تابع المجاراة عن دخول القوات الامريكية الى بعض المناطق في المحافظات الجنوبية

البداية #ضيف_الله_سلمان

سلام ياشعب الكرامة والجهاد
يا(قوم تبّع) يا ذراري (ذي يزن)..!!

الجيش الامريكي فيَ اطراف البلاد
واذا سكتنا يدفع الكل الثمن..

وحسين قد بيّن هدفهم والمراد
في ملزمة(خطر دخول امريكا اليمن)!!

#علي_بن_علي_مسرع

بايفتحو جمرك مذلة واضطهاد
ويجمركونا بالمذله والوهن

هذا هدفهم بايعوثونا فساد
ويريدوا ابنا الشعب فايديهم هين

لاما توكلنا جميعا للجهاد
فالذل بايصبح ضريبه في اليمن

#ابوحرب_الفقيه

قلو للمريكي عليه الابتعاد
من شعبنا ويغادرو ارض الوطن

ولا فيبشر بصواريخ البعاد
يلقين حلفه في بلدنا لم يكن

وبانخلي الامركه تعلن حداد
في يوم نرجع جندها داخل كفن

#ناجي_القطيبي

ياثورة اكتوبر قدالمحتل عاد
ان زد جو اصحاب المسابح والدقَن

يصحّو الاصلاح واصحاب الرّشاد
والانفصالي ذي تشكّل في عدن

ملعون من باع الكرامه فى المزاد
وصار للمال الخليجي مرتهَن

#المنشد_قاسم_الفرح

ياشعبنا هبو على ظهر الجياد
هبة رجل واحد وصرختنا علن

بل موت لمريكا وارباب الفساد
ونقطع الرأس المهندس للفتن

لا أشر القائد حصدناها حصاد
معا تحالفها الغبي المرتهن

#الشاعر_محمد_ابوالعز

شب النكف ياشعب الاحرار الجياد
واحشد رجاجيل الحرايب والمحن

ماعاد للاقوال صوله فالشداد
ماعادلها الا افعال ابطال اليمن

الحريه تبدأ باعلان الجهاد
مادام الامريكي غزا ارض الوطن

#جلال_مبخوت_الغولي

ياحرب عاد احنا الرجاجيل الشداد ..
واحنا رجال الحرب وابطال اليمن

عاد الاصابع جالسه فوق الزناد
وعاد فينا عزم عالي ماوهن

لابد مانجعل قوى امريكاء رماد
وملحمة تبقى على مر الزمن

#فارس_الجعدالي

نقسم برب الكون خلاق العباد
الواحد الفرد العظيم المؤتمن

ما نقبل امريكاء الحقيره في البلاد
قل للمريكي والعميل المرتهن

والله ثم والله لو صرنا رماد
هيهات لا يمكن نفرط في الوطن

هذه اليمن ماهي الرياض واسلام اباد
هذه اليمن هذه اليمن هذه اليمن

هذه اليمن واحنا ألو البأس الشداد
بانطرد امريكاء والاذناب الخون

#ابوليث_مران_عردوم

احنا اولو قوه والو بأسٍ شٌداد
يشر فقط عبدالملك واحنا نحن..!!

والله لا نبلع ابوهم كالمضاد
ونطر ابوهم طر من ساحل عدن""

طراد واصل بعد غازينا طراد
والموت لاسرأئيل وامريكا معاً...

ذي جا يدور شبر با يرجع معاد..
وجنود ابو جبريل ما تعرف وهن“

#الشاعر_محمد_منصور_الميادين

والله ثم والله ماعشنا النكاد
ولاقبلنا بالمذله والوهن

لوتستمر الحرب لايوم المهاد
ولوقتلنا كالحسين اوالحسن

واقسم برب الكون لوسرنا رماد
مانبقي امريكي بشبوه اوعدن

#أسـامـة_المـعبـاء

ولو حشدتوا الجحافل والعتاد
لغزو شعبي يا طغاة اخر زمن

فبا تلاقوا رد الابطال الشداد
تذوقوا منه الويل في يوم الطعن

الوعد منا الوعد يا احفاد "عاد"
ان مقبرتكم جاهزة داخل "عدن"

#ناديه_السقطي

ويش عاد بعد امريك بالله ويش عاد
في حضرموت والمهرة اليوم او عدن

جهاد واستعداد ياشعبي الجياد
والكل هو مسؤول عن هذا وعن

كل احتلال في ارضنا منه استفاد
الغزو الامريكي وصناع الفتن

ياويل من يسكت على هذا الفساد
ملعون من الله والملائك والوطن

#بحر_القحوم

مشروعهم مرفوض فطرة واعتـقاد
ولاحـدا يـرضـا بـهـم طـول الزمـن

من يـقـبـله مابـه على قـلبـه نُــقـاد
اصبح مريض القلب واصبح مرتهن

جـهـاد ضــــد الــكـفـر لا للارتــداد
لانّــا مــع الـرحـمـن مـانـقـبـل وهـن

#عبدالله_محسن_جحاف

لبيك يالبيك ياداعي الجهاد
مادام ابوجبريل قايد مؤتمن

الكل قدجهز سلاحه والعتاد
نطردأبوالمحتل ونحررعدن

قوه بعون الله وعاداحنا وعاد
قل للعليمي نعن ابوكم ياهين

#ابورعد_الشعراني

بالدم نكتبها إذا جف المداد
وبصوت عالي يسمعه كل الخون

ماعاد بانقبل سكوت ولا حياد
لابد من موقف صريح واضح علن

مادام الامريكي وصل حان الحصاد
فاحنا حماة الدين حراس الوطن

#وهاب_علي

وين(الكثيري)و(الحمومي)يا(سعاد)؟!
(سيبان) (ضنة) (آل نهدي)و(القطن)؟!

يا(كندة) الأمريك في (ذات العماد)
وطلايع المارينز حلت في (قشن)

و العار تاريخي إذا المحتل ساد
هل عاد في (دمون) للغيرة وطن؟

#علي_عبدالله_المهدلي

والله ما يـرتاح بــال لـلقوم الجــياد
والامريكي يـسرح ويــمرح بالـوطـن

لازم ما نجرعه بأس الــقوم الشـداد
ونستأصله ونمسح بعده كل العـفـن

والـيمن للـمحتل والغزو بالـمـرصاد
ضروري يرحلوا من أرضنا كل الهّين

#مجيب_الله_علاو

والله لوخضنا المعارك دون زاد
باسأوقوة فى الشدايد والمحن

لومايخبر عننا رايح وغاد
في درب طه وال بيته لا حزن

لاخوف على انصار الله اليوم الحصاد
ماهو على ابوه من تقاعس اوجبن

#إتحاد_الشعراء_والمنشدين

https://t.me/aboyahyaalshami

المجاراة

البداية ‎#ابومنار_العشي

حضن العروبه هذه الليله دَفي
بـ "الشيعه" "الفرس" "المجوس" "الرافضة"

آخر شعارات التحالف تختفي
وتنتهي كل المواد الحافظة

وانا اليماني ما تغير موقفي
ماهو معارض مبدأي با اعارضه

صارم على الخاين مع الوافي وفي
ولحمتي مُرّه ونفسي حامضه

#ضيف_الله_سلمان

بالال والقران قد با نكتفي
لن الضلالة تكلفتها باهضة..

