تابع المجاراة عن تورط العدوان الأمريكي والبريطاني في اليمن بشكل مباشر وكيف سيكون الرد عليهم!!.

البداية #إلياس_المقدشي

بريطانيا في حربنا اليوم ودفت
ومن قبلها امريكا اللعينه مودفه

سوا واصـلت عدوانها أو توّقفت
فـ رد اليمــن ما جهد الاعدا تـوّقفه

#الـكـرار_الـعـقـيـبـي

وقفنا مع الحق يوم الاعراب اختفت
ودايم مواقفنا مواقف مشّرفه

اذا مااليهود عن قصف غزه توقفت
بسيف الفقار الحيدري بانوقفه

#الشاعر_ابوجهاد_صبر

بريطانيا  امريكا    هولندا  توالفت
علينا بـ.حـربــاً  (للقوانين)  مخالفه

ولاكــــن علينا العار  مهما  تحالفت
إذا ما تصـابـــح  مـنـتـهـيـه  وتالفه

رجـــــال اليمن ما للخيارات خالفت
بـ.تفويض ابو جبريل في كل سالفه

#فايز_الحمزي

اذا كانت البحرين مع امريكـ تأمركت..!!
وإنجلترا الشمطاء تساند تحالفه

فهذه نهاية كل شله تصهينت..!!
وفي بحرنا تغرق بوارج مخالفه

#عبدالوهاب_الفقيه

بلاد اليمن لاجنب غزه تكاتفت
ودايم مواقفنا مواقف مشرفه

ولليوم هاذا كل النفس تلهفت
تواجه قوى الطاغوت والشر تنسفه

#اشرف_الحسني

تمادت بسفك دماء الاطفال واسرفت
والاعــــراب كلن جا بدلــــوه ومغرفه

وكــــــــــل انظمتهم لليهودي تلطفت
ســـوى شعبنا واقـف مواقف مشرفه

#حمد_الكبسي_الوايلي

وما دام امريكا لما شعبنا لفت
فلا بد ماتحسب لضربه مكلفّه

فما شعبنا ضمن الشعوب اللتي عفت
وحقه صواريخ النقاء بدّ تعزفه

#ياسر_القشوي

قسم والقسم يا كل دولة تطرفت
وصفَّت مع امريكا وجا اعلن تطرفه

يلاقي من ايدينا المنايا بما لفت
وتلقى خسايرها خساير ملكلّفه

#يعقوب_الخمري

وما دامت بريطانيا الـيوم خالـفت
ومن قبلها أمريكا وصهيو مخالفه

قرب نصرنا والساق بالساق التفت
بعــون الله الجــبار صهــيون تالفه

#ابوجراح_عوضه_الشيمي

قلوا للذي ضنه بلادي قد ارجفت
قسم باالقوي ماهي من الحرب خايفه

رياح النقاء هبت وباالموج اعصفت
قريبا بوارجكم تجيها عواصفه

#ناجي_القعود

كم قبلكم احلاف منا ترعفت
والي اتاناء اليوم لازم نرعفه

بريطانيا وامريك ماقد تلغفت
ترحب ومن جاناء علينا نلغفه

#الشاعر_بشير_الشامي

قوى الكفر بغاة شكلها اليوم وسرفت
وعدوانها قد عاقباته مكلفه

تورّط حنين امه على من تخلفت
قدم فالدول بيدورو من يسلفه

#شاعر_بلاد_الروس

تورط ذيول الغرف فالبحر واجتفت
على ضهرها وامست قواهم منتفه

فقوات ابوجبريل للأيلات نضفت
وعاد بايكون الرد بأشيأ مكلفه

#ابوفتح_الجرادي

ذرفنا دموع الدم والعين ماغفت
لغزه نسير النصف وتعيش ناصفه

ومهما علينا الغرب شنت وكثفت
فلابد ماتجنــي خـــــساير مكلـفه

#عبدالقوي_البطل

وشعبي لتهديد الطواغيت ماالتفت
ولاعادته يهمل قضى من يسلفه

ورجال اليمن في الوعد ابد ماتخلفت
رجال الحرايب في حمى الله مكيفة

#همدان_حجي

بريطانيا خبلا في العمر خرفت
وقامة تحاربنا غبية مخالفه

نسيّت بان ذالشعب ماقط يلتفت
لغير المُهيمن وأكثر الناس عارفه

#ابوالعز_القيدله

لشوق الحرايب شعبنا قد تلهفت
قسم لو تجيني الف دوله مكثفه

قسم لوتفحتت جسمنا او تنتفت
حرام مانسلم لو نلاغف ملاغفه

#شاعر_الحرايب

بــــــــريطانيا في حــرب اليمن ودفت
لا بد ما تدفع ثــمن دم غزه ذي اَنزفه

مهما اَمريكا على شعبي الغارات كثف
(بقدس اَثنين) ندق خشمها لما نرعفه

#ابوقفري_الرعادي

بريطانيا الحمقى تعدت تعجرفت
وشعب اليمن رده جميعاً سنعرفه

هو الشعب ذي منه الاعادي تخوفت
هو الشعب ذي ماحد في الكون خوفه

#ابو_ذر_مسعود

وكل اليمن لجل حربك تكاتفت
ومن جا بلادي اقسمة لا تكتفه

وما به بشعبي فيئه تخلفت
ولا به عوائق لليماني تخلفه

#أبوصخر_الجوحمي

وجوبايدن شيبه على امريك خرفت
وفي حربها للشعب صارت مخرفه

وأما البريطاني علينا تعرفت
وتعرف بسالة شعبنا خير معرفه

#جميل_الجنيد

ومهما قوى الطغيان للحق زيّفت
فلا بد ما ننسف عروشه وننسفه

مصير البوارج يا "بتحرق" أو "أختفت"
وضرباتنا فوقه كما البرق خاطفة

#ابوطه_المهذري

ويامن قتل اطفال غزه وأسرفت
علا ضربنا فالرد رادع و يقصفه

بريطاني أمريكي مباشروأشرفت
تجمع من العالم تحالف تلفلفه

#أبوأحمد_الغفّاري

واشنطن ولندن بالعداوات أسرفت
وفاتورة استهداف أرضي مُكلّفه ..

رجال اليمن بقتال الاعداء تشرّفت
وذي ما عرف شعب اليمن با نعرّفه ..

