وقت النكف ياقوم وقفه صايبه
ياقومنا الفزعات هذا وقتها

نحو الوطن كلن يقدم واجبه
مالك بقى في الدار ياذي بعتها

#ابوناصح_العزي

يا حضرموت كل القبل متجاوبه
الصوا شرارتها يجيكم شرتها

احلاف امريكا اللعينه حانبه
جتنا على ارجلها تدور موتها

في مقبرتنا شايموتوا قاطبه
جحافل الانصار جلجل صوتها

#شهاب_المتوكل

وين الحميه يالحضارم غايبه
ماهوش وقت البطن تزهم قوتها

لاحضرموت امربك جتها غاصبه
وين البنادق ماسمعنا صوتها

ياعاركم لو تجعلوها سايبه
ياخزيكم لو ترتضون بموتها

#فايز_الحمزي

مابال حرفي مايلبي كاتبه
والقافية على الشموخ برمجتها

الصمت عار ينذر بسوء العاقبة
يا حضرموت تلك النساء كيف بحتها؟؟

أين الرجال أين الليوث الواثبة ؟؟
الوقت حان تظهر لنا وثباتها

#الشاعر_ماجد_القادري

كل القبائل في اليمن متجاوبه
والقبيله العز اسمه بيتها

لا نقبل المحتل انا با احاربه
وان اليمن بالصدق كلمة قلتها

وكل خائن للوطن با احاسبه
ياحضرموت الموت فينا شتها

#ابوجهاد_اللاحجي

إلى مشايخ حضرموت الضاربه
قصّو لساق الامركــــة بحذاتهـا

ممنوع تستندب بروس مخالبه
قد انتهــا إنتاجها قد انتــــهــــا

والله لومن عاد يرفع حـــــاجبه
فوق اليمن لانعصد ام اهلاتهـــا

#عباس_الصياحي

ياحضرموت العز دعوه قاطبه..
صرخه بوجه الأمركه وحذاتها..

هبّة قويه حيدريه غاضبه..
البهطله ياصحابنا مش وقتها..

وكل حُر احنا نكون بجانبه ..
ومن صمت مافاد الامه صمتها..

