يــــــاملحمة حـِـطّـين حـِـطّـين عادت
بملحمه عضماء معىٰ وعـد أخـــــــرىٰ

من بعد مـا اسرائيـــــل بالفسق زادت
جاء موعد الأخرىٰ بهجمات كبــــــرىٰ

قتال يحذف كـل دوله تمـــــــــــــادت
بالثـــــّــــــانيه تضهر شراسـاته اضرىٰ

منــّـــــه دول عضماء بعضماء تـفادت
وعـــــــــادت اجساد الملايين صـفراء

مقاومه قامة قـيامه وقـــــــــــــــادت
جيـــــوش لايحصىٰ عددها ويـُـــقرىٰ

نهاية امريكا من الكون ســـــــــــادت
من اغتصب مسرى النبي خير مسرىٰ

حروب حتــّـــــــىٰ نسمع الخلق نادت
جرت سيول النصر في خيــر مجـرىٰ

#الشاعر_ابوعيسىٰ_دهقم

اطفالنا يـورانـيـومـيـن كــــــــــامل
لاما حدث تخصيب مــــــابه نتايج

عقولهم والـــــذّرّيــــــــــات القنابل
فتح الصواعق شي ضروري ورايج

مراكز التعليم فيها وســـــــــــــايل
تخــــــارج الانســـان عند الحوايج

#الشاعر_ابوعيسى_دهقم

تابع المجاراة بعنوان استجابة لدعوة #السيد_القائد للحضور المليوني غداً في ساحة السبعين وكل المحافظات

البداية #ردفان_الرقيمي

يا الشعب ذي (عند الفزع يكثر)
ذي منع ابوك الفـزعة الفزعة

البحر ظهره مرتزح ل ألبَــر
والستـــــة الأيام ل ألجمـعة

خروجنا محشر ورى محشر
وأسـرابنا دفعة ورى دفعة

#الشاعر_ابوعيسىٰ_دهقم

خروج لا يـُـحصى ولا يـُـذكر
واعداد با المليـــــار مجتمعه

فيهم صخط ل الكافر المغتر
وايهدم الساحـات من دسعه

اهل البــــنادق ملويات الجر
بـــايهلكو صهيون من فزعه

#ابوكنعان_الروس

بعد الصلاة شعبنا أستحضر
عزمة من الثانية ركعة

نطمر ونفزع كما طومر
ونجدد العهد والبيعة

ملعون من غاب او قصرر
يحرق بغيضه كما الشمعة

#ذوالفقار_سفيان

يا من وفيتوا مثلما الاشتر
كـلـن يـجـهـز للـقـاء ربـعــه

غـزة تـنـادي والـعـلـم أشـر
ملعون ذي بايقبل الرجـعـه

محور وما ادراك ما المحور
غزة والأقصى سيفة ودرعه

#ابوفتح_الجرادي

بانجعل الساحات كالمحشر
وتموت امريكا من الفجعة

جرايم اسرائيل مــاتُغــفـر
والثار ثـار العـرب جمــعـة

ملعون من خـــان اوقصّـر
في ثار اخـوانــة مع ربـــعـه

#ابوشهيد_القطمي

حيا ندى من شب و استنفر
قدام ما بة للورى رجعة

في نصر الاقصى كلمن شمر
و الخط خط العز و الرفعة

يا لعن أبوة يا شعب من قصّر
في نصر غزة ننطلق جمعة

#ابو_بدرذيبان

من هو يماني حر يتجمهر
الشاب و الشايب اولي الفزعه

يجيب داعي قائد المحور
لبيك يا غزة بلا رجعه

يا شعب الانصار انتم الاجدر
بالنصر والتمكين والرفعه

#عبدالعزيز_الغرباني

سبط النبي يابن الوصي حيدر
رهن الإشارة شعبنا جمعه

معك تجندنا ولك عسكر
هيهات منّا الذل والرجعة

مليونية ياشعبنا الاطهر
كلاً إلى الساحة مع ربعه

#شاعر_بلاد_الروس

باكر سوى السبعين نستنفر
وقفه مع الله نجتمع جمعه

لامن يقصر وكلمن اخبر
ينبي اصحابه مع ربعه

هذا الجهاد في يومنا الاكبر
فوق اليهودي سيئ السمعه

#عبدالوهاب_الفقيه

راهن بنا ياسيدي وبشر
وتحت امرك كلنا جمعه

لنصرت الاقصى بنستنفر
كلين لساحه حشد ربعه

نرهب عدو الله وحلف الشر
لما اليهودي ينزل الدمعه

#الشاعر_عبدالحكيم_ابوهاشم

مادام والسيد قد استنفر
يبـشر بعـزه كلنا ربـعه..!!

