دن ياالقدس والبركان دن
ودف الغرب وجاء لايدنا

والقسم لانخلي بايدن
يلعن أليوم ذي اداه عندنا

#احمد_عبدالرحمن_الظمين

اسمعوا ياطواغيت الزمن
#مجلس_الأمن_تحت_أقدامنا

ماعرفنا المذلة والوهن
تشهد أفعالنا وقوالنا

مانخاف المخاطر والمحن
والكرامات والعزة لنا

#ابومحمد_الجعفري

كل شي محسوب في هذا الزمن
#مجلس_الأمن_تحت_اقدامنا

سيدي البدر اعلنها علن
حربنا قامت وداست خصمنا

لا تراجع لا تواني لا وهن
قُدسنا صنعاء وصنعاء قُدسنا

#ابوعلي_مبخوت

شعبنا قال كلمه للكهن
#مجلس_الأمن_تحت_أقدامنا

قالها سيدي فول زمن
وقالها جيشنا ولجاننا

أسمعو ون به فيكم درن
باتجيكم صكيع ادواننا

#احمد_عبدالله_زيد

اسمعو ياملاعين الدقن
#مجلس_الأمن_تحت_اقدامنا

سيدي قالها يالله معن
قايد الشعب هوذي قادنا

لا تراجع ولافيناوهن
المعارك تجية ابطالنا

#ابوناصح_العزي

مانبالي بحلفه والخون
#مجلس_الأمن_تحت_اقدامنا

مانبالي بامريكا ومن
في صفها با يقف قدامنا

حسبنا الله ياشعب اليمن
طاعة الله نصر اخواننا

#ابوشامخ_الشرقي

ردد الشعب وعلنها  علن
#مجلس_الامن_تحت_اقدامنا

القرارات تصدر من يمن
غيرها ما طلع في بالنا

باذل الروح لغزه   و البدن
لا تراجع ابد في قوا لنا

#سياف_الضبيبي

وزن نــــعل اليــــماني الف طن
#مجلس_الامن_تحت_اقدامنا

طين غزة وصــنعاء لـــي وطن
نفــدي اوطـــاننا با ارواحــــنا

اي مجــــلس جمع شمل العفن
#جمعهم_صار_ضمن_اهدافنا

#إتحاد_الشعراء_والمنشدين

https://t.me/aboyahyaalshami

تابع المجاراة ..

البداية #ضيف_الله_سلمان

عدن وصنعاء عاهدت غزة..
واليوم يا واشنطن ‎#اوشن_جاز

بفضل مولى الملك والعزة
انجاز بعد انجاز بعد انجاز..

والله منحنا بالهدى قفزة
قل للمريكي يكفي استفزاز..!!

نفوسنا بالله معتزّه
وفي سبيله سعدنا اللباز..

#ابتسام_شرف_المحطوري

شعب اليمــن لا فـز له فــزة
عـزة كرامـة موقفـه إعجــاز

هــز الدول وانعم بها هــــزة
خلت عــــدو الله يديه قـاز

قريب نسوق أمريك كالعنزة
ونكون باستمرار في إعزاز

#وسام_الحنش

رجزة ورى رجزة ورى رجزة
وبايدن يمشي على العكاز

من قفزه القدرات لاقفزة
تطورت حتى اصبحت اعجاز

#الكرار_المشراقي

شعب اليمن كله مع غزه
مايقبل الباطل والاستبزاز

هز العدو يالحيدري هزه
ودوس كبر الهامز الماز

اقلع كيان الشر من جرزه
ومن بصف الكافرين انحاز

#ابوعلي_مبخوت

نثبت ثبات علي مع الحمزه
ولانهم الهرج والقزاز.

شعب الشرف والعز والقمزه
ومحتزم بالجنبيه وجهاز

امريك وإسرائيل مهتزه
والغرب قد بيشغل الهزاز

الشاعر #عبدالكريم_الشمسي

من حارس المندب الى غزة
تحية التبجيل والإعزاز

استبشروا في بحرنا الحمزه
حول مياه البحر الأحمر قاز


والامركة في الماء ملتزة
والموت حوله والعدو محتاز

بايدن قريب ندخله قحزة
اترقبوا التقرير في التلفاز

#اشرف_الحسني

شـعب اليمن ياغـــــزة العزة
ماهــــو بمتخاذل ولا منحاز

يحمل شجاعه مثلما حـمزة
هيبه ونخوه مرجله واعزاز

احـــــنا لها والحلف نجتزه
ونْمشّي امريكا على العكاز

#إتحاد_الشعراء_والمنشدين

https://t.me/aboyahyaalshami

والـقـدس لـن نـنـسـاه واول حـكـمـنـا
في زلـزلـة حـكـم الـيـهـود الـغـاصبين

والـفـضـل لـ ابـن الـبـدر كـلـه والـثـنـا
للـه وحـده لا لـحـلـف الـمـعـتـديـن...

