المجاراة بعنوان الخروج الجماهيري المشرف في العاصمة صنعاء وبقية المحافظات في مسيرة"لا عزة لشعوب الأمة دون الانتصار لغزة"

البداية #مختار_البحري

‏لله درك يا يــمــنــا المــجــاهــد
خروجك اسطوري ثباتك خيـالي

صامد برغم انف الولايات صامد
واثــق بربك بلــعـدوا مـاتـبــالي

مؤمن مسلم في لـواء خير قايـد
عبدالملك رمز الشرف والمعـالــي

#الشاعر_فرحان_السلامي

خضنا حروب الوقت و الله شاهد
و شعبنـــا رمــز النضــال المثــالـي

و زحفنا في الأرض مثـل الرواعـد
نتـرجــم المـــوقــف بنــار الأوالــي

لبيك يا داعـي علـى الحـق قـاصـد
الشعـب كُـلّــه تحـت أمـرك مـوالـي

#هادي_حسين_الرزامي

باننتصر رغم العدو الحاقد
شف كل ساحة واعتبر طوالي

واحكم بنفسك لاتعين للقاعد
نفسه كئيبه من هدى الله خالي

لاعزه إلا بانهزام الجاحد
صهيون وامريكا وكل موالي

#صالح_النقيب

الذل في قاموسنا غير وارد
شعب اليمن ثابت ثبوت الجبالي

على المبادي والشرف والعوايد
مابايهاب الموت وقت النزالي

رجال تبني عزها فشدايد
وانور يشرق بعد سود اليالي

#محمد_البريهي

على الولا والعهد والله شاهد
شعب اليمن ثابت ثبات الجبالي

يا من تظنه با يمل لا تزايد
تراجعه من ضرب ضرب الخيالي

في نصرة المظلوم من له عوايد
يرفع شعار الحق ضد الضلالي

#عبدالوهاب_الفقيه

خروج يبهت كل طاغي وحاقد
ويثبت ان الشعب هاذا مثالي

اصواتهم تشبه هدير الرواعد
هاماتهم زلت عنان الجبالي

والصف ضد الصهينه صار واحد
وضد قوم الدجل ولانتقالي

#عماد_قيرح

لك في صروح المجد بارق وراعد
والعز من ذروة ثباتـــك يـــلالي

في نصرة المضلوم ساعد بساعد
وجنب غزه لك وقـوف ارتجالي

لك السلام ياشعب لازال صاعد
نحو البساله والسمو الـكمـالي

#ابوبدر_ذيبان

شعب الاباء والتضحيه ما يحايد
مؤمن مسلم للقوي ذو الجلالي

لله بعنا خير شاري وشاهد
والنصر قادم والعدو لا زوالي

طوفان يا شعب اليمن واعز قايد
مع ابو جبريل ضد المهالي

#محمد_ابوالعز

نبع العروبه في سجاياه رايد
لله و اعلام الهدايه موالي

طوفان له فالارض بارق و راعد
و بحر امواجه تهد الجبالي

شاهد حشوده بالملايين شاهد
لله دره شعب شهم الخصالي

#ابـومـازن_الـرازحـي

يا شعب الإيمـان الـوفـي والمسـانـد
انت الـذي بيـن الشعـوب المثـالـي

بخـروجـك اليوم انذهل من يحـايـد
وارعـب قــوى الطــاغــوت والإحتـلالـي

ورسـالتـك دقـت أذن كـل قـاعـد
ذي مـا نصـر غـزه فعـزه محـالـي

#ابوجهاد_صبر

الـقـبـيـلــة عــبــر السنن والعوايد
من عادت الشعب العظيم المثالي

من أجـــــــل غزة ما نهم المكايد
يا اهـل الفخامة والسمؤ والنعالي

يشهد عليناء خير حـاكـم وشاهد
إنّــا مـعـاهـا لـو حـمـلـنـا الجبالي

#ابتسام_شرف_المحطوري

حضــور مليـــوني لغزة مسـاند
راســـه مقنف هامته فالعـوالي

وصرخته في وجه كمن محايد
من النكف والدين والعز خالي

أما الرجاجيل الأبية تجاهد
ولاجل غزة ماترى الحر سالي

#ابوحمزه_المقاش

وقفت يا الشعب اليماني معاهد
وارخصت في حب القوي كل غالي

لاسناد غزه كان لك خير شاهد
واسندت ل النهج القويم اتصالي

معى القضيه نصرنا نصر واحد
والفاصله غزة على كل حالي...

#فارس_الجعدالي

باقي على عهد الوفاء ما تحايد
ثابت ثباتك من ثبات الجبالي

تبقى لغزه والقضيه مساند
ولليهود الغاصبين النكالي

#عبدالقوي_البطل

والله معانا خير عالم وشاهد
عن دورنا في كل ساح القتالي

نجعل من العالم يعيد المشاهد
لأبطالنا في كل وقتاً وتالي

وكل حاطم جاء، لغزة معاهد
في خرقها للحاملات الثقالي

#علي_الشعيثي

رغم العماله والفتن والمكايد
لازلت ياشعب الصمود المثالي

ساند رجال الله في القدس ساند
وشمخ وكبر ورفع الصوت عالي

قد كنت للطاغوت خاضع وساجد
واليوم تسجدلك نجوم اليالي

#أبوصخر_الجوحمي

احنا السند واحنا الذراع المساعد
للقدس. ولغزه بأعظم. رجالي

لا عز للامه بدون ان. تجاهد
امريك واسرائيل واهل الضلالي

خروج مليوني وشفنا المشاهد
صرخات تتوالى برفع الأوالي

#نبيل_المهدلي

أنت السند للقدس وانت المساند
رغم انف واشنطن وحلف الضلالي

وانت الذي في نصرة الحق رائد
وانت الذي في كل موقف مثالي

لانك توليت العلم خير قائد
سقيت إسرائيل كأس الزوالي

#ابوقايد_عون

يالمعتدي في بحــــرنا لا تعاند
موقف يمـــنا فاق صم الجبالي

هذه عوايدنا ولجل العـــــوايد
من اجل غزه قد بذل كل غالي

يالعالم الغربي اذا الكل راقـــد
شعب اليمن ما ذاق نوم الليالي

#ابواحمد_الغرباني

اتوقّف الكوكب بدهشة يشاهد
محشد بني ياسر وزيد الهلالي

الجمع ذي ما استوعبته الفراقد
واكتظت الدنيا وهو في توالي

اضحى اليهودي بعدشوفه يناشد
مزوِب ومتأرّق لعدّة ليالي

#اتحاد_الشعراء_والمنشدين

https://t.me/aboyahyaalshami

شعبنا لله قد صار عاشق
للهداية و السبيل المنير

با يخفض للمهور المسابق
في رضى الله القوي القدير

والمنافق با يضلي منااافق
في رضى الشيطان مخلص جدير

#ذوالفقار_سفيان

العرس هذا جمع كل ضايق
من رجل محتاج ولا فقير

شال هذا الهم من كل عاتق
واتجه لاسعاد قلب الضرير

الزكاه اليوم له زرع باسق
حسب شرع الله صارت تسير

#ابواياد_المطري

عرس لا يوجد أمامه مطابق
فوق تسعه ألف حشدٌ غفيـر

التفاعل في جميع المنـاطـق
بالـــمهـور اللائـقــه بالـفــقير

زوجو ياشــعبنا كل ضـايـــق
واسـعـدو قلبه بشـيـئً يسير

#أسـامـة_المـعبـاء

عرس خلى الكون بسعد ناطق
ومن زكاة المال هو بايــصير

وبانــسمع غــربها والمشــارق
والتحــالف مع رعـات البعير

إن اليمن اتولت انسان صادق
ذي قــادها للآنتصــار الكـبير

#الشاعر_بشير_الشامي

زوجوا عزبان كل المناطق
كل من جاهد وعد الكثير

من زكاة المال نفعل فوارق
بين سابقنا وبين الاخير

يسلم اللى قد دفعها مصادق
عند ابونشطان شكراً جزير

#فايز_الحمزي

احتزمنا بالجعب والمحازق
واتحدنا في الزمان الخطير

رغم كيد الكايدين والعوايق
قافلتنا للمعالي تسير

يلزم الصمت كل فاسق وناعق
لن يعيقوا للزفاف الكبير

#الشاعر_عمر_الأهدل

عرس تسعه الاف خلا المنافق
قال ليش العرس هذا الكبير

شعبنا اليوم محاصَر وضايق
اطعموا الشعب هذا الفقير

قد فهمنا كل مُرجِف وناعِق
والف مبروك عرس ماله نظير

#جميل_الجنيد

الزكاة هيئة لها خير سابق
يَسّرت ما كان عائق عسير

فتّحَتْ للغارمين المغالق
وانتفع في الناس كم من فقير

في مشاريع الزواج سيل دافق
وافشلت عدوان آثم حقير

#حمد_الكبسي_الوايلي

الــحـقايق بايـنه والفـوارق
يامـفاسد مال ابــوها نضير

الزكاه اليوم في وضع لايق
والــمصارف اعطيت للفقير

بانقيم اعــراسنا ونت حانق
يامشغل صفحتك مستجير

#محمد_الحضري

انطلقنا رافعين البيارق
في رضا الله العلي القدير

حقق العرس الجماعي حقايق
واليمن شب النكف والنفير

والعدو نسقيه خارق وخارق
منها كل الجماجم تطير

#ابوهادي_صيفان

والفقير اصبح غني في المناطق
لبس واحد والمخطط بصير

تسعه الاف وعادبه عرس لاحق
قايد الثوره ابونا الكبير

عمة الفرحه وفي جمع ساحق
زعردي ياكل اسرة فقييير

#ابتسام_شرف_المحطوري

فرحةالمحتاج حزن المنافق
شيئ واضح ياكُراع البعير

كل منا بــالــزكاة بايسابــق
وارحموا من في ثراكم ضرير

نستر العزبان مابه عـوايــق
والعوايق في تولي الحمير

#أبورازح_القعود

لاتضايق ياعدو لاتضايق
او تحاكي نفسك انك خطير

اليماني كالجبال الشواهق
والبنادق صاحيه والضمير

والتحالف كل يوم في حرايق
وابن سلمان عاده الا صغير

#ابوالكرار_المجنحي

اليمن معروف سابق ولاحق
با الحميه والشرف والضمير

ما تعيقه في طموحه عوايق
دايمآ نحو المعالي يسير

زمجري واتزملي يا بنادق
في عرس مجموع ما له نضير

#الشاعر_ابوحيدر_عامر

والفرح ذل يوم له ألف بارق
في سمانا غاض حتى السفير

والفساد من عرسنا صار زاهق
والقلق عم الكيان الحقير

عرسنا عرسين والكفر حارق
والمنافق طاح ماله مجير

#ابوهاجس_موكل_رداع

ياالحيود الراسيات الشواهق.
اين ماسارالمسيّر نسير.

للحقيقه والحقائق حقائق
والحقيقه ظاهره في الاخير

مانخون العهد ولاالوثائق.
والكبير الله محدكبير

.#ابـومـازن_الـرازحـي

صار مجهود المزكين باسق
وانقذو وضع الشباب الخطير

مثل هذا العرس ينتج،فيالق
ما لها فوق البسيطه نظير

ويلكم ياكل طاغي وسارق
نحوكم، يوم النهايه يسير

#ابوناصح_العزي

رغم انف المرتزق والمنافق
الفرح عند الكبير والصغير

شعبنا ينفق وبالله واثق
شعب ما يقعد بوقت النفير

باقي الا المهر ماهوش عايق
بالتعاون بين اخي والصهير

#عبدالخالق_الحداد

في فرحهم كلنا بانسابق
لجل نسعد كل منهو فقير

والذي مابا يزكي منافق
مامعه ذمه ولابه ضمير

#الكرار_المشراقي

زف تسعه الف انجازخارق
ماحصل مثله ولا له نظير

يايمن لايمان للمجد عانق
وفتــخربقيادتك وستـنير

شعبنا باللــه ولاآل واثــق
بلغ الـخاين وقل للاميــر

#_الشاعر_رامي_احمد_السوداني

اشهد ان الخير في الناس دافق
انظرو ما في بلادي يصير

يا قوى العدوان ياكل دانق
وضعكم مثل الحمار القصير

يمتطي ظهره صغير او مراهق
يوم عيده لا عطيتاه شعير

#ابوكنعان_الروس

الفرح غطى جميع الفوارق
والتهاني جات عبر الأثير

ندعو العالم يشرف يسابق
مرحبا اهلا كبيرهم والصغير

المكان صالة السبعين طابق
اامام ابوفضل الشهيد المشير

#ابوثابت_المجنحي

رغم صكات الزمن والعوائق
شعبناء مؤمن بواحد كبير

في رضاء الباري فيالق فيالق
يحفضو حق الإخاء والجوير

قد لهم فل وقت عدت سوابق
ونشدو عنهم حلول الغدير

#يعقوب_الخمري

بالزكـــاة نفـتح جمــيع المــناطــق
ذي تبــقت في الجــنوب الأســير

إنفـــقوا مــن مال رب الفــوالــق
لحـــدا يبـــخل على اللــي فقــير

ممتد نوره من يمنا الى الشام
اذّن وهيئ من يمنّا الإقــــامه

في شعب مؤمن ونعم وسبعة انعام
يطلب رضى الله يوم يرضي إمامه

#حسين_شرويد

ايامنا السودا مع مر الاعوام
جاها الضيا من نور بدر الكرامه

وافراحنا تمت على انف الاقزام
في عرسنا والموت لاهل الغشامه

كن الزكاه اليوم تحقيق الاحلام
فيها عفاف أهل النفوس المضامه

#صالح_حسين_ابواحمد

الله يكتب اجر من بالعرس قام
وقام سنه في زمان العدامه

شف من تزوج مثل ذي حج اوصام
يوقا من الفحشا ويسلم حرامه

وذي يبا يثني تشجع وقدام
يوبه من الاولى جحيم انتقامه

#الشاعر_محمد_ابوالعز

ازدانت الاكــوان في زيــن الايــــام
و النــــور يتـبــاهى بخيــرة انــامـه

اكبر عرس فالارض اشرق بالانسام
في عاصمة شعب الابى و الكرامـه

بـارك لك الرحمن يا دار الاكــرام
دامت ديـــــــــارك عـامـرة للقيـامـه

#صقر_سبحان

اليوم هذا يوم تحقيق الاحلام
يوم الفرح والأنس والإبتسامه

يوم التخلص من تفاكير واوهام
ومراهقة عزبان فيها الندامه

وبفضل ربي شعبنا الحر ما انضام
ولا حنى رأسه امام اي هامه

جريح الحرب #رفيق_زرعان

الله فضلنا على كل الاقوام
بالصبر والإيمان والإستقامة..

هيئة تحقق لليمن كل الاحلام
وتعيد له بين الشعوب احترامه

ومن يجي يا شعبنا يصرف اوهام
ارجوك تحذر لا تصدق كلامة

#براق_المنبهي

رسايل السبعين موضوعها هام
في كل مره عرض زاد اهتمامه

العرض الأول من قصم ضهر الاقزام
خلا ذيول الحلف تلعن نضامه

واليوم شمسه بددت غيم الاوهام
والشعب للقاده يكن احترامه

#ابوحمزه_المقاش

احداث تتسجل وتكتب بالاقلام
والشعر لا اتكلم فيعجز كلامه

عرس الجماعه فاق بـالوصف الاحلام
وغرد عليها الطير وابلغ سلامه

شفنا الزكاه بدورها شعبنا قام
يقضي خداع الشرك واهل الملامه

#الشاعر_ابوشهيد_القطمي

وصلَت أشعتها إلى كل مقدام
ترسم على وجة الفقير إبتسامة

توحيد الأيدي في لواء الآل الأعلام
ذي با يوصل ديننا لا مرامة

هيئة بها تحسين للمظهر العام
و كل من فيها تجلى أهتمامة

#ابوسياف_الوحيشي

حيا مصابيح الدجى حي الاعلام..
اهل المبادي والقيم والكرامه..

من في ولاهم حققت كل الاحلام..
والبائس المتعر تحقق مرامه..

ياسيدي عبد الملك حبك اسلام..
والكفر بغضك نسئل الله السلامه.

