المجاراة بعنوان رسالة الى أخواننا في الجنوب بمناسبة عيد #الوحدة_اليمنية

البداية #يحيى_العطيف

تحييكم مدينة سام بـــن نــــوح
وتبسط راحــتـــيـــهــــا للتصالح

كفايه ياعـــدن فالدرس مشروح
وقد شاف الجنوب الحق واضح

ولازلنا جسد واحـــــــد وله روح
وماجهد الجسد فــقـــد الجوارح

وصنعاء قلبها للكل مـــفـــتـــوح
ومـــثـــــل الام شيمتها التسامح

#الشاعر_ابوجهاد_صبر

امامك يالجنوب الجاه مطروح
تـضـع يــدّك بـيـدّي للتصافح

ونقهر كـل طـامـع نـذل سلتوح
مصابـح بن مصابـح بن مصابح

من الكفار قلب القدس مجروح
وغــــــــزة حالها ضايق وضابح

تـنـادي لليمن فـ الصمت والبوح
مـن أبين لاعدن لا وسـط رازح

#الـكـرار_الـعـقـيـبـي

يـمـــنا واحــــــده والذل ممسوح
وتاريخ الجنوب الحــر ناطـــــح

ووحدت شعبنا نخرص لها الروح
وتخسا الامركــه واهــل المصالح

ومن يشتي النجاء يركب مع نوح
ومــــن كـذب هلك فـي بحر مالح

فلا تصغي لخايـن نـذل ســلتـوح
تعّبر ماحـصل فــــي قــوم صالح

#حسن_المهدي

تـركنا الباب لجل الصلح مفتوح
لـتـاسـع عـــام والـعـاشر يـبـارح

وبابش يا عدن من دوح لا دوح
فـتح لاهـل الـمشالح والـمسابح

دفــعـنـا لـلـمـخوه دم مـسـفـوح
ووحــدتـنـا غـرمـنـاهـا مــذابــح

ونـقض الـعهد قلنا غير مسموح
ولـلـجاسوس كــلا لــن نـسـامح

#صالح_النقيب

وعود الغزو صبح غدر مفضوح
ولا شفنا جنوبي فيه رابح

نشوف ان الجنوب اليوم مذبوح
بسكين الخيانه والمصالح

هدفهم يسلخ اليمنا من الوح
ويغسل جرحها من بحر مالح

يكفي لاهنا ياكل طحطوح
متى اليمنا مع اشملا تكافح

#ابوحيدر_الراشدي

من اول يوم ما قلنا لـحَد روح
وصنعاء تحتضــن كل الشرايح

فلا به فرق او تمييــز بوضوح
ولا به فــرق بين (ابين ورازح)

