يا ذي كره مولد الطاهر امانه رد
وقلنا ما السبب لو مـــــــــا بتكرهنا

احنا احتفلنا وشاركنا في المولد
وانت واجب عليك انك تشاركنا

احنا بـــ مولد محمد حبنا مورد
واحنا احتفلنا في المولد وهنينا

وين البِدَعْ لا تقول بدعه ولا تعصد
هل البدع شعب يحيي ذكر هادينا

والله امـرنـا اذا قد كنت متردد
نفرح بفضله ونحيي رحمته فينا

ومولد المصطفى رحمه ومن يشرد
عـــن حــب طــه واله لا يوالينا

ارجع الى الله وادعو قبل ما ترقد
وقول دعوه صدوقه يا الله اهدينا

وبا تشوف ان بينك والحقيقه سد
وان الهدى والهدايه في خطاوينا

احنا فرحنا في احمد واليهود تحقد
واليوم تشتي يهود العُرب تنهينا

يا شعب الايمان في صوت الولا ردد
لبيك يا خير خلق الله قد جينا

وبيننا ساحة السبعين على الموعد
يا شعب ما خاب ظن المصطفى فينا

واجب علـيـنـا نشارك كـلـنـا لا بد
هــــذا نبي الـهـدى يومــه ينادينا

والعصر يا شعب راقب كلمة السيد
واصرخ وكبّر ..وخوّف من يعادينا

#الشاعر_ابوصقر_شعلان
#إتحاد_الشعراء_والمنشدين

https://t.me/aboyahyaalshami

على قـمـة العلياء سهيل اليمـن صـعـد
وفي باب سابع عاااااام دونت للقصيد

صموووود اليمن تاريخ يذكر الى الابد
ولا ما وعى واعي مـن الشرح با نعيد

صـمـد شعبـنـا والـبـدر مـن قبلنا صمد
ومن جرف سلمان انـطـلـق عـزنا اكيد

ومران قاسـي ضد الاعـداء وهو اشد
وتلمـح قنيف الـعـز فـي بأسه الشديد

مـن الـمـوت لا عاصم ولـن يتقي احد
قفى بث تجريبي على مشرف الوعيد

يماني وراس اصلب مـن العزم والجلد
شربت الكرامه الف قطره من الحديد

قدى عـزمـنـا عـزم الامـم كـلـها سجد
وخابت سجاح اللي على شعبنا تكيد

وحتـى ولـو للحـلـف وابليس الف يد
فـ تبت يد امريكا مــع كــل جنجويد

وطالق حياة الطيش والراااح والرغد
ونار الحميه عود عـاكـي عـلى الوقيد

وامـا حـيـاة بـعـز واحـيـا علـى التلـد
وإلا عـزاهـا لا قد امسيت انا شـهـيـد

ويا لـيـت واللـه لـــو بقى للحياه مرد
اذوق الشهاده في رضا الله من جديد

مـع الله يرخص بذل جسمي مع الولد
وصلب الـركى والاخ والاب والحفيد

مـع اللـه تُهَوّن رحلـة الغُـلـب والكمد
وروح الـقـيـاده تستقي رأيها السديد

وما دام ابو جبريل لـ اهل اليمن سند
فـ با اعيـش واقـاتـل وانا دائماً سعيد

#الشاعر_ابوصقر_شعلان
#إتحاد_الشعراء_والمنشدين

https://t.me/aboyahyaalshami

كاتِب المجد سجِل وقع ذات المواني
واظهِر اليوم للتاريخ مــــــا تم دفنه

روّض البحر جُند البحريه فـي ثواني
واظهر الله اياتــه لـــ انسه وجِنه

ارسل الله جنده في لباس اليماني
تجبر الحلف يتوارى بــ وقع الأسنه

واصبح البحر قطره يوم ربي دعاني
والصليف. للسفينه صار مثل المجنه

خاب حلف الردى واحلامهم والأماني
شافوا الموت ذي ظنو في البحر جنه

بان زيف الاماراتي وكذب ال ثاني
واظهرت وجه امريكا الحلوب المسنه

