تابع المجاراة بعنوان خيار للتحالف برفع الحصار وانهاء العدوان وتمهيد السلام الشامل لشعب اليمني.

البداية للشاعر #ابوصالح_العملسي

الحلف من بعد التفاوض مخيّر
و نفطهم ما بين قوسين ودنئ

اما جـــنح للســلم والا المـسيّر
بايـرغــمة ويــرد ما شـــل منّا

#عبد_الكريم_ناصر_الحداء

يا بن سعود اليوم وضعك تغير
القادم اعظم ويلكم ويل منا

دام المسير في سماها تطير
الثار حق بحق ياذي تجنا

#أبوجهاد_صبر

شعب اليمن كيره عليكم مكير
تـحرق ارامكو ناريامن جـهـلنا

يالعالم المهفوف عادك سُـغـير
مـحـنا كبار القوم والله مـعـنا

#الشاعر_ابومجاهد_ابوشوصاء

احنا لها والمعتدي لايطير
برواحنا والدم نفدي وطنا

بلبدر والقاصف وسرب المسير
وعادنا الا في البدايه رسمنا

#ابوفتح_الاشول

شعب اليمن بـ قوى التحالف تطيّر
بعد الحوار نخيّره ما تمنى

إما سلام الحُر خير إن تصيّر
و إلا فـ حرب النار من ما صنعنا

#جبريل_الخدري

القدس جاهـز والكروز المطـور
يا ويــل سلمـان مننا لٱ هجمنا

يا سلم وإلا حـرب حلفـة مخَيِّر
الشعب كلــة والقبايـــل سنــدنا

#ابوعلي_البريهي

شعبي على امريكا والأذناب خير
خيرة عليكم بعد لاحد يلمنا

أنصار طه أحفاد تبع وحمير
قلنا لكم هيهات للذل منا

#شبل_الحداء_ابوفلاح

حلف العداء بعد التفاوظ تغير
واحنا تعاهدنا حفظنا ذممنا

ودف بنفسه اليهودي تحير
ياالغازي المجرم حنينك حنينا

#محمد_قاريه

لا الكون يتلون وحجمه تغيّر
فـ حنا مع السيد اذا ثار ثرنا

شكل التحالف للسلام ماتخيّر
لاتخيّر الحرب من يحميه منا

#صدام_شايف_الغولي

مادام والصماد جاهز يطير
وذو الفقار يردع تحالف جهلنا

اما جنح للسلم راعي البعير
ولا المجنح بايفاوض بمعنا

#أبوصخر_الجوحمي

احنا مع الله شعبنا مش مصير
ماننحني والسيدالقائد علمنا

اما سلام دايم ولابه مكير
ولا توكلنا على الله وعدنا

#ابوروح_الله_الغنيمي

لابد ماتصبح دماهم مطير
اويسمعو قول قائدنا وعلمنا

سلاحنا الايمان ماهومكير
ولعلن براتنا لاقدكلفنا

#الشاعر_بشير_الشامي

شكله من امريكا بداير مدير
هذا قليل العقل لابد يفنا

لاما يفك الحرب والا مسير
يطعفر امريكا وخاين محنا

#الشاعر_أبوعزام_الشامي

يا حلف الأشرار وضعك اليوم تغير
الضعف في صفك محلق ودنئ

وإحنا لنا القوة عليكم تسير
والأن يعرفنا جميع من جهلنا

#الشاعر_ماجد_غانم

ذنوب لايجنح علينا (تنيير)
الحلف غبنه ماعيلقاه غبنا

لاضعت الفرصه من يده وطير
طارت معاها منشاته ويفناء

#طه_الرازحي

انته مخير بين سلم اومـسير
راجع حسابك لاتودف وتفنىٔ

هاذا قرار الشعب وأنت المخير
اما حصارك ينتهي وإلا إحتربنا

#عماد_النهاري (ابوسجَّاد)