وصنعاء يدّهــــا للكـــل بتلوح
ترحـب كل من جــاها يصافح

ولو عاد قلبهـا مقهور مجروح
ولكن شعبهــــا باســل مكافح

مناضل حر متــوكل ومرزوح
على رب السماوات خير فاتح

#احمد_زيد

يمن واحد علمنا واحد يلوح
محال التفرقه ياكل طامح

شماله والجنوب الكل طحطوح
يمن واحد وله نفس الملامح

ووحدت شعبنا باروت بيفوح
وفوق الصهينه قارح بقارح

وما دام اليمن ثابت ومرزوح
بقايد حيدري للقدس سارح

#جبريل_الخدري

تحية يا عدن من شعب طحطوح
بعـاشــر عــام متـحــدي مكـافــح

ويسعى للتـوحـد دووم بـوضــوح
ودحـر الحلف واصحاب المصالـح

ومـا زال القــرار اليـــوم مطــروح
من الفرقه قسـم ما شخـص رابـح

وصنعـاء جاهــزة والباب مـفتـوح
فـهـبــو للتـــوحـــد والتســامـــح

#نشوان_همدان

سـلام الـله يـوصـل كـل طحطوح
من أبـناء الجـنوب بالـمسك نـافح

يصلهم بالنداء مـن صوت مبحوح
ورىٰ الـتشـطـير لا تـوجد مـصـالح

قدرنا يالجنوب مكتوب في اللوح
يـمـن واحــد وهـذا الـرأي راجــح

ورأي التفـرقـة هـو رأي مـجـروح
لدى أصحاب العقول صالح وطالح

#صقر_المشراقي

بلدنا،، واحدة،، والدرس، مشروح
هدفنا،،،،،فالتسامح،،،، والتصالح

جنوب العز،، كمن قرم،،،طحطوح
بوحدتنا،، نغيظ،، اهل المصالح

ولا نقبل،،،بمتصهين،،،،،ومفضوح
عميل الغرب،، عمار ابن،، صالح

وغزة،،،، طفلها،،، مقتول،،،مذبوح
يشيب،، الراس،، من كثر المذابح

#ابـوحـمزه_الاشـول

ضـروري تصبح الروحين في روح
تـوحـدنـا مـتـاح والـحـق واضـح

ثـرا۽ غـزه ومـجـد القدس ممسوح
وامــتـنــا غــريـقــه. ب الـفـضـايـح

وبـاب الـعـاصـمـه للـكـل مـفـتـوح
لـمـن جـا۽ ب الـسـلام لـه باب فـاتح

ومـن جـا۽ بـايـقـاتـل عـاد مـذبــوح
نـــرده ب الـمـدافـع والـصـفـايـح

#أوس_مرفق

قد العدوان تـــــــرو يَخوان مفضوح
يـــــــبا يثيـــــــــــــــر بيننا التناطح

تعالو يَخوتي نلعــــــــــــــن المقبوح
بلمه تجعــــــل المشــــــــروع ناجح

ونجعل لعنـت المولی علی المصبوح
ونرفع راية الوحــــــــده بكُلْ صافح

وننطح بالأخا منطوح وغير منطوح
ويدعس أنــــــــف أُم الشر كلْ تافح

#الشاعر_ماهر_السناني

نصيحه عاجله من قلب مجروح
لمن عاش العمر والدهر كاااااادح

نصيحه للجنوب اليوم بتفوووح
نصيحةخالصةمن شخص ناصح

وجب فلحال دام الصف مذبووح
تلبو دعوات الشعب المـــكااااافح

وفي صف العلم وحدة كما الروح
نوحد صفنا يااااقوم صاااااالـــــح

دروس اليوم فيها الشر مفظووح
وفيها الحق مثل المــسك ناااافح

#الشاعر_عصام_المقذٌل

ندانالا الجنوب لكل طحطوح
ندى الدين يسرع لً التصالح

فقدصارالجنوبي شبه مذبوح
يذوق المرمن محتل طالح

ولامخرج سوى الروح بروح
نقف في يدنابندق وقارح

أذكان المصير ناطح ومنطوح
ف أحناوالجنوب للحلف ناطح

#نبيل_المهدلي

بلدنا بالتفرق صار مذبوح
بسيف أهل العمالة والمصالح

ولا به حل لاقد صار مجروح
مفيد الا التوحد والتصالح

إذا كان التفرق غير مسموح
في القرآن والقرآن واضح

هلموا نتحد يا كل طنطوح
لنيل الحرية والعز طامح

#ابوصخر_الجوحمي

رساله عاجله من قلب مجروح
نسارع في التوحد والتسامح

المجاراة بعنوان تلبية دعوة #السيد_القائد في الخروج المليوني يوم الغد في العاصمة صنعاء وبقية المحافظات ليعبر عن ثباته ووفائه وعن صدقه مع الله تعالى ومع رسول الله ومع أمته وفي المقدمة فلسطين

البداية #صالح_النقيب

ميعادنا السبعين بكره نحتشد
كلن يسجل موقفه ضد اليهود

جهاد واستبسال وقت الجد جد
في حر والا في مطر ولا برود

المجاراة بعنوان تلبية دعوة #السيد_القائد في الخروج المليوني يوم الغد في العاصمة صنعاء وبقية المحافظات ليعبر عن ثباته ووفائه وعن صدقه مع الله تعالى ومع رسول الله ومع أمته وفي المقدمة فلسطين

