حاطم اثنين جاهز للعبور
تحت امر القيادة لا أمر

يجعل البحر للاعداء قبور
ذوق الصهينه كأس الامر

فرط صوتي على الباغي يدور
لا يخلي لأمريكـــــّـــــــــاء أثر

#ابو_صماد_الفليتي

تصعيد فالساحــــه وفالمينا
ياشعــبنا تحشيد مـتــزايد

انصار ونتـــــرجـم أسامينا
في نصر غزه يايمن جاهد

جـــروحـــها فينا وتدمينا
وايلامها وايـــلامنا واحد

#ابـومـازن_الـرازحـي

السمع والطاعة لوالينا
يبشر بشعبه ماحدا قاعد

عن نصر غزة ما تخلينا
ولا التراجع عندنا وارد

#ابومصطفى_الرضي

في الغد با نثبت تولينا
ونقدم القدوة مع الشاهد

ونوجه الصفعه لا اعادينا
مع تصاعد ردعنا الصاعد

#سجاد_تشلان

من بعدما اعلنا تولينا
لابدما نعطي الولا شاهد
.
من خُمّ شعب العز ياسينا
قادم وحشده حشد متزايد
.
والله ما نهدأ ولا فينا
عن نصرغزة فرد متقاعد

#مناع_شريم

ياشعبنا قدحان موعدنا
لا كل ساحه صوتنا واحد

تفويض مطلق هو لقايدنا
والله علينا مطلع شاهد

#ابوفتح_الجرادي

لساحـــة العـــــز ردّيـنــا
وكل شـي يــايمـن وارد

اصعب مراحـل تعدينـــا
وعالــم اليـــوم متبــاعـد

#ابوزكرياء_مفلح

جيناك يامسرى النبي جينا
جيناك ماحد مننا قاعد

حرام ما نخضع لاعادينا
لو مابقي منا ولا واحد

#عبدالله_بحنان

اسرع من الصوت سدينا
لساحة السبعين نتوافد

عزة مع الله يكفيــــنا

دعوة فلسطين والقايد

#ابوحمزه_المقاش

واحنا تراضينا وسدينا
بعد العلم نكسر الجامد

الويل يا من جا يعادينا
واحنا بصف السيد القايد

يا دعوة الرحمن هبينا
والقدس مشروعنا الرايد

#الـكـرار_الـعـقـيـبـي

لدعوة ابن البدر لبينا
نقاتل الطاغوت ونجاهد

على النبي والأل صلينا
وغيرنا صلى لابن زايد

للمصطفى واله تولينا
ودونهم لو بقي واحد

#ابو_صماد_الفليتي

لله وآل البيت لبيـــــنا
وأطفال غزة والله الشاهد

بانحتشد ونمد بأيدينا
للخواننا في القدس والساعد

#ابوعلي_مبخوت

مسلمين له ماتعدينا
لومابقاء من شعبنا واحد

لمريك وإسرائيل تحدينا
في كل ساحه والله الشاهد

#محمد_الرقيمي

يا ساحه السبعين سدينا
نخرج ولا يبقى ولا واحد

ولو لغزه لحم في ايدينا
لانتزع من الحمه الساعد

#ألـشاعر_أبومحمد_الجعفري

للــداع يا (ابن البدر) لـبـيـنا
لبــيك لـا الساحات نـتـوافـد

ولـــجل ""غـــزّه"" ما توانينا
طوفان ما اتخلف ولـا واحد

#ابوزينب_الوجمان

يا سيدي واحنا ملبينا
سمعآ وطاعه سيدي القائد

وابشر بنا في العسر واللينا
واحنا لغزه عون ومساند

#أبورماح_شداد

يامـــــــن بدأت القول ردينا
والراي واحد والهدف واحد

باتثبت الساحــــــــه تحدّينا
والغد مشهد شعبنا شــــاهد

#أبوصخر_الجوحمي

لبيك يابن البدر والينا
نخرج وحشد الغد متزايد

لا للوهن لا للملل فينا
مادام اسرائيل متواجد

#شاعر_بلاد_الروس

طعناك ياسيد ولبينا
والله مايبقا نفر قاعد

