وأصلو دام ربــــــــــي مدكم
واليمن هو لكــم دايم عضيد

مااليهــــــــــود الهزيله ندكـم
جيشهم صار بإذن الله شريد

#أخت_شهداء_البكالي

يافلسطين شدو عزمكم
دمنا واحد وشرياني بريد

كلنا طوفان واحنا جنبكم
لوتوافدنا شهيد تلوالشهيد

#زياد_زيد

ليت والله واحنـا عندكم
ثابتين في المتارس والخديد

في الميادين لستم وحدكم
كلنا صف في هذا الصعيد

#ابوكنعان_الروس

انتو الضهر وحنا رزحكم
لا الجريح منكم فحنا الشهيد

طالما الكون كله ضدكم
اليمن جنبكم شامخ عنيد

#محمد_الزكري

ارفعو لله وحده يدكم
والمدد واصال من رب العبيد

قوه الله بااتعزز جندكم
مثل ماعزز الؤلبئس الشديد

#الشاعر_ماجد_غانم

منبع الاجرام ماهوه ندكم
قد لفاه الياس وهمتكم حديد

هكذا ربي بمده مدكم
مدكم بنصار (الو) باس شديد

#ابوقفري_الرعادي

ياحماس عظم الله اجركم
والتراحيم علا روح الشهيد

والعدو ذي قتل قاداتكم
اجتثاثه هو الحل الوحيد

#ابوعلي_مبخوت

لامثلكم ولاحد ندكم
في الشجاعه وفي القول السديد

كل يومين وحنا عندكم
والمسير يقرب للبعيد

#ابوعاقل_المنبهي

يافلسطين مشروعنا مشروعكم
والهدف فتح لأقصى من جديد

نسأل الله يجمعنا بكم
في سبيله وفي ركب الشهيد

#أسـامـة_المـعبـاء

خاب صهيون وافلح سعيكم
جل سبحان مولانا الحميد

غد بالفتح نوصل عندكم
وصوت صرخاتنا ترعد رعيد

#هيثم_المعنقي

في لقاء الهول نسري حدكم
نضرب أم الكباير لو بعيد

شعبنا جــاء بجهد مدكم
شعب للحق من ماضي تليد

#الشاعر_عصام_المقذّل

والقسم لوحدنا في حدكم
مانتضرناربع ساعه للبعيد

اليمن ياقدس عززردكم
قاتلو كل شيطاناً مَريد

#حربي_اليتيم

عهد الانصار والا عهدكم
فوق الامريك نعصدهم عصيد

يافلسطين علا مجدكم
اضربوهم بضربة من حديد

#جميل_الجنيد

جيشنا والشعب كله درعكم
ما نفلتكم الى يوم الوعيد

اطمئنوا..... دَمّنا من دمكم
صادقين الفعل والباري شهيد

#احمد_عبدالله_زيد

اليهودي عجز في صدكم
احترق وسط شبكه والحديد

يالمريكان مهما ردكم
القضية بدمي والوريد

#ابوطه_المهذري

شعب الايمان دايم مدكم
بر والبحر لعداكم يبيد

اعتبر جيشنا هو جندكم
بضرب الامركه بيدمن حديد

#سياف_الضبيبي

طالــــــما مجــــــــدنا من مجدكم
نضرب الخصم ضربة من حــديد

اليـــــــــمن قال لســـتم وحدكم
وبحرنـــــــا قالها هل مـــن مزيد

#الشاعر_حسين_المستكا

با نجي كلنا لا عندكم
يافلسطين واحنالش سنيد

شعب الايمن فالبحر ايدكم
والقضية بتجري في الوريد

#عماد_دايل_العماري

يا فلسطين حـنّـا جـنـبكم
بعد مولى البشر رب العبيد

دمّـنـا لـه صلـه فـي دمـكـم
مختلط في العـروق او فا الوريد

#ابوريسان_عبدالغني_سعدان

شعبنا واقف امانه ضدكم
ياعيال ابليس ياكمن عبيد

يافلسطين حقنا هو حقكم
والقضيه راسخه هي بلوريد

#مناع_شريم

يد شعب اليمن هيه يدكم 
اصرخوا باالشعار ياكل جيد

اسئل الله يثبت جندكم
الجهاد نصر الاقصى والشهيد

#الشاعر_متاش

يشهد الله وحده أنكم
ساكنين في حشانا والوريد

لو ننال الشهادة دونكم
كلنا مستحيل إنا نحيد

#شبل_الحدا_فلاح

ياهل غزة احنا جنبكم
سوف نضرب بايدي من حديد

بانقاتل من هو ضدكم
بانصيد اليهودي بانصيد

#الشاعر_عزيز_البروي

سعدنا يا فلسطين سعدكم
اليمن عانق الاقصى السعيد

ليت والله وحنا عندكم
صف واحد نقاتل لن نحيد

#الشاعر_بشير_الشامي

يافلسطين حنا جندكم
والقسم مننا مابا نحيد

افعلوا فاليهودي جهدكم
والسند شعبنا هذا اكيد

#ابومحمد_سحار

يافلسطين صنعا جنبكم
واليمن والله انا مانحيد

قبح الله من هو جاركم
مايشارك ولاخوانه يفيد

#ابو_اسحاق_الجوف

يالفلسطينين احنا زندكم
والظهر والمفاصل والعضيد

شوق لنصار انها عندكم
اشغاميم هل الباس الشديد

#ابوصالح_حسين_البداي

يافلسطين لاعد ودكم
ساحة الشرق نعصدها عصيد

ود صنعاتقبل يدكم
يارجال البساله والحديد

#عبدالقوي_البطل

أبذلوا كل مافي جهدكم
وأضربو بالنار أبتهم والحديد

وأبشروا قال اليمن في رفدكم
عن مدّكم مابايوقف أويحيد

#محمد_رطاس

جدنا يافلسطين جدكم
والوريد للدماء نفس الوريد

والذي ضرنا هو ضركم
المدبر وذي جاب الرصيد

#ابوعبدالملك_الغولي

يارجال العز لله دركم
واصلو وتقدمو ياكل جيد

يدنا دايم ترافق يدكم
بانجسد للعدو معنا الوعيد

#بدر_القيش

بالدماء وارواحنا بانفدكم
عزمنا مشتد والهمه حديد

برقنايزقع بحنت رعدكم
بانجدد عهدنا الماضي التليد

#ابوجهاد_الجولبي

يا فلسطين شــدوا عزمكم
واستعينوا بذو العرش المجيد

واعلموا انــنا عــونن لـكـم
لــن نساوم عادكم او نحيد

#نصر الشبواني

ياويلـَكم من باسـنا ياويـكم
اهوال منـها باتذوب الحديد

إحنا مـع غـزة نـدور وينـكم
بالبحر الاحمرالعذاب الشديد

#ناجي_القعود

شعبنا كله مجند لجلكم
والمنايا هي لنا فرحة وعيد

شوقنا خوض المعارك جنبكم
نمسح إسرائيل مسحه من جديد

#ابوبدر_فرح

ليت ون اليمن في حدكم
كانت الصهينه راحت بعيد

والكل بدمـا الحـريه متجـهيـن
للإنتصـار المـرتقـب والـواعـد

#ابوحيدر_الراشدي

هذي الحشود ما يختلف فيها اثنين
الا العميل و المرتزق والحاقد

حجاب ربي والمسيرات لبين
بدر اليمن في صوت مثل الراعد

دماء الاحرار مثلما دم احسين
على طريق النصر والله شاهد

#عبيدالقوي_البطل

هذا هو الحل المناصر للدين
نخرج نظاهر يارجال ونجاهد

ونقول للاقصى بآنا ماضين
في ذا المسار الحيدري نساند

أخواننا في أرض كل فلسطين
والله ناصرنا العظيم الواحد

#حرب_مشحم_صعده

اليوم قلناها بوسط السبعين
لابد مانمحي وجود الجاحد

وانحرر ابلاد الأُباه افلسطين
وانصفي الغازين واحد واحد

يأبا لنا الرحمن نرضى بالشين
او نرتضي بافعال كمن فاسد

#ابتسام_شرف_المحطوري

ذا حشد ولا حشر ياحامي الدين
الكل لبى دعوتك ياالقائد...

