تابع المجاراة عن انتصارات الجيش واللجان الشعبية في جبهة الزاهر البيضاء ..

#لشاعر_ابو_برق_الظرافي

الحمد لله الــذي هــو اول وآخــر
سخر عصى موسى تزيل الكيد والساحر
واختار مايريد
الأمر والتوفيق من حولة وقــوّتهح

من بعد ما الزاهر بالأعدا صار متكاثر
صارت نهاية حلمهم قد وضعنا سابر
هذا خبر اكيد
والمؤمن الصادق رخص لله جبهتة

#الشاعر_علي_ناجي_حمادي

با نحمد الله ذي لنا في النايبة ناصر
مخزي فلول الشر والطغيان والكافر
واحفاد من يزيد
وتحالف ابن اسعود دسنا عز هيبته

في شعبنا كمن اسد وقت الوغى كاسر
ينزع كبود المعتدي غازي ومتآمر
ويشرد العبيد
هذا اليمن ذي تنطح المريخ هامته..

#عبدالقوي_البطل

في دربهم تمضي جنود الله وتناصر
الحق مهما كان حلف الشر متأمر
لو عاد من جديد
ماشاف من زحفه سوا تشويه صورته

انما توجه ذاق صفع اللطم للصابر
باأيدي الرجال المخلصة لله في اﻷخر
ونصرنا أكيد
وحلف بن سلمان باننسف كرامته

#ابوثابت_الثابتي

يا مرحبا بالحلف الاخجف كل متآمر
والله لا يرجع وهوا في حربنا خاسر
والوعد والوعيد
خسران ما يزرع لنفسه قبل موتته

هـب اليماني شد عزمه والله الناصر
يغـزي ويتقدم علئ كمــن ذنَب كافر
ثابت ولا يحيد
علئ هُدئ القران والأنصار قدوته

#اوس_مرفق

قل للعدو لا يقترب من شعبنا الكاسر
شعب اليمن ماسك بحبل القاهر الناصر
وعزمنا حديد
والمرتزق يعرف ولي الله وضربته

نحن أولي قوة جنود الله ياعاهر
وهجومنا كالسيل لازم يجرف الكافر
والوعد والوعيد
يشوفه ابن اسعود في داره ودولته..

#ابوناصح_منصور_العزي

لي ما فهم درسنا. يلطم على الصابر
على ايدي رجال الله. تنزل مثلما الماطر
تذوب الحديد
تجرع الغازي مرارت هزيمته

كمن مجاهد على بلوى العدا صابر
يكم يكسر. ينكل. يقدم دمه طاهر
يطهر ويستعيد
يطعفر مشوش العدا ويرسم خريطته

#عايد_الخيل

‏مشاهد البيضاء قوية تسلي الخاطر
تثبت لنا خزي العميل وعقله الــقــاصــر
وتفضح العبيد
وتحرج ابن اسعود ساعة كشف كذبته..

تاريخنا معروف عنوانه ولا كـــافر
يرفع في الجبهات راسه بلغ الداشر
سلمان بن يزيد..
لا قوة امريكا ولا إسرائيل فادته

#ابومحمد_المهذري

داعش خسر والقاعده بالصومعه خاسر
وتحالف المهفوف مثل الثعلب الماكر
يهرب الئ بعيد
اخزاه ربي بعد م تكبد خسارته

ضربات ركنيه ومرتده علا الطاير
وانصار ربي طهرو من بعدها الزاهر
من قاعدة يزيد
والكنجرس والبيت الابيض شن غارته

#بـراق_المـنبهي

مستنقع البيضاء كما مستنقع الظاهر
صاروا فرايس للحسك والنجم والقاهر
تمشيط من جديد
والخاتمة فروا وحوطنا مساحته

من قرب الزاهر زها بروحه إلى الآخر
يرحل مفحم لاسقر من هجمت الثائر
ضربات من حديد
من جند ابو جبريل ذي تعلوا شهامته

#ابوعلي_البريهي

واثق بنصر الله ربي الواحد القاهر
على الدعي سلمان وأذنابه وكل كافر
وأقسمت مابحيد
عن درب سيدنا النبي طه وعترته

في الساحل الغربي في البيضا في صافر
على عدو الله والإسلام أنا ثائر
وعلى خطى الشهيد
سالك سبيل الله مستمسك بعروته

#الوليد_النفيش

نصيحتي لكل كافر يسمع الشاعر
بانحصد ارواح اليهود وكل متآمر
واخبارهم تفيد
فروا امام الحق واهله رغم قلته

مواقع #الزاهر دفان المعتدي الفاجر
ومن شرد في وقت باكر يلحقه قاهر
يظفر بصيد جيد
اطول لحى ومكحلين تسمع بهيبته

#علي_درهم_المؤيد

اليوم ملك المــوت متـواجد فـي الزاهر
مشغول بالتسجيل يستقبل على الظاهر
زلزال لـه بريد
للموت كميات يرسلهم بضربته

