سلام الله عليكم
اتمنى الاشتراك بقناتي علي يوتيوب عبر الرابط ولكم جزيل الشكر #ياسر_القشوي

https://youtube.com/channel/UCjrJox2S-BVhGbWHxjB-Fmw

تابع المجاراة عن #حزب_الاصلاح_وحالة_العمى_والتخبط..

البداية لشاعر #عاقل_بن_صبر

الحزب الإصلاحي عمل غير صالح
ماله في الميدان خطوه صحيحة

احيان متفعل على اربع شرايح
واحيان ينسى الذاكره والشريحة

#ابوسياف_البيحاني

ياحزب الاصلاح قلي اين انت سارح
شي عقل يا المترديه والنطيحه

قد كملوكم بين صالح وطالح
وعقولكم في عشقهم مستريحه

#زيد_الخراشي

من انت يا حزب الجرايم تناطح
ولا قرونك بالقرون الصحيحه

الى متى يا حزب الاصلاح نازح
مشفق عليكم يالوجيه القبيحه

#مناع_شريم

الحزب الاصلاحي اخس النطايح
واعلامه الملعون اكبر نطيحه

حقير قد ناحت عليه النوايح
وفي عتق دعسوه بصوره صريحه

#محمد_عيشان

ياحزب ماداروه غير الصبايح
ولا حوا غير الوجوه القبيحة

مابا تفيده بكبكه او صـوايـح
بيطيح والله بعدها شرّ طيحه

#ابورائد_السعدي

إصلاح ماعد شي! طلع حزب قارح
قد أنتهى ولابقي ما نزيحه

مدعوس مثل الكلب في خط بارح
شمه وباقي منظره يافضيحه!

#جميل_الجنيد

إصلاح.. حزب المهينة والمصالح
أفعالهم شينة مُذّلة قبيحة

أوصافهم في سرد عاجل وواضح
"متردية تتبع خُطاها نطيحة"