الكل للساحات هبينا
سباق والله وحده الشاهد

#جميل_الجنيد

ما في القطاع كنّه حصل فينا
صنعاء وغزة شعبهم واحد

البدر نادانا ولبينا
والشوق للساحات متزايد

#ابومجاهد_الغمري

يا سيـــدي لا عد تنـــادينا
اشّر بالاصبع والله الشاهد

مادام بالاقصى مراســـينا
ما من تخـلّف مننا واحــد

#طه_الرازحي

ياناصر المظــلوم والدينا
لبيك ابو جـبـربل يا لقائد

أبشر ولـو ماعـاد تدعــينا
بانســـــتـمر وربـنـا شاهد

في يد الاقصى مدّة إيدينا
وذا خـــذلنا يقطع الساعد

#الشاعر_عبدالرزاق_ذياب

لبية ياداعي يـــناديــنا
بدعوة القران والــقايد

جُدنا مع غزة وجـــدينا
بكل مافي اليد متواجد

#خيرالله_الخولاني

من وحي عدو قوم عدينا
مانمتلك لمقامعت جاحد

ياسيدي لك مستعدينا
مستنفرين لوما بقا واحد

#ركــان_يـعـقـوب

ياابن الهدئ والهدي والدِينا
احنا معك والواحد الشاهد

أشّر فقط وابـشر بنا جينا
انت الولاء والنور والقايد

#محمد_هادي_المؤيد

على القيم والعز شبينا
لنصرة المظلوم نتوافد

الله مولانا وحامينا
والبأس في شعب اليمن واجد

#الشاعر_عزيزالبروي

يا شعبنا يغتاض اعادينا
زخم حضورك قدم الشاهد

من ساحة السبعين بادينا
لا وعد الاخرى نصرك الواعد

#عبدالحميد_غرزان

هاذا ابن بدر الدين قايدنا
هبو معه هبت رجل واحد

بنفوسنا واموالنا جيينا
ودم فينا نار متواقد

#احمد_امين_الكبسي

بـا نحتشد مـا شـي ينسينا
والعار يلحق من جلس راقد

يا ليت والساحات في سينا
نهجم على اسرائيل ونجاهد

#أبوعزام_الشامي

العيد عيد النصر بأ يدينا
يا شعبنا حاطم هو الشاهد

خروجنا السبيعين يعطينا
قــوه أمــام العالم الجــامد

الـــقــائد الكــرار يــنــادينا
لازم نــلـبي دعــوة الــقــائد

#ابواحمد_الغرباني

لا اشتدت الأزمات شدّينا
نعاضد المكلوم كالساعد

فلا العيا في يوم يعيينا
ولا الوهن يثني رجل واحد

#ابورفيق_الحدم

احـــــنا بفضل الله تولينا
قايد وتوجيهه هو السايد

يالابتـي في الغــد حنينا
في البيت لايبقى ولاراقد

#ابوعبدالملك_الغولي

لبيك ابوجبريل هـبـيـنا
لا كـل ساحه والله الشاهد

با نـنـصر الاقصئ ملبينا
وندوس صهيوني وجوبايد

#اتحاد_الشعراء_والمنشدين

https://t.me/aboyahyaalshami

تابع عنوان المجاراة
(اليمن مع فلسطين في خندق واحد)

البداية #ضيف_الله_سلمان

بلغ السنوار يابو عبيده
من يمن ليمان ازكى السلام..

والقسم لو ما المسافه بعيده
لا ترانا في خطوط الأمام..

كيف با نسكت وغزة وحيده
في الاسى واطفالها فالركام..؟!

#رامي_السوداني

اليمن خاض الحروب الشديده
ل اجل غزة في الضياء والضلام

وان سكتنا يا رجال السعيده
لا يقولو عننا احفاد سام

ما ترك غزه تقاتل و حيده
غير ذي هو من عيال الحرام

#ابو_صماد_الفليتي

داخل الأحمر والأبيض نصيده
من تعدى فوق عزة وحــــّــــام!!

