تابع المجاراة علئ انتصارات الجيش واللجان الشعبيه في محافظة شبوة .

#محمد_حزام_متاش

ونعم بشبوه والرجال الوافيه
امثال ابو نصر المنكل بالخصوم

من بعد سجل مع الله قافيه
مع الله اتحرك على ظهر الطقوم

واحنا على دربه بنيه صافيه
نجاهد الكفار لايوم الحسوم

#حسين_شرويد

شبـــــــوه رجاجيل العلوم الشافيه
حيا رجــــاجيل الشرف حيا القروم

هــم هكــــــــذا وقلوبهم متصافيه
الصف واحد ياخوتي وقت الهجوم

ما تكفــــــــــي الاشعار حرف القافيه
في وصف ابطال الوطن ذي كالنجوم

#جميل_الخالدي

يالله ذي تعلم بسر الخافيه
اشهد علينا لانحاربهم كموم

علي خطى ابو نصر قلت القافيه
وداخل الميدان بانلقاء الخصوم

ماباتموت الا وهي متوافيه
قل للخليج لو نحترب مليون يوم

#ابورياض_العرار

سلام للاقدام ذي هي حافيه
لكن تلألأها سكن بين النجوم

ما تحكي الا بالعلوم الشافيه
وحرفها قطرات من بين الغيوم

سلام يا قطرات عادي دافيه
من يوم استشهدت لما روحك تقوم

# الشاعر_ابومقدام_الهمام

سجلت تاريخك بنضم القافيه
من بعد ماسجلت نصرك فالكموم

الفعل قبل القول كلمه كـــافيه
اضن يتفكر بها الحلف الغشوم

فيك المثل لهل القلوب الصافيه
ياخير من داس المنافق والخدوم

#الشاعر_علي_الوزير

افلحت يارمزالقلوب الصافية
انا اشهد انك قرم من ديرة قروم

قولك تجسد والفعايل كافية
لانقاذ ذي مازال في صف الرخوم

يابو نصر صلت عليك القافيه
وابيات شعري والمشاعر كل يوم

#الشاعر_عبدالكريم_صلاح

شبوه رجال أحرار نقوه صافية
ورجالها بالعز والنجده نجوم

با نعمل القافي بصورة كافية
نأخذ بثأره نقلع أكباد الخصوم

يا أحرار شعبي يا القلوب الحانية
لا تتركوا غازي على أرضي يحوم

#ابوحضارة_السويدي

وانعم وحيا بلفروع الصافيه
شبوه حزام الطارفه وقت الزوم

رغم المئاسي والقلوب الجافيه
ابشر تجينا منها زين العلوم

مادام شبوه واهلها متعافيه
باننتصر رغمآ على الحلف الغشوم

#فايز_الحمزي

هذه حقايق ظاهرة مش خافية
بعد الدفاع امست كتايبنا هجوم

تطهير شبوة وحدها مش كافية
لابد من تطهير بلدنا بالعموم

حتى اليمن تصبح نظيفة صافية
و(نجد) رجال الله تدخلها كموم

#بن_سويد

حيا بشاعر صــاغ  عـذب  القا فيه
شعره  مدافع زلزلت حلف الرخوم

حيا الرجال اهل  النوايا  الصا فيه
الي لهم  فزعات  في ساح الهجوم

حنا لها  مثل  الريـــــاح  السا فيه
نسري علئ  الهيجاء عزايمنا عزوم

#الكرار_المشرقي

مؤمن لقي ربه بنيه صافيه
نال الشهاده في ميادين القروم

جاهــدمعى ربه وخط القافيه
بهاجسه والروح فدفاع وهجوم

قولولــشبوه بلغـو بلحــافـــيه
انصار ربي قادمه فوق الخصوم

#علي_احمد_لطف_الله

بقيت ياشاعر قبل متوافيه
بقيت ما دام الوفاء عندك قدوم

اي باتجيك كل الرجال الحافيه
تسلك خطاكم في تقدم والكموم

والعهد مناااا عهد ماله فانيه
نثبت مواقعكم دفاعات اوهجوم

#أبوخالد_العفيف

مرحوم ياشـاعر تحدى المافيه
مرحوم ياشـبل من ذاك القروم

نعاهــدك عـهـد الرجـال الوافيه
نثأر لدمك من العماله والرخوم

ماتموت العرب الاوهي متوافيه
على دربك اسرجنا دهم الطقوم

#أبوهاشم_الحسيني

مهما القدم في الأمس كانت حافية
زدنا(ثقة)و(إيمان)(إحسان)و(عزوم)...

