الجولة الحــــاسمة يالجــــولة الرابعة
وكل تحذير فرصة ياتضـيق او تضيع

على العدوا باتكون الــــــرابعة فاجعة
وباتكون النـــــــهاية للكيان الـــوضيع

وباتضيّق عليه الــــــرقعه الـــــواسعة
يلقى الحقير المذبذب منتهاه الفضيع

نقطع وريد العدوا بالشفرة القــــاطعة
نشل ثــــأر اليـتاما والشهيد اللـرضيع

#همدان_حجي

المجارات دعوة للحضور غد في #ميدان_السبعين في العاصمة صنعاء وجميع الساحات في المحافظات نصر لإخواننا في #غزة وتلبية لدعوة #السيد_القائد حفظه الله

البداية #الشاعر_ابوحيدر_عامر

شعب التحدي والحضارة والصمود
جاهز مسلم لابن طه قايده

في كل ساحة غد با نخرج حشود
نصمد كما في الحرب غزة صامدة

احنا لدين الله والاقصى جنود
واحنا بروق الحق واحنا راعده

#مقبل_جرام

الله والتاريخ والعالم شهود
على مواقف شعبنا المتصاعده

يوم العرب في حضن الامريكي رقود
وحكامهم للبيت الابيض عابده

كنا ومازلنا وبانبقى نذود
عن عزة العزه نرد الكايده

#همدان_حجي

بانحتشد ياقدس عنك بانذود
على العدوا ضرباتنا متصاعده

ياصل صدا صرخاتنا عمق اليهود
في كل جمعه والقبايل وافده

نبقا على عهد الوفاء مر العقود
هاذا اليمن غير الشعوب الساجده

#عبدالحكيم_مسعد_النمري

ابشر بعزك سيدي وارقى سنود
شعبك لفتح القدس شمّر ساعده

بايماننا بالله كثفنا الجهود
ضد العدو ضرباتنا متصاعدة

و مرحلتنا الرابعة خلف الحدود
ما با نبقّي يامريكا قاعدة

#الشاعر_نضال_حُميد

ذي ما لعن معنا النصارى واليهود
عاده يهودي والدلايل شاهده

إذهم على الذله وخيبتها قعود
مليار مسلم ما لبتهم  فايده

لان التخاذل وتقاعس والجمود
عنوان فيه اليهوده متواجده

#أبورماح_شداد

لبيه يالبيه حـــــــــــن قدّ الوعود
والشاهد اللــــه والخلايق شاهده

حشود غزّه واليمن نفس الحشود
والصف واحد والقضيــــه واحده

ونصرنا مضمون مـن رب الوجود
في سورة التوبه ووحــي المائده

#الشاعر_ابوجهاد_صبر

لا سـاحـة السبعين بـا تقبل وفود
في صف واحد في قضيه واحده

من وحي سورة(ق)والتوبة وهود
والـقـارعـــة والَـواقــعــة والمائده

تـلـبـي الأقـصــى وتـعـلــن لليهود
تحضير جــولـه رابـعـه متصاعده

#ذوالفقار_سفيان

الحشد بكره يعتبر أعظم وقود
لمرحله كبرى عظيمة واقده

تنسف بأمريكا كما صيحة ثمود
وتبيدها بعد الحشود البايده

مادام وأمريكا لنا الخصم اللدود
لا بد نجعلها ذليلة شـارده

ابوحيدر_الراشدي

احنا باذن الله وافيــــــــن العهود
قلنا من اول يوم كلمـــــه، واحده

لن نترك الأقصـى وغzزة لليhود
يشهد علينا الله والافعال شاهده

قريب نجتــــــاز الموانع والحدود
الى فلسـsــطين،وارد الماء وارده

#زياد_السنافي

الشعب للساحات بايخرج حشود
والمعنـويــه والـعـزيـمــه زائـــده

خــروج مايخطر على بال اليهود
واهــل العماله والنفوس الحاقده

قـريــب با يعبر ويجتاح الحـدود
ويخليَ اســرائـيــل تصبح شارده

