المجاراة عن (المواقف تكشف الولاءات)

البداية #ضيف_الله_سلمان

ذي ما تولّى الله..وآلى الشياطين
نوع الولاء تشهد له الفاعليه..

اما مع اسرائيل والا فلسطين
والمرحلة فيها المواقف جلية..

#ابورواسي_أرحب

وألي خلق آدم وحواء من الطين
ماننثني عن حربنا المفصليه

والشعب ذي واجه بمؤته وحطين
اليوم في غزه له الأوليه

#إلياس_المقدشي

شفت الخيانه في وجيه السلاطين
تخاذلوا في مرحـلة مفصليه

يا باعيين الدين والعرض و الطين
مهزوم من كان اليهودي وليه

#الشاعر_فرحان_السلامي

وليّنـــا ربــي بكُــل البـراهيــن
نثبت ثبوت الشامخات العلية

و عزمنا نصرة لكُل المساكيـن
نيـراننــا تفتــك بشـــر البليـــة

#عبدالله_المسعدي

مع ابن بدر الديـن باننصر ديـن
والوعد وعد الله ينصر ولية

مِنْ فَضْلِ رَبِّي نَصْرنَا قَابَ قَوْسَيْن
ومرحلتنا مــــرحلة مفصلية

#الشاعر_جبر_المهدمي

تشهد مــــواقفنا بكل الميادين"
إن الـــولاء لله وطــٰه نـــبيه"

لجل القضية مانهاب الفراعين
وتحريرالأقصى عندناأولويه

#عبدالواسع_صايل_الغولي

ابليس خلق من نار والناس من طين
و ناس تبع لابليس وابليس وليه

يا اهل الولاء للامركة والسلاطين
الفوز لمن رب السماوات وليه

#ابومالك_الكوماني

الأمر واضح ما يبا له براهين
ومعركتنا معركة مفصليه

أما نفرنا ننصر الله والدين
في بحرنا وخطوطنا الساحلية

والا خضعنا لليهود الملاعين
ولعصر الاستعباد والجاهلية

#رامي_السوداني

قمنا مع الاســلام ياخاذل الدين
ب كبود.من وحي الهدئ ممتليه

والعمر كله ينقظي في الميادين
ماهي حدائــــــــق تسليه بابليه

#الشاعر_ابو_صقر_شعلان

يالله يا مولى الرجال الميامين
شعب اليمن اثبت بأنــــك وليّه

وكل من وآلى اليهـود الملاعين
باندخله فــي كشف (شر البليه)

#ابوالعباس_مفلح

وولاية الله والنبي وآل ياسين
امان من الاضلال والجاهلية

وولاية ابن البدر من منهج الدين
من هو معه مضمون ربي وليه

#ابوصالح_العملسي

واطي تولئ ناس أذلاء وواطين
قد ردوا الأمة الئ الجاهلية

حتئ المشايخ أولياء للسلاطين
يفتوا حسب توجية كمن بلية

#محمد_ابوالعز

حـدد خـيــاراتـك بكل المـيـــادين
اليـوم يا اســــــلام او جـاهلــــيه

الحق والباطل صراعه على الدين
و المرحــله يا قـومــنا فيـصــلـيه

#ناجي_القطيبي

من كان له موقف يبدّيه ذلحين
وبانقيّم. (موقفه) من هنيّه

انّه مع غزّه يدافع. عن (الدّين)
والافربّ البيت الابيض( وليّه)

#ابوقصي_العويري

واللي خلق آدم ابونا من الطين
أنّا تولينا البيوت العليه

ذي باتذكر حلفهم يوم حطين
وليوم خيبر عندها قابليه

#عبدالله_الحرفي

عبدالهوى والا اليهود المساكين
واليوم جا احفاده تولّو وليّه

افتاهم ان النحل مثل الذبابين
والفرق واضح بين هذا وذيه

#الشاعر_نضال_حُميد

يامعركة طوفان الاقصى وحطين
عادت قريش وعادت الجاهليه

لابد مانكسر غرور السلاطين
ونبيدهم فى الجبهه الساحليه

#الشاعر_عبدالقدوس_الصباحي

لو ينتهي تكوين من بعد تكويــن
او يرجع الاســــــــــلام للجاهليه

هذه مسيره قادها سيدي حسين
واحنا لها والله ناصــــــــــر وليه

#الشاعر_ابوجهاد_صبر

قُل للممالك والملوك والسلاطين
ذي مـا تـولّـى الله مـن هـو وليه

احنا ولينا الله لــو نـاكُـل الطين
ولّـنا مـواقـف بـالـشـواهـد مليه

#الشاعر_عبدالحكيم_ابوهاشم

الله مولى الصادقين الميامين
من كان له مولى فـ طه وليه

ومن مصاديق الولاء للموالين
وقوفهم في جربنا المفصليه

#ماجد_المطري

ولاية الرحمن وإلا الفراعين
كلاً يحدد بالمواقف وليِّه

إما مع ربي والاعلام والدين
وإلا ولاية بايعين القضيه

#ابراهيم_الغولي

واحنا زحفنا لجل غزه ملايين
بأمر ربااااني وطاعه. وليه

رجال تعرفنا جميع الميادين
شموخنا فوق الجبال العليه

#ابراهيم_الحجلي

هي مرحلة يبتان فيها الملاعين
والمفتري مافي يده اي حيله

ياصاحبي واختار دربك من الحين
ماعادها ياصاحبي جاهليه

#أبو_علي_عركم

ذي مايوالي آل بيت النبيين
يعيش عمره عيشة الجاهليه

واحنا لآل البيت دوماموالين
قدبان موقفنابهاذل القضيه

#ناجي_القعود

وحنا اولاه العزم احنا اليمانين
وحنا حماه الدين وانصار وليه

مانترك الاقصى ودم البريين
لو مابقي في الجسم حتى خليه

#علي_مغلي

وذي ما تولى بايذوق الأمرين
وتصبح اعمالة بلا فاعلية

واحنا تولينا علم ينصر الدين
ولا ارتضينا لعبة الهوشلية

#ابوكنعان_الروس

المندب الخندق والأحزاب وحطين
الحق واضح والشواهد جليه..

اما يدس الراس في قحلة الطين
يا ملة الاسلام ياالجاهليه..

#ابوفتح_الجرادي

كشف الحقايق بان زيف المرائين
ماعـادهــا بيــن البشر منطلـيه

باحداث غزة بان كل الملاعـيـن
والمرحلة هي مرحله مفصلية

#إتحاد_الشعراء_والمنشدين

https://t.me/aboyahyaalshami

شفت الموظف في اليمن عد االنجوم
لا اشكى همومه زاد في اليل الظلام

قد القيامه يا محمد با تقووووم
لي منع ابوك ماعاد نشتي ذا السلام

يوم التفاوض من ضبحنا والهموم
محسوب في شعب اليمن الفين عام

الحرب هدنه مالها ايه لزووم
والطيب ما ينفع معا اولاد الحرام

‎#الشاعر ‎#ابراهيم الغولي

عنوان المجاراة ((معية الله))

البداية #ضيف_الله_سلمان

المعنويات في شعب اليمن ثانيه
وإيماننا والثقة بالله فوق الخيال..

