المجاراة بمناسبة تدشين السيد القائد سلام الله عليه لشهر رمضان المبارك .

البداية #حسن_أحمد_المهدي

دشن ليالي الهدى يا سيدي دشن
واعبر بنا بحر شهر الصوم بالراحه

ارواحنا والقلوب آذان لك تذعن
وبـ الطمانينه احشا النفس فواحه

#أبوعساف_الدهمي

لـبـيه لــك مــن خـفـايانا ومـا نـعلن
مع كل (مؤمن) بمسراحه ومرواحه

لـبيه ماهو إختياري (قدر ما يمكن)
لـبيك دايـم في الشدة وفي الراحة

#فارس_المعزبي

إعلــن من الآن ميعــاد الصيام إعلــن
وكلنا تحت أمــرك داخل الساحــه

الانس تسمــع كلامك سيّدي والجــن
في كل الاوقات حتى ساكن الضاحه

#امين_التركي

مادمت ياسيــدي للقلب مستوطن
فالقلب مملوك لك يابلسم اجراحه

الغير ممكن بأمـــــرك نجعله ممكن
لو نمسح المملكـــه لاجلك بمساحه

#بندر_السقاف

ياسيدي يا الشجاع القائد المؤمن
يانور شعشع من آيات الهدى ضاحه

صيام وجهاد بعد الله بناء راهن
بوارق النصر والتمكين لجاحه

#جميل_جعفر_ابو شامخ

الكل في حب شهر الصوم هو مدمن
الصوم روضة رجال الله و الواحه

شهر التراحم في اعماق البدن يسكن
وله في القلب واحشاء الجسد ساحه

#علي_العقاب

معك معك ياولي الله بانعلن
مراحب الشوق واستقبال نفاحه

شهرالصيام قدلفى فرصه لمن يحسن
ليالي الذكر بالقران صداحه

#قاسم_السقاف

طهرت صنعاء من الفاسد علي محسن
وكل مجرم شرد وضاعت أرباحه

وبعد امرك لحتى يذن امئذن
فالقدس ونعم فرحه كامل الساحه

#ابوسياف_البيحاني

كلمة من السيد احيت شعبي المؤمن
وخففت من هموم الشعب واجراحه

برنامج الصوم يستبشر به المحسن
ومن هدى الله تبقى الناس مرتاحه

#يحيى_الوحيشي

‌‎محاضراتك غذاء للروح يا مؤمن..
وطعمها كالعسل ذي داخل اجباحه..

تغسل قلوب البشر من رانها المزمن..
يا توأم الذكر في الضلماء ومصباحه..

#ابوليث_المحضار

قد قيل ويل الكلام ابقوم ماتفطن
والهدي في قلب لاهي مايجد ساحه..

إما استمـــعنا وطبقناه ما أمكن
ولّا يبدل بنا الله قوم نصّاحه..

