تابع المجاراة عن جدية موقف #الشعب_اليمني مع كل خيارات التصدي لأي تحالف دولي بحري أو بري حتى أنسحاب الأحتلال من #غزة

البداية #سامي_عبيد

بيان جيش اليمن  للكل تحذيري
يراجعوا كلمة القايد وتحذيره

من يدخل البحر الاحمر يخلس الميري
كلام مفهوم ما يحتاج تكريره

ياذي حشدتوا تحالفكم.!! على غيري
جيش اليمن بايخلي  حلفكم طيره

#أبورماح_شداد

حرب الكيان اليهـودي حرب هستيري
مافـــــــــاد زحفه ولا قصفه وتدميره

في غزه انهار صهيــــــــوني وتكفيري
امــا فـــي البحر الأحمر حتم تفجيره

مهزوم يا توم فــــي حربك مع جيري
با تنطلــــــــــق لا جهنم قبل تأشيره

#الشاعر_علي_الوزير

ياشعب الايمان نصرك حسب تقديري
مـربوط بالقدس والاقصى وتحريـره

في جـمـع الاشرار مـن ربي تباشيري
مـن بعـد لاعداد لي قـد تـم تحضيره

بـايغـرق الكـل امـريـكي وتـكـفيـري
وكيـان عبري بـعـون الـلـه وتـقـديـره

#ابومجاهد_الغمري

يا من تباعـد على غزّه مشــاويري
طـوفان حاظر وقاهر تم تطـويره

نقســم برب الفلق يا كل تكفــيري
ما نوقف الا مع الاقصى ولا غيره

بشموخ حـيدر بواجه لو بظافيري
دبابة الكفـــر واتحـــزم بجــنزيره

#الشاعر_عبدالقدوس_الصباحي

مازاد أو قَل في المندب مقاديري
والحرب قانون ماهي أي خبّيره

والله لاكسر رقب من راد تكسيري
والكسر ماينجبر من بعد تكسيره

وبد ما اطرح علئ نعشه مساميري
ذي راد يطرح علئ نعشي مساميره

#ابومصطفى_الرضي

مسيرة البدر تحمل فكر تنويري
وأهدافها نصرة الأقصى وتحريره

فشل عسيري ودسنا كل تكفيري
ومن غزا ارض اليمن يبشر بتدميره

مسيرات اليمن فوق العدو سيري
اسطولهم واجب اغراقه وتفجيره

#ابتسام_شرف_المحطوري

والشر يزهق على ايدي أمة الخيرِ
هم خير أمة اخرجت للناس في السيره

سيرة علي الحيدرة حكمة وتأثيرِ
مفعولها لامس الواقع فلا غيره

مسيرة الحق ترسم خط للسيرِ
إما كذا أو كذا ياصاحب الحِيره

#وسام_الحنش

تهديدكم يالقوى العظمى على غيري
مصيركم في يد ابن البدر تقريره

غير افهموها وربي حسب تصويري
يالبحريه لاتزر الكون وتديره

#عبدالقوي_البطل

كلام معصوب بمنطق حق تعبيري
قال اليماني بصرخاته وتكبيرة

يالعن أبو من سكت باسلوب تبريري
وجاء بتبرير سكوته في أساطيره

احنا مع القدس تعلنها تقاريري
قال اليماني ولافي موقفه حيرة

#أسـامـة_المـعبـاء

يا بارجات العدؤ في البحر لاتسيري
قبلش روابي وجلكسي جالهن سيرة

من قبل مانقول للبالستيات طيري
خيرة عليش يادول عميا ميه خيرة

موقف يمنــا يواجه حلف تكفيري
من اجل تنصير أقصــانا وتحريره

#ناجي_القعود

البحر بحري وهاذا الكل تفجيري
باشل واحط وكلن يستشير غيره

والطير ذي مرصود في جو السماء طيري
بايعلم الكل صيده وقت تفجيره

الوقت محدود وذيهو حير جاء حيري
من قبل نعلن علا المندب بتسكيره

#أبوصخر_الجوحمي

الشعب له موقف الاحرار تشهيري
واللي بيسمع علمنا صاب بالحيره

غزه تحاصر وفيها حرب هستيري
واحنا نوقف على اسرائيل تصديره

نضرب نحاصر ونقصف قصف تدميري
صهيون واللي معه باننهي تدميره

#الشاعر_نصر_الصوبي

نافخ في الصـــــــور لا نافخ انا كيري
واقــــــــــوالنا افعال مشي إي خبيره

وموقــــفي الجد صاروخ عُد تدميري
مع فلســــــــطين هبت ريح اعاصيره

وبــــــــــحرنا فيه ممنوع إي تبحيري
لصــــــــــهينه والحليم تكفيه تأشيره

#زياد_زيد

فوق العدو يالمسير في السما طيري
القدس قد حان بإذن لله تحريره

خاب العدو حسب تفسيري وتعبيري
طوفان الاقصى عليهم قد نفخ كيره

لو يحشدو جيش مارنزي وتكفيري
في البحر الأحمر هلاكه بل وتدميره

#أخت_شهداء_البكالي

كل الخيارات مدروسه بتقريري
واحنا مع البدر في قوله وتقريره

ان قال تفجير فالتفجير تفجيري
ضداليهودي وضد امريك لاغيره

وموقف الشعب ثابت دوم تحذيري
لوهددوا. قصفنا ديره ورى ديره

#ماجد_المطري

لو حلف واشنطن اتداعى لتفجيري
يتفجر الوضع في من رام تفجيره

وان حشدوا ضدنا ذري وتدميري
ف البحر من جا لنا يبشر بتدميره

ما با نبقي نتنياهو ولا كيــري
ونافخ الكير بايحرق مع كيره

نرجِّع الغرب للعصر للطباشيري
وموعد القدس قد لاحت تباشيره

#الشاعر_ابوجهاد_صبر

اين بايسير اليهودي من  لضاء  كيري
فـي البحر ممنوع  توريده  وتصديره

أزكــى تحـيـاتـي وشـكـري وتقديري
علا اليمن من براقش لا وسط صيره

ذي جنب غزه وقف موقف بتعبيري
مـا بوصفه قـط والافـكـار في حيره

#الشاعر_ماجد_غانم

هذا اليمن مش مسلسل توم اوجيري
الدم حامي من الله واكتساء غيره

لناء قياده وقايدفوق الاسطوري
انذاره انذار والمتبوع تحضيره

ركع دول تمتلك نووي وفسفوري
وكم من احلاف تتلاشا على كيره

#جميل_الجنيد

مهما قوى الشر تحشد لجل تغيري
عن موقفي نحو غزة صعب تغييره

بيان واحد لحلف الشر تذكيري
والله ما في لنا يالمعتدي غَيْره

بعد العلم والقيادة ياليمن سيري
في نصر غزه والاقصى لين تحريره

المجاراة دعوة للمشاركة في المسيرات الواسعة لنصرة #الشعب_الفلسطيني في #ميدان_السبعين في العاصمة #صنعاء وبقية المحافظات

البداية #ضيف_الله_سلمان

بدأ صباح السبت عصر الجمعة
طوفان صبّحهم وهم مجتمعين..

