(( العراده وين عاده ))

قولو لسلطان العراده وين عاده
ووين عاده وين عاد

من اعرسة تصبر على الأم الولاده
وماكتب ربي واراد

لوفيه ينزل من على صهوة جواده
ماهو شي افضل من مراد

والعبديه واصحابها عسكر وقاده
وشراف بيحان الجياد

لاكن عناده بايبهذل به زياده
ويدفنه تحت الرماد

من خان عهده ودخل الغازي بلاده
هذا منافق (ل ص)

احنا توكلنا على م الله اراده
وهو على م بليس أراد

احنا على شان الكرامه والسياده
نقتل وهو باع البلاد

أحنا كرامتنا من الله الشهاده
وهو عشاء بئس المهاد

راكن على أصحاب السمو وأهل السعاده
وأعضاء الكنيست والموساد

واحنا ولينا ربنا ناصر عباده
محجاء وملجاء وعتقاد

والمصطفى واله لنا نعم القياده
نبض العقيده والفؤاد

نتبع خطى قاسم سليماني وزاده
اعلام وقلام الجهاد

وامثال نصر الله حسن رمز الرياده
والبدر ذي للقوم هاد

وان كان ابوهادي وابوجبريل ساده
ماذا بقى يابن زياد

الادمي قال المثل هو من فواده
ماهو بماله والعتاد

واللاش لاعاده لحق بعد الجراده
وجاء وقد طار الجراد

هذا وقع له مثل سلطان العراده
ذي باع ربعه فالمزاد

لاكن عبيده كابت الوادي وصاده
شدو قياده بالحياد

بيده حفر قبره ونعشه والقعاده
ارسلهن السيد جداد

#الشاعر_جبر_المسعدي
#إتحاد_الشعراء_والمنشدين

https://t.me/aboyahyaalshami

ياعاصمتنا الحبيبه شدي ضماد الكباري
الوقت هبه بهبه والحرب تاره بتاره

وأحنا علينا التعامل مع عيال الجواري
أهل السمر في الملاهي والقرقره والدعاره

عهداً على كل ثائر وكل مؤمن حواري
ماعذر من رد قاسي تشتاف لا الهند ناره

عاد الشُهب والنيازك دارت معي في مداري
وذو الفقار المجنح والقدس رهن الأشاره

واذا البراكين شبت شبيت في نجد ناري
واذا النسانيس هبت رسلت راصد زياره

وقاصم الظهر جاهز براس ضخم أنشطاري
لسحق قصى اليمامه ماحد يراء إلا غباره

والطايرات المسير قاصف وصماد جاري
تزويدها من جهنم ترمي عليكم حجاره

يا ويلكم ويل منا ياذي جهلتوا حذاري
ويومكم ذي وعدتوا ما با يطول أنتظاره

والنصر والفتح قرب والحسم مفعول ساري
مبدا اليماني ودينه (كرامته وعتباره)

وعرش بلقيس عانق باب اليمن والحواري
وأحنا فتحنا مع الله في مارب اعظم تجاره

والمرتزق باع عرضه وارضه من اجل المصاري
وفالنهايه تعرا وذاق طعم الخساره

قال المثل يامغرر أسال اذا منت داري
وارجع الى احضان صنعاء والبس ثياب الطهاره

والثانيه قل لهادي والمقدشي ياجباري
ماينفعك في عدوك قبيلتةً مُستعاره

#الشاعر_جبر_المسعدي
#الذكرى_السنوية_للشهيد 1443هـ
#إتحاد_الشعراء_والمنشدين

https://t.me/aboyahyaalshami

( على خطى الصماد )

شاهدت قعر البحر من فوق الامواج
وريت ذي شد العيون السواجي

نصيحتي لأهل الملاهي والأبراج
يفكروا في الخندقه والملاجي

اعصارنا الرابع تسلّح بالانتاج
ولا ترك للهيمنه باب شاجي

وموجته يمكن تصل ساحل العاج
ياصاحب البرج الطويل الزجاجي

يمهج حقول النفط والغاز مهّاج
ولا حدا من قدرة الله ناجي

مادام صوت الحق والصدق فلّاج
باتبع هدى الرحمن وألحق خراجي

ومثل ماخبر البقر تحت الاهجاج
خبر الرجال الصادقه فالمحاجي..

إلى رضى الله مترسي خير معراج
بنوره استهديت في ليل داجي

بين المناهج منهجي خير منهاج
وانا بوعد الله مؤمن وراجي

على خطى الصماد وعماد والحاج
اسقي العدا الموت السريع المفاجي..

#الشاعر_جبر_المسعدي
#إتحاد_الشعراء_والمنشدين

https://t.me/aboyahyaalshami

المجاراة عن اهانة تحالف العدوان للخائن عبد ربه منصور وعزله بطريقة مخزية ومذلة والشرعية الزائفة..