وانوار بدر الدين ما با تنطفي
ومن تولٌى الله فالله حافظه..

هوالذي يهدي وهو من يصطفي
وهدايته ما با تجي متناقضة..!!

ومن يريد العز كل العزّ في..
نهج الهدى ماهي قضية غامضة..!!

#ابويوسف_القاري

ياالمملكه من صف الاحرار ازقفي
سبعه فما تقبل صلاة الحايضه

واتشيعي يانجد والا اتسيلفي
لابد من دفع الخساير باهضه

بولاية اهل البيت باتستعرفي
غصبن عليش بدون اي ملاحظه

عمر العماله والمسار الطايفي
مهزوز بين الرافعه والخافضه

واحنا حبانا الله بالبدر الصفي
صمام امان وحجة الله داحضه

بايات ربي يكشف السر الخفي
ويفضح اهل السنه المتناقضه

#ابوشهيد_القطمي

يا عازفات الموت و الهول إعزفي
و خبري المهفوف و يعلم عايضة

إن اليمن كوكب شعارة ما طفّي
و الشعب با القرأن لوّح ناهضة

رصي القوى يا نجد ضدي و إرصفي
ما با تلاقي غير أمة ياقضة

با الدين و المنهج و عزة موقفي
و البدر ذي نادى لنا من رابضة

بلبل النصر #حسن_المهدي

الـيوم يا بوق النفاق ارقد جفي
عـز الله ان اهـدافكم فـالعارضه

ديـك الرياض اتلحفه كمن وفي
وبيضة امريكان طلعت خايضه

وبـعـدما اتـنـافت كـرامتها نـفي
عــادت حـليمه رافـضيه نـاكظه

وتـصفقوا يـا كـل هـين طـايفي
والا دخلتوا جنب الاول عايضه

#علي_بن_علي_مسرع

يا شمس ربي يالكواكب وقفي
اليوم يوم الرافعة والخافضة

من منهج انوار الكتاب المعرفي
وآل النبي ذي بالرسالة نابضه

واهل اليمن قبل العزيز اليوسفي
بالعرف باعلام الهداية قابضة

ومن يروم المجد با يلقاه في..
آل النبي ذي بالهداية ناهضه..

#هادي_حسين_الرزامي

منهو مع أهل البيت متمسك وفي
يواجه الباطل ويبقى رافضه

ويواجه امريكا ودايم يهتفي
بشعار بدر الدين صرخه قاصفه

يسمع لبو جبريل لايتخلفي
عن أي موقف لايسير يناقضه

وان كان قد ضحى فلا يتحسفي
على العمل تبقى يدينه قابضه

#الشاعر_أحمد_الخاشب

من يتّبع نهج النبي وآله شُفي
من التولي لليهود "الـعـاضّـة"

ويحيطه الرحمن باللطف الخفي
وكـل نـبـضـة بالـهـدايـة نابضة

لا يحسب الأمريكي انه مختفي
أو يحسب ان به نلتقي ونفاوضه

كلا ولا جفني على افعاله غفي
وتحركاته في الجنوب مُلاحظَة

اتطهّري يا ارض الجنوب اتنظفي
به فرق بين الطاهرة والحا......