من اجل غزة يارجال الفزعة
ميعادنا يا اصحابنا فالسبعين

#جميل_الكامل

هبو لأجل القدس سرعه سرعه
جهاد نخوه قبيله ياهل الدين

وادي معك خمسه وسته سبعه
لك اجرهم ولو يكونوا خمسين

#جبر_المسعدي

العمر يصحاب الجلاله جزعه
والعين مشتاقه تراء الحور العين

واحنا رجال العز واهل الفزعه
لو فال ١٠٠ منا يسيرو ٩٠

#سلطان_خضران

كلن من الليله ينبي ربعه
لا كل ساحه من يبكر فـ الحين

نصرخ ويسمع صوتنا من سمعه
فالارض والسبع الطباق وعلين

والساكتين اليوم يلقوا سبعه
لا قبيله فيهم ولافيهم دين

#حسن_السعيدي

لبيك ياداعي الشرف والرفعة
وانا وشعبي كلنا مندفعين

نبشّر إسرائيل بعد الصفعة
حياتها مابا تصل لا تسعين

#أبوزيد_النعمي

متوجهين دفعة وراها دفعة
نحرر الٲقصى من المحتلين

والناس جمعه يحضروا في الجمعة
مسيرة السبعين وغير السبعين

#ابراهيم_الغولي

ابشر بنا دفعه وراها دفعه
لجل العروبه والكرامه والدين

من اجل غزه با نلبي جمعه
ولا يهمك يا ابو امجد ذاحين

#عبدالعزيز_الغرباني

شعب اليمن في كــــل يوم الجمعة
يخرج مسيرة داعمــــــة لفلسطين

شعب الحمية والابـــــــاء والفزعة
مع اهل غـــزة واهلنــا في جينين

والمعنوية عاليـــــــــــــة مـــرتفعة
والنصر مطلب شعبنـــــا والتمكين

#الشاعر_ابو_صقر_شعلان

ياموطن الايمان هبوا جمعه
قد النصارا مننا مفتجعيـن

ونصر ربي بايجي في سرعه
وبعدها بانجتمع في حطين

#الشاعر_عبدالقدوس_الصباحي

احنا علئ عهد الوفاء والبيعه
واحنا عليه الامس واحنا ذلحين

الحشد ماهو لجل عيد المتعه
الحشد لجل القدس يابن يامين

#الشاعر_جلال_السكري

بدأ صباح السبت أول جرعة
تروي ضماهم والكبد من غسلين

من اجل غزة حشدو يامنعة
لاتوقفو لي منعكم من ذلحين

#ابومالك_الكوماني

بالوعي واجهنا القوى مجتمعه
دسنا على امريكا مع المنبطحين

ياشعبنا اتحرك بأقصى سرعه
لا كل ساحه نصرةً لفلسطين

#محمد_الاخرم

ياهل الوفاء والمرجلة والرفعة
يا خير أمة هــــمّها نصــر الدين

الكــــل يــــتحضر ويحــــشد ربعـة
على الاقل الشخص يحشد عشرين

#علي_بن_داشع

باننطلق واقلوبــنا مجتـــــمْعه
عند اليمن والعقل عند فلسطين

واخروجنا لـه عز وميــــة رفعه
والشخص فخروجه يعادل تسعين

#عدنان_جحوح

يا اصحابنا الكـل ياخذ رَبعـه
فـزعة من الإيمان لا فلسطين

دفعة وراء دفعة وراها دفعة
حتى يعم النصر والتمكين

#أبوحسين_العصري

المعنوية عالية لا رجعه
عن نصر الأقصى وأهلنا بفلسطين

لو يزحف أهل الشرك كامل جمعه
ما دام واحنا بالقوي معتصمين

في بحرنا العدوان يلقى صفعه
وداخل السبعين يلقى ثنتين
لأجل الكرامة يا يمن و الرفعه
ننفر خفاف اثقال ياجند الدين