البداية #صالح_النقيب

ميعادنا السبعين بكره نحتشد
كلن يسجل موقفه ضد اليهود

جهاد واستبسال وقت الجد جد
في حر والا في مطر ولا برود

#جميل_الكامل

ياكل نشمي حر دمه يتقد
على جرائم ذوبت صم الحيود

ذي ما لحشد السلم بكره يستعد
مابايجي للحرب لو فكوا الحدود

#أبويوسف_القاري

إحشد وحشد كل من تعرف وزد
عمم ندا السيد وبالارسال جود

وبين جريمة من رقد والاقعد
ترك التظاهر مثلما ترك السجود

#همدان_حجي

لا ساحة السبعين ياكمّن اسد
ياوارثين العز من عهد الجدود

لبيك يابن البدر يلعن من رقد
واحنا جنود الله وافين العهود

#جميل_جعفر_ابوشامخ

شعب اليمن من أجل الاقصى مستعد
بالمال والارواح والغالي يجود

لبيك يا سيّد و قائد قام ضـد
صهيون وامريكان و العالم شهود

#سلطان_خضران

بانطلب الله من طلب ربي رشد
لاكل ساحه غد نتوافد حشود

الجد والوالد والاولاد الجدد
بانخرج الابنا والابا والجدود

#الشاعر_ابوجهاد_صبر

شعب اليمن جـاهـــــز مجهز مستعد
يحشد حـشـوده والقوافل والوفود

خـــــــــروج مـلـيـونـي مشرف يعتمِد
في صفحة التاريخ من شعب الصمود

#ابـومـازن_الـرازحـي

إبشر بنا في غد والا بعد غد
ياقـائـد الأمه ولا يمكن نعـود

ع،طريق القدس والا مُستجِد
ثبـاتنـا دايم ومابش له حـدود

#أبورماح_شداد

بجهادنا لازم نجد ونجتهد
وما جهاد إلا مع بذل الجهود

نحشد ونرفد ننتقم نهجم نصد
وصمود غزه نرفده باس وصمود

#ابورائد_السعدي

الی المرازم كل واحد يستعد
ساقين حيدان البواسل والاسود

واجب علينا مانساوم للأبد
نوثق بوعدالله وبانجني الوعود

#احمد_زيد

لبيك ابوجبريل شعبك مستعد
تسليم مطلق كلنا تبعك جنود

ياشعب للسبعين هد الكفر هد
النصرللاسلام من صدق الوعود

#حرب_مشحم_صعده

شعب اليمن ياصالح اقسم بالصمد
لايقبلوا بـ احشود لا قـــــالو حشود

اترقب الساحات جمعة يــــــوم غد
وانظر بعينك يا الشلي يوم الخلود

#الشاعر_أبوشموخ_سريع

جيوش تدافق وفي غزه تمد
الأوس والخزرج سلايلهم تجود

جنود أبوجبريل لأسرائيل ند
تذوق المحتل ماذاقت ثمود

#مازن_بَرَاش

شعب اليمن ياقدس حاضر مستعد
قل الدول نشتي فقط فتح الحدود

نأتيك بالآلاف سجِّل يُعتمد
العام هذا يُعتبر عام الوفود

#خيرالله_الخولاني

العهد ثم الوعد للسيد نعد
سيول لاالساحات تتدافق وفود

امرك نقاتل ياعلمنا نحتشد
احنا معك والله والعالم شهود

#جلال_الغولي

من وحي (اعدوا) و(استعدوا) مستعد
والشعب جاهز سيدي واطلع سنود

وان شدة امريكاء فواجبنا نشد
في معركة فصل المفاصل والكبود

#ابوعبدالله_صالح_عنبل

شعبك على امرك سيدي حتى للابد
و احياء انتصار الحق رغم انف اليهود

في نصر غزه واهلها لبئ و هد
واطلق غضب يحمل غضب ذات الوقود

#ابوحيدر_الراشدي

ابشر بنا يا قائد الثــــــــــوره نشد
على يدك، واحنا سلاحك والجنود

ذي بايوقفنـــــــــا عده ما قد ولد
ولا أيولد دام واحنــــا ف الوجود

مع فلسطيـــــــن،،اليماني مجتهد
والشعب كله منتظر فتح الحدود

#ابومصطفى_الرضي

لبيك والشعب اليماني مستعد
يدخل مسار الفتح من بعد الصمود

والجيش والصاروخية كلاً يعد
لنصر غزة اتوحدت كل الجهود

#عدنان_جحوح

أكيد بانخرج وحاشا ننفرد
عن ساحة السبعين من بعد العهود

إحنا لها والكل جاهز مستعد
ومن أجل غزة كلنا نقبل حشود

#علي_الوزير

قـل ابـن بدر الـدين يبشر بـالسعد
وقـل غــزه يـاولــي تــرقـا سـنـود

شعب اليمن مـعهالحتى النصروعد
لو حـارب اسـرائيل وامـريكا عقود

#اسامة_المعباء

تصعــيد بالتصعــيد حتى يعتصد
الشرق الاوسط عاليهودي الحقود

ياشعبنا طبـــعك عن الكل تنفــرد
في الصمـود وبالولاء ترقى سنود

#عبدالقوي_البطل

لبيك يابن البدر تحت أمرك نشد
عزومنا بحشود لاأبعد حدود

وحضور مليوني مامثله يهد
كيان إسريئل وأحلافه هدود

#ذوالـــفـــقـــار_الــقــيـدلـــه

ياشعب وحدك باالقضيه منفرد
مواقف العزه بها صنعاء تجود

ميعادنا السبعين للأقصى نعد
كل استطاعتنا ونبذل. للجهود

#ابومالك_القاضي

الارض في السبعين يكمن تمتهد
من حشد شعب العز يانعم الحشود

لو يوقفوا باطرافها لاتقتفد
قد بارك الله ربنا كل الجهود

#صقر_الريمي_ابو_الذهب

الموعد الموعد ودايم للابد
ومن تخلف ندخله صف اليهود

موقف ويشهد ربنا الفرد الصمد
مكتوب في الإسراء وفي التوبه وهود

#الشاعر_ابوصالح_الحربي

با نحتشد با نحتشد با نحتشد
في حشد مامثله حصل فوق الوجود

والعاصمه قولو لها ان تستعد
بكره وتستقبل ملايين الوفود

#فايز_الحمزي

نفير وإستنفار شعبي مستعد
لبيڪ ابوجبريل بـ المليون حشود

الشاب والشايب وذي عاده ولد
احنا اساس المرجله رمز الصمود

#ذولفقار_قوزع

لازال موقفنا كما احنا نعتهد
ما بانفرط ولا ننقض عهود

المجاراة بعنوان موقف الشعب اليمني في مناصرة غزه واستجابته لدعوة #السيد_القائد يحفظه الله