#الشاعر_ابوصادق_الشيبري

تجسيد عنوان التكافل والاكرام
وافقر شرائح في اشد اهتمامه

هيئة زكاة اليوم مصروفه عام
من محكم القران طبق كلامـه

تزويج عشره الاف حكمه والمام
وحصن ضد الناعمه والئامــــــه

#فايز_الحمزي

بموجب التنزيل وتطبيق الأحكام
بشراك ياشعب الإباء والكرامة

مادام ابوجبر..يل قايد للإسلام
وانصار ربي رمز للإستقامة

لابد مانصنع من الصفر ارقام
ونزيد من فوق الشموخ الف هامة

#جمال_الماوري

يتوشح العرسان فرحات الاعوام
الفرح خاتم والسعادة عمامــــــة

كأنهم حجاج في ثوب الاحـــرام
الله محلا النور والإبتسامـــــــــة

يا موطن الحكمة والايمان قدّام
الدين بك يفخر وشَدّي حزامــــه

#عبدالله_بحنان

من قبل كانت للمشائخ وحكام
واليوم تصر للفقير بـــ كرامه

لولاك ابوجبريل يا كهف الايتام
ان اليمن شحاث بقصر اليمامه

الشعب يفرح رغم عدوان وألآم
مادام نهج الله خط استقامه

#ابوناصح_العزي

مسيرة القرآن والبدر ذي قام
ترقى بهذا الشعب فوق الغمامه

هيئة زكاة المال لعراس واغرام
كمن سجين اهدته عيش،الكرامه

هذه هي الرحمه وذا دين الاسلام
في ظل قايد حاز كل الشهامه

#ابواياد_المطري

اليــــوم هذا أكتسـح كل الارقــام
أيضاً رفع في الشعب مليون هامه

الله يديم السُعد يا شعب الاسلام
ويزيــــدنا في نهجـــكم أستقامه

افرحتم العازب وصار العزب تام
وارسل لابو جبريل كامل سلامه

#زاهر_الرصابي

نعمة إلهية و تأثيرها التام
بيّن على الشعب اليماني علامه

من دافع الإسلام بيّن للإعلام
وبالاستقامة يرسم الإبتسامة

مشروع قرآني يستهدف العام
بالخير والإحسان راقي مقامه

#ابـومـازن_الـرازحـي

حلَّ الفرح وتبددت كل الالآم
والشعب،حقق غايته في الكرامه

باكبر زفاف قدقام في عاصمة سام
ماقد وطن في العالم اليوم أقامه

هذا بفضل الله، وتدبير الاعلام
والشعب ذي تسبق فعاله كلامه

#ابوهادي_صيفان

ياشعبنا افرح والفرح في اليمن عام
قل الفقير افراحنا مستدامه

مشروع قرأني وياسعد الايتام
الفقر ودعناه ومع السلامه

ماكان يحصل مثل هاذا بلحلام
واليوم حققناه ولكل اقامه

#جلال_مبخوت_الغولي

اليوم متميز على كل الايام ...
في ظل قايد حر يعلي مقامه

في دولة الاحرار ماشخص ينظام.
والدين عادت هيبته واحترامه

نلمس اثرها من قيادة واعلام
والواقع الملموس اكبر علامه

#ابتسام_شرف_المحطوري

هذا الخبر للغرب اصبح (خبر هام)
أقلق سكينتهم ، لماذا؟على مه!!

لانه لباس الستر لرجال وارحام
يقي من الفتنه ونحظى السلامه..

مادام شعب العز لاركان الاسلام
يعمل بها ، فالكل يتبع نظامه

#مناع_شريم

المجاراة أستجابة لدعوة #السيد_القائد في الأحتشاد المليوني يوم غد الجمعة

البداية #أبويوسف_القاري

شعبنا والقدس ماخاب ظنه
في اليمن ذي ناصرت قدسها

نسرح الساحات من دون منه
ضيعوا للأمركة حسها

انصروا تلك العجوز المسنه
ذي تباهى الخصم في دهسها

#ضيف_الله_سلمان

يابني الاسلام شيعة وسنه
دقوا اسرائيل في راسها

ويش باقي بعد ذبح الاجنة
يهودة لابد من كنسها

جاهدوا ونفوسكم مطمئنه
والقضيه نفسها نفسها

#محمد_مفلح

من يمن الإيمان والنصر منه
من رجال اتحزمت بأسها

دون غزه مطلقين الأعنّه
لين تشرق بالنقا شمسها

لو يقوم الكون بانسه وجنه
ما حما إسرائيل من دعسها

#محمد_كرشان

ياالله انصر شعبنا وارض عنه
واسعد العرسان في عرسها

واليهودي خيب الله ظنه
ضيع امريكا وجاموسها

والدواعش جاوبوهم برنة
نجمت اسرائيل من شمسها

#شداد_حميد

تشرب امريكا ولوما تحنه
نخب كأس الموت من كأسها

اليمن فيها تطير الاعنه
يومها يفرق على امسها

لو اتى العالم ب انسه وجنه
با يشوف الموت من بأسها

#عبدالوهاب_الفقيه

جنب غزه شعب انسه وجنه
ويل العداء من لضى باسها

راس بن يامين لابد منه
نضرب الحيه وسط راسها

يشرب الطاغوت ذي مايحنه
والبوارج ضيعو حسها

#همدان_حجي

المريكي بين اهه وانه
من شراستنا ومن رجسها

ينتضر والفتح لابد منه
خاب واتقهقر لظى باسها

والف غارة والف مليون لعنة
ع اليهود ومحتوى درسها

#الشاعر_فرحان_السلامي

قد خرج فوج اليماني و جنّـه
فــي مــواقـف خلـدت درسهـا

و الهجـوم اليـــوم لازم نشنّــه
نقلــب امـريكـا علــى عكسهــا

ننصـر المظلــوم و ننـوب عنّـه
لجـــل غـــزة تنتعــش نفسهـــا

#هادي_حسين_الرزامي

ألف لبيناك واجب وسنه
نحشد لغدها كما أمسها

نسحق المحتل وندوس جنه
يندم المجرم على رفسها

بايجي يومه ولازم نطنه
اليمن عازم على كنسها

#ابو_مصطفى_الرضي

ع اليهود الباغية الف لعنه
تشمل الأعراب حراسها

انفروا نأخذ بثأر الأجنة
قد جنت صهيون على نفسها

سنة الله ع الطغاة خير سنة
في البحار با نغرق أنفاسها

#ابوجهاد_صبر

لو علينا حرب طاحن تشنه
أرض بقعاء جِنّها وانّسها

او يجينا الكون بـْ انّسه وجِنّه
والكُرْه تقبل لنا نفسها

لا نِدنّ المعتدي لا نِدِنّه
لجل غزة ترتفع شمسها

#ذوالفقار_سفيان

حشد بكرة كنه الحشر كنّه
واليمن كلن عرف درسها

كل مستكبر قسم ما نحنّه
راية امريكا قَرب نكسها

والعلم لا خيب الله ضنّه
راية العزه نوى غرسها

#عبدالعزيز_الغرباني

نهج ابو جبريل مذهب وسنة
والملازم حصن مؤمن درسها

شعبنـا واتخبــر الكـون عنـه
لادعى الداعي ودقت جرسها

المعـارك لعـب شعبـي وفنـه
والسفن فالبحر ذي نفترسها

#ابوفتح_الجرادي

شعبنا بالحشد في السحات كنة
شارك الأبـطـال بــاتـــراســـهـــا

تصــرخ امريكا وأســـرائيل منة
واعلنـت قُـــــدامة افـــــلاسهـــا

شعب بين ضعف امريكا المصنه
داس باقدامه عـــلى راسهــــــا

#ابوحيدر_الراشدي

شعب الانصار كامل انسه وجنه
هب ساحـــــــــات الوغى نفسها

والحشود يا صاح شيعــه وسنه
مستحيـــل ان التعـــــــب مسها

لاجل غزة لا تراجــــــــع وهدنه
عن قريب امريك، تغيب شمسها

#ابوعبدالله_صالح_عنبل

اليمن هبت قوى انسه وجنه
ما سوى نور الهدايه قبسها

والحشود الغاضبه بأمر منه
مستمره ذي تطهر دنسها

واليماني لعبة الحرب فنه
واي رايه عالميه نكسها

#ابوبدر_ذيبان

نرفع الهامات من غير منه
امة الايمان نبراسها

سيدي لبيك روس الاسنه
نقلع اسرائيل من ساسها

كل طاغوتي قسم مانحنه
شعبنا للامركه داسها

#ابـومـازن_الـرازحـي

جاك شعبك حاملين الأسنه
يا علم لـ مَّـه ونبــراسها

يملاء الساحات شيعة وسنه
فيلق الأقصى وحـراسـهــا

حشد مليوني ويغتاض منَّه
قادة اسرائيل وابليسها

#أبوأحمد_الغفّاري

ما وفاء إلا وفاء الأسنّه
والمحن أهل الإباء ناسها ..

فالمجازر في النساء والأجنّه
ذي بغزة اظهرت اجناسها ..

اليمن في العز معروف إنّه
نخوة الأمه وناموسها ..

#عبدالقوي_البطل

كل نشمي حر يثبت بأنه
منتمي من أصل قاموسها

نحتشد في كل يسرة ويمنه
في يمنا الرافعة راسها

طول ماهي نحو الأقصى وظمنه
باتوري للعدو بأسها

#فايز_الحمزي

الجرايم جور مايحتملنه
والعروبه فاقده نفسها

خادمات امريڪ ڪم يحتفلنه!!
والرياض ترقص وجان مسها

عهد منا للعجوز المسنه
ماترڪنا القدس في رجسها

#الشاعر_متاش

عاد بانحتشد ياقدس شيعة وسنة
لين نقلع لليهود ضرسها

لن نفرط بغزة لو دخلنا المجنة
كلنا لأجل تشرق شمسها

ما توقفنا وساطة ولجنة
عن بني صهيون ما اخسها

#ماجد_عبدالله_القادري

كل أب اقبل إلى الساحه مع ابنه
والمسيره عزها في نفسها

كل جمعه ساحة السبعين لبنه
لجل غزه النوم فارق نعسها

من بيع القدس يلقي الف لعنه
كامل الأرض جنها من انسها

#اتحاد_الشعراء_والمنشدين

https://t.me/aboyahyaalshami

المجاراة عن كلمة #السيد_القائد (يحفظه الله) بمناسبة العام الهجري 1446هـ

البداية #أبويوسف_القاري

رسالة الله قد وكل بها الأنصار
اصحاب الإيثار والإيواء والنصره

أتبوأوا الدار والإيمان قبل الجار
وءآمنوا قبل يوصل صاحب الهجره

وقريش لليوم مازالوا بها كفار
والمكر عادة من أتأسلم وهو مكره

#ضيف_الله_سلمان

الملك والهيمنه للواحد القهار
والحكم والامر للغالب على امره

كل الحقايق تجلت يا اولي الابصار
والله با ينصر القله على الكثرة..

(صنعاء وغزة) و(ابو جبريل والسنوار)
شاهد حقيقي غني بالدرس والعبرة..

#محمد_مفلح

الانصار لليوم لا زالوا هم الانصار
في الصف الأول مع المختار والعتره

بالامس كانوا جنود الحيدر الكرار
واليوم يعقد لواهم حيدرة عصره

عبدالملك شبل حيدر مرعب الكفار
والمعركه واحده والنظره والنظره

#عبدالسلام_الطالبي

والسيد اليوم حدد للطريق مسار
لابدنا يارجالي نتبع أمره

ونحمد الله على العزة والاستبصار
نشحذ هممنا في المنشط وفي المكره

نحيا حياة الإباء والعز والإكبار
وندحر الكفر في بره وفي بحره

#أبوجابر_صبره

"يزيد" الاعراب واحنا "ميثم التمار"
ودمّ غزه دم الانصار والعتره!

واسناد غزه لتجسيد الولا معيار
واحداث غزه بها كلن عرف قدره

ومادام واحنا مع من يبلوا الاخبار!
فما به خلاف كلن بانرى خُبرَه

#هادي_حسين_الرزامي

فصل الخطاب ونصيحة جار لاسوأ جار
عساه يقبل نصيحة من كشف مكره

واليوم معروف غير الأمس ياغدار
بدك بسلم وسلام أو حرب من بكره

والموت نسحق به أمريكا بخير شعار
وبالصواريخ في بره وفي بحره

#محمد_الاخرم

مادام والسيف باقي في يد الكرار
وانصاره أهل الإباء صفّت مع العترة

البنك بالبنك ومضاعف ورد النار
بالنار او نقسم الواحد على عشرة

ونهاية الحرب باتشهد زوال الضار
ومن يدية وبنفسه قد حفر قبرة

#الشاعر_فرحان_السلامي

أقسم برب السما لو تسقُــط الأقمـار
أو يجري الدم داخل مهجة الصخـرة

إن اليمــن من جنـود الواحـد الجبـار
أنصـــار ربــي لهُــم بالمعــركـة قُـدرة

لنصرة القُدس نحشد جيشنا المغوار
نجــرع الصهينــة سكـرة قفـا سكــرة

#صالح_النقيب

وعد الحقايق تحقق وزمن دوار
واحنا صبرنا مع الله ساعة العسره

تحذير ناري يحذر صاحب المنشار
ياحافر القبر باتوقع في الحفره

قال انتبه لاتصب الزيت فوق النار
وتصبح اول من اتكوا من الجمره

#صقر_هيسان

الله رزقنا بقايد هاشمي كرار
من نسل طه وآل البيت والعتره

لا قال نفذ وقادت حلف الاستعمار
كلين يحسب حسابه هذه المره

#ابوحسين_رقبان

الحمد لله ما تتساقط الامطار..
ساق المسيره لنصر القدس من مطره..

بقيادة الهاشمي والسيد الكرار..
نأآوي الدين واهل الدين في عصره..

نخوضها حرب داخل حرب مهما صار..
ونكتسب منها التكتيك والخبره..

#محمد_ابوالعز

شعب اليمن شعب متوكل ع الجبار
باقي على العهد باقي مابقي دهره

انصاره الامس مازالوا له الانصار
من الف واربعمية عام ٍعلى الهجره

متعممين الشجاعه مثلما الكرار
متحزمين السجايا مثلما العتره

#ناجي_القطيبي

الاوس والخزرج الانصار والاخيار
وقفو مع المصطفى في ساعة العسره

وبايعوه ثم في طيبه بنو له دار
وبمعركة بدر والخندق حمو ظهره

فلا خصاصه بتمنعهم ولاافقار
عمّن اتاهم مهاجر يعرفو قدره

واحفادهم ذي تولّو حيدري كرار
بايصدحو بالاذان في قبّة الصخره

#بندر_السقاف

القدس قدس العرب ماشي لكم يااحبار
لاتوثقوا باجندة وحماية الخبره

ياوعد بالفور وعد القادر القهار
اصدق ووعده يعيد معاكم الكره

خلاص لاظلم بايبقى ولا استكبار
الامر لله مولى الامر والقدره

ياويل مرحب وخيبر عود الكرار
وعاد الاشتر وعاد كيان ابو عمره

#عزالدين_جحاف

شعب اليمن قوته من قوة الجبار
منهج وقائد رفع رب السما ذكره

الحاملة مننا قد ولت الأدبار
مافادها الغطرسة والفشر والكبره

اوزن حجارك تعقل يا ابومنشار
ولا علينا القسم لا نجعلك عبره

#ابوجهاد_صبر

أزكى صلاتي عدد ما شنت الأمطار
تغشّى محمد رسول الله لا قبره

لازال قومه أشدّاً على الكفار
يلاحقون اليهودي لا وسط وكره

احفاد الاشتر وذاك الحيدري عمار
ذي نكل الكفر والاشراك في عصره

#ابوحمزه_المقاش

المعركه معركة تسليم واستنفار
والفاصله جامعه في الشام والنصره

وابن اليمن واليمن في المعركه ثوار
والقدس صعده وغزه ساكنه صدره

بعد ابن طه نهاجر ليلنا وإنهاار
والعالم الهجري احنا نوفيه قدره

#محمد_البريهي

ياشعب واتحمد الرحمن ليل نهار
واتشكره دايما دايم وزد ذكره

أنعم على موطن الإيمان بالأطهار
السادة القادة اعلام الهدى العتزه

من مدنا الله من أنوارهم أنوار
تمحي ضلالات كل متجبر وفكره

#الشاعر_متاش

لاعاصم اليوم للموساد والفجار
في عصرنا كل طاغي قد حفر قبره

رغم العواصف وحجم الظلم والاخطار
لازال شعب اليمن مقدام في عصره

مع النبي وآل بيت المصطفى الأخيار
يكر فوق العدو كرة وراء كرة

#ابـومـازن_الـرازحـي

يوم النبي من عدوه إلتحق بالغار
وبيتت طـائفـة منهم على غـدره

المجاراة بعنوان تأكيد الشعب اليمني على الاستمرار في موقفه الثابت وتفويضه للسيد القائد