#بدر_الكهالي

يبشر بنا الأقــــصى ويبــشر ربعه
نوقف وقوف الاخ جنب فلسطين

مادام دك الكُــــــــفر فيـــــنا ولعة
واحنا جنود الله وانــــصار الدين

#الشاعر_عبدالحكيم_ابوهاشم

يا اهـل الأبـاء والحريّه والمِنعه
ويش عاد باقي بعد هذا التمكين

حضورنا واجب علينا جمعه
حتى لو الساحه يقولوا في الصين

#ابـومـازن_الـرازحـي

عن نصرةالأقصى محال الرجعه
خوفـاً من الله وانتصاراً للدين

وخـروجنا الدايم بعصر الجمعه
جبهه قـويـه تـزعـج المحتلين

#الشاعر_متاش

ويارجال العصر عصر السرعة
كلن يجمع خبرته من ذلحين

نشغل السبعين بكرة قرعة
بحشد يتجاوز حدود البحرين

#وسام_الحنش

واجب علينا يالنشامى جمعه
يانصار ربي القاء في السبعين

مطلوب في هذا الخروج السرعه
من اجل نصرة اهلنا ب فلسطين

#ابوالكرار_المجنحي

كلن من أجل القدس يعمل وسعه
انتو بداعي الدين والله مدعين

حضور عارم شغلوهم قرعه
ردو لهم با الصاع واحد بضعين

#أبو_علي_عركم

ياشعبنا دفعه وراها دفعه
طوفان بشري نحتشد لاالسبعين

نصره لغزه يارجال الفزعه
هذه قضيتنا إلى يوم الدين

#أسـامـة_المـعبـاء

من كل فج وكل صوب وبقعه
بانجتمع يا أنصار ربي والدين

بالعصر لـ السبعين دفعه دفعه
لبيك يالأقصى بنصرك جايين

#الشاعر_وديع_داعر

على المعزة والوفاء والرفعه
ياكل مؤمن حيدري واحمر عين

نصفع بني صهيون اكبر صفعه
ونـقـهر الانـذال والمنـخـدعين

#الشاعر_بشير_الشامي

لا ساحة السبعين مابه رجعه
ياصحابنا يالله نخطاء ذلحين

دفعه الى الساحات تلحق دفعه
نملي ابوها مثل ما يوم الدين

#الشاعر_ماجد_غانم

لله درك ياحماس والصفعه
صفعه وكان الله ناصر ومعين

واحنا اليمن ماحناء بحاجت دفعه
كلين (لا) السبعين شعبي واعين

#أبوصخر_الجوحمي

غزه. تباد اليوم لازم سرعه
بخروج للساحات نصره للدين

لو يخرج الاسلام كله جمعه
من نوقف الحرب التي بفلسطين

#إتحاد_الشعراء_والمنشدين

https://t.me/aboyahyaalshami

أأمر وقـــــرر ومنـــا العهد ما ينقض
الشعب كامل بأمره فوضك تفــويض

اضـــرب بنا نقهر الباطل وله ندحض
دمائنـــــــا فـــايرة منســوبها بيفيض

دام العداء من خطابك سيدي تمرض
زلزل ونكل بهـــم اقهر  ولغب غيـض

واغلق ممرات "باب المندب" واقبض
لاما العذاء يدخل "لغزه"مع التمريض

من ربنا أتهيئ "المندب" لكي يفرض
النصــر لـ إسلامنــا منه مع التعويض

هاذا الكلام النهائي والجميــع لاحـظ
ماداعي لكثــرة التطـويل والتعريض

موقف مشــرف يخلي وجهنـا أبيض
ونقــابل الله وطه في وجيـــهٌ بيض


#أسـامـة_المـعبـاء
#فوضناك_ياقائدنا
#اليمن_ينتصر_لفلسطين

يا باَرجاتِ الخَصم عوديِ للوراَ
فـ السَيرُ في حدَ اليماَن محرمُ

إنَ تدخُليِ من "بابِ مندبناَ" فان
المَوتُ في عمقِ "المضيقَ" محّتمُ

البَحرُ مسَجورآ وفيَ أعماَقهِ
" بحَريةٌ " " خَفرٌ " جنَودآ اُلهمواَ

صيدَ الأعاَدي في المياهِ وجعلهمً
يسقونَ من كأس مريرآ علقمُ

النصرُ اتىٌ يا بلادَ القدسَ من
يمنَ الكرامة عبرَ بحرِ "القلزمُ"


#أسـامـة_المـعبـاء
#اليمن_ينتصر_لفلسطين

تابع المجاراة...

البداية #ضيف_الله_سلمان

قل للعرب لا يقلقوا هي فاهنة
يتفرجوا واحنا لها مهما يكن..!!

نهاية امريكا العجوز الكاهنة..
قد هي جلية في ملامح بايدن..!!

#ابوحرب_الموكر

قل للدول ذي لليهود مداهنه
مرجوعكم لابين حذيان اليمن

واحنا لها مثل الضروف الراهنه
من يعبر المندب يهز له كفن

#ابوريان_محمد_صبيح

نشوف أمريكا لصهيون حاضنة
لأجل قتل الطُفل والشيخ المسن

و صمت دولي والعرب متهاونة
هي أم الارهاب بالحروب اللي تشن

#الشاعر_علي_الوزير

الحـق مـعـنا والـقـوى مـتـعـاونـه
مع باطل امريكاعلى شعب اليمن

ونـهـايـة الـشيطـان الاكبر باينه
على يد ابن البدر وانصاره معاٍ

#أبوصخر_الجوحمي

احنا لها كالموريات الصافنه
والله ناصرنا وهو ذي با يعن

على يدينا حرب تشعل طاحنه
ننهي قوى امريكا.وصهيون النتن

#ابوطه_المهذري

هذا التحدي بيننا ومراهنه
في حربناضدالتحالف والفتن

ورجالنا للامركه هي كامنه
باذن ربي زايله يالمرتهن

#الشاعر_عزيز_البروي

من عاش فيها دغننه ومداهنة
حمى عليه كنه على الدنياء اندفن

وعاد من فيهم طباعه ساهنة
عليه لعنّه ذي مطبع مرتهن

#ابوموده_محمد_الغبسي

نهاية المحتل صارت باينه
رجال ربي بايعشوه الدفن

حتى الدول ذي لليهودي حاضنة
نشرب دماهم مثلما شرب اللبن

#حمد_الكبسي_الوايلي

علي يدين الشعب هاذا باينه
نهاية الخصم الهشاش الممتهن

قولو لامريكا الشياه الساهنه
قريب يقطع عنقها ابو يمن

#أسـامـة_المـعبـاء

قل لشعــــــوب العايبة والخاينة
بامثالكم مســــرى "محمد" ماركن

"غزة" بنصـــر الله هي مـــراهنة
ذي بايجي من شعب لجله ماوهن

#ناجي_القعود

بالله اعلنوها حرب كبرى ثامنه
تزعزع الأثقال في كل المدن

تجعل في امريكا دماير طاحنه
والغرب وإسرائيل ترجع لاتتن

#أبو_علي_عركم

تكون كبرى عالميه طاحنه
ماهمنا ياكل متغطرس عفن

شعب اليمن رغم الضروف الراهنه
ماخاف بنيامين ولامن بايدن

#عبدالله_صالح_الحجاجي

يامكثـر الاعراب لاهي فاهنه
وعنــد الحرايب العروبه تندفن

اين العروبه عند ماهي طاحنه
اليــوم حـال العروبه حــال جن

#احمد_عبدالله_زيد

يامن لامريكا دولكم راكنة
احنا اليمن قد بايدن منا يجن

لويجمعو كل اليهود الواهنة
قدهي قريبه ياتوابع بايدن

#عماد_دايل_العماري

اعتبرو امريكا العينه حاينه
واعتبرو امريكا ملبّس بالكفن

احنا لهـا كابـوس جمله باينـه
ماحد يشيل الهم عند اهل اليمن

#ابو_يحيى_العشملي

لاتقلقوا فالكيد ربي واهنة
مادام جنده ثابته ما تستكن

قد الحقيقة يامريكي باينة
والشعب يعلن موقفة ضدك علن

#ابو زيد_الزبدي

قل للعرب اهل الوجيه الخاينه
والمرتزق ذي باع عرضه والوطن

الحق واضح والحقايق باينه
اما مع الاسلام ولا بايدن

#الشاعر_حربي_اليتيم.

فالبحر الأحمر نار تشعل داخنه
طوفان شعبي سارصياد السفن

عيوننامن أجل الاقص ذاهنه
يا ويلهم صهيون عباد الوثن

#ابوحسين_الشبيطي

قلو لأمريكا العجوز الكاهنة
هوبايجيها مثلما جا للسفن

مادام نعشق للحروب الطاحنة
فالبحر أمريكا اللعينة تطّحن

#حــمــزه_الــعــزي

احنا رجال الحرب لا هي طاحنه
والوعد الاخر ذي يقاتل بـايدن

محنا من الأعراب ذي هي كاهنه
احنا مع افلسطين حتى نندفن

#جبريل_ياسين

احنا مواقفنا مواقف ساخنه
في نصرة الاسلام وثق يازمن..!!

ونهاية اسرائيل نهايه طاحنه..
على يدين انصار ربي فاليمن..!!