البداية #رامي_السوداني

موقف وخلفه شعب مؤمن تدفَّق
مثل السيول الجارفة هب فـ الحال

لبَّى ندا القايد مجعب مبندق
يسجد له التاريخ تقديس واجلال

قلوب حــرَّى حيـــدرية تشــوَّق
لملحمة كبرى مع أنذال الأنذال

#الـكـرار_الـعـقـيـبـي

حنا رجال الله وانصار للحق
جنود ابو جبربل دعاس الاهوال

ماهـمنا لو عـمر بن ود ينعق
مادام حيدر سيفه اليوم قتال

يخسا كيان العار والحف الاحمق
واعراب تحت اقدام محتل محتال

مادام وحصاره لـغــزه مطبق
محال ان نهـدا ويهـدا لنا بال

#الشاعر_نضال_حُميد

موقف أمام الله صادق موثق
والفرد فـ السبعين سبعين رجال

ماعاد به فـ البيت بندق معلق
الابنادق زمرة اذيال وانذال

وايت سفينه تدخل البحر تغرق
وتموت في بحر المنايا والاهوال

#أبوإسماعيل_الجابري

يعيش الأقصى والطواغيت تُزهق
وحطّم السنور قيده والاغلال

وابن اليمن صوب الكرامه تسابق
محال يرضى الظلم او عيش الإذلال

شوق الشهاده في رجاله تعمّق
على طريق المصطفى الطُهر والآل

#ابـومـازن_الـرازحـي

باتغرق أمريكا وصهيون يحرق
دام اليمن عن منهج الٱل مامال

ثامن شهر مامننا شخص مرهق
وكل ماطال الحرب زاد الاقبال

والشعب قلبه بالقياده معلَّق
يعمل بما وجَّه ويسمع لما قال

#صالح_النقيب

الحق لهل الحق نوره تحقق
في ضل قايد حيدري قول وافعال

تسليمنا له كان تسليم مطلق
واجسادنا للعز تتقطع أوصال

وذي مع إسرائيل طبع وصفق
اقسم برب البيت ماهو برجال

#ابوفتح_الجرادي

حام الدبور فـوق اليهـــودي وحلق
طوفـان هايــج نــار حـمرا وزلــزال

شعب اليمن حـاز الشجـــاعة تفوق
على شعوب الأرض مضّرب للأمثال

قريـــب أمريكــا فـي البحـر تغــرق
وكل صهيوني وخايـــــن ودجــــال

#ابوعبدالله_صالح_عنبل

الشعب ذي لبئ نداء سيد الخلق
واحياء هدى التوبه و فاطر و الانفال

واحياء انتصاراته في الغرب والشرق
واحياء سبيله بالصناديد الابطال

فوض لبو جبريل تفويض مطلق
والامر امره دون تفريط و اهمال

فلا عن الاقصى تهاون او انشق
لو ما بقي في شعب الايمان رجال

#محمد_البريهي

تسليمنا تسليم والله مطلق
لله واعلام الهدى صفوة الآل

في خندق اهل الحق شعبي تخندق
ثابت على الموقف قديما ولا زال

حبله بحبل الواحد الفرد موثق
وفي سبيله يرخص الدم والمال

وبالثقة بالله وحده تفوق
على قوى الشيطان واديال الأذيال

#ابوكنعان_الروس

شعب اليمن في كل موقف الاسبق
بقيادة ابن البدر تضرب بنا أمثال

صدق الولأء راسخ وتسليم مطلق
عهد الوفاء بالدم قايم وفعااال

في خندق الاقصى وغزة تخندق
بقدس والصماد وثاقب وزلزال

كم يا سفن تحرق وكم عظم يسحق
وتحرق الاعراب بكرتون وسروال

#خيرالله_الخولاني

تنفيذ للطاعه وتسليم مطلق
للبدر ابوجبريل بأقوال وافعال

بانستجب ياحاملي رايه الحق
معك معك لو لاالركب دمناسال

حنا معك للكفر شوكه بمخنق
متبريين من كل كافر ومحتال

#ابومالــــك_القاضـــي

تعمق الموقف مع الله تعمق
والموقف الابرز عتحكية الاجيال

الشعب في حب القيادة تعلق
على الوفاء والبذل والجود مازال

في كل جمعة في السبعين يتألق
الله يحفظ يمنا من عبيد المال

#ابوحيدر_الراشدي

شعب اليمن باعظــــم قياده، توفق
يهناك يا شعب المقـــــاديم الابطال

شعباً تولى الحــــــق واهله وصدق
والقـــــائد افعــــاله تطابق للاقوال

ثرنا على الطغيان والحلف الاحمق
واحنا مع المظلوم في كل الاحوال

محال نترك غـــzـــــزة العز تحرق
يأبى لنا البــــاري وطـــــه مع الال

نهاية الباطل في البحـــــــــر يغرق
كما غرق فرعون واصحاب الاموال

#طارق_ناشر

الحق جاء والباطل اليوم يزهق
ايه صريحه مابها شك وجدال

شعب اليمن جاهد وناصر وأنفق
في نصر غزه لو حمل كل الاثقال

وبكامل التسليم في نصرة الحق
لله وأعلام الهدى صفوة الآل

#عبدالقوي_البطل

لبيك قلناها وكلن تشوّق
لاكل ساحة يحتشدها بإقبال

نعلن بموقفنا وتفويض مطلق
للسيد القائد وتشريف ماقال

مع فلسطين حشد شعبي تعلق
حبه وإيمانه بها عبر الأجيال

ومهما كيان اليهودة قد تعمق
في بحر إجرامه يرى حتف وإذلال

#جبريل_الخدري

الشعب في حُب القضية تعمــق
ما يردعه مكر اليهودي والانذال

الله حـق الحـق والباطـل ازهـق
وطاحت امريكا على يد الابطال

تسليم ه̷̷َــذآ الشعب لله مطلـــق
وابن النبي يفديه بالروح والمال

#الشاعر_عبدالرزاق_ذياب

تسليمنــا للبدر تســليم مطــلق
معه معه ياشعب باقوال وافعال

مع سرايا القدس فيلق بفيلق
جند اب الدين نمـــضي كما قال

النصر برقة لاح فالقدس واشرق
ياخاينين الوعـــــد ياكل دجال

#بدرالدين_لطف_الله

ياشعب دائم لشهاده بيعشق
عليك صلى الله في كل الأحوال

تناصر المظلوم وتناصر الحق
ودوم ماتخشاء مخاطر الأهوال

ودام ابو جبريل للحق بيرق
با تفتتح في رأيته كل الجوال

#الشاعر_عصام_المقذّل

مع العلم ماضيين في نصرة الحق
نرخص مع الله الراس والحال والمال

ابن السعودي يستمع ام كلثوم
واطفال غزه غارقه في دماها

مثل المره مايعرف العيب واللوم
بالخزي تتغطى وعاره رداها

وبعض النسا تتجنب العار والشوم
تسوى ميه نخوة وعزة وفاها

بعد المثل باوضح القصد ياقوم
ليت الاماراتي ترجل كماها !
‎#صالح_حسين
‎#غزه_الفاضحه

تابع المجاراة..

البداية #ضيف_الله_سلمان

سلام يا مصر ويش اخبار معبر رفح؟!
قالوا اشتباكات واستهداف واطلاق نار..!!

ادراني الله ليش الكيل ماقد طفح؟!
واطفال غزة ينادوكم تفكوا الحصار..!!

والله مابا ينال النصر شعب انبطح
ما النصر الا لمن جاهد وخاض الغمار..

لا بد ما نعتصم بالله وبشكل صحّ
وفي هدى الله نلقى العز والانتصار

#جميل_ابوقاسم

معبر رفح بندقه شابك وهوه ماقرح
وتحول الصلب والباروت ذلة وعار

لاهوه قرح ولاهوه ذي لغيره سمح
معبر يهودي من المتيهودين الكبار

والشاوش الي عليه تحت اليهود اطرح
الله لاسامحه هاذا الجبان الحمار

قلول غزة من الله بايجيها الفرح
وأنصاره الي لهم الله واكبر شعار

#صالح_النقيب

يامصر لاتجنحو للمعتدي لاجنح
غيرو من البر واحنا بانخوض البحار

يلا متى الصمت والحرب الحدودي قرح
وين النشاما عنو قدهي مذله وعار

يامصر وين الرجال الي تسمى قدح
ثورو على السيسي الخاين وفكو مسار

للكلب مربوط مايفجغ حدا لانبح
والسيسي أصبح رباطه شبر ماله قرار

#وليد_عباد_الاحمدي

في هاذه المعركه ياويل ذي مااشتبح
واعلن وقوفه مع طوفان الاقصى وثار

يخسر كرامة حياتة والشرف والفرح
واكبر خساره عذاب الله وبئس القرار

طوبى لبندق مع غزه والاقصى قرح
وسيف بتار في نحر العدا ذولفقار

عاشت فلسيطن حره راسها ما انطرح
ويموتو اهل العماله موت ذله وعار

#مازن_بَرَاش

انــظــر وشــاهــد ســــوى يـالـعـالم الـمـنـفتح
كــمـيَّـة الــقـصـف واتــأمَّــل لـحـجـم الــدَّمـار

الـمـنـفتح مَـــن ســعـى لاغـــلاق مـعـبر رفــح
مــاحــرَّك الــفــك مــابـالـك بــفــك الــحـصـار

يـاتـمر الاتـنـاك كـيـف أحــوال ديــر الـبـلح؟!!
الــجــار هــــذا عــلـى جـيـرانـه الــيـوم جـــار

اخـــتــار إمـــــا تــكُــن مــقــدام أو مـنـبـطـح
شتَّان مابين ( كشف الستر ) ( كشف الستار )

