( سابع المستحيل )

يــا(صـرخـه) اتــزلـزل (الـبـاطـل) بــهـا زلــزلـه
والـظـلم فـالـسجن زالــه مـوقـف أصـغر نـزيل

والــفــتــح مــفـتـاحـه الـتـكـبـيـر والـتـكـمـلـه
مـــن وحـي(أنـا فـتـحنا لــك) فـتـحنا الـثـقيل

تــكــثــر عـــدانـــا تـــقـــل الــــــذل مـانـقـبـلـه
و(الـمـوت) لامـريـك و(إسـرائيل) اقـل الـقليل

يـطـلع لـهـم مــن صـدى أيـات الـهدي الـمنزله
وابـلـيـس يـنـكص عـلـى عـقـبيه مـنـها ذلـيـل

فــيـهـا لـــداؤد خـصـلـه وابـــن مــريـم صــلـه
مـأصـلـه مـــن أصــالـة ديـــن طـــه الأصــيـل

اســـرت بـصـنـعاء مـــن الـسـبـعين بـالـبـسمله
وعـانـقـت شـهـر تـسـعه (سـابـع الـمـستحيل)

وحـــاضـــر الــكــفــر يــتــعـذب ومـسـتـقـبـله
فــي حـسبنا الله فـي الـماضي ونـعم الـوكيل

ونــصـر (الاســـلام) قـبـلـه والـيـمـن بـوصـلـه
تـصنع مـن الـحرف جـمله و(المجاهد) فصيل

وجــيــلـنـا جـــيـــل ذي مــايـعـرفـه يــجـهـلـه
يـشـعل دمــه نــار مــن قـبـل اشـتعال الـفتيل

اذا تــنـفـس خــــرج ســجـيـل مــــن داخــلــه
ولاعــطـس كــنـس أربـــاب الـفـسـاد الـدخـيل

وبــاتــقـصـر طـــويــلات الـــمــدى الــمـرحـلـه
وبــاتـرحـل مــــن اسـتـعـجـل لــنــا بـالـرحـيل

روس (الـصـواريـخ)تحمل حــل ل(الـمـشكله)
وروس الامـــــوال تــحـمـل مـايـنـكـل بــكـيـل

والــحـاشـديـه ومـــذحــج والــيـمـن كــامـلـه
وويــــن مـالـمـصـلحه مــالـت مـعـاهـا تـمـيـل

وبـــاتــفــرط فـــــــي الـــدولـــه وفـالـقـبـيـلـه
وبــاتـكـل لــقـمـة الـمـسـكين وابـــن الـسـبـيل

و(حــــرب غــــزه) عـلـيـهـا الــفــرز والـغـربـله
واحــنـا عـلـيـنا نـشـغـل كـــل مـشـفـي غـلـيل

وطـــيــر ابــابـيـل بـاتـقـضـي عــلــى الـبـلـبـله
لـمست تـجلجل قـفاء مـيس الـجبل والـجليل

والـعـيـب والـخـيـب خــلـه والـنـقـاء مـدخـله
نـدخـل بـهـا (خـانـيونس) مـن طـريق الـخليل

وذي بـــــــلا ســـقـــف لايــهــتــم بــالــواطـلـه
وفــاقــد الــعـقـل لايــجـحـد مـنـاقـب عـقـيـل

وذي شــروبــه مــــن الـسـيـله يـخـلـي ســلـه
ولايــعـيـب الــطـهـور الــصـافـي الـسـلـسـبيل

ومــن (تـحالف) مــع اعــداء الـديـن لاديـن لـه
والــديـن لـــه بـــدر وابــن الـبـدر مـابـه بـديـل

ومـــــن تــجـنـد مــــع (جــوبـايـدن) ســجـلـه
عامل مع اهــل الـعـمـاله خــلـف خــايـن عميل

والــيــوم الاخــــر حـسـابـاتـه تــجـي فـاصـلـه
مــاهــي حــسـابـات بـنـكـيـه ولاخـــر مــديـل

وذي (يــطـبـع) مـــع اهـــل الـــذل لاعـــز لـــه
والــواقـع اثــبـت لـنـا ان الـعـز راس الـصـميل