اليـوم لا عاصـم من اهل المسيّر
ياهـل المراقص والغوى والتدّنّـا

مادام شـعب العـز عاده محَاصـر
باهيين مَن في قتـل شعبي تهنّـا

#الشاعر_احمد_الشريف ابو فاطمة

لاما يريدالسلم بالحرب يبشر
وماهو بسعده لا عليها عزمنا

بانشعل النيران في البر والبحر
ويما طحنا الحلف ولا طحنا

#ابوالفتح_الجرادي

سلاحنا منتج محـــلي مطـور
ياويلهم مـن بأسنى لابدينىء

اهوال من ودف وغـامر تهور
حلف الصلف ولي دعمه وتبناء

#ابو_عمار_واصل

ياحرب ولا سلم ونته المخير ِ..
يابن سعود هذا الخبر ذي وصلنا

في الحرب يامجنون عادك صغير
يسلم ولا حرب وحنا قبلناء

#صقر_الريمي_ابو_الذهب

الحل جــوف الطائرت المسير
تقصف مطاراته وقصره ومينا

عبدالمريكي حجمه اليوم سُغير
قد بان ضعفه يوم واجه يمنا

#أبوهمدان_المعتكف

مادام وان الوضع ما قد تغير
ياويل هذا الحلف ذي قد جهلنا

هذا اليمن أحفاد عمار والاشتر
واتخبر التاريخ ينبيك عنا

جريح الحرب/
#ابوجمال_الدين_المرشحي..

شلوا دمك ياحلف مدبر تدهور
نحو التردي يوم حارب بلدنا

ياليت وانه في العواقب تدبر
كان انقلع عنا بما جاه منا

#الشاعر_ابوحيدر_الحداد

في الحالتين الوضع كله توتر
واعصابنا متوتره ياعلمنا

اضربنا ياسيدي البحر والبر
نحمي كرامتنا ونحمي يمنا

#ابوحرب_العتب

شعب اليمن وبقوة الله قرر
وأعلن قراراته بحكمة علمنا

وحلف صهيوسعود يقبل ويحذر
ذا ماقبِل بانحرقه في يمنا

#أبوصياد_الغمري

شعب اليمن انذر قــــــــواكم وحذر
انذار مابعده سوى الحلــــــــف يفنا

دامه رفض معنا الســــــلام المخيْر
بايرغمه بركـــــــــــان باالسلم معنا

#ابوهادي_صيفان

مرت ثمان اعجاف لاباتعبر
ولاخضعنا لك وربي نصرنا

ومن بأسنا طاحة طواير بمعبر
وعاد قوتنا بداخل جعبنا

#علي_بن_علي_مسرع

هذا خبرنا قد وصله وطير
شله بزامل او يشله بمغنى

فك الحصار من كل منفذ مدير
والا المسير يا الحبيب المعنى

#شهاب_المتوكل

الوضع شوفه ياسعودي تغير
والقول أصبح قولنا يا(معنى)

فك الحصار لن دمنا قد تنير
ماعاد بانصبر على من تجنى

#ابوصالح_المسعودي

المرتزق خاسر مزاجه معكر
والمجاهد من دماهم تحنا

والبندق الشباب جاهز معمر
يمين مانخضع ونترك يمنا

#إتحاد_الشعراء_والمنشدين

https://t.me/aboyahyaalshami

تابع المجاراة عن السيد القائد عبد الملك بدر الدين الحوثي حفظه الله.

البداية #بندر_النمري

في نور وجهك شفت نور الحق يابن المصطفى
يالقايد اللي زعزع الدنيا ولا شي زعزعه

ياسيدي كلك وقار وطلتك تدي الشفا
وانت العزيز اللي مقامه فوق مانتوقعه

#الشاعر_ابوصادق_الشيبري

في طلتك شفت الرضا ياحفيد المصطفى
ياشبل بدر الدين اللي انعم اللهي مطلعه

دام ظلك سيدي وطاعتك نحضى الرضا
نقرب بها لله والمختار هـــــــديه نتبعه

#الشاعر_يوسف_الحداد_ابوحيدر

لك مننا عهد الرجاجيل الوفيه بالوفاء
ذي ماتخون العهد لايوم اللقاء في مجمعه

يابدر مشرق بالهدايه والعفاوة والصفاء
يامن سقانا الهدي بعد المصطفى من منبعه

#ابوحمزه_المقاش.