#الشاعر_عبدالحكيم_ابوهاشم

لو إن الاعراب تحمل دين الاسلام صح
كالمملكه والأمــاراتي ومصــر الجــوار

لا يفتــحـوا اول الاعـــمال معـبر رفـح
ويجـعلوا سـاحة اسـرائيل تشـعل بنـار

والمال والروح لجل القدس واهله مِنَحْ
واعـز واجـود سـلاح الجوء واكبر عيار

ويمنـعوا هيـئة التـرفيـه واصغـر مرح
مستشعرين المــآسي كبــرها والصـغار

#أبوحـاتـم_عــكــه

ياضيف قدبان كل شي وانكشف.واتَّضح
قـيـادة القاهـره صهيونـيـه باخـتـصـار

دوله عميله لإسرائيل جـيـش انـبـطـح
سيسي يهودي الولاء والإنتماء والقرار


للكفر واليهوده قـلـبـه وصـدره شــرح
عميل خائـن رضي بالـذُّلِّ والإنـكـسـار

مجرم وقح عبدفي خدمةعدوه نصح
مأمـور تابـع لــ بـن يامـيـن طائـع وبار

#خيرالله_الخولاني

ياشعب مبهم وغامض ياقرود ياربح
ياجاهليه بغية واليهود الكبار

ياضيف مابش ولامصري بعمره نصح
حتى بموقف مبين للعقول الصغار

السيسي البغل له سيرة تجيب الظبح
صعبي مصرنم فقط منقوص شد الذفار

#طه_الرازحي

قال اليماني معاذ الله أن ننبطح
او نتّبع مجلس الامن الدعي في قرار

والله مانترك الاقصى ومعبر رفح
لو مابقى منّنا من با يخوض الغمار

إذا كيان العدو في الرابعه ماجنح
ومصمم إنه يواصل جرمه امعا الدمار

للجوله الخامسه والسادسه با أفتتح
وباتكن فاصــــــــله فيها لي الانتصار

#الشاعر_سعيد_الكهالي_الحداد

الله يلعن من اتخاذل ومن قد سمح
في وعد بالفور لصهيون بعدالحوار

الغز قد بان والسرانكشق وافتضح
من هو مطبع معى اسرائيل رافع شعار

قد صبرنا فاض كيله بعدماقد طفح
على المداهن ومن والا اليهودي جهار

لازم نساند ومن يغضب لراسه نطح
وصرخة الحق تلحق بالغزاه انكسار

#عبدالقوي_البطل

مايثني الشر عن جرمه سوى بم قح
بالبندقيات ذي تزهم بطلق العيار

مادام والحق للعالم بعينه وضح
ماعد بقي للتراجع عن صدور القرار

قل للمطبع مع إسرائيل يامفتضح
مانال غزة بايوصل صداه كل دار

الله أمرنا في القرآن أن ننتصح
بكل الآيات ذي منها صنعنا الشعار

#ناجي_القعود

يامصر والله مانتو للعرب مرتزح
ولا لكم في العروبه دم حامي وعار

من خان غزه وخان الخبز هو والملح
بيجيه دوره علا نفس الخطى والسيار

ماعد لكم كلمه ولا هيبه ولا مقترح
هنتو وخبتو وصرتو غوم بعد الغبار

#اتحاد_الشعراء_والمنشدين

https://t.me/Poetsanalogous

المجاراة عن عملية استهداف حاملة الطائرات الأمريكية #ايزنهاور ردا على العدوان الأمريكي البريطاني الداعم للعدو الصهيوني.

البداية #ابوجابر_صبره

الحامله مـاعادها حــــاملة
مجنح السيد نعث بطـــنها

أتت إلينــــا حاملة كامـــلة
مارجعت إلا مسقطة لإبنها

#ضيف_الله_سلمان

با تفشل امريكا وهي فاشله
ذي شافته ما كان في ذهنها..

واحنا قطعنا الايدي العاملة
معها..وخيب ربنا ظنها..

#أبورواسي_أرحب

احنا وهم في معركه فاصله
والأمركه ماعذرنا منها

باننصف المقتول من قاتله
ويقع لخيبر درس عرق إذنها

#محمد_الحربي

ونعم بضربه جيشنا الباسله
دقو ازنهاور وسط زغنها

ضربه مجاهد ضربته قاتله
صحت يمينك ياولي اثنها

#جميل_الكامل

نشتي نشوف الحامله مائله
لي منعكم يا سيدي إثنها

ضربة معلم قاضية قاتله
ضربة تظلي العمر تحت اذنها

#صالح_النقيب

هاذا اليمن والقوه الباسله
خلو يزنهاور تزن وزنها

والحامله حملاتها فاشله
وتفشل الغاره وذي شنها

#ابـومـازن_الـرازحـي

هذي رساله للعدو عاجلة
ما بعدها با يختلف عنَّهـا

لا حاملـه تسلم ولا ناقلـه
نثـأر لغـزة واليمـن منَّهـا

#الشاعر_عبدالحكيم_ابوهاشم

من قبل كانت طالعه نازله
تحمل طوايرهم على متنها..!!

الان يا امريكـا قـدي قافله
من اجل (غزة) ماعذر منها..!!