جهـاد لامـا نفتح المعبر
ولا مزارع منطقة شبعه..!!

قعودنا في البيت خط احمر
ما با ننال العز والرفعه..!!

#أحمد_عبدالرحمن_الظمين

ياشبل حيدر ذي فتح خيبر
ابشر نلبي دعوتك جمعه

لنصرة أهل القدس باننفر
وبا نوجه للعدو صفعة

نقسم قسم لو باتخوض البحر
لأ نتبعك دفعة وراء دفعة

#ابوضيف_الله_اللاحجي

لن نحتشد للعرض والمضهر
ولا خرجنا هـاكـذا بـدعـة

خـروجنا مـن اجـل تتحرر
كل الشعوب المسلمة جمعة

معك معك ياقايد المحور
على طريق القدس لا رجعة

#ابو_مصطفى_الرضي

واجب علينا ننهني المنكر
كلين يزهم يارجال ربعه

الفتح قرب والمدى يكبر
يحتاج الاستمرار والسرعة

في البحر والساحات والا البر
نشغل الصهيونية قرعه

#ابوحمزه_المقاش

امجادنـا بـا تـجـرف الـمـنكـر
دام الـيـمـاني في اليمن ربعه

ميعادنا الساحات بـا نـحـشـر
ونـعـيـش من رفـعـه الا رفعـه

وعـد الـيـهـود الـبـاغيه تـخـسـر
دام الـيـمـن شـبـابـة الـشمـعـه

#ابتسام_شرف_المحطوري

لا سـاحــة السبعين كل اشتر
أصواتهم وجه العــدى صفعه

والكل با يثبت ويُزهق المنكر
غــزة تنادي المؤمنيـن جمعة

وبعد ابن البدر بحـر ولاّ بــر
يطهر العالم بقعة وراء بقعه

#الشاعر_ابوجهاد_صبر

ياخير مــــــــن هلل ومـــن كبّر
وخـيـر مـــن فـ.المجد له سُمّعة

ومـن صرع رِئّسوس حلف الشر
صرعة قفاء صرعة قفاء صرعة

لـيـمـنـعـكـم يـاكـل قـرن اعصر
لا ســاحــة السبعين جـوّ جٓمّعه

#اتحاد_الشعراء_والمنشدين

https://t.me/aboyahyaalshami

قولو لحضرات خـُـدّام اليهود العبيـــد
مابانقف مــن عذاب الصّهينه ثانيـــــه

تعذيـــــــــبها قسمنا نفعل بهــا مانريد
الصّهينه طاغــيه متجبــــّــــــره جانيه

ياويلكم ياقوىٰ اسرائيل من كــل جيد
محال نوقف وقــال المنتقم فانيـــــــه

حتّىٰ لو ان اللهب يضهر برتبــة عقيــد
أو تشرق الشمس من داخل بريطانيــه

أو يصبح الماء في الأنهار مثل الحديد
وتمسي الأرض صفصف لاعوج سانيـه

أكيد بايستمر الضرب مليــــــــون اكيد
الحرب نزهه طمأنينه وروحانيـــــــــــه

#الشاعر_ابوعيسى_دهقم

المجاراة ‏عن الجوله الرابعه من التصعيد

البداية ‎#ضيف_الله_سلمان

الشعب لك ياسيدي سلّم وفوّض
وقالها صورة وصوت..

والبحر الاحمر فوّضك والبحر الابيض
وبايدن قد بايموت ..!!