#ابو_مقتحم_الحوثي


جهود النشاما يا الاهي تكاتفت
ومنك المدد والعون لابطال واقفه

فحرب الاباده وسط غزه تكثفت
وواجب علينا حلف النذال ننسفه

#ابوصالح_حسين_البداي

علينا يحل العار لاجفاننا غفت
والامريك في ساحل يمنا منكفه

قرانا حداها الشوق للحرب واحتفت
ولبت بنا كلا على طقم مشرفه

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان (مع فلسطين مستمرون في مواقفنا ولن نتراجع)

البداية #ابوالكرار_المجنحي

على طريق القدس مهما كان حجم التضحيه
حاشا وكلأ ينثني شعب اليمن وإلا يخاف

الجيش جاهز والقبايل جاهزه متصديه
بانسقي أمريكا ولندن من نقيع الموت حاف

#ابوصامد_المجنحي_القوبري

كتائب القسام .... تسندها رجال البحريه
والعاصمه صنعاء تعاني جرح غزه والغلاف

القدس مسرانا على أنف امريك وابريطانيه
والعالم الغربي بموقف سيدي يسمع وشاف

#ناجي_القعود

احنا سند للقدس في كل الضروف الحاميه
وحنا لها دايم في الشده وفي كل العجاف

مابانفرط في حمها لو قصفنا يوميه
حتى ولو بدنا من الدنياء ولا نحياء ضعاف

#الشاعر _حربي_اليتيم

عاد المعارك باتجي نشعل ابوها صدرية
والردقاسي بانخلي حلف الامريكاءجفاف

شعب اليمن متمركزين في جوها والبريه
وانصار ربي بعدهم لو يطلعو خلف الغلاف

#عماد_دايل_العماري

القدس موعدنا قسم ما نتركه للمافيه
اليل يا شعب اليمن انفر ثقالً وا خفاف

باندعس امريكا وإسرائيل وبريطانيه
ومن تحرك منهم با نطرحه وسط المشاف

#الشاعر_بشير_الشامي

العهد منا يافلسطين الإباء والثوريه
والعهد ثابت من يمنا مثل ماجسر الجراف

ماتطعم اسرائيل ما ذلحين طعم الحريه
وحنا مسكنا بالسيوف الضاربه ثم الرهاف

#أبوصخر_الجوحمي

مواقف الانصار نابع من هدى قرآنيه
لله وحده ننصر المظلوم كلا مانخاف

نمضي بصف القدس لايمكن تراجع ثانيه
في صف كالبنيان ننفر بالثقال وبالخفاف

#احمد_تاج_الدين

لو الحدود اليوم تُفتح ما نوقّف ثانية
من أجل غزّة لانطوّف هذه الدنيا طواف

بانـدحر الصهـيونيه بالله والنـصرانيـه
بأمر ربّ الكون ذي مابين نون وبين كاف

#ابوعاقل_المنبهي

شعب اليمن حشودهم لجل القدس مليونيه
نجيك يااقصى بعون الله زياره
وطواف

والله مانخشى قوى امريكا ولابريطانيه
بعنا من الله بيع مطلق دون ذله وارتجاف

#يونس_الجماعي

احناء لها في الجو ولا بر ولا بحريه
والمعتدي يبشر بوقت الحرب بالموت الزعاف

ياجيش متصهين وياجمع الحشود الغربيه
لاعاد فيكم جيش يلقوناء بغزه والضفاف

#ابوناصح_العزي

نصرة المظلوم والاقصى لشعبي امنيه
في سبيل الله نمضي يا ثقالآ او خفاف

نهج قرآني نهجنا والقياده حيدريه
موت امريكا شعاري والهدف راس المشاف

#يعقوب_الخمري

نحو القضية القبلة الأولى نهب رجال حافيه
نموت نحيا في سبيل الله ما نخشى العجاف

مع فلسطين الأبية ما نهاب أمريكية صهيونيه
يُحرم علينا النوم والعيشة وما أكملنا المطاف

#شاعر_بلاد_الروس

على هدى القرءان مابش فرق شيعه سنيه
متوحدين انصار دين الله مع الاقصى نضاف

ماقاله السيد ابوجبريل فتوى شرعيه
جهاد واستمرار حتى النصر يالقوم العفاف

#ابوقفري_الرعادي

ولو علينا يحشدو كل الجيوش الغربية
مابانخاف مابانخاف مابانخاف مابانخاف

وذي تعدا ينتضر منا الردود القاسيه
بانسقي امريكا واسرائيل الموت الزعاف

#همدان_حجي

الشعب ثأر وثورته قرآنية دستورية
مع فلسطين الحبيبة بالثقيلة والخفاف

قرار قطعي لليمن عزة جهاد وحرّية
ولا تراجع فيه حتى ناصل آخرة المطاف

هنأ يمن الأيمان فتح القدس أكبر أمنية
وبانحققها بعون الله محنا شي ضعاف

#ياسر_القشوي

على طريق القدس با نشعل معارك ضاريه
قرر يمنا ذا القرار ولو تجي السبع العجاف

البحر الاحمر يا نعجه من قوى برمائيه
في معركة كبرى تعم الكون كله لا الغلاف

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان موقف الشعب اليمني ثابت تجاه القضية الفلسطينية ولن نتراجع.

البداية #ابوالكرار_المجنحي

شعب الايمان والحكمه وشعب المواقف
نصرة الحق والمظلوم ماضي وحاضر

لا وقف وقفته مثل الجبال النوايف
ما تهزه عواصف ريح يا كل كافر

ما تردد ولا اتحيد ولا كان خايف
ثار من دافع انساني وخاض المخاطر

سيدي لا قلق وحنا حزام الطوارف
تحت امرك لخوض الحاسمه ما نعاذر

#ابووائل_ميصان_الجرشه

بـا نـواصـل مـسـيـرتـنـا ولا بـا نـخـالـف
كـل تـوجـيـه صـادر مـن عـلـمـنـا الـمـبـادر

شـعـب الانـصـار ثـابـت مـوقـفـه وانـت عـارف
ان الاقـصـى قضـيـتـنـا بـمـاضـي وحـاضـر

لـو يـجـي ضـدنـا مـلـيـون حـالـف وحـالـف
مـا تـركـنـا يـمـنـا الـحُـر والـكـون خـابـر

كـيـف يـرضـى الـمـذلـه كـل شـامخ ونـايـف
كـيـف يـقـبـل بـعـيـش الـذل بـركـان ثـايـر...