وانصــــار ربــي والقبـــايل كلهـا حـاضر
في المعــركه ضرباتهـم بتطيب الخاطر
ضربات من حديد
تنكيل للغـازي بحول الله وقوته

#أبوسلطان_سليم_عامر

كل اللجان والجيش باأمر العلم حاضر
تطهر البيضاء ويصبح عدونا عاثر
ومعنوياتي قوه حديد
وياجهنم رحبي باالداعشي وشلته

النصر باذن الله لنا والوضع عندنا سابر
والذل والخسران للعدوان والطم باالصابر
والقول منا سديد
ومن غزنا يرجع مصندق لابلاده ودولته

#جبريل_شافعه

تنكيل بالغازي من البيضاء وجبهة الزاهر
بسلاحنا نقضي على جيش العِدا الظاهر
من قولنا السديد
وعـــزمنا قـــد زاد اقـــوى مــن بدايته

الحيدري اصبح بفضل الله هو من القاهر
مخالبه ساقي كؤوس الموت الاسود الباهر
يشرب من الفريد
والنصر قادم والكل رافع هامته

#ابوفتح_الاشول

الحرب وإسرائيل وأمريكا من الاخر
وأذنابها الأعراب في العدوان والظاهر
وكلهم عبيد
للمال والدولار من أول بدايته

بس ما دام اليماني لله متاجر
كلاً بذل نفسه وروحه ما حدا خاسر
وبأسنا شديد
با ينهي الظالم مع حلفه وزمرته

#الشاعر_راية_الاسلام

مهما حشد حلف الرداء فنهايته خاسر
مادام قبله شعب مؤمن محتسب صابر
بأسه قوي شديد
ما غير للرحمن يحني عز هامته..

هو ذي نصر جنده وطهر جبهة الزاهر
واحبط مكايد حلف ابو زنارة الغادر
ما حققوا جديد
وتحالف الشيطان با نصنع نهايته

#إتحاد_الشعراء_والمنشدين

https://t.me/aboyahyaalshami

مركز الجوبه ورحبه تحرر
والنشامى واصلت للهجوم

فوقهم ياأحفاد طه وحيدر
طهرو مارب كموم الكموم

وضعنا ياكل باغي تغير
المسير والقواهر تحوم

والعلم في بادي الغزو قرر
بأن حلف الامركه مايدوم

جاكم أحفاد النبي والاشتر
ناصرت طه بوقت الزوم

قوم تبع قوم شمر وحمير
صايبه للقلب باول سهوم

داعسه للكفر هو الزهيمر
ماتهاب الخصم عند القدوم

رافعه هي لشعار الله أكبر
أرعبت حلف اليهود الضلوم


حلقي فوق السماء ياالمسير
بعدها عاجل تجينا العلوم

طهرو للبحر والجو واالبر
ياالنشاما فوقهم والعزوم

#أبوسلطان_سليم_عامر
#إتحاد_الشعراء_والمنشدين

https://t.me/aboyahyaalshami

تابع المجاراة (8)
(تحالف العدوان يستهدف جبهتنا الداخلية عبر أدواته وعملائه )!!

