تابع المجاراة العاشرة عن الخروج الكبير المشرف يوم السبت المقبل ذكرى المولد النبوي الشريف وآثاره ونتائجه .

#أخت_شهداء_البكالي

في سبتنا لبيك ياسيد العرب
لبت لك الاكوان ترحيبا وطيب

نستعجل الدقات والوقت اقترب
نحييك في الوجدان ياعون الغريب

#أحـمـد_الاهـــدل

شعب اليمن كله الى الساحات هب
ياسيــد الســــادات لداعي مجيب

حشود تتقارح على إمـريكا غضب
لبيــك ثم لبيـــك (ياطه )الحبيب

#أبوأحمد_الوايلي

ايام سوداء مقبله يابو لهب
باتحترق فيها وباتلهب لهيب

جهنم الحمراء لمنهوه رسب
وجاحد القران له منها نصيب

#ابوراكان_السحاري

وبدايت النصر العضيم إلنا .أقترب
ونهاية الحلف أصبحت ضني قريب

بفضل ميلاد النبي جيشي غلب
قوات واشنطن..وداعمها الغريب

#عيسى_الهروجي

صحت ولآنــآ للرسول المنتجب
فوق الثرياء نجم صادع لن يغيب

والسبت موعدنا لتنفيذ الطلب
ياكل مؤمن لب للداعي وجيب

#عبدالله_القبلي

ياسيدي رهن الاشاره والطلب
نحضر في الفرحه وف الوقت الصعيب

مثل السيول الدافقه للمزن صب
في مولدك يتبلسم الجرح العطيب

#عبدالله_حسين_مسعود

الشعب في ذكرى النبي لاهب هب
والوعد يوم السبت والموعد قريب

با يوعد اهل الشرك ميعاد الغضب
ذي يجعل امريكا من الواقع تغيب

#أبوحسين_العصري

لبيك من صنعاء ومن وسط القتب
لبيك من صعدة ومن غولة عجيب

يا خير خلق الله شعبي قد وهب
في حبك الأرواح والغالي بطيب

#ابوغبري_الغبري

مثـل الذهب شعب اليمن مثل الذهب..
ما اتغير المبدى ولا الساس العريب..

يوم الحيا والـدين من غيــره ذهــب..
كان الي استمسك وكان المستجيب...

#علي_الشعيثي

يايوم لاقد شافك الكفر ارتهب
وجرح ال البيت لاشافك يطيب

ذي منع ابتكم ياسلاحي والجعب
هبو جماعه من بعيد ومن قريب

#ابوالكرار_المجنحي

ياشعب أمن باالرساله واستجب
وساند المختار في الوقت الصعيب

لي منعكم لا يعتذر حامل سلب
السبت موعدنا حذاري حد يغيب

#جمال_الماوري

لا قد ذكرتوا حادثة جمع الحطب
كي يحرقوا ابراهيم في نار اللهيب

شعبي تجمع واحتشد كله وهب
يصْلِي بني صهيون من مجرى القصيب

#فايز_الحمزي

قولوا جميعاً يارجال قولوا وجب
المؤمن الصادق لربه يستجيب

نفرح ونستبشر بما ربي وهب
وخصنا نحن اليمانين بالحبيب

#ابو_صماد_الفليتي

وجب علـــــــــــــينا يارجال الله وجب..
نفرح ونتـــــــــــــباها بـ سيدنا الحبيب..

والكل يوم الــــــــــــسبت لساحه ذهب..
في مولد المخــــــــــــتار لازمنا نجيب...

#الشاعر_بشير_الشامي

الكل هذا السبت خرجه قد وجب
من اجل مالاعداء ويشوفوا للعجيب

وتكون نهايه للعدو وابو لهب
والحشد عندي فاليمن ماهو غريب

#ابوقايد_عون

انضر لهـذا الشعب نضره عـــن كثب
تــلقى رســــول الله طِبه والطبيب

في عصرنا الحاضر وفي كل الحُقب
في حربنا القادم وفي حرب الصليب

#الشاعر_ابوعاقل_المنبهي

يوم السبت بايخرج احرار العرب
في حب طه الكل للداعي يجيب

شعب اليمن على جبينه قدكتب
لبيك يا طه ونصرالله قريب

#جواد_محمد

في يوم ميــلاد النبي شعبي يهب
ويحشد الساحات في مشهد مهيب

من عاصمة لانصار لا صعده وإب
(لبيك يا طب المواجع والطبيب )