#ابوعبدالله_صالح_عنبل

ضاقت على اصحاب الفتن والشرائح
حتى ولو تحت الفسيحه فسيحه

ولى زمان اهل الهوى و المصالح
بهمة انصار الطريق الصحيحه

#ياسر_القشوي

الحزب ذا طعمه كما البحر مالح
ماقد نزل من حلق جمله صريحه

فكيف يروي شعب ضامي وكالح
ما ترويه غير الدروس المليحه

#عبدالله_الصوفي

يا حزب متخبط على وين رايح
ضاقت بك الدنيا وكانت فسيحه

ماعد بقاك قم غادر الارض سايح
وتقع بلادي منكم مستريحه

#ابوجهاد_اللاحجي

طايح في الماظي وف الحين طايح
لامسعدة موجود ولاعـد مديــــــحة

كان اليدومي دايـــمآ جاي رايـــــــح
واليوم لاشمسة ولاعاد ريــــــحـــــة

#نجيب_جحدر

الحزب الاصلاحي مكمل ورايح
يكثر من الاجرام حق الفضيحة

ما احد قبل به غير الاحمر وصالح
هو حزب مفسد قد اذانا بريحه

#أبوالكرار_المجنحي

لصلاح غارق في الذمر والقبايح
وهاكذا المترديه والنطيحه

باع الوطن واشتد في حبل مايح
وفتك به واصبح لخصمه ذبيحه

#الشاعر_ابوحيدر_الحداد

من سار في نهجه على طول قارح
مهما تخفى بالدقون الشحيحه

واللي مع الرحمن مؤمن ورابح
وكل خطوة في رضى الله مريحه

#محمد_العمدي

ياحزب الاصلاح قلي اين أنت رايح
من بعد ما خلوك مثل النطيحه

بالأمس حالفتم لحلف الفضايح
واليوم يسفك دمكم يستبيحه

#علي_حشفول_الهلالي

خلف العدو دايم كما كلب نابح
والمشكله ما ذاق طعم الذبيحه

عايش حياة الذل ساير ورايح
ونفسه على فعل البلا مستريحه

#احمد_الاهدل

ماتنفع الدقنه وطول المسابح
والنفس ماهيه من مرضهاصحيحه

لااصلح الله مننا من يصالح
يامصلحي لاصلح بعد النصيحه

#إتحاد_الشعراء_والمنشدين

https://t.me/aboyahyaalshami

الله يلعن من يفلت صاحبه
ولا يبيع أرضه وعرضه منتها

#عبدالقوي_البطل

الكل يتحرك ويعمل واجبه
مادام شر امريك باقي ماانتها

نثبت على مبدأ سوا ونحاربه
كل القبل تضم لينا صوتها

حتي نشكلها عواصف ضاربة
ونحرق امريكا ونحرق صيتها

#ابو_اسحاق_الجوف

اهل اليمن راجال النايبه
ايلا داعا اداعي انكفت كلاتها

تمشي علا خط الوفا وصايبه
ما همها لوم الايمين وعداتها

هجمتها علا العدا هجمتن ضاربه
باطهر اليمن من اصهينه وحذاتها

#محمد_رطاس

ماتنفع الخبلا ولوهي حازبه
واعمالها بخسه على اشتاتها

هي هكذا تسعى لويل الضاربه
واتوهدرت وهدار على لفاتها

#ابوطه بهمه

حضرموت فيهاالرجال الصالبه
ماضن تفرط بمن ينال خيراتها

داعي النكف ياحضارم قاطبه
عدوا العده من كل اجهاتها

ادعسوا الامريك يلقى العاقبه
وافشلو اطماع العدو خيباتها

#الشاعر_طه_الرازحي

ياكل نشمي تجهز بكل قوه ضاربه
جهز عتادك لا دحر كامل غزاتها

ماهو يماني من رضي في قرايبه
في نهب أرضه كفى قدرو ميزاتها

ذاك الحريزي تحرك هوه ومن هم جانبه
حرك قبايل لأجل يحمي حماتها

#مختار_البحري

في حضرموت امريك صارت حانبة
والحضرمي يهجم علئ قواتها

حلت علئ الامريك ضربة صاخبة
بانطحن امريكاء ونخفي صيتها

واجب نرجعها من ارضي خايبة
نعيد ثورة اكتوبر ونراجع إنجازتها

#نصار_المهلا

ثأر القبيلي والمشاعر صاخبه
والامركه نلعن ابايب جدتها

ضروري تكون القبايل متجاوبه
تطرد عميل الصهينه من تربتها

وذي ماتحرك يلعن شاربه
بايصبح حذا اسرائيل ودعستها

#ابويحيى_الغانم

الليل للعز كلن يمتطي صاهبة
ويسرج جوادة والمعارك وقتها

كلن يقتحم يهجم يطهرمن جانبة
مالحلف امريكاغيرمن روس بغماتها

نار تقدح شرف نخوةبالنكف لاهبة
من جرامل حضرمية ماقد شفتها

#الشاع_ابوحيدر_الحداد

قوات الاعداء باتغادر خايبه
والله سلطنا على عفريتـها

ارض اليمن فيها الرجال الضاربه
باتحرق امريكا وتمحي صيتها

فيها اسود للحرب تقبل راغبه
والباس والايمان حامي بيتها

#عدنان_جحوح

كل الأعادي مفترية كاذبة
كم يا مشايخ أصبحت من تحتها

يا اهل الحمية والفداء ف النائبة
كرت العمالة والخيانة إنتهى

ما دام والفزعة عليكم واجبة
فزوا مع الأحرار حتى خرتها

#أبوالكرار_المجنحي

يا حلف زايد واليهود الغاصبه
خاسر علا الدنياء وخاسر تحتها

دمع الثكالا واليتامى خاط به
ودخله لا حضرموت وخبتها

يا كل نشمي جهزو له واجبه
وقدمو له كل وجبه وقتها

#أبو_جبريل_بحجوج

وش عاد باقي يالاسود الضاربه
فـزوا لـدحـر الامركه وخـواتـهـا

"اعـدوا" لها والكل يـدي واجبه
مثل مـا " بـتـعـد " هـي قواتها

في صـف قايدنا قفوا والعاقبه
لـلـمـتـقـي و الصهينه يـا بختها

#ابومازن الرازحي

الحريه مطلب يمنَّا قاطبه
والحضرمي محسوب من قاداتها

شب النكف كلن يقوم بواجبه
ياحضرموت القوم في هباتها

مافي عدن شاهد واكبر تجربه
حفظ النفس واجب وحفظ اقواتها

#ياسر_القشوي

يا اخواننا ماعاد به ما عاد به
هذي قوى الغازي يدوي بتّها

شدو هممكم بالخُطى المتقاربه
واعطوا البنادق امر تترك صمتها

به فرق مابين العرب والعاربه
لوما عروبتكم سوى ما لمتها

#أبوفايد_علي_أبوشوصاء

جند اليمن شرقه إلى ما غاربه
شمال جنب اجنوب يُرفَع صوتها

نحو الوغى نحو الحروب اللاهبه
ننهي قوى امريكا واناقد ريتها

لازم على العربان تبقى ظاربه
على الاعادي. كيف ينفع صمتها

#السالمي_الهمداني

الحضرمي ذاالوعدلازم يدي واجبه
ويحمي ارضه من الغازي لايدنسها

المعتدي لابقي باتبقا مصايبه
وكل مصيبه اكبر من الي قبلها

ويش فايده من القبايل الضاربه
لاما دافعت اليوم على كرامتها

#ابوخالد_القراضي

شب النكف كلاين يدعي صاحبة
يا اهل الحضار واقلعو موساتها

وادعس على امريكا ونتف شاربة
برض اليمن وادفن جميع الوياتها

وارفع شعار الحق بصورة غاضبة
وقت الشهاد يا النشاما وقتها

#ابوسهم_فرحان

الحلف خايب والممالك خايبه
والشعب ناوي للخليج إيفتها

ياهل المكلا يا اسود النايبه
لابد مايد العميل إ نبتـــــهـــا

ونتحد ونكون قوه ضاربه
نكسر قرون الامركه ويداتها

#ابويحيى_الشوكاني

حدالنصال الحضرميه في اليمن متواكبه
ياحضرموت العزلاترضي بهتك اعراضها

فين الرجال الصيرميه والنفوس الغاضبه
تطاردالمحتل في وديانها وشعابها

يكفي دروس الامس ياحما لحاكم قاطبه
تفريطكم جاب العواقب للنساء واطفالها

#إتحاد_الشعراء_والمنشدين

https://t.me/aboyahyaalshami

المجاراة عن مولد رسول الهدى (ص )

البداية #باسم_مساوى

مولد رسول الهدى نعمه
نحييه ونزيح به لحزان والغمّه
وندعي الله
نكون عند النبي يوم الحساب ضيوف

واحنا على اعدا اليمن نقمه
ومن جهلنا فبا ينسا حليب امّه
والله والله
لو نحترب فوقها لاما يطير الصوف

#ابوقصي_العويري

ياشعب الإيمان والحكمه
الحفل في يوم عيد النور والرحمه
عين الموالاه
قُم واصرخ الموت لأمريكا ولابه خوف

ومن زعل يقحط الجزمه
في كل ميدان باندعس على خشمه
في طاعة الله
وفي طريق الهدى باننشر المعروف

#يحيى_الوحيشي

شعب اليمن شعب ما همه..
الا يوصل رسول الله للقمة..
وينزل اعداه..
تحت القدم ديدن احرار اليمن معروف..

هذا الذي خرّج الامة..
من جهلها والبلاء والتيه والضلمة..
والله مولاه..
وهو ولينا وحبه في حنايا الجوف..

#عبدربه_الحداد_البيحاني

نور الهدى مخرج الامه
لانور الاسلام وانقذها من الضلمه
رحمه من الله
يارب صل على طه الرسول الوف

ياشعبنا اهتف بذكر اسمه
وامشه بنهجه بصدق الفعل والكلمه
ان تنصر الله
ينصركم الله على سلمان والمهفوف

#ابو_برق_الظرافي

يامولد الحق بل واسمه
يامن بالآيات جانا فضل بل رحمة
واخرج به الله
كل الأمم عبر نور الأمر باالمعروف

وارض اليمن نهج من فهمه
مايدخل الضرب في ذا الخط والقسمة
ولا ف والله
ان الجماجم حمايه والرصاص سيوف

#عبدالحكيم_ابوهاشم

نبينـا مولـده رحـمه
في حضرته زال ظلم الناس والظلمه
وحــارب اعــداه
بسلاح الايمان واجه والحديد سيوف

وسيدي يعلن الهجمه
واحـنا نلبـيـه نكــسر للعــدو عـظـمه
ونـقــصّ يمــناه
ونصـلبه في جذوع النخل بالمـخلوف

#حسين_شرويد

يا شعب الإيمان والحكمه
ذا مولد المصطفى قد هل بالرحمه
نعمه من الله
واحياء مولد محمد هو من المعروف

احنا بطه في القمه
واما عدو النبي قد جاء له الصدمه
قد فيه عله
من حشدنا قد رجف قلبه وصابه خوف