يا سيدي يا خير من في الكون صلى واحتفى
بك نصرنا الحتمي وفيك النصر يرقى مطلعه

في حبكم قلبي توقف ذاب فيكم واكتفا
ومن سواك الي ينال القلب منه مطمعه

#أبوصخر_الجوحمي

ياسيدي شعب اليمن. دايم على النهج اقتفى
من اول المشروع بايعنا وشعبي هومعه

يابلسم االامه ويانورالهدايه والوفاء
احنا صواريخك وهذا الشعب عاهدبجمعه

#أخت_شهداء_البكالي

يانورنا الوضاء يانبع الهدايه والوفا
منك ارتشفنا الهدي والقلب اعتدل في موضعه

يالقايد اللي هد ارباب الضلاله.ياشفا
للروح. والابدان صحه عندما هي تسمعه

#الشاعر_ابومقدام_الهمام

انت الهدى والبدر وابن البدر نور المصطفى
وانت السفينه ذي عليها الشعب صاعد مطلعه

في بردنا القارس طلوعك كان للأمه دِفا
ودار دين الله من بعد ان تلاشا مجمعه

#الشاعر_ابوفتح_الاشول

في عهد ابوجبريل عاد الحق والجهل إختفى
من بعد ظلم الليل شفنا البدر ساعة مطلعه

من نور وجهك من هُدى القرآن يا الأمه كفى
هذا جدير يقود الأمه كلنا با نتبعه

#الشاعر_عزالدي_المرادي

سـبـحـان مـن سـخـر لنا بالشخص هذا وكتفا
والناس معه ثـارت بكل إخلاص والباري معه

ليتك تشوف الشعب كيفوه من عيونك ماغفا
وليتك تشوف قلبي لصوتك كل يوم يتسمعه

#عبدالله_محسن_جحاف

احنا معك قلبٍ وقالب ابشر ابشر بالوفا
رجال تثبت كالرواس الشم مش متزعزعه

لوألف شاعر يمدحك طوعاً لما قلنا كفى
مكانتك فوق النجوم العاليه متربعه

#الشاعر_عبدالله_الحداد

ياشامخ الهامه كماعيبان ومران والحفاء
يامن سناه أخجل سنا كل البدور اللامعه

يامنبع النهج الزلال الله كم شعبي أحتفى
بالرحمة المهداة من الله للقلوب الموجعه

#أبوأحمد_الغفّاري .

في طلعة السيد مهابه في مقامه إصطفاء
وبنوره الدفاق تستهدي الجهات الاربعه ..

إن طل للدنيا تُحال أقمارها للإنكفاء
ولا تبسم بسمته تشفي القلوب الموجعه ..