#صالح_الدباء

سبت اليمن بايحضره كم من شنب
وانصار طه عند ظنه ماتخيب

حمى اللحى لاما عملنا ذي يجب
لابد نتجمل ونصرالله قريب

#ابوجبريل_شريف

بايحتشد شعبي ولبيناالطلب
يااطهربشراختارك الله الرقيب

احفاد من آووك من شربولهب
الاوس والخزرج وقالوالك لبيب

#مصطفى_محمد

حضورنا في السبت يجتاز العجب
ويذهلو منه بعيدة والقريب

ومنه العدوان بايحرق غضب
ويموت في غيضة بميلاد الحبيب

#ابوعمار_هاشم

يخساء تحالف نجد ويخساء بو لهب
واحنا ارتشفناء حب طه فل الحليب

ومن يحط النار في وصط الحطب
باتلهمه ذي يحسبنه شخص ذيب

#ابوهادي-الجامع

نهايت اعدا الله في يوم قد قرب
تمرض قلوب الشر ولاتلقا طبيب

في مولد الهادي نبادر ونحتسب
وياكيف مانخرج ونفرح بذا الحبيب

#ابوزكريا_المأخذي

الحمد لله حمد دايم ما كتب
له كل شاعر في اليمن ولا اديب

في حب طه من به اتجلت كُرب
والفرج زلزل عنى الوقت الصعيب

#الشاعر_ماجد_القادري

حبي النبي دائم على شعبي وجب
من وسط صنعاء لا تعز ثم حريب

وتحتفل صنعاء وبيروت او حلب
والكون في ذكرى محمد يستجيب

#الشاعر_ايمن_العصري

باالذات هاذا السبت بايلقو التعب
وبايشوفو يوم في المولد صعيب

هم هاكذا الكفار في الدنيا عجب
يشتو فقط نغلط ولامره نصيب

#ابتسام _شرف_المحطوري

هيا الى الساحات يااصل العرب
في مولد المختار هادينا الحبيب

نجــدد البيعـة ونأخـذ بـاالسبب
نعلن ولانا في زمن اصبح مريب

#ابورائد_السعدي

الوعد والميعاد والعهد اقترب
يامولد المختار ترحب بك نهيب

تبت يداسرائيل واذناب العرب
بايعرفوا قيمة محمد عن قريب

#ابوزايد

ياربعنا في حب طه قد وجب
نخرج نبيض وجهنا عند الحبيب

باخرج مع ربعي وللساحه نهب
ونترك المخذول بغيضه ما يطيب

قد  حذر  القايد  الحربي
واتفهموا   كامل  اخطابه

جا يسرق النفط من شعبي
من قلد ازقر  زقرنا به

ماقد  درا  ويش به مخبي
عند الاسد كاشر انيابه

تصنيع جوي وشي  حربي
لا اتوجه الصيد يحضابه

يشتي  يروح  وهو  معبي
بترول كني من اصحابه

روح  وراسه  قرح  شيبي
من هول صاروخ ما صابه

تحذير قد جا  على  قربي
لكن مدعم  في  الغابه

دامك مصمم على  دربي
قاال الولي ربنا جابه

من يطمع اليوم في كسبي
لازم  نجازيه  بعقابه

يا معتدي  خاف  من  ربي
ولا فشعب اليمن لآبه

كلن  يقول  الولي  حسبي
بانقتل  الفار  وانيابه

لو لتر  واحد  سرق  سلبي
ون يخرج الشعب مخلابه

لو شبر  واحد طرف  حدبي
ون  يلعبو فيك  ملعابه

لو  يسمعو  به  قطع  علبي
ون  يلحقو العود  بزرابه

يا مرتزق ويش هو  ذنبي
تاكل  حقوقي  لمكلابه

ماقد   لمارات  من صلبي
ولا السعودي  يقل  يابه

خلك بعقلك وكن  جنبي
لا  عد  تسمع  لمكذابه

شاهد في اعلامنا الحربي
النصر دايم مع اصحابه

لا يخدعك يشتي  النهبي
يحفر  وقد  مد  لنبابه

هذه  نصيحه   لكم  مجبي
من يشتي الصدق جينابه

#أبوأحمد_الوايلي

سلام للسيد ومن لبا الندا
ذي يقهرو امريكا وشله بن سعود

ياقايد الانصار واحنا لك فدا
اقهر طواغيت ارضنا وارقى سنود

احنا معك ياأعز واشجع سيدا
واحنا  معك  واليوم  جددنا العهود

ابشر بنا يا قايد انصار الهدا
في سلم والا حرب خلفك مانعود

انت الهدى والحق فيك معمدا
ياأشجع رجل لانصار دين الله يقود

وانت العلا والمجد فيك اتشيدا
والطيب والايمان نهجك والصمود

ونصره المضلوم فيكم مبتدا
لخلاص والتقوى لكم ورث الجدود

شعبي تولاكم وباقي سرمدا
في حب أهل البيت لايوم الخلود

ومعلنين الخذل لاصحاب الردا
ما نقبل  الغازي  ولا ضالم جحود

من يعتدي في شعبنا واتمردا
نسقيه من مجرى  بنادقنا  نقود

يقبر في ارضي من يهرول واعتدا
والموت  يتعشا  بعينك يالحسود

الموت لامريكا ولا يذهب سدا
والموت  لاسرايل  هم  شله ثمود

