المجاراة عن (المواقف تكشف الولاءات)

البداية #ضيف_الله_سلمان

ذي ما تولّى الله..وآلى الشياطين
نوع الولاء تشهد له الفاعليه..

اما مع اسرائيل والا فلسطين
والمرحلة فيها المواقف جلية..

#ابورواسي_أرحب

وألي خلق آدم وحواء من الطين
ماننثني عن حربنا المفصليه

والشعب ذي واجه بمؤته وحطين
اليوم في غزه له الأوليه

#إلياس_المقدشي

شفت الخيانه في وجيه السلاطين
تخاذلوا في مرحـلة مفصليه

يا باعيين الدين والعرض و الطين
مهزوم من كان اليهودي وليه

#الشاعر_فرحان_السلامي

وليّنـــا ربــي بكُــل البـراهيــن
نثبت ثبوت الشامخات العلية

و عزمنا نصرة لكُل المساكيـن
نيـراننــا تفتــك بشـــر البليـــة

#عبدالله_المسعدي

مع ابن بدر الديـن باننصر ديـن
والوعد وعد الله ينصر ولية

مِنْ فَضْلِ رَبِّي نَصْرنَا قَابَ قَوْسَيْن
ومرحلتنا مــــرحلة مفصلية

#الشاعر_جبر_المهدمي

تشهد مــــواقفنا بكل الميادين"
إن الـــولاء لله وطــٰه نـــبيه"

لجل القضية مانهاب الفراعين
وتحريرالأقصى عندناأولويه

#عبدالواسع_صايل_الغولي

ابليس خلق من نار والناس من طين
و ناس تبع لابليس وابليس وليه

يا اهل الولاء للامركة والسلاطين
الفوز لمن رب السماوات وليه

#ابومالك_الكوماني

الأمر واضح ما يبا له براهين
ومعركتنا معركة مفصليه

أما نفرنا ننصر الله والدين
في بحرنا وخطوطنا الساحلية

والا خضعنا لليهود الملاعين
ولعصر الاستعباد والجاهلية

#رامي_السوداني

قمنا مع الاســلام ياخاذل الدين
ب كبود.من وحي الهدئ ممتليه

والعمر كله ينقظي في الميادين
ماهي حدائــــــــق تسليه بابليه

#الشاعر_ابو_صقر_شعلان

يالله يا مولى الرجال الميامين
شعب اليمن اثبت بأنــــك وليّه

وكل من وآلى اليهـود الملاعين
باندخله فــي كشف (شر البليه)

#ابوالعباس_مفلح

وولاية الله والنبي وآل ياسين
امان من الاضلال والجاهلية

وولاية ابن البدر من منهج الدين
من هو معه مضمون ربي وليه

#ابوصالح_العملسي

واطي تولئ ناس أذلاء وواطين
قد ردوا الأمة الئ الجاهلية

حتئ المشايخ أولياء للسلاطين
يفتوا حسب توجية كمن بلية

#محمد_ابوالعز

حـدد خـيــاراتـك بكل المـيـــادين
اليـوم يا اســــــلام او جـاهلــــيه

الحق والباطل صراعه على الدين
و المرحــله يا قـومــنا فيـصــلـيه

#ناجي_القطيبي

من كان له موقف يبدّيه ذلحين
وبانقيّم. (موقفه) من هنيّه

انّه مع غزّه يدافع. عن (الدّين)
والافربّ البيت الابيض( وليّه)

#ابوقصي_العويري

واللي خلق آدم ابونا من الطين
أنّا تولينا البيوت العليه

ذي باتذكر حلفهم يوم حطين
وليوم خيبر عندها قابليه

#عبدالله_الحرفي

عبدالهوى والا اليهود المساكين
واليوم جا احفاده تولّو وليّه

افتاهم ان النحل مثل الذبابين
والفرق واضح بين هذا وذيه

#الشاعر_نضال_حُميد

يامعركة طوفان الاقصى وحطين
عادت قريش وعادت الجاهليه

لابد مانكسر غرور السلاطين
ونبيدهم فى الجبهه الساحليه

#الشاعر_عبدالقدوس_الصباحي

لو ينتهي تكوين من بعد تكويــن
او يرجع الاســــــــــلام للجاهليه

هذه مسيره قادها سيدي حسين
واحنا لها والله ناصــــــــــر وليه

#الشاعر_ابوجهاد_صبر

قُل للممالك والملوك والسلاطين
ذي مـا تـولّـى الله مـن هـو وليه

احنا ولينا الله لــو نـاكُـل الطين
ولّـنا مـواقـف بـالـشـواهـد مليه

#الشاعر_عبدالحكيم_ابوهاشم

الله مولى الصادقين الميامين
من كان له مولى فـ طه وليه

ومن مصاديق الولاء للموالين
وقوفهم في جربنا المفصليه

#ماجد_المطري

ولاية الرحمن وإلا الفراعين
كلاً يحدد بالمواقف وليِّه

إما مع ربي والاعلام والدين
وإلا ولاية بايعين القضيه

#ابراهيم_الغولي

واحنا زحفنا لجل غزه ملايين
بأمر ربااااني وطاعه. وليه

رجال تعرفنا جميع الميادين
شموخنا فوق الجبال العليه

#ابراهيم_الحجلي

هي مرحلة يبتان فيها الملاعين
والمفتري مافي يده اي حيله

ياصاحبي واختار دربك من الحين
ماعادها ياصاحبي جاهليه

#أبو_علي_عركم

ذي مايوالي آل بيت النبيين
يعيش عمره عيشة الجاهليه

واحنا لآل البيت دوماموالين
قدبان موقفنابهاذل القضيه

#ناجي_القعود

وحنا اولاه العزم احنا اليمانين
وحنا حماه الدين وانصار وليه

مانترك الاقصى ودم البريين
لو مابقي في الجسم حتى خليه

#علي_مغلي

وذي ما تولى بايذوق الأمرين
وتصبح اعمالة بلا فاعلية

واحنا تولينا علم ينصر الدين
ولا ارتضينا لعبة الهوشلية

#ابوكنعان_الروس

المندب الخندق والأحزاب وحطين
الحق واضح والشواهد جليه..

اما يدس الراس في قحلة الطين
يا ملة الاسلام ياالجاهليه..

#ابوفتح_الجرادي

كشف الحقايق بان زيف المرائين
ماعـادهــا بيــن البشر منطلـيه

باحداث غزة بان كل الملاعـيـن
والمرحلة هي مرحله مفصلية

#إتحاد_الشعراء_والمنشدين

https://t.me/aboyahyaalshami

المجاراة بعنوان رسالة تحذير للمريكي واذياله المتحالفين معه.

البداية #عباد_ابوحاتم

‏قل للمريكي والبريطاني
من ارضنا لابد ما يرحل

يرحل بهذا الوجه او الثاني
بحسب ما السيد قد اتفضل

ولا وقع له يوم عياني
يجعل موازين القوى تختل

يسمع به القاصي مع الداني
والارض واملاك السماء تشتل

#ضيف_الله_سلمان

مشروعنا مشروع قراني
واحنا على القهار نتوكل

في ظل قائم حق رباني
زلزل قوى امريكا ولا اتزلزل

من هدي (طه) و(ال عمراني)
علم هدى لا قال با يفعل..

قرآني الاهداف ميداني
ويعرف ايش المشكله والحل..