البداية #ضيف_الله_سلمان

موضوعنا اليوم حامي
بكل معنى العبارة..

ويش آخر أخبار (هادي)
وباقي اهل العمارة؟!

ولا اصبحوا و(العليمي)
رئيس تم اختياره..!!

ولا رعوا اي قيمة
للخائن ومستشاره..

وعاقبة كل خاين
دايم يذوق الخسارة..!!

(من قارب الكير يحرق
والا امتلى من غباره)

#الشاعر_جبر_المسعدي

الليل ياهل القوافي
اتواصلو بالسفاره

يدورو عبدربه في
كل شارع وحاره

لحق علي ولدمحسن
لاماتنكسل ضماره

والمجلس الانتقالي
لايحتجي بالغباره

وحسب ماقال الاول
الحر تكفيه اشاره

ماينفعك في عدوك
قبيلتن مستعاره

ماخير ياتي ولاشر
الا ومارب مساره

#الشاعر_يحيى_العطيف

مابين هادي ومهدي
الشعب هو واختياره

هادي لشعبه معادي
ولابيملك قراره

ومهدي لذا الشعب يفدي
حمل إلينا البشاره

وكان للشعب جندي
صانه ورد اعتباره

والله ياعبد ربه
لوكنت تفهم ذكاره

ماصرت في الخلف راكب
وهو طلع ف الغماره

#مهدي_احمد_مفلح

انذر بهم كل ابيهم
بكل معنى العبارة

خانو الوطن والمواطن
في يوم حامي غباره

لجل القروش السعودي
زادو الخبل في عياره

ما هم يهمو الفضيحة
وهم دمى مستعارة

لا والقسم ما يمرو
والشعب رهن الاشارة

من يشتي الموت يقدم
للحرب يديه ناره

لوما بقي من يخبر
ما سيطرو في دياره

#بسام_شانع

أصحاب حارة بني سعد
الكــــــــــــل عُقّال حارة

وانا الوحيـــــد المواطن
فيهــــا... ويحيى جبارة

يحيى نقــــــــل إب وانا
بانقــــــل وبارجع شهارة

وانهــــــم قيادة بلاافراد
وانهـــــم دمى مستعارة

مجلـــس رئاسي وسبعة
حكام داخـــــــــل عمارة

#عزالدين_جحاف

دنبوع مسير بريموت
خضعي مصادر قراره

هي شرعية حلف غاشم
ماهو بحسب اختياره

يبدلوا ذا بهذا
لبيع أرضه وعاره

قريب حلف السعودي
بالله نكسر حصاره

وكل قاصي وداني
بتكبد اكبر خساره

وشعبنا الحر يعلن
على اليهودي انتصاره

#نورالدين_المقاتلي

كم قال له الشعب كله
اوبه تولع شراه..

لاكنّ قد صار مدبر ..
مربوط جانب حماره!!

يتحمل اليوم ماجاه
موجود قطعة غياره!!

(هادي) توهدر وغادر
لصّى (العليمي) بناره..

مضروب ضربة معلم
با يعلنوا بانتحاره!!

# فريد_عرار_الشريف

هادي كواه الرزامي
واللقى بظهره دباره

مكوا على الظهر دامي
معاد بعده بخاره

واخبار فرقة ميامي
يمارسون العهاره

مابين كاهن وجامي
بين الخناء والدعاره

#الشاعر_ابومحمد_السحاري

ظاع الغبي ابن منصور
الله ويش ذا الدباره

في الامس قد كان هايم
ويولعو له اشـاره

فتره وقد صار هارب
وباع. شعبه لجاره

عذاب طاحت عليهم
سجيل مثل الحجاره

واحنا وثقنا بربي
ذي مدنا بنتصاره

#ابوصالح_العملسي

هو عبد وترمب ربه
واهل الخزا والدعاره

زايد وسلمان وبنه
ذي افسدو كل حاره

والشرعيه والخيانه
فيهم صفات الدشاره

باعو الكرم والمبادي
وشلو الخزي عاره

وكل ابوهم ملاعين
بودي وذي في الغماره

والشرعيه منتهيه
واهل اليمن في الصداره

#يحيى_الوحيشي

با اقلك العلم كله ..
بالمختصر والإشارة..

عبدو ربل صار ماضي..
وامسى مجرد قذارة..

كم ضل مركوز فاضي..
ريس بدون استمارة..

وبعد عجز التحالف..
يأقلم ارض الحضاره..

قام أقلمه الريس اللي..
ماهم عرضه وعاره ..

سبعة دنابيع ساروا..
في مجلس اكثر حقاره..

