الدهر تمم والشرف حدق
والكون بحلق واندهش منا

تاريخنا يكبر ويتعملق
والمجد عبر للبشر عنا

غض البصر يا كون لا تشهق
حنا عمود المرجلة حنا

كادت خلايا الصبر تتمزق
ويموت مما قد لقي منا

واحنا كذا من يوم ما نخلق
في طاعة الباري تحملنا

ابليس منا داخ واسترفق
واهتزت القيعان لا قمنا

والصعب من شدة لقانا رق
والويل يخشع لا تحزمنا

والمعتدي ما عد معه منتق
ولا معه فرصة يكلمنا

لو با يخلي الارض تتشقق
خلاص باذن الله تقدمنا

والحق معنا يا رجال الحق
ومن يريد الحق جاء معنا

كم قد عمل حلف الغوى واطلق
وارجف على الميدان واتعنى

القاع تعلق والسماء تعلق
يشتي بمال السحت يهزمنا

لكن فشل والنصر يتحقق
لاهل اليمن بالفعل والمعنى

دلايله تظهر وتتعمق
دايم على الميدان ما دمنا

نمشي ودايم عزنا يسبق
من وين ما جينا ويممنا

شاعر الاحرار #ابو_العباس_مفلح
#إتحاد_الشعراء_والمنشدين

https://t.me/aboyahyaalshami

اثمر صمود الشعب واثمر صبره
عزة لها تاريخ عالي المقدار

شامخ وعزمه عالمي النظرة
والسيد القايد حفيد الكرار

فيه الشجاعة والكرامة طفرة
ما تنخفض روح العزيمة والثار

شعب الرجولة حازها من مرة
والمجد شله من براكين النار

والعزم في قبضة يمينه جمرة
يحمي به الاسلام وارض الانصار

في المعركة لاحت بشاير نصره
تخرج وتدخل في العشي والابكار

بايمان ما يعرف هوى او نعرة
واصرار ما مثله تحدي و اصرار

لا قد نوى لازم ينفذ امره
لو السماء فوق الجماجم تنهار

ما يفزعه تهديد عالي النبرة
ولا تخاطيط الفلول الاشرار

والباس وايمانه يفت الصخرة
وشموخ قراني يقط المسمار

لا شفت جيشه يا ولي ف النشرة
فاجزم بنصره ضد جيش الفجار

حافين لكن عزمهم والطمرة
فيها جسارة مثل صلب الاحجار

خلى الاعادي منه يلقو ودرة
والدايرة دارت عليهم والعار

والمعتدي خايب وفاشل مكره
ومخططاته مثل سكرة خمار

حتى هجومه قد رجع في نحره
واصبح في الزاهر مطارد بالنار

وجنوده اخر حشد واخر دفرة
وارجافه الفاشل هوى في المضمار

والقوم تلحق بعد جيشه واثره
لا ما يعطف من وطنا والدار

#شاعر_الاحرار
#ابو_العباس_مفلح
#إتحاد_الشعراء_والمنشدين

https://t.me/aboyahyaalshami

نصرنا مضمون لا نخطة ولاشي
والفوارق ما حسبناها صعوبة

ندعس الاهوال ما نعرف تحاشي
وان سلكنا الصعب ما نخشى ركوبه

عزنا الله فوق مستكبر وفاشي
يوم شن الغزو رديناه صوبه

واصبح العدوان في حكم التلاشي
واقترب يوم العدالة من جيوبه

يحتسي فاير معابرنا العطاشي
حرها و اللطم ما يعرف رطوبة

لا هوت طارت بها سود القعاشي
نازلة ف المعتدين اقسى العقوبة

والذي في نصرة الاسلام ماشي
با يشق الدرب ما شي ن يشوبه

بالعزيمة والتوكل والكلاشي
يبني الامجاد طوبة فوق طوبة

والله ان الساكت عن الحق لاشي
والمذلة غترته والخزي ثوبه

والختم لا حد يكثر في نقاشي
والله ان الحق تتيسر دروبه

ما يعكر صفوها خاين وواشي
ينتهي مكره وتتقهقر حروبه

شاعر الاحرار
#ابو_العباس_مفلح
#إتحاد_الشعراء_والمنشدين

https://t.me/aboyahyaalshami

اعلني للملا يا ارض الاشتر
فرحة الشعب اليماني واحتفاله

موعد الذكرى بيوم النور الازهر
يوم ميلاد الهداية والرسالة

يوم طاح العرش ذي في قصر قيصر
وانطفت نار الغواية والضلالة

يوم فيه اتنفس الصبح المعطر
بالنبي ذي بالغ الله في كماله

يوم قام الحق يتعملق ويكبر
والهدى يسري على من طاب حاله

