المواقف يارجال المواقف
والجمايل يانشاما  سلف

بحريتنا ياسلاح الطوارف
من طرف بحر اليمن لطرف

من مشي في البحر الاحمر مخالف
او غلط في الخط والمنعطف

ماله الى نار زيتي وكاشف
تغرقه في البحر لاما وقف

السفن  ذي  تابعه  لتحالف
او نتن ياهو  عديم الشرف

بانرجعهن  جميعاً  متاحف
لزياره مثل بعض التحف

بحريتنا مثل مالسيل جارف
ويش مايلقي امامه جرف

والزوارق مثل مالبرق خاطف
منهم كون  النفاق  ارتجف

والتحرك ضمن مشروع هادف
خلف قايدنا العلم صف صف

ياليد الطولى سلاح المواقف
بيض الله وجه قوم النكف

يالثارت العول والمكالف
النكف ياقوم شب النكف

ياعروبه ليش هذا المخاوف
والدم العربي بغزه نزف

.تستفز اخلاقنا والعواطف
والمروه والشيم والشرف

سود الله وجه جيش التحالف
خادم امريكا لعين الجدف

ماعلى جيش التحالف حسايف
للاسف خان القيم للاسف

#وسام_الحنش
#البحر_الاحمر

المجاراة بعنوان عز اليمن.

البداية #عبدالقادر_داود

عـز الـيـمن من عزة القايد
و ذل العرب من ذل قادتها

الأمــركـة يـا بـايـدن بـايد
و الصهـيـنـة حانت نهايتها

بـا نقـطع الصادر مع الـوارد
في البحر و نقاطع بضاعتها

حـرام لـوما زد بـقـي واحـد
ما تـبـلـغ إسـرائـيـل غـايتها

#عبدالواسع_صايل_الغولي

صدقت في ما قلت ياداود
ان اليمن للعُرْبِ سادتها

والسيد القائد هو القائد
ذي لليمن رفرف برايتها

عاد المعارك سيلها وارد
وعادها الا في بدايتها

وبا نقاتل والله الشاهد
والقدس تتحرر وصايتها

#عبدالقادر_البنا

واحنا بفضل الخالق الواحد
وفق مطامحنا وارادتها

وعزنا بالقائد الراشد
من خيرة الأمه وسادتها

عبدالملك والمُلك له ساجد
ذي قاد للأمه انتصاراتها

#الشاعر_جبر_المهدمي

احناسنادالقدس واحناساعد
واحنا لــــغزة اهلها عزوتها

طوفان شعبي والغضب صاعد
بايجرف امريــكا معا شلتها

قدهو لإسرائيل ناوي عاقد
يقلـــــــع أبايبها معا جدتها

ودام شعب المرجلة متواجد
فالصهــينة قــامـت قيامتها

#الشاعر_ابو_صقر_شعلان

واحنا مع الرحمن عنجاهد
لجل اليمن تبلـــغ سيادتها

والله علا شعب اليمن شاهد
ماتفرض امريكا وصايتها

بانرفدك يا قدس ونساعد
والصهينه حانت ابادتها

لو تجمع الحامي مع البارد
للحرب فالانصار سادتها

#الشاعر_ابوجهاد_صبر

ارض اليمن ماتقبل الفاسد
فيها من الـعـزه كفايتها

من ارض مذحج لارُبا حاشد
إلا بــكــيــل الــعــز رايتها

قـولـوا لــصهيون الذي فاقد
عقله عــــلا غــزه فدايتها

بايشرب الحامي مـعـا البارد
وارضه عـــ.تتــدمــر بنياتها

دمــــــار لا ناقص ولا زايد
نهـايـتـه ابـسـط بـدايتها

#رفيق_ابو_علي

الفضل للمولى اولاً عــايد
من عز الامــة من بدايتها

بعد الغوا والمذهب السايد
ذي حاكـها وافقد صلابتها

ارسل لها بعد النبي قـايد
مؤمن مدافـع عن كرامتها

للامركة والصهينه كـايد
خلا ابتهم تحت حذيتها

#محمد_ابوالعز

لا عز الا في اليمن ســـايد
ذي قايـده رجّع ســـيادتها

اعاد تاريخـــــــنا المــاجد
و ذل امريـــــكا و نــاقتها

العــابــد الراكـع الســاجد
سبط النبــــــوة و لابــتها

الـهـادي المـهــدي القـــايد
لجنود ارض الله وسادتها

محرر الاقصى من الحاقد
عبــدالملك خيـــــر قادتها

#ابـومـازن_الـرازحـي

معنى قيادة والله الشاهد
ردت لأمتنـا مهـابتهـا ..

رغم انف اخو نورة وبن زايد
دمر حليفتهم وباغتها ..

ومعه شعب مقدام ومجاهد
شل السفن واغلق ملاحتها..

ما اعتز من للمرجله فاقد
والله يهينـه من يفلِّتها ..

