تابع المجاراة (7) العدوان والحصار ونهب الثروات سبب المعاناة والازمات..


البداية #ضيف_الله_سلمان

مطابخ العدوان شغاله
والغاز والبترول في مأرب..!!

من ذي قصف سعوان والصالة
والباص ذي فوقه مائة طالب!!

لعنه على العدوان واذياله
وكل خاين مفتري كاذب..

يستهدف أعظم شعب ورجاله
اهل الوفاء والموقف الصايب

من جاد بالصماد وأمثاله
والله مايبخل فيَ الراتب..!!

#أسـامـة_المـعبـاء

قــولوا لحلـف الشـر واذياله
بيطبـنعه شعبــي وبيحـاسب

عــن كل اعمــاله وافعـــاله
وحصاره المفروض والغاصب

الشعب متجهــز مع ابطــاله
و"البدر" و"الصماد"و"الثاقب"

"يفتـح بـرأس الحلف بـقالة"
ويعلمه ماهــو جزاء الكاذب

هــاذي من العــدوان خبـاله
جانا وصار في حربنا حانب

#علي_بن_علي_مسرع

شليت زامل حن طلع باله
يكشف لنا خاين لنا ناهب

ملعون ابو جده مع خاله
سارق ونصاب لص ومضارب

سوو لهم مكتب ونشاله
فيه الخيانه فرضها واجب

اولاد جانب سوق مرفاله
في غير شرعي خال ويناسب

#كيان_الشمسي

من كل جانب حرب شغاله
يديرها حلف الغبا الكاذب

هو ذي نقل بنكي مع ماله
عدوان حاقد معتدي غاصب

في كل منفذ أحكم أقفاله
وأستهدف الابراج والقارب

الكل يعرف ما هي أفعاله
ومن هو المضروب والضارب

هو ذي علينا شغل أذياله
ووصل الموجب مع السالب

#ابورائد_السعدي

الشعب واعي من نهب ماله
محال يحدث زوبعه كاذب

واضح امام الوجه وقباله
وين البقر والسارق الحالب!

عدونا ما نجهل اعماله
والناس فاهم من هواللاعب

#الشاعر_يوسف_الحداد_ابوحيدر

هذا ولد عمه وذا خاله
نحو المناصب كلمن ذاهب

لاعد قيم فيهم ولاحاله
تميز الشبان من الشايب

ذولا طغاة العصر واذياله
الحاضر اليوم يبلغ الغايب

من ساند العدوان ونذاله
يحلل الموجب مع السالب

شعب اليمن بري من اعماله
بايحترق في ناره اللاهب

هل شي ذنب تتفرع اذياله
ولا خبر منقول عن هارب!

لاوقت للتبرير في الحاله
النصر قاب قوسين متقارب

#الشاعر_بدر_أحمد_الكهالي

خاب التحالف خاب واذياله
ومن معه بالقصف متكالب

مهما يشـغل بوق ضلاله
لن يخدع الا امعة عايب

نعرف بإنه سبب الحالة
ذي شعبنا في حالها تاعب

ولن يحقق من وراء اعماله
الا نكاله والخناء واصب

ما دام شعبي شب زلزاله
فالنصر لي والمعتدي راسب

#شبل_ماويه

ما الحبل شي اسفل من اثقاله
والعين ما تعلى على الحاجب

والحق مثل الشمس ما زاله
واضح وضوح النجم والثاقب

من لا حقوق الغير قد طاله؟؟
يديه واستحوذ على الراتب؟؟

ما غيره العدوان واذياله
من خلفهم يا صاحبي الحالب

اما حسين البدر ورجاله
ماغير لبو داعي الواجب

#أبوصخر_الجوحمي

احناجنود الله ورجاله
بنهج طه وابن ابي طالب

تسليم لابن البدر ولآله
هوفرض من ربي وهوواجب

الحلف يتحاسب على افعاله
ونفطنا والغاز ذي ناهب

هم اوصلو شعبي بذا الحاله
من اجل يبقى شعبناحانب

الشعب كله علم اجياله
من اجل يفهم من هو الغاصب

#عدنان_سالم_الذويبي

قد حالت العدوان في حاله
وفي حربنا ياصاحبي حانب

ذا ما نفعه النفط وعقاله
لن ينفعه طقطقة كاذب

شعب اليمن هو رابط احباله
في حبل رب السماء الغالب

وحنا لهذاالشعب كما اجباله
وشعبنا دايم هو الواااثب

مازالت النيران شعاله
بس نشبك الموجب مع السالب

#شبل_الحداء_ابوفلاح

لاوفقه ربي ولاادى له
المرتزق الخاين العايب

حلف العداء. قد حالته حاله
ودف بنفسه لاالوسطـ. حانب

كماانتهى قارون وامواله
والمرتزق ننهيه من مارب

سلاحنا فاالحرب قتاله
وجيشنا. قاده ابا طالب

#الشاعر_ابوحسين_رقبان

شعب اليمن منهوبه اموالة..
والطفل داري منهو الناهب..