#بدر_الكهالي

عبر المدى ذي ما يأدي واجبه
يسوق نفـسه لا اشـر المنتهى

لإن هذا مـا حـسـب بالحاسبة
ايش العواقب حلوها من زفتها

ذي مادعس انف العداء والعايبة
تدوسه الاعداء ويبقى تحتها

#حمد_الكبسي_الوايلي

الصوره اللي شفتهـــا متعاتبه
للواقع الحضرمي في وقتــها

ياحضرموت العزويش العاقبه
لاماالعماله من بلادك سقتها

من الصوروجه المروه شاحبه
غارةمن المحتل والله شفتها

#الكرار_المشراقي

ياصحابنا الكل يفعل واجبـه
لاسامح الله قوم تعلن صمتها

ان ماننكف وقتـهاونـــحاسبه
عرضك وارضك للـيهودي خنتها

قلل مشايخ فكرو في العاقبه
كل الحقايق ذي امامك شفتها

#ابوالفتح_الجرادي

في حضرمـــــوت النار حمرا لاهبـه
تحرق حشود الامــــركه ودواتهـــا

المـــــوت لمــــريكا يمنـا قاطبــــــه
في كـل ساحه رددت صـرخاتهـــــا

والشعب كبر والقُبـــــل متجـاوبـــه
في كل ميدان اعلنــــت فزعاتهــــا

#الكرار_العقيبي

حمى على ناس اليهودي جانبه
وين الرجاله بااي سوقن بعتها

الصرخه اليوم يالمكلاء واجبه
لاماقده وقت ايحين هوه وقتها

لاعاد منكم حر قام ايحاربه
ولا الشرف والعز منكم انتها

#عارف_شرده_أبومقدام

ياحضرموت الحر يدَّي واجبه
ماعاد تلقـى الحرية لو بعتها

ثورو على المحتل ثورة ضاربه
أرض اليمن باتلعنك لو عبتها

وقت النقاء ماحد يفلت صاحبه
والحاسمه حانت وهذا وقتها

#أسـامـة_المـعبـاء

هبوا على الطاغين قوة ضاربة
وقت المعارك يلنشامئ وقتها

ننهي قوئ امريكا ونجد الغاصبة
وكل دولة بلجرايم عنتها

با قولها بلحق كلمة صايبة
عهد الضلالة والمذلات انتها

#عبدالكريم_صلاح

اليوم حنوا يا رجال الصايبه
ثوروا وجوا من فوقها أو تحتها

كُلين يسند في المواقف صاحبه
وأعدائنا في كل ساح نفتها

من صبح حتى الشمس وقت الغاربه
لا عد تبقوا للحجر جنب أختها

#ابوهادي_صيفان

لبو النكف يااحرار قبل الغاربه
وساعة الصفر انذرة في وقتها

الشيخ ذي يفزع الي هي لاهبه
لاالقبيله موجود ماقد بعتها

وفي اجتماع القوم قوه ضاربه
وتقول للمحتل وقتك انتها

#الشاعر_ايمن العصري

الحر من جاوب ولبا واجبه
ومريك با ترحل بقوه دستها

لاحضرموت الخير فزعه ضاربه
يا قرم من نار البنادق فتها

#الشاعر_ابو_صماد_الفليتي

يامـشايخ حضرموت العاصبه
صـــدي اسرائيل حانت وقتها

ولعـني امريكا اليهود الغاصبه
والملاعين اســــرعي في فتها

نكفـــــي وقت النشامه غاضبه
ورجـــمي امريكا ودقـي بنتها

#ابورفيق_العياني

بالقبيله ماشخص فلت صاحبه
مابالكم في حرب تشعل وقتها

بالقبيله والثار ياهل النايبه
كلن يشل الثار قبل يفتها

ياكمن اكبر شيخ يعرف واجبه
جاهد بني صهيون واسعود اختها

#ابوهادي_الجامع

يامشايخ حضرموت النايبه
شمرو وقت الاعادي وقتها

الحل يصحاب العقول الصايبه
من بغمت المدفع شرار اشعلتها

نبقا سوا ياقوم قوه ضاربه
والمعتدي يرحل بكلمه قلتها

#جبريل_ياسين.

لاخير في صاحب يفلت صاحبه
ولا في من لا يلبي ارضه وتربتها

نادوا على المهره با تلبي الواجبه
وينكم حمات الجود وعزة عزتها

الامركه في حضرموت نزل كتايبه
غيروا على أرض الكرامه وحرمتها

#المنصور_أبومالك

ياقبيله كلن يقدم واجبه
وأرض اليمن يدفن عداهاء تحتها

والكف جنب الكف عند النايبه
والتفرقه ذاء الوقت ماهو وقتها

#الشاعر_بشار_دهقم

يا صحابنا كلان يادي واجبه
ياهل الوفاء والمرجله بصفتها

يا للـخزا والعـار يا لالـعايبه
ماذا المشاهد يارجال شهتها

تابع المجاراة عن العرض العسكري للمنطقة العسكرية الخامسة والوية النصر والقوات البحرية والدفاع الساحلي والدفاع الجوي (وعد الآخرة)

البداية #ضيف_الله_سلمان

الله لك من يوم توقف عنده الايام
وتنحني الدنيا امامه..

يوم الولاء والانتماء والنصر للاسلام
قد لاح في ساحل تهامة..

كذاك يا امريكا كفى عدوان ثامن عام
تجرعي كاس الندامة..

هذا يمن ليمان بالقران والاعلام
شامخ الى يوم القيامة..

#ابراهيم_الشرفي

هذه طلايع جيش ناوي يوصل الدمام
واترقبّوا بس اقتحامه

مكَّن له الباري ومدّه مرجله واقدام
والمرتزق ماله كرامه

ماهو فقط للعرض والتصوير والهنجام
ولا لحكّام الزعامه

ذاجيش توقف له جيوش الأرضيه لاقام
وتسبق افعاله كلامه

#هادي_حسين_الرزامي

الكون كله للجيوش المؤمنه قد قام
اجلال له وابدا احترامه

لنه مجهز للمعارك لامشى قدام
محال ياحلف انهزامه

هذه عقايد ثابته في جيشنا الضرغام
وصموده الدايم علامه

#حمد_الكبسي_الوايلي

الحلف ذيا اليوم في حالة استوهام
مما لقي في تهامه

الآف تعرض عندها اطرح استفهام
ياغبي ولا الندامه

سيدي عبدالملك يامزلزل الحكام
ذي صدق في كلامه

نهاية امريكا والتحالف والحا خام
حان وقته ونتقامه

#ابورازح_القعود

هاذه رساله للعدو ترسل بموجز هام.!!
والله ماتبسر سلامه..

وبقوة الله القوي نثبت ترليون عام..!!
وقتال لايوم القيامه...

والله ثم والله مانخضع ولاننضام..!!
ولانفرط في الكرامه.....

واحناء رجالك يا(يمن)الشامخ المقدام...
ومن غزاكـ نسحق عظامه..

