وعد الأخرة

طوفان الاقصى بإذن ربي منتصر
والوعد وعد الأخرة بالإختصار

وجيش إسرائيل بالله انكسر
وما بقي في جيشهم غير الدمار

والحمد للة القوي مولى البشر
ذي أيد انصاره على فك الحصار

لي دمر إسرائيل والقاها كسر
من بعد ما لاذ اليهودي بالفرار

واليوم يوم الفتح للقدس الأغر
ونحو الاقصى اليوم حددنا المسار

تحريرها واجب لكل انسان حر
ومن تركها عاش في ذله وعار

هاذة قضية شعبنا منذ الصغر
ابحث في التاريخ واسأل للكبار

من يوم ما كانو يرامو بالحجر
اجسادنا للقدس سورة والجدار

لبحر الاحمر يا يهودي لك خطر
قرارنا واضح ولا غيرة قرار

الحق حصص حين ما الباطل ضهر
وبانت الأحداث وابتان الستار

واتحققت في القدس ايات وسور
واتجلت الأيات وشفناها جهار

السيد القايد مع الاقصى ضهر
واحنا جنودة وين ماهبّا وسار

في يوم حكام العرب في منحدر
الى جهنم يصْتلو بئس القرار

#الشاعر_حسين_المستكا

( تبقى مواقفنا مع الأقصى)

البحر الاحمر على صهيون كالنار السموم
وشد غيضة يلتهم كل السفن مثل الحميم

لو تلعب إسرئيل في بحر اليمن ولّا تدوم
يمين رب الكون لا نجعل ابوها كالصريم

تسأل علينا الترك والاحباش من قبل القدوم
ماقد دخل غازي الى ارض اليمن روح سليم

هذه نصيحتنا وفرصتهم واذا يشتو نقوم
إحنا رجال الحرب واحنا مقبرتهم من قديم

با ننصر الاقصى الى يوم القيامة باتقوم
ما بانخاف احد ولانخشى سوى الله العظيم

لو يضربونا ذرية او يضربو اليورانيوم
تبقى مواقفنا مع الأقصى ولو ذقنا الأليم

با اقولها كلمة ولإسرائيل وامريكا عموم
واخصها للصهينة بحر اليمن ماهو سليم

كتايب القسام نكلكم وكم داسو خشوم
ما بالكم لا جاء يماني حر يلهمكم لهيم

لاالناطق الرسمي نطق بانسمع اخبار وعلوم
تشفي صدور المؤمنين وتْعزْ انصار الرحيم

والوعد وعد الأخرة ما عاد لإسرائيل يوم
فالقدس بعد اليوم هذا الصهينة مابا تقيم

#الشاعر_حسين_المستكا
لستم وحدكم

بانستمر للقدس ويزحف من زحف
لو حاصرونا ما نجد  حق  الرغيف

#الشاعر_ابوفضل_المتوكل

قد بين الخافي وخاينها انكشف
واتكاشقت اوراق عباد الصليف

حاشى نقف والقدس من كبده نزف
نفنى ولا نقبل على القدس الشريف

#ابوعاقل_المنبهي

من اجل غزه والدم اللي قدنزف
يالعن ابو من عاد له موقف ضعيف

لوبه طريق إن اليمن كله زحف
شباب والشايب ولعرج والكفيف

#ابتسام_شرف_المحطوري

رجال عزة  من يواجهها اعترف
انه ذليل ومحتقر اخرص كفيف

وبإذن ربي من طرفنا لا الطرف
بانفتتح الاقصى بقايدنا المنيف

#ابواياد_المطري

بالنصر للإسلام جينا صف صف
والموت لامريكا وصهيون السخيف

يا غزه احنا الكف واصحاب النكف
ذي عذب اسرائيل بـ "الشغل النظيف"

#عزيز_محمد_البروي

لا بد ما ينزف كما غزه نزف
ويذوق طعم المر ويجيه النزيف

من بعد ما نقصف ونضربهم نصف
اعدا فلسطين اليهودي والحليف

#محمد_الزكري

شعب اليمن لاشي مواقف ماوقف
يا سعد قلبه لا سمع حاجه تخيف

احنا لهاا ياقدس لو شعبك نززف
با نجعل المحتل باالضربه نزيف

#اسامه_الزيلعي

في نصرة الاقصى وغزه ماوقف
يدين يتفرج على القصف العنيف

شعب اليمن بالعزم قد لبى النكف
نفير وستنفار كالسيل المخيف

#حمد_الكبسي_الوايلي

نعاهدك با الله ياقدس الشرف
ما نختلف ولا لنا موقف ضعيف

شعب اليمن رتب صفوفه صف صف
من أجل غزه يبذل الجهد الكثيف

#ابو_صماد_الفليتي

الدم في( غــــّــــزة )من الباغي نزف..
من جرم اسرائيل والحلف الضعيف..