#شداد_حُميد

عيال سبعه وسبعين
باعو بلاد الحضاره

صندل وسبعه صنادل
هولا رموز القذاره

بجنبهم صدقوني
تبقى النجاسه طهاره

واسعارهم ما توازن
لنصف حبه شقاره

بشعري العن ابتهم
ب الفيس وافعل اشاره

#ابو_ميثم_الزراع

يقل جلال ابن هادي
الوضع حامي غبارة

من حاربوا لجلة الناس
ماعاد يملك شقارة

من باع دينة وشعبة
بايلحق البيع عارة

ياكل خاين تفهم
شل العبر والعبارة

حتى رئيسك بكلة
ماعاد يملك قرارة

وان كنت تهوى السعودي
فاانا اشهد انك حمارة

#سيف_حسن_العامري

لا اصبح حجازي ونجدي
ولا بلادي دياره

من يوم غادر مبرقع
والقبع رده ستاره

باع اليمن بيع سارق
وباع نفسه وعاره

واليوم يارحمتي له
محروق يحرق بناره

ليته يقل للعليمي
سابع سباع القذاره

يايبيبي لا تيبيب
معي من الصيف اماره

لو سرتوا الفين دنبوع
ماتجنوا الا الخساره

#براق_المنبهي

مالاق به اسم هادي
هو مهتدي للإماره

بيلف هو وابن محسن
جحى مضيع حماره

كانه على باب يربح
شل العليمي ضماره

بلغ لهم يالمسير
للكل يقدح شراره

مرسول من شعب صامد
لابد ياخذ بثاره

#عبدالرحمن_الريامي

‏اخـزاكـــم الله وازرا
يا مـــدعين الطهاره

الفار هـــادي تحمير
وانتو ركبتوا حماره

ماحد يسلم زمــامه
للملكه والامـــــــاره

لاقال سلمان حـاحو
قلتو وحاحو اشـاره

تاره تبيعوا شـرفكم
وتبيعوا العرض تاره

#إتحاد_الشعراء_والمنشدين

https://t.me/aboyahyaalshami

المجاراه عن مماطله العدوان في تنفيذ البنود المتفق عليها ودعوة الى الاستعداد للخيار العسكري

#الشاعر_جبر_المسعدي

مشكور سعيك يالوسيط العماني
والشعب ماضي حسب مالله يدله

لامعجب العدوان فتح المواني
ولا دفع راتب ولاجات رحله

فحسب ماقال الحكيم اليماني
لاتشتكي(كثر المشاكي مذله)

الحرب غير الحرب لاحل ثاني
واحنا لها (من شله السيل شله)


#ضيف_الله_سلمان

على خطى الكرار(طه المداني)
با ناخذ الباغي على حين غفله..

وبا يعيد اعمار كل المباني
الجار ذي ماقد فعل جار مثله..!!

جهاد ياشعب الاباء والتفاني
وكل واحد في مجاله وشغله

وامر الصراع الروسي الاوكراني
لله ذي له يرجع الامر كله..

.

المجاراة عن مماطله العدوان في تنفيذ البنود المتفق عليها ودعوة الى الاستعداد للخيار العسكري .

البداية #الشاعر_جبر_المسعدي

مشكور سعيك يالوسيط العماني
والشعب ماضي حسب مالله يدله

لامعجب العدوان فتح المواني
ولا دفع راتب ولاجات رحله

فحسب ماقال الحكيم اليماني
لاتشتكي(كثر المشاكي مذله)

الحرب غير الحرب لاحل ثاني
واحنا لها (من شله السيل شله)

#ضيف_الله_سلمان

على خطى الكرار(طه المداني)
با ناخذ الباغي على حين غفله..

وبا يعيد اعمار كل المباني
الجار ذي ماقد فعل جار مثله..!!

جهاد ياشعب الاباء والتفاني
وكل واحد في مجاله وشغله

وامر الصراع الروسي الاوكراني
لله ذي له يرجع الامر كله..

#الشاعر_عزيز_الردماني.

كلام هادف يحمل اقوى المعاني.
والصدق مضمونه ومدلول فعله.

إذا العدو با يمشي الخط ساني.
ولا اليمن بايلعن اصله وفصله.

الله لا روى السعودي جناني.
وذي رأى في ما مضى بعض شكله.

جميعنا مثل الجرادي وهاني.
وسلاحنا عنتر والـ اهداف عبله.