البداية #ياسين_الفروي

قد قالها السيد وكل الشعب بعده قالها
من داخل الساحات وارسلها رسالة عاجلة

احنا لها،، واحنا لها،، واحنا لها،، واحنا لها،،
وباذن ربي با تكون الحاسمة والفاصلة

#محمد_مفلح

‌‎اي والله ان احنا لها وإنّا رجال رجالها
وجهودنا بعد العلم متواصله متواصله

لا ما قطعنا غدة إسرائيل بإستئصالها
والا فما احنا عزوة الملهوف واهل الطايله

#أحمد_حسين_هبه

لو كنت جاهل اسال امريكا عن الي جالها
في البحر الاحمر ماوقع للبارجه والحامله

واسال جنوده كيف ضربات اليمن واهوالها
وكيف قوه ربنا خلت مريكا ذاهله

#عزالدين_جحاف

قال المثل لاغابت الأنساب شوف اعمالها
وسعود واسرائيل شي واحد حقيقة ماثله

واحنا اليمانيين فرسان الوغى وابطالها
لبيك يابن البدر فوضناك بصورة كامله

#الشاعر_علي_الغماري

هذا يمن ليمان هذا الخيل مــــــــن خيالها
قل للسعوديه حـــــــذاري القبايل واصله

الويل ثم الويــــــــــــل للصهيونيه وعيالها
من شعب مايطعن سواء طعنه قويه قاتله

#همدان_حجي

الموقف الثابت وهاذي المرحله وامثالها
وبايضل الموقف الثابت ونفس القافلة

اهوال حنا اهوالها ورجالها وابطالها
مابا يغير موقف الشعب النفاق وباطلة

‌‌‌‎#محمد_الاخرم

مايدحر أعـــــداء البـــــلاد إلا عزوم رجالها
وشعب اليمن بعد العلم عزم وهمم متواصلة

والصهينة والسعودة تبشر بقرب زوالها
وبا يلاقي كل مجرم فـــوق ما يستاهلة

#ابوحمزه_المقاش

ابن اليمن معروف والهيجاء تحب ابطالها
والمعركه يا قدس با تنفي البغي وتقاتله

غزه لنا واحنا لها والحرب نحن رجالها
ولو تطول المعركه فجهودنا متواصله

#محمد_البريهي

كل الثقة سبط النبي المختار منا نالها
لا للتراجع واليمن هجماتها متواصله

له فوّضت أرض السعيدة كلها بابطالها
والأمر بعد الله والخيرة نسلّم كاملة

#أبوحسين_العصري

احنا مع غزة وحال الشعب كله حالها
والمملكة واسيادها بإذن المهيمن زايله

لو تحشد العالم بكله ضدنا بأموالها
حرب اليهودي فرض واجب عندنا مش نافله

#محمد_الخدري

فصل الخطاب المعركه دوا صدا زلزالها
والقارعه فوق الاعادي والله انها نازله

واحنا رجال المرحله مهما تكون احمالها
والكبر نكسه والاعادي والله انها زايله

#ابوعبدالله_صالح_عنبل

هبت لنصر الحق فرسان اليمن وابطالها
واحيت سبيل الله بافواج الزحوف الهائله

على شموخ الراس ترفض ذلها واذلالها
وحسم تاريخي يشرف معركتها الغاصله

#زياد_زيد

شعب اليمن حاضر يدوس الصهينة وذيالها
في البحر الاحمر بايصيد البارجه والحاملة

بايخرج الساحات ويصعد من اجل اقتالها
ياسيـدي ابـشـر يـعـدل كـل عـوجـا مـايلة

#ابوكنعان_الروس

بخروج بمليوني مشرف تم فيه أرسالها
للعالم البطال وخص المملكة في زاجلة

غبني على سلمان وبنه حين يشوف أهوالها
ويشاهد الميناء تفجر والمصافي عاطلة

#ابـومـازن_الـرازحـي

الشعب فوض قائده والناس عند أقوالها
قولوا لجار السوء حذاري يلعبوا بالقنبلة

كلمه قطعناها(وسيدنا) عليه ايصالها
واحنا نترجمها على الواقع بضربه قاتلة

#ابو_هادي_الجامع

لبيك يابدر الهدا في سهلها واجبالها
امضي بنا في ذا المسيره يازعيم القافله

راهن بنا امه عضيمه حي والله اصلها
ماتقبل الباطل ولاهي بالبواطل قابله

احنا معك بانقلب الكوره ونلعن شكلها
معك معك لو الدما من كل منحر نازله

#عبدالقوي_البطل

أكيد أكدنا في الساحات بقرب آجالها
متى تعدتنا يجيها الرد ذي تستاهله

لبيك أبو جبريل قلناها وفوضنا لها
يدك جمع الكفر والإجرام كامل باكمله

#ابتسام_شرف_المحطوري

قايد مسيرتنا قطع لامريك حبل امالها
ما حد يوقف شعبنا وبـا تسيــر القافلة

من أجل غزةورضها ونساءها وطفالها
نرخص لها الغالي وجهد ابطالنا متواصلة

#محمد_الداهية

هيهات منا الذل تموت الصهينـة واذيـالـهـا
حنا معى غزة ومن عاداء اهـلـهـا انـقـاتـلـة

يكن يهود ولا سعود انـقـاتـلـه ونـخـوضـهـا
هيهات نتراجع وعـيـش الـذل مـانـتـقـبـلـة

#مرتضى_ناجي

عند الشدايد والامور المعضله احنا اهلها
وحنا لذي مظلوم فالدنياء المدد والقافله

سبحان من اهدى اليمن قائد بحجم رجالها
اهل الحميه والشرف و الدين واهل الطايله

#أبوغلاب_همدان

اليوم مثل الحشر والأرض أخرجت أثقالها
لكن خروج اليوم جاء سابق لوقت الزلزلة

لا اتزلزت قُل لـ السعودي لا يقُل لي مالها
قد قالها السيد وشعب العز فوض باكمله

#جبريل_الخدري

مع بن بدر الدين مولانا نخوض اهوالها
والمعركة هذه الاخيرة باتكـون الفاصلة

احنا لـٍهآ وامثالنا مـن بايخــوض أمثالها
أمّا العــداء واذيالها ما هـي لقد الـزلـزلة

#طه_الرازحي


اليوم جدد شعــبــنا المــوقــف لغزة واهلها
في كل ساحه بالثبات وبالخطى المتواصله

فـــوّض قـيـاداته لا أخــذ الثار من محـتلّها
وارسل رســاله للأيادي ذي للاعـــداء عامله

#المنشد_مؤيد_التوهمي

المجاراة عن العبر والدروس من يوم عاشوراء ومأساة كربلاء.

البداية #محمد_التركي_الهلالي

يا (حسين السبـط) يا النُّور المُشعشِع
ياقصايد تـخـتـزل جــزل الــقَــصــيـد

أنـت خـالد في المـدى قُـدوه ومـرجـع
أنـت (هـيـهـات) الـقـديـمـه والجـديـد

#الشاعر_ابويوسف_القاري

واليماني ماضعف والاتضعضع
من يزيدالعصرواسوأ من يزيد

رغم من نافق مع الاعدا وطبع
عن خطاك ومنهجك مابانحيد

#الشاعر_أبورواسي_أرحب

فاجعه كبرئ علئ مرئئ ومسمع
مسلمين أغتالوا القول السديد

مثلما خلوا رقاب الآل تُقطع
خلوا الشعب الفلسطيني وحيد

#عبدالحميد_التركي_الهلالي

اوجدك في كل بيت وكل مطلع
لانك اجمل ماكتب (عبد الحميد)

ياشعار الحق ضد الباطل اجمع
ياحسين الصبط والنهج السديد

#محمد_المنصور

ما لحق سبط النبي فالطف موجع
من وجعه الأرض كادت ان تميد

في مساره لن يضعضعنا مضعضع
لا يزيد ولا ذي ألعن من يزيد

#ردفان_الرقيمي

(كـــربلا غـــزة) تواجِـه ماهو اْبشــــــع
مِن فِعــال "الشِمْر" واْســـوء مِن "يزيد"

كل يــــــوم أطفالها "قُصـَّـــر ورُضـَّـــع"
يُذبَـحـــون "مِن الـــوريد إلى الــــوريد"

#_ابوفتح_الجرادي

في خُطا سبط النبي بالحق نصطع
كـربلائيـــــون ذو بــــأسٍ شـديـــد

ماضي وحاضر لنــا والإل مجمـــع
عهــــد ماتغيـــر وعـنــــه لن نحيـد

جريح الحرب #رفيق_زرعان

قولنا هيهات لن نخضع ونركع
لو يزول الكون والدنيا تميد..

نهجنا من نهج عاشوراء تفرع
منهج القرآن والسبط الشهيد

#محمد_البريهي

موطن الإيمان بالعزة تربّع
بالكرامة ثار في عصر العبيد

للإبا والعز من هيهات يرضع
واجه الطغيان واقسم مايحيد

#ابوحمزه_المقاش

يا ابن طه كربلاء التاريخ تدفع
موجب التكفير من ذنب الاكيد

والاساء خيم على الوجهات الاربع
يوم صار الحكم في كفة يزيد..

#ابوكنعان_الروس

خاطري مكسور والعينين تدمع
والحشاء نيران تتوقد وقيد

كادت الشمخ عليه تهبط وتصدع
اكسفت بالشمس وشابة بالوليد

#ابـومـازن_الـرازحـي

كربلاء دوره لمن يخرج ويدفع
عن بلاده شـر احفاد اليزيد

مدرسه للتضحيه والصبر أوسع
من قرٱءت الف قصه ماتفيد

#الشاعر_خالد_البصيري

الله اكبر رددوها اربع قفا اربع
عزمنا يا قايدي فل الحديد

الله اكبر والشهاده خير مطمع
لجلها في كربلاء دم الشهيد

#ماجد_المطري

أقدس الثورات فـ الثورات أجمع
يوم سبط المصطفى واجه يزيد

جرح عاشورا عليه العين تدمع
أفدح النكبات من ماضي تليد

#براق_المنبهي

يااعز الناس واوفا الناس واشجع
ياامام الحق يالعقل الرشيد

مابه اي حياد كل انسان يسمع
يابصف حسين او تتبع يزيد

#يوسف_غاشي

الزمن والدهر والتاريخ يركع
للحسين السبط والماضي التليد

من مآسي كربلا نصنع ونقطع
يد من بايع ومن ناصر يزيد

#عماد_قيرح

انـــــت ياسبط المـــكـــرم والمشــفع
يالحسين الثائـــــر الحر الــمـجيـــــد

انت عنوان الإباء الاسمى والارفـــع
وانـت رمــــــــز الـعـز والمجد التليد

#ابوعبدالله_العطان

شيعة اهل البيت مايوم نخضع
والعدو في البر والبحر صيد

منهج القرآن والآل يجمع
كل مؤمن في يمنا السعيد

#مجدالدين_البدري

ياحفيد اللي عرف ماقط يخضع
انت نعم الابن والنعم الحفيد

من ثباتك شعبنا يقطع ويبدع
ياشهيد اللي ولامثله شهيد

#الكرار_المشراقي

فاجعه قالت بال البيت اجمع
ارتكبها المجرم الطاغي يزيد

ماسلم الطفل منهم ذي بيرضع
قطـعوهم مابقـا فــيهم وريد

#عبدالقوي_البطل

أنت ياسبط النبي لك وجه يلمع
بالنور والإيمان والقول السديد

ذكراك ثورة خالدة للدين ترفع
من سار في نهجك على شلة يزيد

#محمد_هادي_المؤيد

انت سيف الحق في الظلمات تلمع
سـيفك الـمعروف بـالبأس الـشديد

مـارضـي ب الـذل مـن قـلبه مـولع
بـالـشـهـادة والــمـعـزه يــــا يــزيـد

#ابورفيق_الحدم

مااستطاع البال ينسى اليوم الاقرع
ذي ســــقط سبط النبي حينه شهيد

افرط الملـعون في اجــرامه وشـرع
قطــــع صـمام السـياده والـــــوريد

#الـشاعر_أبومحمد_الجعفري

عيون الـأمُـه بالدماء عالخد تدمع
في مصابك يا حسين آلطف آكيد

فاجعه متواصله لـا اليوم وافضع
في مشاهد ينصهر منها الحديد

#حيدر_علي

ختمّك الختم الموثق والموقع
والمؤكد في سبيل الله... أكيد

والقضية عادلة منزلّ ومطلع
كربلاء للتضحية درسك مفيد

#ذاالنون_مشتاق_شريان

كربلاء الطف تجرحنا وتوجع
والأخير مران زادة في الوقيد

تكفي العبرة لنا نصحا ونردع
كل متصهين ومتولي يزيد

#ماجد_عبدالله_القادري

ياحسين السبط لما العين تدمع
انها صنعاء في الشعب السعيد

جرحها من كربلاء والجرح يوقع
عادت الاجراح ذكرى من جديد

#أبوصخر_الجوحمي

شعبنا في نهج آل البيت يتبع
دائم الازمان حاشا لن يحيد

كربلاء فيها عبر للناس اجمع
رغم قتل السبط فيها من يزيد

#جميل_الجنيد

ثورتك يا سيّدي منهل ومنبع
مُشْربة في كل حُر وكل جِيْد

تضحياتك درس نجمه شع يلمع
يرشد الأمّة الى الحل الوحيد

#زايد_حمامه

ما حدث في كربلاء الطف مفزع
فاجعة كبرى ضحيتها شهيد

تابع المجاراة تلبية لدعوة #السيد_القائد إلى الخروج المليوني يوم غد الجمعة بكل نشاط وحيوية وثبات ، وفاء مع الله ورسوله ودينه وكتابه من أجل الشعب الفلسطيني المظلوم.