وفي نصر (شبوة)...بانشل القافية
مضمونها تطهيررررر ياشبـوووة لزوم...

والحلف هو مهــزوم شمسه طافية
اليوم حتى (البحر) باأيدينا نزوم...

#ابوعرب_اللاغب

الأحق واضح والمشاهد كافيه
كيف النشماء كسرو روس الخصوم

هذا الذي ظاهر وعاد الخافيه
باينشروها فل المسير بعد يوم

الوضع سابر والمشاعر صافيه
من بعد تكسير الجماجم والخشوم

#ابوتراب_العملسي

الوجه الابيظ والنوايا الصافيه
تقفز الى الميدان في وقت اللزوم

ياقوم غلبا والجماجم دافيه
حيا نباكم ياالرجاجيل القروم

بعد العلم في عسر والا عافيه
هو بدرنا واحنا حواليه النجوم

#محمد_الطاهري

سليت سيفك ياولـي بقرن الطـاغيـة
خليت جماجمهم تطاير وقت الكموم

سجل في صفحة التـاريـخ يا راويـة
ان احفاد الاشتر شـامـخـة للـهـجـوم

يشهد علينا الله وسماء من كل زاوية
أنا ينال الحلف باشبوة كسر الخشوم

#جميل _فرج

كامل قوى الشيطان قوه واهيه
من قوة الله من صرع ماعد يقوم

لاامريك ولااسرايل قوه كافيه
تكسر عزايم شعب من خيرة نجوم

ابناه ضحى بالرجال الوافيه
والنصر واسع ياسريع هات العلوم

#عصام_المنجر

شبوة بوقت الحرب قوة كافيه
عز الله ان القوم فيها عز قوم

باكر توافينا العلوم الشافيه
ياالله بشرنا بزينات العلوم

الحق واضح كاالنجوم الصافية
والشاهد الله ماعلينا اي لوم

#إتحاد_الشعراء_والمنشدين

https://t.me/aboyahyaalshami

تابع المجاراة عن #حزب_الاصلاح_وحالة_العمى_والتخبط..