#طه_الرازحي

شعبنا موقــفه بالفعل لا بالسوالف
معّ فلســطين ثابت موقفه  لامغاير

يعرف أعداه ومحبية والكُل عارف
أنه الشعب الأوفاء دوم ماضي وحاضر

لن يفرط بغزة ذي لها جرح نازف
بايظـمّده  ويـــداويه والله ناصر 

قُل للأعراب ذي مابه لهم شي مواقف
لعـــنة الدهر قد حلّت عليهم مباشر

#الشاعر_بشير_الشامي

لو نزل كوكب المريخ لا راس خارف
لن نغير مواقفنا قلو للمكابر

والقسم مانفلت عهدنا وانت عارف
إننا كمن احمر عين ذو قرن عاصر

من سوانا على عاده ولازال واقف
ماتغير كما اعلان صاله وتاجر

مال كمن دعي الا بحمراء وكاشف
تجعل الراس يطاير نتافر نتافر

#أبوصخر_الجوحمي

شعب مؤمن قوي بالله كالسيل جارف
يجرف امريك واسرائيل والكل ناظر

ماتهزه رياح الكفر في يوم عاصف
او يخاف القوى المتآمره. والمخاطر

كل شعب اليمن كامل جميع الطوايف
عون للقدس غزه والغضب فيه فاير

نهجنا والقياده بحر. كنز المعارف
الوقود. الذي نقهر. بهم. كل كافر

#عماد_دايل_العماري

اليمن ماهو الّي لاوعد با يخالف
لا ورب السماء انا الوعد يا قدس ساير

ما نسينا ولن ننسا ولو با نجازف
عالم الكفر لجل القدس فل امر سابر

كل ماشفت في غزه دم الطفل نازف
زاد ضيمي وشوقي حرب كبرا مباشر

نطحن طحن نتفجر عبوات ناسف
يمتحي من على الدنيا منافق وكافر

#صقر_سبحان

شعبنا شعب مؤمن ما انحنى للعواصف
أو خضع لاي متكبر وكافر وفاجر

في خطى آل طه سار قدّام زاحف
في وجوه اليهود ومن معاهم مناصر

وانتصر لاهل غزة ماقعد كالمكالف
وانطلق في سبيل الله مؤمن وصابر

بالولاء والمحبة والإخاء والتكاتف
ساند أبناء غزة في جميع المنابر

#ماجد_عبدالله_القادري

بالمسيره مشينا نهجنا بالمصاحف
ضد مجرم وحاقد او يهودي وكافر

قد ورثنا الشجاعه والكرامة مصارف
واعتلينا بحكمه في جميع المنابر

مانفلت فلسطين رغم خوف المكالف
العرب عن سكوته مابها اي ثائر

لاكن البحر الأحمر ضد كل العواصف
اليمن من فلسطين شعب واحد مثابر

#يعقوب_الخمري

ألف لبــيك أبو جبـريل يا بـرق خاطــف
يا عـلـم عـــزنا الله بــك لغـــزة مـبـادر

ما تخلف يمن الإيـمان أهـل المــواقــف
ولقـضــية فلــسـطيـن الأبـيـة منـاصـر

الله أكـرم علـينا بالجــهاد لا حـسايـف
صرخة حسين ومسيّر وقاصف وفاطر

يالأدب ياللـغة والشـعر وين الوصـايـف
هاتــو الــرد يا ثـــوار ويا كــل شـاعــر

#ابوحزام_سامي_المضري

مثل مالرعدوالطوفان شعبي وقاصف
قوه ايمان مايهتاب ضرب الطواير

ماتراجع لنصر الحق والكل حالف
نصر والاشهاده منتضر للاوامر

سيدي تحت امرك شعبنا اليوم واقف
وحدو صفهم والجيش ضد التأمر

مننا الفرد كا البركان قل للتحالف
عيشت الذل بدلها بعيش المقابر

#ذياب_النيساني

في سبيل الله اكبر شعب الايمان واقف
مايبالي قوا امريكاء وكل الدواشر

واسال اهل التحالف النعال المكالف
من غزانا رجع ميت وندمان خاسر

#الشاعر_عزيز_البروي

شعب صماد والهدهد وزلزال وقاصف
شعب قاهر وقدس 2 وبركان وفاطر

شعب فارق حياة الذل جنب الخوالف
شعب الانصار للمستضعفين نعّم ناصر

شعب رحمه على الامه ولعداه عاصف
اليّن الافئدة لله حامد وشاكر

هكذا قال فيه المصطفى خير واصف
شعب الايمان والحكمه مجاهد وصابر

#عبدالرحمن_دغسان

لو سماها علينا تستقف بالقذايف
والثرى بالحمم يشتب بركان ثاير

القضيه قضيتنا وذا الكون عارف
ما نفرط بها لو قرحت الروس غابر

#ابو_وعدالله_هفج

قد تحدا برب الكون كل العواصف
لا وكل العواصف قد عصفها وثابر

لم يكن شعبنا في يوم ضمن الخوالف
من بنى سد ذو القرنين غيره وبادر

جاء مع غزة العزه كما السيل جارف
وانصح الحلف قبل يصلّه فوراً يغادر

اليمن بأسها مشهود وسط المصاحف
وارضها للغزاة بأول وتالي مقابر

#ابوزيد_الزبدي

موقف اهل اليمن لازال ثابت وواقف
لجل تحرير الأقصى بانخوض المخاطر

ويش بعد الجرايم وختطاف المكالف
لعنه الله. على ذيما تحرك وناصر

شعب الإيمان متعود لصد العواصف
بلغوا الامركه في حربنا لا تغامر

والـقـدس لـن نـنـسـاه واول حـكـمـنـا
في زلـزلـة حـكـم الـيـهـود الـغـاصبين

والـفـضـل لـ ابـن الـبـدر كـلـه والـثـنـا
للـه وحـده لا لـحـلـف الـمـعـتـديـن...