#الكرار_العقيبي

مـع ابـــو جبريل قايدنا الوفـي
كل القبايل للمـــــريكي رافضـه

لـــو كلـها العالـم عليا اتحالـفـي
انــي علـى عهدي ومـانا ناقــضـه

من هد مشروع اليهود الطائفـــي
وحارب اجيوش اليهود المارضه

الليل ياالمشــاط قـــل للعاطـفـي
يرسل لسلمان ذا الفقار ايفاوضه

#ابومالك_الكوماني

لابد ما كل الذرايع تنكفي
دام الحوادث بالحقائق نابضه

والله ممدنا بالامداد الخفي
لاحظ ثماره في يمننا لاحظه

والزيغ يفلق بالصقيل المشرفي
وآيات ربي للبواطل داحضه

دام الخوافق بال طه تحتفي
وفي عرى طه وآله قابضه

#ابوبدر_ذيبان

اتلفلفي يا مسعده واتشرشفي
ريح السياسات للمعالي خافضه

لاعاد يالعربان بها تتلحفي
ولا تبث اخبار عنها غامضه

حطي لايران البساط واتوقغي
هاه واسلمي من بطش قوه فارضه

شعب اليمن راسخ على مبدا وفي
بقوة المولى المسيره ناهضه

#اكرم_النيعاني_ابونبيل

بسري مع ابن البدر وامسك مصحفي
وكفتي علا زنادي قابضه

ماجا به القران لن يتحرفي
والله من سابع سماته حافظه

باحارب العدوان وانا مقنفي
وسط البلق والابقمه نابضه

وكل متاخدل حسبته مكلفي
يخبز في اديمه ويفعل حامضه

جريح الحرب #رفيق_زرعان

يا هذه الدنيا اوقفي واتوقفي
إيران في بحر العروبه راكضة

كم يا حقايق ذا الزمن تتكشفي
وتكشف الأحداث ذي هيه غامضة

العز في حد الحسام المشرفي
والذل لاصحاب الرأوى المتناقضة

كم قد نصحناها وقلنا اتعففي
لاكنها تفعل ولو هي حايضة

#الشاعر_ابومقدام_الهمام

قال اليماني يا القبايل نكفي
دام العرب في حالها متناقضه

ضد اليهودي بالمنايا واصرفي
له من بغمها نار حمراء قابضه

وانا المجوسي ذي بديني مكتفي
باقي على ديني ونفسي حافضه

محال ياخذ حق لي من مصرفي
ويروح لا ارضه ولا احد عارضه

#شاعر_بلاد_الروس

اليوم طهران والرياض باتحتفي
واللطم في أسرائيل ملاطيم باهضه

عاده ذهن من كان متمدد جفي
في حضن أمريكا وقال بتفاوضه

لو صدق السيد وماقال الصفي
كان ما ركض سلمان ولاحد يركضه

لاكن ذنوب الكبر. لفيها من لفي
واهل الصلاح دايم. حججهم داحضه

#إتحاد_الشعراء_والمنشدين

https://t.me/aboyahyaalshami

سباق الدهر واجراس الزمن تدوى
على نبضات ظلم العالم المهوي

والايات التوال لما مضى تروى
رواها ذي روى المتواتر المروي

وذي ينكر خبر مرئي على الاضوا
كما عاطش جوار المنهل السقوي

سعى يغوى ومن رام الغوى يغوى
تخبط في سراب اوهامه المخوي

ومهما للقمر ذيب الخلا عوى
قد العرجون من عود الظلام ملوي

ولا حد للقمر يتفرد الخلوى
جبان الذيب لو قال للقمر ضوي

تمثل بالأسد ذي ما معه شكوى
ولا يعوي ولا يوجد اسد يعوي

يماني ما رفع في موقفه دعوى
لعالم صار متهالك ومتدعوي

رفع كفيه لله وحده الأقوى
وبالقرآن وآل البيت مستقوي

يماني باع لله عالم النجوى
وبيعه عقد نافذ في الجوا منوي

ودام الله شرا ونعم بها شروى
ويا نعم التجارة سوقها مقوي

من اجل الخلق في المقدار تتسوى
ويبقى الظلم من تحت القدم مسوي

روى حرب اليمن منهاجها واروى
كبود العالم المقهور والمكوي

يماني بالهداية يشفي المكوى
ومن نور الولاية يبري المشوي

يحرر عالم استعبد وفي طغوى
لشيطان الضلال الواهن المهوي

هي الشيطان الاكبر في الامم عدوى
دواها قلعها من عرقها الكلوي

وتطوى في سجل اجرامها تطوى
في الوعد الأخير كف اليمن يطوي

يشوف السلم فاحلامه خبر واهوا
علينا العار فوق المحزم الحقوي

نخلي العدوة الدنيا في القصوى
دما في برزخ(ن) لا يبغيان اتوي

وتشعل حرب لاما تظلم الاجوا
وتتفجر مجرات الفضا الجوي

وتنشق السما واجرامها تهوى
ونوصلها مقارين القضا العلوي

ونبلغ وعد ربي جنة المأوى
ووعد الله جهنم للطغاة تأوي

#علي_بن_علي_مسرع
#إتحاد_الشعراء_والمنشدين

https://t.me/aboyahyaalshami

المجاراة بعنوان أستجابه لأحياء يوم القدس العالمي روح الهوية ومسار القضية.. لنثبت للعالم أن اليمن لن يتخلى عن مقدساته ومسرى نبيه.

البداية #ابورواسي_أرحب

دعوه لكل الناس يوم الجمعه
يا شعب متولي علي بن طالب

نفزع  بيوم القدس أكبر فزعه
ندي مع مسرى الرسول الواجب

#عزيز_الردماني

خروجنا ملطام واكبر صفعه.
تطن منها اذن الكيان الغاصب.

يا اصحابنا كلاً ينبي ربعه.
ومن حضر يرسل نبا للغايب.

#عاقل_بن_صبر

كلاً ليوم القدس يحشد ربعه
نقبل كما افواج العصار الغاضب

ملطام في وجه اليهود وصفعه
تزلزل اركان الكيان الغاصب

#أبومنار_العشي

‌‌‎با تخرج السنه ومعها الشيعه
في صف واحد متحد متجاوب

القدس عامل نشترك به جَمعه
وما يفرط فيه غير العايب

#ماجد_المطري

موقف يغيض الكفر يـوم الجمعــه
بايعلنـــــه شعــب العروبــه قاطب

هـذا قــرار الشـعـب مابـــه رجعــه
تحرير الاقصى من يدين الغاصـب

#علي_بن_علي_مسرع

البعض بايفتي يقل هي بدعه
خارب وفكره في الحقيقة خارب

بانخرج الجمعة ولو بالشمعة
تشتو كلام الصدق هذا واجب

#الحمزة_المغربي

كلين يحشد يا النشامى ربـعــه
واحنا لعين القدس محور واحد

والدرب للأقصـى ومابـه رجعـة
حتى نحـررهـا بـدحـر الغاصب..!!

#ابوكنن_محمد_منصر

ياشعبنا كلين ينده ربعة
القدس موعدنا القرارالصايب

المعنوية عالية مرتفعة
بقوة الله القوي الغالب

#بندر_السقاف

شعب اليمن ياقدس لبا جمعه
بخروج مليوني مندد غاضب

والسير نحوك في سباق السرعه
نحرر ارضك من كيان الغاصب

#ابوسياف_البيحاني

الكل جاهز مستعد للفزعه
ذي ما يجي معنا فما هو صاحب

وكل مؤمن متقي لي منعه
يحشد ليوم القدس اكبر واجب

#ماجد_رشدان

ابشر بنا يابوراسي جمعه
واحنا اليمانيين قوم الواجب

لله ماهو لجل صيت اوسمعه
يتقدم الراجل ركاب الراكب

نندع على النجم السداسي برعه
وندوس ناموس الكيان الغاصب

#علي_محمد_المحاقري

القدس والاقصى باقصى سرعه
محتاج لاحفاد الوصي بن طالب

بـعـد الـصـلاه كـلاً يـنـادي ربـعـه
لا ساحة التحشيد ما احـد غايب

#سامي_عبيد

أحجز لنا يابو رواسي بقعه
شعب اليمن ياخوك كله غاضب

عن درب نصر القدس مابه رجعه
ومن رجع منا منافق عايب

#مانع_البوساني

اليوم هذا فرض ماهو بدعه
وآجب علينا نحتشد ونوآكب

ذيما يلبِِّي دعوته في سرعه
غشيم في كل المناهج راسب

#فارس_المعزبي

إبشــــر ... وكلّــن بايجهــز رَبْعَه
من اجل تنفيذ الخروج الغاضب..!!

(القدس)من جسمك وجسمي قِطْعَه
ما تنقطع بالسّهل مثل الراتب..!!