#فايز_الحمزي

ونعم بالان..صار جُند الله والاسلام
قووة وإيمان وإستقامة

ملطام لا مريكا وإسر..ائيل لها ملطام
من قوم عُشاق الكرامة

هُنا اليمن ارقام تفوق ارقام
والقايد اتحقق كلامه

جهاد وإستبسال وثبات لمليون عام
وصمود إلى يوم القيامة

#ابوهادي_صيفان

وترتفع هاماتنا وترفرف الاعلام
يا جيشنا عز وكرامه

هيهات ياحلف التحالف تعبر الاحلام
ولا تعيشو بالسلامه

معنا علم نعتزبه وفي الوغي مقدام
واحنا حزامه والعمامه

وصفحته بيضاء وناصع رمز للاسلام
وعاد للامه كرامه

#الشاعر_ايمن_العصري

بحري وجوي عرض لله قد قام
والكل جا بهتمامه

من خير امه شعب قداد الصنام
بل مرجله والشهامه

كمن مقنف ما تزحزح من اقزام
ولا رجع يوم حامه

والعرض هاذا قد كبد كل من قام
والواقع اصبح علامه

#جبريل_ياسين.

الحمد لك والشكر لك ياذي ماعينه اتنام
والغيث ينزل من غيامه

اكرمتنا بالنصر والتأييد في الخط الأمام
والرعايه والسلامه

بعونك اليوم نعرض جيش لنصرة الاسلام
من يمين ومن امامه

في السواحل والجبالي والشعايب والاقمام
في ميادين الكرامه

#الكرار_المشراقي

الله اكبررددو صرخة ولي ضرغام
يهل الاباء وهل الشهامه

تسمع بهاالصهيونيه وذي في الدمام
تفت وتمزق عظامه

من قوت الله القوي عداليمن والشام
وتجهزة قوم الكرامه

بقيادت الاطهار من كمن ولي مقدام
عانق شموخه فوق كامه

#ابوحرب_الفقيه

هاذا العروض العسكريه في خطأ الاعلام
فيها الولا والاستقامه

فيها عزيمه حيدريه تنهي الاجرام
وترد لدين الكرامه

حنين العدا منها في ساعة الاقدام
ما عاد بايلقا سلامه

لاشافاء العدوان بايعلن بلستسلام
ويعلن الشر انهزامه

#عبدالولي_الأحصب

هذه نصيحة من تهامه لارُبى الدمام
والخامسة هذه علامة.

السيد القائد رجـاله مـاضـيين قـدام
ورمزهم عز وشـهامة.

نقسم بـسورة سبأ و الفتح و الأنعام
لـو بـا تقـوم الـقـيامة.

ان اسلموا عدوانهم ووقفوا الإجرام
والا فيتمنوا السـلامة.

#الشاعر_متاش

قلوا لحلف الشر والاذناب الاقزام
كلين يصحى من منامه

يكفي حصار يكفي لهم عدوان واجرام
ماعد علينا اليوم ملامه

اليوم ياشعب اليمن قدام قدام
بالوعي ثم الاستقامة

اعمل لامريكاء واسرائيل ملطام
يتجرعوا كأس الندامة

#أبوفايد_علي_أبوشوصاء

جهاد ف الميدان واستقدام واستقدام
رجال ما تخشى ملامه

شعب اليمن بصمودهِ قد حطم الارقام
وهدي قرآنه حزامه

والان ياويل العدى واللي لهم خدام
من بأس شعبي في مهامه

لابد من تحرير الاقصى من يد الاقزام
والمعتدي يلقى انهزامه

#ابوجهاد_اللاحجي

اليوم امريكا تحاول كيف تتخلص تمام
من بعد ما شافت تهامة

واترقبوها حين تبعث فـ الفضائيات هام
عاجل بهدنة مستدامة

العرض خلخل في توازنها لمدة الف عام
من هيبتة ومن نضامة

والله يعلم كيف عادة لو يشكل اقتحام
قامت على امريكا القيامة

#عبدالملك_فضائل

والحشد هذا مع الله والاعلام
مايترك الباطل ينظر أمامة

يهجم من العام الأول إلا العام
الثامن ولا هزت هُمامة

وعد الآخرة فينا وما دام
أبو جبريل حامي مُرامه

شعب اليمن حر مقدام
والمرتزق حتم إنهزامة

#ابو_سام_محمد_القحم

قوه رهيبه من حماها توقَف الاوهام
والكون يتخلخل نظامه

نهايت العدوان والافساد والاجرام
اليوم بيكون انهدامه

على يد الانصار يهزم قايد الاقزام
ماعاد باينفع كلامه

#إتحاد_الشعراء_والمنشدين

https://t.me/aboyahyaalshami

تابع المجاراة الاولى أستجابه لتوجيه السيد القايد بتدشين أيام مولد الرسول الأعظم (ص ) .