#ابوبدر_فرح

قل للعرب وهل النفوس الواهنه
يتربصو والنصر لازم لـ اليمن

با تهزم امريكا العيون الذاهنه
فـالبحرالاحمرذي مراقب للسفن

#عدنان_سالم_الذويبي

قد حالت أمريكا ضعيفه واهنه
وعادها في بحرنا با تعتجن

يقدر يغادر بايدن بالفاهنه
ولا دعسنا فوق عنقه سا يدن

#الشاعر_عصام_المقذّل

قريب باتشهد معارك طاحنة
تجتاح امريكا وعباد الوثن

فزعة يمانيين بعد الثامنة
وتاسعه مابعدها الى الكفن

#ابومران_الزبدي

قد قالها السيد بكلمه ساخنه
قال ارقصو وحنا لنا حرب الفتن

والله متهنا وتبقئ امنه
ويدخلين كل البوارج والسفن

#سلطان_اللاحجي

يترقـبو يتـرقـبوهـي واهنـــه
مثل الحروب الاوله باتـمتهّن

قلـولهــالاعــاد تبقاء ســاهنـه
زوالهامضــمون تـرويه السنن

#صقر_سبحان

قل للزعامات الحقيرة الخاينة
إحنا لغزة واهلها روح وبدن

مادام في مكة بترقص ماجنة
نقسم برب الكون مابا نفتهن

#ابوشامخ_المحرق

ياويل من ودف وحرك ساكنه
البحر الاحمر بايقع فرزة سفن

احنا لها فسابعه والثامنه
وامريك لازم تدفع اليوم الثمن

#ابوزكريا_المأخذي

سـبـحـان مـن أيـد علمنا وامكنه
والـحمد له عـد الخلايق والمدن

بـ الـسـيـد الـقـائـد يمنا أمـنـه
والخوف خيم فوق الأعدا والسفن

#إتحاد_الشعراء_والمنشدين

https://t.me/aboyahyaalshami

وأصلو دام ربــــــــــي مدكم
واليمن هو لكــم دايم عضيد

مااليهــــــــــود الهزيله ندكـم
جيشهم صار بإذن الله شريد

#أخت_شهداء_البكالي

يافلسطين شدو عزمكم
دمنا واحد وشرياني بريد

كلنا طوفان واحنا جنبكم
لوتوافدنا شهيد تلوالشهيد

#زياد_زيد

ليت والله واحنـا عندكم
ثابتين في المتارس والخديد

في الميادين لستم وحدكم
كلنا صف في هذا الصعيد

#ابوكنعان_الروس

انتو الضهر وحنا رزحكم
لا الجريح منكم فحنا الشهيد

طالما الكون كله ضدكم
اليمن جنبكم شامخ عنيد

#محمد_الزكري

ارفعو لله وحده يدكم
والمدد واصال من رب العبيد

قوه الله بااتعزز جندكم
مثل ماعزز الؤلبئس الشديد

#الشاعر_ماجد_غانم

منبع الاجرام ماهوه ندكم
قد لفاه الياس وهمتكم حديد

هكذا ربي بمده مدكم
مدكم بنصار (الو) باس شديد

#ابوقفري_الرعادي

ياحماس عظم الله اجركم
والتراحيم علا روح الشهيد

والعدو ذي قتل قاداتكم
اجتثاثه هو الحل الوحيد

#ابوعلي_مبخوت

لامثلكم ولاحد ندكم
في الشجاعه وفي القول السديد

كل يومين وحنا عندكم
والمسير يقرب للبعيد

#ابوعاقل_المنبهي

يافلسطين مشروعنا مشروعكم
والهدف فتح لأقصى من جديد

نسأل الله يجمعنا بكم
في سبيله وفي ركب الشهيد

#أسـامـة_المـعبـاء

خاب صهيون وافلح سعيكم
جل سبحان مولانا الحميد

غد بالفتح نوصل عندكم
وصوت صرخاتنا ترعد رعيد

#هيثم_المعنقي

في لقاء الهول نسري حدكم
نضرب أم الكباير لو بعيد

شعبنا جــاء بجهد مدكم
شعب للحق من ماضي تليد

#الشاعر_عصام_المقذّل

والقسم لوحدنا في حدكم
مانتضرناربع ساعه للبعيد

اليمن ياقدس عززردكم
قاتلو كل شيطاناً مَريد

#حربي_اليتيم

عهد الانصار والا عهدكم
فوق الامريك نعصدهم عصيد

يافلسطين علا مجدكم
اضربوهم بضربة من حديد

#جميل_الجنيد

جيشنا والشعب كله درعكم
ما نفلتكم الى يوم الوعيد

اطمئنوا..... دَمّنا من دمكم
صادقين الفعل والباري شهيد

#احمد_عبدالله_زيد

اليهودي عجز في صدكم
احترق وسط شبكه والحديد

يالمريكان مهما ردكم
القضية بدمي والوريد

#ابوطه_المهذري

شعب الايمان دايم مدكم
بر والبحر لعداكم يبيد

اعتبر جيشنا هو جندكم
بضرب الامركه بيدمن حديد

#سياف_الضبيبي

طالــــــما مجــــــــدنا من مجدكم
نضرب الخصم ضربة من حــديد

اليـــــــــمن قال لســـتم وحدكم
وبحرنـــــــا قالها هل مـــن مزيد

#الشاعر_حسين_المستكا

با نجي كلنا لا عندكم
يافلسطين واحنالش سنيد

شعب الايمن فالبحر ايدكم
والقضية بتجري في الوريد

#عماد_دايل_العماري

يا فلسطين حـنّـا جـنـبكم
بعد مولى البشر رب العبيد

دمّـنـا لـه صلـه فـي دمـكـم
مختلط في العـروق او فا الوريد

#ابوريسان_عبدالغني_سعدان

شعبنا واقف امانه ضدكم
ياعيال ابليس ياكمن عبيد

يافلسطين حقنا هو حقكم
والقضيه راسخه هي بلوريد

#مناع_شريم

يد شعب اليمن هيه يدكم 
اصرخوا باالشعار ياكل جيد

اسئل الله يثبت جندكم
الجهاد نصر الاقصى والشهيد

#الشاعر_متاش

يشهد الله وحده أنكم
ساكنين في حشانا والوريد

لو ننال الشهادة دونكم
كلنا مستحيل إنا نحيد

#شبل_الحدا_فلاح

ياهل غزة احنا جنبكم
سوف نضرب بايدي من حديد

بانقاتل من هو ضدكم
بانصيد اليهودي بانصيد

#الشاعر_عزيز_البروي

سعدنا يا فلسطين سعدكم
اليمن عانق الاقصى السعيد

ليت والله وحنا عندكم
صف واحد نقاتل لن نحيد

#الشاعر_بشير_الشامي

يافلسطين حنا جندكم
والقسم مننا مابا نحيد

افعلوا فاليهودي جهدكم
والسند شعبنا هذا اكيد

#ابومحمد_سحار

يافلسطين صنعا جنبكم
واليمن والله انا مانحيد

قبح الله من هو جاركم