نغرقه في البحر نقطع وريدة
والسفن بالله تبقى حطـــّــــام

في سبيل الله يابو عبيــــــده
صف كل البنيان شد الحـــزام

#ابتسام _شرف_المحطوري

والعهد من أبطالنا فالسعيدة
أنّ لغزة سيف يفني اللئام ..ِ

مواقف الأحرار فعلا عديدة
بتعد للطغيان موت الزؤام

يقودهم قايد لطه حفيده
ربّى رجال الله أن لا تضام

#أحمد_عبدالرحمن_الظمين

ماعذر صهيون نقطع وريده
ماعذر يصبح كيانه حطام

بانبيده باذن ربي نبيده
حربنا ماله وراها سلام

ويل ويله من حمات العقيدة
جند رب الكون رب الانام

#فايز_الحمزي

من يمن ليمان بلاد السعيدة
من جبل مران من ارض سام

بلغوا غزة مع ابوعبيده
والرجال الثابتين الڪرام

دمنا واحد بمجراء وريده
ما تراجعنا امام اللئام

#أبوصخر_الجوحمي

نصرة المظلوم فينا عقيده
راسخه مايوم نخشى الملام

منهج الله والقياده الرشيده
نال شعبي عزته. والمقام

اصبح الايام ماهي بعيده
ندخل الاقصى بقايد همام

فتح خيبر العلم با يعيده
هو كما جده عليه السلام

#عبدالقوي_البطل

من يمننا الصامدة والسعيدة
بانواصل دعمكم للختام

كلما كادوا لنا من مكيدة
أو يشيعوا عننا من كلام

لأجل نوهن عن مواقف مجيدة
في نصر غزة لوفنينا تمام

#ابوهادي_عقاب

يادعاة الشر واهل المكيده
حان وعد الاخره يا لآم

امة البأس الشديد العنيده
صنعت الحاطم بكل اهتمام

من ظلم غزه فتنحر وريده
فاتح الاقصى يقود المهام

#أبوأحمد_الغفّاري

والسلام للضيف منّا عديده
الشجاع الحيدري الهُمام ..

غيرة الشعب اليماني فريده
يا فلسطين بكره الإلتحام ..

اليمن رغم الضروف الشديده
با تجيكم لو بظهر الغمام ..

