عنوان المجارااااااة
(مصاديق الوعد الالهي للمؤمنين وانهيارات المنافقين في جبهات مارب)!!

البداية لــ #فارس_المعزبي

فــار (تنور ) العذاب الإلهي
وسْط مارب في تخوم المدينة..

وأقبلوا فوق السواهي دواهي
ما نجوا غير الذي فــ السفينة

الشاعر #نشوان_الغولي

قل لمن يروي حديث الملاهي
عن ولد زايد و صاحب دثينة.

بعد ما فروا عيال المقاهي
رحبت مكة بجيش المدينة..

الشاعر #احمد_درهم

شفت مشهد أمس اثار انتباهي
والعتاد العسكري ناقلينه..

ودَّف الإصلاح ذي قال (ناهي)
يلحقوا (عفاش) هم من عجينه..!!

#ضيف_الله_سلمان

شعبنا بالعز والنصر زاهي
انزل الباري عليه السكينة..!!

طاح (بن سلمان) بعد التباهي
في اليمن و(ترمب)قش الخزينة..!!

#الشاعر_عزيز_الردماني

قلت جاه الله ربي وجاهي.
قالوا آل سعود ايادي أمينه.

لا تقولوا (كيف) ما(هو) وما(هي).
مشكلتهم في تروس المكينه.

#الشاعر_عاقل_بن_صبر

مايضاهي قوة الله مضاهي
مدّنا برعـــايته والسكينه...

والذي عاده بعكس إتجاهي
قل له الميدان بيني وبينه...

#ابو_عماد_الزايدي

ياهل مارب جاهي ربي وجاهي
ماهدفنا ثار ولا ضغينه

لايسوقوكم رعاة الشياهي
ذي سواياهم والافعال شينه

#الشاعر_ابومنار_العشي

يا فلس شرعية اهل المقاهي
ويا خسارة حلفهم والغبينه

جيشهم ولى (شرد) ذي يفاهي
واللجان الشعبية طاردينه

#زيد_الخراشي

مايضاهي قوة الله مضاهي .
من وثق بمعونته بايعينه .

عننا ماالله غافل وساهي .
كيف بايغفل عن انصار دينه.

وانت ياحلف الشياطين واهي.
واليمن بلله قلعه حصينه

#شاعر_الاحرار_ابوالعباس

لمن لفعل ابن السعيدة يضاهي
يجعل اقسى كل قاسي عجينة

شب ناره ف الحقير الرفاهي
واصبح الميدان قبضة يمينه

#الشاعر_ابوعساف

يـا عـرادة عـاد ذيـاك جـاهي
إستمع شوري مدامت هوينة

بـايكموها العرب وأنت لاهي
وخـسرت الراخصة والثمينه

#الشاعر_محمود_الجنيد

عار مانقبل عبيد الملااهي
لا ولا من باع للغرب دينه

اقبلت نحو العميل الدواهي
ماحدا يفرع عليه او يعينه

#مسعود_الريامي

لاتزيغ ابصارنا يا ألاهي
واهدنا يالله لا كل زينه...!!

واحم جندك ياملاذي وجاهي
كل (بيهس) حارسي في عرينه...!!

#حاتم_الاسدي

مال صعتر صوته اليوم واهـــي
والعواصف قد هِجت من زنينه

جتكم الانصار حفيان دواهي
يقبضو للـروح من قبل حينه

#فتى_همدان

وافق اسرائيل عبر التماهي
الذي سموه ايادي امينه

من رفضناهم ب (لا) النواهي
الوجيه الخاينه واللعينه

#أبوشرف_الدين_الحمزي

ولت الأدبار جُند المقاهي
والرياض تبكي عليهم حزينة

إنهزم جيش الصلف والتباهي
بالميات أمست جثثهم دفينة

#سفيان_محمد_الدباء

جاتهم قوات قنص الجباهي
ذي تصيب عدوها وسط عينه,,

شاربين الدم قهوه وشاهي
من يواجههم حنينه حنينه,,

#ضيف_الله_حلوان

حبهتي مارب وعزي وجاهي
كيف اخليها لداعش رهينه

والمنافق ضيع الاتجاهي
لصّصت قبل الهروب المكينة!!

#الشاعر_يحيى_الوحيشي

وقد (التنور)حتى يضاهي..
(ويل)والقي حلف الاعراب بينه..

حلف قرن الشر مهزوم واهي..
واليمن ب(النصر )ربي ظمينه

#ابوامير_الفهدي

بلغوا جيش النفاق الرفاهي
تاليتهم والنهايه مُهينه...

عزمهم في كل ميدان واهي
يوم صاروا لليهودي رهينه...

