(( #تَايِيد_رَبّي ))

شعبنا الاحرار الاقحاح البواسل
ما انحنو للغزو أو هانو الجباه

حاصروه اعوام من كل المداخل
مــا تخاذل أو تقـهقر مــسـتواه

ما ركع مؤمن وله قايد مناضل
وإبن بدرالدين ما خـانو دمـاه

رغم جا الغازي وله شتى الوسايل
كـلها صـارت مِـن الله في بَـلاه

يقصفون أعوام لاطفال وعوايل
قـد تكالب كل مـن ربـي عَـماه

العرب جاب العجم والغرب كامل
والمنافق جاء مع حلف الطغاه

ما تـرك ربـي في الدنيا قلائل
دامـهـا متمسكه به لا ســواه

لا وهن قال العلم لا . لا تخاذل
لا تراجـــع يالرجاجـيل الاُبـاه

جـاد شـعبي بالـقوافل والقبايل
كـلـهـا لـلـه ولـــديـنـه فـــــداه

واجهو أعتى المدرع بالجرامـل
شعب ما يخضع لهفوات الغزاه

يمكرو حـلف الـعماله والأراذل
لاكـن إن الخير في مكر الإله

قـد أخـذنا ثأرنا من كل قـاتل
شرع ربي كل من ياخذ جزاه

قـد بدى تأيـيد ربي فالسواحل
ومأرب النصر المؤزر في سـماه

عشت شامخ سيدي كل المرحل
أنت مَن ربي بذا الوقت أصطفاه

قودنا نَحو العُلى والمجد واصل
نِستَعِيد ما راح مِن عِـزّه وجـاه

#أبوإسماعيل_الجابري
#إتحاد_الشعراء_والمنشدين

https://t.me/aboyahyaalshami

(( #تَايِيد_رَبّي ))

شعبنا الاحرار الاقحاح البواسل
ما انحنو للغزو أو هانو الجباه

حاصروه اعوام من كل المداخل
مــا تخاذل أو تقـهقر مــسـتواه

ما ركع مؤمن وله قايد مناضل
وإبن بدرالدين ما خـانو دمـاه

العدو جانا على شتى الوسايل
كـلها صـارت مِـن الله في بَـلاه

يقصفون أعوام لاطفال وعوايل
قـد تكالب كل مـن ربـي عَـماه

العرب جاب العجم والغرب كامل
والمنافق جاء مع حلف الطغاه

ما تـرك ربـي في الدنيا قلائل
دامـهـا متمسكه به لا ســواه

لا وهن قال العلم لا للتخاذل
لا تراجـــع يالرجاجـيل الاُبـاه

جـاد شـعب العز برجاله قوافل
كُــلـهـا لـلـه ولـــديـنـه فـــــداه

واجـهو رتل المدرع بالجرامـل
شعب ما يخضع لهفوات الغزاه

يمكرو حـلف الـعماله والأراذل
لاكـن إن الخير في مكر الإله

قـد أخـذنا ثأرنا من كل قـاتل
شرع ربي كل من ياخذ جزاه

قـد بدى تأيـيد ربي فالسواحل
مـأرب النصر المؤزر في سـماه

عشت شامخ سيدي كل المرحل
أنت مَن ربي بذا الوقت أصطفاه

قودنا نَحو العُلى والمجد واصل
نِـستَـعِد ما راح مِن عِـزّه وجـاه

#أبوإسماعيل_الجابري
#إتحاد_الشعراء_والمنشدين

https://t.me/aboyahyaalshami

المجاراة الرابعة بعنوان #طوفان_الأقصى

البداية #الشاعر_نضال_حُميد

اين الحميه ياشعوب الأمه
وين الأخاء يالعالم الأسلامي

غزه تنادي كل مؤمن باسمه
للبوا ندا الجرح العميق الدامي

من عاد في قلبه لغزه رحمه
للبى الندا مادام عاده حامي

وقفه وردت فعل واقوى هجمه
ضد الكيان الغاصب الاجرامي

#ابوبحر_علي_احمد_مطر

شعب اليمن وقّع و حطّ البصمة
في موقع العز الرفيع السامي

مقاومة كلّن يوجّه سهمه
نحو العدو ارمي معي يا رامي

بمستوى الموقف و معنى الكلمة
ماهي دعاية أو شعار إعلامي

ذي ما صحي لليوم يفحص دمّه
يختار -o أوصهيون +o أوقسامي

#الشاعر_فرحان_السلامي

بسـم اللـه الرحمـن قبـل الزحمـــة
لبيـــك يـالأقصـــى بكمّــن رامـــي

دون لنـا التـاريـخ يـا ابـو شــرمــة
و افرض على الاعراب امر الزامي

يـا أمّــة الإســلام نشتــي حـزمــة
لنصـر غـــزة بـالجهـــاد السـامــــي

لابــد مـا يسقُــط شعــار النجمــــة
و يـرتـوي حـد السـلاح الضــامــي

#أبوإسماعيل_الجابري

طوفان يجرف صانعين الظلمه
وغطرسة محتل زاد إجرامي

وكل مؤمن حر باذل دمه
من أجل نوصل لى هدفنا السامي

واليوم ابو جبريل حيا شمه
أثلج صدور العالم الاسلامي

#فارس_المعزبي

الدّم واحد والجسد واللُّحمه
والصَّف متوحد(يماني)(شامي)

با نقتسم خوض الحرايب قسمه
رامي من (الاقصى) ومنّا رامي

دَمّ الخوي دَمِّي ودَمِّي دَمَّه
والود باقي والأخا متنامي

هذا وتُبــرا يارجال الذمه
من خاين الاقصى بكل ايامي

#بندر_السقاف

ماحد حمل مثل اليماني همه
ويشاطره دايم مدا الايامي

قضية الاقصى جرت في دمه
وشعوب الامه ذلها الحكامي

الكل يثبت في حظوره باسمه
القدس تحريره وجوب الزامي

ومن تخلف بايجي له قسمه
والقدس بعد اليوم لن ينضامي

#ناجي_القطيبي

غيرة هَلَ الايمان واهل الحكمه
لها صدى عند العرب متنامي

لاحد يقول احنا نشكّل زحمه
رمياتنا ماقد رماها رامي

واحنا لامتنا اعدنا اللحمه
بين اليماني هو واخوه الشامي

ونصرنا في ظل هذ، الازمه
حتمي على اقطاب الصّراع الدامي

#يحيى_الوحيشي

قد العرب يا صاحبي مهتمه..
بالهالوين وكل فعل اجرامي..

اما الاخاء يتقربون بدمه..
في مسرح التطبيع جهر اعلامي..

كل العرب ما عاد معهم ذمه..
ولا ضمير(ن) حي يروى الضامي..

الا اليمن بإيمانهم والحكمه..
ذي سيفهم في(عوز ناحل)حامي..

#أبوصياد_الغمري

واجب على الابطال شحذ الهمه
نلبي الاقصى بكـــــــل إقدامي

من ضل ساكت مابقي له ذمه
عن فعلت إسرائيل والخدامي

من كان يجري العز داخل دمه
لازم يلبـــــــي دينه الإسلامي

يفزع مع غــــــزه ويفتح فمه
لايرتضي صمته على الإجرامي

#عزالدين_جحاف

طوفان الاقصى بايشد الهمه
ويمدنا بالبأس والإقدامي

يوصل الأمة لأعلى القمة
من الكرامة والمقام السامي

من ينتمي للدين يأخذ سهمه
يدعم سرايا القدس والقسامي

وشعب الايمان القوي والحكمه
مواقفه تشفي من الأسقامي

بلبل النصر #حسن_المهدي

اتـجـرعي يــا تــل ابـيـب الـنـقمه
واتـبـغمي مــن غــزه الـمـرجامي

ضاقت على شمطا الخليج اللثمه
فـي مـشهد اتصدر قبيح اجرامي

والـطـبـخه ايــاهـا وذات الـبـرمه
عـلـى الـعـرب والـعالم الاسـلامي

وكــل مـتـصهين يـكن فـي عـلمه
طـوفان الاقصى ما يحده حامي

#أبوشوامخ_الوعل

من يدعي لسلام شد الهمه
مع اخوته يوقف بموقف سامي

نحو العدو كلن يوجه سهمه
يا مسلمين الامر هاذ الزآمي

يا ذي تسوو كل ساعة قمه
ذي ما وقف جنب اخوته ملتامي

ماحد وقف منهم ولا ادا كلمه
حبوا المذله اغلب الحكامي

من غير حزب الله وشعب الحكمه
نال الشرف من قايده مقدامي

#ضيف_الله_هجوان

ماعاد باقي في العرب غير اسمه
ودم العـــــروبه ما بيروي ضامي

من كــــــــل دوله ماسمعنا كلمه
ضد العـــــــدو وفعله الاجرامي

الا اليمن الله يقـــــــــوي عزمه
ويديم ربي قايده والحـــــامي

ماقاله السيـــــــــــد براءة ذمه
من الجانب الحربي والاعلامي

#الشاعر_ابوجهاد_صبر

من موطن الإيمان وارض والحكمه
لبيه يا داعي النكف قُدامي

نحوك بـ أشدّ العزم هو والهمه
يا قدس وافدي تربتك بـ إعضامي

قد قال رب العرش وصت الختمه
فرض الجهاد للمسلمين إلزامي

ذي هاتفه خارج نطاق الخدمه
اتاكد إنه لليهود إعلامي

#محمد_الاخرم

جهاد لمّا يحكم الله حكمه
نذود عن مسرى النبي ونحامي

وكل مؤمن حُر يشحذ عزمه
ناخذ بثار القدس والايتامي

الله خلقنا لليــهودي نقمه
وسلاحنا لدماء اليهودي ضامي

كاتب يشارك في المعارك قلمه
ويشارك الشاعر مع الإعلامي

#الكرار_المشراقي

نادا المــنادي يارجــال الهــمه
منهو لاخذالثارعاطش ضامي

لــثــأر غزة بايــجـــدد عـزمه
تطهير لاسرائيل والاقزامي

في صف واحد نجتمع وبكلمه
ضد الكيان الظالم الاجرامي

ثوروعلى الباطل ودوسوخشمه
في كل ميدان حربي واعلامي

#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

المجاراة بعنوان القدس تصرخ

البداية #بندر_السقاف

سبعين عام القدس تصرخ ياعرب
واصواتها كلت ولابه من يجيب

من يوم ساد اشعوبكم كمن ذنب
سارو ذنب يتبع ذنب لا تل ابيب

لاكن نبشركم بطوفان الغضب
ياحاملين الذل والصمت المريب

بانقلب اسرائيل راس على عقب
ياقدس جاك النصر والفتح القريب

#جبر_المسعدي

تبت يدى سلمان وولاده وتب
ذي لغمو بين القديمي والعسيب

وفرقو بين السواعد والعصب
وسببو عله عيي منها الطبيب

وان حد نقدهم بايقولو له شتب
(بين اخوتك مخطي ولاوحدك مصيب )

هذا ويصحاب المقبب والجعب
لاتلقو المندب لقوات الصليب

شب النفير العام والوعد اقترب
وشمس حيفاء والنقب هي باتغيب

من قال حقي يابني عمي غلب
والذيب مايرضى بشي وجعه لذيب

#ناجي_القطيبي

القدس ضاقت بالكيان المنتدب
ومن قساوت جور عبّاد الصليب

صاحت ولاسمعو قليلين الادب
ذي باعو الامه لمستعمر غريب

واحنانقول الان لك ياقدس رب
ويوم شمسه في فلسطين ماتغيب

بشّر نتن ياهو بسوء المنقلب
يجهّز الشّعب اليهودي للنّحيب

#هادي_حسين_الرزامي

اي والله إنا قد صبرنا للكرب
واليوم طوفان الغضب يهدر صخيب

على اليهود اجتاحهم نار ولهب
والله أكبر فوقهم نصرب صريب

الكل ولى الدبر في ذله هرب
على الورى تشقلب وتسمع له نحيب

#أبوإسماعيل_الجابري

شعب اليمن للدين والاقصى وهب
ماله وروحه كل لحضه مستجيب

لله نتجند صواعق من غضب
نكسر قيود الصمت والحال المريب

ولو يسيل الدم لى فوق الركب
ما با يضلي مضطهد في تل أبيب

والذل والخزي انطوى لابولهب
واحفاده الأعراب خدام الصليب

#صالح_النقيب

جهادنا فلقدس هو واجب يجب
لبيك يامسرى النبي طه الحبيب

لا بد يرجع كل ماهو مغتصب
ماراح بالقوه فما يرجع بطيب

العز هو فلبندقيه والجعب
والجيد هو يثبت في الوقت العصيب

لا لتفاوض والتخاذل ياعرب
ياذي مسين الكاهن الوبي طبيب

#سيف_حسن_العامري

تبت يدا حكام. امتنا وتب
ذي مابهم غير الصفات اللي تعيب

ياقدس صبرا فاالسلا بعد التعب
وباالمتارس جرح قلبك بايطيب

لجلك جيوش الله رميان السلب
ياالقبله الاولى ويامسرى الحبيب

متسلحه متجعبه تلهب لهب
مستنفره تشهق غضب تزفر لهيب

باتدخل. اسرائيل سؤ المنقلب
في يوم حامي مايشوفو له مغيب

#علي_جارالله_داشع

لبيك ياقدس العـروبه والـعــرب
من شعب في كل القضايا مايغيب

ابشر وحـنا لجــلكم عند الطــلب
ياغزه العـزه ويالقــدس الحبيب

قدهي على الصهيو ليا حد الرقب
بانمسحه والوعـد من ربي قـريب

نلــبس كفنــا والبـنادق والجــعب
ماعاد بقي شي بعدما شفنا الغريب

#الشاعر_ابوجهاد_صبر

تـبـت يداء بـعـض الـعـرب إلا وتب
وسـوّد الله اوجـاهـهُـم ذيــهــي تخيب

كـم قـد لــ.غزة تصتلـي بـيـن اللهب
ولا احـد اتأثر عـلا مـسـرى الحبيب

لا شـافـواء الـنـيـران زادوهاء حطب
فـيـهـم ديـانــه مثـل عُـبّـاد الصليب

قــال الـمـثـل يـاذي إلا الغرب استحب
بين اخوتك مخطي ولا وحدك مصيب

#ابـومـازن_الـرازحـي

لبيك(ياقدس)اليمن تحت الطلب
وبـوصلتنا باتجـاهـك يالحبيب

لولا الفواصل من دويلات الحطب
إن القـوافـل والقبايـل ما تغيب

وابشر فقـائـدنا بعـوده ما كذب
والكل لامره منتظر أمر الصريب

#محمد_البريهي

قولوا لخدام المراقص والطرب
ذي في خليج العار تسجد للصليب

وين العواصف والتحالف والخطب
والقدس بالدم الزكي الطاهر خضيب

لعنه عليكم يا صهاينة العرب
القدس ناداكم ولكن لا مجيب

قوي من بالله للقوة طلب
ومن يقل يارب عونك مايخيب

#محمد_ابوالعز

الله اكـــــــبر تبت ايديــــــكم وٮَب
الڡُدس نــاداكم و لا بــه من يجيب

المـــــوٮ لامــرٮـڪا وحكام العرب
المـــــوٮ لاســـرائٮـل تتفجر لهيب

طوڡان الاڡَصى شعلل الامه غضب
الله ٮـِلعن من يـــــــــوالي ٮَل اٮٮِٮ

الوعـــد الاخــــر يا ڡلسطٮن اقترب
الٮصر للاســـــــلام و الفتح القريب

#أبوحسين_العصري

أفضع جرايم وسط غزة ترتكب
شعر الطفولة من هوايلها يشيب

الطفل وأمه يقتلوا وسط اللهب
والقتل بالآلاف والباري حسيب

دم الضحايا قد وصل حد الركب
ماحد سلم حتى المشافي والطبيب

ماحد قتلهم غير خذلان العرب
قبل القذايف صمتهم شب اللهيب

#ابوشهيد_القطمي

جيناك يا غزة ولا فينا نصب
الكل متحزب لزينات القصيب

ما ينصر الأقصى سوى كمن شنب
واحنا لها من كل جانب نستجيب

ذي هو ذنب يبقى مدى عمرة ذنب
والذيب يبقى دايما يا قوم ذيب

تبت يدا العربان يا غزة وتب
اذناب امريكا و خدام الصليب

#ابوكنعان_الروس

الذل والأذعان فيهم والجرب
وبعضهم ملعون بالتطبيع أصيب

والأغلبيه داخل أمريكاء أغترب
وصبح نتنياهو عشيقه والحبيب

لكن فا الطوفان تجد كمن شنب
تلقن أسرائيل من زين القصيب

من غير«ابوجبريل»ياعربان ضرب
وأسمع العالم باأسره عن قريب

#إتحاد_الشعراء_والمنشدين

https://t.me/aboyahyaalshami

المجاراة بعنوان #غزة_العزة

البداية #أبوعساف

غــزه الـعـزه عـلـيها الـسـلام
بيضت وجه العرب وحدها؟

والـعرب في تفرقه وإنقسام
حــد مـعا غـزة وحـد ضـدها

يـمنعوا عنها الدواء والطعام
لــكـن إيـــد الله فــي يـدهـا

#ضيف_الله_سلمان

صامدة خمسة وسبعين عام
بالثبات الله ذي مدها..