البداية لشاعر #عاقل_بن_صبر

الحزب الإصلاحي عمل غير صالح
ماله في الميدان خطوه صحيحة

احيان متفعل على اربع شرايح
واحيان ينسى الذاكره والشريحة

‌‌‎#ابوتراب_سفيان

حزب الخيانة والردى والمصالح
لفلف له المترديـــة والنطيحــــة

ولا معه موقف مشرف وناجــح
تأريخه اسود بالعمالة الصريحة

#ابوكنعان_الروس

الحزب الاصلاحي ممثل وسايح..
هم للبدع والكذب دميه مريحه

خدام الامريكان جايي ورايح..
باالامس كان ذباح واليوم ذبيحه

#ابورصيد_المرهبي

لو كل إصلاحي مع الحق ناصح
ما يدعي الغازي يجي يستبيحه

هو هكذا ياصاح حزب المصالح
مابش معه مبداء وكلمه صريحه

#جمال_الماوري

بالخرط متمسك وبالدجل شابح
والاسم ذي يحمل بحقه فضيحة

ويحسب انّه خير من كان ناصح
أعوذ بالله والنفوس الشحيحة

#ابوطه_الحجازي

ذا حزب متخبط وحزب المصالح
ولا معه شي عقل روياء. صحيحة

قد كان قبل الامس كلخيل جامح
وليوم بن اسعود جهز ظـــريـحـة

#ابوعرب_اللاغب

الحزب الاصلاحي اساح القبايح
وقدكشفنا امره وقدفاح ريحه

هو السبب في كل هذا المذابح
هو والتحالف والملوك الطريحه

#ابورعد_المشراقي

لاوين ياالاصــلاح بالله رايــح
ماقدكـفاكم كل ليلـــه ذبيـحه

بالامس ضنيتوقدالوضع صالح
واليوم يشرب نار حمراء قريحه

#عبدالغني_ضبعان

الحزب الاصلاحي حق المصالح
خاين بلاده ويش فيه من مليحه

دمر وطنا حزب الاصلاح واضح
الله يلعن والديه لا ضريحه

#الكرار_المشراقي

الحزب لخونجي وقوم القبايح
في كل ساحات الخيانه طريحه

حذرهم الـسيد وحـط الوايـــح
بالانجليزي والغات الفصـــيحه

#أخت_شهداء_البكالي

الحزب الاصلاحي.بالأمريك شابح
قابض بها يده ونفسه طريحه

معجون بين الخزي بين الفضايح
كيف ان ارذل خلق يقبل نصيحه

#عبدالرحيم_ابوكحلا

الـشـعـب كــلــهَ مــن الـقــهـر طـافـح
ونــتـو مـع المـرتّـدّ وهـل الـنـطـيـحـه

حزب (المساوك)و(الدقن)و(المسابح)
وفـتـيـتو ان الشعـب واجـب ذبيـحـه

#ابوشرف_خولان

يوم ابتدتنا العاصفه كان فارح
وكل ماتسفك دمانا تريحه

واليوم يتجرع لنفس القوارح
الحزب الاصلاحي تسمع نبيحه

#عمر_الأهدل

قلنا لهم توبوا كفاكم فضايح
يا حزب ملعون فيه كم من نطيحه

غدر بك العدوان ومن قبل صالح
تستاهلوا ما تقبلوا للنصيحه

#ابوهادي_صيفان

قاداته المترديه والنطايح
مشروع وانتاجه بلاوي وريحه

خالف جميع اعرافنا واللوايح
كا الدملي بيلهب الجسم قيحه

#هيثم_المعنقي

حزب الفضايح بين فكين صايح
مزنوق بين الموجعه والقريحه

غرز مع سلمان بين الفضايح
واضحا على مركب جنوبه طريحه

#توفيق_الخلقي

اصلاحكم ياصلاح ماهوش ناجح
ماله. هدف. يا أكلين ااالنطيحه

بعتو يمنا بيع لا. اهل. ااالمشالح
من بيعكم صارت. يمنا. جريحه

#عبدالله_جربوح

واحيان يسقط بين كم من فضايـح
واحيان يفرط في تعاطي يطـيــحه

مـابـش مـعـه للـســير ايت لــوايــح
ولا تـجـد خـطـوه خـطـاهـا مـلـيحه

#ابوحضارة_السويدي

الحزب الاصلاحي بنا غير ناجح
ماشي نوايا في خطاهم صريحه

بالامس كلب المجزرة والمذابح
واليوم للحلف اصبح اول ذبيحه

#وسام_الحنش

الحزب الاصلاحي مهزى وقارح
خاين منافق شل كلمه صريحه

طايح ولد طايح والاصلاح طايح
واصلاحهم مثل الامور الشحيحه

#أبوفايد_علي_أبوشوصاء

الحزب الاصلاحي غبي ليس فالح
أنفوسهم تحت النعالي ضريحة

كم جهدهم دعسٍ بأنفُس قبايح
من قوم امريكا اللعينهْ القبيحة

#الكرار_الجبر

ياحزب خاسر هل قنعتوا مصالح
فالمصلحة من بعد مأرب شحيحة

والشعب منكم ياخون صار ضابح
وحزبكم قد مات باقي ضريحه

#محمد_فواد

الحزب الاصلاحي غدا اليوم طايح
ضاقت عليه الموسعات الفسيحة

من بعد عيشة في كفون المصالح
ما عاد دري يا ناس من هو صليحة

#مجاهد_مفتاح

الحزب الإصلاحي حياته قبايح
الساس والمغراس غرسَه قبيحه

يهنجموا والتاليه يا نوايح
تجمّعُ المترديه والنطيحه

#محمد_رظاس

قد صاح عليهم الدبور ألف صايح
وامست توكل في الفنادق بطيحه

في تركيا علت نياح النوايح
وفي قطر شموا بهم خس ريحه

#ابوبراءة_الديلمي

ياحزب قلي وين لا وين رايح
تشته دمار الشعب دمه تبيحه

خلاص ياحزب البلا لا تنابح
قد اليمن من بعدكم مستريحه

#شبل_الجند

باع الوطن شاري لقبح المصالح
قـبـيح وأفـعـاله مـثيـله قبيحـه

بالأمس صفق لأرتكاب المذابح
والـيـوم صـبح للتحالف ذبيحه

#عبدالله_بحنان

الحزب الاصلاحي بغيره يناطح
قاداته المـــتردية والنطـــــيحه.

