تابع عنوان المجاراة ((الامم المتحدة اكبر كذبة في التاريخ))!!

#صدام_العزب

اليوم يوم البندقية يا قلم
قل للأمم واذنابها يفكو الحصار

ولا ورب العرش ما يبقى سلم
تحالف العدوان في بر وبحار

#ياسر_الجرادي

قل للامم موضوعها اليوم انحسم
واصبح مطار صنعاء لهم بارود ونار

بايلقفوهم حق امريكا الخدم
ذي يذبحوا فارض الجنوب من جا وسار

#الوليد_النفيش

ماحد سلم من مكرها ماحد سلم
شبت جحيم الحرب في كل الديار

في الواجهه رحمه وفي الباطن ألم
شريك في العدوان وقرار الحصار

#ابوحسن_البحري

شب النكف قل العرب قل للعجم
يلعن ابو من يختر الذله خيار

البندقيه والرصاص اعضم حكم
خلاص قرر شعبنا هذا القرار

#عزالدين_جحاف

مبعوث يجي مبعوث يسير مافيش هم
شعبي بحمد الله قد صاغ القرار

مع أبوجبريل قائدنا العلم
حكمة بصيرة نور قوة واقتدار

#إبتسام_شرف_المحطوري

إن الامم مبعوثها داءه صمم
ننقل إليه اوجاعنا كنه حمار

ولافهم ولاعقل مثل العدم
جاسوس متربص علينا له إجار

#يحيى_علي_الحضوري

قالو أمم لاكنهم كمن قزم
لانفعت العالم ولامنها ضمار

اجرامهم واضح ومتلطخ بدم
قرارهم مرهون داعم للدمار

#محمد_علي_الجبلي

مابانفرط في المبادئ والقيم
لابد (مانفرض) (ع)امريكاء الحصار

مرفوضة! اسرآئيل والسيد! قسم
قريب! وباتصبح! مطارتهم! غبآر

#عمر_الاهدل

للشرعيه قولوا ومبعوث الأمم
يا من نهبتوا النفط واغلقتوا المطار

عبد الملك مظلوم وانته له ظلَمْ
واليوم دمه حرام ما يذهَبْ هدَار

#عبدالله_الجرفي

هو هكذا خُلف الذري لاقد تلم
يطوّل المسقى وما سد الخبار

ذي بالذفر حق الحمارات احتزم
هو ذي سرق روح المسافر والسبار

#صدام_شايف_الغولي

ياالاحمدي بلغ بخطي والقلم
اهل الذمم والعنصريه والدمار

ان جاوبو اهلا وفكو الخط الامم
ولا قطعنا البحر فالمندب جدار

#علي_علي_مسرع

اين الأمم يا ذي تسموها أمم
ومبنى الأمم ينظر مبانينا دمار

لاعد يجي المبعوث قدهو متهم
ما عاد به للطايرة حقه مطار

#سلطان_خضران

شدو العزايم واشحذو اليوم الهمم
واتحركو. جو كل واحد في مسار

لاننتظر من بعد عقّـاد القمم
حتى يجي مبعوث ويفك الحصار

#زيد_الخراشي

ماهو من اتعلا رجم مع من رجم ..
جرب طريق البر تدري ويش صار.

كم تبعد النقطه عن النقطه قــدم
فالخط يامبعوث والا فالحوار .

#ابوعماد_الزايدي

‏هاذا قرار الشعب ذي صالح نظم
وشعب. ايد. شاعره. تاييد حار

يامعشر الثوار قولو له نعم
لاطايره تبدي يقع وعد الحمار

#ياسين_الفروي

السلم في ظل المسيرة والعلم
وملزمة لا عذر و..معاني الشعار

قولوا لهم ما به حوار الا البغم
ولا خيار الا(وعيد) و(ذو الفقار)