وابواق بين الشعب شغالة..
متخفية واللي ظهر هارب..

من يشتي الفوضى بجوالة..
يلحق زبالة شعبنا مارب..

#ابـومـازن_الـرازحـي

ما همنا العدوان ومطاله
بس الهدن في حلقنا حانب

والا اليمن صحراه وجباله
مع السواحل نافر وغـاضب

من ظلم هذا الحلف واذياله
ونهب خيراته مع الراتب

با ينتفض راجل وخياله
وينتزع حقه من الغاصب

ويحاسب السارق. وأعجاله
ويحاكم الحاخام والراهب

#عماد_النهاري(ابوسجَّاد)

المـومـري بـينه مـيـة حاله
مايعرف الاعداء من الصاحب

لا تسمـعوا كـذبـه ومـدجـاله
واتمسـكـوا بالـموقف الصايب

صنـعـاء لحـمْـل العـز شـيّـاله
والعيب في اللي قد نهب مارب

#الشاعر_أبوعزام_الشامي

لن نترك العدوان في حاله
مادام لثروات اليمن غاصب

شعب اليمن باالله أماله
بانتكل عل القادر الغالب

ونواجه العدوان وأعماله
ملعون من عن ذا الهدف غائب

ولن نعيش عل الآخرين عاله
وثروت الشعب جالها ناهب

لازم نعيد للشعب أمواله
ممن نهبها هكذا الواجب

#ابورعد_مصلح

انصار ابوجبريل وصاله
يحررو النفط في مأرب

شعب اليمن قادم وارجاله
ابطال والو ابن ابي طالب

الـمـوت للعدوان وذيـالـه
الـغـازي المحتل والعايـب

ومن شد معا الرحمن ارحاله
هوه المنتصر في المعركه غالب

#إتحاد_الشعراء_والمنشدين

https://t.me/aboyahyaalshami

تابع المجاراة حول ترسيخ المعنى الصحيح للهوية الإيمانية لا با المظهر الشكلي.