دام وانا اليماني شعب شامخ كياني
با نرد القضىء ونفوسنــا مطمئنه

يا ابن زايد وربي لا اكوي اللي كواني
لو يطول الزمن فــ الرد لا بد منه

وانت يا ذي تغرر بك وتضرب مكاني
شاهد اليوم امريكا وما هي تكّنه

سبّح اليوم من وقع المشاهد لساني
كل مشهد شفاء بالشعب عَبره وحنه

نحمد الله ذي انزل علينا المثاني
شعب الايمان بالانصار ما خاب ظنه

في قيادة حكيمه اخرجت الف هاني
والف طه المداني.ليش طومر؟ لأنه..

جسد التضحيه كامل بروح التفاني
واذهل الكون كله بالفداء صغر سنه

#الشاعر_ابوصقر_شعلان
#إتحاد_الشعراء_والمنشدين

https://t.me/aboyahyaalshami

على ذكرى قدوم المولد انوار الهدى هلّت
على الانصار والدنيا تراقب موعـد الذكرى

وصنعاء زُينت باللون الاخضر والسماء طلّت
عليها بالشهب والبدر فـيها مشعل الاضواء

كأن العاصمه صنعاء ... بمكه حين ما حلّت
بها وهج البشاره في ثرى مولد ابو الزهراء

الى السبعين كل الناس في شعب اليمن ولّت
محبه في رسول الله يا ذي مـــا درى يدرى

نصرنا المصطفى يوم العواصم كـــلها ضلّت
وناصرنا الرساله يوم هجرة راكب القصواء

زمان الاوس والخزرج وجرهم قبلهم حلت
بيثرب تنصر المختار لا هاجر من الصحراء

تجهز يا يمن وافـــــرح ورايات اليمن علّت
بها لبيك يا طــــــه و "سبحان الذي اسراء"

ويا تاريخ قم شاهد جحافل جيشنا اتولت
رسول الله في دربه يطيب السير والمسرى

مع الله في سبيله لو جُرحت وكتفي اشتلت
تهون وبعت نفسي وانت يا رب اقبل المشراء

#الشاعر_ابوصقر_شعلان
#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

#ميلاد_طه

وسّــــــع لميلاد طــه حجــــــم هذا الصعيد
يخرج نسيــم الفرح مـــــن غْبّت الانحبــاس

ياعيــد يسعـد بنـوره كــــــــل فرحـه وعيد
وتكتسي الجنتين الخضــــــــر احلى لبــاس

ارض السعيــــده تباهت بالرداء الجــــــــديد
يوم انبعث نور طه مـن خطـــــــوط التماس

يامولد النــــــور عانق كـــــل نشمي وجيــد
سارع مع فجــــرك المشـــــرق الى الاقتباس

واخطب بنور الهدايـه في المقـــــــــام التليد
واعصب من اللون الاخضر قُبع في كل راس

بانحتشد بل ونُحشــــــــــر مثل يـوم الوعيد
ونطرح اكبر اثر للبعث واقـــــوى انعكـــــاس

حب النبي وال بيته حب طـــــــــاغي شديد
يثير فينا شعـــــــــــور الكبرياء والحمــــاس

ومثلما كنت في الاجـــــــــداد دم الوريــــــد
فـ الآل ياسيـــــــــدي انفاسنــــا والحـــواس

والاوس والخزرج الي استقبلـــــوك بالنشيد
اليوم يستقبلـــــوا طيفـــــك بزامل وطاس

ماخاب ضنك ولا وحي الكــــــــلام السديد
في الشعب ذي قلت عنـــه شعب قوه وباس

بيض الوجيه يستحي منها بيــــاض الجليد
واصحاب سود النوايا في فشــــل وانتكاس

ياذي بتشنوا محمـــــــــــــــد لابدا من بعيد
اما وتحيــــوه أو كـــــــــونــوا اوادم ونـاس

