بلغ التاريخ يا هدهد سبا
لا تخلي شي على بالك يغيب

لا تخلي ملحمة تذهب هباء
كان لابطال اليمن فيها نصيب

قل له انا قوم ناتي بالنبا
وان سرينا في المغازي ما نخيب

عزمنا طوفان والباس ارتبى
وان دعيناها تعالي تستجيب

#مهدي_احمد_مفلح
#إتحاد_الشعراء_والمنشدين

https://t.me/aboyahyaalshami

لا قد قدم ماهو يخلي ف الاعادي صيفري
والموت في قبضة يمينه والفناء عنده ينوش

عظيم في درب الكرامة والمروة حيدري
والعزم صمادي يخلي الراس والخافق يشوش

#مهدي_احمد_مفلح
#إتحاد_الشعراء_والمنشدين

https://t.me/aboyahyaalshami

المجاراة عن ذكرى الهجرة النبوية الشريفة على صاحبها وآله أفضل الصلاة والسلام.

البداية للشاعر #ابومنار_العشي

في يوم ذكرى هجرة الهادي
نرفع تهانينا إلى أحفاده

والعهد ذي وفّوه الاجدادي
جئنا لتثبيته وجدّاده

اهل اليمن وآخير الاجنادي
مع آل طه خيرة القاده

يا فتح مكه بشر الوادي
نعيد فتحه بعد وصّاده

#نشوان_الغولي

هاجرت من وادي الى وادي.
مع النبي و ابناه و احفاده.

و انا على عهدي و ميعادي.
في سلم و الا حرب وقّادة.

يا ساعدي فالحرب و زنادي.
لي منعكم لا نخلف العادة.

تاريخنا هجري و ميلادي.
من هجرة الهادي و ميلاده.

#ضيف_الله_سلمان

والله منحنا اعظم اقيادي
واختصنا من سائر اعباده..

في واقع ايمانيّ وجهادي
امّة لها منهاج وقيادة..

سابع سنه والحلف متمادي
في حربنا تجويع وإبادة..

مازال غارق في التِيِهْوادي
في وحل تطبيعه وإفساده..

#الشاعر_احمد_درهم

وقِّف رحال (العيس) ياحادي
وردد ألحانك كما العادة

لو حاصروني قوم الاوغادي
بقول قولي عزم وإرادة :

حب (النبي) شربي وهو زادي
وفوق ما بحتاج وزيادة

ولو قُتلت فبعدي (أولادي)
مسيرة (الأنصار) ولاّدة

#الشاعر_ابو_رواسي_ارحب

من واقع الهجره بداء أعدادي.
من حيث ماطه بداء أعداده..

أوالي من والاااه وأعادي..
عدوه المعروف بأحقاده..

العصر هذا عصر صمادي..
وأبن النبي واقف علئ أشهاده.

وأحنا جنوده لابدى بأدي
وكلمن كفه علئ. زناده..

#ياسين_الفروي

الأوس والخزرج هم أجدادي
كلن فدا المختار بفؤاده

في يثرب الهجره لها ابعادي
لليوم ما زلنا على العاده

نبذل معه فلذات الاكبادي
والمعركه والحرب وقاده

ايماني الايمان وجهادي
من هجرة المختار وجهاده

#ابو_مالك_الكوماني

اجدادنا انصاره و الاحفادي
في ذا الزمان تناصر احفاده

بعنا النفوس وبعنا الاولادي
في منهج المختار وجهاده

نضرب غـوايـة كل متمادي
ومن تعدا ننـهش اكبـاده

يا لابتي صنـّاع الامجـادي
تحـرير مكـه حان ميعاده

#مهدي_احمد_مفلح

شل الوفاء والعهد يا شادي
ما نختلف عن منهج السادة

منهج محمد ذي به اجدادي
قامو وصانو الحق بارادة

واحنا لهم من خير الاولادي
ما نختلف والعادة العادة

نخرج حقارة كل متمادي
لا جاء نشب النار بافراده

والعزم فينا عزم صمادي
والعز منا قام ميلاده

#زيد_الخراشي

يابدر بانوار الهُدى بادي ..
صارت الينا هجرتك عادة .

