مجاراة الليلة عن (لسان حال المجاهدين في الجبهات )

البدع من #عبدالواسع_صايل_الغولي

المعنوية عالية فوق السحاب....
والوضع سابر عندنا ماله نظير...

وكلما دسنا العدو فوق الرقاب...
زادت عزايمنا وشدينا المسير...

سيرة مع الله تجعل الشايب شباب...
انزل وجربها بنفسك ياخبير...

#فتى_همدان

ولا حسبنا للعدو اية حساب
وتحالف العدوان في عيني حقير

الله اكبر من رفعها ما يهاب
تصنيف واشنطن ولا اكبر كبير

جمعه رجب شعب اليمن شد الركاب
نرفع لواء الانصار ونحث المسير

#عبدالعزيز_الغرباني

لادق طبل المعركه والدم راب
نقبل كما الطوفان تسمع له هدير

ضرباتنا فـ المعركه فيها عذاب
عذاب من ربي على حلف الحقير

طاح التحالف واضحت احلامه سراب
شاهت وجوه الحلف والعبد الاجير

#ضيف_الله_سلمان

النصر وعد الله مافيه ارتياب
والله لنا نعم الولي نعم النصير..

جينا نسوم المعتدي سوء العذاب
واهل الخيانه مالهم منّا مُجير ..

وبيننا الايام يا(شر الدوّاب)
ننقل تحالف نجد للمثوى الاخير

#أبوغزوان_الوحيشي

ذا لنكم سرتوا من الباري قراب ..
والجبهة ٲقرب ما تكون من القدير..

يامبسم الهاجوس قبل ذا التراب..
ذي فوقه اقدام الجهادية تسير..

الله يوفقكم لتٲديب الكلاب..
من عند آخر فرد لا عند الامير

#زيد_الخراشي

خطاب سبط المصطفى فصل الخطاب
واحنا رضينا به وحددنا المصير..

والشمس في وادي سبأ غابت وغاب
نجم اليهود بطلعة البدر المنير..