مابدعه الا الذي عـــــــــــــن حب طه يحيد
ويبدل المعــــدن الاصلي بمعــــــدن نحاس

لا الموت بالغيض نفس المـوت ذي بالحديد
لايشغل المومنيــــــن ذا الشــرت والالتماس

با ينبثق مولـــــد الهــــــــــادي علا ما نريد
دام القلوب اليمانيـه مــــــــــــلان انبجاس

لبيك ماتقارحت لميـــــال مـــــــن كل حيد
وما لمع وسط بقعا كـــــــــل جـــوهر وماس

وازكى صلاتي علا المختــــــار مسك القصيد
والال ذيهم عماد الحــــــــــــــريه والاساس

#الشاعر_ابوصقر_شعلان
#إتحاد_الشعراء_والمنشدين

https://t.me/aboyahyaalshami

سلام يوصل يافلسطيــن الابيه
من شعب الايمان والنضال

استبشرو بالاخ ذي يسند خويه
في سلم والا في قتال

عزه ،كرامه ،قبيله ،غيره ،حميه
وابن اليمن لاقال قال

والله يلعن من يفرط في القضيه
ويلعن النـــاس الذلال

وقادة العربــــان هم شر البليه
ذي طبعو للاحتـــلال

لابد تبقى رايــــة الاقصى عليه
رغماً عن اصحاب الظلال

ولو تراجعنا على. خوض المنيه
لاعاد تسمونا رجال

#الشاعر_ابوصقر_شعلان

المجاراة بعنوان تحية لسماحة السيد #حسن_نصر_الله

البداية #ابوالعباس_مفلح

حيا ملان الكون يا ابو هادي
يا اشجع مجاهد ف الكرة الارضية

خطاب هذا اليوم ماهو عادي
تعتز به كل النفوس الحية

#ناجي_القطيبي

سيدي حسن قلنا من اوّل بادي
رمز. الابا والنخوه العربيّه

قدارعب الصّهيوني المتمادي
ولا خضع للهجمه. الكونيّه

#الشاعر_جبر_المهدمي

ازكىٰ تحيه من صميم اكبادي
لسيْدي حسن ذي كلمته معليه

هذا الشموخ والفخرللأمجادي"
حيّاه ابوجبريل. ..ألف. تحيه""