#هادي_حسين_الرزامي

نأتي إلى الساحات دفعه دفعه
ومن تخلف مانعده صاحب

ومن يصد الناس جاله صفعه
ومن يخالف دين ربي كاذب

#ابوخالد_الطويل

من انتصر للقدس فحنا ربعه
وحيا يوم القدس ماحد غايب

الجاح با تشهد وحرب القطعة
وتشهد الخوبه ورملة مارب

#حمزة_الحيمي

ياشعب ما يعرف طريق الرجعه
من يوم يومه شعب صاحب واجب


معتاد يوم القدس يظهر طبعه
في نصرة الأقصى امام الغاصب

#ذوالفقار_سفيان

ياهل الاباء والمرجله والرفعه
القـدس لا يبقى عليها غاصب

في معركة ماشي وراها هجعه
بـالقارعه والـواقعـه والـثـاقـب

جريح الحرب#رفيق_زرعان

صرخات في ساحاتنا مرتفعه
بصوت إيماني يماني غاضب

نفير نحو القدس مافي رجعه
نحرر الأقصى وندخل مارب

#ابو_برق_الظرافي

ياشعب عزك ربنا باالرفعه
اقبل بيوم القدس واخرج غاضب

لقن ابو اسرائيل اكبر صفعه
لو ما تخلي العين فوق الحاجب

#يونس_النزيلي

كلـــين يااخــــواني يحــشد ربـعه
ويجمع الاصحاب صاحب صاحب

لو كل واحــد بـس يحشــد سبــعه
لانرعب امــريك والكيان الغـاصب

#أبوحسين_العصري

إحياؤنا لليوم هذا صفعه
لأهل الخيانة والعدو الغاصب

نمسح عن أقصانا الجريح الدمعه
وفوق اليهودي با نشب اللاهب

#ابوشرف_خولان

كلين يجمع من قدر من ربعه
ومن خرج فيعتبر بيحارب

ياشعب أنا ذي منع كلا منعه
نحيي ليوم القدس ضد العايب

#ابوبراءة_الديلمي

لا بد مــانخرج كــتائــب دفــعــه
الشاب والطفل الصغير والشايب

وكــل مــن يفهم ويـوصي ربعه
الـــقدس ذكره فااليمن متواكب

#عدنان_جحوح

واجب علينا يا النشامى جمعة
نبعث رسالة للعدو الغاصب

للفتح شمرنا ومابش رجعة
عن قدسنا فالله بجنده غالب

#ابوحسين_السحاري

كلاً ليوم القـدس يحشد ربعة
ننصر قضيتنا بمـوقف صاخب

وبجمعنا يلقى اليهودي صفعة
شعب اليمن جانب وربي جانب

#الشاعر_جبر_المهدمي

لبيك يالأقصى نجي في سرعه
ونــــلبي الدعوه بموقف غاضب

فزعه معــا الأقصى ولابه رجــعه
ضـــد اليهودي والــــعدو الغاصب

#شاعر_بلاد_الروس

يااصحابنا كلن يخبر ربعه
وقفه مع الله القوي الغالب

لأجل بيت الله نحضر جمعه
ضد اليهودي المعتدي الغاصب

#صالح_حسين

خروجنا للقدس شدة وقعه
موت اليهودي والعذاب الواصب

يدعس على امريكا بثورة نقعه
يفتك بها مثل الرعيد الحاصب

#إتحاد_الشعراء_والمنشدين

https://t.me/aboyahyaalshami

سلام يا #عبد_الكريم_السحاري
ما بسمل المؤمن في اول سحوره

ما يتلو القرآن مؤمن وقاري
من يومها واتنزلت كل سوره

يا خيرة الانصار واصدق حواري
بين المسيرة قد تسجل حضوره

مترس حرض وحزامها الانفجاري
يوم كل كافر عاث واظهر فجوره

قبضة علي لا ضاق فيها الحصاري
والحيدرة في الحرب يعلن ظهورة

ذاك النمر في الحد ربى النماري
كمن اسد للموت خاضو غموره

قايد عسر فاق الحيود العساري
لله خلى الموت منفذ عبوره

صادق لسانه من لسان الغفاري
ومثل عمار في التولي شعوره

ومثل الاشتر بل هو اشتر سحاري
واتمثل الاشتر على خير صوره

فيه الكرم سابع حواسه يجاري
طيب الخلق ذي كان يقطف زهوره

قد كنت بعده معتنق لاحتضاري
والقلب يستسلم لمبلغ كسوره

لكن قد السيد جبر لانكساري
يوم الشهادة ساقها في سطورة

سلام يا #عبد_الكريم_السحاري
ما الحب ينبت زرع طيب جذوره
----------------------------------------
#علي_بن_علي_مسرع

نجّل...


