مجاراة اليوم عن (النصر وعد الله لاوليائه المؤمنين) على تحالف العدوان الامريكي السعودي..!!

البداية للشاعر #علي_الاقرع

النصر الاكبر بين شعبان و رجب
قل للخصوم اليوم غير البارحة..

لو بايسيل الدم لا فوق الركب
لا بد من مارب بكلمه واضحة..

#الشاعر_محمد_الهلالي

فوق الذلول اللي يخطمها الأدب
اقبلت اقبال الشموس القارحه

مااعز من مارب على قلبي واحب
الاّ الحواضر والبحور المالحه..

#الشاعر_حسن_السعيدي

الجيش الانصاري ليوم الحسم هب
على ظهور الصافنات الجامحه

تحرير مأرب من قوى الباطل وجب
ونعم بفزعات الصقور الجارحه..

#الشاعر_محمد/هزاع_البهلولي

النصر باْذن الله والفتح اقترب
وتجارة المؤمن مع الله رابحه

يحمي وطيس المعركه كمن شنب
والمرتزق ما تسمع الا صايحه .

#الشاعر-محمد_الحربي

يامنزل التوبه وعمّ واقترب
نسري بعونك والنوايا صالحـــه

فوق الذي باع العروبه والعرب
قد هي نهايتهم بصوره فاضحه

#ضيف_الله_سلمان

ومن ظلم يبشر بسوء المنقلب
و(الفتح) وعد الله لاهل(الفاتحة)!!

ونظام امريكا تفرمت وانضرب
بقدرة الله بانراها نازحة..!!