نستقبلك بالصوت الانشادي..
من الفرح ياسيّد السادة

عمار بن ياسر سلك وادي..
علي وساروا بعده احفاده.

احنا فدى لك لابدى البادي..
وارقابنا بالغُرم سداده

#أبويوسف_القاري

حسب الولاء للمرتضى الفادي
للمصطفى بالروح وفؤاده

أنصار صدق ودعم واسنادي
نمضي ونطلب نصروشهاده

في وجه أكالين الأكبادي
سيوفنا للثأر طراده

واهل العماله والتيهوادي
عشاء لابوجبريل وافراده

#عاقل_بن_صبر

يا سيـــــدي لبيك،، وبلادي
مستنقع العدوان واحقاده

شعب الكرامه غادي بغادي
انصار دين الله و اوتاده

الركن الاسحم بسمي ينادي
والقدس ناظِرنا لميعاده

ونهاية الرجس التيـ ـهوادي
على ايادينا وموسـ ـاده

#صالح_حسين_أبواحمد

يامرحبا ماحن رعادي
ماصب قاصف نار وقاده

بك يامهاجر للبشر هادي
صوب المدينه قايد القاده

طه المشفع ساعة النادي
يوم القيامه رغم حساده

ذاكراك فينا ماحدا الحادي
باقي بنا الى يوم ميعاده

#ابوإسلام_الحداء

نهنئ الاحرار يا اسيادي
في ذكرئ هجرة سيد الساده

بانحيي الجبهه رصاص عادي
وبالرصـاص الكاشـــف ازياده

من اجل ندحر حلف الاوغادي
من ارضنا ذي حان ميعاده

بانقتحم غادي وراء غادي
لما نصل يثرب مع الـقاده

#وضاح_الحميصي

ياسيدي يالطاهر الهادي
شعب قد اعلن اجـــهاده

وقاتل امريـ ـكي وموسـ ـادي
وابو لهب سلمان واوغاده

وله مع مسراك مــيعادي
يستاصل الكافر وموساده

في المحور السيني والصادي
جهز ورتب وضع افراده

#بلال_الصوفي

حب النبي وآل النبي زادي
ما دام عندي روح وقادة

واعداء ربي كلنا نعادي
لنا بهذا قد جرت عادة

وأزكى صلاتي عد الاعدادي
على النبي المختار واحفادة

ما البدر يسطع من سما الوادي
ولكامل الاعلام والقادة

#ابومقبل_الشعيثي

ياخير مومن في تعبادي
يصبح ويمسي فوق سجاده

اداء الرساله رغم الاحقادي
وثق عمود الدين ووتاده

في عصر جهال التعبادي
خضع قريش الدين وسياده

واليوم في عصر التسعوادي
حاول يرد الدين يهـ ـواده

#عز_الدين_جحاف

زواملي تحلو وإنشادي
في ذكر طه وأحفاده

من منهله يرتوي الصادي
ويطيب شربه مع زاده

واهل اليمن خير الاجنادي
للمصطفى من يوم ميلاده

واليوم مازالوا للاحفادي
أهل الوفا والحرب وقاده

#ابو_ربيش_الجدوحي

في يوم حاقو مكرهم لوغادي
على نبي الله خير اعباده

هاجر صلا خير العرب لاجوادي
ذي يامنو به من قبل ميلاده

واليوم قصة لأمس به تنعادي
كلن على صيغة وطبع اجداده

احنا مع آل البيت باستعدادي