جريح الحرب #رفيق_زرعان

طه علينا بزغ نجمه
وازاح هم العناء والحرب والأزمه
حبيب لله
حير شعوري وحار الوصف بالموصوف

با نحتفل به من البغمه
ويكون فوق العدا في حربهم نقمه
على هدى الله
نهجم على الخصم نرمي فوقه المقذوف

#ابومحمد_السحاري

جانا وله في الحشا بصمه
في دم الانصار ساري بل وله زحمه
والشكر لله
وكل ماجاي مولد نصرنا بيطوف

من احتفل زاد به عزمه
يقهر قوا الشر برق النصر له لمعه
والامر لله
نها جميع المناكر وواجب المعروف

#ياسر_القشوي

اتى لنا نور ازال الويل والعتمه
اسمه لنا نور والانوار في اسمه
داعي الى الله
حارب هل المنكرات وجاء بالمعروف

في مولده وحدة قوى الامه
وتحارب الكفر واهل الكفر والطغمه
الله الله
يا امة الهادي المختار للمه الخوف

#علي_الشعيثي

يانور زاحت به الضلمه
نجم الرسل ذي ضهر بعد الرسل نجمه
وتعدد اسماه
احمد محمد و (طه) في صحف ملفوف

إعلامنا يكملو علمه
وحنا جنوده وفي نحر العداء دعمه
ندمر اعداه
في مولده نعرف الخاين على المكشوف

#ابوعلي_البريهي

ياشعب الإيمان والحكمة
ربيع طه أتاك الهمة الهمة
والذكر أحلاه
في مدح خير البرية أحمد الموصوف

في الذكر بالفضل والرحمة
هدية الله رب الكون للأمة
يامن تولاه
إفرح ووري العوالم حشدك المألوف

#احمد_علي_المقدشي

يانور مشرق على الامه
في مولدك. انزاحت الظلمه
الحمد الله
شعب اليمن لباك رغم الضروف

من موطن الايمان والحكمه
ساحات في مولدك زحمه
يارسول الله

نزور قبرك بعدها نحج ونطوف

#أبوخارف_ابوشوصاء

في مولد النور والرحمه
بانحتفل به برغم الوضع والازمه
والعون بالله
في مولده نحتفل في امن ولا خوف

في ارض ليمان والحكمه
الحلف مهزوم باندعس على خشمه
وحنا مع الله
شعب اليمن بالشجاعه والولا معروف

#أبومقدام_عارف_شرده

طه الذي للعالمين رحمه
ومن بنوره ازاح الكفر والظلمه
فنحمد الله
ونحتفل به وكل العالمين تشوف

ومولده عيد للأمه
لبيه لبيه بانصرخ بها كلمه
ونعاهدالله
ونجتمع يوم ميلاده ألوف ألوف

#احمد_جازعه

ميلاد طاها يشحذ الهمه
يضمد الجرح ويبعد السقمه
مع الله
ننزع بميلاده منا عروق الخوف

هذا اليمن بلد لايمان والحكمه
مع الله وال البيت قدطرى علمه بالله
ننصر الحق بحد اسيوف

#عدنان_جحوح

مولد محمد لنا رحمة
بنحتفل به ونهتف كلنا باسمه
محال ننساه
لبيك يا سيدي يا صانع المعروف


لبيك بانجعل الغمة
على جميع العدا ذي يصنعوا الأزمة
فحنا مع الله
لابد نقطع لسان الساخر الملقوف

#عبدالله_بحنان

سلام يا موطن الحكمه
من قال لبيك يا طه وخط أسمه
إيمان بالله
الحق منهج لهم والامر بالمعروف

في مولد النور والرحمه
شعب اليمن كل عام يزيد من عزمه
يا قوة الله
والسر طه وحبه في زمان الخوف


#إتحاد_الشعراء_والمنشدين

https://t.me/aboyahyaalshami

تابع المجاراة الاولى أستجابه لتوجيه السيد القايد بتدشين أيام مولد الرسول الأعظم (ص ) .

البداية #يحيى_الوحيشي

مشاعر التعظيم لك يا صاحب الخلق العظيم..
تبعث على التصميم لإحيا مولدك رغم الحتوف..

لبيك رغم الضيم والعدوان وابليس الرجيم..
لبيك يا كعبة حواليها مشـاعرنا تطـوف.

#ابورصيد_المرهبي

با الصدق والتسليم لا ال البيت كامل نستقيم
ونواجه التقسيم واذناب النصارى والحلوف

نصحح التعليم ونواجه قوى الحلف اللئيم
نحيي الفرح ونقيم ذكرى مولده رغم الأنوف

#محمد_ابوالعز

لبيك بالتكريم لك ياصاحب الاصل الكريم
جينا بكل تسليم نحيي مولدك رغم الظروف

اسمك بحرف الميم مفتاح الصراط المستقيم
يانور في التعتيم ساطع ماتواريه الصروف

#جلال_الغولي

بك نحتفل تعظيم ياطه وفي حبك نهيم ..
ومولدك بنقيم في كل المراحل والظروف

لبيك يامهداة رحمة وارسلك خالق رحيم
وعظمك تعظيم من بين البلايين والألوف

#علي_محمد_المحاقري

تسليم لك تسليم يانهج الصراط المستقيم
بانحتفل ونقيم ونعد الـمـجـالـس للضيوف

يامرحبا ( حاميم ) يا حيا بنورك يا كريم
بانحتفل تكريم فـي ذكراك ملايين الالـوف

#علي_حشفول_الهلالي

لبيك نهتفها ونطلقها من اعماق الصميم
ياسيدي رغم العنا والبهذله واسوا الظروف

نهواك يا خير البشر يا رحمة المولى الرحيم
يا نور ساطع جا لنا خلا بصائرنا تشوف

#الشاعر_أبوالعز_الهتار

بالحرب والتسليم نكسر قرن سلمان الرجيم
ع. نهج طه وآل طه با نرصص للصفوف

ما دام والقدوه عظيمه وأنت يا شعبي عظيم
جهز لمولد حول الأقصئ بالزوامل والدفوف

#الشاعر_ماجد_القادري

اول حروفك ميم عشت العمر بالدينا يتيم
والان لك تقييم هز الكون بالكوكب زحوف

من اليمن تعظيم من المهرة الى شامخ يريم
بالاخضر الترميم حول العاصمه اسمك يطوف

#ابوحضارة_السويدي

صلاة والتسليم تغشاء صاحب القلب الرحيم
مايقرو التحريم وآيات ال عمران والحروف

والبذل والتقديم لايوم الصراط المستقيم
عهدآ بطاسميم حتى يجمع الله الصفوف

#ابوالفتح_الجرادي

لبيك يانور الهُدا حاضر وفي العصر القديم
من شعب الانصار الاباه كالأوس والخزرج صفوف