قـــادر عــلـى مـــن تــطـاول يـقـلـب الـطـاوله
بفضل (ذي الطول) (طوفان) العريض الطويل

واحــنـا اولـــوا بـــأس واهــل الـقـوه الـفـاعله
وردت الــفــعـل فــيــنـا مـــثــل رد الــجـمـيـل

#جبر_المسعدي
#اتحاد_الشعراء_والمنشدين

https://t.me/aboyahyaalshami

وجه الضحى خان الضحيه
والـعيب جـنح الـليل جـنح

وذي ســــرح فـالـمـروحـيه
عــلـى جــنـاح الــروح روح

يـــاذي تـقـولـوا مـسـرحـيه
جــعـل لـكـم لـنـارر مـسـرح

وأصـدق عـزاء وزكى تحيه
لـفـيـلق الــقـدس الـمـسـلح

وأهـــل الـوجـيه الـمـلتحيه
اخـوانـنـا والـمـرشد الـصـح

مــــن الــجـبـال الـرازحـيـه
ذي مـامـبـاديـهـا تـــزحــزح

مـــراقــد الــعــز الـجـحـيـه
والـفـرط صـوتي والـمجنح

#جبر_المسعدي
#اتحاد_الشعراء_والمنشدين

https://t.me/aboyahyaalshami

((بــــــــــيــــــــــض الـــــــنــــــوايــــــا ))

أبـوهـاشم الـقـيفي عـلـى الـعـز والـشـرف
خــلـقـنـا وشــبـيـنـا وبـانـنـهـي الــمـطـاف

ب(بـيض الـنوايا) نـرسم الـقصد والهدف
ونرمي نصف والطرف لاسي في المشاف

ولانـعـتـطـف لــحــد ولاجــدنـا أعـتـطـف
ولانـختشي مـن حـد سوى الله ولانخاف

عـلى الـوجه مـانبخل ولـو نـستلف سـلف
تـعوض سـنين الـخير مـعنا عـلى العجاف

ونـهتم بـالوسطى ونـحرص عـلى الطرف
ونــخـرج مــن الـمـوقف ويـداتـنا نـظـاف

ولاقــــــد دعـــانــا داعـــــي الله لــنــكـف
نـجي صـف واحـد مـاتراء بـيننا اخـتلاف

نـفـرنا عـلـى مـن بـاليمن وأهـله أسـتخف
وبـاتـت ثـقال الـقوم تـزحف مـع الـخفاف

هـويـنا الـمـنايا الـسـود لا الـذايبي سـقف
هــواء شــاب مـغرم بـالهلي لـيلة الـزفاف

قـفاء مـاستار الـحلف الأمـريكي أكـتشف
ذبـحـنا الـمـذله فــي مـجازه وفـي كـتاف

صـنعنا مـثـلث يـربـط الـقـدس بـالنجف
ومــن ضـاحـية بـيـروت يـمتد لا جـحاف

بـــلاد الـيـمن ذي خـلـت الـغـازي اعـتـرف
بـضعفه امـام الـبأس ذي بـه سـمع وشاف

ولامــاء ولــد سـلـمان عـطف ولا نـصرف
فـيـبشر بـناء نـحرق لـه الـثوب والـلحاف

ونـحـرق قـصـور الـعهر والـفسق والـترف
ونـجعل حـقول النفط تنشف من الجفاف

وهــذا الـقصيده لـجلها الـهاجس اعـتكف
بـناها صـدف تـشهد للـسطاء بـالحتراف

ومــن كـاتـب الـتـاريخ تـسترجي الـنصف
وتـطـلب مـن الـجمهور تـوقيع وعـتراااف

#جبر_المسعدي

المجاراة..

البداية #ضيف_الله_سلمان

سلام يا مصر ويش اخبار معبر رفح؟!
قالوا اشتباكات واستهداف واطلاق نار..!!

ادراني الله ليش الكيل ماقد طفح؟!
واطفال غزة ينادوكم تفكوا الحصار..!!

والله مابا ينال النصر شعب انبطح
ما النصر الا لمن جاهد وخاض الغمار..