#حسين_شرويد

افراد هذا الشعب كامل انسهم والجن
هبوا إلى ميدانهم بنفوس مرتاحه

يقضوا ليالي الصوم ف الجبهات والمؤمن
ذي بايشن غزوه على الطغيان واشباحه

#الشاعر_ابو_حمزة_ماجد_نشير

الصوم مفتاح لابواب جنة المؤمن
ياويل ويل الذي قد ضاع مفتاحه

من بايحافظ عليه للارتياح يضمن
وذي مايحافظ عليه مابايشوف راحه

#فايز_الحمزي

دشن ليالي الهُدى ياسيدي وأعلن
مادامك النجم للأعشى ومصباحه

صيام وجهاد يفوز المؤمن المحسن
والوضع رغم الحصار نعمل على اصلاحه

#ابوفضل_المتوكل

لبيك قايد محنك حر متمكن
اعبر وحنا معك بنفوس مرتاحه

معك معك سيدي والشعب قد اعلن
يمضي معك دايمِِ في العسر والراحه

#ابوحنشل_قارية

مادام قلبي على عشق الهدى مدمن
شهر الهدى والتقى نزهه مع سياحه

نسمع ونستفهـمه كما سمـعـه الجـن
ونجسده بالعمل تأثيـر فـي الساحه

#شاعر_بلاد_الروس

على خطا المصطفى والأل يامااحسن
يمضي بنا الشهر فالجبهات و الساحه

الأجر والفضل والمعروف ذي نسهن
ومنه النصر يشفي القلب واجراحه

#ابوبراءة_الديلمي

ياسيدي انت للاسلام بتبرهن
ومنهجك نهج طه داخل الساحه

قائد مجاهد محنك حيدري بي دن
حلف اليهودي وبن سلمان وشباحه

#ابـومـازن_الـرازحـي

يابلسم الجرح وغذا الروح للمؤمن
ومحاضراته بهدى الله نفاحه

لك الولاء سيدي القائد ولك نعلن
طاعاتنا ، سمعنا في الثغر والساحه

#ابوحسن_الشبطي

ياسيدي حسب قول الله بانحسن
نستقبل الشهر بالتزيين والراحه

وقلوبنا عند ذكرالله تتزين
وآمالنا بالفرج والنصر طماحه

#ابوهادي_السلامي

قولك يداوي جروح الروح ويسَكّن
وبسمتك تسعد الجمهور والســاحه

بـدونك الـعيش لا يغني ولا يسمـن
يا نهــــر دونه بحور الكـون نجّاحه

#ابوفتح_الاشول

من شمس نور الهدى يا سيدي دوّن
إشعل بوجه الظلام النور و أضواحه

بإذن ربي هديت الإنس هم والجن
كم قلب غافل عن الله و انت مفتاحه

#ابوخارف_أبوشوصاء

ياداعي الخير مادام الهدى بين
لبيك يامن لهدي الله مفتاحه

أرواحنا لك فداء ي الصادق المؤمن
يامن بذل جهد في الواقع واصلاحه

#محمـد_مجلـي

اسكب علينا الهدى نروى ولا يمكن
ياسيدي الشهر يذهب لعب واطاحه

ومـــــن المـيادين والجبهات با نعلـن
الاذن تصغـي وكلن قابض اسلاحـه

#الشاعر_أبومقدام_الهمام

الكل بعدك وجندك لوتقول الجن
نعاهدك لو تقول الشمس نجتاحه

في الصوم فالفطر كلن للجهاد معلن
في تحت امرك نفوس القوم مرتاحه

#ابوعلي_البريهي

وبالتوكل على الله يايمن دشن
ثامن سنة جاهد الأعدا في الساحة

سبط النبي قالها ياشعبنا المؤمن
كلن بشهر الفتوحات يحمل سلاحه

#بن_سويد

مدمن  علئ  حبكم  يا سيدي  مُدمن
ولموت من  دونكم  يا قايدي  راحه

اصدح  بصوتك  وزلزل انسها ولجن
في كل  ليله بشهر الصوم لك واحه

#إتحاد_الشعراء_والمنشدين

https://t.me/aboyahyaalshami

تابع المجاراة عن يوم القدس العالمي.