البداية #أبوشهيد_القطمي

الله الله في الهوية يا رجال
با نرسخها ولا نرضى بديل

با الهوية نفشل أحلاف الظلال
دام وإن هي محزم الشعب الأصيل

لا تظنوا بانها محزم و شال
أو صور تذكار جيلاً بعد جيل

الهوية دين و أخلاق و كمال
من هدى القرأن مسراها طويل

#الشاعر_ابو_جهاد_صبر

الـهـويه غـيـرهـا نقبل مُـحـــال
عـنـهـا مابانـكـيـل اولانــــمـيـل

،حبها ساكن بكبدي والطحـــال
مانزل .من حبها ياقوم. مــيـــل

لا حفضناها نـسبـب انـتـــحـال
داخل إعضام المنافق والعـمـيل

إن تخلـيـناء خـسـرنا بالرحـــال
وإن تمسكنا رعا الله الجـــمـيـل

#الشاعر_يوسف_الحداد_ابوحيدر

الهويه في قيمنا راسل مال
في سبيل الله يانعم السبيل

راسخه متجذرة في كل حال
خصها الرحمن في الشعب الاصيل

والنبي قد قالها بروع مثال
اليمن ليمان والواقع دليل

ذه هويتها مع مولا الجلال
ذي بها نجتاز كل المستحيل

#الشاعر_أبوعزام_الشامي

إختراق الشعب مافي له مجال
لأن إيمان اليمن أكبر دليل

جائنا الكرار واجتزنا المحال
بالرسالة أمن الشعب الأصيل

والرسول أكد على هذا وقال
لأن هذا الشعب مافي له بديل

هكذا الإيمان يماني يارجال.
نحمد الله نشكره نعم الوكيل

#الشاعر_ماجد_القادري

ثابته مثل الشوامخ والجبال
والهويه موطن الشعب الفضيل

النجوم تشهد لها ثم الهلال
الهوية ورثها جيلا بجيل

الهويه لليمن فوق الخيال
واسمها قد فضله ربي الجليل

اسمها بالعز من رب الجلال
اليمن في حفظ مولانا الوكيل

#أبوصياد_الغمري

الهويه ليس فـــــي ملبس وشال
الهويه هي قيـــــم في كل اصيل

لليمن أشرف هويه مــــــــاتزال
تآبى الخناء والذل والفكر الدخيل

#الشاعرة_بشرى_الشامي

نستقي وعي وهدى عذبٍ زلال
مصدره من وحي ايات الجليل

شعب ثابت للعواصف كالجبال
دام وال البيت نهجه والدليل

#الشاعر_ابوحسين_رقبان

الهوية منهج القوم الاصال..
ماتخلف عنها الشعب الاصيل..

بانمثل نهجها بحسن مثال..
مالها في هذه الدنيا مثيل..

خصنا طه بها خير الخصال..
لا وربي عنها مابا نميل ..

منبع الايمان منها والكمال..
مانزعها مننا الفكر الدخيل ..

#أبوصخر_الجوحمي

الهويه طبعنا قول وفعال
لليماني الحر ذي ماله مثيل

الهويه هي كتاب الله وآل
هي كماقال الوصي لك ياكميل

هي مبادئ ماتحصلها بمال
هي كرامه عز واخلاق الخليل

مانفرط في هويتنا محال
شعبنا سلم لقائدنا الاصيل

#قاسم_الشامي

الهويه دين ماهي لبس شال
ارتباط بالله والهدي الجميل


لا تحاول يايهودي بالقتال
ما نصدق كل كذاب عميل

مامع ابواقهم أية مجال
حبل كذبه دائما ماهو طويل

ما نفرط في الهويه يا رجال
واليهودي مامعه الا الصميل

#الشاعر_محمد_علي_الجنيد

والله إنا بالهويه كالجبال
شامخين احرار جيلا بعدجيل

الهويه في دمانا لاتزال
ماتميل عنا ولا عنها نميل

بالهويه قد دحرنا الاحتلال
بالهويه قد صنعنا المستحيل

الهويه في رجاجيل النضال
لاهويه للمنافق و العميل

#ابوحسين_الشتوي

يايمن الايمان ورجال الرجال
كل جندي ف اليمن يسوى فصيل

والهويه شامخه مثل الجبال
والنجوم مافنجوم الا سهيل

والنكف قد شب من حيد الطيال
حرب ولاسلم رمنا المستحيل

والعزايم ثابته مثل الجبال
مارتضينا الذل والحلف الدخيل

#ابـومـازن_الـرازحـي

يمن الإيمان واسمه لا يزال
بالهـوية جيل يتبع بعد جيل

بالهوية قد تخطينا المحال
وصنعنا المعجزة والمستحيل

بالهـوية لا نُـهان ولا نطـال
لا نـُذل ولا يركعنـا عميل

بالهـوية لن نخـال ولن ندال
لالطاغي او لمتصهين هزيل

#طه_الرازحي

الهـويه راسـخه مـثل الجـبال
في يمنا الحّر والشعب الاصيل

الـهـويه جـسدت فـينـا خـصال
والمـبـادى والـكرم اكبر دليل

بالـهـويه مارضـيـنا باالـظـلال
في وطناء ولا قبلنا باالـدخـيل

بالهـويه منـهـج الله الجـلال
نتبعه ومحـال عـنه مانـمـيل

#أبوأحمد_الغفاري

الهويه جمع شامل للخصال
واليمن هي محتوى الفعل الفضيل ..

جمع منظوماتها اقوال وافعال
في مبادئ ثابته في كل جيل ..

ماتغير في الحرام وإلا الحلال
لا ولا با تنفتح لاية دخيل ..

هي نواة الارتقاء في كل حال
والاساس في انتما الشعب الأصيل ..