لبيك( ياغـزة) يمــــّــــــــــنا قد هتف..
من ساحة السـبعين للقدس الشريف..

#أسـامـة_المـعبـاء

حلف يمن لايمان يالاقصى حلف
لابد ما تصبح من الاعداء نظيف

طوفــاننا عابر وعـاده ماوقف
ومابا يوقف غير بالنصـر المنيف

#ابومختار_الزايدي

ياساعدي والكف لا شب النكف
في وقتها ماتختلف بمدن وريف

اهل اليمن في صف واحد لا زحف
يلقو القوي من وقعهم يبقى ضعيف

#ابومجاهد_الغمري

والله لو نحــــــــــرق و نتّف نتف
والا نعيش بجوعنا فوق الرصيف

إنّا معه ولنا الشرف فوق الشرف
يا دولة البعـران ابونخله وسـيف

#الشاعر_متاش

خلاصة الموضوع في هذا الملف
نهاية إسرائيل بالحد النظيف

ياخير أمة شعبنا شب النكف
لا للسكوت والذل والصمت المخيف

#هيثم_النعم

مايلـمـع البـرقاء ومـا سيـلـه زغـف..
من كل قمـه واعتـلا راس القنيـف..

يعيـش ابو جبريــل شبـاب النكـف..
وعاشت انصاره مع الشعب الحليف..