#مقبل_جرام

شعب المدد والدعم والإسنادي
جاهز لأكبر معركه كونيه

لبيك نشعل نارها الوقادي
بشّر يهود بتصفيه جذريه

#الشاعر_ابوجهاد_صبر

يـاقـايـد الاحـرار كُـل إبلادي
بك نوّرت مـن حيس للعبديه

تاريخها الهجري مع الميلادي
عـاهـد يحيّـي هيبتك يوميه

#ابوشهيد_القطمي

يا رزح الأمة لا غزاها العادي
يا كف يضرب قوة المثلية

هادي وابوهادي الشجاع الهادي
بهدوء با يشعل حروب كونية

#ابو_كرار_المجنحي

يا كم ملاحم خالده وامجادي
لك يا حسن في البحر والبريه

وسع نطاق الحرب غادي غادي
وحنا سوا ضد العداء العبريه

#ابو_هادي_الغمري

جــــهنم الموساد يا ابو هادي
يا حلم مــفزع للقوى الغربيه

تـــــفخر بمثلك اّمة الصمادي
زعزعت بخطابك دول عبريه

#أمين_الامير

زلزلت عرش المجرم المتمادي
و القى خطابك قنبله ذريه

نسفت حلف الشر يا بوهادي
و انهيت حلم الدوله العبريه

#ابوكنعان_الروس

حيا ومرحب مايخط مدادي..
مايقرح الأيكي سريع صدرية

صوت الرجوله بسمكم بينادي..
ارعبت الأمريك وختها العبرية

#ابوهادي_عقاب

زلزل جيوش الكفر والاوغادي
هدد اساطيل القوى الغربيه

سيدي حسن بخطابه الرعادي
احيا النفوس واصبحت ثوريه

#ابوحسن_المجنحي

من موطن العزة وفخرامجادي
نرفع تحيه صادقه وديه

توصل لنصرالله بدون اعدادي
مرعب جيوش المافيا العبريه

#سيف_حسن_العامري

خطاب له مغزى قوي وجهادي
لوى بما فيه السواعد ليّه

توقعوا يظهر سفال الوادي
طلع وراهم في طريق الجيه

#الشاعر_فرحان_السلامي

خطاب بنصر الله موقف بادي
يهـز عــرش العصبــة العبـريـة

جنب اليماني يظهـر البغـدادي
و تجتمــع قــواتنـا الحـــربيــة

# الشاعر_ابوحيدر_عامر

احرق فيوز الغرب يابوهادي
خطابك الممزوج بالحرية

لالثالثه تمهيد ماهو عادي
الحرف منك قنبلة ذرية

#ضيف_الله_هجوان

له التحيه من صميم فؤادي
ابهر عقول الامـــــه العربيه

ماقدحصل مثله خطاب جهادي
زلزل كيان الدوله العبـــريه

#محمد_البريهي

تشهد بصدق أفعالك الأشهادي
يا خير قايد كلمتك جديه

جاك اليمن مشروعه إستشهادي
أنصار مع سبط النبي جهاديه

#الشاعر_ابوصقر_شعلان

ياعيدنا الهجري مع الميلادي
ياراس مال القوه الجبريه

بك نلحق العدوان غادي غادي
وبك اتصالات الجهاد دوليه

#صالح _النقيب

ياكاتب الهجري مع الميلادي
سجل مواقف ثورت الحريه

لبن الحسين الصبط وابن الهادي
ذي شاركو فلجو والبريه

#هادي_حسين_الرزامي

أزكى التحايا صاغها لك هادي
ياسيف موت الدوله العبريه

زلزلت أمريكا وكل معادي
من عزمك القاطع وصدق النيه

#ابوحمزه_المقاش

في مـنـهـجـك قـد حـلـق الـصمـادي
بـا ارقى قـيـم واثبت خطاء ثوريه

سـيـدي حسـن يـا قـاهـر الأوغـادي
زلـزلـة بـ انـفـاسـك قـوى إجـرامـيـه

#أبوصياد_الغمري

نصرالله أعضم متّقي وقيادي
ياليت مثله بيــن الأمــــه ميّه
.
هذا المجاهد حطّم الموسادي
سلام لـــــه من شعبنا وتحيّه

