تابع المجاراة الاولى (1)
الموضوع
(تحالف العدوان يستهدف جبهتنا الداخلية عبر ادواته وعملائه )!!

البداية للشاعر #عكام_القصاد

الشعب فاهم باالحروب البارده
قد اكتشف كيد المنافق والعميل

من بعد ثامن عام ماشي فايده
تخلخلونا والنفس عاده طويل

كذاب يامن قلت صنعاء فاسده
ونته مع العدوان في صنعاء وكيل

#كليم_النجار

مهما مكر حلف الغزاة الماردة
مهما زرع في وسطنا كمن عميل

تخسى قواهم والذي بيساعده
والشعب واعي ضخم مايقبل دخيل

اما الخلايــا ذي وسـطنا راقـده
محال تقلق امننا بالمستحيل

#ذولفقار_قوزع

حلف التصهين و النفاق والقاعدة
تخلخلو في أرضنا وصبح قتيل

زحفه وتجميع الكلاب الشاردة
خابت مساعيهم وخابت بصميل

كمن خليه ف المسيرة شاهده
بعد انقضاض الأمن وسقاط العميل

#ابواياد_المطري

الشعب شمر للمنافق ساعده
وبالهدى والوعي يتحدى العميل

وكل من مثل النعاج الشارده
اكيد ماله في اليمن غير الصميل

وكل خــاين بالشكوك الوارده
يا مرحبا به لاوسط شب الفتيل

#صفاء_الحرازي

يلعن ابوها كل دوله حاقـده
والله لانصمد وابد مابانميل

ضدالعماله والنفوس الفاسده
ضدالغبي سلمان وابنه والكفيل

وذي غزانا مستعد نجــاهـده
والله مانخضع جيلن بعدجيل

#ابن_دغشر_الشومي

مادام إبن البدر لشعبي قائده
ماهمنا غزوا التحالف والعميل

ومادام والأبطال زالت صامده
للأن ثامن عام شاهد بالدليل

نصيحتي يا أهل العقول الفاسده
عطف رحيلك قبلما يقرح صميل

#فاطمه_فقعس

الله اكبر نار حمراء مؤصده
بها نودي للمنافق وسط ويل

عاد الميادين فالبطولات شاهده
وأشجع رجل منهم يولئ بالعويل

بالمختصر ماغير كلمه واحده
أما سكتوا باالرضئ ولاالصميل

#شاعر_بلاد_الروس

ملعون من طبل ونفسه جاحده
باترتجم ياذاك من راس النقيل

ماتاب من له نفس عاشة فاسده
الثور يبقا ثور. والأهبل. هبيل

يامن خلق مبخوس أيش الفايده
اتسميه رجال وهو تابع. وذيل

#الشاعر_ابورصيد_المرهبي

دام المواقف و الاراء متباعده
والسلم اصبح باالتحاور مستحيل

الشعب فوض با الخيارات قايده
اما لهدنه او الى حربآ طويل

ذي ما تحقق في حوار المائده
الشعب قادر ان يخذها باالصميل

#علي_الشاوش

يا شعبنا وأقرا( دروس المائدة)
واحذر من التضليل لا تصبح ضليل

زيف الخلايا النايمة والراكدة
يبان و الأحداث والواقع كفيل

وذي رسالة للتحالف واردة
((مهزوم)) واقبلها رضى ولا صميل

#ابوالعباس_الرزاحي

مادام وبن البدر شعبي قايده
الوضع سابر واهتزامه مستحيل

نملك عقول وارواح دايم صامده