النهج قرآن والاعلام ربانية
والله معنا..وكيد اعداءنا في ضلال..

#عباد_ابوحاتم

دام الهوية يمانية وايمانية
ما بانبالي معانا الله في كل حال

بشاير النصر يا شعب اليمن دانية
وعود مولى الخلايق ما عليها جدال

#محمود_الجنيد

نقدم الروس لجل الدين مجانية
محنا من اللي يبيعوا روسهم بالريال

في حرب غزة وقفنا وقفه إنسانية
ماقد قرعنا طبول المعركة والقتال

#أبورواسي_أرحب

الأمركه لوتجينا لانكلهانيه
ونلقف أسطولها الحربي بحدالنصال

لنصر غزه نقدم قدر الأمكانيه
لأن مابه سوانافي العروبه رجال

#بندر_السقاف

في نصرت الحق عشنا احرار متفانيه
لا اليوم عاداتنا من يوم أذن بلال

ووسمنا فالعداء القاصين والدانيه
والمجد يوقف لنا وقفة شرف وامتثال

#فارس_المعزبي

(معيـة اللــه) لـي قـوه وروحانيـه
وحبـل ماينقطـع لتقطعيـن الحبــال

مابــه قوانيـن او هيئــات انسانيــه
اقوى من الله مولانا شديد المحال

#جبر_المسعدي

سبحان ذي زادنا قوه وميزانيه
وعلم وايمان يترسخ رسوخ الجبال

مع علم في مسيرة حق قرانيه
حزنا الجمايل وسمونا رجال الرجال

#محمد_الحربي

مابش قلق طالما والحرب ميدانيه
والقائد البدر وانصارة رجال الرجال

حتا ولو بايشـــنو حــرب عدوانيه
فاحنا لها لو تقطعنا مع الله وصال

#عبدالله_الجرفي

قلو للاعداء هوية شعبنا ايمانيه
بالمال والنفس جاهدنا مع ذوالجلال

وانتو مع ابليس يااهل الكاس والغانيه
بين الحلال المحرم والحرام الحلال

#سلطان_خضران

(خير امةٍ اخرجت للنـاس) قـــرانيه
في ظل قايد مســيرتنا صنعنا المحال

رجال بالمال والارواح متــــــــفانيه
تجود وتعود حيا الله رجــال الرجال

#مقبل_جرام

ندخل لضى الحرب في اجواء روحانيه
تسبيح تكبير للرحمن مولى الجلال

و نفوسنا في سبيل الله متفانيه
للنصر او للشهاده ننطلق للقتال

#ماجد_المطري

معيـَّـــة الله تصنــــــع قــوه إيمـــانيــه
يزخر بها السهل والساحل وشم الجبال

أقوى من اقوىقوى واحلاف شيطانيه
ما للبــوارج ولا للحـــامــلات إحتمـــال

ما للعــــدو إحـتـمـاليــِّـه ولا امـكـانيــه
للنصر والنصر يظفر به رجــال الرجــال

#عبد_القادر_داود

الـحـمـد لله روح الــشـعـب روحـانــية
و الراس شامخ شموخ النايفات الطوال

في ظل رايـة مسـيرة حق قرانية
هيىء لها الله من خلقه رجال الرجال

#ضيف_الله_هجوان

بعون ربي كسرنا قرون شيطانيه
في ظل قايد من آل البيت اروع مثال

حكمة يماني مع نفحات ايمانيه
والنصرميعادنا رغم الحمول الثقال

#الشاعر_جبر_المهدمي

دام المسيـره مسيرة حق قرئانيه
والقائد الفذ اباجبريل في كل حال"

باينتصـــر شعبنا"ضد المريكانيه"
ويحررالقدس من صهيون والإحتلال

#محمد_الاخرم

تمضي مع الله مسيرة حق قرآنية
وخير الاجناد فيها ناصرت خير آل

رجّال في ساعة الشدات متفانية
ماهمها الغرب وأمريكا ولا أبو عقال

#علي_مغلي

عشنا مع الله والأجواء روحانية
في كل ميدان يستدعي رجال الرجال

امة من الصف والانفال متفانية
في حرب كبرى لها شابت رؤوس العيال

#ابوهادي_عقاب

الله اعطى اليمن هويه ايمانيه
ومن اليمن اصطفى قايد وحوله رجال

امه بالايمان والحكمه وقرآنيه
فالبر والبحر والا الجو قد النزال

#ابومالك_الكوماني

قائد حسيني وتوجيهات قرآنية
وأمة تمسّك في آياته وفي خير آل

جديرة أنها تقود زمام الإنسانية
وتحبط المكر ذي منه تزول الجبال

‌‌‎#زياد_السنافي

شعب اليمن والقُبُل من. أصل قحطانيه
واصل العرب والعروبه والرجال الرجال

نزداد في الحرب والجبهات روحانيه
ومن يفـكـر يحـاربـنـا يشـوف الزوال

#ابوالمازن_الشريف

مسيرة الله ووالخطوات قرأنيه
والقايد الفذ وابطاله خيار الرجال

يمشوا بخطوات موزونات وايمانيه
متسلحين الثقه بالله في كل حال

والله معنا على قوات شيطانيه
واحنا معه ننصره باموالنا والعيال

#ابراهيم_الغولي

رجالنا في_ دروب الحق _متفانيه
تشق با الآمها _كل الدروب الطوال

مسيره ايمان ؛ والايمان_ انسانيه
قراءنيه نصرها من ربنا ذا. الجلال

#ناجي_القطيبي

قلب اليمن داخله نفحات قرئانيه
والمعنويّات حقه جاهزه للقتال

وقوفنا ضدّ حلف الكاس والغانيه
واجب مقدّس مع ال النبي خير ءال

#ابوالكرار_المجنحي

ايمان فينا يعادل الف ميزانيه
وسعد من حط حبله في وثيق الحبال

ما باتضره قلوب الحسد والشانيه
ولا الكواكب تغطي من شعاع الهلال

#ابو_محمد_دحان

احنا اولو البأس والقوه والأنسانيه
نمثل الدين الاسلامي في أروع مثآل

أصل العرب ما استمينا بالعريبانيه
على عزوف البنادق نبترع بالنصال

#ابومصطفى_الرضي

مسيرة الآل والاعلام قرآنية
ومحمية من قبل سلطان رب الجلال

والشعب يحمل جذور وافكار إيمانية
وقد لمسنا المعية في الحصار والقتال

#إتحاد_الشعراء_والمنشدين

https://t.me/aboyahyaalshami

المجاراة دعوة للمشاركة في المسيرات الواسعة لنصرة #الشعب_الفلسطيني في #ميدان_السبعين في العاصمة #صنعاء وبقية المحافظات

البداية #ضيف_الله_سلمان

بدأ صباح السبت عصر الجمعة
طوفان صبّحهم وهم مجتمعين..