#محمد_البريهي

نزلت على امريكا هنا نازله
واليوم تشكي للدول غبنها

كنا نحذرها وهي جاهله
وزلزل الباري بنا حصنها

#ابو_الكرار_المجنحي

أنصار ربي روسهم صامله
يا قهر واشنطن ويا غبنها

اخبار عضمى جات متداوله
منها بركسل دوخت ذهنها

#علي_محمد_المحاقري

هذا جواب الشعب للواصله
ذي فـجـعــونـا إنّـهـا وانّـهـا

الـيـوم بتبغبغ ومـتـهـاطـلـه
لا بـه عـلـيــــــهـا ولا مـنّـهـا

#محمد_الاخرم

لا طـب مستـشفى ولا قابلة
عدة صواريخ أخسرت وزنها

ضربات مــوزونه ومتواصلة
سلمت يمين الكفو ذي شنها

#ابوعبدالله_صالح_عنبل

الحامله و المركب الناقله
بالبحر نزاع الشوى استنها

و حارسه بالضربه القاتله
عجن حمولتها مع شحنها

#ابوحيدر_الراشدي

شعب اليمن وابطــاله الباسله
للأمـــــــه الاسلاميــــه ركنها

والادعاءات ضـــــدهم باطله
والحق واضح، قل لابو عينها

#الشاعر_ابوجهاد_صبر

الامـركـة قد صـبّـحـت خاملة
مـن شعبنا ذي سِحّبْها بـ.إذّنها

والـ(ايزنهاور) كـامـلـة شـاملة
الـيـوم بطش اهـل اليمن دٓنّها

#أبومالك_الكوماني

لاح الوغى والمعركه الشامله
وصاح صوت الموت عرق أذنها

من شاطئ القلزم ومن ساحله
هب المجنح نام في حضنها

#ابوفتح_الجرادي

هذا بــدايـة اول القـافلـة
وماوصل بس القليل منّها

ياويل امريكا من الواصلة
بايسمع العالم كثير عنّها

#مانع_البوساني

الحامله ولدت وهي جاهله
جاها المجنح ما رحم سنها

لو زوجها عاقل وهي عاقله
يوَقفوا واليهوده دونها

#جلال_الغولي

سبحان من زلزل دول كامله
وربنا في بحرنا هانها

وللبواخر ذل والحامله
ووصل الصاروخ لاحضنها

#احمد_تاج_الدين

رعايـة البـاري لنـا شامله
ألويـل لامريكا ويـا غبنها

لو حاملات الحرب كالقافله
با تنحرق واللي على مـتنها

#احمد_عبدالرحمن_الظمين

ضربة قوية للعدو عاجله
مقابل الغارات ذي شنها

شاهد نجوم الليل بالقايله
وصار في موقف حررج منها

#ابوحرب_مشحم

من بالتعجرف والردى حافله
قريب بـــاذنه نقتحم حصنها

لآحت نهايات القوى السافله
والصهينه يلعن ابـــــــو ظنها

#الشاعر_ابوحضارة_السويدي

هذه رساله ناريه عاجله
للحامله فستوعبو منها

ولا فوعد الضربه القاتله
بالقاضيه باتسمعو عنها

#جميل_ابوقاسم

للحامله ضربات متواصلة
حتى انتهت واكرامها دفنها

لاروحها كلين رفع زاملة
والغرب تبكي ماغمظ جفنها

#ابو_صماد_الفليتي

يامعركة نيرانها الفاصــّـلة
باتحرق أمريكا مع جنــّـها

اليوم لاكافــّـــر ولا حاملة
في بحرنا باننتـــزع بطنها

#احمد_زيد

تـدمر الاولـى مـع الواصله
مـبـاغـته يـسـتغربو جـنـها

الـبـحريه مـتواجده كـامله
ماحد يمر البحر دون اذنها

#أبوحـاتـم_عـكـه

الخصم لن نخشاه ونجامله
وقــوآه لالن نـنـزعِج مـنَّـهـا

والله لن تَـعـبُـرلـكـم قـافِـلـه
به للـيـهـود ابــره على متنها

#ابوحمزه_المقاش

ذا الحامله لا شك فيها خامله
لانها بالموت تحوي متنها

كانت مهمتها مهمه شامله
بس اليماني جاء يحدد غبنها

#ابومصطفى_الرضي

الفيل الأمريكي زهق باطلة
وهيبته قله بدأ دفنها

ويد ابوجبريل هي الطايلة
بايقلق امريكا مع أمنها

#خالد_البصيري

الحـامله ما عـادها حـامله
عندي خبر لا حد سأل عنها

من يد مؤمن طعنته قـاتله
من جنبيه فالخاصره طعنها

#أوس_مرفق

قـــد هي معَ الصاروخيه قافله
وقــــد طلع فــــي راسها جنها

منْها الموانـــــي خاويه عاطله
والحامله منخوع قفی حضنها

#زياد_زيد

في عمقها الضربات متكامله
ياليل وا دانه ويادانها

والثانيه إذي قدي واصله
استقبلوها لاوسط سجنها

#اتحاد_الشعراء_والمنشدين

https://t.me/Poetsanalogous

المجاراة بعنوان شكر لله على توفيقه لموقف العزة والكرامة بمشاركتنا اهل غزه في قتال اليهود وأذنابهم وثباتنا على موقفنا حتى النصر

البداية #أبورواسي_أرحب

الله وفقنا وهيئ لنا
بقوته ضرب التحالف

أحنا أمل غزه وتبشر بنا
مادام والباقي خوالف

أفعالنا باتثبت أقوالنا
ويش الحياه إلامواقف

#ردفان_الرقيمي

أدا لنا الـــــــرحمن ذي ودنا
اللـــــــه بالنيّـــــات عـــــــارف

نفعـــل لغـــــزة وأهلها جهـــــــدنا
لو ما معــانا إلّا مجـــــــــارف

صحنا بـ(لستــم وحــدكم) وحدنا
يوم الجميـع أنهى التعارف

والبحـر الاحمـر صار في حـــــدنا
أحــــّـر من حمّــام جــارف

#يحيى_الوحيشي

الحمد له والشكر ذي مدنا..
بالبأس حاضرنا وسالف..

واعاننا في ترجمة شكرنا..
تنكيل فعلي بالتحالف..

وعاد ليل المعركة الا دنا..
الليل ياسراب القواصف..

#جمال_الماوري

الحمد لله الذي خصنا
إذا هتف بالحق هاتف

من أجل دين الله ما همنا
ولا تزعزعنا العواصف

ولاجل غزة لو يجي ضدنا
كل البشر ما انا بآسف

جريح الحرب #رفيق_زرعان

الحرب والمعركه حربنا
نواجه امات العواصف

للقدس بانبذل اموالنا
وارواحنا راصد وقاصف

شيوخنا تسبق اشبالنا
والحرب مافيها حسايف

#صالح_النقيب

ذي فرطو بدلهم امثالنا
يوم اتجهنا للمصاحف

لله نبذل خالص أعمالنا
وهو بنا داري وعارف

بعنا دمانا له مع اموالنا
لايمكن أن احنا نخالف

#أبوإسماعيل_الجابري

يالمسجد الأقصى تحزم بنا
والعهد لك فوق المصاحف

نسقي عدوا الله سود المنى
ذا أمر ربي والسوالف

ولو يتيحوا لارضكم وصلنا
وِن كان جينا كالعواصف

#الشاعر_نضال_حُميد

الحمدلله ذي جعلني أنا
من شعب حميان الطوارف

من شعب راسه ماهنع وانحنا
مثل الجبل صامد وواقف

لاحد يبا يصبح قوي مثلنا
وأفته ترهب أوايف

باندخله ورشه ودورت بنا
يخرج رجل فاهم وعارف

#ابوشوامخ_الوعل

والله ما تتكتف ايداتنا
وقت التحرك والتكاتف

لو قوة العالم تقف ظدنا
ماننحني ونقـــول آسف

نموت ياغزه معش كُلنا
ولا يكون النصر سالف

#جميل_الكامل

الحمد لله الذي خصنا
باشجع فتى كالطود واقف

القائد اللي شد من عزمنا
بهدي صادق مش (سوالف)

