القصيدة التي ألقاها #الشاعر_راجح_عامر اليوم في ميدان #السبعين في مسيرة ( مع غزة حتى النصر )

يحق لك يا شعبنا أن تفتخر
أنت الإبا والمجد كله والفخار

يحق لك يا بحرنا تبقى زخِر
وترفع امواجك على كل البحار

حيوا رجال البحرية كمن نمر
منهم يكاد البحر يتبخر غبار

من قوة الله العزيز المقتدر
تملك إذا غاصت مهارة واقتدار

الفرد من قواتها لو يطَّمِر
فاعرف سفينة تأتسر والا انفجار

ينحر أبوها نحر واشكل تِأتسر
نلطف بها وتصير في الساحل مزار

بحر اليمن من أجل غزة يستعر
والله ما يهدأ وعاد الثار ثار

يحرم على اسرائيل من فوقه تمر
وابنا فلسطين الأبية في حصار

غزة تناجي الكون بالدمع الغزر
ما للمشاعر جامدة مثل الحجار؟!

غزة جريحة جرحها ما ينجبر
بالشجب والتنديد واعلان الحوار

اليوم إظهار الضمير المستتر
ما عاد له تقدير الا خزي عار

الاحداث سبورة عليها نختبر
واهل المواقف ينجحوا في الاختبار

واحنا مع فلسطين موقف مستمر
مبدأ قضية دين وبكل اعتبار

رغم العنا نقسم قسم ما نستقر
إعداد قوة تعبئة زحف انتشار

نسري وللجغرافيا بانختصر
من "سورة الإسراء" بقدس وذو الفقار

سبحان من ساق المسير تنتشر
بعزوم من منظومة التسبيح طار

الله شرفنا بقائد لا ذُكر
في الحال يغشى وجه أمريكا اصفرار

أما إذا اتكلم ترى اليوم العسر
أفعال ما هي هنجمة والا هدار

يا العالم المغرور كن منا حذر
واشكل لك اتعامل معانا كالكبار

درس اليمن عن بعد كافي تعتبر
يا كيف لو كان اليمن للقدس جار

لا تحتقر شعب اليمن لا تحتقر
كم يا دول طاحت نتيجة الاحتقار

في "المندب" استندب نفتش وانتظر
أهل اليمين ما يستووا باهل اليسار

نكتب على البطال قف والجيد سر
أمن الملاحة أمننا ليل ونهار

من كان ماشي طالب الله متجر
يسرح ويرجع حر في نفس المسار

واللي مع اسرائيل هو كائن مضر
كله هدف من رأس ماله لا الضمار

ذي ما اعجبه هذا نقله ينتحر
والا براسه دق في عرض الجدار

وان با تبوها عالمية تنتثر
فاحنا لها في البحرِ والا في القفار

فجر وخل الأرض منها تنفجر
حتى نفككها مدن أو دار دار

هاجم تقدم شل واطرح جر جر
احنا تعودنا على خوض الغمار

والمرتزق قل له إذا بعسس يقر
والا يقع في صابره مطراق حار

المعركة كبرى مع شيطان اشر
ما احناش فاضين للشياطين الصغار

بان الخبر ما عاد به في الأمر سر
والشعب ما عاد به على عينه ستار

اليوم وجهة كل قرم وكل حر
تبقى فلسطين القضية والخيار

والعاقبة باننتصر باننتصر
الله وعد قوم الجهاد بالانتصار

ونذكِّر اللي في الشدائد كم سخر
هذي مصاديق الملازم والشعار

#الشاعر_راجح_عامر
#إتحاد_الشعراء_والمنشدين

https://t.me/aboyahyaalshami

المجاراة بعنوان دعوة للحضور غدا في ميدان #السبعين وكل الساحات ردا على العدوان الامريكي البريطاني وقراراتهم الفاشله.

البداية #نشوان_الغولي

انشروا في كل صفحات التواصل.
#مانبالي_مانبالي_مانبالي

با نواصل دعم (غزة) با نواصل.
في سبيل الله نبذل كل غالي.

ما بقى بين (اليمن) و (القدس) فاصل.
حدنا واحد على اخشام الأوالي.