شامخة واطفالها فالركام
تسحق اسرائيل وتصدها..

مرغت انف اليهود اللئام
مثلما كانت على عهدها..

#أبويوسف_القاري

تستحق المجد والاحترام
والعنوا ذي ماوقف عندها

بارك الله في يمنا وشام
والممالك نعنبو جدها

واليمن جاهز لخوض المهام
يوم وعد الاخره قدها

#ماجد_رشدان

قالها قدام عشرين عام
ذي بنا الامه ولي عدها

عز الامه وامنها والسلام
في بنادقها وفي حدها

ذرية مرحب عيال الحرام
عاقبتها عاقبة جدها

#محمد_أحمد_مفلح

خط الاقصى للامام الامام
والنشامى حافظه وعدها

والكرامه للرجال الكرام
والمذله عبدها عبدها

ضد غزه يا عيال الحرام
نعنبا من هو وقف ضدها

#عماد_العملسي

عينها ماقد تهنت منام
والمدامع شوهت خدها

والعرب في صمت مخزي وتام
ودها لاكن ولا ودها

جعل يبكن زاهيات الثام
لاتركناها وهي وحدها

#هادي_حسين_الرزامي

آمنت غزه برب الأنام
حين شافت جارها ندها

آمنت وتوكلت واستقام
امرها واشتد به عضدها

ثم نصرها الله ضد اللئآم
لاجل تاخذ عزها وحدها

#وضاح_الحميصي

غزة الغـــــزوة وخط الامام
تحت اشد القصف مااشدها

لو يضام الكـون حاشا تضام
اسئل التــــاريخ عن مجدها

ماتردت فالخطوب الجسام
صامده ومصعـــــــره خدها

#مانع_البوساني

للأمام يااخوانناء للأمام
في فلسطين ارفعوا مجدها

بالصواريخ الجسام العظام
دقوا اسرآئيل في كبدها

اقصفوها واجعلوها حطام
بعدها ياابطالنا بعدها

#فارس_المعزبي

اوقفوا من اجل غزة قيام
واسجدوا لله في خدها

قدِّموا للقدس فيها تمام
عن قوىٰ صنعا وعن جُندها

غزة الحصن الذي لا يضام
أرتجف صهيون من رعدها

#بندر_السقاف

طاف طايف يوم كانو نيام
بالهدئ رب السماء زادها

نور يوم السبت زاح الضلام
والنهايه جات في وعدها

طاحت اسرائيل مسك الختام
وباتطيح الامركه بعدها

#أبوإسماعيل_الجابري

سلامنا ما شن مزن الغمام
ياحماة الأرض من حدها

قارعت للكفر سبعين عام
والعرب جمعا وقف ضدها

غير الاحرار العزاز العضام
ما تخلت عن شرف مجدها

#ابوليث_المحضار ..

يالمقام اللي تعلّى الكلام
والحروف اليوم كم جهدها..

عز ياغزة وقمة سنام
عزة الامة بدت عندها..

يوم عالمنا رضخ لـ للئام
انبرت له بالاباء وحدها..

#ناجي_القطيبي

غزّه ارض الفاتحين الكرام
نفذّت للمسلمين وعدها

استقصّت من عيال الحرام
واذهلت فى المعركه ندّها

نالت التّقدير والاحترام
يوم لاح النّصر من عندها

#صالح_النقيب

وعدنا ماهو مجرد كلام
محور أبطال اليمن قدها

واصلي يقواسنا بسهام
خرقي صهيون في كبدها

والمدد من عاصمة قوم سام
من عطايا الله ذي مدها

ضيف_الله_هجوان

ياعرب كلن يشد الحزام
كل دوله تفـزع بجهدها

شعب غزه صاركله حطام
والطفوله يحترق مهدها

والعروبه غارقه في المنام
راقــــده ربي بحث سدها

#ابوشهيد_القطمي

في دروب العز ذروة سنام
ما حدا قادر يقف ندها

منها ذاق العدو السم خام
و الأمم تمسك على خدها

من جحيم الموت تحت الركام
تضرب اسرائيل في كبدها

#محمد_البريهي

أكثر الحكام عنها نيام
صعرت عما جرى خدها

بذلها مسرى نبينا يضام
تدعم المحتل بكل جهدها

خادمة للغرب دايم دوام
وذكر أمريكا بقى وردها

#زياد_زيد

باتنـال العز واعضـم وسام
يشهـد التاريخ عن مجدهـا

فالميادين واصلـت لقتحام
فوق الاعدا قدمت جندهـا

بسيوف الصارمـه والسهام
صابت اسرائيل في كبدهـا

#الشاعر_ابوجهاد_صبر

دوم غزه في جميع المهام
مـن دماها خضّبت مجدها

تمتلك عـزه ورفـعـت مقام
قـط مـابــه قبلها او بعدها

خلّت الهامات فـوق الغمام
اشهد إنـهاء يـاعـرب قدها

#أبوحسين_العصري

بين غزة والجحيم انسجام
تسحق الارتال و تبيدها

الزحازيح القروم الكرام
تضرب إسرائيل في جيدها

منها صهيون عيا ينام
و موته الغازي على حدها

#ابومحمد_دحان

في خنادقها صواريخ سام
تلطم اسرائيل في خدها

جاهزه في صد وإلا اقتحام
ما اشعلوها إلا وهم قدها

رغم كبر التضحيات الجسآم
ثابته دايم على وعدها

#ابوكرار_المجنحي

غزه التاريخ وأعلى مقام
وسئلو عنها وعن مجدها

والحيود الشامخات الجسام
شاهده كم واجهة وحدها

والعرب في الذل سبة نيام
واليمن باقي على عهدها

#ابوحيدر_عامر

عزة العزة ديار الكرام
غزة اللي ماحدى قدها

مقبرت جيش اليهود اللإم
مجدها منحوت في خدها

قلعة التاريخ ذروة سنام
والنشامى حارسه حدها

#ابومصطفى_الرضي

غزة اليوم ماضيه للأمام
فاجأ العالم صدى ردها

قالها السيد عليه السلام
لن تواجه (بايدن) وحدها

طار (طوفان) اليماني وحام
يضرب اسرائيل في كبدها

#إتحاد_الشعراء_والمنشدين

https://t.me/aboyahyaalshami

المجاراة بعنوان تضامنّا الكامل مع #قناة_الميادين بعد قرار الكابينت الإسرائيلي بحظرها في فلسطين المحتلة.

البداية #نشوان_الغولي

با تستمري يا قناة الميادين.
صوت الحقيقة و الحقيقة لها اثمان.

يا الناطق الرسمي بصوت الملايين.
و منبر الأحرار في كل ميدان.

#سامي_عبيد

ولا قرارات اليهود الملاعين
بايخرسوا صوت الكرامه (وغسان)

وبا تبث أخبار كامل فلسطين
رجالها في كل ميدان فرسان

#وضاح_الحميصي

ياصوت موسى في زمان الفراعين
واقوى عصا تقضى على كل هامان

تخسى البنود الغربيه والقوانين
لن يسكت اهل الحق لو كان ماكان

#ابو_جبر_العبيدي

يشتوا يغطوا ما حصل للمساكين.
من قتل و استهداف ظلماً و عدوان.

بالضوء الاخضر من رعاة البعارين.
و مصر و الاردن و تنظيم الاخوان.

#أحمد_درهم_المؤيد

اخبارها هزت عروش الشياطين.
في ظل هجمة فوق غزة و خذلان.

قناة تجعل كل الاحداث في عين.
و العين الاخرى منهجية و قرآن.

#ضيف_الله_سلمان

صوت (الجزيرة) غير صوت(الميادين)
والفرق شاسع بين (فيصل) و(غسان)!!

كتايب القسام من (آل ياسين)
والموت لاسرائيل من (آل عمران)!!

استهدفوا قبل (الميادين) (شيرين)
شنوا عليها حرب كبرى وعدوان..!!

#محمد_مفلح

الخاسر إسرائيل من غير تخمين
صوت الحقيقه من يعاديه خسران

لا بد ما تنقل قناة الميادين
بث انتصار الحق من كل ميدان

صهاينه لا عهد فيهم ولا دين
واصغر يهودي يعمل اعمال شيطان

#عبدالباري_عبيد

قناة في خدمة قضية فلسطين
متفانية وأغلاقها خير برهان

من صدقها الواضح بكل العناوين
يشاهدوها أغلب الإنس والجان

#جميل_الكامل

باتستمري يا قناة الميامين
وتشهدين النصر والنصر قد حان

وتوثقينا حين ندخل فلسطين
وترافقي الأنصار في كل ميدان

#أحمد_كتاف

المعركة معركة خيبر وصفين
اكبر سلاح لها مع الله لايمان

صوت القناة اقلق حياة ابن يامين
في صدقها كل البرامج لها شان

#محمد_يحيى_بلابل

إلى ميادين الإبا ياالميادين
لن توقفي مادمت للصدق عنوان

لن يستطيع الغرب يلغي فلسطين
ما دام به غسان وامثال غسان

#أبورواسي_أرحب

لوأحتوت في بثها قول (آآمين)
كان الكيان أعطئ لها بث مجان

لكنها أتعنت بكشف البراهين
لنا وأدت دور هدد سليمان

شاعر الاحرار #ابوالعباس

يا صوت يفخر به مئات الملايين
واصداه يتردد على كل الآذان

ما غلقوش المعتدين الملاعين
الا من التاثير في كل ميدان

دومي بعزش يا قناة الميادين
واترددي في كل لحظة ومحيان

#مختار_حمود_عبدالمغني

صوت الحقيقة صاح منها الملاعين
كانت عليهم مثل صولات بركان

با يقلب الطوفان كل الموازين
جولة على الشاشة وجولات ميدان

#سيف_حسن_العامري

فليخسئ احفاد القرود الملاعين
عين الحقيقه غير عن كل الاعيان

مادام للقسام عين الميادين
طوفانهم باينجب الفين طوفان

#ابوسياف_البيحاني

صوت الحقيقة يا قناة الميادين
يشهد بصحة علمها كل انسان

قناة حبتها قلوب الملايين
لكل طاقهما سلامي له الآن

#ناجي_القطيبي

قد اليهود اليوم مثل المجانين
حسو بكابوس الهزيمه من الان

ارعبهم اعلام الرجال. الميامين
نشر جرايمهم على الانس والجان

#فارس_المعزبي

آخر تفاصيل الخبر والعناوين
مع الميادين الوفا خير برهان

اهل اليمن في كل فزعة مضامين
يتسابقوا للطارفه شوق واحسان

#هادي_حسين_الرزامي

الله أكبر واهتفي يابراكين
في وجه صهيوني ومارد وشيطان

والموت لامريكا تردد ملايين
والموت لاسرائيل في كل محيان

تبقى المسيره صوتنا والميادين
مايعترضها كابنت طول لزمان

#أبوإسماعيل_الجابري

تخبط الصهيونية وابن يامين
من عجز متخفي في الحرب خسران

مكر الطغاة أعمى عيون الملاعين
ومكر ربي فاق عن كل إنسان

#الشاعر_ابوجهاد_صبر

بٓثِكّ لِما يحصل فـي أبناء فلسطين
من قصف مـن تدمير ضلماً وبهتان

هو فرض من ربي وسنه من الدين
وفـخـر لِكّ فـي كل مٓخّتِم وعنوان

#الشاعر_جبر_المهدمي

قرار ..إسرائيل واولاد. رابين""
مابايهزك يالميادين باإعلان"

ياصوت للمستضعفين المساكين
ياصورة الواقع حقائق وبرهان

#أبوخارف_ابوشوصاء

يامنبر إعلام الرجال الميامين
يغتاظ منه كل خاين وشيطان

الحق واضح في الخبر والعناوين
وبثها كله دلائل وبرهان

#ابوحمزه_المقاش

بـشـمـوخ غـزه يـا قـنـاة الـمـيـاديـن
سـيري وزفـي مـنـهـجـش عبر الازمان

صـوت الـكـرامـه يـا وقـود الـمـياميـن
مـنـبـر كـرامـة كـل ضـارب وطـعـان!!

#ذوالفقار_سفيان

بـا تسـتـمـري رغـم انـف الـموالين
لامريك وإسرائيل من انس او جان

بالحق با ندعس رؤوس الشياطين
محور مـع الله الـقـوي شـد بنيان

#علي_محمد_المحاقري

صـوت المسيره والـمـنـار والـمـيـاديـن
واضح وضوح الشمس في كل ميدان

أمّـا الحدث بـوق الـطـغـاة الـمـلاعـيـن
تنعق بـعـكـس الـواقـع الـحـاصـل الان

#ابو_تمام_الخراشي

صوت الحقيقه في قناه الميادين
تحكي وتفضح بالصور كل شيطان

فيها بشاير تشفي اصدور واعين
وتغيض كل الصهينه والمريكان

#إتحاد_الشعراء_والمنشدين

https://t.me/aboyahyaalshami

المجاراة بعنوان احتجاز السفينه الاسرائيلية في البحر الأحمر نصرة للشعب الفلسطيني..
#هذا_هو_الاسلام

البداية #أبوعدي_الحاكم

الليله العـالم تزايد رطـينه
على السفينه مايهمو فلسطين

قد بايقولو إن هذه السفينه
الي مسكتوها لخمسه مساكين

قلنا كلوها ناجحه او عجينه
هذه سفينه تابعه للملاعين

سبق وحذرناه وقته وحينه
واتجاهل التحذير من آل ياسين

#ضيف_الله_سلمان

هذا هو الاسلام حيا دنينه
مواقفه عزة وقوة وتمكين..

بالله نتحدى مريكا اللعينه
وحربنا معها من الفين واثنين..

في ظل قايد جا من اقصى المدينه
يجسّد المعنى الحقيقيّ للدين

مقدام في الميدان صحّت يمينه
ولا تراجع مثل سبعه وخمسين..!!