لا بد ما نعتصم بالله وبشكل صحّ
وفي هدى الله نلقى العز والانتصار

#ابويوسف_القاري

دير البصل لا تقارنها بدير البلح
ولا تقارن بدار الخلد دار البوار

ذي مارحم طفل جايع عند بابه نزح
لاينتظر من بني صهيون حسن الجوار

وكيف ياخذ بدم جندي وهو ما فتح
لاثنين مليون مسلم من وراء الجدار

بقوة الله ينهار الكيان الوقح
ويخرجوا صاغرين ومالهم من قرار

#جبر_المسعدي

لاسامح الله سامح ذي للعداء سمح
تسرح وتمرح وتمسح دار من بعد دار

والشيخ جراح قدامه وخلفه شبح
وشارم الشيخ شخ القرد فوقه وسار

واطفال تذبح وبن فرحان عاش الفرح
وشيخ أبوظبي لتطبيع صلح قطار

والقرح صاب اهل غزه والمجنح قرح
وطير أبابيل سبح بسم الأقصى وطار

#ابوجابر_صبره

مصر الشقيقة شقية والغموض إتضح
هذه حقيقة جليه ما عليها غبار.

رئيسها الإنفتاحي خاين  اغبر صبح
وشعبها شعب مدمن للربا والقُمار

نادر ترى حُر فيهم للوهن ما إطرّح
حتى لو العُهر فيها واسع الانتشار

شلوم يا ام "دنيانا" لمعبر رفح
قد ام الارهاب باتدي العيال الصغار!