#أبورواسي_أرحب

بانصل غزه علئ برعة وزامل
#مانبالي_مانبالي_مانبالي

بأذن ربي دعمنا كامل وشامل
ضد ليكود اليهود الرآس مالي

والسفن أما غداء خفر السواحل
أوعشاء طربيد في سود الليالي

#ضيف_الله_سلمان

با نقاتل با نقاتل با نقاتل
#مانبالي_مانبالي_مانبالي

والنفير العام في كل المراحل
جاهزية عاليه والسقف عالي..

هكذا كنا ومازلنا الاوائل
والمواقف نفسها فأول وتالي..

المجاراة بعنوان دعوة للحضور غدا في ميدان #السبعين وكل الساحات ردا على العدوان الامريكي البريطاني وقراراتهم الفاشله.

البداية #نشوان_الغولي

انشروا في كل صفحات التواصل.
#مانبالي_مانبالي_مانبالي

با نواصل دعم (غزة) با نواصل.
في سبيل الله نبذل كل غالي.

ما بقى بين (اليمن) و (القدس) فاصل.
حدنا واحد على اخشام الأوالي.

#أبورواسي_أرحب

بانصل غزه علئ برعة وزامل
#مانبالي_مانبالي_مانبالي

بأذن ربي دعمنا كامل وشامل
ضد ليكود اليهود الرآس مالي

والسفن أما غداء خفر السواحل
أوعشاء طربيد في سود الليالي

#ضيف_الله_سلمان

با نقاتل با نقاتل با نقاتل
#مانبالي_مانبالي_مانبالي

والنفير العام في كل المراحل
جاهزية عاليه والسقف عالي..

هكذا كنا ومازلنا الاوائل
والمواقف نفسها فأول وتالي..

#ابوعلي_عبدالله_القاسمي

كل (ماقال) العدو تحصيل حاصل
#مانبالي_مانبالي_مانبالي

شوكة الحنجور واوجاع المفاصل
للعدو في ساحلي والا رمالي

دربنا درب الجهاد الحق واصل
نحمي الحد الجنوبي والشمالي

#محمد_بلابل

شعبناقد قال في كل المحافل
#مانبالي_مانبالي_مانبالي

حلف شذاذ الورَى يشتي يقاتل
جند باعوا نفسهم من ذي الجلالي

جمعوا الأوغاد من خارج وداخل
لجل نحصد كل أذناب الضلالي

#مهدي_مفلح

قالها شعب الميامين المناضل
#مانبالي_مانبالي_مانبالي

في سبيل الله با نمضي قوافل
وانتصار الحق موقفنا المثالي

وما يحولنا عن القران حايل
وابن بدر الدين غالي وابن غالي

والله انا في مساره با نواصل
لو تحملنا مع الحق الجبالي

#مقبل_جرام

دام موقفنا القوي منصف وعادل
‎#مانبالي_مانبالي_ماانبالي

با نواجه زمرة الطاغوت كامل
في سبيل الله نشتاق القتالي

وسيدي يبشر يهب الشعب كامل
صف واحد من جنوبه للشمالي

وسعوا السبعين لجيوش القبايل
يا رجالي يا رجالي يا رجالي

#راجح_عامر

تحشد أمريكا علينا الكون كامل
#مانبالي_مانبالي_مانبالي

في المجالس والمنابر والمحافل
قالها شعب اليمن وبصوت عالي

واثقين بالله في كل المراحل
ما تغيرنا شدائد أو ثقالِ

#محمد_كرشان

اللجان والجيش ردد والقبايل
#مانبالي_مانبالي_مانبالي

منع ابتكم منع ياخولان طايل
دم غزة دمنا والعرض غالي

من غفل بكرة فهو بالدين جاهل
باحضر السبعين وبااحضر عيالي

#شداد_حُميد

با يرددها جميع الشعب كامل
#مانبالي_مانبالي_مانبالي

با نواصل با نواصل دون فاصل
شاهدو واترقبو لحظة وصالي

 في خبر حصري ومتداول وعاجل
(اليمن تحذف كيان الاحتلالي)