بسم الله ابدع واذكر الله واجل
وادعى الاهي خالقي واترجا

يفتح عليا باب رزقه عاجل
يكون لي من رزق غيره محجا

نجل من ارضي يا تحااالف نجل
الشعب ناوي لك بليلة هبجا

لا عاد تحاول في حواااررك تدجل
بغززوووك الفكرري قرينا المهجا

رجعت في الجبهاااات من دون ارجل
هارب بجيييشك سع بهيمه عرجا

لقيت كمن محتزم متريجل
يشرب دمْ الكفااار شرب المنجا

الظلمْ عند اهل الولاااية يوجل
والحق بين اكنافهم يتزجا

توالي اعلاااام الهدى وتبجل
آااال النبيي من جا هداااهم ينجا

هم كهف اهل الكهف امن الواجل
سقف الكنان من كن غيره يهجا

رجال ما تفعل فعايل تفجل
امثال الاعرااااب النعاج الخنجا

من خالف القراااآن حل المهجل
وحل رقص الغاانيات الغنجاا

والعالم اصبح وسط موقف مخجل
وحيته حيه وحاله غوجا

والأرملة بالثوب الاسود تجّل
والمملكااات عند اليهوووود تتنجا

لابد ما تشرب حماط الماجل
ما عد لها منقذ ولا به منجا

الجرح ذي قد صابها متغنجل
صاب الجرب في وجهها والفرجا

كم جمعت من نفطها وتبنجل
في ضرعها وامرررريك جتها تعجا

يا شعب لا تجزع ولا تستعجل
صبر الثمان ما بعده الا البهجا

ضرربة عليي قبضة يمينك جلجل
تصبح فلول االكفررر عندك درجا

صدرت في الحررررب الصمووود المنجل
واجه حروووب افكار هولا العوجا

بانوار دينيه نقيه تزجل
تدحر نوايا الصهييييناات الزلجا

يا شعب واحد من ثمود لا باجل
ومن سهول ابين وحتى الهيجااا

النصرررر باذن الله وعده عاجل
مهما العدوووو شنّ الحروووب الهووجا

لا اجزلت يالتاريخ وانته سجل
الشطر الاخر ما درينا وين جا

----ااااااا
#علي_بن_علي_مسرع

https://t.me/abaalhosainali

الغييض المقدددس

ما الغيض من حرق الكتااب المقددس
من اجل حبر اسود وبيض الكراسه

الغيض من ملة هدفها مدنس
تنزع من اهل الديين معنى القداااسه

واتجرد النبراس ذي به تنبرس
مسللم وبالقرااآن رافع لراسه

والمشكلة فيمن بالاسلااام تلبس
ثوبه وتحت الثوب كله نجاااسه

خدااام للدار المقددس وكُنّّس
خُُنّّس عن التقديييس باسم السيياسه

ويقددسو سروال من جا وأسس
زرع الفتتن قادااات في الدجل ساسه

طببع علاقااات الييهوووددي ودرس
باع المقدددس وسط سوق النخاسه

واشتب ضد ابن اليمااااني وكرس
حرررب الددما لا جنب حررررب الدناااسه

شبشب بلا واشتب لاما تنخس
قاااارح قررررح في الوجه ساعة نفاسه

حلل حرااام الله واجرررم وخنفس
واعلى رقم في الرجس جاوز قياسه

من بالعمااااله ضر نفسه ونجس
وابليييس عوذب من ملوووك الخساااسه

شعب اليييمن من اجل دييينه تنومس
سلم لرب العرش كامل حواسه

كرامة القرآااان في كل مترس
على امة القرآااان باهله وناسه

واقف بمحراااب الدفاااع المقدددس
يرد للااسلاااام معنى القدااااسه
......اااا
#علي_بن_علي_مسرع

الولااااية .

لك الحمد ما يتلو فالايات و السور
وما امسى على القرآن ذاكر وذاكرات

لك الحمد يا منزل لنا الغيث و المطر
وما امضت سحايب تسقي الزرع ماطرات

لك الحمد ما استغفر عبادك في السحر
لك الحمد يا ربي عيوني مغدرات

لان انت من علم عباده ومن فطر
عقول الاوادم والحواس المفكرات

وكم سقت في محكم كتابك من العبر
وءآيات خلق الكون واشيا معبرات

وارسل جميع الانبيا يهدو البشر
وانزل كتب فيها هداية ومنذرات

ورسل محمد خير هادي ومنتظر
وتمت به النعمة فضايل وخيرات
---
ذي اوصى على الأمة وفي كل من حضر
بساحة غدييير الخم حاضر وحاضرات

ونادى في الجمع الغفير معلن الخبر
بإكمال دين الله فالايات الاخرات

فقال النبي في مسمع الناس والبصر
انا اولى بكم قالو بلى دون منكرات

رفع يد علي والحق قدامهم ظهر
فهذا الوولي بعدي والاعيان ناظرات

عليُُ مع القرآااان والحق والظفر
معه تسلمو في يوم الاخطار دايرات

وبخبخ له الشييخيين والعيب ما اضتمر
وما اضمر ظهر من كل نيات ضامرات

وماات النبيي واستعجلو عقد مؤؤتمر
وتحت السقييفة ذي تحاك المؤامرااات

حديث الولااية في علي جنبه عممر
ومن في السقيفة جانبه بالمبررات

وقالو علي عاده من الحكم في الصغر
وأن الخلافة أمرها بالمشاورات

ويوم النبي شاورهم الأمر واستشر
في الخندق اتولو وقالو مهاترات

وقالو بأنه عمْر واتخاذل الكبر
علي قالو اصغرهم وخاض المغامرات

مع ان السقيفة ضمت السبعة النفر
ولكن شوراهم مجرد مناورات

ومن قال لهم خالفتو الله بما أمر
دخل صفحة الردة وسوو محررات

وساقو عليها القتل في الريف والحضر
وحلو حضاير حرمتها المحاضرات

ومن يغلي البيعة لقى خير في الخضر
ومن يرخص البيعه يغلوه بالسرات

وهذا ولا المرتد ذي قيل قد كفر
شهر سيف وحتى ما خرج في مظاهرات

وما ذنب سعدٍ انه بال في السحر
ولكن سعدا لم يبايع ابا بكررر.......

تغير مسار الدين واتعاظم الخطر
وزادت خطورة في العقود المزورات

والامة طغاها الذل والخزي والقهر
تولى رباها جهل وانتج مكدرات

توالت خلافتهم على العود والوتر
ودار الخلااافة للجواااري المزمرات

وقالو رضى الله عن يزيييد الذي كفر
وف آل االنبيي سوو جميع المنكرات

وليش قتل اااهل البييت قالو هو القدر
وصار القدر خدعة لذبح المقدرات

وقالوا بان الله ما خير البشر
نسو حينما انذرهم وساق المبشرات

وقد كان حكم اعوج سبر عندما سبر
وليكن سبر كرسي على روس طاهرات

وتلك الرؤوس الطاهره دمها انهدر
بسيف الخلااافة والرماح المؤمرات

والامة لقاها بعد هولا خطر وشر
وهذا الزمان اظهر جميع المؤشرات

وعدنا وعاد الله والمنهج الأغر
وعوّد علي باالنصرر وآيات ظاهرات

واحنا مع ابنه ليت يوصل له الخبر
عنصرخ مع ابن البدر رغم المخاطرات

.....ااا
#علي_بن_علي_مسرع
#إتحاد_الشعراء_والمنشدين

https://t.me/aboyahyaalshami

تابع المجاراة بعنوان
الامام زيد بن علي (عليه السلام) شاهد على المنهجية القرانيه

البداية #ضيف_الله_سلمان

مع الله جاهدنا قوى الكفر والطغيان
على منهجية زيد وبنفس خطواته..

إمام الجهاد الكامل الدين والايمان
ووارث كتاب الله من كامل اجهاته..

بمشروعه استهدف قوى الاثم والعدوان
وصوته بقي رغم انف من حاول اسكاته..

وجسمه حرق من اجل لا يحرق القران
وفي ما(الفرات) اعداه قد ذرُّوا ارفاته..

ومازال أسوة في جهاده مدى الازمان
لمن آمنوا بالله وبصدق آياته..