مايشارك ولاخوانه يفيد

#ابو_اسحاق_الجوف

يالفلسطينين احنا زندكم
والظهر والمفاصل والعضيد

شوق لنصار انها عندكم
اشغاميم هل الباس الشديد

#ابوصالح_حسين_البداي

يافلسطين لاعد ودكم
ساحة الشرق نعصدها عصيد

ود صنعاتقبل يدكم
يارجال البساله والحديد

#عبدالقوي_البطل

أبذلوا كل مافي جهدكم
وأضربو بالنار أبتهم والحديد

وأبشروا قال اليمن في رفدكم
عن مدّكم مابايوقف أويحيد

#محمد_رطاس

جدنا يافلسطين جدكم
والوريد للدماء نفس الوريد

والذي ضرنا هو ضركم
المدبر وذي جاب الرصيد

#ابوعبدالملك_الغولي

يارجال العز لله دركم
واصلو وتقدمو ياكل جيد

يدنا دايم ترافق يدكم
بانجسد للعدو معنا الوعيد

#بدر_القيش

بالدماء وارواحنا بانفدكم
عزمنا مشتد والهمه حديد

برقنايزقع بحنت رعدكم
بانجدد عهدنا الماضي التليد

#ابوجهاد_الجولبي

يا فلسطين شــدوا عزمكم
واستعينوا بذو العرش المجيد

واعلموا انــنا عــونن لـكـم
لــن نساوم عادكم او نحيد

#نصر الشبواني

ياويلـَكم من باسـنا ياويـكم
اهوال منـها باتذوب الحديد

إحنا مـع غـزة نـدور وينـكم
بالبحر الاحمرالعذاب الشديد

#ناجي_القعود

شعبنا كله مجند لجلكم
والمنايا هي لنا فرحة وعيد

شوقنا خوض المعارك جنبكم
نمسح إسرائيل مسحه من جديد

#ابوبدر_فرح

ليت ون اليمن في حدكم
كانت الصهينه راحت بعيد

يا كم لنا يالامركة ذي ندوّر
ندخل معك في معركة مفصلية

واليوم جيتي والمنايا تحوّر
وبا نضيفكم كوؤس المنيه

لا عاد متستر ولا عد مزوّر
يخفى حقايق واضحة للبرية

موقف وتطبيع العرب هو مبوّر
والكل متخاذل امام القضية

يا احرار هاذا الكون هيا نثوّر
للبحر تصبح ثالثة عالمية

وثق معارك طاحنة يالمصوّر
فيها زوال اهل النفوس الدنية

في البحر الأحمر حلفهم بايغوّر
والغدة الصهيونية منهيه

شعب اليمن يصنع يحشّد يطوّر
والله داعمنا ومنه المعية

#أسـامـة_المـعبـاء

شعب العطاءوالخُطا مستقيمه
وآياته الكبرى من الله تكليم

فوض وكرّر كلمة الله يديمه
عبدالملك لا ما سمعها الاقليم

#عدنان_سالم_الذويبي

جروج يشفي كل حزت يتيمـة
وهمه تحطم كل ماصلب تحطيم

واجب نصد كبر اليهود الليمه
نهشم الجمع الأمريكي تهشيم

#عماد_دايل_العماري

شعب اليمن فوض قياده عضيمة
حـشـود مليونيه تفويض تسليم

فـا الـغد بعـد العـصر من فيه شيمة
لبّـا لدعـوت سيدي يوم تعضيم

#طه_الرازحي

في شعبنا الميمون مبداء وشيمة
باالدم تجــري في تزايد وتعظيم

با يخرج الساحات غد با العزيمة
نصرة لدين الله وأهله ف الأقليم

#الشاعر_علي_الوزير

الـصف واحـد والـخُـطى مستـقيمـه
والقدس وجهة شعب مايقبل الضيم

كـم حـاول يـعـثر نـشـاطـه غـريـمـه
ولا لـقــي ثـغــرة بــمــقـدار مــلـيـم

#أسـامـة_المـعبـاء

موقف مشــرف فيه عــزه وقيمة
يجيب بياض الوجه ولدين بيقيم

يزعزع ا عــروش الطـغاة الغشيمة
ويحطم احصار الصهايين تحطيم

#عبدالباري_ميران

نشتي نوصلها رسالـة عظيمه
يسمع بها العالم وكل الاقاليم

نموّت اسرائيل ميته وخيمه
ونصفع امريكا ب 5 ملاطيم

#الشاعر_بدر_أحمد_الكهالي

خروجنا في نُصـرة الحـق شيمة
تأكـيد منا دايـــــــم الله وتعميم

إنا على استمرار بأقــوى شكيمة
موقف مع الأقصى بقوة ولاضيم

#إتحاد_الشعراء_والمنشدين

https://t.me/aboyahyaalshami

"مضيق باب المنــدب" "بمعـبر رفح"
هــاذا بهاذا مافي ايديــــكم خيــــار

حـدود "غزة" والحصــار إن ما انفتح
فالبحر الأحمر ع العدؤ نفرض حصار


#أسـامـة_المـعبـاء

تطيب الحرب بين الحق والبــــاطل وللقـيا
تشـــوّقنا من الجــــــــاني نرد الحق للمجني

"مضيــــق المندب" اتغلق وايت باخرة جيا
محــال تمر من بابه وتقطـــــع حد دون اذني

وكل غــازي مشعّب با يجي للمـــوت يا حيا
لهم في البحر عزرائيل متـــــــاهب ومستني

يشل أرواح يأخذها الى الأخــرى من الدنياء
ويلقي اشــــــــلائهم متعفنه للبحــــر ويهني

لاما بحـــر اليمن من كثـــــرة القتلــى يتقيأ
وتتـــــلاطم جماجم ذايبه في موجـه المفني

نخُذ بثـــأر دم اطفال ســارت روضة العـــليا
من الحلف المـــــريكاني مدبل زايـد ومثني

قضية قدســنا عرّت حقايق مخفــيه واشياء
وبان الحـــر ذي واجه مريــكاء وذي لها دني

وفي حيـن امة المليــــار صارت خانعة عميا
تماسكـنا بمحــــــــور للشرف والعــــز متبني

وصارت نصرة المقدس مسار الشعب "ياحيا
على خيـــــر العمل" ذي به آله الكون ثبتـني

له الشكر الجــزيل جاعل لنا الأسبــاب تتهيأ
وجاعل نصـــــره الموعود منا يقتـــرب يدني

على هاذا الصـــدد ندعي العرب وشعوبها هيا
ولا انا منه ذي يرجــــــــع ولا هو يعتــبر مني

باذن الله با نطــــوي صفــــــاح الصهينة طيا
ونرفع بيـــرق الإســــــلام وذا بالله هو ظني

بداخل ساحة الاقصى على لسن "العميد يحي"
بيان النصـــر با يســــمع به الانسي مع الجني

#أسـامـة_المـعبـاء

"خطاب الحرب"

