تابع المجاراة بعنوان رسالة شعب اليمن لدول العدوان ومجلس الأمن ان ينفذو مطالب الشعب اليمني وقيادته او لن ينعمو بالسلام نفذ الصبر .

البدايه #الشاعر_ابوحيدر_عامر

نفذ بنود السلم يابن سلمان
ولا اعتبر عرشك وراسك قارح

وحده من الثنتين اختار الان
نهايتك ولا السلام الناجح

كف السلام ممدود وكف الميدان
على الزناد كيل القيادة طافح

والصبر نافذ والقبايل طوفان
والرد في كبد المسير جارح

#ابواحمد_الغفّاري

الخط يُعرف من خلال العنوان
وكل شي في العصر هذا واضح ..

اليوم ياالمهفوف عيد الحسبان
فالحرب غدوه غير حرب البارح ..

قد الكره في ملعبك يالعدوان
سارع ،فكيل الشعب كله طافح ..

ووهم كسب الوقت ممنوع الآن
واسمع ،وشكلك لا تحب الناصح ..

#الشاعر_ابوجهاد_صبر

مِـن مٓنّبـع الحكمه وعـيـن الإيمان
مـن ارض حمير دار (إيل الشارح)

(نبعث) رســالـه عـاجـلـه للعدوان
مضمونها (القاهر) بـراس الصافح

يرضا بِحِمل الجور ذي هو غلطان
يامجلس اليوم(ايش فِعل) البارح

(مطالب)الشعب(اليماني)(لوكان)
(ماكان)في ابسط حقوق إيسامح

#الشاعر_متاش

ياكم صبر شعب اليمن والإيمان
وعشر سنين لليوم وهو بيكافح

على تحالف نجد قرن الشيطان
إن يخضعوا للسلم وهذا واضح

ولا يجي صاروخ (بدر)(وبركان)
و(قدس)(والصماد)عليهم سارح

ويستمر الحرب ننهي الشيطان
يذوق فيها المر علقم مالح

#ابوبدر_ذيبان

راجع بنود السلم اقرا العنوان
وكل شي للتوافق واضح

وقت الهدن ولى والنقاء حان
من ثارنا ياذاك فين انت رايح

و من يعادينا يصبح خسران
وذي يبيع الدين جرمه فادح

لو تحشد العالم بخط النيران
النصر من حق القوي الطامح

#أخت_شهداء_البكالي

رسالة الشعب اليماني مجان
وكلمته مثل البنادق قارح

ياتجنحوا للي طلبنا والآن
والا قسم بالله مااحد سارح

بندك عظمه نحمله بالاكفان
واعلامنا الحربي يوثق واضح

شم الانوف احنا اللظى والبركان
خبر جموع اللي بجيشه فارح

#أبوخارف_ابوشوصاء

لابد مانكسر قرون الشيطان
حتى الملك يصبح مواطن صالح

بعد الوساطة حان دور البركان
والقدس والقاهر عليهم سارح

الشعب كله منتظر للإعلان
الكل جاهز للهجوم الكاسح

أن يجنحو للسلم حسب العنوان
ولا التحالف قد مصيره واضح

#الشاعر_عماد_الهادي

شعب اليمن واثق بقول القران
في حرب ولاسلم سلمان قارح

وكل واحد في بلادي مضموان
هدنه التزم والمعركه بيناطح

الشعب كامل مستعدا من الان
اشتاق قلبي والمسير سارح

حتــــــااا لا امريكاا والا سلمان
مع (ابو جبريل)حربي ناجح

#بشير_سفيان

قال اليمانى ما رضينا الاذعان
كلا ولا نرضا الخضوع بلواضح

اما سلام تسلم جميع البلادان
ويرحل الغزى من ارض سارح

ويبقى اليمن واحد كصف البنيان
سلام شامل ما بنسمع قارح

واذ ارود الحرب جنا الميدان
فشعب من فعل التحالف طافح

#ابوفتح_الجرادي

بلغ ولد زايـــد وبلــغ ســلمـــان
ياشعب ان اليوم غيـر البـــارح

ان تجنــحـو لسـلـم ولا بـركــان
حاضر مراعي منتضر للقــــارح

دارة علا روس المــلـوك العربان
باتسمعـو صراختهم والصايــــح

#أبوحسين_العصري

يا مجلس الأمن اليهودي للأن
لازال حلفك في دمانا سابح

قل للسعودي ذي تولى شيطان
صوت المسيرة با يضلي صادح

مهما اجتمع ضده لفيف العربان
الحق و اهله ف النهاية رابح

صبر اليماني صلب عمره ما لان
والخيل في ميدان عزة جامح

#الشاعر_ابوفتح_الاشول

كلمه من السيّد وجاته مجّان
يسلّموا له في القرار الناجح

وإلا يجمّع له حُطام البركان
من بعد ما ينهي مجال القارح

و مصدر الطاقه مصادر دخُان
والدخل بالدولار يخرج نايح

أما الخلاصه, من تعوّد يهتان
واجب نـهـينه قبل ما نتصالح

#الشاعر_ابورداد_مبارك_الصالح

من ارض تبع والقتب والاوسان
بسم الوطن والشعب قال الصالح

نص البزي من حال خاله هامان
وموقفه في صف خاله ناصح

من لليمن حالم بغزوه خسران
يحرم علئ امه فيه يطلع رابح

هذا اليمن معروف عبر الازمان
منذ القدوم ياتيميه بن ساجح

#ناديه_السقطي

رسالة القائد وشعب الايمان
لسانها عربي ومفهوم واضح

ان مافهم مضمونها ذا العدوان
ومجلس الامن اللئيم الطايح

من ألسنة نار الغضب والنيران
بايفهموا كيل اليماني الطافح

فالبدر والصماد وقدس وبركان
لـ نيوم كلن شوقه اليوم جامح

#ابورعدالله_فهد_الصراري

ياجرج سلمان شوف بطل عــجان
منته على شعب اليمن شـي فالـح

نفذ بنود السـلـــم يابـــن سلمـــان
الشعب من جرمك وضلمك ضابح

شعب اليمن جاهز لـــردع العدوان
هـــذا اليمن ياهيه وينك سـارح

#ابوالكرار_المجنحي

يا نجد يا قرن البلا والشيطان
ذي مثلكم فلحرب ماهو رابح

عوينكم لا ثار صوت البركان
كم باتواجه يا غبي وتكافح

نصيحتي من قبل تصبح خسران
نفذ بنود السلم لا انته جانح

ولا قد اللهين طبيعه يهتان
ما يجزع الا بصميل القارح

#إتحاد_الشعراء_والمنشدين

https://t.me/aboyahyaalshami