البداية #الشاعر_امين_التركي

حلّقت ياقدس مـن كل الجهات
فوق خصمك بالعجايب والعجب

وإلتقى المندب مـع نهر الفرات
واقبلت طهران في رفقة حلب

يامسيـرة وحدت كل اللغات
حان وعـد الله والنصر اقترب

#ابوبدر_ذيبان

محور الاحرار من قوم الثبات
تحت رايه واحده كامل وثب

نصر للاقصى على حلف الطغاة
هبوا الانصار واقحاح العرب

ابشري ياقدس يوم الفتح آت
والله الغالب وامره قد وجب

#الشاعر_صالح_النقيب

من ميادين البطوله واثبات
وعدنا للقدس والنصر اقترب

من يمن ليمان جات القوم جات
بانجي مايعتذر حامل سلب

وعد ربي فيه كل المعجزات
والمسيره جاهزه تحت الطلب


#ابومصطفى_الرضي

دام واعلام الهدى طوق النجاة
خبروا صهيون واذناب العرب

اليمن قادم بعزمة والثبات
طار (قدس 2) و(الصماد) ضرب

بانصل مكة ومن بعد الفرات
نلتقي في وسط حيفا والنقب

#الشاعر_ماجد_القادري

تفدي الأقصى النفوس الزاكيات
والشهاده هي لنا واحنا العرب

مسرى رسول الله فينا واجبات
ومنهج القرآن يشرح ماكتب

النصرفي هذه السنيين القادمات
القدس له بالنصر تحقيق الطلب

#ذوالفقار_سفيان

الثبات العز والعز الثبات
بالبنادق والجرامل والجعب

ما يعيش العز من حب الحيات
او لإسرائيل طبع وانتسب

نصرنا قرّب وكل المعطيات
تقلب إسرائيل لا كومة حطب

#ابوخارف_ابوشوصاء

بالعزيمه والاراده والثبات
كلنا ياقدس لبينا الطلب

موطن الإيمان شعب التضحيات
لجل صوت القدس قدلبى وهب

بايجيك النصر من كل الجهات
مانخلى القدس يبقى مغتصب

#ياسر_القشوي

ثار شعبي وانقضى عصر الشتات
مثل بركان انتشا جوفه غضب

ويل الاعدا لانهض شعب الحفاة
ويلهم من سيف حيدر لا ضرب

اقسم ان النصر والتحرير ااآت
لعنبوا من خان منا او كذب

#ابوكنعان_الروس

عزمي ولائي والاصرار والثبات..
نمضي معا الله نعمل باالسبب

ياالقدس.صنعاء.حلب.طهران.جااات..
من كل ساحه اطلقو صرخة غضب

اتوحد الصف وألتم الشتات..
ودم الأسلام غمر روح العرب

#الشاعر_أبومقدام_الهمام

ياقدس ابشر بالرجاجيل الحفات
سند ومحزم لك اذا شب اللهب

لبوك يوم الكل في حالة شتات
والدم فاير ف الشرايين بالغضب

ولاجاك شعب العز جاك المعجزات
واليمن لاجاك جاء كل العرب

#ابوعهد

كلنا للقدس والاقصى حماة
دونها أهل العز ورمات السلب

رغم من بالصمت غارق في سبات
مستحيل القدس يبقى مغتصب

يا عرب والباقيات الصالحات
واليهودي تبت احلافه وتب

#ابوحمزه_المقاش

بعد ابو جبريل لو ناكل نباات
كلنا رهن الاشاره والطلب

غيرت الاسلام تسري بميدان الابات
والمشاكل فوق صهيون تتشقلب قلب

محور امقاوم يمثل للأحرار النوات
محتزم بالله شباب زينات السلب

#عبدالقوي_البطل

والتجبر زل ياصهيون وفات
ورجح الميزان والحق انتصب

اليماني قال ماتبقى بتات
تغتصب ارض العروبة والعرب

بعد هذا اليوم باتبقوا شتات
في بقاع الارض نقطعكم إرب

#الكرار_المشراقي

بلغو الاقصى بئان النصرات
حان وقت الفتح ياكمن شنب

دايـماً نطلــب من الله الثبات
نفعل الواجب ونعمل بالسبب

مات بن صهيون والامريك ماات
جرعوهم نار تتلهب لهب

#أسـامـة_المـعبـاء

لوكان اخر يوم في هاذي الحياة
مستحيل يضل الاقصئ مغتصب

ومستحيل يستوطنونه الطغاة
امريكاء واسرائيل واذيال العرب

الوعد ها قد جاء بقوم النايبات
والنصر والفتح المبين قد اقترب

#ابوكيان_الهبل

نسألك ياالله تلهمنا الثبات
تهزم اسرائيل واجعلنا السبب

والمدرع ذوبه والطايرات
بالاياكي والمعابر والجعب

واجعل ابن البدر فيكل الجهات
قايد العالم عجمها والعرب

#بشار_عباس_الشومي

شعبنا ياقدس من حولك حمات
ثار شعب العز واعلنها غضب

لجل اقصانا لو صرناااا شتات
أو نزف. الدم لاعند الرررركب

حي جند البدر في هذا الصفات
انسها والجن ومنهو انتسب

#يوم_القدس_العالمي ١٤٤٣ه‍.
#إتحاد_الشعراء_والمنشدين

https://t.me/aboyahyaalshami

تابع المجاراة عن استبعاد هادي واعلان ما يسمى مجلس القيادة الخياني والمتناقض..