بانحتفل في مولدك. ذكرا في الشعب الكريم.
ونــــعزرك ونــوقـــرك والكون والعالم يشوف

#شبل_الجند

من قلـب يا طـه بحـبك انت والصفوه يــهــيـم
لبيك والشعب الحسيني لبو الداعي صفوف

انت المبادي وانت يا طه الصراط المستقيم
وان قالو التعليم انت العلم في كل
الصفوف

#الشاعر_ايمن_العصري

لبيك ياطه النبي صادر من اعماق الصميم
ياخير قايدقادنا لببيك رددها الٲلوف

لبيك ياٲطهر بشر غظنا بها كمن اثيم
دينك تعمق بيننا لجله سرينا لاالزحوف

#ابوهادي_الجامع

في يوم ميلادك ندشن حفل متنوع كريم
كل اليمن في مولدك يالمصطفى قامو وقوف

لبيك ياخير البشر كل النشاما تستقيم
بانحتفل في مولدك ولا نبالي بالحتوف

#ياسر_القشوي

يا كل مؤمن قيم مولد مطوي الليل العتيم
بالنور والتعليم وافرح به وحطم اي خوف

واعلن له التسليم تظفر بالصراط المستقيم
وترك اولي التاثيم حب المصطفى فينا تشوف

#نجيب_العوسة

بالوعي والتسليم للمولى وقايدنا الكريم
وفي زمن تكميم الافواه انطلقنا دون خوف

ندشن المولدوهو تعظيم لله العظيم
ياسيدي لبيك جينا بالميات وبالألوف

#عباس_الصياحي

الوعي والتسليم والتمجيد راسخ في الصميم
رغم العناء والضيم نظمنا مع الآل الصفوف

بانحتفل ونقيم ذكرى صاحب الهدي القويم
ونحطم التعتيم ياطه ونتحدى الظروف

#ابورازح_القعود

لبيك من اعماق الاعماق والشرآيين والصميم
لبيك ثم لبيك ثم لبيك في كل الظروف..!!

لبيك يملي الارض ويعم الكواكب واللكيم
لبيك من شعب اليمن والكون كله بايشوف

#ابوهادي_الغمري

صلو معا التسليـــم يا شعبي على طه الحليم
صلـى عليه الله باللحظه ملايين والوف

للكون به تعظيم فوق العَظم ذي سوى العظيم
امين صادق قـول يعجز فيه تعظيم الوصوف

#الشاعر_رايد_الخمري

بانحتفل في مولدك رغم المنافق والكظيم
ياروح بالتسليم نوره في ملامحنا يطوف

لبيك ياطه المعظم في كتاب الله العظيم
لبيك ياخير البرايا كم لأمتنا تشوف

#ضيف_الله_هجوان

بانحتفل في مولده ونداوي الجرح الاليم
ونجدد الذكرى ونحملها على امتان الكتوف

احنالها مادام حب المصطفى شانه عظيم
مانختلف رغم العوايق والتكالب والزحوف

#ابو_يحيى_الحبيشي

ياصاحب الايمان والاحسان والفعل العضيم
يامن هداك الله لأهل الحق رتبت الصفوف

بك نهتدي بك نقتدي بالقول والفعل السليم
والشاهد الميدان للميلاد لبينا الوف

#جمال_الماوري

العشق والتسليم مبدأ عند ذو اللبّ السليم
والود والتكريم والإجلال من قلبٍ شغوف

يا مصدر التعليم يا مكة فؤادي والحطيم
تعظيمنا تعليم من ربي ولك قلبي وقوف

#الشاعر_متاش

يامرحبا وأهلا بميلاد صاحب القلب الرحيم
والكل في حضرة رسول الله طه اليوم ضيوف

بانحتفل بك يارسول الله دائم مستديم
وباندوس في خشم الاعداء والانوف

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

المجاراة الثالثه لأحياء ذكرئ المولد النبوي الشريف والتحشيد للحفل الأكبر يوم ١٢ ربيع الأول .

البداية #حسن_السعيدي

على الوعــد والميعاد جينا ولبينا
محمد رسول الله في يوم ميلاده

نباهي بــه الــدنيـــا ونعلن تولينا
ونبرأ ونتبرأ مــــن الكفر وأجناده

محبة رســـول اللــه متجذرة فينا
وتقديس ميلاده على شعبنا عاده

#ابورواسي_ارحب

لمولاي أبوجبريل نرفع تهانينا
بنعمة رسول الله والعتره أحفاده.

وميلادأسوتنا محمد وهادينا
هوية وطن عمار والأشتر أجداده..