#سلطان_خضران

في طريق القدس بانمضي قوافل
# مانبالي مانبالي مانبالي

بعد ابوجبريل شعبي والقبايل
باترانا عن يمينه والشمالي

ندخل الاقصى وحوله بالزوامل
مانخلي لليهودي قلب سالي

#ابو_ميثم_الزراع

داخل الساحات قال الشعب كامل
#مانبالي_مانبالي_مانبالي

شعب متوكل على ربي مقاتل
ماخشى الطاغوت واصحاب الظلالي

لافواصل لجل الأقصى بانواصل
بالتظاهر والبحار وفي الجبالي

#ابواياد_المطري

يا قضيتنا قد اعددنا الفصايل 
#مانبالي_مانبالي_مانبالي

في سبيل الله ما نخشى الجحافل
القضيه غاليه والقدس غالي

كلنا تسليم لابن البدر واصل
مانبالي دام والله خير وآلي

#الشاعرفرحان_السلامي

إحشدوا يا كل الابطال البواسل
#مـابـالـي_مـانبـالـي_مـانبـالــي

حشدنا في وجـه امـريكـا زلازل
شعبنــا للــه و السيــد مــوالـــي

و العزيمـة نـارهـا ضـد البـواطـل
و اصرخي يا كل الاوتاد العوالـي

#ابوحمزه_المقاش

مـعـركـتنـا مـسـتـمـره دوون فـاصـل.
#مـانـبـالي_مـانـبـالي_مـانـبـالـي

بـا نـواجـه خـصـمـنـا من كـل حـاصل
من عـيـارات الـمـوازيـن الـثـقـالـي

كـيـف يـرضى شعبنا الشامخ تنـاصل
عـن شـمـوخه في مـيـادين القتالـي

#يونس_النزيلي

بانحارب زمُره الشيطان كامل
#مانبالــي_مانبالــي_مانبالــي

العدو يشتي له الا حرب واصل
لجل دين الله يرخص كل غالي

والقســـم لو مابقي منا مقاتــــل
ياانتصرنا يانموت والراس عالي

#الشاعر_ابوجهاد_صبر

رغم تهديداتكم ياكل فاشل
#مانبالي_مانبالي_مانبالي

كامل الاجرام منكم سار حاصل
مابقي بعد النساء هن والجهالي

بد مانجعل مقام الكفر ناصل
ذاك قولي وانتم اخبر في فعالي

#اشرف_الحسني

مانهاب الموت ياعدوان سافل
#مانبالي_مانبالي_مانبالي

لليمن واهل اليمن تاريخ حافل
بالشجاعة في ميادين القتالي

نخرج الساحات ياشعب المراجل
لا دعى السيد رجالي يارجالي

#يوسف_الحداد

بانواصل بانواصل دون فاصل
#مانبالي_مانبالي_مانبالي

في مسيرة حق تزهق كل باطل
قادها عبد الملك سيد الرجالي

بانخوض في طاعتة كل الهوايل
والمسار القدس ياربعي ومالي

#محمد_ابوالعز

اهتفوا بالصوت ياشعب المراجل
#مانبالي_مانبالي_مانبالي

يا رجــال الله يا الجند البـواسل
ياحماة الدين ياخير الرجالي

ام الارهـ.ـاب ادعسـوها بالشنابل
منهي امريكا سوا دولة ضلالي

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان دعوة للحضور غدا في ميدان #السبعين وكل الساحات ردا على العدوان الامريكي البريطاني وقراراتهم الفاشله.

البداية #نشوان_الغولي

انشروا في كل صفحات التواصل.
#مانبالي_مانبالي_مانبالي

با نواصل دعم (غزة) با نواصل.
في سبيل الله نبذل كل غالي.

ما بقى بين (اليمن) و (القدس) فاصل.
حدنا واحد على اخشام الأوالي.