#ابوحسن_المجنحي

شعب اليمن مثل النماره والاسود
لادق طبل الحرب شمر ساعده

يتوافدو لاساحة العزه وفود
العز فيهم والكرامه عامده

من دمه الطاهر على لقصى يجود
يوم العرب للغرب ركع ساجده

#علي_الشعيثي

يبشر بعزه ماتقيدنا قيود
يبشر نلبي بالحشود الوافده

نكسر تدابير النصارى واليهود
على مخطط من دروس المايده

المسجد الاقصى لقومه  بايعود
والبحر الاحمر معركه متصاعده

#ابوفتح الجرادي

كما سبق من قبل الأنصار الجدود
نمضي مـع سبط النبي ونعـاهـدة

لأكل ساحات الشـرف نقبـل وفود
شعب اليمن قـــادم يلبي قـايــدة

واحـنا رجـــال الله لسيـــد جـنود
لبيــة وسـلأحــــة بقبضة ساعـدة

#عدنان_جحوح

يا سيدي لبيك ما حنت رعود
بارض اليمن من قلب صنعاء الماجده

حنا سباعك والنمارى والأسود
وحنا المنية للشعوب الحاقده

والله ما نخذلْك من بعد العهود
لو يصبح العالم بجبهة واحده

#ابوكنعان_الروس

غزة هي العزة على مر العقود
والعاصمة صنعاء وغزة واحده

والسيد القايد بهدي الله يقود
المعركة ضد اليهود الحاقده

حشود فالسحات وفي الجبهات أسود
في يوم ما الاعراب كامل راقده

#مازن_بَرَاش

ياحضرة السبعين جاء عام الوفود
كل القبايل صوب صنعاء وافدة

ياكاتب التاريخ خطِّينا العهود
بالدّماء ، واقلام الاعداء جامدة

أفتحوا كل المعابر والحدود
أو فتحنا الارض مرَّة واحدة

#ابوحرب_الحالمي

يا شعب له هامات عظمى بالوجود
ولــــه في التاريـــخ سيره خالده

واصل جهودك لأجل غزه والحشود
في وجه الاعداء والفئات الحاقده

لـــن نتـــرك الاقصى محاله لليهود
الــــدم واحـــد والقضيه واحــــده

#صقر_الريمي_ابو_الذهب

يالله علينا اشهد الا يوم الخلود
مانترك الاقصى لشلة ماردة

العهد باقي والنشامى بالوجود
وساحة السبعين بكرة شاهدة

يحرم على إنسان جنات الخلود
قاعد وما شارك لمرة واحدة

#ضبيان_فرحان

ياسيدي ياخير من قاد الجنود
ووحد الامة بكلمة واحدة

لبيك يامغوار قاهر للحسود
لكلمتك كل الممالك ساجدة

لبيك ياغزة توافدنا حشود
بعد ابن بدر الدين حيا راعده

#اتحاد_الشعراء_والمنشدين

https://t.me/Poetsanalogous

الحق والشعب اليماني في طريق
والمنهـجية واليــــــمــن متناسقة

الشعب والقـائد وجيشه والمضيق
وضع اسـتراتيجي وقوه خـــارقة

قائـد من آل البيت متواضع طليق
رحيـم بالمسلم نكال المـــــــــارقة

والشعب في بحر الإباء ماله رفيق
واعي لمع بين الكــــــــرامة بارقة

والجيش ماعاقه في الواقع معيق
مؤمن ومتمـسّك بعــــــروة خالقة

مضيق تسبيــحـة زفيره والشهيق
لا ضاق ضاقة باليهود الضـــــايقة

ازكى السلام آلاف ياصل للمضيق
المندب الشامخ شموخ الشـــارقة

والشعب والقائد بتــــعداد العقيق
وجيشنا المغوار جيش الــصاعقة

#همدان_حجي
#اتحاد_الشعراء_والمنشدين

https://t.me/aboyahyaalshami

المجاراة بعنوان نعمة القيادة القرآنية والمسيرة والصورة الحقيقية للمرتزقه العملاء.