البداية من الشاعر #عزيز_الردماني

اول الحرب واحد وآخر الحرب سبعه
كل واحد من السبعه حكومه لحاله

الزبيدي مشعّب في عدن هو وربعه
والعليمي مع الوحده وضد انفصاله

بالصور داخل المجلس والاجساد جمعه
والعمل كل حد يعمل مع بيت خاله

#زيد_الخراشي

خيرة الله مافي خيرة الله قرعه
والعليمي يحللها على مابدى له

واليمن من سهول ابين الى حد نقعه
مايخالف على الوحده جنوبه شماله

شعبنا من هدى الله رتب اليوم وضعه
في رضى الله وتولى محمد واله

#الشاعر_ابوحاشد_ابوسعيد

غادر الشر غادر خط من دون رجعه
مايرده سوى مجلس ولاحفل صاله

جأ يقلي معاهم بيت في عرض طلعه
فيه صلعه بصلعه لافتات العماله

ماحسب هادي انه بايجوله بطقعه
نزلو في مشده عزل هادي لحاله

#ابوحرب_الفقيه

مجلس اليهوده فلمملكه تم صنعه
والذي فيه قوم الدجل وهل العماله

العليمي وقومه عند سلمان سلعه
واخرتهم اكيد الرمي وسط الزباله

ونه المرتزق هادي خرج دون رجعه
بذن ربي قريباً والعليمي مثاله

#عبدالغني_ضبعان

هكذا من يخون ارضه وعرضه بسلعه
يجعلـوه النصـارى واليهـود عبـد آله

كل يوم يركع الخاين لهم الف ركعه
والملوك كل من يشتيه مربط نعاله

تسعه اعوام والعدوان يصوت لتسعه
كلهم في سجلات التحالف عماله

#وضحئ_الهمداني

سمهم سم ناقع سمهم سم افعه
والمكيد المكايد ردها ربنا لـه

باالعناوين كذّب زينوها بلمعه
والحشود اجمعوهامن بواقي حثاله

حالهم صار ذايب مثلما حال شمعه
النهايه تقرّب باالبرع ثم باله

#ابـومـازن_الـرازحـي

كان عبده مجرد إمعه، مابوسعه
ان يدافع على نفسه ،ويأمر عياله

والبقيه، ايادي للتحالف وفزعه
عزلهم بند ساري في سجل العماله

من وقف جانب الباطل على الحق صرعه
ومن تمسك بحبل الكفر تقطع حباله

#عمر_الأهدل

شرعية ابن هادي لارعى الله شرعه
انتهت يوم غادر لابلاد الكفاله

هيكل الجيش كامِل قلعته الف قلعه
وباع ارض السعيده بالرخيص الحثاله

وجاب دنبوع آخر هم دنابيع جمعه
نالوا اعلى مراتب دكتوراه في النذاله

#حافظ_الحماس

ذي قسمنا اقاليم زاد للقسم صلعه
حسب خطه خبيثه من خباث العماله

لاأقتسم عبدربه فاليمن زاد رفعه
بلعلم والمسيره صار أمه لحاله

#الشاعر_أبومقدام_الهمام

اول الحرب كان الحلف من دون رجعه
يكفي الكل واحد كلب باسم العماله

لاكن اليوم كلن صار وحده وربعه
كل واحد يربي كلب بأسمه لحاله

هاكذا من مع أهل الشر مضمون وضعه
ف الآخير موقع الخاين يكون الزباله

#ابوظافر_الفقيه

كل خاين لاهاذا الشعب قد فيه فجعه
لن مابه لهم مبدا مثيل الرجاله

وبن سلمان من معطالهم جف ضرعه
قد امرهم وذي ماطاع غير بداله

كل واحد منهم باع نفسه بطبعه
باعو الدين والمبدا وصارو عماله

#ابوعلي_البريهي

كل من ذله الله قط مانال رفعة
لو له الخلق كامل دون رب الجلالة

مايعزوه أبد أو يستطيعون نفعه
حكمة الله خسرانه ويطعم وباله

ذا جزا كل من قد خان أرضه وربعه
و فر في زي حرمه من يدين العدالة

#وديع _طامي _مصور

عندما ادركو الدنبوع قد جف ضرعه
شكلو للخون مجلس بمغرد وباله

فكرهم فكرهم بس ضرب واحد بسبعه
غيرو باب ديمتهم بسبعه بداله

وبن سلمان جهزنا المسير لردعه
بيننا قل ما نصرخ بمكه. قباله

#الكرار_العقيبي

من يمسك بحبل الله عزه ورفعه
مايذله عدو الله وأهل العماله

ومن يمسك بغيره يشرب الذل جرعه
بعد جرعه ويستبدل عدوه بداله

العليمي وهادي بيد الامريك سلعه
مالهم اي قيمه كلهم لازباله

#ابوجواد_الدوشي

سبعة اعوام من هادي ولا زان وضعه
بعدها من دبوره أعلن الاستقاله