البداية #ابويوسف_القاري

ياموطن الايمان يااوفى واصدق
كل الشعوب المسلمه وأسبقها

لاكل ساحات الجهاد اتدفق
في وجه أمريكا ومن صدقها

قل لليهودي والعميل الأحمق
وثق مسيرات اليمن وثقها

#ابـومـازن_الـرازحـي

لبيك يامن فج نوره واشرق
واعـاد لامتنا معـه رونقها

بانحتشد يوم البشر تتفرق
حتى ميادين الوغى نطرقها

تسليمنا لك يابن (طه) مطلق
في مغرب الدنيا وفي مشرقها

#محمد_البريهي

حبل اليمن بالله ربي موثق
وقضية الأحرار في عاتقها

وكل باطل في ثراها يزهق
واكثر سفين الصهينة نغرقها

أبشر بنا ياسيدي لا تقلق
أرواحنا في طاعتك ننفقها

#فايز_الحمزي

الڪل للساحات جو نتسابق
لجل الڪرامة دامنا نعشقها

صنعاء وغزة والوفاء يتعمق
الدين والارض والمصير عمقها

ماهمنا حد (دام) واحنا فـ الحق
والموت لامريكا ومن صدقها

#عزالدين_جحاف

ياسيدي تفويضنا لك مطلق
شعب اليمن أوفى الشعوب واصدقها

صبح الكرامة من جبينك أشرق
والأمركة وحدك فقط تسحقها

واحنا معك فيلق يتابع فيلق
أرواحنا لله باننفقها

#ابوكنعان_الروس

عيوننا للقدس ذي تتحدق
والنصلة الصقلى وجب نفدقها

والشعب لباك ياالعلم وأتبندق
حشود ترفع بالوفاء بيرقها

وخشام وابواق العمالة تندق
وتحت أقدام الرجال نسحقها

#ابوهادي_عقاب

ياشعب صادق قالها كلمة حق
الله اكبر للعداء تصعقها

وشعاره اصبح فرط صوتي يلحق
سفن وبوارج لاوصل يغرقها

هبوا الى الساحات بكره نسبق
كيد المريكي هيبته نسحقها

#مانع_البوساني

يا شعب الايمان استلح واتبندق
وارهِق حكومة بايدن واقلقها

واخرج خروج الأرض منه تحرق
ما تخرج إسرائيل من مأزقها

أخرج مع غزه وخطك مطلق
لا ما تغيب الشمس من مشرقها

#ابوحيدر_الراشدي

يا شعب الايمـان فالخروج اتألق
و كل ساحه بالحشـــــود اغرقها

بالحشد ذي ما له مثيل بالمطلق
وفي شعوب الكـون انت اطلقها

واصل نشاطك والصمود تتوفق
مع قيـــــــاده،، ربنـــــــــا وفقها

كــم لليمـــــــاني للقـــاء يتشوق
والامنيـــــــــات!!! اللــه بيحققها

#يوسف_الحداد

الحق امامه كل باطل يزهق
والبارجات في البحر بانغرقها

احنا وغزه والقطاع في فيلق
في وجه اسرائيل ومن صدقها

لك يابو اجبريل ولانا مطلق
من كل ساحه جسدت موثقها

‌‌‎#ابواياد_المطري

شعب اليمن بين الشعوب اتوفق
وانصار ربي جلّ من وفقها

في موقف الاسلام واصحاب الحق
وفي لواء غزه وفي خندقها

لبيك يا ابن البدر يا من أرهق
في البحر امريكا معا فيلقها

‌‌‎#عبدالباري_قاضي

إسنادنا لاحرار غزه مُطلق
قد كل شاجع دنيته طلّقها

بانحتشد لوما اليهودي يغرق
واعتى البوارج والسفن نغرقها

يحرق ومَن يوقف بصفه يحرق
انما يعود فالأرض بانحرقها

#ابوعبدالله_صالح_عنبل

في داخل الشعب الصدوق الاصدق
آماال يا رب السماء حققها

واليد ذي تنوي لها تتمزق
لك وعد منا ينكسر مرفقها

في فتح الاقصى اشواقنا تتحرق
فاؤمر زحوفك سيدي و اطلقها

#ماجد_المطري

صنعـــــا مع غزه بنفس الخنــدق
والصهينـه نهجــــــم على خندقها

والموقف اصدق من حميه واعمق
موقف عروبه ديننـــــــــا عمَّقهـــا

والعالم المجرم بقبضـــة مخنـــق
يغرق ..قوى الطاغوت با نُخنقهـا

#عبدالقوي_البطل

لاكل ساحات الإباء بانسبق
وكل كلمات الوفاء ننطقها

في حشدنا نعطيك تفويض مطلق
ياقائد الثورة وياسائقها

في خطك المرسوم مانتفرق
اقصف جموع الصهينة وأغرقها

#ماجد_عبدالله_القادري

من غير غزه بالحياه لن نعشق
وجنت الله لجلها نعشقها

لو المنافذ كلها تتغلق
باب المذله باليمن نغلقها

البدر وأنصاره ونوره أشرق
من مغربه والأرض من مشرقها

#ابوفتح_الاشول

بانحتشد قل للمنافق يحنق
في كل جمعه فوق ما يسبقها

من اجل غزه نحتشد نتبندق
نستهدف اسرائيل في مخنقها

حلّق عذاب الله فيها حلّق
و وعد الاخرى قد بدأ نسحقها

#حيدر_علي

ما من خروج الشعب با تتحقق
آمال الاعداء بينما نحرقها

الطقم للـ السبعين أما الزورق
لا ابسر سفنهم حينها يغرقها

الباطل أُبطل عندما حُقّ الحق
راية رفع شعب اليمن بيرقها

#علي_الوزير

ياخير من جاهـد وزكى وانـفـق
واجود شعوب المنطقه واعرقها

واصل مع الله والعـلم واتبـردق
بـالامـركه والـصـهيـنة وابـزقـها

فـي وجه منهو من حنقهايحنـق
ويـضيق لاشعب اليمن ضايقـها

#احمد_عبدالرحمن_الظمين

فرعون ذو الموساد يغرق يغرق
وقوته بالله بانسحقها

وفتح الاقصى غد بايتحقق
ونهاية الغاصب لمع بارقها

أما أنت يابن اسعود يارعن واحمق
راجع حسابك قبل مانعلقها

#مناع_شريم

لا كل ساحه كل حر يتبندق
نزلزل اسرائيل وندقدقها

فحشدنا واسنادنا ذي حلق
ذي ارعب امريكاء نعم واقلقها

وبايكون القادم اعمق واعمق
وامريك واسرائيل با نسحقها

#اتحاد_الشعراء_والمنشدين

https://t.me/aboyahyaalshami

بـا نـحـرق الـدنـيـاء ونـطـفي َحـرْه
والي يـعـارضـنـاء قـسـم يـتـصندق

#ابو_مصطفى_الرضي

بقيادة أعلام الهدى والعترة
شفنا وعود الله بدت تتحقق

وفي علوم الفيزياء والذرة
شفنا اسلحتنا ع العدو تتفوق

#ابـومـازن_الـرازحـي

هذا اليمن دق العدو في وكره
وحط لمريكا خبر في الملحق

أن اليمن بالله عنده قدرة
يوصل لواشنطن وفعله يسبق

#منصور_الحراسي

صاروخنا في العمق أحدث ثغره
حتى نظام الربط منه علق

والقادم أعظم ألف مليون مره
لو ما بقى في الشعب من يتبندق

#يوسف_غاشي

يافا بعون الله تصبح حره
والغازي المحتل يزهق يزهق

الله منحنى من صميم العتره
اشجع بشر في ذا الزمن بل وصدق

#ابوهادي_عقاب

الله ذي سدد واعطى نصره
تأييد للأنصار دايم مطلق

سريع حطم لليهودي كبره
بمسيرة يافا عظامه دقدق

#ابوعبدالله_العطان

من الحديده شعبنا للبصره
ضربات متوّحد ويافا حلّق

بُكره نتنياهو يولي دُبره
سُنّه إلاهيه وقلبي صدّق

#ابووائل_ميصان_الجرشه

جـسد عـلوم الـدين عـلـم الـذره
وانـتـج مـّسـْيـر وانشاماء تـعرق

وابن الـيـهـوديـه قـبـر في حـره
وابن السعـوديه جيـوشه تـغـرق

#ابوفتح_الاشول

هي قوة الجبار هذا نصره
وإحنا سبب ذي ينتصر لأهل الحق

ماهي سوى من بحر ناري قطره
عاد السيول الجارفه تتدفق

#الشاعر_متاش

فوق اليهودي نلحقه لاوكره
ومن دماهم شعبنا يتمرق

والقدس والقسام يرزح ظهره
عاد البشائر كاملة باتلحق

#ابوعلي_جعفر

في تل أبيب الخصم عاش الحسره
من بعد ماشاف المباني تحرق

(ب) مســيرة (يافـا) لأول مره
من شعبنا ضد اليهودي تطلق

#صقر_مران

اما المنافق بان والله خبره
قارون هذا العصر فاشل واحمق

حذرهم القايد بآخر فقره
وان ما فهم با نقبضه بالمخنق

#أبوعزام_الشامي

يا جيشنا واصل بنفس الزره
تسلم أيادي ذي ضرب ذي دقق

با ننهي أسرائيل أكيد بالمره
ومن مع إسرائيل خليه يحرق

#ذولفقار_قوزع

ذي أيد السيد بداخل مطره
وذي بّصرنا بصنع الزورق

بايجعل الاقصى ويافا حره
والوعد باذن الله بايتحقق

#ابوجهـــاد اللاحجي

قلنا لاإسرائيل ابوها الزرة
لاكنها حمقا وامريكا احمق

هي كانها في نفسها مغترة
واليوم حالتها هزيلة مُرهق

#بشير_سفيان

النصر قادم وابشرو ياخبره
والفتح باذا الله اقوا واصدق

دام المسير قد فتح لشفره
يحق لأمريكا العينه تقلق

#ابوصماد_المثمي

بلــغ  نتنــياهو   يقـــرح ضــهره
من قبل (يافا) تجعله في مزلق

من تل ابيب اسمع وخذلك نضره
واسلّم وصلــي بـالنبــي المطلق

#أبورماح_شداد

القدس حره وارض غزه حره
وتل أبيب اليوم بين المـــأزق

باتستلم غاراتنا مــــــــن بكره
وإحنا نبكر بالمسير نُـــــــرزق

#عبدالقوي_البطل

مادام قد خضنا الدروب العسرة
وصمودنا في كل يوم يتوثق

بانجعل إسرائيل مثل النكرة
من الجزيرة والخليج تتطلق

#ماجد_عبدالله_القادري

لابد اسرائيل تنزل قبره
وليش أمريكاء عليها تقلق

الكل باتنزل بهذه الحفره
شعب اليمن بالله نصره يوثق

#ابورعد_مصلح

ياشعب صابر من نتائج صبره
النصر والفتح المبين اتحقق

اضرب بيافا عيد نفس الكره
وخلي كيان الشر كله يحرق

#عبدالخالق_سدهان

ما كل مره تسلمي يالجرّه
قولوا لـ يافا تنتظر لا تقلق

والله لو مثقـالها من ذرة
يأتي بها رب السماوات الحق

#حامد_النمري

يافاتقول اليوم ياللحسره
وثيابها من فعلها تتشقق

جاها الذي خوش وسوا نثره
من يد رامي نحمده لي حقق

#أبوأحمد_الغفّاري

قل لليهود ولّى زمان البطره
وغابت أيام الأمان المطلق ..

واحنا دخلنا في سنين الوفره
وعصر فتح القدس مثل الخندق

#طه_الرازحي

يافا وحيفا تحـت مرمرى جمره
منها الكيان المغـتـصب بايحرق

من نار محور يكتـب الله أجره
ماغاب عن نصر الحقيقه والحق

#صقر_الريمي_ابو_الذهب

ضربة قـــــوية إرشها مُحْمرّة
زرت على المحتل حبل المخنق

ويام جايا حُمر مثل الجمرة
والقادم اعظم لارحيم لايشفق

#الشاعر_عزيز_البروي

والله منحنا المقدره والقدره
في نُصرة الاقصى وكنا الاسبق

فينا جعل سره ونافذ امره
ولاح نصره من يمنا وابرق

#وسام_الحنش

السيد القايد يطول عمره
وقف بوجه المعتدي وقفة حق

يافا خطر ياساكنيها البكره
ضرباتنا في عمقها تتوثق

#أبوغلاب_همدان

لو يهرب المريخ وإلا الزهره
سافك دماء الاطفال بعده نلحق

دام المُسير قد وصل لا وكره
جيش المسيرة قادمون لا تقلق

#مـــــازن_بَــــرَاش

الـكُل قـال " الله يـقصِف عُمره "
يوم اليمن يقصِف ، يدمِّر ، يغرِق

ومِـنـتظر " لـلـه يـكـتُب أجــره "
مِـثـل انـتـظاره لـلـدُعاء يـتحقَّق

#احمد_عبدالرحمن_الظمين

دق اليهودي يايمن في نحره
وبنار يافا خل يافا تحرق

وقله انه لن يطول عمره
نهايته حانت غداً تتحقق

#أبوكربلاء_الفقير

مات اليهودي والمنافق حسرة
طير اليمن من فوق راسه حلَّق

لا تَـلْ أبِيب اليوم رسَّل جمرة
وحدة فكيف النار ذي باتلحق

#علي_الوزير

يافـرط صـوتـي طمن ام الـدره
وكـل ثـكـلـى قــلـهـا لا تــقــلـق

قـولــوا للاعـداء ذي تعادينا
من جنس مافعلت عنجزيها

احـنـا عـظـيـم الشان والينا
وإبـلـيـس لـ إسرائيل واليها

‌‌‎#ابوحيدر_الراشدي

للمصطفـــى والال والينا
امه عظيمــــه في توليها

والله قايـــــــدنا وهادينا
والبدر ابو جبريل حاديها

قولو لام الشــــر قد جينا
باعنف واشرس رد ينهيها

‌‌‎#ابو_مصطفى_الرضي

من عام ألفين استعدينا
ونطور القدرات ونبنيها

واليوم يافا في مرامينا
والشعب متلهف يلاقيها

مادام وابن البدر والينا
المعركة باننتصر فيها

#الشاعر_متاش

قل لليهود الملاعينا
لاعاصم اليوم يحميها

حتى نحرر فلسيطنا
من كل نازي دخل فيها

واابطال غزة الميامينا
حيا نباها وطاريها

للصهينة يارجال جينا
بالنار نقلع نواصيها

#ماجد_عبدالله_القادري

اذا تحدينا تحدينا
الذل بالأرض نلغيها

ومن قصفنا ويغزينا
ومن قصفها ويغزيها

ياقدس بالنصر لك جينا
من اجل غزه ونحميها

في ساحة القدس صلينا
في ساحة النصر صليها

#ابو_وعدالله_هفج

لو تقصفوا كامل اراضينا
مابا تهز اصغر رواسيها

مابيــدكــم قـوة تهديّـنا
واهدافكم ضاعت مساعيها

قد سدد الباري مرامينا
والصهينة خابت مراميها

غضب كروهية عداء فينا
تشلّ صهينته وتعميها

‌‌‎#ابوحرب_مشحم_صعده

دار القحاقيح الميامينا
بالمال والآرواح نفديها

قل للطواغيت الفراعينا
إبن اليمن جاهز يربيها

من مد يدّه في اراضينا
ماقل يشبع من مجاريها

وابن اليهودي من على ايدينا
بايترك الدنياء بـما فيها

#طه_الرازحي

قُل للــعــدو حنّا اليمانينا
غــزة بــدم وروح نفديها

ماقد وجد ذي راد يثنينا
ولا وجد ذي ضن يفنيها

وبضربه اليلة على المينا
عـز الله إنه بــايرح فيها

حقول نفطه من مرامينا
وردنا مــــن بايـطــفــيها

#عزيز_البروي

لو كله العالم يعادينا
والارض سافلها وعاليها

لن نختلف ونقول يكفينا
دام الله اكبر من اعاديها

والسيد ابن البدر سيدنا
للحق هاديها ومهديا

#ابوصمود_التميمي

بإصرارنا تبقى مآسينا
وفي الوطن نحمي مبانيها

صروحنا تقوى وتعلينا
لا ينكسر عزّمنا فيها

بالروح، بالإيمان، باللينا
نزرع أمل مهما يعاديها

تاريخنا يشهد ويروينا
ما نتعب، أرواح تحييها

#حميد_المنصوري

بايخسروا في تحدينا
لان اليماني معاديهــا

احنا مع العز شــدينا
وامريك بالموت نرديها

#ابـومـازن_الـرازحـي

مابش جديد أصلاً يفاجينا
كم ذا لنا واحنا نعاديها

واليــــوم حققنا أمانينا
وبفضل ربي با نصفيها

لا زد ظوابط با تهـدينا
ولا وســاطه با توقيها

ولا عن الإسنــاد تثنينا
لو ما تنل غــزة امانيها

#زاهر_الرصابي

حيا بداعي الموت داعينـا
والنار تحرق رجل واطيها

ما با يركــعـــنا ويفــنيـــنا
لو صـار عاليــــها بواطيها

وإحنا معانـا الله يكفـــينا
واترقبوا الآتــــــي وتاليها

#سجاد_تشلان

ولداعي ابن البدر لبينا
ثرنا مع غزة نلبيها

في حرب كم كنا تمنينا
تبدأ وقلنا الله يحيّيها

باتحرق إسرائيل بايدينا
جزا لذي سوّت بأيديها

#ابورعد_مصلح

عدوانهم هيهات يثنينا
وانـزل الـرايـه ونحنيها

ارض اليمن تقصف من اسنينا
والله رب الكون حاميها

ياويلهم من باس ايدينا
باتحرق اسرائيل بمن فيها

واي دولـه بـاتـعـاديـنـا
مـن باس ربي بانجازيها

#بشير_سفيان

اداهم الله ل أيادينا
من بعدمافشله اياديها

الحروب عشنها وشبينا
وشعب متعود ماسيها

ياويل تالبيب لجينا
من قوه الله من ينجيها

مادم رب العرش حامينا
باننصر الأقصى ونحميها

#ركـان_يـعـقـوب

دوله مع الباريّ والـدينا
ماتخش في الواقع اعاديها

من بعد ضربك ياالغبي فينا
لابد تـترقـب تـواليـها

لو تشتر الروسي مع الصـينا
قـواتنا بااللـه تـنهــيها

من بعد ضربك في موانينا
يافا ضروري با نناديها

#أبوصخر_الجوحمي

لا ضعف كلا في مساعينا
أمه مع الله في مساعيها

في نصر غزه كل امانينا
يارب حقق كل امانيها

اعداء غزه هم اعادينا
نضرب جميع اللي يعاديها

#نبيل_المهدلي

احنا لها والله والينا
والصهينة إبليس واليها

عند المواقف حي طارينا
واجراح غزة بد نشفيها

حيث النتن يكره يلاقينا
منا المنايا با يلاقيها

#ذولفقار_قوزع

الرد قادم والمينا بالمينا
سنه الاهيه لابديل فيها

بانحرق اسرائيل غد بيدينا
واقسم قسم لابد نمحيها

كم قد تمنينا ماوقع فينا
واليوم جتنا والغد ناتيها

#محمد_هادي_المؤيد

باندخل إسرائيل من سينا
ونـحـرر الاقـصـى ونـفنيها

بــقــوة الــبــاري تـحـديـنا
مــنـا ومـنـه مــن يـنـجيها

قـولـو لـها جـينا لـها جـينا
عــلـى جـرايـمها نـجـازيها

#ابومجاهد_الغمري

ما عـاد في دوله تعـــــادينا
وما انفجــر صاروخـنا فيها

اذا قـــ ــــوى الكفار تشتينا
فاحنا ورب العرش نشتيها

ولا سقطــــــنا ما تلاقـــينا
فـ اولادنا با تلاقيـــــــها

#عبدالقوي_البطل

في قصفها ماباتهدينا
بالعكس بانخرب صياصيها

والله سبحانه يروينا
عن كل بقعة تختفي فيها

مادام ذكر الله يفتينا
بإيماننا نوقف تعديها

بانقطع أيديها بايادينا
وبإذن ربي بانصفيها

#سميح_الاعور

المجاراة بعنوان الخروج المليوني يوم الغد هو مهم جداً للرد الشعبي على العدوان الإسرائيلي.