‌‎#مقبل_حسين_جرام

قهرنا هشام العصر هذا ولد سلمان
واقدامنا داست على خشم قاداته

و والله مانسكت على ظلم الامريكان
وفينا قرين الذكر يصدح بآياته

وحاشا نفرط او نفكر في الخذلان
ولو يزحف العالم علينا بقواته

و بالصف والتوبه والانفال والفرقان
نواجه قوى الطاغوت ونشل قدراته

#ابوعماد_الزايدي

على منهجه نائبا المذله لاين كان
وهيهات منا الذل للغرب وطغاته

نواجه تحالف نجد وجيوش الامريكان
ولاهمنا في مجلس الأمن واماته

ومن ذالك المبدا ومن ذالك العنوان
نواصل مسيرتنا على نفس خطواته

#محمد_الحربي

له الحمد مولى الحمد والشكر والعرفان
هو اللي نصرنا في سبيله ومرضاته

حفظنا وايـــدنا على قوم الاسـتهجان
ودسنا على خشم التحالف وقواته

على درب ( زيد) الفارس الشاجع الطعان
بناء البدر مشروعه واسس مقراته

وثوره شرارتها ( لمت ) من جبل مران
مضامينها تحمل شعاره وراياته

مع الله نتحدا ونثبت في الميدان
ولوا يكشف ابن العاص للناس سوأتة

#فارس_المعزبي

لك الله ياساير على منهج الرحمـٰـن
وسيرة مَنْ انقذنا وبلَّغ رسالاتـه

وباقي على مازيد في كل موقف كان
مواصل بعون الله كامل مسيراتـه

ثباتك بهذا الضرف عن طاعتك بُرهان
أناخ المصاعب وامتطاها بميقاتـه

وأكَّــد لنا إننت زيدي رفيع الشــــان
مع( زيد) بالبندق وبالشعر وابياتــه

وبالقلب والقالَب وبـ(الروح والريحان)
مسلِّم لـ ابو جبريل .. فاهم إشاراتـه

#ابويوسف_القاري

وعادالحسين وزيد بالحق والفرقان
وقامت بهم للحق والدين ثوراته

مسيره جهاديه بدت من جبل مران
الى الوعد الاخر تتجه من مساراته

ولازيدي الا من تحرك في الميدان
يواجه قوى الطغيان باقوا عياراته

وذي ماوقف في وجه صهيووالامريكان
فلاتحسبه زيدي لواظهر عباداته

وفي زيده قدوه للرجاجيل والفرسان
ولاصادق الا من هتف يالثاراته

#عبدالله_الجرفي

دموع امة الإسلام من عينها شنان
على ماحصل للدين بعد انتكاساته

وفي ذمة التفريط والصمت والخذلان
(علي) وضّع اشقا الأشقيا فيه طعناته

ودم (الحسين) اروى ثرى الطف والكثبان
وبعد الإمام (زيد) اسبل الكون دمعاته

وكل السبب من يوم صلى الدعي سكران
متاهات والدين انحرف عن مساراته

ومن معطيات الوقت نستنتج البرهان
ونهج الولا واجب على الأمه اثباته

#ابوبدر_ذيبان

مع الله بانمضي على منهج القران
وطه وعترته ومن في ولايته

وبالقدوة الابطال رجال الله الشجعان
صدقنا العهود والجيش ظافر بقاداته

زيود المهج بعنا من الواحد المنان
عشقنا الشهاده مثلما زيد وثوراته

بغضنا الحياه واللي يحب الحياه غلطان
لان الخلود في طاعة الله وجناته

جهاد وبصيره حق لا ذل او خذلان
وباندحر الطغيان وجيشه والاتــه

#جلال_الغولي

مع الله وال البيت والذكر والقران
ركبنا الخطوب في يوم تنصيب راياته

ومن منهجيه زيد والظارب الطعان
عشقنا الاباء والتظحيه من بداياته

مع الله تاجر واعتلى قمه الايمان
ومن اجل دين الله قدم لها ذاته

فهولا لنا قادات في ساحة الميدان
ويافخر من كان ال طه قياداته

#الشاعر_فرحان_السلامي

مع زيـد نحـو اللـه نسجـد بكُـل احســان
عــزايــم قـويـــة تنطلــق بعــد شــلّاتـــه

صـواريــخ زيـديــة لهـا عنـــد ربـي شـان
بمنهـج معظــم شــرف الخلــق بـاثبـاتـــه

حفيد الوصي من يتبعـه يرضـي الرحمـن
كسـر هـامــة البـاطــل بـدينـه و عـاداتـــه

فــدائــي لـديــن اللــه بـالســر و الإعـــلان
و مهمـا حـرق فـالـديـن ثـابـت ببصمــاتــه

علىالمذهب الزيدي مضينا الجميع اخوان
نعظــم شعـائـر نهـــج عشنــا علــى ذاتــــه

#علي_بن_علي_مسرع

ومن طبق القرآن اذي جا من الرحمن
سوى زيد واتمعن هدى الله وآياته..

ومن غير زيد اعلن برائه من الشيطان
وخاض المعارك واسمع الكون صولاته.