واللعن يخشى كل من يتيهودا
والنصر  للاسلام  ولشعبي  يسود

هذا الشعار الحق ذي هو مقتدا
من  خالفه  مغرور  لامريكا جنود

شعب اليمن كله برائتهم  بدا
واكبر هدف القدس تطهيره يعود

لازم نزيل الكفر كله والصدا
وآدين رب الكون ينشر في الوجود

#أبوأحمد_الوايلي
#إتحاد_الشعراء_والمنشدين

https://t.me/aboyahyaalshami

على الشرف والعز لو تُــذرى
اجسمنا في الـجــوا كالــذرة

هيهات ان نرضى بما يجرى
من اليهودي داخــل المهـرة

بلغ فـلــول الـغـدر والمكـرى
لابد مـانـسـقـيــة من مـــره

نيـران يصلها من الـمـجـرى
تــرد كـيــد المعتـدي نـحـره

#الشاعر_ابورصيد_المرهبي

الليل يا ربعي المسرى
ندخل لسلمان لا قصره

ياشعبنا استقبل البشرى
وانوي من اليوم باالعمره

العسر من بعده اليسرى
و الذل ناتج عن الكبره

#مناع_شريم

نصر اليمن معركه صغرى
عزه كرامه ومن صغره

القدس هى الساس والكبرى
ويعود للحق والعتره

والكعبه النور والغراء
تحرم على ابليس اوكفره

وارض اليمن باتعود خضراء
شمال جنوب باتكون حره

بانزرع البر والصفراء
ويكتقي الشعب من بره

#الشاعر_ابوحاشد_ابوسعيد

بأمر القوي بايجي نصرئ
والمرتزق ينكسر ضهره

يا قوم تصرخ وتتبراء
نسل المريكي يبا المهره

يادهر سجل لنا ذكرى
غزو المريكي هنا قبره

لاعاش من خان واتعرا
او باع في دمنا قطره

#أبوأحمد_الوايلي

يا حلف بالسر والجهراء
هذا زوالك وذا شهره

ارض اليمن اخرجو برا
والا فبا توقعو عِبره

حذرى ويا جعلكم نذرا
ما ينفع المعتدي كبره

الـجـو والـبـر ولـبحـراء
ايـمـاننا مـبتني جسره

#الشاعر_ابومقدام_الهمام

ارض اليمن نارها حمراء
من يدخله يختلس.ضهره

الكيل باح مابقي صبرى
والله لانجعلك عِبره

نبرى إذافاض الغضب نبرى
بايغرق الكون في بحره

ولا نطق حامي المجرى
الكفر بايختصر عمره

واليسر بعده مئة عسرى
ياحلف لاتأخذك غررررره

#ابوناصح_العزي

برى من ارض اليمن برى
خذوا من السابقين عبره

لي مافهم باول المقرى
يفهم اذا قد كسر ضهره

ارض اليمن كلها حمرا
يامن غزاها حفر قبره

شويقنا دعست الغدرى
فوق العدوا كلنا نسره

اذا العلم قرر المسرى
يبشر بنا طايعين امره

#ابوالفتــح_الجــــرادي

قلو لمن عــــاب وتجـــرى
على اليمن بحـره وبــــره

راجـــــع تواريخها وقـرئ
غازي اليمن في اليمن قبره

نهايته فــي اليمـــن غبرئ
نقولهــا والختــــام عبــــره

يامـــحور البــغـي والشرئ
فـي اليــــمن عاقبه مّـــــره

جحــــيم نــيرانهـــا سعرئ
وويل لاددخــــــلو قعــــره

#أبوفايد_علي_أبوشوصاء

ياحلف متصهين اتعرى
مابش معاكم سوا الحسره

في ارضنا اجهنم الحمرا
تشوي الطواغيت في دفره

كم يا قوى روحت ذعرى
عدد قوي ما لحد حصره

فتدحنوا والجميع ادرى
المعركه هي لنا فطره

ماعاد باقي لكم عذرا
باتُقبَروا داخل المهره

#أبوعزام_الشامي

من الــعيارات والــمجــرى
باعــرفه كــم يكــون قدرة

إحنــا هدفنــا الى المـسرى
فكـــيف با نــتــرك المــهرة

والله والــفـجر والعــشــراء
وبــقيـــادة الآل والـعـــترة

لا نــخـــرجه مــنها قــهراء
ويــعـرف المــعتدي سـعرة

با أكـــبر هزيــمة لـهم نكراء
والــمــرتزق يقــتطـع نحرة

#الشاعر_يوسف_الحداد_ابوحيدر

الكل يصرخ ويتبراء
في وجه الامريك ياخبره

ارض اليمن نارها حمراء
قل للعدو بطل الزره

مفلحش في غزوها كسرى
ولاسليمان في عصرة

يرحب على زيتي المجرى
في كل ميدان تتنتضرة

في الجو والبر والبحرا
نحطها له على صدره

#احمد_تاج_الدين

الله عارف بهم وادرى
ذكر خططهم وسط ذكره

حدد لأنصاره المسرى
والوعد فالمعركه نصرة

ألقى على اعدائه الذعرى
وكل كافر لقي نحره

والله ما با يرى بشرى
ماغير يوصل على قبرة

#الكرار_الجبر

ثلاثي الكفر والشراء