#الشاعر_ابويزن_الصيادي

العـــز لك ياشـــعبي الصـــــامد
ادعس على امريــــكا ورايتـــها

ياشــــعب مؤمن فوض القــايد
ذي رد للأمُـــــه كـــــرامتــــها

والأمركه مـــا عـــاد حد ناشــد
ولا مـــفكر في ســــيادتـــــها

وحــــان لـ اســـــرائيل ياداود
المـــوت • قد عاشت كفايتـها

#ابومجاهد_الغمري

الحمــــدلله شــورنا واحــد
ورجال ترسمها شجــاعاتها

لا عاد يالكــــــذّاب تتبــاعد
دام الحقيقه جوف ساحتها

روّح زمـــانه راشــد الماجد
يوم المســيره في بــدايتها

ماليوم قوّه تنسف الفـاسد
و قوة اســــرائيل ذاقـــتها

صــاروخيتها ترعب المارد
وتدور بالكوكب مســافتها

#عبدالقوي_البطل

والذل لبن سلمان وبن زايد
ذي هم لإسرائيل ناقتها

تحلب من البترول والعايد
من أجل يسترضوا علاقتها

دم الحمية ذي بهم بارد
والقبيلة سُلبَت إرادتها

ومادام به شعب اليمن صامد
قامت على إسرائيل قيامتها

#وسام_الحنش

الدرب واحد والعلم واحد
اعاد للامه مكانتها

والموت من خير الله الواجد
واليوم هذا اول علامتها

#الشاعر_أبوعزام_الشامي

شــوف المذله في عيال زايد
وأهل الخليج ماهي حكايتها

للصـــهيـــنه في ذل مــتزايد
با يعـــلنوا في يوم عــبادتها

شــعـــب اليــمن للحريه رايد
أعلن على إسرائيل نهايــتها

كـــم نفــتــخـر بالسيد القايد
ذي عـــاد يمنا نحو عزتـــهــا

#ابتسام_شرف_المحطوري

دام السلاح مايفرق الساعد
نقضي على أمريكا وكبرتها

لان الدول ذي ربت مجاهد
تــزداد هيبـتـها وقوتـهـا

والبحر يتخاطب مع القائد
لا اشوي اليهود وخبرتـها

وواقع الأبطال هُوْ الشاهد
وبـا يـُعاد للقـدس عــزتها

#أبوأحمد_الوايلي

شعب اليمن يالعالم الجامد
يمنع من إسرائيـل حاجتها

بحر اليمن ما يعبره فاسد
الـكـل با يـقـطـع علاقتـهـا

القدس صامد واليمن صامد
تحرم على اسرائيل راحتها

كل السفـن من بأسنا شارد
ترفع من المندب بطاقتها

#ناديه_السقطي

الحمـد لله القوي الواحد
من لليمن عزز مكانتها

بالسيـــد الإيماني الرائد
فخر العروبه تاج سادتها

في ظله اليوم شعبنا صامد
داعس على امريكا ورايتها

دمر لإسرائيل والجـاحد
قاطع لهم واحرق سفينتها

#إتحاد_الشعراء_والمنشدين

https://t.me/aboyahyaalshami

المجاراة دعوة للحضور غداً الى ميدان السبعين

البداية #عبدالسلام_الطالبي

ياشعبنا استنفر وشارك
بخروجك الأقوى وبارك ..
للبحرية نعم الرجال...

ميدان عزتنا المعارك ...
ومن تعدى البحر هالك ..
أو مد جيش الإحتلال...

#ضيف_الله_سلمان

على هدى سورة تبارك
ياقدس با نرفع حصارك
وبالهدى نمحي الضلال..

ابشر بنا واحنا رجالك
نسوق الاعداء للمهالك
واحنا معك في كل حال..

ياقدس قد طال انتظارك
اما وردينا اعتبارك..
والا فما احنا شيء رجال..

#الشاعر_محمد_كرشان

ياسيدي حيا قرارك
كل الخيارات بااختيارك
واحنا يمينك والشمال

درنا جميعافي مدارك
والله مانخطي مسارك
في سلم والافي قتال

#الشاعر_منيف_ثعيل

يا قدس لو طال انتظارك
لابد ما نرفع حصارك
والصهينة تلقى الزوال

شعب اليمن كله جوارك
ماضي على وعد انتصارك
لا ما يموت الإحتلال

#محمد_ابوالعز

علۑ الكيان شن المعارك
واضرب على سفنه حصارك
معاك ربي ذوالجلال

الشعب للخطوات بارك
يا جيشنا واصل مسارك
نكل بجيش الإحتلال

#الشاعر_أحمد_الغبسي

ياشعبنا اخرج من ديارك
واعرض على الكفار نارك
باالحشد واقتلهم حلال

مااستوعبت كل المدارك
(تحويلنا نقطة جمارك
لا مصيدة للإحتلال)

#الشاعر_جبر_المهدمي

ياشعبنا واضرب مثالك
في وقفتك في ارتجالك
واثبت ثباتك كالجبال...

في نصرةالأقصى مسارك
اعلن من السبعين ثارك"
سوق اليهودي لِلزوال...

#عبدالواسع_صايل_الغولي

مسارنا يتبع مسارك
وقرارنا يسند قرارك
خروجنا عنه محال

والعهد باقي لإنتصارك
وتنتصر باقي ديارك
والكفر الارعن لازوال

#عبدالقادر_البنا

ياأهل العقول ياأهل المدارك
كالسيل هب في ليل حالك
باكر نجي في كل حال

نملي الشوارع والمسالك
مع قيادتنا نبارك
ثورة بوجه الإحتلال

يالبحرية قودي المعارك
حطي سفنهم بالمشابك
وحاصريهم بالحبال

#ابـومـازن_الـرازحـي

السمع والطاعة لذلك..
في ساح وقفة أو معارك..
واحنا لها في كل جال..

لا شك إسرائيل هالك..
بقوة الله والتشابك..
ومواصلة هذا النضال..

#عبدالعزيز_الغرباني

يبشر بنا الأقصى المبارك
في سلم والا في معارك
نوقف معه وقفة جبال

أخي المواطن شل جارك
وكل نشمي في جوارك
نصرة لغزة يا رجال

#ابراهيم_الشرفي

سمّع قوى أمريكا شعارك
ذي وقعه أقوى من عيارك
وادعس عَلَمهم بالنعال..

واقلق مساهم في نهارك
وافزع مع ربعك وجارك
وارعب كيان الإحتلال

#ابوحسن_المجنحي

نقسم بمن للكون مالك
لابدما نأخذ بثارك
من كل متغطرس وضال

وكل من شارك دمارك
بانورده نار المهالك
ياقدس يادار النضال

#ابراهيم_الحجلي

يا شعب ياقوم المعارك
المنطقة تحمى بنارك
ذي وقفتك وقفة جبال

ميدان صنعاء في انتظارك
شمر وغد اشحذإزارك
كعادتك في كل حال

#الشاعر_ابوجهاد_صبر


ياغــزة  الــعــزة لـ.ثارِك
عـنـد الـذي سبب دمارِك
وذي سـفـك دم  العيال

حِنّا معِك حتى انتصارِك
الكل عن نصرِك  محارك
من حد  يافع  لا الطيال

#مناع_شريم

على طريق القدس سالك
شعب اليمن مابه مثالك
مواقفك اعظم مثال

دام القضية رأس مالك
كل الكيان مهزوم هالك
قرب مصيره والزوال

#وسام_الحنش

ياشعب درب الآل سالك
حضورك أشبه بالمهالك
ويهلك اشباه الرجال

ياقوم صل الله وبارك
اليوم فتحنا المدارك
يضرب بنا أروع مثال

#هادي_حسين_الرزامي

ميداننا السبعين سالك
بالله لاتنسى عيالك
أنا اعتبرهم رأس مال

بحضور دعوتنا ينالك
رضاه في دينك وحالك
ويرحمك يوم المئآل

#سيف_المرحبي

ياقدس لايخطر ببالك
يهود اسرائيل هالك
وسيدي لاقال قال

مانتركك حاشا لحالك
شعب اليمن لبى وصالك
هيهات نرضى الإحتلال

#محمد_البريهي

لبيك يا داعي لذلك
إحنا يدك سيفك نصالك
ياسيدي ياخير وال

شد يايمن باكر رحالك
خروجنا فرض واكذلك
نصره لربي ذي الجلال

ياباب من ينفذ خلالك
في بحرنا عزرا ومالك
وأشياء ما هي بالخيال

#ابواياد_المطري

شعب اليمن حدد مسارك
ياقدسنا وانت المبارك
من قول (أعدوا)  للقتال

لا بد ما نوصل ديارك
ونقاتل اعدائك قبالك
في صف واحد باي حال

#ابتسام_شرف_المحطوري

انت واخوتك جارك عيالك
وقفة في السبعين شارك
ارعب شياطين الضلال

قدم على نفسك ومالك
القدس يصلح كل حالك
والظلم عاقبته الزوال

#الشاعر_علي_الوزير

ياشعبنا صلي وبارك
على محمد نور دارك
وأآل بييته خير آل

وبعدها جسد شعـارك
لاجاءاليهودي لابحارك
يموت موت ابوعقال

#الشاعر_ابو_صقر_شعلان

القوة اللي في اطارك
باتجعلك تاخذ بثارك
ياشعب شامخ كالجبال

وانت من حزت في نزالك
وانت الأقوى في قتالك
وأنت للعزة مثال

#ابوكنعان_الروس

ياشعبنا استنفض غبارك
وارفع في السبعين شعارك
وشد للأقصى الرحال

القدس في قيد إنتظارك
أوقد من إسرائيل ثأرك
وأمريك تبشر باالزوال

#عبدالقوي البطل

أرض اليمن ياقدس دارك
وخيارها نفسه خيارك
محال نتخلى محال

نذود من أجل انتصارك
لابُد ما نرفع حصارك
بفضل ربي ذو الجلال

#إتحاد_الشعراء_والمنشدين

https://t.me/aboyahyaalshami

المجاراة...

