المجاراة دعوه عامه للمجتمع اليمني الحر بالتكافل والتراحم وترخيص المهور وتحصين الشباب من الحرب الناعمه .

البداية #سلطان_خضران

تحت عنوان التكافل لجـتماعي
بين ابنا المجتمع
نحو فعل الخير كل انسان ساعي
في رضا الله الطمع
قال لك ياسيدي سمعاً وطاعه

قل لبو نشطان مشكور المساعي
بالزكاه وماصنع
سبعه الف ونيف فالعرس الجماعي
بينهم لاقد جمع
ساعة الرحمن قل يا خـير ساعه

وانت يابو البنت مـابه اي داعي
تفسخه لاما دفع
زوج المسـكــــين لو مابه رباعي
في يده خل الجشع
والقنـــاعه كنــز لايفــنى القناعه

#ابوراوسي_ارحب

زوجوها وأستروها لو براعي
وين ماوقع نفع.
بالزواجه أرمو أفكار الأفاعي
وأطرحوها ف النصع
مايتم البوري ألا بالمداعه

نتبع ذي مادعئ لله داعي
من يواليه أتبع
البنيه مثل الأصلاح الزراعي.
كلما السعر أرتفع.
باتبور بالمزارع و الزراعه

#ابوقصي_العويري

بيض الله وجه من بالخير ساعي
طول عمره ما انقطع
كل خطوه خطها فيها نفاعي
في صلاح المجتمع
كامل أعماله لنا خير ونفاعه

دائماً همه يربي جيل واعي
حسب مالباري شرع
عيشته ماتمتلك هم وصراعي
كلها افراح وطرع
في رضاء الله كلها شُكر وقناعه

يارجالي بعد دعوة خير داعي
لعن ابو ذي استمع
ما بقي في حدة المهر ارتفاعي
بلغ اصحاب الطمع
من يخاف الله ويقصر ذراعه

#عبدالله_بحنان

حرب ناعم يا يمنا في اتساعي
واليـ.هودي من صنّع
الزواجة حصن من سم الافاعي
حصنوا ذي ما وقع
عرس سبعه إلف با يلوي ذراعه

من يريد الخير ما يحتاج داعي
كلنا يا مجتمع
العزب يا شعبنا كم له مراعي
كلموا ذي ما سمع
خفضوا مهر البنيه يا جــماعه

#الشاعر_ابوالعز

يامواطن شاهد العرس الجماعي
فالخميس بثه مشاع
بانبثه حي في الشاشات راعي
وشوف مااعظم لجتماع
سهل الباري ويسر للجماعه

ونت يابوالبنت جاوب خير داعي
لاتزيد الامتناع
لاتكن كالشاص بالدفع الرباعي
لاتدبل في الوساع
يحرق الموتور و يقتر بساعه

لاتعسر ماتيسر في المتاعي
هذه الدنيا متاع
ديننا باليسر وجه كل ساعي
بايجيك الخير باع
امر ربي امر ملزم باتباعه

#نورالدين_المقاتلي

قال (نورالدين) ياخير المساعي
في امامك متسع
بعلن الوقفه وبعلن إندفاعي
جمب من قد استمع
قول ابو جبريل لازم استماعه

به مهور بتقهر الدفع الرباعي
في الخطوطات الوسع
تنهك الخاطب ولابه اي داعي
ويدفع المبلغ دفع
واليوم قول السيد القائد بـ طاعه

#اشرف_الحسني

عرس زاهر يوق من كل البواعي
للاعادي قد ردع
فرحة العرسان فرحه باندفاعي
بالزوامل والبرع
والفساد اليوم نسعى لاقتلاعه

بعد هذا كل واحد با يراعي
ضرف الاخر لا دفع
لانكن يا اخوان امثال الافاعي
بانضر المجتمع
في غلاء المهر ضرّه وارتفاعه

بث يالاعلام في اقوى قطاعي
شمل لامّه اجتمع
صوره وانشر فالاقمار الصناعي
ذا العدد ماقد وقع
فالمسيره بث عاجل والإذاعة

#أبو_إسماعيل_الجابري

الحذر ثم الحذر سم الأفاعي
شعبنا لا تنخدع
فالحروب الناعمة منها الضياعي
نحوها لا تندفع
من تبعها بعدها تسمع ضياعه

التراحم والتآخي عقل واعي
بالتكافل نجتمع
أمر ربي والنبي فيه اقتناعي
لا ندور للمتاع
عهد نتحصن بهديه والشجاعه

#ذوالفقار_سفيان.

شعبنا بالله مستبصر وواعي
في سبيله ماهجع
او كما دسنا على رووس الافاعي
با ندوس انف الطمع
للتكافل والعمل زاد اندفاعه

كلكم مسؤل للأبنا وراعي
زوجه ليش الجشع
حصنوهم لو يعيشو بالشباعي
مثلما ربي شرع
الزواج الحصن للامه مناعه

طول عمره والعزب جالس مراعي
للقرار اللي لمع
من لسان القايد الفذ الشجاعي
والامل فيهم زرع
يالله ارزقفنا في الدنيا إتباعه

#شهاب_المتوكل

يايمانين حياكم يراعي
والقوافي تجتمع
يارجال العز في كل المساعي
بادروا فيما نفع
وارخصوا مهر الزواجه ياجماعه

والتراحم والتكافل له دواعي
في الزمن مهما وسع
وانتم الشعب المهاجم والدفاعي
شأنكم هو مرتفع
دوم في العلياء ماتوطون قاعه

لنكم ياشعب اكبر شعب واعي
صدركم دايم وسع
ارفقوا واسوا ويبقى الدين وازع
واحسنوا للي جوع
والمكارم دوم هي بيت الشجاعه

#ابومقبل_الشعيثي

مرسلي ياسايق الجيب الشراعي
في الطريق المرتفع
قل لاذي مااستشعر الموقف يراعي
شرع ربي ذي شرع
قبل ما حب الطمع يطوي ذراعه

سيدي قدم لنا تيسير واعي
وختصر نص الطبع
والزكاه احيا بها الخير الوساعي
في السنه زوج دفع
وختصر غرم الضيافه والشواعه

يارسولي فهم المخ الصناعي
لايكثر في البدع
زوج الخاطب بقدر المستطاعي
والملابس والرقع
زلها والجيد يزتاد ارتفاعه

#ياسر_القشوي_الحجري

قلت باسم الله بابحر ياشراعي
وسط بحري والسجع
كل مسلم يتحد في ذي المساعي
نترك الوان البدع
بالتظافر والتئازر يا جماعة

قال ربي خيركم من جا بداعي
ينهي انواع الجشع
والقيادة صرحت يا كل واعي
حاربوا كل اللفع
ذي اذا يبتاع مهر البنت باعة

#سجاد_نشوان

بـ التكافل والتراحم شعب واعي
لجل عزبان اجتمع
يشمل التحصين والخط الدفاعي
قبل يزداد الوجع
والعرس كلين يفرح بـ اتساعه

قبايل اهل الشرف يا سيف بتار
في يد قايدنا العلم قط ماهان

يضرب به السيد على حلف الاشرار
وبمعركة ميدي شواهد وبرهان

وبكل جبهة عنهم تسمع اخباار
قومِ على الباغي نيازك ونيران

من حجر كمن ليث بالحرب مغوار
رجالهم اضحت على العز عنوان

من ارض لحبوش التحق جيش الانصار
وسئل عن القوم الابية بشمسان

ومن الجبر كمن اسد ليث كرار
قبايل المفتاح ذو الباس والشان

واشرح وقايع قوم من نسل الاخيار
بين القبايل منبع العز كحلان

وأفلح الي ترفض الذل والعار
تفزع قبايلها على كل ميدان

وأسلم الي تمتلك عزم واصرار
على جيوش الحلف صاروخ بركان

وحدّث الميدان يحكي بالاتقان
عن البساله من رجاجيل خيران

و الشاهل الحره براكين واعصار
رجال لاحان اللقاء قوم شجعان

ومن قبايل شمر شجعان واحرار
كم نكلت بافراد وجيوش سلمان

حل الشرف الانصار واحفاد الانصار
ما ترتضي بالذل لو كان ما كان

الفرد منهم مثل بركان لا ثار
يكسر كتيبه قط للذل ما لآن

من اجل عيش العز والاخذ بالثار
ياويل حلف الشر من وعد لا حان

تلقى جيوشة لفح من شدة النار
حتما نهاية مخزية مثل هامان

يا قوم للعزه غدو نهج وشعار
حيا بهم ونعم بهم طول الازمان

لهم تواريخ اعتلت كل مضمار
يشهد بهذا الكون والانس والجان

#ياسر_القشوي
#إتحاد_الشعراء_والمنشدين

https://t.me/aboyahyaalshami

تابع المجاراة عن اهمية #مدونة_السلوك_الوظيفي
المنبثقة من روح الهوية الايمانية

البداية للشاعر #بسام_شانع

سلوك الموظف في ضوابط مدوّنة
ولا سطر فيها (من اساطير الاولين)

عليها ضمانة الف واربع مية سنة
من (إياك نعبد)..لا..(وإياك نستعين)

تفعّل رقابة رب ما تاخذه سنه
ومبدأ(هو الرزاق ذو القوة المتين)

وتضرب على اهل العجل ذلة ومسكنة
تخذهم كما أَخذ (آل فرعون بالسنين)

#أبوحسين_العصري

وثيقة من الفرقان للناس بينه
نوالي ولي الله للكفر مبغضين

بها العزم والاخلاص والجد برهنه
وبالصبر با نصبح كما قال (صابرين)