#أبورواسي_أرحب

الشعب كله روس صيفاني
سم العدا ماضي ومستقبل

مازال من همدان همداني
يمن وذي مايعرفه يسئل

بايلقف أمريكا دخيلاني
هي فاشله والحلف بايفشل

وعلئ يديه الصهينه فاني
بالقصف وإلا جف بالشيول

#عبدالله_الجرفي

يوم اتخذنا مواقف انساني
بالهندراب المندب اتقفل

واليوم صوت الحق ناداني
حيى خير العمل وافضل

الشل ياحمران الاعياني
بالحنبيه والسوط والجرمل

طعفر جماجم واجلد الزاني
ودوس ذيل الكلب يتعدل

#فارس_المعزبي

(واشنطن) المسئول والجاني
وخلف مَن يُقتُل ومَن يُقتَل

و(موسكو) بعد المريكاني
والثالثه لندن في الجدول

يحاولـوا منعـي وحرمانـي
من وقفتي بالمتـرس الاول

والحرب والطوفان طوفاني
قولوا لهم والله ماتحتل

#الشاعرفرحان_السلامي

توجيهنــــا تـوجيــه إيمـانـــي
قـولـو لأمـريكـا و مـن يجهـل

ما نرتهب من حلف شيطانـي
نيــراننــا باكبـــادهُــم تشعــل

و المـوت مترصد لهُم عـانــي
من يقترب با يشرب الحنظل

قـال اليمـن مـاحـد تحـدانــي
و انـا جحيـم الغـازي المحتـل

#ابوالمازن_الشريف

هذا اليمن يا كل شيطاني
ارضه مقابر تبلع المحتل

تحذيرنا من أي عدواني
ما فادكم عدوانكم لول

في بحرنا الميدان ميداني
والله ناصر من به اتوكل

#ابوهادي_عقاب

قالوا تحالف ضدنا ثاني
غيرالذي قدكان من اول

تحالف يهودي ونصراني
والحلف الاول خاب واتبهذل

ونقلهم ذا شعب الايماني
مقابر الغازين ما يحتل

لويحشدوا بالانس والجاني
فالبر والا البحر باتفشل

#ابوحمزه_المقاش

الـنـصـر والـتـوفـيـق ربـآنـي
هـو من تـكـرم لـنـا بـ الـحـل

جـر الـقـلـم بـ اعـذب الـحـانـي
لـعـل للـقـدس بـا يـوصـل

تـحـالف الامـركـه فـآنـي
بـا نـخـبـره قـبـل مـا يـحـصـل

الـبـحـر يـقـذف على الـجـانـي
حـمـم لـهـب نـار مـا تـفـصـل

لا عـاش من هـو تـحـدانـي
وانـا يـمـانـي بـهـم نـكـل!!!"

#الشاعر_عبدالقدوس_الصباحي

بانطحن البنيان والباني
في يوم مهما عننا طول

لن يسكت المجني علئ الجاني
والحر حكم الذل مايقبل

رب السماء نبّه ووصاني
ابذل وهو بالنصر يتكفل

في ظل قائد حر حقاني
اذا نوئ يوصل لهم يوصل

#ابومالك_الكوماني

لو حالفوه الانس والجاني
وتقدموا جحفل وراء جحفل

فعـدتي باللّـه ورهـاني
هو ذي وعد بالنصر وتكفل

فلا قلق ياشعب الايماني
باندعس العدوان بالصندل

المجد باقي والعمر فاني
ومن رضي عيش المهانه ذل

#مقبل_جرام

قولوا لها ان النهج قرآني
وسيدي لاقالها يفعل

ترحل رضى او بالغصيباني
بحر اليمن للخصم موت ازول

والله لا قد شبّ بركاني
لا يقتلب ذي علوها منزل

واشبع من المارنز حيتاني
واجعل موازين القوى تختل

#ابوكنعان_الروس

حيا بمن قد تحداني
للبحر قل للعداء يوصل

للمندب اليوم يلقاني
ملعون من ذل وتخلل

الله للقوة اعطاني
في ضل قايد علم مرسل

ومن هدى أسقاني
عذب اليقين صافي المنهل

#عبدالعزيز_الغرباني

ياكل مثلي وشيطاني
ومن في الباطل استفحل

وكل ملحد وعلماني
واذيالكم كل شاذ اخبل

شعب اليمن عبر الازماني
ولاخضع يوم للمحتل

تحالف الامركة فاني
عليك يالله نتوكل

#ناجي_القطيبي

العالم الغربي هو الجاني
ماكان له شي حق يدخّل

والله لايخرج غصيباني
لايركن ان الوضع مثل اول

لوقد يثور اليوم بركاني
باياكلوه اهل اليمن ماكل

ومن جهلني قل له القاني
وبعدها لاحد يدوّر حل

#الشاعر_ابوجهاد_صبر

تحذيرنا تحذير برهاني
مابعده إلا الكفر يتنكّل

يسمع به القاصي معا الداني
شعب اليمن لاقال با يفعل

انا يماني حر قحطاني
ما اقّبل الغازي ولا المحتل

والمرجله والعز عنواني
عند النوايب صفي الاول

#علي_مغلي

‏من منطلق ديني وايماني
لابد ما يرحل ويترحل

لوبا نجي بالثاني الثاني
ومن قتل فالمعركة يقتل

منهاجنا منهاج رباني
والتضحية مشروعنا الاول

كمن يماني حر متفاني
كم مرغ الغربي وكم زلزل

#الشاعر_عبدالحكيم_ابوهاشم

احنا هل الحكمه والأيماني
تاريخنـا لا زال يتســجّل..!!

القادم اعظم ايها الجاني
بفضل رب الكون والمنهل..!!

وفضل قايد نسل عدناني
بني لحاضـرنا ومستقبل..!!

في نصرته للحق متفاني
اذا دخل للحرب ما يفشل..!!

#علي_الشعيثي

لا تدخلوا ياحلف شيطاني
في حرب ماتطفاء ولاتكمل

اسئل علينا حلف عثماني
كم حصلوا مقتل وراى مقتل

عبدالملك من نسل عدناني
اشماطلبنا نفعله نفعل

وكل صهيوني ونصراني
في حبس لامخرج ولامدخل

تابع المجاراة عن جدية موقف #الشعب_اليمني مع كل خيارات التصدي لأي تحالف دولي بحري أو بري حتى أنسحاب الأحتلال من #غزة