في تركيا هايم مع الذل سايح
والقاعدة حقه مشرد جريحه

#ابوحيدر_البصلاني

حزب العماله والخدع والمصالح
اهل الدقون واهل الوجيه القبيحه

الاسم اصلاح والعمايل قبايح
واطماعهم خلت يمنآ جريحه

#بشار_عباس_الشومي

من سار في نهج الثعول القبايح
ملعون ماله غير أكبر فضيحه

شبوة تربي كل خائن وطالح
وأنصار ربي حولها مستريحه

#إتحاد_الشعراء_والمنشدين

https://t.me/aboyahyaalshami

توانت دعات الشرك والباطل ارتقل
وقوم الرداء ضاقة عليها ديارها

ونور الهدايه والهداء طل وابتهل
والأرض اكتست بالخير من ضيف زارها

وفي مولده نور القمر في السماء اكتمل
وطفية قناديل المجوسي ونارها

وكسرى سقط تاجه قفا ما سقط هبل
وعبادت الاصنام زاد انهيارها

فتح باب مكه والبس الكعبه الحلل
من الشرك طهرها ورد اعتبارها

محمد رسول الله ذي عالج الخلل
وللحق واهل الحق حول مسارها

الا يارسول الله ياخير مارتسل
وخاتم رسل ربي وخيرت خيارها

بميلادك اقبلنا نعيد ونحتفل
نجدد لك البيعه ونجني ثمارها

لواء انصارك اقبل ونته الحل والأمل
ومصدر كرامتها وسر انتصارها

بتسليمنا لك كم دعسنا على دول
هزمنا قوى امريكاء ومن في جوارها

وفي يوم بن سلمان سلم لهم وذل
لعنا المذله واقتلعنا جدارها

صرخنا لهم بالموت من قبل ما نصل
وبانفتح الأقصى ونرفع حصارها

معك يارسول الله باندحر الفشل
والاحرار ماغير الكرامه خيارها

ودون الكرامه والشرف من قتل قتل
قرعنا طبول المعركه من غبارها

صلاتي عليك القول والفعل والعمل
وصلت عليك اشجارها من حجارها

وصلى عليك الله والوحي ذي نزل
عدد ما تعاقب ليلها في نهارها

#ابوعرب_اللاغب
#إتحاد_الشعراء_والمنشدين

https://t.me/aboyahyaalshami

سلام ياشعب الاباء لك ونا ليك
والعز لك رأسه اساسه ضريحه

رجالك اجبالك تصونك وتحميك
ياشعب شامخ ما العواصف تزيحه

تذود عن عرضك وتحرس اراضيك
ويستبيحو دم من يستبيحه

قول النبي وشهادته لك تكفيك
باصفى النوياء والقلوب الصحيحه

والباس ذي يقهر ويخزي معاديك
ماضي وحاضر والمواقف صريحه

ايمان حكمة علم تخطيط تكتيك
بفضل رب الكون فطره قريحه

واليوم وقفاتك تعزز مباديك
على خطى اعلام الجهاد السميحه

مع ابن بدر الدين زحفك مغازيك
تنفظ غبار الحرب وتعك ريحه

دق السعودي دقة الله يقويك
وتحالف المترديه والنطيحه

الفخر لك والمجد من بايظاهيك
ياشعب كل الوصف يعجز مديحه

من جا لتدميرك وقع في مرامك
ومن يبى ترتاح ربي يريحه

وذي ما يبى هذه ولا ذه ولا تيك
يوم اللقاء ما عد يفيده نويحه

ياخادم امريكاء معي حل يرضيك
والقول واضح والحكايه فصيحه

باطرح لك الحجه علا شان احجيك
لو ان مثلك ما يهم الفضيحه

اسمع كلامي والخبر وأرخه اذنيك
وخزنه في الذاكره والشريحه

لاتدخله من تاك واتخرجه تيك
الشولحه والبهذله مش مليحه

ارحل بما اتبقى معك من صعاليك
من القوى المستاجراه و الطريحه

العاصفة طاحة وخابت هقاويك
وزاد جرحك في يمنا الجريحه

حربك علينا ما بلا باتغثيك
وبا تطيح اشر واخس طيحه

ذي صفق اولها لك اليوم يبكيك
وذي وقف جنبك هرب من صبيحه