من اجل غزة يارجال الفزعة
ميعادنا يا اصحابنا فالسبعين

#جميل_الكامل

هبو لأجل القدس سرعه سرعه
جهاد نخوه قبيله ياهل الدين

وادي معك خمسه وسته سبعه
لك اجرهم ولو يكونوا خمسين

#جبر_المسعدي

العمر يصحاب الجلاله جزعه
والعين مشتاقه تراء الحور العين

واحنا رجال العز واهل الفزعه
لو فال ١٠٠ منا يسيرو ٩٠

#سلطان_خضران

كلن من الليله ينبي ربعه
لا كل ساحه من يبكر فـ الحين

نصرخ ويسمع صوتنا من سمعه
فالارض والسبع الطباق وعلين

والساكتين اليوم يلقوا سبعه
لا قبيله فيهم ولافيهم دين

#حسن_السعيدي

لبيك ياداعي الشرف والرفعة
وانا وشعبي كلنا مندفعين

نبشّر إسرائيل بعد الصفعة
حياتها مابا تصل لا تسعين

#أبوزيد_النعمي

متوجهين دفعة وراها دفعة
نحرر الٲقصى من المحتلين

والناس جمعه يحضروا في الجمعة
مسيرة السبعين وغير السبعين

#ابراهيم_الغولي

ابشر بنا دفعه وراها دفعه
لجل العروبه والكرامه والدين

من اجل غزه با نلبي جمعه
ولا يهمك يا ابو امجد ذاحين

#عبدالعزيز_الغرباني

شعب اليمن في كــــل يوم الجمعة
يخرج مسيرة داعمــــــة لفلسطين

شعب الحمية والابـــــــاء والفزعة
مع اهل غـــزة واهلنــا في جينين

والمعنوية عاليـــــــــــــة مـــرتفعة
والنصر مطلب شعبنـــــا والتمكين

#الشاعر_ابو_صقر_شعلان

ياموطن الايمان هبوا جمعه
قد النصارا مننا مفتجعيـن

ونصر ربي بايجي في سرعه
وبعدها بانجتمع في حطين

#الشاعر_عبدالقدوس_الصباحي

احنا علئ عهد الوفاء والبيعه
واحنا عليه الامس واحنا ذلحين

الحشد ماهو لجل عيد المتعه
الحشد لجل القدس يابن يامين

#الشاعر_جلال_السكري

بدأ صباح السبت أول جرعة
تروي ضماهم والكبد من غسلين

من اجل غزة حشدو يامنعة
لاتوقفو لي منعكم من ذلحين

#ابومالك_الكوماني

بالوعي واجهنا القوى مجتمعه
دسنا على امريكا مع المنبطحين

ياشعبنا اتحرك بأقصى سرعه
لا كل ساحه نصرةً لفلسطين

#محمد_الاخرم

ياهل الوفاء والمرجلة والرفعة
يا خير أمة هــــمّها نصــر الدين

الكــــل يــــتحضر ويحــــشد ربعـة
على الاقل الشخص يحشد عشرين

#علي_بن_داشع

باننطلق واقلوبــنا مجتـــــمْعه
عند اليمن والعقل عند فلسطين

واخروجنا لـه عز وميــــة رفعه
والشخص فخروجه يعادل تسعين

#عدنان_جحوح

يا اصحابنا الكـل ياخذ رَبعـه
فـزعة من الإيمان لا فلسطين

دفعة وراء دفعة وراها دفعة
حتى يعم النصر والتمكين

#أبوحسين_العصري

المعنوية عالية لا رجعه
عن نصر الأقصى وأهلنا بفلسطين

لو يزحف أهل الشرك كامل جمعه
ما دام واحنا بالقوي معتصمين

في بحرنا العدوان يلقى صفعه
وداخل السبعين يلقى ثنتين
لأجل الكرامة يا يمن و الرفعه
ننفر خفاف اثقال ياجند الدين

#بدر_الكهالي

يبشر بنا الأقــــصى ويبــشر ربعه
نوقف وقوف الاخ جنب فلسطين

مادام دك الكُــــــــفر فيـــــنا ولعة
واحنا جنود الله وانــــصار الدين

#الشاعر_عبدالحكيم_ابوهاشم

يا اهـل الأبـاء والحريّه والمِنعه
ويش عاد باقي بعد هذا التمكين

حضورنا واجب علينا جمعه
حتى لو الساحه يقولوا في الصين

#ابـومـازن_الـرازحـي

عن نصرةالأقصى محال الرجعه
خوفـاً من الله وانتصاراً للدين

وخـروجنا الدايم بعصر الجمعه
جبهه قـويـه تـزعـج المحتلين

#الشاعر_متاش

ويارجال العصر عصر السرعة
كلن يجمع خبرته من ذلحين

نشغل السبعين بكرة قرعة
بحشد يتجاوز حدود البحرين

#وسام_الحنش

واجب علينا يالنشامى جمعه
يانصار ربي القاء في السبعين

مطلوب في هذا الخروج السرعه
من اجل نصرة اهلنا ب فلسطين

#ابوالكرار_المجنحي

كلن من أجل القدس يعمل وسعه
انتو بداعي الدين والله مدعين

حضور عارم شغلوهم قرعه
ردو لهم با الصاع واحد بضعين

#أبو_علي_عركم

ياشعبنا دفعه وراها دفعه
طوفان بشري نحتشد لاالسبعين

نصره لغزه يارجال الفزعه
هذه قضيتنا إلى يوم الدين

#أسـامـة_المـعبـاء

من كل فج وكل صوب وبقعه
بانجتمع يا أنصار ربي والدين

بالعصر لـ السبعين دفعه دفعه
لبيك يالأقصى بنصرك جايين

#الشاعر_وديع_داعر

على المعزة والوفاء والرفعه
ياكل مؤمن حيدري واحمر عين

نصفع بني صهيون اكبر صفعه
ونـقـهر الانـذال والمنـخـدعين

#الشاعر_بشير_الشامي

لا ساحة السبعين مابه رجعه
ياصحابنا يالله نخطاء ذلحين

دفعه الى الساحات تلحق دفعه
نملي ابوها مثل ما يوم الدين

#الشاعر_ماجد_غانم

لله درك ياحماس والصفعه
صفعه وكان الله ناصر ومعين

واحنا اليمن ماحناء بحاجت دفعه
كلين (لا) السبعين شعبي واعين

#أبوصخر_الجوحمي

غزه. تباد اليوم لازم سرعه
بخروج للساحات نصره للدين

لو يخرج الاسلام كله جمعه
من نوقف الحرب التي بفلسطين

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان (الجهاد سنام الاسلام )