#الأشتر_هادي_الرزامي

شعب اليمن وافي لوعده لا حلف
إن يسري الأقصى فبا يوصل منيف

يضرب ويقصف من على غزه قصف
شعب اليمن قادم وقايدنا الشريف

#ابوزينب_فارع

غزة وصنعاء الهدف نفس الهدف
في حربهم يتقاسمو حتى الرغيف

لاعز الا لاوقفنا كلنا صف بصف
ونعيد قبلتنا واقصانا الشريف

#كيان_راويه

كـل اليـمن اقـسـم وبلـله قد حلف
ما يترك الاقصى لمستعمر سخيف

مـازال بـه احـرار و مـازال الشرف
لان الـيـمن كـله مـع شعـبه شـريف

عـاد الـحـميه فـي دمـانا مــا نـزف
والـعـنف والايـمان والدين الحنيف

#ابواسلام_الجوف

نكف يمنا من طرفها لطرف
بأمر رباني في الدين الحليف

بانجبر الي ماعترف إن يعترف...
بأن فلسطين للفلسطيني الشريف

#الشاعر_حسين_المستكا

الشعب جاهز جنب الأقصى بايقف
الحرب عند الشعب هذا ماتخيف

لو يشعلوها من طرفها لا الطرف
تبقا مواقفهم مع القدس الشريف

#مقبل_العماري

شعب اليمن وحده مع الاقصى وقف
مؤمن مجاهد قرم ما يخشى المخيف

من اجل دين اللــــــــــه لو نبقى نتف
ماهمنا امريكا ولي ربـــــــــــي حليف

#أبوصخر_الجوحمي

وقوفنا في خط الاقصى هوشرف
ودين ومرؤه ولو ناكل خسيف

اتوحد الاحرار. في غزه. بصف
واتساقط الاعداء كاوراق الخريف

#ابـومـازن_الـرازحـي

فينا الإباء ممتد من مولى النجف
واحنافدا المظلوم والدين الحنيف

لا للتراجـع والـوهـن، لا للضعف
على طريق القدس لونبقى صعيف

#ابوفتح_الجرادي

صنعاء فلسطين بيروت النجف
اخوة من الدم والدين الحنيـف

بنيان مرصوص للأقصى وصف
واحد على الكفر شدّه يالطيــف

#ماجد_المطري

يا للأســــــف يا للأســــف يا للأســــف
حــال الـعـرب مـزري ومـوقفهم ضعيف

الا انت وحـــدك يـايـمـن نلت الـشــرف
في موقفك شـامـخ كمـا الطـود المُنيف

ياشعب بالحكــمـه لــه الصــادق وصف
ولا لـكُـم في الـبـأس والحكمـه وصيف

#ابو_محمد_دحان

احنا العرب لقحاح حميان الشرف
على مبادي دين الاسلام الحنيف

تحرير الاقصى عندنا غايه وشف
ابشر بنا جيناك يا القدس الشريف

#هادي_حسين_الرزامي

أحنا على مبدأ سلفنا والخلف
والقدس من محتلها تبقى نظيف

لو بانجاهد بالجنابي والوظف
مابانخلي أي مستعمر سخيف

#ابومحمد_سحار

لبيه ياغزه ويلعن من وقف
ماينصرك في وقت ذالقصف العنيف

اهل اليمن كامل فداكم من طرف
الكل متظامن قويه والضعيف

#ابونكال_سليمان

لبيك ابوجبريل يعصف من عصف
مانتركك لو يقطع عنا الرغيف

لبيك يد بيد نقصف من قصف
غزه ونحو القدس مسرانا الشريف

تابع المجاراة بعنوان أستمرارنا وجهوزيتنا لمواجهة العدو والتصدي له في كل المراحل وتمسكنا بقضيتنا الأساسية القدس الشريف.

البداية للشهيد #عبدالمحسن_النمري

‏لو الدنيا مدافع كلها والارض دبابات
ومن فوق السماء مبني غمامه صف طيارات

وموج البحر فوق الماء سُفن تضرب وغواصات
نواجه مستحيل انانخلي القدس ياعيباه

#ناجي_صالح_ابوردوم

شعارالموت لامريكاصرخنابه في الساحات..
وجسدناه في الواقع وطبقناه في الجبهات..

ووجهنالإسرائيل مناقاسي الضربات..
وماغزةتلقت ياالكيان الغاصب اتلقاه..

#الشاعر_حربي_اليتيم

فلا نخشى نتنياهو ولانخشى لتهديدات
ولو يجمع قوى العالم ويحشد فوقنا الغارات

مهما اتغطرس الامريك ولاينوى الحيلات
عيون الشعب للاقصى ولايمكن ابد ننساه

#ابوعلي_مبخوت

الا يالله تخارجنا من التقصير والزلات
ووفقنالنصرة قدسنا في كامل الأوقات

وهيهات ان يخوفنا تحالف معتدي هيهات
ولايمكن نفلت قدسنا ومستحيل ننساه

#ابوزيد_الزبدي

مدام الزحف متواصل على غزه بدبابات
قسم بالله مانسكت ونتفرج على الغارات

ومهما تحشد أمريكا علينا الف غواصات
فلايمكن نبيع القدس للمحتل ياعيباه

#الشاعر_ابوذر_الشعف

وهيهات التراجع والمذله والخنا هيهات
وبانبذل من اجل القدس انفسنا بلا رجعات

قسم بالله مانرتد ونرجع للورا خطوات
يحيا القدس وانفسنا لمسراء النبي تفداه

#عماد_دايل_العماري

لو اتحالف علينا مثل ذا العالم غدر مرات
سوا فا البر او فالبحر او فا الجو لا هيهات

معا الأقصى معا غزه معك ياقدس ضد ايلات
ويا ويله من اتحالف على شعب اليمن ويلاه

#حيدر_الشرادي

سلام الله على السيد سلام الله على القوات.
بفضل الله يالأقصى بجوفك نرفع الرايات..

ونهتف داخلك ياقدس باقوى واوضح الصرخات
وفي ضل العلم ننسى ضروف الوضع ذي عشناه.