البداية للشاعر #عزالدين_جحاف

قولوا لأمريكا العجوز الكاهنة
وكل أذيال القوى المتآمره

أم العواصم مطمئنة آمنة
بفضل ربي والعيون الساهره

ومن ينفذ مكر نجد الخائنة
بالوعي والإيمان نقطع دابره

#ذوالفقار_سفيان

كامل قوى العالم ذليله واهنه
مادام رب الكون قوه حاضره

واي قـوه بالـمـهيمـن راكـنـه
تعيش في عزه وتحيا صابره

مايوم تخضع للملوك الماجنه
ولا تزلزلها الهـمر والـطـايـره

#ابووعدالله_هفج

الأمنـيه بـ الأمـن ماهـي ساكنـة
وحاضـره لأجـل الأمـان منـاوره

في وجههـا اضحـت فتـن متـغابنـه
وكـل فتـنه بـإذن ربـي خاســره

مـن ثار فتـنه وقـت ماهـي فاهنــه
علـه خبـيثه يـوم ماهـي غابــره

#أخت_شهداء_البكالي

عالم منافق من ذيول الملعنه
عباد امريكا وحزب الماكره

جبهاتنا باذن العلي متحصنه
واذيالهم تخسى وتفنى صاغره

حامي حماها الله عبر الازمنه
من داسها يصبح قطع متناثره

#بشار_عباس_الشومي

قولوا لهم الحرب كبرى طاحنه
وأنصار ربي كالأسود الكاسر ه

مابعد سابع عام وهذا الثامنه
ايش عاد مطلبهم وايش الاخره

تخسى الأمركي والذي بيعاونه
حلف الصهاين والقوى المتامره

#الشاعر_ماجد_القادري

امور صنعاء بالمعزه ساكنه
اغلى من الدوحة وثم القاهره

باذن رب الكون عاشت فاتنه
رغم العدو والعز فيها ظاهره

صفوفها قوة عزيزه ماكنه
صنعاء من الأعداءعاشت طاهره

#الشاعر_ابوحاشد_ابوسعيد

من ذي علينا بايحرك ساكنه
بانقلع اسنانه ونصكع صابره

صنعأ عصيه عاصيه متقارنه
متحصنه متوعيه ومبادره

قولو لعباد الملوك الكاهنه
ما يقدرو في شعب عينه ساهره

#كرار_حيدره

الوعي ثم الوعي قدها باينه
الله وجه بالطريق الناجيه

كونو عليها لا تضلوا ثانيه
نجاهد الكفار ذي هي فانيه

الحق واضح والسفينه ماشيه
والظلم والعدوان ماهي باقيه

#الشاعر_ماجد_غانم

افتيك من حيه هويه ساهنه
وبطنهاحبلا ولكن عاقره

عدونها باين وماهيه باينه
خلف الكواليس تطعنك بلخاصره

محاصره متآمره متضامنه
تلعب وتتحكم وتطلق صافره

#مرتضى_خموسي

صمودنا في كل جبهة ساخنه
وفي المعارك والدوائر دايره

أمورنا بالله تبقى فاهنه
بفضل شلال الدماء الطاهره

والوعي فينا والحداسة كامنه
أمامنا كل الأعادي صاغره

#الشاعر_بشير_الشامي

امريكا واذيال الخناء والساهنه
وكل من يمشي بدرب الكافره

الريح باتمشي وتعصر ساكنه
من قبل مانحكي بصوره مباشره

قل للذي بيبع واجراء ثامنه
ماتنفع امريكا ولو هي عاهره

#ابوهادي_صيفان

من يدرس التاريخ ماهي فاهنه
لاميج يرهبنا ولااكبر طايره

والامن مابش للعميل مداهنه
عيوننافي كل قريه ساهره

لازم نطهرشعبنامن خاينه
قل للخون هي باتدور الدايره

#أبوسلطان_سليم_عامر

رهاننا باالله قوة ضامنه
مابايفيد أفعال نجد والقاهره

وبإذن ربي أرض السعيده فاهنه
ومن يخل الامن نلطم صابره

قواتنا الامن البواسل ذاهنه
تكشف خلاياهم بخطة ماهره

#ابو_اياد_المرحبي

الله يزهق كل فتنه فاتنه
شعب اليمن ضد الكلاب الماكره

الكل يعرف من يحاصر موطنه
والمرتزق يشتي يثير الثائره

امن اليمن فيه الحصون محصنه
ومن يمس الامن نقلع صابره

#هادي_الثالبي

برغم حقد اليهوده والصهينه
واذناب بعران الخليج الفاجره

وتباع ابن منصور ذي هم خاينه
وكل من خان البلاد الطاهره

الحمدلله البلاد هي آمـنه
بفظل ربي والرجال الصابره

#عبدالقوي_البطل

قولوا لاابواق العدا المتراهنة
على إن شعبي بايوجه صابرة

لاعلامها والشائعات الفاتنة
من اجل نخضع له ونجبر خاطرة

يحرم عليها لو تكون الكاينة
مابانصدق أي شلة ماكره

#ابوهمدان_المعتكف

صنعاء لحلف الشر دائم ذاهنة
وكل قوة تبتغيها خاسرة

على مدى العدوان حتى الثامنه
على الصمود على التحدي قادره

#الشاعر_ياسر_الجرادي

عزايم الأنصار ماهي واهنه
وباتظل الغالبه والقاهره

بعد الثمان سنين تبقى فاهنه
ما بنخاف أذيال حلف العاهره

على رهان الخاسرين مراهِنه
والشعب واعي والحقايق ظاهره

#صدام_شايف_الغولي

ثمان اعوام والنشاما ذاهنه
ترصد خيوط الدانقة والعاهره

واليوم كشفنا الخلايا الواهنه
عبر التواصل قد صفعنا صابره

ومن يفكر يقلق امن الساكنه
لابد مايندم ويقرح دايره

#ابوجمال_الدين_المرشحي

فينا بحمد الله قوة كامنه
ندحر قوى الطاغوت ذي هي فاجره

ياحلف أمريكا ويامن عاونه
دارت عليكم من يمنا الدايره

أنصار ربي قوة الله ساكنة
بقلوبهم مايوم كانت خاسرة

#يعقوب_الخمري

في حرب ولا سلم تبقى فاهـنة
مـا با نـهـابك يالقـــوى المــتآمره

دام الهوية في يمـنّا ساكنة
والمــعرفة للحق دايم سابرة

با نغرق أقوام الطغاه والفرعنة
تبقى يمنّا للغزاه المقبره

#ابوحامس_الخوعي

الخير قادم والمواقف ساكنه
ورجال ربي في المحاجي ساهره

الوضع سابر والحياه هي فاهنه
بفضل ربي الأمور هي سابره

الشعب مايقبل لذي هو خاينه
والمرتزق بايلتطم في صابره

#إتحاد_الشعراء_والمنشدين

https://t.me/aboyahyaalshami

تابع المجاراة عن السيد القائد عبد الملك بدر الدين الحوثي حفظه الله.