البداية #بسام_شانع

من كان مسلم يثبت انه مسلم
وإلا فما هو منتمي للاسلام

من هو على الملة يسربل ويضم
مع سرايا القدس والا القسام

يوصِل جبال الطور لا وادي خم
ويخذ بثار اهل اليمن واهل الشام

#حسن_الجدمي

الله ذي يعلم بما لا نعلم
والدين كامل من عليماً علّام

ذي ما يجاهد لا تقله مسلم
ولا بمسواكه نسب للإسلام

ما يكف سجادة وتسرح تحرم
والطفل يقتل في محيط القسام

#الشاعرفرحان_السلامي

أللــه أكبــر كُــل مسلــم يقســم
جهـادنـا نعمـة عظيمـة و اكـرام

أما انطلق جيش اليمن يستنقم
و الا وقـع ملطـام بعـد الملطـام

يا ابو معي نفـزع و قـل للفندم
الموت ساعة و الهيانات اعـوام

#الكرار_المشراقي

لاخير في مسلم تولاء مجرم
لنصر غزة ماتحرك اوقام

من كان مسلم جامعانا يهجم
نستأصل الارهاب وام الاجرام

اما ذليل للامركه مستسلم
ولامعى ابن البدر يمضي قدام

#ابوخالد_الطويل

الليل يا الهاجس بدون امترجم
وضح لي الغنه وحرف الادغام

ما خير في مومن ضعيف ويرحم
الدين عزة واي مؤمن هكام

يا من تجاهد بسنن وتعلم
شرط الوضوء ودعاء دخول الحمام

#ابراهيم_الغولي

البحر موجه ثارنا المتلاطم
على العدو وقع له اكبر ملطام

والله ما نهجع ولا با ننسم
من قبلما ناخذ بثار الايتام

طوفان بدا با النصر واحنا نختم
في ظل قايدنا الشجاع الظرغام

#ابواياد_المطري

الله أكبر، والعظيم، المنعِم
والله أكبر  فوق كل الأقزام.

ذي ما يقدّم موقفه أو يقدِم
على المريكي او كيان الاجرام

ويش فايده لا قال أنه مسلم
وهو تنصل عن مهام الإسلام

#ابوفتح_الجرادي

ملعون متـخاذل مكـانــة بلـم
شارك عدوالله هــذا الاجــرام

انسان والشيطان به متحكــم
حتى اذا صـلا وزاكــا اوصـام

ماهمّ أمـر المسلمين المسلـم
ماينتمي ليــهم ولالـــلأسـلام

#أبوصخر_الجوحمي

منهج جلي قايد معلم ملهم
يوضح الايات باعظم إلهام

بين خطورة كل كافر مجرم
والحل هو بجهاد راس الاجرام

من ما سلم دينه فما با يسلم
يتجرع الويلات قبل استسلام

#أحمد_محمد_الضمدي.

وانعم ببوجبريل والله وانعم..
قائد محنك فاق كل الأعلام..

نعم الولي الحيدري مايظلم..
سيفه على كل الدُّمى والأقزام ..

لولاه بعد الله..كان الفندم..
سلَّم (لسوبر مان) والا (لفندام)..

#مناع_شريم

لاخير في مسلم وليه بن ملجم
حرام لو يحلف بثوب الاحرام

اكبرعدو الكفر يقلك هيه قم
مطبعين يلعن ابتهم حكااام

من غيرابوجبريل في حرب اوسلم
قد اتضح للكل في تسعه اعوام

#الشاعر_زياد_زيد

الله وحـــده لاســواه بايـحكـم
الـحكـم لـه مـاهـو لكـل الحكام

من عزم غزه والصمود نستلهم
معنى الفدا والتضحيه وإلاقدام

ونعم بمن ساند فلسطين وآنعم
وواجــه اسـرائيـل وكل الخدام

#الشاعر_حسين_جغمان

احنا اليمن منهو غبي يستعلم
وحنا هل الايمان ياخي بسام

على فلسطين العرب بــترحم
لاعنهم التـــاريخ ليالي وايام

وايش رايكم نبدع بشلة ملجم
شلة يزيد قوم الغُناء والافلام

#الشاعر_علي_الوزير

طبيب غـزة والغذاء والبلـسم
ثبات الامـة والابـاء والإقـدام

يـعنـي مـواقـف مـنـهـا يتـألـم
البيت الابيض واليهود الاقزام

مثـل الـيمـن والافمن يـتكـلـم
بإسم العروبه بايقع له ملطـام

#ابتسام_شرف_المحطوري

الكل يحذر من عذاب جهنم
وينطلق من أجل يحيا الاسلام

ومــن يفرط والقسم لا ينـدم
درب الجهاد درب النبي والأعلام

ومن أجل نصر الحق كلاً ملزم
يواجه الطاغوت ذا موضوع هام


#الشاعر_ابوفضل_المتوكل

ايش فايدة مسلم وهو متلثم
بالصمت وامريكاء تعيث الاجرام

خايف مسلم منبطح متلجم
ولا يحرك ساكنه والابهام

العار ثم العار يلحق ويعم
كل الدول ذي خانعه والاقزام

#عبدالعزيز_الغرباني

امضي مع الله يامجاهد واعلم
ان الجهاد أعلى سنــام الاسلام

من ناصر القســـام خيـرة مغنم
هذه حقية لاتــــــــقولوا اوهام

في ديننا الإسلام مـــا نستسلم
هذه عقيدة كــل مؤمن هكـــام

#محمد_مجلي

من كان للوبي اليهـــودي يخـــدم
الله بـــري من موقفــــه والأسلام

مسلم وهو مسكين ز ن وه يرحم
واسئل على طارق وبعض الحُكّام

ونعــــم با ابوجبـــريل والله ونعم
لاعُمـــــــر إســرائيل دامت ما دام

#وليد_الضويني

ماجسد الاسلام غير اللي هُم
انصار طه وآل بيته الاعلام

اللي بنصر القدس ربي معهم
شيعة حسين ولابة اللي قام

ينهي عن المنكر وبالله يُحكم
من منطلق الايات تسع اعوام

#إتحاد_الشعراء_والمنشدين

https://t.me/aboyahyaalshami

سلام لليث الشجاع الطحطوح
رمز الفداء والتضحية والعزة

بذل من اجل الله ماله والروح
واقوى السلاح ما هز رمشة هزة

الصبر يتعذب بنار الدحدوح
والكون يتباهى بقوة غزة

ـ #ابراهيم_الغولي
#وائل_الدحدوح

عرى الكيان العنصري والمفضوح
صوّر لنا حقده وبيّن عجزه..

وثق جرائم حربهم بالمفتوح
مثل الجبل شامخ ولا حد هزه..

برغم جرحه ما كأنّه مجروح
يشمخ بك الإعلام يابو حمزة

ـ #ضيف_الله_سلمان
#وائل_الدحدوح

قلنا اعبر في البحر يا بحااااره
(البحر آمن في حمى بو جبريل)

لا تسمعو كيد العدو واخباره
وتصدقو لا اعلامهم والتضليل

بس السفن تمشي تذيع عباره
مالي( علاقه او صله بااسرائيل)

ذا باب مندب ليس باب الحاره
وفتحنا للقدس ماهو. تمثيل

ـ #ابراهيم_الغولي

تابع المجاراة عن العدوان الامريكي والبريطاني على اليمن

البداية #نشوان_الغولي

ما بين شهرين (أكتوبر) و (نوفمبر).
ثارت (عدن) و اهلها في حالة استنفار.

من بعد (قرن) احتلال (انجلترا) و اكثر.
عادت قواها تحارب جنب ابو زنار.

قولوا لها ما خضعنا و الزمان اغبر.
و لا مع اجدادنا (ليزر) و لا (رادار).

راحت (بريطانيا) ب(السك) و (الموزر).
ما اليوم طار (المسيّر) و (المجنّح) طار.

