تابع المجاراة تحيه من الشعب اليمني بقيادة السيد عبدالملك الى غزة واهلها الابطال( #أبو_عبيدة_يحيي_اليمن )

البداية #سلطان_خضران

أبوعبيدة يحيي شعـــبنا فى اليـــمن
واحنا نحييه في غزه وكــل اهلها

ونقول ماقــاله السيد لــهم فى الـــعلن
ان (لستم لوحدكم فالحرب  واحنا لها)

#ابوبدر_ذيبان

صنعاء للاقصى عضدها في جميع المحن
واحنا لارض القداسه جندها واهلها

تحيا فلسطين حره مايفيها ثمن
والموت حايم على صهيوني احتلها

#أبوخارف_ابوشوصاء

من أرض لنصار موطن سيف بن ذي يزن
مهد العروبه وكل الكون يشهد لها

نرفع تحيه لغزه رغم جور المحن
سلام ربي على غزه وابطالها

#ابوكنعان_الروس

حيا دنينك وحيا منطقك والشجن
يانبض غزة وسيف القدس ياأصلها

صنعاء لك الزاد والامداد وايضا سكن
وشعبها هم سنادك في حماء هولها

#ابوحمزه_المقاش

صـهـيـون صـيـده وصـيـد الـمكـر هو والفـتـن
من عـاش مـديـون لامـريـكـاء فـهـو نـجـلـهـا

انـصـار يـا قـدس نـتـزيـن بـحـب الـوطـن
ونـحـب غـزه ونـعـشـق في الـوغـاء رمـلـهـا

#محمد_الاخرم

مع فلسطين ما تعرف هممنا وهن
وغيرنا بالشــــذوذ المـــختلط فلَهَا

قد قال بسام يبقى الممتهن ممتهن
من خاف درب المعزة قول له خلها

#ابوفتح_الجرادي

حكمة وايمان انصار النبي في زمن
اتحالف الكون ضـدّه والدول كلـها

واليوم هيـــهات نتـراجع وكلا ولن
عن عهدنا يـافلسطين الأبا واهـلها

#أبوحسين_العصري

ما احنا من اللي يقدم لأهل غزة كفن
ولا من القوم ذي خان الدما و آلها

قضية الكل الأقصى من قديم الزمن
والدم والحال واحد حالنا حالها

#ابومحمد_سحار

الله يحييك ياناسف عباد الوثن
ازكى التحيات من ارض اليمن كلها

انتم هم احنا واحناانتو وكل الوطن
واحد ونفس القضيه كلنا لاجلها

#عبدالقوي_البطل

واحنا فدى القدس والاقصى وغزة ولن
نشوفها وحدها بتصارع أهوالها

لو نبذل الارواح والانفس لها اغلى ثمن
وندك جند الكيان ذي قتل اطفالها

#ابومحمد_المهذري

غزه جسد واليمن روح الجسد والبدن
ترخص لها ارواحنا ونموت من اجلها

يشهدلنا الوقت والتاريخ طول الزمن
ان اليمن للعروبه اصل واحنا اصلها

#أبوصخر_الجوحمي

كل التحيه مع الاجلال منا اليمن
بقيادة السيدالقائد وترسل لها

تهدى الى غزة الاحرار اعظم وطن
في التضحيه والاباء برغم مانالها

#ماجد_عبدالله_القادري

غزه اليمن ثم فلسطين اليمن
هي تعتبر منا واحنا بالعباره منها

الروح واحد والجسد ثم البدن
ياابوعبيده والتحيه قالها أبطالها

#ابوالعز_القيدله

واحنا معه والقسم بلله طول الزمن
والقدس والله نقسم مانفلت لها

والبحر الاحمر بفضل الله صاد السفن
عاد البشاير قريب ماقل توصل لها

#طه_الرازحي

ازكى تحايا من الشعب اليــماني عــلن
با القايد الــــحُر ابو جــبريل مِرسالها

لابطـال غزة سرايا والكـــــتايب مــعاً
لي ينكلوا بالعـدو فيــــــها وما حولها

#الشاعر_أبوعزام_الشامي

مـليار تحيــه ترسم في جـدار الزمن
لأهـــل غـــزه بأحــرف نور توصلها

من اليمن موطن الحكمه ووئد الفتن
وسوف نحرر فلسطين ممن أحتلها

#ابو_احمد_العفيف

مني ومن لسن ابوجبريل شهم الزمن
نـرد كل التحيه نحو من قالهـــــــــــا

والله يابـــــــو عبيده مايجينا وهــــن
في نصرة القدس وفلسطين وابطالها

#ابوطه_الروس

حُييت يابوعبيده من رجال اليمن
تحية السيدالقائد لكم خصها

نحن انتم وانتم نحن واحد معاً
نحرر القدس والاقصى وماحولها

#الأشتر_هادي_الرزامي

يا من تخلا عن الأقصى فأحنا اليمن
با ننصره هو وغزه دام واحنا اهلها

السيد القايد الكرار أعلن علن
بالموت لمريك واسرائيل جا فعلها

#إسحاق_اللكومي

والحرب عند اليماني من قديم الزمن
سهله ونـّزُٓه وشعب الـــــعز قد شا لها

وغزه اليوم مـاهيه وحــــدهاء لآ ولن
احناء معاها وابن الـــــــبدر قد قالها)

#ضبيان_فرحان

بأرسل تحية عزيزة من ربوع الوطن
توصل الى القدس والضفة وما حولها

والمبتدأ بأهل غزة ثاني اطهر مدن
ذي نكلوا بالعدا بالرغم ما جالها

#ابوجبريل_ شريف

من اليمن للكتايب والسرايا معا
سنقتلع غدة الاجرام من اصلها

وقالهاقائدالثوره وقالهاالسيد حسن
تمادت اسرائيل في الاجرام في فعلها

#الشاعـر_ابوكـيان_الجـابـري

شـعــب اليمن شمَّــر من اعماق المحن
نـحـو القـضـيـه لأجـل غـــــزه لأجـلـهـا

سـارع بِـمَا وَصَّا الحـبـيـب الـمـؤتـمَـن
يابو عبيده ذَوِّب اسرائيل وامحِي نسلها