البداية #يحيى_الوحيشي

مشاعر التعظيم لك يا صاحب الخلق العظيم..
تبعث على التصميم لإحيا مولدك رغم الحتوف..

لبيك رغم الضيم والعدوان وابليس الرجيم..
لبيك يا كعبة حواليها مشـاعرنا تطـوف.

#ابورصيد_المرهبي

با الصدق والتسليم لا ال البيت كامل نستقيم
ونواجه التقسيم واذناب النصارى والحلوف

نصحح التعليم ونواجه قوى الحلف اللئيم
نحيي الفرح ونقيم ذكرى مولده رغم الأنوف

#محمد_ابوالعز

لبيك بالتكريم لك ياصاحب الاصل الكريم
جينا بكل تسليم نحيي مولدك رغم الظروف

اسمك بحرف الميم مفتاح الصراط المستقيم
يانور في التعتيم ساطع ماتواريه الصروف

#جلال_الغولي

بك نحتفل تعظيم ياطه وفي حبك نهيم ..
ومولدك بنقيم في كل المراحل والظروف

لبيك يامهداة رحمة وارسلك خالق رحيم
وعظمك تعظيم من بين البلايين والألوف

#علي_محمد_المحاقري

تسليم لك تسليم يانهج الصراط المستقيم
بانحتفل ونقيم ونعد الـمـجـالـس للضيوف

يامرحبا ( حاميم ) يا حيا بنورك يا كريم
بانحتفل تكريم فـي ذكراك ملايين الالـوف

#علي_حشفول_الهلالي

لبيك نهتفها ونطلقها من اعماق الصميم
ياسيدي رغم العنا والبهذله واسوا الظروف

نهواك يا خير البشر يا رحمة المولى الرحيم
يا نور ساطع جا لنا خلا بصائرنا تشوف

#الشاعر_أبوالعز_الهتار

بالحرب والتسليم نكسر قرن سلمان الرجيم
ع. نهج طه وآل طه با نرصص للصفوف

ما دام والقدوه عظيمه وأنت يا شعبي عظيم
جهز لمولد حول الأقصئ بالزوامل والدفوف

#الشاعر_ماجد_القادري

اول حروفك ميم عشت العمر بالدينا يتيم
والان لك تقييم هز الكون بالكوكب زحوف

من اليمن تعظيم من المهرة الى شامخ يريم
بالاخضر الترميم حول العاصمه اسمك يطوف

#ابوحضارة_السويدي

صلاة والتسليم تغشاء صاحب القلب الرحيم
مايقرو التحريم وآيات ال عمران والحروف

والبذل والتقديم لايوم الصراط المستقيم
عهدآ بطاسميم حتى يجمع الله الصفوف

#ابوالفتح_الجرادي

لبيك يانور الهُدا حاضر وفي العصر القديم
من شعب الانصار الاباه كالأوس والخزرج صفوف

بانحتفل في مولدك. ذكرا في الشعب الكريم.
ونــــعزرك ونــوقـــرك والكون والعالم يشوف

#شبل_الجند

من قلـب يا طـه بحـبك انت والصفوه يــهــيـم
لبيك والشعب الحسيني لبو الداعي صفوف

انت المبادي وانت يا طه الصراط المستقيم
وان قالو التعليم انت العلم في كل
الصفوف

#الشاعر_ايمن_العصري

لبيك ياطه النبي صادر من اعماق الصميم
ياخير قايدقادنا لببيك رددها الٲلوف

لبيك ياٲطهر بشر غظنا بها كمن اثيم
دينك تعمق بيننا لجله سرينا لاالزحوف

#ابوهادي_الجامع

في يوم ميلادك ندشن حفل متنوع كريم
كل اليمن في مولدك يالمصطفى قامو وقوف

لبيك ياخير البشر كل النشاما تستقيم
بانحتفل في مولدك ولا نبالي بالحتوف

#ياسر_القشوي

يا كل مؤمن قيم مولد مطوي الليل العتيم
بالنور والتعليم وافرح به وحطم اي خوف

واعلن له التسليم تظفر بالصراط المستقيم
وترك اولي التاثيم حب المصطفى فينا تشوف

#نجيب_العوسة

بالوعي والتسليم للمولى وقايدنا الكريم
وفي زمن تكميم الافواه انطلقنا دون خوف

ندشن المولدوهو تعظيم لله العظيم
ياسيدي لبيك جينا بالميات وبالألوف

#عباس_الصياحي

الوعي والتسليم والتمجيد راسخ في الصميم
رغم العناء والضيم نظمنا مع الآل الصفوف

بانحتفل ونقيم ذكرى صاحب الهدي القويم
ونحطم التعتيم ياطه ونتحدى الظروف

#ابورازح_القعود

لبيك من اعماق الاعماق والشرآيين والصميم
لبيك ثم لبيك ثم لبيك في كل الظروف..!!