#ناجي_القطيبي

عصر غدوه بايصيح الشعب كامل
#مانبالي_مانبالي_مانبالي؟

قل لواشنطن ولندن. لاتحاول
تحتزم بالشرعيه والانتقالي

اليمن شعب الصناديد البواسل
مامعه عن دعم (غزّه)راي تالي

#محمد_البريهي

شعبنا بالحلف الأرعن غير حافل
#مانبالي_مانبالي_مانبالي

في قرارات الأمم ماكان سائل
مايخاف الغرب من ربه يوالي

شاهدوا الطوفان باكر يالأراذل
قادم الأيام ما هي كالخوالي

#الـكـرار_الـعـقـيـبـي

لو حشتدو كل متصهين وداحل
#مانبالي_مانبالي_مانبالي

اليمن قبر الغزاة ياكل سافل
من غزاها ندفنه تحت الرمالي

(شعب الايمان والحكمه) بايقاتل
لاجل( غزه) بانذوق المر حالي

#عدنان_جحوح

با نجاهد كل متغطرس وسافل
#مانبالي_مانبالي_مانبالي

ننهيَ المنكر ونِزهق كل باطل
عهد ما نرضى التمادي والتعالي

خلف قايدنا العلم من دون فاصل
سيل عارم عن يمينه والشمالي

#الكرار_المشراقي

لوتحالف ضدنا ذا الكون كامل
#مانبالي_ما_نبالي_مانبالي

قالها شعب البطوله والمراجل
مرحباء بالموت في ساح القتالي

في سبيله بانواجه كل باطل
ندحر اسرائيل وحلاف الظلالي

#علي_نجم

لو علينا اتحالف البلدان كامل
#مانبالي_مانبالي_مانبالي

با نواصل با نواصل با نواصل
في قضية قدسنا والراس عالي

اللقى الساحات يا كل القبايل
عرفوهم بأسنا وقت القتالي

#خيرالله_الخولاني

لاوهن لاضعف فينا لاتكاسل
#مانبالي_مانبالي_مانبالي

ماخشينا نذل سافل ابن سافل
لامطبع لاسلولي اوظلاالي

سيدي ابشر بنا يبن الافاظل
لك بياض الوجه يامن راس مالي

#اكرم_النيعاني_النيعاني

عممو بالبث والشاشات عاجل
#مانبالي_مانبالي_مانبالي

واحشدو من اجل غزه للجحافل
دافع ايماني وارضئ ذو الجلالي

في سبيل الله نزهق كل باطل
لجل موقف حق صوتي وانفعالي

#عبدالعزيز_الغرباني

كل شاجع يمتطي ظهر الاصايل
#مانبالي_مانبالي_مانبالي

يارجال الله واصحاب الجمايل
ياحمــــاة الدين من اول وتالي

دون غـــــزة مايوقف اي حايل
بايـــــــأكد قولنا صدق الفعالي

#سيف_حسن_العامري

عصر غد ابطال امتنا البواسل
#مانبالي_مانبالي_مانبالي

مثلما الطوفان من كل القبائل
بايهبوا في رضاء مولى الجلالي

باالجنابي والشياكي والجرامل
رافعين الجاهزيه للقتالي

#محمد_مجلي

بانشل الصوت واحنا بالجرامل
#مانبـالي_مانبـالي_مانبـالي

لاتراجـــع لاتخــاذل لاتثـاقــل
بيننا السـاحه رجالي يارجالي

التحالف في يمنّا اليوم فاشل
صدق ما رد الردى غير القتالي

#جهاد_البتول

يارجـــال الله ياكــل القبايل
#مانبالي_مانبالي_مانبالي

حلف امريكا واسرائيل فاشل
مايخوفنا انجليزي وستـرالي

بانناضـل بانناضـل بانناضــل
والثقة بالله وعليه. الاتكـالي

#صدام_شايف_الغولي

بعد ابو جبريل لبى الشعب كامل
#مانبالي_مانبالي_مانبالي

بكره السبعين نتوافد قوافل
نرهب امريكا وقوات الضلالي

والله ان الحر مايقبل بواطل
والبطل يثبت بساحات النزالي

#أبوأحمد_الغفّاري

بلغوا لوبي بني صهيون كامل
#مانبالي_مانبالي_مانبالي

حلف واشنطن ولندن حلف فاشل
في اليمن قد جابه الله للزوالي ..

ما نبالي نهج ما هو بس زامل
في الميادين تنشده حتى الأوالي ..