مضامينها من عهد الاشتر مضمنه
بها نهزم الافساد والظلم أجمعين

قهرنا بها الموساد والغرب نلعنه
لمسنا الدنق منها والاذناب ضابحين

#ماجد_المطري

بتوفيــق ربي كل خطـــــه مزمَّنــــه
نجاحات نحــرزها وربي لنا المعيـن

وصغنا من القـــرآن خُطـَّــه مُقنَّنـــه
بها نرضي الرحمن والصادق الأمين

مبادىء وظيفيــه صريحــه ومُعلنه
تعالج ترهُّــل واختــــلال الموظفين

وللفاسدين تفضــح ولا بــه مداهنه
ويستبدل الباري بهم ناس مؤمنيـن

شاعر الباديه #سلطان_خضران

على عهد بن طالب للاشتر مكــونه
ضوابط سلوك اخلاق كل الموظفين

بداية من التسلــــيم الايات بينــه
على السمع والطاعه اذا به مسلمين

اذا طبقوها خير في كل الامكـــنه
ولاخير في ذي ماعتبرها ولو بعين

قليل الادب لاحد على الخلق يأمنه
ولانحسبه منا اي واحـد قليل ديــن

#ابتسام_شرف_المحطوري

وثيقة إباء وشموخ لرجال مؤمنة
بأن الوظيفة حزم مسؤولية ودين

امانة تُؤدى والمقصر باتلعنه
الاجيال ذي سبب شقاها المقصرين

وهذا السلوك هو يتوج بموطنه
اذا تم من قِبَلْ جميع الموظفين

سلامي وتقديري لمن مد عنونّه
صميم الزمن وينحت به الجبين

#ابوخارف_ابوشوصاء

وثيقه حكيمه جات حسب المراهنه
بحكمه يمانيه على المنهج المبين

يصيح المنافق منها حسب ديدنه
بها اغتاض حلف الشر والفاسد اللعين

ولاهمنا أصحاب العقول المعفنه
وذي في الفنادق خارج الشعب ساكنين

على منهج القرآن صغنا الموازنه
بها الخير بانجنيه في قادم السنين

#ياسر_الحرادي

وثيقه شريفه مستقله محصنه
بها الشعب يتشرّف ويوثق بها يقين

تحافظ على حق المواطن وتضمنه
وتقطع يد الفرصه على ناس فاسدين

وماهي في ادراج المكاتب مخزّنه
ومابايطبقها سوى ناس صادقين

هي اليوم في كل الدواير والامكنه
وبانتبعها رغم أنف المنافقين

#ابوعبدالله_عنبل

مع الحق واهل الحق و آيآت بينه
على ما امر ربي و جاء الصادق الامين

نشوف الرجال افعال ماهي باللالسنه
ولا خير في ساعي لدنياه بسم دين

تعيش الامانه بالاماكن و الازمنه
متى ما اهلها عصبة ميامين متقين

#ناجي_القطيبي

وثيقه تبنّتها قيادات مؤمنه
وضعهاالعلم والقايدالنّاصح الامين

برت ذمّته فيها لدينه وموطنه
مضامينهاتحمل مسيرة قيم ودين

تراقب مسارات الوجيه الملوّنه
وتضرب يدالطّابور حقّ المنافقين

وفيها من القانون الاسلامي احسنه
رضينابها واحنا عليهاموقّعين

#شاعر_بلاد_الروس

فيكفي بكاء ياكل فاسد وون ونه
عليكم مية لعنه احيا وميتين

عرفنا مساقيكم ومشروع الأمكنه
وكم قد سمعنا من لقوف المطبلين

متى حرر الأحرار. قرارات مثمنه
لعبتو عليها. لعبت الصوت والطنين

سلوك الوضيفة باتنضف. للأحصنه
وتجعل ضعاف النفس من السرق تائبين

#ابوكنعان_الروس

وثيقه عظيمه باالمبادى مدونه.
ومن هدي دين الله والصادق الأمين

ماده من الدستور مصاغه ومعلنه.
باأمر القياده والجماهير مسلمين

وفيها حمايه من ممالك وسلطنه.
وحكم الوراثه ذي ضهر اخر السنين

تئنب نفوس أمراض حكره مزغونه.
تصحي ضمائر في صدور المهندسين

#ياسر_القشوي

بخطة ضوابط للموضف معنونه
تبين مدى حجم التزام الموضفين

دراسة عظيمة للقضايا مزمنه
تحسن ادا المسؤل من نورنا المبين

من الزيف واللغط الوضيفي محصنه
وبا تقهر الناس الذي مش مصدقين

بان القيادة قررت شرط ما احسنه
يكيف به المؤمن إلى قووه وديين

#الشاعر_ابوحيدر_عامر

تبدد دعايات العدو المعنونة
وتحبط من اتامر على شيعة الحسين

وباتظهر المخلص ذي الشعب يمنه
ومن طبق الرؤية بقي رافع الجبين

على درب كمن حر ماخان موطنه
ودرب الوفى دربه يزيل المشككين

#الكرار_المشراقي

وثيـقة بنــور الله وحكمه مظمنه
تحسن اداء المسئول تجاه المواطنين

فيا سعد من يعمل بها الخلد مسكنه
وياويلهم من بائس ربي المخالفين

تاسـس لنادوله وقادات مؤمنه
وتحفظ زكاء النفس بالوعي واليقين

بها بانحاطم كيد كل الفراعنه
ونكشف قناع الخاينين المنافقين

#إتحاد_الشعراء_والمنشدين

https://t.me/aboyahyaalshami

تابع المجاراة (في رحاب الشهداء العظماء).

البداية #الشاعر_ابورواسي_رواسي

شهيدنا الحي حيث الحي لا يُفتقد
والمفتقَد من فقد روحه بغير الجهاد

نيل الشهاده زياده في العُمر والعدد
ما مات غير الذي باع الشرف والبلاد

#عبدالله_نشوان

من جد واخلص مع ربه ودينه وجد
بايحصد الخير والمحصول يوم الحصاد

والنشمي الحر ينطق صح ولا رقد
خط السفينه بتمشي حسب ربي اراد

#الشاعر_يوسف_الحداد_ابوحيدر

نتوارث العز من هذا العطاء للابــــــــد
بالنصر ولا الشهادة كيف ما الله اراد

يستشهد الجد والوالد وابن الــــــــولد
والبذل لله يزداد كل لحظه ازديـــــــاد

#الشاعر_ذوالفقار_القيدله

علـّى مقام الشهاده كل شعري سجد
علـى اهلها صادقين الوعد واطهر عباد

هم الذي عاهدوا ربي وربي وعد
قابل عطاهم عطاء م‌ـن فضل رب العباد

#ياسر_القشوي

يا سُعد من في خطا الكرار قام اجتهد
وباع نفسه من الرحمن رب العباد

والشعب كله على ذا النهج ما اخلف ابد
وباذن ربي تجاوزنا السنيين الشداد

#ابواحمد_الغفاري

شهيدنا اجتاز هول البعث ومنها ابتعد
وزل نشر الصحف وحشر يوم المعاد

أمن بالاحسان مستقبل سعيد للأبد
ودماه لاجيالنا رصت سبيل الرشاد

#الشاعر_ابوحيدر_عامر

من صورة الطور والاعراف سارع وعد
ووفا بعهده مع الرحمان خير العباد

نال التجارة ونال الفوز نال الرغد
يهناه دار السعاده فاز تاج البلاد

#رمزي_النقيب

رعد العطاء في سحاب هذه المسيرة رعد
وسال دم الشهيد الحي في كل واد

والله حاشاه يخلف للشهيد ما وعد
من اجل الإسلام ياصحاب البلاد والعباد

#ابوفتح_الاشول

هاجر وتاجر وناصر بيننا وأنفرد
وساق روحه الى الرحمن بـ البذل جاد

عاهد وشاهد لما الله في كتابه وعد
وقال يا ليت قومي يعلموا بـ الحصاد

#اكرم_النيعاني_ابونبيل

من باع لله وفي متن السفينه صعد
علا خطا البدر في درب الهداء وارشاد

يهناه لافاز يلقاء ماالاهي وعد
نعيم دايم وراحه عند رب العباد

#ابوحمزه_المقاش.

انا اشهد انها قوافل فايقه فالعدد
مقدامها البدر والتاريخ لاهل السداد

في صفحة المجد تتسابق طقوم المدد
وتقول للغرب يـ المهفوف عادك وعاد

#بدر_الكهالي

من جد يوجد و بذل الدم حصن البلد
وسيل دم الشـهادة يجـرف الاضطهاد

و نـالة الـفوز الاعـظـم مـن الـٰٓهي مدد
و نالـة الخُسـر للخـوان بـئـس المِـهاد

#ماجد_النوعة

يهناه من باعِ روحه للملك والجسد
يهناه عشيه هنيه عند رب العباد

نيل الشهادة سعادة دايمه للأبد
جنب النبي والرجال الصادق فالجهاد

#شهاب_المتوكل

يادهر درب الشهاده دربنا المعتمد
واحنا اليمانين جندالله رب العباد

بعناله ارواحنا بالفوز فيماوعد
والله قدعزنا عزه ونلنا المراد

#الشاعر_بشار_دهقم

شهيدنا فاز با الجنه وخير المرد
من بعد سيره عضيمه في دروب الجهاد

نال النعيم المؤبد والهنى والرغد
ونال نعمه شرف ربي وحسن المراد

#ابوناصح_العزي

قد نال اعلى المراتب بالشهاده استمد
الفوز بالخلد في جنات رب العباد

عطية الله مخصوصه لعبد اجتهد
في رضى الله ثابت في دروب الجهاد

#بشير_سفيان

اقسم برب السماء مايوم نخضع لحد
لتغير الكون في وسعه ويصبح رماد

فاز الشهيد الي بمحرب الكرامه سجد
قد باع لله وللباري بنفسه اجاد

#ابوفاطمة_الشريف

سلام ربي على منهو لربي صعد
من بعد ذاك العطاء والتضحية والجهاد

لاقا الحياة الكريمة وسط دار السعد
وحقق الله سبحانه له اعظم مراد

#ابوهادي_الجامع

درب الشهاده سلكها كل مؤمن صمد
وقاتل الشرك وصحابه معا قوم عاد

شهيد عند الله الجبار قد يعتمد
نيل الشهاده نصيب المؤمنين الجياد

#الشاعر_ماجد_غانم

روح المجاهد ترقت رتبته واستمد •
قوه من الله واتوفيق والفضل زاد •

نلت الشهاده ومن نال الشهاده خلد•
تجارتك رابحه والله بما جدت جاد•

#ابوطه_الحجازي

قد كان انسان مثل السيف قاطع وحد
وكم بتر من رقاب الكفر  وللبيت عاد

ويوم ربـــي دعـــــــاله .فــــز مثل الاسد
وســـــــــار للموت يتصيد ونــــال الــمـراد

#ابومحمد_العفاري

درب الشهاده لنا ميدان بايعتمد
لاخلاصنا في سبيل الله والاعتماد

نثبت ثبات الحسين والمعتدي قد شرد
في كل جبهة طعم مر الفشل والنكاد

#الشاعر_أحمد_الخاشب

هل با ينال الشهادة غير من هو استعد
وعـبّـأ الـنـفـس مـن نهر البصيرة وجـاد

ولا مِن الـمـوت وامـواج الـمـنـايـا مَـرَدّ
إلا بـنَـيـل الـشـهـادة فـي طريق الجهاد

#مختار_البحري

روح الشهادة نفح في شعبنا واتقد
وزاد زاد العزيمة في ارجال الشداد

لبيك قال الشهيد الحُر ذاك الاسد
لبيك ياقائد الامة ورمز الجهاد

#عدنان_جحوح

وحنا على نهجهم بارواحنا والجسد
أسود تتبع أسود في كل ساحل وواد

على دروب الوفاء هيهات نخضع لحد
مادام وحنا مع الله بانزيل الفساد

#الذكرى_السنوية_للشهيد 1444هـ  
#إتحاد_الشعراء_والمنشدين

https://t.me/aboyahyaalshami

نرعئ عياله نربيهم كما الله يريد
ونزرع بذور الشهادة في نفوس اسرته

#ابو_برق_الظرافي

مادام والعهد مافارق عنق كل جيد
يهناه من لجل ربه تنحني جبهته

يوم الشهاده فرح من كان عيده سعيد
وفرض فيه الشهيد اتعظمت سجدته

#ابويحيى_القهدة

وكيف ننسى من افدانا بدم الوريد
ومن بذل لجل عزة شعبنا مهجته

وكيف الانسان بايبقى مكيف سعيد
واهل الشهيد في عنا حمّى على لحيته

#شهاب _المتوكل

واجب علينا قسم فاللشعب هذا المجيد
صوب الشهيدالبطل نوفي مع اسرته

نتفقد احوالهم مش بس في وقت عيد
في كل حين وزمن والجيد ذه فطرته

#ابتسام_شرف_المحطوري

في يوم ذكري الشهيد للعزم بانستعيد
وكل منا يجهز للعدو عدته

حنا اولي القوةِ واأُولي بأسٍ شديد
وبأسنا في جبين الدهر باننحته

#ابـومـازن_الـرازحـي

عهد الوفاء للشهيد معقود في كل جيد
بمواصلة موقفه ومواكبة خطته

ولا فقط نذكره فايام ذكرى الشهيد
هذا جفا في عطاه واهمال نحو اسرته

#قاسم_السقاف

من أرتقى بالشهاده عند ربه سعيد
مانالها الا من أصلح ربنا نيته

حديثنا عنها أكبر من حروف القصيد
واية شهيدا تعم الكون قدسيته

#ذوالفقار_سفيان

اصل الشهاده تجي من عمق كمن خديد
ماهوش بالبيت جمب امه مـع جـدتـه

ودون هذا فحلـمـك بـا يظـلي بـعـيـد
دون الشهاده فكل انـفـوسنـا مـيـتـه

#ابوعبدالله_عنبل

من باع راسه لخلاقه و حارب يزيد
ثبت وضحى على دينه و عن ديرته

عهده حفظ في شرايين الكبد و الوريد
حتى نحقق طموحه ذي رسم حضرته

#ابو_صالح_الغراسي

وحنا علا العهد موقفنا ولا با نحيد
نمشي بدربه ونبقا نقتفي سيرته

وهله هُم اهلي وهاذا فرض واجب اكيد
يرخص لهم كل غالي غاليه قيمته

كلام من قلب صادق مهو الا قصيد
والله يشهد بحق اللاخ بين اخوته

#الشاعر_ماجد_القادري

صحيح لازم علينا لو طلب مايريد
وكل أسرة علينا ماطلب حاجته

لو يطلبو الدم يرخص من دمي والوريد
وابذل عظامي ولحمي لو طلب عدته

#ابوعلي_البريهي

واجب على الكل منا من قريب وبعيد
نتبع أثر من بذل روحه ثمن عزته

نعطي جميع اسرته لو من دماء الوريد
فهم أمانة حملها الكل في ذمته

#_هادي_حسين_الرزامي

من راح منا في الميدان يحيا سعيد
ياسعد عينه بحور العين في جنته

واحنا علينا الوفا في كل شي مانحيد
ونقوم جمعه بواجبنا تجاه اسرته

#الكرار_المشراقي

على خطاهم معى قايد محنك رشيد
كلن اتاوحتزم شىرمه لبس جعبته

مال الوفا الاوفا ياكل مؤمن وجيد
ابن الشهيد ابننا اكسيه من كسوته

#الشاعر_يوسف_الحداد_ابوحيدر

اكيد لابد مانوفي مع كل جــــــــيد
وكل واحد يبري مننــــا ذمــــــــته

هذا اللذي لجلنا عانا وقدم مــــــزيد
نردله بالوفاء كلن حسب طاقـــته

#أبومشعل_ذويب

لاماثبتناعلى نهج الوفا للشهيد
والله مااعتز منافرد من عزته

هذا المسيرة تغربل ما تبى غيرجيد
كالسيل من كان ميت والله ان تفلته

#شاعر_بلاد_الروس

من كان شهيد قد سكن في دمنا والوريد
وفازو بالفضل من ربي. ومن. قدرته

من ذلل الحلف وانها عسكر الجنجويد
أمثال طومر ومن مثله وفي نخونته

#ابوفضل_المتوكل

وفاء لاهل الوفاء ياكل مقدام جيد
نواصل السير نكمل بالعطاء سيرته

نبقي على نهجهم هيهات منا نحيد
وان كان لهله عطاء من دمنا نفرته

#ياسر_القشوي

في كل مره تلاحمنا بهم بايزيد
وكل من هو على درب الجهاد اثبته

والفوز والسُعد في الاخرى ويوم الوعيد
يجمع عباده على ميعاد في جنته

#الشاعر_متاش

هذا هو الواجب الفعلي علينا أكيد
تجاه من قدموا الاسلام في صورته

نمضي على الدرب ونجاهد عبيد العبيد
لكل أسرة شهيد اليوم بانثبته

#ابواياد_المطري

لازم وواجب نزاور كل روضة شهيد
لكي نشوف الذي قدّم... غلا مهجته

نجسّد افعالهم يا اهل العطاء الجديد
ولا يغيب الشهيد الا فقط صورته

#ابو_صماد_الفليتي

وشعبنا شعب شامخ ماخضع للعبيد..
قدم مع الله روحه والعلم قدوته...