#الشاعر_حسين_المستكا

ولو تصبح سمانا والأراضي كلها غارات
وتفني كل بقعة في اليمن بانواع طيارات

وتقصفنا وتضربنا وتفعل في اليمن هدات
مع الأقصى مع الأقصى وكل ارواحنا تفداه

#ابوطه_المهذري

قسم ماننحي لعدائناونوطي الهامات
ولا نركع لغيرالله هو من انزل الايات

ولاأتخلا عن الاقصا باقلامي وبالغارات
على صهيون أمريكي دمانا دايمه تفداه

#محمد_الروضي

يمين الله لو تحشد ملايين فوق شبابات
ونار تحرق مبا نينا قطع واشلاء وسيارات

وكل الارض من تحتي تتفجر على الزلات
فمانترك مبادئنا ولا الاقصى ولا طيــــباه

#أبو_علي_عركم

قسم بالله مانخضع ولابانحني الهامات
ولو تمطر سماها فوقنا صواريخ وامطرت دانات

#إتحاد_الشعراء_والمنشدين

https://t.me/aboyahyaalshami

اذا اتحالف علينا الكون والعالم مواجهنا
توكلنا على الرحمان رب الكون سبحانة

ولو قامت مية دولة ومن ما جا تحدانا
تحديناه ما نخشاه فلا قد جا بطغيانة

ورب الكون لو تزحف علينا كل أعدانا
فموقفنا مع الأقصى ولن نرضى بنسيانة

تحاربنا دول عضمى يجينا كيف ما جانا
تجي صهيون وامريكا تجي بالفين ترسانة

تجينا بحر جيناها تجي في البر تلقانا
تجي بجيوشها الكبرى وبالإسطول واركانة

مواقفنا مواقفنا مع غزة وأقصانا
ولن يتغير الموقف وكلن يفتح آاذانة

مع إبن البدر بانسرح مع ابن البدر ممشانا
في الغدرى في الصحرى وكلن يبرز إيمانة

إلى الأقصى توجهنا ونحو القدس مسرانا
وبا نفزع مع غزة ونبعد كل أحزانة

#الشاعر_حسين_المستكا

وأصلو دام ربــــــــــي مدكم
واليمن هو لكــم دايم عضيد

مااليهــــــــــود الهزيله ندكـم
جيشهم صار بإذن الله شريد

#أخت_شهداء_البكالي

يافلسطين شدو عزمكم
دمنا واحد وشرياني بريد

كلنا طوفان واحنا جنبكم
لوتوافدنا شهيد تلوالشهيد

#زياد_زيد

ليت والله واحنـا عندكم
ثابتين في المتارس والخديد

في الميادين لستم وحدكم
كلنا صف في هذا الصعيد

#ابوكنعان_الروس

انتو الضهر وحنا رزحكم
لا الجريح منكم فحنا الشهيد

طالما الكون كله ضدكم
اليمن جنبكم شامخ عنيد

#محمد_الزكري

ارفعو لله وحده يدكم
والمدد واصال من رب العبيد

قوه الله بااتعزز جندكم
مثل ماعزز الؤلبئس الشديد

#الشاعر_ماجد_غانم

منبع الاجرام ماهوه ندكم
قد لفاه الياس وهمتكم حديد

هكذا ربي بمده مدكم
مدكم بنصار (الو) باس شديد

#ابوقفري_الرعادي

ياحماس عظم الله اجركم
والتراحيم علا روح الشهيد

والعدو ذي قتل قاداتكم
اجتثاثه هو الحل الوحيد

#ابوعلي_مبخوت

لامثلكم ولاحد ندكم
في الشجاعه وفي القول السديد

كل يومين وحنا عندكم
والمسير يقرب للبعيد

#ابوعاقل_المنبهي

يافلسطين مشروعنا مشروعكم
والهدف فتح لأقصى من جديد

نسأل الله يجمعنا بكم
في سبيله وفي ركب الشهيد

#أسـامـة_المـعبـاء

خاب صهيون وافلح سعيكم
جل سبحان مولانا الحميد

غد بالفتح نوصل عندكم
وصوت صرخاتنا ترعد رعيد

#هيثم_المعنقي

في لقاء الهول نسري حدكم
نضرب أم الكباير لو بعيد

شعبنا جــاء بجهد مدكم
شعب للحق من ماضي تليد

#الشاعر_عصام_المقذّل

والقسم لوحدنا في حدكم
مانتضرناربع ساعه للبعيد