وتحالف الشيطان يبشر بالعذاب
والخزي واليوم العبوس القمطرير

#عاقل_بن_صبر

جيناك يا مارب سبق من كل باب
للفتح والتحرير وانكار النكير

من ماهليه لا براقش لا حباب
هبت رجال الله بالجمع الغفير

يا لابتي يا خير من لبى وجاب
جبري مرادي واجدعي حان النفير

#الشاعر_أبوبراءة_الديلمي

قال اليماني فوق الاعداء ياشباب
لازام نواصل للمسيرة والمسير

وأنتم اسود الله في وقت الصعاب
شدو هممكم حيث والموقف خطير

والقادم أعظم واليمن فوق السحاب
والمعنوية عالية بااذن القدير

#الشاعر_الياس_المقدشي

نجم الوصايه عن سمانا اليوم غاب
الى جهنم حتفهم بئس المصير

من بعد ما صارت امانيهم سراب
والله سبحانه لنا نعم النصير

لا عاد يتوهم ابد حلف الغراب
انه يلاقي بعد هذا الحرب خير

#عبدالقوي_البطل

واحنا دعينا الله ربي واستجاب
وحفنا بالنصر سبحان الخبير

خلاص حلف الشر والاخوان خاب
وكيده اصبح كيد واهي لايجير

من بعد ماانذرناه وحذرناه عاب
فما جزاه الا نصليه السعير

#شاعر_بلاد_الروس

مادام معانا الله وطه والكتاب
الحرب متعه والعسر يصبح يسير

خضنا المعارك بعد همه واكتساب
مامثلنا يعجز في الوضع الخطير

نقرى ملازمنا ويتلاشا. الضباب
والمعنويه فوق وقايدنا. المشير

#ابو_الهادي_موسى

في الله ما نخشى ملامه او عتاب
نسحق وما للحلف الامريكي مجير

نضرب في الاعناق ونقط الرقاب
و نبالد العالم في الحرب المثير

إن مارجع حلف العماله للصواب
جيناه ب الويلات و الرد العسير

#حاتم_الاسدي

جبـال مـارب رحبت هـي والتباب
بالجيش الانصاري وبالفتح الكبير

رجال تسقي خصمها الغسلين شراب
وتعـرفه معنى العبوس القمطرير

في المعركـه تدني لهم كل الرقاب
حتى الحديد من وطئت الانصار يطير

#ابوثاير_الهمداني

احنا مع الله في الصحاري والتباب
ما همنا امريكا ولا ذي بايصير

يا مارب التاريخ طاب الحال طاب
اجنود ربي قادمه نحوك تسير

والنصر قادم واقترب قوسين قاب
وتحالف العدوان له سوء المصير

#اليماني_أبومازن

الموت الازول في الشعابه وتباب
وأنصار ربي فوقهم دااايم تغيرر

كم يا جثث قتلى وكم يامصاب
نقبض في الهجمه سبع17اسير

يا مارب التاريخ جا علم ااالكتاب
وارجال في نهج الهدى جينا مسير

#أسامة_المعباء

هنى كرامه حلف نجدك الكلاب
وارهبنا رئيس الامركه مع الوزير

ودفنا جنودك يا مريكي في التراب
وآلي صد ابرمز جيشك يا حقير

جعلنا المعارك حاميه بخارق وشباب
بتـاييد ربـاني وقـوة وتدبـير.

#الشاعرة_البركانيه

احنا توكلنا بمن انشا السحاب
وانتم توكلتوا بالامريك الحقير

لله نستشهد وقدمنا الرقاب
انصار للرحمن وهو معنا نصير

لابيننا مرجف ولا منهم نُهاب
ونهاية الشرّ في اسواء مصير

#أبومجاهد_الفروي

قد خاب حلف الشر والعدوان خاب
واتساقطت أوراق أبناء النظير

وانصار ربي في الصحاري والهضاب
متوثقة بالله خالقها النصير

ذي يهجموا يأتوا بعلم من الكتاب
شلوا المجمع داسوا الحلف الحقير

#أبوطه_العزي

ومنه مع القران واعلام الكتاب
بايهزم الطاغوت والحلف الحقير

ومن يشتي التوبه وقرر لنسحاب
ورجع لدين الله وتصحيح المسير

فالعفوا له مفتوح من قرر وتاب
وهو مننا والله شاهدنا القدير

#عارف_شرده

النصر للإنصار مذكور فـ الكتاب
والله مولانا وهو نعم النصير

نمرغ المحتل أنفه فـ التراب
والمرتزق يلقى نكاله والمصير

من هو مع الله القوي مايوم خاب

#إتحاد_الشعراء_والمنشدين

https://t.me/aboyahyaalshami

تابع المجاراة (نهاية النفاق المخزية )

#فارس_المعزبي

إصلاحهم كله عمل خارب
في كل تشكيله وتركيبه

وجيلهم فالمدرسه راســب
وفيــه تشامــه وتشعيبــه

وأكبر محدث منهم كاذب
يحل دمك ويحرّم الغيبه

#أسامة_المعباء

جيش التحالف قد صار هارب
وجائت جند الهدئ كتيبه كتيبه

نواري تحالف نجد من وسط مارب
وننهيك يا عهد الوصايه الكئيبه

واكمال طريق المجد عهد المحارب
لاما نحرر قدسنا ومكه وطيبه

#محمد_الراعي

احنا معانا القاهر الغالب
والخصم قد قمنا بتإديبه

مهما علينا الكون متكالب
لا بد من مارب ومن طيبه

لاقد جنينا النصر في مارب
با يجنوا الخسران والخيبه.