#مقبل_العماري

ابو عبيده مـــع(السيد) وسيدي حسن
نالوا شجاعه من الله مـــــــاحدا نالها

رغم الجروح العميقة والوجع والمحن
قاموا بشده و خاض الحرب واهوالها

#نشوان_همدان

بسم المسيرة وقايدها وشعب اليمن
أزكى التحايا لغزة قُمت بـ ارسالها

(لا تبتئس)يالفسطيني بفعل الخون
(إني أنا أخوك) وابو جبريل قد قالها

#إتحاد_الشعراء_والمنشدين

https://t.me/aboyahyaalshami

المجاراة بعنوان الذكرى السنوية للصرخة في وجه المستكبرين

البداية #الشاعر_ابوجهاد_صبر

قال اليماني مـن اعــــداء الله نتبرا
ولـ.اولــيـائــه نـوألــي مـن ولاء عمار

ياشعبنا فـ الجبل والسهل والصحرا
اصرخ بوجه اليهود وحلف الاستكبار

شـعـارك اليــوم قـد زلـزل دول كبرى
ربى رجاجيل اشداءٌ على الكفر

#نشوان_همدان

ياصرخة الحق دووي داخل المسرى
وفُـكـي الـقيـد عنـها بـعد أخـذ الثأر

وسطّري النصر حسب الوعد والبشرى
بخيول سبط النبي وجنوده الأنصار

يدخل أولواالبأس من سيناء والبتراء
و يـتـبـروا مابنـاه صهـيـون والآثـار

#ابورفيق_الحدم

احيــيتة الـيوم ياشعب اليمن ذكرى
شــعــارنا ذي قمـعنا به شرار النــــار

زرعت به في نفـوس اعداك باالمذرا
الرعب واغمــاهم التسـبيح والاذكار

العــالم اصبح بحالة باالاصح غبراء
من يـوم مااطلق عنانه حيدر الكرار

#الشاعر_ابوالقدس_الحشيشي

قال اليماني لذي ماقد درا يدرا
يصرخ بصرخه قويه سع يمن الحرار

يبرا من اعداء الاسلام اليهود يبرا
يلعن مريكاء واسرائيل هم الاشرار

يصرخ ويرفع يمينه يرفع اليسرا
لاعذ ر يتعذرو به كملت الاعذار

#زكريا_صلاح

ابن البدر اضاء الدرب للمسرى
ومضى الى ربه الواحد القهار

له الفضل على كل من جاهد واتبرا
من اليهود وأمريكا وأئمة الاستكبار

ولذا تنزلت قل لا اسألكم عليه أجرا
إلا المودة للقربى الطيبين الاطهار

ـ ‎#عبدالحميد_الحمزي

من قول (اعدوا)أعدينا قوه كبرى
ترعب نفوس العداء وتبشر الانصار

شعار بيّنْ عظيمات الدول صغرى
واثبت وجوده بقوه داخل المضمار

واصل مسيره وصلّاء فرضها قصرى
من اجل ينشر هدى القران لاخر دار

#ابوالحسنين_مطوان

أشعار كشف الحقائق قوتة كبرا
من نور بأثق يغيض الشرك والكفار

صاغة حسين البدر في زاويه صغرا
واليوم صوته ملاء الافاق والأقطار

ذي علّم المصطفى من قبل لم يقرأ
هياء لنا في زمنا ملزمة وأشعار

#عائشه_المغربي

با نصرخ اليوم في عسرا وفي ضرا
ما همنا أي شي لو صار مهما صار

قولوا للصهيون هذا موعد الأخرى
عذاب ربي اتاكم من يدا الانصار

#محمد_عطيفه_عطيف

الله وأكبر صرخ فل ليله الغبرا
شعب اليمن وعتلاء بصرخه المختار

صرخ صداها من الدنياء إلا الاخرا
صرخ تعيد العدو خايب معا منهار

صرخ تغيض العدو وكلها أغرّ
صرخ في الدم وشريان كل انهار

#اتحاد_الشعراء_والمنشدين

https://t.me/aboyahyaalshami

#نشوان_همدان

كل من باع الوطن واستلم كاش
نلعنه لعن اليهود و الأباليس

ويلعنه جرمل وإيكي ورشاش
وتلعنه كل الكتب والقواميس

#أبوصخر_الجوحمي

كل خاين في النهايه كعفاش
نكشفه لو كان في داخل الكيس

اخر الاوراق صارت بالانعاش
فضل ربي والقياده وتقديس

#الـشاعر_أبومحمد_الجعفري

كل خـاين كل مـدسـوس غشاش
ما لـــه إلـآ اعدام حـد الترابيـس

شُكــر لك يالله والـأمـن ذي عـاش
حس عالِ وعي فاق الجواسيس

#ذاالنون_مشتاق_شريان

رح عصر الهيمنه والتهباش
مابقي الاعيال الفـــوانيس

نهاية الخاين يربط بكلباش
اومثل عفاش تنال البواليس

#ابوعلي_مبخوت

عاد بطانيته فوق الانعاش
ونت ياعمار باندخلك كيس

هكذا الذره أذاجاله ارياش
تنتهي برياشها في التظاريس

#ابو_وعدالله_هفج

قيـمة الخاين فقط معّبر إكلاش
والمعاون والمـساعـد محابيــس

خبّــــروا طـارق وعمار عفــاش
آمـن صنعاء كسّـر اقرون إبليس

#ابورفيق_الحدم

ماحمـــاك الليل ياكل خـــــفٌاش
لا ولاطـارق نجح في الكواليس

نحٌن من نورالهدى نكشف اللاش
وانتو اعــموكم عـ.ــيال الاباليس

#بدرالدين_لطف_الله

قل من دائم تغداء على كباش
با يدور نص حبه طماطيس

واليمن والله يا كل الوباش
لانخليه مقبرة للجواسيس

#احمد_امين_الكبسي

كيد من يبغى بشعبي تحرّاش
ميتته شنعاء مثل القساقيس

نقلع اكباده وقلبه والامشاش
نحرق عظامه كحرق القراطيس

#اتحاد_الشعراء_والمنشدين

https://t.me/aboyahyaalshami

تابع المجاراة بعنوان تلبية لدعوة #السيد_القائد في الخروج المليوني المشرف

البداية #عماد_العملسي

خروجنا بين المطر يغضبهم
ويزعج امريكا مع اسرائيل

ياشعبنا بكرة نباء نحرقهم
بحشد مليوني يفوق التحليل

يغيضهم يحرق دماء يزهقهم
والله يجعل كيدهم في تضليل

اطفال غزة ويل من يخذلهم
من ضربة الله الشديد التنكيل

#حيدر_علي

بين المطر والحر با نسندهم
قال "انفرو" يا شعبنا بالتفصيل

بخروجنا يا شعبنا نقهرهم
ونغيضهم بخروجنا مثل السيل

هم يعرفونا بينما نعرفهم
ما بدل الشعب اليماني تبديل.

#محمد_الرقيمي

هولا الكـلاب والله مانعــــذرهم
احنا عـــذاب الله  عليهم والويل

الله  عـــــــرفهم  لكـــي نعـرفهم
وضرب عليهم مفردات التــذليل

خابت قواهم والعتاد ماضعــفهم
كيد النصارى واليهود في تضليل

والله اني قــــــــربت  صيـحتهم
من يوم قلنا الموت يا اســرائيل

#ابو_صماد_الفليتي

يبشر علمنا سيدي نحرقهم
بحشد مليوني يغيض التضليل!!

من ساحة السبعين بانسمعهم
صرخة تهز الأمركة واسرأئيل

وبأذن ربي اليــّوم باننسفهم
بأ اعظم قيادة شامخ واعظم جيل

في البحر الأحمر والمحيط نجمهم
يتجرعوا الويلات يوم التنكيل!!!