#بندر_السقاف

بانحتفظ بالطيب طول الزماني
ونرد جملك يا العماني بمثله

احنا لها في كل بادي وعاني
للسلم سلميين ورجال قتله

وقد عرفنا الكل قاصي وداني
والجمر يحرق من وطت فيه رجله

هي شامله تقظي على كل جاني
بايبرز الايمان ل الشرك كله

#عيسى_الهروجي

شعب الكرامة والاباء والتفاني
للحسم قد جرد حسامه وسله

ماضي على درب الصناديد ساني
شامخ شموخه مانحنى للمذله

برغم ضيق الحال مما يعاني
مامل من صبره ولا الصبر مله

الحل فـ الجبهة ولا حل ثاني
حتى ولو يتوسط الكون كله

بانسقي العدوان كاس الهواني
ونمرغه في وحل حقده وغله

#ابوسياف_البيحاني

لا طالت ايام الامل والاماني
وماتحقق حلم الانسان مله

لاتوعدونا وعد اخر وثاني
ما عاد في شعب اليمن ينتظر له

اما حياة العز شامخ كياني
ولا نموت احرار نأبى المذله

ما دام وانا بندفي في يماني
باشل حقي يسمع الكون كله

#الشاعر_أمين_الحارثي

حرك فيالق جيشنا واللجاني
ياسيدي سلم لك الشعب كله

مادامت الهدنه لها وجه ثاني
عاد اليمن في خير ماحط جفله

قتله يصل بارودها للعناني
غبرا تكم السامري هو وعجله

ومن رضي بالذل ماهو يماني
ياشلنا سلمان وإلا نشله

#عزالدين_جحاف

إحنا معانا الله لارب ثاني
متمسكين الكل دايم بحبله

ياويله الويل الذي قد غزاني
ما اكثر حماقاته وما خف عقله

إنهاء عدوانه وفتح المواني
مطلوب منه يقلع الله شكله

ولا فيعلم كل قاصي وداني
صبري نفذ والله لاجتث أصله

#عدنان_جحوح

وحنا مع الله دوم قال اليماني
بانقبر الاوغاد في كل تلة

على خطى الصماد طول الزماني
بنعيش في عزة ونأبى المذلة

هي حتفكم يا كل قاصي وداني
فمن تمادى ضدنا طاش عقله

حنا الرواسي في السنين الثماني
وحنا المنايا باقي العمر كله

#الشاعر_محمد_النهام

لاحل الا من خشوم الصياني
يوم النقاء بالحرب لادق طبله

انا اليماني دوم حاكم زماني
والحلف لا هيهات ينجا بفعله

هيهات نرضاء الذل حتى ثواني
والفعل لابد مايجازى بمثله

يا انصار ربي حان وقت الاواني
لنطرد المحتل من كل قبله

#جمال_الماوري

الشعب كله بـــــــــالخيارات بـاني
يجتث حلف الشر من أصل أصله

الحلف قد ماطل بها قــصد عاني
بانلعن افكاره ونلــــــــــعن لشكله

ما قصده ان نبقى على (دان داني)
ونمكن الموضوع ضــحــكة ورفلة؟!

اشحذ عزومك والإباء يــــا اليماني
وسيفك البتار يــــــــــا شهم سلّه

#فريد_بن_العرار_الشريف

تسليمنا لله اول وثاني
وللنبي طه محمد واله

والراي في معصوم سبع المثاني
والقايد الله يحفظه في محله

السمع والطاعه للسيد يماني
الراي له والشور شوره وهله

ان قال هدنه تم قاصي وداني
وقال لله قالها الشعب لله

#ابومصطفى_الرضي

مابا يظل الشعب هذا يعاني
في راتبه في غاز بيته وأكله

خلاص من بعد الصمود الثماني
نفطه وغازه مستحيل بايشله

غازي ولايمكن يهين اليماني
والله قد شرع جهادة وقتله

على يدينا عرش الاوغاد فاني
وينتشر خير اليماني وعدله

#الشاعر_محمد_ابوالعز

اشمخ براسك فالسما ياليماني
و ارفع شعار هيهات منا المذله

منهو مع الله ما يصيبه هواني
كيف ينهزم منهو معه قوة الله

اثبت على المبدأ وقل للعماني
ياحرب و الا سلم من دون خله

ما با يظل الشعب كله يعاني
و لا يدوم الصبر فالعمر كله

#بدر_الكهالي

أسمع باسم الشعب كله بياني
وافهم ولا عاد تكثر الطين بله

ياحلف بن سلمان ياكل جاني
هيهات ثم هيهات مـنا المذلة

با يأتي الإعصار عكس الأماني
لكي يثبت كل شي في محله

بالنصر والتمكين يسرج حصاني
وبالخسارة يصلي الحلف قتله

#صالح_حسين

يكفي هدن ياجبر يكفي تواني
مامنها الا ضعف قاتل وعله

ماحد يبا هدنه مع ال ثاني
والصلح قل لابنا السعودي تبله

لا طايره طارت ولا درب ساني
والحظر متواصل علينا بغله

ماظن بايفتح بوهم الاماني
الا بضربه لليهودي مذله

شب النكف ياخوي قل للعماني
الحرب هي غاية مرادي وحله

#الشاعر_ذوالفقار_القيدله