#شهاب_المتوكل

الإسم متحده ودوم العكس تم
كم كيدها فرق وخلى الجار جار

يالعن ابو من يوم يقبلها حكم
دايم وهي للهيمنه اقبح ستار

#محمد_حزام_متاش

لعنة على انسيانيتهم والأمم
ما منها غيرالمشاكل والدمار

لأهم عرب كلا ولا فيهم عجم
أخلاقهم ما منها غير الشعار

#ابو_بدر ذيبان

مبعوثكم مخزوم في خيط الجزم
ولا لرأيه او حواراته مسار

كل الزيارات والمشاوير لاعدم
اذا استمر القتل فينا والحصار

#ابومصطفى_الرضي

مبعوثهم شوف التفاعل والزخم
واقبل بنود صنعاء مع فتح المطار

مابايفيد بعدا التباكي والندم
لاقد سرى الصماد برفقة ذو الفقار

#ابوعلي_البريهي

والله ما جا منها غير الألم
وهي شريك بقتل شعبي والدمار

كذبة كبيرة كل مباديها وهم
ومن يظن الخير فيها ذا حمار

#أحمد_الحاضري

المجلس مع المبعوث هم أصلا خدم
خدام أمريكا وما فيها غبار

لكن بفضل الله وقائدنا العلم
رجالنا الابطال بيفكو المطار

#ابوزكريا_المأخذي

الليل يا شعب اليمن شدوا الهمم
كلين للجبهات يا خذ له مسار

يا نـعيش احـرار ونصون الـقـيـم
او ننهي العدوان ونفك الحصار

#هادي_حسين_الرزامي

لاسامح الله من يسميها أمم
ولا لها حتى الشيم ولا قرار

هي بعد أمريكا وصحبتها ندم
مابانصدقها ورى رفع الشعار

#محمد_الروضي

اغلق مطار صنعاء كانه منّ هدم
واكتب عليه لوحه طراطير الحصار

ماعاد لها تأتي عليه بدعسة قدم
الى... هنا يكفي تلاعب وانتظار

#جمال_عوضه

تبآ لعُباد الدراهم والصنم
ذي ذاقوا الخزي الملطخ بالدمار

قولوا لهم مافايده كثر الندم
يانصر يااستشهاد لانصار الشعار

#حازم_الشظمي

قد قلها شعب اليمن منذو القدم
ميولها للمال والموقف ضمار

هيئه بلا اخلاق بياعة ذمم
تستثمر استثمار والمبعوث حمار

#اووايل_عنبل

ما با تحصل خير يا شامخ نقم
من اليهودي غير كذبه والهدار

كذبه ورى كذيه وكم هذا وكم
مافي عبيد الذل حاله واقتدار

#إتحاد_الشعراء_والمنشدين

https://t.me/aboyahyaalshami

تابع المجاراة ( الرسالة الاخيرة الى قوى العدوان والمنافقين الخونة)..

#هادي_حسين_الرزامي

من جهل نصرنا يتخبرا
مارب اليوم ينطق بالصواب

انه الحق مافيه امتراء
وانتظر يامنافق للجواب

مثل مالصبح ضوحه بشرا
بالنصر لاح من بين السحاب

يسحق المعتدي ويدعثرا
حلف صهيون في آخر خطاب

#ابوحنشل_قاريه

دام والحـق صـوته زمـجـراء
واعتلت صرخته بين السحاب

كـل خايـن ضـروري يُـقـبـراء
بعد يصبح دمه لحمه خضاب

أُشـردو لا الـثـريـا والـثـراء
بانجيبك ولو تـلبـس حجـاب

سيديَ حسين اعضم واطهراء
والـمـلازم تـبـيـد الإرتـيـاب

#الشاعر_عباس_الصياحي

شعب الانصار كامل شمرا
واحتزم يحسم الموقف قطاب

نحو مأرب لتطهير الثرا
من بقايا العماله وال......

وبانواصل الى ام القرى
نلحق اللي هرب فوقه حجاب

ياعراده نصيحه تحذرى
سيدي حسين زادي والشراب

#عمر_الاهدل

كل شعبك سيدي هم اشترَا
يعشقوا الاقدام وهامه في السحاب

المسيره في عروقي قد. جرى
حب قايدها وهو فصل الخطاب

بإصبعه سيدي لو اشّرَا
يحسب اعداؤه لها مليون حساب

با يعيد القدس سبط الحيدرا
وباذن ربي با تلين كل الصعاب

#الشاعر_ابوحيدر_عامر

اخر انذار بلغ خَيْبَرى
حن جنود الله وحن سوط العذاب

لا قد السيد بيده أشرى
نحرق امريكى وصهيون الكلاب

برسل القاصف وبركان لا سرى
بايخلي كل واشنطن خراب

اخر إنذار جيشي حذرى
ونتبوها حرب حن اهل الحراب

#ابو_سام_المرحبي

حلف الاوباش هزم وتقهقرا
والذكي من لصف الحق أب

ياعراده رصيدك اشرا
خبرتك كل من جهز نقاب

جاك جند الهدى كلن سرى
يحملوا في يديهم لك عذاب

حصحص الحق والعالم ترى
وعد ربي وخذ فصل الخطاب

#ابـومـازن_الـرازحـي

سابك الحلف وحدك في العرا
ياعراده فسد حلمك وخاب

انت سلـعـه، تبـاع وتشتــرا
مثل غيرك تغادر بين كاب

سيدي(حسين)نجل الحيدرا
صار كابوس،لك، واهل الكتاب

قد صنع جيل كمن أشتـرا
يجعل الكفر دايم في اضطراب

#بدر_الكهالي

فرق بين الثريا و الثرى
والحصى ماتصل حد االسحاب

يا عرادة نُباحك والهُراء
تحت اقدام عالين الجناب

الكلام الخسيس المفترى
ما لقوله على الصايب حجاب

والذي حق للنسمة برا
ان با يوصلك اقوى العقاب

#رفـيق_أبـوعلـي

سيدي احسين الذي مااتقهقرا
قلنا وين الخطا وين الصواب

بانأدب ذي علــى سيدي افتـرا
بشروه بالـويل وانـواع العذاب

في سبيـل الله مــــانرجــع ورا
لويجيبو الكـون كله مـــــانهاب

الجهـوزيه في اعلــى مســــتوى
سيدي غـامر بنا فـــوق السحاب

كل عــــوجا بـانرجعها ســـــــوى
قل لحلف الشر ذا فصل الخطاب

#ابوحمزة_الجوفي

سيدي حسين قد رد البراء
بيننا ياذرة يوم الصراب

لومعك عقل لا تتعبراء
بالعكيمي وترجع للصواب

واجةالموت ياخزق ال....راء
لنت من قوم الحرايب والحراب

جندربي على بابك ترى
ياعرادة باترويك الجواب

#إتحاد_الشعراء_والمنشدين

https://t.me/aboyahyaalshami