في ارضنا قد حفر قبره

الخوف والجوع والفقراء
لن تستطيعوا على كسره

ما مسنا حلفهم ضرى
واحنا كسرنا لهم ظهره

كم حاولو قبلكم واقراء
خذ ياغبي منها العبرة

#الشاعر_ابوفضل_المتوكل

بسم الذي بالنبي اسراء
وانزل من النور في ذكره

ذي عزز الدين بالنصراء
وثبته بالهدى امره

الحمد له عد من يقراء
اياتها سورةً ......سوره

وكل مؤمن بها يبراء
من العداء ساعه العسره

حتى السماء تنزل القطراء
وتصبح الارض مصفره

#ابوبدر_ذيبان

نبرى من الكافرين نبرى
ومن يسلم لهم امره

ومن تابط بنا شرا
في ارضنا قد حفر قبره

البر والجو والبحرا
تلفظ غزاة اليمن بره

برا غزاة اليمن برا
والجيش لا تختبر صبره

#ابو_وعدالله_هفج

بايطـفح الكـيل والصـبرى
ويشـع نصـر اليـمن فجـره

تُعـرف بـلاد اليـمن قبـرى
ومـن غـزاهـا فتـح قبــره

ارجــع وراجــع في الامــرا
وخـذ من اللـي سبـق عبـره

مـن قبــل ما يـعـــزم البـــدرا
فـروا فقـط من لضـاء صـدره

مـن بعـد تحـذيرنـا نبـــرى
وقتلـكم عنـدنا فطــــره

#الشاعر_ماجد_غانم

عطشاء بنتلف المسرى
نجعل من الغازيين عبره

وذي تجرى بما اتجرى
بيده فصلها حفر قبره

ايامكم في اليمن غبرى
وجندكم حاطهم سره

ومن جهل درسنا يقرى
على الهوى منتهي امره

#صدام_شايف_الغولي

ياذو الفقار حدد المسرى
وعرف المرتزق قدره

ماعاد بقى يسر او عسرى
بانمهل أمريك لا بكره

مالم عشاء الطير والنسرى
تحوم الغد في المهره

من ارض حمير وارض تبع من سبا
بانـفـذ الواجب وما هـو للصيام

الـلـه في الـقـران كاتـب لي نبا
مكتوبه الاعمال وشروط الصيام

الماء واكل الوجبه احذر تقربا
من قبل وقت الفجر هذا الالتزام

ولا تعاجل في فطورك بالـغـبا
لا ما يحل الوقت ويتم الضلام

والسب وايذاء الخلايق والرباء
هذا على الصايم محرم يا كرام

وفي قيام الليل اجر و مكسبا
اقرا من القران تحضى الاغتنام

وعسا بليل القدر اجري يحسبا
واجر كل الناس من صلا وقام

#أبوأحمد_الوايلي
#إتحاد_الشعراء_والمنشدين

https://t.me/aboyahyaalshami

تاسع سنه من صمودش يا بلد حمير
لـلـه در اليـمـن ازداد بـاس الـيـوم

عزمه كما عزم حيدر في وسط خيبر
هذا بفضل الرجال ونصرة المضلوم

تاسـع سنـه والصمود لـشـعبنـا يكبر
وكن حربه مع العدوان ماهو  يووم

في كل سـاعه ونصـره فالبلد يضهر
وخذلة اعداه وانصار الخنا والشوم

يملك قـيـاده عضيمه  هي لها اجـدر
هي ناصر الحق وناصرها احد قيوم

ايمان فيهم شجاعه مثل ما طومر
ماغاب من نجم جا بعده عداد انجوم

بنا  لـنا جيـش هيئه مدرسه محور
واتبنت اعضم قياده في الوطن ياقوم

يرعاك يا شعب دايم حر ما اتغير
مع اهل بيت النبي في كربه المضيوم

  تسليم فالشعب للقايد واستبصر
من هديه وزاد رِفعه فاقت الاغيوم

صنع بتاسع سنه ذي ما حدا يـقـدر
ذي ما صنع قبله الحكام كنهم  نوم

صـنع لـنـا اليوم قاهر يصنع  مسير
صنع صواريخ عضماء عادها برقوم

صنع من القاذف الحربي  لما المعبر
طرح مكانه على كل الدول بعمووم

اليوم كلن من الشعب الأبي  يحذر
من يلمسه مثلما ياكل من الزقوووم

من قايد الثوره الشعب القوي استنور
وستلهم الصبر والشدات والمعدوم

ما هم شي غير لآحد فيه يتسيطر
اهم شي عزته ما به عليها السووم

تاسع سنه ياقوى العدوان ياالجوكر
والشعب يزداد بأسه يوم يتبع يوم

#أبوأحمد_الوايلي

تابع المجاراة عن عملية #طوفان_الأقصى وانهيار الكيان الصهيوني

البداية #ضيف_الله_سلمان

حصحص الحق والوعد الالهي تجلى
حلقت يابني صهيون من كل جانب ..

الف طوفان قادم يااليهود الاذلاء
شعب ياسين والقسام كله كتايب..

قال ناطق سرايا القدس الايام حُبلى
والعواقب وخيمة يا جيوش الارانب

الكيان انتهى جرحى واسرى وقتلى
والخيارات تاتي فالزمان المناسب..