البداية #صالح_الاحمدي

لبيـه يارمــز البطــوله والشـــرف
لبيــه يابوابة القـــدس الشـــريف

ياغـــزه العــزه قضـا والا ســلف
احنا لها في صيـف والا في خريف

#ضيف_الله_سلمان

شعب الكرامة طول عمره ما اختلف
مواقفه قوة ولا موقف ضعيف..

تبقى فلسطين القضية والهدف
واهل الصلف با يحنبوا فاهل الصليف..

#الشاعر_عزيز_الردماني

في البحر الاحمر جيشنا شب النكف.
ذي ينجف اسرائيل وسفنها نجيف.

وبحريتنا ذي تلف البحر لف.
رغم أنف أمريكا وذي معها حليف

وكل جمعه حشد ما شي له طرف.
هذا هو الإسلام والدين الحنيف.

#شداد_حُميد

مادام والعالم طرف واحنا طرف
واجب نريهم كيفو الشغل النظيف

تبقى فلسطين القضيه والهدف
والمعركه ف البحر واحنا المستضيف

#جميل_الكامل

والله ما تدخل لصهيون الصلف
من بابنا سلعه ولايدخل حليف

ياجيشنا بالعدل إقصف من قصف
غزه.. وحَاصِر من منع عنها الرغيف

#الشاعر_أمين_الحارثي

شعب اليمن لاقد دهف سيله دهف
مرهم يداوي هم غزه والنزيف

يحرم عليكم ياملاعين الجدف
البحر الاحمر نار والقادم مخيف

#ابوبحر_علي_احمد_مطر

سلام من هذا الطرف لاذا الطرف
لكل شاجع حيدري شامخ منيف

هذا اليمن يعرف بنا ذي ما عرف
البحر بحري والمواني و الرصيف

#ابومالك_الكوماني

وين الجيوش المسلمه يا للأسف
حكام هذا منبطح هذا حليف

يا كاتب التاريخ هذا اخر ملف
وين الضمائر وينو الدين الحنيف

شب النكف ياشعبنا شب النكف
أطفال غزة مالقوا حتى الرغيف

#عبدالواسع_صايل_الغولي

شعب اليمن ان شب باروت النكف
لبى وما مثله في العالم وصيف

في المعركة ما يرمي الا بالنصف
ومن تبقى طعن بالحد النضيف

#الشاعر_ابوجهاد_صبر

احنا طرف والقدس والأقصى طرف
ضد اليهودي  نقسم  الماء  والرغيف

حـمـا عـلى مـن بـالـمـواقـف مـا وقف
فـي حين يلمع بـالسماء بـرق القنيف

#الشاعر_ابو_صقر_شعلان

لبيه جينا سيل ماشي، له طــرف
لبيه ونزلنا كما المـــــزن الكثيف

شعب اليمن اقسم وبالباري حلف
يقتص من صهيون بالحد النضيف

#أبوحسين_العصري

من أجل غزة شعبنا شب النكف
لو يحمل الاثقال مش بس الخفيف

مبادئ الأجداد عنها ما انحرف
إباء حمية عز نجدة للضعيف

#الشاعر_ابراهيم_الغولي

حيا بداعي الحق ذي شب النكف
من المدن لبت قبايلنا وريف

مابا. يعيش الكفر في عيشه ترف
وشعب غزه يحرموهم من رغيف

#حسين_شرويد

لبيك يا من له في احشانا شغف
من ناصرين الحق والدين الحنيف

أبشر نكفكف دمع عينك ذي نزف
بالكف ذي بكت نتنياهو السخيف

#ابوكنعان_الروس

شعب اليمن لباك وعلن بالنكف
مادام فينا قبيلة تنقف نقيف..

باالموت لاأمريكاء وأسرائيل هتف
في وجهه عالم مرتهن عاجز كفيف

#محمد_ابوالعز

طوفان الاقصى ناول اسرائىل كف
في الصـــابر الاول و لف بها لفيــف

و ابن اليمن في الصابر الثـاني لهف
ما با تفــوق الا و هي تحت العطيف

#عبدالوهاب_الفقيه

بلموت لسرايل شعبي قد هتف
ياويلها من شعبنا الحر العنيف

بجنب غزه قد وقفنا صف صف
نستاصل الغده من الكوكب نضيف

#الشاعر_جبر_المهدمي

في نصرة الأقصى جميعاً صف صف"
فاحنا السند والعون واحنا اكبرحليف

"والله يلعن من تخاذل او وقف.."
وقفة محايد او منافق اوسخيف"

#أبورماح_شداد

نحو الهدف ياقدسنـــــــــا كفاً بكف
من تل أبيب نــــرد الأعداء لاجنيف

شب النكف بالنار نقصف من قصف
واقسم برب الكون مامؤمن ضعيف

#الشاعر_أحمد_الغبسي

حيا رجالك يايمن حزم الطرف
ذي مثلوا الاسلام باالحد النظيف

خيرة سلفنا خلفوا خير الخلف
نمضي على قانون مامؤمن ضعيف

#مناع_شريم

لبيك ياالاقصى بشوقي والشغف
حرام لو نقسم حناويك الرغيف

خمسه وسبعين وانته مختطف
واليوم وعد الاخره والله حليف

#الشاعر_عبدالحكيم_ابوهاشم

مهمــا نتنيــاهـو على (غزه) قصف
لا الأمن با ينفع ولا مجلس جنيف..!!

لابــد نضرب مـــن تعـداهم نصــف
من بطن(ابو قبه)وبطن(البرجنيف)..!!

#وسام_الحنش

جينا جميعاً من طرفها لطرف
لبيك يا اول قبلت الدين الحنيف

شب النكف ياهل الوفاء النكف
ماينزع الغاصب سوى الحد النضيف

#علي_الشعيثي

شعب اليماني ثار والسيد حلف
ماينقذ اسرائيل ياغزه حليف

القدس وحرار اليمن صفاً بصف
قل لليهودي أخر الحطمه صعيف

#ابوقصي_العويري

ياشعب باقي عند عهده ما اختلف
ثابت على ما سنه الدين الحنيف

ياخير من في موقف العزه وقف
انت القوي بالله والعالم ضعيف

#الكرار_المشراقي

شعب اليمن كله معى غزة وقف
على خطاء الاقصى كما الحيد المنيف

دقت طبول الحرب دقو من طرف
لاترحمو كافر ولاخاين حليف

ماهو يماني من تراجع وختلف
ولايقف موقف معى غزة ضعيف

#سيف_المرحبي

احنا مع غزة ولو نسرح نتف
وافعالنا تشهد لها ذي في الصليف

(ليدر)هي العبره لذي ماقد عرف
لا رواكم الله لا غضبنا يالطيف

#صادق_جعفر

الموت لاسرائيل شعبي قد هتف
نرفع شعار الحق والدين الحنيف

رغم الحصار والقتل دمعه ماذرف
وفي أوج الحرب تلقاه الوصيف

#ماجد_عبدالله_القادري

من وسط صنعاء نستمر لما النجف
ومجلس الأمن لو فهم قمة جنيف

عنوان المجاراة تحية للقوات البحرية

البداية #ضيف_الله_سلمان

بسم اليمن (امة ونهج وقايد)
نرفع تحايا العز والحرية..