#حرب_مشحم_صعده

يـــــا بدرنا يـــــــــا بدرنا يا بدرنا
لبيك قول وفعل يـا الليث العرين

لبيك يامـــــــــــن بك إلاهي عزّنا
لبيك ثــــــــم لبيك يا الكنز الثمين

راهن بنا يــــــاسيدي واظرب بنا
في وجه كمن نذل صهيوني لعين

أشر لنا يـــــــــــا (قايدي) أشر لنا
وابشر بنـا ننهي وجود الطامعين

#ابومجاهد_الغمري

احنا سلاحك يا ابن طه كلنا
اضرب بنا واهدم عروش الكافرين

ما با نقل لك لا وهذا عهدنا
يشهد علينا الله رب العالمين

جندك وتحت امرك ورأيك رأينا
وما تريده نخرجه من كل عين

والله يلعنّا ويبحث سدّنا
اذا تركنا القدس لو نبقى طحين

#محمد_الرشيدي

حنا هتفنا صوت واحد كلنا
لبيك ابو جبريل من وسط العرين

الأرض باتشهد تدفق سيلنا
والشعب يستنفر شماله واليمين

هذه صفتنا سيدي واخلاقنا
مابانبدلها على مر السنين

#ابواحمد_الغرباني

كنّا ولا زلنا كسابق عهدنا
بعزم كالفولاذ حاشا ان يلين

والله ما يفتر ويوهن عزمنا
ابشر بنا يا سبط امير المؤمنين

وشد بأسك يالفلسطيني بنا
احفاد بن ياسر لنصرك قادمين

دون القضيّة نحتسي كاس الفنى
والله يقبح قوم نحتجّ وندين

#الشاعر_بشير_الشامي

لبيك ياقايد مسيرة مجدنا
لاكل ساحه بايهب المؤمنين

وحنا معك لاما نوصل حربنا
لا ارض عكا بل وحيفا والجنين

وغد فالساحه نجدد عهدنا
إنا مع الاقصى وربي وافيين

في ساحة السبعين نلعن وعدنا
أنا مع غزه والاقصى ماضيين

#أبوصخر_الجوحمي

الشعب جاهز لو تقول ارواحنا
ياسيدي وابشر بنا في كل حين

هذا اليمن مابه. تخاذل. مننا
في نصرة الاقصى وغزه ثابتين

بايخرج الساحات كامل شعبنا
من اجل غزه نفتديها بالبنين

نبني جميع الشعب في اعظم بنا
بالدين والتأهيل والله المعين

#ماجد_عبدالله_القادري

لبيك انت الفخر يشهد شعبنا
يابدر نوره في دروب الفاتحين

لبيك انت الفخر منبع جيشنا
ان اليمن شاهد شماله واليمين

لبيك انت الفخر منهج ديننا
ياسيدي يحميك رب العالمين

لبيك انت الفخر ترفع روسنا
انته طريق الحق نصر المسلمين

#احمد_عبدالله_زيد

لبيك يابن البدر واتحزم بنا
يامن بك الله عزنا دنيا ودين

كل الولاء لك سيدي ذا عهدنا
تبشر بنا في كل ساحة حاضرين

البحر الاحمر لافلسطين حدنا
من يقربه نسقيه علقم ف الجيبن

نأتيك بالأمريك من تحت الفنا
في ثانيه قدهم تجاهك خاضعين

#ابوعلي_مبخوت

نفديك يبن المصطفى برواحنا
اشرلنا وحنا ليوث مسلمين

ودك نخوض البحر خضناه كلنا
ودك ندوس البر فحنا جاهزين

مع فلسطين فانسوي جهدنا
لايمكن الشعب اليماني يستكين

اقل واجب نبذله من عندنا
نحضر في الساحات كالأسد العرين

#ابومحمد_سحار

لبيك يابن البدر نخرج كلنا
في كل ساحه ضد صهيون اللعين

وان قلت كمو بانكم بجمعنا
ومن اعترضنا نمسحه ماعد يبين

انت الامل وانت السراج لدربنا
ارواحنا تفداك يالنور المبين

لومابقي واحد يخبر مننا
يامن جعلت الشعب مرفوع الجبين

#أبووائل_ميصان_الجرشة

لأمر قائدنااستجبناكلنا
لن نخلي الساحات لونجلس سنين

لجانناوالشعب زايدجيشنا
هي نصرة الأقصى ولايمكن تلين

مابانشوف القتل في اخواننا
وبعدها نسكت مع المتفرجين

واجب عليناننصرك ياقدسنا
قضية فلسطين تعني المسلمين.