#ابتسام_شرف_المحطوري

داعي الله نادى جـاهدوا من تولى
ارعبوا الكفر جمعاً بسيف مدمي وضارب

اليمن يافلسطين ماوقف أو تخلى
عن قضية عظيمة تعتبر فرض واجب

حب الاقصى بشريان اليماني تغـلى
عن قريب الرجال الصادقة سيل غاضب

يجرف الظلم ذي أجرم تمادى تعالى
بشاير النصر فاحت لا غالب اليوم غالب

#ابـومـازن_الـرازحـي

قل لصهيون كم طوفان من بعد هـلَّا
لو حشد جيش أوربّٕا والغرب مايواكب

ثلث شعبه،قد اصبح بين أشلاء وثكلى
والبقية على ابـوب المطارات هـارب

لجل طوفان واحد صارو اعجاز نخلا
من كتيبة بمحور من مئات الكتايب

إرحلوا لعن ابوكم واسحبوا من تولى
فاي طوفان قـادم، با يجـر الطلاحب

#حامد_النمري

يااجبن الخلق ولى عصرالاذالال ولى
شع نور الصبح بين منافق وعايب

نورالاسلام شع وكل خافي تجلى
مكرهم والخداع اليوم قدصارخايب

الخلى يااليهود القدس ضايق وملى
الخلى ياااخس الخلق واصل المصايب

صبرنا قدنفذ يانعن ابومن تخلى
نعن ابومن رضى للقدس واهله غلايب

#الشاعر_ابوحيدر_عامر

جيش صهيون نصه بين جرحى وقتلى
والبقية عشاء قومي رجال الحرايب

والكيان في هوس آيات ربي تجلى
امزعو راس ابوزنار يهل النوايب

نصرنا نصر كوني كلمة الله أعلى
مد جنده بعونه في جميع الجوانب

قوته غالبه والقدس اغلى وأغلى
لن يعادل ترابه كل ذا الكون قاطب

#الشاعر_عزالدين_المرادي

طعفروهم رجال الله انتاف وشلى
ورتوت لارض في غزه بدم الأجانب

اذن الفجر في الاقصى وكبر وصلا
وانطلق في سبيل الله قلباً وقالب

وعد لله ذي من فوق عرشه تعلى
مانفرط في افلسطين والله غالب

بلغو صلف اسرائيل اهلا وسهلا
قبله الموت الازول في فلسطين ضارب

#الشاعر_عبدالكريم_الشمسي

الله أكبر تزلزل بارق النصر علَّا
شبت النار شبت شرقها والمغارب

طاف صهيون طوفان المقاوم وملَّا
من جثثهم جهنم وأمتلت بالكتايب

هذه إلا البداية باقي ايام خبلاء
يحلم النذل فيها ان يعود الترايب

يوم يندم منافق لليهودي تولى
بعد طحن الصهاين باللضى والمخالب

#ابوهمام_سليم

راح عـصـر الإدانــه يا عــربـنـا و ولّــى
وابتدأ عصر أخـذ الثأر والـحـقّ غـالـب

حان تحريرالأقصى سُعدمن فيه صلى
واحـتـزم جعبته للقدس شـد الركـايب

والتحق في النشاماما خـظـع او تخلى
ضمن محورمجاهد رغم كل المصاعب

الكيان انـهـزم مـابـيـن جـرحـا وقـتلـى
يوم طوفان الأقصى طم من كل جانب

#ابوهادي_الجامع

يبن سلمان قل لصحابك اليوم مهلى
جيش القصى نهاية كل خاين وعايب

البشاير قريبه قول متبوع فعلى
والنهايه قريبه والغرايب قرايب

مثل طوفان قادم الف مليون واعلى
كل محتل غاصب بايشوف الغرايب

#مانع_البوساني

الظلام انجلاء والضُلم غادر وولَّاء
وانتهت هيمنة صهيون بعد التجارب

بعد طوفان ذي جنَّح بريشه وعلَّاء
حطَّم الكُفر واسرآئيل سارت خرايب

واليهود انتهوا قطَّع مناخرهم اشلاء
بادهم ذي إبادتهم لنا فرض واجب

#أبوأحمد_الوايلي

لآح براق نصر القدس والشر ولـى
با تزول الفتن وتزول كل المصايب

فوقهم يا سرايا القدس يامن تولآء
بعد ربي كتابه والنبي وإبن طالب

اليهودي تقطع داخل القدس أشلاء
ما بقي له مِنجي من رجال الحرايب

نصـر ربي لمن جاهد عدوه وصـلـى
من توثق بحبله مارجع يوم خايب

#أحمد_الخاشب

ما لصهيون -من طوفان- ناصر ومولى
قل له البيت الابيض مثل بيت العناكب

محور الحق بعد اليوم قد قال كلا
لا بقى لاي صهيوني يهودي وغاصب

انتهت كل هدنة قد أضلّت جِبِلَّا
وابتدت مرحلة تمزيقهم بالمخالب

#محمد_مجلي

ياشــواهــــد في الواقــــع وآيات تُتــلا
وثقـي معـركــــة طـوفان من كل جانب

سلط الله محـــورنا على امـــريك وابلا
بعــد ماباعوا الاقصـى العــرب للأجانب

انهـــزم جيـش بن صهيون وادبـــر وولا
مامعه غير يرحل غصب مذموم خايب

#ماجد_المطري

جيش صهيون من طوفان الابطال ولَّى
ذاك مقتول ذا مأسور هاذاك هارب

دام والحق لاهل الحق والحق يُعلى
لن ترى القدس بعد اليوم محتل غاصب

وابشري يادما الأطفال يادمع ثكلى
حان ميعاد أخذ الثار والثار واجب

عزمنا عزم يتلهجم كما نار شعلى
با نشارك ببركان اليمن والكتايب

#عبدالله_حسين_مسعود

حسبنى الله جل الله والله اولى!!
من تولاه يتفنن بصنع العجايب!!

من يصدق مع اسرائيل الفين ثكلى!!
بعد طوفان حلي فوقهم يا المصايب..