البداية #سامي_عبيد

بيان جيش اليمن  للكل تحذيري
يراجعوا كلمة القايد وتحذيره

من يدخل البحر الاحمر يخلس الميري
كلام مفهوم ما يحتاج تكريره

ياذي حشدتوا تحالفكم.!! على غيري
جيش اليمن بايخلي  حلفكم طيره

#أبورماح_شداد

حرب الكيان اليهـودي حرب هستيري
مافـــــــــاد زحفه ولا قصفه وتدميره

في غزه انهار صهيــــــــوني وتكفيري
امــا فـــي البحر الأحمر حتم تفجيره

مهزوم يا توم فــــي حربك مع جيري
با تنطلــــــــــق لا جهنم قبل تأشيره

#الشاعر_علي_الوزير

ياشعب الايمان نصرك حسب تقديري
مـربوط بالقدس والاقصى وتحريـره

في جـمـع الاشرار مـن ربي تباشيري
مـن بعـد لاعداد لي قـد تـم تحضيره

بـايغـرق الكـل امـريـكي وتـكـفيـري
وكيـان عبري بـعـون الـلـه وتـقـديـره

#ابومجاهد_الغمري

يا من تباعـد على غزّه مشــاويري
طـوفان حاظر وقاهر تم تطـويره

نقســم برب الفلق يا كل تكفــيري
ما نوقف الا مع الاقصى ولا غيره

بشموخ حـيدر بواجه لو بظافيري
دبابة الكفـــر واتحـــزم بجــنزيره

#الشاعر_عبدالقدوس_الصباحي

مازاد أو قَل في المندب مقاديري
والحرب قانون ماهي أي خبّيره

والله لاكسر رقب من راد تكسيري
والكسر ماينجبر من بعد تكسيره

وبد ما اطرح علئ نعشه مساميري
ذي راد يطرح علئ نعشي مساميره

#ابومصطفى_الرضي

مسيرة البدر تحمل فكر تنويري
وأهدافها نصرة الأقصى وتحريره

فشل عسيري ودسنا كل تكفيري
ومن غزا ارض اليمن يبشر بتدميره

مسيرات اليمن فوق العدو سيري
اسطولهم واجب اغراقه وتفجيره

#ابتسام_شرف_المحطوري

والشر يزهق على ايدي أمة الخيرِ
هم خير أمة اخرجت للناس في السيره

سيرة علي الحيدرة حكمة وتأثيرِ
مفعولها لامس الواقع فلا غيره

مسيرة الحق ترسم خط للسيرِ
إما كذا أو كذا ياصاحب الحِيره

#وسام_الحنش

تهديدكم يالقوى العظمى على غيري
مصيركم في يد ابن البدر تقريره

غير افهموها وربي حسب تصويري
يالبحريه لاتزر الكون وتديره

#عبدالقوي_البطل

كلام معصوب بمنطق حق تعبيري
قال اليماني بصرخاته وتكبيرة

يالعن أبو من سكت باسلوب تبريري
وجاء بتبرير سكوته في أساطيره

احنا مع القدس تعلنها تقاريري
قال اليماني ولافي موقفه حيرة

#أسـامـة_المـعبـاء

يا بارجات العدؤ في البحر لاتسيري
قبلش روابي وجلكسي جالهن سيرة

من قبل مانقول للبالستيات طيري
خيرة عليش يادول عميا ميه خيرة

موقف يمنــا يواجه حلف تكفيري
من اجل تنصير أقصــانا وتحريره

#ناجي_القعود

البحر بحري وهاذا الكل تفجيري
باشل واحط وكلن يستشير غيره

والطير ذي مرصود في جو السماء طيري
بايعلم الكل صيده وقت تفجيره

الوقت محدود وذيهو حير جاء حيري
من قبل نعلن علا المندب بتسكيره

#أبوصخر_الجوحمي

الشعب له موقف الاحرار تشهيري
واللي بيسمع علمنا صاب بالحيره

غزه تحاصر وفيها حرب هستيري
واحنا نوقف على اسرائيل تصديره

نضرب نحاصر ونقصف قصف تدميري
صهيون واللي معه باننهي تدميره

#الشاعر_نصر_الصوبي

نافخ في الصـــــــور لا نافخ انا كيري
واقــــــــــوالنا افعال مشي إي خبيره

وموقــــفي الجد صاروخ عُد تدميري
مع فلســــــــطين هبت ريح اعاصيره

وبــــــــــحرنا فيه ممنوع إي تبحيري
لصــــــــــهينه والحليم تكفيه تأشيره

#زياد_زيد

فوق العدو يالمسير في السما طيري
القدس قد حان بإذن لله تحريره

خاب العدو حسب تفسيري وتعبيري
طوفان الاقصى عليهم قد نفخ كيره

لو يحشدو جيش مارنزي وتكفيري
في البحر الأحمر هلاكه بل وتدميره

#أخت_شهداء_البكالي

كل الخيارات مدروسه بتقريري
واحنا مع البدر في قوله وتقريره

ان قال تفجير فالتفجير تفجيري
ضداليهودي وضد امريك لاغيره

وموقف الشعب ثابت دوم تحذيري
لوهددوا. قصفنا ديره ورى ديره

#ماجد_المطري

لو حلف واشنطن اتداعى لتفجيري
يتفجر الوضع في من رام تفجيره

وان حشدوا ضدنا ذري وتدميري
ف البحر من جا لنا يبشر بتدميره

ما با نبقي نتنياهو ولا كيــري
ونافخ الكير بايحرق مع كيره

نرجِّع الغرب للعصر للطباشيري
وموعد القدس قد لاحت تباشيره

#الشاعر_ابوجهاد_صبر

اين بايسير اليهودي من  لضاء  كيري
فـي البحر ممنوع  توريده  وتصديره

أزكــى تحـيـاتـي وشـكـري وتقديري
علا اليمن من براقش لا وسط صيره

ذي جنب غزه وقف موقف بتعبيري
مـا بوصفه قـط والافـكـار في حيره

#الشاعر_ماجد_غانم

هذا اليمن مش مسلسل توم اوجيري
الدم حامي من الله واكتساء غيره

لناء قياده وقايدفوق الاسطوري
انذاره انذار والمتبوع تحضيره

ركع دول تمتلك نووي وفسفوري
وكم من احلاف تتلاشا على كيره

#جميل_الجنيد

مهما قوى الشر تحشد لجل تغيري
عن موقفي نحو غزة صعب تغييره

بيان واحد لحلف الشر تذكيري
والله ما في لنا يالمعتدي غَيْره

بعد العلم والقيادة ياليمن سيري
في نصر غزه والاقصى لين تحريره

المجاراة دعوة للمشاركة في المسيرات الواسعة لنصرة #الشعب_الفلسطيني في #ميدان_السبعين في العاصمة #صنعاء وبقية المحافظات

البداية #ضيف_الله_سلمان

بدأ صباح السبت عصر الجمعة
طوفان صبّحهم وهم مجتمعين..