#جبريل_الخدري

الغــــد بالسبعيـــــن نثبت اننــا
م̷ن أجل غزة للمعارك حاضرين

أشــر لنا يابن النـبي وابشــر بنا
رهــن الإشارة با ترانا جاهــزين

فـي برنا والبحـر ندحـر خصمنا
لابد ما نوصـل لمعقــل بنيميــن

حلف العداء ما رد موقف شعبنا
ما ردنا عن نصـرة المستضعفين

#مرتضى_ناجي

نفديك ياسبط النبي بـرواحنا
لبيك نخرج غد وحنا صايمين

اموالنا وعمارنا ياسيدي وبنائنا
فــداك يارحمه لـكـــل العالمين

نفخر ونعتز نتشرف لانك مننا
وقايد اختاره الباري لنا دنياء ودين

مــادمت فينا سيدي مـــابه عنا
يلين كل الصلب وحنا مانلين

#يعقوب_الخمري

لبيك لبيك ولباك كامل شعبنا
والعهد ما نترك الاقصى يمين

راهن بنا راهن بنا راهن بنا
والله يلعن كل متخاذل لعين

دام الخروج الحر يحمل عزنا
في كل ساحات الأباء متسلحين

لبيك رغم اوجاعنا وظروفنا
لبيك واحنا بالتولي صادقين

#همدان_حجي

لبيك يامن بك إلاهي خصنا
لبيك تحت امرك رجال مسلحين

نبذل جماجمنا ونرخص دمنا
ونبذل الغالي مع الله والثمين

ياداعي الرحمن هاذا وعدنا
يمين مانسكت علا الطاغي يمين

لو يزحف العالم بكله فوقنا
او يقصفونا لين نتحول طحين

هيهات تتغير مواقف شعبنا
مادام فينا دم فاحنا قادمين

#الشاعر_نزار_الكازمي

جمــعه ورئ جـــمعه علــــى عاداتنا
نخرج حــشودن تقهر المســـتكبرين

ياقـــايد الشــعب اليماني عــــــزمنا
عزمن مشيد مثلما الحيد الحصــين

نثبت ولانخــــضع ولاقــــد صــابنــا
لاضعف فينا لاملل فـــي كـــل حــين

#عبدالقوي_البطل

القدس بك ياشعب الإيمان مسرور
واقف معه عالي على كل هامه

وبحرك الأحمر على الخصم مسجور
يجرع امريكا كأووس الندامة

#ابتسام_شرف_المحطوري

واصل خروجك دوم ياشعب غيور
إرهب عــدوالله  زعــزع منامــه

أنت الذي منذ الأزل شعب منصور
مطبق  الإسلام بذروة ســنامــه

#ماجد_عبدالله_القادري

ياشعب له بالنصر حامي ودكتور
اثبت وجوده حتى يوم القيامه

ذي هيبته بالعز غالي ومشهور
شعب اليمن نال الآباء والزعامه

#احمد_امين_الكبسي

الغرب من حشدك محطم ومكسور
ياخـيـر مـن فـعـلـه يـطـابـق كـلامـه

والـقـدس بخلاصك مؤازر ومنصور
يـا شعب مـحـزم لـلـقـضـايـا ولامـه

#أبوكربلاء_الفقير

شعب اليمن ضد العدو بحر مسجور
وجو مُعتم بالظُّلَل والغمامة

وطين أرضه قبر جاهز ومحفور
عمقه يصل سبعة وسبعين قامة

#احمد_عبدالرحمن_الظمين

شعب الاباء فيه الاباء غير محصور
وهامته ترقئ على كل هامه

في نصرة الاقصى وغزة اخذ دور
جسد لصدقه بالهدئ والتزامه

#يعقوب_الخمري

الشـكر لـك يا شـعب عالكـفر منـصـور
على الحضـور اللـي رفـع كــل هامـة

ما تقــبـل وصـايـة ولا وعــد بلــفـور
اجتـزت أعــلى مـرتبـه في الشـهامـة

#نزار_الكازمــي

القدس ياشعب اليمن صار مسرور
يشمخ من اشموخك بمليون قامه

والضاريه فلبــر والــــبحر محـظور
للصهينـــه قـــد باتقـــوم القيــــامه

#اسامة_المعباء

الكون من شعب اليمن صار مبهور
والدهر يوقف في مهابه امامه

با نحتشد لوما تجي نفخه الصور
والمعركة فيها للاقصى السلامة

#أبووائل_ميصان_الجرشة

قدذاع صيته وأصبح الآن مشهور
بخروجه الساحات عالي مقامة

خلى المريكي داخل البحرمحضور
مادس راسه تحت مثل النعامة

#أبوصخر_الجوحمي

عدونا بخروجنا صار مقهور
اغاضهم. حشد اليمن والتزامه

مابه وهن كلا ولا ضعف وفتور
في شعبنا في فطر ولا صيامه

#ابوعاهد_عـنـتـر

لا قـلـت لك يـا شـعـب الايـمـان مـاجـور
بـيـضـت وجـهـك ضمن حـرب الكـرامـه

فـعـلك تـجـسـد وانـت تـلـعـب بـهـم دور
واحـرمت صـهـيـون الـهـنـاء في مـنـامـه

#عبدالله_محسن_جحاف

الكسر بك في نصرة الحق مجبور
ومن خذل أبناء غزه ملامه

شعب اليمن في نصرة الحق مشهور
والقدس وفلسطين أعلى مهامه

#ابومحمد_سحار

مبروك ياشعب الحضارات والنور
مبروك ياشعب الابا والكرامه

يامن نكستو كل ظالم ومغرور
ومن غزاكم باتكسر عضامه

#احمد_عبدالله_زيد

العالم الغربي محير ومحصور
من حشد شافه رافع الفين هامه

ياحشد زلزلت الطواغيت للطور
شعارك ارعب للمريكي نضامه

#ابونكال _همدان

ياشعب اسطوري في الدهر مذكور
عزالله انك شعب عالي مقامة

اصبح خروجك منه الكفر مقهور
وزاد ايمانك ثقه وستقامة

#ابورحال_الجنيدي

انااشهد انك شعب شامخ كماالطور
ما طأطأت لك قوّة الغرب هامه

علا يدك باينتهي وعد بلفور
وتسقط اسرائيل مليون قامه

#عمر_حميد_الشرفي

اسمك في العلـــياء مسجل ومشهور
وفـ الاصل ياشعب انت رمز الشهامه

من عزك التاريخ يســـجد علئ الفور
أشتّر ويفرض عــــ الجمــيع احترامه

#بشـار_يعقوب

السيد القـــــايد مكيف ومسرور
بخروجكم ياهل الوفاء والشهامة

الكفر هـــذا اليوم مجبور مجبور
مجبور يعلـــن يــارجال انـهزامة

يا من حباك المقدره لبيك ما عنك ميول
شعب اليمن كامل مجند وانت وجه ورسله

#اسامة_المعباء

يا حلف امريكي بريطاني دلا قر الفضول
واتجنب اتجنب وقوع الكارثات المقبلة

الحرب ما ترحم وقايدنا حشوده كالسيول
متــــــدافعه ووين ما تثقف عــدوه تقتله

#شبل_الحداء_ابوفلاح

والبحر لاخضته نخوضه كلنا عرضا وطول
يبشر بنا احنا جنوده والقسم ما نخذله

لاوالقسم مانخذلك ياسيدي يابن البتول
باينصرك رب الفلق والفاتحه والزلزله

#خيرالله_الخولاني

ياسيدي احنا السيوف الصارمة لك والصقول
واللابه الي كل من عداك فرضن تقتله

لازال مبدئنا مع غزة ولايمكن يزول
والقدس موعدنا ابوجبريل حاشا نجهله

#ابوحمزه_المقاش

جيوش لك في كل ساحه با نصول وبا نجـول
ابشر بعزك سـيـدي نضرب لك اروع امثلـه

بـا نحتشد من اجـل غـزه لـن تـرى فينا مـيـول
نثبت ثبـات الشامخات السود في ذا المرحلـه..

#علي_الوزير

لبـيك يامنقذ نساء واطـفـال غـزة والكهـول
يـوم الـعـرب باعو لابن يامين دين وقـبيلـه

لامرحب استعبدمن اتبقى من ابناءبن سلول
فالاوس والخزرج معك في كل عصرومرحله

#ابومجاهد_الغمري

سلام يا بدر افترس ضوّه ظلام ابنا سلول
من قوم ذي تسليمها لك فوق ما تتخيله

للمجد والعز انت في ذا المرحله نقطة وصول
فلا قلق يا دولة فلسطين مافي مشكله

#سجاد_تشلان

لو باتملّ الشامخات وقوفها واضحت تزول
ما بايملّ الشعب موقف ربنا به جمّله
.
وش عاد لا الموقف غدا لصيامنا شرط القبول
والله لا نخرج خروج يهدّ كِبر المرحلة

#أبوصخر_الجوحمي

تسليم مطلق للعلم وابشر بنا يابن الرسول
وما تقوله سيدي واجب علينا نعمله

شعب الاباءبقيادته يفعل يطبق مايقول
واعداءنا شاهد بموقفنا ولا حد يجهله

#أبوحـاتم_عكه

جندك وأنصارك رجالك ساعة الخطب المهول
نواجه الأهوال ونقدِّم مواقف مُذهِله

نرفع بقوَّة رايتك نحمل لوآئك بك نصول
في حومة الميدان نقلب عالي الكون اسفله

#ابوكربلاء_الفقير

ذي ساندوا مَن كَسَّرك ياباب خيبر والقفول
بيساندوا من غلّق المندب وبيده قفّله

ابشر بعزك ياولي لحنا جيوشك والخيول
حاشا فسِل في الثانِيِه ذي مافسل في الاوَّلة

#جميل_الجنيد

أجدادنا الأنصار كانوا سيف أبو الزهراء البتول
وأحنا مع سبط النبي جُنده ذراعة جرمله

في جو وإلا بر وإلا بحر في عرض وطول
وكلما وجّه سمعناه وما يقوله نعمله

#همدان_حجي

تسليمنا من بعد رب الكون لك يابن البتول
تسليم مطلق واي قوة مستحيل تزلزلة

ولأجل غزة واهلها والدين نثبت الف حول
لو يجمع العالم جيوشه ضدنا نستأصلة

#طه_الرازحي

لبيك لوا تئمر نخوض البحر في عرضه وطول
اقسم بربي لانخــــوضه دون عـــذر ومشكله

ابشـر بــعــزك ياحفيد المصـطفى طه الرسول.
ابحشد مليـــوني مشــرف كل ساحه تذهَله

#ابوحسين_بشر

ابشر بنا ياسيدي عبدالملك يابن الأصول
ياسيد السادات يارمز الوفاء والقبيله

بانهزم أمريكا وبانهزم سلالة بن سلول
واذيالهم لعراب وابن الشمر وابنا حرمله

#بحر_القحوم

ابشر بعزك سيدي ابـشـر بنا يابن الرسـول
ابشر بنا واحنا جنودك في دروب المرجلة

معك وتحت امرك علمنا بانصول وبانجول
وبالنفير العام نـتـحـدى ظـروف الـمـرحلة

#ابوقفري_الرعادي

لبيك ثم لبيك لباك اليمن عرضاً وطول
ابشر بعزك ما امرتانا بفعله نفعله

ياسيدي عبد الملك لبيك ياسبط الرسول
في طاعتك ياخير قايد كل شي بانبذله

#ابوعميد_احمد_شايع

يامن حملة النصر للاسلام في عرضاً وطول
فيك الوفاء والصدق والايمان فيك الـمرجلة

جندي معك ياسيدي ياقائدي ياابن الاصول
راسي وروحي ومالي فدالك وانت تستاهله

#ابو_وعدالله_هفج

لبيك يابن البدر والميدان يشهد ما نقول
بحشد لا معقول واحنا مانقوله نفعله

في عرضها والطول جندك ياعلمنا كاسيول
ونصرنا مفعول في خير الليال المقبله

#الـشاعر_ابومحمد_الجـعفري

تسليمنا مطلق لكم ياسيدي يابن البتول
وتحت آمرك سيدي نجيك جري وهروله

شعب الفداء والتضحيه ضرغام مامنه ميول
نحشد لساحات الوغاء وكل غالي نحمله

#ذولفقار_قوزع

احنا معك يا سيدي يا ابن سبط الرسول
لو تمضي بنا الدنيا بكل السنين المقبله

امحال نتراجع لو في خط منهاجك نزول
لنّا جنودك وكل طاغي لاجهنم نرسله

#أبووائل_ميصان_الجرشة

أبشربناياسيدي قدام مافينا ميول
لوتشتي انخوض البحار نخوض مابه مشكلة

غزة هي أم الحل قلنا يامدور للحلول
يوقف العدوان قصفه غير ذا مانقبله

#بشار_عباس_الشومي

لبيك يابن البدر عز الله مافينا ميول
لحشد يوم الغد بالمليون ابشر نجعلة

تتوافد الأنصار لساحات أمثال السيول
وكل غالي لأجل أقصانا نقدم نبذلة

#يعقوب_الخمري

كلا نِصل لا مُبتغانا ولا لصيامنا ذرة قبول
إلا بنصر الحق يا أهل العز وأهل المرجلة

لبيك يا بن البدر هيهات التكاسل والخمول
والله ما با نترك (الأقـصى) لوحـدك تحـمله

#عبدالعليم_القانص

يا سيدي واحنا بغمدك بحر والا في سهول
اضرب بنا والله با نقطع حبال المهزلة

أشر إشارة واليمن كله لسيدنا يقول
ابشر بعزك سيدي والكفر با نستأصله

تابع المجاراة بعنوان خروج الشعب اليمني شاهد على عزة الاسلام.