#هادي_حسين_الرزامي

حليف الهدى ضحى بنفسه وبالإخوان
وبالأهل والأولاد صارخ بهيهاته

شعار الحسين بكربلا مختلف لوزان
ولكن في المعنى اتحد في اتجاهاته

ألا من أحب العيش يحيا بها مهتان
ذليلا أمام الظلم يخسر عباداته

خرج في سبيل الله إيمان بالقرآن
وواجه هشام وما ارتعد في ملاقاته

#إتحاد_الشعراء_والمنشدين

https://t.me/aboyahyaalshami

المووولد ..تشبيه الحشر الاول

في يوم لا مثله الا يومه الآخر
فيه الخلايق لدى الرحمن منظورة

والسور والحشر نفس السور والمحشر
ونفس ما اطبق الاه المؤمنين سوره

وادخل في السور كل من ناهي المنكر
وباطنه فيه رحمه والحقه نوره

ومن قباله عذاااب الكااافرين اظهر
وخارجه ناهي المعرووف محشوره

وامثال تضرب قدر وامثال تتقدر
ضرب السنن بالسنن والدوره الدوره

وابصر ذي اعمى بصر ما احتاج يتبصر
ولا البصييرة تجي بالصوت والصورة

ومووولد المص-طفى سور الله الأكبر
واطبق علينا هدى نهجه ودستوره

وكل عام النبي للبعثة اتحضر
من اليمن قوم بالايمان مغموره

من حيث لا استنصر استنصر بنا وابشر
من بعد ما ام القرى امست عنه محضورة

للدين يثااأر وللدم البري يثااأر
من نهجه السيد استلهم خطى الثورة

والمووولد اول سبيل والمووولد المنبر
والمبتدا للهداية فاول ظهوره

لولاك يا مووولد المختاار ما ننصر
ولا وصلنا من القرآن ولا سوره

لولاه مووولد رسووول الله ما اتحضر
عز الأمم لا ولا الانصااار منصوره

لولاه كان اليهووودي فوقنا ينغر
ويعيث فينا فسااد واعمال منكوره

لولاه ما كان فينا طاهر اتطهر
ولا انجب اصلاب الابا اولاد مطهوره

لولاه ما كان فينا جد به نفخر
ولا حسبنا والا الأنساب مذكوره

لولاه ما أااذن المؤوومن ولا كبر
ولا اعتلت كلمة الله كل معموره

لولاه ما كان ذنب المذنبين يغفر
ولا وجد باب توبه نسلك عبوره

لولاه ما نعرف المعروووف والمنكر
ولا سلمنا كلاب بالشر مسعورة

لولاه ما اعتز باشعاري ولا باشعر
ولا يحق اي شاعر يطلق شعوره

رغم ان شعب اليمن تاريخه اتصدر
الا ان بالمووولد اصبح شعبنا اسطوره

وكان ودي لو اشرح مثلها واكثر
الا ان شعب اليمن بايكمل الصورة

مانا قد الحال عند الله ما يجفر
اما من الخلق... كبدي صدق مفطوره

#علي_بن_علي_مسرع

وما ودعه طه الاهه وما قلاه
ولا قد قلاه الشعب هذا وودعه

وحيث اعتلى طه اعتلينا معا علاه
ومن قال فيه الحق كنا معه معه

تلينا هدى القرآن من يوم ما تلاه
ومن يوم رتلناه بالحق نرفعه

ومنا رجال الجن ذي جوه لا فلاه
وقالو عجب قرآن والجن تسمعه

تولاه خير الانس والجن في ولاه
من اهل اليمن صدق الولاية ومنبعه

وفي حب طه ابلاه بالشر من بلاه
وحبه يجلي كل بلوى وموجعه

سليمان وطه احمد وهدهدهم ارسلاه
اولوا بأس كنا لكن الحق نتبعه
.....
#علي_بن_علي_مسرع

وما ودعه طه الاهه وما قلاه
ولا قد قلاه الشعب هذا وودعه

وحيث اعتلى طه اعتلينا معا علاه
ومن قال فيه الحق كنا معه معه

تلينا هدى القرآن من يوم ما تلاه
ومن يوم رتلناه بالحق نرفعه

ومنا رجال الجن ذي جوه لا فلاه
وقالو عجب قرآن والجن تسمعه

تولاه خير الانس والجن في ولاه
من اهل اليمن صدق الولاية ومنبعه

وفي حب طه ابلاه بالشر من بلاه
وحبه يجلي كل بلوى وموجعه

سليمان وطه احمد وهدهدهم ارسلاه
اولوا بأس كنا لكن الحق نتبعه
.....
#علي_بن_علي_مسرع

ذي جا بأمره قبل يوم التغابن
الواحد الرحمن قبل القيامة

من قبل يحشرنا وسط ذل كاين
من فضله الرحمن وارسل علامة

والمسلم المنهار في حال واهن
يخرج بما وجهه وذرة كرامة

عادت في ارض القدس نقطة توازن
كي يستعيد في الوعد الاخر نظامه

ينفض من اكتافه غبار التهاون
من قبل يحشر في لباس الندامة

بلغ حكومات العرب يا مواطن
تنهض بارشادات خط الكرامة

اليوم يوم العز يا حر فاطن
وابن العروبه يستعيد احترامه

اين جا صلاح الدين واين جا ابن لادن
والمسجد الازهر وحوز العمامة

واين جا عمر والمعتصم والهوازن
واهل السمو واين جت ملوك اليمامة

ومذهب السنة أذي كان يراهن
باسم الخلافة حكم الاقصى مرامه

القدس سنة بالخلافة مآمن
لا بينهم شيعة ولا به امامه..
......اا

#طوفان_الأقصى
#علي_بن_علي_مسرع

المجاراة الخامسة بعنوان أين العرب والمسلمين من نصرة القدس الشريف #غزة_تحت_الأنقاض

