تابع مجاراة اليوم لمجموعة شعراء في استقبال شاعر من محافظة المهرة الابية شرفنا بزيارة الى العاصمة صنعاء.

#عاقل_بن_صبر

حياالله اغلى ضيف لا صنعاء وفد
واهلا وسهلا يوم فرحه واحتفال

ما هل سبل الغيث وامزان البرد
والرعد والبارق لمى والسيل سال

ترحيب مايحصيه حاسوب العدد
بالثائر المهري.. والابيات الجزال

بين اخوتك واهلك مكانك يعتمد
اطلع مسانيد الشوامخ والجبال

وابشر بفــزعتنا لكم عون وسند
وانتو مــددنا في ميادين النظال

الدم واحـــــــــد والقضيه والبلد
وما يشد الميمنه غـــــير الشمال

#أحمد_عطاء

قال امتهامي ياهلا باللي قصد
دار ابوجبريل في الوقت المحال

عاننا الرحمن والباري الصمد
يوم مارب اصبحت في يا ودال

والتحق شجعان في مركب صمد
فوق سبع سنين عزة وارتجال

زبيديو رحب بذا الضيف الأسد
من سما امساحل الى وادي عبال

#عايد_الخيل

حيا الله الـثـائــر المـهــــري الأسد
عد مـــــــــا لمعت فالمعارك نصال

صنعاء ترحــب فيك يارزح البلد
في ساحة التنكيف ضد الأحتلال

ضد التـحــالف بانجاهد بالعتدد
ونحشر الدنياء بالقصائد الجزال

ونجاهد بالــــولد واولأد الـــولد
ونحرض أبنا الأحفاد على ابو عقال

#عارف_شرده

يامرحبا ماراعد الله قد رعد
ترحيب به يوزن سهوله والجبال

بالشاعر البداع ذي جانا وفد
من داخل المهره ومن خير الرجال

انا اشهد انه جيد من أب ً وجد
معروف في قوله وبأسه والقتال

أخوه جميعا ً كلنا وابناء جسد
مايوم نتفرق أبد هذا محال

كلمه ومانقبل بتقسيم البلد
يمن موحد من جنوبه للشمال

#عبدالله_الحداد

قد قلب صنعاء الأم رحب بالولد
بعد الغياب أعوام قد شد الرحال

فأعاد فيها الروح وبلسـم للجسد
أذي عذبه شوقه إلى شم الجبال

لا مهرة القوم الكرام أهل المدد
أبطال صد واعدام شر الاحتلال

فحياك رب العرش ياقادم أسد
إلى عرينه عاد لا أرض الجلال

#سلطان_خضران

يامرحبا ترحـــيب مارعده رعد
والمزن همّل غيثها والسيل سال

ترحيب مايحصي له الحاسب عدد
بالضيف لي شــرف من المهره آزال

واهلا وسهلا والف حيا اللي وفد
من ديرة المهره علــــينا باي حال

حيا بوحي الجود ذي وحـيه ورد
حيا بنبع الصــــافي العـذب الزلال

حياك ياشدت حــــزامي ياســـــند
ظهري وياساعد يميني والشــــمال

#ابوعلي_البريهي

يامرحبا باللي من المهره وفد
من منبع العزه صناديد الرجال

ترحيب يتزايد ولا يحصيه عد
ونحمد الرحمن ذي تم الوصال

الهاجس الليله توافق وإتحد
ياويل أمر يكا ومملكة الرمال

واقولها والله مالباغي حشد
فما يحرك عصفه العاتي جبال

والحلف ما شفته بعيني إلا زبد
وبقوة الجبار دسته بالنعال

#محمد_رطاس

الدم في عرق المنافق قد جمد
من هجمة انصار القوي مولا الجلال

مابه مفر لن الحلاقم والغدد
قد ازفرت والصبر ماعدله مجال

مادام والرحمن بيعطينا المدد
اليوم يامارب يعزونك رجال

#علي_عقاب

يامرحبا ترحيب يوسف ذي ورد
ذكره في القران باهله والرحال

حيا بشاعر فذ ما مثله احد
قد زارنا في شهر وخيار الليال

ياشاعر المهره لك القافي شهد
بالشعر والنخوه واوصاف الرجال

صنعاء ترحب من من المهره ورد
شعب اليمن واحد وناصرخيرآل

ياكاتب التاريخ وثق للابد
ان اليمن واحد ولا يخشى النزال

#الشاعر_محمد_سران

من فضل ربي بايزول كل النكد
وي عم ارضي التسالم والجمال

من بعد نصر الله اي عم البلد
الخير والتفريج ياعز الرجال

احنا اتكلنا والقوي هو بالمدد
لنصاره الابطال ابطال القتال

فمهما تكالب اي دوله أو حشد
باروتنا واصل يزيد الاشتعال

#أسـامـة_المـعبـاء

الحمد لله القوي الفرد الصمد
على التوحد والاخاء يارجال

هاذا اتحاد محد كمثله اتحد
صف واحد في سبيله ذو الجلال

وصمودنا محد كمثله قد صمد
ضد الجيوش الطامعه للأحتلال

سلام ربي للذي جاهد واجتهد
وكله بسالة في دروبات النضال

#عبدالقوي_البطل

دام الولاء كله من الله مستمد
هو من عليه الاعتماد والاتكال

وبصحبة آل البيت نمضي للاأبد
ونشب نار الحرب في وجه الفسال

ذي حاربونا وأعتدوا في كل حد
وخاصمونا واضرموا نار القتال

في حرب دين الله كمن مستبد
لاعد رعوا حرمة ولاحلو حلال

أنا عليهم في حمى واحد صمد
نطوي ابتهم في البوادي والتلال

#جميل_جعفر_ابوشامخ

يا مرحبا ما ابرق وما الراعد رعد
واعداد ما سيله على الوديان سال

بالشاعر المغوار و الأخ الأسد
شرّف لنا الليله حضوره و الوصال

القلب لك بقعه و بقعه فوق خـد
وفي صميم القلب دارك و الحِـلال

لابـد من صنعاء تعانق للعند
ورغم انف المرتزق و الاحتلال

لا يمكن التفريق بين اعضاء جسد
واحد موحّـد وهذا شي مـحـال

#ابوإسلام_الحداء

حيـا بشـاعر خـلي الـغازي رقـد
من الحروف الحربيه ذيهن ثقال

يارمز للمهره على هاذا البلد
ارحب الى صنعاء عدد ذر الرمال

بانجمتع جمعه قريباً واتحد
شعب اليمن كامل جنوبه والشمال

مادام عد به باليمن كمن أسد
رجال من صنفك ومن خير الرجال

با ندخل المهره على طقم المدد
ونرفع الصرخه على روس الجـبا

#إتحاد_الشعراء_والمنشدين

https://t.me/aboyahyaalshami