عنوان المجارااااااة
(مصاديق الوعد الالهي للمؤمنين وانهيارات المنافقين في جبهات مارب)!!

البداية لــ #فارس_المعزبي

فــار (تنور ) العذاب الإلهي
وسْط مارب في تخوم المدينة..

وأقبلوا فوق السواهي دواهي
ما نجوا غير الذي فــ السفينة

الشاعر #نشوان_الغولي

قل لمن يروي حديث الملاهي
عن ولد زايد و صاحب دثينة.

بعد ما فروا عيال المقاهي
رحبت مكة بجيش المدينة..

الشاعر #احمد_درهم

شفت مشهد أمس اثار انتباهي
والعتاد العسكري ناقلينه..

ودَّف الإصلاح ذي قال (ناهي)
يلحقوا (عفاش) هم من عجينه..!!

#ضيف_الله_سلمان

شعبنا بالعز والنصر زاهي
انزل الباري عليه السكينة..!!

طاح (بن سلمان) بعد التباهي
في اليمن و(ترمب)قش الخزينة..!!

#الشاعر_عزيز_الردماني

قلت جاه الله ربي وجاهي.
قالوا آل سعود ايادي أمينه.

لا تقولوا (كيف) ما(هو) وما(هي).
مشكلتهم في تروس المكينه.

#الشاعر_عاقل_بن_صبر

مايضاهي قوة الله مضاهي
مدّنا برعـــايته والسكينه...

والذي عاده بعكس إتجاهي
قل له الميدان بيني وبينه...

#ابو_عماد_الزايدي

ياهل مارب جاهي ربي وجاهي
ماهدفنا ثار ولا ضغينه

لايسوقوكم رعاة الشياهي
ذي سواياهم والافعال شينه

#الشاعر_ابومنار_العشي

يا فلس شرعية اهل المقاهي
ويا خسارة حلفهم والغبينه

جيشهم ولى (شرد) ذي يفاهي
واللجان الشعبية طاردينه

#زيد_الخراشي

مايضاهي قوة الله مضاهي .
من وثق بمعونته بايعينه .

عننا ماالله غافل وساهي .
كيف بايغفل عن انصار دينه.

وانت ياحلف الشياطين واهي.
واليمن بلله قلعه حصينه

#شاعر_الاحرار_ابوالعباس

لمن لفعل ابن السعيدة يضاهي
يجعل اقسى كل قاسي عجينة

شب ناره ف الحقير الرفاهي
واصبح الميدان قبضة يمينه

#الشاعر_ابوعساف

يـا عـرادة عـاد ذيـاك جـاهي
إستمع شوري مدامت هوينة

بـايكموها العرب وأنت لاهي
وخـسرت الراخصة والثمينه

#الشاعر_محمود_الجنيد

عار مانقبل عبيد الملااهي
لا ولا من باع للغرب دينه

اقبلت نحو العميل الدواهي
ماحدا يفرع عليه او يعينه

#مسعود_الريامي

لاتزيغ ابصارنا يا ألاهي
واهدنا يالله لا كل زينه...!!

واحم جندك ياملاذي وجاهي
كل (بيهس) حارسي في عرينه...!!

#حاتم_الاسدي

مال صعتر صوته اليوم واهـــي
والعواصف قد هِجت من زنينه

جتكم الانصار حفيان دواهي
يقبضو للـروح من قبل حينه

#فتى_همدان

وافق اسرائيل عبر التماهي
الذي سموه ايادي امينه

من رفضناهم ب (لا) النواهي
الوجيه الخاينه واللعينه

#أبوشرف_الدين_الحمزي

ولت الأدبار جُند المقاهي
والرياض تبكي عليهم حزينة

إنهزم جيش الصلف والتباهي
بالميات أمست جثثهم دفينة

#سفيان_محمد_الدباء

جاتهم قوات قنص الجباهي
ذي تصيب عدوها وسط عينه,,

شاربين الدم قهوه وشاهي
من يواجههم حنينه حنينه,,

#ضيف_الله_حلوان

حبهتي مارب وعزي وجاهي
كيف اخليها لداعش رهينه

والمنافق ضيع الاتجاهي
لصّصت قبل الهروب المكينة!!