#أبويوسف_القاري

قد حذر السيد وأشر ب عينه
وقال مايمكن نغمض لنا عين

ولا مد للتحذير ب اصبع يمينه
شوف النتايج واقعه بعد يومين

لن تسلم اسرائيل ضربةيدينه
جده علي لا قدهم اليوم ناسين

ذي دك خيبر في بداية سنينه
بايفتتح خيبر 23

#وضاح_الحميصي

العز للباري ومن عز دينة
والبحر حتمية هلاك الفراعين

موسى بنفسة والعصاء في يمينة
نفس القصص نفس السنن والمضامين

غزة بتنزف دم غزه حزينة
غزة دما واروح غزه جثامين

لوشاف فرعون المجازر بعينة
لاكان يستنكر ويحتج ويدين

#بندر_السقاف

‏حرام مانهداوالاقصى حزينه
لاقوالنا تثبت فعول البراهين

اخذ السفينه قبل اخذ المدينه
خذي قراهم واطبقي يابراكين

الصبح موعدهم وفي يوم زينه
حرام لانشفي صدور الملايين

هو بايقع صلخ العجول السمينه
وباالعصى باينفلق طور سينين

#فارس_المعزبي

وين السفُن والحاويات الثمينه
نهدي لها يابحر نار البراكين

أو نختطفها كلها لا الخزينه
افضل من الغنَّاي (وين الملايين)

الناس من طينه ونُطفه مهينه
واحنا من الباروت قُل للمجانين

نهجم لصيد الفارعه والسمينه
مثل الاسد يهجم لغُزلان تشرين

#ابو_ميثم_الزراع

بانجعل اسرائيل ترقد بحينه
وأنفها بانغرسه دعس في الطين

السيد اتحرك وربي ضمينه
والشخص هذا غير كل السلاطين

لاقال دوري وارجعي ياسفينة
قالت عُــلُـم وابشر وحاضر وذلحين

وان هي تبى التهريب مضّـى يمــيــنه
اما قصفها او أسرها فريقين

#عبدالواسع_صايل_الغولي

نادى المنادي في اليهود ١للعينة
نهاية اسرائيل على ايدي اليمانين

قال المثل بداية الغيث زنينة
واحنا تبدينا بدى خير وثمين

اذا نوينا الصيد صدنا السمينه
مش مثلكم زادت على دينها دين

الليث حذركم وهو في عرينه
وانتوا تماديتوا بقتل المساكين

#سلطان_خضران

قد قالها السيد وهم عارفينه
لاقال يفعل مايقول الصهايين

جده علي لاشــك باب المدينه
اللي فتح خيبر وهو ارمد العين

واحنا جنود الله وانصــار دينه
شيعة علي احنا من اول وذلحين

اداهـــم الله لا ايادي امـــــينه
بايدو الجزيه وهم غير راضين

#الشاعر_جبر_المهدمي

هذه بدايات المطر بالزنينه!!!
والمعركه فيها الرجال الميامين

جائت لنا فرصة من الله ثمينه
نقلع بني صهيون "محنامراعين"

واهل العقول الفاهمه والرزينه
ذي يفهموهاصح ماهي تخامين

لاهم "يبون" الأمن والا السكينه!
لاعد نرى صهيون داخل فلسطين

#الشاعر_عبدالحكيم_ابوهاشم

ابن اليمن ما ياخذ الا السمينه
غينمته من فوق مليار واثنين

وفوق هذا عاد بـاقي رهينه
عشرين صهيوني والافراج بعدين

والقادم اعظم عدبه اشيا ثمينه
تركع اسرائيل تستخدم اللين

يخوضها السّـيد وربي يعينه
واحنا معه وقت الطلب بالملايين

#هادي_حسين_الرزامي

ياحي طاري من تمسك بدينه
ولبس سلاحه واتجه للميادين

وبايع السيد وقدم جبينه
وقام يصرخ في وجيه الملاعين

وجاهد امريكا ببحره وطينه
وجاهد اسرائيل ينصر فلسطين

ومكنه في البحر يأسر سفينه
ويقصف اسرائيل من حين لاحين

#رامي_السوداني

ايش من سفينه باقي الفين سفينه
عادي طويله وين ياوينك الوين

عاد الاسد ماقد خرج من عرينه
مالو خرج دق الملوك السلاطين

هذه اليمن أم الصفات الحسينه
وأرض يسكنها الرجال الميامين

من ضرب ابو جبريل طالت سنينه
ذي ماترك غزه لظلم الشياطين

#عبدالحكيم_مسعد_النمري

باننتزع قلب اليهودي ووعينه
واقسـم بربي لايذوق الأمرين

لاما لعنا والدي والديـ ـنه
لاعاد فينا لاعروبه ولا دين

شفتو مدى حقده لنا والضغينة..
شفتو مجازر قصفهم في فلسطين؟

ها والله انا بانركّـع جبينه
بحق دم اطفالها والمسنيين

#الشاعر_ابوحيدر_عامر

وبقوة اﷲ قد غنمنا السفينة
والقادم أعظم يا عيال الملاعين

عبدالملك ليث الوغا في عرينه
جده رسول الله ليث الميادين

أفعال قبل أقوال تسلم يمينه
عبدالملك ذي بايحرر فلسطين

كرار فالميدان حيى دنينه
قايد الأنصار من اال ياسين

#أبوإسماعيل_الجابري

الذيب ما يصطاد غير السمينه
ابن اليمن صاب اليهودي في العين

شعب اليمن مثل الأسد في عرينه
وكلنا من أجل الاقصى مضحين

السيد القائد مناصر لدينه
وكل مؤمن قال تحيا فلسطين

ولكل ردة فعل وقته وحينه
ما با نناشد بايدن وابن يامين

#إتحاد_الشعراء_والمنشدين

https://t.me/aboyahyaalshami

المجاراة بعنوان الجهاد وعظمة الشهادة وتضحيات الشهداء وثمار تضحياتهم.

البداية #الشاعر_ابوحيدر_عامر

عزة الأمة على درب الجهاد
والجهاد أعظم فريضة والسلام

والشهادة منحت اﷲ يا جياد
ماينالوها سوى القوم الكرام

في خطى أعلام الهداية والرشاد
كل غالي قدمو مثل الإمام

#محمد_البريهي

الجهاد الفرض والفرض الجهاد
والشهادة منحة الله والمرام

من يزيد العز سبح عالزناد
طالما مافاد للأمة سلام

والولا والسمع لك والإنقياد
يا أبو جبريل ما بعده كلام

#ابوسياف_البيحاني

الشهادة فوز من رب العباد
واصطفاء ماهي عل كثر الكلام

الخلاصة من مع الله استفاد
يرفعه ربه الى أعلى مقام

اهدنا يارب الى درب الرشاد
واعف عنا في البداية والختام

#ابوعيسى_هيسان

من ثمــار التضحيـــه قمع الفساد
وانبـــــــــلاج النور من بعد الظلام

والجهاله روحت والوعــــــــــي زاد
والعـــــــــــدى للخلف واحنا للأمام

واشهد ان الأمن في ذا الشعب ساد
والدول تبحــــــــث معانا فـ السلام

#أبوإسماعيل_الجابري

قال ربي قوم للاعدا شداد
ذي هم اتباع النبي خير الأنام

والشهادة مُنحت الله للعباد
من بذل واعطى وقدم واستقام

من ثمار التضحية تهنأ البلاد
بالإباء والعز واستمرار تام

#عدنان_جحوح

الشهادة نيلها خوض الجهاد
ضد الاعداء في فطر ولا صيام

جاهدوا من عاث في الأرض الفساد
وابذلوا الأرواح في يوم الزحام

تبلغوا نيل الشهادة فالسداد
من إله الكون خلاق الأنام

#جـمال_عــــوضه

من توفق واصطفاه رب العباد
بالشهاده ذي لنا اعــــظم وسام

نال فوزه في صفوف الإنقياد
واعتلى بالـنصر مرفوع المقام

والمسيره من دخل فيهااستفاد
من ثقافتها نرى القوم الـعظام

#الشاعر_ابوجهاد_صبر

الـجـهـاد اول فـريـضـه للعباد
والشهادة نيلهاء اعـظـم وسام

والشهيد الـحـي دمــي والمداد
عاجزه تـوفـي وصوفه بالكلام

ارتـفـع بـإدمـائـهُــم راس البلاد
من سُفال الأرض لافوق الغمام

#ابواياد_المطري

"الجهاد" اعظم فريضه واعتقاد
والشهادة منحة " البَرّ ،" السلام"

با نواصل في خطى خير العباد
وفق مشروع اسقط انواع الظلام

ضد أهل الظلم واعداء البلاد
لاجل نحيا في كرامة واحترام

#الشاعر_جبر_المهدمي

الشهاده عشقها وسط الفؤاد
لانها تكريم للمؤمن" وسام""

والدماء. الزاكيه عِز" البلاد"
والشهيد الحي في أرقى مقام

لعن ابومن عاش في ذل اوحياد
ولااشهاده فوز""فالموت الحرام"

#أبوحسين_العصري

في دروب العز قالوا لا حياد
ما خشوا مكر الطواغيت اللئام

جاهدوا الشيطان وأرباب الفساد
وأنفقوه الدم كي نحيا كرام

من ثمار التضحية أمن البلاد
نرفع البيضاء لهم في أرض سام.

#ضيف_الله_هجوان

الشهاده في سبيل الله زاد
نالها الاحرار في اعلا مقام

من بذل روحه مع رب العباد
ماعلى مثله نقاده او ملام

والحياة اعلامراتبها الجهاد
والشهيد عليه من ربي سلام

#ابوهمام_سليم_الفتاحي

عـز الامـه فـي مـيـاديـن الـجـهـاد
فـي الجـهـاد الـعـز يالقوم الكــرام

والشهاده فـوز يا لـقـوم  الـشـداد
فــاز مـنـهـو نالـهـا بـعـلـى وســام

سعد من جاهد وضحى واستفاد
خلف أعلام الـهـدى قبلي وشــام

#ابوكنعان_الروس

البصيره والبصيره والجهاد
ذروتك يادين الاسلام والسنام

والشهادة نالها كمن جواد
فرحين بما اتاهم الله من مقام

دمهم طوفان يجرف للفساد
ونور بدد بااليقين ضل الضلام

#محمد_ابوالعز

اســــالـك يا الله يا رب العبــــاد
ثبت اقـــدامي على درب الكرام

في سبيلك تجعل ايامي جهـ.ـاد
شوق شوقي نيل اعظمها وسام

بالنبي و الال اعــــــــلام الرشاد
تصطفيني بالشـ.ـهـادة والسلام

#الشاعر_عبدالحكيم_ابوهاشم

يا كاتب التاريخ سجّل بالمداد
كمن مجاهد ارتقى لـ افضل مقام..!!

ضيوف عند الله من قبل المعاد
احياء تُزرق من شرابه والطعام..!!

يغمرهم الله بالسعاده والوداد
بقاصرات الطرف في وسط الخيام..!!

#ابوحامد_جارالله

كل قطره دم صاروخ او مضاد
رُوح ترفع ترفع الأمه مقام

والنبي لولاء الشهاده يابلاد
ما خرجنا جيش من تحت الركام

بالمسيرة والعلم والاجتهاد
نجعل الأمه تغير للنظام

#أبـورمـاح_شـداد

الكرامه والسياده بالزناد
سلمها بالحرب والحرب السلام

والجهاد العز والعز الجهاد
والشهاده للكرام اعلى مقام

وعدنا بالنصر من بعد الشداد
والشهاده نورنا بعد الظلام

#أبوصخر_الجوحمي

فرض هو للدين سنامه والعماد
هو جهاد الكفر. ويهود اللئام

العطاء والبذل. صمام. الجهاد
والشهاده للشهيد. اغظم وسام

انطلق واجه. فلول. الارتداد
فاز واستشهد ونال اعلى مقام

#ابوفتح_الجرادي

منحت البـاري منحـهـا للعــبـاد
فوز للمؤمن وتحــقيــق المـرام

نالهـأ مــن سـار وتحـــرك وذاد
واجــة الكفار مـــاهـــمة مــلام

وانطـــلق لله طبــــق مــــااراد
في سبيل الله مــــاهمة حـطام

#إتحاد_الشعراء_والمنشدين

https://t.me/aboyahyaalshami

المجاراة عن الاحداث الآخيرة في #البحر_الأحمر

البداية #ابوصالح_العملسي

في البحر با نغرق منافق وكافر
بقوة الله يا القوئ المعتديه

شعب اليمن خمسين مليون ثاير
جاهز لخوض الحرب لجل القضية

يا شوقنا للحرب معكم مباشر
في معركة إقليمية مفصلية

#ضيف_الله_سلمان

على ثقة بالله والله قاهر
والوعد وعده والمواقف جلية..

واحنا توليناه باطن وظاهر
ومن تولى الله فالله وليّه..