عقيده لوالعالم عليها يعادينا
يضل اليمن للمصطفئ عند ميعاده

#مانع_البوساني

علئ من بذكرِه لا سمعناه صلَّينا
ذي انهئ فلول الظُلم والشرك واوغاده

نعيِِّد بذكرئ مولده ذي يسلِِّينا
ونستقبله ساعة وصوله وميعاده

ونفرح ونتباها ونظهِر تباهينا
أمام النصارئ زُمرة الكُفر واولاده

#الشاعر_منيف_ثعيل

ولانا لخير الخلق اسمى مبادينا
ولليوم لا زلنا جنوده وافراده

هو النعمة العظمى من الله بارينا
وسر انتصار الشعب هذا وامجاده

مدى الدهر بانفرح بمن قد بعث فينا
رسول الهدى ونسمّع الكون ميلاده

#ماجد_المطري

أتينا وكان الشـــوق يسبق خطاوينا
لإحياء ميـــلاد النبي سيد الســـاده

فرحنا بميـــلاده يداوي مآسينــــــا
وشعب اليمن لبـَّاه في يوم ميلاده

ومن راد يمنعنــــــا وبالقـول يثنينا
أمتناه في غيظه قبرناه باحقـــاده

#علي_عقاب

لامة محمد نرسل اعظم تهانينا
بميلاد خير الخلق لله وعباده

فيا امة المختار ذا الشهر يعنينا
بتزيين انفسنا بالايمان واعماده

لانه مباهي بالامم قال امتنا
فلازم نبيض وجه طه واحفاده

#فارس_المعزبي

معك يارسول الله من دورنا جينا
وقـُـــدَّامنــا قايد عَلَم خيرت القــاده

نجدد ولانا لك عسى الله ينجينا
من اهوال كُونيـّـه ونيــــران وقــَّــاده

نحبَّك..وميلادك من الموت يحيينا
كما الزهر تحييها سقايات جــوَّاده

#ابويحيى_أحمد_المنيعي

على حب طه واهل بيته تربينا
ونحيي على مر الزمن يوم ميلاده

ومن بغض الاعداء ماسئمنا وملينا
وشعب اليمن ماضي على منهج اجداده

#ابوخالد_الطويل_الجهمي

لنا حق نتباها بميلاد هادينا
نبي الهدى واطهر بشر وعظم القادة

بمولد رسول الله نكثر تباهينا
ونبقا على نهجه وتعظيم لعيادة

ويا منقذ الامه بحبك تغذينا
وباالعترة الاطهار يا سيد السادة

#هارون_الزغاري

على حب طه وآل بيته تربينا
وشبت عزايمنا على النهج وقّادة

امام العيون اليوم واضح تجلينا
براهين مشهوده وعادات معتادة

ولاحد في حب النبي بايضاهينا
له الحمد ربي ذي جعلنا من اجناده

#ابراهيم_الشرفي

ألا يا زمن يا دهر سجل أسامينا
على صفحة انصارالنبي وآله الساده

على نهجهم نمضي ولا قد توانينا
وشعبي معاهم جند الاسلام وافراده

محبة رسول الله داخل مآقينا
وينبض بحبه خافق الشعب وفؤاده

#عزالدين_جحاف

ومن في هوى طه من الناس يضاهينا
يمانين كل افرادنا في العلا قاده

نصرنا وآوينا ونلنا أمانينا
وفزنا من الرحمن بهديه وإرشاده

وياويل مبغضنا وياقهر شانينا
إذا كان خصمه أحمد النور واحفاده

#صالح_حسين

مع مولد المختار ثرنا وشدينا
جحافل عظيمه من لهب ثار وقاده

بحاطم وتوشكا للبعارين نادينا
وصرخه غضب ضد المريكان رعاده

مع حب طه سار مبدا خطاوينا
بنهج الولا دسنا المطبع مع اولاده

#ابوخارف_ابوشوصاء

على العهد مازلنا لطه موالينا
ولازال فينا حب طه وأحفاده

على منهجه نبقى وفي مولده جينا
وبانحتفل به دائمأ في اليمن عاده

محبه عقيده ثابته في مبادينا
ومن ينتقد يغتاض ويموت بحقاده

جريح الحرب #رفيق_زرعان

رسول الهـدى والدين ذكـراه تحيينا
وأحيت بنا الأسلام والحق وامجاده

ورغـم الـدول والأنظمة ذي تعـادينا
هتفــنا ولبيــناه والحــرب وقــاده

وفـي كـل سـاحة عتــرته قد تولينا
ولا نصــر إلا بالتــولي لأحفــاده

#ابو_يحيى_القهدة

دعانا رسول الله لنهجه ومدينا
يدينا وبايعناه وكنا من افراده

نحبه وفي حبه قد احنا تعدينا
خطوط المحبه والولاء له ولاحفاده

مدى اجيالنا في حب طه تربينا
من ايام كانه حي الى اعياد ميلاده

#جميل_جعفر_ابوشامخ

بميلاد خير الخلق حـلّ الفرح فينا
فمولد رسول الله بالسعد نعتاده

وبالزينه الخضراء نجمّل مبانينا
ونرفع صدى الزامل ونرفع بإنشاده

قسم ما نخاف الحلف وايضاً اعادينا
ولا مرتزق سلمان ايضاً ولا اوغاده

#ياسر_القشوي

ولا شيء في ذا الكون له جهد يثنينا
عن مولد الهادي و يسعى لاخماده

فحبه مثيل الماء واجب ليروينا
وفي احشاء هذا الشعب نيران وقاده

انصار نسل انصار حتى توافينا
علامات عزرائيل للروح حصاده

#ابوقصي_العويري

من اجل النبي المصطفى اليوم جارينا
وكل الهواجس تحتفي يوم ميلاده

ولو نكتب الابيات معشور ما اوفينا
بحقه ولانجزيه عن بعض مافاده

ولاكـن شيمنــا والمبـادي تنادينــا
وداعي القيم والدين تشهد لنا عاده

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

المجاراة دعوه عامه للمجتمع اليمني الحر بالتكافل والتراحم وترخيص المهور وتحصين الشباب من الحرب الناعمه .

البداية #سلطان_خضران

تحت عنوان التكافل لجـتماعي
بين ابنا المجتمع
نحو فعل الخير كل انسان ساعي
في رضا الله الطمع
قال لك ياسيدي سمعاً وطاعه

قل لبو نشطان مشكور المساعي
بالزكاه وماصنع
سبعه الف ونيف فالعرس الجماعي
بينهم لاقد جمع
ساعة الرحمن قل يا خـير ساعه

وانت يابو البنت مـابه اي داعي
تفسخه لاما دفع
زوج المسـكــــين لو مابه رباعي
في يده خل الجشع
والقنـــاعه كنــز لايفــنى القناعه

#ابوراوسي_ارحب

زوجوها وأستروها لو براعي
وين ماوقع نفع.
بالزواجه أرمو أفكار الأفاعي
وأطرحوها ف النصع
مايتم البوري ألا بالمداعه

نتبع ذي مادعئ لله داعي
من يواليه أتبع
البنيه مثل الأصلاح الزراعي.
كلما السعر أرتفع.
باتبور بالمزارع و الزراعه

#ابوقصي_العويري

بيض الله وجه من بالخير ساعي
طول عمره ما انقطع
كل خطوه خطها فيها نفاعي
في صلاح المجتمع
كامل أعماله لنا خير ونفاعه

دائماً همه يربي جيل واعي
حسب مالباري شرع
عيشته ماتمتلك هم وصراعي
كلها افراح وطرع
في رضاء الله كلها شُكر وقناعه

يارجالي بعد دعوة خير داعي
لعن ابو ذي استمع
ما بقي في حدة المهر ارتفاعي
بلغ اصحاب الطمع
من يخاف الله ويقصر ذراعه

#عبدالله_بحنان

حرب ناعم يا يمنا في اتساعي
واليـ.هودي من صنّع
الزواجة حصن من سم الافاعي
حصنوا ذي ما وقع
عرس سبعه إلف با يلوي ذراعه

من يريد الخير ما يحتاج داعي
كلنا يا مجتمع
العزب يا شعبنا كم له مراعي
كلموا ذي ما سمع
خفضوا مهر البنيه يا جــماعه