#أبوكربلاء_الفقير

ياابن الـولـي أنت الذي أدبـهـم
وكشفت كل افعالهم بالتفصيل

جدك علي هو ذي قَتَل مُرحبهم
والمرجلة قَد هي لكم بالتأصيل

واجــدادنا كـانـوا معه يـأمرهم
وانت أمر الاحـفاد يـابـو جبريل

حـاشا رَجُـل واحـد تخلّف منهم
أو مال عن هذا الصراط أو بيميل

#عماد_دايل_العماري

يا شعبنا باكبر خروج ارهبهم
وادخل ميادين الشرف مثل السيل

ساند لغزه يايمـن وادعـمـهـم
خلك معاها يا يمن صبح وليل

لب ابن بدر الدين واخرج واهجم
نكل بإسـرائـيـل أشـدّ التنكيل

هـزّ الـعـدو يا شعـبـنـا وارعـبهـم
هالت مهيلات اليمن بالتهـويـل

#الـشاعر_أبومحمد_الجعفري

لبيك يا سيد العرب وافضلهم
بخروج مليوني يغيض اسرائيل

اللعــنة الكُبرى الجميع يلعنهم
والنصر للإسلام خصه تفضيل

وذي تولوهم فقد هم منهم
من محكم الذكر الحكيم والتنزيل

بـ آيات بينها لنا واقعهم
فالكيد لـهل الكفر واهل التضليل

#نشوان_همدان

رغم اليهود ومن تحالف معهم
وكل من طبع مع إسرائيل

هيهات غزة واهلها نتركهم
لعنجهية بايدن وإسرائيل

لن نخلي الساحات أو نخذلهم
إبشر بنا واشتد يابو جبريل.

معك معك يابن النبي نسندهم
أشّر لنا في صبح والا في ليل

#ابوعلي_مبخوت

أبطال غزه ياكريم انصرهم
بصورة التوبه وياسين والفيل

وحناء معاهم نحتشد ندعمهم
نهب لسبعين صفوف مثل السيل

الشعب يتمنى يقاتل معهم
يذوق اسرائيل انواع الويل

لاكن ولد سلمان بايمنعهم
لنه يهودي يستحق التنكيل

#جميل_الجنيد

في كل جمعة صوتنا يوصلهم
احنا معكم دون رجعة أو ميل

اخواننا والله ما نتركهم
في كل ساحة نحتشد مثل السيل

في صف غزة الصامدة نسندهم
وكلنا فوق اليهودي تنكيل

خروجنا والله انه(و) يرعبهم
خروج مليوني وما هو تهويل

#احمد_امين_الكبسي

اخـوانـنـا والـلـه مـا نـتـركـهـم
لـو تـمـطـر الـدنـيـا حجارة سجيل

شـعـب الــيـمـن ايمانهم يلزمهم
بـخـروج للـسـاحـات ضد التدجيل

والـوعـد يـوم الـغـد بـانـذهـلـهـم
مليونيه كبرى تغيض اهل الفيل

يـا شـعـبـنـا بـالـلـه لا تـتـركـهــم
واقبل الى الساحه على ظهر الخيل

#ابوتراب_الصادق

بولاية اهل البيت بانغلبهم
وبالتحرك خلف قايد ذاالجيل

يبشر بنا ياقائدٍ ارعبهم
ابشر بنا ياسيدي بوجبريل

على يدك ربي وعد يخرجهم
ذي دمر النمرود واصحاب الفيل

شعب اليمن لباك ياقايدهم
وان دق طبل الحرب جهزنا الخيل

#بدرالدين_لطف_الله

يمن مع غزة يبن موقفهم
كم قتل كم تنكيل يصحاب الفيل

خروجنا ف الغد با يحرقهم
وبا يزلزل منبع أهل التظليل

اما مع غزه نقف جانبهم
ولا مع أمريكا بصف التخذيل

الحرب ذه نلعن بها والدهم
وتلعن الي للعماله بيميل

#ابو_تمام_الخراشي

يا سيدي هاذا المطر يفرحهم
و الله نزل علينا المطر تنزيل

الحر ياسيدي لشعب مايقهرهم
يغاض المريكي والعدو اسرائيل

المرحله باتطور والله انتحرقهم
والوعد قادم في القران بالتنكيل

#ركان_يعقوب

ياسيدي عبدالملك إرعبهم
احنامعك ياسيدي جيلً جيل

خروجنا بالغد با يرهبهم
ونخلهم بخروجنا في تذليل

الله يلعنهم ومن هوْ معهم
هاذا كلام الله مابه تحليل

#ابوزيد_الزبدي

مع فلسطين شعبنا يسندهم
بلموقف الشعبي وضرب اسرائيل

شعب اليمن لن يخذلو قايدهم
وكل جمعه يخرجو مثل السيل

وين العرب  ماقد ظهر موقفهم
الله يجعل كيدهم في  تضليل

https://t.me/Poetsanalogous

تابع المجاراة بعنوان أستمرار الحشد المليوني مهما طالت المراحل وتمسكنا بنصرة القضية الفلسطينية