منظر خيالي وانظروا للسبعين
في اتم الاستعداد واحد واحد

جهاد واستنفار لاجل فلسطين
نار الحمية في الولد والوالد

#ماجد_عبدالله_القادري

حشد اليمن يغلب حشود الكونين
لان اليمن بالحق شعبه واحد

الفرد منهم من يساوي ألفين
بالمعركه والله عنه شاهد

نغلق على امريكاء خطوط السدين
والبحر الأحمر دم خصمي جامد

#أبو_علي_عركم

ياحشد مثل السيل ذي في السبعين
في نصرة الأقصى يمنا رائد

لبيك يبن البدر ياسبط حسين
شعبي معك الكل والله شاهد

#الشاعر_بشير_الشامي

كل الحشود اليوم هم منتضرين
توجيه ابو جبريل لاهو عاقد

باننهي امريكا وحلف اللوبين
فالبحر الاحمر يا يمنا الصامد

ولا فلسطين الاباء متجهين
ساعه فقط ون اليهودي شارد

#الشاعر_ابوحرب_الموكر

رجال قول وفعل قل للطاغين
مامننا مؤمن يقول محايد

نبلي القايد من أجل فلسطين
شعب اليمن في كل موقف رائد

#أخت_شهداء_البكالي

من ساحة الاحرار ساح السبعين
نعلن غضب شعب اليمن والقايد

بايوصل امريكا غضبنا ضعفين
من يدخل ارضي لاتظنه عايد

#محمد_ابوالعز

من عاصمة سام العروبه والدين
لعاصمة لارهـ.ـاب وكــر الحـاقد

بيــان صادر من حشود السبعين
هذا المــــلايين رد و اكبر شاهد

يشاهد الشـ.ـيطان الاكبر بالعين
رســــالة الشعب العـزيز الصامد

#الشاعر_ماجد_غانم

ياذي تحالفتو امانه لا فين
الحشد مليوني وحشد مجاهد

تنبيه من قبل البورج يشوين
وينكسر خشم العدو والساعد

اقوى هزيمه باترى رئيا العين
لل امركه من شعب مؤمن صامد

#ابومجاهد_الغمري

( ملّي عيونك من حشود السبعين )
وعوذ بالله من عيون الحاسد

الفرد منهم تحسب انه تنّين
فيه استجابه مطلقه للقايد

قرا على اسرائيل ( سورة( يس) )
بنبض في محراب غزه ساجد

#صقر_سبحان

نقسم برب الكون يابنيامين
مابا تنال الأمن ياذا الفاسد

مادام وابناء اليمن مجتمعين
في صف واحد تحت ضل القائد

وبيننا الأيام ياملعونين
والشعب قادم بالكروز وراصد

#ابومصطفى_الرضي

هذه مصاديق الولاية في الدين
الشعب شامخ من شموخ القائد

قولوا لواشنطن مع بنيامين
طوفان شعبي والغضب متصاعد

بايغرقوا والفتح قاب القوسين
وحشد هذا اليوم اكبر شاهد

#الشاعر_أبوعزام_الشامي

مليار سلام لمن خرج للسبعين
وأعطى رساله للعدو الحـــاقد

لبي نداء القائـد من باب الدين
إحنا لقائدنا العــصا والساعــــد

يا ســــيدي أأمر ووجـه ذلحين
هذا هو الشعب الأبي الصـــامد

#ابومحمد_سحار

الحمد للباري بعسره واللين
حشود مثل السيل عصرتوافد

في كل ساحه للنداء ملبين
وكيف لا وهو نعتنا القايد

يفداه ابوجبريل راسي والعين
والشعب له واعي مطيع مساند

#سلــطان_اللاحجــي

ياحشد لايحصى بدوله ثنتين
ثابت على نهج الشهيد القايد

حشود باتملي ارُباء والصين
وتزعزع اركان العجوز المارد

اضرب بناء ياسيدي للنهرين
وبشربناء لوماتبقاء واحد

#سياف_الضبيبي

الشعب أجـــنى من ثمار بدر الدين
أورث لـنا قائد وبـــــــــــعده قائــد

كم في اليمن ميدان مثل السبعين
وكل ميــدان با الحــشود متصاعد

رهن الاشــــارة كلـــــــنا متــجهين
نسحق يهـــود الكـون واحـد واحد

#عبدالغني_سعدان

ياربنا مابعد هذا التمكيـــن
انا احمدك يارب انت الواحد

شفت الحشود اليوم هي بسبعين
كمن فتى مؤمن والله شاهــــد

خلا ابتهم يخضعو له ذلحيــن
يوم حرك التوشكا وحرك راصد

#ابوصالح_حسين_البداي

شعب الوفا عند الشدايد واللين
ماتعرفه في غير موقف واحد

واحد مية مليون والا عشرين
روح الولد متفرعه عن والد

مادام والقايد مقارن للدين
فالدين كله في الوفا للقايد

#ابونكال_سليمان

كثر الحشود ماعد وسعه السبعين
لله درك يايمنا الصامد

ياسيدي يفداك قلبي والعين
كل الجموع لبت نداك الحاشد

من داخل الستين حتى النهدين
طوفان تقهر للعدو الحاقد

#احمد_عبدالله_زيد

شعب الهويةحاز اعظم تحصين
تسليم للسيد وربي شاهد

ياشعب ونعم فزعتك للسبعين
القادم الفزعه بمسرى القايد