الى رجال الله واحد واحد
سلام يا قواتنا البحرية..

#عباد_ابوحاتم

اقبل الكف القوي و الساعد
باسمي وباسم الساحة الشعرية

سدو طريق الشارده و الوارد
هزو كيان الدولة العبرية

#سلطان_خضران

يسلم ذراع البحريه والساعد
اهل الاياكي ما رمــوا صدريه

سجّاد واصحابه وكل مجاهد
فالبحر الاحمــر راكب الدوريـه

#ابوالمازن_عبدالله_الشريف

يا جيشنا يا فخرنا المتزايد
يا درع جسّد روحنا الثورية

بافعالكم يشمخ يمنّا الصامد
في بحرنا والجو والبريه

دقّوا عليه الصادره والوارد
حتى سقوط الدوله العبريه

#عبدالعزيز_الغرباني

بسم المسيرة والوطن والقايد
وبسم اصحاب النفوس الحية

أعظم تحية بسم كل مجاهد
للبحرية توصل لهم حصرية

#فارس_المعزبي

ونعم بكمِّن حيدري ومجاهد
يرمي على راس العدو صدريه

بالبحر الاحمر والعرب متواجد
يحاصر اسرائيل عن سُخريه

#عبدالله_الجرفي

شيّد رجال البحريه بالساعد
حيد، العرب في ضفته محميه

قراركم في سطح بقعا سايد
والدوله العظمى بكم مسميه

#أبويوسف_القاري

ماتضرب الاكل ضربه جامد
في الانحليزيه وفي العبريه

صفعوا نتنياهو وأذلوا بايد
ومدمراته صبحت سخريه

وصاريبحث له مع بن زايد
لخط تهريبي من البريه

واليوم نتحدا ابوه يعاند
أوامر البحريه القهريه

#ماجد_المطري

للبحريه في البحر الأحمر راعـد
ينسف كـيان الــــدوله العبـــريه

منه التهب ليل الصقيــــع البارد
والأرض رجِّت من مشاهد حيِّه

ونعم بصمَّـام الصمــود الخـــالد
محزم قيادة شعبنـــــــا الثوريه

#عبدالواسع_صايل_الغولي

وخفر السواحل ذي لهم بيساند
على امتداد البحر في البرية

الساطرات تركع لكم والوارد
لكم من الاعماق الف تحية

#سيف_حسن_العامري

البحريه عين اليمن والساعد
والموت الازول للقوى العبريه

اشتد بأس المنطلق والقاعد
بهم والاقصى عانق الحريه

#عابد_المدم

‏لله كن سجاد شاكر حامد..
معنا قيادة نادرة حصرية..

بقوته ما بايخلوا فاسد..
في الارض داسوا القوة الذرية..

#شداد_حُميد

بالبحريه نعتز والله شاهد
هدو كيان الدوله العبريه

وجودهم ب المعركه متواجد
مواقف العزة لهم حصريه

#رامي_السوداني

يا قبضة الشعب لأبي والساعد
ضرباتكم صوب السفن صدريه

هذا العدوا منكم يولي شارد
شاف الاوامر كلها قهرية

#محمد_ابوالعز

الى اليد الطولى رجال القايد
ازكى تحيه خالصه ثــــــوريه

سلام يا زنـد اليمن و السـاعد
في البريـه و الجـو و البحريه

#ابومالك_الكوماني

اول ثمارك يايمنّـا الصامد
قوة تسود حدودنا المائية

وخير من قدم للأمة شاهد
لهشاشة القوات الامريكية

#ابو_نواف_العرجلي

قطّو لصهيون الوريد الوارد
يوم اطلقوها ثابته صدرية

اختضّت امريكا بِعَصرَة ساعد
ما لَو تواجِه ( لنحنِت قسرية)

#علي_الشعيثي

اشعلتو البحر الطويل الراقد
ورعبتو الاعجام والعبريه

في مدحكم تركع حروف القاصد
ويسجدين ابياته الشعريه

#وسام_الحنش

من اليمن ياهل القرار السايد
اقوى تحيه صادره حصريه

اذهلتوا الكون الدني الفاسد
باقوى مواقف يالقوى البحريه

#الشاعر_ابو_صقر_شعلان

شعب اليمن لازال ثابت صامد
يرمي عـداه بالطلقه النحـــريه

وقوة الله صـــــــادره والوارد
والويل لاهـــل القوه السحريه

#عدنان_جحوح

تحية من عدنان محمد فايد
لابطالنا في القوة البحرية

بقلوبنا وعيوننا والساعد
حنا معاكم والهمم معلية

#ابوبدر_ذيبان

مثل المزون الساكبه والراعد
اغلا تحيه زاكيه عطريه

للبحريه ونشاطها المتصاعد
ضد العدو في ملحمه ثوريه

#هادي_حسين_الرزامي

ياالله تحفظ كل شخص مجاهد
في برها كانوا وفي بحريه

واحفظ لنا السيد وكل مساند
لابن النبي والعتره المرضيه

#ابو_محمد_دحان

يامن لكم طوفان الاقصى شاهد
ضرباتكم وافعالكم حصريه

شعب اليمن داعم لكم ومساند
يا فخر الامه يا قوى ثوريه

#الشاعر_ابوجهاد_صبر

من ارض مذحج لا بكيل وحاشد
سـلام  يـا اهـل  الـقـوه  البحريه

يـا زنّـدتي  يـا معصمي  والساعد
يـامحـزمـي  والـتـرس  والشبريه

#ضيف_الله_هجوان

كمن فتى في البحرالاحمر صامد
هـــزو كيان الدوله العبـــــــــريه

قطعــــو مصادر دخلها والـــوارد
لهم التحايا مننا جهــــــــــــــريه

#ذوالفقار_سفيان

النصر من رب السماء متزايد
والامركة من بأسنا مشويه

والبحر الأحمر بايظلي صائد
للصهينة حتى تجي محنيه

#رفيق_زرعان

يا طير في جو الحديدة فارد
لبحريتنا وصل البرقية

سلام وتحية لكل مجاهد
ثقافته في الحرب قرآنية

#ابوحمزه_المقاش.

شـعـب الـيـمـن واحـد وحـكـمـه سـايـد
ومـلـتـزم بـاقـوى عـرى الـسـريـه

يـا بـحـرنـا فـيـك الـولاء للـقـايـد
والـويـل لـجـيـوش الـردى الـعـبـريـه!!"