البداية #أبويوسف_القاري

لوما الله أهدا لنا بالسيد القايد
ان اليمن كلها جاسوس في جاسوس

وكان عفاش طبع قبل بن زايد
ولابقي لليمن عزه ولاناموس

وفي خلايا نتنياهو وجوبايد
شاهدعلى شرعية بيع الوطن بفلوس

#ضيف_الله_سلمان

والحمد لله فينا الوعي متزايد
وكل الاحداث تعطينا عبر ودروس..

بالوعي شعب اليمن في موقفه رايد
وكل هذا بفضل الواحد القدوس

ولا سوى الله رد الكيد للكايد
وبيّن الامركة واذنابها والروس..!!

#محمد_هزاع_البهلولي

والحمد لله وفّق .. شعبنا الصامد
باعظم قيادة .. في التاريخ والقاموس

وشعب مؤمن بوعد الله .. ومجاهد
وكل من خان- تحت اقدامهم مدعوس

وجهاز أمني قوي جاهز ومتواجد
في كل جبهه تشوف انجازهم ملموس.

#جميل_الكامل

والحمد لله ما منا ولا واحد
الا وحب القيادة في دمه مغروس

والكل شاكر لنعمة ربنا حامد
والشكر حارس مناوب كم فضح مدسوس

مهما نخر في المسيرة والهدى حاقد
مدماكها من الحديد الصلب ضد السوس

#محمد_مفلح

لا يستوي قايم ال البيت والقاعد
ولا المجاهد ومن طبّع مع عاموس

ومن الجواسيس لا تخرج ولا واحد
بقلوبهم عاد عجل السامري مغروس

ما عارض السيد الا اللص والفاسد
والنذل ما بايعيش الا وهو مدعوس

#فارس_المعزبي

صهيون والمرتزق والامركه واحـــد
متساويين الهدف والفكر والمدروس

أفرادهم وسط خندق بالدم البـارد
يحاربونـا وفينـــا فاهم المطمـوس

الحمدللــه حمـــد الراكع الساجــد
أوهَب لنا بدر واوهَب غيرنا فانوس

#ماجد_المطري

يابايــــع الارض بالــمــــردود والعــــٕايد
ياخاين القدس حظك ف اليمن منكوس

حـــــــــذركم الشعب هو والسيد القايد
والقول واضـــــح ومايحتاح للقاموس

قلـــو لابـــو راس يبـــــرا من خدم زايد
ماشـــي فبه راس يقطع للخيانه روس

#ابو_غسان_الحدي

بالحس الامني وباستشعارنا الزايد.
بكل محسوس حسينا ولا محسوس.

وبالبصيره لنا أحداق بتشاهد.
وترى وتبصر وتقرى الخافي المطموس.

والكيد عايد لنحر اللي بنا كايد.
ياوعد بلفور لا تركن على دافوس.