ذي كان يقصف قبل تسع أعوام
هو نفسه الي اليوم جاء يقصف

القصف نفس القصف والإجرام
نفس العــدؤ والقنبــلة والآف

لانا صــرخنا "النصــر للإسلام"
ومع فلسطين به لنـــا مـوقف

قــاموا علينــــا شلة الاقـــزام
عشـرين دولة بحربها المسقف

هم والعرب ذي باسمهم حكام
وحكمهم للغــــــرب متــوظف

ذي باعوا الأقصى وأرض الشام
ووضعــهم بالعــار صار مؤسف

لاكن ما دمنــــــــا مع العــــلّام
ذي بنصـــــره يمكن لنــا يردف

"هيـــهات منــا الذل" مهما دام
القصــــف وامريكاء له تكثــف

شعبي مع الله ثابت الأقــــدام
صامد بعـــــونه شــامخ مشنف

مقـــدام جيشه حيـدري مقدام
يفصل خطاب الحــرب ويقطف

عزه شجــــاعة مرجلة وإقــدام
ثائر غيــــور عـ الحــرب متألف

آنصـــــار لله وطه والأعــــلام
والــدهر والتــــاريخ ذي يعرف

ياكم لنا من عــز ومن إكــــرام
وكم لنا من مـــوقف مشــــرف

مع "سـرايا القدس" "والقسام"
نخوضـــها والنـــذل من يوقف

محــال نسمح قدسنـــــا ينضام
كلا ولا "غـــزة" تضل تنـــــزف

نهجم ونستبســـل ندك اخشــام
لرد نرصــــــدهم ونستــــهدف

إعدام ما نعــرف سوى الإعدام
للي يجـــي وبحربنــــــا يودف

مرجــــام غيب المقتــدر مرجام
دايم لأهــــداف العداء ينستــف

خلى السفن اكوام فــوق اكوام
في بحــرنا والموج ذي يعصف

والرد متــــواصل بلا إستسـلام
حتى على "غزة" الحصــار يقف

النصــــر قادم من مديــنة سام
وبمسجـد الأقصى غــــدآ نهتف

بشعـــــارنا والسيـــد الضـرغام
معـه لإســــرائيل با نحــــذف

#أسـامـة_المـعبـاء
#معركة_الفتح_الموعود_والجهاد_المقدس
#طوفان_الأقصي
#لستم_وحدكم

تابع المجاراة عن تورط العدوان الأمريكي والبريطاني في اليمن بشكل مباشر وكيف سيكون الرد عليهم!!.

البداية #إلياس_المقدشي

بريطانيا في حربنا اليوم ودفت
ومن قبلها امريكا اللعينه مودفه

سوا واصـلت عدوانها أو توّقفت
فـ رد اليمــن ما جهد الاعدا تـوّقفه

#احمد_ابوصريمة_القيفي

بريطانيا تعرف متى القوم نكفت
لها في اليمن ماضي بحالات مؤسفه

وشمس المريكي في سماء بحرنا اكسفت
بفضل القرون المرجبات المقنفــــة

#أخت_شهداء_البكالي

قسم بإن امريكا بحربي تورطت
وبايصبحوا عبره لمن هو يكاتفه

وكشر أسدنا الحر وصقور نكفت
وطوفاننا أفشل قواهم ووقفه

#ابومصطفى_الرضي

فلسطين عرّت والمواقف تكشفت
وواجب علينا كل مظلوم ننصفه

مع الصهينة صفّت قواهم ووقفت
وشعبي على العالم تباهى بموقفه

#أسـامـة_المـعبـاء

ولو البت كل الايادي ولفلفت
فقد اوهن الله كيد الاعداء واضعفه

بحرب المريكي جند ربي تشرفت
ومع قدسها سوت مواقف مشرفه

#عبدالعزيز_الغرباني

نهاية جموع الشـر في البحـر قرّبت
وطوفان شعب العــــز يغرق تحالفه

يقول المثــل جنت على نفسه جنت
براقش وصـارت بين الأمثال سالفة

#ابوعبدالله_صالح_عنبل

قوى اجراميه من دم الاحرار ما اكتفت
ولا في قوى العالم قيامه توقفه

و الانصار اذا قامت و ثارت و نكفت
ف نبع الجريمه من لهبها تجففه

#ابو_هادي_الغمري

جــــــــــهنم لابــــدان المريكي تلهفت
واحنا علينا بـــــــــــس ننسف تحالفه

فـ عزران في المندب مراقب وملتفت
مراعي اذا شـــــــي طاح منهم يلفلفه

#ابـومـازن_الـرازحـي

نهـاية قوى الطـاغوت ياقوم شارفت
على الإنتهـاء وجمـوعها ايضاً
مشارفه

كما قـوَّت الفـرعـون بالأمس حشدت
لنسف ٱل موسى وانتهت قبل تنسفه

#ابومجاهد_الغمري

بريطـــانيا ام الطـــواغيت خـــرّفت
وعادت من اتعاداه في حرب ينسفه

عبـــــوس المنايا من بغمنا تقــذّفت
وبحري حميم وعاد عزران مشـرِفه

#الشاعر_حربي_اليتيم.

كم ياسفن فالبحرالاحمرتطعفرت
طوفان الي خلى ابتها مطعفرة

من حق أبو زنار ذاالوعد ودفت
امريكياءوالغرب سارت مودفة

#الشاعر_ماجد_غانم

على روس الاعداء (قادحه) بنقا وفت
وكم شوقناء للحلف هذاء نطرفه

وبه شعبناء اتبسم وقواته احتفت
نقاضي عدو الله من مايسلفه

#ابوناصح_العزي

بريطانيا من باس ربي تجرعت
وذاقت مع امريكا هزايم مكلفه

وكلما جتنا تهدد او اعتدت
لقت روسنا يابس عليها مقنفه

#مصطفى_الفيل

صرنا سموم القوى ذي تحالفت
بربي والخساير عليهم مكلفه

طغت في ضربها الشعب واسرفت
ولابد من ردي عليهم يشرفه

#يونس_الجماعي

وذلحين في حنبه ولا الان مادرت
ولا به لها مخرج ولا هي مقطفه

ولا قعر وادي ويل هبة وهرولت
وارض اليمن دايم عزيزه مقنفه

#ابووائل_ميصان

ومهما جيوش العهـر والكفر صفصفت
صفانـا من الصم الصماصم مصفصفه..

نسابق ونتسابق معا الخضع والـهـفـت
وندحر قوى كـل الـجيوش الملفـلفـه..