البداية #علي_الشعيثي

ابشر بنا ياسيدي والرد قادم
ومعنويتنا حديد

ومن يريد الحل من يافا وحاطم
في غزة الحل الوحيد

#ضيف_الله_سلمان

كيان اسرائيل يبشر بالهزايم
بايدي اولي الباس الشديد

بعد المآسي والمجازر والجرايم
الوعد قادم والوعيد

#أبويوسف_القاري

ذي مابيتظاهر في الساحات ظالم
حتى صلاته ماتفيد

الكل يخرج غد واجب فرض لازم
ولايغيب انسان جيد

#ابوالعباس

شعب اليمن عنوان للشعب المقاوم
وف الوفاء ماله نديد

من لجل غزة قام في شدة عزايم
يضرب ويده من حديد

#مقبل_جرام

معاك يا بن البدر نشحذ كل صارم
و نطوع الخصم العنيد

و في سبيل الله تزداد العزايم
والشوق للهيجا يزيد

‌‌‎#أبورواسي_أرحب

أحنا فعلنا ماعلينا فرض لازم
والله يفعل مايريد

مابه قلق وأحنا على درب الكارم
وهم على ساعي بريد

#هايل_عزيزي

ستين مستسلم على الأرض حاكم
مابينهم حاكم رشيد

واطفال تتذبح وتقرح جماجم
وايامهم فرحة و عيد

#علي_داشع

الرد آتي مالهم ذا الوعد عاصم
وزْوالهم منها اكيد

واحنا معَ غزه والاقصى دوم دايم
والله سبحانه شهيد

‌‎#محمد_الاخرم

في الغد نكتب ملحمة ضمن الملاحم
ونلعن إبليس المريد

الخامسة يامرحلة طحن الجماجم
بشراك بالرد الأكيد

‌‌‎#عبد_القادر_داود

احنا معك و فـداء لراسك بالجماجم
يا صـاحب الراي السديد

اضرب بني صهيون و إردع كل ظالم
و إعطي البيانات العميد

‌‌‎#ابواياد_المطري

ابشر بنا في النايبه والحرب دايم
يا قايد الشعب المجيد

با نجعل اسرائيل تتمنى السلايم
ونصيدها في البحر صيد

#عبدالله_الجرفي

الله ماتسقط جريمه بالتقادم
لبيك يا القول السديد

والرد قام واليماني ما يساوم
والهرج كثره مايفيد

#أمين_العملسي

فينا الاصاله لي تشق الخرايم
واحنا هل المجد التليد

قمنا بوجه الكفر والموت حايم
من اجل لانحيا عبيد

#الشاعر_خالد_البصيري

شعارنا الصرخه تصحي كل نايم
واصواتنا ترعد رعيد

على طريق القدس شدينا العزايم
واحنا أولي الباس الشديد

#ابوعبدالله_صالح_عنبل

الجيش وابطاله يسطرها ملاحم
في ردع طغيان العبيد

بالبحر الاحمر للسمك عد الولايم
وطال في يافا البعيد

#عزالدين_جحاف

لبيك ياليث الوغى يابن الأكارم
عن درب نهجك مانحيد

بانملأ الساحات نقبل سيل عارم
واصواتنا ترعد رعيد

#الشاعر_فرحان_السلامي

لبيك يا صوت الجهاد الكـل عـازم
نوقف مع الحل السديد

حرب اليمن ما تشبع الا بالجماجم
من جنس صهيون البليد

#ابوسياف_البيحاني

خروجنا بكره لايقاف الجرائم
والقتل والظلم الشديد

خروج مليوني يدوي في العواصم
قريبهم ولا البعيد

#ابوحسن_المجنحي

شعب اليمن فوض لحكمه خير حاكم
وصاحب العقل الرشيد

رهن الاشاره كلنا يوم الملاحم
على الكرامه مابانحيد

#ابوكنعان_الروس

لا ساحة السبعين مثل السيل داهم
ياسيدي هاذا أكيد

ما مننا القاعد مع النسوان نايم
ومن عن الأقصى بعيد

#محمد_الصايدي

الشعب ماهو بس للـ ساحات عازم
يشتي يلاكدهم لكيد

تبشر بنـا غـزة لـهـا في كل لازم
من فوقنا الباري شهيد

#الشاعر_ابوكنن

الحايمة حامة على مجرم وظالم
والله والباس الشديد

ان اليمن قادم وجيشة سيل عارم
بايعصد امريكاء عصيد

#احمد_صالح_ابوصريمة

الجيد يتحاشا في الدنياء اللوايم
ب الحشد في جمعه وعيد

واللاش ذي بين النساء قاعد ونايم
ماهو من الشعب السعيد

‌‎#مختار_البحري

من ساحة السبعين لين إـ ديارهاشم
احنا لكم إيداً بإيد

باننتصر والنصر باذن الله حاسم
والله يفعل مايريد

‌‎#الكرار_المشراقي

باننتقم من كل مستكبر وظالم
وندوس عباد العبيد

رد اليماني بلغ اسرائيل صادم
يقطع لصهيون الوريد

‌‌‎#ابو_مصطفى_الرضي

من وحي هديّ الله وإعجاز الملازم
وسورة الصف والحديد

شعب اليماني (بالنفس) والفتح قادم
مع ابن طه والحفيد

#ابوجهاد_صبر

طوفان والبركان والقاهر وقاصم
با تقصم الخصم البعيد

من أمر ربي مابقي للكفر عاصم
ياشعب الايمان السعيد

‌‎#محمد_ابوالعز

الشعب فالميدان والتوجيه صارم
يفوض الجيش العنيد

يرد باسمك يايمنا رد حاسم
ويوقد اعداءك وقيد

‌‌‎#ابوحيدر_الراشدي

معاك يابن البدر شدينا العزايم
نقرب اللي هو بعيد

والحرب في نحر اليهودي والهزايم
والنصر للشعب السعيد

#زياد_السنافي

خروجنا غدوه مُهم ياهل المكارم
ويا أولي الباس الشديد

حازم يكون الرد مثل السيف صارم
على "نتنياهو" البليـد

#ابوبدر_ذيبان

لبيك ابو جبريل وابشر بالعزايم
من شعبك الحر الفريد

شعب الاباء والتضحية دايم مقاوم
وعن فلسطين لن نحيد

#رامي_السوداني

ابشر بنا يــــــــــــا سيــــــدي ما با نساوم
والا نوقف أو نحيد

تحرير الأقصى فرض عند الشعب لازم
طوفان من مجرى الوريد

#ابـومـازن_الـرازحـي

لبيك يابدر الهدى ياخير قائم
يا صاحب القول السديد

وبايكون الرد لسرائيل صارم
بخروج مليوني أكيد

#اتحاد_الشعراء_والمنشدين

https://t.me/aboyahyaalshami

وشعبنا من شانهم قدم دمه
ثابت مع غزه وعينه ما تنام

#أبوحسين_السحاري

يا ما أعظم الشعب اليماني ما أعظمه
ومــــا يــاقـف الـتـاريـخ إلا لألـعِـظـام

أمــع الـعـلم بـانـصنع أعـظـم مـلـحمه
الـشـعب الأمــه والـعـلم فـيـها الإمـام

#ابـومـازن_الـرازحـي

استبدل الله الشعوب الناثمه
بالشعب الايماني رجاله ماتنام

قوم الوفاء جوداتهم متراكمه
وافعالهم تأتي قبل سرد الكلام

#عماد_قيرح

ياشعب صمم للصمود اعظم سمه
في حشد منّه روسنا فوق الغمام

في معركه دحـر الكيان الحاسمه
اختارك الله انـت والبــدر الهمام

#أحمد_الخاشب

يــا ملهــم احـــرار الشعــوب المُلهَمــة
وانـــوار نــارك آنَسَتْهـــا فـي الظـــلام

يــا شعـــب أمَّتْـك القلــوب المُحْرمــة
واصحبت مَقْدسها ومَسْجدها الحرام

#ابوحرب_مشحم

غيرة وليّ الله تجري في دمه
واحسان يوزرسيف صمام الامام

على يديه اللي هداهُ وعلّمه
باينصر الاسلام ويبيد الظلام

#أبومالك_الكوماني

ماهزت ايمانك جيوش ولا انظمه
ياشعب ما يقبل هوان ولا يضام

انت المخلص في السنين المظلمه
بالبدر ذي بدد دياجير الظلام

تبذل حياتك ما قبلت بمظلمه
ولو يذوب اللحم من فوق العظام

#_ابوفتح_الجرادي

ياشعـب بالأيمـــان ربــي كــــرمـــه
وختصك انصار النبـي خيــر الأنـام

تنهي دول تنسف ممـالك وانـضمـه
وتحرر العالم من اوهام الضـــــلام

#ابو_مصطفى_الرضي

من (سوف يأتي الله) شد الأحزمة
شعب اليمن يمحي عصور الإنهزام

مع ابن طه با يقود الملحمة
ويحرر الأقصى مع البيت الحرام

#ابو_صماد_الفليتي

هذه مسيرة دائماً متقــــــّــــدمة
هبت مع غزة في الصف الامــّـام!!

من محكم التنزيل جت والملزمة
ترفع شعار الموت لمريــكاء دوام

#عماد_قيرح

ياشعب صمم للصمود اعظم سمه
في حشد منّه روسنا فوق الغمام

في معركة دحـر الكيان الحاسمه
اختارك الله انـت والبــدر الهمام

#علي_خالد_النمري

ياشعب مثلك جعل ربي لاعدمة
عز الله انك كفو في كل المهام

تحرب وتسري في اليالي المظلمة
ماترتضي البطل ولابطش اللئام

#سيف_الإسلام_الناصري

ياشعب من نور الهدى والملزمة
ركع بني صهيون.. نكل باللئام

ضربت اسرائيل ضربة مؤلمة
واحرمت امريكا وإبليس المنام

#زايد_حمامه

شعب الجهاد اعزه الله واكرمه
بخير قايد في زمن حُكم اللئام

مشروعنا القرآن والآل احزمه
بهم يحق العدل ويعم السلام

#ابوحامد_جارالله

ياشعب ذلت له جميع الأنظمه
حتى الذي صلى لأمريكا وصام

يوم العروبه والعرب متقزمه
شعب اليمن لامس براسه للغمام

#ابوكنعان_الروس

مطلق التسليم شعبي سلمه
والولاء ممزوج بلحمه والعظام

لجل الأقصى دم روحة قدمه
يانموت أحرار يا نحيا كراام

#عبدالعزيز_الغرباني

يوم التخاذل من جميع الأنظمة
في نصر غزة شعبنا في صف قام

حضورنا في كل ساحة نفهمه
والنصر وعد الله في مسك الختام

#ابوبدر_ذيبان

شعب الفداء والقيادة ملهمة
مواقف العزة لتحقيق المرام

ضد اليهود والحلوف المجرمة
شعب اليمن متجهزين للالتحام

#ماجد_عبدالله_القادري

قال اليماني ثم صنعاء العاصمه
ياقدس لك مني تحيه والسلام

ابشر بعزك بالشهور القادمه
النصر قرب واليمن بدر الظلام

#ابوناصر_الشعيثي

ياشعب زليت السحاب المردمه
مثل النجوم العاليه فوق الغمام

بلغ شعوب العالم المستسلمه
ماننحني لونحترب مليون عام

#عبدالقوي_البطل

واصل طريق النصر هذا وارسمه
ياشعب بالمولى توكل واستقام

وناصر المظلوم رغم تألمه
وضع وجع غزة والأقصى في الأمام

#ابوقدس_الجهيزي

الشعب طابع عزته داخل دمه
والمعنويه فوق هامات الغمام

ربي بـ قايد حيدري قد كرّمة
في منهج القرآن والآل الكرام

#ابوعلي_الهاملي

هذي حقيقتنا وماهي هنجمه
تسليم مطلق للقيادة والتزام

بسيفنا نقطع بنان المجرمه
ونقلق العالم وعمره ماينام

‌‌‎#ابوجبر_العميسي

عاش اليمن وابطاله المتقدمه
كمن عسر نشمي في الصف الامام

يوم العرب واشعوبها مستسلمه
شعب اليمن وقف معا غزه وقام

#ابو_يوسف_الشُّعوبي

كل الشعوب من شعبنا مستلهمه
معنى الإبا والتضحيه والإنتقام

في كل صفحات الخلود لك ملحمه
يا من أعز الله بك خير الأنام ..