من المحال يحتلنا الفكر الدخيل

باقول كلمه خلها لك قاعده
قال المثل مايدخل الجنه عميل

#أسـامـة_المـعبـاء

بـ النــاعمة والســاخنة والبـاردة
بيحاربوا الشعب اليماني الاصيل

ويحــاولوا جعل الاوادم فاســدة
بلعهر والتضليـل والفكـر الـدخيل

بس شعبنا "عبدالملك"هو قايدة
قاده من القـرآن في خير السبيل

#الشاعر_نبيل_الجعدبي

شُهدائنا عند المعظم خالده
وقتلا التحالف لا جهنم لا بديل

ومصر لا رادت حطبنا واقده
وباب مندبنا دخوله مستحيل

حتى ولو تُفتحلهم الاعمده
لاكن خروجه وعد أن يخرج قتيل

#ابوهاجس_الشومي

يامرحبا من عاد حلفه وارده
يرحب على نيران لاكباده تشيل

في شعبناء ماغير ضربه راعده
تنعش اخر عرق في أرض السبيل

الكفر والتضليل. وجب انجاهده
ونكافح المحتل والغازي العميل

#أبوصخر_الجوحمي

ياشعب وحذر من سموم البارده
اخطر وسائل تنتشر عبرالعميل

نعرف جميع الوارده والشارده
في كل اراضينا نبلغ بالدخيل

لابد نتمعن دروس المائده
من اجل نعرف مكرهم في كل جيل

#ابورعد_مصلح

شعبنا افـشل خـلايـا فـاسـده
بفضل ربي اكتشف كيد العميل

شعب واعـي حـر شمر ساعـده
وصد كيد التحالف واذليل

عاد النشام في الميادين صامده
وعاد النفس فينا طويل

#الكرار_المشراقي

في ارضنا واللــه مـاهـي وارده
قل ابن زايدوبن سلمان العميل..

شعب اليمن للحرب شمرساعده
للقدس نضرتنا وغزة والجليل..

بانقـلـع الغــــذه ودود الزايــــده
والقادم اعظم بلغ الفكرالدخيل

#إيمان_الانصار

جباهنا لله عادي ساجده
واحنا نسبح ربنا الحق الجليل

وعدونا جا بالكلاب الشارده
لكن ربي مبطل الفعل الرذيل

واحنا ضروري نوقفه ونجاهده
غازي بلادي كيف نبقى له وسيل

#فارس

صنعاء عصيه والمسيره خالده
محال للكفر والباطل تميل

قل القوى المتامره والحاقده
وذنابه الانذال من منافق وعميل

شعب اليمن للحرب شمر ساعده
وللخلاي أنايمه صبره جميل

#يوسف_غاشي

ياشعب كن مثل السنين الشاهده
في الوعي والتسليم والصبر الجميل

وجني ثمار التضحيه والفايده
لمواجهة كيد المنافق والعميل

ابواق لشيطان شله كايده
يحاولو تمزيق شعبي مستحيل

#مختار_البحري

كل اليهود الي علينا حاقدة
تستخدم التضليل في حرب الاصيل

عجزوا في الميدان اتوا بلباردة
سواء سواء تبحث لموتك ياعميل

ماحربنا إلا ذل حروب الواردة
ضد النعومة حربنا يلصي الفتيل

#إتحاد_الشعراء_والمنشدين

https://t.me/aboyahyaalshami

تابع المجاراة (2)
(تحالف العدوان يستهدف جبهتنا الداخلية عبر ادواته وعملائه )!!