ـ ‎#احمد_درهم_المؤيد

تخلت الأمة عن المشهد وعوّض
بقوم ماترضى السكوت

شعب اليمن بايحمل الراية وينهض
وبايشوت الكفر شوت

ـ ‎#عبدالباري_عبيد

البحر (الاحمر) بالمنايا السود مكتظ
واطفال غزة دون قوت

من اجلهم بانمخر(الهندي)ونمخض
ونرجع (الابيض) خبوت

#بسام_شانع

تفويض مطلق من مفوض لامفوض
من مستبا لا حضرموت

بعدالبيان الأطلسي فتش وغمض
ولالقي في البحر حوت

#أبورواسي_أرحب

جالوت أمريكا علئ أيدينا تروض
والسبت فاق من السبوت

وجاهل الأحداث يتهجا ويحفظ
مافي صحيفة أحرنوت

#محمد_مفلح

فرصه ويا من هو ابن البدر ينهض
يكفيه جلسه في البيوت

على بني صهيون حكم الله يفرض
من كان صهيوني يموت

#عزيز_الردماني

عدونا اسرائيل لكن من تعرض.
مع العدو شتناه شوت.

ومن مرض من أجل اسرائيل يمرض.
يهل المفطح والبشوت.

#ابوناجع_المنبهي

التضحيه لاهي مع ربي تعوض
لانترك الفرصه تفوت

محنا من اللي ينضر الباطل وغمض
الذل يكمن في السكوت

#الشاعر_نضال_حُميد

عذاب من ربي على امريكا مغلّظ
ولاسفينه باتفوت

أرسل عليها الله طوفانه وقيض
طوفان ابو زنه وكوت

#صالح_النقيب

الرابعه ياويل فيها من تعرض
ولا لمس بين الشروت

دام السمك فلبحر البيض ذيتبركض
هي صيد والصياد حوت

#أبوعساف

أمامنا يا شعب فرصة لا تعوض
نهد بيت العنكبوت

نحرر بلاد العرب بالطول والعرض
من قدسنا لا حضرموت

#فارس_المعزبي

ياويل مجرم كذَّب الآيات واعرَض
عنها على رغـم الثبــوت

الرابعـه فيها من الحُكم المغلّض
عن واقعـة هـدم البيوت

#عبدالحكيم_مسعد_النمري

افرض قرارك لاسواك اليوم يفرض
لك يصغي العالم .. صمووت

رض السفن رض البوارج رضها رض
حظر الملاحة حظرموت

#ابواياد_المطري

البحر الابيض بالبشاير قد تمخّض
كل السفن مابا تفوت

ونهاية اللوبي وبئس العيش والحظ
في يدنا مثل الرموت

#ابوالكرار_المجنحي

الفلم حامض والعزايم عادها احمض
فرصه ولا يمكن تفوت

نخوضها في صف ذي برك وروض
اقسى الشدايد بالرموت

#الشاعر_ابوجهاد_صبر

الـحـرب هـاذا اليـوم باتِطّول وتعرض
ماعاد لأمريكا وقوت

من سيف عزرائيل ذي يقطع ويقبض
قولوا لها مابا تفوت

#الشاعر_بدر_الكهالي

المـوت لأمريــكا وإسرائيل يدحض
ويشوتها فالبحر شوت

نهايتك حانت وبايدينا ستقبض
ولا نجونا إن نجوت

#اكرم_النيعاني_ابونبيل

ياسيدي في نهجك العالم تروض
وفاق من نوم السبوت

انت الوحيد فوق العداء من ثاروانقض
وغيرك اذعن بالصموت

#محمد_البريهي

من بعد ما الموساد عالإسلام حرض
وحرك العالم ريموت

الله بك ياسيدي للدين عوض
لما رأى الأمة تموت

#ذوالفقار_سفيان

على غمار الحرب قد شعبي مروَّض
ثبوت فالساحه ثبوت

نحب قايدنا ولاسرائيل نبغض
فرصه ولا يمكن تفوت

#الشاعر_ابوعيسى_دهقم

الشعب ياهول الحروب اصبح مرَوّض
يستقبل امريكا بموت

والحلف لاماقد قـِـنع عاده معــوّض
يبشر نفجـّر فرط صوت

#ابتسام_شرف_المحطوري

قل للذي طبع تولاهم وأعرض
يكفي تخفي فالبيوت..