#عبدالرحمن_الريامي

ماعاد شي يا شوكة الضارب
مــع المنافق عندنا طيبه

قولو لذي من حومها هارب
قد النواصي داخل الذيبه

هذا حصاد العيب ياعايب
ف الطفل والنسوان والشيبه

#الشاعر_ابوالهادي_موسى

اصلاح حانب في يد الغاصب
ما بين ترهيبه و ترغيبه

ما هم ورى شرعية الهارب
كلين حانب في محانيبه

الله فضح صعترهم العايب
ذي كان مخفي في جلابيبه

#سمير_عوفان

العاصفه قد نجمها غارب
والمرتزق خابت الاعيبه

والعين ماتعلا على الحاجب
ماهمني قتله ووووتصويبه

قصدي فقط نعري الكاذب
وكل خلق الله تدري به

#ناجي_ناصر_عوفان

واجب نزيل الداعشي واجب
والمرتزق نقوم بتآديبه

حتى ولو هو منهجه عايب
الذيب مايخشى من الذيبه

احنا بسيف الحق بنحارب
وهم بسيف الشك والريبه

#علي_درهم_المؤيد

للنفاق احذر تكن صاحب
بيسايرك والشر في جيبه

ومنافقه من للعـدو جالب
في كل دوله تــم تجـريبه

وهو سفير ابليس والنائب
افتح كتــــاب الله تـدريبه

#شداد_حميد

ما با نسيب الحبل ع الغارب
من خاننا لا بد تأديبه

هاتو سلاح القوة الضارب
اين ما هرب لا بد ما اجيبه

واحدد الموجب مع السالب
وازيد ب الناضور تقريبه

#بلال_الصوفي

ولت فلول اللي طغي هارب
غادر يجر الذل والخيبة

ذي كان ضد الشعب متكالب
ماعاد بقته في المدى هيبة

إصلاح داعش قد رحل خايب
والشعب كل الشعب يدري به

#فاطمة_القمادي

صماد قاهر فوقهم ضارب
يقطع ذيول الخزي والخيبه

والمرتزق ياصاحبي هارب
خبى سلاح الخزي في جيبه

قدس المجنح فوقنا صاحب
والعزم يا بركان يسري به

#الشاعر_عبدالله_الحداد

الراااجفه يبشر بها العايب
ومن شذ عنا النار تصليبه

بانحشر الأخونج يا مارب
في زاويه صعبه لتعذيبه

ماعاد شي شرده ولاهارب
فـ يوم القيامة قام لتاديبه

#محمد_ناصر_حاسر

ياكل نشمي صيرمي ضارب
خل الأمل بالله والمرتشي سيبه

أرسل للأعداء نجمنا الثاقب
والثـرثـار اقلع له لسنه ونيبه

وبفضل اللـه الناصر الغالب
ينصركم على دعاة الشك والريبه

#ابوصادق_الشيبري

تاييد اللهي على الكاذب
ذي يدعي الدين ويسيبه

بالخزي والذل من جانب
وجه النفاق يبدي الريبه

نسخه من الكفر متجاذب
يلصق مع ابليس ترتيبه

#إتحاد_الشعراء_والمنشدين

https://t.me/aboyahyaalshami

ضنا قد جار أصليناه من نار السعير

#الشاعر_علي_المحاقري

على خطى الكرار وآل البيت بـانمـضي كبار
على خطى عمار بن ياسر على الباغي نـثـــور

دام الزمن دوّار مابش خـوف لو تـصـبـح دمار
باييئس الكفار كما يئسوا من أصحاب القبــــور

#صلاح_الرمام

دامت بلا طيار تقصف كل ساعة في مطار
والقدس شب النار والبركان أشعل كل بئر

ومن يدمر دار في صنعاء ف يبشر بالدمار
على يد الأنصار يأتي الرد عاجل يا جبير

#الشاعر_أبورازح

شعب اليمن انصار صامد ماانحنى رغم الحصار
بقوه الجبار نتوافد كما الغيث الغزير

دقو جرس الانذار في وجه التحالف والجوار
ومملكه الاشرار بانوصل لها حان المسير

#الشاعر_ابو_حمزة_نشير

شعب اليمن اعصارطوفان المنايا باختصار
للمصطفى انصار في كل العصور مهما يصير

لو صار مهما صار واتشدد على الشعب الحصار
في الحرب سطرنا انتصارات والعدو عمره قصير

#بن_سويد_التهامي

عثر الزمن دوااار (والدنيا تجارب ) وختبار
بلغ بها⇇المنشار عبد امريك خادمها الاجير

شعب اليمن مغوار مايخشئ المخاطر ولحصار
ولوقت مهما جار (نصر الله يـاتي في الاخير)