#ابوالكرار_المجنحي

الحمد لك حمد ما يلجح صدى الراعد
على حياة الشرف والعز والناموس

رغمآ على انف الاعداء واحدآ واحد
والمرتزق والعميل النذل والمدسوس

دسنا على الحقد والأحقاد والفاسد
ولجل صون الشرف لو ما بقي طربوس

#ابوكنعان_الروس

المن والفضل والاجلال والعايد
لله ثم العلم والمؤمن النقروس

ودم الأحرام صمام الامان سايد
وفوز ساحق نصل به جنة الفردوس

مؤمن مع الله لا طبع ولا حايد
والنصر شعشع ببارق من بلاد الروس

#ابوبدر_ذيبان

الحمد لله ياالشعب القوي السايد
على جميع المنافذ فالبحار بندوس

وعيون يقضا بترصد كل متمايد
وكل ذيل تحت اقدام الاباء مدعوس

مع فلسطين يا شعب اليمن رايد
مواقف العز والايمان والناموس

#أبوحسين_العصري

يا طارق النذل طارت غلة العايد
من غد جهّز جوازك يختمه عاموس

أقل شي يا منافق يا دني حايد
و اجلس في البيت شاهد مارد الفانوس

شعبي عن القدس وأهله ف الوغى ذايد
وانتو مع الكفر ذا خادم و ذا مرؤوس

#ابوحيدر_الراشدي

اليـــوم شعب (اليمن) قد اصبح الرايد
على جميع الدول متصـــــدر القاموس

بفضل ربي وفضــــل القـــــــايد الزاهد
ذي شع نوره وغطى شعلـــــة الفانوس

احنا مع (الله) و (ابن البــــدر) بنجاهد
وهم مع امريكـk تحلبهم كما الجاموس

#أبوصياد_الغمري

الفضل لله ولك ياسيدي عايد
علّمت شعب اليمن أغلا واعز ادروس

أصبح لنا في المسيرة عز وشهايد
صرنا بعين اليهود الموت والكابوس

وشعبنا ناصر الاقصى ولاحايد
واليوم يشمخ براسه فوق كل الروس

#همدان_حجي

صيت المسيرة وصيت اصحابها سايد
يسابق الريح يرفع روس يحني روس

ترفع رؤس اليماني هيبة القايد
تحني رؤس المطبّع تقهر اللسلوس

الأمركة صيد والشعب الأبي صايد
والمرتزق والمنافق منكسر منحوس

#جميل_ابوقاسم

الله هو الحق ما جامل ولاحايد
ولاستركل خاين بيننا مدسوس

الامر لله والأرواح له عايد
هو العزيز ذي يعزا نفوس وذل نفوس

هو ايد الحق وخذل كيدمن كايد
وهو جعل شعبنا على اليهود كابوس

#صالح_النقيب

قلنا لهم فاتحين الباب للعايد
ولا رضيو وذلحينه في الكربوس

طبع الردي مايشوف الموقف السايد
ولا يرى العز منهو بلحذي مدعوس

مصايد الذل ماتوي عشا الصايد
والمصيده صيدها صيادها المنحوس

#الشاعر_متاش

بالله وحده وقف شعب اليمن صامد
وبالنبي وآل بيته داس الاعداء دوس

وافشل خططهم بفضل القاهر الواحد
حتى رجع حلفهم في حربنا منكوس

والجيش والأمن بالمرصاد والراصد
لكل خائن عميل ومرتزق مدسوس

#ابو_صماد_الفليتي

بفضل رب السماء والقائد الصاعد
دسنا على الطاغية والخاين الجاسوس

نفشل مشاريع حلف إبليس والكايد
واذيال أمريكية وانظامها المدسوس

احنا أولو بأس والإيـّمان متزايد
فينا وفي شعـبنا والعز والناموس

https://t.me/Poetsanalogous

الصف واحد ولا با نقبل التجزئه
من اجل غزة تجاوزنا جميع الخلاف..

والشعب كله يسمى قوّة التعبئه
واحنا اقوياء بإذن ربي والاعادي ضعاف..

ندعس على ما يسمى قوّة اربعـ(400)مئه
وكل جاسوس با نقطع يده من خلاف..

احنا وثقنا بوعد الله (كم من فئة)
وكل واثق بوعد الله مابا يخاف ..