وحب درب الشهادة في دمه والوريد..
وبـ الولاء جــسد ايمانه مع همته

#أسـامـة_المـعبـاء

احنا على نهجهم نمضي بهاذا الصعيد
ومن اله السماء تأييــده او نصــرته

ومن نسـى يا رجال الله اسـرة شهيد
وحقـوقهم في ذممنا وعيب من فلته

#صدام_شايف_الغولي

واجب علينا جميعا ياالعويري اكيد
نمضي بنهج الشهيد ونسير في خطوته

ياسعد من غادر الدنيا برتبة شهيد
يسكن جوار النبي طه ضمن جنته

#ابو_جهاد_صبر

عهد الوفاء حرف سغته من دمي والوريد
بسم الشهيد الذي ما دنيته غرته

ماضي على الدرب طول العمر قولي سديد
واليت ربي مع طه مع عترته

#زاهر_الرصابي

الكل لأهل الوفاء ملزوم يا كل جيد
نقابل احسانهم بإحسان با نثبته

ونسير على دربهم لا يوم يوم الوعيد
ما با نحيد عن دروب النهج ونفلّته

#ابوهادي_الجامع

والعهد ماننحني كلا ولالن نحيد
نبقا علا العهد مادمنا علا خطوته

الخط ذيقد مشيتو فيه ماهو بعيد
بذن القوي بانجيبه جلها قوته

#الشاعر_بشير_الشامي

الواجب الصدق منا والولاء للشهيد
ان لا نقلت عياله ننتسي أسرته

عطاء كرامه شهامه ماحسب لو يموت
لاجل اليمن باع روحه كسب خيراتها

بنهج طه وآل البيت نام في الخبوت
واذهل جيوش التحالف في مساراتها

#شهاب_ المتوكل

معنى الشهاده حياة الخلد من دون موت
واهدافها هي عظيمه مثل غاياتها

اسمى هدف رفض عيش الذل والا السكوت
على الطواغيت مهما كان قواتها

والخوف من ربنا للقلب وحده يفوت
اما الخلايق فحاشاالخوف من ذاتها

#ياسر_القشوي

ذكرى الشهاده محطه خالدة لن تموت
نستلهم العز منها عبر اوقاتها

إحيائها في حياة الشعب مثل القنوت
واهمالها بايجي للشعب مأساتها

ما اوهن البيت الا بيت للعنكبوت
اما بيوت البشر تحميه عجاتها

#الشاعر_ماجد_القادري

ذكرى عظيمه ولن يمنع نداها السكوت
بل تستحق المناداه نرفع اصواتها

دم الشهيد دم طاهر مش فلافل وتوت
من بحر موج المعزه ذقت موجاتها

لو لاه ماكان نصرخ بالجبل والخبوت
ولا العزيمه بصنعاء تحكي أوقاتها

#جميل_الجنيد

في يوم ذِكرى الشهادة وصلوا كل صوت
كي يعلم الكل معناها وغاياتها

أمّة تحب الشهادة رافضة للسكوت
تحمي اراضيها وتحفظ كراماتها

وأمّة تخاف التحدي وخايفة لا تموت
حاشا تطول الكرامة طول أوقاتها

#أسامه_خالد

اهدافها من قمم شاهق بعالي ثبوت
يصعد عليّها جميع الخلق هاماتها

يقرى عليهم صنايع مجدنا من بيوت
الـعزّ فـي شعـبنا تخـلد عـطايـاتـها

سلام يامـن بذل دمّه لنا مايفـوت
لابـد يـلقى الـعدو من كلّ غمـراتـها

#أخت_شهداء_البكالي

ذكرى الشهاده حياه بتزيد فينا ثبوت
والدهر يكتب على الصفحات غاياتها

ذكرى تجلت بصحوه حيدريه وصوت
واليوم دقت طبول النصر برعاتها

أهدافها اليوم خلتنا نذم السكوت
نعرف معاني الشهاده من مقاماتها

#أبـو_رمـاح_شـداد

اهداف ذكرى الشهـاده عـزنا والثبوت
رضـوان ربـي بـدايـه مـن بـدايـاتـهـا!!

ومن كِسبها يعيش خالد ولاعد يموت
بالخلد يرزق ويُعطى من عطايـاتـها!!

يسكن في الأخره أفضل وأحسن بيوت
في جنة الله تتجسـد كرامـاتـها!!

#عيسى_الهروجي

ذكرى الشهادة محطة زاد من ماء وقوت
تمخــضت روح حــيـه مـن عــنايــاتهــــا

في جــنة. الخـلد حـية بـاقية لن تمـوت
مــن دار عــلـــين تتــرتــل تحــياتهــــــا

ياسعد حظه من اقـدر في فلكها يفوت
و شــد ركـبه على صهــوت مـطيـاتهـــا

#الشاعر_زياد_زيـد

اهـدافـهـا واضـحـه للـعـز تبني بيوت
مـخلـده في جـبيـن الدهر بصمـاتهـا

على هــدى الله باتـمضـي وعـنـدي ثبوت
من نالهـا فـاز بالـفـردوس وجـنـاتـهـا

ترفض حياةالمذله في زمان الصموت
ومن هـدى الله قد شفنـا بطولاتـهـا

#الشاعر_ماجد_غانم

ذكرى العطاء جود والجوده محرم تفوت
الا حضرنا ونحصي جمل جوداتها

نحت جملك ليوم الحشر فينا نحوت
واحنا التزمناء نردالجمل بوقاتها

يابايع النفس نفسك مستحيل ان تموت
من حكمة الله مقتوله وماماتها

#ابو_يحيى_الشوكاني

اهداف ذكرى عظيمه خلدتها الخبوت
مابين صحراء ووادي حي فزعاتها

انصار لله ثارث في زمان السكوت
ولقنت كل طاغي من صلياتها

ذكراهم احيت مشاعرنا بكل الكروت
وزادت العزم فينا من بطولاتها

#ابو_حسين_الراعي

إحياء ذكرى الشهيد الحي ذي ما يموت
يحيي عظام امّة الاسلام وامواتها

ويزيدنا عزم واستبسال ومياه وقوت
للسير في درب جند الله وخطواتها

نأبى المذلّة والامّة حان تأبى السكوت
لا فاتها الامس عاد اليوم ما فاتها

#أبويمان_المهذري

نـبّـه بالاهداف أمـه كانت أكثر سبوت
ذكـرى الشهادة تـحـرر ذي في اسباتها

مثل الكرامه ليونس ذي طمرجوف حوت
مـسـطـاغـه الـحـوت حافظ لـه بظلماتها

مثله مثيل الشهيد أحياه في وسط موت
ونـجـاه مـن نـار كـبـرى حُـمر حـياتها

#ابومحمد_العفاري

نحيي حياة الاباه في اخلاقهم والقنوت
لكل الأحداث نرفع كامل آياتها

رحمه على المؤمنين في المدرسة والبيوت
ترفع على الشر والشيطان راياتها

اصدق رجال الوفا في التضحيه والثبوت
كم سطرو في الملا انوار ابياتها

#الشاعر_محمد_علي_الجنيد

ذكرى الشهاده لنا بلسم ومشرب وقوت
ذكرى رجال دكت الاعداء بضرباتها

ذكرى الرجال الذي لم يقبلو بالسكوت
ذكرآهم تنسي الأمه معاناتها

ذكرى عضيمه لها موقف وصوره وصوت
ذكرى رجال سجل التاريخ بطولاتها

#ناديه_السقطي

على رحاب الشهاده في خشوع وقنوت
اتـفكروا في كتـــاب الله باياتــــها

من وحيهـا كل هدف لله يأبى السكوت
في يوم ذكرى الشهيد لاحـان ميقاتها

منها الدروس والعبر تذكير من كل صوت
ينـــادي امة محمد في حكايـــاتها

#الذكرى_السنوية_للشهيد 1444هـ  
#إتحاد_الشعراء_والمنشدين

https://t.me/aboyahyaalshami

المجاراة الاولى بعنوان نجم الهدى.

البداية #مانع_البوساني

نجم الهدى شع نوره والضلال انبلج
وغاب في يوم مولد نورنا والسراج

سيد الخلايق وخير الخلق وسط المُهج
حُبه .. وذكره دواء للقلب وافضل علاج

تبسَّم الشعب فرحه عارمه وابتهج
بمولده والوطن مبهج أشد ابتهاج

واحنا نهجنا بنهج المصطفى ذي نهج
عليه صلَّيت ما صلَّئ عليه كل حاج

#فتى_همدان

الصبر يا شعبنا مفتاحنا للفرج
في مولده هزة الارضين بالارتحاج

والحمد لله فندنا جميع الحجج
ولا نفع فيتوا امريكا ولا احتجاج

محور مقاوم بقائدنا العظيم اندمج
احنا رجال السلام ولا عزاء للدجاج

نشمخ ونفخر بقائدنا ولا به حرج
واحنا نماره ولا نخشى قطيع النعاج

#حمزة_الحيمي

يامـستـحـق المـحبه والوفا والحنج
لبـيـك مهما طوت بقعا علينا السياج

انت الذي من بك استمسك نجا واخترج
حليفه النصر والعزه على الراس تاج

شعب اليمن يانبي من فيض حبك خرج
في مولدك يحيي الذكرى بكل ابتهاج

مـهـما الـمنـافق تألم والعميل افتلج
بانحتفل يقرحوا ذي ما معاهم خراج

#ابوعاقل_المنبهي

حب النبي في حشانا بالدماء يمتزج
وبالصلاه ع النبي دايم تريح المزاج

لبيك طه ولابه غير نهجك نهج
لبيك يانور ساطع والهدى والسراج

في مولدك شعبنا في كل ذكرى خرج
رغم المعاناه نتسابق بكل ابتهاج

بالله وكتابه القرآن يأتي الفرج
ومالنا غير طه وآل بيته علاج

ذي ماتمسك بهم يسلك طريق الهمج
على دروب الظلاله والمسار اعوجاج

#جميل_جعفر_ابوشامخ

في مولد المصطفى راس البغاه افتدج
واصبح يعاني جنون العقل والارتجاج

في مولده نحيي الذكرى ومن كل فج
مادام واحنا لبسنا دين الاسلام تاج

قولوا لذي هو عن المولد ضبح واشتبج
واللون الاخضر يسبّب له زعل وانزعاج

ايش السبب والمسبب وايش ايش الحُجج
ذي تجعله يشتبج ليش الزعل والشباج

هذا الرسول المطهر يا العلوج اللغج
مادام وانتم كذا مابش معاكم خراج

#ابومصطفى_الرضي

يانور سرج في الظلمة ونوره خرج
من ارض مكة وسبب للطغاة ارتجاج

هز اليهودي ورج الشرك والكفر رج
وكان لاهل اليمن شعلة فرح وابتهاج

اجدادنا ناصروه بسيوفهم والمهج
واحنا على نهجهم بنفوسنا والخراج

من ارضنا قال للامة يجيها الفرج
ومن هدى الله حسين البدر جاب العلاج

#ماجد_المطري

في مولد الطهر واشرف من عليها خرج
الأرض تفرح بميلاده ونوره سراج

فجر النبوة يبشرنا بقرب الفرَج
وفي ربيعه تمام النصر والإبتهاج

نحيا ونحييه لو شيطان نجد انزعج
اشرف عمل ذي يسبب للطغاة انزعاج

ماقول مرجف ثنانا او فتاوى الهمج
والليث في حب (طه) مايهاب النعاج

#الشاعر_ابوجهاد_صبر

الله واكـبـر هـبـوب الـريـح شٓـدّاء سهج
والبحر فـي قُرب ذكرى مولد النور هاج

فـجـر الـهـدايه تجلّا والـغـوئ قـد رهج
ضلامه ابـرح وليله بـــأت خلف الزجاج

يا يــوم ذكـرئ رسول الله صبري وهج
والشوق لك قد تعداء الحد ذي بالمزاج

(قلبي)(وعقلي)وتفكيري(ولسني) لهج
للمصطفئ بالصلاه مــن كامـل الإبتهاج

#ابوحمزه_المقاش

في حـبـه الـشـعب يـتـباهـا وكـلـه حـنـج
والكـون يـرقـب بـمـيـلاده طـرق لـ انفـراج