#مالك_ابوهكام_الحشيشي

بالدين ندعيهم وندعي بالصحب
والقبيله بين القبايل سارحه

وان ما استجابوا للقرابه والنسب
بايستجيبوا والبنادق قارحه

#وليد_عباد_الاحمدي

يامأرب اتحزم ولبي للطلب
انصار ربي بالمسيره سارحه

والعاصفه ذي لفلفت كمن ذنب
تبعثرت تحت الجبال الناطحه

#الشاعر_بلال_الشجني

وجب علينا يا جنود الله وجب
تطهير مارب والمشاهد واضحه

ياسيدي لبيك في وقت الطلب
قال المثل واليوم غير البارحه

حاتم حاتم

الله أكـبر حــان قطّـاع الذنب
والنصر للإسلام مارب فاتحه

والمملكه لابـد ماتصلا اللهب
ماهي من الثار اليماني رايحه

#ابوالهادي_موسى

تطهير شامل كلنا عند الطلب
ما با تخوفنا الكلاب النابحة

قل للعدو قالت جهاديم العرب
الله معانا و الممالك طايحة

#فائز_الحمزي

الله أكبر ياصهاينة العرب
جتكم جنود الله صقوراً جارحة

النصر يامأرب بالأبواب اقترب
ونهاية العُملاء والأذناب واضحة

#شاعر_بلاد_الروس

اليوم ومن أول جمعة في رجب
تتطهير في مأرب. بقوة كاسحة

السد والصحرى. تحيي من احب
سبط النبي والأل. وباتت فارحة

#الشاعر_راجح_عامر

يا رب دمعي فوق خدي قد سكب
بالحمد لك والشكر شكل لائحة

كلما أشوف النصر تغشاني الكرب
ما اقدرش اعبر بالحروف الواضحة

#الشاعر_ابواحمد_العسولي

يامارب التاريخ هب الشعب هب
في سحق الاعداء ك الصقور الجارحه

شعبي تحزم بالبنادق والجعب
بالفتح والتطهير ناره قادحه

#الشاعر_الياس_المقدشي

تبت يدا الامـ ريك واسـ،رائيل تب
وتبت اذناب اليـ هود النابحه

النصر للاسـ لام من ربي وهب
والشر واهله والممالك طايحه

#علي_المحاقري

تبت ايادي الشر في ارضي وتب
احنا لهم مثل الصقور الجارحه

احنا لهم في كل وادي في الشٌعب
في البحر في الصحراء بغمنا قارحه

#عبدالرحمن_المنيعي

كوفل ومرثد مع حيد القتب
في كل جبهه رجالي ناجحه

نملك شجاعه سلو كل العرب
والحرب شاهد اسود الجارحه

#ابوكيان_الهبل

من بعد تطهيرالمناره والقتب
ربي نصرناع الكلاب النابحة

قله قليله بالبنادق والجعب
بفضل ربي يحرقون الكاسحة

#الشاعر_صالح_حسين

الدعس للامريك واذنابه وجب
والنصر قادم والمعابر قادحه

السيل في مارب لبن سلمان جب
والحلف يتلقى خساير فادحه

#ابوطه_العزي

ونصر ربي قد تحقق واقترب
مادام جندالله فوقه سارحه

تطهير فيالجوبه وفي وادي صلب
والرون والطلعه خذوها البارحه

#ابوعلي_البريهي

مع آل طه الجهاد والله وجب
ضد المريكي ضد كلاب(ن)نابحة

بالنصر جيزان(ن)ونجران وعلب
تشهد وخيل آل النبوة ظابحة

#ابراهيم_الحوالي

يخسى تحالفهم ويخسى بو لهب
من بأسنا صاروا كلابا نابحه

تنكيل من ربي وربي ذي وهب
عونه وتأييده وقوووه ذابحه

#عبدالواسع_صايل_الغولي

شعبي تفجر مثل بركان الغضب...
دخل مع الله في تجارة رابحة...

والمعتدي يصلى لساسين اللهب...
يموت ويخسر والخسارة فادحة...

#مهدي_احمد_مفلح

ابدل مداد الحبر من ماء الذهب
واكتب حروفي يا زمن في اللايحة

دقت طبول الحسم والنصر اقترب
واذيال سلمان الهبيلة طايحة

#بلال_الصوفي

ماعاد في استغراب ماعادفي عجب
النصر باين والبشائر واضحة

أخزاهم الرحمن من بين العرب
واليوم بانقرأ عليهم فاتحة

#ابوحمزة_ماجد_نشير

ذي يقبل ان الغرب تجتاح العرب
اقراء عليه يس واقراء الفاتحه

ومن تحالف جمب شلة بو لهب
جاته معابر من بنادق قارحه

#عاقل_بن_صبر

خَفّت موازين النصارى والعرب
وتجارة المؤمن مع الله رابحه

المعتدي يبشر بسوء المنقلب
وكفة الشعب اليماني راجحه

#زيد_الخراشي

لقد هوى النجم السداسي واحتجب
من طلة البدر المنير الواضحه

وحلف واشنطن ولندن ماكسب
الا هزايم فالمعارك فادحه

#إتحاد_الشعراء_والمنشدين

https://t.me/aboyahyaalshami

مجاراة اليوم عن (معية الله وتأييده للمجاهدين في سبيله)

البداية #الشاعر_محمد_الهلالي

إسْرجْ خِيُوُلْ التَفاؤلْ وإبْتَسِمْ للّحيَاَهْ
ماجاك بالحُزْنْ يُوُمْ يِجيْكْ بَالسُّعْدْ يُوُمْ..

(قَمِيْصْ يُوُسِفْ) أَتَىَ بِالّحُزْنْ وأعْمَىَ أبَاهْ
فِيْ يُوُمْ وْبْيُوُمْ آخَرْ جَاَءْ بِزَيْنْ العِلُوُمْ..

وَمَادَاَمْ رَبِّيْ مَعِيْ وَاْنْصَاَرْ رَبِّيْ حُمَاَهْ
أَحَدٍ أحْدَ يَا رجال الله حَاَنْ الّهُجُوُمْ..

#ضيف_الله_سلمان

على هدى الله شعب العز جدّد ولاه
وكل مؤمن بوعد الله شد العزوم..

(وجاهدوا)(واصبروا)هي مثل(اقيموا الصلاة)..!!
وذي امرنا (نقاتل) قد امرنا (نصوم)..!!

ومن يهمّه رضى ربّه..(إذا ما ابتلاه)
يصدق ويثبت ولايخشى فيَ الله لوم..

ونسال الله يوفقنا بنهج اولياه
من ضمن من قال عنهم(سوف يأتي بقوم)..!!