#ضيف_الله_سلمان

الوعي صحة واللاوعي كألاوبئه
بالهمه الزايدة نسلم سنين الجفاف

والشعب مؤمن قوي واعي 100%
مايقبل الهيمنه كلا ولا الأنحراف

ماهو من اهل الخنى والخوف والتهدئه
من يصنعوا من تخاذلهم خيوط اللحاف

يحضوا إلى الذل كألبردان للتدفئه
وللخيانه كما تحضى البهايم وطاف

#همدان_حجي

الحال مابـــين الـعـرب معصود
غير الســـلوم الأعتيــــــــــادية

صار التــخاذل والـردى مجهود
والمنكــرات اضحـت جهـــادية

والخوف سايد والأبـاء محدود
والمسكنة خـطـــوة سيـــــادية

والدين غايـب والــهـدى مفقود
والحُــرية غــــــير اعـتمــــادية

والأنحطاط اصـبح بديل الجود
والجيد مــــــــن ضيّع مـــبادية

افـلاس اخـلاقي بـدود حــدود
وقل شـــــــــيـمة غير عــــادية

احباط نفـسي مـعنوي مقصود
ســــــــــلب الإرادة لا إراديــــة

صار التــــــحرر هيمنه وجمود
والثـورة اعـــمال اضـدهـــادية

صار التعرّي مـــــثل ريح العود
يا الصاعــــــــداة الأقتصـــادية

محطوط في يـد الجهاد اقيود
جـــوف الســجون الأنفـــرادية

صار التخـاذل والــردى مجهود
والمنكرات اضحت جهــــــادية

والـــــذل سايد والأباء محدود
والمسكنة خطوة ســـــــــيادية

#همدان_حجي

المجاراة بعنوان خروج الشعب اليمني شاهد على عزة الاسلام.

البداية #ردفان_الرقيمي

إذا الشعوب المسلمة نايمة
صنعآء تِأبى تِغْمِـض أجفانها

تحشد ليوم الجمعة القادمة
مِن قبل يخلَى حشد ميدانها

يكاد حشد اليوم في العاصمة
يـــــزيد عن تعداد سكـانها

ـ #ضيف_الله_سلمان

بالله نتحدى القوى الظالمة
وندعس اسرائيل وكيانها..

والمعركة ما بيننا حاسمة
واحنا سند غزة وطوفانها

لندن وواشنطن في القائمة
في بحرنا تغرق مع ادوانها..

ـ #احمد_درهم

قدراتنا كبرى ومتراكمة
والموت لامريكا وطغيانها..

سبحان ربي ضربته قاصمة
اذلها من بعد عدوانها..

وبيننا قل للقوى الآثمة
مفاجأة با تسمع اعلانها..