نـور الـهـدايـه ضـهـر نـوره شـديـد الـوهـج
واسـتبـشـر الـكون كـلـه يـرفض الانـعـواج

يـا قـمـة الـمـجـد من صـعـده نـشـوف الـفـرج
يـا عـزوة الـديـن يـا طلـقـة عـزيـز الـحـجـاج

الله واكـبـر بـهـا الـشـعـب الـيـمـاني لـهـج
شـيـد بـهـا الـديـن حـصـنـه واعتناء في الـسـيـاج!! "

#أبوخارف_ابوشوصاء

في مولد الرحمه المهداه شعبي خرج
إلى الميادين فرحه عارمه وبتهاج

من فرحت الشعب كل الكون ندد وضج
وفتوى بتحريم هذا الحفل بعض النعاج

لبيك مهما المنافق والمريض انزعج
بانحتفل بك ومن غثاه يأكل زجاج

حبه سكن في دمانا وختلط ومتزج
احنا على منهجه ماضين دون اعوجاج

#الكرار_المشراقي

فجر النبوة لمع نوره في الكون فج
وعاصمتنااكتست بالثوب الاخضرسراج

لبيك ياسيدي رجت قوا الكفر رج
رجت قلاع الطواغية اليهود ارتجاج

بانحـــتفل يوم ميلادك وبانبــتهج
بكل عز وشموخ ونعلن الاحتجاج

حب النبي في شراييني جرا ومتزج
علية صليت عد الخلق وماالبحر ماج

#ياسر_القشوي

شعب اليمن من قديم العهد خيله سرج
خيلة وناصر نبي الله وجاهد وهاج

في ساحة المعركة سيفه على الكفر هج
والخط مازال ساني دون اي اعوجاج

انصار واحفاد الانصار الإباء والفرج
من اجبرو قيصر الرومان يدي الخراج

با يجعلوا مولد المختار عيد اندمج
فيه الولايه لطه والوصي وابتهاج

#الشاعر_نصر_الصوبي

يا مــــــرحبا من بنـــــوره كــل خافـق وهج
بعــــــداد ما حايمـــات الموت الاحـمر تهاج

الصــــــبح ذي عــــطف الظلمه شعاعه ورج
مـــــش الظلاله وصــــــاب الكـفر بالارتجاج

محـــــــمد المصطفــــى فجر الهُدى والفرج
وشمــــــس الايمان ذي اتوج بها الكون تاج

شــــــــعاع الاسلام من امحى الجهاله وزج
ليل الــــطواغيت في سجن الردى والسياج

#ذوالفقار_سفيان

تابع المجاراة الثانية بعنوان دعوة للتفاعل العام لإحياء فعالية المولد النبوي الشريف بشكل كبير استثنائي. " المجاراة صوتيه "

البداية #ابومنار_العشي

على صرح المحبه والموده والولاء المضمون
بدأ شعب اليمن في مولد الهادي عروضاته

عروضات التأسي والعمل بالفرض والمسنون
وتعظيم الشعائر واتباع الله وآياته

نعظم من ورد مدحه وتعظيمه بسورة نون
ونتمسك بمشروعه وموروثه وعاداته

#الشاعر_ابوجهاد_صبر

تحركنا وسـرنـاء فــي طريق العزه الموزون
مسار الحق مـــن ارض السعيده حي راياته

طلوع البدر به شعب اليمن فارح وله ممنون
طلوعه عـافـيـه بـعـد المرض دامت وقاياته

إلا يــا مـولد المختار طـــه الصادق المأمون
من اجلك شعبناء زيّـن بــلون اخضر بناياته

#حسين_الدهمس

وهذا شعب حبه للنبي في داخله مكنون
يترجم حب طه والولاء له باحتفالاته

بتقوى والثقة بالله ذي في داخله مخزون
وحبه للنبي ماهاب الامريكي وغاراته

يرى جمع العدو قشة وقوات العدا كرتون
وخصّب من شديد البأس قواته وقدراته

#ابوشهيد_القطمي

من اجل المصطفى الطاهر لزم با الشكل والمضمون
تفاعل شعبنا كامل و يا لبيك صرخاتة

الا يا هادي الامة و يا سر الهدى المكنون
معك شعب اليمن حدد مساراتة و وجهاتة

يصل ضو اليمن با اللون الاخضر لا ورى نبتون
و تتزين مجرات الفضا و تشع مشكاتة

#ناجي_القطيبي

قلو للسيّد القايد يراهن باربعين مليون
على حبّ النبي قد كل من جهّز ونيتاته

في اثنعشر. ربيع اول يجو بالنّور يحتفلون
ويحيو مولده ويحقّقو للحفل غايته

يغيضوبه شعوب الكفروالصّهيوني الملعون
واذي مايحتفل به قد عرفنا سوء نيّاته

فسبحان الذي من مكرنجد انقذ يمن ميمون
بحبّه للنبي هذه كرامه من. كراماته

#ماجد_المطري

بذكرى مولد الهادي ومعنى سرها المكنون
تجلَّى في يمنا البدر شعشع من ثنياته

وصنعا قلبها نابض بحب الصادق المأمون
كساها ثوبها الأخضر وتوجها براياته

رفعناكم بروس الشُّم واخزينا بني صهيون
ومن لبيك يا (طه) يرى الباغي نهاياته

#ابوكنعان_الروس

على نهجه النبي ننهج ونظهر حبه المكنون..
تزين حرفي الصادق با الاخضر نظم أبيااته

أوالي لا النبي والال وأتبراء من الملعون..
وعادي كل من عادى ابو القاسم وأياته

ليصبح كل شي ضاهر ومن صاحي ومن مجنون..
من المسلم من الكافر عتوصلنا بيناته

#أبوخارف_ابوشوصاء

بلدنا تكتسي باللون لخضر خير وفظل لون
بمولد سيد الدنيا حملنا اليوم راياته

مضينا اليوم في دربه على منهاجه المضمون
محبه صادقة نبقى على نهجه وخطواته

أعزه سوف نبقى والبقيه في الخزى والهون
تولينا رسول الله والعربان عاداته

#الشاعر_عبدالحكيم_ابوهاشم

بداء شعب اليمن يظهر لـ طه حبه المكنون
بتزيين المّـدن باللون الاخضر قبل ساحـاته

وعاد القادم اعظم با يقع بالألف والمليـون
يشع النور الأخضر وسط قاعات احتفالاته

وعاد الشعب يشـعر رغم ذالك انه مديـون
لمن له فضل عند الله في ذكـرى بداياته

#ياسر_القشوي

تأهب شعبنا كله على اعلى نسق يحيون
ميلاد النبي الهادي على حسب اعتقاداته

تأهُب ماقد تأهَب احد مثله بهذا الكون
من حبه لخير الخلق تشهد له سجلاته

عقيده راسه في شعبنا كل الصعاب تهون
غير الدين والعترة وخير الخلق واياته

#ابوحمزه_المـقاش

رفضـنـا الـذل والـذلـه وواجهـنا قـوى فـرعـون
تصـدرنـا بـمـولـد خـيـر خلق الله وصـفـاتـه

تـئسـيـنـا بـنـور الـحق والميـدان لـه مـديـون
رسـول الله قـايـدنـا ولن نحـصـي بـطولاتـه

عـشـقـنـا الحـلـه الـخـضراء وفجـعـنا بـهـا الـطحـنـون
ومـضـمون الـولاء فـيـنا هـدم بـاقي سـفـاراتـه !! "

#الـكـرار_الـعـقـيـبـي

الا لبيك( ياطه النبي) رغم انف بن صهيون
وصادق( شعب الايمان اليماني) لك مولاته

بلد الايمان والحكمه لذكرى مولدك يحيون
ولبيك (يارســول الله) رافـعــها شـعــاراته

على المختار وال البيت صل الله رب الكون
وصـلـى( ذا الفـقـار) وسلمت كامـل منصاته

#أبوحسين_العصري

قهرنا به جموع الشرك والباطل غدا مغبون
وضاعت هيبة العدوان و اتلاشت دعاياته

تبعنا منهجه فطرة زيود و شعبنا مفتون
من اول يوم للبعثه سعينا في موالاته

بفضل الله با نفرح و نخرج مثلما ذا النون
من الظلمة وضيق العيش لا واسع عناياته

#ابواياد_المطري

فسبحان الله اودع في يمنا السر ذي مكنون
وميّزنا على كل الدول ننهض براياته

وحب المصطفى فينا تعاظم في زمان الهون
برغم اللي للامريكي يقبّل له نعالاته

نخلّد منهج المختار في عشريننا المليون
مع آل المصطفى كلاً يجاهد في مجالاته

#ناديه_السقطي

الا ياشعبنا احيي عظيم الحب ذي مخزون
بقلبك للنبي في مو لده وبكل حالاته

واما المولد النبوي بشرع العاشقين قانون
ومن يعشق رسول الله بايحيي لحفلاته

يغيض اعداه وينكل لكمن معتدي ملعون
على درب النبي والال سلام الله وصلواته

#إتحاد_الشعراء_والمنشدين

https://t.me/aboyahyaalshami

المجاراة بعنوان تاييد ومباركة لعملية #طوفان_الأقصى

البداية #عابد_المدم

طوفان الاقصى تحرك واعلن التفعيل..
يا قدس لبيك جات الثورة الكبرى..

تنكيل تنكيل في جيش العدو تنكيل..
اليوم يوم الفرح والنصر والبشرى..

يا كون ردد شعار الموت لاسرائيل..
الحمد لله في الاولى والاخرى..

#الشاعر_أبوعدي_الحاكم

بصمات قاسم ونصر الله وٱبوجبريل..
اليوم هذا تعانق قبة المسرى..

سرب الابابيل رمت بإحجار من سجيل..
خلال ساعات كم قتلى وكم إسرى..

ما قد شبع مثلما هذا اليوم عزرائيل..
ذي ينزع ارواح باليمنى وباليسرى...

#ضيف_الله_سلمان

الله جعل كيد اسرائيل في تضليل
واتحقق الوعد (سبحان الذي اسرى)..!!

برجال تسقي كيان الاحتلال الويل
يذكّروهم زمان التيه فالصحراء

وعاد قدس المجنح جاري التحميل
ايامهم والليالي كلها غبرا..

#نشوان_الغولي

بحق طه النبي مولود عام الفيل.
و من ولد في رحاب الكعبة الغرّا.

و صرخة الموت لامريكا و لاسرائيل.
في ظل قايد علم من نسل ابو الزهرا.

بشاير النصر فالتوراة و الإنجيل.
تحققت كلها فالكهف و الإسرا.

#ابويحيى_الاشرم

يا امة الدين هذا محكم التنزيل
اصدق وعوده له التسبيح والشكرا

الحمد والشكر له نكل قوى اسرائيل
ومد جنده بكل العون والصبرا

قولو لصهيون عاده بايذوق الويل
من جيش بدر الهدى في ليلة المسرا

#الشاعر_ابوكنن

اليوم طوفان داهم دولة اسرائيل
وقع لهم صرب لوما دخن المجراء

والحمد لله بعد الزحف والتنكيل
كم ياغنايم وكم قتلا وكم اسراء

والقادم اعظم عليهم جيل يتبع جيل
لوما نطهر بلاد الشام والمسراء

#حمزة_الحيمي

ألم ترا ما وقع بـ اصحاب ذاك الفيل
والعـاقـبـه ذي لقـوهـا عـاقـبه نـكـرا

وهـكـذا باتـكـون انـهاية اسـرائـيـل
وضعـفها مثل عين الشمس يتعرّى

حجارة الأمس قد صارت حجر سجيل
وموعد الآخره محتوم في (الإسرا)