#الشاعر_علي_الوزير

اذا ماعجوز ابليس بالماضي اكتفت
وقدهي على كسر النواميس والـفه

فـقدحالها حال العـداء لي تـوالـفت
وسالفت ماودف في البحـر سالفـه

#ذاالنون_مشتاق_شريان

يمنا على امريكا اللعينه تكاتفت
على اي وضعيه مواقف مشرفه

وماهمنا كل الدول لاتحـــالفت
ويامن جهلنا بالقتال بانعــــرفه

#طه_الرازحي

آسـاطيلها في البحـر لا ما تنتّفـت
بضـرباتــــنا وتـعود قطـعات تالفه

فمّا بانكون أحفاد الانصار لاأخُلفت
وطــوفاننا لا هب ما السيـل يوقفه

#ابو_اسحاق_الجوف

ابرطانيا ومريكا هي با تنكفت
في حربنا هي با اتروح امنتفه

قد صابها ربي من حين اقصفت
شــعب الـمـياميين ارض الصلفه

#ابوزينب_فارع

هذاسلــف عمراليمن ماتسلفـت
ولامـعــركتنا ضدهـــولا مكلـفـه

ومن يوم سبعه اليمن ماتوقفت
واعداء دين الله واجب توقفــه

#ابوشامخ_الشرقي

فيا ويل امريكا بريطاني انسفت
في البحر نهايتهم نزيله ونحذفه

فسبحان ربي ساقها لي وهرفت
على ايدي يمانيون عبرة مشرفه

#أبوجبريل_سفيان

أريـاشـهـا فـي الحـرب الأول تنـتفـت
والريش ذي بـاقـي قـريـبـاً شنـنـتـفـه

ون واصـلـت عـدوانـهـا ومـاتـوقـفـت
فحنا من على وجه الخريطه شنحذفه

#ماجد_عبدالله_القادري

ومن قبلها عدوان حبلى وخلفت
يهودي يهود خيبر ولافرق نخلفه

وعادعاصفة الحزم بالفرش عطفت
وبعدها امريكاء وفرشه تعطفه

#أبوالجنيد_شداد

ويالعن اباها الغرب لاويـــن ودفت
الى شعب يعرفها وهي دوم تعرفه

وكم بالجرائم والمجازر قد اسرفت
وكم خابت امريكا بسيــره مخالفه

#عماد_دايل_العماري

المريك وابريطانيا قد تورطت
في البحر الاحمر والقسم لا نخدّفه

وما بانفرط في دِما ابطال قدّمت
معا ربها الارواح للقدس شاغـفـه

#محمد_هادي_المؤيد

عجوز الفتن والجرم شاخت وخرفت
واسنانها من صفع جدي منتفه

بـريـطـانـيا على يمنا تـعـرفــت
وذي ماعرف بأس اليماني نعرفه

#بشير_سفيان

بريطانيا العظمى اجبورها وعطفت
علمها وبعد الان لزم تعطفه

ماعــــــــاد فيها ليش او للمـه وكيف
الشعب فيما صنفـــــوه راضي قنوع

تصنيفهم قد جــاء علينــا مثل صيف
غيثه يثبت قـــــــوم ويزعزع جموع

زاد الصـــواريخ غيظ زاد البــرجنيف
شدّه شغف زاد الصــلابه في الدروع

الحق با يقلع جــــــــذور باطل وزيف
والنصر مشــرق صبحه وحان الطلوع

حيف العرب وشعوبها ياحيـف حيـف
"غزة" تباد وشعبـــــــها عايش بجوع

وهم ولا حد قام في بنــــدق وسيف
خون اذلاء عايشين بين الخنـــــــوع

واحنــا مع الأقصى تقـــاسمنا نصيف
محنا من الي يذرفـــــوا بس الدموع

شعب اليمن يا قــدسنا بيجيك ضيف
بالفتـح بإيمان انــــزرع بين الضلوع

قد قالها في مامضى #يحي_العطيف
"القدس موعدنا" وهيـــهات الرجوع

#أسـامـة_المـعبـاء
#معركة_الفتح_الموعود_والجهاد_المقدس

شعبنا لله قد صار عاشق
للهداية و السبيل المنير

با يخفض للمهور المسابق
في رضى الله القوي القدير

والمنافق با يضلي منااافق
في رضى الشيطان مخلص جدير

#ذوالفقار_سفيان

العرس هذا جمع كل ضايق
من رجل محتاج ولا فقير

شال هذا الهم من كل عاتق
واتجه لاسعاد قلب الضرير

الزكاه اليوم له زرع باسق
حسب شرع الله صارت تسير

#ابواياد_المطري

عرس لا يوجد أمامه مطابق
فوق تسعه ألف حشدٌ غفيـر

التفاعل في جميع المنـاطـق
بالـــمهـور اللائـقــه بالـفــقير

زوجو ياشــعبنا كل ضـايـــق
واسـعـدو قلبه بشـيـئً يسير

#أسـامـة_المـعبـاء

عرس خلى الكون بسعد ناطق
ومن زكاة المال هو بايــصير

وبانــسمع غــربها والمشــارق
والتحــالف مع رعـات البعير

إن اليمن اتولت انسان صادق
ذي قــادها للآنتصــار الكـبير

#الشاعر_بشير_الشامي

زوجوا عزبان كل المناطق
كل من جاهد وعد الكثير

من زكاة المال نفعل فوارق
بين سابقنا وبين الاخير

يسلم اللى قد دفعها مصادق
عند ابونشطان شكراً جزير

#فايز_الحمزي

احتزمنا بالجعب والمحازق
واتحدنا في الزمان الخطير

رغم كيد الكايدين والعوايق
قافلتنا للمعالي تسير

يلزم الصمت كل فاسق وناعق
لن يعيقوا للزفاف الكبير

#الشاعر_عمر_الأهدل

عرس تسعه الاف خلا المنافق
قال ليش العرس هذا الكبير

شعبنا اليوم محاصَر وضايق
اطعموا الشعب هذا الفقير

قد فهمنا كل مُرجِف وناعِق
والف مبروك عرس ماله نظير

#جميل_الجنيد

الزكاة هيئة لها خير سابق
يَسّرت ما كان عائق عسير

فتّحَتْ للغارمين المغالق
وانتفع في الناس كم من فقير

في مشاريع الزواج سيل دافق
وافشلت عدوان آثم حقير

#حمد_الكبسي_الوايلي

الــحـقايق بايـنه والفـوارق
يامـفاسد مال ابــوها نضير

الزكاه اليوم في وضع لايق
والــمصارف اعطيت للفقير

بانقيم اعــراسنا ونت حانق
يامشغل صفحتك مستجير

#محمد_الحضري

انطلقنا رافعين البيارق
في رضا الله العلي القدير

حقق العرس الجماعي حقايق
واليمن شب النكف والنفير

والعدو نسقيه خارق وخارق
منها كل الجماجم تطير

#ابوهادي_صيفان

والفقير اصبح غني في المناطق
لبس واحد والمخطط بصير

تسعه الاف وعادبه عرس لاحق
قايد الثوره ابونا الكبير

عمة الفرحه وفي جمع ساحق
زعردي ياكل اسرة فقييير

#ابتسام_شرف_المحطوري

فرحةالمحتاج حزن المنافق
شيئ واضح ياكُراع البعير

كل منا بــالــزكاة بايسابــق
وارحموا من في ثراكم ضرير

نستر العزبان مابه عـوايــق
والعوايق في تولي الحمير

#أبورازح_القعود

لاتضايق ياعدو لاتضايق
او تحاكي نفسك انك خطير

اليماني كالجبال الشواهق
والبنادق صاحيه والضمير

والتحالف كل يوم في حرايق
وابن سلمان عاده الا صغير

#ابوالكرار_المجنحي

اليمن معروف سابق ولاحق
با الحميه والشرف والضمير

ما تعيقه في طموحه عوايق
دايمآ نحو المعالي يسير

زمجري واتزملي يا بنادق
في عرس مجموع ما له نضير

#الشاعر_ابوحيدر_عامر

والفرح ذل يوم له ألف بارق
في سمانا غاض حتى السفير

والفساد من عرسنا صار زاهق
والقلق عم الكيان الحقير

عرسنا عرسين والكفر حارق
والمنافق طاح ماله مجير

#ابوهاجس_موكل_رداع

ياالحيود الراسيات الشواهق.
اين ماسارالمسيّر نسير.