البداية #ابوضيف_الله_اللاحجي

اين العروبة وحكام الـعـرب والـدول
ماقـد رائينا لها تـنـديـد والا بـيـان

في نصرة القدس مدري خوف والا خجل
اوما تبىٰ تفسخ التطبيع بـعـد الـقِـراَنِ

الـوقـت قلبه بقلبه والـمـواقـف دول
ومثل ما تستدين الغير ترجع تُـدان

القدس نادى ونادى شمّرو يالـعـول
واجـب نلبي نـدائـه والله المستعان

#محمد_الاخرم

نصف العرب ضد الأقصى لو حسمنا الجدل
لأن اليهــــودي تعــــمّق عنــــدهم من زمان

وذي ما تحرك مع الأقصى فهو مُستحل
واذا رئيــــس البلد يُجبــن فشعبه جبان

بكره نجازي عدو الله على ما فعل
لو فار تــــنور دين الله بالعـــنفوان

وتذكــــروا ياعبــــيد الغرب هذا المثل
مابه مراهن على المحتل يكسب رهان

#علي_الشعيثي

لاتفرحو بالمنافق شقنا لادخل
ماللمهلب ولابن الحر فيها مكان

دخولهم في القضيه بايزيد الفشل
مثل الاذي خرضو عبده يعادي كيان

لاكن به احرار في كل الدول والعزل
بنادق الهاشميه في الطلب والرهان

والحيد ما يرزحه في الوقفه الاجبل
خذ درس من معركة صفين والنهروان

#علي_بن_علي_مسرع

بيت العروبة على التطبيع ساق الغزل
غنو بها عند بيت الله وحجو قران

طاعوا كتاب اليهووودي ذي عليهم نزل
ومهبط الوحي مد الفرش وادا الدهان

وامست ملوك العرب عنده جواري هزل
ما بعد عقد النكاح.. الا حديث الختان

وافضى في ارحام كانت حايضة ما اعتزل
تغطى بمئزر كما قال البخااااري زمان

والقدس فاقت وقد صلب اليهووود اختزل
في ثيبات اسقطت بكر العروبة بزان

#ابوصالح_العملسي

سل وين جت عاصفة وعصار حزم الامل
ذي حركوها على الشعب اليماني ثمان

ما اليوم ماعــاد له نــاقــة ولا له جـــمل
وأم القرى تحت حكمة ماعليها أمان

موقف ملوك العرب موقف يثير الجدل
عز الله ان موقف الحكام موقف جبان

لنا شــواهد في الــقــران واكــــبر مثل
والله ضرب في الملوك المسكنة من زمان

#ابوهمام_سليم

ياللأسف بعض حكام العرب هم سفل
خانو العرب والعُروبه والله المستعان

من دين الإسلام زاغو طبّعو مـع هُبل
وياويل منهو مع اسرائيل طبّع وخان

مامؤمن الاّ مـجاهـد حيدري مـتـصـل
بآل طه مع الله حيث مــا كــان كــان

ياقدس هذا اليمن جابك وبا لله اتكل
في محور الحق قاتل ضد هذا الكيان

#عزالدين_جحاف

الله يصيب ابن زايد بالعمى والشلل
وينتقم من ولد سلمان ومن أردوغان

وكل من باليهود المجرمين احتفل
واصبح موالي لإسرائيل والامركان

زمان كشف الحقائق بالبراهين أطل
مؤمن مجاهد قوي والا منافق جبان

طوفان الاقصى بإذن الله فيه الأمل
لعزة الدين والأمة ودحر الكيان

#ابو_ميثم_الزراع

مامشكلة في زمنا غير تفنى بحل
والحل في واقع الأقصى بسرج الحصان

ذي ما تحرك نصيحة بعدها لايـصَـلّ
وش فايدة في صلاته دام طبعه جبان

الوقت دوار والأيام قــــالــوا دول
وحين يأتي اليهودي بايدوسه مهان

لاما تحرك مع اخوانه وكون جبل
لن تنفعه لاغزاه الخصم دولة عمان

#الـكـرار_العـقـيـبـي

ملوك واعراب دويلات الخليج الهمل
خدام صيهون“ والعالم منافق جبان

ومـجلـس الامـن اصله يهودي وهل!!
باننتضر من يهود يعطو لمسلم امـان

جـهــاد ياامـة الاسـلام مابـه اي حـل
النـــــصـر ولا الشـهاده ونيل الجـنـان

الله اكـــبر تـــزلزل وتـــرعــــــب دول
زوال ونهاية اسرئيل قــــــرب وحـان

#أبوصياد_الغمري

أين العرب والعروبه بعد ماقد حصل
القدس نادى وينزف من هجوم الكيان

عزالله إن اليهودي ياجماعــه فعل
أفعال يندى لها حتى جبين الزمان

شبو النكف لارعى الله كل مخلوق ذل
عن ذاالجرايم ترو مايصمت إلا جبان

أما اليمـن غيضه وعزه بنار إشتعل
وصف في صف الأقصى مارضي باالهوان

#الكرار_المشراقي

وين الذي جا يقلد امس عندي بطل
اليوم في نصرت القدس ماصدرله بيان

وين السلاح المطور ياتحالف هبل
ارفد به ابطال غزة يحررو عسقلان

بانت جميع الحقايق واكتشفناالخلل
منهو معا محورالقدس ومن بصف الكيان

اجرام صهيون منه شاب راس الجبل
ذي ماتحرك يجاهد اعرف انه جبان

#ابوكنعان_الروس

قد صابهم ذل وضعف ايمان وفيهم حول
مات الضمير في صدور المسلمين من زمان

غضو عن القدس اذيال النفاق والسبل
باعو قيمهم وباعو الدين والترجمان

ياذي تطبع مع أسرائيل وجهك ربل
جزمة يهودي وحمام خاص ل احقر كيان

وثوبك العار ضاهر قد علية البلل
بكرة يجيك الجزاء والدور يابغلجان

#الشاعر_نضال_حُميد

لبيك يالقدس كيّف والمدد بايصل
برد محسوم من جيش اليمن والجان

والقبيله فى المناطق والقرى والعزل
على اتم الجهوزيه معك من زمان

والله يلعن دبي والمملكه والشلل
ومصر واخص بالعنه رجب اردغان

ماحد عن القدس من هولاء نشد اوسأل
ولا سمعنا من الاردن ولا من عمان

#أبوخارف_ابوشوصاء

سلمان وولاد زايد بادرو في عجل
قامو يعزو بني صهيون كمن جبان

والأردني قد بلاده للمريكي محل
لقصف غزه فتح أرضه وقدم ضمان

نفاق لعراب واضح قول ربي نزل
شفنا آحر التعازي جات من أردوغان

يالمسجد الاقصى تحرر تحرر
وادهم بطوفانك حضارة حضارة

البر رده بحر والبحر لا بر
واخلط شتات البرية والبحارة

واسعر مع الطوفان نيران تسعر
تجتث عرق الصهينة من قرارة

ولا تذر منهم على الارض منكر
منهم ولا تبقي بشر في دياره

واشتد لاما الوحي ينزل بمصدر
والا تجي من عند ربي امارة

احرق ديار الكفر لا تأسف الشر
انته شرارة نار واحنا شرارة
.................. ...............ا
لها بقية...

#طوفان_الأقصى
#علي_بن_علي_مسرع

درب المسييررة مراحل والعلم شاهد
صماد ربّاااه لنا السيييد وربّا اسباط

كل المراحل لها صمااادها قايد
وهذه المرحلة صمااادها المشاااط
.....
لها بقية..
#علي_بن_علي_مسرع

طوفان الأقصى بشارة النصر

ابشر بنا ياخير من قال وابشر
احنا بشير النصر وانت البشارة

يبشر بنا المقدس جنوده وعسكر
يحرم علينا العيش قبل انتصاره

بالدم نفتح له مية الف معبر
والكففر يرجع حول نفسه حصاره

اليوم خاب الوجه في كل منبر
من شلة التطبيع واهل الدعارة

خدام للبيت الحرام المطهر
عبّاد لإسرائيل عند السفارة

صلى على اسرائيل ولامريك كبر
وافتاه ذي درس علوم الطهارة

مثل ابن باز وشيخ الازهر وصعتر
كمن ذنب هرتوع تسمع خراره

ذي حج في دار الكنيست وينحر
هم كانو اجداده عبيد الحجارة

ياهل الجلالة والسمو الموقر
كيف اصبح التطبيع واين جا قراره

قد ربكم ذي تحتمو به محاصر
والدولة العظمى اختبت في عمارة

لا دولة النهرين ولا ارض محشر
ولا معه تابوت ولا به بشاره

عد لليهودي حرب يومين وانكر
انو يهودي والزنانير عاره

اما العرب لا شي رئيس قد تصور
اليوم يدور كيف يغطي عواره

قال المثل ما حد يغني مع ادور
صحنا ومكنها علينا دواره

كمن ملك مدبر وعاد ابنه ادبر
جنب اليهودي سار يربط حماره

هيا تقنطر لك معا من تقنطر
قد دوركم جيي في اول صداره

قد قام محورنا المقاوم وشمر
واقسم على الاقصى يرد اعتباره

يالمسجد الاقصى تحرر تحرر
وادهم بطوفانك حضارة حضارة

البر رده بحر والبحر لا بر
واخلط شتات البرية والبحارة

واسعر مع الطوفان نيران تسعر
تجتث عرق الصهينة من قرارة

ولا تذر منهم على الارض منكر
منهم ولا تبقي بشر في دياره

واشتد لاما الوحي ينزل بمصدر
والا تجي من عند ربي امارة

احرق ديار الكفر لا تأسف الشر
انته شرارة نار واحنا شرارة

#طوفان_الأقصى
#علي_بن_علي_مسرع