#ناصر_الهادي

بلغوا المهفوف يكفي تباهي
لن يفيده مابقي في الخزينه

حربنا ماهي لعب فالملاهي
من تعدا حدنا بانهينه

#ابوسلطان_العبيدي

نا بجاه الله عندك وجاهي
يا العراده خِف عنك الضغينه

لا تخيلها مسلسل فكاهي
بعدمااهدرت الدماء والخزينه

#الاشتر_الجوفي

ياهل مأرب بطرح اليوم جاهي
عندكم عاد العواقب هوينه

لا تسومو روسكم والجباهي
لجل مشروع الملوك اللعينه

#كاشر_الناب

لا وربي يا ملوك المـلاهي
ثأرنا ما احنا لحد تاركينه

الضلام انزاح والبدر باهي
والكرامه مال والعقل زينه

#شاعر_بلاد_الروس

وعد ربي ياابن موزه وضاهي
بانربي كل أسره لعينه

ماحدا غافل.وسارح وساهي
عن سقطره والنبي لانهينه

#الشاعر_صالح_حسين

اقطعوا المعصم وصكوا الجباهي
واقصفوا الطاغوت داخل عرينه

لا سلام اليوم ماشي تماهي
نصرنا كالبرق يسمع دنين

#محمد_الراعي

الـقـبـيـلة صـيــتـهـا والتباهي
في بقاع الارض نسمع رطينه

والمرادي شــد امس انتباهي
يا قبائل حي والله دنينه

#محمود_بنيان

يا ارض بلقيس البسي ثوب زاهي
وافرحي من بعد ما انتي حزينة

حزمهم والعزم قد صار واهي
لكن الباري حباله متينة

#ابوعاقل_المنبهي

مالك الاملاك آآمر وناهي
بأذنه تخيب النفوس اللعينه

جنده تدقم بكل اتجاهي
طوقت مارب قبايل طنينه

#عبدربه_الحداد_البيحاني

هكذا من قد مسك حبل واهي
وارتضا في بيع عرضه ودينه

يخذله عزم الطقوم الرفاهي
لاجنود الله جاته حنينه

#ابوايمن_الضحياني

حلفكم يا ولد سلمان واهي
حلف إسرائيل ومن دان دينه...

نختبركم وسط مارب شفاهي
واختبار النقل في القدس حينه

#أتحاد_الشعراء_والمنشدين

https://t.me/aboyahyaalshami

تابع مجاراة عن الانتصارات في مارب

#الشاعر_عاقل_بن_صبر

من تعدى اليمن قامت عليه القيامه
قادم ايامهم سوداء وحاضر كئيب

انطوى حلفهم يسحب ذيول الندامه
والحسابات بيد الله نعم الحسيب

#زيد_الخراشي

اقرع أعجاز خيل الحسم واطلق لجامه.
انت موعود بالفتح المبين القريب .

عاقبة من تولا اهل الكتاب الندامه .
من ردى يوم له سود النواصي تشيب .


#فتى_همدان

فاح ريح الخيانه من يهود المنامة
التحق بالاماراتي وعلق صليب

والرياض امهم بكره تزيح اللثامه
تلتحق موكب التطبيع معهم قريب

#ايوب_الحشاش

بعدهم بعدهم فاقدين القوامه
بيعهم ارضهم باليماني معيب

جيشنا المقدام وفى كلامه
واقتحم مدغل قبيل المغيب

#ابو_حيدر

جاك الاحرار يامارب وجاك النشامه.
عهد لك مانبقي مرتزق او غريب.

يارجال الكرم والعز وهل الشهامه.
داعي الحق ناداء كلنا نستجيب.

#ابو_وايل_عنبل

والنبي ما انحنينا لو تقوم القيامه
ما انحنى راس الاشتر يا عبيد الصليب

دام عترة محمد هم عمود الامامه
فابشرو نصر ربي ثم فتحأ" قريب

#عبدالله_حميد_عايض

يبشر السيد ويحزق حزامه
قد جنوده وسط وادي حريب

والرجال الباسله كل هامه
خلو الجبهات تلهب لهيب

#مقبل_ابوعريج

حرب متواصله لاما تقوم القيامة
ضد صهيون وامريكا وجيش الصليب

وارض مارب وشبوه عائده باالسلامة
بعد تحرير جبهة ماهلية حريب

#راجح_علي

ذي يجي بالعدامه نلقفه بالعدامة
وذي بطيبه يجينا مايرى غير طيب

وانتصارات مارب للمنافق علامة
وياشعار الكرامة لاتخلي صليب

#ابوفيصل_المهذري

للهجومات نـتواقـد مـع اهـل الشهامه
في خطوط التلاقي من بعيد او قريب ..!!

مرحبا والف حيا الله نضرب سهامه
فوقهم فوقهم لا اخـر نفـس او نصيب...!!

#ابوايمن_الضحياني

وين دسيت راسك يا شبيه النعامة
يوم ريت المجاهد من مكانك قريب..

جيش ربي تحرك من يوقف أمامه
ما بقي له من العمر أية نصيب..

#ابوالصماد_عبدالحكيم_ابوهاشم

و(النبي) مـن تعـدّا لا نكسر عظامه
بانجي زحف ولاّ ما احتزمنا العسيب

من وجدناه ماشي بوجيهنا أيّة ملامه
با يقع دعس لا ما النفس منه تطيب

#ناصر_الهادي

حلف الاشرار قومنا عليه القيامه
والقسم مانبقي في وطنا غريب

قل سلمان مافاد البكاء والندامه
كم نصحناه لكنه رفض يستجيب

#غسان_المعمري

- نصر ربي عاد في مأرب وسامه
والعـدو منـهـار مـتـزلزل صليب...!

- عـز مـارب فـي يـمـنـا زاد هـامه
والقدر ينسف من الدنيا المريب...!

#أتحاد_الشعراء_والمنشدين

https://t.me/aboyahyaalshami