لبيك يملي الارض ويعم الكواكب واللكيم
لبيك من شعب اليمن والكون كله بايشوف

#ابوهادي_الغمري

صلو معا التسليـــم يا شعبي على طه الحليم
صلـى عليه الله باللحظه ملايين والوف

للكون به تعظيم فوق العَظم ذي سوى العظيم
امين صادق قـول يعجز فيه تعظيم الوصوف

#الشاعر_رايد_الخمري

بانحتفل في مولدك رغم المنافق والكظيم
ياروح بالتسليم نوره في ملامحنا يطوف

لبيك ياطه المعظم في كتاب الله العظيم
لبيك ياخير البرايا كم لأمتنا تشوف

#ضيف_الله_هجوان

بانحتفل في مولده ونداوي الجرح الاليم
ونجدد الذكرى ونحملها على امتان الكتوف

احنالها مادام حب المصطفى شانه عظيم
مانختلف رغم العوايق والتكالب والزحوف

#ابو_يحيى_الحبيشي

ياصاحب الايمان والاحسان والفعل العضيم
يامن هداك الله لأهل الحق رتبت الصفوف

بك نهتدي بك نقتدي بالقول والفعل السليم
والشاهد الميدان للميلاد لبينا الوف

#جمال_الماوري

العشق والتسليم مبدأ عند ذو اللبّ السليم
والود والتكريم والإجلال من قلبٍ شغوف

يا مصدر التعليم يا مكة فؤادي والحطيم
تعظيمنا تعليم من ربي ولك قلبي وقوف

#الشاعر_متاش

يامرحبا وأهلا بميلاد صاحب القلب الرحيم
والكل في حضرة رسول الله طه اليوم ضيوف

بانحتفل بك يارسول الله دائم مستديم
وباندوس في خشم الاعداء والانوف

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

تابع المجاراة العاشرة عن الخروج الكبير المشرف يوم السبت المقبل ذكرى المولد النبوي الشريف وآثاره ونتائجه .

#أخت_شهداء_البكالي

في سبتنا لبيك ياسيد العرب
لبت لك الاكوان ترحيبا وطيب

نستعجل الدقات والوقت اقترب
نحييك في الوجدان ياعون الغريب

#أحـمـد_الاهـــدل

شعب اليمن كله الى الساحات هب
ياسيــد الســــادات لداعي مجيب

حشود تتقارح على إمـريكا غضب
لبيــك ثم لبيـــك (ياطه )الحبيب

#أبوأحمد_الوايلي

ايام سوداء مقبله يابو لهب
باتحترق فيها وباتلهب لهيب

جهنم الحمراء لمنهوه رسب
وجاحد القران له منها نصيب

#ابوراكان_السحاري

وبدايت النصر العضيم إلنا .أقترب
ونهاية الحلف أصبحت ضني قريب

بفضل ميلاد النبي جيشي غلب
قوات واشنطن..وداعمها الغريب

#عيسى_الهروجي

صحت ولآنــآ للرسول المنتجب
فوق الثرياء نجم صادع لن يغيب

والسبت موعدنا لتنفيذ الطلب
ياكل مؤمن لب للداعي وجيب

#عبدالله_القبلي

ياسيدي رهن الاشاره والطلب
نحضر في الفرحه وف الوقت الصعيب

مثل السيول الدافقه للمزن صب
في مولدك يتبلسم الجرح العطيب

#عبدالله_حسين_مسعود

الشعب في ذكرى النبي لاهب هب
والوعد يوم السبت والموعد قريب

با يوعد اهل الشرك ميعاد الغضب
ذي يجعل امريكا من الواقع تغيب

#أبوحسين_العصري

لبيك من صنعاء ومن وسط القتب
لبيك من صعدة ومن غولة عجيب

يا خير خلق الله شعبي قد وهب
في حبك الأرواح والغالي بطيب

#ابوغبري_الغبري

مثـل الذهب شعب اليمن مثل الذهب..
ما اتغير المبدى ولا الساس العريب..

يوم الحيا والـدين من غيــره ذهــب..
كان الي استمسك وكان المستجيب...