البداية #بندر_النمري

في نور وجهك شفت نور الحق يابن المصطفى
يالقايد اللي زعزع الدنيا ولا شي زعزعه

ياسيدي كلك وقار وطلتك تدي الشفا
وانت العزيز اللي مقامه فوق مانتوقعه

#الشاعر_ابوصادق_الشيبري

في طلتك شفت الرضا ياحفيد المصطفى
ياشبل بدر الدين اللي انعم اللهي مطلعه

دام ظلك سيدي وطاعتك نحضى الرضا
نقرب بها لله والمختار هـــــــديه نتبعه

#الشاعر_يوسف_الحداد_ابوحيدر

لك مننا عهد الرجاجيل الوفيه بالوفاء
ذي ماتخون العهد لايوم اللقاء في مجمعه

يابدر مشرق بالهدايه والعفاوة والصفاء
يامن سقانا الهدي بعد المصطفى من منبعه

#ابوحمزه_المقاش.

يا سيدي يا خير من في الكون صلى واحتفى
بك نصرنا الحتمي وفيك النصر يرقى مطلعه

في حبكم قلبي توقف ذاب فيكم واكتفا
ومن سواك الي ينال القلب منه مطمعه

#أبوصخر_الجوحمي

ياسيدي شعب اليمن. دايم على النهج اقتفى
من اول المشروع بايعنا وشعبي هومعه

يابلسم االامه ويانورالهدايه والوفاء
احنا صواريخك وهذا الشعب عاهدبجمعه

#أخت_شهداء_البكالي

يانورنا الوضاء يانبع الهدايه والوفا
منك ارتشفنا الهدي والقلب اعتدل في موضعه

يالقايد اللي هد ارباب الضلاله.ياشفا
للروح. والابدان صحه عندما هي تسمعه

#الشاعر_ابومقدام_الهمام

انت الهدى والبدر وابن البدر نور المصطفى
وانت السفينه ذي عليها الشعب صاعد مطلعه

في بردنا القارس طلوعك كان للأمه دِفا
ودار دين الله من بعد ان تلاشا مجمعه

#الشاعر_ابوفتح_الاشول

في عهد ابوجبريل عاد الحق والجهل إختفى
من بعد ظلم الليل شفنا البدر ساعة مطلعه

من نور وجهك من هُدى القرآن يا الأمه كفى
هذا جدير يقود الأمه كلنا با نتبعه

#الشاعر_عزالدي_المرادي

سـبـحـان مـن سـخـر لنا بالشخص هذا وكتفا
والناس معه ثـارت بكل إخلاص والباري معه

ليتك تشوف الشعب كيفوه من عيونك ماغفا
وليتك تشوف قلبي لصوتك كل يوم يتسمعه

#عبدالله_محسن_جحاف

احنا معك قلبٍ وقالب ابشر ابشر بالوفا
رجال تثبت كالرواس الشم مش متزعزعه

لوألف شاعر يمدحك طوعاً لما قلنا كفى
مكانتك فوق النجوم العاليه متربعه

#الشاعر_عبدالله_الحداد

ياشامخ الهامه كماعيبان ومران والحفاء
يامن سناه أخجل سنا كل البدور اللامعه

يامنبع النهج الزلال الله كم شعبي أحتفى
بالرحمة المهداة من الله للقلوب الموجعه

#أبوأحمد_الغفّاري .

في طلعة السيد مهابه في مقامه إصطفاء
وبنوره الدفاق تستهدي الجهات الاربعه ..

إن طل للدنيا تُحال أقمارها للإنكفاء
ولا تبسم بسمته تشفي القلوب الموجعه ..