نسري معه شدو جعبكم ذلحين
مايسمع الصهيون غير الراعد

#ابوزيد_الزبدي

الشعب لبى دعوتك لسبعين
وصواتهم تفويض لك يا القائد

نصر القضيه فرض واجب في الدين
ننفر مع الأقصى الشريف ونجاهد

تابع المجاراة بعنوان #الرد_الاول

البداية #أمين_الجوفي

‏أسـتـلم يا بـايدن ذا الرد الاول
والــردود الـحيدرية فـ الـطـريق

والـعمل جاري عليها لجل توصل
ما يـعـيق الـبحرية مـنك مـعيق

لجل ثار ابطالنا والشعب الاعـزل
وعـد لا نـحرق بـوارجكم حريق

جـيـشـنـا بالله سـبـحـانه توكـل
والـلقاء يـا بـايدن بـاب الـمضيق

#ابوحرب_الحالمي

بيد ابو جبريل سيف اصقل مجندل
لليدين الطايله قاطــع معيـــق

مــن يفكـــر بالتطاول سوف يقتل
با يلاقي مننــا مـــا لا يطيــق

بحــــرنا مفتـــوح عاده مـــا تقفل
وافهموها قبل تهووا بالغريق

#همدان_حجي

جمل الله حال من منا تجمل
وبيض الله وجه من كانه طليق

من يشوف اطفال غزة يوم تُقتل
والدمار ازداد وازداد الحريق

من سكت من بعدها والا تخاذل
بايشوف اهوال بايسمع نعيق

والمصايب فوق راسه باتهاطل
والوسيعة فوق راسه باتضيق

#ابوقدس_الجهيزي

احرقوا قوات الاهبل ابن الاهبل
دمروها و احرقوها له حريق

امسكوا بالله والوحي المنزّل
في طريق الآل ونعم به طريق

كل صهيوني يقع له الف مقتل
معركة فالبحر الاحمر والمضيق

نثور لـ لابطال من ظالم ومحتل
يرحل بني صهيون وامريكا تفيق

#عبدالغني_سعدان


ضربة الله والرجال في كل معقل
والاسود الحيدريه تستفيق

عادباقي جيش عاده ماتفعل
ماعلى اسرائيل الابالنهيق

دقدقوهم واضربوا في كل مفصل
وافعلوا. مالا بيحمل اويطيق

#الشاعر_محمد_هادي_المؤيد

يا رئيس العالم المثلي ترجل
وارجع اغزي شعبنا الحر العريق

مانت قد الحرب يانكرة تعقل
قبل تتورط ولا تلقى طريق

شعبنا للحرب متلهف وفعل
كل ما يملك مع القدس الشقيق

اخرج اثقاله واهواله وزلزل
كل صهيوني وامريكي شقيق

#سياف_الضبيبي

عاد عادك عــــاد ارضـك با تُزلزل
عاد ارض الله علـــــيكم با تضيق

ثانيه فا اول دقيقة شــــوط اول
عادكم با تدخــلو الحــرب العميق

ذا بصــاروخ ذا ببــندق ذا بمعـول
جيشنا والشعب في نفس الطريق

نصرنا حتمي ومهما الــوقت طول
(النجا لـ الحق ) والبـــــاطل غريق

#مازن_جابر

ابشروا بالموت منا لك معجل
والمسير باب مندبها يضيق

ايش تفعل لو تهدد ايش تفعل
انت هدد والسفن لك في الغريق

شعبنا جهز لكم الموت الازول
اليمن غزه زفيره والشهيق

من مع الله ما رجع لا قد توكل
من إلم غزه حرقنا الكون حريق

#ابونكال_سليمان

جيشنا والشعب كله قد توكل
ورتبط بالله ماشي له معـيـق

من تهدد ياغبي فالصبر كمل
من قرب من بحرنا يُصبح غريق

انهايه حتميه ماشي لكم حل
محرقتكم جاهزه وسط المضيـق

#جبريل_ياسين

الرد الاول تجربه للرد الاقبل
والروادد قادمه نفس الطريق

والمريكي بايـدن لابـــــد يقتل
ومن غزانا لاجهنم والحريق

بحرنا محظور والمندب مقفل
بلغو اسرائيل نهايتها غريق

ونصر ربي قد تجلى ذي تكفل
بنصر انصاره يفرج كل ضيق

#الشاعر_علي_الوزير

ندري ان الحرب  معكم مطـول
لين ماتمشو سوى في الطريق

بـس خـذها مـن يماني مخول
شخص واحد عن يمنا العريق

لاتـحـاول يـاعـدو الـلـه تـسلل
فــي الـبـحـر والا الـمــضـيـق 

لاجـل غـزة يامريكي بايزلـزل 
شعبنا عرشك وينشف كل ريق

#إتحاد_الشعراء_والمنشدين

https://t.me/aboyahyaalshami

ضربات مـقـاسـها من جـونا والبحر
والـغـام بـحـريـه جـاهـزة حـاضرة

#ابوعهد

بغيت واستكبرت ياخس البشر
وارويت بقعا بالدماء الطاهره

واحنا قدي لك ياليهودي للنخر
لابد من ضربه قويه قاهره

بحصارك المفروض من بحرا وبر
والان دارت يا يهود الدايره

#ابومحمد_سحار

عدوناامريكا من اول ماصدر
قرار باول حربنا والاااخره

لو كانها بتحط في الوجه الغجر
واليوم قد هي ضاهره ومباشره

واضح وضوح الشمس من مناانتصر