#حرب_مشحم_صعده

يـــــا بدرنا يـــــــــا بدرنا يا بدرنا
لبيك قول وفعل يـا الليث العرين

لبيك يامـــــــــــن بك إلاهي عزّنا
لبيك ثــــــــم لبيك يا الكنز الثمين

راهن بنا يــــــاسيدي واظرب بنا
في وجه كمن نذل صهيوني لعين

أشر لنا يـــــــــــا (قايدي) أشر لنا
وابشر بنـا ننهي وجود الطامعين

#ابومجاهد_الغمري

احنا سلاحك يا ابن طه كلنا
اضرب بنا واهدم عروش الكافرين

ما با نقل لك لا وهذا عهدنا
يشهد علينا الله رب العالمين

جندك وتحت امرك ورأيك رأينا
وما تريده نخرجه من كل عين

والله يلعنّا ويبحث سدّنا
اذا تركنا القدس لو نبقى طحين

#محمد_الرشيدي

حنا هتفنا صوت واحد كلنا
لبيك ابو جبريل من وسط العرين

الأرض باتشهد تدفق سيلنا
والشعب يستنفر شماله واليمين

هذه صفتنا سيدي واخلاقنا
مابانبدلها على مر السنين

#ابواحمد_الغرباني

كنّا ولا زلنا كسابق عهدنا
بعزم كالفولاذ حاشا ان يلين

والله ما يفتر ويوهن عزمنا
ابشر بنا يا سبط امير المؤمنين

وشد بأسك يالفلسطيني بنا
احفاد بن ياسر لنصرك قادمين

دون القضيّة نحتسي كاس الفنى
والله يقبح قوم نحتجّ وندين

#الشاعر_بشير_الشامي

لبيك ياقايد مسيرة مجدنا
لاكل ساحه بايهب المؤمنين

وحنا معك لاما نوصل حربنا
لا ارض عكا بل وحيفا والجنين

وغد فالساحه نجدد عهدنا
إنا مع الاقصى وربي وافيين

في ساحة السبعين نلعن وعدنا
أنا مع غزه والاقصى ماضيين

#أبوصخر_الجوحمي

الشعب جاهز لو تقول ارواحنا
ياسيدي وابشر بنا في كل حين

هذا اليمن مابه. تخاذل. مننا
في نصرة الاقصى وغزه ثابتين

بايخرج الساحات كامل شعبنا
من اجل غزه نفتديها بالبنين

نبني جميع الشعب في اعظم بنا
بالدين والتأهيل والله المعين

#ماجد_عبدالله_القادري

لبيك انت الفخر يشهد شعبنا
يابدر نوره في دروب الفاتحين

لبيك انت الفخر منبع جيشنا
ان اليمن شاهد شماله واليمين

لبيك انت الفخر منهج ديننا
ياسيدي يحميك رب العالمين

لبيك انت الفخر ترفع روسنا
انته طريق الحق نصر المسلمين

#احمد_عبدالله_زيد

لبيك يابن البدر واتحزم بنا
يامن بك الله عزنا دنيا ودين

كل الولاء لك سيدي ذا عهدنا
تبشر بنا في كل ساحة حاضرين

البحر الاحمر لافلسطين حدنا
من يقربه نسقيه علقم ف الجيبن

نأتيك بالأمريك من تحت الفنا
في ثانيه قدهم تجاهك خاضعين

#ابوعلي_مبخوت

نفديك يبن المصطفى برواحنا
اشرلنا وحنا ليوث مسلمين

ودك نخوض البحر خضناه كلنا
ودك ندوس البر فحنا جاهزين

مع فلسطين فانسوي جهدنا
لايمكن الشعب اليماني يستكين

اقل واجب نبذله من عندنا
نحضر في الساحات كالأسد العرين

#ابومحمد_سحار

لبيك يابن البدر نخرج كلنا
في كل ساحه ضد صهيون اللعين

وان قلت كمو بانكم بجمعنا
ومن اعترضنا نمسحه ماعد يبين

انت الامل وانت السراج لدربنا
ارواحنا تفداك يالنور المبين

لومابقي واحد يخبر مننا
يامن جعلت الشعب مرفوع الجبين

#أبووائل_ميصان_الجرشة

لأمر قائدنااستجبناكلنا
لن نخلي الساحات لونجلس سنين

لجانناوالشعب زايدجيشنا
هي نصرة الأقصى ولايمكن تلين

مابانشوف القتل في اخواننا
وبعدها نسكت مع المتفرجين

واجب عليناننصرك ياقدسنا
قضية فلسطين تعني المسلمين.

#جبريل_الخدري

الغــــد بالسبعيـــــن نثبت اننــا
م̷ن أجل غزة للمعارك حاضرين

أشــر لنا يابن النـبي وابشــر بنا
رهــن الإشارة با ترانا جاهــزين

فـي برنا والبحـر ندحـر خصمنا
لابد ما نوصـل لمعقــل بنيميــن

حلف العداء ما رد موقف شعبنا
ما ردنا عن نصـرة المستضعفين

#مرتضى_ناجي

نفديك ياسبط النبي بـرواحنا
لبيك نخرج غد وحنا صايمين

اموالنا وعمارنا ياسيدي وبنائنا
فــداك يارحمه لـكـــل العالمين

نفخر ونعتز نتشرف لانك مننا
وقايد اختاره الباري لنا دنياء ودين

مــادمت فينا سيدي مـــابه عنا
يلين كل الصلب وحنا مانلين

#يعقوب_الخمري

لبيك لبيك ولباك كامل شعبنا
والعهد ما نترك الاقصى يمين

راهن بنا راهن بنا راهن بنا
والله يلعن كل متخاذل لعين

دام الخروج الحر يحمل عزنا
في كل ساحات الأباء متسلحين

لبيك رغم اوجاعنا وظروفنا
لبيك واحنا بالتولي صادقين

#همدان_حجي

لبيك يامن بك إلاهي خصنا
لبيك تحت امرك رجال مسلحين

نبذل جماجمنا ونرخص دمنا
ونبذل الغالي مع الله والثمين

ياداعي الرحمن هاذا وعدنا
يمين مانسكت علا الطاغي يمين

لو يزحف العالم بكله فوقنا
او يقصفونا لين نتحول طحين

هيهات تتغير مواقف شعبنا
مادام فينا دم فاحنا قادمين

#الشاعر_نزار_الكازمي

جمــعه ورئ جـــمعه علــــى عاداتنا
نخرج حــشودن تقهر المســـتكبرين

ياقـــايد الشــعب اليماني عــــــزمنا
عزمن مشيد مثلما الحيد الحصــين

نثبت ولانخــــضع ولاقــــد صــابنــا
لاضعف فينا لاملل فـــي كـــل حــين

المجاراة تعبيراً عن الحشود المليونية في مسيرة "مسارنا مع غزة.. قدما حتى النصر"

البداية #الشاعر_أبو_حيدر_عامر

يا حشد لا قبله ولا بعده
رفعت راس القدس والاسلام

عالجت حلف الغرب والغدة
وهنت الامريكان والحكام

#ضيف_الله_سلمان

سبحان ربي ذي نصر جنده
على طغاة العالم الاقزام

كما نصر جنده صدق وعده
والعصر عصر (النصر للاسلام)

#الشاعر_نضال_حُميد

لكل قوماً هاد من صعده
يشهد عليها الخالق العلام

صعده بلاد العز والنجد
دار الهدى والدرع والصمام

#أبويوسف_القاري

قل للمريكي كيفما وده
ماهم سوا الأعلام والحكام

عبدالملك حيدر علي جده
كرار لله القوي قوام

#محمد_مفلح

بعد العلم عبدالملك بعده
لا قام قمنا له على ما قام

من ساحل المهره الى صعده
والوعد يا مسرى النبي قدام

#أبوحاتم_عكه

حشود بالمليون مـحتـشـده
دعماً لـغـزه رفض للإجــرام

بعد الـعـلـم ياشـعـبـنـا بـعـده
خلف الأمين القائـد المقـدام

#عبدالعزيز_الغرباني

شعب اليمن في موقفه وحده
والفضـل للبــــاري وللاعـــــلام

احنــا رجــال العــز والنجــــدة
تشهــد مواقفنـــا بـكل اقــدام

#ابومالك_الكوماني

ما بأس هذا الشعب هو وحده
يا أمة الذله والاستسلام
.
باقي مع الباري على عهده
في منهج القرآن والاعلام

#الشاعرفرحان_السلامي

اللـــه أكبـــر ســاعــة الشـــدة
يا شعب قاهر عصبة الإجـرام

وقــوفنـا بـاقـي علـى عهــــده
لومـا اليهـودي يعلـن استسلام

#ابوليث_المحضار

احنا استجبنا كل من عنده
لله والاسلاف والأعلام..