حتا الدول ذي وقفت من حواليك
فكوك ياكبش الفداء و الذبيحه

نفطك حرق وتفجرين التوانيك
وعج دخانه وشمه وريحه

والمال  خلص كله الكاش والشيك
وطاح اقتصادك والموارد شحيحه

قلنا لك اعقل بس زاد الغبا فيك
ولا قدي   من عالم الغيب صيحه

اقبلت لا حوض المنايا برجليك
في يوم ضاقة بك فجاج الفسيحه

الغرب لا جابتك ما باتوديك
من اجلها  تتعب وهي مستريحه

تغنم الهدنه ويكفيك مافيك
وأنفذ بجلدك واعتبر بالنصيحه

لنا ثمان سنين وحنا نربيك
كثر الهيانه والله انها قبيحه

انا نصحتك ونت شف ذي يمشيك
وافهم خبر دام الحكايه وضيحه

كلامي احلى من دنين البوازيك
فيلى حكت ما عاد باادي فتيحه

#ابوعرب_اللاغب

الا ياالله وكلناك
وسلمنا وفوضناك
وحكمك مالنا غيره
الا ياربي الخيره

مسكنابك ومنك الحل
ونته خير من نسئل
دنا النصر اوتباشيره
الا ياربي  الخيره

دعسنا حلف نجد الشر
في بحر اليمن والبر
بفضل الله وتيسيره
الا ياربي الخيره

قوى امريكاء واسرائيل
رمة شعبي نهار وليل
يبو نسفه وتدميره
الا ياربي الخيره

معك بعنا جماجمنا
وماشي في وعودك شك
وقدمنا الذي معنا
وضحينا بما  نملك

نجود ونرخص الغالي
نزوع الحمل ون شله
نبيع انفوس واموالي
ونثبت في سبيل الله

مع ال البيت هدينا
وبيعنا ووالينا
بعزم وصبر وبصيره
الا ياربي الخيره

رجال الفتح والتمكين
جنودك يابن بدر الدين
نصون العرض والديره
الا ياربي الخيره

قلولبن الدعي سلمان
يغنم فرصة الهدنه
يكف الحرب والعدوان
ذي ضد اليمن شنه

ثمان سنين والباروت
في الجبهات وقادي
دعسنا كبرياء الطاغوت
في الفرضه وفي الوادي

يمانيين ما نخظع
للاعداء لونصير قطع
شرف نخوه اباء غيره
الا ياربي الخيره

دعسنا الحلف واذنابه
ونار الحرب لهابه
على صرخه وتكبيره
الا ياربي الخير

#ابوعرب_اللاغب

تابع المجاراة الرابعة بعنوان #طوفان_الأقصى

البداية #الشاعر_نضال_حُميد

اين الحميه ياشعوب الأمه
وين الأخاء يالعالم الأسلامي

غزه تنادي كل مؤمن باسمه
للبوا ندا الجرح العميق الدامي

من عاد في قلبه لغزه رحمه
للبى الندا مادام عاده حامي

وقفه وردت فعل واقوى هجمه
ضد الكيان الغاصب الاجرامي

#نصر_الشبواني

العز في غزة رجال الهمه
كلن يجود بموقفه ااالزامي

أقسم بمن أرسل نبي الرحمه
ان القضيه نصرها إحتامي

من بايضم اليوم يرفع اسمه
ولاواصبح لليهودي حااامي

#قرناس_القديمي

العالم ابكم لو تنادي بسمه
مات الظمير الحي عيونه معمي

تطبيع جاري كل يوم في قمه
والقدس يروي بادمأ كل ضامي

طوفان اقبل نور بعد الظلمه
بارجال حزب الله والقسامي

#الشاعر_عصام_المقذل

الكفر ينفخ فوق الاقصى سمه
والقدس نادى امة الاسلامي

هل باتلبو القدس لو ب الكلمة
اوتقفوفي صف نصـــرة رامي

ايش العروبة والحمـية حكمة
والدين ولا طـاعة الحكامي

ذي مانصر غزة والاقصى حكمة
حكم اليهودي والمقام السامي

#ابوهمدان_الزبدي

اين الاخاء والقبيلة والرحمة
وين القيم يالعالم الاسلامي

اليوم غزة عايشة في ضلمة
وتحت قصف الغاصب الإجرامي

اليوم دي هوه حر جهز قومة