#عبدالوهاب_محمد_الفقيه

ازكاء تحيه من صميم افؤادي
ومن يمنا لك سلام وتحيه

امضه وشعبي دعم لك وسنادي
في جوها والبر والبحريه

#الكرار_المشراقي

يامرحباء مليون يابو هادي
وازكاء سلام الله لك وتحية

زلزلة الامريكان والاوغادي
خطاب مثل القنبلة الذرية

#الشاعر_وديع_داعر

قاهر بني صهيون والاوغادي
وداعس اذيال القوى الغربيه

فعله متى نار الوغى وقادي
يسبق خطاب اقواله الناريه

#ابواياد_المطري

ارعبت الامريكي مع الموسادي
ما خوفك تهديد ذاك وذيه

ونعم ب ابو جبريل وابو هادي
في حرب كبرى عالميه جيه

#فايز_الحمزي

فداك راسي سيدي واولادي
ياليث في وجه القوى العبرية

سلك الاراذل واد وانت بوادي
فيه الإباء لشعوبنا العربية

#ذوالفقار_سفيان

خطابك ارعب كل ذي متمادي
بالصـدق والإيـمـان والجـديـة

الـبـادي أظلـم واليهودي بادي
با يـسـتـقي ضربات تـدميرية

#ماجد_عبدالله_القادري

يامنبع الهجري مع  الميلادي
تاريخ شامخ بالقوى النصريه

فداك روحي سيدي وأولادي
ذي كلمتك  كالقنبله  الذريه

#ابوحسين_الشبيطي

سلام بالمليار يابوهادي
يافخر أصحاب النفوس الحيه

خطابك اليوم ارعب المتمادي
واهتابتك كل القوئ العبريه

#عبدالقوي_البطل

يافخر أمتنا وفخر بلادي
مع أبوجبريل في الروحية

في ظل قيادتكم يزول العادي
وتندحر كل القوى الغازية

#إتحاد_الشعراء_والمنشدين

https://t.me/aboyahyaalshami

تابع المجاراة حول وعد الله للمؤمنين بالنصر على اليهود والوعيد لليهود بالهزيمة على أيدي عباده المؤمنين.

البداية #عزيز_الردماني

قولوا لإسرائيل ونتنياهو.
إن الحكم ذي لا الاه إلا هو.
وبيننا الأيام يحنا ياهو.
حيدر وسيفه ذو الفقار مجرب.

أهل الإبا في العالم الإسلامي.
لن يسكتوا والقدس جرحه دامي.
طوفانهم واعصارهم سونامي.
وأنت عارف حيدره يا مرحب.

#ابوعيسى_هيسان

قلنا لهم طوفان قالوا ماهو ؟
اللفظ يتشابه مع معناهُ ؟
قلنا هو الّا إسم من أسماهُ !
ومُعظم اسماه ( الزوال الأقرب )

ياحلف صهيوني لعين اجرامي
المسكنه والذّل تحت اقدامي
لنته جعلت اربابك الحكامي
فربّ موسى مالنا غيره ربّ

#ابوليث_المحضار

شاهت ومن طبّع معاهم شاهوا
مااحسنوا كلا ولا يتناهوا
الى زمان التيه ذي به تاهو
من ضربنا اتمنى بانه يهرب..

والان وعد الاخرة قدّامي
اشوف برقه في سمانا سامي..
وبارك الله اليمن والشامي
اما البقيه ماهم لشي محرب..

#ابوشهيد_القطمي

اغبى العرب بعد اليهودي تاهو
و الله مولانا و جلّ علاهو
قريب با نفني بني لخماهو
واجب على كل البشر تستوعب

الوعد وعد الله و امرة سامي
نصرة يلوح والخصم تحت اقدامي
والقوم ذي تضرب قوى الاجرامي
ما با تخاف اقبح بشر في الكوكب

#الشاعر_ابوصقر_شعلان

انصــــــار دين الله مايتســاهو
عن نصرة الاقصى ولا يتـواهو
بانقصف اسرائيل وقاهو الا هو
يااحنا اولا هيه وسط الكــوكب

بادخل الى وسط الصراع الدامي
والموت من خلفي ومـن قدامي
كرار يماني حيــــدري ضراغمي
مكشر انيابه قــــــــوي المخلب

.#ابـومـازن_الـرازحـي

بالأمس بدما الانبياء قد تاهو
واليوم بدمـا الابرياء يتواهو
لا عاد رجعة بعدها يتباهو
تطهير جذري من تراب الكوكب

هذا وعدحتمي وحكم اعدامي
صادر بحق الكائن الاجرامي
على جميع المسلمين إلـزامي
تنفيذ أمـر الله ومـا الله أوجب،

#ابوالكرار_المجنحي

قل للكيان المغتصب جيناهو
فينا غضب ما يفهمو معناهو
والكون من ادناه لا اقصاهو
باينذهل فينا وبايتعجب

بقيادة ال المصطفى الاعلامي
باننتقم من حاشية لقزامي
وبينا في قادم الايامي
مفاجاة القادم اقوى واصلب

#الشاعر_ابوجهاد_صبر

إبليس ذيّ انّـتـم مـعـه تتناهو.
آدم وحـوى مـن غـواتـه تاهو.
باتتعبواء وتلاهـكـواء وتفاهو.
ومـن كــفــر. لابـدّ مـــا يتعذب.