ومن قواهم بالمذله خااسره

#ناجي_القعود

أجيال بعد اجيال والقادم امر
نمسح من اتعدى ونكسر خاطره

مالليهودي حيل يرجع لاقدر
ولا يحاول يوم يمشي باخره

في بحرنا والبر يقد دم لاصقر
نذوقه منها قبل يوم الآخره

#الشاعر_علي_الوزير

بـايـزهـق الـباطل وينـهار الـكـفـر
بـقـوة الـلـه والـعـيـون الـسـاهـرة

لابطال ذي في البحرالاحمروالممر
تستهدف كيان الـعـدو وتـحاصره

وتصلـي امـريكـا وايـاديـهـا سـقـر
وتـواسي الـمـؤمن وتجبر خاطره

#ابوصالح_حسين_البداي

الدم من راس القبيلي والحجر
في القاع والميعاد وعد الاخره

من مد كفه لا يتاوب بالغتر
ماعد عليه الايلقي صابره

يصبر علينا لو نطايرهن طير
في معركة نار البحار الزاخره

ابوحرب العتب

بايستمر شعب اليمن بايستمر
في اسناد غزة والمسيره سايره

اما اليهود مضمون يولون الدبر
ومابقى فالوعد نقطع دابره

الوعي مطلوب والبصيره ننتصر
تبقى الرجاجيل مستعده نافره

#ابوحيدر_الرشيدي

الشعب للساحات شمر وانتشر
يواجه الطغمه اللعينه الفاجره

واليوم مشهد من ملايين البشر
تفوض القائد وتشــــرح خاطره

حرام بالله يا الصعاليك الدشر
لا بد نجعلكم قطـــــع متناثره

#ابوعاقل_المنبهي

هذاقدرنا عاد به نفس القدر
تحطيم قدرات القوى المتجبره

العاصفه بنت ازدهاراهل الكفر
خساره الاولى مصيرالحاضره

بانرسل امريكا على فرزة سقر
ونجعل ايام الحرايب سابره

#نبيل_المهدلي

الموقف النابع من ايات السور
مواقف الباطل أمامه خاسره

شعب اليمن ماضي على ما لله أمر
مواقفه عن كل موقف حاظرة

على الكيان المغتصب سيفه شهر
مع ابن بدر الدين يقطع دابره

#ابوحزام_سامي_المضري

شعب اليمن والجيش ماهم الخطر
والسيد اعلن للجموع الوافره

مهما العدو صعد وفالبحر انتشر
لايحلم انه بايمشي باخره

هاذااليمن كم جيش فيها قد خسر
في ماضي الايام والاحاضره

#ابوحرب_الحالمي

صمودنا زج التحالف بالخطـر
يا ويل قوات العـــدو الكافره

اليوم نصليها ومن معها سقـر
عذاب بالدنيا وعـــــاد الآخره

هذا السنه احداثها غير البصر
هول القيامات ابتداء بالعاشره

#أسامه_الزيلعي

أحنا لها تقرح في بحره وبر
الشعب متعود ماهي سابره

قولوا لامريكا بقول المختصر
اليوم قد دارت عليها الدائره

اليوم لاعاصم منا أو مفر
الا اذا جاءت ذليله صاغره

#ابوصامد_القوبري_المجنحي

ذي قاد حرب التسع من خلف الستر
اليوم قادها ضهر بالضاهره

ومن ضهور العلم هذا والخبر
الشعب كيف والقياده جاسره

النصر الاول في قضاء الله والقدر
بحربنا ضد اليهود مباشر

وأن العدو طول بها وأن اختصر
بكل ضربه باتفجر باخره

#احمد_عبدالله_زيد

كلمه لكم باقولها بالمختصر
هذا اليمن ارض العرين الكاسره

يابايدن لاتقترب بحري خطر
قد ذل جدك في السنين الغابره

اسأل على تاريخنا كلم سقر
كم ناس رسلنا لها للاأخره

#سياف_الضبيبي

موقف من الالفـــــــــين والخامس عشر
لن نقـــبل احكام اليـــــــــــــهود الجائرة

الشعب جاهز با المفــــــــيد المـــختصر
لجيــــشهم والبارجه والـــــــــــطــــايرة

في البحر الاحمر حلف الامريك انحصر
واضح عــــــــليهم با تـــــدور الـــدائره

ما بـعــدها نضــــرب ونهـــــجل ياحجر
مـــــابا تســـيري ســــــايره يـــا الحايره

#محمد_هادي_المؤيد

لافرق بين أرض اليمن ولا سقر
هاذي في الدنيا وذاك الآخره

النار فوق النار تكبر تستعر
ياويل الامريكي ومن هو سايره

ابن اليمن في المعركه يقدح شرر
يفني جيوش اقوى القوى المتأمره

#حــمــزه_الــعــزي

يــاسيدي في البحر منهم لاتذر
احرق ابو كـــل القوى المتأمره

الباب للمندب يأدي لا ســـقـــر
ارسل ابتهم كلهم فــي باخـره

من اجل ثار القدس لاتبقي اثر
من حلف امريكا العجوز العاهره

قولوا لها اما (شهاده)او(نصر)
مــابــا توقفنا اليهود الماكــره

#الشاعر_ياسر_شايم

بكتب لكم قولي واقل بالمختصر.
بالامس حاربنا القوى المستاجره.