#ابوالفتح_الجرادي

يابدر من نور النبوه شاع نـــوره مانطفى
هذا القمر من زاح نوره النجوم الصاطعه

هذا الهدايه والهُدى لناس يانبع الصفــــى
قران ناطق علم واسع من اللهي شرعـــه

#الشاعر_محمد_علي_الجنيد

ياسيدي يابدر ساطع نور وجهك ماطفى
نورك سطع مداليمن والارض والكون اجمعه

يحميك ربي يحفضك اللي بيعلم بالخفاء
ياسبط خير الخلق حبك في حشانا موقعه

#ابوحرب_العتب

يامن ظهورك جاءفي الوقت الذي كل الملأ
تحتاج لك ياسيدي لأن اليهودي طوّعه

وانت من باينقذ الامة من التيه والعمى
واجب على الامه تسلم لك وقولك تسمعه

#الشاعر_ابومجاهد_ابوشوصاء

ياسيدي لبيك ثم لبيك في جهر وخفا
احنا معك ياسيدي واي طاغي نردعه

يانور ساطع في سما الامجاد نورك ماطفى
الله ربي ايدك ب النصر ذي نتوقعه

#الشاعر_احمد_الشريف_ابو فاطمة

معك معك ياسيدي والله مانتخلفا
معك معك ياسيدي بالسلم ولا المعمعه

ياسيدي لك عهد لا نبقى على صدق الوفا
يالقايد الي سعد عين المومن الي يتبعه

#أبوسلطان_سليم_عامر

شعب اليمن راقي وبك ياسيدي زادأرتقا
وباالشعار يصرخ وكل الكون لازم يسمعه

ياسيدي لبيك وأبشر بناء وقت القا
أبشر نهاجم كل صهيوني عميل لاموقعه

#ابو_دهماء_الحمزي

ياسيـدي عبدالملك ياقايـدي رمـز الـوفاء
بحككك مـلا ذا الكــون ررربي شرعه

يانجم ساطع من سباء حمير وبه نتشرفا
خلاك ربي لليمن وللكوننا ذا بجمعه

جريح الحرب #رفيق_زرعان

لبيك يا ابن المصطفى يا بدر نوره ما انطفى
يا حيدر الكرار في ساح الوغى والمعمعه

اضرب بنا يا سيدي في قاع والا في صفا
حتى الفضاء يا سيدي من اجل عينك نطلعه

#أبوحسين_العصري

يا بدر ضوه ف السماء وهاج دايم ما طفى
لك في حنايا الروح هيبة راسخه متربعه

أماااااام نور البدر حلف الشر ولى و اختفى
وصاب قرن ابليس من بأس المجاهد زوبعه

#ابـومـازن_الـرازحـي

ذا قايم اهل البيت في يـدّه لواهم رفرفا
ذا نفس ذو القرنين في علمه وفيما يصنعه

في طاعته زُلفى وحبه من جهنم مصرفا
رب احفضه وارعاه ،ومن كيد الأعادي تمنعه

#أبوهمدان_المعتكف

ياسيدي شمس الهداية نور هديه ما انطفى
روحي فدا روحك وأمرك فرض لازم نسمعه

لأنك القائد علم من آل بيت المصطفى
ملهم من الرحمن رحمة والهدى دايم معه

#إتحاد_الشعراء_والمنشدين

https://t.me/aboyahyaalshami

تابع المجاراة عن #الاوضاع_في_السودان

البداية #ضيف_الله_سلمان

كل القوى ذي شاركت فالعدوان
با تنتهي والوعد لازم مِنّه!!

ف(البيت الابيض) خططوا ل(السودان)
واشدّ من قتل الشعوب الفتنة..!!

مقاولة (بن زايد)و(بن سلمان)
وإشراف امريكا عليها اللعنة..!!

و(الزول) حانب حول (ميدي)(حيران)
وقصده انّه في طريق الجنة..!!

#أبوصخر_الجوحمي

كل المصائب والبلاء فالاوطان
كل الحروب الدائره والفتنه

اسبابها امريكا حليف الشيطان
وابناءسعود واعلامهم والغنه

واليوم فالخرطوم وام درمان
والامس شفنا مكرها في غزنه

من هو مع الله قد وعد فالقران
باينصره والوعد منه. سنه

#الكرار_المجهدي

الزول ودف في بلادي لا الأن
ماشاف من بأس اليمن غير اذنه

من جاء اليمن يبشر بموته مجان
من داس فيها شبر دسنا دقنه

مهما حشْد حلف الغوى والبهتان
وضللوا بالحرب زايد وابنه

مليون لعنه يا تحالف سلمان
واحنا لها في حرب ولى هدنه

#كيان_الشمسي

الـلوبي الـغـربـي دمـار البـلـدان
رأس المصايب والبلاء والفتنه!!