#أبوصخر_الجوحمي

منا ومن شعب الاباء والقايد
كل التحيه صادقه. معنيه

للبحريه تهدى لهم. متزايد
من حاصروا صهيون والكفريه

#إتحاد_الشعراء_والمنشدين

https://t.me/aboyahyaalshami

المجاراة بعنوان أستمرارنا وجهوزيتنا لمواجهة العدو والتصدي له في كل المراحل وتمسكنا بقضيتنا الأساسية القدس الشريف.

البداية للشهيد #عبدالمحسن_النمري

‏لو الدنيا مدافع كلها والارض دبابات
ومن فوق السماء مبني غمامه صف طيارات

وموج البحر فوق الماء سُفن تضرب وغواصات
نواجه مستحيل انانخلي القدس ياعيباه

#ضيف_الله_سلمان

ضربنا راس اسرائيل في المندب وفي إيلات..
ودسنا هيبة امريكا بوعد الله فالآيات..

وبا نسقيهم الاذلال ونجرّعهم الويلات..
ولازم ننتصر مادام واحنا في سبيل الله..

#بندر_عبدالمحسن_النمري

نعيش احرار فوق الارض ولا فااحسبونا اموات..
عزاز بعزة الله مالغيره نحني الهامات..

على صدق الولا نمضي مع الله نخلص النيات..
يمانين مانحسب حساب المعتدي وقواه

#مقبل_جرام

ورب البيت ما تعبر سفينة شحن الى ايلات
وعاد اطفال غزه تحت ضغط الجوع والغارات

قلوا للأمركه و الصهينه واذنابهم هيهات
نبالي بالتحالف لا ورب الكون مانخشاه

#ابوهادي_عقاب

قلوا لامريك واسرائيل حان الوقت واللحظات
ووعد الله تجلى واليماني حرك الرايات

وهيهات ان نفرط فاهل غزه ياعرب هيات
وذا الحلف المريكي ما حرقنا به ولا نخشاه

#عبدالسلام_الطالبي

توكلنا على الباري عليم السر والنيات
وقمنا بالسبب من دافع الإنسانية والذات

مددنا منه لاغيره ونصره لا دنى هو آت
إذا قد شاء ينصرنا سجدنا شكر لك ياالله

#محمد_ابوالعز

لواتحالف علينا جنها و الانس تيارات
و طياراتهم كالغيم تمطر فوقنا غارات

قلوا للصهينه هذا اليمن قد قلّكم هيهات
مع فلسطين والاقصى الى يوم ربنا نلقاه

#ابوبحر_علي_احمد_مطر

مع طوفان الاقصى طاف محور وحدة الساحات
صمود احرار في وجه الصهاين للجميع اثبات

ولا نحسب لما يأتي ولا نندم على ما فات
ثرى قدس العروبة كلنا بارواحنا نفداه

#الشاعر_ابو_صقر_شعلان

نهايات العدا بدئت وفتح الله ونصره آت
ولو يتكاتف العالم ويحشد كامـل القوات

عيون القوه الصاروخيه متوجهــه إيلات
وفي المندب جنود الله من اقصاه لا ادناه

#ابوكنعان_الروس

علينا العار يعورنا اذا نرجع ورى خطوات
وياحمى لحى الأحرار وغزة تذرف الدمعات

الى الاقصى توجهنا بقوة طز من مات مات
مع الرحمن بعنا النفس رفعنا الكف يارباه

#الشاعر_ابوجهاد_صبر

مع الأقصى مع غزه مع القدس اليمن ما بات
مع الشعب الفلسطيني ولـه عـزوه وله لابات

قضيتنا الاساسيه فلسطين  اعـلـمـوا  إيلات
لو اتـجـمّـع علينا الكون مـن  اقصاه  لا ادناه

#ابومالك_الكوماني

مع الله لو علينا كافة العالم فيالق جات
ويحشدوا الجيوش الضاربه في الخمسه القارات

وقد ربي أمرنا ننصره في مُحكم الآيات
محال نسيب غزه تنذبح والقدس ف ايد اعداه

#ابو_محمد_دحان

توكلنا على الله وانطلقنا نرفد الجبهات
بعزم إعداد واستعداد عالي وأحدث اصناعات

وفي قاموسنا (هيهات نركع للعدوا هيهات)
ومن يفرض على غزه حصار (اليوم حاصرنآه)