#الشاعر_ابوالعز

يامواطن شاهد العرس الجماعي
فالخميس بثه مشاع
بانبثه حي في الشاشات راعي
وشوف مااعظم لجتماع
سهل الباري ويسر للجماعه

ونت يابوالبنت جاوب خير داعي
لاتزيد الامتناع
لاتكن كالشاص بالدفع الرباعي
لاتدبل في الوساع
يحرق الموتور و يقتر بساعه

لاتعسر ماتيسر في المتاعي
هذه الدنيا متاع
ديننا باليسر وجه كل ساعي
بايجيك الخير باع
امر ربي امر ملزم باتباعه

#نورالدين_المقاتلي

قال (نورالدين) ياخير المساعي
في امامك متسع
بعلن الوقفه وبعلن إندفاعي
جمب من قد استمع
قول ابو جبريل لازم استماعه

به مهور بتقهر الدفع الرباعي
في الخطوطات الوسع
تنهك الخاطب ولابه اي داعي
ويدفع المبلغ دفع
واليوم قول السيد القائد بـ طاعه

#اشرف_الحسني

عرس زاهر يوق من كل البواعي
للاعادي قد ردع
فرحة العرسان فرحه باندفاعي
بالزوامل والبرع
والفساد اليوم نسعى لاقتلاعه

بعد هذا كل واحد با يراعي
ضرف الاخر لا دفع
لانكن يا اخوان امثال الافاعي
بانضر المجتمع
في غلاء المهر ضرّه وارتفاعه

بث يالاعلام في اقوى قطاعي
شمل لامّه اجتمع
صوره وانشر فالاقمار الصناعي
ذا العدد ماقد وقع
فالمسيره بث عاجل والإذاعة

#أبو_إسماعيل_الجابري

الحذر ثم الحذر سم الأفاعي
شعبنا لا تنخدع
فالحروب الناعمة منها الضياعي
نحوها لا تندفع
من تبعها بعدها تسمع ضياعه

التراحم والتآخي عقل واعي
بالتكافل نجتمع
أمر ربي والنبي فيه اقتناعي
لا ندور للمتاع
عهد نتحصن بهديه والشجاعه

#ذوالفقار_سفيان.

شعبنا بالله مستبصر وواعي
في سبيله ماهجع
او كما دسنا على رووس الافاعي
با ندوس انف الطمع
للتكافل والعمل زاد اندفاعه

كلكم مسؤل للأبنا وراعي
زوجه ليش الجشع
حصنوهم لو يعيشو بالشباعي
مثلما ربي شرع
الزواج الحصن للامه مناعه

طول عمره والعزب جالس مراعي
للقرار اللي لمع
من لسان القايد الفذ الشجاعي
والامل فيهم زرع
يالله ارزقفنا في الدنيا إتباعه

#شهاب_المتوكل

يايمانين حياكم يراعي
والقوافي تجتمع
يارجال العز في كل المساعي
بادروا فيما نفع
وارخصوا مهر الزواجه ياجماعه

والتراحم والتكافل له دواعي
في الزمن مهما وسع
وانتم الشعب المهاجم والدفاعي
شأنكم هو مرتفع
دوم في العلياء ماتوطون قاعه

لنكم ياشعب اكبر شعب واعي
صدركم دايم وسع
ارفقوا واسوا ويبقى الدين وازع
واحسنوا للي جوع
والمكارم دوم هي بيت الشجاعه

#ابومقبل_الشعيثي

مرسلي ياسايق الجيب الشراعي
في الطريق المرتفع
قل لاذي مااستشعر الموقف يراعي
شرع ربي ذي شرع
قبل ما حب الطمع يطوي ذراعه

سيدي قدم لنا تيسير واعي
وختصر نص الطبع
والزكاه احيا بها الخير الوساعي
في السنه زوج دفع
وختصر غرم الضيافه والشواعه

يارسولي فهم المخ الصناعي
لايكثر في البدع
زوج الخاطب بقدر المستطاعي
والملابس والرقع
زلها والجيد يزتاد ارتفاعه

#ياسر_القشوي_الحجري

قلت باسم الله بابحر ياشراعي
وسط بحري والسجع
كل مسلم يتحد في ذي المساعي
نترك الوان البدع
بالتظافر والتئازر يا جماعة

قال ربي خيركم من جا بداعي
ينهي انواع الجشع
والقيادة صرحت يا كل واعي
حاربوا كل اللفع
ذي اذا يبتاع مهر البنت باعة

#سجاد_نشوان

بـ التكافل والتراحم شعب واعي
لجل عزبان اجتمع
يشمل التحصين والخط الدفاعي
قبل يزداد الوجع
والعرس كلين يفرح بـ اتساعه

قبايل اهل الشرف يا سيف بتار
في يد قايدنا العلم قط ماهان

يضرب به السيد على حلف الاشرار
وبمعركة ميدي شواهد وبرهان

وبكل جبهة عنهم تسمع اخباار
قومِ على الباغي نيازك ونيران

من حجر كمن ليث بالحرب مغوار
رجالهم اضحت على العز عنوان

من ارض لحبوش التحق جيش الانصار
وسئل عن القوم الابية بشمسان

ومن الجبر كمن اسد ليث كرار
قبايل المفتاح ذو الباس والشان

واشرح وقايع قوم من نسل الاخيار
بين القبايل منبع العز كحلان

وأفلح الي ترفض الذل والعار
تفزع قبايلها على كل ميدان

وأسلم الي تمتلك عزم واصرار
على جيوش الحلف صاروخ بركان

وحدّث الميدان يحكي بالاتقان
عن البساله من رجاجيل خيران

و الشاهل الحره براكين واعصار
رجال لاحان اللقاء قوم شجعان

ومن قبايل شمر شجعان واحرار
كم نكلت بافراد وجيوش سلمان

حل الشرف الانصار واحفاد الانصار
ما ترتضي بالذل لو كان ما كان

الفرد منهم مثل بركان لا ثار
يكسر كتيبه قط للذل ما لآن

من اجل عيش العز والاخذ بالثار
ياويل حلف الشر من وعد لا حان

تلقى جيوشة لفح من شدة النار
حتما نهاية مخزية مثل هامان

يا قوم للعزه غدو نهج وشعار
حيا بهم ونعم بهم طول الازمان

لهم تواريخ اعتلت كل مضمار
يشهد بهذا الكون والانس والجان

#ياسر_القشوي
#إتحاد_الشعراء_والمنشدين

https://t.me/aboyahyaalshami

تابع المجاراة عن اهمية #مدونة_السلوك_الوظيفي
المنبثقة من روح الهوية الايمانية

البداية للشاعر #بسام_شانع

سلوك الموظف في ضوابط مدوّنة
ولا سطر فيها (من اساطير الاولين)