قاد التحـالف في يمـنا واهـتان
من بعد ما الرحمن خيـب ضنه

واليوم يعبث في بلاد السودان
رغم انهم في الحرب نابوا عنه

من با يقول (ل-الزول)يترك حيران
قد في بلاده حرب شيعه وسنه

#ابو_حرب_الحالمي

الزول الاعمى طاح جنب العميان
منذو فتح لاعداء ديني حضنه

سجل مرافق بعد شيخ امريكان
حتى تحبه نجد وترضى عنه

واليوم في. ميدي تعذب وانهان
وذي عليهم. تركن خيبو ظنه

من اليمن قادم. عليهم - طوفان
ذي ينطح العدوان يكسر قرنه

#الشاعر_أحمد_الشريف_ابو فاطمة

كل الذي صاب اليمن والسودان
كله من أمريكا عليها اللعنة

بسم انها ترعى حقوق الانسان
تنشر وتزرع في الشعوب الفتنة

نصيحتي للزول يمسك دومان
لا عاد يحسب يوم، ترضى عنه

ومن تولاها فا حتما خسران
لابد ماتدعس وتدعس بطنه

#الشاعر_حربي_اليتيم

قل التحالف بيننا فاالميدان
وسلمان وامريكاءعليها العنه

ماعاد بنقبل ظلم ولابهتان
ولابنقبل من سعودي هدنه

الحرب قارح بيننا والعدوان
نشتي نبين ايش معنى السنه

لازم علينا نلتزم باالقران
لجل السعادة والهنى والجنه

#أبوسلطان_سليم_عامر

هذه النهايه ذي رادها الامريكان
ينهولشيعه علي باالسنه

يقضوعلي الاسلام هذا العنوان
بسلوب شيطاني وهذا فنه

أستعبدو ملوك ضعيفين أيمان
ربوعلماء الهم نطق الغنه

لقيولهم أمه تولوء الشيطان
وفكوالله القوي ذوالمنه

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان الدفع بابناءنا وبناتنا الى المدارس الصيفية وتحصينهم بالثقافة القرانيه.

البداية #عبدالواسع_صايل_الغولي

حملة من التضليل والإفساد والفكر الدخيل
قامت بها إسرائيل وامريكا وواجبنا الثبات

الحل في التسجيل يالشعب اليماني الأصيل
في المركز الصيفي لكل ابنائنا اولاد وبنات

من دون قال وقيل نتوكل على الله الجليل
ونواجه العدوان من كل النواحي والجهات


#ابو_اياد_المطري

الغرب واسرائيل وافساد الأمم اكبر دليل
لا نهمل الموضوع من بعد العِبر والبينات

الله في التعجيل مابه غيرهدي الله سبيل
يا شعب ابوجبريل هبّو نقتفي خير الصفات

من محكم التنزيل يتشبع ثقافه؛ كل جيل
نحمي مبادئنا من إفساد العدو والموبقات

#ابوحنشل_قاريه

من محكم التنزيل يُزهَق كل مستكبر ضليل
ومن ابو دربيل ذي يكسر خراطيم الطغات

الجيل بعد الجيل بعد الجيل مابش مستحيل
نصنع مـن القـرءان اقــوىٰ من قـنـابل ذريات

تخسف بأسرائيل تحت الأرض مليونين ميل
وتصير في تأويل ثاني في سِجل المهملات

#ذوالفقار_القيدله

باالفاتحه والفيل والآيات نصنع خير جيل
هبوا وشدوا الحيل نحو الصيفيه شدوا الخطات

علم اوجهاد الليل ياالشعب اليماني الأصيل
ياشعب ابوجبريل وعيك والبصيره خير ذات

صدقك في التأويل والإيمان والحكمه دليل
زيل الضلاله زيل من كل المناطق والجهات

#الكرار_المشراقي

هبوالى التسجيل وابني يايمن لك خير جيل
علم وجهاد نصد حملات الاعادي والطغات

قولو لااسرائيل تعلن من فلسطين الرحيل
الموت والتنكيل من كل النواحي والجهات

لن يفلح التدجيل دام الله حسبي والوكيل
وشبال هاذا الشعب متوليه للعلام الهداة

#جميل_فرج

الله الله ياولياهم سجلوهم بالمراكز والدليل
قال كفى بالمرء اثما أن يضيع فلذات

اكبادنا شجعوهم فهموهم التحرك في سبيل
الله يحميهم من كل الأمور الموبقات

اشرحو مابيدور من غزو مااريد اني أطيل
ما حصل وماايحصل من تميع وانفلات

#احمد_تاج_الدين

فرصه ثمينه في دخول العلم والنهج الفضيل
نقبل نسارع نغتنمها حين وصلتنا وجات

دوره من استقبل لها يحضى بمستقبل جميل
يستبدل افآت الخبائث باكتساب الطيبات

هي مسلك النور الألهي والهدى نعم السبيل
والله فيها قد جعلنا احياء من بعد الممات

#أبوصخر_الجوحمي

ياشعبنا بادر وسجل فالمراكز كل جيل
من اجل تحصينه وتعليمه ولايلقى الشتات

يتسلح الايمان والخبرات والوعي الاصيل
والمعرفه والعلم والعزه الى وقت الممات

من يمنع ابناءه عن الدورات قلي مالبديل
إلا الى الاعداءللتضليل دايم والسبات

#ابو_صماد_الفليتي

وانجاهد اســرأئيل وأمريكا وسلمان الذليل
واننطلق تسجيل في المركز ولانخشى الطغاة

ونحارب التضليل وأهل البغي والفكر الدخيل
بأ الهدي والتسليم ونسارع مع ربي ميات

والله مـولانا هو الفــرد المهيمن والجليل
سبحانه المعبود بأندعيه فـي هذه الحياة

#ابوالقدس_الجهيزي

حان موعد التسجيل يا شعبي لفعل المستحيل
بالعلم والتأهيل وابنائك الطلاب تلو الطالبات

