اتحاد الشعراء والمنشدين الرسمية

(((..... الثار.....)))

يارجال اليمن هبوا كتايب كتايب
نأخذ الثار من سلمان وأبنه نجيبه

نأخذه من ولد زايد ومن كل عايب
باع أرضه وعرضه والكرامه بجيبه

شمرو للمعارك وأنفروا للحرايب
نقتلع كل خاين من بلدنا الحبيبه

من دعا للتحالف وأرتضا بالخرايب
في وطنا وشرع قتلنا مانسيبه

كلمن باع نفسه مرتزق للغرايب
بالريال السعودي أو دراهم عتيبه

حكم إعدامه صدر حاضر وغايب
نارنا أو بنيران الخيانه تصيبه

والذي عاد متأسف ونادم وتايب
الوطن يتسع للكل صدره رحيبه

عفونا العام فرصه للمغرر وصايب
من غنمها وعود بيننا مانعيبه

من تعدى علينا أو سعى بالمصايب
ردنا بايجي له بالمصيبه مصيبه

مانسيبه وربي لو سكن بالسحايب
أو تخبأ جحور الأرض ننزل نجيبه

ماحملنا البنادق وأحتزمنا العسايب
للزين والتفاخر كلمن في عسيبه

للمعارك حملناها وشلنا الجعايب
من غزانا جعلنا من بغمها لهيبه

٦ أعوام والمهفوف خاسر وخايب
في جبينه ختمنا بالهزايم نصيبه

بالميادين يدفع كل يوم الضرايب
من جنوده وأمريكا تجفف حليبه

حارب الغر جيرانه وعادى القرايب
وأصبحت دولة أسرائيل منه قريبه

هد كل الروابط والأخاء والنسايب
وأصبح اليوم مخلب لليهودي ونيبه

صار جندي لأمريكا وللغرب نايب
بالوكالة يحاربنا بخدمة صليبه

دك بغداد واغرق سوريا بالمصايب
واليمن جاء يقصفها بقوة رهيبه

ظن فرعون إن الأمر قد صار سايب
وإننا سوف نخضع له وبانستجيبه

مادرى إن هذا الشعب يأبى الغلايب
والخضوع غير وارد تحت أية سبيبه

لو قتل مننا مليون حرمه وشايب
بالصواريخ من جو السما مانجيبه

غير بالنار والصرخه وشد الركايب
لا دياره لأخذ الثأر عن كل شيبه

والوقايع جليه شاهده بالعجايب
كيف سرنا وصطرنا ملاحم عجيبه

بالسواحل وفي وديانها والشعايب
بالبنادق رجال الله داست رقيبه

أقتحمنا حصونه وأعتلينا التبايب
والجيوش اللفيفه شارده أو سليبه

بالقواذف جعلنا مركباته عطايب
والسلاح المدرع بالقوادح نذيبه

ذلل الله للأنصار كل الصعايب
وأنزل الرعب في قلب العدو دون ريبه

لا تقدم ثلاثةيحسبوهم كتايب
في عيون السعودي كل مؤمن كتيبه

الله أكبر تكسر صلبهم والترايب
وتنتزع روح غازينا وتقلع قليبه

صرخة الحق منها كل شيطان ذايب
وأرعبت حلف واشنطن مع تل أبيبه

نصر الأسلام بالأنصار والفتح آيب
دام عبدالملك قاد المسيرة بهيبه

بانرد القدس ذي سارة غصايب
ونغسل الأدران عن مكه وطيبه

#الشاعر_نبيل_ زيد
#إتحاد_الشعراء_والمنشدين

https://t.me/aboyahyaalshami