#أبوصياد_الغمري

يامرحبا من لضا الدانات والمعبر
بحلف وأشنطن ولندن وأبو زنار

يامن تعدا علينا اليوم وإستكبر
إبشر برد اليمن يآتيك عقر الدار

في حربك الغاشمة لاشك باتخسر
أمامك إبن الرسول وخيرة الأنصار

جهوزيتنا باالاجواء والبحر والبر
بالمستوى العالي إللي تحرق الاشرار

‌‌‎#ابراهيم_الغولي

المعركه يا رجال الله( كر ) (وفر)
والصبر في ذه المواقف يارجالي عار

(البحر الاحمر) معك يا شعبنا (كبر)
والموت لا مريكا (والنصر للانصار)

با يفتح القدس من جده (فتح خيبر)
توسعي ياجهنم جاش ابو زنار

مواجهه بين( اهل الخير) واهل الشر
والمندب اليوم هوباب العدو للنار

#ابـومـازن_الـرازحـي

عجـوز (لندن) تعـاود ضمن حلف الشر
للتعـوضـه عن هـزايمهـا وغسل العـار،

(دبـورهـا) سـاقها (وامـريك) وزهيمـر
إلى النهـايـة على أيـدي بنـي الأنصـار،

قد جنب (ردفان) جاء (مران) والاشتـر
بسـلاح الإيمـان بـأسـه يخطف الأبصـار،

و(أمَّـه)و(قـائد)و(منهج)تعرفوه أكثر
من ينطلق ضمـن هديـه يهـزم الكفـار،

#شبل_الحداء_ابوفلاح

البحر الاحمر حمايتة من الاشتر
والبحرية وسط بحري رصد للكفار

جد البريطاني الي في عدن حفر
مهزوم في ماضيه واليوم كاش اصفار

والسيد القايد الي في الخبر حذر
القايد الحيدري ذي سيفه البتار

#الشاعر_عصام_المقذّل

لاعاصم اليوم لطاغوت مهمافر
حرام بالله ما ينجي من الاعصار

البحرالاحمر للمريكان موت احمر
وللبريطاني ايضَ الكفروالفجار

نهايته من طغا في الارض وتكبر
يغرق كمَ قبلهم فرعون عبره صار

قل للبريطاني القف موتك الاكبر
وتجرعة قبل تتجرع صديدالنار

#الشاعر_ناجي_محسن_المحجري

يمريك يبريطانيا انتو ا دعاة الشر
وانتوا سبب كل فتنه ايه الاشرار

والله وودفت ليدي قايد المحور
نسوقكم للمنايا اعصار تلو اعصار

حرام مازد رجع من جيشكم صيفر
ويش جابكم بحرنا يا ايها الكفار

قدامكم جيش مايخنع ولايقهر
بفضل ربي وفضل القايد الكرار

#الشاعر_علي_الوزير

اللهُ اكبر على بعض البشر واقـدر
كيف الذنوب تسوقهم مثلماالابقار

البعض شيبـاننا قـد ذوقـوه الـمُـرُ
وزفـرو اخر جنوده بالخزي والعار

مااليوم كل القـوى بالله باتخـسر
وتبطل الهنجمة وتبطل استحمـار

والافمااحنامن اتباع الوصي حيدر
ولا ل ربي جنود وللرسول انـصـار

#نصر_الشبواني

لي العز والهـيبه طـبايع بها افـخر
مهاجر مع ربي مع انصارة الانصار

جنوبي ومـن ثـورة ينايـر واكتوبر
رفضا العـماله والحتقنا معا لحرار

ربطنا محازمـنا عـلى خير ولا شر
مع السـيد القـائد والـقـدام المغوار

ودي جـا بعـدوانـه يقلد اانه عنتر
ياخذ عبرة لماضي يتذكرالي صار

#ماجد_عبدالله_القادري

واليوم في البحر ثارت بحرنا الأحمر
واصبح عليهم مضيق المندب الكرار

والبحر مالح ولاكن بيكون كوثر
من يبغي العز يوقف جانب الأنصار

الكل في صف واحد شعبنا الأشتر
وكلمته واحده في صف ابو عمار

بايلتقي البدر يتصافح مع حمير
وندخل الصهينه والامركه بالنار

#ابوطه_المهذري

شعب اليمن من هيمنتهم أتحرر
وراس ماله بندقه ومكسبه وضمار

باقاتل امريكا ولازم أردعه ودحر
هو والبريطاني جعلناالبحرله مقبار

مادام ابوجبريل قدحذر ولك انذر
فالرد قاسي تحتكم بانقلب الماء نار

سفينة امريكا لإسرائيل ما تعبر
ولا البريطاني يمده او دخل مسمار

#عماد_دايل_العماري

عدوان كافر يهودي من زمن حيدر
اهدافهم يمحو الأسـلام والأحـرار

يشتو هُدى الله والقرآن مـا يذكر
يشتو يكونو على العالم فقط اُمّار

لاكن قسم با الفلق والطور والكوثر
والناس والـفاتـحه ما ذكّـر الـذُكّـار

إن المـريكي وأعـوانه قـرون الشـر
نـهايـته فا اليمن على يـد الأحـرار

#أبوصخر_الجوحمي

البحر الاحمر لكل الكفر يتسعر
اشواظ من نار تحرق زمرة الاشرار

اتخبر الانجليز عن شعبنا اتخبر
يامريك يشرح لك الاهوال والاخطار

واليوم بايعرف الامريك في الاحمر
بأس اليماني وقوة ربنا الغفار

احنا شربنا الهدى والعز كالاشتر
من نهج طه وآله صفوة الاطهار

#ابتسام_شرف_المحطوري

اسأل على موطن الايمـــان واتخبر
من قبل ترجع بوجه البهذله والعار

شعب اليمن شعب لايهزم ولا يقهر
لو تحشدوا ضدنا من كامل الاقطار

احفاد الاشتر وشيعــه للولي حيدر
مستلهمين الوفاء والصبر من عمار

مادام والله في القران قــــــد بشر
انصار دينه فأن النصــــــر للانصار

#إتحاد_الشعراء_والمنشدين

https://t.me/aboyahyaalshami

‏معركه وعي يا شعب اليمن
كل انسان يحشد من صليه

(لجل غزه) ومن شب الفتن
يارجالي. دعستو والديه

ـ #ابراهيم_الغولي

تابع المجاراة بعنوان نهايات #أمريكا الفرعونية.