واجه طغاة الأرض صنع ،بنا
وكل من في الأرض خائف

#الشاعر_ابوجهاد_صبر

الحمد لك والشكر لك والثناء
ياربناء في كل سالف

انت الذي نكّلت بـ.اعدائنا
مِنّا وصار الكُفر تالف

من أجل غزة لو قُتل نصّفنا
يهون من قتل المكالف

#جميل_ابوقاسم

احنا اتكلنا باالقوي ربنا
معا اهل غزة لاحسايف

من عنده الله باالجنود مدنا
والكل نحو القدس زاحف

نحرره لو ننتهي كلنا
طلاق من روس المكالف

#عبد_القادر_داود

الحمد لك والشكر لك والثناء
يا مـن بـك اثنيـنـا العواصف

أعطيتنا قايـد علم ما انحنى
و العـهد لـه فوق المصاحف

ما ننـحـنـي لو مـا بقي مننا
واحد . و مات يموت واقف

#ابوزينب_الوجمان

الحمد لك والشكر لك يا ربنا
اخزيت دولات التحالف

وبحسن توفيقك لنا باعلامنا
ذي قدموا دينك مواقف

صار اليمن قوه تهز اعداءنا
منها اليهودي اليوم خائف

#مازن_بَرَاش

الـديـن الاسـلامـي يـفـاخر بـنـا
مــاغـيـرنـا ســـطَّــر مـــواقــف

لن نرتضي ياقدس عيش الخنا
والــحـرب لــي عــادة وسـالـف

الـنـصـر والـفـتح الإلـهـي دنــى
لا عـــاش مـتـذبـذب وخــائـف

#ابوكنعان_الروس

ياعزنا الله يا شلنا
ماهاكذا عفنا السوالف

غزة تباهي وتفخر بنا
وتصنف الاعراب مكالف

لابعدنا أحرار ولا قبلنا
ودوننا هين وتالف

#الشاعر_جبر_المهدمي

مساكم الله خير يااصحابنا
يااهل الهواجس والسوالف

درب الإباء والتضحية دربنا
وفالطارفة قـوم الطوارف

قولوا لغـــــزة حربها حربنا
وان ماثبتنا"فاحسبونا مكالف"

#ابوحمزه_المقاش

الدين والاسلام موروثنا
ونفوسنا تهوى المعارف

للصهينه نمضي نسوق الفنا
واحنا المدافع والقواصف

للقدس باترخص ارواحنا
واصواتنا مثل الرواجف

#ابوحيدر_الراشدي

الحمـــــدلله القـــــــوي مدنا
بالنصـــر في وجـــه المخالف

وبالقيـــاده والعلـــــــــم عزنا
في نهــــج (طـــه) والمعارف

القـدس والاقصى وغــــزه لنا
كلام رسمــــــي، مش سوالف

يازارع المعروف طاب الجنى
رغــــــــم العوايق والعواصف

#أبو حـاتـم_عــكــه

غَـزَّه قضيَّتنا وأهلـوها اهلنا
ربِّــي أمــرنا بالــتَّــكــاتُــف

والحمدلك ياربَّنا وفَّقتنا
نُـعـلِـن لِـغَـزَّتـنـا الـتَّـحـالُـف

بامْـوالَنا وسـلاحنا ودمآئـنـا
جُــدنا وصدَّرنا الـمـواقِــف

#الشاعر_عبدالحكيم_ابوهاشم

سبحــان من عــلّم قيــادتنا
بالعلـم وانــــواع المــعارف

بالله دسنا الخصم باقدامنا
وقصفـــــنا دق المخــــالف

افعـالنا دلـت على اسلامنا
في حاضـر الواقـع وسالف

#هادي_حسين_الرزامي

الحمد له بالولا خصنا
لهداتنا ماحنا نخالف

نواجه المحتل في ارضنا
والموت لاسرائيل قاطف

والموت لامريكا ولاعداءنا
ضد العدو ماشي تعاطف

#صقر_الريمي_ابو_الذهب

لا مثل قائدنا ولا مثلنا
ونحمد الله على المواقف

الرايه البيضــاء ترفــرف فـ لـفضــــاء
للكـوكبـه ذي ضـاوهــا اضـا للطــــريق

يكفـي من الفـوضـا تجـارب ما مضــى
يامـارب التـاريخ والمجـــد العــــــريق

ذي ما استضا العدوان عمره لا استضا
يفــزع مـــــع غــزة بطفـــاية حــريق

#صالح_الاحمدي

المجاراة عن صاروخِ "فلسطين" الباليستيٍّ والذي تكشفُ عنه القواتُ المسلحةُ لأولِ مرة.