قد الحرب واضح لعميان البصر.
على الكيان وامريك هو ومناصره.

واليوم راس الكفر نوردهم سقر
وعلى اعادينا تدور الدايره.

#ابوعبدالملك_الغولي


ذي كان يقصفنا خفا قذا ضهـر
وشـن عـدوانه بـحـرب مباشره

تحالف امريكي بريطاني قـذر
بدعم صهيوني من اول لاخره

ومقصده شعب اليمن با ينكسر
مش داري ان الحق ربي ناصره

#الشاعر_ابو_سليمان_طرموش

حيا بهم كامل علا شوكه وجـر
حطب سقر جوها قطع متناثره

عدوانهم لن يردع الشعب الأغر
عن نصر الاقصى والدماء الطـاهره

تابع المجاراة بعنوان (مع فلسطين مستمرون في مواقفنا ولن نتراجع)

البداية #ابوالكرار_المجنحي

على طريق القدس مهما كان حجم التضحيه
حاشا وكلأ ينثني شعب اليمن وإلا يخاف

الجيش جاهز والقبايل جاهزه متصديه
بانسقي أمريكا ولندن من نقيع الموت حاف

#محمد_ابوالعز

على طريق القدس ثرنا و الخطى قرآنيه
و النصرللاسلام وعد الله جينا له صواف

الموت لامريكا و لاسرائيل و ابريطانيه
ومن تحالف ضدنا يبشر له الموت الزعاف

#اكرم_النيعاني_ابونبيل

شعب اليمن والبحريه والبريه والجويه
في صف غزه صامدين الكل لااخرمطاف

ماخاف من لندن ولا ومن حامله امريكيه
قواعد المحتل سارين والبوارج بالمشاف

#أبوخارف_ابوشوصاء

من اجل غزه لودخلنا حرب كبرى كونيه
هيهات نتراجع ولا نخشى تحالف ولتفاف

لنصر دين الله بانبذل دمانا الغاليه
والنصر من ربي لنا موعود في ختم المطاف

#عبدالقوي_البطل

والله لو حشد علينا القاصية والدانية
واتحالف العالم علينا من ضفافه للضفاف

ماتحول موقف الشعب اليماني ثانية
عن غزة الثكلى ونصرتها ولافينا ارتجاف

#أخت_شهداء_البكالي

مع العلم نسري على درب الهدى. والتضحيه
والنصر حتمي دام والمولى معانا مانخاف

مايوم نضعف او بنتراجع. هممنا عاليه
والقدس للاسلام والذله للاقوام الضعاف

#أبوأحمد_الغفّاري

هيه واحده قد قال شعبي ما معانا ثانيه
اليوم كلمه واحده وخط ما فيه إنعطاف

شعب اليمن ماضي لدحر العُصبه الصهيونيه
وفق الثلاث الحتميات با تنطوي السبع العجاف

#ابوحيدر_الراشدي

يحرم على « اسرائيل وامريكا» يشوفين عافيه
من بعد ما الشعب اليماني حطهن راس المشاف

جن اليمن طــــــول الزمــــن، محاربين المافيه
يدوسوا اخشام العدى، باحكام، دقه واحتراف

#جلال_الغولي

لوتجتمع في حربنا كل الجيوش الحربيه
وتجتمع كل الخلايق ضدنا مابه خلاف

لن نترك الاقصى وغزه ياعيال الجاريه
واحنا لها واحنا رجال العز والباقي ضعاف

#حرب_مشحم_صعده

حلمي وحلم الشعب كُلّه يــا الرجال القاحيه
في حرب كُبرى عالميه ضد الانذال الضعاف

أقوى من الأولى واشد ا-من احتدام الثانيه
مـن هولها تتعطف الفوهات وايذوب الغلاف

#زياد_زيد

انصار ربي في ميادين الشرف متفانيه
مع فلسطين مستمر ينفر ثقالاً واخفاف

في البحر الأحمر بذن ربي باتكون التصفيه
عيوننا على العدو تترصده في المشاف

#ابوحمزه_المقاش

المعركه شعـواء وحجم النصر مثل الاحـجيه
واتجسدت فزعـات ربعي من عنم حتى كـتـاف

كم قـد تمـنـيـنـا قـتـال الـصـهـيـنه والأمنـيـه
فـزنـاء بـهـاء والـبـحـر الاحمـر ساقهم مـثـل الـخـراف..