#ابوفتح_الاشول

شعار الموت لإسرائيل ضاعف فيهم الاموات
ومن ما مات في إيلات عاد الحرب ما قد فات

و هذا الوقت وقت المسح والتوسيع في الهجمات
إلى تحرير ارض القدس وإستئصال من عاداه

#الشاعر_عبدالحكيم_ابوهاشم

ثبتنا كالجبال الراسيه تشهد لنا الساحات
محال نزول عن درب الكرامه شامخين هامات

وبانبقى على استمرار حتى نبلغ الغايات
على الواقع يكون النصر في الميدان حققناه

#أحمد_الخاشب

وزعـزعـنـا كيان اللات وارهبنا عبيد اللات
على رغم النفاق العالمي وسياسة الإسبات

وقررنا نخوض الـحـرب لا نعبأ بما هـو آت
لأنّا في سبيل الله ربي مـا اعظمه واقـواه

#ابراهيم_الغولي

عزايمنا ثقه باالله مشحونه بها الذرات
قنابل منهجه صرخات مصنع عزمها هيهات

توجهنا بها لله والا عمال با النيات
من اجل الحق لونفنى ومن جا شعبنا جيناه

#ابوحسن_المجنحي

لو السما تمطر حمم والارض تتفجر بنا فوهات
ولو يحشد علينا العالم اجمع بحدث قوات

قسم مايخضعو شعبي ولا يحنو لنا الهامات
صمودنا وعزومنا حطم قوى الطغيان
وتحداه

#وسام_الحنش

لو اتحالف علينا كل من في المنطقه هيات
نتراجع عن الاقصى ونتوانى ولو لحظات

مسيرنا مجنحنا يحلق هات يابي هات
وياويلاه من واقف مع اسرائيل ياويلاه

#عبدالعزيز_الغرباني

قسم لو تملوا البحرين غواصة وفرقاطات
وبالغازات والذري تشنوا فوقنا الغارات

وتزحف جنها والانس ضد ارض اليمن هيهات
عن الاقصى وغزة ما اختلفنا والقسم بالله

#ابواياد_المطري

لو اتحالف علينا كل من في داخل القارات
بكل الأسلحه ذي صنفوها الغرب فتاكات

محال إنا نبيع اعظم قضيه واعظم الرايات 
ولو كل الدول تزحف ونلقى اليوم ما نلقاه

#ابوبدر_ذيبان

وتغزينا بوارج عالم الطاغوت والآفات
وكل الشر يتجمع علينا سيل واعصارات

قسم بالله ما نخظع وعاد لبأسنا صولات
ونصر القدس بايدينا ويا ويل اليهود ويلاه

#الكرار_المشراقي

يماني واليمن معروف دايم رافع الهامات
وهيات قل لامريكاء بأن نخضع لهم هيات

لوالعالم تحالف ضدنا بايشربو الويلات
من اجل القدس لونفنا علينا العار ماخناه

تابع المجاراة بعنوان موقف الشعب اليمني من ‎#تحالف_حماية_السفن_الإسرائيلية

البداية #ابومالك_الكوماني

ما خوفتنا قوى امريكا ولاحلفها
ولا سِوى من عذاب الله وحده نخاف

بقوته بانشــردها ومـَن خلـفـها
وعود ربي جلية ما عليها خلاف

#ابوعبدالله_صالح_عنبل

اختارها الله ربي و اعتمد صفها
لنصرة الحق بأرضه و انتصاف الضعاف

بقوة الله سيف الله في كفها
مسلول لاعداء الهدايه او قوى الاختلاف

#عبدالواسع_صايل_الغولي

بانثبت اليوم لامريكا مدى ضعفها
وهي ضعيفه والاعراب ذي معاها ضعاف

واهل اليمن هم حماة الارض واشرافها
كلمة قصيرة وعنوان الخبر في الغلاف

#علي_الشعيثي

عقول من عهد ابوها ماسكه سلفها
يضلها السامري وهل العقول الخفاف

فِرعون في عهد موسى للغرق دفها
واليوم تهتف مع الاوبي بنفس الهتاف

#ابوكنعان_الروس

عيوننا ساهره ما قد غمض طرفها
وفي سبيل الله بعنا جزاف

اليوم ضربه لاأمريكا على صدفها
في خاصرتها وأذيال النفاق الرهاف

#أبوصياد_الغمري

ماهمنا حلف الامريكــــــان أوعصفها
مادام والله لنــا وعيوننا في المشاف

في البحر الاحمر نوينــا ينقبر نصفها
والنصف الاخر يولي الدبر والانعطاف

#ذوالفقار_سفيان

قد اليمن سجلتهم في وسط كشفها
وصابح الحلف بين المسطره والمشاف

بقوة الله با ندعس على لقفها
ويغرقو مثلما فرعون بآخر مطاف

#ابوفتح_الاشول

لو كل دوله تصف اليوم في صفها
ما نعتبرها سوى قشه و قوة ضعاف

وكل قوه مع إسرائيل جا حتفها
إلى يدينا تسوق براسها لا المشاف

#ابوهمام_سليم_الفتاحي

الامركه غارقه في الحرب لانصفها
والنصف الاخر نجيها بالسيوف الرهاف

نقصف ابوها ونظرب منهوفي صفها
إني أرى الحلف اينع حان وقت القطاف

#الشاعر_عبدالقدوس_الصباحي

ياقـــــــــــــوم ماسلفها خايف ولا عرفها
كلآ ولا اطفالها منـــــــــذ الولاده تخاف

لو ينتهي نصفها ماينحــــــــني نصفها
في حرب كبرئ مع اسرائيل مابه خلاف

#أبوصخر_الجوحمي

صهيون وامريك ربي قد حكى ضعفها
في داخل الذكر خالقنا وصفهم ضعاف

امريك هي كالعجوز اللي كثر خرفها
في البحر تغرق ونذبح من بقي كالخراف

#ابوبدر_ذيبـان

ضاعت على امريك هيبتها مع بنتها
في بحرنا بل وحانت لحظه الانخساف

بانغرق اسطولها الغازي مع حلفها
نصرا للاقصى وغزه باسنا بايضاف

#عدنان_جحوح

نحرق أبوها ومن قد بان في صفها
ونجرع الأمركة الملعونة سم الزعاف

وبحول ربي تشب النار من جوفها
وتكون عبرة لكل الناس فوق الضفاف

#ابوحرب_الحالمي

الى جهنم نقــود الامركه بأنفها
وكل من هم وراها معلنين الحلاف

على يدينا بأمر الله تلقى حتفها
بساحل البحر ولا بالمواقع والضفاف

#الأشتر_هادي_الرزامي

من يومها الموت لمريكا وجا حتفها
قد جابها الله يا شعبي بوسط المشاف

فالجو والبحر والبر انت هو نسفها
أطلق صواريخ داخلها منايا الهتاف

#ابومحمد_السحاري

في البحر الاحمر بتغرق ويش هو حجمها
قشه ظعيفه هزيله واولياها ظعاف

في البحر احنا لها والبر احنا اهلها
والشعب عاطش للقياها بكل الزعاف

#ابتسام_شرف_المحطوري

احنا اولو البأس وامريكا طفح ضعفها
مجاهدين في سبيل الله ثقال وخفاف

ماهمنا الأمــركــة واللــي إلى صفهـا
دام القيادة حكيمة حولها الشعب طاف

#ابوشهيد_القطمي

هذا خبرنا وأمريكا على كيفها
تشتي السلامة او إلا الحرب تقبل قطاف

المسألة واضحة يا من وقف صفها
قد شعبنا حط رأس الشر وسط المشاف

#ابـومـازن_الـرازحـي

إيماننا بالقضية،شعبنا حفَّها
واجب ومسؤليه،ماهو بطر أوجزاف..

لو تجتمع قوة العالم مع لفَّها
فبقوة الله، نهـزمها ،وترجـع نتاف..

#ابوفتح_الجرادي

ياويلها ويـل والي صف فـــــي صفها
يتجرع المــوت من كـاس الزأم الزعاف

نهأية القشــه امـــــريكـا كمى اسلأفهـــا
وسنة الله تجــــري مــــاعليها اخـــــتلاف

#وسام_الحنش

استلفها ياعمود الكوكب استلفها
في البحر لقن ابوها درس بالموت حاف

ماهمنا لو جميع الكون في صفها
ضعاف مهما تقووا والله انم ضعاف

صفّ المحيطات من دنس اليهود صفها
والامر لله في هذا ومابه خلاف

#امين_الراجحي

يلعن ابو من وقف ياصاح في صفها
ويلعن ام الذي بيقول ماشي خلاف

خلافنا اليوم ضاهر بلغو حلفها
غزه بتقصف وحكام العرب ب اللحاف

#عزيز_محمد_البروي

لابد ما توقف امريكا عن اسرافها
وتعرف ان قد اتتهآ السنين العجاف

من اليمن با نهدفّ عكس اهدافها
ونعلّم الكون ان الغرّب كامل ضعاف

#الشاعر_علي_الوزير

الدولة اللي تساند بني صهيون نـقطـع كـفـها
بموجب اجماع شعبي من سوقطره لاكتاف

وابـطال في البحرمـاغـضت لـمجرم طـرفها
عن كل قطرة دم سالت لاهل غزة والغلاف

#ابو_حسين_الراعي

باينطبق قاعها السفلي على سقفها
وتنطحن في يمن ليمان ختم المطاف

هي بس تجي لا تغازلنا بماء طرفها
وبقـــوة الله نسقيها المنايا الزُّعاف

#ابوحزام_سامي_المضري

قلولمن حالف امريكه وفي صفها
ماهمناالحلف سينا الكل وصط المشاف

فالبحر بيداتنا بايكتسر كفها
بقوه الله ٍذي امىره بين نونن وكاف

تابع عنوان المجاراة ((معية الله))

البداية #ضيف_الله_سلمان

المعنويات في شعب اليمن ثانيه
وإيماننا والثقة بالله فوق الخيال..