والجيش الامريكي بلا شك خاسر
بالله سبحانه ثقتنا قوية

#عبدالله_الجرفي

يا شعب قل للصهينه لاتغامر
الدم فاير والقضيّه هويه

تحذير مممنوع اقتراب البواخر
من بحرنا امشو في الطريق الدليه

والنابي السكته لكم شمس باكر
والا ابشروا بالضربه الحيدريه

#شداد_حُميد

المعتدي دارت عليه الدواير
والبحر الاحمر مرحله اوليه

اخذ البوارج والسفن والبواخر
وضربها ف البحر حاجه دليه

عد با تذوقو كيف طعم الخسائر
والقادم اعظم حربنا عالميه

#ابوهمام_سليم_الفتاحي

ثوري معي ياقـاذفـات الـمـعـابـر
وثـــوّري يـادانــة الـمـــدفـعـيّـه

بانلتحم في البحر الاحمر مباشر
مـع المريكي مـعـركة مـفـصـلـيه

ياشوقنا للحـرب باطـن وظـاهـر
شعـبنا والجـيـش فـي جـاهـزيّـه

#مقبل_جرام

شعب الكرامه يا الليوث الكواسر
حان النقا يا اهل الشرف والحميه

هبّه مع الله موج في موج هادر
من أجل لاقصى مرحبا بالمنيه

الويل ثم الويل للي يحاصر
غزه ويقصفها صباح وعشيّه

#ابوبدر_ذيبان

قرب وعيد الله على كل كافر
على يد الانصار وحنكة وليه

بك يالقوي الجبار ضد البواخر
ضد الاساطيل حربنا المفصليه

بانغرق امريكا ونفتح مقابر
ونمسح اسرائيل وشر البريه

#ابوهادي_عقاب

واشنطن القشه بعدوان سافر
على رجال البحريه مفتريه

قد ساقها الله جت الينا تخاطر
الى عرين الاسد تلك الغبيه

مابش تفاوض فالدماء اوتحاور
خيارنا في منتهى الجاهزيه

#علي_الشعيثي

الكلب الامريكي مودف وخاسر
وشعبنا في كامل الجاهزيه

وبلغو روبيج فيلق وقاهر
وزورق البحري مع المروحيه

ماكودها امريكا تجهز مقابر
ودف بها الوبي تصبح ضحيه

#أبوإسماعيل_الجابري

الوضع نار بنار والدم فاير
لأجل النقاء كل الوسايل صليه

لو يحشدوا لى بحرنا كل فاجر
يرحب على سود البلا والمنيه

بنفوسنا دايم مع الله نتاجر
وكلمه الله دايماً معتليه

#الشاعر_ابو_صقر_شعلان

من اجل الاقصى كلنا بانغامر
فوق العدا بالهامــه المعتليه

وامر ربي فوق ايت تأمر
وكيد ربي فوق كيد البريه

بانلطم اسرائيل في كل صابر
ونسكه الاسلام من ذا الاذيه

#جلال_الغولي

من وحي (اعدوا ) (قاتلوا)كل كافر
بوعي ايماني من المنهجيه

صنعت حاطم هو وقاصف وفاطر
والروح قد فلفلتها معنويه

كلي ثقه في حربنا الغرب خاسر
والنصر للاسلام والاولويه

#الشاعر_ابوجهاد_صبر

البادي اضلم والمجوّب مكابر
والقادم اعظم ياشـرار البريه

والنصر للإسلام والكفر خاسر
والوعد وعـد الله وسنه جليه

قل للمريكي ثارنا ثـأر جاير
يبشر عدؤ الله بضربه قويه

#ابومالك_الكوماني

ساعة بوارج لمركة والبواخر
حانت وحاطتها شراك المنيه

في بحرنا ياحاملات الطواير
بانغرق الشيطان الاكبر وغيّه

من اعتدانا اليوم عدوان سافر
بايدفع اثمان الفعال الغبيه

#مناع_شريم

حرام لا نثار لكل العساكر
والبحريه في البحر الاحمرقويه

هذه البدايه والنهايه تغادر
مدحور مهزوم مثلما القنصليه

البحر الاحمر للبوارج مقابر
من اليمن للقدس ازكاء التحيه

#مختار_البحري

من عزم تاريخ الرجال المعاصر
وقواء إلاه الكون رب البرية

احنا على جيش الردى موج هادر
ننهي جيوش الذل والعنجيه

نضرب ونفتح للطغاه المقابر
والله سبحانه يناصر ولـيـه

#احمد_عبدالرحمن_الظمين

من أجل غزة بانخوض المخاطر
ونعتصم بالله رب البريه

ماهمنا أمريكا ولا كل فاجر
دام الثقة بالله فينا قويه

#حسن_الجدمي

الحرب قد دقة مع حلف كافر
واحنا لها بالصبر والمعنوية

والشعب متوكل وبالله مغامر
للنصر مطلّع وجنة هنيّة

هيهات في المندب تمر البواخر
الا بغزه تنتصر والقضية

#عبدالحميد_التركي_الهلالي

الحمد لله وضعنا اليوم سابر
للمندب الليلة سرية سرية

من بايحاصر واليمن ذي يحاصر
والله لا نسقيه كاس المنية

يقول شاعر من صميم المشاعر
احنا مع ابن البدر من صدق نية

#أبوحسين_العصري

أقرع طبول العالمية و بادر
و دق راس الشلة الخيبريه

بالله أكبر نجعل الكفر صاغر
ترجع جيوشه بالخزى مشتويه

شل اقتصاده و اخنقه ف المعابر
كامل جنودك بالهدى مرتويه

#عبدالعزيز_الغرباني

الشعب في كل الميادين حاضر
من حيث الاستعداد والجاهزية

يصفع عدو الله في كل صابر
ويجرع الاعداء كؤوس المنية

#الشاعر_علي_الوزير

ايـمانـنـا بـالـلـه بـاطـن وظـاهـر
ثـقـة بـوعـده دايـمـه سـرمـدية

بـالنصر والـتمكين من كل كافر
وعـزكم يـا انـصـار عـترة نـبيه

عــام 24 فـــيــــه الـبــشــايـــر
لاهل اليمن والشرق الاوسط لكيه

#إتحاد_الشعراء_والمنشدين

https://t.me/aboyahyaalshami

المجاراة رسالة الى مجلس الامن الصهيوني ..
وكل شاعر يضع الهاشتاق في اول بيت
#مجلس_الامن_تحت_اقدامنا


البداية #ابو رواسي_ارحب

مانبالي ونعلنها علن
#مجلس_الأمن_تحت_أقدامنا

لأجل غزه  ولوكان الثمن
نبذل أرواحنا ودمائنا

طز فيمن يجاهد بالسنن
موقفه له وموقفنا لنا

#نشوان_الغولي

اصرخ اليوم يا شعب اليمن.
#مجلس_الأمن_تحت_اقدامنا.

قالوا اقليمية قلنا إذن.
استعدوا لها يا ابطالنا.

حرب كبرى على مر الزمن.
نثبت اقوالنا ب افعالنا.

#احمد_درهم_المؤيد

يالحديدة وياسـاحل عـدن
#مجلس_الأمن_تحت_اقدامنا

قـد رفضنا التمزُّق والفتـن
واتجهنا مـع الله كلـنـا

والشعوب اجمعت في صف مَن..
بيَّـن ان اليهـود أعـدائنا

#محمد_الحربي

تحت امر الامين المؤتمن
#مجلس_الأمن_تحت_أقدامنا

ماخشينا المخاطر والمحن
لاجل غزة بذلنا اموالنا

رغم انف العميل المرتهن
با نجاهد  ولافي بالنا

#محمد_المنصور

لن تمر السفن كلّا ولن!!
#مجلس_الأمن_تحت_أقدامنا

و"الحرايب" بها طول الزمن.!!
ما "نبالي" ولا في "بالنا"

لن تكون اليمن غير اليمن.!!
ياعرب والزمن قُدّامنا

#ضيف_الله_سلمان

يابلنكن ويا جو بايدن
#مجلس_الامن_تحت_اقدامنا

اذن لندن وواشنطن تِطِن
صورة العام هذا عامنا

فوقهم لا تراجع لا وهن
با يعانق يمنا شامنا..

#الشاعر_ابوحيدر_عامر

الحقايق تجلت ذا الزمن
مجلس_الأمن_تحت_أقدامنا

لا قلق لا تراجع لا وهن
لجل غزة نضحي كلنا

لا معى الشر عباد الوثن
حسبنا الله معنا حسبنا

#سامي_عبيد

بلغوا كل الانذال الهين
#مجلس_الامن_تحت_اقدامنا

مجلس الحرب شباب الفتن
من ابوه بايقف قدامنا

يابقر كودها تحلب لبن
هكذا احنا وهذا اسلامنا

#مرتضى_شريف

‏قالهــا ابــن البخيتي مسبقاً
#مجلس_الامن_تحت_أقدمنا

غير ربي ولا نخشــى حدن
كان من كان مــا في بالنا

يقصفونا على مــر الزمن
لا يخلوا لنا فـــي حالنا

#فواز_المستنيري

قال بداع يُدعى بويمن
#مجلس_الامن_تحت_اقدامنا

شعب واحد وقايد مؤتمن
يا النتن بيننا قدامنا

لعنبو من تهاون وافتهن
والملامه على من لامنا

#أبويوسف_القاري

مثلما اليوم بايصبح غدن
#مجلس_الامن_تحت_أقدامنا

ماعلينا مخاف ولاحزن
دام رب الخلايق حسبنا

بالمسير وبالبركان ون
والمناسب ومافي وسعنا

#عابد_المدم

‏قل لندن وواشنطن معاً
‎#مجلس_الامن_تحت_أقدامنا

سوف تغرق وتنجا بالبدن..
عبرة أجيالكم وأجيالنا..

اليمن واهلها طول الزمن..
سم الاعداء وقبر أعداءنا..

#علي_جارالله_داشع

بانردد بها عــبر الزمن..
#مجلس_الامن_تحت_اقدامنا

بالقوي شعبنا الحُر ٲستعن
في لواء الاولياء واعلامنا

لن نخيب لغــزه اي ظـن
عهد بانوصِيَه لـ عــيالنا

#أبوإسماعيل_الجابري

قالها احرار شعبي لا وهن
#مجلس_الأمن_تحت_اقدامنا

شلّت العنجهيه والفتن
ذي يراهن على إعدامنا

قد دمانا دفعناها ثمن
نصرة القدس واستقلالنا

#ابواياد_المطري

با نردد ونرفعها معاً
#مجلس_الامن_تحت_اقدامنا

من مع الله ما يخشى المحن
با نقاتل جميع اعدائنا

(وانفروا) قال ربي لا وهن
قاطعوا (لا تقولوا راعنا)

#الشاعر_ابوجهاد_صبر

نرفع الصوت من شـعـب اليمن
#مجلس_الأمن_تحت_أقدامنا

مـابـــقـــي لليـهــود الا الكفن
داخــل القدس ذي نـــادائ لنا

بــ.الشعف والـمـدانــي المشن
قـلـت انـا والفتى مـن قـال انا

#ابومجاهد_الغمري

طبلة الحـــرب والناقوس رن
#مجلس_الأمن_تحت_اقدامنا

القضــــيه قضــــية ذو يــــزن
بعد الاقصى ونروح اسـلامنا

الله اكـــبر على امــريكا ومن
صـــف في صفّــها لا جــــالنا

#علي_محمد_المحاقري

يـجـتـمـع ضــدنـا كــل الـهـيــن
#مجلس_الامن_تحت_اقدامنا

حرب لاما الـقـيـامـه مـن عـدن
تـخــرج اثـقـــالـهـا واثـقـــالـنــا

بـحـرنـا مـقـبـــرتـكـم والـزمـــن
بــيـنــنــا يـاشـــــراك نـعــالـنـــا

#امين_التركي

يالوطن ذي دعس كـــل الخون
#مجلس_الأمن_تحت_اقدامنا

زر رجلك عليهــــــــــم ياوطن
وارزم اقدامكـــــــــــم ياشعبنا

كل دعسة يمانــــــي بالف طن
كيف لو ندعــــــس امريك كلنا

#محمد_ابوالعز

اليمن صـــاح و اعلنها علن
#مجلس_الامن_تحت_اقدامنا

كيف نقبل بمجلس مرتهن
القرارات فيه لاعـــــداءنا

دام ربي معــــــانا لا وهن
جربــوا حظكم في بحارنا

#ابومالك_الكوماني

منطلق شعب وإرادة وطن
#مجلس_الأمن_ تحت_اقدامنا

لو يمرر لهم حتى جلن
صور ايلات من قدامنا

لجة البحر وأعماله كفن
السفن ذي تريد اقلاقنا

#ابومران_الدحملي

قالوا احفاد سيف بن ذي يزن
#مجلس_الأمن_تحت_اقدامنا

فوقهم لا تفاوض لا هدن
زحف قدامنا قدامنا

خبرة البدر والسيد حسن
وجه القوم يا مقدامنا

#ابوشهيد_القطمي

في رضا الله با نصرخ معاً
#مجلس_الامن_تحت_اقدامنا

راعد النصر يا غزة يحن
و اليهود با يذوقوا بطشنا

من خشوم الأياكي و الإفن
و الصواريخ ذي هن حقنا

#الشاعر_بدر_أحمد_الكهالي

الله أكــــــــبر حقيقة دون ظن
#مجلس_الأمن_تحت_أقدامنا

المجاراة بعنوان ثبات الشعب اليمني على موقفه الحق بنصرة غزه والجهوزية الكاملة لخوض كل المراحل.

البداية #نشوان_الغولي

اليوم شعب اليمن با يبدأ التصعيد.
فالجولة الرابعة يعلن خياراته.

و با يواصل بلا مهلة و لا تمديد.
حربه و تحشيده الشعبي و وقفاته.

هذا اليمن و اليمن في كل موقف جيد.
يثبت و يفرض على الباغي عقوباته.

#أبورواسي_أرحب

سبحان من مدنا بالعون والتأييد
في البحر والبر شفنا محكم آياته

والجوله الرابعه من سيدي تأكيد
لموقف الحق ذي لايمكن أسكاته

عدونا الغرب وأسرائيل بالتحديد
و(وعد أولاهما) أحنا أهله وقواته

#ماجد_رشدان

ياجيد ذي قلت مابي يبدأ الا جيد
ليتك ترى الجيد وتتابع خطاباته

انجب نجايب علي و حسين وانجب زيد
وانجب مصابيح نور الله ومشكاته

سديد الاقوال والتصويب والتسديد
نهر الثقه واليقين العذب وفراته

#محمود_الجنيد

ساعة وطيس المعارك نعتبرها عيد
لو يزحف الكون بانكسر زحوفاته

المعركة فاصلة والحرب بالتحديد
داخل كيان اليهودي في مقراته

زيد العبوات ياشعب الكرامة زيد
فانت الذي ماترك لليوم راياته

#الحمزة_المغربي

إي والله إنّا مع ابن البدر بالتأكيد
نمضي على ما مضى ونصول صولاته

البحر الابيض بهذا الوقت والتحديد
ممنوع تمشي لصهيوني حمولاته

والقادم اعظم فيَ التصعيد والتعقيد
وغارة الله مابش مثل غاراته .

#محمد_هزاع_البهلولي

الجولة الرابعة تصعيد بالتأكيد.
وشعب الايمان با ينجز مهماته.

موقف مشرف وفرحه مثل يوم العيد.
بالوعد ذي في كتاب الله وآياته.

اليوم تصعيد ما هو شجب أو تنديد.
و غد نرفع بوسط القدس رآياته.

#ابوناجع_المنبهي

موقف مشرف مسيرات اليمن تأكيد
نصرت فلسطين الأول في قراراته

والموت للغاصب المحتل بالتحديد
والموت لمريك تهتف به  شعاراته

لي كان  ضربه بعيد اليوم ليس بعيد
وسلاحنا ماحدا بيصد غاراته

#فارس_المعزبي

الشعب ثابت على القرآن والتوحيد
مـع بـن البـدر جاهز فـوق آلاتــه

ناوي يشرِّد بحِلف الامركه تشريد
ويحــرِق ابليـس ويحاصر مجالاتـه

تجديـد للمعركـه وازمانهـا تجديـد
الغالــب اللـــــه والحــلَّات حـلَّاتــه

#سلطان_خضران

يالبحر الابيض علينا لم تعود بعيد
سرب المجنح اليك افرد جناحاته

ترصد هدفها بدقه عاليه وتصيد
لوكان فابعد مدى تبلغ مداياته

والله يسدد علينا احنا مع التسديد
و(مارميت اذ رميت)القول بــ آياته

#عزيز_الردماني

هذا خيار اليمن ومن الله التأييد.
وبا يواصل مع غزه مسيراته.

بالقول والفعل ما هو شجب أو تنديد.
مستنفره في سبيل الله قواته.

قايد علم راس صامل حيدري صنديد.
وشعب مؤمن بوعد الله وآياته.