البداية #محمد_الهلالي

يا البحر الأحمر من الشاطي عليك السلام
يا قبر فرعون في الأولي وفي اللاحقه

فيك العصاء والشِعَار أتناوبت بإنسِجَام
توصل جِيوش الأعَادي قَعرك الساحقه

#ابراهيم_الغولي

اهل اليمن هم رجال الحرب واهل السلام
في كل موقف مشرف قوم متدافقه

با ننتقم من عدو الله اشد انتقام
بقوه الله شعبي ناصره خالقه

#ابوفتح_الجرادي

بقــوة الله سبـحــانـه عظيـم المقـــام
نهزم تحـــالف بـني صهيـون ونـلاحقه

والوعد مفعول في اية بخيـــر الكلام
والنصر مضمون لحضة باتكون فارقه

#ابوبدر_ذيبان

سطر ملاحم صمودك ضد حلف اللئام
قد لاح للنصر بارق انتفض عانقه

بالله سدد ولله الجهاد والزحام
اغرق قوى الشر وانهي الشله المارقه

#ابو_نواف_العرجلي

البحر الأحمر لإسرائيل بابه ضلام
وابويمن في يديه امواجه الساحقة

لا مَر صهيون فالعيشة علينا حرام
مادام غزة بوسط حصارها عالقة

#ابومصطفى_الرضي

المثلية والطفولة ذي دفنها الركام 
مؤشرات الزوال للصهينة المارقه

بانغرق الأمركة وأركانها والنظام
وحسب ماقال علمنا غارقة غارقة

#ابوشوامخ_الوعل

حرام مايجزعوا في البحر لعداء حرام
حرام لو تنحني يا الشمخ الشاهقة

من اجل غزه وقفنا في خطوط الامام
وعيشت الذل عند أهل اليمن طالقه

#عبدالعزيز_الغرباني

ثلاثي الشر بانجعل سفنهم حطام
ونهاية الأمركة كالفرعنة غارقة

ووعد ربي لنا بالنصر مسك الختام
والخزي والعار لااحلاف الرداء لاحقه

#ابوشرف_خولان_الدحملي

منهم مع الله ماهموا عيال الحرام
مثل العلم والقيادة حقنا صادقه

قدام قدام لونسكن بداخل خيام
الشعب والجيش متوحد وله ناطقه

#ماجد_عبدالله_القادري

مسيرة البدر نوره ينجلي بالظلام
والشعب مؤمن بها والقوى ناطقه

طوفان والبدر متجهز لهم ثم سام
وجند تل أبيب في بحرنا غارقه

#ابوهادي_عقاب

البحرالاحمرعلى امريكا وصهيون حرام
واصبح جهنم على قواتها المارقه

يا البحريه جهزي للبارجات الخطام
شعب اليمن والقياده حولكم صادقه

#عبدالقوي_البطل

بانجعل إمريك ماتسوى بوزن الجرام
وكبروا شأنها وفي اصلها مارقة

بايندثر في اليمن احلامها بالتمام
وكل اساطيلها في بحرنا غارقة

#أخت_شهداء_البكالي

ضرباتنا باسم ربي عاليات المقام
وعيشة الذل قلنا طالقه طالقه

ولاجل الاقصى نصوب راميات السهام
والنصر محتوم والأحداث متلاحقه

#فايز_الحمزي

نهاية امـ.. ريكـ على ايدي الرجال الكرام
والقط (بايدن) مجاهد مننا خانقه

با نغلق الباب على صهـ.. يون ويوم الزحام
صفر المعابر سقيناهم مع خارقه

#الشاعر_عزيز_البروي

والبحرية في جهوزيه عليها دوام
تترقب الخصم واساطيله المارقة

لا يمكن ان يعبروا أول وآخر كلام
حتى يعم السلام غزة وهي شارقة

#ابووائل_ميصان_الجرشه

اللـيـلـه امـسـو وقـولـو لي رجـائن تـمـام
الـنصـر يـلـمـع وشـوفـو فـ الـسـمـاء بـارقـه

قـدام قـدام يـا قـوم الـمـهـام الـعـضـام
لا يـصـبـح الـصـبـح الا والـقـوى غـارقـه

#ابوحرب_الحالمي

نهايه الامركه والحلف في ارض سام
نهايه اسوء واشد واقسى من السابقه

مصير مؤسف يرجعهم حطام الحطام
على حدود اليمن ولا على الشارقه

#الشاعر_وديع_داعر

يااعز واصدق رجال البحريه لـ الامام
دكوا بوارج بني صهيون والشارقه

وابشر ولبيك يالمسرى وشد الحزام
النصر من غيمة التشكاء سنى بارقه

#حمد_الكبسي_الوايلي

ما دام والله معنا جهزّو للقيام
في معركه داميه للامركه ساحقه

هلاك فرعون ياموسى عليك السلام
واليوم امريك من صفع العلم زاهقه

#الشاعر_علي_الوزير

بـقـوة الـلـه والـتـسـلـيـم والاعـتـصـام
بـحبل ربـي واصرار الـرجـال الـصادقـه

بايهزم الجمع لامريكي على ايدي الكرام
من شعب يعرف وهن خصمه وقوة خالقه

#ابتسام_شرف_المحطوري

لا بد نجتث أمريكا بكل اهتمام
ونقضي علىالكفر والطغيان والمارقه

أقوالنا أفعال والواقع دليل الكلام
وفي الميادين قوة على العدو ساحقه

#الشاعر_علي_المنبهي

البحر الاحمر قلبنا اسمه ببحر الحرام
يحرم عليكم دخوله والبغم ناطقه

لو يرجع اليوم امس وامس يحسب بعام
ما نخذل القدس وانفسنا لها سابقه

#الشاعر_ماجد_غانم

بقوة الله ماقوه تحقق مرام
وحلف بايدن بشره شمهاء حازقه

حصار غزه يسوق الكل نحو الصيام
وجندربي تعدالضربه الساحقه

#حرب_مشحم_صعده

الليله الليل تقرح الهمام الهمام
يالعن ابو نفس تهوى الذل واترافقه

لاحت نهايات امريكاء عيال الحرام
على يدين الرجال الصلبه الصادقه

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان قادمون في العام العاشر للصمود