#شاعر_خولان

الهوية دين وايمان وخصال
في عميق القلب مش فيما نشيل

الهوية ما نغيرها محال
لا تحاول لان ذا شيء مستحيل

الهوية سيف في ساح النزال
هي كرامة عز ما شي له مثيل

الهوية فوق امريكا نكال
وضحت من المجاهد والعميل

#الشاعر_ابومقدام_الهمام

لاعاش من باع الهوية بالريال
وماينكر اصله غير متهاوي ذليل

هوية الإيمان فينا راس مال
مانحسبه رجال ذي عنها يميل

عزه شرف إيمان وخصال الكمال
الكل في بطن الهوية تستكيل

هوية يمانيه اخضعت حلف الضلال
وجسدت في شعبنا الصبر الجميل

#إتحاد_الشعراء_والمنشدين

https://t.me/aboyahyaalshami

بقوت الله وابوهادي وابو جبريل
تجرع الخصم هزايم فادحه نكرا

ورجال متحزمه مابدلو تبديل
داسو قوى البغي وتحدو القوا الكبرى

شعارها الموت لاامريكاء والاسرائيل
من اجل الاقصى تحط النارفي الجرى

#ابوشرف_خولان

مشاهد اهوال لامـــــــريكا ولاسرائيل
مشاهد ابطال واسمع يازمن واقرا

يشاهد الكون كــــــله جيل يتبع جيل
طوفان الاقصى لهذا اليوم له ذكرى

نسمي اليوم هـــــــذا يوم عزرائيل
الجو طوفان هـو البر والبحرى

#أصيل_الفيشي

طوفان الاقصى لوعد الآخره تأويل
ساء الصهاين ببأس الله تتبيرا

لاعاصم اليوم يا أحفاد ميخائيل
ميقات الأقصى على المعراج والإسرا

أعضم نسيج الشجاعه في رَفح وخليل
يامعركة تُوجت بالفتح والنصرى

#الشاعر_بشير_المضواحي

طوفان كانه نفخ في السور اسرافيل.
والله حشرهم وزاد الخوف والذعرا.

من كثر مازيـدو في الهرج والتهويل.
الظـلـم طـول وجتـهم نارنا الحمراء.

زلنا الستارات عن تصنيع ابو جبريل.
مـابـعـدها الا جحيم اجهنم الكبرى.

#عبدالوهاب_الفقيه

الله وصف ذلهم في محكم التنزيل
وحلفهم قال مثل القشه الصغرى

لاكنهو قال عدو لو رباط الخيل
لترهبو من على الاسلام يتجرى

هاذه سنن ثابته ماشي لها تبديل
ان تنصروالله باياتيكم النصرى

#ابـومـازن_الـرازحـي

طوفان الاقصى كسر هيبات إسرائيل
واظهر هشاشة وضعف جيوشها العثرى

وساء صبح اليهود بخـارطـة روفيل
وغلاف غزة سقط وسياجها استعرى

واتحولت (قبَّـة) الفـولاذ لا برميل
وميـركـافا (النتن) ما عمَّـرت مجرى

#ابوناصح_العزي

طوفان الاقصى غضب نكل بإ سرائيل
في معركه مخزيه للصهينه نكرى

قامت على الصهينه من واقع التنزيل
من سورة الصف والانفال والشورى

فيها برز محور الاسلام بالتشكيل
جاءوا اولووا البأس كنه موعد الأخرى

#صالح_حسين

اقبل عليهم غضب ربي ويوم الفيل
قتل ابوهم ولا خلا لهم اسرى

عظيم كاسح مدمر ماقبل تأويل
طوفان ثاير يدشن معركه كبرى

ام المعارك حطبها الغرب واسرائيل
نيران حمرا تصدرهم الى الاخرى

#بشار_عباس_الشومي

الله اكبر نواصل جيل يتبع جيل
والكل جهز عتاده حاااان للمسرى

يا قدس لبيك نقهر قوه إسرائيل
في الجو والبحر والوديان والصحراء

يا قدس سجل على التاريخ ابو جبريل
اقبل بجنده وانصاره قوى النصرى

#الشاعر_عبدالحكيم_اليوسفي

طوفان يجرف عروش الصهينة ويزيل
غدة خبيثة ومن طبع تقل برا

طوفان طوفان وعد الموت لإسرائيل
النصر قادم كغزوة خيبر الكبرى

#ابوزينب_الوجمان

وبفضل ربي وابو هادي وابو جبريل
وبفضل جمهوريه إيران هي الاخرى

وبفضل قاسم اذي نكل باسرائيل
اللي اوصل الدعم الى غزه في العسرا

وانشى مصانع وفعلها نهار وليل
واليوم غزه بتقطف منها الثمرا

#الشاعر_عبدالفتاح_السلطان

الليل فوق اليهود الغاصبين الليل
مادام واحنا بوعد الآخره أحرى

الليل ياوحدة التدريب والتأهيل
استوعبوا جيش "سبحان الذي أسرى"