لاعاصم اليوم أمر أرشدنا وأفرض
ذي نقوله في القنوت

#جميل_ابوقاسم

الشعب عينه للسفن مايوم غمض
وانجت غمتناها غموت

وحربنا معا الذي قتل وحرض
من الفرص ذي ماتفوت

(وضع غزة)

قال ابن يحيىٰ ولد دهقم فتحت الوريـق
والبسمله في بدايتها تسابق سبـــــــــــاق

ودفتر الشعر من حزنه بدمعه غريــــــــق
من وضع غزة تشـَطّـر سقف سبعن طباق

أاهاتها خـَــــلّـت اعضاء المجرة تضيـــــق
وجوع سـُـكّــانها شـَـــــــق اليمن والعراق

وضاقت اطهر نفوس المخرجي والشقيق
سوىٰ النفوس الخبيثه ذي تخون الشـقاق

واشباه خيرالبشر بعد الشـ💋ـفاه الرقيق
يتجاهلو صوت نـــــادا من يغيث المـعاق

وين العرب وين ماتنهض وهـَــــل باتفـيق
قد نـَــــــدد الملحد وبـَــطّــل منامه وفاق

إذا مية شخص ماتو فوق قوبه دقيــــــق
انا العن افكار من يطلب لعين اتــّـــــــفاق

سيبو حواراتـــــكم والمعذره بالوثيـــــــق
وقاتلو لو بقـــــــــىٰ ل الدين فيكم مـذاق

يالعالم امشي طريقك واليمن من طريـق
ومن وقف ضد من ينصر فلسطين عـــاق

ياشعب غزة معك بايوقف اعضم صـديق
حتىٰ لو اتوسـّـعت حربه علا اوسع نطاق

وقفه أصيله من الشعب الأصيل العريـــق
ماقد خـُـــلق فيه من يرجع عن الإنطلاق

لابد مايحرق العالم وضــُـــــــــلمه حـريق
ويجعل الارض تتهاوا بضيـــــــق الخـناق

انفاسه القدسيه تلهب زفيــــــــر وشهـيق
والغيض باينــــهي الغاصب وجمع النفاق

والكون لو يجتمع في قاذف المنجنيــــق
والساق يلتف من هول المـعارك بســـــاق

نهاية اليهوده في حــَــــــد باب المضيــق
لاشك لا إفتراء والقول صـــــادق وحـاق

والحرب مابايقف حاشا وغيضـه عميــق
يامعركة نصرت الاقصـــىٰ محال الفـراق

حتىٰ يجندل مية مليار مُرحـب فريـــــق
ويمشي النصر يتعانق وغـزة عنــــــــــاق

#الشاعر_ابوعيسى_دهقم

#إصدر-بيانات-يايحيى سريع ازهـَم
وعـَبـّي البحر صادر والـرّجاء الصالح

#إطلق-لسانك وخل البحر يتلَـهجـم
في كونيه تهلك الصالح معى الطالح

لنـُـصرَة القـُـدس لو نـِـعـدِم بـَني ادم
يلعن جدافير ذي مـــاقد رماء قـارح

#الشاعر_ابوعيسى_دهقم

#تاريخ_الاجداد_من_تــاريخنا_قشبَب
والبحر من بطشنا مفصوله اعصـــــــابه

والكون من عنفوان الضرب قد لَـبــّـــب
ومن #بيانات_صادر ذابو اذنــــــــــــابه

لا يبرز اليـــــــــــوم من لايمتلك مخلب
#الآخرة_وعدها_بـــــــــــارز_ومخـلابه

#الحرب_ساحه تشـــابه ساحة الملعب
من كان ماهر في الملعب عبـَـر بــــــابه

والقاع مشحون متلامس في الكهــرب
ومن وريده تكهرب فــــــــــارق احبابه

جحيم موصود يحرق من ضَلم واذنَب
من يشهده مــــــات مهما يرجع اعقابه

لو #الأصاطيل_تدخل_خـانة_المـركب
والأرض كامل تساوي متر في غـــــابه

المعركه مثل يـــــــوم الواقعه واصعب
مابـَـعدها غير يــــــــوم الحشر والقابه

لا عـَـمــر بن ود يحسمها ولا مـُـرحـَـب
وعاد #حيدر_بسيفه_عـــاصر_اشنابه

#الشاعر_ابوعيسى_دهقم

(#أمر_الولاية)