#أبوعساف

ثـبـاتنا فــي الـمواقف كـل يـوم يـزيد
وبـأس شـعب الـيمن مـن بأس قاداته

الله مـعـنـا عــلـى الـسـكـير والـعـربيد
ومـعـركـتنا مـعـجـزة مـــن مـعـجزاته

نخوضها في البحار وفي سهول البيد
لا أتـعـنـت الــغـرب غـلـقنا مـحـيطاته

#الشاعر_نضال_حُميد

شعب اليمن مايهاب الموت والتهديد
يالعالم استقبلوا خالص تحياته

اليوم لاعاد لاصادر ولا توريد
حصار خانق على الطاغي وقواته

إلين غزه يصلها كل خير تريد
وشعبها المتقي ينعم بخيراته

#ابراهيم_الشرفي

مع اليمن لاملل فالحرب في تجديد
وتفاجئ المعتدي جرأة بياناته

قد لف حول الكرة واللف غير مفيد
عصر التفاحيط والتمويه قد فاته

معنا صواريخ للتقريب والتبعيد
تقرّب الخصم وتباعد مسافاته

#أبوإسماعيل_الجابري

حنا اليمن ما عرفنا الشجب والتنديد
ولا سكتنا بشوف الظلم واهاته

ومن هدى الله جينا مستحيل نحيد
ولا خرجنا عن القرآن واياته

ومن طعن ديننا والعهد والتوحيد
باذن الله الحي ما يوصل لغاياته

#الشاعر_ابوجهاد_صبر

الـشـكـر للـه رب الفضل والتحميد
تـعـداد مـاهـو خلق وامـداد كلماته

ذي مدنا العون والتأييد والتسديد
وذي جـعـلـنـا نواجه خـصـم آياته

يا الجوله الرابعه تشديدنا تشديد
قُلي لذا الكون لا يقصر مساحاته

#ذوالفقار_سفيان

قل للمريكي وللصهيوني العربيد
الشعب قرر يدوس الغرب بحذاته

بفضل رب السماء والقايد الصنديد
ياويله الويل من يجهل عباراته

الرابعه مقبلة بالقتل والتشريد
مادام واحنا رجال القدس وحماته

#محمد_البريهي

لك الولا يبن طه بالدما تعميد
تسليم مطلق لكم كامل بحالاته

البحر والأرض لازم باليهود تميد
إغرق ودمر ولا تخشى ملاماته

فالمعنويات فينا عالية وحديد
والشعب لك سيدي جدد موالاته

#صالح_النقيب

معنا خيارات بالجمله وبالتفريد
ذي ما حسبها اليهودي في حساباته

وكلما شد زدنا مرحلة تشديد
واقوالنا فعلها يأتي في أوقاته

شعب اليمن ما يخاف القتل والتهديد
يموت يقتل ولا تقتل كراماته

#ابتسام_شرف_المحطوري

بعد ابن طه أولو البأس العصي الشديد
الشعب الذي أرهب العالم بصرخاته

فكيف لو سـار غزة بــا يـذوب الجليـد
ما قد عرفتوا اليماني كيف طاقاته

تصعيـد لوما نصل غــزة وربي شهيـد
هـذا هدف ابن بدر الدين وغاياتـه

#اتحاد_الشعراء_والمنشدين

https://t.me/aboyahyaalshami

المجاراة بعنوان استجابة لدعوة #السيد_القائد إلى الخروج يوم الغد خروجا مليونيا في العاصمة #صنعاء وفي بقية المحافظات ليقول للشعب الفلسطيني في #غزة وفي كل فلسطين ولأهالي #رفح وللنازحين في رفح "لستم وحدكم ومعكم حتى النصر"

البداية #مختار_البحري

لبيك يابن البدر واحنا رجالك
ابشر بنا في كل جبهه وميدان

ساحاتنا تظهر مدى حــبنا لك
يابدر نوره في سماء شعب الايمان

#أبوإسماعيل_الجابري

يالله تمسكنا بعزة جلالك
وانصار ربي لليمن صار عنوان

اذا جفانا الكل تكفي حبالك
تمدنا قوه لتحرير الأوطان

#منصور_الحراسي

لبيك أبو جبريل والنصر فالك
والمعنوية فل والعزم ما لان

يصعب على الأيام تنجب مثالك
موافقك في جبهة الدهر عنوان

#ابومصطفى_الرضي

بالاستجابة والوفاء والولاء لك
نحظى بنصر الله ويصبح لنا شآن

مادام واقوالك تطابق فعالك
با يسند الطوفان في البحر طوفان

#صالح_النقيب

ابشر بنا يابدر مانته لحالك
احنا معك يابدر لو كان ماكان

واحنا على يمناك واحنا شمالك
ندك حلف الصهينه والمريكان

#ابومالك_الكوماني

يانبع صافي نرتوي من زلالك
ينضخ معينه هدي وآيات قرآن

لبيك لو نفنى جميعاً فدا. لك
أو ننثني لو نحرب الانس والجان

صلى عليك الله ربي وآلك
ماكانت الدنيا وما دارت ازمان

#ابوفتح_الجرادي

أبشر بـما يرضـــيك ويــسر بالك
ياسيدي من شعب حكمة وايمان

يابــــن النبي أشـر وحنـا فــدالك
شعبك معك ثابت وصامد ومالان

أحمد_الخاشب

واحنا اخوتك في الحق واحنا عيالك
واحنـا بعــون الله عـونـك والاعــوان

يــا سيّــدي واحنا إجـابــــة ســـؤالك
شعب اليمن للفتـح والنصــر عـنــوان

#محمد_البريهي

روحي وأولادي ومالي فدا لك
يانور طه في سما أرض مران

سيف الوصي جدك بحومة نزالك
أشر ترانا حيث ترضى متى كان

#عدنان_جحوح

ابشر بنا في كل ديجور حالك
طوفان يتبع غرته ألف بركان

آمر تجدنا حيث تشتي قبالك
يا ليث خلفه تزحف الإنس والجان

#ابوبدر_ذيبان

لبيك ابو جبريل واحنا فدا لك
واحنا فدا غزة والاقصى بطوفان

واحنا سلاحك ذي يلازم يمانك
اضرب بنا الكفار واذيال شيطان

#أحمد_عبدالرحمن_الظمين

يالقائد الي مانحصل مثالك
ياصاحب الحكمة وياعالي الشأن

ابشر بفزعه حسب تسليمنا لك
باتملي الساحات من قوم شجعان

#حرب_صعده

يـــاخير «قايد» والله انّـــــا فدى لك
وابوجه خصمك والله ان شأننا شان

راهن بـــــــنا واسري تــــــرآنا جبالك
واضـرب بنا في وجه عشّاق الاذعان

#ابوكنعان_الروس

القدس متضلل بهجوة ضلالك
وأرتكى الاقصى على حيد مران

كل العرب والغرب جعلو فدالك
ياسيدي ماعاش كافر ولا كااان

#الشاعر_ابوجهاد_صبر

منا الوفـاء والعهد لك والـولاء لك
ومطلق التسليم لك طول الازمان

احنا يمانك دووووم واحنا شمالك
في كـل ساحـه يابن طه وميدان

#الشاعر_ابوحيدر_عامر

صدق الولاء يبن النبي والوفى لك
والعهد عهد اجدادنا عهد شجعان

اشر برمش العين جعلي فدى لك
نجيك بمريكى مقيد لك الآن

#ابتسام_شرف_المحطوري

الشعب سيدنا المبجّل فدى لك
لبيك قايدنا نشامى وشجعـان

وقوفهم أعظم وأشرف مسالك
بايجعلوا الساحات فالغد طوفان

#ابوفتح_الاشول

انت الجبل والشعب كله ظلالك
من أجل غزة وأهلها الشعب طوفان

صيد العدو في البحر كله حلالك
تصعيد بالتصعيد والحرب برهان

#ذوالفقار_سفيان

الحب وسط اقلوبنا لك لحالك
يالقايد اللي ذل حلف المريكان

تبشر ويالبيك واحنا فداء لك
حان النفير العام ياشعبنا حان

#ابوحيدر_الراشدي

يا سيـد الاحــــــــــــرار حيا قبالك
لبيك قلناها مسيـــــــــرة وطوفان

على طريق القــــــدس حنا رجالك
واحنا جبالك ف الشدايد، والاركان

#ابوعبدالله_صالح_عنبل

لبيك يا من شلت شعبك وشالك
باهداب عينه رغم حاقد وشيطان

مركب نجاتي في بحور المهالك
للحريه سلطان والبحر سلطان

يامن لعز الدهر تبني رجالك
وابطال تتقافز على عز الاوطان

#ابـومـازن_الـرازحـي

السمع والطاعه لدعوة جلالك
ياخير قـايـد يا أمل كل إنسان

راهن بنا واعمل بنا مابدا لك
على طريق القدس ويكـون ماكان

#ابو_هادي_الغمري

احنا كــــــــ عزرائيل والا كــ مالك
على جميع اعداك من كل شيطان

والامر امرك والبلـــــــد طائعه لك
والكل سلم لك من الانس والجان

#حسين_يحيى_الحشحوش

روحي واولادي ومالي حلالك
لبيك ثم لبيك ياخير انسان

يارب وفقني بحولك اسالك
اكون طايع له على مر الازمان

#احمد_زيد

ماشي تراجع دام كل والولاء لك
بانحتشد بامرك نغيض المريكان

ولو تقول الطور فزت رجالك
ننزع ابوه نوضعه جنب حيدان

#عماد_دايل_العماري

لبيك يا ابن البدر شعبك فدا لك
فجّر بنا ياسيدي قوم طـغيان

من أول المشوار تفويض انا لك
ومـا طلبتـه تـم لو كان ماكـان

#بشير_سفيان

مادم والتسليم ووللأنا لك
ياسيدا راهن بنا الإنس والجان

حنا سيف في يمنك ودرع بشملك
شعب اليمن في ساحه الحرب عنوان

#أبوصخر_الجوحمي

محنا من اللي قال امضي لحالك
حاشا فداك الروح ياشبل عدنان

المجاراة بعنوان #الذكرى_السنوية_للصرخة

البداية #يحيى_العطيف

شعب الكرامه ياشديد الباس
اوقف بوجه الكفر واعوانه

واصرخ فمابه فوق راسك راس
مافوقك الا الله سبحانه

#أحمد_الماوري

وضع لنا السيد حسين الساس
واحنا علينا إكمال بنيانه

أمة وسط من راسها للساس
تزلزل الطاغوت واركانه

#أبورواسي_أرحب

رفع البراءه للولاء مقياس
لمن سبيل الله ميدانه

أصرخ بباس الجّر والترباس
ياشعب متسلح بأيمانه

#ضيف_الله_سلمان

زلزِل بها الامريكي الخناس
واكشف بها مكره وطغيانه..

نكّل بها راس الشقا والساس
وانسف بها صهيون وكيانه

#يعقوب_الخمري

صرخة مداها يحبس الأنفاس
يخضِع لها التاريخ ميزانه

يسمع صداها جنها والناس
قد صابت الأعداء بمجنانه

#ابوليث_المحضار

اعوذ بالله من شرور الناس
صهيوبريطان ومريكانه..

عوذب بصرخه تطرد الدساس
وتعيد للاسلام ميدانه..

#عماد_قيرح

من كّبر الله لا يخاف الناس
ومن وثق به عز من شانه

والموت للكفّار وبين اقواس
(النصر للإسلام واركانه)