يوم اعظم يوم للكون المقدر
اخرج الله فيه طه واحتفى له

الغوى به طاح والطاغوت ادبر
وانتهى عصر الظليمة والرذالة

والهدى داخل رسول الله تمحور
والفضيلة والسماحة كلها له

ارسله ربي على العالم وبشر
واخرج الدين الالهي من خلاله

وانتضى سيف الجهاد ومزق الشر
وامتطى خيل المعارك في قتاله

بدر تشهد والحديبية وخيبر
وغزوة الاحزاب تتصدر فعاله

اجتمع مشرك و ه ي و ن ي مزنر
لجل ينهو منهج الله والعدالة

وانتهى تحشيدهم بالوعد الاقشر
وكل جيش انزاح باذياله لحاله

سيدي لك فضل ماله حد يذكر
فاعذروني لا نقص مني الجمالة

كيف با اوفيك والموضوع يقصر
والكلام الجزل في حقك فسالة

كيف با اوفيك يا اطهر من تطهر
والطهارة من يدك تنصع جلالة

كيف با اوفيك والقول المفسر
ينتهي في كنه تمجيدك مقاله

كيف با اوفيك وانا شخص قصر
وارتجى منك الشفاعة لا محالة

كيف با اوفيك يا تاجي المجوهر
وانت لي معلم ارى دربي واناله

الف يا لبيك هاجوسي تاثر
يوم شاف انك عناوين المقالة

الف يا لبيك من شيعي موقر
والتشيع طبع في عمه وخاله

الف يا لبيك وانا القرم الاعصر
من وطن مخلوق من طين الرسالة

في محمد وآله الاطهار عبر
بالدم وبالسيف والانفس وماله

من زمان الاوس والخزرج والاشتر
وارتقاء عمار في طه وآله

وعادهم لا الان بالمنهاج الاجدر
كل واحد في النبي شدي رحاله

ما تراجع يا رسول الله ولا اغتر
غير من ودف على درب الجهالة

واندفع للقرش يتعصب ويخسر
ما كسب في عيشته غير الفسالة

واليمن في مولدك بالثوب الاخضر
مد طيقانه ومدد في حباله

اعيدت واشعل على الباغي ونصر
نصر ما مثله ولا يوجد مثاله

صار فيه الشر كل الشر محور
واليمن محور على العالم لحاله

والعدو المهزوم لو فكر وقدر
ما رجع بالخزي واتقهقر رياله

ذه م سيرة سايرة مكتوب تنصر
حسبما اتقدر من الباري نناله

شاعر الاحرار
#ابو_العباس_مفلح
#إتحاد_الشعراء_والمنشدين

https://t.me/aboyahyaalshami

النقاء و الكرامه والوفاء والشرف
قد رسينا عليها مثل روس الشعاف

من سنون المنايا با نجي بالهدف
ما نهم الشدايد والامور الجلاف

وما حنبنا بشذاذ الهوى والزلف
كيف يقلق شديد الباس والا يخاف

والعدو من لقانا والردود ارتجف
ذاق طعم القذايف والشضايا رهاف

جمع اذيال من كل المناطق سلف
بس ما حققو له شي بآخر مطاف

اعتلف من نقوع الموت شر العلف
نار حمراء تزفه لا جهنم زفاف

كلما فش غله في بلدنا انقصف
والتوى به ولي الله بناره وطاف

وكلما زاد طغيانه يجيه النصف
رد صاعق يعادل ضعف رده حفاف

كيف يقدر لصخرة من دماغه وزف
اليمن صخر جامد والدو اعش ضعاف

وين قرن المنازل من جبال الشعف
عاد حربي مطول يا قطيع الخراف

شاعر الأحرار #ابو_العباس_مفلح
#إتحاد_الشعراء_والمنشدين

https://t.me/aboyahyaalshami

يا الي وقف في صف الاعداء والاشرار
في كل ملة قتل الا سرى يدينك

في اي منهج ذا التمادي والاصرار
الله يل عن والدى والدينك

جف القلم من جرمك اليوم واحتار
والشعر حاير باي الاديان دينك

لا تحسب انا نتركك دونما ثار
با ناخذه مدبول من وسط عينك

الجيش قادم بالنشامى والاحرار
والكل يبحث في الميادين وينك

#شاعر_الاحرار
#ابو_العباس_مفلح
#إتحاد_الشعراء_والمنشدين

https://t.me/aboyahyaalshami

حرت ف امري وانا اشتي اوصف انسان بأمة
انقذ الجيل من عصر الغوى والضلال

الهدى فيه واركان الفضايل ملمة