#الشاعر_علي_الوزير

لوسماء شعب اليمن تمطر قنابل
#مانبالــي_مانبالــي_مانبالــي

بـانحـاصر كـل مـتـورط وقـاتـل
في دمـاء نسـوان غـزة والعيالي

احـتزم واشتد يالدحدوح وايـل
نصر رب الكون من فالك وفالـي

#الشاعر_عبدالحكيم_ابوهاشم

انشروا عبر التواصل امر عاجل
#مانبالي_مانبالي_مانبالي

يا جهاديم العرب واصل القبايل
ساحة السبعين ميدان الرجالي

نحضر الميدان نتوافد قوافل
نرتدي افضل جعبنا والأوالي

#ابوسام_محمد_القحم

لو زحف ذالكون من طالع ونازل
#مانبالي_مانبالي_مانبالي

كلنا بارود نتفجر قنابل
ياجيوش الغرب للمندب تعالي

اليمن من قبل من يغزيه فاشل
يابني اسرائيل صعب الاحتلالي

#ابـومـازن_الـرازحـي

ندعس امريكا وندحركل باطل
#مانبالي_مانبالي_مانبالي

في خروج الغد بانبعث رسايل
لليهـودي والمطبع والمـوالي

لا تراجع في القضيه لا تنازل
بانـواصل لو نقـاتل بالنصـالي

#احمد_تاج_الدين

با نظلّ انصار في صفّ الأوائل
#مـانبالي_مانـبالي_مانـبالي

ألنفير العام ياكمّن مناضل
ساحة السبعين ياخير الرجالي

خلّوا الأخبار يوم الغد عاجل
شاهدوا بارض اليمن منظر خيالي

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان دعوة للحضور غدا في ميدان #السبعين وكل الساحات ردا على العدوان الامريكي البريطاني وقراراتهم الفاشله.

البداية #نشوان_الغولي

انشروا في كل صفحات التواصل.
#مانبالي_مانبالي_مانبالي

با نواصل دعم (غزة) با نواصل.
في سبيل الله نبذل كل غالي.

ما بقى بين (اليمن) و (القدس) فاصل.
حدنا واحد على اخشام الأوالي.

#ابو_نواف_العرجلي

إجعلوها حرب مافيها فواصل.
#مانبالي_مانبالي_مانبالي.

المُسيّر حاصلة والرد حاصل.
والقواعد والبوارج في مجالي.

لا تخاذل لا تهاون لا تناصل.
نصر غزّة (حَل) مادونه مُحالي.

#ابوهادي_عقاب

يا جنود الله يا القوم الاصايل
#مانبالي_مانبالي_مانبالي

يا رجال الشعب ياكل القبايل
هبة الساحات من ضمن القتالي

نقهر امريكا وننصر من يقاتل
في وسط غزه مع خير الرجالي

#الشاعر_وديع_داعر

لو حشدتو ضدنا اهل الارض كامل
#مانـبـالـي_مانـبـالـي_مـانـبـالي

خـيـلـنا قـدام لايـوجـد فـرامـل
والرسى فالقدس مامنه محالي

والكيان المعتدي خاسر وفاشل
في قراراته وفي ساح القـتالي

#ابومجاهد_الغمري

والله انا لاجل غزه با نقاتل
#مانبالي_مانبالي_مانباليس

دام وان الشعب في عمره مناضل
في سبيل الله ذوق المر حالي

با نساند من سبافون ومبايل
بلغوا نشوان هو وابن الهلالي

#ماجد_عبدالله_القادري

بالمعارك بالبنادق والجرامل
#مانبالي_مانبالي_مانبالي

البيوت حق الأرامل والعوائل
والمعارك عندنا حق الرجالي

صفنا واحد جيوشه والقبائل
اليمن بالنصر عالي ثم غالي

#عبدالغني_ضبعان

ندحر اسرائيل على برعه وزامل
#ما_نبالي_ما_نبالي_مانبالي

با نواصل لا فلسطين بالجرامل
والنصال الحضرميه والاوالي

لوعلينا جونا يمطر قنابل
لاجل دين الله نرخص كل غالي

#ابو_وعدالله_هفج

قالها النمري وشعب العز كامل
#مانبالي_مانبالي_مانبالي

خبروا عناء طغاة الأرض عاجل
جاتهم انصار ربي بـ النكالي

والله ان الحلف فاشل وابن فاشل
والسواحل تشهد النصر الخيالي

#إتحاد_الشعراء_والمنشدين

https://t.me/aboyahyaalshami

#السبعين_اليوم ..

لكن أمل الامه بكم ياسلاها
ياقوم تورِث عزها من يليها..

قبايل الميدان شاهِد شلاها
وتاريخها يكفي لمتأمليها..

#ابوليث_المحضار ..
#لستم_وحدكم
#المعمويات_عالية
#طوفان_اليمن #غزة ..

يا شعب واعي في جهاده مرتقي
لي منعكم يا قومنا لا تبردوا

في نفس موعد كل جمعه نلتقي
في ساحة السبعين ونغيظ العدو

ننفر جميعآ من تخلف هو شقي
الا إذا له عذر يا قوم احشدوا

#طوفان_الاقصى
#السبعين_يجمعنا
#أبوحسين_العصري