وأعداء النبي حلو العدا لاحفاده

#إتحاد_الشعراء_والمنشدين

https://t.me/aboyahyaalshami

سعدت بمولدك الدنا يا سيدي
والكون اشرق ضاحكا متبسم

يا خير مبعوث لاقدس امة
اهدى بك الله العظيم وانعم

فمضيت في هدي الخلايق صابرٱ
حتى انطوى ليل الضلالة مرغما

لم يثن عزمك كافر ومنافق
حتى تراجع بالجهاد واسلم

يا خير انسان وخير موجه
والدين خير من ارتضاه وعلم

ان الفضيلة في الرسول سجية
والحق من نهج الرسالة قدم

نار المجوس بيوم مولده اطفات
واهتز عرش الروم حين تحطم

ولشعبنا في حب احمد موقف
يسمو على كل الشعوب تقدم

ان مالت الاقوام نحو ملوكهم
شد الرحال الى الرسول ويمم

ان قلت من نصر النبي ودينه
كادت حروف الشعر ان تتكلم

شعب له عبر الزمان مواقف
واذا رمته النائبات تقدم

صلب العزيمة شامخ ومصابر
حاشا لمثل صموده ان يهزم

طافت على ذكر الرسول قصيدتي
والشعر في حب النبي تكلم

حتى تدفق في السطور مسارعا
والشوق يعلو شاعرا متعلم

تدنو احاسيس القداسة نحوه
وتصب ابيات القصيد تكرما

في ذكر سيدنا الرسول محمد
صلى عليه من اصطفاه وسلم

شاعر الاحرار
#مهدي_احمد_مفلح
#إتحاد_الشعراء_والمنشدين

https://t.me/aboyahyaalshami

المجاراة السابعة بعنوان موطن الأنصار يتزين باللون الأخضر لااستقبال مولد رسول الله .

البداية من الشاعر #عماد_العملسي

في مولد المختار شفنا البشاير
والنصر والتمكين جت في ربيعه

والزينه الخضراء عمئ لطواير
صارت قلوب الكفر منها وجيعه

لبيك يانور الهدئ والبصاير
من موطن الانصار يملى الوسيعه

#مهدي_احمد_مفلح

كل المكايد ضدنا كيد ساحر
اتبخرت واضحت سراب ن بقيعة

ولا يحارب مولده غير فاتر
يربط حباله بالحيل والخديعة

اطهر بشر في الارض يا اهل الضماير
لي ما فرح في مولده ما يطيعه

#عاقل_بن_صبر

ميلاد طه في دماء كل ثائر
وانصار دينه دائماً في الطليعه

با نحيي المولد وكل الشعائر
رغم انف امريكاوحلف القطيعه

و تحتفل كل القبل و العشائر
في ساحة السبعين سنه وشيعه

#ابومنار_العشي

خلك معي يا صاحبي لا تغادر
نحيي سوا ذكرى ربيع البديعه

في اليمن حيث احتفال المناظر
تفوق خضرتها جمال الطبيعه

مولد محمد من خيار المشاعر
ما تعرفه غير النفوس الرفيعه

قل للفتاوى المبغضه والمنابر
حب النبي جامع لسنه و شيعه

#ابورواسي_ارحب

ياسيدي لبيك.... والدم فاير..
لاجلك نقدم فوق مانستطيعه..

وأن مالقينا في العروبه مساير
احنا بحبك بانحوووز الطليعه..