البداية للشاعر #بسام_شانع

لحروب الافواه والفوهات نفس القوى
والغزو فكري وبري والنزال النزال

سوا سوا القصف عبر الجو وإلا الهوا
واغلب ومعظم ضحاياه النسا والعيال

لجيش حلف العدو في كل موقع لوا
سوا مواقع تواصل او مواقع قتال

#ابو_يحيى_الشوكاني

صفر المعابر لضى حمراء تبيدالغوا
تسحق عضام وجماجم جاهزه للنكال

ارض اليمن ياعميل اليهوده والهوى
تحمي حماها وتبقاء شامخه للازال

من خلخل الامن ولابالخدع قد نوى
تحرم عليه المعيشه في يمنا محال

#الشاعر_زياد_زيـد

الشعب من هدي ربي قدشرب ورتوى
محـال يقبل منافـق في يمنـا محال

حـبـل المنافـق بكـذبـه قـد بدا ونتوى
لابد ما نـقطعـه بسيـف وحـد النصال

قدودف الخصم وسط الهاويه قدهوا
الويل لـه دام قـدامـه رجـال الرجـال

#ابوهادي_الجامع

بذن القوي المهيمن ياجموع الغوا
باتفشلو في حيلكم مامعاكم مجال

بايفشل الحلم ذي فيكم ويقرح هوا
كم يا اوادم غزات الشعب عادو ذلال

ماينفع الهزهزه في صم قاسي قوا
هل حد له قدر في العالم يهز الجبال

#ابوهادي_صيفان

ياقبيله في يمن ليمان شدو القوى
نحصن اولادنا من فتنة الاحتلال

الدين والعرض تتعرض لغزوة هوى
والمملكه وال زايد سوق في ذا المجال

كلاً يشمر ولايقبل طريق الغوى
لاتلحق الارض بيع اعراضنا بالريال

#ابورعد_مصلح

شعبنا واعـي عـلى ارقـى مستـوى
مادام ابو جبريل مامع الغازي مجال

بيمـان راسـخ صــد تضليـل الـغـوى
وصد عشرين دوله من قوى الاحتلال

كـم حـاولـو كـم قـد مـنافـق عـوى
من اجل غزو أشعب تضليل العيال

#ذوالفقار_سفيان

مهما اليهودي علينا دار ولا لوى
والله ما يبلغو منّا لا بسط منال

الكل للحرب متجهز بجنبه طوى
جعبه وبندق تذوقهم اليم النكال

بالقدس والبدر والبركان شعبي زوى
و المعركه قادمه ومحمله بالثقال

#ابوفتح_الاشول

شعب اليمن صد جيش الامركه وإنطوى
يا جيش حرب النفوس احنا رجال الرجال

نزع الدسايس يشابه نازعات الشوى
ومن فسد بيننا نرميه في كل حال

الوعي فينا مسيطر, من لكفّه لوى!!
ما يلتوي غير كف اهل الردى والظلال

#الشاعر_ماجد_غانم

الحلف بقواه ايش سوى تهوى هوى
داخل وخارج ولانفتح لبتهم مجال

خوى اتحالف وعجز ان يشكل خوى
بلحرب ولا التواصل بايلاقي رجال

الشعب قدم وضحئ خيرته واكتوى
بنار الاعداء واتحمل ثقال الثقال

#أخت_شهداء_البكالي

يتنفس الصبح من عزة يمنا الهوا
والارض تروى شجاعه من وريد الرجال

تكشف خطط كل مجرم ذي بحقده نوى
يستهدف المجتمع. من فعل قالت وقال

شعب اليمن شعب واعي ماخضع او غوا
مادام نبض الولا مغروس فيهم .محال

#الشاعر _ابوعلي_جعفر

شعبي شرب من هُدى القران ثم الرتــوى
مابا يهـــاب الجنـود اللبغـــي ولااحتـلال

كم حاول الخصم يفسد شعب هد القوى
من اجهـزه من برامـج مالقي لـــه مجـال

واللّه مــــاننخـــدع قـولوا لحلـف الغـوى
والحل في بطن ابو شرمه يجيه الوبــال

#أسـامـة_المـعبـاء

تستهدف الوعي والاخلاق والمحتوى
من اجل تهدم قيمنا يارجال الرجال

وحلفهم لافسادنا قد شد كل القوى
وشغال قرعه في مسخ النساء والعيال

لاكن منهو على خط الهداية استوئ
حاشا تاثر فيه اذناب الردا والضلال

#أبوهمدان_المعتكف

الشعب واعي وفاهم يادعاة الغوى
تضليله اليوم منكم صار صعب المنال

الناعمة والقتال في الوزن عنده سوى
وكلها فاشلة بالوعي أو بالنصال

#أبوأيمن_رقبان

شعب اليمن عاش رافع راس طول المدى
ما حر يخضع لحلف الشر من اجل مال

مع المسيره نجاهد ضد حلف الغوى
وفي جميع المراحل عارفين القتال

خسيت ياحلف واذناباك تزيد العوى
بانقطع الذيل هو والراس تحت النعال

#صفاء_الحرازي

مادام راس اليماني مرتفع لا الهوا
مابيهزه ضجيج الزيف قالت وقال

وكل من هو ا تعدا شل درع الغـــوا