#شداد_حميد

الوعد قدام والايمان طوق النجاه
والراس مرفوع والهامات فوق الغيوم

واهجم علۍ كل خائن بن سعود اشتراه
خليه ب الظهر يا مؤمن يشوف النجوم

من باع ارضه وعرضه للحفاه العراه
يذوق من بأس هذا الشعب نار السموم

#مهدي_أحمد_مفلح

ميقات ربي دهم في كسر حلف الغزاة
والنصر شفنا بريقه مثل نور النجوم

غالي وطنا ولازم ما نطهر ثراه
من كل مجرم ومتامرك وخاين غشوم

وابن اليمن مسرج الميدان روحي فداه
باسه صعد مثلما هيلان بين الغيوم

#أحمد_عطاء

لما طغى الليل قلنا له سفينة نجاه
وكلنا نلتحق بالركب رغم الهجوم

سربل النصر والدنيا وخرّت جباه
وارجعت من مارب العزة مآقي العزوم

واستبشر القوم والأيام عزه و جاه
ياسد مارب طوّفنا طوافَ القدوم

#الشاعر_أحمد_درهم

على خطى صبر إبراهيم يوم ابتلاه
الله هيأ له المخرج وزاده علوم

ومن ندا المبتلى أيوب واللي تلاه
ناداه والله فرج كربته والهموم

والمصطفى يوم لبيناه وعلى ولآه
سرنا على النهج ننهي كل ظالم غشوم

#أبوغزوان_الوحيشي

دمنا مع الله وابن البدر عزة وجاه
بانكتسح كل عايق وانتضر للعلوم

با نٲخذ السد والمعبد قلوا للطغاه
وعرش بلقيس صوبه صافنات الطقوم

هيهات نترك قدم من شعبنا للغزاه
مارب وما خلفها ياحايم الموت حوم

#الشاعر_صالح_حسين

الله سدد رمانا جل ماقوى قواه
ايد عباده بقوة باس وافنى الخصوم

جبار قادر مع ابن البدر ضد الطغاه
ارسل له ايات كبرى ماتبا شي علوم

شاف النوايا سليمه يوم عبده دعاه
والغوث منه اتانا وانتهي يالرخوم

#فــارس_المعــزبي

حلف سلمان بالصحراء تفرّق وتاه
يوم طافة كتايبنا طواف القدوم

الجماجم تطايرها رصاص الرماه
والمباني تزلزلها طيال الخشوم

والمعيــة إلهيــه بكــل إتجــــاه
حيث قامة بنادقنا معاها تقوم

الذيب الذيب

الشعب قرر قراره يرتوي من ضماة
يكفيه ماقد حصل من حارقات الحموم

من خلف قايد وربي من يحقق مناة
وكل العداء مناياهم بمأرب تحوم

#عاقل_بن_صبر

الحمد لله جبار السماء في علاه
ايّد جنوده وعين المرتزق ماتنوم

بعنا من الله الانفس وابتغينا الإله
رضاه عنا ينسينا الألم والهموم

الأمر بيده وهذه سنته في ملاه
جهاد ومناضله لاما القيامه تقوم

#عبدالرحمن_المنيعي

احنا مع الله ضد المجرمين الطغاه
والوعد محتوم فوق المرتزق والخصوم

نزحف على اعداه وندمر جميع الغزاه
لازم نطهر بلدنا يالرجال القروم

نغزي ننكل ومارب قد رجالي تباه
يا كل قحموم فزعه في ظهور الطقوم

#أبوكيان_الهبل

الحمدلله ملان الارض واملاسماة
ذي ردالانصارمن وضع الدفاع للهجوم

والحمدلله اذي عالي ولاحديراه
هوذي نصرناوهوذي عانناكل يوم

قله في الكهف ايدهم وذل الطغاه
وهم رقود كيف ماذي حن فوق الطقوم

#ابوالهادي_موسى

سبحانه الله نحني له جميع الجباه
ونطعفر اعداه ونطوع جميع الخصوم

هو وحده الله مولانا و لا به سواه
ذي جرع الحلف بايدينا شراب السموم

واحنا مع الله مانخشى حشود الطغاه
لو يقصـفـونا ب ذرية و يـورانـيـوم

#عبدالواسع_صايل_الغولي

اعزم مع الله ومحمد وسفن النجاه...
ودوس وادحر عدوا الله وقت الهجوم....