مدارس التاهيل يا شعبي بها ردع العميل
نحصن الاشبال من كيد النصارى والطغاة

يا جيل من اشبال يتعلم بنورك يالخليل
حصانة الاجيال يا شعبي بعلم النافعات

#ابوالفتــح_الجــــرادي

عمل عمل في طاعة الباري وفي قصد السبيل
علم وجهاد تحصين للاجيال من غزو الغزات

سلاح ذو حـدين بـــالقــران نبني خير جيل
متسلح الايمان ماينحاز نحو المــــغريــــات

#أسـامـة_المـعبـاء

من محكم التنزيل وبالتعليم والصبر الجميل
نواجه التضليل وحرب الناعمة وكيد الطغاة

ونبني افضـل جيـل قـراني مثقـف مايمـيل
عن نهــج ربي والنبي وآله آعــلام الهــداة

العلــم هو تسليح ياشعب المغـــاوير النبيل
يبني بيوتآ لا اساس لها على هاذي الحيـاة

#عبدالقوي_البطل

الكل نشد الحيل ونبادر نسجل كي نزيل
مارسخ الاعداء لدينا من ثقافات باطلات

هذا ابرهه والفيل هاقد عاد بالجهل المهيل
واجب نواجههم ولانوهن بما كادوا بتات

ونقل لكمن ذيل حاربنا مع العادي الدخيل
بمنهج القرآن تتحقق جميع الامنيات

#بشار_عباس_الشومي

لبيك ياتعليم هدي الله والنهج الفضيل
لبيك نرفع صوت بالسبع الاراضي واللغات

لبيك نحو العلم والميدان مانرجع بميل
لبيك ثامن عام والتاسع ولا زلنا ثبات

علم وجهاد مشروع قرآني مع النهج الفضيل
منه نقارع كل متحالف يهودي والطغات

#عيسى_الهروجي

شد الهمم والحيل ياشعب اليمن وادفع بجيل
الغد للتسجيل والتعليم بالسبع اللغات

لا وقت للتاجيل والتسويف في هذا القبيل
ياشعب واسرائيل وامريكا تشيع الباطلات

عصابت التضليل والتدجيل تفسد كل جيل
من حرفوا الانجيل والتورات هم شر الطغات

#أبوسلطان_سليم_عامر

ياشعبنا الحر اليماني ياالى أبدمالك مثيل
نداء عاجل لكم ياأبائناء ولكل الامهات

لابدمن تحصين لكل أولادنا من الفكرالدخيل
علم وجهاد تحصين لاشبالنا من كل الجهات

وباالهداء والوعي بانبني لجيل من بعدجيل
وباالتمسك باالال وأيات الكتاب البينات

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان هو الحكمه.

البداية #سلطان_خضران

لازم ابنـائنا تقـرا وتتعلم
في زمان اوصل التظليل للقمه

طالما العلم نور والجهل ليل اظلم
صيف والا شتاء والهمه الهمه

فالمدارس وفالدورات هل تعلم
ان تعليمهم يابـو هـو الحكمه

#الشاعر_مازن_براش

سلام ياسيدي في البدع والمختم
تفديك ارواحنا ياقايد الأمة

في ضل منهج محمد وآله الاكرم
بانستمد الهدى من واقع الختمة

نمضي نجاهد مع الباري ونتعلم
ونوصل الدين والإسلام للقمة

#الشاعر_أحمد_الشريف_(ابو فاطمة)

لازم الجيل بالقرآن يتعلم
لجل يرقا بهدي الله للقمه

عزته بالكتاب الطاهر المحكم
نور رب السماء ذي يجلي الظلمة

حصن الجيل ياشعب الابا بالعلم
لجل لايصبحو بالجهل في أزمة

#ابوحزام_سامي_المضري

حمدلــــــه من رشدعبده ومن علم
ورسل المصطفى واعطاه مـن عـلـمه

قال لـــه قـــم فٔنذر ودع وتكــــــلم
حارب الجهل تنزل فيكم الــرحمه

وانت بادربطفلك يالغــضي يسلم
من عنئ الجهل والتضليل والضلمه

#الشاعر_بشير_الشامي

حكمة اليوم قالت من قراء يفهم
إن تعاليم أولاده على الذمه

والولد لازم انه ياولي يهتم
لازم انه يخذ فالعلم من قسمه

في مراكز على الجهال يتقدم
في طريق العلاء قد سجلون اسمه

#بشير_سفيان

لازم لي مافهم للان ان يفهم
ثقافه الغرب يااخي ضيعه امه

واصبح الابن متثقف اصم اعجم
يدرس اربع سنين وما عرف لسمه

الى المركز نحث الابن يتعلم
من هدا الله نور العلم والحكمه.