لابد قطع الايادي ذي علينا تطال

وبعد كثر الجرايم كل نشمي ضوى
وقال يالله رفاقي حان وقت القتال

#ابوالكرار_المجنحي

يا شعب من هدي قراني شرب وارتوا
بصدق وإخلاص رغم أن المراحل طوال

قدم مهارات واتغلب على اعتاء القوا
بفضل ربي وعاده هاكذا لا يزال

ومن بكذب التحالف ينخدع واكتوا
يمسي ويصبح معلق بين قيلة وقال

#فاطمه_فقعس

احنا مع اللي على العرش العظيم استوا
دستورنا الهدئ فالقران وطه وال


ماهمنا للمنافق من عوى له عوا
لان الرجوله بتملكهارجال الرجال

طالق حياه المذله والغوااا والهوا
هوشعب لله حياته ماخلق للدلال

#الشاعر_محمد_علي_الجنيد

لن تغوي الشعب ياكامل خلايا الغوى
ومحال يتبعكم الشعب المجاهد محال

الشعب من منهج الباري شرب وارتوى
ماعاد همه مصالح دنيويه ومال

با الوعي شعب الكرامه عالي المستوى
مابا يصدق ولا يسمع خلايا الضلال

#إتحاد_الشعراء_والمنشدين

https://t.me/aboyahyaalshami

حن قلبي حنين الرعـد حنـه قـويه
يوم قالو رحل رمز الوفـاء والصمــود

(علي)رحل عنـنا ياالدوله الحميـريه
والحزن زلزل جبال الكون هد الـحيود

ودع الاهـل والاخـوان مــن صـدق نيـه
غاب عن اسـرته مـعاد هو با الــوجـود

لاكن اسـمه وذكـره في الـقلوب الوفـيه
لايزال حـي فيـنا رغـم انـف الـحقـود

(علي)رحل ودع الدنياء الغرور الدنيه
باع نفسه من الله والتزم باالــعـهـود

في جنة الخلد يتنعم بعيشه هـنـيه
فزت يهـناك فـوزك يا  شهـيد الخلــود

نهم يشـهد وتشـهد جبـهـة الوازعـيـه
للشهيـد البـطل ذي كان يأبـي القعـود

تعـز يـشهد مـع جبـهاتـنا الـساحـليه
والحرب تشهد وميدان التـلاقي شــهود

كان في الصـف الأول مايـخاف المــنيه
زلزل الـحلف واذياله عبـيد الــيهـود

كم سقا الخصم من ماصورة الـبندقيه
ماحسـب للفـيالق حقهـم والحـشـود

ثار لأجل الوطـن من شيـمة والحمـيه
وانطلق لجـل دينـه والقـسم مايعـود

كم هجم كم ونكل با الجيوش الغبيه
كان اسمه يـشكل رعب عنـد الجنـود

انت ياابو صـمود القوه الــحـيدريــه
كنت ليث القياده فـي مــسيـر الاسود

الذكر السنويه للشهيد المجاهد
علــي صــالح محــمد الحــزه

#صفاء_الحرازي
#إتحاد_الشعراء_والمنشدين

https://t.me/aboyahyaalshami

تابع المجاراة (6)
(تحالف العدوان يستهدف جبهتنا الداخلية عبر ادواته وعملائه )!!

البداية #فارس_المعزبي

مسيرة الهدي منصوره على خصمها
من يوم كانت عددها لايزال أربعه..!!

ما بالكم يوم صرنا كلنا قومها
وهي تزعزع كيان المعتدي زعزعه..!!

لايقدر احد يغيّر حرف بين اسمها
ولا البعاسس تعرقلها ولا الزوبعه..!!

#ٲبوحسين_العصري

يا شعب بدد لحلف الصهينة حلمها
وما زرعه المنافق شعبنا يقلعه

تحالفات اليهودي قد غرب نجمها
و ضاع مشروعهم كله ولاعد معه

خيااااار إلا يسلم لليمن حكمها
ويتبعونا كفاااااية للتنك قربعه

#ناجي_القطيبي

مسيرة الحق مابا ينثني عزمها
ببوق ماجور بيبقبق وماحد معه

قد قامت المملكه بعاصفة حزمها
ولَستطاع الزّهيمر هو ومن يتبعه

يُوَقّْفُو سيرها او يحجبو (نجمها)
ورجّحت كفّت اهل الحق فى المعمعه

#الشاعر_بشار_دهقم

الله رب السماء با الهدي قد ضمها
ابطال أرواحهم با الحق متولعه

احسين بن بدر حقق ب الولا حلمها
مسيرة الله فوق الناس مترفعه

منهاج رب الخلايق في الدجى علمها
وحكمها بالبصيره فاق مستنقعه

#ابو_بدر_ذيبان

حثالة الشر ابوها ابليس هو وامها
شيطانهم لاجهنم جنب حزبه معه

وشعب الانصار وقت الجد لاكمها
فصيل واحد وينهي جيشك الامعه

جند المسيره مع الله بقدرته لمها
والخاين النذل باين من قفا الاقنعه

#ابوراكان_السحاري

أضن طحنون عارف كيف هو حجمها
والا طحناه في ذا الحرب وإنقطّعه...