اركن على الله وعند الله عزة وجاه....
ذي بايمدك وبايرعاك وقت اللزوم....

والنصر وعد الله الصادق لعبد ارتجاه....
سبحانك الله مابش غير حكمك يدوم...

#مرتضى_شريف

لو نوّمت نفخة الصور العبيد العصاة
والا تغاضت جهنم عن عذاب الخصوم

ما يستريحوا ولا تهنى لبوهم حياة
وعاد في الأرض مَن يسعى برجل الهجوم

الله معانا وهو بيعز من هو معاه
ويذل من هو مع غيره بليلة ويوم

#زيد_الخراشي

من يعرف الله يبذل كل شي في رضاه
رخيص ويسوم نفسه في رضى الله سوم

ماخاف في يوم من لــــ ايام مما سواه
قولوا لواشنطن ان الظلم مابايدوم

صاروخ الايمان ماصاروخ يبلغ مداه
ولاكيورانيوم الحق يورانيوم

#ابوريدان_الجبري

داس اليماني بنعله فوق روس الطغاه
مادام والوضع في مأرب كموم الكموم

والنصر قادم بأذن الله كدنا نراه
والغم باينجلي وتزيل عنا الهموم

ونـطـعـم العز يامـن بايصل مستواه
ماباقي الا نشد العزم ياهل العزوم

#إتحاد_الشعراء_والمنشدين

https://t.me/aboyahyaalshami

المجاراة الليلة نوعية والمطلوب من الجميع التفاعل والمشاركة..( #هويتنا_الايمانية_سر_صمودنا )

#الشاعر_ابوخالد_الطويل

صمودنا ماهو محدد سقفه
ولا تحددها ليالي واعوام

قد قالها قايد علم في وصفه
الحرب لا يوم القيامة قدام

خيارنا مربوط باهل الضفه
والقدس تحريرة علينا إلزام..

الشاعر محمد الهلالي

للعز ضفه والمذله ضفه
احنا المعزه والمذله الاقزام

احنا مع الله دايما في كفه
وهم مع الشيطان كف الاصنام

قاد التحالف ذي بعقله خفه
واليوم يلطم صابره في الدمام

الشاعرعكام صالح القصاد

الحلف الارعن ذي نمرغ انفه
وانهايه الحلف اليهودي ذا العام

وشعبنا بالله وحَّد صفه
لاما عكمنا الخلف مانا (عكام)

من واجه اهل الحق يلقى حتفه
والحق يضهر في يمنا والشام

الشاعر أبومران عابد المدم

بفضل ربي الحلف عوّد خلفه
واحنا بعون الله تقدم وإقدام

الله ينصر من وقف في صفه
بشرط يتولى الهداه الاعلام

ذي مامعه موقف ولو في وقفه
ما نحسبه مسلم ولا هو غرام

الشاعر #احمد_درهم_المؤيد

من سنة الله الرحيم ولطفه
وقول سبحانه:(وتلك الأيام)

يااهل المشالح والثياب الدفَّة
والبشت الاصفر والشماغ البسام

سود المنايا حولكم ملتفَّة
وحلفكم بايعلن الإستسلام.

#ابورواسي_أرحب

البحرقدامه وشعبي خلفه.
قادم الى مكه بثوب الاحرام.

جبال في وجه العدى مصطفه.
بصبر دمر كاسحات الالغام.

تشهد نهوقه والعلم والشرفه.
واقع نهاية من تولى (الحاخام٠)

الشاعر مرتضى شريف

يا اهل الكتاب اللي تغيَّر حرفه
يا البيت الأبيض يا عبيد الأصنام

الشعب يوسف في الورع والعفة
واحمد في البشرى ببعث الأسلام

ذي صفعته تعدِل حدعشر رجفة
ودعسته في الأرض سُم الألغام

#عبد_الحميد_الهلالي

مادام نعرف وين نقطة ضعفه
نطلق له البركان صوب الدمام

ياشعبنا مالحلف موقف قصفه
الا نشد الحيل فوق الاقدام

والعاقبه بالخزي يلقى حتفه
والموت لامريكا ونصر الاسلام

#عبدالرحمن_الريامي

العاصفه كفه وقاصف كفه
وكف قاصف راجحه هذا العام

وكل ليله قل لجده زفه
وليلة الحنى تقع ف الدمام

اليوم لارحمه بهم او رأفه
ودمْ وايل مارحم شي همام

ضيف الله سلمان

ونظام ال اسعود جاري حذفه
من بعد ما اتمادى فساد وإجرام..!!