الزمن دار والأشلى تقابل بأشلى !!
قل لصهيون هل تقوى فراق الحبايب؟

#عبدالقوي_البطل

واليمن قام في عمق الحدث صرح ادلى
قال واجب علينا ياعرب الف واجب

نعتصر كلنا ثورة مع القدس فضلى
نرفد اخواننا بعيوننا والحواجب

نار الغضب فليماني حرها كادحة
أين المفر من رجال الله وتحذيرها

و نحرر القدس نفتحها بها الفاتحة
ونزحـزح الشـر ونرِّجـع لها خيـرها

#الشاعر_ابو_نجران_المرادي

كل الجرايم امـــــام المسلمين واضحه
والانس والجن تشهد من حوافيرها

صلف اليهودي طفح والصهينه طافحه
واليوم الاقصى وغزه حان تطهيرها

#ابوكرار_المجنحي

لوشي عروبه وشي عربان متناصحه
لايدعمو ارض غزه لجل تحريرها

لكن اسف كلهم في بعض متناطحه
والغرب يسعى بقواته لتكسيرها

#ابوكنعان_الروس

الله لا وفق التطبيع ولاسامحه.
ذل النفوس الضعيفه بسم تطويرها

والله يخزي وجيهه بااليهوده فارحه.
ولعنة الله على الأعراب وتسييرها

#ابوهادي_عقاب

غزه تنادي لامه فالخنوع طايحه
ما غير محور مقاوم هم بتحريرها

لازم تدخل اجابه بالسلاح قارحه
اما الادانه فما تنفع وتقريرها

#الشاعر_ابويزن_الصيادي

نقرأ على موت الانسانيه الفاتحه
بياعة القدس مايسعو لتحريرها

ومن تفرج على غزه فلا سامحه
هذه خيانه وما نقبل لتبريرها

#ابواياد_المطري

حكام في كرسي السلطات متشابحه
ولا استفاقت مع غزه لتحريرها

وكلابها في مسار اليهوده نابحه
الله يلعن عروبتها وتعبيرها

#أحمـد_الاهــدل

نقسم برب الفلق والقاف والفاتحه
ما يبرد الدم إلا بعد تحريرها

هاذي الذي عندنا في الغد والبارحه
والمعركه لم تزل باول مشاويرها

#ماجد_القادري

شفت العرب والعروبه كلها نازحه
متفرقه بالمواقف حاز تصغيرها

ذي مايصون شربة العذب يشربه مالحة
لاكن غزه عظيمه صوت تكبيرها

#الشاعر_ابوفضل_المتوكل

كبودنا اعطاش والبغمات متنافحه
لري الاكباد بسرائيل ...تكفيرها

وكل من خان له في عيبته صافحه
ونافخ با ينفخ .......بتعزيرها

#ابوحمزه_المقاش

مـا يـنـصـر الـديـن الا قـوم لـه شـارحـه
سـنـه عـضـيـمـه تـجلـة حسب تـعبيرها

دام الـعـيـاراة لا مٌـره ولا مـالـحـه
غـزه كـرامـه جـلـيـه حـان تحـريرهـا

#الشاعر_أبوعزام_الشامي

بحــق الإسراء وحق الكهف والفاتحه
يارب أنصر فلسطين ياكريم جيرها

حكام الآعراب دومآ في النفاق فالحه
راضين بتدمير غزه بل وتهجيرها

#أبوصخر_الجوحمي

من قام ضد اليمن في حربه البارحه
هو نفسه اللي على غزه وتدميرها

بفضل الاخلاص مع ياسين والفاتحه
تخزي وتهزم بني صهيون ماغيرها

#أبوأحمد_الوايلي

ذي ما يلبي نداء غزه وهي صايحه
محسوب من شِله أمريكا وفي سيرها

العار له من ترك لأقصى وهي طايحه
ونال كل الشرف من في جماهيرها

#ابوهادي_الجامع

من كان مسلم يصارحني وباصارحه
لغزه الكل. نسعاء بعد. تحريرها

واللي مروح وعاد الناس متسارحه
لاعز. نفسه في الدنيا ولا غيرها

#الشاعر_زياد_زيد

فصـايل المعتـدي وحلافهـم طايحه
والقـدس ربي امرنا أمـر بتحريرها

كل العرب يارجال قداصبحة كادحه
وكل دولـه عـرفنـا ايـش تقصيرهـا

#ابو_صماد_الفليتي

ومن سـكت بعد هذا الجرم والجارحه
ماهوا مضـحي مع الاقصى للتطهيرها

ومن تخـاذل وغـــــزة با الدماء نافحه
كافر من انـصار أســـــــرائيل وأجيرها

#الشاعر_ابوحاشد_معمر

ماغد كما اليوم او بعده كما البارحه
هي غير كلما ولا نحتاج تفسيرها

غزه في القصف وينش يالعرب طايحه
من في سرائيل بايقلع حذافيرها

#أبو_أنس_الوصابي

اليوم نشطب على التأريخ بالماسحه
تغربل الناس لا داعي لتكريرها

من هو مع القدس تبقى فزته واضحه
ومن تخاذل محال يفزع لتحريرها

#أسـامـة_المـعبـاء

"غزة" تنــادي بنبــرة محــزنه نايـحة
وين العــرب والأسى يملي تعابيــرها

وتقول "مااشبه ظلام اليوم بالبارحة"
وهم بحاله سكوت في يوم تدميـرها

#ابوحسن_المجنحي

ارض غزه على جمر الغضا جامحه
والمجازر عليها صعب تقريرها

لامتى والعرب في ذلها جانحه
وارض غزه تنادي لجل تحريرها

#الشاعر_ابورصيد_المرهبي

موقف الغرب من العدوان قدي واضحه
لا عاد نطمحش او نسعى لتغييرها

و لا ما وقفنا بوجه الغرب و نكافحه
اتشوفو الويل من امريكا ومن غيرها

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان أصوات الذخيره.

البداية #عباد_ابوحاتم

يا عرب لا عاد به نخوه و غيره
فاللقاء غزه في الخط الامامي

معركتنا المفصلية والاخيره
تزحف الثوار و الجيش النظامي

نرفع الصرخه مع اصوات الذخيره
ذا خطاب الفصل و القول الختامي

#الشاعر_جبر_المهدمي

بعد ماشفنا المجازر والدميره!!
وسط غزة واهلها بين الركامي"

سيدي. إحنا صواريخ المسيره
إضرب اسرائيل دام الوضع حامي

بالذخيرة والصواريخ الكبيره"
صوتها.. تعبير للمعنى الكلامي"