#ابو_ميثم_الزراع

لبيك ياقدس جــا لــك جند ابوجبريل
والله سبحــانــه اللـــي مَـدّنـا واســرى

زاد العدو في التمــادي واكثر التظليل
وجاه طوفان يحوي معركـــة كــبــرى

قل لليــهــــودي نهارك بانـــرده لــيــل
حيــدر اتى وانــتــم اخـبر مننا وادرى

#عزالدين_جحاف

كيان صهيون كرتوني بلا تطبيل
ياذي تسارع إلى التطبيع معه جهرا

واسطورة الجيش ذي هولتموه تهويل
من انه الجيش ذي مايعرف القهرا

أصبح معرض لبأس الله والتنكيل
على أيادي رجاله يكتب النصرا

#ابوعاقل_المنبهي

بالدم والمال وسلاح ورباط الخيل
نجيك ياقدس والشباب فالمجرى

شعب اليمن بايقاتل جيل يتبع جيل
مهما قتل فاليهود الجرح مايبرا

الصاع صاعين واجبنا نردالكيل
اسنادطوفان الأقصى مابقي عذرا

#علي_محمد_المحاقري

طوفان الاقصى وطوفان اليمن تنزيل
في مُحكم الذكر أنّـى لـلـيـهـود ذكـرى

ياوعـد أولاهما حلت عـلـى اسـرائـيـل
لـعـنـه من الله يـوم الـطـامـه الـكـبـرى

حالة طـوارئ لـدى حـراس وادي ويـل
يامرحبـا بالضيوف للحاطمه الـحـمـراء

#ابوهمام_سليم

طوفان الأقصى بداية هدم إسرائيل
والقادم أعظم فسبحان الذي اسـرى

مــآذن النصر ضجة في الـمـلا تهليل
وكـبـرت بـنـتـصـار الـقـــوة الـكُـبـرى

من اليمن جاوبوها انصار ابو جبريل
لبيك ياقدس حطواالنار في المجرى

#ماجد_المطري

طوفان الاقصى جرف كامل قوى اسرائيل
وأستفحل الذعر في صهيون واستشرى

قتلى وجرحى وأسرى هكذا التنكيل
من كف كم من مقاوم حامي المجرى

ذا وعد رب السما في محكم التنزيل
ترجع فلسطين من (عكا) الى (المسرى)

#ابو_برق_الظرافي

رؤيا لها اعوام فعلن جالها تأويل
وأيات باالنصر الأكبر والعيون ترى

بااحداث جارت على اسرائيل باالتنكيل
واهوال بثت نسخ لجهنم الحمراء

حتى فقد رب اسرائيل فيها الحيل
واتمنت الصهينه من نفسها تبرا

#علي_الشعيثي

مشاهد اليوم تشرح درس بتفصيل
تطهير ارض الحرم والقبه الصفراء

طوفان واحد وعشرين اضهر اتحليل
بوحدت الصف حول الرايه الخضراى

الاخره وعدها في محكم التنزل
والله عالم بوعد الاخره ودراى

#محمد_مجلي

ياملحمــه رتل الواقـــــع لـها ترتيـل
والقدس يسمع لها وام القرى تقـــرا

صادق لوعده في التورات والانجيل
رب السما مدهم بالعون والنصـــــرا

مابدلو قـوم اولو البـأس شي تبديل
ياقـدس ماقلّ فـ إســـرائيل نتبــــرا

#ياسر_القشوي

ثورة تَحَرُر وثوره تعطي التفصيل
ياحلف ابو جهل قولو للقوى الكبرى

الوعد قد حان والايات والتنزيل
والفتح وعده اتى بالنصر والبشرى

محور مقاوم وبالتكبير والتهليل
با يدخل المعركة من حيث لا تدرى

#أبـورمـاح_شـداد

اليوم تبدا نهايه تمسح إسرائيل
واليوم تبدا نهاية عسرنا يسرى

الحرب تبدا معارك جيل يتبع جيل
واصغر بدايه تسطر ملحمه كبرى

طوفان الأقصى بدا بالرد والتنكيل
وما البدايه سوى تحذير باليسرى

#وسام_الحنش

السبت سبت البلا والويل والتنكيل
والقتل والسحب للمحتل والخسرى

والنصر والفتح بالتكبير والتهليل
للقدس والخزي لسرائيل والذعرى

والموت والذل لامريكا ولسرائيل
والعز والمجد لفلسطين والنصرا

المجاراة

البداية #الشاعر_ابوحيدر_عامر

الله يلعن والدي والديكم
يا بعض حكام العرب فالجزيرة

بعتوا القضية لعنت اﷲ عليكم
من اليهود وانتو اليهود الاجيره

#ضيف_الله_سلمان

اترجلوا لا بارك الله فيكم
ياحفاد ابو سفيان وابن المغيرة..

عبيد لاسرائيل تبت يديكم
والقدس ما نتو ذي يقرر مصيره

‌‌‎#الكرار_المشراقي

الله يلعـــنكم وتبت يديــكم
ياحفاد هند الباغية والحقيره

تطهيركم واجب قريباً نجيكم
نقتص من صهيون والي يديره..

#علي_الشعيثي

ياذي رضيتو للعدو يشتريكم
وبعتو الجنه بقيمه سغيره

عار الهزيمه والخزاء باتجيكم
مثل النصارى واليهود الحقيره

#أبـورمـاح_شـداد

ياخاينين القدس مـــاذا لديكم
هل شي معاكم ياملاعين غيره

تبت يـد امريكـــا وتبت يديكم
لا طالت ايديها ويدكم قصيره

#ابومهدي_الوايلي

تركتو الاقصى والاقصى يبيكم
الله يسود ذا الوجيه الحقيره

الحل يالعربان هو في يديكم
فزعه لتحرير البلاد الاسيره

#ابوناصح_العزي

االله اخزاكم وتبت يديكم
اشنابكم حبلى بكاسات بيره

ماصار في غزه قسم لايجيكم
هذا جزا ياقوم بايع جويره

#الشاعر_أحمد_عبدالرحمن_الظمين

كن اليهودي بالزلط مشتريكم
معاد فيكم شي كرامة وغيره

ابشع جرائم وسط غزة يريكم
ونتو ولأ واحد تحرك ضميره

#عبدالقوي_البطل

والله يلعن كل من يحتويكم
والا قبلكم تحكموا أي ديرة

ولا ظهر موقف أتى من صليكم
يدل عن نخوة وعزة وغيرة

#ابوكنعان_الروس

العار كل العار مدوي صليكم
يا اهل الوجيهه العابسه والحقيره..

أمريك باالتطبيع كبل يديكم
واليوم لا أسرأئيل دااابه قصيره

#ابـومـازن_الـرازحـي

يا ساسة التطبيع صادر إليكم
لعنه من افواه الجموع الغفيره

على الوهن والضعف ذي يعتريكم
وبترككم خط الهدى والبصيره

#ابو_حسين_الراعي

بعتوا القضية والمريكي شريكم
وباعكم كامل بعشرين ليرة

يا ويلكم من نار تعرض عليكم
خُزّانها مالك وجيش المسيرة

#ياسر_القشوي

كنا نظن القدس منكم وفيكم
باتدعموا الاقصى بمال وذخيره

لكن هو الواقع وربي خزيكم
بعتو القضية يا كلاب الجزيره

#عبدالوهاب_الفقيه

ياغارت الله ويش ذا الخوف فيكم
من دولت اسرايل ذيهي حقيره

مسرى النبي ماعاد يركن عليكم
لانهو راكن على ذا المسيره

#نورالدين_شرف

هاذا الهوان والذل ذي يعتريكم
سخط من الباري ولعنه كبيره

كل الفساد اليوم جا من صليكم
صرتوا كما الانعام وسط الحضيره

#ابوعلي_مبخوت

لابد مافي الوقت مانستظيكم.
ونقاتل التطبيع في كل ديره.

امريك بدولار ذي تشتريكم
وبيعت الأقصى هي أكبر نكيره

#ابوهادي_عقاب

ذي طبعوا يا الله بخاسف يجيكم
يسحق تحالفكم ويلقى مصيره

وحزمكم وين جاء الله اكبرعليكم
غزه تنادي يا نعاج الحضيره

#ابواحمد_العفيف

ريح الخيانه جاتنا من صليكم
يهل التطبع والطباع الحقيــره

قلتوا قداسرائيل منكم وفيكم
ماعندنفحة رجاله وغيــــــــره

#عمر_حميد_الشرفي

هبوا علئ المُــــــحتل تبت يديكم
ولا فـــلن تبقئ لديــــــكم عشيره

من السـكوت الــــيوم ماذا لديكم
يــأهل النفوس الخايفه والحقيره

#ابو_يحيى_الحبيشي

كل اسلحتنا باتوجه صليكم
يامن على الأقصى توجه نفيره

مادام عدبه جند تقطع يديكم
مابه معاكم فايده في الجزيره

#أسـامـة_المـعبـاء

حمى اللحــى قل للعـرب لا بقيكم
مكتـــوفي الايدي و"غـزة" اسيرة

لانتم بحق القدس واهله رضيكم
ف محال ترضى به رجال المسيرة

#محمد_مجلي

اكبر جهـــــاد اليوم نغزي دولكم
قتله لما كُـلـ(ن) يصحّي ضميره

لوما الخيانه جات منكم وفيكم
ماعــد قضيتـنـا فلسطين اسيره

#مرتضى_ناجي

خايب وخاسر من توجه صليكم
ومن حسبكم في سلاحه ذخيره

لا عـز لا رجـله ولا خـير فـيكم
الخـير كـله فـالعلم والمـسيره

#ابن_دغشر_الشومي

لأبد ما الشعب اليماني يجيكم
يقتص من كل الغزاه الأجيره

اتأملوا للبدر ماذا يريكم
من ضربه الأنصار جند المسيره

#الشاعر_عبدالكريم_الشمسي

تبت يديكم ثم تبت يديكم
وقبح الله وجه ما فيه غيرة

إما تركتونا نقاتل عليكم
وإلا مسحناكم من ارض الجزيرة

#الشاعر_حسين_المستكا

ارض اليمن ياقدس آتي اليكم
اما اليهودي با يلاقي مصيرة

بعض العرب مابا تساوي حذيكم
صارت لإسرائيل مدعس حقيرة

#الشاعر_ابوعلي_الريامي

مستعربين انتو ولا خير فيكم.
ما غير صرتوا عار في ذا الجزيرة.

واشعوبكم صارت اسيرة لديكم.
وشعبنا بالكامل اعلن نفيره.

#الشاعر _حربي_ اليتيم

ياامريك واسراىيل خيرة عليكم
ياظالمين ياهل الذنوب الكبيرة

طوفان با يخلي وينهي ابتكم
والجيش قادم من ربوع الجزيره

#ابومحمد_سحار

والله لايرجع فشلها عليكم
وتصيبكم نقمه اليمه خطيره

ياخادمين الغرب تبت يديكم
والله لاتلقو نهايه مريره

#الشاعر_حمزه_خطاب

ذي جاء في غزه عسا بايجيكم
ياكل خايــــن مايحـــرك ضمـيره

لاتحسبون القدس راكن عليكم
راكن على الله والعلم والمسيره

#ابوقصي_العويري

لاكن علينا عارها لا نجيكم
ندعس رقب من باع وارخص ضميره

ياذي رضيتو خصمكم يعتليكم
واصبحتو اُمه تحت حُكمه حقيره

المجاراة عن تخاذل المسلمين والعملاء من تفرج في أخيه المؤمن حتى يؤكل سيكون الدور عليه.

البداية #عزيز_الردماني

في قصة الثورين الـ ابيض والـ اسود.
والضبع. عبره للبقر مستفاده.

لكن غبا ثيران أمة محمد.
وثيورتهم للأمانه زياده.

#سلطان_خضران

خس البقر ذي تمغر الما تأكد
كالسامري لويعبدوها عباده

والثور يعرف مربطه لاتجيود
تحالف العدوان ماهي جواده

#أبورواسي_أرحب

سبعه وخمسين أنبطاحي معقد
مثل النساء ف آخر شهور الولاده

غزه تباد أمامهم سبت وأحد
وأشجع مطبع فيهم أبدا أنتقاده

#ابوصالح_العملسي

دم العروبة والحمية تجمد
والثور ما همه سوى أُكله وزاده

قد عقدوها فوق ماهي معقد
ومن اعتدا واجب علينا جهاده

#محمد_مفلح

لا خير في خاين منافق ومرتد
الغدر عنده طبع والمكر عاده

يلعب على الحبلين من مد له مد
في حضن الامريكي طريح الوساده

#ابومالك_الكوماني

لا خير في منهو للأعداء مجند
الخير فيمن قبضته في زناده

ملك وهو من كل سلطة مجرد
تنتعله امريكا مثيل البياده

#الشاعر_جبر_المهدمي

وسود الله وجه الأعراب سود
والمسلمين ذي مكنوها بلاده..!!