من منفذ المهرة الى صعدة
انصار ربي النصر للاسلام..

#حمزة الديلمي

لا الوقت يثنينا ولا المدّه
ياسيّدي ما نخذل الاسلام

و أعداد قوّه فاقت العدّه
فالباس والتصميم والإقدام

#الشاعر_جبر_المهدمي

احنا معى رب السماء وحده
اقوام بعد اقـوام بعد اقوام"

هوذي منحـنا العز من عنده
واخزى يهود الكفر والإجرام

#جميل_جعفر_ابوشامخ

شعب اليمن فـ الخير و الشدّه
شعب الطوارف مرجلي مقدام

يبذل معك فـ الطارفه جهده
مشهود له من قبل مليون عام

#ابوحمزه_المقاش

مـن قـد الاسـلام مـن قـده
والـديـن مـا يـقـبـل استسلام

سـيـل الـغضـب قـد وصل حده
قـدام يـا لابـتـي قـدام

#سجاد_نشوان

شعب اليمن باقي على عهده
من قبل عام الفيل لـ آخر عام

والنصر مهماء طالـت المـده
للقـدس بـ اذن الواحد العلاّم

#مقتدى_مفلح

علم مع الله طوع الشده
وشعب مايخشى ولا ينضام

ارعب دعات الكفر والرده
واصدر على اسرائيل حكم اعدام

#الشاعر_متاش

قل للعدو يلطم على خده
ويعلن التوبة والاستسلام

طوفان صنعاء جهز العدة
وبحرنا مسجور بالالغام

#الكرار_المشراقي

شعب اليمن باقي على عهده
على طريق القدس ماينضام

من حضرموت العز لا صعده
همـه اباء عزه شموخ اقدام

#محمد_البريهي

هذا يمن ليمان في حشده
ثاير بوجه الظلم والظلام

تخشاه واشنطن دبي جدة
والصهينة وأذنابها الحكام

#مختار_البحري

علم وسيف الحق في يده
على خطى ال البيت والاعلام

من وحي عدو للقى عده
لا قام في وجه الاعادي قام

#ابواياد_المطري

يا هاجسي واسجد مئة سجده
"للواحد القيوم ذو الإكرام"

"الفضل له" و"النصر من عنده"
والحكم له ما هوش للحكّام

#ابـومـازن_الـرازحـي

يا شعب مافوق الثرى نِـدِّه
وقيادته من صفوة الأعلام

في كل جمعه يتسع حشده
وبكل موقف حطم الارقام

#سجاد_تشلان

حشود يوم الحشر محتشدة
في ساحةالسبعين لجل الشام
.
من هولها الطاغي فقد رشدة
يزداد من حشدالجمع إيلام
.
#الـكـرار_الـعـقـيـبـي