تعلق الخصم بين النيب في فمّها
واصبح مثل صيد في فمّ الاسد قضمعه

#علي_جارالله_داشع

نعم وهذه مسيــره واسعٍ حــجمها
بشويش بشويش ياكمن ردي وٳمّعه

كل القبائل لها قد قدمــت دمـــــها
من هو يحاول في التخريب بانقمعه

هذه مسيره ورب العرش ذي تمــــها
والقايد ابن البدر ماحد بلغ موضعه

#شهاب_المتوكل

ياشعبنا نجدبثت وسطنا سمها
عبراللساسين حق الدجل والقربعه

ذي جندتهم من اجل تصال لاحلمها
وتثير فوضى وتحرمنا الأمان اجمعه

خليك واعي بوعيك تحرقه رسمها
وتفشل مؤامرتها هي وذي تتبعه

#أبوفايد_علي_أبوشوصاء

مسيرة الهدي من ربيّ مدعومها
لامن مريكا ولا ابناء اليهود اجمعه

يتشرف الكون كله دوم بقدومها
ويصيّح النجم للسيد بإنا معه

كل الطواغيت قد دسنا على اخشومها
وياشوقنا للمعارك ساعة المعمعه

#ذوالفقار_سفيان

جات المنايا ويا حي الله بشمها
مع النبي وال بيته والهدى نتبعه

والمرتزق والمنافق قايدي سُمها
لان نور الهداية والهدى منبعه

وفوهت الشر ماينفع سوا لطمها
واللي يريد الخيانه قل ما نرزعه

#أسـامـة_المـعبـاء

مســيرة الحق احنــا الســم في سهمها
ضــد اليهــودي وحلف الشــر والي معه

نقــارع امريكاء واســرائيل واوهــامها
وحبــل تــضليلــهم يـا شعبنــا نــقطعه

الوعـي سيفـه لحرب النــاعمة اجتمــها
والحلف لاقى على شعب اليمن مصرعه

#الشاعر_ماجد_عبدالله_القادري

مسيرة الهدي حرف الصدق من فمها
الحق واضح جميعا كل من يسمعه

النصر فيها مؤكد صدق من حلمها
تاريخها بالثرياء اسمها نطبعه

ومن يخون الكرامة بايذوق سمها
وكل خادع تسعود قررو مصرعه

#الكرار_الجبر

قوم العمالات معروفة مع رقمها
لو حاولت في يمنا تنشر الزوبعة

والشعب رغم المعاناة قد عرف سمها
هيهات بالمكر والتضليل باتخدعه

كم حاولو للمسيرة يضعفو عزمها
وكل من غررو به ضدها تصفعه

#الشاعر_أبوعزام_الشامي

مسيرة الحق ياخي قدعلاء نجمها
لأنها تستقي للهدي من منبعه

ضحت مع الله في الدنيا ولاهمها
ولا تبالي من التضليل والمعمعه

إحنا مع الله ومزروعين في دمها
ومن مع الله صادق دائمآ يرفعه

#عبدالقوي_البطل

وشلة البغي والافساد ذي همها
تشعل فتيل الفتن في الارض وتوسعة

بعزمنا تعرف الانذال كم حجمها
نسوقها لاجحيم الموت تتجرعه

هذا قرار اليمن وقادت اعلامها
يامن نوى للفتن فيها لقى مصرعه

#جبريل_الخدري

المملكه قد وجب ندعس علـّۓ. خشمها
والكون لٱ قد تمادى ندعسه باجمعة

مادام والمملكه في حربنا حلمها
نشر المفاسد ونشر الحقد والزوبعة

نمسح م‌ـــِْن الخارطه يا شعبنا رسمها
وابن النبي سيدي لٱ شك نمضي معة

#صفاء_الحرازي

حسادها معضم العالم على علمها
ونبض الاوجاع في صد العدو توجعه

قد اخرجت كل نفس اتزايدت همها
بالوعي والصدق والاخلاص متقنعة...