#ابوالفتح_الجرادي

يابدر من نور النبوه شاع نـــوره مانطفى
هذا القمر من زاح نوره النجوم الصاطعه

هذا الهدايه والهُدى لناس يانبع الصفــــى
قران ناطق علم واسع من اللهي شرعـــه

#الشاعر_محمد_علي_الجنيد

ياسيدي يابدر ساطع نور وجهك ماطفى
نورك سطع مداليمن والارض والكون اجمعه

يحميك ربي يحفضك اللي بيعلم بالخفاء
ياسبط خير الخلق حبك في حشانا موقعه

#ابوحرب_العتب

يامن ظهورك جاءفي الوقت الذي كل الملأ
تحتاج لك ياسيدي لأن اليهودي طوّعه

وانت من باينقذ الامة من التيه والعمى
واجب على الامه تسلم لك وقولك تسمعه

#الشاعر_ابومجاهد_ابوشوصاء

ياسيدي لبيك ثم لبيك في جهر وخفا
احنا معك ياسيدي واي طاغي نردعه

يانور ساطع في سما الامجاد نورك ماطفى
الله ربي ايدك ب النصر ذي نتوقعه

#الشاعر_احمد_الشريف_ابو فاطمة

معك معك ياسيدي والله مانتخلفا
معك معك ياسيدي بالسلم ولا المعمعه

ياسيدي لك عهد لا نبقى على صدق الوفا
يالقايد الي سعد عين المومن الي يتبعه

#أبوسلطان_سليم_عامر

شعب اليمن راقي وبك ياسيدي زادأرتقا
وباالشعار يصرخ وكل الكون لازم يسمعه

ياسيدي لبيك وأبشر بناء وقت القا
أبشر نهاجم كل صهيوني عميل لاموقعه

#ابو_دهماء_الحمزي

ياسيـدي عبدالملك ياقايـدي رمـز الـوفاء
بحككك مـلا ذا الكــون ررربي شرعه

يانجم ساطع من سباء حمير وبه نتشرفا
خلاك ربي لليمن وللكوننا ذا بجمعه

جريح الحرب #رفيق_زرعان

لبيك يا ابن المصطفى يا بدر نوره ما انطفى
يا حيدر الكرار في ساح الوغى والمعمعه

اضرب بنا يا سيدي في قاع والا في صفا
حتى الفضاء يا سيدي من اجل عينك نطلعه

#أبوحسين_العصري

يا بدر ضوه ف السماء وهاج دايم ما طفى
لك في حنايا الروح هيبة راسخه متربعه

أماااااام نور البدر حلف الشر ولى و اختفى
وصاب قرن ابليس من بأس المجاهد زوبعه

#ابـومـازن_الـرازحـي

ذا قايم اهل البيت في يـدّه لواهم رفرفا
ذا نفس ذو القرنين في علمه وفيما يصنعه

في طاعته زُلفى وحبه من جهنم مصرفا
رب احفضه وارعاه ،ومن كيد الأعادي تمنعه

#أبوهمدان_المعتكف

ياسيدي شمس الهداية نور هديه ما انطفى
روحي فدا روحك وأمرك فرض لازم نسمعه

لأنك القائد علم من آل بيت المصطفى
ملهم من الرحمن رحمة والهدى دايم معه

#إتحاد_الشعراء_والمنشدين

https://t.me/aboyahyaalshami

تابع المجاراة عن ذكرى الصرخة في وجه المستكبرين
واهمية المقاطعة الاقتصادية للبضائع الامريكية والاسرائيلية.

البداية #ضيف_الله_سلمان

صرخة صداها صاب الاعداء في نحورهم
(اشد من ضرب الرصاص الى صدورهم)
لها اثر كبير..
في واقع الامة شواهدها بلا حدود..


اعداءنا مهما تمادوا في غرورهم
بصرخة القران با نكسر ظهورهم
بقدرة القدير
با نمحي اسرائيل وامريكا من الوجود..

#نجم_خصروف

الله اكبر تنسف الاعدا ودورهم
والمؤمنين الاوليا تشفي صدورهم
في منعطف خطير
نرهب عدو الله بها ونحطم القيود

شعار قرآني فضحنا به شرورهم
ويوم كل المؤمنين يشع نورهم
باتفضح الكثير
في يوم ما تنضج جلود تتبدل الجلود

#الشاعر_ابو_اسامه_الشنيفي

موقف من القرءان يستأصل جذورهم
ويجي لهم بالرعب لاداخل قصورهم
ماشي لهم مجير
بعدالسفه والتيه والطغيان والجحود

هاذا السلاح اللي دفن كامل غرورهم
وافشل تآمرمكرهم وضهوردورهم
في خدمة الأمير
واصبح لهم كابوس يغشاهم وهم رقود

#وسام_الحنش

صرخه تزلزلهم وتقصم ضهورهم
ترعد ابايبهم وهم في قصورهم
مزلزله للاخير
باتجعل امريكا في الواقع رقود

لابد مالبركان واصل يزورهم
بصرخة القران نقلع جذورهم
ويصير واقعهم خطير
والقدس يبشر كلنا لجله جنود

#الشاعر_بشير_الشامي

صرخه من الايمان تفقد شعورهم
تزلزل الاعداء وتغلق دبورهم
لنار والسعير
تسحب بذان المدعي للوقود

(الله اكبر) با تقلع ثغورهم
وتضهر الانصار ويشع نورهم
ونقلع القذير
وصرخة الانصار ماشي لها حدود

#عبدالقوي_البطل

شع الصدا للمؤمنين نورهم
كشف في الميدان هيبة حضورهم
الواقع الخطير
من ذل واستعباد والظلم والجحود

في حق أمة لازمتها شرورهم
حين باتت خانعة في غرورهم
وربطت المصير
فجاء شعار الحق يكسر القيود

#الشاعر_احمد_الشريف_ابو_فاطمة

الله رجع كيد الأعداء في نحورهم
ولا انكسرنا من حرايبهم وجورهم
والله لنا نصير
وكل ما زاد التعدي باسنا يزود

و شعارنا بالله قد نكس غرورهم
وصبح يعذبهم وكفانا شرورهم
أصبح خطر كبير
يهدد أمريكا وإسرائيل واليهود

#أسـامـة_المـعبـاء

صـرخة من القـرآن تقتلـع جـذورهم
وتبـدبد العدوان مع كامل شــرورهم
ياشعبنا الكبير
اصرخ تذل الامركة واذناب بن سعود

هاذا شعار التبــراءه تكسـر غـرورهم
والرعب تبعثـه الى داخل صـدورهم
ونارهـا سعير
صارت للاعداء والعميل ذات الوقود

#ذاالنون_شريان

ياشعارالحق انسف قصورهم
ونعث ابتهم لاتبقي إثورهم
وشلإهم تطير
باننهي إسرئيل ومريكا الحقود