#ابوشوامخ_الوعل

من مصر شمّ التخاذل والخيانه نفح
طوفان الاقصى كشف ماكان خلف الستار

غزه تعيش الاساء ونتوا تقيموا الفرح
الله قال انفرو ماقال تلعب قمار

من عاده اليوم راقد بندقه ما قرح
صمته مشجع للعداء في ارتكاب الدمار

الشعب يهتان لا الريس للعداء انطرح
ولا تزول الوصايا الابرفع الشعار

#فارس_المعزبي

المنبطِح منبطِح ماله ولا مُصطلَح
ولا يقرِّر ولا يقدر يخالف قرار

اعتاد يشرب من المالح شديد المَلَح
ويحمل الجّور لسرائيل مثل الحمار

الخوف مزروع في جوفِه وزاد انفتَح
يشرعن القصف ويوافق بدون اعتبار

اَجراح غزة لها قلب الزمان اَنجرح
وهو يغنّي ويرقص فوق حجم الدّمار

#مانع_البوساني

معبر رفح حرب طاحن كم قتل . كم ذبح
والقصف خلَّا المناطق والمنازل دمار

وكلب مصر اختبئ وانحاز مازد نبح
ما همه أطفال غزه لو يسيروا غبار

غشيم من شد ظهره بالوقح وارتزح
ذيما مع أبوه نخوه في حياته. وعار

مدعوس تحت ارجل امريكا رقد واطَّرح
الدِين منه تبراء كلما جاء وسار

#حمزة_الحيمي

عوايد الوقت ما يعتزّ شعب انطرح
ولا يرى العزه المسلوب حق القرار

مهما تحدث بدبلوماسيه او شرح
مهما تفنن في التبرير والأعتذار

مالو به الخير ما كان ارتضى او سمح
من يومها لليهود يهجروّن الديار

لكن قد الله عرّى خافيه وافتضح
كلن عرف ما حقيقة كل ماجا وسار

#الشاعر_ابو_صقر_شعلان

يامصري ازاي ماتقدم ولا مقترح
.منك وهل ماسمعنا جد والا هزار

قرح علا غزه القلب الذي ماقرح
والسيسي ولا خبر كان قلبه حمار

والعز ماياخذه من لليهود اطرح
تحركو بس يكفيكــــم مذله وعار

دروس الايام ماهو من شرحها شرح
ذي ماوقف جنب جاره ماله اي اعتبار

#ابوفتح_الجرادي

مابايجي خير من خاين يجي اوسرح
ديوث منحــط مـاهمـة ملأمــة وعـار

هي مسرحيات سيسي والممثـل فرّح
يمثلوها على حافـظ حقــوق الجــوار

في غزة اطفال تُقتل والنسـا تُنّجــرّح
ومصر تلعب مـع أسرائيل لعب القمـار

أذا قد الكلب الأمريكي عجـز وأطرح
يقوم يفعل زوأبع لجل كسب الحـوار

#الشاعر_ابوجهاد_صبر

من يمتهن لليهود الغاصبة وانطرح
يلقاء جزا جنس فعله بين بارد وحار

كم قلت يامصر جرم اليهوده قد سفح
ولا فهمتي ورديتين رد اعتبار

صهيون قصده يخلينا أثر وامتسح
وغايته لو تطايرنا مثيل الغبار

الامس بالقدس والاقصئ قتل واستبح
واليوم فيش افهمي فكي طريق المسار

#ابوكنعان_الروس

أزاااي مش معقول داه يا فرح
أمااال والسيسي الملعون ذيل الحمار

الوقت دوار والصنفور شكله قرح
وجاكم الصبح باأشراقه وشمس النهار

الصاع بالصاع ياكايل بكيل القدح
هاذا عليك دين ولك معيار غير العيار

#همدان_حجي

عليش يامصر لعنة ما المعدل قرح
عليش لعنة ومليون الف وصمة وعار

السيسي الكلب لو هو كلب كانه نبح
لاكنه اسوا من الكلب الدني والحمار

نهر الأباء جف يانهر الكرامة وشح
ومات شيخ الضمير الحي ولا وطار

يامصر لا تأمني من لليهودي جنح
وسلّم الأمر للغاصب وكل الديار

#جميل_جعفر_ابوشامخ

وجه العرب والعروبه للأسف افتضح
عيونها راقده نامت وفي نوم عار

و كلب صهيون في مسرى محمد نبح
ولا معاهم سواه الشجب والاعتذار

تخاذل الكل والسيسي طلع واقترح
ان يخرج اصحاب غزه لا اراضي اجار

مادام واهل اليمن موجود مابش ضبح
شعب المدذ والسند والعون لا ثار ثار

#اتحاد_الشعراء_والمنشدين

https://t.me/Poetsanalogous

(راعـــــــــــــــــي غــــــــنــــــــم)