الغزو فكري ولكن لن نعيش ظلمها
كل القوى ذي اتت بالغزو لازم تِعهْ

#جواد_محمد

عشرين دولة سحبناها على خشمها
واهل العماله واهل الزيف والزوبعه

وايدي الامريكي تعيش اليوم في وهمها
والجبهه الداخليه من قدم تبلعه

واما المسيرة قويه ما برد عزمها
ومن يفكر يصارعها فبا تصرعه

#ابوحسين_المنصور

الله هيأ وبعلام الهدى تمها
وكل حر وغيور جاهد وربي معه

احرار اسقو ثراها تضحيه بالدماء
يوم المنافق لقي من بأسهم مصرعه

لاعداء الاسلام ساني صوبت سهمها
وأي مندس جنود الله باتردعه

#إتحاد_الشعراء_والمنشدين

https://t.me/aboyahyaalshami

المجاراة بعنوان جمعة رجب كانت مصدر قوة وعزة وهيبة للإسلام.

البداية #يحيى_الوحيشي

جمعة رجب ذكرى ظهور الاسلام
بثياب هيبة شعبنا الاسطورة

يوم ارتزح ظهره وشد المـحزام
با احفاد سام الأمة المشهورة

بالبأس والقوة بسـالةوإقدام
وإعزوم ما يوم اصبحت مقهورة

يوم اعتنقنا الدين طاحت لأصنام
من طولها في كامل المعمورة

#زيد_الخراشي

للهدهد المبعوث من اقصى الشام
شعب اليمن سلم جميع اموره

فكيف ما يسلم لمبعوث إمام
اخبار سيفه في الحروب اسطوره

الاسلام تحت ضبى السيوف استسلام
لا غير همدان اسلمت مجبوره

وسيف ابو سفيان قاطع الارحام
من عند بسم الله الى اخر سورة

#محمود_الجنيد

يوم اجتمع شعب الصمود العزام
حول النبي والأمة المنصورة

جمعة رجب نبض اليمن والصمام
وارض اليمن بانوارها مغمورة

فيها نزاور بعضنا والأرحام
وقلوبنا لقدومها مسرورة

قدام ياشعب الكرامة قُدام
الله معاك ورايتك منصورة

#صفاء_الحرازي

قد بارك الله في يمنا والشام
ونجد وقرون الرداء مكسورة

بسلامنا جاء لليهودي ملطام
وناقة الشرك اصبحت معقورة

جمعة رجب عزة وقوة مادام
عنوانها شعب اليمن وصقوره

فيها ارتفع راس النبي والاسلام
والله عز الحق واظهر نوره

#سيف_حسن_العامري

ياشعب عمره ماركع. للاصنام
من قبل ماالاسلام يشرق نوره

في مدحكم جفت جميع الاقلام
يا انصار دينه ياحرس دستوره

جمعة رجب عيدي وخير الايام
يوم اسلم اكرم شعب با المعموه

واكرم به الضيف الكريم المقدام
مبعوث خير الخلق واحياء دوره

#الشاعر_صالح_النقيب

جمعة رجب لدين كانت صمام
هي نور ذي كلن مشا في نوره

من ألف وربع واربعينات العام
واسلامنا فيها يلف الكوره

جمعت رجب تاج السنه في الايام
وشهرها مشهور بين اشهوره

مع النبي وآله وقاده واعلام
تبقا المسيره وأهلها منصوره

#ماجد_المطري

لنـــا مع جمعـــة رجب هــذا العام
وكل عــام ذكــرى بنـــــا محفـوره

ارسل لنـــــا طــه علــي الـضرغـام
كرَّم يمنـــــــا بالوصــي وحضـوره

واشرق صباح النور بعـــد الإظلام
فجر الهداية لاح فينــــــا نـــــوره

بنى صروح الدين في صنعا سـام
لازالت آثــــــاره فــي المســمـوره

#رفـيق_ابـوعلـي

جمعة رجب في بدئها والمختام
داخل قلـوب اهل اليمن محفورة

فيها التقينا بـ الوصي الضرغام
مابين شـي منقور وشي مسمورة

شعت بــ صنعاء منورات الاسلام
وعمت البهجة ملان الكــــــورة