اليمن ياقدس عززردكم
قاتلو كل شيطاناً مَريد

#حربي_اليتيم

عهد الانصار والا عهدكم
فوق الامريك نعصدهم عصيد

يافلسطين علا مجدكم
اضربوهم بضربة من حديد

#جميل_الجنيد

جيشنا والشعب كله درعكم
ما نفلتكم الى يوم الوعيد

اطمئنوا..... دَمّنا من دمكم
صادقين الفعل والباري شهيد

#احمد_عبدالله_زيد

اليهودي عجز في صدكم
احترق وسط شبكه والحديد

يالمريكان مهما ردكم
القضية بدمي والوريد

#ابوطه_المهذري

شعب الايمان دايم مدكم
بر والبحر لعداكم يبيد

اعتبر جيشنا هو جندكم
بضرب الامركه بيدمن حديد

#سياف_الضبيبي

طالــــــما مجــــــــدنا من مجدكم
نضرب الخصم ضربة من حــديد

اليـــــــــمن قال لســـتم وحدكم
وبحرنـــــــا قالها هل مـــن مزيد

#الشاعر_حسين_المستكا

با نجي كلنا لا عندكم
يافلسطين واحنالش سنيد

شعب الايمن فالبحر ايدكم
والقضية بتجري في الوريد

#عماد_دايل_العماري

يا فلسطين حـنّـا جـنـبكم
بعد مولى البشر رب العبيد

دمّـنـا لـه صلـه فـي دمـكـم
مختلط في العـروق او فا الوريد

#ابوريسان_عبدالغني_سعدان

شعبنا واقف امانه ضدكم
ياعيال ابليس ياكمن عبيد

يافلسطين حقنا هو حقكم
والقضيه راسخه هي بلوريد

#مناع_شريم

يد شعب اليمن هيه يدكم 
اصرخوا باالشعار ياكل جيد

اسئل الله يثبت جندكم
الجهاد نصر الاقصى والشهيد

#الشاعر_متاش

يشهد الله وحده أنكم
ساكنين في حشانا والوريد

لو ننال الشهادة دونكم
كلنا مستحيل إنا نحيد

#شبل_الحدا_فلاح

ياهل غزة احنا جنبكم
سوف نضرب بايدي من حديد

بانقاتل من هو ضدكم
بانصيد اليهودي بانصيد

#الشاعر_عزيز_البروي

سعدنا يا فلسطين سعدكم
اليمن عانق الاقصى السعيد

ليت والله وحنا عندكم
صف واحد نقاتل لن نحيد

#الشاعر_بشير_الشامي

يافلسطين حنا جندكم
والقسم مننا مابا نحيد

افعلوا فاليهودي جهدكم
والسند شعبنا هذا اكيد

#ابومحمد_سحار

يافلسطين صنعا جنبكم
واليمن والله انا مانحيد

قبح الله من هو جاركم
مايشارك ولاخوانه يفيد

#ابو_اسحاق_الجوف

يالفلسطينين احنا زندكم
والظهر والمفاصل والعضيد

شوق لنصار انها عندكم
اشغاميم هل الباس الشديد

#ابوصالح_حسين_البداي

يافلسطين لاعد ودكم
ساحة الشرق نعصدها عصيد

ود صنعاتقبل يدكم
يارجال البساله والحديد

#عبدالقوي_البطل

أبذلوا كل مافي جهدكم
وأضربو بالنار أبتهم والحديد

وأبشروا قال اليمن في رفدكم
عن مدّكم مابايوقف أويحيد

#محمد_رطاس

جدنا يافلسطين جدكم
والوريد للدماء نفس الوريد

والذي ضرنا هو ضركم
المدبر وذي جاب الرصيد

#ابوعبدالملك_الغولي

يارجال العز لله دركم
واصلو وتقدمو ياكل جيد

يدنا دايم ترافق يدكم
بانجسد للعدو معنا الوعيد

#بدر_القيش

بالدماء وارواحنا بانفدكم
عزمنا مشتد والهمه حديد

برقنايزقع بحنت رعدكم
بانجدد عهدنا الماضي التليد

#ابوجهاد_الجولبي

يا فلسطين شــدوا عزمكم
واستعينوا بذو العرش المجيد

واعلموا انــنا عــونن لـكـم
لــن نساوم عادكم او نحيد

#نصر الشبواني

ياويلـَكم من باسـنا ياويـكم
اهوال منـها باتذوب الحديد

إحنا مـع غـزة نـدور وينـكم
بالبحر الاحمرالعذاب الشديد

#ناجي_القعود