ســــــلام لك ياسيّدي عبده
يالقائد المـــقـدام والضرغام

احنا معك في السلم والشده
معك معك نستأصل الاجرام

#هيثم_المعنقي

هذا زمان نهاية الرده
وغروب شمس الذل والاجرام

بالله بانستأصل الغده
والقدس يتحرر من الاقزام

#ابوعلي_مبخوت

شعب اليمن باقي على عهده
قدام ياشعب الأبي قدام

والشخص ذي قاعد على القعده
عزالله انه خادم الخدام

#ماجد_عبدالله_القادري

النصر قادم واقترب وعده
لاحت بروقه من مدينة سام

عدن تنادي اختها صعده
والنصر قادم منهج الإسلام

#ابتسام_شرف_المحطوري

والسيف من يوقف على حده
يبقى معوق مامعه أقدام

هذا اليمن الطفل والوالد ولا.. جده
جاهز لطغيان الطغاة باالسام

#أبوخارف_ابوشوصاء

شعب الكرامه مانقص جهده
ولا تخاذل يوم من ليام

من اجل غزه مستمر حشده
يقهر نتن ياهو مع الخدام

#طه_الرازحي

ياشعب في الراحة وفي الشدّه
وافي ملـبي داعي الأعلام

اخروجـك اليـــوم أذهل الغدة
واذنابـها الانجاس والاقزام

#احمد_عبدالله_زيد

طوفان مليوني على عهده
ثاير حسيني حيدري مقدام

العالم الغربي سمع رده
والصهينة باتلقي الملطام

#جبريل_الخدري

مادام واحنا (للعلم) جنده
قدام يا شعب اليمن قدام

بانطعن الكافر وسط كبده
ونناصرك يا (غزة) الإسلام

#اتحاد_الشعراء_والمنشدين

https://t.me/aboyahyaalshami

تابع المجاراة بعنوان قادمون في العام العاشر للصمود

البداية #أبوعساف

‏تـاسع سنة مرت وجات العاشرة
وأحنا بنفس المعنوية والصمود

شعب أنتصر تحت الظروف القاهرة
لا يـمـكـنـه لــمـربـع الذلة يعود

اليوم يتحدى الجيوش الكافرة
يـقـاتل الـطاغوت وأذناب اليهود

#الشاعر_عماد_قيرح

في عام عاشر يالقوى المتئامره
بانمسح الكفار من فوق الوجود

واترقبو ياهل الوجوه الباسره
يوم التراقي عاقبتكم يايهـود

ماباتـفيد الــراجمه والطايـره
للحق حصحص مالكم غير اللحود

#أبوحاتــم عــكَّــه

الحق من غير اليماني ناصِره
والدين ماله غيرنا يوجد جنود

غير اليمن من للكيان يحاصِـره
ومن سوى الأنصار قد ذلَّ اليهود

ومن كشف عجز العجوز العاهره
لندن وواشنطن صفعها في الخُدود

#خيرالله_الخولاني

نثبت ثبات الشامخات الجاسره
وشامخ الراس اليماني كالحيود

رغم التكالب والقوى المتئامره
النصر حلفي والصداره في صعود

والله  ما تدخل  وتعبر   باخره
الا و (غزة)سالمه ظلم اليهود

#أبوحسين_العصري

سبحان من خلى يمنا ظاهره
على قوى الشيطان وأحفاد القرود

و المرتزق عطف دبي والقاهره
وفي الرياض وتركيا عبد النقود

واحنا انتصرنا والمسيره سايره
رغمآ عن أهل الشرك والعالم شهود

#الشاعر_عزيز_البروي

امريك وبريطانيا والماكره
من قد مسخهم لا خنازير وقرود

شنوا علينا حرب كبرى ساعره
والله نصرنا نصر الاسلاف الجدود

ثلاثي الشر قوه عاثره
واحذيتهم عند ارجلهم رقود

#ابومحمد_السحاري

مع ابن بدر الدين والله ناصره
نمظي معه مابانفرط بالعهود

بصمود نتحدا الجيوش العاهره
وننسف الباغين واذناب اليهود

والــموت اسرائيل تاك الفاجره
والموت لامريكا ولحفاد القرود

#أبوصخر_الجوحمي

بالله وقياده حكيمه طاهره
وشعب مؤمن فاق في درس الصمود

فيهم إباء عزه كرامه نادره
واثق بربه قد بذل كل الجهود

واجه منافق والجيوش الكافره
واليوم يخشاه المريكي واليهود

#ابوعلي_مبخوت

بفضل ربي والعيون الساهره
ومن صنع وتقن وكثف للجهود

وانتج صواريخ بأذن ربي قادره
تدك اسرائيل وأمريكا تذود

كل السفن رجعت قطع متناثره
من صابته في البحر لايمكن يعود

ـ ‎#ابراهيم الغولي

والله ما تــسبر ولاهي ســـابره
الا بمــوت الامركه هي واليهود

والحـق يبقا حــق ربي ناصره
با ينتصر والعـــز لازم مايـعـود

لاهله وترتاح النفـوس الصـابره
والعدل والايمان فا العالم يسود

#ابواحمد_الغرباني

التسع مرّت وارحبي يالعاشرة
يالعقد الاول عاد با نصمد عقود

بالامس وارينا الملوك الداشرة
واليوام وارينا النصارى والليهود

واعتى طغاة الارض ذلّت صاغرة
بفضل ربي والمسيّر والسكود

#احمد_عبدالله_زيد

دسنا على احلاف اليهود الفاترة
بفضل ربي ذي وجد هذا الوجود

امريك راس الشر دوله غابرة
في البحر لاقا مننا اعنف ردود

عاشر سنه في معركتنا الحاضرة
الفتح موعود جل ربي والوعود

#أبوالعز_الهتار

قل للمريكي بيننا في الآخره
والنار جاهز واليهودي له وقـود

خذلك عِظه من كل أُمَّـه غابره
وإلا اعتبر مما حصل بابنا سعود

( إِن تَنْتَهُوْا ) (خَيْرَاً ) وقلنا سابره
( وَإِنْ تَعُوْدُوْا ) با نِـعُـد ضمن الوعود

#احمد_امين_الكبسي

دسـنـا على حـلـف الـطغاه الـكافره
حـلـف الـعمـاله والـنصارى والـيهود

صـارت دول كبرى وعظمى خاسره
واتـحكّم الـجيش الـيماني بالحدود

لـو يـوصـل الـصـبـر الـيـمـاني آخره
بـايـحترق غـازك ونـفطك والـوقود

#اتحاد_الشعراء_والمنشدين

https://t.me/aboyahyaalshami

المجاراة بعنوان الحرب با تكبر وتتوسع

البداية #الشاعر_ابوحيدر_عامر

الحرب با تكبر وتتوسع
من اجل غزة بانوسعها

ذي ماتوقع قبل يتوقع
أم الكباير بانوقعها

والحية إللي سمها اتوزع
فالبحر الاحمر بانقطعها

#محمد_مفلح

حرام يا صهيون ما تنكع
من حتفها الحتمي ومصرعها

طريقها نحو الهلاك اسرع
مما توهم في مطامعها

وامريك لا تنزل ولا تطلع
ترحل ووعد القدس يجمعنا

#ماجد_المطري

القول سالف والعدو يسمع
ذي ماسمع للآن يسمعها

هدَّاتنا في كل يوم اسرع
تقظ لاسرائيــــل مضجعها

وعـــــاد باتفنى وتتقطع
بعد الجرايم حان مصرعها

#همدان_حجي

هيهات نتواطى ونتزعزع
وعزومنا ماشي يزعزعها

ذي ماسمع ذاليوم بايسمع
   صرخاتنا لابد يسمعها

    لابد مانزمل ومانبرع
في القدس ونطبّق شرايعها

#الشاعر_جلال_السكري

الحرب عاد الحرب باتبدع
واحنا الذي ف البحر نبدعها

ونجعل اسرائيل تتراجع
ونذل هيبتها ونردعها

احنا اساس الدين والمنبع
نقطع مجاريها ومنبعها

#الشاعر_عبدالحكيم_ابوهاشم

الحرب عاد به ثالثه واربع
لاما قوى اسرائيل نقلعها..!!

ومن فلسطين بايدن يرفع
من قبل ما امريكا نولعها..!!

اما البريطاني يـرى يسمع
ماقد حصل لا عاد يوسعها..!!