بـسـمـلـة بــسـم الـمـعـلم بـالـقـلم
جـاعـل عـلى كـل ذو عـلمآ عـليم

سـلـمـت بــأمـره لـقـائـدنا الـعـلـم
نـور الـهدى لا الـسراط المستقيم

يـاجـرف سـلـمان ســرك مـنسجم
الــئ مـع قـصة أصـحاب الـرقيم

صـف الـتقاء والـنقاء فيك التحم
بـعـزم سـبط الـكريم أبـن الـكريم

وشفت لك في حراء وطئت قدم
تـمتد مـن صـدر الأسـلام الـقديم

واثـــار مـابـيـن زمـــزم والــحـرم
خـيـوطها مـطـويه مـثـل الـبـريم

والـلـيله الـهـاجس ادرجـها حـكم
مـن وحي محراب لقمان الحكيم

حـتى ولـو صـورتي (راعي غنم)
لاكـــن عـقـلـي وتـفـكيري سـلـيم


مـخرجني الله مـن الـجوبه سـلم
الـــئ ولــي بـايـقع شـأنـآ عـظـيم

#جبر_المسعدي
#اتحاد_الشعراء_والمنشدين

https://t.me/aboyahyaalshami

يالبحر الأحمر خل عينك حمراء
والسطح متسعر وقعرك مسجور

وطلق عنان الموج فوق الصحراء
طير سفن لحزاب لاخلف الطور

وقل ل(ك ل ب)الروم يطلع براء
قبل الجوارح تقبضه بالحنجور

لوحلف153ون فايف ثري يتجراء
يدخل وعهد الله ماشاف النوررر

ولايشوف الأرض حوله غدراء
ونخرجه مذموم منها مدحور

لوكالت البارررروت كيلوباترا
وقام الإسكندر وقدهو مقبور

#جبر_المسعدي

https://t.me/mjhbufivfjufxr

يالنصيرات الجريحه على الجرح أصبري
وحـفـري قـبـر الـخـساره بـمعول لـنتصار

وعـذري مـعبر رفح من عمل خلف الذري
وعـصـري كـبـد الـخيانه بـعصارة خـصار

وهـــدي الـعـبري مـعـابر ولـنـصر أعـبـري
وقـصري طـول الـمسافه بالاعمار القصار

وكـسـري فـالـبر ظـهـر الـجـدار الـعنصري
والـعمل فـالبحر جاري على كسر الحصار

والـمدد جـيشه حـواري وسـيفه حـيدري
والـشـعار الـنـصر ولا الـشـهاده بـخـتصار

#جبر_المسعدي

(يـــــــــــــــــــــــوم الــــــــغـــــــديـــــــر)

يـاعـيد فـجـره قـفـا الـعيد الـكبير اشـرق
بــنــور مــــزق ثــيـاب الـلـيـل واحـرقـهـا

ولـبس الأرض سـندس والـسماء استبرق
وخــم اخــذ مــن جـنـان الـخـلد رونـقـها

وتـحـقق الـحـق لاهـل الـحق بـامر الـحق
فـي حـضرت الحق خير الخلق واصدقها

(يـوم الـغدير) الـنذير الـمصطفى اتـوفق
وبـــلــغ رســـــالات خـــلاقــه وحــقـقـهـا

انـــشـــهــد انــــــــه نــــطـــق بـــالــحــق
واتـــــــــــــــــــــــــــوثـــــــــــــــــــــــــــق
ومــن عــلا اقـتـاب كـمـن ظـامـر أطـلقها

وكــمـل لــنـا الله ديــنـه بـالـنعم واغــدق
يــــوم الــولايــه خــــذ الــكــرار بـيـرقـها

وســيــل حــجــاج بــيــت الله يـتـدافـق
وشــــل يــــد الــوصــي بــيــده وعـلـقـها

وقــال مــن كـنـت لــه مـولا وبـي صـدق
مــــولاه بــعــدي عــلــي بـيـعـه يـوثـقـها

عــــــــلـــــــي مــــــــــــــع الـــــــحـــــــق
واهــــــــل الــــحــــق بــــــــه تـــلـــحــق
اشــــد مالله خــلـق فـالـخـلق واشـفـقـها

مـــــن نــاصــره يـنـتـصـر بالله لايــقـلـق
ويـــــــــخــــــــذل الله حـــــــــســــــــاده
و يـــــــــــمــــــــــحــــــــــقــــــــــهــــــــــا

هــذا عـلـي ذيـبـرز فــي غــزوة الـخـندق
والـفـرس والــروم مــن ضـربـاته اقـلـقها

بـــذو الـفـقـار الـمـذلق كــم نــزع وزهــق
ارواح واجـــســـاد قــطــعـهـا ومــزقــهــا

يــوم الـقـلق عــم يـثـرب والـلحاء تـعرق
مــن غـيـره اسـلـم رقـاب الـقوم وعـتقها

وعـمـر بــن ود مــن ذي شـق راسـه شـق
واقــتـص لـلـخـيل مــنـه قــبـل يـلـحـقها

هــو ذي فـتـح حـصـن خـيـبر بـعدمتغلق
وذي خــشـع جـمـجـمة مــرحـب وفـلـقها

هــوالـذي فـــي صــلاتـه جـــاد وتـصـدق
ولـقـمـة الـعـيـش حـــق اطـفـالـه انـفـقها

وزيـــــر طــــه وقــائــد حــقــه الـفـيـلـق
درع الــرســالـه وحــربـتـهـا ومــحـزقـهـا

بـــاب الـمـديـنه سـفـيـنة هــدي مـاتـغرق
فـيـها الـزجـاء والـنـجاء مـالموج يـغرقها

كـان الـصفاء والـوفاء واول صـبي صدق
بـالـمـصطفي ذي جـفـاء الـدنـيا وطـلـقها

عـــــزالله انـــــي تــولـيـتـه ولا مــطــلـق
انـــــا وقـــــوم الله أهـــداهــا ووفــقــهـا