#الشاعر_ابوجهاد_صبر

للعرب ذي ساكنه شـبـه الجزيره
الـيـمـانـي قـال بـارسّــل سلامي

يا عرب شبّوا النكف غـزه اجيره
لا سكتناء با نـلاقـي يـوم حامي

الـثـقـه بـالـلـه سـبـحـانــه كبيره
مِـنّــكُـم رامي ومـنّـاء الـف رامي

إبـن بـدر الدين وإرجال المسيره
جاهـزه تجتث صهيون الحرامي

#عبدالوهاب_الفقيه

نصرة الاقصى قضيتنا الكبيره
والنبي ماشلها كمن حرامي

دام عاد الله ونصار المسيره
حلف اسرايل بايصبح حطامي

هي مجرد عندنا قشه صغيره
ويلها ويلاه من باس انتقامي

#أبوحسين_العرجي

كل نشمي حر قد أعلن نفيره
باقي الا الحد يفتح بقتحامي

نعلبوكم من عرب غزة اسيره
ونعلبوه الـــي يــــطبع لنظامي

كل حاكم منهم مــــوت ضميره
يهروب عزان عينه في الأسامي

#ابوحسين_السحاري

صرخة الثكلاء إلى شبه الجزيره
يا حكومات الوطن كبو الكلامي

نخوة الكفار شفناها كبيرة
ليش محنا ما نلبي كل ضامي

صوب الأقصى نكفي ياكل ديره
وبلغوا الحكام حنا با نرامي

#أبوخارف_ابوشوصاء

شعبنا للقدس قد أعلن نفيره
بانفوج لجلها مليون رامي

لعن ابو من عاش والاقصى أسيره
والله إن القلب متألم ودامي

والله إن النصر ف أعلام المسيره
لاح نور الفتح من بعد الظلامي

#ذوالفقار_سفيان

معركة با تجعل إسرائيل طيره
مابها هدنه ولا فيها سلامي

فيلق المحور يجي من كل ديره
وابن بدر الدين يقبِل بالرزامي

مال لغزّه غير كرار المسيرة
ذي يدك الكفر في كل اقتحامي

#ماجد_القادري

بلغوا بث الحدث ثم الجزيره
اليمن بالعز تاريخ الاسامي

دام غزه دمها اصبح بحيره
بانصافحها معاها كل رامي

اللقاءصوت المنار ثم المسيرة
جند حزب الله والبدر الامامي

#أبوأحمد_الوايلي

نحو لقصى تتجه كل المسيره
نرفع المحتل ويعم السلامي

نورنا من هـدي ربي والبصيـره
والجهاد الفرض واجب كالصيامي

الشرف والعار واحد فالـجزيره
ساكنين القدس من تحت الركامي

قد نتنيـاهـو نفخ غزه بـكيره
لازم الصرخه تزيله ذا الحرامي

#وسام_الحنش

كيف ياحكام في شبه الجزيره؟
كيف ياحكام في غربي وشامي؟

الذي لليوم ماصحى ضميره
لامتى ساكت على كمن حرامي

من رضى يُقتل ويتشرد جويره
بايقع له وعد مايعرفه دامي

#أبوصخر_الجوحمي

ياعرب يامسلمين من كل ديره
انفروا هبوا وجدوا في الكلامي

المجازر. مرعبه من فيه غيره
ياخذ الآلي ولا. للانهزامي

يستغيث القدس هل منا يجيره
عار مايحصل بغزه من حرامي

#عبدالقوي_البطل

بالثقة بالله وحدة والبصيرة
والتوكل به بااصوب سهامي

وانطلق في نصرة القدس الاسيرة
محتمي بالله ربي خير حامي

ننفي إسرائيل من أرض الجزيرة
ونسوقها للموت بشر الانتقامي

#الشاعر_ابوحاشد_معمر

باتجي الاحرار اشبال المسيره
قوم ابوجبريل من يامي وشامي

من في العربان بايخلص ضميره
قال يالبيك يالقدس السلامي

ينطلق غزه بماله والضخيره
حرب وستقطاب والتنور حامي

#ابوحمزه_المقاش

اعلنو تصعـيـدكم بـ اعلى وتـيـره
وثقو عـهـد الـشـرف شرقي وشامي

ليس مـسلم من قعـد جنب الـخبيره
والـمعـارك ضـاريـه والـجو حـامـي

جـوبـو غـزه دعـة والـوقـت خـيـره
للـقـاء نـمـضـي سـوى ياكـل رامي

#الشاعر_أحمد_عبدالرحمن_الظمين

لعن ابو ذي ماقد اتحرك ضميره
من جرائم سببت لي جرح دامي

ترتكبها قوم  صهيون الحقيره
كل طاغي وغد مستكبر حرامي

يارجال احرار في شبه الجزيرة
شمرو ننصر فلسطين  الهمامي

#ابومجاهد_الغمري

شعـبنا معلن مع الاقصى نفــــيره
ضد اســـرائيل واولاد الحـــرامي

لعن ابو رجال ما حـرك ضمــــيره
يوم قال القدس وينك يا حزامي

ابشري يا قدس بـ انصار المسيره
وقايد الثوره وابويحيى الرزامي

#ابوكنعان_الروس

عند ابوجبريل حكمة مثيره
من هدى القران ماسك زمامي

ضد أسرائيل نسمع زئيره
ذي بها الانصار ترفع مقامي

هدد أمريكاء وحلف الأميره
واقتداء بسمه عرااقي وشااامي

#ابوتراب_الوادعي

كل مؤمن حيدري يعلن نفيرة
لأجل ردع الصهينه والجرح دامي

والله ان الشوق في أعلى وتيرة
للقاء والمعركة في يوم حامي

اعلنوها حرب شعوى مستطيرة
ضد اسرائيل وجموع اللآمي

#الشاعر_متاش

حي داعي القدس ذي معلن نفيره
شعبنا جاهز وقد شد الحزامي

ينتصر للقدس والبنت الصغيرة
ذي بغزة لاتزال تحت الركامي

لعن ابوه إنسان مااتحرك ضميره
بعد كل اللي حصل في ليل دامي

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان #غزة_العزة

البداية #أبوعساف