#ابومحمد_السحاري

الموت لسرائيل برقه شع
والموت لمريكا ومن معها

والذل والخزيه لمن طبع
ومدنق ابراسه ويتبعها

والحق فوق الكفر يتربع
والنصر للاسلام نرفعها

#ابوصالح_العملسي

لن تدخل امريكا ولن تـجزع
والحرب تتحمل توابعها

ذي ماقـــــنع لابد ما يقنع
الثالثة قد بان مــطــلعها

بالراجمة والـوعي والمـدفع
بانحرق امريكا ومن معها

#ابو_ميثم_الزراع

ايران تردع واليمن يصكع
ودولة امريكا نركعها

والقدس بإذن الله بايرجع
وراية الإسلام نرفعها

لو بانرد السايلة مطلع
ماحقنا مابا نوزعها

#رفيق_ابو_علي

النصر برقه فـالسما شعشع
والحاسمه بانت لــــوا معها

محور جهـادي ثار واتموضع
عينه علـى اسرائيل وضعها

لابد ما الاقصـى لنا يرجع
وصرختي فوقـــه نرفعها

#محمد_الاخرم

مهما قوى الإجرام تتجمع
لابــــد بأس الله يــــركعها

عاد الجديد الآن يتصنع
يفوقها لاقصى تــــوقعها

قواتها في البر تتضــــعضع
وفي البحر بالقوة نطوعها

#وليد_الضويني

اليوم نار الحرب باتولع
فالبحر الاحمر بانولعها

واحنا لغير الله ما.نركع
لاعداء بفضله بانركعها

من عالميه ثالثه لأربع
صهيون ثالثها ورابعها

#ابوكنعان_الروس

لابد تألم وتتوجع
وتحس بالنار تلسعها

بالحضرمي راسها نقطع
بكف الانصار نصكعها

لوتنزل السبع مانخضع
كلمه على الكون يسمعها

#ابوفتح_الاشول

و معادلات الحرب باتوضع
والله لأهل الحق شرّعها

الصهينه تُكسر و تتضعضع
والأمركه تهزم بمن معها

قل للدوافع من دفع يدفع
والله ما مخلوق ينفعها

#جميل_ابوقاسم

تغلظ ترق الحرب ماتفجع
مانحسب العالم باجمعها

تشتط من حيت مابتترقع
كلمة وبن صهيون يسمعها

مادام غزة يايهودموجع
لابدماسرائيل نوجعها

#عبدالوهاب_الفقيه

اقوى الدول بالله باتخضع
والله على ايدينا يخضعها

للصهينه بانضبط.المصنع
ونفرمت امريكا ونلذعها

ماشي لهم فلمنطقه موقع
غُدد ولاكن وعد نقلعها

#الكرار_المشراقي

منهو مع الله كيف بايخضع
قولو لاامريكاء ومن معها

والله لونفنا ونتقطع
مانقبل الباطل ونتبعها

والقدس منا عهد لايرجع
والغذة اسرائيل نقلعها

#شاعر_بلاد_الروس

والله لو تسلم وتتمنع
ماحد على الدنياء بنافعها

دام المسير فالسماء تطلع
لابد ماتضرب ونوجعها

الحرب باتكبر وتتنوع
ثم الحصار ذي بايجعجها

#ابوفتح_الجرادي

ماحـد لصهيـون بـايشـفـع
والأمركة حــان مصــرعها

والشر فـي الأرض بايـقُمع
مع قـوى الكـفـر بجمـعهـا

في معركه نارهــا تــولــع
على الشاطين مــافضعها

#الشاعر_ابوجهاد_صبر

اليوم يوم الغرب يتدسع
وهيبة امريكا ندسعها

اليوم يوم الامركه تخضع
وشعبنا ذي با يخضعها

اليوم يوم الحرب تتولع
وابن النبي ذي با يولعها

#ابوعلي_مبخوت

لابد مسرائيل تتجرع
وامريك وبريطانيا معها

قتله ولانقبل بحد يفرع
لاما أللاه الكون يفرعها

لاما اليهودي مننا يرفع
ويفهم الكلمه ويسمعها

#الشاعر_جبر_المهدمي

واحنا لها نهجم ونتموضع؛؛
من كل جانب بانولعها؛؛

شعشع بريق النصرقدشعشع"
واليهوده "بالجِذر" نقلعها.¡

لن تجدي امريكا"ولن تنفع.."
وكل القوى" بالله نركعها"

#زياد_السنافي

من ارضنا اسرائيل تترفع
من قبل ماناتي نصرعها

والامركه قولوا لها مقلع
والا من الكِركَار نقلعها

من ذا الذي للصهينه ششفع
من نار حمرا بانولعها

#سجاد_تشلان

والقصف يتعاظم ويتنوع
يهدم عروش الظلم بأجمعها
.
سقف السما للأرض بايوقع
والا إليه القاع نرفعها
.
مادام غزة عيونها تدمع
عين الكيان اليوم نفقعها

#ابوحاتم_عكه

والبايدن لابد يتجرَّع
حسره ندامه ماتوقعها

لابد من ضرباتنا تدمع
عين النتن ياهو ونقلعها

المحورالحرالعظيم.اجمع
يستأصل الغده وينزعها

#اتحاد_الشعراء_والمنشدين

https://t.me/aboyahyaalshami

تابع المجاراة أستجابة للسيد القائد بدعوة شعبنا العزيز في الخروج يوم غد خروج مليوني واسع جداً لترجمة ثباته وفاعليته.

البداية #عبدالحكيم_النمري

أبشر بنا ياسيدي عند اللزوم
سمعاً وطاعة يابن خير المرسلين

على خطى الأجداد شدينا العزوم
هيهات نتراجع ولا يمكن نلين

والنصر للإسلام والكفر ا-مهزوم
سنة الآهية على مر السنين

#الشاعر_الجريح_ابوحيدر_عامر

احفاد الأنصار الزحازيح القروم
لله سلمنا وبﷲ واثقين

هاماتنا بين الثريا والنجوم
ما تنحني إلا لرب العالمين

عاداتنا فالحرب كسار الخشوم
خصومنا منا يلوذو مدبرين

#ابتسام_شرف_المحطوري

أمام وقفة شعبنا ،الباغي قَزوم
لإن له قايــد حسيني لا يليــن

لاساحةالسبعين في وجه الهزوم
نصرخ وصرختنا تزلزل كل شين

في كل قرية لأجل غزة سل مزوم
وابناء شعب العز جمعاً مخلصين

#جميل_ابوقاسم

لاكل ساحة نرزم العدوان رزوم
واحنا معاك ياسيدي دنيا ودين

بانخزم اسرائيل فاالنخره خزوم
ونجرر ابوها باالشمال وابااليمين

وان مامشت باالحد نجزمها جزوم
وانحرر الاقصى معا المستضعفين

#زياد_زيد

ابشر بعزك سيدي نمضي قدوم
احنا ارجـال الثابتين المخلصين

ابشر بنا واحنا الرجاجيل القروم
سـيـوفـنـا على رقـاب المعتدين

النصر قـرب والعـدو مـا بـايدوم
بإذن ربي عـاد منكـوس الجبين

#ابو_صماد_الفليتي

لله درك ياعـّـــــلم قاد القروم
يانور ساطع بأذن رب العالمين

في طلتك ياسيدي زدنا عزوم
والمعنوية عالية طول السنين

أشر لنا وابـشر بنا في كل يوم!!
مانخـــــذلك ولا نفرط او نلين

#أبوحسين_العصري

لبيك وقت الحرب والا في سلوم
كل القبايل والفرق متجهزين

رهن الإشارة سيدي ننسف نيوم
ونأدب الأعراب ذي متطاولين

جدار بن يامين والغازي نسوم
في كل جبهات الشرف قرآنيين

#ابواياد_المطري

احنا معا غزه أبد (وعلى العموم؛
هيهات نخذلهم ولو نرجع طحين)