البداية #مانع_البوساني

الحشد مذهل حطم الرقم القياسي
حجاب ربي والعدد

ومطلب الحشد الجماهيري أساسي
مطلب معمَّد مُعتمد

يوقِف نتنياهو حروبه والمآسي
في وسط غزه للأبد

ولَّا فبه في شعبنا كم من حماسي
يعيشه عيشة نكد

البحر الاحمر مخنقه والحرب قاسي
يحرِق جيوشه ذي يجد

#أبوصخر_الجوحمي

خروج ماله وصف ارعب كل خاسي
اغاضهم هذا العدد

هذا هو الشعب العظيم قوه وباسي
حكمه وبايمانه. صمد

قضية الاقصى وغزه هي اساسي
والاولويه قي البلد

بانستمر معهم. ولا نخشى. المآسي
دايم الى آخر ولد

بالله والقايد وشعبي خير ناسي
والله في نصره وعد

#_ابورعدالله_فهد_الصراري

شعب اليمن لاقد نوا هد الرواسي
بقدرة الفرد الصمد

هو الذي ناصر لطه لنت ناسي
ثبت وما يوماً شرد

واليوم قد استنفر بقوة بل وبأسي
من اجل ينهي المضتهد

والكلب بنيامين لاهو صدق قاسي
انا من الشدة اشد

لاعادهو ناوي لقتله في التماسي
يحضر وملعون من شرد

#نشوان_همدان

ياشعب شامخ مثلما الشُم الرواسي
لاهنت ياشعب المدد

حشدك جعل لوبي بني صهيون خاسي
وكيانه إرجف وارتعد

غزة تقول ياهل اليمن يااهلي وناسي
يارزح ظهري والسند

خروجكم في كل جُمعه شدّ بأسي
وبجيشكم جيشي صمد

يا انصار ربي والنبي ياحيد قاسي
وأنصار غزة للأبد

#الـشاعر_أبومحمد_الجعفري

هـ ـذا يمـن لـيمان يا من كنت ناسي
شعب البطوله والمدد

بقيادة ابن البدر والأقـوى ســياسـي
الشبل من ذاك الأسـد

ذي هو على الفزعات بايفداه راسـي
والعز راسـه والجسـد

في ساعة الـشدات ثابت ك الرواسي
يـــرعـــاه ربي للـإبـد

البحر هايج والسفن في البحر خاسي
يا ويلهم من يوم غد

#فايز_الحمزي

الجمع مذهل عانق الشُم الرواسي
مامثلنا بـ الكون احد

انصار ربي يااساس فخري وباسي
ولـ غزة العز المدد

تهابڪم صهيـ.. ون ويرجف ڪل قاسي
والشبل الانصاري اسد

‌‎#ابو_وعدالله_هفج

انا اليماني ذي على الامجاد رآسي
وانا السند وانا المدد

وقفّت وقفت جيد في شدّ المآسي
ولا بلد مثلي صمد

كلما يزيد الخصم حربه زاد باسي
وانا من الشدة اشد

يأرض غزة اثبتي مثل الرواسي
واستبشري سيله ورد

ان ما جعلنا الخصم مبتور الحواسي
او لا بقي منّا احد

#طارق_ناشر

حشد باستمرار مليوني حماسي
عاد والقادم أشد

دام والشعب الفلسطيني يداسي
نحن عونه والمدد

يا كيان العار ختمك للفلاسي
بالتجاوز كل حد

عندك ان الحار والبارد سواسي
والثعالب كالأسد

والحمى فالصيف وايام المراسي
عاد بعد اليوم غد

#جبريل_الخدري

حشد مليوني ربش أكبر سياسـي
بالجـرامــل والكنــد

مطلبه وقف المجـــازر والمـآســي
في الميادين احتشد

وضـع غـزة ما نسى ما هو بناسـي
اهلهــا حتـى الأبــد

ويل أصحاب المصالـح والكراسـي
من لأمريكا سجــد

با يجيهــم من إلهـي بأس قاسـي
وعد م‌ـــِْن قاهر صمد

#الشاعر_معمر_ابوسعيد

الحشد فالسبعين كالخط التماسي
ذي حرر اطراف البلد

قريب هاذ الحشد بايقلب كراسي
يا مجلس الامن القرد

كما قلب موسى بكرسي شر خاسي
فرعون ذي اصلى نكد

الله معاك الله يالشعب الحماسي
وشعبنا منه المدد

#نبيل_المهدلي

شعب اليمن رغم المواجع والمآسي
واصل خروجه واحتشد

ياشعب ماغيرك لغزة ذي يواسي
أنت المدد وانت السند

الكل خانع وانت شامخ كالرواسي
والكون كله لك شهد

وحدك قهرت الشر والنجم السداسي
وكل من له قد عبد

يوم العرب مابين ذله وانتكاسي
أمامك الباطل قد سجد

#عماد_دايل_العماري

يا حشد كل اسبوع له مفعول قاسي
على العدو شدد وشد

روحي فدا شعب اليمن قومي وناسي
عز اليمن ابّـاً وجد

شاركت غزه يايمنّا فا المـآسي
وافديت روحك والجسد

يوم القمم فيها التقى فاسد وخاسي
هانو شرف خير البلد

#ابومثنى_زايد

يالأمركـة بالله ما يبـرد حمـاسي
لو نحترب طول الأبد

لاني برب الكون قد شديت باسي
وهو لنا نعم السند

فباواصل المشوار مع تاجي وراسي
بالنفس والمال والولد

ما دام والأقصى بأيدين الخساسي
ويدنسه كمن وغد

#الشاعر_ابوالقدس_الحشيشي

شعب اليمن شعبي بهم يشتد باسي
رزاح ضهري وسند

يذوبون الصخر ذي هو صم قاسي
يذوب منهم في امد

ماحد من العالم راسه مثل راسي
شامخ والا اتنازل لحد

لو تشرب الحكام من مشروب كاسي
لايفزعو فزعة اسد

من بعد رحلتنا ارباعيه خماسي
عن مد غزه بل المدد

#بشير_سفيان

با نحتشد من ساحه السبعين للقصر الراسي
بشياكي والكند

دم ابو جبريل قائدنا بضل مجلس سياسي
با نزيد صبر وجلد

شعب ثابت مبداه كلحيد راسي
عهد من ابن وجد

حبنا. للتضحية منهج دراسي
شعبنا لغزه سند

بعد هذ المرحله تصعيد خماسي
با يصل ل آخر بلاد

#ابوالحسنين_مطوان

هذا اليمن ياكل متجاهل وناسي
كلما أشتدة صمد

له في علوم المرجله منهج دراسي
ونعم بمن ربت ولد

يفزع مع المضلوم يقهر كل خاسي
ماحسب حجم العدد

لو كل ابو الاعراب في حالة تناسي
ما تضعضع وختمد

أشجع شعب رغم العناء رغم المأسي
أصم من صم الجلد

https://t.me/Poetsanalogous

تابع المجاراة بعنوان موقف اليمنيين المشرف مع غزه من واقع الدين والمسؤولية ونصرتها حين خذلها البقيه ممن يسمون أنفسهم مسلمون.

البداية #ابويحيى_المنيعي

خمسه وخمسين دوله جيش وقياده
مجرد ارقام محسوبه على الأسلام

خاب الأمل والأمل فى الله والساده
وفي نشاما سرايا القدس والقسام

#ابومصطفى_الرضي

في ذروة إجرام قوى صهيون وإفسادة
وفي زمان ارتداد العُرب والحكام

هيأ لشعب اليمن رب السماء قادة
تحت أمرهم بانعيد النصر للاسلام

#محمد_المنصور

لا خير في امّة (المليار وزيادة)
يا غزّة (الله يبارك ف اليمن والشام)