#الشاعر_فرحان_السلامي

ضربه شديد من شديد الباس
تــرصــدت للشــر و اخـــوانـه

نيـرانهـا مـا تطحـن الا الـراس
بفضـــل رب الملـك سبحـانــه

#خليل_قابيل

هذا شعار القايد النبراس
حسين بدرالدين واخوانه

با اعماقنا تاثيره الحساس
نزداد عزة شان مــن شانه

#فارس_المعزبي

اصرُخ ولا تسمع ملوك الكـاس
الـــدّان لا يستوقِـف الـدانــه

اِقصِف بصوتك ماورا تكساس
وما بجوف اَحفاد مرجانــه

#أبوإسماعيل_الجابري

الله اكبر حيدها ملاس
تنكل الطاغي بطغيانه

تثمر رجال العز والنوماس
ويموت منها أحفاد مرجانه

#خالد_البصيري

ما دمت أنا و الحق في متراس
وعــارف البـاطــــل وعنـوانه

من هو مع الله ما يخاف الناس
مـرفوع راسه راسـخ ايمانه

#صالح_النقيب

نصرخ مع الله ماجينا ياس
في وجه المريكي وشيطانه

في راس الفعئ باندق الفأس
والقدس نلعن جد من خانه

#ابومالك_الكوماني

صرخة تجلت في زمان اليأس
اغاظت الشيطان واعوانه

طوفانها في لندن وتكساس
وإبليس غارق فيه لا اذانه

#الشاعر_نضال_حُميد

صرخه لها موقف قوي حساس
في وجهه الامريكي وشيطانه

لوقد صرخ محمود بن عباس
ماعد يهودي وسط ديوانه

ـ ‎#ابوشوامخ_الوعل

‏كمن مجاهد حيدري نبراس
يصرخ وكشر في الوغى أسنانه

واحبال لعداء اتخلبست خلباس
واتعقدت غانه على غانه

#الشاعر_متاش

صرخة حسين البدر والعباس
اقوى من الصاروخ والدانه

وصل صداها اليوم لاتكساس
من هدي ربي وقرآنه

#ذوالفقار_سفيان

الصرخه امست منعطف حساس
تحاصر الأعداء بزنزانه

جـابـت لامـريكا اللـعـينـه يـاس
وزلزلت صهيون واعوانه

#نورالدين_المقاتلي

الصـرخة العـظـمى لنا متراس
من العـــــدو واهـــله وأعوانه

مضمونها للصهيــــــنه أقواس
تقضي علــــــــى شره وعدوانه

#أبوصياد_الغمري

صرخة بها عـــــز البشر والناس
من يصـــــرخ إ بها يعتلي شانه

أغنت يمنّــــــا من ورى الإفلاس
هي من حمت شعبي ومن صانه

#أبوحـاتـم_عــكــه

اللَّٰهُ أكـبـر عـرَّت الأنـجــاس
ومــيَّــزَت كُــلاً وإيــمــانــه

بها عـرفنامن مـع تِكـسـاس
ومن مع الرَّحـمٰـن سُـبـحانه

#ابتسام_شرف_المحطوري

صرخة بِتحرَق كلها الأنجاس
وتهز الامريكي وأعوانه

بمفعولها بايوصلوا إفلاس
من عاش ذكر  قوة اذعانه

#عدنان_جحوح

اصرخ ولو إنك وسط تكساس
ولا بواشطن وأكرانه

شعاركَ الأغلى من الألماس
صوته يحطم كل زنانه

#عبدالعزيز_الغرباني

هتف بها السيد عريق الساس
سبط النبي ربي رفع شانه

اشمخ بها ياالشامخ القرناس
يرتـج منها الكون باركانه

#محمد_ابوالعز

الله اكبر بلغـــوا تكساس
شــــعارنا واضح بعنوانه

حجه على جنها و الناس
ايه لاهل الارض طنـــانه

#الكرار_المشراقي

كمن يماني حيدري نـبراس
زلزل عروش البغي وعــوانه

صرخ بوجه انذل واحقر ناس
وداس الامريكـان وكــيانه

#ابو_هادي_الغمري

السيـــــد القائـــد عليهم داس
بصرخته فـــــي وسط ميدانه

كنه ضرب عنق العدو والراس
ولا غرز فـــــــــي قلبه اسنانه

#جميل_ابوقاسم

شعب الكرامة مرجله نوماس
صرخ معا قايد رفع شأنه

اليوم ياالقسام قل لحماس
احنا لكم مدفع معا الدانه

#ابوعلي_مبخوت

صرخه قويه مثل حد الفاس
تزعج بني صهيون وعوانه

وتزعل الأوباش والأنجاس
يعجم ولاينطق بلسانه

#أحمد_عبدالرحمن_الظمين

حسين بالصرخة قهر الانجاس
وقالها من صدق إيمانه

والله جعل فيها هدئ للناس
ومن رفعها يرتفع شأنه

#ابوكنعان_الروس

رفعة حمية أباء نوماس
من هدي ربي وقرأنه

ذي هو مريض منها حساس
يصعق ويقرح من ازغانه

#ابوهادي_عقاب

صرخه قويه زلزلت تكساس
وارعبت صهيون وكيانه

وبعد عقدين اصبح لها باس
صاروخ ومسير وترسانه

#ابوفتح_الاشول

نعرف بها من يشتغل وسواس
ذي يخدم الشيطان و أعوانه

تقطع شعور الكفر والأنفاس
تكسر غروره تهدم اركانه

#أبوحسين_العصري

عمِّر سلاحك و افتح الجلَّاس
على الأعادي طبّق ألحانه

وبصرخة الأحرار يا نبراس
با نغسل البهتان و أدرانه

https://t.me/Poetsanalogous

المجاراة بعنوان نهاية كل من سعى لخيانة بلده بالتجسس والعماله والارتزاق

البداية #أبو_نبيل_النيعاني

من سعى للزعزعه والتهبّاش
با يرى الذله وكسر النواميس

هكذا هي مدرسة آل عفاش
ما تَخرّج منها الا جواسيس

#إلياس_المقدشي

عاش جيش الامن يا شعبنا عاش
حس أمني فوق كل الأحاسيس

أفشلوا كيد الخوالف والاوباش
والمُخـطط ذي وراء الكواليـس

#الشاعر_نضال_حُميد

ذي هزم هتلر وروما والاحباش
بايواجه جيش لندن وباريس

نصرف الموت المحتم لهم كاش
ذي تسوقه حاملات الترابيس

#جميل_الكامل

وحيثما للبغي عاد باقي اعشاش
أو خلايا في الزوايا مكابيس

أمننا قد نبشوا الأرض نباش
با يجيبوهم قريباً مداعيس

#صالح_النقيب

ياعليمي بلغو طاش ما طاش
ان عمال المسلسل محابيس

قله اتطهر دنسهم من الشاش
والوسخ يغسل بسبعه قراطيس

#حسن_المهدي

يا محنش واخرك سم الاحناش
يـا مـدرس للجواسيس تدريس

قل لعمك كيف فقاش الامشاش
يــوم سـرنـا والـمـعابر فـوانيس

#أبوإسماعيل_الجابري

قل لمن خان اليمن يوم لا عاش
دام والأمن القوي دايماً عيس

بعتوا الأمه براتب وببلاش
وانتهيتوا قتل والا محابيس

#ابواياد_المطري

لا يظنوا شعبنا طاش ما طاش
او يظنوا دخلة الشعب ك الفيس

با نعاقب كل جاسوس غشاش
نطرده من شعبنا طردة ابليس

#علي_الشعيثي

حرب غزه فتش الحق فتاش
وفتضح فيها جميع الأباليس

شرذمت طارق وعمار الوباش
في بلادي ماهم الاقراطيس

#ماجد_المطري

أذرع الموســـــاد في قيد كلبـــاش
والخلايــــــا في زنـازن محـــابيس

عاش أمن الشعب والفخر جيـــاش
قاهـــــــــر امريكا ولنــدن وباريس

#الشاعر_ابوجهاد_صبر

يـا يـمـنّـا كل جـاسـوس غثاش
لـجـل واشنطن ولندن وباريس

ما يلاقي خير من وجه غشاش
لو طوئ كل الحفر والتضاريس

#محمد_البريهي

لا بقى جاسوس فيها ولا واش
لا ولا من بالعمالة مهاويس

بشروا بالخسر من باعها كاش
أو خدم بالسر عجل وجواميس

#الـكـرار_الـعـقـيـبـي

لــعـن ابو عـفـاش والخايـن اللاش
كلــب امــريكا ولـــــنــدن وباريس

دون امن الشعب طعفار الامشاش
ياذيــــول الامـــركه والجـواسيس

#ابوكنعان_الروس

شوتر وجعفر والفتيني وهداش
وزنبقة والشيخ طفاح قعاميس

وهدي دين الله سلاسل وكلباش
لك خاين مشتراء بالقراطيس

#ابـومـازن_الـرازحـي

عاقبة لوباش في يد الأوحاش
يا حبال المشنقة أو كرابيس

قد فشل سلمان قبلك وقرقاش
يا مجند لليهود الأباليس

أحمد_عبدالرحمن_الظمين

لو هو يحلق بجنحان ورياش
او تجسس واختفاء كالاباليس

لو تخفاء وقتلب طير خفاش
فحسبونه في صفوف المحابيس

#أبوحسين_العصري

يا سعودي حلفكم طاش ما طاش
واليمن أمنه يفوق المقاييس

يعرف المكنون ف الصدر و اللاش
لا تراهن بالخون و المناحيس

#الشاعر_عبدالحكيم_ابوهاشم

يا الخلايا الخاينه الله اخزاش
لعن ابتكم ما معاكم نواميس..!!

كل خاين شعبه امسى بكلباش
باقي الدنيا يعيشوا محابيس..!!

#ابوشهيد_القطمي

ما يعيق الحق و اصحابة اللاش
وما أنحنى يوسف لراهب وقسيس

و المسيرة كاشفة كل منحاش
و العمالة و الخيانة بعاسيس

#ابوحيدر_الراشدي

مدرسة شوتر وطفاح ودحباش
في نظام خلى الاوادم اباليس

لعن ابو من باع شعبه للاوباش
وان بقي له عمر عاشه كوابيس

#ابوعبدالله_صالح_عنبل

اعوذ بالله من وسيعين الاكراش
هولا في الشعب اليماني كوابيس

في سوق عز المرء طعفار الامشاش
وهم يبيعونه بحبه طماطيس

#أبورماح_شداد

جاش جـيش البدر والأمن جيّاش
كلهم لجيوش الأعـــــداء كوابيس

جيشنا للأمــــــــن محزم ورشاش
وأمننـا للجيـــــــش درع وترابيس

#جميل_الجنيد

سَوّد الله وجه من داس أو هاش
في طريق ابليس بعد الأباليس

بايعين الأرض خاين وغشاش
في المذلة والدناءة مغاميس

#محمد_الرقيمي

يا نـعال الامـــــركه ربي اخزاش
فكفكش امن اليمن بالدساميـس

نصفكم وسط المقابر  والانعاش
والبقيه فــــي العنابر محــابيس

#طه_الرازحي

لن ينالوا في اليمن حلف الاباش
ما ارادو الكيــد له بالجـواسيس

دام له عينين مفتـوحت إغماش
ترصد. الاعداء بكل التـضاريس

#نبيل_المهدلي

لا مكانة للعمالة والاوباش
لا ولا لاذناب لندن وباريس

كل خاين في يمنا وغشاش
في جهاز الأمن قدهم محابيس

#فايز_الحمزي

إنتهى عصر بن الأحمر وعفاش..!!
للأبد ولت عهود الأباليس

من يبيع عرضه من المعتدي عاش..!!
بين الاحذي في سجل الجواسيس

#احمد_زيد

للعميل المرتزق الف كلباش
لا يفكر لوهرب خلف باريس

بايقع صفعه وطعفار الامشاش
لاننا نعرف جميع التظاريس

# أبوعزام_الشامي

من يخون أرض اليمن يوم لاعاش
الجزاء إعدام لكل الجواسيس..

يا الــخــلايا الخاينه حـان ملقاش
عايشين في الذل دومآ مباخيس..

#الشاعرعصام_المقذّل

في النهايه كل ابناعفاش
يايمناكل ابتهم مباخيس

كلهم خفاش في جحرخفاش
بل ومكسورين جمعه نواميس

#عماد_دايل_العماري

لعنبو من باع شعبه واستلم كاش
واشتغل خدام عند البعاسيس

والله إن مايـنـفـعـه عـمار عـفـاش
لاقد استولت عليه البواليس

المجاراة بعنوان تلبية لدعوة #السيد_القائد في الخروج المليوني المشرف

البداية #عماد_العملسي

خروجنا بين المطر يغضبهم
ويزعج امريكا مع اسرائيل

ياشعبنا بكرة نباء نحرقهم
بحشد مليوني يفوق التحليل

يغيضهم يحرق دماء يزهقهم
والله يجعل كيدهم في تضليل

اطفال غزة ويل من يخذلهم
من ضربة الله الشديد التنكيل

#ضيف_الله_سلمان

الله فايات الكتاب لعنهم.
كما فيَ التوراة هي والانجيل

ومن تولاهم فقد هو منهم.
هذا كلام الله ماهو تحليل..

من رحمته بيَّن لنا واقعهم.
وحقدهم واهدافهم بالتفصيل..

اذا استجبنا له فبا نهزمهم
والوعد وعد الله ماله تبديل

#الشاعر_علي_الغماري

قوم الوفاء من ذي بايُقفهم
ماعاد به داعي لكثر التحليل

قد ربما السبعين مايوسعهم
ماغير بانفتح شوارع توصيل

ياقدس ذا قومي وذا موقفهم
وشعارهم هيهات نرجع ونميل

هذا هو الايمان ذا حكمتهم
تاريخ يبقىٰ للتواريخ إكليل

#مانع_البوساني

شعب اليمن وقت الحشود أوَّلهم
ما يختلف وعده على ابو جبريل

القايد المغوار لا حشَّدهم
يتوافدوا في خط واحد كالميل

حشود بالمليون من يوقِفهم
تكتال عِزَّه في بلدها وتكيل

أنصار ربي خيرهم وافضلهم
يتوارثوا للمرجله جيلاّ جيل

#أبوحسين_العصري

لبيك يا بن المصطفى نبهتهم
نخرج ونتحدى العواصف والسيل

من قول (أعدوا) نجتمع نرهبهم
والشكر كله والوفاء والتبجيل

لمن نصر غزة وما فلتهم
لأهل الحمية في زمان التخذيل

شعب اليمن والله ما يخذلهم
تحت امر ربي و العلم بو جبريل

جريح الحرب #رفيق_زرعان

دورة رحانا في الوغى تطحنهم
وتصلي الباغي عذابات الويل

حشودنا المتقدمه تربكهم
وتستحق المقدره والتبجيل

مع ابن بدر الدين لن نتركهم
وعاقبتهم عاقبة قوم الفيل

#فارس_المعزبي

ارهب خصومك بالخروج اِرهبهم
واحنا معك نجتاح يابوجبريــل

فوق البنــان المذنبـه نضربهـم
وفوق الاعناق الغضب والتكبيل

الحشــد والتصعيـد لا يعجبهـم
اِحشِد وصعِّد جيل من بعده جيل

واللـــه مابـا يوصلــوا مطلبهــم
لو يرجـع التأريخ لا عام الفيـــل

#ابوعيسى_هيسان

لبيك ياقائد كسّــــــر هيبتهم
يامن خطابك يلغبوا له تحليل

ماخابوا الانصــار وانته فيهم
ياخو حسين البدر يابو جبريل

منّا اهل غزة مثلما احنا منهم
بانستكيل في المعـارك ونكيل

والله يابن البدر مــــا نتركهم
ودون غزة لو فنـي هذا الجيل

#أبوإسماعيل_الجابري

في شور واحد ربنا يجمعهم
شعب اليمن بعد العلم شد الحيل

وقال لامريكا ومن هو معهم
الموت الأزل حتفكم من ذالجيل

وقال ربي للنبي . شردهم
للكفر واللي خلفهم ويل الويل

بين البشر شعب اليمن اسرعهم
للمجد والعزه حشوده كالسيل

#صالح_النقيب

اضرب بنا ياسيدي نظربهم
في بر ولا بحر يابو جبريل

بقوة الله القوي نغلبهم
و معركتنا نارها من سجيل

من قول عدو للعدا نرهبهم
نعد قوه جيل يخلفهم جيل

بيداتنا ياربنا عذبهم
وخلهم عبره كما أصحاب الفيل

#أحمد_الخاشب

ما بكتفي باللعن حين العنهم
وما الخروج إلا بداية تحميل

لمرحلة نشهد بها مهلكهم
ويشهد العالم فنا إسرائيل

على يدي من ربنا مكنهم
في الأرض واعطاهم عقود التوكيل

نثخن بهم قتلاً ونسفك دمهم
(ومن تبقى منهم للترحيل)

#الشاعر_متاش

ذي ماتبراء اليوم هذا منهم
بايلعنوا شكله إلى آخر جيل

هولاء بني صهيون وجب نحذرهم
ولا نصدق كل خائن وعميل

مع النبي والآل لن نتركهم
لازم ننكل في ابتهم تنكيل

لو كله العالم تجند معهم
فااحنا توليناك يابو جبريل

#محمد_البريهي

أنصار جدك مثلما تعرفهم
باسيد السادات يابو جبريل

باكر بإذن الله باتبصرهم
يتوافدو لا كل ساحة كالسيل

وإخواننا لا بد ما ننصرهم
ونقف معاهم دايما صبح وليل

وعهدنا والله ما نتركهم
وعن قضيتنا أبد ما بنحيل

#ابوشهيد_القطمي

احنا اتحدنا و القوي مزقهم
و قوة الباري تفوق التهويل

الله أمرنا با البراءة منهم
واجب عداهم با العمل والتفعيل

يا شعبنا المقدام ثور و ارهبهم
با نهزم امريكا ونفني اسرائيل

#ابوكنعان_الروس

من هدي ربي ياعلمنا أرشدهم
يا عز قايد انت يابو جبريل

لبيك شعبك بالولاء عرفهم
معنى الفداء والتضحية والتبجيل

خروجنا المعتاد كم يزعجهم
ويعري أصحاب السقيفه والفيل

ومن يساندهم وطبع معهم
كافر منافق فسل باقة وكليل

#الكرار_المشراقي

بحشد ملـيوني قــوي يرعــبهـم
ابشـر بشـعبك غد يابوجبــريل

من كل فج وصوب بانحشدهم
على طريق القدس نقبل كالسيل

مادام معنا الله ماهــو مــعـهــم
مهما يكيدو كيدهـم في تضليل

لويحشدو من في الكره اجمعهم
باينتهو كما انتهوا اصاحب الفيل

#حرب_صعده

يــــــا قـاهر الطاغوت يامرعبهم
حن تحت امرك انت يابو جبريل

بــــــــانخرج الساحات بانرهبهم
ابحشد مـــــاله نَدّ يانجم اسهيل

راهــــــــنا بنا ياسيدي واضربهم
حنّا طيورك ضــد اصحاب الفيل

https://t.me/Poetsanalogous

المجاراة بعنوان موقف اليمنيين المشرف مع غزه من واقع الدين والمسؤولية ونصرتها حين خذلها البقيه ممن يسمون أنفسهم مسلمون.

البداية #ابويحيى_المنيعي

خمسه وخمسين دوله جيش وقياده
مجرد ارقام محسوبه على الأسلام

خاب الأمل والأمل فى الله والساده
وفي نشاما سرايا القدس والقسام

#ضيف_الله_سلمان

واحنا لطوفان الاقصى جبهة اسناده
ونسال الله يبارك فاليمن والشام..

كشف الحقايق تجلى اليوم بزياده
اما مع ابن النبي والا مع الحاخام..