لو تستمر الحرب مليارين يوم
لا بد لاسرائيل من وعدً مبين

بامر الذي ينشئ في الجو الغيوم
واحنا بوعده جل شانه واثقين

#محمد_الرقيمي

مـعك معـك ياسيدي في كل يـــوم
ننــفر وحاشى يــا علــمنا نــستكين

ندعس انوف الشر وندوس الضلوم
لامــــا يـــفرجـــــها الــــــه العالمين

مـحال نترك اهــل غــزه للـــخصوم
مـحال نترك قــدسنا الطاهر حــزين

#أبورماح_شداد

ياسيّــــــــــدي أشّر وبشّر بالقدوم
غزّه والأقصى والرجال الصامدين

وإبشر بنـــــا بالحشد والا بالكموم
ما بانلين أو بانحيــــد أو نستكين

أقسم بمن زيّن سمــــــانا بالنجوم
إنّا معك ياسيّـــــــــدي دنيا ودين

#مرتضى_ناجي

لبيك يامن صورته تجلي الهموم
وضحكته تجعل من القاسي يلين

لبيك في فجر الصناعه والعلوم
ياسبط باب العلم والفتح المبين

اشر تلاقينا على الا عداء رجوم
اسرع من النجم في طرد اللعين

#الشاعر_متاش

راهن بنا العالم ودوم الكفر دوم
في كل وقت وكل ساع وكل حين

وابشر بنا ناتيك في زين العلوم
والجن ناتيهم إليك مربطين

ياخير قائد قاد الاقحاح القروم
وارعب قوى الطاغوت والمستكبرين

#حامد_النمري

ابشر بنا يانجم من خير النجوم
يابدر ساطع في الدجا نوره يبين

اشر وبعدك كل وافي بايقوم
ماهمه ارتال العتاه الضالمين

معك معك مدامت أنفاسي تدوم
والله لن نرجع ولا يمكن نلين

#ابورعدالله_فهد_الصراري

ابشر بنا واحنا الطحاطيح القروم
ياسيدي احنا لقولك طايعين

بايملوا الساحات في وقت القدوم
شجعان لأل البيت هم متوليين

غشوم ويل الكفر والجيش الغشوم
وابن اليهوديه لنا هم خاضعين

#الشاعر_أبوعزام_الشامي

معاك معاك يا سيدي وقت الهجوم
في سلم وإلا حرب والله المعين

ملعون من منا تراجــع في القدوم
وإلا يغير موقــفه وقــت الحنين

إحنا جـــنودك سيدي دومــآ ندوم
نحــــرر الأقـــصى وغـزه وجنين

#طه_الرازحي

لبيك يابن البدر في حربُ وسلوم
العهد باقي والوفاء طول السنين

ابشر بعزك من ملايين القروم
في كل يوم وكل جمعه مانلين

هيهات نتغاضى عن إجرام الظلوم
لو مابقى في دمّـنا نخوه ودين

#ابو_وعدالله_هفج

رهن الإشارة حشّد إعداد وهجوم
و إبكل غالي للــه ولـك بايعيين

عزومـنا فــوق الثريـاء والنجـوم
ولاجل غزة نرخص الغالي الثمين

وبا تسوم المـعـتدي نـار السموم
وبئس بئس العاقـبة دنيا وديـن

#ابوعلي_مبخوت

شعب اليمن شعب النشاما والقروم
ملبي السيد على مر السنين

لوتشتنا ياسيدي في كل يوم
وجه لنا وحنا جنود مسللمين

احنا وغزه اخويا وبنا عموم
مبانفرط في دماء المستضعفين

#أبوصخر_الجوحمي

مش يوم فالاسبوع لوهو كل يوم
لو يؤمرالسيد فبعده طائعين

طوفاننا والعاصفه فيهم تحوم
وعن قريب للقدس نأتي فاتحين

ساحات ومجنح مسير من رجوم
ومقاطعه وشعار يرفع كل حين

#اتحاد_الشعراء_والمنشدين

https://t.me/aboyahyaalshami

المجاراة بعنوان كم جرائم شافها حتى الكفيف
وأمة الاسلام موقفها جبان ‎#غزة

البداية ‎#ابوحيدر_عامر

أمة المليار موقفها ضعيف
قلها ﷲ عليها المستعان

تنصر الاسلام والقدس الشريف
صمتها يخدم مشاريع الكيان

كم جرائم شافها حتى الكفيف
وأمة الاسلام موقفها جبان

#مقبل_جرام

طالما والقرد الامريكي يخيف
أمة المليار ماعد به رهان

لا على حاكم ولا شعبِ سخيف
كل ابوهم كالغثا عند الطعان

يا حماة الدين بالحـد النظيف
بلغوا يحيى يعجل بالبيان

#همدان_حجي

مابقي غير اليمن صافي نضيف
ماخضع للهيمنة والأرتهان

جاهزيه عزم واقدامه مخيف
معنويه فل غيره عنفوان

اليمن يامن تشوف انك ضريف
ارعب امريكا ومردغها وهان

#الشاعر_محمد_مفلح

ما يبر الجرح ويكف النزيف
صمت في ذله وجلسه في امتهان

والله ان الوجه يا غزه كسيف
شوق عيني حين يجمعنا مكان

واليهودي في مشاف البرجنيف
نعنبا من باع يا غزه وخان

#محمد_البريهي

والقسم ماكان لامتنا وصيف
في الأمم واليوم بالذلة تهان

لانها شافت عدو الله حليف
وعالمريكي وابن صهيون الرهان

باقي حزب الله واحرار القطيف
والقدس وإيزان والشعب اليمان

عزهم بالله والدين الحنيف
محور مقاوم تشابك كالبنان

‌‌‎#مازن_بَرَاش

والله إنَّ الحق يُبطل كل زيف
والحقائق واضحة طول الزمان

تسقط أمريكا كما اوراق الخريف
والكيان نجرّعه كأس الهوان

انتقل ياموقع القدس الشريف
عندنا وإلا بدَل موقع عُمان

نعلّمك كيفيَّة الشُغل النظيف
قِف وشاهد كي تكن(شاهد عيان)

#ابوناصر_البيضاء

أمة الإسلام والدين الحنيف
بالغه ذروة سنام الامتهان

غضت أعينها عن الجرم العنيف
واصبحت للكفر قيد الارتهان

با نعيد المجد بالحد الرهيف
لعنبو من عاش في واقع مهان

#ابوكنعان_الروس

أمة الميار نامة في الرصيف
بعد ما اتولت يهود التركمان

ذلها التطبيع والشغل النظيف
في العمالة والنفاق والأرتهان

لاالمجلس الدولي ولاقمة جنيف
يسوى لغزة شعرها والبنان

#ابوفتح_الاشول

من أمام الجرم والقصف العنيف
شافت الاعين ولا ينطق لسان

اموالها ما قدمت خبز الرغيف
واعمالها تدعم بها الغرب الجبان

كم تشوف الغرب في ذلة مخيف!!
ما تخاف الله القوي المستعان

#ابـومـازن_الـرازحـي

بالدقايق ٱلة امريكا تضيف
مجزرة في حق غزة والثوان

والعرب ذا نوم والٱخر حليف
وامة الإسلام في غفله جنان

واليمن والشام موقفهم منيف
والأمل فيهم وبالله الرهان

#ابوحمزه_المقاش.

كـم ضحايا يقتلو جنب الرصيف
والـعـرب وابـتـالـهـم شاهد عيان

صمتهم مالـه على الدنياء وصيف
لـعن ابومسـلـم قـبـل بـ الامتهـان

والـيمن وحـده مـعـه موقف نضيف
بـا يـوصّـل لابـتـه بـر الأمـان...