في جوفنا ايمان بأسه خارق العادة
أحاط بالشر من خلفه ومن قُدّام

#ذاالنون_مشتاق_شريان

الحرب عند اليمن فرحه وتعـــــواده
ودف تحالف قوى امريكا مع الخدام

من اجل غـزة يقدم فــــلــذة اكباده
عاهد وفوض يقاتل طـــيلة الاعوام

#نشوان_همدان

باتت شعوب العرب للغرب مُنقادة
جيوش ودول ومحكومين مع حكام

إلا اليمن ذي مع غزة بذل زآدة
واغلق بحاره أمام الطاغيه بإحكام

#أبوصخر_الجوحمي

موقف مشرف مع غزه لنا عاده
من واقع الدين والايمان والاسلام

فينا ولاء عزم قوه صبر وإراده
من منهج الله وال البيت والاعلام

#طه_الرازحي

قمم تشكل بلا جدوى كما العاده
فيها الدويلات تعلن حالة إستسلام

وقمّة أهل اليمن فا البحر وقّاده
منّها العدو بأسها قد حطم الارقام

#جميل_الجنيد

بالقول والفعل عزم صبر وإرادة
موقف يماني مُشرّف عام يتبع عام

وأعراب بعد اليهود في ذُل مُنقادة
ما تعرف الحرية تعرف رِباط لِجام

#احمد_زيد

احنا للأقصى سند واحناله امداده
في حالة الصمت لبينا النفير العام

احنا اليمن قوم للفزعات معتاده
خلف ابن طه نصرنا راية الاسلام

#الـشاعر_أبومحمد_الجعفري

خـمـسـه وخـمـسين دوله كلها داده
سكوت مخزي ووسمة عار ع الإسلام

يا لـعنباهم مع امريكـــــاء وموسـاده
خـنوع واضح فضح حُكامها الأقـــزام

#بشار_يعقوب

شعب اليمن لجل غزة قابض أزنادة
من اجلها بانواجه قوة الأجــــــرام

الشعــب والجيش والقوات والقادة
الكل جاهز لنصر القدس والإسـلام

#ابو_وعدالله_هفج

ياشعب صنّع عتادة واعلن جهادة
وقفتّك ما تشّبه إلا وقفة الأعلام

الأب يحـشد وفـي الميدان اولادة
يدوسوا اطغى طغاة الأرض بـ الأقدام

#عدنان_سالم_الذويبي

ماشي معاهم سوى التنديد كالعاده
وجمعهم جمع فاشل ما نصر منضام

شعب اليمن قد بذل ماله مع أولاده
لينصر القدس وينكل قوى الإجرام

#عبدالخالق_سدهان

به شعب عزمه اتى من عزم صماده
هاوي لنيل الشهادة ملثما الاحرام

انصار طه عـزايم نار وقاده
بسم الذي حرم الانصاب والازلام

#عبدالحميد_غرزان

الشعب جاهد مع الله وعلن اجهاده
خلف القياده منكف لنفير العام

خمسه وغشرين مليون نار وقاده
محاصر العالم اجمع شرقها وشام

#ضبيان_فرحان

والقدس له قوم في الميدان وقّادة
شعب اليمن و النشاما في بلاد الشام

شعب النبي والوصي والسبط واحفاده
شعب الإباء والوفاء والقايد الضرغام

#صقر المشراقي

شعب اليمن للحرايب قوم معتادة
والغرب لابد له مايعلن استسلام

بانقصف اللي طغا  وازداد إفسادة
اللي إعتداوارتكب في غزةالإجرام

#الشاعر_ابوصالح_الحربي

دام الذي قادنا ال النبي اجداده
باننصر الدين والاسلام واهل الشام

وباندوس المريكي هو وموساده
وبا ننكل بحلف الشر والجرام

#ابوشامخ_المحرق

الشعب سلم لبو جبريل والقاده
نمشي بحسب الشعار النصر للاسلام

ياشــوقنا للمـعارك نار وقاده
ومن تخلف فهو لليهوده خدام

#الشاعر_ابوالقدس_الحشيشي

شعب اليمن شعب دايم هكذا اعتاده
يوقف معاالحق مايوقف معا الاوهام

الله يبيض وجيه ااالشعب والقاده
ذي خافو الله ما خافو شي الاصنام

#احمد_امين_الكبسي

شعبي يحارب عيال ابليس واحفاده
وقادة الـعرب صاروا مثل ما الاصنام

يـا لعن ابو مـن ترك سيفه في اغماده
واطفال غـزه بلا مـشـرب ولا إطـعـام

#اتحاد_الشعراء_والمنشدين

https://t.me/Poetsanalogous

تابع المجاراة حول استشهاد #الرئيس_الإيراني إبراهيم رئيسي والوفد المرافق له .