للحقيقه والحقائق حقائق
والحقيقه ظاهره في الاخير

مانخون العهد ولاالوثائق.
والكبير الله محدكبير

.#ابـومـازن_الـرازحـي

صار مجهود المزكين باسق
وانقذو وضع الشباب الخطير

مثل هذا العرس ينتج،فيالق
ما لها فوق البسيطه نظير

ويلكم ياكل طاغي وسارق
نحوكم، يوم النهايه يسير

#ابوناصح_العزي

رغم انف المرتزق والمنافق
الفرح عند الكبير والصغير

شعبنا ينفق وبالله واثق
شعب ما يقعد بوقت النفير

باقي الا المهر ماهوش عايق
بالتعاون بين اخي والصهير

#عبدالخالق_الحداد

في فرحهم كلنا بانسابق
لجل نسعد كل منهو فقير

والذي مابا يزكي منافق
مامعه ذمه ولابه ضمير

#الكرار_المشراقي

زف تسعه الف انجازخارق
ماحصل مثله ولا له نظير

يايمن لايمان للمجد عانق
وفتــخربقيادتك وستـنير

شعبنا باللــه ولاآل واثــق
بلغ الـخاين وقل للاميــر

#_الشاعر_رامي_احمد_السوداني

اشهد ان الخير في الناس دافق
انظرو ما في بلادي يصير

يا قوى العدوان ياكل دانق
وضعكم مثل الحمار القصير

يمتطي ظهره صغير او مراهق
يوم عيده لا عطيتاه شعير

#ابوكنعان_الروس

الفرح غطى جميع الفوارق
والتهاني جات عبر الأثير

ندعو العالم يشرف يسابق
مرحبا اهلا كبيرهم والصغير

المكان صالة السبعين طابق
اامام ابوفضل الشهيد المشير

#ابوثابت_المجنحي

رغم صكات الزمن والعوائق
شعبناء مؤمن بواحد كبير

في رضاء الباري فيالق فيالق
يحفضو حق الإخاء والجوير

قد لهم فل وقت عدت سوابق
ونشدو عنهم حلول الغدير

#يعقوب_الخمري

بالزكـــاة نفـتح جمــيع المــناطــق
ذي تبــقت في الجــنوب الأســير

إنفـــقوا مــن مال رب الفــوالــق
لحـــدا يبـــخل على اللــي فقــير

#ابويوسف_القاري

نعمه تبارك وجه ربي ذا الاكرام
ذي أكرم اصحاب الكرم والكرامه

اعراس يوميه وزفات وانغام
والمرتزق ماوفرو له طعامه

زكاتنا زكت عبادات وصيام
ونفوس تحمل للعفاف احترامه

#محمد_هزاع_البهلولي

اليوم هذا حطم ارقام وارقام
يهناك يا شعب الاباء والكرامه

العرس هذا نصر والخير قدام
ويعتبر للفتح الأكبر علامه

حتى في الأحلام ما جاء فالاحلام
واليوم كل انسان شافه أمامه .

#هادي_حسين_الرزامي

هو الله منقذنا بهديه وبالهداه
له الحمد سبحانه في الخلق ماعدله

ولولاه ماكنا ولا كانت الزكاه
نزوج بها شبان شعبي ونكفله

ولكن وعينا والوعي مثل مالصلاه
ومن زاد وعيه مالقي أي بهذله

#ابوريام_الطاهري

مادام ابو جبريل دام الفرح دام
الله يديم العافيه والسلامة

ركن الزكاة هو ثالث أركان الإسلام
والبدر ركن اهل اليمن والدعامة

ياسيدي يناشدك حبر لقلام
ترسم لتخفيض المهور العلامة..

#شداد_حميد

اليوم هذا يوم تحقيق الاحلام
تخيلو كم شخص حقق مرامه

شكرا لمن وجه وسدد ومن قام
على العمل واولاه جُل اهتمامه

ناتج زكاة المال ف الناتج العام
رسم بتسعه الف وجه ابتسامه

#يحيى_العطيف

هاذا الخبر هو صدق والا ف الاحلام
من شاهد الاف الحراوه امامه

هاذا ثمار التضحيه خلف الاعلام
ورؤيه ابن البدر عالي مقامه

الله يبارك لليمن دون هكام
جعله عزب لوما تقوم القيامه

#ابومصفطى_الرضي

في ظل قائد قاد مشروع الاسلام
بالوعي والايمان والاستقامة

شوف الفقير حقق طموحة والاحلام
وزاد بالمستضعفين اهتمامة

من اليمن لانجد للقدس والشام
باينتشر عدلة ويوصل نظامة

#محمـد_مجلـي

يا الهيئــه انهيتـي مناكير وآثام
واللبستي المسكيـن لبـس الكرامه

عزيتـي المسكيـن واطعمتـي ايتام
مشــروع خـلّ الحلف ما اهنا منامه

قل لسعودي بُــد تكبيـر الاحــرام
وســط الحرم ما دام شعب الشهامه

#ذوالفقار_سفيان

هذا بفضل الله وبفضل الاعلام
اعراس تزرع فالنفوس ابتسامه

امساء بوجه المعتدي الف ملطام
واصبح براس الشعب هذا عمامه

غيثه سكب واسقى مساكين وايتام
والعرس صار اليوم اكـبر عـلامـــه

#ابوخارف_ابوشوصاء

مبروك للعرسان تحقيق لحلام
الدين للعرسان اكمل تمامه

والشكر للهيئه ومن بالعمل قام
وبدى لهذا العرس كل اهتمامه

وقائد الثوره مجاهد ومقدام
اسس على القرآن كامل نظامه

#الشاعر_محمد_علي_الجنيد

تحت امر قايد حيدري كفو مقدام
ذي شع مثل البدر ليلة تمامه

مستضعفين الشعب كامل والايتام
في عرس متميز وعالي مقامه

اسمى تهانينا لهم عبر الاعلام
والله يديم سرور شعب الكرامه

#الشاعر_ابوحيدر_عامر

فاشل وبوجبريل قد داوى الالم
حقق طموح الشعب روح الشهامه

حطم كيان الشر وجتاح الاقزام
وعرسنا في قمة الاستقامه

على دروب الحق والمنهج العام
الله ايدنا وهاذا علامه

#أسـامـة_المـعبـاء

ماقد حصل مثله في الصين والشام
ولا في المغرب وارض المنامة

الا في ارض العز في شعب الاسلام
شعب التكافل والاباء والكرامة

نسئل من الله الــرحيم خيـر اتمام
لافراحنا وفينــا تـكون مستدامة

#ابو_شاجع_الوجيه

هيئة زكاة المال في عز الاسلام
بنت بيوت العز فيها السلامة

مشهد لنصر الله في ظل الاعلام
تحصين للاجيال عزة كرامة

بالله والقرآن بطلنا الكلام
وافعلنا تشهد ليوم القيامة