إحـنـا معـانا الله حارس حامي.
لــو قـام عٓـنّـاء العالم الإجرامي.
باننتصر في صدق وعد إلزامي.
ويـهـتـزم من مـثـلـكـم له كذّب.

#أبوصياد_الغمري

الله خزا إسرائيل يوم إتساهو
ولاانكــــــرو المنكر وعنه أتناهو
واليوم عاثو في الفساد وتاهــو
وسقوطهم بإذنك إللاهــي قرّب

النصر للاســــــلام وأهله حامي
والحق بايغلــب قوى الإجرامي
ذا وعد من ربي ووعـده سامي
على يدينا الكفـــــــــر بايتعذّب

#ابوهادي_عقاب

يااولاد بن صهيون هيا ماهو
بيتفعلوا المنكر ولا تتناهو
وانتوا كما اجدادكم ذي تاهو
واليوم قد بيتحلموا بالمندب

طوفان الاقصى ثار ياهل الشامي
والوعد الاخر جاء بنصر ختامي
للمؤمنين على كيان اجرامي
بجهاد منه الكون كله يعجب

#ابو_هادي_الغمري

طوفاننا قــــد هاج من ميناهو
واقســــم بذي مابه الاه الا هو
لن نترك الاقصـــى لهم يتباهو
يا تلابيب اليوم ويــن المهرب

لا بد لك من يوم حامي دامي
تــصغر امامه معضــم الايامي
اترقبي يا قلعـــــــة الاجرامي
الوعـــد رباني وما خاب الرب

#ابوكنعان_الروس

الله وحده لا أله سواهو.
المستجيب لكل من ناداهو.
والنصر وعد المؤمنين اعطاهو.
بكف حيدر حوض مورد نشرب.

غزة تنادي كل شاجع رامي.
والقدس عاطش في لقاهم ضامي.
هاياعراقي يايمن ياشامي.
لعنه لمن باع العرب وستعرب

#الشاعر_جبر_المهدمي

والجيش ذي به فاخروا واتباهو"
مقهور ْ "والله باالوعيد اخزاهو"
بين الهزائم والفشل مثواهو"
يتجرع الطوفان ماكل مشرب..

وانصارالأقصى خيرةّالأنصاري"
والنصر وعد القاهر الجباري"
لذي في سبيله جاهد الكفاري"
والموت لأسرائيل والقدس اقرب..

#ابوحسن_المجنحي

مادامهم بجرامهم يتباهو
والعرب عن غزة ولقصى ساهو
يبقى اليمن في وقفته كماهو
داعم وواقف جنبهم بالملعب

احنا لها للحرب ناره حامي
واحنا مدد للعالم الاسلامي
تعجز على وصف اليمن لقلامي
من سامها في حربها بايتعب

#ابومحمد_سحار

السبت واهله ف الهزيمه تاهو
شاهت وجوه الخاذلين وشاهو
والعار للحكام ذي يتلاهو
واطفال غزه كلها تتعذب

ياويلكم لادارت الايامي
النصر قادم ياقوى الاجرامي
يوم النهايه والهلاك الدامي
لكل ظالم يايهودي قرب

#ابوفتح_الجرادي

اهل الضلالة والفسادمن تاهو
اتكبرو واتجبـرو وتضاهو
بايسقـطو مهما علــو وتباهو
صهيون والوعد الألهي قرّب

مهمى تغـاضا العـالم الاجرامي
الدم فاير والسخــط متنـامي
في امتي والنــصر للأسـلامـي
والموت لسرائيل ماشي مهرب

#إتحاد_الشعراء_والمنشدين

https://t.me/aboyahyaalshami