#الشاعر_يحيى_الوحيشي

وقد (التنور)حتى يضاهي..
(ويل)والقي حلف الاعراب بينه..

حلف قرن الشر مهزوم واهي..
واليمن ب(النصر )ربي ظمينه

#ابوامير_الفهدي

بلغوا جيش النفاق الرفاهي
تاليتهم والنهايه مُهينه...

عزمهم في كل ميدان واهي
يوم صاروا لليهودي رهينه...

#ناصر_الهادي

بلغوا المهفوف يكفي تباهي
لن يفيده مابقي في الخزينه

حربنا ماهي لعب فالملاهي
من تعدا حدنا بانهينه

#ابوسلطان_العبيدي

نا بجاه الله عندك وجاهي
يا العراده خِف عنك الضغينه

لا تخيلها مسلسل فكاهي
بعدمااهدرت الدماء والخزينه

#الاشتر_الجوفي

ياهل مأرب بطرح اليوم جاهي
عندكم عاد العواقب هوينه

لا تسومو روسكم والجباهي
لجل مشروع الملوك اللعينه

#كاشر_الناب

لا وربي يا ملوك المـلاهي
ثأرنا ما احنا لحد تاركينه

الضلام انزاح والبدر باهي
والكرامه مال والعقل زينه

#شاعر_بلاد_الروس

وعد ربي ياابن موزه وضاهي
بانربي كل أسره لعينه

ماحدا غافل.وسارح وساهي
عن سقطره والنبي لانهينه

#الشاعر_صالح_حسين

اقطعوا المعصم وصكوا الجباهي
واقصفوا الطاغوت داخل عرينه

لا سلام اليوم ماشي تماهي
نصرنا كالبرق يسمع دنين

#محمد_الراعي

الـقـبـيـلة صـيــتـهـا والتباهي
في بقاع الارض نسمع رطينه

والمرادي شــد امس انتباهي
يا قبائل حي والله دنينه

#محمود_بنيان

يا ارض بلقيس البسي ثوب زاهي
وافرحي من بعد ما انتي حزينة

حزمهم والعزم قد صار واهي
لكن الباري حباله متينة

#ابوعاقل_المنبهي

مالك الاملاك آآمر وناهي
بأذنه تخيب النفوس اللعينه

جنده تدقم بكل اتجاهي
طوقت مارب قبايل طنينه

#عبدربه_الحداد_البيحاني

هكذا من قد مسك حبل واهي
وارتضا في بيع عرضه ودينه

يخذله عزم الطقوم الرفاهي
لاجنود الله جاته حنينه

#ابوايمن_الضحياني

حلفكم يا ولد سلمان واهي
حلف إسرائيل ومن دان دينه...

نختبركم وسط مارب شفاهي
واختبار النقل في القدس حينه

#أتحاد_الشعراء_والمنشدين

https://t.me/aboyahyaalshami

تابع مجاراة عن (سحب تحالف العدوان منظومات الباتريوت وبعض الاسلحة من مارب الى الوديعة)..!!

#الشاعر_ابوشاكر_المضماري

ولا الدبر حلف واشنطن
وشل الادوان في الخانه

والشرعيه وضعها محزن
مابين صحوه ومجنانه

لا جت مزوج ولا راكن
تبقى مع الأهل مصتانه

#فخر_الدين_المساوى

عادابن سلمان بايعلن
هزيمت الحلف وعوانه

لاهادي افلح ولامحسن
ولا العراده وسلطانه

مادام والجيش متمكن
خطوه بخطوه مع الجانه

بايعصدو كل متصهين
ذي باع دينه وايمانه

#ابوسلطان_العبيدي

ياكم لسلطان متسلطن
وناسي الله وسلطانه

واليوم قد كل شي بَيّن
على دليله وبرهانه

اما مع السيد المؤمن
والا مع احفاد مرجانه

#ابورحال_الماربي

فوق العدو دن ياابه دن
بقوة الدين والدانه...