#شبل_الحداء_ابوفلاح

والحرب هذه يايهود غير الحروب الماضيه
فاالبحر الاحمر جاهزين نسقيكم السم الزعاف

على طريق القدس هبت الوحوش الظاريه
انصار ربي فاالمعارك ماحدا منا يخاف

#ابـومـازن_الـرازحـي

لا للتراجع لو يواجه كل شخص اربع ميه
إلي مع الله أقوياء وإلي مع ابيلس الضعاف

ومع بن فاتح باب خيبر نفتتحها ثـانيه
وبإذن ربِّـي نقتلعهم بين نون وبين كاف

#ابوعلي_مبخوت

احنا يمن ليمان والحكمه صحيح أيمانيه.
بانضرب اسرائيل ونجهزفي البحر التفاف

مادام معنا الله والسيد وجند البحريه
أيدي بني صهيون وارجلهم تقطع من خلاف

#ماجد_عبدالله_القادري

على طريق القدس بانمشي ميه تلحق ميه
واجب على الشعب اليماني نصرة الناس الضعاف

ونحرر الأقصى من الامريك والصهيونيه
لنا ثقه بالنصر والتمكين لا يمكن نخاف

#احمد_ابوصريمة_القيفي

نهايه اسرائيل وامريكا نهايه حتميه
في بحرنا الاحمر نقيع الموت والسم الزعاف

لوما تبقى من يمنا الا ثلاثه في الميه
باننصر الاقصى بعدتنا الثقيلة والخفاف

#ابوتراب الوادعي

على طريق القدس بانمضي بهمه ثوريه
مع فلسطين الأبيه والعدو وسط المشاف

شعب اليمن جاهز لخوض المعركه الاقليميه
يجرع امريكا الفنا والويل والسم الزعاف

#طه_الرازحي

تخاذلو عن نصر الاقصى قوم دون إنسانية
من أمة الاسلام والاعراب وقلوبٌ ضعاف

وشعبنا الميـــــــمون ثابت ماتخلف ثانية
رغم التحدي والخطر والهول مااتراجع وخاف

#ذاالنون_مشتاق_شريان

بقيادة ابن البدر بانهجم والقدام حافيه
بقوة الله القوي من دون ذلة ورتجاف

لاقوة امريكا ولا اسرائيل ولا الأحذية
يقدر يوقفنا على تحرير فلسطين لا جزاف

#سياف_الضبيبي

خط الشهاده ذي سروه ابطالنا في البحرية
فازو رجال التضحية واحنا كماهم مانخاف

شعب اليمن ذو بأس ما يخشى غبار الذرية
والقدس يعني عين مؤمن والعدا وسط المشاف

#إتحاد_الشعراء_والمنشدين

https://t.me/aboyahyaalshami

دن ياالقدس والبركان دن
ودف الغرب وجاء لايدنا

والقسم لانخلي بايدن
يلعن أليوم ذي اداه عندنا

#احمد_عبدالرحمن_الظمين

اسمعوا ياطواغيت الزمن
#مجلس_الأمن_تحت_أقدامنا

ماعرفنا المذلة والوهن
تشهد أفعالنا وقوالنا

مانخاف المخاطر والمحن
والكرامات والعزة لنا

#ابومحمد_الجعفري

كل شي محسوب في هذا الزمن
#مجلس_الأمن_تحت_اقدامنا

سيدي البدر اعلنها علن
حربنا قامت وداست خصمنا

لا تراجع لا تواني لا وهن
قُدسنا صنعاء وصنعاء قُدسنا

#ابوعلي_مبخوت

شعبنا قال كلمه للكهن
#مجلس_الأمن_تحت_أقدامنا

قالها سيدي فول زمن
وقالها جيشنا ولجاننا

أسمعو ون به فيكم درن
باتجيكم صكيع ادواننا

#احمد_عبدالله_زيد

اسمعو ياملاعين الدقن
#مجلس_الأمن_تحت_اقدامنا

سيدي قالها يالله معن
قايد الشعب هوذي قادنا

لا تراجع ولافيناوهن
المعارك تجية ابطالنا

#ابوناصح_العزي

مانبالي بحلفه والخون
#مجلس_الأمن_تحت_اقدامنا

مانبالي بامريكا ومن
في صفها با يقف قدامنا

حسبنا الله ياشعب اليمن
طاعة الله نصر اخواننا

#ابوشامخ_الشرقي

ردد الشعب وعلنها  علن
#مجلس_الامن_تحت_اقدامنا

القرارات تصدر من يمن
غيرها ما طلع في بالنا

باذل الروح لغزه   و البدن
لا تراجع ابد في قوا لنا

#سياف_الضبيبي

وزن نــــعل اليــــماني الف طن
#مجلس_الامن_تحت_اقدامنا

طين غزة وصــنعاء لـــي وطن
نفــدي اوطـــاننا با ارواحــــنا

اي مجــــلس جمع شمل العفن
#جمعهم_صار_ضمن_اهدافنا

#إتحاد_الشعراء_والمنشدين

https://t.me/aboyahyaalshami

والقدس قسم جرحها بينا ارباع
وخذ بحق اطفالها والمساكين

#محمد_ابوالعز

لا مصر لا الاردن و لا كـل بيـ.ـاع
غير اليمن محد دعم يامـ.ـلاعين

مايستوي دم البشر خُلْق واطباع
دم الميــامين غير دم الفــراعين

#ابـومـازن_الـرازحـي

فيناالوفاءوالجود أخلاق وأطباع
نفزع مع المظلوم ضد الظلومين

ودعم غزه قد فرضناه باجماع
ونعـاهد الله بالمدد مستمرين

الشاعر_زياد_زيد

شعب اليمن لاجانب القدس فزاع
في ساعة الشـده وفي ساعة الين

انشهـد انه شعـب مـع الله قد باع
نفسـه ومالـه لجل ينصر فلسطين

#حرب_مشحم_صعده

باننصر افلسطين في كل الاوضاع
واحنّا لها ياقرم فـ العسر واللين

غاياتنا واحلامنا هي والاطماع
نلقى عيال الرجس وسط الميادين

#عبدالقوي_البطل

مهما سعوا والله مانطّرِح قاع
والانكون من هرجهم مستهينين

بانجعل إمريكا ترقص بإيقاع
وتذوب هيبتها بيد اليمانين

#سجاد_نشوان

ياقدس بانتقاسم اوجاعنا ارباع
لو يوصل الدم الركب عند الاثنين

انتم ويانا روح مـاتطرح قاع
واحنا وياكم قلب ينبض لجسمين

#ابومالك_الكوماني

يتحالفوا من كل الانحاء والاصقاع
ويحشدوا للحرب كل الملاعين

ولو قضينا اعمارنا حرب وصراع
مانترك اخوتنا في الارض والدين

#محمد_مجلي

تتعسّر الاحداث وتسوء الاوضاع
احنـا مــع غزه في العسـر واللين

ما دم غزه والقسم ما اطرح قاع
وبينـنــا الايام قُـــــل للمــلاعيــن

#حاشد_الشليف

من قدّم المعروف والخير ما ضاع
ومن قدّم الرحمن ما ضاع له دين

واحنا اهلها واحنا مغاوير وسباع
مشروعنا تحرير كامل فلسطين

#ابوشرف_خولان

شعب اليمن ثلثين لله قدباع
من أجل غزه يحتشد بالملايين

عادي ولونتعب ولوبعضنا جاع
فاالبحر الاحمر شغلون ا لملاعين

#أحمد_محمد_الضمدي

غزة محاطه باليماني ولاسطاع..
بايدن يحيّدنا ولو عاش عمرين..