عليها ضمانة الف واربع مية سنة
من (إياك نعبد)..لا..(وإياك نستعين)

تفعّل رقابة رب ما تاخذه سنه
ومبدأ(هو الرزاق ذو القوة المتين)

وتضرب على اهل العجل ذلة ومسكنة
تخذهم كما أَخذ (آل فرعون بالسنين)

#أبوحسين_العصري

وثيقة من الفرقان للناس بينه
نوالي ولي الله للكفر مبغضين

بها العزم والاخلاص والجد برهنه
وبالصبر با نصبح كما قال (صابرين)

مضامينها من عهد الاشتر مضمنه
بها نهزم الافساد والظلم أجمعين

قهرنا بها الموساد والغرب نلعنه
لمسنا الدنق منها والاذناب ضابحين

#ماجد_المطري

بتوفيــق ربي كل خطـــــه مزمَّنــــه
نجاحات نحــرزها وربي لنا المعيـن

وصغنا من القـــرآن خُطـَّــه مُقنَّنـــه
بها نرضي الرحمن والصادق الأمين

مبادىء وظيفيــه صريحــه ومُعلنه
تعالج ترهُّــل واختــــلال الموظفين

وللفاسدين تفضــح ولا بــه مداهنه
ويستبدل الباري بهم ناس مؤمنيـن

شاعر الباديه #سلطان_خضران

على عهد بن طالب للاشتر مكــونه
ضوابط سلوك اخلاق كل الموظفين

بداية من التسلــــيم الايات بينــه
على السمع والطاعه اذا به مسلمين

اذا طبقوها خير في كل الامكـــنه
ولاخير في ذي ماعتبرها ولو بعين

قليل الادب لاحد على الخلق يأمنه
ولانحسبه منا اي واحـد قليل ديــن

#ابتسام_شرف_المحطوري

وثيقة إباء وشموخ لرجال مؤمنة
بأن الوظيفة حزم مسؤولية ودين

امانة تُؤدى والمقصر باتلعنه
الاجيال ذي سبب شقاها المقصرين

وهذا السلوك هو يتوج بموطنه
اذا تم من قِبَلْ جميع الموظفين

سلامي وتقديري لمن مد عنونّه
صميم الزمن وينحت به الجبين

#ابوخارف_ابوشوصاء

وثيقه حكيمه جات حسب المراهنه
بحكمه يمانيه على المنهج المبين

يصيح المنافق منها حسب ديدنه
بها اغتاض حلف الشر والفاسد اللعين

ولاهمنا أصحاب العقول المعفنه
وذي في الفنادق خارج الشعب ساكنين

على منهج القرآن صغنا الموازنه
بها الخير بانجنيه في قادم السنين

#ياسر_الحرادي

وثيقه شريفه مستقله محصنه
بها الشعب يتشرّف ويوثق بها يقين

تحافظ على حق المواطن وتضمنه
وتقطع يد الفرصه على ناس فاسدين

وماهي في ادراج المكاتب مخزّنه
ومابايطبقها سوى ناس صادقين

هي اليوم في كل الدواير والامكنه
وبانتبعها رغم أنف المنافقين

#ابوعبدالله_عنبل

مع الحق واهل الحق و آيآت بينه
على ما امر ربي و جاء الصادق الامين

نشوف الرجال افعال ماهي باللالسنه
ولا خير في ساعي لدنياه بسم دين

تعيش الامانه بالاماكن و الازمنه
متى ما اهلها عصبة ميامين متقين

#ناجي_القطيبي

وثيقه تبنّتها قيادات مؤمنه
وضعهاالعلم والقايدالنّاصح الامين

برت ذمّته فيها لدينه وموطنه
مضامينهاتحمل مسيرة قيم ودين

تراقب مسارات الوجيه الملوّنه
وتضرب يدالطّابور حقّ المنافقين

وفيها من القانون الاسلامي احسنه
رضينابها واحنا عليهاموقّعين

#شاعر_بلاد_الروس

فيكفي بكاء ياكل فاسد وون ونه
عليكم مية لعنه احيا وميتين

عرفنا مساقيكم ومشروع الأمكنه
وكم قد سمعنا من لقوف المطبلين

متى حرر الأحرار. قرارات مثمنه
لعبتو عليها. لعبت الصوت والطنين

سلوك الوضيفة باتنضف. للأحصنه
وتجعل ضعاف النفس من السرق تائبين

#ابوكنعان_الروس

وثيقه عظيمه باالمبادى مدونه.
ومن هدي دين الله والصادق الأمين

ماده من الدستور مصاغه ومعلنه.
باأمر القياده والجماهير مسلمين

وفيها حمايه من ممالك وسلطنه.
وحكم الوراثه ذي ضهر اخر السنين

تئنب نفوس أمراض حكره مزغونه.
تصحي ضمائر في صدور المهندسين

#ياسر_القشوي

بخطة ضوابط للموضف معنونه
تبين مدى حجم التزام الموضفين

دراسة عظيمة للقضايا مزمنه
تحسن ادا المسؤل من نورنا المبين

من الزيف واللغط الوضيفي محصنه
وبا تقهر الناس الذي مش مصدقين

بان القيادة قررت شرط ما احسنه
يكيف به المؤمن إلى قووه وديين

#الشاعر_ابوحيدر_عامر

تبدد دعايات العدو المعنونة
وتحبط من اتامر على شيعة الحسين

وباتظهر المخلص ذي الشعب يمنه
ومن طبق الرؤية بقي رافع الجبين

على درب كمن حر ماخان موطنه
ودرب الوفى دربه يزيل المشككين

#الكرار_المشراقي

وثيـقة بنــور الله وحكمه مظمنه
تحسن اداء المسئول تجاه المواطنين

فيا سعد من يعمل بها الخلد مسكنه
وياويلهم من بائس ربي المخالفين

تاسـس لنادوله وقادات مؤمنه
وتحفظ زكاء النفس بالوعي واليقين

بها بانحاطم كيد كل الفراعنه
ونكشف قناع الخاينين المنافقين

#إتحاد_الشعراء_والمنشدين

https://t.me/aboyahyaalshami

تابع المجاراة (في رحاب الشهداء العظماء).