ابرامزه اتلاشت ب(صيني عطفة)
كم يامشاهد في وسائل لإعلام..!!

نكسر قرون ابليس ندعس انفه
والوعد بين (المائدة)و (الانعام)..

#الشاعر_شداد_حُميد

صمودنا ما هو مجرد صدفه
تاريخنا من قبل قبل الاسلام

ومن قصفنا با نواصل قصفه
احنا بدأنا حربنا هذا العام..!!

الكون كفه وانت وحدك كفه
يا آيها الشعب العظيم المقدام

#عاقل_بن_صبر

الحق ڪفه والضـلاله ڪفه
اما نفاق وڪفر والا إســـــلام

اما مع الله والنبي في صفه
والا مع امريكا وحلف الإجرام

وشعبنا لو ما بقـىٰ الا نصفه
ما يقبل التطويع والإستسلام

#بلال_الصوفي

شعب اليمن كله توحد صفه
ضد التحالف ذي أتى بالاجرام

طموح هذا الشعب عالي سقفه
في نصرة الدين القويم الإسلام

محال يخفض طول عمره طرفه
إلا لربه ذو الجلال والاكرام

#ابوغزوان_الوحيشي

ياشعب ربي قد وقف في صفه..
وبالهداية ٲيدك والاعلام..

قدام مازد باقي الا دهفة..
قد راعدك دوى بجو الدمام..

رجحت في الميدان وزن الكفة..
الله اكبر والنصر للإسلام..

#جميل_جعفر

الموت قدّامه ويوجد خلفه
حلف الملوك الطاغيه والاقزام

لابد ما نصمد و رغماً أنفه
تفشل جميع اهدافهم والاحلام

قلّ للملك هيهات نخشى حلفه
والهرج حقه عبر بث الاعلام

#الشاعر_بكر_البداي

بهوية الأيمان شعبي وصفه
يليق باالشعب الأصيل الصمصام

وهاجسي لازم يشارك حرفه
ويحط بصمه واضحه با الأبهام

وسلاحنا للموت يعلن عزفه
كمن أسد فاالمعركه مايلتام

#بدر_الكهالي

طول العُمر والدهر يابوعطفة
سبح من أخشامك بنصر الإسلام

اسكب رصاصك للاعادي رجفة
واشفي غليل الارملة والإيتام

حزب الردىٰ صالية حامي حتفه
في يوم تحرير الجزيرة والشام

#ابومجاهد_الفروي

قال امتهامي شا نمرغ انفه
ومحال انا نرتضي امإستسلام

واجب نهب عند امهويه وقفه
ونطبق ايات امهوية باقدام

ونلف كل الكون هذا لفه
بصمود لفلف معركه في ايام

#عبدالرحمن_المنيعي

في كل جبهه قد كسرنا زحفه
ونصبحه واصل قذايف واللغام

ولا يهمونا عبيد الصرفه
ذي خانو الامه ودين الاسلام

والغازي المحتل يلقى حتفه
ونعطي البياع سابع ملطام

#صالح_حسين_ابواحمد

ايمان حكمه واليماني وصفه
ضرغام شامخ مايهاب الازلام

شعب المدد وحده يقود الدفه
من حاربه يفنى بحكم الاعدام

الفرد منهم للشهاده شفه
والله عطاهم صبر عزه والهام

#شاعر_بلاد_الروس

احنا رجال الطارفه والعفه
كمن اسد فالمعركه مايلتام

في كفه الأيمان واحنا كفه
اشبال حيدر والامام الكرار

مااحنا رعات المكيجه والدفه
ياحلف لفلف للخول والاقزام

#إتحاد_الشعراء_والمنشدين

https://t.me/aboyahyaalshami