والتقى والكرامة والعزايم طوال

يسجد الحرف في محراب نوره وعلمه
والقصايد تهجد والكلام استقال

لا دعيت القصايد جت وهي مستهمة
والقوافي تفسر لا طرى لي سؤال

بس ماهي توفي بالغرض او تتمه
مستحيات في حضرة بلوغ الكمال

واستحت مفرداتي والحروف المهمة
وانطوى الشعر رغم ان المعاني جزال

اخرج الحق واسترخص على الحق دمه
واحتوى كل آية في رضا ذي الجلال

كان همه هدى الانسانية كان همه
ما ركض خلف منصب او وظيفة ومال

نجم معروف من خيرة سلالة وعزمه
عزم صادق يقول الحق في كل حال

قام في وجه مستكبر وظالم ورمة
واعتلى سرج هدي الله وخاض المحال

ذا حسين ابن بدر الدين ذي يعدل امة
يعرف الحق في نهجه ومن مال مال

كل الافضال تعرف به والاعمال جمة
في زمن كان فيه الظلم مثل الجبال

انكشف زيف الامريكي وكذبه وظلمه
يوم حرك ذراعه في قتاله وصال

واصبح اليوم من هو حر يرتاح بسمه
في الميادين يتصدر رجال الرجال

شاعر الاحرار #ابو_العباس_مفلح
#الذكرى_السنوية_للشهيد_القائد 1443
#إتحاد_الشعراء_والمنشدين

https://t.me/aboyahyaalshami

اهل العمالة شاة من جاء قادها
اهم شي عد الدراهم والفلوس

ضاعت عساكرها وضاع افرادها
وهي على سلمان وامواله تحوس

#ابو_العباس_مفلح
#إتحاد_الشعراء_والمنشدين

https://t.me/aboyahyaalshami

المجاراة عن تواجد القوات الامريكية في حضرموت عدوان واحتلال وانتهاك للسيادة اليمنية .

البداية للشاعر #بسام_شانع

الموت لامريكا على ساطيلها
محظور يا بحر المكلا حظر موت

الموت لامريكا ولاسرائيلها
بغتة وسكتة قلبية في كل صوت

تبت اياديها وجت باارجيلها
يا البيت الابيض لا نجونا ان نجوت

#ضيف_الله_سلمان

واحنا كشفنا بالهدى تضليلها
في معركة عن قرب ماهي بالرموت..!!

ياويلها قواتها ياويلها
كل المناطق في يمنّا (حضرموت)..!!

با ننتقم منها ونقصف فيلها
بطاير (الهدهد) جزا قصف البيوت..

#ابو_العباس_مفلح

صرخة بها الامة تحصن جيلها
من باطل ااامريكا على مر الوقوت

ما قال نتفرج ونرضى ميلها
ربي ونجعل شر باطلها يفوت

اما تحدينا هوس تضليلها
والا فقد احسن لنا منها نموت

#فارس_المعزبي

يارافض الصرخة .. وجَب تفعيلها
وإلا فبا تقرح كما الباقين أوت..!!

اصرخ ولا تقلق على توصيلها
به من يوصلها لهم من غير فوت..!!

الامــركه والصهينــه ترحيلهــا
من ارضنا واجب ولو ركله وشوت..!!

#ابوسياف_البيحاني

باجيلها أمريكا نعم باجيلها
وارد من جاء منهم وسط التبوت

وشرعيتهم بايقع تبديلها
الواقع احرق مامعاها من كروت

متى رجال الله تسرج خيلها
يموت ذي طبع مع سبت السبوت

#ذوالفقار_سفيان

لا تحلم أمريكا سوا تنكيلها
منا بقوه با ترجعها فتوت

ولا تفكر مننا تـقبـيلها
نحيا بعزتنا ولا نرضى السكوت

والله ما تلقى سوا تقتيلها
فالجو والساحل وفي وسط الخبوت

#ابوزكرياء_يحيى_مفلح

قد حان يالابطال نقطع ذيلها
نلعب بها مثل الكره ياقوم شوت

اتت وحان اليوم قطع ارجيلها
القشه اللي بيتها كالعنكبوت

ماعاد تدري صبحها من ليلها
لاقد ضغطنا صوبها زر الرموت

جريح الحرب #رفيق_زرعان

با نقتل امريكا وننسف عجلها
من بعد ما نحرق لها كل الكروت

ونقيد اسرائيل في اغلالها
وبيتها اوهن من بيوت العنكبوت

جيش اليمن في البأس مثل جبالها
تشهد لهم كل الصحاري والخبوت

#ابراهيم_الشرفي

قـــل للـمـمــالــــك لا تـجـرجــر ذيلها
فـي بَـرّنــا والـبـحــر حتمــاً با تموت