ياضيف مايحسب كما أي زاير
ذكراه فينا فرض ماهي صنيعه

#فــارس_المعزبي

يامن بميلادك حيات الضماير
وعودت التأريخ عوده سريعه

صلى عليك الله ماطار طاير
فوق الجداول والغصون الطليعه

بانتحفل بك في جميع الدواير
ونقلــع أبواب الحصون المنيعه

#بسام_مساوى

الاحتفا بالمولد امن الشعاير
اللي تعزز مخرجات الشريعة

جيناك ياطه عشاير عشاير
من كل فج وصوب سنه وشيعة

نعلن ولانا لك وبك ما نخاير
ونقدم الغالي وما نستطيعه

#ابوقصي_العويري

ياموطن العزه وحسن الضماير
حبك لطه وال بيته طبيعه

ما زلت باقي في حياتك مناصر
للدين واهله مانقضت الشريعه

موطن على نهج النبوه مثابر
يبذل من اجل اللحق مايستطيعه

#عبدربه_الحداد_البيحاني

بلغ سلام القلب ياطير طاير
لعاصمة الاحرار سام المنعيه

في مولد الهادي بها النور ناير
واللون الاخضر من جمال الطبيعه

بالمصطفى لبيك والميج غاير
في شعب حمير والجرايم شنيعه

#يحيى_الوحيشي

با نبتهج حتى لو الجرح غاير..
والضلم ناير والمجازر شنيعة..

نفرح بمولد من هدى كل حاير..
ونرنج الدنيا بلون الطبيعة..

قل العرب صنعاء بها شعب ثاير..
مع النبي والآل حاز الطليعة..

#شهاب_المتوكل

قلب اليمانيين بالمختار طاير
وارض اليمن في مولده خضراء بديعه

انصاره الاحباب في قادم وحاضر
والقوم ذي فى كل ماقاله تطيعه

واليوم بالأفراح بالمولد تفاخر
وتقول انا للمثطفى بااشعل ربيعه

#مختار_حمطان

مولد رسول •اللّـہ̣̥ أشفى الخواطر
واشفى الجروح النازفات الوجيعة

مولد نقيمة نحتفل به نفااااااخر
ونبتهج بقدوم ذي بانطيعة

بالزينة الخظراء أنزيل الغوابر
ولون لخظر صار لون الطبيعة

#سجاد_نشوان

اخضر على اخضر فوق كل العماير
وفوق هامات الجبال الرفيعه

فزعه مع الميلاد ياكــلَ ثــآيــر
الكل يجهز لَلَمــهّآم ألَســريــعــهّ

خٌـلَوُ عدو الله مثل ألتــوٌآيــر
يحرق بغيظه فـ الرمال الوسيعه

#ذوالفقار_سفيان

على عدو الله دارت دواير
البطش جاري بالحصون المنيعه

الشعب جاهز والقُبل والعشاير
بحب طه با تحوز الطليعه

على خُطاه ونهجه الشعب ساير
نقسم قسم بالله مابا نبيعه

#ابوغبري_الغبري

الغرب متلبك وتايه وحاير..
من شعب ثابت ضمن(مبدى)و(بيعة)

حب النبي في داخله دم فاير..
بين (المحبين) اسم حاز الطليعة

شع الثرى والارض تلوي شعاير..
فرحة غزت كامل (خلايا الطبيعة)