#علي_الوزير

من يمن لايمان وارض السعيده
درع غــزه واهــلـهـا والــحــزام

بـانـواصـل حـرب هـيده بـهيده
مـع حمـاس اللي تسـوق الـلـئام

سوقـنا لاذنـاب نـتـن وعـبـيـده
مـن شـرورا لا حـرض لا سـقـام

#الهادي_موسى

قال عشاق الحروب العنيدة
و القسم لو ما تبقى غلام

يا شياطين الضلال المريدة
انتقام الله اشـــــد انتقام

نصرة المظلوم عندي عقيدة
و التراجع يا النشاما حرام

في رضى الله مانهم النقيدة
لا ولا نخشى في الله ملام

#الـشاعر_أبومحمد_الجعفري

يا يمن ليمان وارض السعيده
حـان وقت الردع والـإنتـقام

نكـفو فـزعه لـ غـزّه الوحيده
واشعلوها حرب كُـبرى قـيام

لـا وهـن لـا ضعف قوه شديده
دام( قـايدنا ) مقنَّف هُمام

#علي_محمد_المحاقري

موقف الشعب اليماني عقيده
راسخة مـن عـهـد آدم وســام

مايفرط في القيم لو تـبـيده
والمبادئ والقضايا الـجـسام

الحرم والقدس داخـل وريـده
بـايـقـاتـل لاجـلـها الــف عام

#احمد_تاج_الدين

ألمواقف ياعُبيده شهيده
لو قدرنا نوصلك بالدوام

كلّنا غزّه وماهي وحيده
دون نصرتها عقدنا الصيام

نصركم فُطره وفينا عقيده
با نساندكم لحتّى الختام

#عماد_دايل_العماري

غزه الاسلام ماهي وحيده
اليمن معها تشدّ الحزام

يا عدو مسرى النبي باستعيده
من بني صهيون ابنأ الحرام

مثل ما فالبحر صفَّر رصيده
غدا بايعجز بنطق الكلام

رحّبي بالحامله يالحديده
واسحبيها وامسكي بالخطام

#الشاعر_عزيز_البروي

لو يشنوا حرب كبرى مديده
ما تركنا شعب غزه يظام

والتحيه من يمنا السعيده
لهل غزه والرجال العظام

عهد منا ف الظروف الشديده
نسقي اسرائيل كاس السقام

#أبورماح_شداد

بانبيد المعتدي بانبيده
لونخوض الحرب مليون عام

لجل غزه هـاج بحر الحديده
واليهودي لن يحقق مرام

الله الغالب وحنّا عبيده
والكرامه للرجـال الكرام

#بدرالدين_لطف_الله

ما المعارك ذه علينا جديده
نحــترب لو ودهم الف عام

عهد يا محتل كيانك نبـيده
ووسط غزه ما تذوق المنام

عاد با نظهر صواريخ جديده
با نبـادر كـل سـاعـة قـتحام

#محمد_البريهي

حقنا والحق لازم نعيده
ماعلينا يالعروبة ملام

لجلها ثارت يمنا السعيدة
بالكرام ابنا الكرام الكرام

دام تربطنا علاقة وطيده
عن قضيتنا قسم ماننام

#المنشد_مؤيد_التوهمي

ونت تعرف زين يابو عبيدة
عن رجال البدر وحفاد سام

ميزة الشعب اليماني فريدة
الشجاعه والوفاء والسلام

ضربته في البحر ضربة سديده
والقريب النصر والنصر تام

#همدان_حجي

انشروا عبر الصحف والجريده
رسلوا فالخاص مرسول عام

بيت او بيتين لاكن مفيده
من تفهّمها عليه السلام

اليمن غزة ولا هي وحيدة
دونها كسر الرقب والعظام

#اتحاد_الشعراء_والمنشدين

https://t.me/aboyahyaalshami

طوفان جاهز لخـّــوض المعركة
في البحر الأحمر وفي كل البحور

طوفان غاضب يـــّـــــــدق الأمركة
يغرق بوارج ولا يبقي قصــــــــــّور

الله رب الـــــــعلا ذي حـّـــركة
وأيده يفني الخصم الفـــّــخور

على يد أنصار ربي فبــّــــــركة
يشفي قلوب اليتاما والصـــّدور

#ابو_صماد_الفليتي
🔰

با الأمس حاصرنا اليهودي من غذانا والدواء
واليوم حاصرناه في المندب وضيقنا علـــــيه

الحمد لله القوي ذي هوا على العرش أستوى
مغير الأحوال سبحانه وكـل الامر إلــــــــــية

ذي به صرخنا من جبل مران رغم أنف القوى
وبه رفعنا روسنا عالي وبيـضنا الوجــّـــيه

وبه بدع طوفان الأقصى واليمن ذي قد طوى!!
ثلاثي الشر الحقيرة والمطبع ذي يلــــــــــية