لابــة حـفـيد الـوصـي مــن عـق لـلمشنق
تـعـشـق هـــواء الـحـريه والـعـز يـعـشقها

تـقـبل غـورهـا سـبـق مــن مـادعـق عـيق
عـيـقـات ذل الــقـوى الـعـظـمى مـذلـقـها

لاحـلـقـو فـــوق الاعـــداء والــبـلا حــلـق
تـسـبق بـمـوت الـعـداء مـن قـبل تـسبقها

تـضـيـق ضـيـق الـحـلق بـقـعاء وتـتـمزق
مـــن بـاسـنـا ذي قــهـر لـحـزاب ورهـقـها

والـمـرتـزق والـمـنـافق والــدعـي لـحـمق
مــافـادتـه كــثــرت امــوالــه ذي انـفـقـها

جـمـعه تـفرق وجـيشه فـي سـقر يـحرق
تـدخـل فــرق سـعـي واواهــا مـصـندقها

وكم جثث نذق في فالفرضه وفي مفرق
الـجـوف حـيـث الاجــل والـمـوت فـرقها

وكـــل مــاعـاد عــدنـا شــغـل دق الـــدق
نــصــنـع مــشـاهـد ولــعـلامـي يـوثـقـهـا

بـــبــاس خـــــلا الــمــدرع لاورا عــشــق
ولادعـــقـــنـــا بـــــولاعــــه نـــحــرقــهــا

اقــســم بــــرب الــفـلـق لـومـنـنا تـحـنـق
الــنـاس فـــي مـغـرب آلـدنـيآ ومـشـرقها

والـقـاع تـنـشق واقـطـار الـسـماء تـصعق
وانــقـط فـــوق الـبـلق هـيـلان يـسـحقها

مـانـتـرك الـجـبـت والـطـاغـوت يـتـسـلق
الـــى سـفـيـنة نــجـات الـخـلـق يـخـرقها

ولانـخـلـي رفـــح والــقـدس فــي مــازق
وغــصــان زيـتـونـهـا الـخـنـزيـر يـعـلـقها

ولاقـــلــق لاقـــلــق جــوبــايـدن يــقـلـق
مــحـال يـفـتـح طــريـق الـسـيـد اغـلـقها

#جبر_المسعدي
#اتحاد_الشعراء_والمنشدين

https://t.me/aboyahyaalshami

((عصاة موسى))

لله أدر البحريه فالبحر الأحمر
وافدي شموخ البحريه
وافدي شموخ البدر والبدر المطور
والجويه والبريه
والقوه الصاروخيه بالفعل تشكر
عصاة موسى العصريه
واخص بالذكر المجنح والمسير
ساعد وسيف الحريه
قووه يحركها حفيد أحمد وحيدر
ذروة سنام الذريه
يضربها ضربت علي في حصن خيبر
في كل قووه (عبريه)
قولي للعداء
ياجلكسي بنت ليندر
معنا اوامر قهريه
من واحد اقوى من قوى امريكان واكبر
ومغرياته مغريه
وفي يمن لايمان يوجد له ويذكر
(نفس) وقووه حصريه
وراس قدس٢ للنصر المؤزر
ريه وقاصف 2 ريه
وهيئة التصنيع فالوقت المقرر
ممكن تزيح السريه
عن اسلحه باتجعل (اسرائيل)تمطر
من حيث ماهي مطريه
ماباترا من بعد مأبن البدر حذر
(الاء قليعه جذريه )
سيل العرم قادم وبعده ريح صرصر
واعصار يرمي صدريه
عوااامل الامن الوجودي باتغير
تصبح
( عوااااامل تعررررريه)

#جبر_المسعدي
#اتحاد_الشعراء_والمنشدين

https://t.me/aboyahyaalshami

قناة الشاعر #جبر_المسعدي الرسميه على التلجرام
شاعر من العيار الثقيل يستحق المتابعه
اشتركوا في قناته لا هنتو يا النشامى

https://t.me/mjhbufivfjufxr