تزخّــــــر هواجس سيل قُــــدّام للأمـام
تترجم خداع الدهر والشــــــعر نَشّـــده

عصا الله من خالف نبي واتــبع الغـــرام
يحب المناصب نفس يعـــبد وتعبــــــده

ومابايجي من جور أو فسق أو ضــــلام
تَولي علي مخرج لذا الشعب ترفـــــــده

وياشعب بـــالذكرىٰ عليك افضل السلام
ولاية علي ذي هي في الكون خالــــــده

عليك التحيه خالده طول ب الــــــدّوام
على إتّــــباع النــــــــهج ذكرىٰ مأبّـــــده

بيوم الغدير اللي وجب فيــــــه اللتــزام
من الأمه العـُــــظماء بئايــــه مخلّـــــده

أتا لنّبي أمر الولايـــــــــه على التّمــــــام
يبلّــــغ بما أُنـزل بصـــــــــوره مؤَكّـــــده

وبلّلغ وعاد الوضع سآبر كــــما يُــــــــرام
حديث الولايه والرجاجيــــل موفــــــده

بأنه علي وحده سيحصل بذالوســــــــام
وســـام الولايــــــــة بعد طـٰه بمقعـــــده

وسمعوه كُـل الخلق العراب والعَـــجــــام
علي بعــــد طـٰه لجل أُمّـــــــه موحّــــده

والا مر بعد اكمال الاسلام نصف عــــــام
وفات النبي لّـديـــــن فجعـــــه تكبــّـــده

ضهر ماضهر يوم السقيـفه من الضــــلام
عبور انحراف بشور مسعد ومســــــــعده

من يحلل الواضح سلك مســلك النعــــام
بلا الناس بعده كم غـــــبا كم نعـــــــدده

وقال النبي في خم قوله وهـــــو قــــيام
علي وافهمو لاحـــد يــــحلل وينقـــــــده

وبعد النبي أمــــــة محـمد تبا اهتــــــمام
علي مصحف المصحف لمصحف يجَسّده

علي لاتكلّم كلمتــه أفـــــــضل الكـــــــلام
كلامه درر من كون كامــــل بمفـــــــــرده

علي حكمه الرّاجح وتشهد له الأنــــــــــام
إذا احترت في الأحكام حكمه يوجّــــــده

علي لارما ب السهم ماتخـطي السهــــــام
بيرمي عدو اللــــــه رميــــــــه مســـــدّده

علي لاضرب ب السيف في يوم القتــحام
تلوح البشائِر بنتــــــــصارات مرعـــــــــده

علي لا  أتاله ألف مُرحــــــب بَقو ركــــــام
يخل الجثث هلكا ومن جــا يمـــــــــــدّده

علي ذي في الخندق قتل أكبر الّلئـــــــــام
قتل عمر بن ود الغبــي يوم هــــــــــــدّده

علي ضربته خيرمن عبادة ستّين عـــــــام
وبه يبرز الإسلام في الحرب يسنـــــــــده

علي ذي فداء طهٰ عليه افضل الســـــــلام
وهاجر رسول الله وهو وسط مرقـــــــده

علي بايع الأطهر وماضي كما الكِـــــــــرام
وروحه فداء طـٰه المطهّــــــر وعاهـــــــده

ولاكنّ أهل الشّرك عـــــادوه واللئــــــــــام
وقالو وصي الخلق والنهج نبعــــــــــــــده

تلوّت خيانه لحمها هرهــــــــر العضــــــام
خفا في خفا تعتــز حيـّــــه مزرقــــــــــده

ضهر وزنها باطنان ياصاحب الجـــــــــرام
تسوق العرب للخلف ريوس معـــــــــــوّده

وصار الضلال اللي مهيمن يمن وشـــــــام
ومن يتبع اهل الشرك عزّه ومجّـــــــــــده

وصار المثال اللي حيات من كفر حـــــرام
أزاحو كتاب الله وسنــّـــة محــــــــــــدّده

ولاكن علينا العار في البدع والختـــــــــام
لانقتل اللي ضـــل المـــــــه ونبعــــــــــده

ولابانفرّط في علي منهـــــــــــج الكِــــرام
ولو مابقي في الأرض كائـــــن يجــــــدده

ونرفع مصـــــــير الدين قُدّام للأمـــــــــام
ومن بايخالـــف سيدي النــار موعــــــــده

لـه العهد لانجعل دماء الكفر سيل خـــــام
ومن مقتل الأطـــــــــفال أمريك نلكُـــــده