#عدنان_جحوح

عبر عن الأنصار يا كل شاعر
في مولد الختار وامدح ربيعه

ذا موطن الإيمان كالبحر زاحر
بالحب أدهش ساكنات الطبيعة

قد قالها (لبيك ) بركان ثائر
زاحف إلى المسرى بخطوة سريعة

#فـايز_بقــلان

ارتاح كـل انسان عـنده ضمـاير
حب النبي قـدوه ولازم نطـيعه

كان العرب تفخر بتـلك العشاير
متـكـابـره مابـيـنـها لطـلـيـعه

اخاء ولـملـم بـين كـل الذخـاير
وصبح جميع الناس لمره مطيعه

#حمزه_الديلمي

فرحه تزيح الهم وتسر المشاعر
والشعب في أحياها على رأس الطليعه

عاد المجال أوسع لذيهوا بايبادر
ويكون له موقف وفي الذكرى صنيعه

يارب صل ع النبي باطن وظاهر
واتمم لنا نور البصيره في ربيعه

#ابوبراءة_الديلمي

شعب اليمن في خدمتة الهدي ساير
في مولد المختار كامل نطيعه

والمرتزق باالحقد ضايق وحاير
خالف كتابه والسنن والشريعه

واحنا معه بقلوبنا والضماير
والروح فدوه ياالحصون المنيعه

#الشاعر_رايد_الخمري

ولبيك من عمق الهدى والضماير
من شرق صعـده لاتخوم الوديعه

وفي مولدك اشـرق يمــننا بشــاير
وزتاد مـن نور الهــدى والطـــبيــعه

صلى عـليك الله ما الطــير طـــاير
ياقبلة الأمـــة ومجــــد الرضــيعة

#إتحاد_الشعراء_والمنشدين

https://t.me/aboyahyaalshami

القصيدة التي اعجبت المرحوم علي الاهدل

يقول اليماني عزنا في سلاحنا
ومجد القبيلي حل في بندقه وبات

على العز والناموس هبت رياحنا
ومنا استمد العالم الصبر والثبات

وثوب الكرامة والعزيمة وشاحنا
وجيناتها داخل دمانا مزنجرات

يقوم الفناء والموت عند اجتياحنا
وتحرق من الخوف الشديد المجنزرات

على كل ذرة رمل مدت رماحنا
من المعتدي تطهر وتصبح محررات

وحانت مغازينا وحان اكتساحنا
لمارب وشبوة والمدن والمعسكرات

قهرنا قوى الغازين في كل ساحنا
فرضنا عليهم طوق من كامل الجهات

واذا قد غزينا الصبح يسعد صباحنا
وسود المنايا من لقانا مصفرات

وسحق العداء والردع يشفي جراحنا
وخوض المنايا في جميع التحديات

صنعنا ملاحم خالدة في كفاحنا
بتصميم يغني عن جميع المحاضرات

شاعر الاحرار
#مهدي_احمد_مفلح
#إتحاد_الشعراء_والمنشدين

https://t.me/aboyahyaalshami

لوما انجبت صعدة الا صالح الصماد
كانه من الفخر يغنيها ويكفيها

للعز والمجد والشعب اليماني قاد
وكل خصلة مع ربي مشى فيها

#مهدي_احمد_مفلح
#إتحاد_الشعراء_والمنشدين

كان للشعر دور هام في جميع مراحل العدوان على اليمن وملحمة صموده العظيمة فقد كان اللسان الناطق والمعبر عن التحدي والشجاعة والثبات والصبر والعنفوان كان لسان حال الشعب في صموده وصبره ولسان حال جيشه ولجانه في ثبااته وشجاعته واقدامه وعزيمته وخوضه للصعاب والمخاطر واستسهاله للشدائد
لقد قدم الشعر خلال هذه المرحلة الطويلة الكثير والكثير فكان ناجحا بنجاح جيشه ولجانه وشعبه وكاسحا للساحة المحلية والعربية فكما انتصرت بندقية المجاهد اليمني مقابل اعتى الجيوش تسلحا وامكانية انتصر الشعر الشعبي والفصيح امام ماكنة الاعلام العدواني والمضلل
فكان الانتصار الساحق حليفه في اخراس السنة شعراء العدوان