#حيدر_علي

قيمة خروجك كل جمعة ما اعظمه
في نصرة الاقصى وغزة ألف عام

أمة على درب الجهاد منظمة
ومعظّمه في البدء لله والختام

#نبيل_المهدلي

ضربت رأس الشر ضربة مؤلمة
أرديت لاعدا بين ذلة وانهزام

يهابك الباطل جيوش وأنظمة
يا شعب لا يخضع ولا يمكن يضام

#ابوزينب _فارع

تاج الكرامـه في بلادي مكــرمه
اصدق مواقف قالها الشعب الهمام

في وجه احلاف البغاة المجـرمه
في قلب امريكا غرزكل السهام

#فايز_الحمزي

حيا اليماني ذي يسطر ملحمة
شدّ المعارڪ خاضها والإلتحام

يارب بالتسديد والنصر اڪرمه
وثبته وقت اللقاء والإقتحام

#الشاعر_نصر_الصوبي

حشود جـــــــــــراره سيولاً عارمه
الحشر نسخه مـن نسخها والسلام

لها الســـــما والارض توقف مُلزمه
والدهر والتاريخ هيــــبه واحترام

#الشاعر_اسامه_ناشر_الغمري

عـــار لايمـــــُحوه من صدر الـجباني
غيــر مـــوته وان ذُكــُر يـذكر خـليلة

اهـــل غـزة مـــن جـرايـمـهم تــعاني
وامــــة الاســــلام ثلــثيها عمــــيلة

#نبيل_المهدلي

اليمن إيمان والحكمة يماني
دافع الإيمان ذي حرك صميله

لاجل غزة ثار ما وقف ثواني
ما تخاذل مثل لاعراب الذليلة

بعد بو جبريل مافينا تواني
واليهودي باذن ربي بانزيله

#ابوعاقل_المنبهي

كل يوم اسناد ياشعب اليماني
بالمسيروالصواريخ الثقيله

والعرب بعد المراقص والاغاني
انفتاح ودين بالدقن الطويله

افتحو طريق يا كمن جباني
لليمن يقتحم صهيون ويزيله

#أبو_عبدالملك_عمر_الأهدل

قسماً بالله والسبع المثاني
ما بقى للكفر بعد اليوم حيله

ابن بدر الدين يا السبط اليماني
أمة المليار بالذلة عليله

قم وقل بالصوت يا الأخ العماني
حقنا لو في وسط يافا با نجي له

#الأشتر_المحمدي

العلم من هدي ربي قد سقاني
ماخشينا كل دوله هي عميله

حرام حتئ لو نهو كل المباني
لانواصل باالصمود حتئ نزيله

حرام ماتراجع ولا غير مكاني
شعبنا ثابت ومتحمل صميله

#طارق_العويري

(الله اكبر )ليش تقسى يازماني
ليش هذا (الصمت) ما هذا الخذيله

ليش تقبل بالمذله والهواني
( امة الاسلام )قد صارت عميله

ما نصر غزه سوى الشعب اليماني
والعماني وقفته وقفه اصيله

#عاقل_عواض

ياشـعبنا قُـلّ للـمـغفل والجـــباني
مايخزي الله كل من هوفي سبيله

وبشــــر الاقصى وغــزه ذي تعاني
النـــصر وقـته حان و ايامه قليله

قل للعجاف السبع ذي تاكل سماني
عَـد بايجي عـام الإغـاثات الجميله

#ابوعبدالملك_الغولي

الـمـواقف مالها غـيـر اليماني
واليماني في المعارك ياحليله

ما ترك الاقصى ولا غزه تعاني
قام جـهـز عدته واشفئ غليله

داس اسرائيل واسقاها الهواني
واغـلـق المندب منكل كل ليله

#ابوصالح_فواز_الرياشي

غزةوالعزة تقل قومي جفاني
ما اكثر الاعداد والنصرة قليلة

عاش ابو جبريل والباس اليماني
ذي لهم فالنصرة اليد الطويلة

لانخيته قال يبشر من نخاني
لعن ابوها نفس لا عاشت ذليلة

#بدرالدين_لطف_الله

كربلا العصر غزه في زماني
و الماسي تُرتكب في كل ليله

والعرب في صمت في ذل وهواني
والماسي مالها في اليد حيله

في المعارك ما ثبت غير اليماني
والعروبه دوم في حاله ذليلة

#الشاعر_اسامه_ناشر_الغمري

اليمن شامخ على مر الزماني
شعب له تاريخ لايوجد مثيله

شعبنا لا نامت عيون الجباني
قد وقف وقفه مع غزه اصيله

رغم من طبع ومن خسر الرهاني
قبح الله كل الاخشام العميله

#ابوطه_الروس

المجازر والدماء هزت كياني
والعرب ماحركت أيت وسيلة

لعن ابو أمة تصمّت للآذاني
والعمى ذي صابهاأضحت ذليله

يارعاك الله يالشعب اليماني
وحدك اتدافع على امه قتيله

#عدنان_سالم_الذويبي

الــرجولـه والبـساله والـتفـانــي
تـجـعل الامـه عـزيزه لا هزيله

دام غـزه من بـلا الغازي تـعانـي
واجـب ان احـنا ننكل بـه نزيله

ما رضى بالـذل غير اللي جبانـي
في يـمـنا الـذل حـاجه مستـحيله

#عبدالخالق_سدهان

ناس فوق ارواحهم تسقط مباني
والعرب اعظم تضامنها بشيله

غير شعب العز من طه المداني
باع لــك يالله دِلّـه يا دلـــيله

والنكف له شب يا محبر بناني
مــن قبيله لا قبيله لا قبيله

#عصام_المقذّل

قال شاعر حيدري شامخ يماني
ياجدار الصمت في أمة ذليلة

لاورب العرش مابوقف مكاني
دام في غزة مجازر كل ليله

شخص مثلي حُرمايرضى الهواني
بلغوالقدس الشريف أني قتيلة

#ابوعاصف_سلمان

مرحبا حــــيـــاك يا صوتاً دعاني
صوت غـــــــــزة با نلبيه كل ليله

الموت مـــره ياعرب والعمر فاني
لعن ابو من عاش في عيشه ذليله

في خُط ابن البدر يايوم الطعاني
با نشب الحرب با نشعل فتيله

#ألأشتر_جابر

يافا خبرها قد وصلنا في ثواني
من اجل غزه با نرسل كل ليله

الكل متغافل وغزه كم تعاني
وابن اليمن واقف وربي ما يميله

يا أخ ايمن شوف كلمات اليماني
لاعتقل كلمات ابو الأ أشتر قليله

#محمد_الروضي

يالعن اباها والسلاح الركاني
وتكريس لعـراب لفـوق رجيـله

ونعن ابوه الحد عند الجباني
ونعن ابا الذله كيف تستويله

كم منـايـا حد وبحد الطعاني
لسوي مجازر ضعف ضعف الهبيله

#محمد_الاخرم

العروبة صابها ضعف وتواني
ضايعة من ذل قادتها الذليلة

لا اراك ولا انت يا ثـــــــائر تراني
لا يجي عندي شجاع ولا اجي له

غير الأنصار الكــــرام أول وثاني
قصرّت طول المسافات الطويلة

جعلت المتكبر المـــجرم مهاني
وعادها بإذن الله الواحد تزيلة

#ابـومـازن_الـرازحـي

ياعرب يامسلمين الكل فـاني
ماسوالله والمواقف في سبيله

والقضيةفي رقب قاصي وداني
من تنصـَّل عنَّها فالله يزيله

واليمن وقيادته هم في تفاني
والشعر في حق غزتهم فضيله

#المنشد_مؤيد_التوهمي

لجل غزةشعبنا شعب التفاني
عشقه الاقصىوبايبقا دليله

من يديه الموت يهدى للكياني
ذوقه ماكان يخشىان يجيله

عاد عاد الموت في كف اليماني
بايذوق كل من نفسه ذليله

#اتحاد_الشعراء_والمنشدين

https://t.me/aboyahyaalshami

والعمر رحله والجهاد روحيه
من عز نفسه بالجهاد مايهتان

#ابوجهاد_صبر

امـــام امــــة تنقصف يوميه
وابشع جرايم يرتكبها البُهتان

لا شـور صائب لا ضمائر حيّه
ولا عروبـه عند بعض العربان

في حرب غزة بانت الوهميه
والخافي اتعرئ وللأمه بان

#الشاعر_خالد_البصيري

تـاريـخ يـشهد له وجــغرافـيه
الله خصه شعب حكمه وايمان

خطوط حمراء عندنا ملغيه
بقوة الله نرجم اكبر شيطان

ما عاد محجى مدها صدريه
والقادم أعظم والبرع والميدان

#ابو_مصطفى_الرضي

منهاجنا وأفكارنا ثورية
على خطى آل النبي والقرآن

مع علم خلا الضمائر حية
يسعى لتحرير الشعوب والإنسان

معه نخوض المعركة العصرية
حتى نزيل صهيون وقرن الشيطان

#محمد_ابوالعز

اعظم مسيرة دين قرآنيه
واعظم سلاح يامسلمين القرآن

و خير محور قاتل الرجعيه
محور مقاوم شن اقوى طوفان

صرخ للاقصى صرخة الحريه
(الموت لاسرائيل والامريكان)

#ابوحيدر_الراشدي

اليوم ياهل العــــــز والحريه
اتكاتفو من اجل عز الاوطان

واجب على الامه تقع ثوريه
تثور ضـد الكفر والاستيطان

واللي يشاهد احقر البشريه
ولا ينكـف!! لا تعدوه انسان

#ابـومـازن_الـرازحـي

لو كل مسلم نظرته جِديه
ويطبق إسلامه بكل الأركان

ما كانت امريكا ولا العبريه
متفننين بذبح هذا الإنسان !

فالحل بالوحدة بصدق ونيه
ومن يقول بغير هذا غلطان

#الشاعر_بدر_أحمد_الكهالي

قضـــــية الأقــــــصى لها أهمية
كبرى نصــــرها صادقين الإيمان

أما المنافق والدعـــــي والدُمية
فهم عبيد الصهـــــيو الأمريكان

إقليمية ياحـــــــــــــرب إقليمية
حتى نحرر أرض مسرى العدنان

#وسام_الحنش

ماعاد به داعي الى الحزبيه
و كل غامض في نهايتها بان

اطفال تصرخ ياعرب يومية
قولوا لنا وينيه حقوق الانسان

اشلاهم بين الخراب مرمية
ويش بعد هذا يارعاة البعران

#ابوعلي_الهاملي

شوف الجثث ذي عالثرا مرميه
وكل لحظه فوق غزة عدوان

أجساد من نار العدوا مشويه
والقتل اصبح لليهودي إدمان

ماعاد شي باقي ضماير حيه
الكل صاروا لا بسين الاكفان

#ابوهادي_عقاب

يا الامه الوسطى في البريه
با نعتصم بآل النبي والقران

ونجاهداحلاف الغوى الوحشيه
ونصرالاقصى هو وغزه قد حان

يا من بقي له ذرة انسانيه
اطفال غزه بين قتل وحرمان

#الشاعر_متاش

حيا رجال العز والحرية
انصار ربي والرجال الشجعان

ولمحور القدس الشريف تحية
من العراق للشام حتى طهران

ولكل الاحرار والنفوس الحية
تحية ارجال اليمن والطوفان

#محمد_البريهي

بالوحدة والتحشيد والتعبيه
والآل أعلام الهدى والقرآن

والتضحية والبدل والتوعيه
وبالقة بالله رب الأكوان

وبالملازم واسلحة نوعيه
ومقاطعة صهيون والأمريكان

#سليم_نشـــوان

حرب القوافي حرب الزاميه
وجهاد ننسف به عروش الطغيان

واجب علينا نصر مظلوميه
ودحر ظالم استباح الاوطان

لايحسبون اهدافنا وهـميه
نضرب حقيقي والدليل الميدان

#حيدر_علي

كل انتصارات العدو وهمية
وأحداث غزة شاهدة فالميدان

من ظاهروا قالوا نعم سلّمية
حتى انزل الله بـ الجهاد السلوان

الصفر صار الألف فوق المية
و المستعان الله زور وبهتان؟!

#عبدالقوي_البطل

مادام والله حسبنا ونبيه
وكتابه المنهج لنا والتبيان

نمضي عليها في طريق سويه
نواجه أرباب الضلال والطغيان

فرأية الحق دائما معلية
والنصر لأهله دائما في الأزمان

#ابوقفري_الرعادي

غزه تنادي كل صبح و عشيه
بس للاسف ماجاوبوها العربان

حكام عشرين عاصمة عربية
أمثال بن زايد مع بن سلمان

باعو القطاع والضفة الغربية
وذلهم صهيون والامريكان

#طارق_العويري

لا ما توحدّنا ميه بالميّه
ونصير أمّه رصّها كالبنيان

ما با نشّل العز والحرّيه
ونعيش في ذلّه امام الطغيان

غزه تعاني قتل بالكمّيه
وحصار شامل يا حقوق الإنسان

#طه_الرازحي

الحُـرّيــة يا الأمـه الحُـــريّـــه
فكي قيود وصايت الأمريكان

إتوحدي فـالـوحـده الدينــيـه
للدين وأهله نصر من عالِ الشان

المرحـله باتــفــصــل البــشــريـة
حزب الله الغالب وحزب الشيطان

#فايز_الحمزي

وين الذي روج حديث النية؟؟
امسى مُجند في صفوف العدوان

ڪذبوا بإسم السنة النبوية
وهم حبايل من حبال الشيطان

حلف السقيفة من خلف وامية
زاغوا عن الدين والنبي العدنان

#ماجد_عبدالله_القادري

جهادنا اخلاص له روحيه
وابياتنا بالحرف تحكي حسان

لان الشجاعه تعتبر يمنيه
والعاصمه صنعاء قرار الشجعان

والبدر نور الحق له ثوريه
من منهج الايات ثم القرآن

#نبيل_المهدلي

غزة مجازر كلها دموية
الدم فيها سال سيل الوديان

اهداف لاعدا كلها مدنية
والقصف طال الأبريا والسكان

و الأمه الإسلامية معنيه
بحهاد أمريكا وحلف الشيطان

#ابوريسان_عبدالغني_سعدان

ما همنا كَل القـــــوى العبــــــــريه
والمرتزق واذناب قـــرن الشيطان

بعنا مـــــن الله والنفوس مـرضيه
مــن منطلق عــــدو لهم بـاالقــران

نصف العـــرب لـ اســـلامها منسيه
ما عد قطع فيها اغتصاب النسوان

#سميح_الاعور

تشهد لموقف شعبنا كل الدول
هذه حقيقة لا تصدق قيل قال

من ما نصرْ غزة في الواقع خذلْ
قولوا لبو صامت قولوا لبو عقال

#ماجد_عبدالله_القادري

لويهبط المريخ أو كوكب زحل
احنا اليمن موقف صناديد الرجال

احنا مع غزه ولن نعرف فشل
ضد الطغاه الظالمين والاحتلال

حيا على خير الجهاد ثم العمل
كل النجوم هبت على نحو الهلال

#أخت_شهداء_البكالي

كلا يحدد موقفه قبل الاجل
والا فياحمى عليكم يارجال

العالم اصبح في سباته مبتذل
واوجاع غزه زعزعت حتى الجبال

اين القروم الشاجعه كمن بطل
ذي باتهد الشرك وارباب الضلال

#ابوقفري_الرعادي

كلام واضح مختصر عن ماحصل
لأطفال غزة والمكالف والرجال

قال اليماني ياعرب من دون جدل
كلن يحدد موقفه قبل الزوال

امن مع إسرائيل وأمريكا اتكل
ولا مع غزة بوجه الاحتلال

ابوبدر_ذيبان

انسان غرب العالم اليوم اشتعل
واظهر مواقف حطمت صمت الذلال

والعالم العربي مطنش منتعل
وجيوشهم بالعار تكسى والهزال

يالمحور الاحرار يا كمن بطل
النصر قادم والهلاك للاحتلال

#ابو_صماد_الفليتي

أما مع آل البيـــّــت ورجال العمل
ولا مع الشيطان وملــّـوك الزوال

كلمة ولا داعي لتكثير الجُمــــّــل
ولا لتكثير التشاور والجـــّـــدال!!

مادام جرح القدس والجرح الجلل
ينسف وغزة جرحها هد الجــّــبال

#ابـومـازن_الـرازحـي

يامسلم ارسم وجهتك قبل الأجل
واصنع مواقف تنفعك يوم السؤال

إما مع الباري وتتبـع مانـزل
وتواجه اعدائه بميدان النزال

والا مع الشيطان وجنوده تظل
وتشترك بدماء غزة ذي تسال

#شاعر_بلاد_الروس

لاشك بعض الناس قد فيهم حول
يعرف طريق الحق وصامت لايزال

مع دعات الشر جالس في غزل
حب الحرام ياقوم وترك للحلال

اعوذ بالله من ملوك بعض الدول
قد ترك الاسلام وخلف الانحلال

#جبريل_الخدري

والله ما غيـر اليمن بين الـــدول
واقف مـع غـزة وثابت ما يــزال

وابطال حزب الله قطّــاع الأجل
والعراق الحشـد وايران الرجـال

وباقـي العالــم لغــزة قـد خــذل
عالم منافق موقفه موقف ظلال

#عبدالقوي_البطل

قال اليماني مامعانا محتمل
غير الذي رب السماء والملك قال

يكون موقفنا مع الحق اكتمل
في التضحية نبذل ونعطي لامحال

من أجل دين الله لوصرنا وصل
ننصر من استنصر بنا في كل حال

#عبدالكريم_الشمسي

من منطلق حيا على خير العمل
يا العالم المسلم تحمل للثقال

غزه والاقصى بالقذايف تشتعل
هيا انصروهم نعن ابتكم من رجال

قد سطر المحور لكم أروع مثل
في التآخي والتعاون والنضال

#ابوصالح_الهمداني

ماغير ابوجبريل في الساحه نزل
ولقن اسرائيل ضربات النكال

(يافا) اذا اتحرك فما باقي امل
لمن في (احداثيته)الا الزوال

و(حاطم) اقلع رغم قبتهم وصل
وزلزل اسرائيل وعروش الضلال

#نبيل_المهدلي

شعب اليمن حجة على كل الدول
وللشعوب الثائرة أعظم مثال

مواقفه منها عدو الله انذهل
ثبت مع غزة ولا حايد ومال

والنصر للإسلام غاية ما فعل
والموت لاسرائيل وملوك الرمال

#فايز_الحمزي

تحذير يماني تسمعه ڪل الدول
من قايد الثورة بشأن الإحتلال

لن تنجو (اسـ.. رائيل) وينجو من قتل
اطفال غزة لو زمان الحرب طال

ڪلين يحدد موقفه من ماحصل
يڪفي ڪلام لابد نصدق بـ الفعال

#حافظ_نجيب_عموش

كم طفل في غزة نتن ياهو قتل ..
كم قنبله ماواجهتهم في قتال .