يحيى سريع الليل شنِّف للسماع..
حيا دنينك يفلق الأرض نصفين..

#سامر_الضبي

ياقدسنا لونقسم اسداس وارباع
ابشر بعزك بايجوك المياميين

كل اليمن ياقدس ثاير وفزاع
ابشربنا ياقدس جايين جايين

#ابوزينب_الوجمان

لو نحترب في البحر والجو والقاع
ونواجه امريكا وحلف الملاعين

من اجل غزه تنتصر رغم الاوجاع
لو بانضحي لاجلها بالملايين

#حسين_الدهمس_النواري

وذي مع صهيون واقف فقد ضاع
ومـن نصـر غزة فقد ناصـر الدين

بـ (الله اكبـر )قد فشل كل طَبّاع
ذي قالها السيد فيالفـيـن واثنين

#الشاعر_علي_الوزير

اثلجت صدر اللي من الضيم ملتاع
لـلـفـزعـة اللي مـاتـؤجـل ل بعـدين

واثبـت لـمـطـبـع ومـحـتـل طـمـاع
يـاشـعـبنـا ٲن الـعـروبـه مـن الـديـن

#ابومعارك_السقاف

رغم العنا رغم التئزم والاوضاع
نضمد جراح امة محمد بياسين

غزه دماها قد جرى بين الاضلاع
تبشر نشتت وكر جمع الملاعين

#رفيق_ابو_علي

على اليهـود تفهم والامـــريك الاتباع
فلسطين من صنعاء وصنعاء فلسطين

الجرح نفس الجرح والاوجـاع الاوجاع
ونفس الاسـامـي والهـــدف والعناوين

#ابوكنعان_الروس

طاحت قوى أمريكا وداعم لها ضاع
ومن على أيدينا تذوق الأمررين

وكل مؤمن حر من ربنا باع
وستذكر ان القدس ف اعناقنا دين

#ابو_قيس_الفيل

ماحنا من الي يسمع امريكا وينصاع
ولا من الي يدس الراس في الطين

احنا رجال احرار مانتطرح قاع
وارواحنا تفداش ياقصى فلسطين

#أخت_شهداء_البكالي

منصور بإذن الله في كل الاوضاع
ياشعب مااتحمل سواه المغابين

باننتصر للحق اسداس وارباع
طوفاننا عزه ونصرة فلسطين

#حمد_الكبسي_الوايلي

انت السند والعون ياشعب ما طاع
يخضع لامريكا وحلف الفراعيين

في البحر وصّلة الغبي حال لقناع
حتى يفك احصار غزة فلسطين

#ناجي_القعود

يشهد علينا الله ما ننطرح قاع
كلا ولا نترك قضيه فلسطين

يلعن ابوها امريكا والي لها اتباع
مابا تخوف شعب كله ميامين

#صقر_سبحان

شعب اليمن من مالك الملك قد باع
وفي سبيله ثار ينصر فلسطين

وارسل عذاب الموت باشكال وانواع
لامريك واسرائيل وكل الملاعين

#احمد_تاج_الدين

رغم الحصار القاتل ورغم الاوضاع
مـن أجـل غزّه نقـسم الخـبز نصـفيـن

نؤثِر على انفـسنا ونعطي ولو باع
حُكّام الامّـه للقـضّـيه وللـدين

#ماجد_عبدالله_القادري

رغم الحصار فينا على كل الأوضاع
مانترك الأقصى لحلف الملاعين

القدس وسط القلب ساكن بالاضلاع
القدس نور الحق وهو نيني العين

#الشاعر_بشير_الشامي

بفزع مع غزه وفي كل الاوضاع
مادام وانا انسان مخلوق من طين

بنصر فلسطين الحبيبه وفي ساع
هذا هو القوه وهذا هو الدين

#الشاعر_ابونزار_الكازمي

ياكــل حـــاكــــم صــار للغــــرب بياع
بعـــــت المــــروه لليـــــهود الملاعيـن

انتو لصهيون تقسمو الكـــــــفر ارباع
وحنا لغــــــزه نقسم الـــجرح نصــين

#سياف_الضبيبي

لاقد ضميرك حي فا الـــــــحق ماضاع
مهما الطواير في سمــا الارض حامين

القدس نابض قلب من تحت الاضلاع
ووعد تحـــــريرة على ارقـــــابنا دين

#الشاعر_عزيز_البروي

رغم المعاناة الكبيرة والاوضاع
في ظل سبعه اعوام من بعد عامين

تابع المجاراة بعنوان نهايات #أمريكا الفرعونية.