البداية #خليل_قابيل

عظم الله اجر ايران الشقيقه
في البلاء ذي حل والكرب العظيم

والتعازي من مشاعرنا العميقه
باسم ابو جبريل والشعب الحكيم

#عبدالخالق_سدهان

رحمته من عروته عروة وثيقه
لجلهم نسأل من الله العليم

حرب الاقصى نصر بايلمع بريقه
للرجال اهل الصراط المستقيم

#بشير_سفيان

في خطى الصماد في نفس الطريقه
والشهادة فوز. بنهج السليم

والجهاد مفتوح ماحد بايعيقه
والهدف مرسوم صرط مستقيم

#الشاعر_معمر_ابوسعيد

الرئيس اوفاءوضحى في طريقه
واكتمل خـط الصراط المستقيم

بلغوا طهران في هـــــاذ الدقيقه
القدر مكــــــــتوب والله ٱلكريم

#نشوان_همدان

بسم أبو جبريل والأنصار العريقه
جيت أعزي شعب إيران الكريم

في رئيس الشعب وفي باقي فريقه
ذي قضى نحبه إلى دار النعيم

#ابوعلي_مبخوت

حادثه شبت وسط صدري حريقه
لننا قلبي على المؤمن رحيم

الرئيس وكل من كانه رفيقه
يالله احشرهم بجنات النعيم

#عبدالغني_ضبعان

والله ان احزاننا باتت غميقه
مخيمه في اوردتنا والصميم

الرئيسي والذي كان هم رفيقه
كانوا على خط الصراط المستقيم

#الشاعر_ابوصالح_الحربي

عانق ابراهيم في الجنه شقيقه
عانق الصماد في الخلد النعيم

ليت منهو كان ياقومي رفيقه
يجتمع بحسين قائدنا العظيم

#الـشاعر_أبومحمد_الجعفري

عظـم الله آجـر أمُـتـنـا العــمـيقـه
بسـم أبو جـبريل والـشعب الـألـيم

في رحيل أوفا الرجالات العـريقـه
ريّـس إيران وابو الفـضل الحكيـم

#ابوشامخ_المحرق

لا سرا يسري ولا شي بايعيقه
متجه للقدس من قادم قديم

في طريق الحق ماغير طريقه
مايبالي لو لقي قبله غريم

#ذاالنون_مشتاق_شريان

بلغو ايران من صنعاء وثيقه
الاخ باقي من العهد القديم

والتعازي حار والحرقه حريقه
عظم الله اجركم وشفا الأليم

#اتحاد_الشعراء_والمنشدين

https://t.me/Poetsanalogous

المجاراة بعنوان رسالة الى أخواننا في الجنوب بمناسبة عيد #الوحدة_اليمنية

البداية #يحيى_العطيف

تحييكم مدينة سام بـــن نــــوح
وتبسط راحــتـــيـــهــــا للتصالح

كفايه ياعـــدن فالدرس مشروح
وقد شاف الجنوب الحق واضح

ولازلنا جسد واحـــــــد وله روح
وماجهد الجسد فــقـــد الجوارح

وصنعاء قلبها للكل مـــفـــتـــوح
ومـــثـــــل الام شيمتها التسامح

#الشاعر_ابوجهاد_صبر

امامك يالجنوب الجاه مطروح
تـضـع يــدّك بـيـدّي للتصافح

ونقهر كـل طـامـع نـذل سلتوح
مصابـح بن مصابـح بن مصابح

من الكفار قلب القدس مجروح
وغــــــــزة حالها ضايق وضابح

تـنـادي لليمن فـ الصمت والبوح
مـن أبين لاعدن لا وسـط رازح

#الـكـرار_الـعـقـيـبـي

يـمـــنا واحــــــده والذل ممسوح
وتاريخ الجنوب الحــر ناطـــــح

ووحدت شعبنا نخرص لها الروح
وتخسا الامركــه واهــل المصالح

ومن يشتي النجاء يركب مع نوح
ومــــن كـذب هلك فـي بحر مالح

فلا تصغي لخايـن نـذل ســلتـوح
تعّبر ماحـصل فــــي قــوم صالح

#حسن_المهدي

تـركنا الباب لجل الصلح مفتوح
لـتـاسـع عـــام والـعـاشر يـبـارح

وبابش يا عدن من دوح لا دوح
فـتح لاهـل الـمشالح والـمسابح

دفــعـنـا لـلـمـخوه دم مـسـفـوح
ووحــدتـنـا غـرمـنـاهـا مــذابــح

ونـقض الـعهد قلنا غير مسموح
ولـلـجاسوس كــلا لــن نـسـامح

#صالح_النقيب

وعود الغزو صبح غدر مفضوح
ولا شفنا جنوبي فيه رابح

نشوف ان الجنوب اليوم مذبوح
بسكين الخيانه والمصالح

هدفهم يسلخ اليمنا من الوح
ويغسل جرحها من بحر مالح

يكفي لاهنا ياكل طحطوح
متى اليمنا مع اشملا تكافح

#ابوحيدر_الراشدي

من اول يوم ما قلنا لـحَد روح
وصنعاء تحتضــن كل الشرايح

فلا به فرق او تمييــز بوضوح
ولا به فــرق بين (ابين ورازح)