مـا حـيـلـهـا لـلـشـعـب ذا مـا حيلها
فـي كـل جبهه فَـتّـهـا شـعـبـي فتوت

تعطُف مـن ارضي الآااان قبل نجيلها
واحنا رجال احرار ما نرضى السكوت

#ابوفتح_الاشول

الموت لامريكا وموت عميلها
نحرق ابوها بعد ما احركنا الكروت

يوم ان حضر للموت في تفصيلها
دخولها محضور من جاها يموت

بحر المكلا لليمن يشكي لها
ويقول نار الغزو زادوها زيوت

#عبدالقوي_البطل

إن طولت نبعث بعزرائيلها
يكتب فناها ساعة احنا مانفوت

لاعندها برجالنا تسري لها
كالسيل نبهتها بباس الله بهوت

نهجم على الافعى ونقطع ذيلها
وقوة امريكا نحتحتها حتوت

#ابورصيد_المرهبي

الموت لا أمريكا و قطع ارجيلها
لو حاولت تدخل بلادي او تفوت

و الموت لا إسرائيل بداء تفعيلها
وأطلقها من وسط غزه باالريموت

و انصار ربي ارسلت سجيلها
على حقول النفط وابار الزيوت

#شاعر_بلاد_الروس

مابايكون في حضرموت اكليلها
ولاتعيش بين المذلة والسكوت

الموت باتلقا وذا تحصيلها
في المكلا والصحاري والخبوت

ايلا المقابر بايتم تحميلها
حرام ماتدخل بلادي أو تفوت

#الشاعر_ابومقدام_الخمري

تخسى قوى امريكا وذي داعي لها
وكل من معها مسيْر بالرموت

قولوا لها قد شعبنا ناوي لها
ماهي سوى قشه كخيط العنكبوت

عاد اليمن للحرب يدهج سيلها
دفعه ورى دفعه نشوت الخصم شوت

#براق_المنبهي

أحلامهم باينعكس تأويلها
في البحر والا في الصحاري والخبوت

ياويلها من بطشنا ياويلها
ياجند ربي شوت جند أمريك شوت

عدن رهينه خانها تحليلها
اليوم صارت تجني اثمار السكوت

#أبوعساف_الدهمي

مادام سـيـدنا الـعـلم صـاحي لها
فعدها وجبة عشاء في بطن حوت

يـعني قــبـل ما نـبـدأ بـترحيلها
لــزوم نـبـني مـن جـماجمها بـيوت

وتــذكـر الـنشـرات في تـحـليلها
إن الـيمن تـحرق بـها كل الـكروت

#ابويوسف_القاري

ارض اليمن محمي ب ابوجبريلها
ورجال تجعل من متارسها بيوت

باتدعس الحيه وتقطع ذيلها
وتشوت باقيها على الشطئان شوت

من حرفوا توراتها وانجيلها
ما اثروا فينا برقص اهل البشوت

بلبل النصر #حسن_المهدي

وانعم بمن للنخوه اسرج خيلها
وفي خديد المرجله صلى قنوت

دفعات كـ الايات في تنزيلها
متواتره تزرت بها امريكا زروت

ومن دلال الجود ينفح هيلها
فزعه بها الموساد يتلاذع شروت

#امين_التركي

المعركه قـــد صـــــدّرت تحليلها
هيهات ياشعب المذله والسكــــوت

وين قوة الاشــــرم و وينه فيلها
طير الابابيــــل مرتــدي زنه وكوت

باتخرج امريكا سحوب من ذيلها
ماشي لها في ارضنا مشرب وقوت

#يحيى_الوحيشي

‏ما زالت امريكا وكل أرجيلها..
في دايرة صرخاتنا حتى تموت..

من قــــبل قـــــلناها وبا نأتيـــلها..
نحرق ورقها والضفيرة والكروت..

في حضرموت الموت با يركي لها..
منهاجنا زيدي وهيهات السكوت..

#إتحاد_الشعراء_والمنشدين

https://t.me/aboyahyaalshami

🎞 مشاركة الشاعر | #ابو_العباس_مفلح
في الفعالية المركزية لإحياء الذكرى السنوية لـ #الشهيد_القائد في #خولان_عامر بـمحافظة #صعدة

#شهيد_القرآن
#السيد_حسين_بدرالدين_الحوثي
#إتحاد_الشعراء_والمنشدين
#شاهد_أخبار_محافظة_صعدة

https://t.me/aboyahyaalshami