البداية #ردفان_الرقيمي

إذا الشعوب المسلمة نايمة
صنعآء تِأبى تِغْمِـض أجفانها

تحشد ليوم الجمعة القادمة
مِن قبل يخلَى حشد ميدانها

يكاد حشد اليوم في العاصمة
يـــــزيد عن تعداد سكـانها

#أحمد_الخاشب

هذا اليمن غــزة بمجرى دمه
لو قاتـل العالــم على شـانهـا

يمين لـن تبقى العرب سالمة
مـن نــار تتوقّـــد بسكــانهــا

وخزي يصلي الأنفس الآثمة
إلا إذا قامــت مـع اخـوانهــا

#ابتسام_شرف_المحطوري

صرخاتنا وجه العدى صارمة
ونحذر العِربان واخوانها..

وقـوفـنا وقفـة إبــاء دائمـة
لأجل غزة ، ويل من خانها

كل الرجال الغُـر متلاحمـة
وتحرر العالم وأوطانها....

الشاعر_عبدالحكيم_ابوهاشم

الشعب سجل للعداء قايمه
امريك واسرائيل و اخوانها..!!

والسيد انذر للقوى الظالمه
تشهد خطاباته وعنوانها..!!

ما دام والحجه قدي قايمه
النصر قادم رغم عدوانها..!!

#جميل_ابوقاسم

هاذ الحشود باالصوره الدايمة
معا فلسطين ربنا عانها

حامت على واشنطن الحايمة
والموت لاسرائيل واعوانها

احنا المدد فاالبدع والخاتمة
واحنا سند غزة ورميانها

#فايز_الحمزي

حشود من ارض اليمن قادمة..!!
حب الجهاد يجري بشريانها

لبت ندى القايد ومتراقمة..!!
والبحر الأحمر فيه برهانها

من (بايـدن) و(نتن) اتت ناقمة
وڪل جمعة يصدر اعلانها

#ابورعدالله_فهد_الصراري

ما باتقوم للصهينه قايمة
دام اليمن قد هب طوفانها

على الكيان حامت الحايمة
وغزة ارض العز اتى حميانها

لاتحسبون ان البنادق صايمه
مادام ارض العز زاد ايمانها

#صالح_حسين

حشود للاقصى قدم قادمه
تقضي على امريكا ومرخانها

ياضيف حامت فوقهم حايمه
تقذف عليهم شر نيرانها

في البحر الابيض للسفن قايمه
لوما تصل لندن وشطئانها ؟؟

#اسامة_المعباء

يا امة باكملها غـــدت آثــمه
من تركها "غزة" وخــــذلانها

حشـــودنا عظمى ومتزاحمه
في ســـاحة العزه وميــدانها

اغمار وقت الضيــق متقادمه
تزحف لنصر القدس باسنانها

#يعقوب_الخمري

في حرب كبرى ليست الخاتمة
تجرف بني صهيون وديانها

صرخاتنا فوق السُحب حايمة
بالموت لإسرائيل واعوانها

أفواج في الساحات متزاحمة
با تلعن أعداءها وجيرانها

#بشير_سفيان

شعب اليمن في أول القائمة
من وجه أمريكا و اعوانها

تصعيد بصاروخ والراجمة
باتحرق إسرائيل نيرانها

صنعاء فجرالأمه الباسمة
وعز الأمه في شرينها

#الشاعر_أبوعزام_الشامي

يا كــل دوله للــعدو خادمه
با تخسر العزه وعنوانها..

تعيش في ذله أكـــيد دائمه
والصهينه تعبث بسكانها..

أما اليمن على العدو باصمه
الـعز راســخ بين بنيانها ..

#ابومحمد_سحار

اسود فالساحات متراكمه
باتقهر امريكا واعوانها

ياويل من كانت يده ااثمه
ارض اليمن جاهز وشجعانها

ياويلهم من نارنا الهاشمه
بايخمدو في قعربركانها

#أبوصخر_الجوحمي

خروج مليوني في العاصمه
عزه إباء ربي علا شانها

وحشود كبرى في المدن عارمه
في نصر غزه رافع اكفانها

ايام سوداء للعدا. قادمه
لامريك واسرائيل واعوانها

#عائشه_المغربي

القوم ياغزه معك دايمه
بدافع ٳستبسال وايمانها

والمرحله قد شكلها حاسمه
ضد اليهود وكل عدوانها

لو باتضلي ذا الامم نايمه
فاحنا لغزه كلنا اعوانها

#ابو_صماد_الفليتي

طوفان مليوني في القائمة
بايقـّهر أمريكاء وطــّـغيانها

والمعركة في بحرنا حاسمة
والموت لأسـرائيل وادوانها

وضّربت الله القوي قاصمة!!
نهـاية الاعـداء وشــّـيطانها

#احمد_زيد

يوم العرب للصهينه داعمة
ماغير شعب العز ذي هانها

شعب اليمن فزعاته الدائمة
في كل موقف للشرف صانها

بحشد هأئل ماخشا اللائمة
شامخ وثابت من على اركانها

#محمد_الرقيمي

المعركه بذن القوي حاسمه
باتنسف اسرائيل ودوانها

وجه العمالات اصبحت نادمه
من ماتلقت وسط ميدانها

اترقبو في المرحلة القادمة
خبرات ماقد تم اعلانها

#بدر_الدين_لطف_الله

صنعاء على الباغي حمم حايمه
والحشد اكبر شاهد انسانها

للحرب كل الناس ذه خارمه
تتشوق. القتله. بميدانها

عاد المراحل قادمه قادمه
با نفتتحها جاهز امكانها

#ابوحنج_العويري

اسود تزأر ضاريه حازمه
ياويل من له تظهر اسنانها

سيول فوق المعتدي عارمه
تحمي وطنها مثلما اعيانها

للحق واهله دايما داعمه
خسران من به ثار بركانها

#عبدالغني_ضبعان

حامت على واشنطن الحايمه
وال صهيون با تحرق بنيرانها

حشودنا اليوم داخل العاصمه
مع فلسطين متضامن وسكانها

نريد نواجه نتنياهو ونهاجمه
وندوس باقدامنا امريك واعوانها

#الشاعر_عزيز_البروي

لو أمة الاسلام متراحمة
متكاتفه من بعد طوفانها

مثل اليمن بالضربة القاصمة
ما كان تتمادى بطغيانها

وتضرب الصاروخ والراجمة
ع الطفل والمرآه وشيبانها

#حمود_العلفي

الشعب لبى بالحشود العارمة
يوم الملايين اعلنت نفرانها

من صعدة الشماء وحتى الحالمة
كل الميادين القدس عنوانها

الجولة الرابع اكيد الحاسمة
البحر الابيض والرجاء ميدانها

https://t.me/Poetsanalogous

المجاراة بعنوان #الذكرى_السنوية_للصرخة

البداية #يحيى_العطيف

شعب الكرامه ياشديد الباس
اوقف بوجه الكفر واعوانه

واصرخ فمابه فوق راسك راس
مافوقك الا الله سبحانه

#أحمد_الماوري

وضع لنا السيد حسين الساس
واحنا علينا إكمال بنيانه

أمة وسط من راسها للساس
تزلزل الطاغوت واركانه

#أبورواسي_أرحب

رفع البراءه للولاء مقياس
لمن سبيل الله ميدانه

أصرخ بباس الجّر والترباس
ياشعب متسلح بأيمانه

#ضيف_الله_سلمان

زلزِل بها الامريكي الخناس
واكشف بها مكره وطغيانه..