واليوم صارت عيـــدنا والانسام
ياذي تدور ماعـــرفت الصــورة

#ابوحنشل_قاريه

ياشعب في جمعة رجب نجمه قام
واتبددت كــل الضُلَم مــن نـووره

جُـمـعه تلـقـىٰ الكـفـر اكبـر مـلطام
ملطام خـلّىٰ شـوكـته مـكسـوره

مازد هنـي الباطـل بكرشه مـلقام
والدمع من عينه ومـن منخـوره

اللـه حـاكـم فــوق كـل الحـكـام
يئبا لغيـر الدِيـن يطـوي الكـوره

#شهاب_المتوكل

جمعة رجب مش يوم مثل الايام
لا لا ولا فيها نعيد خوره

جمعة رجب فيها دخلنا الاسلام
يوم ارسل المختار فينا نوره

دخله باصرار وقناعه واقدام
ومناصره للدين بابها صوره

حيابها جمعه لها كل اكرام
منا وعزه بالفرح مغموره

جريح الحرب #رفيق_زرعان

يا أمة الإنسانية والإسلام
جمعة رجب عزة لكل الكورة..

جمعة رجب قوة لكل الأقوام
وشعبنا فيها تجلى دورة..

ثبات واستبسال طول الاعوام
ودحر لابليس الردى وغرورة..

موقف موحد ضد قوم الإجرام
مع علم مغوار قاد الثورة..

#ذوالفقار_سفيان

جمعه تذكر بالوفاء والاقدام
مع النبي با ندفع الفاتوره

ذكرى عظيمة نعتبرها صمام
لاعظم هويه فاليمن محصوره

ذكرى السلام وليست الاستسلام
بلغ تحالف نجد واخو نوره

إنّا على الميثاق خلف الاعلام
وان المسيرة ماضيه مأموره

#محمد_الاخرم

جمعة رجب فيها معالم وأحكام
قد قالها رب السماء في سورة

واهل اليمن خير العرب والاقوام
جاهم علي وتبركوا بحضورة

واستفتحوا ارض الجزيرة والشام
وناصروا حيدر وطاعوا شورة

انصار للهادي النبي والاعلام
وكل يمني حر عارف دورة

#محمد_الداهية

تاريخ إسـلام الـيـمـن لا يـنـضام
تـاريـخ أمـة دائـمـاً مــنــصـــورة

تـاريخـنـا تـاريـخ كـمـن طـرغـام
تاريخ مثل الشمس ساطع نـورة

تاريخ شامخ من شموخ الإسلام
مذكور في القرآن في كم سـورة

تاريخنا من قـبـل تـأتـي الأقـلام
امجادنا عرض الصخور محفورة

#عبدالواسع_صايل_الغولي

(اذا جاء نصر الله) بخير الاقوام
طاحت قرون الامة المغرورة

سلام يالشعب الابي الضرغام
يامن بك الكون انتهى ديجوره

وبقيت للكون الفسيح الصمام
نفس من الرحمن تنشر نوره

واليوم في ضل الهداة الأعلام
الكفر والطغيان ننهي دوره

#عيسى_الهروجي

جمعة رجب ذكرى على الخاص والعام
منها يمن ليمــان شــعشــع نــورة

بــالحــق واتجلت غداراء واظلام
الجــهل واللــيل انقشــع ديجـــورة

ذكــرى عــظيــمة يايمــنا واكـــرام
نـُصـر بها الاسلام صوت و صورة

يوم بارك الله في يمــنا والشــام
ذكرى على انصار النبي موتورة

#إتحاد_الشعراء_والمنشدين

https://t.me/aboyahyaalshami

جمعة رجب ياخير جمعه ممجد
نستقبلك بافراح كبرا عظيمه

يوم الرساله قد اتت من محمد
دعوه الى الاسلام دعوه كريمه

والشعب لباها وكلن بها اسعد
كلن رضى الاسلام بنيه سليمه

يشهد لنا التاريخ في كل مشهد
رغم الضروف القاسيه والظليمه

با نحيي الذكرى ودايم نجدد
واحنا مع الباري بصدق وعزيمه

با نحتفل ونغيض به من تيهود
واسلامنا للواحد اكبر غنيمة

#صفاء_الحرازي
#إتحاد_الشعراء_والمنشدين

https://t.me/aboyahyaalshami