شاعر الاحرار #ابو_العباس #مهدي_احمد_مفلح
#إتحاد_الشعراء_والمنشدين

https://t.me/aboyahyaalshami

مرحب على ماحركه في المعركة شوكة وجر
حمر الصفر لي ما برد فوق العداء ملطامها

تطلع مفجر للحشاء والجلد من سود النخر
ونارها تشعل صميم الانسجة وعظامها

وكل غازي من شرارتها تمدد واجتعر
واصبح على الواقع بقايا المعركة وحطامها

يحركه جيش انتصر لله في وقت الخطر
حامي حمى الارض اليمانية ونهج اسلامها

هو مبتدأ الاحداث والفعل المؤكد والخبر
والفاعل الي زلزل الدنيا وهز اقزامها

شكل رقم ف الارض ما يمحى وصوته معتبر
وجرد الاعداء من القوة وكل ازلامها

واصبح زناد الحق والقوة وقايدها الاغر
ونصلة العزة على خصر الشرف وحزامها


قاد انتصار الشعب واتربع مقاليد الظفر
حتى افتخر كل العرب من هيبته واقوامها

ومن هنا مرت مجاميعه ومجده قد حضر
واتحررت كل المعالي يوم فك لجامها

واتيسرت كل الشدايد وارتفع كف العسر
والمعضلات الكثر ولت وانطوت باحجامها

واقسى السنين السبع لانت مثلما لمح البصر
وتزول تاثيراتها من عامها لا عامها

عزام يتحدى شرار الخلق في بر وبحر
ويعلم الامة الى من تتجه بسهامها

الى من اتكبر وصار اليوم من شر البشر
واقسى الجرايم حطها فيها وبايده ضامها

تقوم له وتلقنه درس الكرامة والعبر
وتدوس تحشيده على الميدان تحت اقدامها

#مهدي_احمد_مفلح
#إتحاد_الشعراء_والمنشدين

https://t.me/aboyahyaalshami

المجاراة عن اهانة تحالف العدوان للخائن عبد ربه منصور وعزله بطريقة مخزية ومذلة والشرعية الزائفة..

البداية #ضيف_الله_سلمان

موضوعنا اليوم حامي
بكل معنى العبارة..

ويش آخر أخبار (هادي)
وباقي اهل العمارة؟!

ولا اصبحوا و(العليمي)
رئيس تم اختياره..!!

ولا رعوا اي قيمة
للخائن ومستشاره..

وعاقبة كل خاين
دايم يذوق الخسارة..!!

(من قارب الكير يحرق
والا امتلى من غباره)

#الشاعر_جبر_المسعدي

الليل ياهل القوافي
اتواصلو بالسفاره

يدورو عبدربه في
كل شارع وحاره

لحق علي ولدمحسن
لاماتنكسل ضماره

والمجلس الانتقالي
لايحتجي بالغباره

وحسب ماقال الاول
الحر تكفيه اشاره

ماينفعك في عدوك
قبيلتن مستعاره

ماخير ياتي ولاشر
الا ومارب مساره

#الشاعر_يحيى_العطيف

مابين هادي ومهدي
الشعب هو واختياره

هادي لشعبه معادي
ولابيملك قراره

ومهدي لذا الشعب يفدي
حمل إلينا البشاره

وكان للشعب جندي
صانه ورد اعتباره

والله ياعبد ربه
لوكنت تفهم ذكاره

ماصرت في الخلف راكب
وهو طلع ف الغماره

#مهدي_احمد_مفلح

انذر بهم كل ابيهم
بكل معنى العبارة

خانو الوطن والمواطن
في يوم حامي غباره

لجل القروش السعودي
زادو الخبل في عياره

ما هم يهمو الفضيحة
وهم دمى مستعارة

لا والقسم ما يمرو
والشعب رهن الاشارة

من يشتي الموت يقدم
للحرب يديه ناره

لوما بقي من يخبر
ما سيطرو في دياره

#بسام_شانع

أصحاب حارة بني سعد
الكــــــــــــل عُقّال حارة

وانا الوحيـــــد المواطن
فيهــــا... ويحيى جبارة

يحيى نقــــــــل إب وانا
بانقــــــل وبارجع شهارة

وانهــــــم قيادة بلاافراد
وانهـــــم دمى مستعارة

مجلـــس رئاسي وسبعة
حكام داخـــــــــل عمارة

#عزالدين_جحاف

دنبوع مسير بريموت
خضعي مصادر قراره

هي شرعية حلف غاشم
ماهو بحسب اختياره

يبدلوا ذا بهذا
لبيع أرضه وعاره

قريب حلف السعودي
بالله نكسر حصاره

وكل قاصي وداني
بتكبد اكبر خساره

وشعبنا الحر يعلن
على اليهودي انتصاره

#نورالدين_المقاتلي

كم قال له الشعب كله
اوبه تولع شراه..