بفضل ربي قد كسرنا غرورهم
بصرخةرفعناها وصارت دبورهم
لها وجع أثير
لا يحلم الصهيون نفرش له ورود

#علي_درهم_المؤيد

للحق صـــرخه شامله تقطــع دبورهم
تلعـــن تقــاطع كل منتج من بحورهم
تكشـف لنا الكـثير
من ما يكيدوا ضد أمتنا بلا حدود

صرخــه تطـاردهم وتلحقهـم قـبورهم
 فيها برائتنا الـــى اللـه مــن فجورهم
بشعارها نسير
في نصرة الاسـلام نرفعها بلا قيود

#ابوحرب_العتب

صرخة غضب تجعل فزعهم لاديورهم
ومكرهم لو يمكرونا في نحورهم
من بأسنا الشديد
بانبطش الاعدا كما بطش الاسود

سلاحنا الإيمان والصرخه وقاهر بايزورهم
بااعصار قادم بايصلهم لاقصورهم
قد اعذر النذير
والموت لامريكا وصهيون اليهود

#ناديه_السقطي

في وجه الاعداء الطواغيت وفجورهم
الكل يرفع للشعار ذي ارعب شعورهم
وغاضهم كثير
صرخة سلاح وموقف بمشروعها تذود

مشروع يقاطعهم ويستأصل جذورهم
ولصفقة القرن المريّكي وبلـّ فورهم
بالناصر النصير
بانحرق لمشروع الامريكان والتلمود

#إتحاد_الشعراء_والمنشدين

https://t.me/aboyahyaalshami

من يخاف الله ما خاف غيره
ولمخافه من سوا الله حرام

ينتصر من كان ربي نصيره
ينتصر مايعرف الانهزام

قوه الايمان هي والبصيره
تجعل المؤمن رفيع المقام

والدروب الموحشات الخطيره
يقتحمها دون خوف اقتحام

الثقه بالله عنده كبيره
وتجعله ينجز جميع المهام

عزت الباري ونصره وخيره
بالجهادي يالرجال الكرام

جند ربي يا النجوم المنيره
يارجال التضحيات الجسام

ياحزام ابن النبي والذخيرة
قائد الإسلام نسل الكرام

بانجاهد يالميامين سيره
في سبيل الله رب الأنام

كل منا اليوم يخبر خبيرة
أن لقانا وصط دار السلام

ويش هي دنيا الغرور الحقيره
كل ما فيها ترونه حطام

دون فاصل كلنا بالمسيرة
بانواصل للا مام الامام

والعدو من بطشنا من يجيره
يوم نشعلها بضرب الحسام

والله ان يصبح بحالة خطيرة
منها يارد لخوض اللحام

والهزيمة بذن ربي مصيره
والله ان يهزم أشد انهزام

وين وين احرار شبه الجزيرة
وينكم ياكل نشمي همام.