البداية #محمد_الهلالي

يا البحر الأحمر من الشاطي عليك السلام
يا قبر فرعون في الأولي وفي اللاحقه

فيك العصاء والشِعَار أتناوبت بإنسِجَام
توصل جِيوش الأعَادي قَعرك الساحقه

#محمد_العياني

البحر الأحمر جهنم يا عيال الحرام
مادام حولة رجال القوة الصاعقة

والأمر لله والقايد عليه السلام
وسطولكم والبوارج غارقة حارقة

#طه_الرازحي

شعب اليمن موقفه بالفعل لا بالكلام
لـنصر غـزة مواقــف فاعلـة صـادقة

في البحـر بخريَّتــة ظــرباتها والمهام
على سُـفن تتبـع الصـهيـونيّة ساحقة

#نجم_الدين_الحمزي

البحر جاهز وجيشي في تمام التمام.
يستقبل البارجات ويصنع الفارقه

منهو مع الله يكون الله معه فل امام
والله مع القائد الي كلمة صادقه

#الشاعر_بشير_الشامي

نهاية امريك في ذالمرحله والختام
تغرق كما الطاغيه فرعون وترافقه

عصات موسى معانا يالرجال الكرام
بانجعل امريك بين امواجنا غارقه

#بشار_عباس_الشومي

تحيتي واحترامي للرجال الكرام
الى حمات السواحل بالوفاء صادقة

بفضلكم حلف صهيون الغبي والقزام
فرت وولت دبرها والعتاد فارقة

#خيرالله_الخولاني

احنا لغزة ذخيرة والمدد والحزام
وضد  تلت  ابيب  القردة  المارقه

مش من مجرد تداعي اومجرد كلام
احنا معاها  بنية  مخلصة    صادقه

#ابو_وعدالله_هفج

يامهبط العز يادار الرجال الكرام
ياشعب الإيمان واقلاع الإباء الشاهقة

غزة تعاني من احفاد القرود اللئام
ونصرها عندكم شع ولما بارقة

#جرهم_الحاكم

بفضل ربي ،وحِكمة ابن خير الأنام
زوال امريكيا قَـرّب ولاْح بارقـه

فالنصر دايم لمن جاهد ،وصلى ،وصام
وطاع عبدالملك ذي كلمتة خارقـه

#أبوصخر_الجوحمي

الشعب كله مفوض للقايد الهمام
ومؤيد البحريه بالضرب للمارقه

احنا مع القدس والاقصى بكل المهام
ونهاية امريك ويهود الوباء غارقه

‌‌‎#شافي_السالمي

من باع لله نفسه واتقى واستقام
فالنصر للي مع الله نيته صادقه

يحمل سلاحه بقوة من يريد السلام
ويطلب النصر والتأييد من خالقه

#سياف_الضبيبي

يا عالم الصمت ليس الحرب حرب الكلام
الحرب افعال مثل افعالنا الدافقه

وما ارتضينا المذله او قــناع السلام
بانصرف الموت لمريكا رصاص حارقه

#الشاعر_أبوالعز_الهتار

يمين يالبحر الأحمر والف كلمه حرام
لاما فهم حلفهم ضرباتنا السابقه

إبرد من أم الكلام وارمي بكل الملام
وقل لحلف الغباء الموت ذي يلاحقه

#الشاعر_متاش

والحمدلله مولى الفضل دائم دوام
ذي غير الحال في العالم وفي المنطقة

بالأمس فرعون يضربنا بغازات سام
واليوم في البحر الاحمر جيشنا يغرقه

#ابومالك_الشطبي

احـــنا رجــال اليمن احفاد حمير وسام
نـــتبع قيــــاده عظيمه با الهدى ناطقه

باننحرق امريكاونطحن لحمهم والعظام
بقـــوت الله واعـــلام الهـــدى الصادقه

#ابومحمد_السحاري

يابحر قد هاج على المجرم يزيل الظلام
يحاوق الشر بسرابه وبن يغرقه

يفزع لغزه من اسرائيل وابنا الحرام
وكل من هو مطبع يمسك ابمختقه

#يونس_الجماعي

في بحر الاحرار موج البحر قاتل وسام
ونصرناء في النواحي قد لمع بارقه

وكل فرعون لازم مانرده حطام
واقوامناء لشهاده دوم متسابقه

#همدان_حجي

حايم الموت ياصهيون حلّق وحام
باتشوفوا نهاية سيّئه ساحقة

يشهد الله لو بانحترب الف عام
ماتغير مواقف شعبنا الصادقة

#إتحاد_الشعراء_والمنشدين

https://t.me/aboyahyaalshami

ختم الاجيال

/#سياف_الضبيبي

قل للجــيش ذي لا يُقهر
للانفس صنعنا مــــكيال

عاد الوضـــــع با يتفجر
تتصادر بقبضه أرتــــال

لا يســـــــئل ولا يتخبر
يترقب خروج الاثـــقال

بعد الجـــــو والبحر البر
الاهوال تــــــــتبع اهوال

وعد اغبر وفي يوم اغبر
يا احفاد المسيخ الدجال

دم احمر وفي بحر احمر
والاميال ضِعـــف الاميال

مشهد فوق ما يــتــصور
هذا الجـيل ختم الاجيال

فيه اعصابــــــهم تتـــوتر
ياموعد حساب المثــقـال

لم يسبق ولن يتـــــــكرر
تتغربل جماجم غــــربال

إما الحق او حــض اوفر
إما العيــش والا الترحال

تتدافق شعبنا الصامد وقــــال للعالم استندب
جنود القدس يوم القدس تتواجد في الميدان

سـماها قاعــــها والبــحر الاحـمر هج والمندب
تبؤئنا مقــــــاعدنا ويوم الفـــتح وعده حــــان

وبا يتحــرر المـــــسرى وهذا وقتـــــه الانسب
معا طوفان الاقصى ثار من صنعاء مئة طوفان

عواقب من سكت غبرا ومن للكفر هــم اقرب
جــــــــزاهم مثلما تُجزى به اسرائيل وامريكان

فأ اين الخير من حـكام وهم خُدام عند الغرب
ولد فرعـون ولــــد زايد ولد عباس ولد سلمان

وكلمـــة حق قلناها ويغـــضب من اراد يغضب
قوى التطبـيع غلبناهم بفظل الواحد الرحمان

ومــن باع القـضية لن يجد منــجى ولا مهرب
من الــله وين با تُهرب قوى الاجرام والطغيان

وقبل الدرك الاسفل عادبا تُضرب طبول الحرب
وقبل البطشة الكُبـــرى صواعق موطن الايمان

مع الله من وقف غالب ولن يُخذل ولن يُغـلب
مجاهد في سبيل الله سبحانه عظــــيم الشان

ومن يـــــوقف مع الشيطان لايأمن ولا يكسب
فــي الدنيا وفي الاُخرى ينال الذل والخسران

الا ياقدس تحريـرك هو الغــــــايه هو المطلب
هتاف لبيــــــــــك يا اقصى ويهتفها جبل مران

وهـــــذا وعدنا والعــــهد كل الشعب با يـذهب
الى المسرى وبا نوصل قُصر هذا الزمن او طال

غدآ في ساحة الاقصـــــى ويوم الغد با يُكتب
في التاريخ يوم النصر وماقلت اكتــــبوه الان

#سياف_الضبيبي