البداية #أبويوسف_القاري

جيش اليمن داخل فلسطين جرب
صاروخ بالستي يسمى فلسطين

ياليت مقطع لإنفجاره تسرب
نشوف كم خلف دمار وجثامين

قل لليهودي مامعه أي مهرب
مادام تطوير الصناعه من الدين

والأمر أمر الله والوعد قرب
والفتح ياكلمة (عسى) قاب قوسين

#الشاعر_ابوجهاد_صبر

جيش اليمن ماجيش مثلة تدرب
علا نكال الكافرين الملاعين

الحمد لك والشكر والفضل يارب
تعداد ما يتلوا تبارك وياسين

جعلت بـأيّدي شعبناء الكفر يضرب
نصرة لـ غزة لا لجمع الملايين

يسبر معانا الوضع ياقدس يخرب
احنا معك في زين باقين او شين

#هادي_حسين_الرزامي

الله سبحانه رمينا وصوب
وما رمى به ربنا صار تمكين

وختمها تأتي مقاطع مسرب
يشفي بها ربي قلوب المساكين

وجهادنا للمعتدي خير مكسب
والله أكبر واصرخي يافلسطين

#جمال_الماوري

صاروخ بالبأس اليماني تشرّب
حكمة وخبرة في جميع الميادين

على رباهم حام والحامي الرب
جاك المطور جاك يا (طور سينين)

لما ضرب وأمسى للامثال مضرب
وبشَّر (الزيتون) بالنصر (والتين)

طوفان طاف ارض الجزيرة وخرَّب
مشروع واشنطن وجُحر الثعابين

#صالح_النقيب

صاروخ خلا ايلات بنار تلهب
وارواحنا ياقدس لجلك قرابين

صاروخ بسمش يافلصطين بنسب
حاضر معاكم في جميع الميادين

بايضرب إسرائيل لاما تاءدب
صنعه يمانيه لسحق الملاعين

وشعبنا جاهز مجهز مجعب
والقادم اعضم ماقد الا العناوين

#محمد_الاخرم

صاروخ لا عبر الفضاء سبح الرب
ماصنعت أمريكا مثيلة ولا الصين

صاروخ بالهدي الآلهي تشرّب
متولي الهادي ومتولي حسين

سريع متطور محدّث مكهرب
يوصل لهدفه قبلما تطرف العين

أذا سقط في موقع الكفر خرّب
ويرسم حدود لقبل 67

#ابوحيدر_الراشدي

صاروخ بالستي يمـــــاني تشرب
غيره، وعزه من ديــار السلاطين

صاروخ دق انف اليهودي وخرب
ما قد بناه من عــام الفين واثنين

لله در ابن اليمن، صــــــار يضرب
به المثل، يشمـــــخ بكل الميادين

على الثقافه الحيـــــــدريه تدرب
في ظل قائد حر من نسل ياسين

#أبومالك_الكوماني

ياجيش من هدي الرساله تشرّب
ماسك بحبل الله ف العسر واللين

على الحروب المفصلية مدرب
تشهد له احداث الوغى والميادين

فيه الإباء تسمى والأمثال تضرب
وبطشته تقلب جميع الموازين

يشوف وعد الفتح ياغزة اقرب
ووعد تشريد اليهود الملاعين

#الشاعر_متاش

هذه وعود الله بالنصر تكتب
بالفتح والتمكين ياقدس جايين

قل للفلسطيني تزهب تزهب
شعب اليمن عينه وقلبه فلسطين

ما باينكل باابن حارث ومرحب
غير ابن طه وابن سيد الوصيين

خل المعارك ياولي نار تلهب
حتى نعيد القدس مسرى النبيين

#احمد_تاج_الدين

يا يوم خيبر ذكّر احفاد مرحب
ضربة علي في بايدن وابن يامين

ومن جهلنا الأمس فاليوم جرَّب
قاروح صفعتنا بخدّيه الاثنين

ألقدس من صنعاء لنا اسهل وأقرب
واحنا لها اهل الفتح واحنا الميامين

عاد با يروا بعد العجب ماهو اعجب
بغته يلاقونا بداخل فلسطين

#مازن_بَرَاش

صاروخ أحْــدَثْ إنـفجاره وسـبَّب
نوبة هلَع في كامل أرجاء فلسطين

مِـن هول حجم الكارثة قد تعجَّب
واصابـه الدَّهـشة لأعوام وسـنين

لا مشكلة عـندي مَن أنـكَر وكذَّب
رغم الحقائق والحُجج والبراهين

نـتـرك لك الفرصة تفضَّل وجرِّب
وقُلَّ لنا كيف الحمَم والبراكين؟!!!

#ابوكنعان_الروس

ما اليوم يالصهيون من بحرنا أشرب
المالحه يااولاد سبعا وسبعين

من كذب الاحرر تذوق وجرب
مرر الهزيمة قب من حين لاحين

جيش اليمن طوق وشرق وغرب
ياوحدة التصنيع قد انتو مجانين

ودوننا تيوان صيني معرب
الايفون والسامسونج ون تسعين

#ابتسام_شرف_المحطوري

صنع اليماني زمجر امريك أرعب
وين المفر من آل طه وياسين

فكيف مانصنع ونزأر ونغضب
من أجل غزة مثلما السيد حسين

والقادم اعظم (ياذرارِّي مرحب)
(أحفاد حيدر) نصر عزة وتمكين

البدر ابن البدر  ثـقف وهــذب
وانتج بفضل الله وحوله ملايين

#ابو_صماد_الفليتي

صاروخ بالســّتي مطور مدرب
شديد با يسقي ألمريكي الأمرين

ومن يكذب شعب الِيمان جرب
اسقية من نار الوغى با الفلسطين

والنصر للإسلام والحـق قرب
قريب يتحقق بساح الميادين

#ابـومـازن_الـرازحـي

صاروخنا ماهـو سلف أو مهرَّب
كما يقول الفـاشلين الـدنيئين

بل جا على ايدي من وطنهم مخرَّب
وتقطعت اشلاء ذويهم لعقدين

سبحان من حقق لنا كل مرغب
وزادنا حكمه وأظهر بنا الدين

وارسل لنا قـائـد مطهَّر مقرب
شقلب على كل الطغاه الموازين

#الشاعر_ابو_صالح_الحربي

منهو مع الرحمن هيهات يغلب
بالعكس بل يزداد قوه وتمكين

ومن مع الطاغوت والشر شعب
لا بد ما يلقى جزاءه بضعفين

والحمدلله ذي عطا النصرواوهب
لانصاره الاحرار واخزى الملاعين

والبارح(فلسطين)قد هز وارعب
كيان حلف الصهينه وابن يامين

#أبوصخر_الجوحمي

الوعد باذن الله للقدس فرب
بالفتح والتمكين والنصرللدين

تصنيع حربي نحو صهيون جرب
القدس وفلسطين فاطر وياسين