#الشاعر_نضال_حُميد

ذي مافزع يوم نار الحرب وقاده
اسلامه اصبح امام الطاغي استسلام

مادام غزه لاخذ الثأر طراده
فـ الموت لامريك والعنه على الحكام

والنصر مضمون في وقته وميعاده
والله يبارك في انصار اليمن والشام

#جمال_الماوري

إذا شعوب العرب للذل معتادة
شعب اليمن ما رضي بالذل بضع ايام

وان كان الاعراب لاجل الغرب قوادة
كله من التربية.. والعار في الحكام

#محمود_الجنيد

شعب اليمن لجلل غزة فاق تعدادة
ماكل ولا مل رافع راية الأعلام

مؤمن تقي من هدى الله مائه وزادة
سلام ربي على كمن شرس مقدام

#أبوإسماعيل_الجابري

من فضل ربي حبانا عزم وإراده
و عزّ نخوه كرامه قبيله إِقدام

ومَدّنا الله بقائد خِيرةَ القاده
ذي قال قوله على العالم وحط نظام

#عبدالواسع_صايل_الغولي

(( فَعَلَيۡكُمُ ٱلنَّصۡرُ )) قال الله لعباده
وخير من مثلوها اهل اليمن والشام

وبانواصل ونشعل حرب وقادة
لوما قوى الكفر تعلن حالة استسلام

#صالح_النقيب

عدونا ابن اليهودي هو وموساده
واسناد غزه يجيها من مدينة سام

وقايد القاده اثبت فزعة اجداده
من ال بيت النبي كمن بطل مقدام

#ابوعبدالله_صالح_عنبل

شعب اليمن يا سيوف الحق و اجناده
نصرة رسول الهدى جيش الخلاص التام

لبئ نداء القدس والنيران وقاده
فلا تراجع ولا عوده ولا استسلام

#جميل_الكامل

من قبل الإسلام والنصره لنا عاده
نهب للصوت لو حتى مسيرة عام

وبعد الإسلام عادة نصرنا زاده
على خطى المصطفى والآل والأعلام

#الـكـرار_الـعـقـيـبـي

ياثالثـه عالميــــه حـــــــرب وقاده
لما نطهّر ونستاصل قوى الاجــرام

بانقهر الكفـــر والطاغـوت واجناده
والافلا احنا رجال البدر والاســلام

# ابوفتح الجرادي

عادك وعـاد اليمن بـالـخـيـر ولأدة
وما بــدأ غيـر ذي أتـي في الأيـام

اجيال توفي بعهـد الله وميـعـادة
في ضل قايدمحنك حيدري مقدام

#كليم_النجار

جينا على الوعد والنيران وقّـــــاده
والمعركة مستمرة والوَعْد قـــــدّام

ورقاب الانصار في الميدان سدّاده
ملعون من يرتضي بالذل او ينضام

#ابوكنعان_الروس

أطلعت من حرف ابويحيى تنهاده
من وسط وسط الحنيا شقت الصمام

خمسه وخمسين وكثر فيهم العاده
وألف لعنة ولعنة تلعن الحكام

#ابـومـازن_الـرازحـي

خمسه وخمسين حـاكم خـالف العـاده
زاغوا عن الحق وانظموا إلى الحاخام

لا خيـر فيهـم ولاهــم رزح ووسـاده
الخيـر في شعبنـا والقــاده الأعـلام

#الشاعر_بدر_الكهالي

لاخير في أنظـــمة وجيوش منقاده
لما أراد اليهـــــــودي مثل ما الأنعام

الخير في وعد الأخرى حان ميعاده
وفي وفاء من تولـــى الله والأعلام

#الشاعر_عبدالحكيم ابوهاشم

شعب اليمن يشهد التاريخ لـ امجاده
من قبل (الاسلام) حتى هذه الأيام..!!

دام (المـروه) شـرابه و(الوفاء) زاده
بايفتح المسجد (الاقصى) مع الاعلام..!!

#مازن_بَرَاش

بالله ياكاتب التاريخ وامجاده
سجّل ودوّن مواقف نصرة الإسلام

حتى القلم تنتهي كميَّة إ(مداده )
كم يامواقف تبنَّاها اليمن والشام

#الشاعر_ابوجهاد_صبر

أمة وضيعة علا التركيع معتاده
ولا تلاقي بها واحد شلي مقدام

يـــــوم ان غزة بنار الكفر وقاده
ماقام ندد ولا حاكم مـن الحُكام

#حرب_صعده

بقيادة ابـن ابـي طــالب قايد القاده
عـبـدالملك بــدر الأمه خيرة الاعلام

لابُـــــد مــــــا ننهي المحتل واوغاده
وانطهر القدس من قاذورة الحاخام

#علي_الوزير

لاخاب ظـنش وظـن القدس كالعاده
ياغـزه الـعز والـنامـوس فـي لاقـزام

فـرقـاب لانـصار وابـن الـبدر سـداده
والـلـه مـعنا ومـعكـم والـوعـد قـدام

#ابتسام_شرف_المحطوري

شعب اليمن في المواقف عزم وإراده
منذ الأزل ماتوانى في الوغى مقدام

وفي الولاء والشجاعة جسد اجداده
بـالأمس جند النبي واليـوم للأعلام

#الشاعر_متاش

طبع الوفاء والشجاعة لليمن عاده
في نصرة الدين والاوطان والاعلام

اسرى بنا الله للمسرى بميعاده
يوم العرب والعروبة خانها الحكام

#فايز_الحمزي

إحنا مع ابن النبي وسيد الساده
قايد محنڪ علم من خيرة الاعلام

إن خاض بنا البحر خضنآه وفق ما راده
واحنا حماة القضية جُند للإسلام

#ابو_صماد_الفليتي

المـــــّــعركة ضارية والـّنـار وقادة
وشعبنا موقفــــه موقف قوي قدأم

بصمود راسخ بجانب أعظم القادة
بايجعل المعتدي يركع على الأقدام

#اتحاد_الشعراء_والمنشدين

https://t.me/Poetsanalogous

المجاراة بعنوان #الدفاع_الجوي حامي اجواء اليمن من طائرات العدو الأمريكي والإسرائيلي.

البداية #ابوالكرار_المجنحي

دفاع الجو يا حامي يمن الايمان واجواها
احيي قوتك وأخبارها ذي تشرح الخاطر

تهاوى منك احدث طائرات الغرب وأقواها
وكل اسبوع تلطم بالفقار الحيدري صابر

فرضت الهيبه العظمى اليمانيه على أعداها
وبو جبريل جسد ماضي الأجداد في الحاضر

#ابو_فتح_الجرادي

رجال الجوية فرسان وانعم ربي اعطاها
عزيمة معنوية صبر قوة تشـرح الخاطـر

سلاح الجو الأمريكي في الا جوا ربي ابلاها
سماء ارض اليمن صارت عذاب الهون للكافر

#صالح_النقيب

سلاح الجو حطم كبريا أمريكا وطغواها
سلاح الجو له قدره بيد الواحد القادر

وتسلم يد ذي صنع وذي طور وسواها
حما جو اليمن ماعاد يجزع فسما كافر

طواير فخر صنع امريكه اتهاوت لمثواها
سلاح الجويه والبحريه والبريه حاضر

#عبدالوهاب_الفقيه

دفاع الجو مالقا طايره توصل لمنواها
ولسقاط الطواير صار بمر المقتدر قادر

وفي جو اليمن قوات الاعداء قد تصداها
قسم بالله مايلقي في الاجواء ولا كافر

تقول الطايره لا شافت الصاروخ مداها
وتتقطع ندم في يوم لاينفع ندم خاسر

#أبوإسماعيل_الجابري

سلام الله على فرسان والقرآن تقواها
أعَدوا للعدوا ما يرجعه من حربها خاسر

حماة الدين وسياداة هذا الأرض وحِماها
ملكتم كفل من قوة عظيم ومقتدر قادر

قهرتم قوة انجس خصم بين الخلق واطغاها
بفضل الله مولانا حليف المؤمن الصابر

#الـكـرار_الـعـقـيـبـي

يـمــنا ارضـها وبـــحارها نيـران واجــواها
يمنا مقبره للغزو في الماضي وفـ الحاضر

وقـــوه ربـي اقــوى تقهر امريكان وقواها
وربـــي حـط فــينا قـــوته سبحانه القاهر

ومــن طّـبـع مع اسـرئيل وامريكان والاها
علـيكـم لعـنـــة الله كـلكـــــم كافـر ومآمر

#حسن_المهدي

تـحـدينا قــوى مــا غـيـرنا قــوه تـحـداها
بـربي مـا سـوى ثـم السلاح الجوي الباقر

وقـوات اعتراض الجو فالجو اعترضناها
بـطير اتقبض السجيل ويفكه على الكافر

رصــد رادار الاسـتـغفار يـسراها ويـمناها
وتسبيح النشامى في معاريج السما هادر

سـيـادتنا اسـتـعدناها وعـزتنا اسـتعدناها
وبـالباري نـريهم مـا وعـدهم آخـرة غـافر

#صقر_هيسان

هو الله القوي ذي ذل امريكا وبلٌواها
وهو ذي جل شانه حاكم الحكام والقاهر

تحدينا دول عظُما من اقصاها الى ادناها
وحاصرنا المواني من جبل خولان بن عامر

#احمد_صالح_ابوصريمة

دفاع الجو لاشاف العدو حلق في اجواها
بسرعه يسقطة والقاه يندب حظه العاثر

دفاع الجو ذي يسمع تكتمها ونجواها
ولو في الجو تتكاثف وتتضاعف وتتكاثر

ينزلها ، وبين اقدام جند الله ساواها
بفضل الله خلا اجزاء عدو الله متناثر

#الكرار_المشراقي

طواير محور الباطل تهاوت والله اعماها
بفضل الله وانصاره وشعـب العزة الصابر

دعـسـنا انف امريكـاء وانـف الي تولاهـا
وزلزلنا بفضـل الله عروش العالم الفاجر

مســيــرة عالمـــيه ربنـا للامــه اهـداهـا
وقائد حيدري ملهم يماني حيـدري ثـائر

#محمد_البريهي

جتود الله اعدت كل ماترهب به أعداها
عليها بالسبب والله سبحانه هو الناصر

رمت والله رب الناس من سدد لمرماها
بفضله جل مولانا رأينا المعتدي خاسر

رجاله في الدفاع ألهم وفي التصنيع سواها
وأخزى حلف أمريكا وكل خائن ومتأمر

#ابـومـازن_الـرازحـي

يعيش دفاعنا الجوي وضرباته وجدواها
ويسلم سـاعـد الرامي ويحى الصانع الشاطر

متارسهم سمـاويـه ولا طـاير بيخفاها
ومن جا لختراق اجـواءنا ردوه متناثر

سـلام الله على قــائــد تبنـاها وغَـذَّاهَا
لحتى اصبحت قوه تحيِّد طلعة الكافر

#مناع_شريم

سلام الله على الرامي وذي جهز وسواها
وربي ذي رما العدوان هو الناصر هو القاهر

سمانا اليوم محميه وويله من تعداها
صواريخ الدفاع باتسقط العدوان والكافر

صواريخ اليمن للبحر الابيض خاص وداها
وماقاله علمنا الحر ننفذ ،قوله الصادر

#الشاعر_ابوجهاد_صبر

قسم ماتبلغ امريكا بهذا الشعب منواها
وعاد البحرية والجوية في يدها فاطر

رجـال الـلـه مـكّـنّـها رجـال الـلـه قوّاها
رجاجـيـل اقسمت لله مايبقئ ولا كافر

طواير.بايدن.قد.صبّحت.بـ.النار.مثواها
بفضل.الجوية.وإرجالها.وإدفاعها.القاهر

#ابتسام_شرف_المحطوري

خبر عاجل من القوات غذاء لارواح ودواها
ووقفة ناطق القوات شجاعة  باطن وظاهر

رجال الله في الميدان تجسد صدق تقواها
ثقه بالله لا توصف وربي الفاطر الناصر

وقايدنا هو المرشـد لضربتنا ومــرســاها
وغزة هي قضيتنا فيَ الماضي وفالحاضر

#ابورعدالله_فهد_الصراري

سلام الله ياحميان سماء الاحرار واقواها
سلام الله يامن فعلكم قد دمر الكافر

صواريخ ارض _جويه تشوف الاف واشواها
ورجعها قطع واشلا بقدس اثنين والفاطر

سماء الاحرار ياكفار لاشي ميج كوّاها
وذاب فولاذها والطاقم السايق وذي عابر

#اتحاد_الشعراء_والمنشدين

https://t.me/Poetsanalogous

المجاراة بعنوان موقف الشعب اليمني في مناصرة غزه واستجابته لدعوة #السيد_القائد يحفظه الله

البداية #رامي_السوداني

موقف وخلفه شعب مؤمن تدفَّق
مثل السيول الجارفة هب فـ الحال

لبَّى ندا القايد مجعب مبندق
يسجد له التاريخ تقديس واجلال

قلوب حــرَّى حيـــدرية تشــوَّق
لملحمة كبرى مع أنذال الأنذال

#الـكـرار_الـعـقـيـبـي

حنا رجال الله وانصار للحق
جنود ابو جبربل دعاس الاهوال

ماهـمنا لو عـمر بن ود ينعق
مادام حيدر سيفه اليوم قتال

يخسا كيان العار والحف الاحمق
واعراب تحت اقدام محتل محتال

مادام وحصاره لـغــزه مطبق
محال ان نهـدا ويهـدا لنا بال

#الشاعر_نضال_حُميد

موقف أمام الله صادق موثق
والفرد فـ السبعين سبعين رجال

ماعاد به فـ البيت بندق معلق
الابنادق زمرة اذيال وانذال

وايت سفينه تدخل البحر تغرق
وتموت في بحر المنايا والاهوال

#أبوإسماعيل_الجابري

يعيش الأقصى والطواغيت تُزهق
وحطّم السنور قيده والاغلال

وابن اليمن صوب الكرامه تسابق
محال يرضى الظلم او عيش الإذلال

شوق الشهاده في رجاله تعمّق
على طريق المصطفى الطُهر والآل

#ابـومـازن_الـرازحـي

باتغرق أمريكا وصهيون يحرق
دام اليمن عن منهج الٱل مامال

ثامن شهر مامننا شخص مرهق
وكل ماطال الحرب زاد الاقبال

والشعب قلبه بالقياده معلَّق
يعمل بما وجَّه ويسمع لما قال

#صالح_النقيب

الحق لهل الحق نوره تحقق
في ضل قايد حيدري قول وافعال

تسليمنا له كان تسليم مطلق
واجسادنا للعز تتقطع أوصال

وذي مع إسرائيل طبع وصفق
اقسم برب البيت ماهو برجال

#ابوفتح_الجرادي

حام الدبور فـوق اليهـــودي وحلق
طوفـان هايــج نــار حـمرا وزلــزال

شعب اليمن حـاز الشجـــاعة تفوق
على شعوب الأرض مضّرب للأمثال

قريـــب أمريكــا فـي البحـر تغــرق
وكل صهيوني وخايـــــن ودجــــال

#ابوعبدالله_صالح_عنبل

الشعب ذي لبئ نداء سيد الخلق
واحياء هدى التوبه و فاطر و الانفال

واحياء انتصاراته في الغرب والشرق
واحياء سبيله بالصناديد الابطال

فوض لبو جبريل تفويض مطلق
والامر امره دون تفريط و اهمال

فلا عن الاقصى تهاون او انشق
لو ما بقي في شعب الايمان رجال

#محمد_البريهي

تسليمنا تسليم والله مطلق
لله واعلام الهدى صفوة الآل

في خندق اهل الحق شعبي تخندق
ثابت على الموقف قديما ولا زال

حبله بحبل الواحد الفرد موثق
وفي سبيله يرخص الدم والمال

وبالثقة بالله وحده تفوق
على قوى الشيطان واديال الأذيال

#ابوكنعان_الروس

شعب اليمن في كل موقف الاسبق
بقيادة ابن البدر تضرب بنا أمثال

صدق الولأء راسخ وتسليم مطلق
عهد الوفاء بالدم قايم وفعااال

في خندق الاقصى وغزة تخندق
بقدس والصماد وثاقب وزلزال

كم يا سفن تحرق وكم عظم يسحق
وتحرق الاعراب بكرتون وسروال

#خيرالله_الخولاني

تنفيذ للطاعه وتسليم مطلق
للبدر ابوجبريل بأقوال وافعال

بانستجب ياحاملي رايه الحق
معك معك لو لاالركب دمناسال

حنا معك للكفر شوكه بمخنق
متبريين من كل كافر ومحتال

#ابومالــــك_القاضـــي

تعمق الموقف مع الله تعمق
والموقف الابرز عتحكية الاجيال

الشعب في حب القيادة تعلق
على الوفاء والبذل والجود مازال

في كل جمعة في السبعين يتألق
الله يحفظ يمنا من عبيد المال

#ابوحيدر_الراشدي

شعب اليمن باعظــــم قياده، توفق
يهناك يا شعب المقـــــاديم الابطال

شعباً تولى الحــــــق واهله وصدق
والقـــــائد افعــــاله تطابق للاقوال

ثرنا على الطغيان والحلف الاحمق
واحنا مع المظلوم في كل الاحوال

محال نترك غـــzـــــزة العز تحرق
يأبى لنا البــــاري وطـــــه مع الال

نهاية الباطل في البحـــــــــر يغرق
كما غرق فرعون واصحاب الاموال

#طارق_ناشر

الحق جاء والباطل اليوم يزهق
ايه صريحه مابها شك وجدال

شعب اليمن جاهد وناصر وأنفق
في نصر غزه لو حمل كل الاثقال

وبكامل التسليم في نصرة الحق
لله وأعلام الهدى صفوة الآل

#عبدالقوي_البطل

لبيك قلناها وكلن تشوّق
لاكل ساحة يحتشدها بإقبال

نعلن بموقفنا وتفويض مطلق
للسيد القائد وتشريف ماقال

مع فلسطين حشد شعبي تعلق
حبه وإيمانه بها عبر الأجيال

ومهما كيان اليهودة قد تعمق
في بحر إجرامه يرى حتف وإذلال

#جبريل_الخدري

الشعب في حُب القضية تعمــق
ما يردعه مكر اليهودي والانذال

الله حـق الحـق والباطـل ازهـق
وطاحت امريكا على يد الابطال

تسليم ه̷̷َــذآ الشعب لله مطلـــق
وابن النبي يفديه بالروح والمال

#الشاعر_عبدالرزاق_ذياب

تسليمنــا للبدر تســليم مطــلق
معه معه ياشعب باقوال وافعال

مع سرايا القدس فيلق بفيلق
جند اب الدين نمـــضي كما قال

النصر برقة لاح فالقدس واشرق
ياخاينين الوعـــــد ياكل دجال

#بدرالدين_لطف_الله

ياشعب دائم لشهاده بيعشق
عليك صلى الله في كل الأحوال

تناصر المظلوم وتناصر الحق
ودوم ماتخشاء مخاطر الأهوال

ودام ابو جبريل للحق بيرق
با تفتتح في رأيته كل الجوال

#الشاعر_عصام_المقذّل

مع العلم ماضيين في نصرة الحق
نرخص مع الله الراس والحال والمال

المجاراة بعنوان شكر لله على توفيقه لموقف العزة والكرامة بمشاركتنا اهل غزه في قتال اليهود وأذنابهم وثباتنا على موقفنا حتى النصر