لاكنّ قد صار مدبر ..
مربوط جانب حماره!!

يتحمل اليوم ماجاه
موجود قطعة غياره!!

(هادي) توهدر وغادر
لصّى (العليمي) بناره..

مضروب ضربة معلم
با يعلنوا بانتحاره!!

# فريد_عرار_الشريف

هادي كواه الرزامي
واللقى بظهره دباره

مكوا على الظهر دامي
معاد بعده بخاره

واخبار فرقة ميامي
يمارسون العهاره

مابين كاهن وجامي
بين الخناء والدعاره

#الشاعر_ابومحمد_السحاري

ظاع الغبي ابن منصور
الله ويش ذا الدباره

في الامس قد كان هايم
ويولعو له اشـاره

فتره وقد صار هارب
وباع. شعبه لجاره

عذاب طاحت عليهم
سجيل مثل الحجاره

واحنا وثقنا بربي
ذي مدنا بنتصاره

#ابوصالح_العملسي

هو عبد وترمب ربه
واهل الخزا والدعاره

زايد وسلمان وبنه
ذي افسدو كل حاره

والشرعيه والخيانه
فيهم صفات الدشاره

باعو الكرم والمبادي
وشلو الخزي عاره

وكل ابوهم ملاعين
بودي وذي في الغماره

والشرعيه منتهيه
واهل اليمن في الصداره

#يحيى_الوحيشي

با اقلك العلم كله ..
بالمختصر والإشارة..

عبدو ربل صار ماضي..
وامسى مجرد قذارة..

كم ضل مركوز فاضي..
ريس بدون استمارة..

وبعد عجز التحالف..
يأقلم ارض الحضاره..

قام أقلمه الريس اللي..
ماهم عرضه وعاره ..

سبعة دنابيع ساروا..
في مجلس اكثر حقاره..

#شداد_حُميد

عيال سبعه وسبعين
باعو بلاد الحضاره

صندل وسبعه صنادل
هولا رموز القذاره

بجنبهم صدقوني
تبقى النجاسه طهاره

واسعارهم ما توازن
لنصف حبه شقاره

بشعري العن ابتهم
ب الفيس وافعل اشاره

#ابو_ميثم_الزراع

يقل جلال ابن هادي
الوضع حامي غبارة

من حاربوا لجلة الناس
ماعاد يملك شقارة

من باع دينة وشعبة
بايلحق البيع عارة

ياكل خاين تفهم
شل العبر والعبارة

حتى رئيسك بكلة
ماعاد يملك قرارة

وان كنت تهوى السعودي
فاانا اشهد انك حمارة

#سيف_حسن_العامري

لا اصبح حجازي ونجدي
ولا بلادي دياره

من يوم غادر مبرقع
والقبع رده ستاره

باع اليمن بيع سارق
وباع نفسه وعاره

واليوم يارحمتي له
محروق يحرق بناره

ليته يقل للعليمي
سابع سباع القذاره

يايبيبي لا تيبيب
معي من الصيف اماره

لو سرتوا الفين دنبوع
ماتجنوا الا الخساره

#براق_المنبهي

مالاق به اسم هادي
هو مهتدي للإماره

بيلف هو وابن محسن
جحى مضيع حماره

كانه على باب يربح
شل العليمي ضماره

بلغ لهم يالمسير
للكل يقدح شراره

مرسول من شعب صامد
لابد ياخذ بثاره

#عبدالرحمن_الريامي

‏اخـزاكـــم الله وازرا
يا مـــدعين الطهاره

الفار هـــادي تحمير
وانتو ركبتوا حماره

ماحد يسلم زمــامه
للملكه والامـــــــاره

لاقال سلمان حـاحو
قلتو وحاحو اشـاره

تاره تبيعوا شـرفكم
وتبيعوا العرض تاره

#إتحاد_الشعراء_والمنشدين

https://t.me/aboyahyaalshami