اهتفو بالصوت في كل ديره
للنفير العام ولا لتحام

من نظام سعود واللي يديره
حان وقته موعد الانتقام

كل حر اليوم يعلن نفيره
الهمام اليوم يوم الهمام

كيف يرضى بالفعول النكيره
ذي يسووها عيال الحرام

كل واحد فيه نخوه وغيره
قلت قولي والختام السلام

#الشاعر_احمد_الشريف
((ابو_فاطمة))
#إتحاد_الشعراء_والمنشدين

https://t.me/aboyahyaalshami

تابع المجاراة عن #اليمن_3000يوم_عدوان_وصمود

البداية #أبورواسي_أرحب

ياجرايم ثلاثه ألف يوم
يشهدالله علينا من سماه

لوتغيب الكواكب والنجوم
مانسي شعبنا زاكي دماه

ماعذر يوم كسّاار الخشوم
يكره أبن الدعي زاده وماه

#شبل_الحداء

باتقوم القيامه باتقوم
ضدكم يا الطواغيت العصاه

مانسينا دمانا للخصوم
عهد منا ونقسم باالآله

باندوم اليهودي باندوم
الصواريخ صوب الاتجاه

#عبدالغني_ضبعان

مانسينا معادة الخصوم
في تنومه حثالات الرماه

كيف ننسا العداوه والسموم
من زهايمر الي ربي عماه

با يضل الاساء قوم بعد قوم
والحزن با يدوم في معصماه

#أبوبرق_الصباحي

بالثلاثه الألف بددنا الغيوم
والتخبط بالتحالف ياعماه

طاير الصماد خلاه ماينوم
لاقواعد سيدالساده رماه

لو درى أن الحايمه فوقه تحوم
كان مايخرج قطيعه من حماه

#أبوصخر_الجوحمي

ظلمكم ضدنا مابا يدوم
سنة الله في محكم هداه

شعبنا رغم ظلمه والسموم
زاد عزمه وشوقه للغزاه

نقتحم ارضهم فوق الطقوم
والمسير الى نفط الطغاه

#عبدالقوي_البطل

بد ياشعب ماتجلى الهموم
دام وأنته مجاهد في الحياة

والسعودي على حتفه يحوم
بالجرايم ذي اتملت يداه

طال ماقد عرفنا في الهجوم
كلها أيام ويتوارى ثراه

#ابو_صماد_الفليتي

واليــــمن ثأر ياحلف الرخوم
حي عزمه وحـــــــيا الله نباه

بايواجه عـــــلى ضهر الطقوم
يادعس الخصم يكسر له يداه

بأ النــــشاما الرجاجيل القروم
صانعـــين البـــطولة والحماه

#الشاعر_احمد_الشريف
(ابو_فاطمة)