الويل يا كل متصهين
ذله وتطبيع وخيانه...

وحزب الاصلاحي الهين
خاين وطن قاتل اخوانه..

#كاشر_الناب

شب المناره وصب البن
كبود الاحرار ضميانه

اقرنت ياتيس بن مقرن
و شـــــعبنا ثار بركانه

بالآر بي جي وبالإف إن
جيناك مرجل وهجانه

#الشاعر_رعد_هناف

حلف اليهودي واخو مقرن
قريب يعلن بخسرانه

قلوله الحرب مش اكشن
ماينفع اترنب واعوانه

انصار ربي غداً تعلن
ويعود مارب لأوطانه

#شاعر_منبه

لجاننا جيشنا كفن
اذناب الامريك واعوانه

يارب ماخاب فيك الضن
مارب فتح كل بيبانه

ماعد نفع كيف ولا من
حلف الرذا شعبنا هانه

#ابوالصماد_عبدالحكيم_ابوهاشم

يا بايع العرض والموطن
لا بد ما تدخل الغانه..!!

ما عاد لك في اليمن تسكن
كلاّ ولا للسكن خانه..!!

يا ابو جـناحين عرّش حن
ودق سلمـان واعـوانه..!!

#علي_مغلي

لابد ماجيشهم يدفن
لو فـر مـنا بـأدوانـه

2000 أيام والإفـئن
يحصدمن الكفر افنانه

ياكل كافر ومتصهين
البطش قااادم وألوانه

#ابو_سياف_البيحاني

من عرش بلقيس بانعلن
هزيمة الحلف واعوانه

لاما دريته فقـــــــــــل بلسن
يا مرتزق طاع شيطانه

على الفساله خلق مدمن
من هان في موطنه هانه

#الشاعر_عبدالله_محسن_جحاف

من كان خاين ومتصهين
ماله بقا في اليمن عانه

يذهب الى تركيا يعجن
ويبيع مقلي بدكانه

مايفلح الاالذي معدن
مايشاور الامر نسوانه

#ابومشاعر_شداد_حُميد

لا والف كلا ولا يمكن
يسامح الشعب من خانه

سيطر على الوضع يا مؤمن
واجتث سلمان واعوانه

سلطن على المعركه سلطن
والحلف يختل ميزانه

قريب للفتح با نعلن
والنصر .. قد بان عنوانه

#ايوب_الحشاش

حلف الغوايه بدا يذعن
يسحب مشاته وهجانه

من بعدماكان متفرعن
رافع عناوين طنانه

ظنوا المعارك بليستشن
والحسم يكفيه زنانه

تكفي لها يوم اويومن
اضحوكة الحلف وجنانه

#صدق_الإنتماء

اموال سلمان ما تسمِن
واذناب نهيان مهتانه

ومن على حبهم مدمن
خاين عهوده وقرآنه

سديس مكه وبن لادن
اخوان صهيون وكيانه

يسموا الغزو مستوطن
وكلهم قطع من طنه

#يحيى_الوحيشي

والليل يا بدر واحد حن..
فوق ابن زايد وحذيانه..

واقضي على كل مستهجن..
و(الغازي) اجتاح عدوانه..

هذا اليمن من يطاله من..
يكفي لواكة ومجنانة..


#فارس_المعزبي

بغيرك اللــــه ما نؤمن
تكون الاوضاع ما كانه..!!

رضاك أغلا من الموطن
ومنك العــون والعــانه..!!

جعلت عدوانهم هــيــن
وجيشهــم عورته بــانه..!!

#ابوجبر_العبيدي

يابدر بي يا المسيرحن
فوق المجمع وسكانه

دق الدواعش دقوق البن
حزب اليدومي وكرمانه

نكل بالاصلاح لاالمدفن
ما عادله فاليمن خانه

#أتحاد_الشعراء_والمنشدين

https://t.me/aboyahyaalshami