ساكت ومتعربد مطبع وملحد"
بايندموا""! قلدني الله قلاده""

جريح الحرب#رفيق_زرعان

يموت من سيفه في الغمد مغمد
ومن رقد يدعس بكعب البيادة

اما الذي يغضب وسيفه مجرد
مصيره اما النصر والا الشهادة

#الشاعر_ابو_صقر_شعلان

من بعدما ديـــــن الرساله تمــــــدد
في الكون سوو تحت راسه وساده

اسلام بعض النــاس اصبـــح مقلد
واجب علينا ان نســـــوي استعاده

#هادي_حسين_الرزامي

من عاش في تيه الضلاله تمرد
على هدى الله واستحال انقياده

يمسي ويصبح مثل لاعمى ولرمد
ماعاد ينفع أمته أو بلاده

#ابوحسن_المجنحي

الخوف في كل العروبه تمدد
والذل فيهم فاق حد ازدياده

يوم ارض غزة نارها ذي توقد
واطفالها تذبح بسن الولاده

#محمد_ابوالعز

الســبت عرّى كل حاكم تيهـود
كالفجـر بعد الليـل يفضح سواده

طوفــان الاقصى للمراخين حدد
واسقط قناع الصهينه في معاده

#عبدالعزيز_الغرباني

يادكل متخاذل ويا كل مرتد
بكرة يجيه الدور داخل بلاده

لعنة على من خان منهج محمد
ويوالي اعدا الله واعدا عباده

#ناجي_القطيبي

الثيوره حق العرب مالها حد
قطيع الاضبع شلّ منهاالسياده

بيقودها للنحر من يد لايد
وقد سلب منها زمام القياده

#ابوبحر_علي_احمد_مطر

بعض العرب مجّان خورة تيهود
وضموا اسماهم عساكر و قادة

ومن على عيش النذالة تعود
مسلوب فكره والقوى و الإرادة

#ابوكنعان_الروس

ثور الحوي مخصي مدرر ترود
في النخر مخزوم يقودوه قواده

من فوق خمسين ثور مفدم ممدد
من بعرة الناقة يواصل ذواده

#ابوحمزه_المقاش

اسـلامـهـم مضـلـم حـوى كـل مـرتـد
بـاعـو الـقـضـيـه يـحـسبوهـا وسـاده

مـلـعـون بن مـلـعـون مـن هـو تـعـمـد
خـدش الـشـرف والـقـلب ينزف مداده

#ابوهادي_عقاب

يامن تفرج في خويه ولا رد
هو با يجيه الدور داخل بلاده

درب الخيانه بالمهانه معمد
والعز درب النصر والا الشهاده

#الشاعر_ابوجهاد_صبر

لا اخوك منك وانت مسلم معقد
حـقـيـقـتـه قلدنـي الله قلاده

كافر ونصراني وملحد ومرتد
واليهوده قوته وشربه وزاده

#أبوحسين_العصري

كيف ينصر الإسلام من قد تيهود!!
و أعلن من الأقصى وقدسه حياده

مابش سوى السيد وجيشه تجند
و دقهم و الله كل اعتماده

#وسام_الحنش

المقت للمسلم ولو قد تيهود
عند اليهودي انطباعي وعاده

ذي مافهمها اليوم بايفهم الغد
ماينفعه ذلحين يبدي حياده

#الشاعر_ابورعد_الزايدي

واقع اكيد وفوق ماهو مؤكد
تجاهل العربان حرب الاباده

ماحد سواء ابن البدر صرح وهدد
ورسل صواريخه ومسرج جواده

#سجاد_نشوان

مايهوده بعض العرب مالها حد
اهل الدعاره والسمو والسعاده

والامه المتخاذله لجل مقصد
يمـين مـاواحد يحقق مـراده

#محمد_البريهي

على ولاة الأمر يا شاهد إشهد
الشجب والتنديد والصمت عاده

واليوم في كشف الحقائق تحدد
مؤمن صريح وإلا منافق بياده

#ابواياد_المطري

حال العرب ياصاحبي قد تبلّد
وزاد حجمه فوق حد البلادة

ذي جنب غزه صار من غزه ابعد
ولا فتح منفذ ولا اعلن جهاده

#الشاعر_ابويزن_الصيادي

ياصاحبي لاتنتظر من تجرد
من القيم والمرجله والسياده

الفسل ما يحسب ويكسب وينعد
الفسل يبقى فسل ماهو شداده

#ابـومـاز_الـرازحـي

البعض كالأنعام واضل وابرد
والبعض غارق في مجاري فساده

والدور ٱتي لا محالة مأكد
على المحايد والسمو والسعاده

#مناع_شريم

خمسه وسبعين من العرب كم تيهود
وكم من الاحرار نال الشهاده

اسير فلسطين في سجونه مقيد
سنين سنين ماشاف ايه افاده

#ياسر_القشوي

حكام الامه كالخواتم في اليد
تلعبهم الامريك حسب الإفاده

الكل منهم في العماله تجند
بيدق ذنب مثل انتعال البياده

#عبدالقوي_البطل

وكم من الاحداث بالفعل تشهد
إن التساهل للحدث صار عادة

حُكِم عليهم بالمذلة مؤابد
وخص حكام العرب والقيادة

#إتحاد_الشعراء_والمنشدين

https://t.me/aboyahyaalshami

تابع عنوان المجاراة ((معية الله))

البداية #ضيف_الله_سلمان

المعنويات في شعب اليمن ثانيه
وإيماننا والثقة بالله فوق الخيال..

النهج قرآن والاعلام ربانية
والله معنا..وكيد اعداءنا في ضلال..

#عبدالحكيم_ابوهاشم

دام الهــدى والعـلم ورجـال متفانيه
فالنصر مضمون والتمكين وقت القتال..!!

معيــــــــّة (الله) للأنصـــار ميـدانيـه
تثبّـت اقـدام تشبه من ثبات الجبال..!!

#ابـومـازن_الـرازحـي

معية الله،رفعه،عـز،روحانيه
تمكين في الأرض قوة في البناء والكمال..

لها الأساس الولاء ولها الثقة بانيه
وبفضلها شعبنا مازد لقى شي محال..

#ابوهمام_سليم_الفتاحي

مـسيــرة الـحـقّ والـقـران ربانـيـه
دايم مع الهدي وآل البيت في إتصال

معية الله مـعـنـا بـايـنـه بـايــنــه
وحبلنا بالثقه بالله أوى الـحـبـال

#الشاعر_منصور_الحراسي

أنا أشهد أن اليمن عنوان الإنسانية
ثارت رجاله مع غزه رجال الرجال

حلف الردى منشغل بالكأس والغانية
وأحفاد الاشتر في الخط الأمامي قتال

#الشاعر_ابو_صقر_شعلان

بعنا من الله مادام الحيـــاه فانيه
وأنطلقنا معه بالأجـــهــزه والنصال

قايد حسيني معه اجنـــــاد قرانيه
تضرب في المرجله والعز اعظم مثال

#ابوكنعان_الروس

من نهم للجوف لاصرواح لا قانيه
ومن جنوب اليمن لا شرقها والشمال

بعنا من الله بجنات القطوف داانيه
في درب أل النبي حيا رجال الرجال

#أبوصياد_الغمري

أرواحنا في سبـيــــــــــل الله متفانيه
ولاأجل نصر الهدى نثبت ثبات الجبال

في ضـــــــل منهج مسيرة حق قرانيه
يعجزعلى ردعنا العالم وجيش الضلال

#ياسر_القشوي

معية الله تصنع نصر في ثانيه
واي قوه لغير الله تلقى الزوال

هذي المسيره مسيره حق قرءآنيه
والحق غالب حقيقه راسخه كالجبال

#جلال_الغولي

البحر سجيل والامواج بركانيه
والشعب جاهز على ارقى مستوى للقتال

بقوة الله مابش دعم وامكانيه
ومن مع الله مايخشى الدروب الطوال

#الشاعر_ابوجهاد_صبر

من يعرف الله يعرف ما في الفانيه
الخير والشر باطل حقّ ذنّب وحلال

غير اليمن ماعرف به شعب فـِ.الدانيه
ذي له قياده مِن القران شقِّت جبال

وله مسيرة هــدئ وإيمان قرانيه
مِنّ كاسها قد شربنا الهدي صافي زلال

#براق_المنبهي

دايم مساراتنا ونياتنا سانيه
وبالعزيمه تحدينا الصعيب المحال

بنعانق النصر في صولات ميدانيه
لنا مع الله ومع الله تخف الثقال

#وسام_الحنش

النهج قرآن والاخلاق ايمانيه
والشعب مقدام وكيان العدو لازوال

باتندموا يالقوى الشيطانيه
بفضل رب السماء مولا الجلال

#الكرار_المشراقي

المعنويات من فوق السماء عاليه
وايماننا قوت القوه برب الجلال

قائد محنك وجنبه قوم متفانيه
قرآني النهج وانصاره رجال الرجال

#عبدالقوي_البطل

مهما الحكومات مغبونة ومتوانية
باننصر الدين والمستضعفين لامحال

وجهودنا في سبيل الله متفانية
إذا مانفرنا علي الطاغين مااحنا رجال

#الشاعر_علي_الوزير

من حوف لا الجوف لا مران لاقـانـيه
شموخ الانصار والقايد شموخ الجبال

في يوم يهلك عن الاعراب سلطانيه
نقبل على الله بمواقف رجال الرجال

#الشاعر_متاش

معية ألله معنا والخُطى سانية
هو ذي نصرنا وايدنا بكل المجال

دام الهوية يمانية وإيمانية
محال ينجو عدو الله منا محال

#ابو_صمادالفليتي

أبطال بالله( والقــــّـرآن) متفانيه
في طاعة الله هبت في دروب النضال

تفدي فلســّـطين ثورية وروحانيه
تحت أمر قائد من آل البيت دق الضلال

#مختار_البحري

عن الجهاد المقدس مارجع ثانية
يملك قياده لأجل الحق تمحي جبال

القايد الله يا احلاف الردى الفانية
والنهج راسخ وثابت في صميم الرجال

#ابتسام_شرف_المحطوري

لازم ثقة مطلقة في هذه الفانيه
والصبر والعلم والتقوى ينقي رجال..

باالنفس جادوا وللدين اليد الحانيه
لأنهم يهتدون باالآل قول واحتلال..

ابوحسين_حاتم

‌‎هيهات نخضع يا القوى العدوانيه
نثبت ثبات الارض ورسوخ الجبال

ومثل ما انهينا القوى العثمانيه
اليوم با ننهي جيوش الاحتلال

#جميل_الجنيد

محبة الله فينا فطرة انسانية
ومعيته سر قوتنا بوقت النزال

لو تحتشد ضدنا قوات شيطانية
باننتصر للقضية ونطرد الإحتلال

#إتحاد_الشعراء_والمنشدين

https://t.me/aboyahyaalshami

تابع المجاراة عن تورط العدوان الأمريكي والبريطاني في اليمن بشكل مباشر وكيف سيكون الرد عليهم!!.