هنا سلم للي يطلب الســـــلم والســــــلام
ومن قلفد الواقع قســـــــــم لانقلفـــــــده

كما أامن ارضك يايمن له علي الإمــــــــام
أليمان هاذا اليــــوم ناهــــــــظ تجـــــدّده

مثلما حضت همدان بحبّــه وأرض ســــام
حبه في الشـــــــريان والروح يشهـــــــده

قُبل خَلّفت شُجعان كَمّــــــن أبـي هُـــمــام
تَوَلّــي علي زاده وشُــــــــربه ومَــــرقـــده

ومن مطلَـبه يئمن تــــــــــوَلّاه بحتــــــرام
عدو الوصي مارد خُـولــــقنا نبَـــــــــــلزده

تــُـقل شـيعة الكــــرار كــــــرارنا حــــــزام
ولحضه من الإعزاز مغنــــــم وجَــــيـّـــده

سلامي لكم ياشعب اليمـــــان ياكـــــــرام
وحب الوصي واجب ولازم نخــلّــــــــــده

#الشاعر_ابوعيسى_دهقم

(#الاخره_والوعيد)

الحرب ريشه وجيش الحرب سيــل المداد
والبــــــــــــحر دفتر لسرد القافيه والقصيد

عـَـد الصـــــــواريخ أشبه شي بعـَـد الجراد
والهول في وجه فتح القدس وجهه سعيد

إقليمـــــــية هـَـمـّـها طَـحن العدو والمـُـراد
من كل جانب تزف الموت ســاخط شـديد

في مستجـَـدّاتها بطش الرجـــــال الشـداد
وتقيس الاحداث شـِـدّة نبضها والوريـــــد

على جيوش الاعـــــــادي مثل ذات العماد
تجري حسـَـب وعد يـــوم الاخره والوعيد

شرارها ما خـُـلُـق مثله شـــــــرر في البلاد
يسحب ويطرق ويفني كل فاجر عنـــــيد

سحق الطواغيت حكمه مثل حكم الجهاد
واجب من الواجبـــــــــات الواجبه للعديد

حكم الزناء مثل حكم المسكنه والحيــــاد
الصمت مثل الزناء يـــــــاكل مسلم رشيد

#اليوم_يوم_القتــــال_العالمي_والحصاد
اليوم يـــــــوم الضرواه بعد صقل الحديد

الخصم معروف مهما زاد جرمه وبــــــــاد
هاذا بن اخطَـب وذا مـُـرحب وهاذا يـزيد

كل الأفاعيل مسبوقه وماهي جـِــــــــداد
ماعاد باقي على كل المحـــــــــاور جديد

مهما وصلنا من آلات التواصل فســــــــاد
الوضع معروف من قبل اختراع البـَـــريد

المضدهد يضدهد من يكره الإضدهـــــاد
والحـُـرّيـه فوق عـِـتق الحر ذي ما يحـيد

صار الغني الأبــي عايش بلا مــــــاء وزاد
وكل ملعون يحضــــــــىٰ بالنـعـيم الرغيد

كل الطرق زايله بـــــــاقي طريق السـداد
والقدس أمره في القـول الحكيم السديد

#بالحق_نادى_لأولى_القبلتين_المنــــــاد
لبيـــــك قال اليمن ياقدس مانت الوحيد

نـــــــــادي وهز الكواكب ينصرك من أراد
#والله_ناصر_وخلق_الله_كــــامل_عبيد

لازم نســـــوق اليهودي حيث بئس المهاد
لابد صهيون يشرب من شراب الصديـــد

كل المجـَـرّات تفطَـن حرب فـــي كل واد
تصنع من الـدّمّ مجــرى نهر مثل الخديد

#تلمح_كبار_الدول_في_كل_مينى_رماد
وحاملات الطواير في جبـــــــال الصعيد

والبر والبحر زحمه بالعدد والعتــــــــــــاد
والجو مشبوك بالصــــــــاروخية والوقيد

كل الايادي سريعه عند ضغط الزنــــــــاد
تشحن حريق البوارج مثل شحن الرصيد

#الشاعر_ابوعيسى_دهقم
#معركة_الفتح_الموعود
#طوفان_الأقصى
#غزة_لستم_وحدكم