وصنعاء يدّهــــا للكـــل بتلوح
ترحـب كل من جــاها يصافح

ولو عاد قلبهـا مقهور مجروح
ولكن شعبهــــا باســل مكافح

مناضل حر متــوكل ومرزوح
على رب السماوات خير فاتح

#احمد_زيد

يمن واحد علمنا واحد يلوح
محال التفرقه ياكل طامح

شماله والجنوب الكل طحطوح
يمن واحد وله نفس الملامح

ووحدت شعبنا باروت بيفوح
وفوق الصهينه قارح بقارح

وما دام اليمن ثابت ومرزوح
بقايد حيدري للقدس سارح

#جبريل_الخدري

تحية يا عدن من شعب طحطوح
بعـاشــر عــام متـحــدي مكـافــح

ويسعى للتـوحـد دووم بـوضــوح
ودحـر الحلف واصحاب المصالـح

ومـا زال القــرار اليـــوم مطــروح
من الفرقه قسـم ما شخـص رابـح

وصنعـاء جاهــزة والباب مـفتـوح
فـهـبــو للتـــوحـــد والتســامـــح

#نشوان_همدان

سـلام الـله يـوصـل كـل طحطوح
من أبـناء الجـنوب بالـمسك نـافح

يصلهم بالنداء مـن صوت مبحوح
ورىٰ الـتشـطـير لا تـوجد مـصـالح

قدرنا يالجنوب مكتوب في اللوح
يـمـن واحــد وهـذا الـرأي راجــح

ورأي التفـرقـة هـو رأي مـجـروح
لدى أصحاب العقول صالح وطالح

#صقر_المشراقي

بلدنا،، واحدة،، والدرس، مشروح
هدفنا،،،،،فالتسامح،،،، والتصالح

جنوب العز،، كمن قرم،،،طحطوح
بوحدتنا،، نغيظ،، اهل المصالح

ولا نقبل،،،بمتصهين،،،،،ومفضوح
عميل الغرب،، عمار ابن،، صالح

وغزة،،،، طفلها،،، مقتول،،،مذبوح
يشيب،، الراس،، من كثر المذابح

#ابـوحـمزه_الاشـول

ضـروري تصبح الروحين في روح
تـوحـدنـا مـتـاح والـحـق واضـح

ثـرا۽ غـزه ومـجـد القدس ممسوح
وامــتـنــا غــريـقــه. ب الـفـضـايـح

وبـاب الـعـاصـمـه للـكـل مـفـتـوح
لـمـن جـا۽ ب الـسـلام لـه باب فـاتح

ومـن جـا۽ بـايـقـاتـل عـاد مـذبــوح
نـــرده ب الـمـدافـع والـصـفـايـح

#أوس_مرفق

قد العدوان تـــــــرو يَخوان مفضوح
يـــــــبا يثيـــــــــــــــر بيننا التناطح

تعالو يَخوتي نلعــــــــــــــن المقبوح
بلمه تجعــــــل المشــــــــروع ناجح

ونجعل لعنـت المولی علی المصبوح
ونرفع راية الوحــــــــده بكُلْ صافح

وننطح بالأخا منطوح وغير منطوح
ويدعس أنــــــــف أُم الشر كلْ تافح

#الشاعر_ماهر_السناني

نصيحه عاجله من قلب مجروح
لمن عاش العمر والدهر كاااااادح

نصيحه للجنوب اليوم بتفوووح
نصيحةخالصةمن شخص ناصح

وجب فلحال دام الصف مذبووح
تلبو دعوات الشعب المـــكااااافح

وفي صف العلم وحدة كما الروح
نوحد صفنا يااااقوم صاااااالـــــح

دروس اليوم فيها الشر مفظووح
وفيها الحق مثل المــسك ناااافح

#الشاعر_عصام_المقذٌل

ندانالا الجنوب لكل طحطوح
ندى الدين يسرع لً التصالح

فقدصارالجنوبي شبه مذبوح
يذوق المرمن محتل طالح

ولامخرج سوى الروح بروح
نقف في يدنابندق وقارح

أذكان المصير ناطح ومنطوح
ف أحناوالجنوب للحلف ناطح

#نبيل_المهدلي

بلدنا بالتفرق صار مذبوح
بسيف أهل العمالة والمصالح

ولا به حل لاقد صار مجروح
مفيد الا التوحد والتصالح

إذا كان التفرق غير مسموح
في القرآن والقرآن واضح

هلموا نتحد يا كل طنطوح
لنيل الحرية والعز طامح

#ابوصخر_الجوحمي

رساله عاجله من قلب مجروح
نسارع في التوحد والتسامح

شعب اليمن مازال في موقف الحق
كماً مقحقح قرم نشمي ورجال

في كـل ساحه هب والكـفر يزهق
والـنصـرللاســلام غــزة ولجـلال

#أبوعزام_الشامي

إحنا اليمن أصل العروبه والأسبق
رجـال ما تخشي المنايا والأهوال

شعب اليمن مع فلسطين الأصدق
ما هــمـنا التهديد والوقت لا طال

والله لو نــفــنا ونــسحق ونــغرق
نـبــقى مع غـزه على كل الأحوال

جــهــادنا لله وبـالله مــع الــحــق
وفي سبـيل الله من خـير الأعمال

#الـشاعر_أبومحمد_الجعفري

لبيك يا ابن البدر في كـــــــــل مرفق
معك وتحت امرك من الجال لا الجال

والــــــمعنويــة نــــار تسليـــم مطلق
تبشر بعـــــزك دوس واحنا لك ابطال

ولـجـل غـزّه شـعبنا جــــــاوب الحق
من منطلق عدوا لهـم كـــــل خيـــال

فــــــوق الـيهـودي والمـــــذلة مطلق
جهاد واستـشهًــــــــاد في منهج ألآل

#عماد_دايل_العماري

شعب اليمن في موقفه قد تعمَّق
في دعم غزه واثبت اقوال وافعال

وفوض ابن البدر تفويض مطلق
وقايده لاقال في كلمته قال

على كيان الكفــر فالبحر طـــوَّق
وهال هول المعركه فوق الاهوال

#نبيل_المهدلي

احنا وغزة كلنا وسط خندق
ولاجلها بانبذل الروح والمال

وبا نواصل لين مالشر يزهق
إعداد واستعداد تحشيد واقتال

ولابن بدرالدين تسليم مطلق
معه نواجه كل ظالم ودجال

#ابوعلي_مبخوت

شعب اليمن طيب مؤدب مخلق
يخرج على الظالم على مر الاجيال

رحيم بألمؤمن وحامل مذللق
للمعتدي والمرتزق هو والأنذال

والنصر حتمي لوليائه محقق
بذات لاقامو مع الحق الابطال

لاخير في بندق يضلي معلق
مايحمله وسط الميادين رجال

#بشار_يعقوب

شعب اليمن هو دايماً ينصر الحق
العز والإيمـان فـــي الشعب مازال

داحر عــدو الله في كل خـــــندق
وموال ابوجبريل في كل الاحوال

قوات حــــلف الشر امامة بتزهق
من اجل غزة يبذل الروح والمال

#ابوعبدالله_عوضه_الوادعي

سبحان من يهدي عباده ويشفق
ويغير الواقع من احوال لأ حال

ونعم علينا باالمسيره وباالحق
وعــلام من ال النبي خير ال

ولارحـم من كان لشعب مخنق
حكام يمشو في دروب الضلال

#نشوان_همدان

حشود في الساحات وفي الحرب فيلق
هذا اليمن باقي على العهد لا زآل

قد غلق الاحمر والأبيض والأزرق
وبايـواطـي كـل عـوجـاء وبـطّال

الكل بالصرخات يصـدح ويـزعـق
والموت لإسرائيل قادم و وصّال

#الشاعر_ابوصالح_الحربي

العهد لك ب الدم الاحمر موثق
عهدالوفاءياقدس في كل الاحوال

مانتركك واحنامعك جوف خندق
وارواحناهي لك فدا هي والاموال

والامر لابن البدر واحنا نطبق
ما قاله السيد ينفذ كمى قال

والمعتدي وأللي معه قام صفق
لا بد ما يتذوقو طعم الاهوال

#عبدالباري_ميران

الـمندب اتغلق نظــــــــــــــــامه وعلّق
تعليق ماهـــــــــــــو مثل تعليق جوال

يبقى على اسرائيل دااااايـــــــم مغلّق
وفي الرجاء الصالح طحاطيح ورجال

عزران وسط البحر خــــااااادر مبردَق
مايبزق الشمــــــــة ولا يــطرح الشـال

الا وقـــــــــــــــــد صيده بـيـدّه معـلق
والا فعـــل للــــ( MQ 9 ) إنـــــــــزال

#ابورفيق_الحدم

للشعــــــــب موقـف كل جمعة موثق
مع اهــل غـــــزة دعم واسناد واقبال

اثبت وجوده عكس ذي خاف واختق
بأمر العـــلم حــــشد من االقـِلة ارتـال

بــمـعــــــنوية فـل واعــداد مـــــسبق
جـــاهــز ومتـدرب على هـدم الادغـال

#ابوزينب_فارع

خروج رسمــي والمسيرة توثق
والكل جاهزبعدالأقــوال افعـال

تطبيـق يامن في حياته يطبـق
يقراءسباء والفتح من بعدالأنفال

ايضاح في كشـف الجرائم محقق
والمنـدب اتقفل وغلــق بالأقفال

#ذولفقار_قوزع

مع الله والقـرآن شعبــي تخنــدق
وواجه بعون الله اجيوش الظلال

وفاالجبهات نكل  بالسلاح المذلق
وفالساحات صوته يرعب الأنذال

سلام الله على الشعب المبنـــدق
ذي معا غزة وقف وقفة اجـــلال

وفي كل جمعة لا السبعين تدفق
بحشود مليوني واقبال بعد إقبال

#طه_الرازحي

في كل موقف شعب الايمان يسبق
كل الشــــعوب بلهفة اقدام واقبال

يشهد له الكوكب من الغرب للّشرق
ويوقف التــاريخ له وقفة اجلال

شعب الكرامة والقيم دربه الحق
ما يوم بايسلك على.درب الاضلال

#أبو_مـؤيـد

شعب الايمان والحكمه بالله توفق
بخير قايد علم كرار مقدام خيال

وموقف الحق جاء و الباطل ازهق
والقدس علق فى علمنا كل الآمال

وايلات تحرق والسفن فالبحر تغرق
والمسير والمجنح على طول شغال

#ابوعبدالملك_الغولي

شـعـب اليمن لا كـل ساحه تدفق
مثل السيول الجارفه ضد الانذال

مابه مثيله في الشعوب حر يعشق
للمرجله والـعـز قـولآ مـعا افـعـال

لبئ نـدا ابن الـبـدر جـاهـز مبندق
نـصـره لغزه داعسين كـل الاهوال

#حسين_الحصماني

الحشر في الساحات مشهد موثق
والحشد واقف للعلي وقفة اجلال

فالذكر في الساحات تفويض مطلق
والسعي في الساحات للقاهر اقبال

للحق في الافاق افاق للحق
احقاق حققناه للباطل إبطال

#جبريل_ياسين

شعب اليمن ياالله بحبلك توثق
وشد رحاله في سبيلك مع الآل

تابع المجاراة..

البداية #ضيف_الله_سلمان

سلام يا مصر ويش اخبار معبر رفح؟!
قالوا اشتباكات واستهداف واطلاق نار..!!

ادراني الله ليش الكيل ماقد طفح؟!
واطفال غزة ينادوكم تفكوا الحصار..!!

والله مابا ينال النصر شعب انبطح
ما النصر الا لمن جاهد وخاض الغمار..