غــزه الـعـزه عـلـيها الـسـلام
بيضت وجه العرب وحدها؟

والـعرب في تفرقه وإنقسام
حــد مـعا غـزة وحـد ضـدها

يـمنعوا عنها الدواء والطعام
لــكـن إيـــد الله فــي يـدهـا

#مناع_شريم

عاد غزه ماسكه للزمام
ترشق الكفر انا افدي يدها

والفصايل على نفس المهام
رغم الاجراح ما حد هدها

تذبح اليوم والعالم نيام
والخطوط قد تعدة حدها

#ابوحسن_المجنحي

ترفع الرايه لهم والوسام
شعبهاالصامد مع جندها

ارض غزة يابلاد الكرام
باتردي للعرب مجدها

ذي عليها الذل حوم وحام
والعروبه ضيعو عهدها

#الشاعر_يوسف_الحداد

عزمها من عزم احفاد سام
ويل حاله من دخل حدها

شامخه فوق السحب والغمام
والشرف والعز من جودها

عزها الباري بكمن همام
تلطم اسرائيل في خدها

#ابوهادي_عقاب

بالشرف والعز نالت وسام
مبدأ القوه صنع مجدها

غزه اتحدت يهود اللئام
بالأباء والتضحيه ردها

مابقي شي ارض لجل السلام
واليهودي قدحنب عندها

#أبوأحمد_الوايلي

يقطعوا ما بعد هـذا كـلام
غزه الـلـي صادقه وعدها

ثـابـته ما تـقـبل الإنـهـزام
تفهم اسرائيل ما جـهـدها

ارض غزه شامخه كالغمام
من غزاها مات في حدها

#ابويحيى_القهدة

معركه ما مثلها يا سلام
في المعارك وحدها ، وحدها

منبع الصاروخ بين الركام
والسعودية تبا صدها

يا قبايل شعبنا يا كرام
بالصواريخ اسندوا جندها

#ابوحمزه_المقاش

طـيب عـزه مـرجـلـه والـتـزام
هـكذا غـزه وهـذى مـدهـا

دام والـسـيـد عليهـا الـسـلام
خـاضها والله انـه قـدهـا

انتـهـو اهـل الفتاوي والكلام
دولـة اسـرائـيـل يـلعـن جـدهـا

#ابوهادي_الجامع

قاتلت لعدا بكل اهتمام
واليمن في المعركه عضدها

صفها في حرب والا سلام
نعنبو ذي ماوقف بعدها

للوطيس اشتد عشنا كرام
قدها احنا المعركه قدها

#الشاعر_أحمد_عبدالرحمن_الظمين

صامده ماتنحني للائام
قاسية ماينكسر جهدها

شامخة من عهد خير الأنام
والشدايد ماهي اتهدها

للكرامة والعروبة سنام
فوق ترقى فوق من قدها

#ابوعلي_مبخوت

مايضيع العز تحت الركام
ضرب غزه زاد في مجدها.

والله انك يالمجاهد همام
ونت من غزه ومن جندها

عز وكبر نصر وعظم وسام
تنتصر غزه وهي وحدها.

#ابوعاقل_المنبهي

طير بلغ اهل غزه سلام
كل قادتها مع أفرادها

قوم نالو بالمعزه وسام
اشهد انهم فالوغاء قدها

وحدهم داسو خشوم اللئام
صوبو إسرئيل في كبدها

#ابـومـازن_الـرازحـي

غـزة الحربة وقوس السهام
والسيوف الماضية حـدها

عـزة الإسـلام بعد إنهـزام
ردت الهيبـة بعـد فقــدها

جسدت كيفيـة الإقتحــام
وأسقطت للصهينة مجدها

#عبدالقوي_البطل

لاجل نصرتها وجب ياكرام
الجميع ننفر مع جندها

من تركها نال سؤ المقام
واحتواه الخزي من بعدها

لو فنينا أوبقينا حطام
ماتخلينا على رفدها

#مقبل_العماري

شعبنا المغوار شد الحزام
وانطلق غزه وما بعدها

محور الامه توحد وقام
والعوين الله ذي مدها

وبانقوم اليوم باشد انتقام
والقبايل وافيه عهدها

#ابوزيد_الزبدي

اصبحت غزه للأمه وسام
ونحنا التاريخ من مجدها

وجهة ضربه بوجه النظام
تعجز إسرائيل من صدها

بعد ابو جبريل قائد همام
من دعم غزه ومن مدها

#الشاعر_أبوعزام_الشامي

تستحق الدعم والإحترام
وتنحني الآعراب على يدها

من عادة العزه لهم والمقام
من مثلها ياأعراب من قدها

إحــنا مــع غـــزه بكل المهام
بانــبـذل الأرواح في حدها

#الشاعر_أبوطه_عمير

غزة اللي حازت أعلى وسام
في الصمود وما نفد جهدها

أصبحت للمجد ذروة سنام
من يصل لا مستوى مجدها

صامدة ماتقبل الإنهزام
قصف بن يامين ماهدها

#الأشتر_الرزامي

من نصر غزه في العز دام
يوم شاف الضرب في كبدها

من تخلا عنها ف اللئآم
كل ناس وترجع لجدها

ذاك فرعوني وذا ابن الحرام
ما بدا خيرا مدا عهدها

#عبدالله_محسن_جحاف

وايبيدوا أهلها اولاد الحرام
بعدما ربي بنصره مدها

دمروها حولوها لاركام
لافلن تخضع ولاهم قدها

يابني صهيون ياشر الأنام
اليمن موجود ماهي وحدها

#حامد_النمري

لو كتبنا شعر والا كلام
مالقينا في العرب قدها

غزه العزة واهلها كرام
بالدمى ذادت على حدها

ماتواطت رغم قصف اللام
اعيت الاعدا ولاهدها

#مرتضى_ناجي

سهرو الابطال والـعـالم نيام
وستعادو للـعـروبه مجدها

عود المجد من تحت الركام
والكـرامه عـودت لامهدها

غزه اليوم فالخط الامام
والعرب للخلف ربي ردها

#إتحاد_الشعراء_والمنشدين

https://t.me/aboyahyaalshami