ذي سفك دمنا يبشر بيوم
يوم حامي يلاقي به جزاه

ثارنا يالطحاطيح القروم
لعنبو كل واحد قد نساه

شمرو يا شديدين العزوم
ننزع أرواح الأوغاد الطغاة

#ابوفتح_الجرادي

قاهر وبركان صماد ورجوم
تقرع العدوان والي هم وراه

والقسم مايطعم الملعون نوم
والزمن لاطـــــال بانتبع وراه

#ابو_هاشم_الحكيم

والمعارك  دلايل عز  قوم
شعب الانصار حامين الحماة

إن تتوبوا ولا بالوجه لوم
وإن  تعودوا  وصلناكم  رُماة

حومها من جهنم شر حوم
سرعة البحر ذي هايج بماه

#ابورائد_السعدي

نبلغ النصر ماضين العزوم
عزمنا فوق مقدور ومداه

في مساحة، ثلاثه الف يوم
نورد الموت من كل إتجاه

تعبت الحرب منّا والخصوم
واليماني براسه ماحناه

#الشاعر_محمد_علي_الجنيد

يالله اليوم شدينا العزوم
ننصف الشعب نرمي من رماه

جاهزين للدفاع وللهجوم
نجعل الحلف يشكي من ضماه

شعبناشعب الاقحاح القروم
شعب صادق ولائه وإنتماه

#ابوحرب_العتب

شعب الإيمان قد شد العزوم
في الجهاد دائما والله معاه

ما نُفرّط مع الباري نقوم
من يبى الفوز يسرع في رضاه

بانواصل مئة مليون يوم
بالهدى والعلم ذي الله اصطفاه

#الشاعر_عزيز_البروي

الف والفين والغازي يدوم
واليماني ينكّس كبرياه

جعجع اعداه نكّل بالخصوم
سطر النصر في كل اتجاه

ون بقي الف شدينا العزوم
نحو عمقه ونشرب من دماه

#أسامه_الزيلعي

ماخشينا المجنزر والهجوم
الصمود فينا تجذر من صباه

لوتزيد الحرب ثلاثه الف يوم
نحن لها حتى تبلغ منتهاه

النشامى جاهزه فوق الطقوم
والبنادق في حالة إنتباه

#حمد_الكبسي_الوايلي

بالثقه بالله ياشعب القروم
عـاقبة صبرك عليّه من علاه

خابةاللي في السماءكانت تحوم
والدعي اهتان هو ولي وراه

يا يمن توج ثلاثه الف يوم
دقدقه كسار اخشام الغزاه

#احمد_سنان_الغولي

يا عواصف ثلاثه الف يوم
وانصار ربي يذودو عن حماه

في حشانا نار تتناثر سموم
تردع امريكا وصهيون الطغاه

ونصرنا بعد عاشرها حسوم
تهوي الاحزاب في بره وماه

#يوسف_غاشي

شعب بالحكمه تميز والقروم
كمن احمرعين ضحى من دماه

لجل دين الله والطفل الظلوم
يشهد الرحمن من سابع سماه

لو فنـينـا مافتر مـنا الـعـزوم
ثار مانـنسـاه ويله من رمـاه

#الشاعر_ابومجاهد_بجاش

بانسوم المملكه والحلف سوم
ونغرق الحلف المخادع في دماه

قد تجندنا مع ربي قررروم
وهو حبانا النصر من عالي سماه

اشمخي ياارض لش زين العلوم
وكاتب التاريخ قد دون صداه

قدعشقنا الحرب من سن الفطوم
وثارنا لابد لابد من» نقاااه

#ابوهمام_سليم

ياتحالف نجد لو مليـون يـــوم
يستمر عدوانكم ومـدى الحياه

ماعذر من رد والحايم يـحـوم
والدعي لابــد يغرق في دمـاه

بعد ابو جبريل شدينا العـزوم
سيدي عبدالملك روحي فــداه

#إتحاد_الشعراء_والمنشدين

https://t.me/aboyahyaalshami

تابع المجاراة مواكبه لأعظم مناسبه أتم الله بها دينه وأرتضى لنا الأسلام دينا #يوم_الولاية

البداية #نشوان_الغولي

بنعمة الإسلام تم القول و العمل.
و بالولاية تم دين الله و اكتمل.
ذي نوّر العقول.
و خرّج الإنسان من واقع ضلالته.

و في طريق الحج كان الموقف الأجلّ.
من بعد (بلّغ) من عظيم الشان ما نزل.
يا أيها الرسول.
و الا فما بلّغت يا طه رسالته.

#الشاعر_ابوجهاد_صبر

يـوم الـولايـه فـيه للإسلام نـور حل
والجهل من داخل تفاكير البشر رحل
واتوعّت العقول
صلواء علا من ساغ له طه وكالته

يوم قال طه للملاء بعدي علي يضل
من كنت انا مولاه مولاه الوصي بدل
عني بكل حول
ياربي انصر نُصرته واخذل خُذالته

#افنان_عامر

علي علي ياخيرة الاسماء والجمل
ياخير من همّ الامم بعد النبي حمل
ياوراث الرسول
ياباب علمه يامكمل له رسالته

ماكلّ عن نشر الرساله لاولن ومل
وظل ينشر بالهدى الأخلاق والامل
ويجاهد الميول
لايوم مايدّ الردي الملعون طالته

#ابوكنعان_الروس

صلاتي على المختار ماالمؤمن أستهل.
وما ناح طاير في سمانا وما أفلل.
وماتدهم السيول
لمن بيوم الدين نرجو شفااعته

فيا خير من بلغ باأيات ومتثل.
وأشهد على قوله وفي أمته سئل.
لتشهد بمايقول
رفع يد الكرار واكد وصااايته

#الشاعر_ابوصقر_الميادين

الحمدلله ان نور الحق مافل
رغم الذي ظلل وحاربنا وذي قتل
في التل والسهول
احنا مع الكرار انصاره وشيعته

ووليناء الكرار بامر الله لاجدل
باننصره من ماخذل خذل
والكفر بايزول
واحناء مع ابن البدر بانمضي بسيرته

#احمد_تاج_الدين

بقى علي وولايته وغيره اضمحل
يبقى ولاه بدمّـنا والحّـب مـارحـل
من الله القبول
ماضلّ من هو سار في مسلك هدايته

أخ النبي وخليفتـه وعـاد بـايـضـل
النهج ذي منّه حيا على خير العمل
منـهاج ما يزول
الله سبـحانـه مـخـلّد لــه بآيـتـه

#أبوخارف_ابوشوصاء

بلغ رسول الله مابه شك اوجدل
هذا علي هذا الوصي هذا هو البطل
وزوج للبتول
ذي ناصر الإسلام والحامل لرايته

من كان مؤمن بالولايه طاع ومتثل
حبه علينا فرض ماللناس من بدل
في حيدر الحلول
والنصر للإسلام في نهجه كرامته

#مرتضى_ناجي

نعمه من الباري بها شعبنا احتفل.
وجدد العــــــهد للكـرار وامتـثل.
عبر عن الاصول.
ذي مبتهج لازال مخـفي عمـالتـه.

ذكرى لها التعظيم والــقدر والـجلل
نعمـــه كبيره.لهـا استنفار قد حصل
بالـنار والطبــــول
عادت رياح الدين عادت اصـــــالته

#ابـوحـمـزه_المـقـاش

الله حـدد فـرحـة الأنـصـار واكـتـمـل
والـنهـج واضـح مـا نـوافـيـه بـ الجـمـل
واحـنا هـنـا نقـول
عـلي ولـي الـلـه تـتـجـلى دلالـتـه.