#علي_الشعيثي

يايوم لاقد شافك الكفر ارتهب
وجرح ال البيت لاشافك يطيب

ذي منع ابتكم ياسلاحي والجعب
هبو جماعه من بعيد ومن قريب

#ابوالكرار_المجنحي

ياشعب أمن باالرساله واستجب
وساند المختار في الوقت الصعيب

لي منعكم لا يعتذر حامل سلب
السبت موعدنا حذاري حد يغيب

#جمال_الماوري

لا قد ذكرتوا حادثة جمع الحطب
كي يحرقوا ابراهيم في نار اللهيب

شعبي تجمع واحتشد كله وهب
يصْلِي بني صهيون من مجرى القصيب

#فايز_الحمزي

قولوا جميعاً يارجال قولوا وجب
المؤمن الصادق لربه يستجيب

نفرح ونستبشر بما ربي وهب
وخصنا نحن اليمانين بالحبيب

#ابو_صماد_الفليتي

وجب علـــــــــــــينا يارجال الله وجب..
نفرح ونتـــــــــــــباها بـ سيدنا الحبيب..

والكل يوم الــــــــــــسبت لساحه ذهب..
في مولد المخــــــــــــتار لازمنا نجيب...

#الشاعر_بشير_الشامي

الكل هذا السبت خرجه قد وجب
من اجل مالاعداء ويشوفوا للعجيب

وتكون نهايه للعدو وابو لهب
والحشد عندي فاليمن ماهو غريب

#ابوقايد_عون

انضر لهـذا الشعب نضره عـــن كثب
تــلقى رســــول الله طِبه والطبيب

في عصرنا الحاضر وفي كل الحُقب
في حربنا القادم وفي حرب الصليب

#الشاعر_ابوعاقل_المنبهي

يوم السبت بايخرج احرار العرب
في حب طه الكل للداعي يجيب

شعب اليمن على جبينه قدكتب
لبيك يا طه ونصرالله قريب

#جواد_محمد

في يوم ميــلاد النبي شعبي يهب
ويحشد الساحات في مشهد مهيب

من عاصمة لانصار لا صعده وإب
(لبيك يا طب المواجع والطبيب )

#صالح_الدباء

سبت اليمن بايحضره كم من شنب
وانصار طه عند ظنه ماتخيب

حمى اللحى لاما عملنا ذي يجب
لابد نتجمل ونصرالله قريب

#ابوجبريل_شريف

بايحتشد شعبي ولبيناالطلب
يااطهربشراختارك الله الرقيب

احفاد من آووك من شربولهب
الاوس والخزرج وقالوالك لبيب

#مصطفى_محمد

حضورنا في السبت يجتاز العجب
ويذهلو منه بعيدة والقريب

ومنه العدوان بايحرق غضب
ويموت في غيضة بميلاد الحبيب

#ابوعمار_هاشم

يخساء تحالف نجد ويخساء بو لهب
واحنا ارتشفناء حب طه فل الحليب

ومن يحط النار في وصط الحطب
باتلهمه ذي يحسبنه شخص ذيب

#ابوهادي-الجامع

نهايت اعدا الله في يوم قد قرب
تمرض قلوب الشر ولاتلقا طبيب

في مولد الهادي نبادر ونحتسب
وياكيف مانخرج ونفرح بذا الحبيب

#ابوزكريا_المأخذي

الحمد لله حمد دايم ما كتب
له كل شاعر في اليمن ولا اديب

في حب طه من به اتجلت كُرب
والفرج زلزل عنى الوقت الصعيب

#الشاعر_ماجد_القادري

حبي النبي دائم على شعبي وجب
من وسط صنعاء لا تعز ثم حريب

وتحتفل صنعاء وبيروت او حلب
والكون في ذكرى محمد يستجيب

#الشاعر_ايمن_العصري

باالذات هاذا السبت بايلقو التعب
وبايشوفو يوم في المولد صعيب

هم هاكذا الكفار في الدنيا عجب
يشتو فقط نغلط ولامره نصيب

#ابتسام _شرف_المحطوري

هيا الى الساحات يااصل العرب
في مولد المختار هادينا الحبيب

نجــدد البيعـة ونأخـذ بـاالسبب
نعلن ولانا في زمن اصبح مريب

#ابورائد_السعدي

الوعد والميعاد والعهد اقترب
يامولد المختار ترحب بك نهيب

تبت يداسرائيل واذناب العرب
بايعرفوا قيمة محمد عن قريب

#ابوزايد

ياربعنا في حب طه قد وجب
نخرج نبيض وجهنا عند الحبيب

باخرج مع ربعي وللساحه نهب
ونترك المخذول بغيضه ما يطيب

تابع المجاراة تضامنا مع الشاعر الكبير #معاذ_الجنيد

البداية من #ضيف_الله_سلمان

اليهودي طول عمره يهودي
ذا الكلام المختصر والمفيد..