البداية #إلياس_المقدشي

بريطانيا في حربنا اليوم ودفت
ومن قبلها امريكا اللعينه مودفه

سوا واصـلت عدوانها أو توّقفت
فـ رد اليمــن ما جهد الاعدا تـوّقفه

#الـكـرار_الـعـقـيـبـي

وقفنا مع الحق يوم الاعراب اختفت
ودايم مواقفنا مواقف مشّرفه

اذا مااليهود عن قصف غزه توقفت
بسيف الفقار الحيدري بانوقفه

#الشاعر_ابوجهاد_صبر

بريطانيا  امريكا    هولندا  توالفت
علينا بـ.حـربــاً  (للقوانين)  مخالفه

ولاكــــن علينا العار  مهما  تحالفت
إذا ما تصـابـــح  مـنـتـهـيـه  وتالفه

رجـــــال اليمن ما للخيارات خالفت
بـ.تفويض ابو جبريل في كل سالفه

#فايز_الحمزي

اذا كانت البحرين مع امريكـ تأمركت..!!
وإنجلترا الشمطاء تساند تحالفه

فهذه نهاية كل شله تصهينت..!!
وفي بحرنا تغرق بوارج مخالفه

#عبدالوهاب_الفقيه

بلاد اليمن لاجنب غزه تكاتفت
ودايم مواقفنا مواقف مشرفه

ولليوم هاذا كل النفس تلهفت
تواجه قوى الطاغوت والشر تنسفه

#اشرف_الحسني

تمادت بسفك دماء الاطفال واسرفت
والاعــــراب كلن جا بدلــــوه ومغرفه

وكــــــــــل انظمتهم لليهودي تلطفت
ســـوى شعبنا واقـف مواقف مشرفه

#حمد_الكبسي_الوايلي

وما دام امريكا لما شعبنا لفت
فلا بد ماتحسب لضربه مكلفّه

فما شعبنا ضمن الشعوب اللتي عفت
وحقه صواريخ النقاء بدّ تعزفه

#ياسر_القشوي

قسم والقسم يا كل دولة تطرفت
وصفَّت مع امريكا وجا اعلن تطرفه

يلاقي من ايدينا المنايا بما لفت
وتلقى خسايرها خساير ملكلّفه

#يعقوب_الخمري

وما دامت بريطانيا الـيوم خالـفت
ومن قبلها أمريكا وصهيو مخالفه

قرب نصرنا والساق بالساق التفت
بعــون الله الجــبار صهــيون تالفه

#ابوجراح_عوضه_الشيمي

قلوا للذي ضنه بلادي قد ارجفت
قسم باالقوي ماهي من الحرب خايفه

رياح النقاء هبت وباالموج اعصفت
قريبا بوارجكم تجيها عواصفه

#ناجي_القعود

كم قبلكم احلاف منا ترعفت
والي اتاناء اليوم لازم نرعفه

بريطانيا وامريك ماقد تلغفت
ترحب ومن جاناء علينا نلغفه

#الشاعر_بشير_الشامي

قوى الكفر بغاة شكلها اليوم وسرفت
وعدوانها قد عاقباته مكلفه

تورّط حنين امه على من تخلفت
قدم فالدول بيدورو من يسلفه

#شاعر_بلاد_الروس

تورط ذيول الغرف فالبحر واجتفت
على ضهرها وامست قواهم منتفه

فقوات ابوجبريل للأيلات نضفت
وعاد بايكون الرد بأشيأ مكلفه

#ابوفتح_الجرادي

ذرفنا دموع الدم والعين ماغفت
لغزه نسير النصف وتعيش ناصفه

ومهما علينا الغرب شنت وكثفت
فلابد ماتجنــي خـــــساير مكلـفه

#عبدالقوي_البطل

وشعبي لتهديد الطواغيت ماالتفت
ولاعادته يهمل قضى من يسلفه

ورجال اليمن في الوعد ابد ماتخلفت
رجال الحرايب في حمى الله مكيفة

#همدان_حجي

بريطانيا خبلا في العمر خرفت
وقامة تحاربنا غبية مخالفه

نسيّت بان ذالشعب ماقط يلتفت
لغير المُهيمن وأكثر الناس عارفه

#ابوالعز_القيدله

لشوق الحرايب شعبنا قد تلهفت
قسم لو تجيني الف دوله مكثفه

قسم لوتفحتت جسمنا او تنتفت
حرام مانسلم لو نلاغف ملاغفه

#شاعر_الحرايب

بــــــــريطانيا في حــرب اليمن ودفت
لا بد ما تدفع ثــمن دم غزه ذي اَنزفه

مهما اَمريكا على شعبي الغارات كثف
(بقدس اَثنين) ندق خشمها لما نرعفه

#ابوقفري_الرعادي

بريطانيا الحمقى تعدت تعجرفت
وشعب اليمن رده جميعاً سنعرفه

هو الشعب ذي منه الاعادي تخوفت
هو الشعب ذي ماحد في الكون خوفه

#ابو_ذر_مسعود

وكل اليمن لجل حربك تكاتفت
ومن جا بلادي اقسمة لا تكتفه

وما به بشعبي فيئه تخلفت
ولا به عوائق لليماني تخلفه

#أبوصخر_الجوحمي

وجوبايدن شيبه على امريك خرفت
وفي حربها للشعب صارت مخرفه

وأما البريطاني علينا تعرفت
وتعرف بسالة شعبنا خير معرفه

#جميل_الجنيد

ومهما قوى الطغيان للحق زيّفت
فلا بد ما ننسف عروشه وننسفه

مصير البوارج يا "بتحرق" أو "أختفت"
وضرباتنا فوقه كما البرق خاطفة

#ابوطه_المهذري

ويامن قتل اطفال غزه وأسرفت
علا ضربنا فالرد رادع و يقصفه

بريطاني أمريكي مباشروأشرفت
تجمع من العالم تحالف تلفلفه

#أبوأحمد_الغفّاري

واشنطن ولندن بالعداوات أسرفت
وفاتورة استهداف أرضي مُكلّفه ..

رجال اليمن بقتال الاعداء تشرّفت
وذي ما عرف شعب اليمن با نعرّفه ..

#ابو_مقتحم_الحوثي


جهود النشاما يا الاهي تكاتفت
ومنك المدد والعون لابطال واقفه

فحرب الاباده وسط غزه تكثفت
وواجب علينا حلف النذال ننسفه

#ابوصالح_حسين_البداي

علينا يحل العار لاجفاننا غفت
والامريك في ساحل يمنا منكفه

قرانا حداها الشوق للحرب واحتفت
ولبت بنا كلا على طقم مشرفه

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان (مع فلسطين مستمرون في مواقفنا ولن نتراجع)

البداية #ابوالكرار_المجنحي

على طريق القدس مهما كان حجم التضحيه
حاشا وكلأ ينثني شعب اليمن وإلا يخاف

الجيش جاهز والقبايل جاهزه متصديه
بانسقي أمريكا ولندن من نقيع الموت حاف

#ابوصامد_المجنحي_القوبري

كتائب القسام .... تسندها رجال البحريه
والعاصمه صنعاء تعاني جرح غزه والغلاف

القدس مسرانا على أنف امريك وابريطانيه
والعالم الغربي بموقف سيدي يسمع وشاف

#ناجي_القعود

احنا سند للقدس في كل الضروف الحاميه
وحنا لها دايم في الشده وفي كل العجاف

مابانفرط في حمها لو قصفنا يوميه
حتى ولو بدنا من الدنياء ولا نحياء ضعاف

#الشاعر _حربي_اليتيم

عاد المعارك باتجي نشعل ابوها صدرية
والردقاسي بانخلي حلف الامريكاءجفاف

شعب اليمن متمركزين في جوها والبريه
وانصار ربي بعدهم لو يطلعو خلف الغلاف

#عماد_دايل_العماري

القدس موعدنا قسم ما نتركه للمافيه
اليل يا شعب اليمن انفر ثقالً وا خفاف

باندعس امريكا وإسرائيل وبريطانيه
ومن تحرك منهم با نطرحه وسط المشاف

#الشاعر_بشير_الشامي

العهد منا يافلسطين الإباء والثوريه
والعهد ثابت من يمنا مثل ماجسر الجراف

ماتطعم اسرائيل ما ذلحين طعم الحريه
وحنا مسكنا بالسيوف الضاربه ثم الرهاف

#أبوصخر_الجوحمي

مواقف الانصار نابع من هدى قرآنيه
لله وحده ننصر المظلوم كلا مانخاف

نمضي بصف القدس لايمكن تراجع ثانيه
في صف كالبنيان ننفر بالثقال وبالخفاف

#احمد_تاج_الدين

لو الحدود اليوم تُفتح ما نوقّف ثانية
من أجل غزّة لانطوّف هذه الدنيا طواف

بانـدحر الصهـيونيه بالله والنـصرانيـه
بأمر ربّ الكون ذي مابين نون وبين كاف

#ابوعاقل_المنبهي

شعب اليمن حشودهم لجل القدس مليونيه
نجيك يااقصى بعون الله زياره
وطواف

والله مانخشى قوى امريكا ولابريطانيه
بعنا من الله بيع مطلق دون ذله وارتجاف

#يونس_الجماعي

احناء لها في الجو ولا بر ولا بحريه
والمعتدي يبشر بوقت الحرب بالموت الزعاف

ياجيش متصهين وياجمع الحشود الغربيه
لاعاد فيكم جيش يلقوناء بغزه والضفاف

#ابوناصح_العزي

نصرة المظلوم والاقصى لشعبي امنيه
في سبيل الله نمضي يا ثقالآ او خفاف

نهج قرآني نهجنا والقياده حيدريه
موت امريكا شعاري والهدف راس المشاف

#يعقوب_الخمري

نحو القضية القبلة الأولى نهب رجال حافيه
نموت نحيا في سبيل الله ما نخشى العجاف

مع فلسطين الأبية ما نهاب أمريكية صهيونيه
يُحرم علينا النوم والعيشة وما أكملنا المطاف

#شاعر_بلاد_الروس

على هدى القرءان مابش فرق شيعه سنيه
متوحدين انصار دين الله مع الاقصى نضاف

ماقاله السيد ابوجبريل فتوى شرعيه
جهاد واستمرار حتى النصر يالقوم العفاف

#ابوقفري_الرعادي

ولو علينا يحشدو كل الجيوش الغربية
مابانخاف مابانخاف مابانخاف مابانخاف

وذي تعدا ينتضر منا الردود القاسيه
بانسقي امريكا واسرائيل الموت الزعاف

#همدان_حجي

الشعب ثأر وثورته قرآنية دستورية
مع فلسطين الحبيبة بالثقيلة والخفاف

قرار قطعي لليمن عزة جهاد وحرّية
ولا تراجع فيه حتى ناصل آخرة المطاف

هنأ يمن الأيمان فتح القدس أكبر أمنية
وبانحققها بعون الله محنا شي ضعاف

#ياسر_القشوي

على طريق القدس با نشعل معارك ضاريه
قرر يمنا ذا القرار ولو تجي السبع العجاف

البحر الاحمر يا نعجه من قوى برمائيه
في معركة كبرى تعم الكون كله لا الغلاف

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان #أمريكا في نهاياتها

البداية #محمد_الهلالي

ياضيف كيف الحرب في البحر الاحمر
ذي خــلّــت (أمريكـا) اللعـينه تصــيح

ومـا دام و(الشـعب اليمـاني ) تشـمّــر
لن تــهــنــأ(إسـرائـيل) أو تسـتــريح

#حاشد_الشليف

يا ابن الهلالي من علينا تكبّر
يصبح ويمسي في غبونه كسيح

هذا اليمن ماهو من اتباع (همفر)
ماهو من اللي ينتظر للمسيح

#عبدالقوي_البطل

مادام قد جاء في يمننا تذمر
بعذره الي قد بدا باالقبيح

بانحرقه مثل الملوج المخمّر
ونذر جمعه في جميع البِطيح

#ابوفتح_الجرادي

باننهي امريكا مـــع كل منــكـر
بقـوة الله كـل بـــاطـل يطيـح

يغرق نتنـياهو وبـايدن وهنـفر
وبحرنا طوفان هايــــج وريح

#ابواحمد_الغرباني

المعركة كبرى وساحلنا مسجّر
مضمونها يالأمركة نطح النطيح

ووحدة الصاروخية هي والمسير
رهن الاشارة يردن النذل القبيح

ابوسياف الكرب

المعركه مابين مــرحـــب وحـــــــيدر
يهود قد حالف نــصارى المسيــــــــح

واجب على المــسلم يحدد ويخــــتر
مؤمن صريـح والا مـــنافق صريـــح

#ياسر_القشوي

قل للمريكي انكمش لا تعنتر
ما يحْرق الثعبان غير الفحيح

قبلك اتتنا افواج كسرى وقيصر
وامست بلحظه من قوانا تطيح

#الشاعر_علي_الوزير

الضيف جاء عهده عهدبيت الاحـمـر
والـريس اللـي كـان لاشـافه يطيـح

مايدري ان وضع اليمن قـد تـغـيـر
والشعب من باس العلم يقرح قريح

#حمزه_الديلمي

البحر والطوفـــــان واليوم الاغبر
صرّح وبشّــــر بعد ناطق فصيح

الباس باس الله والــــــريح صرصر
تعصف بحصــن الشر حتى يطيح

#علي_الشاوش

الموت لامريكا مع الله اكبر
والموت لإسرائيل واضح صريح

صرخات هزت عالم الكفر والشر
صيحات منها كل باغي يصيح

#رفيق_ابو_علي

اخبار قــوة فــوق مـا انته تصور
تشفـــي القلـــب العليل الكسيح

والمضيق اضيق من الامس واعسر
بابـة امريكــــــا اللعينة طريح

#مالك_الرزامي

بانحرق امريكا ومنهو تامر
وندوس وجه الكافرين القبيح

لاهي و لاسرائيل تنهى وتامر
قولو لها لارجع تون ووتصيح

#ابتسام_شرف_المحطوري

قرّب أجل أمريك من بأس حيدر
والشاهد الواقع مُشَرِّف صريح

ربَّى رجال العز عمار والاشتر
كم  يا مواقف لليماني  تُرِيح

#ابوحرب_الحالمي

خط النهايات اقترب كر او فر
يا ويل من في بحرنا با يطيح

غادي بغادي معركه حرها حــر
يسقط عدو الله بأيدينا طريح

#الشاعر_عزيز_البروي

حلف ازدهاره قد تعثر وحفر
فالبحر الاحمر من يمنا يصيح

ولا نفع حلفه في البحر مقبر
واسطوله البحري ممدد طريح

#الشاعر_ماجد_غانم

اليهود حنب والامركه نابها اكثر
ضرب مبرح نطيح النطيح

السفن قارحه واطعفرين المجنزر
معركتنا معاهم بلمسار الصحيح

#عبدالكريم_ناصر_الحنيه

خسران من في بحر غـيرة تـنـمـر
يـحـرق ويهدا لــه نطـيح النطيح

قـولوا للـمريكـي سـلاحـي مـعـمـر
مابـعـده الا يـا قـتـيـل أو جــريـح

#ذاالنون_مشتاق_شريان

البحر الاحمر يشرب الدم الاحمر
وقوة( أمريكا) اللعينــه تــــطيح

هذه نـهاية كل طاغـــي تعمّـــــر
بسلاح مؤمـن مونته خير تسبيح

#جميل_الجنيد

جبروت أمريكا المزيف تِدمّر
مشلول مما قد حصل له كسيح

مقصوص جنحانه ولو طار وأقمر
باقي له أيام وبانشوفه ذبيح

#ابـومـازن_الـرازحـي

زوال أمريكا من الأرض أشر
يوم التعـالي عن هرمها أُزيـح

ولكل طاغي حـد مهما تعمَّر
بوجود عترةمن حضي بالمديح

#أبوصخر_الجوحمي

العز من بحر اليمن صار يظهر
للشعب بالقايد ومنهج صحيح

وقوفنا في صف غزه قد قهر
صهيون وامريك البغي والقبيح

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان أستجابه لدعوة #السيد_القائد وتأكيد على أستمرارنا على موقفنا مع #غزة لو أستمرت الحرب الى يوم القيامة لافتور ولاملل.

