وين العــرب والأسى يملي تعابيــرها

وتقول "مااشبه ظلام اليوم بالبارحة"
وهم بحاله سكوت في يوم تدميـرها

#ابوحسن_المجنحي

ارض غزه على جمر الغضا جامحه
والمجازر عليها صعب تقريرها

لامتى والعرب في ذلها جانحه
وارض غزه تنادي لجل تحريرها

#الشاعر_ابورصيد_المرهبي

موقف الغرب من العدوان قدي واضحه
لا عاد نطمحش او نسعى لتغييرها

و لا ما وقفنا بوجه الغرب و نكافحه
اتشوفو الويل من امريكا ومن غيرها

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان #غزة_العزة

البداية #أبوعساف

غــزه الـعـزه عـلـيها الـسـلام
بيضت وجه العرب وحدها؟

والـعرب في تفرقه وإنقسام
حــد مـعا غـزة وحـد ضـدها

يـمنعوا عنها الدواء والطعام
لــكـن إيـــد الله فــي يـدهـا

#مناع_شريم

عاد غزه ماسكه للزمام
ترشق الكفر انا افدي يدها

والفصايل على نفس المهام
رغم الاجراح ما حد هدها

تذبح اليوم والعالم نيام
والخطوط قد تعدة حدها

#ابوحسن_المجنحي

ترفع الرايه لهم والوسام
شعبهاالصامد مع جندها

ارض غزة يابلاد الكرام
باتردي للعرب مجدها

ذي عليها الذل حوم وحام
والعروبه ضيعو عهدها

#الشاعر_يوسف_الحداد

عزمها من عزم احفاد سام
ويل حاله من دخل حدها

شامخه فوق السحب والغمام
والشرف والعز من جودها

عزها الباري بكمن همام
تلطم اسرائيل في خدها

#ابوهادي_عقاب

بالشرف والعز نالت وسام
مبدأ القوه صنع مجدها

غزه اتحدت يهود اللئام
بالأباء والتضحيه ردها

مابقي شي ارض لجل السلام
واليهودي قدحنب عندها

#أبوأحمد_الوايلي

يقطعوا ما بعد هـذا كـلام
غزه الـلـي صادقه وعدها

ثـابـته ما تـقـبل الإنـهـزام
تفهم اسرائيل ما جـهـدها

ارض غزه شامخه كالغمام
من غزاها مات في حدها

#ابويحيى_القهدة

معركه ما مثلها يا سلام
في المعارك وحدها ، وحدها

منبع الصاروخ بين الركام
والسعودية تبا صدها

يا قبايل شعبنا يا كرام
بالصواريخ اسندوا جندها

#ابوحمزه_المقاش

طـيب عـزه مـرجـلـه والـتـزام
هـكذا غـزه وهـذى مـدهـا

دام والـسـيـد عليهـا الـسـلام
خـاضها والله انـه قـدهـا

انتـهـو اهـل الفتاوي والكلام
دولـة اسـرائـيـل يـلعـن جـدهـا

#ابوهادي_الجامع

قاتلت لعدا بكل اهتمام
واليمن في المعركه عضدها

صفها في حرب والا سلام
نعنبو ذي ماوقف بعدها

للوطيس اشتد عشنا كرام
قدها احنا المعركه قدها

#الشاعر_أحمد_عبدالرحمن_الظمين

صامده ماتنحني للائام
قاسية ماينكسر جهدها

شامخة من عهد خير الأنام
والشدايد ماهي اتهدها

للكرامة والعروبة سنام
فوق ترقى فوق من قدها

#ابوعلي_مبخوت

مايضيع العز تحت الركام
ضرب غزه زاد في مجدها.

والله انك يالمجاهد همام
ونت من غزه ومن جندها

عز وكبر نصر وعظم وسام
تنتصر غزه وهي وحدها.