#أبورواسي_أرحب

عدالة الله في البشر قايمه
وسنته ثابت علئ أركانها

والغرب حربه كلها ناعمه
أما الوغئ ماهم بفرسانها

والقول في المبدا وفي والخاتمة
قول البنادق صح لّسّانها

#محمد_الحربي

الله يلعن حربه الغاشمه
وحلف واشنطن وجرذانها

و(بايدن )والاسره الحاكمه
ودوله السيسي وورعانها

ولااجل غزه حربنا قائمه
لوكلنا نقتل على شانها

#خليل_قابيل

الشعب هذا وقفته دايمه
في جانب الاقصى وطوفانها

قطّع جذور الشله الظالمه
وارجف قوى امريكا وجرذانها

حشوده المليونيه خاتمه
لنهاية اسرائيل واعوانها

#الشاعر_ابـوريــدان_الجبري

اليوم مازد واسعت العاصمه
وكتض في السبعين ميدانها

شكل القيامه في اليمن قايمه
باتنهي اسرائيل وكيانها

بخاتمه مامثلها خاتمه
وامريك تتبخر بدخانها

#ابومالك_الكوماني

صفوف في الميدان متلاحمة
وقيادة الباري رفع شأنها

وامواجها ف البحر متلاطمه
صنعت بحكمتها وبايمانها

قلوا للاعدا والقوى والواهمه
بانقتلعها هي ومن عانها

#صالح_النقيب

الكوثر الي قيل في فاطمه
باينهي إسرائيل واعوانها

حشود في نهج الوفا عازمه
متحضنه غزه في احضانها

والبحر فيه أمواج متلاطمه
فيه السفن تغرق وربانها

#خالد_البصيري

على سفنهم حامت الحايمه
والبارجـه تشـعل بنيـرانـها

يا قـدسنا زحـوفنا قـادمه
بوعد ربي راسـخ ايمانها

ومنصف المظلوم من ضالمه
معنا على اسراىيل واعوانها

#مانع_البوساني

صنعاء الابيه سالمه غانمه
بفضل ربي ذي رفع شانها

صنعاء الصمود البدع والخاتمه
ذي ثابته مااهتزت اركانها

فيها ملايين البشر خارمه
للحرب كم قد ثار بركانها

#حسين_شرويد

الله يبارك فاللحى الغانمه
تفزع بحكمتها وبايمانها

ضاق الثرى بحشودها الزاحمه
قل للعرب تفتح لها اوطانها

باتشهدوا فـ الجوله القادمه
نهاية إسرائيل وكيانها

#الشاعر_ابوجهاد_صبر

الوعد ذا وعد القوئ الضالمة
والامركه تتكسر اسنانها

قولوا لها قد حامت الحايمة
والدايره دارت علا اعدانها

لا تحسب إن قدها في الخاتمة
وعادها في نصف عنوانها

#زياد_زيد

الصهينة وذنابها وآهمة
في كل يوم تتقلب الوانها

طوفان الأقصى ردها جاثمة
بإذن ربي هــدم اركـانـهـا

زوالها محتوم في الخاتمه
باتحترق في حوم نيرانها

#علي_الشعيثي

القوم في ساحات متزاحمه
في ضل قائدها وقرآنها

ابشر بعزك ياولد فاطمه
نهزم بني صهيون وعوانها

نهاية اسرائيل والخاتم
في معركة غزه وفرسانها

#ابوحسن_المجنحي

احنا السيوف المرهفات الحاسمه
ذي تقطع ايدات العدو وابدانها

واحنا مدد لسلام وقت الحايمه
نوقف مع المظلوم بيوم اضغانها

العز فينا والكرامه قايمه
لاعاش من باع القيم او خانها

#أبوصياد_الغمري

صنعاء لغزة دايمن داعمة
تحمل معاها كامل أحزانها

وجرحها والهم نتقاسمة
بقوة الله نحمي أركانها

ومرحلتنا الرابعة قادمة
بايحرق الصهيون نيرانها

‌‌‎#ابواياد_المطري

الشعب هذا زلزله ناقمة
با تنهي امريكا وجرذانها

والخامسه والسادسه القادمة
با تسحب اسرائيل باذانها

وحرب شعوى ضاريه ضارمة
بايستعر فالارض بركانها

#همدان_حجي

تكسر قرون الضربه الناعمة
حشود شعب العز وإيمانها

حشود حُرية قوى صارمة
الله مولاها رفع شانها....

غزة لنا واحنا لها دايمة
لو تزحف الاكوان باسنانها

#ابوحيدر_الراشدي

جيش اليمن وابطالها الصارمه
متأهبه فــــــــي ظـل ربانها..

على العدو قد حامت الحايمه
من قوم معـــــروفة بإيمانها..

عقود، وأسـود الوغى صايمه
فطورها امريكـــا وغلمانها..