احنا مع غزة ولافينا جدل
وشعبنا من أجلها خاض النزال

مع ابن بدر الدين إلى يوم الأزل
ذي داس أمريكا وهان الاحتلال .

#ابوفايز_الجنيدي

مشروع قرآني على الله اتكل
واحناء تشوقناء لساحات القتال

وفي سبيل الله سبحانه وجل
حيا الشهاده والمنايا يا رجال

مسراء النبي نادئ ولانخشى الاجل
سجل على اسرائيل جآري للزوال

#الشاعر_أبومحمد_الجعغري

ونعم بـ (ابو جبريل) قايدنا البطل
غيَّر مــوازيـن الحرايب والـقتال

في البرَ والبحرين قطعهم وصل
واغرق سفنهم والبوارج لـا زوال

لـا عمق عمق العمق مسيرنا وصل
يافاــ ليافاــ أثبتت صدق الـفعـال

#محمد_هادي_المؤيد

العون والتأييد يا غزه وصل
والنصر والتمكين من مولاء الجلال

حيا على خير العمل واحنا آمل
لكم وكل انسان  مسلم لايزال

باتعلن امريكا وصهيون الفشل
في يوم تأتيها رجاجيل  النكال

#ابوعاصم_الهندي

لبئ مسيرنا الئ يافا وصل
وجند رب العرش شدون الرحال

اليوم يوم الجد والبدر اكتمل
الحمد للباري تعدينا المحال

ياسيدي شب المذلق في عجل
اضن وقت الشمس نحو الغرب مال

#الشاعر_بشير_الشامي

اما مع حيّٰ على خير العمل
ولا مع شر العمايل والفعال

كلن يحدد موقفه كافي خجل
يكفي تحايد بس يشباه الرجال

اما مع الباري تصل كوب زحل
ولا مع اسرأئيل وابعار الجمال

#عزيز_البروي

بداية الاسلام نهايه للهُبل
وبداية الطوفان نهايه للضلال

وغزه الاسلام والاقصى مثلّ
والصهينه والكفر مثل الاحتلال

(ولّا)نفاق ظاهر ومطهي بالعسل
والسم في جوفه ومخطوطه(حلال)

#ابوقدس_الجهيزي

يـ العالم المبتاع قد نجمك افل
واحنا ثبتنا مثل هامات الجبال

انقى شعوب الأرض واعـز واجــل
مستنصره في الدين يبشر بنصره

على المواقـف ذي وقفهـا وسجــل
الله يزيده خير ويضاعــف أجــره

والله يحفــظ قايـــده ذي توكــــل
واعــاد للإســـلام حجمــه وقــدره

#ابوهادي_عقاب

صدق رسول الله واوفى وجلل
بما وصف اهل اليمن نص ذكره

هم منبع الايمان حكمه تمثل
في كل موقف للنبي هو وصهره

وردة افعال اليمانين تذهل
طغاة واحلاف اليهودي وغيره

#الـكـرار_الـعـقـيـبـي

مليار مسلــم تــحـت الاقدام منذل
ماعــــاد فيهــــم عــــــز مثقال ذره

هـــــذا الـــيمــــن مالان والا تـزلزل
اعنف واضرى شعب وسط المجره

اترقـبـوا الاخـبار مـــصرع ومقتل!!
يعلن بها الناطق فــي الحاد عشره

#أبوصخر_الجوحمي

موقف يمنا أربك الكل واذهل
وزلزل اسرائيل صابه بحسره

وافي مع غزه ولا هان او مل
كلا ورب الكون بايقضي امره

وقف الاباده عن فلسطين هوالحل
ولا فربي قد وعدنا. بنصره

#شاعر_بلاد_الروس

أحفاد عمار أبن ياسر وافضل
شعوب هذا الكون يمنا ويسره

انصار دين الله في كل محفل
من حبهم طه واودع لسره

أصل العرب من اجل غزه تحمل
الجور وانذر للجهاد كل عمره

#ابوعبدالله_صالح_عنبل

ان كان للعزه وطن ما تحلحل
فاكيد وجه البدر ساسه وقصره

وان كان للنصر المبين اي محفل
من غير فرسان اليمن جاب نصره

فقل لصهيون الضلاله تمهل
والقادم اعظم وابتداء حفر قبره

#مناع_شريم

بايرحل الملعون من القدس يرحل
ولا قبرنا ابوه وحلفه وكفره

شعب اليمن من اجل غزه ترجل
شعب الشجاعه والاباء طول عمره

وقايده قايد من الله مرسل
معروف ابو جبريل لا دق صدره

#أبوحاتم_عــكــه

شعب اليمن للدور هذا مؤهَّـل
رجـال وقـيـاده لها بُعـدنـظـره

بـلـد إليه اللَّٰـهِ أسـنـد وأوكـل
حمايـة الإسلام وولاية امـره

نجـود بدمانا نُقاتِـل ونُـقـتـل
عشق.الشَّهادةطبع.فيناوفطره

#فايز_الحمزي

قال اليماني يامدور على الحل
شعب اليمن عنده ثقافة وخِــبره

احمل سلاحڪ وامضي الصف الأول
وواجه المحتل واحفر لقبره

واقول لـ من عاده محايد ترجل
يا ذاڪ يڪفي ذل فـ الموت مره

#ابوحمزه_المقاش

ما غـير هذی الشعب في العز قد حل
والـعـز عـزه والـمـواريث جـمـره

حـل الـقضـيـه والعلم خـيـر من سـل
سيفه علی إسرائيل مـده وجـزره

صـاب الـعـدو الي طغـی وسط مقتل
واردی جيوش الكفر في وسط حفره

#الشاعر_عبدالكريم_مقبل

في عالم الدجال الاعمى والاحول
ألكفر له نضره وليمان نضره

يا امتي كل المشاكل لها حل
في نهج خير الخلق في خير عتره

نور البصيره فيه مخرج ومدخل
يوم اليهودي دخل الكل جحره

#الشاعر_ياسر_الجرادي

صار العدو في مشكله ما لها حل
قدام هذا الشعب محتار بامره

في ذكر شدّة بأسه الوعد منزل
واتصدر القرآن في الفتح ذكره

ثابت على مبداه يُقتِل ويُقتَل
وما تراجع عن فلسطين شَعره

#ابـومـازن_الـرازحـي

ياشعب بـرداء المكارم تزمَّل
وبالمواقف والشرف شد أزره

في صلب واكبادالقضايا تدخل
وهاجم المحتل لاوسط وكره

أوفى شعب باصدق قيادة تكمل
ما يبتغي مما فعل أي شهره

#عبدالعزيز_الغرباني

ياكاتب التاريخ وثق وانقل
مواقف الأحرار صوت وصورة

مواقف الأنصار اشرف وانبل
واوفى شعوب الكون والمعمورة

عن نصر غزة ماتضعضع او مل
تبقى الحمية في اليمن محصورة

#ماجد_عبدالله_القادري

يدق باب الله دائم يسئل
النصر في درب الجهاد ونصره

من اجل غزه بالحصار أتحمل
وقوته بالعز واجه فقره

تدرون مالتاريخ عنه سجل
اسم اليمن يعجز عليهم ذكره

#ابتسام_شرف_المحطوري

شعب اليمن  للغرب أرهب وزلزل
والله عظيم الشأن قد جل قدره

والنار في الصدر واااصل بتشعل
أنين غزة سبب لايلامه وقهره

مع المصايب كل لحظة يحوقل
وجهاد واستبسال ماحد بصبره

#سليم_نشوان

شعب اليمن موجود في الصف الاول
وحاكمه قد فاق حكام عصره

من اجل غزه واهلها قال وفعل
مايطعن المحتل الا بخصره

حطم (بحاطم) بارجاته ونكل
وصوت (يافا) شفق اركان قصره

#ابوحرب_مشحم_صعده

اي والله ان الشعر يـــاقوم يخجل؟
في وصف شعبً فيه الإقدام فطره

دَوّرت للجزلات ماشفت لي حــــل؟
فكرت لكن مـــــــــا لقيت اي فكره؟

«بالمختصر» وصفه محير ومذهل
ومـــا لـ اي شاعر فيه ياقوم قدره؟

#سياف_الضبيبي

شعب الاباء والاجود اول با اول
من داهم المحــتل لا وسط وكره

شعب اليمن معروف لاقال يفعل
مــواقفه في المجد تُكتب بكثره

عـــــزه كرامة شعب مايوم قد ذل
وشعوب من حوله تقول طال عمره

#مجدالدين_البدري

مفتاح لقصى والأمل فيه والحل
مثل اليمن والا درينا بخبره

في نهج طه ماقد انزاح وختل
والغازي المحتل قد دك وكره

#عبدالقوي_البطل

شعب أستقى الإيمان والصدق وأقبل
يرسم فتوح العز في كل كرة

والى علي من منهجه والولاء أحتل
أعلى المنازل في رضاء الله وبرة

واجه رموز الشر وفي وجهها انزل
عليها الهزايم واحتوت كل حسرة

#نبيل_المهدلي

احنا مع السيد وحاشاه ماضل
له في ميادين الوغى ألف خبره

مؤمن زكي مخلص على الله توكل
ما هز بينه حلف لاعداء شعره

ومــن أليـها سارعــــو يتعقلــوا
بايخسرو في العاجله والأجلـه

#شاعر_بلاد_الروس

باتندمو باتندمو باتندمو
قد قالها السيد اساس المرجله

الله اكبر فوق ماتتأملو
الرد قادم والهجوم والبهذله

المحور استنفر بمالا تعلمو
والمسجد الاقصى أكيد باندخله

#مناع_شريم

لا بد ما تبكوا وما تتبهذلوا
ويقع لكم قتله هي اعظم مقتله

والله ما نسمح لكم تتغلغلوا
انجاس وعاد انتم بوسط المحبله

تطبيعكم لا تفرحوا باتفشلوا
انتو وذي طبع يزيد وحرمله

#احمد_الديلمي

الرد قادم بس لاعاد تسألوا
متى ! وكيفه ! ليش !! يكفي اسئله

بعون ربي كل غايه توصلوا
وقادت المحور زمام المرحله

عن الدعاء والذكر ابد لاتبخلوا
باكر من الله نضرب انصع امثله

#ابوفتح_الاشول

الوعد وعد الآخره لا تسألوا
كثر اسئلتكم ما تحل المشكلة

اترقبوا واتحملوا واتأملوا
واستقبلوا ساعة فناكم مقبلة

واذيالكم حتى ولوا يتجملوا
مصيرهم واحد ولا تستعجلة

#ماجد_عبدالله_القادري

مهما طغيتوا عنها تستهملوا
الرد اات طوفانها بالبسمله

القادم اعظم منها لا تجهلوا
الاخره بالوعد غير الاوله

ولو تضموا بعدنا وتسربلوا
اوعذر منكم اوتفاوض نقبله

#ابو_وعدالله_هفج

قدامكم ابطال ذادوا استبسلوا
با يجعلوا منكم عبر متناقله

استقبلوا الرد العظيم استقبلوا
وكل ما يطوي ذراكم نعمله

من حيث مالا تشعروا باتوصلوا
للقاع الاسفل في الليالي المقبله

#طه_الرازحي

أحنا رجال الله ذي (مابدلوا)
محور لنا قادة في أعلا منزله

ياقوم ملوعونين لا تتعجلوا
الرد آتي والــرزايا مـقـــبلـه

على يدينا والله إن تسِتَصَلوا
من ارضنا ذي مالكم فيها صِله!