من اجل غزة يارجال الفزعة
ميعادنا يا اصحابنا فالسبعين

#جميل_الكامل

هبو لأجل القدس سرعه سرعه
جهاد نخوه قبيله ياهل الدين

وادي معك خمسه وسته سبعه
لك اجرهم ولو يكونوا خمسين

#جبر_المسعدي

العمر يصحاب الجلاله جزعه
والعين مشتاقه تراء الحور العين

واحنا رجال العز واهل الفزعه
لو فال ١٠٠ منا يسيرو ٩٠

#سلطان_خضران

كلن من الليله ينبي ربعه
لا كل ساحه من يبكر فـ الحين

نصرخ ويسمع صوتنا من سمعه
فالارض والسبع الطباق وعلين

والساكتين اليوم يلقوا سبعه
لا قبيله فيهم ولافيهم دين

#حسن_السعيدي

لبيك ياداعي الشرف والرفعة
وانا وشعبي كلنا مندفعين

نبشّر إسرائيل بعد الصفعة
حياتها مابا تصل لا تسعين

#أبوزيد_النعمي

متوجهين دفعة وراها دفعة
نحرر الٲقصى من المحتلين

والناس جمعه يحضروا في الجمعة
مسيرة السبعين وغير السبعين

#ابراهيم_الغولي

ابشر بنا دفعه وراها دفعه
لجل العروبه والكرامه والدين

من اجل غزه با نلبي جمعه
ولا يهمك يا ابو امجد ذاحين

#عبدالعزيز_الغرباني

شعب اليمن في كــــل يوم الجمعة
يخرج مسيرة داعمــــــة لفلسطين

شعب الحمية والابـــــــاء والفزعة
مع اهل غـــزة واهلنــا في جينين

والمعنوية عاليـــــــــــــة مـــرتفعة
والنصر مطلب شعبنـــــا والتمكين

#الشاعر_ابو_صقر_شعلان

ياموطن الايمان هبوا جمعه
قد النصارا مننا مفتجعيـن

ونصر ربي بايجي في سرعه
وبعدها بانجتمع في حطين

#الشاعر_عبدالقدوس_الصباحي

احنا علئ عهد الوفاء والبيعه
واحنا عليه الامس واحنا ذلحين

الحشد ماهو لجل عيد المتعه
الحشد لجل القدس يابن يامين

#الشاعر_جلال_السكري

بدأ صباح السبت أول جرعة
تروي ضماهم والكبد من غسلين

من اجل غزة حشدو يامنعة
لاتوقفو لي منعكم من ذلحين

#ابومالك_الكوماني

بالوعي واجهنا القوى مجتمعه
دسنا على امريكا مع المنبطحين

ياشعبنا اتحرك بأقصى سرعه
لا كل ساحه نصرةً لفلسطين

#محمد_الاخرم

ياهل الوفاء والمرجلة والرفعة
يا خير أمة هــــمّها نصــر الدين

الكــــل يــــتحضر ويحــــشد ربعـة
على الاقل الشخص يحشد عشرين

#علي_بن_داشع

باننطلق واقلوبــنا مجتـــــمْعه
عند اليمن والعقل عند فلسطين

واخروجنا لـه عز وميــــة رفعه
والشخص فخروجه يعادل تسعين

#عدنان_جحوح

يا اصحابنا الكـل ياخذ رَبعـه
فـزعة من الإيمان لا فلسطين

دفعة وراء دفعة وراها دفعة
حتى يعم النصر والتمكين

#أبوحسين_العصري

المعنوية عالية لا رجعه
عن نصر الأقصى وأهلنا بفلسطين

لو يزحف أهل الشرك كامل جمعه
ما دام واحنا بالقوي معتصمين

في بحرنا العدوان يلقى صفعه
وداخل السبعين يلقى ثنتين
لأجل الكرامة يا يمن و الرفعه
ننفر خفاف اثقال ياجند الدين

#بدر_الكهالي

يبشر بنا الأقــــصى ويبــشر ربعه
نوقف وقوف الاخ جنب فلسطين

مادام دك الكُــــــــفر فيـــــنا ولعة
واحنا جنود الله وانــــصار الدين

#الشاعر_عبدالحكيم_ابوهاشم

يا اهـل الأبـاء والحريّه والمِنعه
ويش عاد باقي بعد هذا التمكين

حضورنا واجب علينا جمعه
حتى لو الساحه يقولوا في الصين

#ابـومـازن_الـرازحـي

عن نصرةالأقصى محال الرجعه
خوفـاً من الله وانتصاراً للدين

وخـروجنا الدايم بعصر الجمعه
جبهه قـويـه تـزعـج المحتلين

#الشاعر_متاش

ويارجال العصر عصر السرعة
كلن يجمع خبرته من ذلحين

نشغل السبعين بكرة قرعة
بحشد يتجاوز حدود البحرين

#وسام_الحنش

واجب علينا يالنشامى جمعه
يانصار ربي القاء في السبعين

مطلوب في هذا الخروج السرعه
من اجل نصرة اهلنا ب فلسطين

#ابوالكرار_المجنحي

كلن من أجل القدس يعمل وسعه
انتو بداعي الدين والله مدعين

حضور عارم شغلوهم قرعه
ردو لهم با الصاع واحد بضعين

#أبو_علي_عركم

ياشعبنا دفعه وراها دفعه
طوفان بشري نحتشد لاالسبعين

نصره لغزه يارجال الفزعه
هذه قضيتنا إلى يوم الدين

#أسـامـة_المـعبـاء

من كل فج وكل صوب وبقعه
بانجتمع يا أنصار ربي والدين

بالعصر لـ السبعين دفعه دفعه
لبيك يالأقصى بنصرك جايين

#الشاعر_وديع_داعر

على المعزة والوفاء والرفعه
ياكل مؤمن حيدري واحمر عين

نصفع بني صهيون اكبر صفعه
ونـقـهر الانـذال والمنـخـدعين

#الشاعر_بشير_الشامي

لا ساحة السبعين مابه رجعه
ياصحابنا يالله نخطاء ذلحين

دفعه الى الساحات تلحق دفعه
نملي ابوها مثل ما يوم الدين

#الشاعر_ماجد_غانم

لله درك ياحماس والصفعه
صفعه وكان الله ناصر ومعين

واحنا اليمن ماحناء بحاجت دفعه
كلين (لا) السبعين شعبي واعين

#أبوصخر_الجوحمي

غزه. تباد اليوم لازم سرعه
بخروج للساحات نصره للدين

لو يخرج الاسلام كله جمعه
من نوقف الحرب التي بفلسطين

#إتحاد_الشعراء_والمنشدين

https://t.me/aboyahyaalshami

المجاراة بعنوان (الجهاد سنام الاسلام )

البداية #بسام_شانع

من كان مسلم يثبت انه مسلم
وإلا فما هو منتمي للاسلام

من هو على الملة يسربل ويضم
مع سرايا القدس والا القسام

يوصِل جبال الطور لا وادي خم
ويخذ بثار اهل اليمن واهل الشام


#ضيف_الله_سلمان

مافايدة مُسلم وهو مستسلم
يشوّه الاسلام بالاستسلام..

ذي ما وقف ضد الكيان المجرم
شريك اساسي في جميع الاجرام..

واحنا بحبل الله با نستعصم
مع النبي وال النبي الأعلام..

#احمد_درهم_المؤيد

لا عذر للعالِم ولا المتعلم
أمام آيات الخبير العلام

من هانه الباري فماله مكرِم
واتأملوا آية ،،(وتلك الأيام)

كلمة وشلوها من (احمد درهم)
لاخير في امة تخاف الحكام

#ابورواسي_ارحب

أحلف يمين وأزيد أوقع وأبصم
بالعشر أصابع لافقط بالأبهام

لا العالم الرجعي ولا المتقدم
بايعبروا للعز خطوه قدام

مادام الأمريكان أبوهم والأم
ماحد لغزه غيرنا يا بسام

#عباد_أبوحاتم

من هو مجاهد الف انعم واكرم
ومن تقاعس لن ينال الإكرام

ومن يطوف البيت الابيض محرم
يخلع في الكعبة ثياب الإحرام

ومن صرخ قل لسعودي سلم
هو ذي في البحر سلم يا سام

#محمد_مفلح

ما عادها مسلم يقاتل مسلم
قد هي مع صهيون يا اهل الاسلام

فإما مع غزه بدم ودرهم
والا مع الحلّف اليهودي غرّام

ونعم بمن جاهد وساند ونعم
والله يلعن من رضي بالاجرام

#الحمزة_المغربي

شعب اليمن جنب العلم متقـدّم
والكل في طقم المسيرة قـُــدّام

بـالله وأعلام الــهــدى متـحــزّم
جــسـد نمـوذج عالمي للإســـلام

ترجم حروفك للخلايـق ترجــم
وانشر مجاراتك لهم يابو (سـام)