#ابوهادي_الخولاني

ولازم انا نبادر نسبق المغنم
نرسل ابنائنا دورات لا الذمِّهْ

قبلما الاعدا يسوقوهم ولا تعلم
في اي وادي صغيرك يرتعي أو مِه؟

وشاهدنا في الواقع لمن علَّم
مشاهد واضحه تنبي عن الحكمه

وشاهدنا لمن اهمل وما اتفهم
نماذج مخزيه خارج عن الخدمه

وشاهدنا في المبدا وفي المختم
فوارق شاسعه في الضرب والقسمه

#الشاعر_ابوسجاد_حمزة

واجب علينا نشد الطفل يتعلم
نلبسه من هدى القرآن والحكمه

في زمان اصبح التضليل يتكلم
ننشر العلم والتضليل ننهي اسمه

نبـني أجـيال بالـقران تتلـهجـم
بالهدى والبصيرة مبتني عزمة

#الشاعر_عزيز_محمد_البروي

واجب على الكل يتوعى ويتفهم
يسلم من الباطل ومن جرمه

واوجب الواجبات النشىء يتعلم
تحصينهم. يعتبر تحصين للأمه


حاضر ومستقبل الأجيال هل تعلم
في وعيها بالمخاطر توصل القمه

#أسـامـة_المـعبـاء

يارجالي يجب عالكل ان يهتم
بالتعلم لنصبح خيرة الامة

من لحق مركز التعليم بايسلم
من ضلال اليهود وتيهه الظلمه

جيلنا من هدئ قراننا المحكم
نوصله من هداه لاقمة القمة

#ابوذر_الشعف

ذا كتاب انزله رب السماء محكم
وقال إقرا ولكن اقرؤوا باسمه

لازم الجيل للقرآن يتعلم
أو يكون البديل التيه والضلمه

فرض واجب علينا الشرع قد حتم
ندفع الجيل للدورات وبالهمه



#الشاعر_ابوزيد_الدرعي

ذي مايعلم ابنه لابد بايندم
لأن التعليم اساس منهج الحكمه

اولادك واولادناء بالتعليم تتقدم
وغيض اليهودي مات في سمه

#عبدالله_محسن_جحاف

ليش زعتر من الدوره يجيه الغم
مادرينا السبب أوقلنا للمه

يشتي الجيل مثله ناس ماتفهم
عند سلمان يشحت مثلما الدمَّه

جيلنا جد وتعلم لنتقدم
بك يباهي يمن ليمان والحكمه

#ابوهادي_عقاب

قل لصهيون وامريكا ومن يحلم
فاليمن سوف يهزم وانعكس حلمه

صار شعب اليمن واعي وهويعلم
ان نهج الولايه من اسس علمه

فالمراكز تخرج جيل لا يألم
لويحاصر مدى الدهرين ماهمه

#أبوصخر_الجوحمي

واجب الشعب يخرج جيل متعلم
من خلال المراكز ترتقي الامه

يستفيدوا القراءه وعي يتكلم
والفوائد من الدورات هي جمه

اكثر الشعب قد بادر. وقد سلم
ودخلو ابناءهم دورات للحكمه

#ابوصالح_المسعودي

بسم الله الرحمن ذي خلاني اتكلم
العلم للأجيال من رب السما نعمه

يحصنك من فكر وهابي وسع سلم
ماينطقو بالآل ينغو مثلما الدمه

يسعو لمسخ اجيالنا ذي ماعلم يعلم
يبدلو نعمة اله الكون لانقمه

#محمد_رطاس

من يريد التيهواد يارجال يعدم
يسرع باابنه ويرفع عنده الهمه

لامركز الصيف من نور الهدى يغنم
ويعرف ايش الذي أنزل في الختمه

لاتجعله ف الشوارع بعد تتندم
حينما تشوف الذي مثله في القمه

#ذولفقار_قوزع

بالعلم نبني رجال وذي ماعلم يعلم
يعلم بأن الهدى لطفالنا نعمة

يزكي أنفس ومن كل اشرور تسلم
ويرفع أجيالنا بخلاق للقمه

واليوم واجب علينا ننفر ونتعلم
ونعلم اولادنا الهدي والحكمه

#ابوفضل_الهمداني

اولادنا درعنا السيف والمحزم
هم املنا ويكشف الله بهم غمه

وفى السنين القادمه جاليين الهم
ويشربون العدو كأسين من سمه

هذه هي الدورات والمعلمين اعلم
يامومنين اشحذو والهمه الهمه

#أبوسلطان_سليم_عامر

أيمان يماني والحكمه بتتكلم
هذا المسيرمصنع باالعلم والهمه

باالعلم والحكمه عدو الله يتالم
ويرتدع ولاأسترين الباتريو يحمنه

وباذن الله سلمان وأبنه بايندم
وللقوي الفضل كله والشكروالمنه

#إتحاد_الشعراء_والمنشدين

https://t.me/aboyahyaalshami

ياسيدي لك عهدمنا نظل أحرار
وشرط حريتنا نحمي الوحده

وحده يمنا غالي ياشلت الاشرار
والنصرقادم باذن الله قرب وعده

لاتحلموتمزقونايصيرأيش ماصار
وفي النهايه جيشناقدقرب رده

ياويلكم ياويل من قوه الاعصار
أعصاريغيربجز البحروفي مده

#أبوسلطان_سليم_عامر