#ابوعاقل_المنبهي

طير بلغ اهل غزه سلام
كل قادتها مع أفرادها

قوم نالو بالمعزه وسام
اشهد انهم فالوغاء قدها

وحدهم داسو خشوم اللئام
صوبو إسرئيل في كبدها

#ابـومـازن_الـرازحـي

غـزة الحربة وقوس السهام
والسيوف الماضية حـدها

عـزة الإسـلام بعد إنهـزام
ردت الهيبـة بعـد فقــدها

جسدت كيفيـة الإقتحــام
وأسقطت للصهينة مجدها

#عبدالقوي_البطل

لاجل نصرتها وجب ياكرام
الجميع ننفر مع جندها

من تركها نال سؤ المقام
واحتواه الخزي من بعدها

لو فنينا أوبقينا حطام
ماتخلينا على رفدها

#مقبل_العماري

شعبنا المغوار شد الحزام
وانطلق غزه وما بعدها

محور الامه توحد وقام
والعوين الله ذي مدها

وبانقوم اليوم باشد انتقام
والقبايل وافيه عهدها

#ابوزيد_الزبدي

اصبحت غزه للأمه وسام
ونحنا التاريخ من مجدها

وجهة ضربه بوجه النظام
تعجز إسرائيل من صدها

بعد ابو جبريل قائد همام
من دعم غزه ومن مدها

#الشاعر_أبوعزام_الشامي

تستحق الدعم والإحترام
وتنحني الآعراب على يدها

من عادة العزه لهم والمقام
من مثلها ياأعراب من قدها

إحــنا مــع غـــزه بكل المهام
بانــبـذل الأرواح في حدها

#الشاعر_أبوطه_عمير

غزة اللي حازت أعلى وسام
في الصمود وما نفد جهدها

أصبحت للمجد ذروة سنام
من يصل لا مستوى مجدها

صامدة ماتقبل الإنهزام
قصف بن يامين ماهدها

#الأشتر_الرزامي

من نصر غزه في العز دام
يوم شاف الضرب في كبدها

من تخلا عنها ف اللئآم
كل ناس وترجع لجدها

ذاك فرعوني وذا ابن الحرام
ما بدا خيرا مدا عهدها

#عبدالله_محسن_جحاف

وايبيدوا أهلها اولاد الحرام
بعدما ربي بنصره مدها

دمروها حولوها لاركام
لافلن تخضع ولاهم قدها

يابني صهيون ياشر الأنام
اليمن موجود ماهي وحدها

#حامد_النمري

لو كتبنا شعر والا كلام
مالقينا في العرب قدها

غزه العزة واهلها كرام
بالدمى ذادت على حدها

ماتواطت رغم قصف اللام
اعيت الاعدا ولاهدها

#مرتضى_ناجي

سهرو الابطال والـعـالم نيام
وستعادو للـعـروبه مجدها

عود المجد من تحت الركام
والكـرامه عـودت لامهدها

غزه اليوم فالخط الامام
والعرب للخلف ربي ردها

#إتحاد_الشعراء_والمنشدين

https://t.me/aboyahyaalshami

الغرب. كانت. نفسها. تنهينا
من فوق صطح الكوكب الارضيري

تلعب. معانا والهدف. تغوينا
باسم المقاوم. والعدو تكفيري

للمملكه بتقول. . ها. مشينا
سارو العرب والا عليهم سيري

بتحارب المندب وتقصف سينا
وتحالف السيسي على تدميري

وفي اليمن .من. سمها. تسقينا
من يد بن. سلمان او بن كيري

البغل. ابن. البغل. حسه. فينا
واولاد زايد مثل. توم. وجيري

الغرب جمعه والعرب. ترمينا
قد طبعو في الواقع التفكيري

ان جيت ياطحنون والا. جينا
ماعاد به داعي. الى تفسيري

من. شق بانبدع. بمن. مارينا
نعصد. ابوهم. ثوب والا ميري

بانقبض. الكوره. بكف ايدينا
وكل خاين. بنتفه. ب اضفيري

والمملكه. ذي. كان. ماتشتينا
ترجع تلصق.. قرنها. المكسوري

ترجع. تحاول. كيف. باترضينا
واحنا. نواصل مسحنا التطهيري

تضماء. ضماها. دوم. بايروينا
تلغب وتلغب. سيرها.من سيري

من باع. غزه رملها والمينا
واطفالها. واحجارها. والطيري

بانجعله. طول. الزمن. يرجينا
وي بطل ايخون اي مسلم غيري

ولو. ركع. مليون. ماتكفينا
باحس طول الوقت في تقصيري

#ابوهادي_الجامع

#ابومعارك

ياصفحت التاريخ ياحبر الاقلام
سجل ودون شعب زاد اهتمامه

تبقا دروس اجيال عن نشر الاسلام
في ظل قايد قدمه باستقامه

من جد ماهي فبركه مثل الافلام
الصوت والصوره شوف اقتحامه

#اسامه_خالد

الله يسر كمّن عريساً بـ ضرغام
اسعادهـم تزرع بهم ابتـسامه

تسلم على هاذالعمل يابن السلام
هيـئه زكـاها فـي بـنا السـلامه

مشروع يشهد له على مر الايام
في كامله دينه بقى في كرامه

#ابوهادي_الجامع

خبرو ذي داخله حقد ووهام
عبيد واشنطن ملوك اليمامه

ذي صابته صدمه من العرس ذي قام
وصبح في الواقع يخلبط كلامه

مهما تندم اولبس ثوب لحرام
يبقا بحقده لين يوم القيامه