#الشاعر_نضال_حُميد

أنا ضمير الأمه المتكلم
وانت المخاطب ياضمير الحكام

سكوتكم عن كل حادث مؤلم
أكبر جريمه يا أساس الأجرام

يالجندي المجهول والمستسلم
نهايتك تشبه نهاية صدام

#يحيى_العطيف

لولا الجهاد ان العدو متحكم
ف اعناقنا بيلف حبل الاعدام

ذي مايسل السيف ماله عاصم
من سطوة الطاغوت والاستحكام

ذي مايخوض اغمارها ويزاحم
مضمون باتلقاه تحت الاقدام

#أبويوسف_القاري

من شاهد الاشلاء وهو متبسم
محال يتوقد غضب يابسام

خله أمام الراقصات ا يتمم
ويعيش في وهم الترف والاحلام

العن ابوهم كل ابوهم واشتم
اعراب ريوس مامعاهم قدام

#جبر_المسعدي

يامحور القدس المقاوم قدم
وباترا الوعد الالهي قدام

قيامة الحاخام قامة من قم
ومن نقم ي بداءعذاب الحاخام

باننتقم والله ذي بايحكم
ومن سقط فالوحل عمره لاقام

#حسن_السعيدي

مابه قلق والحاكم المتحكم
بكل شي قيوم حاشاه ينام

وشعبنا كلّه معه متحزم
وجهادنا له والولاء صادق تام

احنا بدأناها وهو بايحسم
رغم انف حلف الامركه والحاخام

#الشاعر_ابوجهاد_صبر

للـكـون ذا صـامـت  انـا  متكلم
هـو  الـورق  وانـا  مداد الاقلام

وبـالثقه   بــالـلـه   انـا   متحزم
لـو ضـدي  العالم  بكله  قد  قام

علا طـريـق  الحق  بـالله  اقسم
ما ارجع ورئ لويُقّطعين الاقدام

#الشاعر_ابو_صقر_شعلان

من كان مسلم حان وقته يهجم
ويرجم اسرائيل حتى مرجام

ماهو يمكنها مجابر دت كم
في النت لايغرم ولاهو غرّام

والا تقدم ضمننا حين نقدم
واحنا عنلطم وانت تثني الملطام

#ابوبدر_ذيبان

جيش اليمن والشعب جند مسلّم
للقائد الحر الابي الضرغام

من هدي نور الله علم يستلهم
منهج جهادي ضد كل الاجرام

نردع طموح كل طاغي مجرم
ونحقق النصر المبين للاسلام

#ضيف_الله_هجوان

ماعاد بلا يارجالي مقـــــــــــــدم
ومن رجع ريوس يجي له ملطام

جهاد واستبسال واللـــــــه يعلم
باحوالنا من قبل تسعه اعــــوام

حرام مانرجــــــــع ولا نستسلم
ولانطبع مثــــــل بعض الخدام

#ابوشهيد_القطمي

هذا هو المطلوب ذي من محكم
أمر الجهاد في المائدة والأنعام

ذي ما نفر ضد الظلالة و أقدم
با يشرب الذلة من أكوابة خام

نهاية الطغيان بحر القلزم
حرام ما يبقى عليها حاخام

#الشاعر_جبر_المهدمي

والواقع المضلم عـ يبقى مضلم
والنور والإيمان ضــد الإضلام

منهو على نهج اليهود متأقلم
بانجـــعله عبـــره لـكل الأقوام

والمعركه فالبحر "أخفع الطم"
من حاط به ذنبه وقع له ملطام

#الشاعر_عبدالقدوس_الصباحي

الحفل في راس السنه والموسم
أقامه اللي حط ثوب الإحرام

ياتابع الجوزي مع ابن القــــــيم
قيم سكوتك عــن مجازر وآلام

ومن جعل جرح الأمم متــورم
لابد يلقئ مالقــــي في الفيتنام

#ابوهادي_عقاب

ياشعبنا الحر الابي الاكرم
يا انصار طه وآ بنيه الاعلام

ياخير امه فالجهاد تقدم
صفوة رجال المرحله والاقدام

هبوا الى ساح الوغى نتحزم
وندحر امريكا طغاة الاجرام

#عبدالقادر_البنا

قد قالها السيد لنا بيعلِّم
هي معركة وعي ورُقي بالأفهام

ودورنا نوعي العقول ونفَهِّم
فالمعركه قبل البنادق إعلام

والشاعر المغوار قايد ملهِم
وثقافة القرآن روح الإلهام

#أبوحسين_العصري

متكيف الشعب الأبي متأقلم
لأعتى المعارك والجهاد الصمام

من شدته بأس العدا متثلم
من هول وقع المعركة والملطام

نخوض الأمواج العواتي و نكم
في البحر الأحمر با نبيد الأقزام

المجاراة بعنوان #لستم_وحدكم

البداية #الشاعر_ابوكنن

يافلسطين لستم وحدكم
من معا الله ماهوشي وحيد

واصلوا يدنا في يدكم
ياالواالعزم والباس الشديد

#ضيف_الله_سلمان

الكيان انتهاء في حدكم
جسدوا وعد ربي والوعيد

شعب الايمان كله بعدكم
شعب ما غيره الناجي الوحيد

#عابد_المدم

ردنا لليهودي ردكم..
والغنايم والاسرى والعديد..

فاوضوا وأشرطوا ذي ودكم..
وابدعوا وأختموا في ظهر جيد..

#محمد_الجرف

مدنا الله ذي ما مدّكم
يالمريكان واعطانا المزيد

عندنا كل ذي ماعندكم
بيد الامريك يالقهّار بيد

#أبويوسف_القاري

كل ساكت وواقف ضدكم
يلعنه من لعن قبله يزيد

واليمن في مسيرة رفدكم
قادها صاحب القول السديد

#الشاعر_جبر_المهدمي

كلـــنا يافلسطـــين جندكم
لاتراجع ولايــــمكن نحيد

ومجدناذي يحيي مجدكم
عز" والنصر ماعاده بعيد

#ضيف_الله_هجوان

يافلسطين افــــــدي جدكم
اصمدو واثبتو مثل الحديد

وانعتــــــونا متـى ما ودكم
بانجي نعصد الدنياء عصيد

#ابوبدر_ذيبان

ياشويقاه من هو عندكم
داخل انفاق والا وسط بيد

اقتحم تل ابيب من حدكم
فوقهم فوقهم واصعد شهيد

بلبل النصر #حسن_المهدي

عـيـدوا يــا صـهـاين عـيدكم
وارقصوا فوق جثمان الوليد

واعـمـلوا فـالجرايم جـهدكم
قـبلما الـبحر يـجرفكم بـعيد

#الشاعر_فرحان_السلامي

يا فلسطيـن يبقـى عهـدكُـم
و اليمن جنبكُم ما هو بعيـد

نحـرق الامـركـة و نمـدكُــم
بالسلام المصمم و الشـديـد

#ياسين_الفروي

با تجو او نجي لا عندكم
لو حدود اليمن منكم بعيد

وين ما رحتو احنا بعدكم
حربنا حرب لا يوم الوعيد

#محمد_ابوالعز

يا فـلسـ.ـطيـن لستم وحـدكم
قدمعاكم اولي الباس الشديد

شعب الايـمــان كله جـنــدكم
اضربوا كل شـ.ـيطان ٍ مـريـد

#الشاعر_ابوجهاد_صبر

سعدنا يا اهل غزه سعدكم
والغثا من غثا الشعب السعيد

قـبـلـكـم في الوغاء او بعدكم
كلنا دم يـجـري فـي وريد

#أحمد_محمد_الضمدي.