نكّل بها راس الشقا والساس
وانسف بها صهيون وكيانه

#يعقوب_الخمري

صرخة مداها يحبس الأنفاس
يخضِع لها التاريخ ميزانه

يسمع صداها جنها والناس
قد صابت الأعداء بمجنانه

المجاراة بعنوان #الذكرى_السنوية_للصرخة

البداية #يحيى_العطيف

شعب الكرامه ياشديد الباس
اوقف بوجه الكفر واعوانه

واصرخ فمابه فوق راسك راس
مافوقك الا الله سبحانه

#أحمد_الماوري

وضع لنا السيد حسين الساس
واحنا علينا إكمال بنيانه

أمة وسط من راسها للساس
تزلزل الطاغوت واركانه

#أبورواسي_أرحب

رفع البراءه للولاء مقياس
لمن سبيل الله ميدانه

أصرخ بباس الجّر والترباس
ياشعب متسلح بأيمانه

#ضيف_الله_سلمان

زلزِل بها الامريكي الخناس
واكشف بها مكره وطغيانه..

نكّل بها راس الشقا والساس
وانسف بها صهيون وكيانه

#يعقوب_الخمري

صرخة مداها يحبس الأنفاس
يخضِع لها التاريخ ميزانه

يسمع صداها جنها والناس
قد صابت الأعداء بمجنانه

#ابوليث_المحضار

اعوذ بالله من شرور الناس
صهيوبريطان ومريكانه..

عوذب بصرخه تطرد الدساس
وتعيد للاسلام ميدانه..

#عماد_قيرح

من كّبر الله لا يخاف الناس
ومن وثق به عز من شانه

والموت للكفّار وبين اقواس
(النصر للإسلام واركانه)