لبي ندا الجرح العظيم الدامي

#الشاعر_عمر_حميد_الشرفي

لابـــد من موقـــف وقاطــــع كلمه
كــــــلاً وله موقف شـــديد الرامي

ذي ماتحـــــــــلئ بالشجاعه رُخمه
أرخم من أرخم رخم مش مقدامي

هذه فلســطين الآباء والحكمه
قوم الــــــوفاء والأمه الاكــــرامي

وقــــفه جـــهاديه ويلـــــــــعن أُمه
ذي ماوقــــف معها مداء الاعوامي

#ابوعرب_اللاغب

باالقبيله كلن يجهز غرمه
الصف واحد والنفير الزامي

فرح وحزن كلين يا خذ قسمه
ياهل المواقف والمقام السامي

والمرتزق والنذل نكسر خشمه
وندوس ابتهم دوس باالاقدامي

كلن يفعل هاجس والكلمة
ونضخهن لا عند يحيى الشامي

#أبومثنى_زايد

با قول يا حاكم هذا الأمه
أين العروبه ذي بها متسامي

القدس يشكي وانت قلي للمه
ما ترسلوا بالدعم يا حكامي

الغرب لسرائيل يرسل دعمه
ونتوا ولا حتى دوى وطعامي

الخزي فيكم صار فوق القمه
يحكي مسـار الـذل للظـلامي

#همدان_زيد

قـولـو لـذي يـطـمـح يـصـل للـقـمه
وفـي واقـعـه للـدين مـاهـو حامـي

بــسـم العماله بــاع حتى امـه
ترك فلسطين تحت قصف اجرامي

#ناجي_القعود

هاذا انا واحد وراسي قدمه
افدي بها الاقصى فدى إسلامي

لجل الكرامه والشرف والرحمه
والدين ذي لجله نبض صمامي

من قدى بذل للقدس انا افدي شمه
واشهد عليه انه مقحقح سامي

يحيى علم لسلام فوق القمه
ويطيح من دونه مدى ايامي

#ابوتراب_الوادعي

،صار العرب خارج نطاق الخدمة
والمسلمين اضحو بلا إسلامي

يتسابقوا ويسارعوا في خدمة
ابناء اليهود وشلة الاجرامي

لكن ربي من شعوب الامة
قد اصطفى محور مقاوم سامي

محور جهادي حيدري الهمة
يحمي مبادئ ديننا الاسلامي

#ابوحسين_الشبيطي

يا أُمة الإسلام ليش الكتمة
ولا وقفتوا في مجال اعلامي

هذا كيان مجرم وباين جرمة
واحيادكم والصمت هو إجرامي

لكن عاد الخير باهل الحكمة
ذي ماقبل ذلّه كما الحكامي

#صدام_شايف_الغولي

كلين يحدد موقفه والكلمه
اما يكون كافر أو إلا اسلامي

النصر قرب والوحوش ملتمه
اين النماره ذي دماها حامي

ندحر فلول العهر واهل الذمه
القدس تحريريه علينا ألزامي

يااهل الشهامه والنقاء والهمه
الجرح ينزف والمواطن ضامي

#جبريل_ياسين

على الشعوب المسلمه والآمه
تاخذ لها موقف مشرف سامي

موقف مشرف لو بطلقه وكلمه
تشفي غليل الكبد تروي الظامي

تجتاح بني صهيون وتحرق آمه
تنصر فلسطين وقدسها الأسلامي

واحنا مع الله مانخاف الظلمه
جنب السرايا ومحور القسامي

#جمــال_الكاسر

لبيك يا غزه نرد الهجــمه
والكيل مكيالين وعد قسامي

على الزناد... با نسيح دمه
ونعلمه معنى الحروب الدامي

القلب يتألم من مشاهد جمّه
حرق وقتل طغيان وإجرامي

هذا اتكالي على الخالق يا أمه
با قاتل امريكا لو تبلى عظامي

#مقبل_العماري

شعب اليماني شعب شاحذ عزمه
كمن سميدع مقدمي ضرغامي

ياصحابنا كلن يشد الهمه
الطفل في غزه محاصر ضامي

والوضع خارج عن نطاق الخدمه
وين العرب والعالم الإسلامي

يا من سكت رب أسماء ينتقه
على الكيان الطاغي الاجرامي

#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/