#الشاعر_ابوحسين_الهمداني

حلف الردا البوار شاف الهزيمه والبوار
مافاده الدولار ولا الاسلحه واقوى الذخير

ويضن إن احصار شعبي من بحارة والمطار
بايهزم الانصار لا هيهات هذا مايصير

#شداد_حميد

من وحي الاستشعار ب اهداف المسيره والشعار
بايلفت الانظار هذا الشعب ب النصر الكبير

سرب المسير سار لا ابها ودمر للمطار
ولا اقدر الرادار يرصدها وهي فوقه تطير

#ابوالهادي_موسى

جينا نشل الثار في قصف الطفولة والحصار
ياحلف الاستكبار ما بحد سوى الباري كبير

نحوك لهيب النار و القاذف و زخات الشرار
والبرق والاعصار واليوم العبوس القمطرير

#ابووايل_عنبل

انصار و ابناء انصار ما هزتهم امواج البحار
هم شيعة الكرار مهما صار يا يوم الغدير

و الموت قبل العار والعزه وطن باهل الشعار
واذناب الاستعمار باتنهار والحلف الحقير

#الشاعر_امجد_الصانع

صلوا على المختار وادعو للذي يحمو الديار
كمن بطل كرار في الميدان ماله من نظير

داعس على الاشرار شامخ حيد رافع للشعار
لا ذل لا استكبار ماهمه سوى المولى القدير

#ابوصادق_الشيبري

جهاد واستبسال نجتث الحثالات الصغار
ذي ساندو الكفار تحاصرنا مع بول البعير

النصر للانصار في القران فوج الانتصار
والقاهر الجبار ايدهم في الفتح الكبير

#سمير_عوفان

صفارت الانذار دقت والسماء تشعل بنار
وشعبنا المغوار على الاشرار قد شب النفير

ياعار سبعين عار يعور لصغار قبل الكبار
لامانخذ بثار من سلمان والحلف الحقير

#تهاني_الحمادي

الليل ياالانصار ماباقي سوى فتح المطار
قد حلفهم منهار والله المهيمن والقدير

باتسمع الاخبار في بث المسيره والمنار
والقايد المغوار بايلقي خطابه بالنفير

#عبدالحكيم_ابوهاشم

لا شجب لا استنكار لا تنديد لا أية قرار
في نشرة الاخبار نسمعهم بتنكير النكير

بجرم الاستعمارمن قصف المواطن للديار
والرفض والاصرارعن فتح المنافذ للمسير

#الشاعر_ابوكرم_نشوان

لو تشخص الابصار والاكباد تعتصر اعتصار مانرتضي صرصار نجد ابليس
فراش الحصير

بعزم واستبصار والباري عليه الانتصار
هذا اليمن ي اقصااااار ذلتكم ولامعكم نصير

#ابوزكريا_المأخذي

قولوا لحلف الشر واذنابه خلاص فات القطار
محال نخضع او نفرط في السيادة لو نطير

لـو يـغـلـقوا كل الـمواني والـمنافذ والمطار
بانـتـجه افـواج للجبهات كبير ولا صغير

#نجيب_العوسة

للواحد القهار با نسجد مع كل انتصار
رغم الحصار اليوم ننتج قمح وذره والشعير

وحلفهم منهار وامريكا كلت كل الضمار
ياكم نصحنا الجار لا يلقي بنفسه في السعير

#أسامة_المعباء

القائد الكرار ذي حدد خطانا والمسار
والجيش والانصار ذي اكملوا درب المسير

وذي غزانا بلحصار جيشه قد ادبر بلفرار
والحلف اوشك بدمار من بأسنا اين با يسير

#ابومجاهد_العصيمي

هبة مع اللة سار كل نشمي في المسار
وفي خطا الكرار نسقيهم نقيع ال زمهرير

اتو باستكبار وواجهناهم ولاذو بلفرار
هجمة باستمرار عليهم.كسبنا النصر اوغيرة يصير

#الشاعر_ابوبراءة_الديلمي

حلف اليهودي طار وأصبح فاالهواء مثل الغبار بقدرة القهار رب العرش والحي الخبير

شعب اليمن مغوار درع الحيدره سيف الفقار وانصارة الأحرار ذي داسو على كم من حقير

#سيف_حسن_العامري

عان الله الانصار والحلف الغبي للخلف دار
سبحانه الجبار خلاها على الاعدا سعير

اشعل فتيل النار والشعب الابي شمر وثار
والخاين الغدار يلفظ في سباء النخس الاخير

#الشاعرذيبان_صالح

دارت على الاشرار نيران الحمى والشعب ثار
كيل المواجع صار فوق الحد والواقع خطير

ياعصبة الفجار جاكم حسمنا بعد اصتبار
بانبلغ الاوطار بفضل الواحد الحق القدير

#خليل_القرحي

انَصّارَ مٌُهمٌا صّارَ لُوَحُاصّرَوَا كِلُ الُبّحُارَ
وَالُلُُه ٌخلُقًنَا حُرَارَ مٌانٌَخضُْع لُكِمٌنَ حُقًيَر
َ
#إتحاد_الشعراء_والمنشدين

https://t.me/aboyahyaalshami