يـامـرحـبا تـرحـيـب يـتوارث مدا الازل
تـرحـيب فـي حـيـدر يـخـصـه فـيـه مخـتزل
والـقـول بـه يـطول
راعـي الـفـدا والـعـهـد يـسـري في مقـالـتـه...

#الشاعر_أبوعزام_الشامي

تنفيذ لأمر الله ذي على الرسول نزل
في خم والثامن عشر دين الله أكتمل
وتمت الأصول.
وأهــتــزت الأكــوان من مهابته .

من هيبة الأمر الإلهي ذي للرسول وصل.
أمـــر الـــولايه بلـــغــه للناس في عجل.
يوصل إلى العقول.
ووضحه سيد البشر بأصله وغايته.

#الشاعر_ماجد_القادري

هذا علي عهد الولايه والبطل
هذا هو الكرار والدين اكتمل
وصية الرسول
والدين والإسلام فخر ولايته

فيه اليمن اليوم والى واحتفل
رغم الحصار هيا على خير العمل
ردد معي نقول
والأرض ثم الكون اعلن روايته

#بشار_عباس_الشومي

غدآ هذا الشعب نضرب به مثل
بين الشعوب الباقيه بين الدول
بالحشد هذا كالسيول
لأبد. ما توصل. رسااالته

لبيك يا لبيك لبات القبل
لباك ذا الشعب اليماني يحتفل
لبيك مافيها ميول
وكل مؤمن حر يعلن ولايته

#عبدالقوي_البطل

ذكرى الولاية بد مانحييه للاأزل
أمر واضح في الدلالة وحي قد نزل
ووضح الحلول
لادين الا باتباع عترته

علي وآله آل بيت المصطفى وهل
يوجد سواهم في القيادة للنجاة بدل
والرسول يقول
نال النجاة من قام يركب في سفينته

#الشاعر_احمد_الشريف_ابو_فاطمة

في منهج الكرار بانمشي بلا كلل
وولاية الكرار لن نرضاء لها بدل
والله ولن يطول
عمر الذي عاداه قد حانت نهايته

بالسمع والطاعة لرب الكون والعمل
وابتولي للوصي الشاجع البطل
نحصل الحلول
والعهد جددناه مانترك ولايته

#ابوفتح_الجرادي

هذا طريق الحق والخرجه هي الزلل
ذي مانهج نهج الهدا واهله فقد اضل
ابليس له خليل
وسار نحو الكفـر واعلـــــن له ولايتـه

ولايــــة الكــرار ايـــــه مابــــها خلــــل
من كــذّب الايات قلبه فاض بالــعلــــل
بـــاليهـــوده اصيـل
ولاغبي احـــمق تجاوز عـن جهالتـــــه

#ام_الشهيد_صالح_العطوي

اهلن بعيد الفصل ذي من ربنا نزل
في يوم هدي الله في أياته اكتمل
على يد الرسول
وقال هذا دينكم ارعون نعمته

وقف حبيب الله يشرح كل ما حصل
وقال هذا هو علي.ان حل بي اجل.
في يده الحلول
والله.يتولى الذي يرضى ولايته

#إتحاد_الشعراء_والمنشدين

https://t.me/aboyahyaalshami

يارجال الجوف الأعلى والاسفل
يا قبائل دوم تهوا الجميل

ما قبيلي صح للعرف يجهل
والقبيلي دوم يبقى أصيل

بالرداء والعيب مايوم يقبل
لا ولا يرضى بقطع السبيل

كل منهوه لذا الأمر يفعل
ماجزاه الا  يصبح  قتيل

كل متقطع ونهاب يقتل
ذا جزاء منهو قطع للسبيل

لن حق الناس ماهو مسبل
لن نهب الناس ماهو قليل

يا قبائل كل ذا عيب يشمل
من سكت عنه ومنهو يميل

عن سبيل العدل والناس تقتل
بالسبل والواقع أكبر دليل

ما أظن أن حد بذا الشي يجهل
يا قبائل بعد مقتل عقيل

اللواء و القائد الي تحمل
في رضا الله كل حمل (ن) ثقيل

ذي في الميدان نكل ونكل
بالعدو الخارجي والعميل

اشهد ان فقده خسارة على الكل
واشهد ان القلب بعده عليل

#الشاعر_احمد_الشريف_ابو_فاطمة
#إتحاد_الشعراء_والمنشدين

https://t.me/aboyahyaalshami