#ابو_صماد_الفليتي

سلام للقايد علم خير الاعلام
فرض على العالم عظيم احترامه

جاء للهدى والخير وفقير وايتام
نبع الوفاء والعز والابتسااامه

وفعل الهيئه على المصدر الهام
حسب المصارف حقق الله مرامه

#ابوبراءة_الديلمي

منجز عظيم فيه التراحم والاكرام
وشعبنا هوا شعب زاد احترامه

حقق ملاحم في بطولات ووسام
هامه عظيمه فوق الاقزام هامه

وحفل تاريخي شمل كل الأيتام
واسعد قلوب الكل ليله تمامه

#بلبل_النصر_حسن_المهدي

من ساحة السبعين جانا النبا هام
ولاح بـالـعـرسان بـــرق اسـتـلامه

عـود الـزكات اشتد من عام لاعام
وخــيـرهـا عــنـوانـه الاســتـدامـه

مشروعها من شرع ربي والاحكام
وتـترجم الـتطبيق خـاصه وعامه

#جميل_جعفر_ابوشامخ

نهج المسيره منهج العزه التام
جسر التكافل والأخاء و الدعامه

والهيئه العنوان لاوصاف الإكرام
بصمه على وجـه الشريعه و شامه

فيها الوفاء و الحب دايم والإقدام
فيها التراحم و والإخاء و الشهامه

شهاب المتوكل

شعب اليمن في كل الاعمال مقدام
في الله يمضي ليس يخشى الملامه

من اجل صون الارض والعرض قدقام
زكى بارواحه وحقق مرامه

واليوم بامواله مزكي وغرام
حصن باكبر عرس خيرة كرامه

#زيد_الحوثي

الهيئة العامة بتحقيق الاحـــــــلام
ترســـــم على وجه الفقير ابتسامه

مفعولها ســــاري بتوصيل الارحـام
وسعيها مشـكــــــور بحفظ الكرامه

أحفاد من صان الحرم قبل الاسلام
بالعز والنامــــوس هــــامه وقـــامه

#أخت_شهداء_البكالي

شعب اليمن فرحان قادات واعلام
ترسل تحياها مع الابتسامه

مادام شرع الله واركان الاسلام
تطبيقها جاري. ليوم القيامه

بانرتقي ونسير قدام قدام
نسعد بنور الهدي والاستقامه

#ناجي_القطيبي

تيسير مهر البنت بيحقّق احلام
ويحصّن العزّاب فالشّعب عامه

ويغيض من جونا بمشروع هدّام
باع الهويّه، والوطن ،والكرامه

تعيش يبن البدر واسيت الايتام
واتحصّنت بك تسعه الاف هامه

#ابواحمد_الوايلي

في عرس عشره الف فارس ومقدام
زف الفرح شعب اليمن بالسلامه

بالعز شعب الجود في شرع لاسلام
يكمل لدين الله معسر يتامه

ودام به في الشعب هيئات ونضام
با يقتهر خدام قصر اليمامه

#عبدالغني_ضبعان

هذا هو الاسلام يا شعب الاسلام
عظيم هذا العرس عالي مقامه

اليوم فرحة للمساكين والايتام
الله يجعل فرحهم مستدامه

قريب والهيئه تجيب ثوب الاحرام
لحج بيت الله عز وكرامه

#أبوحسين_العرجي

برعاية الهيئة أكتمل نصف الإسلام
والله حقق كل واحد مرامه

من بعد ثامن عام دمعات الايتام
غطت وجيه ايتام صور إبتسامة

الله بالعزة لشعبي علم دام
في كل عام أفراح شعبي مدامه

#عبدالقوي_البطل

مادام قائدنا في الحق مقدام
في سلم والاحرب يحكم نظامة

في المعركة مثل الاسد فذ درغام
ينسف عواصف من تحدوا مقامة

ومحاضراته في التواصي بالارحام
والتكافل حث في الشعب عامه

#ابو_صماد_الفليتي

مشروعنا القران ياحلف الاجرام
يابايعـــــــــين الدين والاستقامه

جينا وفـــــــرحنا على كل الايام
في فرحة الانصار بـ قوى ابتسامه

جينا وزفيــــــــنا التهاني بالقلام
في فرحة العرسان واهل الكرامه

#الشاعر_عمر_الأهدل

أحييت يا ابن البدر اركان الاسلام
الله يديمك فوق شال العمامه

كمّن فقير محروم فوق اربعين عام
اعدت له يا سيدي الإبتسامه

هيئة زكاة الشعب وتحقيق الاحلام
مشكور بن نشطان اصل الشهامه

#ناجي_القعود

في اليوم هاذا تم تحقيق الأحلام
وكل عازب حقق الله مرامه

امجاهدين اكبار واشبال وايتام
وكل مسكين عايش الابتسامه

يهنى كم العرسان اعواام وإيام
والله يتتم. بينكم. بالسلامة

#الكرار_المشراقي

سلام ياشعب البطــوله ولاقـدام
اعداد ماشنت مزون الغمامه..

يااول وطن عانق في الكون الاسلام
الكون لك يوقف بكل احترامه ..

اثبث هاذا اليوم بالعرس ذي قـام
انك وطن ليمان دار الكرامه..