النهج قرآن والاعلام ربانية
والله معنا..وكيد اعداءنا في ضلال..

#عبدالحكيم_ابوهاشم

دام الهــدى والعـلم ورجـال متفانيه
فالنصر مضمون والتمكين وقت القتال..!!

معيــــــــّة (الله) للأنصـــار ميـدانيـه
تثبّـت اقـدام تشبه من ثبات الجبال..!!

#ابـومـازن_الـرازحـي

معية الله،رفعه،عـز،روحانيه
تمكين في الأرض قوة في البناء والكمال..

لها الأساس الولاء ولها الثقة بانيه
وبفضلها شعبنا مازد لقى شي محال..

#ابوهمام_سليم_الفتاحي

مـسيــرة الـحـقّ والـقـران ربانـيـه
دايم مع الهدي وآل البيت في إتصال

معية الله مـعـنـا بـايـنـه بـايــنــه
وحبلنا بالثقه بالله أوى الـحـبـال

#الشاعر_منصور_الحراسي

أنا أشهد أن اليمن عنوان الإنسانية
ثارت رجاله مع غزه رجال الرجال

حلف الردى منشغل بالكأس والغانية
وأحفاد الاشتر في الخط الأمامي قتال

#الشاعر_ابو_صقر_شعلان

بعنا من الله مادام الحيـــاه فانيه
وأنطلقنا معه بالأجـــهــزه والنصال

قايد حسيني معه اجنـــــاد قرانيه
تضرب في المرجله والعز اعظم مثال

#ابوكنعان_الروس

من نهم للجوف لاصرواح لا قانيه
ومن جنوب اليمن لا شرقها والشمال

بعنا من الله بجنات القطوف داانيه
في درب أل النبي حيا رجال الرجال

#أبوصياد_الغمري

أرواحنا في سبـيــــــــــل الله متفانيه
ولاأجل نصر الهدى نثبت ثبات الجبال

في ضـــــــل منهج مسيرة حق قرانيه
يعجزعلى ردعنا العالم وجيش الضلال

#ياسر_القشوي

معية الله تصنع نصر في ثانيه
واي قوه لغير الله تلقى الزوال

هذي المسيره مسيره حق قرءآنيه
والحق غالب حقيقه راسخه كالجبال

#جلال_الغولي

البحر سجيل والامواج بركانيه
والشعب جاهز على ارقى مستوى للقتال

بقوة الله مابش دعم وامكانيه
ومن مع الله مايخشى الدروب الطوال

#الشاعر_ابوجهاد_صبر

من يعرف الله يعرف ما في الفانيه
الخير والشر باطل حقّ ذنّب وحلال

غير اليمن ماعرف به شعب فـِ.الدانيه
ذي له قياده مِن القران شقِّت جبال

وله مسيرة هــدئ وإيمان قرانيه
مِنّ كاسها قد شربنا الهدي صافي زلال

#براق_المنبهي

دايم مساراتنا ونياتنا سانيه
وبالعزيمه تحدينا الصعيب المحال

بنعانق النصر في صولات ميدانيه
لنا مع الله ومع الله تخف الثقال

#وسام_الحنش

النهج قرآن والاخلاق ايمانيه
والشعب مقدام وكيان العدو لازوال

باتندموا يالقوى الشيطانيه
بفضل رب السماء مولا الجلال

#الكرار_المشراقي

المعنويات من فوق السماء عاليه
وايماننا قوت القوه برب الجلال

قائد محنك وجنبه قوم متفانيه
قرآني النهج وانصاره رجال الرجال

#عبدالقوي_البطل

مهما الحكومات مغبونة ومتوانية
باننصر الدين والمستضعفين لامحال

وجهودنا في سبيل الله متفانية
إذا مانفرنا علي الطاغين مااحنا رجال

#الشاعر_علي_الوزير

من حوف لا الجوف لا مران لاقـانـيه
شموخ الانصار والقايد شموخ الجبال

في يوم يهلك عن الاعراب سلطانيه
نقبل على الله بمواقف رجال الرجال

#الشاعر_متاش

معية ألله معنا والخُطى سانية
هو ذي نصرنا وايدنا بكل المجال

دام الهوية يمانية وإيمانية
محال ينجو عدو الله منا محال

#ابو_صمادالفليتي

أبطال بالله( والقــــّـرآن) متفانيه
في طاعة الله هبت في دروب النضال

تفدي فلســّـطين ثورية وروحانيه
تحت أمر قائد من آل البيت دق الضلال

#مختار_البحري

عن الجهاد المقدس مارجع ثانية
يملك قياده لأجل الحق تمحي جبال

القايد الله يا احلاف الردى الفانية
والنهج راسخ وثابت في صميم الرجال

#ابتسام_شرف_المحطوري

لازم ثقة مطلقة في هذه الفانيه
والصبر والعلم والتقوى ينقي رجال..

باالنفس جادوا وللدين اليد الحانيه
لأنهم يهتدون باالآل قول واحتلال..

ابوحسين_حاتم

‌‎هيهات نخضع يا القوى العدوانيه
نثبت ثبات الارض ورسوخ الجبال

ومثل ما انهينا القوى العثمانيه
اليوم با ننهي جيوش الاحتلال

#جميل_الجنيد

محبة الله فينا فطرة انسانية
ومعيته سر قوتنا بوقت النزال

لو تحتشد ضدنا قوات شيطانية
باننتصر للقضية ونطرد الإحتلال

#إتحاد_الشعراء_والمنشدين

https://t.me/aboyahyaalshami

لنصرة اهلنا في غزة العزه تحركنا
خرجنا حشد مليوني يغيض البغي والكفار

نناصرهم وربي ذي يناصرهم وينصرنا
وأيدهم بحزب الله واسندهم من الانصار

مواقفنا مواقفهم مواقفهم مواقفنا
ولا به فرق بين القدس والقسام والانصار

قضيتنا قضيتهم قضيتهم قضيتنا
رجال احرار بتناصر وبتأزر رجال احرار

واحنا هم في المندب وفي الساحه هم احنا
علاقتنا بهم مترابطه صلبه ولن تنهار

تترجمهم مواقفهم مواقفنا تترجمنا
جسد واحد خطى واحد ويالثار يالثار

ونصر القدس غايتنا ومبدانا ومنهجنا
رجال القدس قدوتنا في المنهج وف المشوار

على ربي توكلنا الاه الكون ناصرنا
تعالى جل شانه مالك الاملاك والاقطار

ولو الله ماكانت مسيرتنا ولا كُنا
تهز العالم الصامت وتنصر غزة الاحرار

معين المؤمن الصادق بتوفيقه توفقنا
بطشنا الشر من بطشه تعالى القاهر الجبار

لعبنها في المندب وهي كانت بملعبنا
لعبناها ولا نحسب حساب لفارق الاعمار

وخير الخلق اسوتنا ومولانا وقدوتنا
تحركنا الى الساحه جميعا نعلن استنفار

ولا يمكن لطارق والعليمي ان يمثلنا
ولا يمكن يمثلنا الزبيدي خادم الدولار

يمثلنا ابن بدر الدين سيدنا وقايدنا
توليناه يانعم القياده ذي تشب النار

#وسام_الحنش

تابع المجاراة عن جدية موقف #الشعب_اليمني مع كل خيارات التصدي لأي تحالف دولي بحري أو بري حتى أنسحاب الأحتلال من #غزة