عندنا غزة وصنعاء عندكم..
والشهيد اللي بغزة من زبيد..

جُند الانصار ياهل غزة جُندكم..
والشهيد في بحرنا نفس الشهيد.

#أبوالكرار_المجنحي

يا فلسطين ماهم قدكم
القرود الخسيسه والعبيد

اضربوهم وسوو جهدكم
معكم الله والشعب السعيد

#شداد_حُميد

سدد المقتدر تسديدكم
وانحنى كل جبارا عنيد

ليت والله واحنا عندكم 
نفدي القدس انا وابني شديد

# علي_ محمد_ المحاقري

انـتـصـرتـوا وما احد قـدكـم
ياكتايب بأسها يرعـد رعـيـد

ذاق الاعــداء صـلابـة ردكـم
وانكسر سيف صهيون البليد

#ابوهادي_عقاب

يا اهل غزه وشدوا حيلكم
الوهن فاليهودي شي اكيد

شعب الايمان كله جنبكم
يعصد البحر وامريكا يبيد

#الشاعر_عبدالحكيم_ابوهاشم

جندنا يا فلسطين جندكم
لو وقع مننا مليون شهيد..!!

نقطع اليد ذي تمتدكم
حسب قول القياده والعميد..!!

#ابوبحر_علي_احمد_مطر

اصمدوا وابشروا يا شدكم
قد دمانا بتغلي فالوريد

علمنا ذي وصل لا عندكم
علم واضح ونسعى للمزيد

#الشاعر_عبدالقدوس_الصباحي

حريتكم طلبنا وامنكم
غير هذا القظيه مانريد

من هنا بايجيكم نصركم
لو بقي شعبنا كله شهيد

#محمد_الصايدي

بـ الـيـمـانـيـن ربـي مـدكـم
شعب راوي من القول السديد

والله انـا عـلـىٰ مـاودكـم
لـو تميـد الرواسـي مانـميـد

#جلال_الغولي

يافلسطين كنّا عندكم
حربكم حربنا والله شهيد

كله الكون لو قام ضدكم
اليمن جنبكم مابايحيد

#ابو_مجاهد_الغمري

لا قد اشّر نجي لا عندكم
سيدي صاحب القول السديد

تصبح حدودنا عن حدكم
مثلما بين صنعاء لا زبيد

#أبورماح_شداد

جاهدوا حلف الأعـــداء جهدكم
وإضربوا الغزو ضربه من حديد

سبحـــوا مـــن بجنده مـــــدّكم
واليمــن ترعـد امريكــــــا رعيد

#وديع_داعر

شعب الإيمان كله يفدكم
يشهد الله والـواقـع شهيد

كلنا ضد من هــــو ضدكم
عهد نفنى ولا عنكم نحيد

#امين_الراجحي

ابن حيدر وشعبه نصركم
يافلسطين بعد الصوم عيد

واليهودي يغادر ارضكم
قبل ما نعصد الدنيا عصيد

#صالح_حسين

ذي مع الله ماهمه بكم
لا، ولااهتز من حشد العبيد

يافلسطين لستم وحدكم
دام عبدالملك قايد وسيد

#ابـومـازن_الـرازحـي

حن سندكم وحنَّا زندكم
يافلسطين والله الشهيد

لو بِعدنا فلستم وحـدكم
قالها صاحب القول السديد

#ابو_نواف_العرجلي

سَيل الأنصار يتبع رعدكم
يكتسح كل شيطانٍ مريد

قوّة الكفر ماهي نِدّكم
دام معْكم قِوى الله المجيد

#ابوفتح_الجرادي

نلــعن ابـأكـــم ونـلعــن جـــــدكم
لعنت الباري على اصحاب الوعيد

يــايهـود انتـو وكامــل حشـــدكم
باتــــــذوقو مننـا البأس الشــديد

#الشاعر_ابوحرب_الموكر

السفن والبوراج حقكم
ساقها الله للانصار صيد

ان قربتو لعنا جدكم
وان حشدتو نقل هل من مزيد

#حرب_مشحم_صعده

خابت اظنون منهو ضدكم
والفرج لآح يا الشعب الفريد

من يبى الموت يقرب حدكم
ياجيوش الردى هل من مزيد

#عبدالله_حسين_مسعود

يا فلسطين حيا جهدكم
ذوّقوا الخصم في الدنيا صديد

من قوى الله قوة جندكم
واليمن جاء بوعده والوعيد

#أبوصياد_الغمري

قل للاقصئ مع البيت الحـــــــرام
أُمـة الــديــــــــــــــــــــــــن أُمه أُمـيه

لايزالوا علـــــــــــــــئ السهوه نيام
وارض غزه جثــــــــــــــث بالكـــميه

اليهــــــود والعرب نفــس النضام
والمنابـــــــر منابـــــَر وهميه

ملة المصطفئ خيـــــــــــــــر الأنام
مالها وقــــــــع غـيــــر التسميه

يمسك البيـــــــت الابيض للزمام
والتصاريـــــــــــــــــح منه رسميه

له شعارات تدعــــــــــــــــــوا للسلام
والمجازر مجـــازر يــــــــوميه

والهدف حرب كبـــــــــــرئ وانتقام
تحــــــــت رؤيـــه ورآيــه سلميه

واختــــــــــــــلاق المشاكل والخصام
في مسمـــــــــــئ مجالس قوميه

واجتثاث الحظارات القـــــــــدام
فــــــــي مُسمـــــــــئ البناء والتنميه

وانتشار الفواحــــــــش والحـــرام
في مسمـــــــــــــــئ خطط تعليميه

والعــــــــــــــــرب سلمت تسليم تام
من ملايين ما اتبقــــــــــــــئ ميه

لاكن اليـــــــــــــوم يا حلف الضلام
باتخــــــــــوضـــــوا معارك حسميه

في لظئ يـــــــــــوم يشبه الف عام
فيه ندخل بحـــــــــــرب اقليميه

جاهم الرد والمـــــــــــــــوت الزؤام
ظمن ضربات كبـــــــــــرئ حتميه

شعـــبـــــنا زاد بالله اعتــــــصـــام
واليمن باذن ربـــــــــــــي محميه

لو تعود الثرا كيلوا جــــــــــــــــرام
لن تذل الرجــــــــــــــــــال النشميه

#الشاعر_عبدالقدوس_الصباحي

المجاراة عن تورط العدوان الأمريكي والبريطاني في اليمن بشكل مباشر وكيف سيكون الرد عليهم!!.

البداية #إلياس_المقدشي

بريطانيا في حربنا اليوم ودفت
ومن قبلها امريكا اللعينه مودفه

سوا واصـلت عدوانها أو توّقفت
فـ رد اليمــن ما جهد الاعدا تـوّقفه

#ضيف_الله_سلمان

بريطانيا في بغيها قد تعجرفت
وتاريخها كله جرايم وعجرفه..

علينا مع الشيطان الاكبر تحالفت
ولكن بعون الله نفشل تحالفه

#أبو_روعه_الجوفي

جميع القبايل كلـهـا الـيوم نكـفت
وثاقب وفاطر والـمسير منـكـفـه

ترد القضا لاعتى القوى ذي تكلفت
وتشفي وجع غزةبـ ضربه مشّرفه

#أبويوسف_القاري

خلاص الحقايق كل ابوها تكشفت
وكلن يحدد من فلسطين موقفه

وماينفع أمريكا الندم لو تأسفت
قريب وبوارجها على الما منتفه

#ابومالك_الكوماني..