#الشاعر_فرحان_السلامي

ضربه شديد من شديد الباس
تــرصــدت للشــر و اخـــوانـه

نيـرانهـا مـا تطحـن الا الـراس
بفضـــل رب الملـك سبحـانــه

#خليل_قابيل

هذا شعار القايد النبراس
حسين بدرالدين واخوانه

با اعماقنا تاثيره الحساس
نزداد عزة شان مــن شانه

#فارس_المعزبي

اصرُخ ولا تسمع ملوك الكـاس
الـــدّان لا يستوقِـف الـدانــه

اِقصِف بصوتك ماورا تكساس
وما بجوف اَحفاد مرجانــه

#أبوإسماعيل_الجابري

الله اكبر حيدها ملاس
تنكل الطاغي بطغيانه

تثمر رجال العز والنوماس
ويموت منها أحفاد مرجانه

#خالد_البصيري

ما دمت أنا و الحق في متراس
وعــارف البـاطــــل وعنـوانه

من هو مع الله ما يخاف الناس
مـرفوع راسه راسـخ ايمانه

#صالح_النقيب

نصرخ مع الله ماجينا ياس
في وجه المريكي وشيطانه

في راس الفعئ باندق الفأس
والقدس نلعن جد من خانه

#ابومالك_الكوماني

صرخة تجلت في زمان اليأس
اغاظت الشيطان واعوانه

طوفانها في لندن وتكساس
وإبليس غارق فيه لا اذانه

#الشاعر_نضال_حُميد

صرخه لها موقف قوي حساس
في وجهه الامريكي وشيطانه

لوقد صرخ محمود بن عباس
ماعد يهودي وسط ديوانه

ـ ‎#ابوشوامخ_الوعل

‏كمن مجاهد حيدري نبراس
يصرخ وكشر في الوغى أسنانه

واحبال لعداء اتخلبست خلباس
واتعقدت غانه على غانه

#الشاعر_متاش

صرخة حسين البدر والعباس
اقوى من الصاروخ والدانه

وصل صداها اليوم لاتكساس
من هدي ربي وقرآنه

#ذوالفقار_سفيان

الصرخه امست منعطف حساس
تحاصر الأعداء بزنزانه

جـابـت لامـريكا اللـعـينـه يـاس
وزلزلت صهيون واعوانه

#نورالدين_المقاتلي

الصـرخة العـظـمى لنا متراس
من العـــــدو واهـــله وأعوانه

مضمونها للصهيــــــنه أقواس
تقضي علــــــــى شره وعدوانه

#أبوصياد_الغمري

صرخة بها عـــــز البشر والناس
من يصـــــرخ إ بها يعتلي شانه

أغنت يمنّــــــا من ورى الإفلاس
هي من حمت شعبي ومن صانه

#أبوحـاتـم_عــكــه

اللَّٰهُ أكـبـر عـرَّت الأنـجــاس
ومــيَّــزَت كُــلاً وإيــمــانــه

بها عـرفنامن مـع تِكـسـاس
ومن مع الرَّحـمٰـن سُـبـحانه

#ابتسام_شرف_المحطوري

صرخة بِتحرَق كلها الأنجاس
وتهز الامريكي وأعوانه

بمفعولها بايوصلوا إفلاس
من عاش ذكر  قوة اذعانه

#عدنان_جحوح

اصرخ ولو إنك وسط تكساس
ولا بواشطن وأكرانه

شعاركَ الأغلى من الألماس
صوته يحطم كل زنانه

#عبدالعزيز_الغرباني

هتف بها السيد عريق الساس
سبط النبي ربي رفع شانه

اشمخ بها ياالشامخ القرناس
يرتـج منها الكون باركانه

#محمد_ابوالعز

الله اكبر بلغـــوا تكساس
شــــعارنا واضح بعنوانه

حجه على جنها و الناس
ايه لاهل الارض طنـــانه

#الكرار_المشراقي

كمن يماني حيدري نـبراس
زلزل عروش البغي وعــوانه

صرخ بوجه انذل واحقر ناس
وداس الامريكـان وكــيانه

#ابو_هادي_الغمري

السيـــــد القائـــد عليهم داس
بصرخته فـــــي وسط ميدانه

كنه ضرب عنق العدو والراس
ولا غرز فـــــــــي قلبه اسنانه

#جميل_ابوقاسم

شعب الكرامة مرجله نوماس
صرخ معا قايد رفع شأنه

اليوم ياالقسام قل لحماس
احنا لكم مدفع معا الدانه

#ابوعلي_مبخوت

صرخه قويه مثل حد الفاس
تزعج بني صهيون وعوانه

وتزعل الأوباش والأنجاس
يعجم ولاينطق بلسانه

#أحمد_عبدالرحمن_الظمين

حسين بالصرخة قهر الانجاس
وقالها من صدق إيمانه

والله جعل فيها هدئ للناس
ومن رفعها يرتفع شأنه

#ابوكنعان_الروس

رفعة حمية أباء نوماس
من هدي ربي وقرأنه

ذي هو مريض منها حساس
يصعق ويقرح من ازغانه

#ابوهادي_عقاب

صرخه قويه زلزلت تكساس
وارعبت صهيون وكيانه

وبعد عقدين اصبح لها باس
صاروخ ومسير وترسانه

#ابوفتح_الاشول

نعرف بها من يشتغل وسواس
ذي يخدم الشيطان و أعوانه

تقطع شعور الكفر والأنفاس
تكسر غروره تهدم اركانه

#أبوحسين_العصري

عمِّر سلاحك و افتح الجلَّاس
على الأعادي طبّق ألحانه

وبصرخة الأحرار يا نبراس
با نغسل البهتان و أدرانه

https://t.me/Poetsanalogous

شعبنا لله قد صار عاشق
للهداية و السبيل المنير

با يخفض للمهور المسابق
في رضى الله القوي القدير

والمنافق با يضلي منااافق
في رضى الشيطان مخلص جدير

#ذوالفقار_سفيان

العرس هذا جمع كل ضايق
من رجل محتاج ولا فقير

شال هذا الهم من كل عاتق
واتجه لاسعاد قلب الضرير

الزكاه اليوم له زرع باسق
حسب شرع الله صارت تسير

#ابواياد_المطري

عرس لا يوجد أمامه مطابق
فوق تسعه ألف حشدٌ غفيـر

التفاعل في جميع المنـاطـق
بالـــمهـور اللائـقــه بالـفــقير

زوجو ياشــعبنا كل ضـايـــق
واسـعـدو قلبه بشـيـئً يسير

#أسـامـة_المـعبـاء

عرس خلى الكون بسعد ناطق
ومن زكاة المال هو بايــصير

وبانــسمع غــربها والمشــارق
والتحــالف مع رعـات البعير

إن اليمن اتولت انسان صادق
ذي قــادها للآنتصــار الكـبير

#الشاعر_بشير_الشامي

زوجوا عزبان كل المناطق
كل من جاهد وعد الكثير

من زكاة المال نفعل فوارق
بين سابقنا وبين الاخير

يسلم اللى قد دفعها مصادق
عند ابونشطان شكراً جزير

#فايز_الحمزي

احتزمنا بالجعب والمحازق
واتحدنا في الزمان الخطير

رغم كيد الكايدين والعوايق
قافلتنا للمعالي تسير

يلزم الصمت كل فاسق وناعق
لن يعيقوا للزفاف الكبير

#الشاعر_عمر_الأهدل

عرس تسعه الاف خلا المنافق
قال ليش العرس هذا الكبير

شعبنا اليوم محاصَر وضايق
اطعموا الشعب هذا الفقير

قد فهمنا كل مُرجِف وناعِق
والف مبروك عرس ماله نظير

#جميل_الجنيد

الزكاة هيئة لها خير سابق
يَسّرت ما كان عائق عسير

فتّحَتْ للغارمين المغالق
وانتفع في الناس كم من فقير

في مشاريع الزواج سيل دافق
وافشلت عدوان آثم حقير

#حمد_الكبسي_الوايلي

الــحـقايق بايـنه والفـوارق
يامـفاسد مال ابــوها نضير

الزكاه اليوم في وضع لايق
والــمصارف اعطيت للفقير

بانقيم اعــراسنا ونت حانق
يامشغل صفحتك مستجير

#محمد_الحضري

انطلقنا رافعين البيارق
في رضا الله العلي القدير

حقق العرس الجماعي حقايق
واليمن شب النكف والنفير

والعدو نسقيه خارق وخارق
منها كل الجماجم تطير

#ابوهادي_صيفان

والفقير اصبح غني في المناطق
لبس واحد والمخطط بصير

تسعه الاف وعادبه عرس لاحق
قايد الثوره ابونا الكبير

عمة الفرحه وفي جمع ساحق
زعردي ياكل اسرة فقييير

#ابتسام_شرف_المحطوري

فرحةالمحتاج حزن المنافق
شيئ واضح ياكُراع البعير

كل منا بــالــزكاة بايسابــق
وارحموا من في ثراكم ضرير

نستر العزبان مابه عـوايــق
والعوايق في تولي الحمير

#أبورازح_القعود

لاتضايق ياعدو لاتضايق
او تحاكي نفسك انك خطير

اليماني كالجبال الشواهق
والبنادق صاحيه والضمير

والتحالف كل يوم في حرايق
وابن سلمان عاده الا صغير

#ابوالكرار_المجنحي

اليمن معروف سابق ولاحق
با الحميه والشرف والضمير

ما تعيقه في طموحه عوايق
دايمآ نحو المعالي يسير

زمجري واتزملي يا بنادق
في عرس مجموع ما له نضير

#الشاعر_ابوحيدر_عامر

والفرح ذل يوم له ألف بارق
في سمانا غاض حتى السفير

والفساد من عرسنا صار زاهق
والقلق عم الكيان الحقير

عرسنا عرسين والكفر حارق
والمنافق طاح ماله مجير

#ابوهاجس_موكل_رداع

ياالحيود الراسيات الشواهق.
اين ماسارالمسيّر نسير.

للحقيقه والحقائق حقائق
والحقيقه ظاهره في الاخير

مانخون العهد ولاالوثائق.
والكبير الله محدكبير

.#ابـومـازن_الـرازحـي

صار مجهود المزكين باسق
وانقذو وضع الشباب الخطير

مثل هذا العرس ينتج،فيالق
ما لها فوق البسيطه نظير

ويلكم ياكل طاغي وسارق
نحوكم، يوم النهايه يسير

#ابوناصح_العزي

رغم انف المرتزق والمنافق
الفرح عند الكبير والصغير

شعبنا ينفق وبالله واثق
شعب ما يقعد بوقت النفير

باقي الا المهر ماهوش عايق
بالتعاون بين اخي والصهير

#عبدالخالق_الحداد

في فرحهم كلنا بانسابق
لجل نسعد كل منهو فقير

والذي مابا يزكي منافق
مامعه ذمه ولابه ضمير

#الكرار_المشراقي

زف تسعه الف انجازخارق
ماحصل مثله ولا له نظير

يايمن لايمان للمجد عانق
وفتــخربقيادتك وستـنير

شعبنا باللــه ولاآل واثــق
بلغ الـخاين وقل للاميــر

#_الشاعر_رامي_احمد_السوداني

اشهد ان الخير في الناس دافق
انظرو ما في بلادي يصير

يا قوى العدوان ياكل دانق
وضعكم مثل الحمار القصير

يمتطي ظهره صغير او مراهق
يوم عيده لا عطيتاه شعير

#ابوكنعان_الروس

الفرح غطى جميع الفوارق
والتهاني جات عبر الأثير

ندعو العالم يشرف يسابق
مرحبا اهلا كبيرهم والصغير

المكان صالة السبعين طابق
اامام ابوفضل الشهيد المشير

#ابوثابت_المجنحي

رغم صكات الزمن والعوائق
شعبناء مؤمن بواحد كبير

في رضاء الباري فيالق فيالق
يحفضو حق الإخاء والجوير

قد لهم فل وقت عدت سوابق
ونشدو عنهم حلول الغدير

#يعقوب_الخمري

بالزكـــاة نفـتح جمــيع المــناطــق
ذي تبــقت في الجــنوب الأســير

إنفـــقوا مــن مال رب الفــوالــق
لحـــدا يبـــخل على اللــي فقــير