خابوا اذناب النظام السعودي
كلنا الشاعر #معاذ_الجنيد..

#علي_العسكري

يا جنيديات جودي و جودي
من معاذيات امير القصيد

شاعر العصر السوي و العمودي
المخضرم بالقديم الجديد

#أحمد_الاهدل

ويل أبتــكم ياعبيـد النقودي
من غضـبنا ياعبيـــد العــبيد

هااسمعو ياناقضين العهودي
عهد نعصـدها عليكم عصيد

#جبهان_حواش

رغم انف المرتزق والحقودي
الجبل شامخ ابد مايحيد

يامعاذ اطنخ وزودك يزودي
لاتهم اهل الردا والعبيد

#الشاعر_ابوحسين_الرازحي

با نـدّرس نظم شاعر عمودي
في المناهج بل ويبصح نشيد

ما استغاضوا غير لنه وجودي
لاكتب يكتـب بحب الشهيد

#ياسر_ناصر_عمر

الجبال الراسيه من جنودي
قل لبن سلمان ذاك الوليــد

والقسم مايدخلو لا حدودي
من قرب منها شويناه صيد

#ابوسندس_العلافي

له قمة التاريخ واحنا شهودي
ولــــــه ابيات ذابت حديد

معاذ كلماتك تقش الجلودي
شوق نفسي في سماع الجديد

#الشاعر_ابوفاطمة_الشريف

دامنا لله ربي جنودي
مكر الاعدا ضدنا لن يفيد

وصبرنا ويمانا والصمودي
خلده والله معاذ الجنيد

#ابوجهاد_اللاحجي

سار شوكه في نحور اليهودي
شاعرالثورة معــاذ الجنيـــــد

قل لعٌباد الريــال الســـــعودي
يحرقو في حـــرّها والوقيـــد

#أبوحسين_العرجي

ياجنيد ياعلم حاضر جدودي
ماضيك اجداد كله جديد

لافشل صهيو تحالف سعودي
في المعارك بايعود فوق الجنيد

#أبو_فاضل_المنصور

هاجسي ضاع وسارت ردودي
واحترت اكتب عنك ياجنيد

أنت الذي أرعبت ابن السعودي
رفعت راس الشعب وخليته مجيد

#جبريل_ياسين

اي ورب الكون ياذاليهودي
مامعك غير الفشل والشريد

لو حشدت الكون كله جنودي
اليمن الوا قوه وباساٍ شديد

#الشاعر_ايمن_العصري

خاتم الشعراء حرفه رعودي
وكلمته والشعر بٲسن شديد

شاعروٲبياته فخامة وجودي
ابن اليمن اسمه#معاذ_الجنيد

#ابو_زايد_ذياب

ما نبالي بالعميل الحقودي
فاشله حملته هذا اااكيد

الادب والشعر عابر للحدودي
كلنا الشاعر #معاذ_الجنيد

#احمد_مهفل

انطحوا ابروسكم فـ الحيودي
كان مـ اعجبكم معاذ الجنيد

رغم عنكم ياذيول السعودي
الجنيد اسمه وشعره فريد

#صقر_سبحان

مثل ما انا اعلنت لله سجودي
باعلن وقوفي معك ياجنيد

وابذل مع الله كامل جهودي
وادحر الباطل مع كل كيد

#ابو_اسحاق_الجوف

شعر امعاذ صليات اصمودي
زالزل الحلاف قافه والقصيد

نضم نبله صواريخ اسكودي
جندلت لشرار بنغم الفريد

#الشاعر_ماجد_عبدالله_القادري

ياحروفي بالتقدم ياجنودي
ساحة الابداع والعز الشهيد

يامعاذ الغيث لاحنت رعودي
انت شامخ معاذ ابن الجنيد

#اسامه_خالد

من عصا موسى وفرعون عودي
في مـعاذ الواقـعة به تعـيد

هاجسه يلـهف عصاة اليهودي
وله بـلاغه ساحره ذ الجنيد

#عبدالله_بحنان

القلــم ماهو لعباد النقودي
شاعر الثورة قهر كل العبيد

حطم الارقام عابر للحدودي
قررو في سوريا شعر الجنيد

#الشاعر_يوسف_الحداد

الجنيد شاعر مجاهد سدودي
صرح شامخ للقريب والبعيد

الفصاحه من تراث الجدودي
والبلاغه في يمنا السعيد

#الشاعر_بشار_دهقم

من معاذ الجيد حنت رعودي
والبلاغة والأدب والقصيد

غاضهم لليوم تاسع صمودي