#الشاعر_ابوجهاد_صبر

واقع الأمة قده واقع سخيف
واقع اخضع واقع اخمل من زمان

يبتري الاسلام والدين الحنيف
إن لـ.اُمّةّ ذ الزمن عنده مكان

يوم الأقصى قد زهم منهوا شريف
كل فاسق حطّ الايدي في الأذان

#جميل_ابوقاسم

امة المليار لسرائيل خريف
والعمالة في دماهم من زمان

يوم غزة طالها القصف العنيف
ماحدا منهم صطي يسطر بيان

لن وزن المرحلة فيهم خفيف
والبطون والروس باالذله ملان

#ابوفتح_الجرادي

كُل هذا الذل والوضع الحسيف
من جنايات الذي خـان الأمـان

تاة بــــالأمــة وعطلهـا نضيـف
بعـــد عـــزة للمذلـــة والهــوان

واصبح الأسلام متقاعد كفيف
بعد ما الله ارفعة وعلاه شــان

#زياد_زيد

صمتهم اصبح في الواقع سخيف
والـجرايـم شاهـده شـاهـد عيـان

الـمـنـازل والمـشـافي والـرصـيـف
هـدمـوهــا والـبـشـر فـيـهـا مـلان

شعب(غزة) زاد جـرحـه والنزيف
والـيـهـودي مـتـهـم واكبــر مِدان

#ابوزينب_الوجمان

مواقف الأمه مع غزه ضعيف
ما غير قله وان يعدوا بالبنان

أما البقيه ما ادخلوا حتى رغيف
لاخوانهم ولا صدر منهم بيان

ضد اليهود وينصروا الاخ الضعيف
اللي استباحواارضه وعرضه من زمان

انا اشهد ان اسلامهم اسلام زيف
ما هو سوى دعوى من اطراف اللسان

#ابوعلي_مبخوت

قالو ان القرد مايطلع صفيف
عندنا هذا المقوله من زمان

الخليجيين لأمريكا حليف
يعرضولك بصمايط والزنان

واهل غزه يشتكو قل الرغيف
كلشي في ذا الزمن للناس وبان

#حيدر_علي

مالها ما تنصر الدين الحنيف؟!
مالها ما تصدر اليوم البيان؟!

ما هنالك غير ربي من يخيف
خوفنا منه ومن ناره أمان

لغّفوهم من خشوم البرجنيف
وإسّروهم سحب لكن بالأذان

#الشاعر نزار_الكازمي

صاع يركم صاع والشعب الحنيف
بايخلي البال بعـده الف دان

السماء اهتزت من الجرم العنيف
والعرب ماحركت حتئ لسان

كيف تدعي الله بلاسلام كيف
وأمة الاسلام موقفها جبان

#الشاعر_ابو_علي_الريامي.

امة المليار خيفة من ضعيف.
ضعفه اتجلى في الواقع وبان.

واجهت لجله يمن طاهر نضيف.
واجرمت واجرامها واضح عيان.

مالها موقف من الاقصى الشريف.
او ادانت جرم صهيوني جبان.

#أبوصخر_الجوحمي

قتل بالآلاف. بالشكل المخيف
والعرب في صمت متخاذل جبان

اهل غزه ما يجد حتى الرغيف
حرب مابه مثلها في ذا الزمان

تابع المجارات دعوة للحضور غد في #ميدان_السبعين في العاصمة صنعاء وجميع الساحات في المحافظات نصر لإخواننا في #غزة وتلبية لدعوة #السيد_القائد حفظه الله

البداية #الشاعر_ابوحيدر_عامر

شعب التحدي والحضارة والصمود
جاهز مسلم لابن طه قايده

في كل ساحة غد با نخرج حشود
نصمد كما في الحرب غزة صامدة

احنا لدين الله والاقصى جنود
واحنا بروق الحق واحنا راعده

#الشاعر_ابوصالح_الحربي

ياسيدي لبيك واحنالك جنود
والشعب كله في يدك ياقائده

احنا لك الانصاروافين العهود
أشر فقط تكفي إشاره واحده

وابشر بنا ياسيدي نقبل وفود
لا كل ساحه ك السيول الوارده

#ابوطه_الروسي

أبشر بعزك سيدي نأتي وفود
رهن الإشارةفي دقيقةواحده

الموت لامريكا ولعنه لليهود
الموت لأسرائيل تبقى قاعده

ياغزةالعزة ويارمز الصمود
النصر آتي والبشائر وارده

#الشاعر_نزار_الكازمي

اي بلله ان شعب ثابت كالحيود
في موقفه والكون كله شاهده

صادقين العهد وافين العهود
بعد العلم شعبي قوئ متسانده

من اجل غزه مادخل يده قيود
بصرخته دك اليهود الحاقده

#ابوشاجع_بن_فلاح
.
بانملي الساحات غدوه بل الوفود
بصف مــــتوحد وكلمه واحــــده
.
تنديد وستـــنكار لعمال اليــهود
ونصره الا قصئ وضد القاعـده
.
ومن تخاذل ماحضر بين الاســود
سجل على اسمه مامن امه فايده

#أوس_مرفق

عشرين مليون يزئرو مثل الأسود
بكره في السبعين صيحه واحده

نقهر بني صهيون واذناب اليهود
ونْحَمي الساحات لاهي بارده

ونْصَحي العالم إذا عاده رقود
ونْذَهِن الأمه لأني راقده

#ابوعلي_مبخوت

نبرئ من أمريكا ونلعن لليهود
في كل جمعه والعوالم شاهده

الشعب كله يزئرو مثل الاسود
يصرخ في السبعين صرخه جامده

شعب اليمن الشافعي هم والزيود
بيخاطب العالم بكلمه واحده

#الـشاعر_أبومحمد_الجعفري

لبيك( أبو جبريل )با نقبل حشود
لـا كل ساحه في يمنّـا الصامده

نجتاح حِلف الشر واشباه القرود
والنصر في غــزه تـبـايـن راعـده

تحشيد للساحات وللجبهه رعود
ولـجل "غــزّه" نرتـقي ونـسانده

#ابو_وعدالله_هفج

يالشامخات السود ياهذا الوجود
انتم شهود حشودنا المتوافدة

للقدس با نمضي موفّين العهود
وخير شعب وخير قائد قائده

والويل ذوّقنا ملاعين الجدود
واخر مشاهد للسفينه شاهدة

#اتحاد_الشعراء_والمنشدين

https://t.me/Poetsanalogous

تابع المجاراة ‏عن الجوله الرابعه من التصعيد

البداية ‎#ضيف_الله_سلمان

الشعب لك ياسيدي سلّم وفوّض
وقالها صورة وصوت..

والبحر الاحمر فوّضك والبحر الابيض
وبايدن قد بايموت ..!!