البداية #سامي_عبيد

بيان جيش اليمن  للكل تحذيري
يراجعوا كلمة القايد وتحذيره

من يدخل البحر الاحمر يخلس الميري
كلام مفهوم ما يحتاج تكريره

ياذي حشدتوا تحالفكم.!! على غيري
جيش اليمن بايخلي  حلفكم طيره

#أبورماح_شداد

حرب الكيان اليهـودي حرب هستيري
مافـــــــــاد زحفه ولا قصفه وتدميره

في غزه انهار صهيــــــــوني وتكفيري
امــا فـــي البحر الأحمر حتم تفجيره

مهزوم يا توم فــــي حربك مع جيري
با تنطلــــــــــق لا جهنم قبل تأشيره

#الشاعر_علي_الوزير

ياشعب الايمان نصرك حسب تقديري
مـربوط بالقدس والاقصى وتحريـره

في جـمـع الاشرار مـن ربي تباشيري
مـن بعـد لاعداد لي قـد تـم تحضيره

بـايغـرق الكـل امـريـكي وتـكـفيـري
وكيـان عبري بـعـون الـلـه وتـقـديـره

#ابومجاهد_الغمري

يا من تباعـد على غزّه مشــاويري
طـوفان حاظر وقاهر تم تطـويره

نقســم برب الفلق يا كل تكفــيري
ما نوقف الا مع الاقصى ولا غيره

بشموخ حـيدر بواجه لو بظافيري
دبابة الكفـــر واتحـــزم بجــنزيره

#الشاعر_عبدالقدوس_الصباحي

مازاد أو قَل في المندب مقاديري
والحرب قانون ماهي أي خبّيره

والله لاكسر رقب من راد تكسيري
والكسر ماينجبر من بعد تكسيره

وبد ما اطرح علئ نعشه مساميري
ذي راد يطرح علئ نعشي مساميره

#ابومصطفى_الرضي

مسيرة البدر تحمل فكر تنويري
وأهدافها نصرة الأقصى وتحريره

فشل عسيري ودسنا كل تكفيري
ومن غزا ارض اليمن يبشر بتدميره

مسيرات اليمن فوق العدو سيري
اسطولهم واجب اغراقه وتفجيره

#ابتسام_شرف_المحطوري

والشر يزهق على ايدي أمة الخيرِ
هم خير أمة اخرجت للناس في السيره

سيرة علي الحيدرة حكمة وتأثيرِ
مفعولها لامس الواقع فلا غيره

مسيرة الحق ترسم خط للسيرِ
إما كذا أو كذا ياصاحب الحِيره

#وسام_الحنش

تهديدكم يالقوى العظمى على غيري
مصيركم في يد ابن البدر تقريره

غير افهموها وربي حسب تصويري
يالبحريه لاتزر الكون وتديره

#عبدالقوي_البطل

كلام معصوب بمنطق حق تعبيري
قال اليماني بصرخاته وتكبيرة

يالعن أبو من سكت باسلوب تبريري
وجاء بتبرير سكوته في أساطيره

احنا مع القدس تعلنها تقاريري
قال اليماني ولافي موقفه حيرة

#أسـامـة_المـعبـاء

يا بارجات العدؤ في البحر لاتسيري
قبلش روابي وجلكسي جالهن سيرة

من قبل مانقول للبالستيات طيري
خيرة عليش يادول عميا ميه خيرة

موقف يمنــا يواجه حلف تكفيري
من اجل تنصير أقصــانا وتحريره

#ناجي_القعود

البحر بحري وهاذا الكل تفجيري
باشل واحط وكلن يستشير غيره

والطير ذي مرصود في جو السماء طيري
بايعلم الكل صيده وقت تفجيره

الوقت محدود وذيهو حير جاء حيري
من قبل نعلن علا المندب بتسكيره

#أبوصخر_الجوحمي

الشعب له موقف الاحرار تشهيري
واللي بيسمع علمنا صاب بالحيره

غزه تحاصر وفيها حرب هستيري
واحنا نوقف على اسرائيل تصديره

نضرب نحاصر ونقصف قصف تدميري
صهيون واللي معه باننهي تدميره

#الشاعر_نصر_الصوبي

نافخ في الصـــــــور لا نافخ انا كيري
واقــــــــــوالنا افعال مشي إي خبيره

وموقــــفي الجد صاروخ عُد تدميري
مع فلســــــــطين هبت ريح اعاصيره

وبــــــــــحرنا فيه ممنوع إي تبحيري
لصــــــــــهينه والحليم تكفيه تأشيره

#زياد_زيد

فوق العدو يالمسير في السما طيري
القدس قد حان بإذن لله تحريره

خاب العدو حسب تفسيري وتعبيري
طوفان الاقصى عليهم قد نفخ كيره

لو يحشدو جيش مارنزي وتكفيري
في البحر الأحمر هلاكه بل وتدميره

#أخت_شهداء_البكالي

كل الخيارات مدروسه بتقريري
واحنا مع البدر في قوله وتقريره

ان قال تفجير فالتفجير تفجيري
ضداليهودي وضد امريك لاغيره

وموقف الشعب ثابت دوم تحذيري
لوهددوا. قصفنا ديره ورى ديره

#ماجد_المطري

لو حلف واشنطن اتداعى لتفجيري
يتفجر الوضع في من رام تفجيره

وان حشدوا ضدنا ذري وتدميري
ف البحر من جا لنا يبشر بتدميره

ما با نبقي نتنياهو ولا كيــري
ونافخ الكير بايحرق مع كيره

نرجِّع الغرب للعصر للطباشيري
وموعد القدس قد لاحت تباشيره

#الشاعر_ابوجهاد_صبر

اين بايسير اليهودي من  لضاء  كيري
فـي البحر ممنوع  توريده  وتصديره

أزكــى تحـيـاتـي وشـكـري وتقديري
علا اليمن من براقش لا وسط صيره

ذي جنب غزه وقف موقف بتعبيري
مـا بوصفه قـط والافـكـار في حيره

#الشاعر_ماجد_غانم

هذا اليمن مش مسلسل توم اوجيري
الدم حامي من الله واكتساء غيره

لناء قياده وقايدفوق الاسطوري
انذاره انذار والمتبوع تحضيره

ركع دول تمتلك نووي وفسفوري
وكم من احلاف تتلاشا على كيره

#جميل_الجنيد

مهما قوى الشر تحشد لجل تغيري
عن موقفي نحو غزة صعب تغييره

بيان واحد لحلف الشر تذكيري
والله ما في لنا يالمعتدي غَيْره

بعد العلم والقيادة ياليمن سيري
في نصر غزه والاقصى لين تحريره