#بشار_دهقم

الرقم هذا فاق من فوق الرقام
ونتج رجل العز واهل الكرامه

الشعب هاذا شعب واعي ومقدام
أنهى قوى امريكا وقصر اليمامه

محصول هاذا العام من فوق العوام
ونعم بهاذا الشعب عالي مقامه

#منير_سريع

هيئة زكاه من عام تكبر الى عام
صارت لها في كل حاجه علامة

بصمه وحكمه صاغها الله باحِكام
في ضل دوله قايمه مستدامة

سلام للسيد مزايا وارقاام
ذي زوّج العزباان ربي اداامة

#الشاعر_يوسف_الحداد_ابوحيدر

تزهى بها الاجيال من عام لاعام
الواجبات والهيئه المستدامه

كلين يشتشعر بالاعلام الاقدام
ويطهر امواله ويرفع وسامه

هذه زكاة الله ياقوم الاسلام
طريق للجنه ودار السلامه

#الشاعر_بشير_الشامي

اهل الفرح جعل الفرح عندهم دام
من فضل ربي بانعيد السلامه

وفضل قايد حر شامخ ومقدام
اسس لنا الهيئه وعاد ابتسامه

واليوم قد صرنا لقدام قدام
وصار عند الكل فرحه وقامه

#الشاعر_ابوفاطمة_الشريف

ياشعب شامخ فوق يارمز الإسلام
دايم زكاة المال فيها السلامة

حافظ عليها دايم الدوم مادام
هي ركن للإسلام حتا القيامة

وحطم مشاريع الفسادي والجرام
بالواعي ياشعبي وبالاستقامة

نفوسنا للقى والحرب تتشــّوق
واقدامنا في سبيل الله سباقه

مع أبن بدر الدجى بانشحط المحزق
وحلف صهيون بالله نقتطع ساقــّـــة

ونفتح القدس والباب الذي اتغلق
ونمنــــّــــع اليوم تدنيسه وغلاقه

وندرج الصهينه وامريك للمأزق
وليلة الجن فوق الكفر خناقة

وشعبنا حاصر الطاغوت وتفوق
على جميع العرب قد حن براقه

من ساحة الحشد والبحر الذي غّرق
بوارج الأمركة والشر واطواقّه

مع فلسطين في ذأ الحرب والخنـــــدق
يفدي القضية وحب القدس في أعماقه

#ابو_صماد_الفليتي

( وجٌع كربلاء)

يالحسين الفدائي وألشجاع ألمعظّم
يأحفيد النبي ياباعث العزم فينا

يوم ذكرى رحيلك يأ ألولي المقدم
كل مؤمن على هذا الكون أصبح حزينا

من مأاسي بوسط القلب صارت مخيم
خلت ألعين تبكي دم بعد الحسينا

من وجع كربلاء والجرح ذي سال بالدم
في جسد أمة الإسلام طول السنينا

يوم سبط ألرسول أللي مع الله قّدم
روحه الطاهرة في نهج طه الأمينا

ماتراجع وبأ(الأيمان) و ألوعي ملٌهم
سل سيّفه عٌلى الكفار وألمجرمينا

ورتقىٌ جنة ألرضوان بأالخير ينعم
رافع الراس والهامه وشامخ جبينا

بس جرح أل طه وألوجٌع قد تركم
بعد فقد الحسين زاد الالم والانينا

لكن الله يعظم أجر(طه) ألمكرم
وأل بيته ويكتب أجرهم في حسينا

#ابو_صماد_الفليتي

تسلم يدك ياشعبنا تسلم
اثبت للقايد مـّــداء حبك

انا اشهد انك شعب لاتهــّزم!!
ويل السعودي من صدى ضربك

خرجت لسبعيـن تتقـــــّــدم
من أجل غزة في رضى ربك

#ابو_صماد_الفليتي

ياخان يونس كل الإعراب خانوك
إلى اليمن في نصرة الحق قـّـادم

محال يتراجع وهيهات ينســّـوك
لو مابقي في الكون أنسان حازم

ابشر بنا ياقدس والشعب لبـوك
من ساحة السبعين والكل عازم

بعد الجرايم لعنبو من يخونـــــّــوك!!
ويهدروا دمك لعدوان ضـــّــــــــالم

#ابو_صماد_الفليتي