البداية #الشاعر_ابورواسي_رواسي

شهيدنا الحي حيث الحي لا يُفتقد
والمفتقَد من فقد روحه بغير الجهاد

نيل الشهاده زياده في العُمر والعدد
ما مات غير الذي باع الشرف والبلاد

#عبدالله_نشوان

من جد واخلص مع ربه ودينه وجد
بايحصد الخير والمحصول يوم الحصاد

والنشمي الحر ينطق صح ولا رقد
خط السفينه بتمشي حسب ربي اراد

#الشاعر_يوسف_الحداد_ابوحيدر

نتوارث العز من هذا العطاء للابــــــــد
بالنصر ولا الشهادة كيف ما الله اراد

يستشهد الجد والوالد وابن الــــــــولد
والبذل لله يزداد كل لحظه ازديـــــــاد

#الشاعر_ذوالفقار_القيدله

علـّى مقام الشهاده كل شعري سجد
علـى اهلها صادقين الوعد واطهر عباد

هم الذي عاهدوا ربي وربي وعد
قابل عطاهم عطاء م‌ـن فضل رب العباد

#ياسر_القشوي

يا سُعد من في خطا الكرار قام اجتهد
وباع نفسه من الرحمن رب العباد

والشعب كله على ذا النهج ما اخلف ابد
وباذن ربي تجاوزنا السنيين الشداد

#ابواحمد_الغفاري

شهيدنا اجتاز هول البعث ومنها ابتعد
وزل نشر الصحف وحشر يوم المعاد

أمن بالاحسان مستقبل سعيد للأبد
ودماه لاجيالنا رصت سبيل الرشاد

#الشاعر_ابوحيدر_عامر

من صورة الطور والاعراف سارع وعد
ووفا بعهده مع الرحمان خير العباد

نال التجارة ونال الفوز نال الرغد
يهناه دار السعاده فاز تاج البلاد

#رمزي_النقيب

رعد العطاء في سحاب هذه المسيرة رعد
وسال دم الشهيد الحي في كل واد

والله حاشاه يخلف للشهيد ما وعد
من اجل الإسلام ياصحاب البلاد والعباد

#ابوفتح_الاشول

هاجر وتاجر وناصر بيننا وأنفرد
وساق روحه الى الرحمن بـ البذل جاد

عاهد وشاهد لما الله في كتابه وعد
وقال يا ليت قومي يعلموا بـ الحصاد

#اكرم_النيعاني_ابونبيل

من باع لله وفي متن السفينه صعد
علا خطا البدر في درب الهداء وارشاد

يهناه لافاز يلقاء ماالاهي وعد
نعيم دايم وراحه عند رب العباد

#ابوحمزه_المقاش.

انا اشهد انها قوافل فايقه فالعدد
مقدامها البدر والتاريخ لاهل السداد

في صفحة المجد تتسابق طقوم المدد
وتقول للغرب يـ المهفوف عادك وعاد

#بدر_الكهالي

من جد يوجد و بذل الدم حصن البلد
وسيل دم الشـهادة يجـرف الاضطهاد

و نـالة الـفوز الاعـظـم مـن الـٰٓهي مدد
و نالـة الخُسـر للخـوان بـئـس المِـهاد

#ماجد_النوعة

يهناه من باعِ روحه للملك والجسد
يهناه عشيه هنيه عند رب العباد

نيل الشهادة سعادة دايمه للأبد
جنب النبي والرجال الصادق فالجهاد

#شهاب_المتوكل

يادهر درب الشهاده دربنا المعتمد
واحنا اليمانين جندالله رب العباد

بعناله ارواحنا بالفوز فيماوعد
والله قدعزنا عزه ونلنا المراد

#الشاعر_بشار_دهقم

شهيدنا فاز با الجنه وخير المرد
من بعد سيره عضيمه في دروب الجهاد

نال النعيم المؤبد والهنى والرغد
ونال نعمه شرف ربي وحسن المراد

#ابوناصح_العزي

قد نال اعلى المراتب بالشهاده استمد
الفوز بالخلد في جنات رب العباد

عطية الله مخصوصه لعبد اجتهد
في رضى الله ثابت في دروب الجهاد

#بشير_سفيان

اقسم برب السماء مايوم نخضع لحد
لتغير الكون في وسعه ويصبح رماد

فاز الشهيد الي بمحرب الكرامه سجد
قد باع لله وللباري بنفسه اجاد

#ابوفاطمة_الشريف

سلام ربي على منهو لربي صعد
من بعد ذاك العطاء والتضحية والجهاد

لاقا الحياة الكريمة وسط دار السعد
وحقق الله سبحانه له اعظم مراد

#ابوهادي_الجامع

درب الشهاده سلكها كل مؤمن صمد
وقاتل الشرك وصحابه معا قوم عاد

شهيد عند الله الجبار قد يعتمد
نيل الشهاده نصيب المؤمنين الجياد

#الشاعر_ماجد_غانم

روح المجاهد ترقت رتبته واستمد •
قوه من الله واتوفيق والفضل زاد •

نلت الشهاده ومن نال الشهاده خلد•
تجارتك رابحه والله بما جدت جاد•

#ابوطه_الحجازي

قد كان انسان مثل السيف قاطع وحد
وكم بتر من رقاب الكفر  وللبيت عاد

ويوم ربـــي دعـــــــاله .فــــز مثل الاسد
وســـــــــار للموت يتصيد ونــــال الــمـراد

#ابومحمد_العفاري

درب الشهاده لنا ميدان بايعتمد
لاخلاصنا في سبيل الله والاعتماد

نثبت ثبات الحسين والمعتدي قد شرد
في كل جبهة طعم مر الفشل والنكاد

#الشاعر_أحمد_الخاشب

هل با ينال الشهادة غير من هو استعد
وعـبّـأ الـنـفـس مـن نهر البصيرة وجـاد

ولا مِن الـمـوت وامـواج الـمـنـايـا مَـرَدّ
إلا بـنَـيـل الـشـهـادة فـي طريق الجهاد

#مختار_البحري

روح الشهادة نفح في شعبنا واتقد
وزاد زاد العزيمة في ارجال الشداد

لبيك قال الشهيد الحُر ذاك الاسد
لبيك ياقائد الامة ورمز الجهاد

#عدنان_جحوح

وحنا على نهجهم بارواحنا والجسد
أسود تتبع أسود في كل ساحل وواد

على دروب الوفاء هيهات نخضع لحد
مادام وحنا مع الله بانزيل الفساد

#الذكرى_السنوية_للشهيد 1444هـ  
#إتحاد_الشعراء_والمنشدين

https://t.me/aboyahyaalshami