كلـنا الاحرار ابن الجنيد

#مؤيد_التوهمي

كل شاعر يامعاذ لك شهودي
شاعر المحور انت الوحيد

واليماني قال ثابت وجودي
كلنا بالصوت معاذ الجنيد

#الشاعر_متاش

ياملاعين البشر للخلف عودي
واخسئي ياشلة الطاغي يزيد

واحرقي يانجد في ذات الوقودي
عاد حسان ابن ثابت من جديد

#ابواحمد_الوايلي

يا دعاه الشر جينا حشودي
نمسح الفتنه بقطع الوريد

والجنيد الحر ياهل الحقودي
با يزلزلكم بشعرٍ جديد

#حمد_الكبسي_الوايلي

يادعات الشر للخلف عـــودي
عن قرارات الفناء والعـصيد

المريكي والسعودي واليـهودي
كل ابوكم تحـت نعل الجنيد

#أبوروح_اللله_الغنيمي

اليهود ماتهنا في حدودي
مارجع منهم مقدم اوعقيد

كل ما اشتدو زدنا صمودي
من فضل ربي والقول السديد

#ابواياد_المطري

ياخداع الزيف والمـكر السعودي
الذهب مابا تردوه حديد

قلتــها وباقولــها واعلن وجودي
كلنا فخراً.معاذ الجنيد

#جمال_ابومكية

باندرسها برغم الحقودي
ونواجه بالسلاح الجديد

هو فقار الشعر بأسه شديدي
تنطلق من قافياته وعيد

#حسين_الدهمس

كاتب التاريخ سـجـل صمودي
قل لهم من شعب بأسة شديد

السعودي واليهـودي الحقودي
الجـنــيد احنا وحـنّـا الجنـيد

#ابوالفتح_الجرادي

كُل ناعق للـــورى خلف عودي
مرتـــزق خادم عـــبيد العبـيد

مدعي الاسلام وصله يهودي
ديننا الاســـــلام عنــــه بعيد

#ابو_صماد_الفليتي

اليـهودي والنظام السعودي
كلهم من حزب طاغي مريد

حلفهم مجرم وقاده حقودي
واليمن واحنا #معاذ_ الجنيد

#شاعر_بلاد_الروس

قد معاذ شعره تخطى الحدودي
افخر افخر. يايمنا السعيد

شاعر الثورة أصيل الجدودي
من مثيله الفريد. والوحيد

#إتحاد_الشعراء_والمنشدين

https://t.me/aboyahyaalshami

تابع المجاراة عن
العرس الجماعي لعدد تسعة الف عريس وعروس برعاية الهيئة العامة للزكاة) .

البداية للشاعر #احمد_درهم_المؤيد

انطلقنا من جميع المناطق
واجتمعنا فالزفاف الكبير

في زكاة المال مابه فوارق
في اليمن بين الغني والفقير

خبروا من كان في الفيس ناعق
قلنا ويش أزعجك ياخبير!!

#يونس_النزيلي

رغم انف المرتزق والمنافق
والتحالف والعميل الاجير

بانعرس رغم عن كل دانق
يحرقو باالغيظ حلف البعير

قل لحكام الفلل والفنادق
بايصير العرس ذا بايصير

#ابوأحمد_الوايلي

عرسنا يفرح جميع الفيالق
واغضب العدوان ذاك الشرير

مابقي في شعبنا حد مراهق
بالتكاتف زال سوء المصير

والعدو في حرب ناعم يسابق
واليمن تهزم حروب الحقير

#مجيب_مقبنة

احتفلنا لابسين البنادق
و انتصرنا بالعليم الخبير

بالزكاة اليوم نلنا البيارق
والفرح زان عرسي الشهير

ما انشغلنا بالسعودي وطارق
حين قلنا مرحباً بالصهير

#أبوصخر_الجوحمي

الكتائب جاهزه والفيالق
والمسير والمجنح يطير

المسيره أبعدت كل فارق
عرس تسعه ألف شاهد كبير

ندعو االأباء نزيل أي عائق
لجل تحصين الغني والفقير

#الشاعر_ايمن_العصري

تهني الحراواجموع الخلايق
وهنا المجاهد ومنهو اسير

وغصبن علاكل خنزير دانق
نبارك ونفرح ونذبح بعير

#إتحاد_الشعراء_والمنشدين

https://t.me/aboyahyaalshami