البداية #أبوعساف

‏تـاسع سنة مرت وجات العاشرة
وأحنا بنفس المعنوية والصمود

شعب أنتصر تحت الظروف القاهرة
لا يـمـكـنـه لــمـربـع الذلة يعود

اليوم يتحدى الجيوش الكافرة
يـقـاتل الـطاغوت وأذناب اليهود

#الشاعر_عماد_قيرح

في عام عاشر يالقوى المتئامره
بانمسح الكفار من فوق الوجود

واترقبو ياهل الوجوه الباسره
يوم التراقي عاقبتكم يايهـود

ماباتـفيد الــراجمه والطايـره
للحق حصحص مالكم غير اللحود

#أبوحاتــم عــكَّــه

الحق من غير اليماني ناصِره
والدين ماله غيرنا يوجد جنود

غير اليمن من للكيان يحاصِـره
ومن سوى الأنصار قد ذلَّ اليهود

ومن كشف عجز العجوز العاهره
لندن وواشنطن صفعها في الخُدود

#خيرالله_الخولاني

نثبت ثبات الشامخات الجاسره
وشامخ الراس اليماني كالحيود

رغم التكالب والقوى المتئامره
النصر حلفي والصداره في صعود

والله  ما تدخل  وتعبر   باخره
الا و (غزة)سالمه ظلم اليهود

#أبوحسين_العصري

سبحان من خلى يمنا ظاهره
على قوى الشيطان وأحفاد القرود

و المرتزق عطف دبي والقاهره
وفي الرياض وتركيا عبد النقود

واحنا انتصرنا والمسيره سايره
رغمآ عن أهل الشرك والعالم شهود

#الشاعر_عزيز_البروي

امريك وبريطانيا والماكره
من قد مسخهم لا خنازير وقرود

شنوا علينا حرب كبرى ساعره
والله نصرنا نصر الاسلاف الجدود

ثلاثي الشر قوه عاثره
واحذيتهم عند ارجلهم رقود

#ابومحمد_السحاري

مع ابن بدر الدين والله ناصره
نمظي معه مابانفرط بالعهود

بصمود نتحدا الجيوش العاهره
وننسف الباغين واذناب اليهود

والــموت اسرائيل تاك الفاجره
والموت لامريكا ولحفاد القرود

#أبوصخر_الجوحمي

بالله وقياده حكيمه طاهره
وشعب مؤمن فاق في درس الصمود

فيهم إباء عزه كرامه نادره
واثق بربه قد بذل كل الجهود

واجه منافق والجيوش الكافره
واليوم يخشاه المريكي واليهود

#ابوعلي_مبخوت

بفضل ربي والعيون الساهره
ومن صنع وتقن وكثف للجهود

وانتج صواريخ بأذن ربي قادره
تدك اسرائيل وأمريكا تذود

كل السفن رجعت قطع متناثره
من صابته في البحر لايمكن يعود

ـ ‎#ابراهيم الغولي

والله ما تــسبر ولاهي ســـابره
الا بمــوت الامركه هي واليهود

والحـق يبقا حــق ربي ناصره
با ينتصر والعـــز لازم مايـعـود

لاهله وترتاح النفـوس الصـابره
والعدل والايمان فا العالم يسود

#ابواحمد_الغرباني

التسع مرّت وارحبي يالعاشرة
يالعقد الاول عاد با نصمد عقود

بالامس وارينا الملوك الداشرة
واليوام وارينا النصارى والليهود

واعتى طغاة الارض ذلّت صاغرة
بفضل ربي والمسيّر والسكود

#احمد_عبدالله_زيد

دسنا على احلاف اليهود الفاترة
بفضل ربي ذي وجد هذا الوجود

امريك راس الشر دوله غابرة
في البحر لاقا مننا اعنف ردود

عاشر سنه في معركتنا الحاضرة
الفتح موعود جل ربي والوعود

#أبوالعز_الهتار

قل للمريكي بيننا في الآخره
والنار جاهز واليهودي له وقـود

خذلك عِظه من كل أُمَّـه غابره
وإلا اعتبر مما حصل بابنا سعود

( إِن تَنْتَهُوْا ) (خَيْرَاً ) وقلنا سابره
( وَإِنْ تَعُوْدُوْا ) با نِـعُـد ضمن الوعود

#احمد_امين_الكبسي

دسـنـا على حـلـف الـطغاه الـكافره
حـلـف الـعمـاله والـنصارى والـيهود

صـارت دول كبرى وعظمى خاسره
واتـحكّم الـجيش الـيماني بالحدود

لـو يـوصـل الـصـبـر الـيـمـاني آخره
بـايـحترق غـازك ونـفطك والـوقود

#اتحاد_الشعراء_والمنشدين

https://t.me/aboyahyaalshami

المجاراة بعنوان استجابة لدعوة #السيد_القائد للحضور المليوني غداً في ساحة السبعين وكل المحافظات

البداية #ردفان_الرقيمي

يا الشعب ذي (عند الفزع يكثر)
ذي منع ابوك الفـزعة الفزعة

البحر ظهره مرتزح ل ألبَــر
والستـــــة الأيام ل ألجمـعة

خروجنا محشر ورى محشر
وأسـرابنا دفعة ورى دفعة

#ضيف_الله_سلمان

شهر التحرر شهر اكتوبر
وخير الارقام الرقم (7)

طوفان الاقصى معركة خيبر
لمن تأمل (سورة الجمعة)!!

مفروض نتأمّل ونتدبّر
ماقال في الآية رقم (9)