شعبنا كله مجند لجلكم
والمنايا هي لنا فرحة وعيد

شوقنا خوض المعارك جنبكم
نمسح إسرائيل مسحه من جديد

#ابوبدر_فرح

ليت ون اليمن في حدكم
كانت الصهينه راحت بعيد

البداية بداية باتجي بالكثير
والنهايه نهاية باتجي باختصار

والكرامة كرامة و الشهادة مصير
والشهامة شهامة في خضم الكبار

والمسيرة مسيرة نعم سير المسير
في مسار القيادة والمسيرة مسار

وآل بيت الطهارة للهداية تنير
والهداية منارة بآل بيت الخيار

واسمعو للأخيرة من تنبؤ بشير
البشارة من المندب وخير انتصار

با يشوف البشاره الكبير والصغير
والخبر وانتشارة في المخاوالمنار

والعواصف عواصف والسفينه تسير
والزلازل زلازل والمدينة دمار

والقمم في قمامة أسّسوها حمير
والسلام والسلامه بعد فك الحصار

والمدمر دمارة في البحارة مثير
الشرارة شرارة باتطلع شرار

قل لأهل الحقارة والمريك الحقير
با يشاهد دمارة ما لمثلة دمار

في سبيل الكرامة والإله القدير
با نقوم قيامة لاجل غزه قرار

#الشاعر_حسين_المستكا

( نصيحة للمغررين )

من قال قول الحق بالصوت الرفيع
في وجه أهل الجور كان الله معه

هاذي نصيحة للمغرر لا يضيع
من قبل ما يلقى معاهم مصرعه

الحق حصحص للبصير وللسميع
والشر ضاهر والحقايق مقنعه

تحرير الأقصى ذي يريدوه الجميع
ذي مااعجبه تحريرها وش عدمعه

فرصه أخيره للمغرر لا تضيع
ما بعدها والله ما احد يسمعه

ما با يلاقي خير او يلقى شفيع
الموت ساعة والقيامة مسرعة

سفينة آل البيت منجاة الجميع
يا كل من شاف السفينه يطلعه

قبطانها ابن البدر ذي قدره رفيع
وتحت أمره في المسيرة نتبعه

شراعها الصرخة وساريها السريع
تقدم بلا رجعه متى هي مقلعه

#الشاعر_حسين_المستكا

قرين الهدى والذكر والحق والإيمان
حسين الإباء عنوان دستورنا الكامل

صدع من ربى مران يواجه قوى الطغيان
بناء قوم ماتخشى قوى الشر والباطل

تبرى صرخ بالموتْ لإسرائيل وامريكان
مع فتيته في الكهف كلن بها قائل

وواجه ذيول الشر فالسُهُل والوديان
بقله قليله مؤمنة حاربُ و قاتل

حسين الذي أسس مسيرة هدى وايمان
صنع لليمن قوة تواجة بها الباطل

حسين الذي قدم للامه من القرآن
ملازم هدى للناس منهاج متكامل

حسين الذي بين حقايق لها برهان
وصحح ثقافتنا ثقافه هدى كامل

وما الفرق من ألفين واثنين حتى الآن
صنعها حسين البدر للحاضر وللآجل

وما زال فضله بالهدايه لنا عنوان
وبا يصبح المنهاج منهاجة الشامل

وبا نطبع الصرخة على أجدُر البلدان
وترفع أمام الناس وكلاً بها قائل

وآخيراً وجب نحمد عظيم الرجا الرحمان
بنعمة منار الآل والقائد الفاضل

#الشاعر_حسين_المستكا

#القادم_اعظم

الكون بالنار يسعر
والأرض بالغيض حمرى

والبحر الابيض والاحمر
أخطار واهوال كبرى

والصالح الموت الاحمر
والهندي أيام غبرا
والقادم أعظم وأكبر
من حرب قيصر وكسرى

والسيد القائد اخبر
بكل الاحداث وادرى
نصح وأنذر وحذر
جيوش الأعدا وأبرى

والشعب جنبه تعسكر
رجال بالعزه أحرى

وبصرخة الله أكبر
الشعب كله تبرا

من من طغى أو تجبر
يلاقي الموته اعرا
في حرب تفني قوى الشر
قتلى وجرحى وأسرى

#الشاعر_حسين_المستكا