لا بد ما نعتصم بالله وبشكل صحّ
وفي هدى الله نلقى العز والانتصار

#ابومصطفى_الرضي

ياحيف ! تاريخ الاهرامات كيف امتسح؟
والنيل راكد أمام اقوى حروب البحار

قد كل من خان غزة والدماء افتضح
من بعدما طاف فوق القدس صوت الشعار

الفتح يامصر من وسط المضيق افتتح
بدأ زوال الكيان والضعف والانكسار

والحل تمضوا مع السيد على ما شرح
تتجنبوا لعنة الطوفان والانهيار

#ابوجريل_شريف

ياجيش مصرالعريقه ليش ماتنتصح
جيش الكيان الحق بغزه دمار

الى متى باتضلي قيادتكم لهم تنبطح
ثوروا على السيسي كفى الانتظار

ياجيش مصرالعريقه ليش ماتكتسح
وتشترك في معركة تحريروالانتصار

خذلان غزه جريمه قبل ماتفتضح
الدور قادم عليكم والخطط والمسار

الجريح #ابوقيس_نخره

معبر قرح لا سوا في باب معبر رفح ،
حرفين في معبرين ما بين جنه ونار .

فالرا مذابح ولاكن ما حدا له رزح
والقاف لو يستمر لا يصنع الانتصار .

يا ام دنيا الكلاب الذل فيكم سفح
لو شعبنا عندكم مافيش كلمة حصار

اليوم مات العرب في حكم كمن وقح
با يدخلو كلهم في جحر جحر الحمار .

#حافظ_الحماس

اليوم يا مصر يوم المرجله في رفح
وإلا فلا عاد سينا ولا عاد الجوار

ذي ما يلاقي عدوه في الحدود انبطح
في نص أرضه وعرضه ينتحر أنتحار

عودو إلى الله والقرآن فيما شرح
وأنتم تشزو وتحظو بعدها بأنتصار

والله ما عز غير المرجله لو قرح
رأس ألف وألفين جندي في القرار

#نشوان_همدان

ياأرض الكنانة أمانه وين سهم(ش)شطح؟
وأطفال غزة تقاتل خصمها باالحجار

وجيش صهيون للمعبر دخل واكتسح
وجيشكم قام يتوسط ويرعى الحوار

خاضع وراكع لأمريكا من أجل المنح
خان العروبة خيانة صانعين الـقرار

ياارض الكنانه كيان الشر فوقش رزح
عليش قد سيسوا سيسي وسايس حمار

#اتحاد_الشعراء_والمنشدين

https://t.me/Poetsanalogous

مادام وبن البدر داعى شعبنا
بانخرج الساحات واحنا واثقين

من اجل غزه واهل غزه مننا
واجب علينا نصرةالمستضعفين

اموالنا واطفالنا ونفوسنا
تفداك يا ال اقصى على مرالسنين

#أحــمــد_عــبــدالــرحــمـن_الـظـمـيـن

للقدس وأهل القدس باقي وعدنا
بالوعد بانوفي ووعد الحر دين

لبيك ياشبل الوصي يافخرنا
وأحنا سيوفك في وجيه المعتدين

تسليمنا مطلق وصدق إيماننا
يفرض علينا ننصر المستضعفين

#الشاعر_ابوفضل_المتوكل

ياسيدي عبد الملك اضرب بنا
روس الطغاه احنا لك السيف اليمين

تبشر بنا تبشر بنا تبشر بنا
يا سيدي لاكل ساحه جاهزين

لبيك يبن البدر قائد شعبنا
الوعد قايم والولا في كل حين

#عبدالقوي_البطل

في خضمها لجت جموع أفواجنا
وأتحشدت من الشمال إلى اليمين

وكل جمعة شاهدة لحضورنا
ووقوفنا في نصرة المستضعفين

لبيك ياأقصى هتفنا كلنا
وفي بحرنا بنصدر النصر المبين

#الهادي_موسى

الشاهد الله اطفال غزه اطفالنا
و احنا عليهم كـــــلنا متألمين

والقدس مسرانا و قبلة نهجــنا
و الله مولانا و الاعدا خاسرين

يبقى قضيتنا و نصره و نــصرنا
حاشا نخونه قط والموقف ثمين

واحنا تمسكنا بــعـــروة ربــــنــا
رب الخلايق ناصر المستضعفين

#بشير_سفيان

ياسيدا. عبدالملك. رهن بنا
واحنا بوعد الله ونصره واثقين

أطفال غزه. عارنا واطفالنا
والله. خلقنا نصره المستظعفين

تصعيد في تصعيد مانخشا العنا
ونحذر الإعراب. لي. متورطين

#أبوصخر_الجوحمي

لبيك يابن البدر واحنا كلنا
نخرج الى ساحاتنا متظاهرين

من اجل غزه مابه احد مننا
يجلس بهذا الوضع حاشا مانلين

قضية الشعب اليماني قدسنا
ماننثني كلا ولو طال السنين

#احمد_زيد

احنا معك ياسيدي وامضي بنا
مابا نقول اذهب وحنا قاعدين

راهن بنا ياسيدي راهن بنا
والله مانخضع ولايمكن نلين

لوتجتمع كامل قواهم ضدنا
مايكسرو شوكه لمرفوع الجبين

#طارق_العويري

لبًاك يا ابن البدر كامل شعبنا
ما نخذلك في نصرة المستظعفين

بالنصر والتمكين ربي مدّنا
على الطغاه المعتدين الظالمين

الله بك يا سيدي قد حبّنا
والحمد له والشكر رب العالمين

ما نخلي الساحات حتى نصرنا
في كل ساحه واقفين وثابتين

#ذاالنون_مشتاق_شريان

احنا الصواريخ سيدي وضـربّنا
في البحر ولا الـجو شعبك لبيــن

قد قال الـــــــــسيد وقـوله قولنا
كلمة صريحـــه واضحه للعالمين

مع فلـسطين قد قطعـنا عهــدنا
ضداليهودلونحترب طول السنين

#نبيل_المهدلي

لبيك يابن البدر جندك كلنا
في الحرب تلقانا جميعا صابرين

منك الإشارة بس أنته دلنا
ولك الوفا ياسيدي في كل حين

هب لليهودي ألف ضربة خلنا
نشفي الغليل من الذي مستكبرين

#عماد_دايل_العماري

ابشر بنا جنبك نكن يابدرنا
ضد اليهود الطاغيه والكافرين

مابه قلـق مادام ربي جنبـــنا
واحنا مع ربي جنوداً مؤمنين

لو السماء تمطر قـنابل فوقـنـا
والله ما نرجع وراء هاذا يمين

يا سيدي ربي رفع بك قدرنــا
وانعم علينا بك تعـزّ المسلمين

#جميل_الجنيد

با تمتلي بحشودنا ساحاتنا
وأحنا بكل جمعة نلبي حاضرين

يا سيدي والنصر وعده قد دنى
وعلى ثقة بالله رب العالمين

لو قلت نحو البحر طِعنا كلنا
وبأمر ربي قد أتينا طائعين

#نشوان_همدان

ياسيدي احنا لك قطعنا عهدنا
عهد الولاء باقي وعهد الحُر دين

واحنا رصاصك فارمي الأعداء بنا
نجعل طوغيت ألأمم لك صاغرين

ولك قطعنا العهد ببذل أرواحنا
في نصرة الإسلام والمستضعفين

#اتحاد_الشعراء_والمنشدين

https://t.me/Poetsanalogous