#جميل_الكامل

وبحر التحرر بحرنا الأحمر
با تجتمع فيه القوى جَمعَه

ويبقى لهم فيه وعد اغبر
وبا يشهدوا صفعه ورا صفعه

فالله من كل القوى أكبر
ونصره يسابق عالم السرعه

#مقبل_جرام

يا اصحابنا سبط النبي أشّر
كلن يحشّد للقا ربعه

طوفان في طوفان يتحدّر
من شعب يتحدا الدول جَمعه

مادام راس الشر يتجبّر
واجب علينا كسره وقطعه

#جبر_المسعدي

قصر البشاير بالفرج بشر
وشارع السبعين في شرعه

ومجمع البحرين خط أحمر
لاعاد لانزله ولاطلعه

لاماء اليهودي يفتح المعبر
ولاء يموتوا كلهم جمعه

#صالح_النقيب

ياشعب في وجه العدى كبر
وقاطعين البحر والسلعه

الجيد في وقت الفزع يضهر
ولا يفكر يوم فرجعه

خروج مليوني يرا صعتر
ذي قال لا يبقا سوا ربعه

#عبد_القادر_داود

نـاديـت فـي ثوار سبتمبر
أهل الإباء و العز و الرفعة

ذخـر الذي ما عاد له مذخر
و مِـنـعـة اللي ما مِعه مِنعة

غدوة في الساحات نتصور
و نـشـغّـل الصهـيونية قرعة

#عبدالحكيم_مسعد_النمري

لبيك ياشبل الوصي حيدر
لبيك ونجدد لك البيعه

على خطى المقداد والاشتر
نمضي معك قدام لارجعه

ياشوقنا للمعركة تكبر
نسحق جيوش الكفر مجتمعه

#ابوالكرار_المجنحي

الفجر شعشع والضلام ادبر
والبحرية ردعه قفا ردعه

كني اشاهد مالك الاشتر
ذي صفعته بربع مئة صفعه

بانحتشد مخطر قفا مخطر
خلف العلم ما نعرف الرجعه

#مانع_البوساني

الشعب جاهز خير ولَّا شر
يهب نفس الوقت في سرعه

شعب الإباء والعز ما يُقهر
ما تعجزه نزله ولا طلعه

بالفخر يُسمئ والوفاء يُذكر
وقت الله الله صفعته صفعه

#الشاعر_فرحان_السلامي

شعب اليمـن بالغيـرة استنفــر
يا عيب من ينوي على الرجعة

لبيــك يـا القــايـد لنــا محضــر
و الكُل متجاوب على السـرعـة

أضرب بنا فـي بحــرهـا و البــر
إحنــا سـلاحـك حـربنــا متعـــة

#ابوبحر_علي_احمد_مطر

الله أكبر فاز من كبّر
النصر والتمكين والرفعة

ابشر بنا يا سبعة اكتوبر
وابشر بنا يالبدر في سرعة

يا كل شاعر بالحروف اشعر
و خطّها بالنسخ والرقعة

#الشاعر_نضال_حُميد

لبيك يابدر الهدى وبشر
يامنهل الايمان يانبعه

الكل متجهز ومستنفر
وراعي للموتر حشد ربعه

للموقع المحدود بانحضر
لاخير فـ الجلسه وفـ الرجعه

#الشاعر_خالد_البصيري

كله محيط الهند خط أحمر
ومن دخـل يستقبل الصفعه

واهل البوارج كل من يحذر
بـحـورنا دخـلـه بلا رجــعه

لايشتكي لا عظمه اتكسر
من راس عيسى باتقع ردعه

#حمزه_الديلمي

يا شعب يتناهــــــــا عن المنكر
لا بــــــــارك الرحمن فـ الرجعه

ما ملّت إمريكــــــــان راس الشر
غاراتها طلعـــــــــــة ورى طلعه

حمى على من قد بــــــــرد وافتر
واطفال( غــــــــزة) تنتهي جمعه

#حسين_محمد_الوجمان

لبيك يا نجم الهدى الأزهر
ومْجدّد المنهاج والشرعة

كيّف ودندن واحتزم وابشر
احنا صوارم في يدك جمعه

اضرب بنا بحر الخطر واعبر
وابتر يد اسرائيل والصمعة

#ابو_ميثم_الزراع

لبيك ابوجبريل ياحيــدر
احفاد الأشتر جاوبوا جَــمَـعَــة

مابانفَـــرّط لا ولا نِـــغتر
والبيــع من ربي بلا رجعه

بانجعل السبعين يتــكــسر
من حشد مليوني فِعِل برعة

#محمد_ابوالعز

ابشــر بعـزك ســـــيدي و افخر
بشعب لبّێ دعـــــــــوتك قرعه

مليـــون ورى مليــون يتحضّر
و يحتشــــد جمعه ورى جمعه

حتى نحقق وعــــــدنا الاكــبر
وندخل القدس الشريف جمعه

#ابراهيم_الغولي

والله لا نكسر قرون الشر
ابن اليهودي سيئ السمعه

هتافنا صدق مش مجبر
والله ما ادا المعتدي نكعه

في كل جمعه نجتمع با اكثر
نحو الامام مانقبل الرجعه

#محمد_البريهي

لبيك ياسبط النبي الأطهر
عن دربكم والله لا رجعة

باكر ترى الأنصار مثل الذر
يتوافدوا دفعة ورى دفعة

طوبى لمن لباك واستشعر
يابدر ظاهر باهي الطلعة

#الشاعر_بدر_أحمد_الكهالي

يبــــشر بنا القائـــــــد إذا أشر
نلـــــبي إبن البدر فـــي سرعة

ماصوت لستم وحدكم مجبر
بل فعل واقع يمــسح الدمعة

ملعون من فــــرط ومن قصّر
قــــطاع غــــزة منـــنا قطعة

#جميل_جعفر_ابوشامخ

شعب اليمن لا فـزّ و استنفر
مازد لقي صهيون له بقعه

أبشر بنا ما شخص يتأخر
نخرج لاجل القدس بـ البرعه

إبشر بنا ملعون من قصّـر
با نعطي الصهيون كم جرعه

#اتحاد_الشعراء_والمنشدين

https://t.me/aboyahyaalshami

السيد احسين كانت صرخـته نفـخه
احيا بها النفس بعد الذل ماازهقها

مايفـــقد العـز الا فــاقد (الصرخه)
ويكســـــبه غيــر من لسنه تمــذقها

الحرب في ارض غزه تعتبر نسخه
لحقد صهيون واجــرامه يوثقـــها

قد اضـعف ايماننا ترديد(للصرخه)
ونشـــغل امريك واسرائيل نقــلقها

ذيابنا ما يطــفي جــوعها الفـرخه
انيابها من ســمان الصـــيد تفتـقها

قل للزعيم والملك والشيخ والشيخه
تطبـــيعكم شتت الامه ومـــزقها

عيال الانبوب والبسقات والكشخه
الوعد هذا ضـــروري ما نبردقها

وترفع اشــعارنا وتردد (الصرخه)
ولا المصـــايب عليهم با نحــلقها

تموت امريكيا المــلعونه الوسخه
في البر والبــحر نرميها ونحرقـها

#ابراهيم_الغولي

الله يسدد ضربتك يامــؤمن
وينصرك رب السما من عنده

اهنت ابو لندن معا واشـنطن
والحامله رجعت ابوها خرده

رزق الزبيدي حالته حالة جن
يدعي لكم في ركعته والسجده

لاعاد يتمحذق ولاعاد يوزن
الخير واجدكم يبيع كم جهده

اغلى الحديد باعه بسعر المعدن
يغطي اسواق الرياض وجده

ـ ‎#ابراهيم الغولي

لعينــش يا فلـــســطين العزيزه
ولجــلش يا عـــمود العـز والدين

فــلسطين اليــمن من دون فـيزه
عبرحتى وصل عندش فلسطين

فــــلا توصـــيه من حــبه غريزه
وربي زاد فيه الطـــــيب واللـين

فلا باقي سـوى فتره وجـــيــزه
ووعــــد الله يتحــــقق بتـمكين

ـ ‎#ابراهيم الغولي

‏الحرب هي حرب لا تنسم ولا انا انسم
يااصحابنا وافهموها حرب يعني حرب

تجــــمع الكفر واصحابه على المسلم
واتحــالفو فوق غزه شرقها والغرب

الغرب صـــادق بقوه يدعم.المــــجرم
والشـــرق دعمه لغزه واهل غزه كذب

حكام الاسلام صوره واليهود تحـــكم
واكبر هدف لليهودي طول ذل الشعب

لا قمـت يا ذي مراعي تنتــــصر لك قـم
وين العـروبه ودمـــها الحر ذي فا القلب

لا يمكــن الـــذل والاذعان يحمي سلم
ما يحــمي السـلم والاسلام غير الحرب

الشبــــــــل جــابه اسد والدم يدي دم
والذيب من ذيب وابن الكلب يطلع كلب

‎#ابراهيم الغولي

‏قل للذي في موقف الحوثي يشك
عقله بحاجة برمجه عاده قديم

سنين في ذاك الخبر جالس يعك
عدوه اهل الكهف واصحاب الرقيم

وحب طه كفر وال البيت شرك
وذروة الاسلام في طاعة تميم

كيف اقنع الي ماصنع للحلي سك
لليوم يستورد شواله والشريم

لن تؤمنو وتصدقو عبدالملك
لو يحيي العظم الذي كانه رميم

دمائنا في وسط غزه تستفك
وابن اليهودي يهتك اعراض الحريم

سبعين عام القدس عرضه ينتهك
من ذا سمع صوت الثكالى واليتيم

واين الملك والعاصفه حق الملك
وحزم بن سلمان والجيش العظيم

ماحد لها غير اليماني محترك
كسر قوا الشيطان وقرون الرجيم

ما ارسل لنا رب السما عبدالملك
الا ليهدينا الصراط المستقيم

مــــــــعادلتنا واضــحه فكو. نفك
تشتو عدامه فا اليمن طبعه عديم

الشرط الاوسط نحرق كله بسلك
والكون يرجع مـــثلما كان سديم

ماعاد معانا الا الكــــــــرامه نمتلك
والعز في الشعب اليماني الحكيم

هذه اليمن من قام يغــــزيها هلك
وتكرم الضيف الكريم ابن الكريم

‎#ابراهيم الغولي