البداية #أبورواسي_أرحب

الله وفقنا وهيئ لنا
بقوته ضرب التحالف

أحنا أمل غزه وتبشر بنا
مادام والباقي خوالف

أفعالنا باتثبت أقوالنا
ويش الحياه إلامواقف

#ردفان_الرقيمي

أدا لنا الـــــــرحمن ذي ودنا
اللـــــــه بالنيّـــــات عـــــــارف

نفعـــل لغـــــزة وأهلها جهـــــــدنا
لو ما معــانا إلّا مجـــــــــارف

صحنا بـ(لستــم وحــدكم) وحدنا
يوم الجميـع أنهى التعارف

والبحـر الاحمـر صار في حـــــدنا
أحــــّـر من حمّــام جــارف

#يحيى_الوحيشي

الحمد له والشكر ذي مدنا..
بالبأس حاضرنا وسالف..

واعاننا في ترجمة شكرنا..
تنكيل فعلي بالتحالف..

وعاد ليل المعركة الا دنا..
الليل ياسراب القواصف..

#جمال_الماوري

الحمد لله الذي خصنا
إذا هتف بالحق هاتف

من أجل دين الله ما همنا
ولا تزعزعنا العواصف

ولاجل غزة لو يجي ضدنا
كل البشر ما انا بآسف

جريح الحرب #رفيق_زرعان

الحرب والمعركه حربنا
نواجه امات العواصف

للقدس بانبذل اموالنا
وارواحنا راصد وقاصف

شيوخنا تسبق اشبالنا
والحرب مافيها حسايف

#صالح_النقيب

ذي فرطو بدلهم امثالنا
يوم اتجهنا للمصاحف

لله نبذل خالص أعمالنا
وهو بنا داري وعارف

بعنا دمانا له مع اموالنا
لايمكن أن احنا نخالف

#أبوإسماعيل_الجابري

يالمسجد الأقصى تحزم بنا
والعهد لك فوق المصاحف

نسقي عدوا الله سود المنى
ذا أمر ربي والسوالف

ولو يتيحوا لارضكم وصلنا
وِن كان جينا كالعواصف

#الشاعر_نضال_حُميد

الحمدلله ذي جعلني أنا
من شعب حميان الطوارف

من شعب راسه ماهنع وانحنا
مثل الجبل صامد وواقف

لاحد يبا يصبح قوي مثلنا
وأفته ترهب أوايف

باندخله ورشه ودورت بنا
يخرج رجل فاهم وعارف

#ابوشوامخ_الوعل

والله ما تتكتف ايداتنا
وقت التحرك والتكاتف

لو قوة العالم تقف ظدنا
ماننحني ونقـــول آسف

نموت ياغزه معش كُلنا
ولا يكون النصر سالف

#جميل_الكامل

الحمد لله الذي خصنا
باشجع فتى كالطود واقف

القائد اللي شد من عزمنا
بهدي صادق مش (سوالف)

واجه طغاة الأرض صنع ،بنا
وكل من في الأرض خائف

#الشاعر_ابوجهاد_صبر

الحمد لك والشكر لك والثناء
ياربناء في كل سالف

انت الذي نكّلت بـ.اعدائنا
مِنّا وصار الكُفر تالف

من أجل غزة لو قُتل نصّفنا
يهون من قتل المكالف

#جميل_ابوقاسم

احنا اتكلنا باالقوي ربنا
معا اهل غزة لاحسايف

من عنده الله باالجنود مدنا
والكل نحو القدس زاحف

نحرره لو ننتهي كلنا
طلاق من روس المكالف

#عبد_القادر_داود

الحمد لك والشكر لك والثناء
يا مـن بـك اثنيـنـا العواصف

أعطيتنا قايـد علم ما انحنى
و العـهد لـه فوق المصاحف

ما ننـحـنـي لو مـا بقي مننا
واحد . و مات يموت واقف

#ابوزينب_الوجمان

الحمد لك والشكر لك يا ربنا
اخزيت دولات التحالف

وبحسن توفيقك لنا باعلامنا
ذي قدموا دينك مواقف

صار اليمن قوه تهز اعداءنا
منها اليهودي اليوم خائف

#مازن_بَرَاش

الـديـن الاسـلامـي يـفـاخر بـنـا
مــاغـيـرنـا ســـطَّــر مـــواقــف

لن نرتضي ياقدس عيش الخنا
والــحـرب لــي عــادة وسـالـف

الـنـصـر والـفـتح الإلـهـي دنــى
لا عـــاش مـتـذبـذب وخــائـف

#ابوكنعان_الروس

ياعزنا الله يا شلنا
ماهاكذا عفنا السوالف

غزة تباهي وتفخر بنا
وتصنف الاعراب مكالف

لابعدنا أحرار ولا قبلنا
ودوننا هين وتالف

#الشاعر_جبر_المهدمي

مساكم الله خير يااصحابنا
يااهل الهواجس والسوالف

درب الإباء والتضحية دربنا
وفالطارفة قـوم الطوارف

قولوا لغـــــزة حربها حربنا
وان ماثبتنا"فاحسبونا مكالف"

#ابوحمزه_المقاش

الدين والاسلام موروثنا
ونفوسنا تهوى المعارف

للصهينه نمضي نسوق الفنا
واحنا المدافع والقواصف

للقدس باترخص ارواحنا
واصواتنا مثل الرواجف

#ابوحيدر_الراشدي

الحمـــــدلله القـــــــوي مدنا
بالنصـــر في وجـــه المخالف

وبالقيـــاده والعلـــــــــم عزنا
في نهــــج (طـــه) والمعارف

القـدس والاقصى وغــــزه لنا
كلام رسمــــــي، مش سوالف

يازارع المعروف طاب الجنى
رغــــــــم العوايق والعواصف

#أبو حـاتـم_عــكــه

غَـزَّه قضيَّتنا وأهلـوها اهلنا
ربِّــي أمــرنا بالــتَّــكــاتُــف

والحمدلك ياربَّنا وفَّقتنا
نُـعـلِـن لِـغَـزَّتـنـا الـتَّـحـالُـف

بامْـوالَنا وسـلاحنا ودمآئـنـا
جُــدنا وصدَّرنا الـمـواقِــف

#الشاعر_عبدالحكيم_ابوهاشم

سبحــان من عــلّم قيــادتنا
بالعلـم وانــــواع المــعارف

بالله دسنا الخصم باقدامنا
وقصفـــــنا دق المخــــالف

افعـالنا دلـت على اسلامنا
في حاضـر الواقـع وسالف

#هادي_حسين_الرزامي

الحمد له بالولا خصنا
لهداتنا ماحنا نخالف

نواجه المحتل في ارضنا
والموت لاسرائيل قاطف

والموت لامريكا ولاعداءنا
ضد العدو ماشي تعاطف

#صقر_الريمي_ابو_الذهب

لا مثل قائدنا ولا مثلنا
ونحمد الله على المواقف

المجاراة بعنوان دعوة للشعب اليمني للتصعيد في الخروج الجماهيري عصر يوم غد مواكبة للتصعيد العملياتي للقوات المسلحة اليمنية.

البداية #ردفان_الرقيمي

أناديــــك مِن باب المــــــوآصاة والتـــذكير
وانا عارف إنك مَـــنت محتـــاج تذكيــــري

لأنك بلد ما قصـَّـــــــــر إلّا فيَ التقصيــــــر
وفي الـــــذل والسكتة لعـــــدوان هستيري

كما صعــَّــــــد السيد في الأعمال والتطوير
ضروري نصعــِّــــد في الخروج الجماهيـري

#ضيف_الله_سلمان

خروج اليمن موقف قوي بالغ التاثير
وبالموت لاسرائيل ياطايرة طيري..

ومن ساحة السبعين با يبدأ التغيير
ومن ضربة(الكرار) با ينتهي (كيري)!!

على صوت (عيسى الليث) ينشد(حسين الطير)
وبالله نقهر كل كافر وتكفيري..

#محمد_مفلح

ضروري يكون الحشد بخروج بكره غير
وللحج ف الساحات طوفان تحريري

وعاد العزيمه فل في شاشة الامبير
ومن دون غزه يايمن بالوفا سيري

ولا يمكن امريكا يجي من وراها خير
ضغوط المصارف تلعبوها على غيري

#ابورواسي_أرحب

وبايسمعوا من بعد صرخاتنا تكبير
رساله وفي مضمونها رد تحذيري

أخذنا في الشده شهادات ماجستير
وحين التلاقي باسنا باس تدميري

صور واضحه ماهي خرافات كاركتير
ولن ترهبوا شعب اليمن يا بني إ.....

#أبويوسف_القاري

وفي داخل الساحات بانرفع التكبير
وبايسمع العالم هتافي وتكبيري

بلبيك باتسعى مسيراتنا وتسير
ملايينها ياامواج شعب الابا سيري

ونصنع مشاهد تعجز الوصف والتصوير
وتهديد الامريكان قله على غيري

#فارس_المعزبي

حشود اليمن بُكره على الذِّكر والتكبير
ولبّيك ثــم لبّيك... إن صَــحّ تعبيـري

الى ساحه الاحرار باتحتزم وتسير
وفي راسهـا الفين موضوع تحذيري

فلا عُــذر للغايب ولا عُـذر للتأخيـر
وأمر العَلَم واضح لحشدي وتذكيري

#أبوإسماعيل_الجابري

على العهد نبقى شعب واحد بلا تشطير
في الحرب والا السلم مقدام تحريري

خروجي بساحات الشرف يعكس التعبير
بنخوة يماني ما ملكها حدا غيري

نوقّف بوجه القتل والظلم والتهجير
ومن راس بنيامين نثأر وبن كيري

#ابوالكرار_المجنحي

من النور والفرقان والفتح والتكوير
شحذنا العزائم قبل نتقلد الميري

بوعي وثقافه نتخذ كافاة التدبير
وتسليمنا لله والقائد الخيري

وقفنا معا غزه رفضنا بها التهجير
ولا زال موقفنا بصرخة وتكبيري

#أبومالك_الكوماني

م دام أن غزه تشهد القتل والتهجير
ودام الغبي ما أصغى لصوتي وتحذيري

فما للتقاعس يارجال اليمن تبرير
نقل للمثبط يامثبط على غيري

خروجك عبادك فزعتك موقف وتعبير
وحشدك على الطاغوت له فعل تدميري

#الشاعر_ابومقتدى_مفلح

من العاصمه قولو للاقصى مساء الخير
لها كل عرفاني وشكري وتقديري

على شانها بانرغم المعجزات اتصير
ولا هي غريبه حسب ظني وتفكيري

قناة المسيره باتسارع في التصوير
هنا الباس باسي والاعاصير اعاصيري

#ابوحيدر_الراشدي

على العهد لا زال اليمـــــاني يجد السير
يلبي ندا المظلــــــــــوم بمنهاج تحريري

خروجه في الساحات موقف له التقدير
يواجه دعاة الشــــــــر وعدوان تكفيري

وما قـــاله القـــــــائد نلبي بدون تاخير
على درب اهل العـــــزم يا امتي سيري

#الشاعر_ابوجهاد_صبر

سمعناك يامـؤمـن لك الشكر والتقدير
ويا شعبناء لك كـل شـكـري وتقديري

تصدرت للامجاد فـي قـمـة التصدير
من المستحيل اوصف شموخك بتعبيري

ولجلاء شموخ القدس نخرج بلا تأخير
من الان اجهز عدتي واللبس الميري

#ابوحمزه_المقاش

بك الدين والاسلام ما يقبل التشطير
وانت الامل في ضل مشروع تنويري

نلبيك يا بدر الكرامات قبل الغير
وانا فيك عاجز في حروفي وتعبير

معا الله با نحشد جماهيرنا ل السير
وفي كل ساحه با يرى الكون تحضيري

#ابوكنعان_الروس

لاذعر لاخوف لا تثبيط لاتبرير
ولا وهن يعتري وصلي وتعبيري

تسليم مطلق بوقت العسر والتييسير
وفا الولاء منطلق صادق بتحريري

والخزي والعار في التمزيق والتشطير
قل للمنافق وابو زنار على غيررري

#احمد_عبدالرحمن_الظمين

معك يابن بدر الدين في شر وإلا خير
وفي طاعة الباري تلافيت تقصيري

وياقدس حانت ساعة الفتح والتحرير
وياخيلنا غيري على اليهوده غيري

وباندحر الصهيوني المجرم الشرير
كما قد دحرنا كل ملعون تكفيري

#ابـومـازن_الـرازحـي

على السمع والطاعه مع الحب والتقــديــر
لقــائـــد بــذل جهــده لعــزي وتحــريـــري

وتبشــر بما يعجــز غــداً كاميـرا التصوير
عـن التغطيـه لخــروج نـوعـي وأسطوري

من اجـل القضيـة بانصعِّــد معك ونسيــر
لسحق اليهودي ذي سعـى لجل تــدميــري

#الـكـرار_الـعـقـيـبـي

ولـبـيـك ياداعــــي دعى للهدى والـخـيـر
مــعــك بانقاتل حلـف سـافـل وتكـفـيري

فـــلا عـذر بايقـبــل لــقاعــد ولا تـبـريـر
وآلالــــم غـزه حـجــمــها فـاق تعــبـيـري

معك يابن بـدر الديـن اشــر فـقـط تاشـير
خمسين مليون راس حـربــي وتـدمـيـري

#الشاعر_متاش

وتكبير في الساحات ياشعبنا تكبير
نسمع به العالم يهودي وتكفيري