#ابورعدالله_فهد_الصراري

على نهايتكم فلا تستعجلوا
الرد جاي والسهم يطعن باوله

باتهلكوا باتنكلوا باتقتلوا
ومن يفكر بالهرب نقط ارجله

والرد مثل الدين فلا تتوتروا
وكل كافر في القطاع بانقتله

#عبدالقوي_البطل

من بعد ما أبناء القرود اتطاولوا
وسعوا في الإفساد كله وأكمله

من رد محورنا أكيد بايذهلوا
يتهيئوا لمفجئاته مذهلة

والله من ضرباتنا مايمهلوا
الطامة الكبرى عليهم نازلة

#محمد_البريهي

يامن على الرد المزلزل تسألوا
متى وكيف وتقلبوها مهزلة

الرد قادم بس لو تتمهلوا
وتتركوا كثر الخبر والبلبلة

كثر السؤال أهلك أمم واتأملوا
بكتاب ربي والسنن ما اتبدله

#سليم_نشــوان

يامن بدعتوا في الاخير اتحملوا
الرد هو موقوت مثل القنبله

في وقته المعلوم باتتزلزلوا
وكيانكم نقرا عليه (الزلزله

وعن طريقة موتكم لا تسألوا
قتله تليق بثار طفل وآرمله

#أبوصخر_الجوحمي

محور مع الرحمن دايم يعملوا
وفق المبادئ والهدى والمرحله

من هدي ربي وآل طه ينهلوا
ايمانهم واخلاقهم والمرجله

والرد منهم لليهودي يجعلوا
امريك تخضع فوق ما تتخيله

#ابـومـازن_الـرازحـي

يااحفاد فرعون البغي اتمهلوا
فالرد ٱتٍ في السبوت المقبله

لإن وعدالله وألوا الباس اقبلوا
في محور الله، لنتهاكم رسَّله

يسوء الاوجِه حقكم وينزِّلوا
راياتكم ولزوم الاقصى تدخله

#جميل_الكامل

ياذي حبلتوا عادكم باتحملوا
ويوم الولاده باتكون المعضله

الوعد قادم تقبلوا ماتقبلوا
وصهيون رغما عنها باتقبله

يا ذي عملتوا وعد بلفور اخجلوا
ماوعدنا هو الله ذي بايعمله

#ابوجهاد_صبر

لن توصلوا غاياتكم لن توصلوا
وعاد ابو جبريل راعي الاوله

من وعد (في تضليل)لازم تفشلوا
واقسم برب الفاتحة والزلزله

ما نختشي حد حسب ما تتآملوا
مادام قد ولّى زمان البهطله

#أبوحسين_العصري

لا تحسب القاده علينا كملوا
بعد الذي يرحل رفيقه يبدله

رجال في الهيجات ما يتخاذلوا
بأمر القوي يتحركوا والأمر له

على يديهم كم جحافل جندلوا
في صف واحد ضَم والا سربله

#ابوهادي_عقاب

محور مجاهد حر ما قد بدلوا
من نهج طه هو وآله منهله

هم صادقين القول ماروا يفعلوا
وان قرروا فالرد فيه الزلزله

والقرد والخنزير بايستأصلوا
ويطهروا الاقصى كما فالأوله

#حيدر_علي

من قالوا اليوم أصبحوا من يفعلوا
والجيد من لا قال قوله يفعله

واحنا عِملنا بعدما.. "وقل اعملوا"
تحيا الكرامة غير هذه بهذلة

واذا نسيتوا بأسنا... كان أسالوا
من قبل ما تتورطوا فالمشكلة

#الشاعر_متاش

هذه وعود الله اذ قال(أدخلوا)
والمسجد الأقصى قريباً ندخله

قل للنتن والجيش حقه يرحلوا
وإلى جهنم بإذن نوصله

يا انصار ربي نكلوهم نكلوا
ما قال أبو جبريل لازم نفعله

#احمد_عبدالرحمن_الظمين

مهما مكرتم ضدنا باتفشلوا
وبانصل للي نوينا نوصله

واليوم باتبكوا وباتتويلوا
من ردنا المحتوم ذي بانفعله

ياقوم الاستكبار والعلوا ارحلوا
من أرضنا من قبل يوم الزلزله

#علي_خالد_النمري

صحنا وقلنا لليهود يبطلوا
ون كل باطل باذن ربي نبطلة

لكن على ماظن هم يتمهزلوا
بالرد لي ماجهد حد يتحملة

يعللو وويأولوا وويحللوا
وكل ماقال بن طه يفعلة

#ابو_صماد_الفليتي

الرد قادم وعد لاتستعجـّـلوا
من محور الإسلام في ذا المرحله

هجوم صاروخي ومنه يرحلوا
جهنم الحمراء في اسفل منزله

الحق حصحص يااليهود الغاصبين
والرد بايكسـر خشـــــوم الهيلمان

نفعل لبتكـــم درس يبقى للسنين
ولا نذر منكـــــــم على بقعا جبان

# هادي_حسين_الرزامي

ياما دعينا الله رب العالمين
في حاضر الأيام ومن اول زمان

أن لانقاتل غيركم ياغاصبين
وحقق الله ماتمنى ابو يمان

وكم تقاتلنا مع المستأجرين
نسفك دماهم مرغمين بكل آن

واليوم يومك يايهودي قادمين
في معركة طوفان لاقصى ياجبان

#سليم_نشـــوان

لزوم من تحرير اولى القبلتين
وخروج اهل المسكنه كمن جبان

اهل اليمن في كل عصر الفاتحين
في فتح مكه دورنا الفعال بان

احنا بعون الله زوال الظالمين
وفاتحين القدس في هذا الزمان

بقيادة اعلام الهدى والصالحين
من الخريطه بانزيل اسم الكيان

#إسحاق_اللكومي

قتالكم مفروض في دنيا ودين
وبنقاتل كل حين اُو كل أن

قَتلكم واجب جميع المسلمين
ومن لكم طبع لقي منّا طعان

انتم يهود وانتم حثاله فاسدين
وانتم سلاله فاسده عبر الزمان

واحنا الرجال الطيبين الطاهرين
لنا في الجنة من الحُور الحسان

#أبوصخر_الجوحمي

الامنيه الكبرى على مر السنين
لشعبنا حربه مع ذاك الكيان

واليوم صار الحلم في الواقع يقين
حرب اليماني لليهودي الجبان

ودف عدو الله صهيون اللعين
في حرب اتباع الوصي شعب اليمان

فينا ثقه بالله مولانا المعين
نهزم يهود الشر يعش ذايم مهان

#ابو_مصطفى_الرضي

اليوم فرصة يا عرب يامسلمين
تودعوا عصر المذلة والهوان

وتصرخوا بالموت للمستكبرين
وتشاركونا حربنا ضد الكيان

فانصار ربي والمسيرة قادمين
ووعد الإسراء لليهود قرب وحان

والا ف غدوة باتصيروا نادمين
وبايكون الفتح للأقصى يمان

#ابوكنعان_الروس

دارة عليكم يابني صهيون بحين
وحنا ندور بعدكم طول الزمان

واليوم ها انتم بمرمى المؤمنين
حان التقاضي والقصاص والثأر حان

أيلافيو يامين انا بعدك سنين
ودفت ياابن الكلب يازوج الطبان

ماينفعوك أعراب نجد البايرين
ولا يفيدونك عيال التركمان

#ابو_محمد_دحان

كانوا ينوبوا عنكم المتصهينين
في حربنا اثنعشر سنه زايد ثمان

واليوم ربي جابكم يا مجرمين
واحنا نتوق لحرب معكم من زمان

الحمد للرحمن رب العالمين
وعده لنا بالفتح قد حان الاوان

نخرجكم من (القدس) اذلا صاغرين
وتشربوا من بأسنا كأس الهوان

#ابوفتح_الجرادي

الله وعد بالنصر خير الناصرين
وسنتة تجـري علــى مر الزمـان

واحنا له الأنصار واحنا الغالبين
في كل وقت وكل حين وكل أن

واحـنا عــذاب الله للمستـكبرين
والمرحله هذه لنا شاهـد عيــــان

نهايـــة أمريكـا مـع المتصهينيـن
وكل مستكبر على ايدينا يُهـــان

#ابـومـازن_الـرازحـي

يا ما تمنينا لقاكم من بحين
يابناء قريضه،قد ملانا احتقان

واليوم ربي جابكم يامجرمين
لايدي رجال الله يوم الوعد حان

نقتص حق اخواننا المستضعفين
منكم وللأقصى على مر الزمان

يحرم عليكم ماتعيشوا هادئين
مادام فينا الٱل صمام الأمان

#سجاد_تشلان

من حين قام العلم سيدي حسين
فينا وبيّن واقع الأمة وابان

أن القضية المركزية فلسطين
وان الجمود يقود الأمة للهوان

صرنا نتسعّر شوق نتضرم حنين
لمواجهة غازي فلسطين الجبان

#حيدر_علي

يا أمنية شعب اليمن عبر السنين
أ تحققي منه إذا الإيمان يمان

قد حنّ لهذا اليوم شوقه والحنين
قد حقق الرؤيا بربه من زمان

وأنفق لها أرواح وأموال وبنين
خوفه من الله في سبيل الله أمان#ابوجهاد_صبر

بالله نتحدى طغاة العالمين
وبقوته ننسف قوى الغرب الجبان

واحنا الرجال المؤمنين الصادقين
الصامدين الثابتين اهل البيان

لمواجهات الضالمين المجرمين
لنا بنتشوق ونحلم من زمان

واليوم من فضل الله الفرد المعين
تحققت كل الاماني في ثوان

#سياف_الضبيبي

يا شعـــــبنا قــــل للشعوب الصامتين
في اي مـــذهب قيل عن مسلم جبان

احنا جنـــــود الله رب العالمــــــــــين
وفي سبيل الله يغــــــــمرنا  الامـــان

واحنــــــــا الذي بللـه دايم نسـتعيــن
العـــــون مـــنه والمــدد في كل شان

جعّل با ايـــدينا هـــــــلاك المجرمين
واختارنا الرحمن في نســـف الكيان

#أبوغلاب_همدان

ياحرب كبرى ننتظرها من سنين
كم قد تمنينا تـقـومـي من زمان

جئتي لنا بالفوز في دُنيا ودين
نقطع زنـانـير اليهودي والأذان

ونقتلع صهيون والمتصهينين
ونرجّع الحق الفلسطيني مُصان

اليوم يوم النصر والفتح المبين
قد حان وعد الآخرة ياقوم حان

#الشاعر_ابوحامد_جارالله

كيف با نسالم من يقتل للبنين
او نرتضي في هتك من عرضه مصان

لو ما حملنا الدين ولا احنا مسلمين
مايسكت الا شخص ملعون او جبان

فالله مولانا ومولا المؤمنين
والحرب فطرتنا وبالله الرهان

قلو لاسرائيل تنحي للجبين
والا جعلنها مع امريكا اسم كان

#ماجد_عبدالله_القادري

من اليمن حيث الرجال المؤمنين
النصر للاسلام واقع في البيان

لو الجبال الصم تتناثر طحين
لابد من رأس اليهودي والكيان

احنا جنود الله أنصاره ودين
مانترك الأقصى ولا يمكن يهان

بانلعن أمريكا وكل الكافرين
ونلعن الخائن وصهيون الجبان

#الشاعر_متاش

المجاراة بعنوان #يحيى_السنوار رأس الهرم

البداية #عبدالمنعم_المتوكل

مـحـال النار يـا #سنوار تطفى
ومـعـنـا للوغى رغـبـة ونـيـة

بـدأنـا الـــرد في عـكـا وحيفا
وتـهـنـاك الـشـهـادة يـا هـنـية

ذي اغـتـالـك وذي فينا تشّفى
يذوق اليوم من كـأس المنية

#ابواياد_المطري

قريباً نعصف اسرائيل عصفا
ونسقيهم كؤوسات المنيّه

ولا يمكن كيان الشر يُعفا
ولو كل الدول به معتنيه

قسم لا نقصفه بالنار قصفا
وكل اهدافنا فيهم غنيّه

#مانع_البوساني

قد الجو اعتدل والغايم اصفا
وشفنا الحق فالدنيا الدنيَّه

وابو جبريل قد كفَّا ووفَّا
بلاده بسلحه عضماء غنيَّه

#محمد_ابوالعز

محال ان النتن يظفر بـمرفا
و غـ.ـزه مثلما صنعاء عصيه

تقدم شد يا ســــــنوار تكفا
معاك الله و رجــــــالاً ابـيــه

#أحمد_الخاشب

فيَ الشعب الذي وفّى وأوفى
مـــع الله المواثيـــق القويـــة

وقاتل فــي سبيل الله صفَّـــا
تجلّـــت سنّــــة الله الجليــــة

قسم لا ينسف اسرائيل نسفا
ولـن يبقي لها ذِكْـــــر وْبقيّــة

#ابـومـازن_الـرازحـي

عيون الصهينة لابد تطفى
بفضل دماء قادتنا الزكية

ومن عكا وحيفا قل ليافا
لحجم الرد تتحمل شوية

#ابوعبدالله_صالح_عنبل

على نيرانها بيروت تدفآ
وتمنح كل مستضعف هويه

نرد الصاع بالصاعين و اوفٱ
وعاد القادمه ضربه قويه

سلاح الردع قد وفآ و كفآ
وكم ذي يرعب العالم دويه

#أبوصخر_الجوحمي

من المحور اذي كفى ووفى
بنصر القدس غزه والقضيه

وعاد الرد بايوصل ليافا
مضاعف لليهود شر البليه

ومهما النتن ضاع أو تخفى
بإذن الله نصليه المنيه

#ناجي_القطيبي

ابوجبريل قد فرّش ودفّا
فمن غيره حمل هم القضيّه

وعدبالثار لاسماعيل واوفّا
كذب من قال ردّه(مسرحيّه)

#الشاعر_علي_الغماري

بداية ثار من يبديــــــه وفى
وكفى من عزم من صدق نيه

ومحورنا طرح كفـــــــاً بكفا
وطلق عيشة الدنيــــا الدنيه

قسم لانخطف الارواح خطفا
قلو للشــــــر هو راس العنيه

#ابومحمد_السحاري

قسم مابانخلي اي مصفا
لاسرائيل وامريكا الدنيه

وماشي للمطبع اي اعفا
وابو جبريل راعي لولويه

وشعبي كلهم مرصوص صفا
وارض القدس هي ساس القظيه

#الشاعر_امين_الحارثي

ابوالعبد ارتقى روحه حنيفا
وباقي الف اسماعيل هنيه

عطاء الدم يهدم كل سيفا
ويفتك بالدروع المعدنيه

اتى السنوار يحشرها لفيفا
فلا تركن على عيشه هنيه

#صقر_سبحان

غدى اسماعيل ذي كفَّى ووفَّى
منار ونور ساطع للبريَّة

وذا السنوار بعده خير خلفى
بنفس المنطلق والمنهجيَّة

#الشاعر_متاش

محال النار يا إسرائيل تطفى
قفى إسماعيل وتموت القضية

عد السنوار ماقد غظ طرفى
عيبداء حرب كبرى عالمية

#ماجد_عبدالله_القادري

ارى إسرائيل بالوضع المخيفا
سعوديه ومصر والاردنيه

من الخوف صوتها أعلن بروفا
قد السنوار خليفا من هنيه

#ابو_وعدالله_هفج

يزيد الوهن والإذلال ضعفا
بكم واحنا تزيد المعنوية

ولا منّا اللذي سامح او اعفاء
ولا ذي خان او باع القضية

إليـكم ردّنـا الوافـي المكـفاء
اذي بالله با ينهي البقية

#عبدالقوي_البطل

وبانوقف مع المظلوم صفا
ونفزع كلنا في صدق نية

نعصف به كيان الشر عصفا
حاشا إنه يرى عيشة هنية

#ابوعلي_جعفر

فينا ياشعب غزتنا تكفى
وكل أرواحنا هي لك فديه

بإذن الله أرضك باتصفى
بـ دمّ افواد والقائد هنيه

#حيدر_علي

نقاتل في سبيل الله صفا
كم البنيان برغبة ثم نية

مريض القلب عمره لا تعافى
فلسطين ذي عن أمثاله غنية

#الشاعر_عزيز_البروي

ولا غير اليمن كفى ووفى
له البيضاء وسبق الاولوية

بفضل الله وقايد حُر كفّى
علمّ وارث سلاله هاشمية

قصف ما كلّ قبل الرد يافا
وعند الرد ضربه حيدرية

#أبوذي_يزن_الدربي

أبو جبريل أشر بس تكفى
وشعبي با يكن في الأولويه

علينا العار ما نرقد وندفى
ولا يمكن نفرط في القظيه

#ابوبدر_ذيبـــــــــان

بدأنا الرد تدميرا ونسفا
ويوم النصر باتسمع دويه

على الصهيونيه رجفا وعصفا
اتى( السنوار) زاد المعنويه

#ابوحيدر_الراشدي

مع الله محــــــور الابطال صفا
بوجه امريــــــك والناس الدنيه

رجال الحرب كم من قرم يكفى
يدوس اشنـــــــاب شله مهينيه

بحاطم قــــــــد ضربناهم ويافا
وخليناهم كراتيــــــــــن معدنيه

#ابوحرب_مشحم

الا وكيانهم ما قل ينفى
وفي نفيه لنا احنا الأولويه

الا لاهنت يا حاطم وتكفى
توجه صوب الاحلاف الدنيه

ودمر وانسف اسرائيل نسفى
بـــضربة ذو الفقار الـحيدرية

#الـشاعر_أبومحمد_الجعفري

سـريـنـا بـا الـمسـير فوق ـ يـافـاـ
وعــاد ويــلـاتـنـا حُـبلـى غـنـيّة

فلـا راحــه لكم من قـوم نـكـفَّـا
تُـقص الـثار لـ (حسين ــ وهنـية)

#أبوحاتم_عــكــه

بإذن الله بالحاطم فدوياڤا
وضربات الأسود الحيدريَّـه

نحطَّم ننسف الطاغوت نسفا
ونكفي شرَّكم كلَّ البريَّـه

#الشاعر_بشير_الشامي

جعلنا الصهينه فالحرب تغفا
وجنبنا السفن والمروحيه

امانه ليل يابركان تكفى
نريد المعركة تحما شويه

#الشاعر_ابوصالح_الحربي

(( من مكاسب_الطوفان ))

الحقايق تجلت والسبيل
اتضح
والمواقف أطلَّت مثل ضوء
الصباح

لجل طوفان الاقصى إنكشف
وافتضح
الدعي والمنافق،واهل فتوى
الصحاح

ذي مع الحق شامخ كالجبل
ماانبطح
والمطبع مع امريكا وصهيون
طـاح

والذي من صميمه للقضيه
نصح
موقفه جنب(غزة)،في أوجَّ
الكفاح

حـي والله، مقـاوم للسيـاج
اكتسح
باغـت المسبتين، وواصل
الإجتياح

داس جيش الكيان من دماه
إصطبح
قـادهم كـالبهايم بعـد كسر
الجمـاح

يومها كل مستوطن بجلده
نـزح
تاركين المساكن والخمر في
القداح

والمواقع تـلاشت والمجنـزر
جنح
للسلام الحماسي تحت ضغط
الجناح

يازمان الحقيقة صنِّف الصح
صـح
والكذوب المغالط صنِّفه في
القباح

مااستوا حاليَ السكَّر واجاج
الملح
أو رجــال أوفيـاء، أو شلـة
الإنبطاح

لا تقارن هل (الحرَّه) بقـوم
{الفتح}
أو تقارن{علي} بمسيلمه أو
سجـاح

واليمن في امتحانه بالقضيه
نجح
يوم غيـره تقلَّـد بالهـزيمـه
وشـاح

شعب الانصار ذي بقيادته
مابرح
ينصر الحـق، لا منَّـة، بدون
امتداح

لن عرق الحميـه، والشرف
ماسمح
بالتفرج على (غـزة) ودمها
مباح

والمجــازر بحـق اطفـالها
والـذبـح
ماترك لاي مسلم عذر يحمل
السلاح

لوسكت شارك المحتل فيما
سفـح
واشترك،في الحصار وبالعنى
والجراح
.........
#طوفان_الأقصى
#ابـومـازن_الـرازحـي
#١٤٤٦هـ