البداية #أبورواسي_أرحب

لبيك يأبن البدر مافينا فتور ولا ملل
أصدع بماتؤمر ولاتهتم في ضهرك جبال

بانرفد الساحات ونواجه قوئ (بل هم أضل)
ولاتخاذل فرد منا لاتسمينا رجال

جريح الحرب #رفيق_زرعان

من مبداء التسليم والمسؤليه قول وعمل
حشودنا باتذهل العالم جنوبه والشمال

افواج للساحات تتوافد ودافعها الأمل
تلبي ابن البدر ابوجبريل عنوان الكمال

#ياسر_القشوي

هي معركتنا الفاصله وام المعارك لا جدل
فيها وفي موقف يمنا لو ذهبنا كالرمال

خلف العلم والسيد القايد نواصل لا كلل
لو يزحف العالم بكله من جنوبه والشمال

#علي_الشعيثي

من كل سكان السعيده والمناطق والعزل
ابشر بعزك في ميادين الكرامه والقتال

لو تطلع امريكا تجمع حلف ثاني من زحل
اقسم بربي مانفك اصحابنا للاحتلال

#مختار_حمود_عبدالمغني

لبيك ابو جبريل وانت الأمن في حال الوَجل
وطاعتك يا سيدي لله تقرب وامتثال

العهد لك نسقي عدوك موت من بيض النصل
وننصر الأقصى ولا يبقى لمحتله منال

#صقر_سبحان

ياشعبنا لا للتخاذل والتراجع والكسل
هيا استجيب لسيدي ولما دعا وبلا جدال

واجعل شعوب الأرض تشعر بالتحرُّج والخجل
من موقفك ياشعب مؤمن متّقي في كل حال

#أبوالجنيد_شداد

ابشر بعزك سيــدي والقـــــدس يبشر بالأمل
حنا لتحــريره معك والكــل قــد شد الرحال

شعب اليمن شامـخ ابــي والكل يضربه مثل
من يوم ما اسلم شعبنا والكون يضربه مثال

#ابوزينب_الوجمان

يا سيدي ابشر بأبناء شعبك الحر البطل
لك يستجيب امضي بنا في أي وقت وكل حال

ومحال يحصل ضعف فينا او فتور ولا ملل
والكل جاهز مستعد حتى نشارك في القتال

#طه_الرازحي

شعب اليمن راسـخ معا غزة وثابت كا الجبل
مايمكن أن يرجع عن الموقف إلي يوم الزوال

العهد في شعب اليمن باقي وعهده ما انفصل
لبيك يا ابن البدر شعب انصار لك سلم اُقتال

#ماجد_النوعة

احنا على المعياد يابن المصطفى يانور طل
فينا بنهج المصطفى والنور قد زاح الضلال

والكل قد لباك والشعب اليماني ما خذل
في يوم نصرة قدسنا واحنا رجال في القتال

#ذوالفقار_سفيان

ابشر بعزك سيدي بحشود مبداها قبل
وعزم واستبسال يجلب للمريكاني خبال

مثل الحشود السابقه ونزيد من فوقه دبل
لاما نغطي قاعة الكوكب ونمليها رجال

#أبوصخر_الجوحمي

ابشر بعزك سيدي نخرج ولانرضى الكسل
هيهات نوهن او يجينا الضعف هذا هو محال

شعب الاباء ثابت وراسخ بالمواقف كالجبل
ماننثني عن نصر غزه لو تحملنا الثقال

#حمد_الكبسي_الوايلي

ياقايد الثوره وجندك جُند ما يمكن تُذل
معك معك ياقايدي في كُل ضرف وكل حال

تموت إسرائيل ومريكا ولندن خير حل
والله مولآنا ولا مولى لأعدانا الذلال

#محمد_ادريس

ابشر بعزك سيدي شعبك قفى ظهرك جبل
بانخرج الساحات من الجنوب إلى الشمال

نبادلك كل الوفاء يامن سكن وسط المقل
ياكامل اوصاف القيادة تحت امرك للقتال

#جـمال_عـوضه

الله اكبر صاح صوت الحق والباري عدل
وساحة السبعين والساحات في كل الشمال

موعودها في حشد مليوني مواكب قدنزل
لبى نداكم سيدي للحشد جاهز والقتال

#الشاعر_علي_الوزير

القائدالمقدام ذي لا قال في الواقـع فـعـل
مثلك ياابو جبريل لانادى صناديدالرجـال

يطلع بشعب الجودوالنخوه مسانيدالجبل
قـدام ماشي للتراجع فـي مواقفنا مـجـال

#اسامة_المعباء

معك معك يا اعز واعظم واكرم واطهر اجل
قايد نخوض الحرب جنب القدس ضد الاحتلال

يا مرحــــــــــبا بالموت يا حيــــــا المنيه والاجل
على سبيل العــــــــــز هيهـات اننا نعرف محال

#احمد_تاج_الدين

جيناك ياابن البدر من حيّا على خير العمل
أضرب بنا عمق البحار معاك شدّينا الرحال

بالله مـاجانـا كلل في دربـك او جانـا ملل
واقوالنا ياسبـط طـه با تجسّـدها الفعال

#أبوأحمد_الغفّاري

ياسيدي ما باتلاقي من جنود الله خلل
ابشر ترى بنياننا مرصوص محمود الخصال ..

حتماُ ترى جيشك يجرّع حلف امريكا الفشل
وتشاهد انصارك يذيقوا الصهينه شر الوبال ..

#محمد_الراشدي

لبيك ابو جبريل راس أعمالنا والمستهل
حضور يرفع روسنا فوق الثريا والهلال

يالقائد الاول دفع عن غزة الخطب الجلل
العهد باقي لو يزول الصخر عهدك مايزال

#سلطان_المنيعي

لبيك أبو جبريل حنّا فالوغى قول وفعلّ
جندك وتحت أمرك علمنا لوتقطعنا وصال

مابا تزعزعنا العواصف بإذن ربي للأزل
قومٌ أولو بأسٍ وقوة مثلما صم الجبال

#الشاعر_ابواحمد_ذويب

لبيك يبن البدر من شعبٍ ضرب اروع مثل
بالوعي والايمان والحكمة وثابت لا يزال

عهد الوفاء باقي طوال العمر فينا لم يُزل
والعهد مناء مانخون القدس مادمناء رجال

#إتحاد_الشعراء_والمنشدين

https://t.me/aboyahyaalshami

تابع المجاراة الثانية عن الرد الإيراني على الكيان الصهيوني

البداية #ابوخالد_الطويل

يشوش راسي بنوع الرد الايراني
الله محييش يا صنعاء ويا طهران

ويا العراق العريقة حشدش ايماني
ويا دمشق العروبة والبطل لبنان

ردوا سلامي لنصر الله وخاماني
سلام عبدالملك وانصاره الشجعان

#ماجد_عبدالله_القادري

درب المهندس مع قاسم سليماني
الحق واضح وثابت شامخ الأركان

والقدس مسرى محمد نور اعياني
فكيف ان نتركه وتعمي العينان

الله اكبر صرخنا نصرنا الثاني
والنصر الأول وصلهم من وسط مران

#ابوحمزه_المقاش

الله مـا اعـضـم وفـاء صـنـعـاء وطهـرانـي
قـواش رب الـسـمـاء بـ الـعـزم يـا ايـران

ايـات ربي بـكـم في شـعـب مـتـفـانـي
يـرسـم صـمـود الإخـاء والـود والـعـرفـان

انـتـو رمـوز الـفـداء في كـل مـيـدانـي
يـا قـادة الـنـصـر والـتـحـريـر والـطـوفـان

#الشاعر_أبوعزام_الشامي

الردع واجــب وهـذا ردع إيماني
نابع من العز والإخلاص والإيمان

كيان غاصب وإجرامي وشيطاني
إزالته واجــبه في كــافة الأديان

علىالعرب والعروبه وحده الجاني
وجـانبه كـل من طبع وللدين خان

#عبدالقوي_البطل

ياقوة الله دقي كل علماني
ومن تصهين بايظهر لنا ويبان

تراه من هول ماشاف الخبر ثاني
يبقى يحلل ويستهتر بكل إمكان

مافرقوا من هو المجني من الجاني
ماشي لهم غير وعد الجن يارحمان

#علي_الحوثي

سيفه على الصهينة وكيانها الجآني
من عاث الإجرام بالأطفال والنسوان

مُشهر وكم به ضرب عنق المريكاني
وكم به اسقى اليهود الذل والخسران

ياهجسي هات وانضم خط قيفاني
وارسل له اعضم تحيه من يمن ليمان

#الشاعر_عماد_قيرح

اليوم رد المقاوم رد بـــــــــــركاني
واتفرجــو كيف نـوع الرد من ايران

خلت صـــواريخ تمطر كنها امزاني
والرد عالمعتدي مشروع فـ القرآن

من اجل غزه سقوط الثاني الثاني
عادي ولا ننحني للبغي والطغيان

#أحمد_الضمدي.

إلى الكيان المؤقت والصلف ساني..
طِر يالمسير بعون الواحد الديان..

مع المجنح وكل صاروخ طهراني..
سوري يماني عراقي من جنوب لبنان..

ولو عليكم حَلَف عبدالهوى الثاني..
باتنزلو قاعدة عَلياء وسط عَمّان..

#طه_الرازحي

من ردّت الفعل مابا يسِلم الجاني
ومن جنى يحتمِل متعقّبات اثمان

العين بالعين والباقي قصيصاني
قولوا لحلف التصهين بينناء الميدان

النصر من حضناء والوعد رباني
في محكم آيات ربي مُنزل القرآن

#محمد_الرقيمي

الــــقــاده الال والــــينبـوع قـراني
والامـــــه انصار للعــدنان والرحمن

اشــــهد نهايت مريكــاني بريطـاني
من وحي ايات في الاسرا وبالفرقان

والله لو ســـــــار منا الثاني الثــاني
لا بــد ما ينكسر قرن العدو الشيطان

#أبوصخر_الجوحمي

موقف أبي حر شاجع جاءمن ايراني
في نصر غزه سلام الله على إيران

محور موحد ونهجه نهج. قرآني
وجهادنا لليهود قد جاء في القرآن

موقف مشرف واخلاقي وايماني
ونصرناالقدس غزه هومن الايمان

#ابوعبدالله_عوضه_الوادعي

سلام ربي عليكم عد ماجاني
اخبار تشفي قلوب المؤمن الذيبان

الكفر منهار بذن الله والجاني
وبيض الله وجه اخوننا إيران

في البحر الاحمر وهرمز العدو حاني
ولعن ابو من تخاذل للقضيه خان

#حرب_صعده

عــــصر السكوت انتهى ياكل شيطاني
استقبلو العم عــــــــزرائيل يـــالجرذان

لاعاصم الـــــــــيوم يـــــاعباد الاوثاني
مـــــــن سيف أمة محمد لا ولا سلطان

واللي حصل امس مــن نيران الايراني
ماهو سوى آيه امن آيات ذو الإحسان

#سجاد_تشلان

إيران أمة توالي نسل عدناني
إيران منا كما منا وقع سلمان
.
عبر التواريخ هي في كل ميداني
لها مواقف ماوقف فـ امثالها انسان
.
من رحمها ولدت نموذجنا سليماني
مازال في كفها مايردع الشيطان

#ياسر_القشوي

دقوا ابتهم بوسط ارواسهم ساني
لاما لظى الحرب توصل كامل البلدان

ذي ايدت قتل غزه الثاني الثاني
حتى المحايد سكت والساكت الشيطان

ما حد دعم شعب غزه دعم ميداني
سوى دول محور الاحرار والشجعان

#الشاعر_عزيز_البروي

يا قدسنا استبشري والوعد رباني
آيات تتلى ومحفوظه في القرآن

غصبآ على امريك والعظمىالبريطاني
نهاية الكفر ونهاية قوى الشيطان

يوم الوفاء يوم صنعاني وطهراني
وحشد شعب العراق وضاحية لبنان

#ابوقفري_الرعادي

محور مقاوم يماني حر لبناني
سوري عراقي فلسطيني مع إيران

ذي جرعو محور الصهيو مريكاني
كأس المناياء وهانو محور العربان

سلام  ربي  علا قاسم  سليماني
والمرشد الخامنائي قايد الشجعان

#اتحاد_الشعراء_والمنشدين

https://t.me/aboyahyaalshami