جميع الحقائق في زمنا تكشفت
وكل الوجوه الزايفه والمغلفه

وريش القوى العظمى بيدنا تنتفت
واساطيلها في بحرنا امست منتفه

#فارس_المعزبي

على راس الافعى شعبنا ماقد التفت
ولا قد حسبها الا قعيطي مزيفه

وهو مستطيع انه يفِت الخصوم فَت
ويكرع دماهم في كرانيش وارصفه

#ناجي_القطيبي

قد الشمس يامريكا على ارضش اكسفت
وصرتي لاسرائيل فى الحرب موطَفه

وبانجعلش للحوت في بحرنا نتَف
قد ادّيتي اسطولش على شان نقصفه

#الشاعر_فرحان_السلامي

بلنـــدن و واشنطـــن شــــوارب تنتفــت
و بعض العروبـه تحمـل الشكـل والصفـة

وشمس الغلط والظلم في فلكها اكسفت
لإن اليمـــن لاكبــر جمــاجــم مهــدفـــــة

#عبد_القادر_داود

بـريطانيا انهارت و شاخت و خرّفت
وغابت وصارت شمسها اليوم مكسفة

علـيـهـا النـقاء مـردود مهــمـا تفلسفت
و شـعب الـيـمـن غـير الشعوب المزيفة

#ابوسياف_البيحاني

لها الويل منا حين قضتنا وسلفت
فتبشر ويبشر من قضانا نسلفه

من اشلاء غزه من دماهم ولااكتفت
ولا زال عنده ثأر لازم يوكفه

#ابراهيم_الشرفي

ويا كم قد اتمادت ويا كم قد اسرفت
ولا حـد قـدر يـكـسـر صـلـفها ويوقفه

ومن سـاعة اول يوم بالحرب شَرَّفت
عـلـيـنـا بـهـضـنـاهــا خـســايـر مكلّفه

#الشاعر_يوسف_الحداد

فمهما انفقت من مال للحرب واصرفت
قسم ماتحقق حلمها او تصرفه

عليها جنود البدر في البحر كيفت
وكلين حامل بندقه جنب مصحفه

#ابوحسين_حاتم

سوى صرحت بالاعتداءات او نفت
قدي في مشافك يا اليماني مصنفه

وحتى لو تحاول تعتذر أو تأسفت
فلابد ما تدفع ثمن باهض وتكلفه

#شبل_الحداء_ابوفلاح

بقايا اليهود اليوم علينا تآمرت
وهو قصدها تضرب يمنا وتقصفه

ولاكن ماتدري انها تحطمت
تجاه لليهودي كل مدفع وقاذفه

#الشاعر_ابو_صقر_شعلان

بريطانيا مثــــــــــــــل المره ذي تعففت
وقبل النهايه بان ماكان تلهفه

وشمس الجهاد من شعبنا الحر ماكسفت
ومازادنا الا معنــويه ومعــرفه

#أبورماح_شداد

قسم ماعفينـــا الأمركه لو تأسفت
ويا من قصفنــا اليوم لابد نقصفه

ولو هاجمتنا ربع ساعه ثم اختفت
فهي خايفه منـــا وماهـي مخوّفه

#ابوحمزه_المقاش

علينا اللـزايـم شـبـت الـنـار ماكتفت
وفي داخل المـنـدب نـشـامـا مـنـشفـه

بـريـطانياء واذناب الامـريك ما احتفت
وهـم قـوم مـذمـومـه لـديـنـه مـحـرفـه

#عدنان_جحوح

تورط عدوالله فيها وأسرفت
بحرب اليمن أمة على الشر عاكفة

ولكن بحول الله مهما تألفت
علينا يجيها الموت من كل طائفة

#جميل_جعفر_ابوشامخ

قسم لو قوى اهل الكفر كامل توالفت
إلى البحر الاحمر جيشها لن تلفلفه

هي ايام وان امريك تاهت و عطّفت
ولاما انعطفشي حلفها غصب نعطفه

ابوهادي_عقاب

على قبة الصاروخ ترحب وشرفت
للندن وواشنطن حرايق مشرفه

وشعب اليمن لا ثار منه توقفت
جيوش الطغاه اليوم فالبحر واقفه

#محمد_البريهي

بريطانيا من قبل فترة تعرفت
علينا وأرضنا للأعدا مخوفه

وخسرت وهي شباب واليوم خرفت
عجوزة نست منا الدروس المكلفه

#محمد_مجلي

من الشرق الاوسط قوت امريك عطّفت
وتعــــرف نوايـا شعـــب (ردّه وموقفه)

ورب السما لو تُحجب الشمس واكسفت
فلا بــــد للــــبـادي نـهـايــات مقـــرفــه

#الشاعر_عبدالقدوس_الصباحي

قوئ عادها للحـــــــــرب ماقد تكلفت
بها الجنــــدي اتحزم بمعصاب مكلفه

في الحــــرب ماتعرف ولا قد تعرفت
علئ ايداتهم مسـواك والراس منشفه

#أبوحسين_العصري

قوى الشر والطغيان صوبي تلفلفت
ومحور بني صهيون الأرعن يلفلفه

جمع كل متردي نطيحه ولا كفت
و جيشي بعون الله ف البحر نتفه

#محمد_ابوالعز

بريطانيا شاخت على الحرب وانكفت
وعادت لنا مثل العجوز المخرفه

وثرنا عليها الامس هربت وعطّفت
وبكره مع امريكا اترحل معطفه

#عبدالله_حسين_مسعود

إذا رأية الاسلام عادت ورفرفت
على اكتاف اعلام الهداية مرفرفه

فنجمة بني صهيون غابت واختفت
وذي جابها الشيطان الأكبر مودفه

#جـمال_عـوضه

اكيد انها ماقد علينا تعرفت
غـبيه وفي نشر الـحقايق مـزيفه

فمهما لنا باسمائها اليوم صنفت
فباتعرف ان انصار ربي مـكيفه

#إتحاد_الشعراء_والمنشدين

https://t.me/aboyahyaalshami

((مشهد الآخره))

في لفحة البحر الاحمر مشهد الآخـــــره
جـلود تنظـــج وتتبــدل عليهم جـلـــــود

عـــذاب مايحتمل رحمــــة ولا مـغـفــره
فــــي قادم ايام حمراء تتبع ايام ســـود

امـــواج مــثل الحمم ومـياه متفــــــوره
في مذبحه بحريه مافي طرفها حـــدود

فينا الدماء فايره واعــصاب متـــــــوتره
نذود عن غزه اللـــــي مالها من يـــــذود

والقدس لو مالقي في الحرب من ينصره
بايبعث الله لنصر القدس من في اللحود

فوج الصواريخ يا اســـرائيل مسـتنفــره
وكلما اجـــــرامكم فكـــر يعاود نعــــــود

جموع للحـــــــرب مشتاقه ومتحظـــره
مابه عليهم وصايه جبريــــــه او قيـــود

قد زاد جرم العــــدا والبغــي و العنتــره
بس النهايه وخيمـــــه يافلول اليهـــــود

اجمع وحشد وزيد الدعم والعسكـــــــره
وهات الاقوئ وهات اكبر عدد فالوجـود

لابدما توقع اسرائيل فـــــــــي مجـــزره
تعود لاقبل ما الباري جعلهـــــم قــــرود