كيف ذلحين باتصبح وتسبر لسبعه
كل قايد وله قسمه واقليم حاله

من بلاد اليمن قد غادروها بسرعه
كيف بايحكموها ذ العبيد الحثاله

#اكرم_النيعاني_ابونبيل

بعد ماكملو شهده ونوبه وشرعه
سلبوه شرعته واخفوه واخفو عياله

نصبو سبعه السبعه دنابيع سعه
مابه اي اختلاف فوق العماله عماله

كل خاين مصيره مثل هادي وربعه
كل مايكتفو من شخص قطعوحباله

#ماجد_المطري

مجلس العــــار هذا لليمانيــن خــدعه
فاقد الشرعيــــة ذي ينبطح لاحتـلاله

كل واحد على وجهة مية الف صفعه
مثلما كان هادي حالــهم مثل حــــاله

الزبيدي وطـــارق للإمارات سلعــــــه
والبقية جــــواري للســعودي بمــــاله

والهين مادواهم غير الإثنعش سبـعه
من خشوم البنادق هي علاج الحثاله

#ابوشهيد_القطمي

كلهم صنف واحد واحد الصنف جمعة
ما لهم أي مبداء با يعين الرجالة

كل شيطان قد بآن و كل شيطان صلعة
و الحقايق جلية و العدو جاء زوالة

إنتقالي رئاسي داعشي الكل خدعة
و المريكي وراهم و الكل عندة جهالة

#محمد_قارية

كلهم في الخيانه شغلهم شغل قرعه
تحت امر المريكي بالرضا او صماله

عبد مركوز فاضي لا بنزله طلعه
سرحوه الفنادق جنب شقة عياله

والعليمي يكلم ذا وسرحه ورجعه
شرعيه شرعيه متمكنه في العماله


#إتحاد_الشعراء_والمنشدين

https://t.me/aboyahyaalshami

حصاركم قرّب على اشعال الفتيل
ولا اشتعل فجّر قنابل ذريه

صبر اليماني ياسعودي مايطيل
لافاض صبره عاقبتكم مزريه

النذل يابن سعود يمشي بالصميل
والحر تكفيه الإشاره الفوريه

رسالة الشعب اليماني للهٌبيل
يرفع حصاره والجيوش العبريه

ولا المنصه جاهزه تشعل شعيل
الجويه والبريه متأهبه والبحريه

صمودنا لليوم للعالم دليل
اكبر واعضم انتصار اسطوريه

ذي يحمي المينا وصت الأرخبيل
ماهوا بعاجز من حدود المصريه

عاد النفس في شعبنا عمره طويل
والروح فيها العز تنبض حريه

1444/5/12
#الشاعر_أبومقدام_الهمام

سلام بايرسم على كبد السماء باقصى رقم
بالمجد يتكلم ويهدا لرجاجيل الكرام

ك البرق لازرجم ومثل البحر بمواجه دهم
يكتب ويتنضم على التاريخ لايوم القيام

من بعدها عمم معاني القول يالهاجس وعُم
رسالتك وحسم في الابيات توزيع المهام

لحلف بن ملجم ذي اتعدى حدوده وارتجم
في حضن امريكا ومن صفها اولاد الحرام

شعب اليمن مفحم للقياكم واصوات البغم
مع ابوجبريل بانمضي ونجتاح الجسام

يامن طغاء واجرم ودنّس ماء زمزم والحرم
لا قل ماتعدم وتتحول في الدنيا حطام

ليت الحوار ما تم وليت الحرب ترجع نبتسم
ونروي المبسم ونروي كبد اوجاعه ركام

نقسم بمن عضّم كتابه بعد اسمه والقسم
ان اليمن اعضم من الناس العضيمه والعضام

قدّم وكم قدّم على هذ السبيل منذ القدم
اشرف واقدس دم ودام الكون في حربه دوام

مع النبي صمم معاجز خطها الحيد الاصم
لليوم قد نضم على درب الكرامه قوم سام

واليوم قد ترجم مع ابن البدر قائدنا العلم
ثباته الملهم وتسليمه بطاعه وأستقام

ثامن سنه ينهم في العدوان سيفه والهمم
الحلف قدمهم واقدامه عليهم في تمام

لاقد سمع قح قم فتسمع بندقه يقذف حمم
بالموت يتنغم مع الشيكي في الخط الامام

والحلف يتندم وحاله مثلما حال الاصم
وابن اليمن يسلم ذا قالوا هجوم قال ياسلام

سلمان استسلم وجاب الوفد من حربه سئم
والله قد تمم مع المضلوم وعده ذي اقام

يادهر قم عمم على التاريخ نصري واستلم
ذي ماعلم يعلم يمن الايمان نصره مستدام


#الشاعر_أبومقدام_الهمام
#إتحاد_الشعراء_والمنشدين

https://t.me/aboyahyaalshami