#ابوكنعان_الروس

المسلمة نوم والأعراب متقاسمة
البهدلة والعمالة باعت اوطانها

وجوه بالعار والذلة ترى باسمة
لبن اليهودي تفتح احضانها

ببهام قذرة دنيئة باغيه باصمة
في نسف غزة وسكانها

#يوسف_الحداد

اليوم لاعاصم ولاعاصمه
لامريك واسرائيل واخوانها

صنعاء الاباء السلطه الحاكمه
سبحان ربي ذي رفع شانها

بّـ اعضم قيادة ثايرة حازمة
باتستعيد القدس وأركانها

#الشاعر_ابوحضارة_السويدي

من مجزرة حرب القوى الضالمه
تكــــــــــاد مكه تنزل اركانها

والامـــــــركه للصهينه داعمه
لحربها الضالــــــم وطغيانها

استهدفـــــت بالهجمه الناعمه
من أمــــــة الاسلام فرسانها

#اتحاد_الشعراء_والمنشدين

https://t.me/Poetsanalogous

شعار البــراءة والتولي هـــــــو السلاح
وهو موقف إيماني وضــربات كاسحـة

هو الأرتقى والفوز والنــــــصر والفلاح
هو العز والنامــــوس امــسه وبـــارحة

هو الـــدين والإسلام والنــهج والكفاح
هو الـخير كل الخير لأمـــــــة مكافحة

دواء للعليل وخير وصفات للــــــجراح
يخفف آلم امــة حزينه وضــــــــــابحة

هو الحُرية نفسه وهـــــــو للإباء جناح
هو الحرب والهدنه سـلايم وقــــاـرحة

هو الموت لأمريكا لها المـوت بالكساح
هدم مابنا الطاغي وانهى مصــــــالحة

هو الموت لإسرائيل ذي خلّفت سجاح
قهْر كل صهـــــيوني وضيّق جــوارحة

هو اللعنة الكبــــرا على الـيهوده نـواح
وزلزال هائـــل عـ الكـــــــلاب المنابحة

هو النصــــر للإسلام والـــفوز والفلاح
هو الخير كل الخير لأمـــــــة مكافحة

#همدان_حجي

https://t.me/jskwjdjdkdjdjdkdk#

التخاذل تـــــــــــــردي والتــــردي خزى
والخزى عـــــــار والعار انكشاف الستار

والتجاهل وخــــــيـمه والوخـــيمه رزى
الرزى ذي قسم ضـــــــهر الأخا والجوار

والسكوت المُــــــبرّر مثل صوت الــعزا
والكلام المعـــــسـبل مـــثل لعب القمار

والتعرّي بعـــــــين المــــــــمتهن منجزا
والمـــــــــذله بعينه عــــز حكمه وقـــار

واليمن للعـــــــروبه والــعرب مـــــركزا
وللشجـــــــاعة محل وللتفــــاني مطار

ماســــــــوا شعبنا ياقــــدس لك معنزا
ماسواه اليـمـــن مـــن اجلكم شــب نار

#همدان_حجي

مابه ذنـــــوب الى ذنـــــــــوب الكـــبائر
ولا عــــــذاب الى عـــــــذاب الــــخـبير

ولا ثــــــــواب الى ثـــــــــواب المهــاجر
ولا ســــــلام الى ســــــلام الــــشــــطير

ولا زمـــــــان الى الـــــزمان المـــعــاصر
ولا مـــــــكــان الى المــــــكان الكبـــــير

مابه جــــهاد الى بخــــوض المخـــــاطر
ولا ســــــــــبيل الى ســـــبيل القــــــدير

ولا فعـــــــــال الى فعــــــــال المبـــــادر
ولا كــــــــــلام الى الكـــــــــلام الأخــيـر

مابه ثبـــــــــــات الى ثــــبات المصــــابر
ولا صمــــــود الى الصمـــود المــــــــثـير

ولا المــــــــــــعزه بالـــــردى والتــــــــأمر
ولا الأبـــــــــاء للمـــــمتــــهن والأجـــــير

ولا الشمـــــــوخ الى لمــــــؤمن وثــــائــر
ماهو لمــــــــن خلف اليهــــودي يســـــير

ما الموت مـــوت النفس يـــاكل شـــاطر
الموت مـــــــوت القبيلة والضـــــــــــمير

خســـــــــارة الإيمــــــان اكبر خســــــائر
وشعب دون إيـــــمان خـــاســـر حقـــير

درب المــــــراجل للــــــرجال الأكـــــــابر
مايســــــــلكه غير الشـــــجاع الجــــدير

زين المـــــــــواقف ياكـــبار العـــشــــاير
في درب طــــــــه نـــور صـــاطـــع مُنير

منهج رســــول الله ماضـي وحـــــــاضر
مسير ديـــــــن الله اعـــضـــم مســــــير

فيه الســــلامة يــــــوم تبلى الســـــراير
وفيه منــــــــجا من عـــــذاب الســــعير

أمان فـــــــــي يــــــوم اللقا والمحــاشر
وفوز بالــــــــــــــجنة جـــــوار البشـــير

#همدان_حجي