وبايزول احــــــتلال اوطان مستعـمــره
ونحرر القدس والمسلوب لازم يعــــــود

كتايب القـــــــدس والقسام متمحـــوره
وســــــوريا والوية لبنان هبـــت وفــود

وجيش طهران يمسكهم في الحنجـــره
وباتهب الشوافع باليمــــــن والزيـــــــود

تقـــــــوم الاحرار ضــد اعماله المنكــره
برد يروي ضمانا غيـــــــر كـــــل الردود

احنا برب الخلايـــق روس متفــجـــــره
واحنا للامه ذراع الحق واحنا العمــــود

والله ماهــو معـــذب قـــوم تستغفـــره
ولا هزم قوم كانوا له ودينــــــه جنـــود

#الشاعر_عبدالقدوس_الصباحي

المجاراة بعنوان (مع فلسطين مستمرون في مواقفنا ولن نتراجع)

البداية #ابوالكرار_المجنحي

على طريق القدس مهما كان حجم التضحيه
حاشا وكلأ ينثني شعب اليمن وإلا يخاف

الجيش جاهز والقبايل جاهزه متصديه
بانسقي أمريكا ولندن من نقيع الموت حاف

#ضيف_الله_سلمان

وفي سبيل الله نمضي بالنفوس الزاكية
واحنا اقويا بالله في الميدان والاعداء ضعاف..

منهاجنا القران وقياداتنا ربانيه
والنصر وعد الله لانصاره ولا فيها خلاف..

#إبراهيم_طلحة

القدس وجهتنا الرئيسية طريق الحرية
والبوصلة للمسجد الأقصى وما فيها خلاف

لبوا وهبوا واهتفوا، صرخة قوية عالية
الله أكبر واهتفوا بالموت لامريكا هتاف

من صعدة العزة وصنعا والجبال والأودية
ننفر إلى الأقصى ثقال احمولنا والا خفاف

الله أكبر يا قوى إسلامية ربانية
روس اليهود قد اينعت واظن قد آن القطاف

محمد_مفلح

احنا وغزه شعب واحد ما اعترف بالتجزيه
ما بانعيش الا سوا على السمينه والعجاف

واحلام واشنطن ولندن في اليمن مستعصيه
وحشودهم في البحر الأحمر كلها تحت المشاف

#أبورواسي_أرحب

الطفل منا حير من جيش الشواذ أربع ميه
من قبل مايرتدله طرفه وعينه ف المشاف

من شار لك بالقتل قالوا مايعينك بالديه
يوم المضاف أليه يتحاسب علئ ذنب المضاف

#ابوسياف_البيحاني

احنا بعون الله مسيره طاهره قرآنيه
على المواقف حق الى آخر مطاف

لن ننثني للغرب في هجماته العدوانيه
نبقى على الموعد ولو فذت خلاف

#ابومجاهد_الغمري

والله لو يبقى اليمـن خـارج نطاق التغطيه
ما ينقطع خط التواصل بين غزه والجراف

مادام وان المخنقه بيــدي رجال البحــريه
با نسقى امريكا وإسرائيل من سم الزعاف

#شداد_حُميد

احنا جسد واحد موحد والمواقف ساميه 
اما نموت الكل او نحيا سوا لاخر مطاف

والله لو نسبة (بقانا يوم) واحد ب المية
ف احنا معاكم والمنايا لو قسمناها نصاف

#ابوقصي_العويري

نحمل قضيتنا العظيمه ضد حلف العبريه
بانحرق امريكا ومن معها ونتلفها تلاف

بانستعن بالله ثم الجويه والبحريه
واحنا رجال البريه وجنود همتها الخفاف

#أبوصياد_الغمري

لبيك ياغزة معك قـــــــــــوم اليمن متفانيه
في سلم ولاحرب مازلنـــا على دربك عناف

مقاومتـنــــــــــا باقيه ضد القوى العدوانيه
وأحنا اليمانيين ذي عشنا فيَ الدنياء شراف

#علي_محمد_المحاقري

غزه لنا عـنـوان والاقصى جـداره مـحـمـيـه
بارواحنا نفديه ونـكـثّـف عـلـيـه الالـتـفـاف

ماهمنا اسرائيل ولا امريكـا ولا بـريـطـانـيـه
ولا دعاة الشر والطاغوت ولا السبع العجاف

مع ابن بدر الدين بانمضي كـتـايـب والـويـه
اما نعيش احرار ولا نـدخـل الـجـنـه نـظـاف

#ناجي_القطيبي

من اجل عين القدس نشعل معركه اقليميه
ونسقي امريكا لاوّل مرّه الموت الزعاف

فلا قرارات (انقليزيّه) ولا (امريكيه)
تمشي علينامثل ماتمشي على الناس الضعاف

#ماجد_المطري

عاشت فلسطين القضية والشرف والحريه
يبشر بنا الأقصى مع الضفه وغزه والغلاف

رغم القوى الكبرى واساطيل الجيوش الكونيه
للقدس بانسعى ونستل الصقيلات الرهاف

#مقبل_جرام

معنا (عصى موسى) اذا معهم قوى فرعونيه
في البحر اما البر شطه ينتظر نحر الخراف

الموت لامريكا ولاسرائيل و ابريطانيه
ارض اليمن وبحارها للغازي السُم الزعاف

#الشاعر_ابوكرم_نشوان

بالله نتمسك ونمشي في خطى قرانيه..
قرارنا في روسنا من غير ربي بانخاف

هيهات موقفنا مع غزه تهزه ذريه..
لو مابقي منا سوى نظره على راس المشاف

قل للتحالف ذي تعدا للحدود البحريه..
حانت نهايتكم على ايدينا ولافيها خلاف

‌‎#محمد_الصايدي

شعب اليمن شد الرحال اعلن قرار التصفيه
بالله وآل المصطفى حط اليهودي فالمشاف

مهما جرى نمضي سوى نرفض حلول التسويه
ونجرع المحتل كاس الموت والسم الزعاف

#الشاعر_عبدالقدوس_الصباحي

ياحرب كبرئ اقليميه ياعالميه كونيــــــــه
مابا تخيفينا ولا احنا ذي من العالم نخاف

لنصرة الاقصــــــئ حملنا الأوله والثانيـــه
وبانواصلها وحنا قدها لاخـــــــــــر مطاف

#الشاعر_ابوجهاد_صبر

من اجل غـزه كلناء تُـرخص دمـانـا الغاليه
وحفل مٓن يُقتل عليها خير مِن حفل الزفاف

شعب اليمن واقـف لــ.حتّى تُهّزم الصهيونيه
وتنتصر غـزه ويُقـتـل كُل كـافـر بــ.الغلاف

#أحمد_الديلمي

غارات امريكا بعين الشعب حاجه سخرية
واحنا مع الله اغنيا بالعز وامريكا حراف

مع فلسطين الإباء والحمدلله يوميه
مادام صاروخ اليمن يصعد ويتعدا الغلاف

#الشاعر_ابو_صقر_شعلان

البحر الاحمر بحــرنا والكـــــل قوه بحريه
فرد جناحه قابض الارواح في المندب وطاف

بانضرب امريكــــا واسرائيل ضربه قاضيه
بالله وبانقلب موازين القتال باول مطاف

#ابوبدر_ذيبان

امة عظيمة والهوية والرؤى ايمانية
جند الله الغالب على امره ونفرتنا خفاف

وارواحنا تفدي فلسطين الاباء والتضحيه
لنا مواقف ثابته لآخر نفس وآخر مطاف

#إتحاد_الشعراء_والمنشدين

https://t.me/aboyahyaalshami