#ابراهيم_الشرفي

الـيـوم واقـع سـرعـة التصعيـد يفرض
رغم انف بـيـت العنكبوت

في ظرف ما العالم فقط فتّح وغمّض
يلقى السفينة بطن حوت

#جبر_المسعدي

البيت الابيض من قفاء المداد كربض
وباض بيضة عنكبوت

والحرب عاد احنا نباء يطول ويعرض
ونحرق ايده والكروت

#محمود_الجنيد

مادام كل الشعب بـ القرآن شَبَّض
وقام للباري قنوت

ماهمنا امريكاء ولا من جا وحرّض
فاحنا معك لوما نموت

#مقبل_جرام

بعض الفرص بالفعل لايمكن تعوّض
محال فرصتنا تفوت

بجهادنا طاغوت أمريكا تقوّض
وحوتنا بالبحر حوت

#عبدالله_العباد

و مـقبنـة كـمـّن مجاهد وسـط مـربـض
فـي بـرّهـا والـبـحـر حـوت..

والمـرتزق في داخـل الخوخه مكربـض
يخرس ولا نـسمعش صوت!!

#ابو_مصطفى_الرضي

من غير ابو جبريل ذي جاهد وحرض
من أجل غزة لا تموت

ضرب عصا موسى على امريكا وقوضّ
طغيان بيت العنكبوت

#الشاعر_عبدالحكيم_ابوهاشم

شعب الأباء والعز لا الساحه تروّض
من قبل كانوا في البيوت

بفضـل قايـدنا العلم للشعب حـرّض
من قبـل ما غـزه تموت

#ابوكنعان_الروس

حصار على أسرائيل من الانصار يفرض..
كموم لاوسط البيوت

ماهمنا العالم يموت يغتاض ويمرض..
من عندنا قطع الكروت

#صالح_حسين

وسعود للزنار قد سلم وفوض
وبايرجعو عالة خبوت

والرابعه يابوظبي دورش معوض
مابا تذوقي ماء وقوت

#ابوفتح _الجرادي

هذا العـدو مهـما يطـولهـا وعرض
نهايــــة أسرائيــل مـوت

ون غرتة نفسة وصدقهـا وكرّض
جهنم الحمــــرا يفوت

#عبدالعزيز_الغرباني

ياشعبنا الحر الابي نحو العُلا انهض
وقل لأمريكا تموت

اعلن حصارك في مياه البحر الأبيض
ومن تحدانا يفوت

#ابوكنن_محمد_منصر

مادام والسيد من الباري مفؤض
نحيئ معة ولانموت

خلوا طويلات المداء تطول وتعرض
من ذي صنعنا فرط صوت

#ابـومـازن_الـرازحـي

يابن النبي يامن لسيف الحق منتض
واحرق على امريكا الكروت

تفويضنا لك في نعيم الحال والمض
صعـِّد بنا صوره وصوت

#أبورماح_شداد

الرابعه جوله من التصعيد تفرض
فالبحر والا فالخبوت

طوفاننا عاد بايطمّ البيت الابيض
ونقتحم... كل البيوت

#طه_الرازحي

اتهاوت اركان العدو في البيت الابيض
كما نسيج العنكبوت

من افتتاح الباب في تصعيد منعـض
جولة تشوت الكفر شوت

#أبوصخر_الجوحمي

عدونا من كثر مايضرب تروض
ملطام بعده دعس شوت

جوله وراء جوله ورابعها للابيض
وبإذن ربي با يموت

#الشاعر_متاش

على بني صهيون بانحكم ونفرض
حصارنا حتى تموت

ومن مرض من زمرة الأعراب يمرض
لا للخيانة والسكوت

#ابوفتح_الاشول

ملاحة إسرائيل تتناقص و تخفض
تصبح موانيها سبوت

ما ينفع التمويه أو صدفه ولا حض
تحرق وتتساقط كروت

#ابو_صماد_الفليتي

الموت لأمريـــــكا ولسرائيل ندحض
ونشوتها في الحرب شوت

وعد الله الصادق وهذا الوعد يفرض
في كل ساعة باتفــــوت

#ابوحرب_الحالمي

يالرابعه تصعيد في كل مربض
ثبوت يا شعبي ثبوت

في جوها والبر والبحر الابيض
يا ننتصـــر يا نمـوت

#ابو_هادي_الغمري

زبانية صنعاء بــ مايو سوف تعرض
(سقر)كذا صوره وصوت

في الجوله الرابع يفتح ذي مغمض
العام ذيه مـــوت مـــوت

#ابوعلي_مبخوت

مادام معنا قلب يتحرك وينبض
نرد لون البحر توت

احنا اللذي بانحكم العالم ونفرض
ومن رفض مابايفوت

#ابوحمزه_المقاش

من هـولـهـا الاجـرام بـ الـمـارنـز بـيـض
والـوجـبـه الـبـاقـي شـفـوت

يـا بـحـر كـلـه غـيـض من غـزه تـغـيـض
نـحيى بـعـزه او نـمـوت

#أوس_مرفق

ياسيدي عوضــــــــت ذي ماقد تعوَّض
في زمان مخلوع بوت

واليوم صعُّـــــــــد لجل غزه أو تعرَّض
وحرك الجان بالرموت

#ابو_وعدالله_هفج

امضي بنا الأرض بالطول والعرض
ون قلت موتوا بانموت

ياساكن الغرب مالك عندنا حض
ولا نجونا إن نجوت

#ابومحمد_سحار

ماقال سيدنا وجب يمشي ويفرض
رهن الاشاره بانشوت

تعشيق رابع للبوارج باتفضفض
للحوت باتصبح بيوت

#احمد_امين_الكبسي

وكيف با نسكت ودام الطفل يمرض
بلا دوا حتى يموت

بدون رحمه بانواجهم وندحض
بعون ربي بانفوت

#ابوشاجع_بن_فلاح

معك معك ياسيدي شعبي تروض
في بحر ولافي خبوت

لامابدئ يحيى سريع الشعب يمرض
خله يعوظ كل فوت

#حمد_الكبسي_الوايلي

خلو المنايا السود تتوسع وتعرض
ترجّع امريكا فتوت

دام الطفوله باالمجااعات تعتض
الصهينه لازم تموت

#ركان_يعقوب

الله يلعن والدي من را وغمّض
وشاف اطفالً تموت

مابه سوئ شعبي مع الاقصئ مرمّض
ممنوع من ماءه وقوت

#حيدر_علي

المفترض مفروض والمفروض يُفرض
فرصة ولا يمكن تفوت

تصعيد أطول من مدى الأبعاد واعرض
من جحر يسكن فيه حوت

#عماد_دايل

يا سيدي عبدالملك صعّد وفـضّفض
واحنا معك حتى نـمـوت

كلّ السفن ذي للعدو تبحُر لها افرض
عـقـاب يـمـنـعـهـا تُــفـوت

#اتحاد_الشعراء_والمنشدين

https://t.me/aboyahyaalshami