والجوية يرسلوا "طوفان" من سجيل
قلوبنا ثايرة وكبودنا حرّى

#الشاعر_ابوالاشتر_ابوسعيد

لبيك ياقدس يالبيك فتنكيل
حان انتصارك بعون الله يالمسرى

احرق جحافل بني صهيون واسرائيل
اليوم يوم اتحرر كل حد يدرى

ردد عليهم شعار العز واتحصيل
وصرخ وشب الظاء فوق العداء قهرى

#ابو_وعدالله_هفج

طوفان سجيل واسرائيل قوم الفيل
وخسفهم خسف لا يُبقي ولا يُذرا

وماراه الخـلــيل بذبــح إسماعيـل
آيه في القدس أخرى والفداء النصرا

والوعد يالله وعدك. مال إسرائيل
من بعد وعدك في المسرى ولا قبرا

#ابوقفري_الرعادي

ابطال غزه. تنكل . بالعدو تنكيل
والله. من. مدهم. بالعون ونصرا

علا يديهم.من اجنود. جيش إسرائيل
بقوت الله. كم. قتلى. وكم اسرا

#الشاعر_ابوفضل_المتوكل

الفتح قادم ووعد الله في الانجيل
بفتح القصى ونصرة قبة المسرى

ايلاف صهيون وامريكاء وإسرائيل
طير الابابيل باترمي شهب حمراء

الحمد والشكر و التوقير والتبجيل
لله والفضل في اليسراء وفي العسرى

#نورالدين_شرف

من قول اعدوا بدأنا من رباط الخيل
واليوم صرنا ننكل بالقوى الكبرا

قل للفصايل في الاقصى تشد الحيل
قد حان تطبيق اول سورة الاسرى

فوق الكيان با نرتل بالبغم ترتيل
ويمدنا الله بالتأييد والنصرى

#ابن_دغشر_الشومي

طوفان الاقصى تحرك واعلن التنكيل
بحلف الاجرام وحامل رايه البشرى

وشعباء الحررر يعلن من هنا التفعيل
بجانب القدس يدحر قوه الكفرى

لبيك يا قدس شعبي ما تراجع ميل
حاشا تراجع عن الوديان والصحرى

#شموخ_النمري

طوفان لقصى تنكل بالعدو تنكيل
وتهتف بصرخاتها لبيك يالمسرى

وبانعلي الصوت نلعن حلف اسرائيل
والنصر للإسلام ف الاولى وف الاخرى

ووعدها حان ترحل زمرة التضليل
والنار تلهب وتتلهب في المجرى

#عبدالله_مجلي

الحرب شبة وجاري المسح والترحيل
اليوم صهيون جت له. معركه. نكرى

اليوم هاذا بوقعه مثل . يوم الفيل
طوفان الاقصى عصف بدولة الكفرى

احداث. ذاليوم بايتناقلوها الجيل
محال تنسا وقعها الدوله العشرى

#الشاعر_ابوحسين_رقبان

قل للـعــرب غيم المخـاطـر محـدقه
المـكـر باهـل المكـر بـكـره با يحيـق

ذي فيه شرف من بعد هذه المحرقه
يفـزع لـغـــزه قبل توسـيع الحــريق

#ابو_ميثم_الزراع

نصر اليمن رب السماء ذي حققه
ماعاد لإسرائيل وامريكا طريق

البحر في وجه العدا بانفلقه
ونحمل امريكا بذي مالا تطيق

#عبدالقوي_البطل

وكرامة الأمة بنا متحققة
بإذن ربي يايمن شق الطريق

مع القيادة المؤمنة والصادقة
نرفع لواء الإسلام والركن العريق

#الشاعر_ابوصقر_الميادين

وكل خاين والقسم لانشنقه
مع فلسطين ياعدو ولاصديق

نصر اوشهادة للعلاء بانرتقه
قلو للمريكي يدور له طريق

#ابووائل_ميصان_الجرشه

عـاد الـقـوافي في المواقف مـشرقـه
والبحر الاحمـر بـا يـنشـف كـل ريـق

الـوضع قـاصـم والـسـنـيـن مـحـلـقـه
والـويـل يـا صهـيون بـا تحرق حـريق

#الشاعر_ابوحسين_رقبان

لفّو على اسرائيل حبل المشنقة..
لا عاد يلقوا في رُبى العالم طريق..

والغرب بانمسك ونقبض مخنقة..
ونحرق البحرين بامريكا حريق

#ابـومـازن_الـرازحـي

ثبات واستمرار بخطى واثقه
على القضية قالها الشعب العريق

مادام غزة في دماها غارقه
تصعيدنا باقي مع قطع الطريق

#ابتسام_شرف_المحطوري

البحر الاحمر للطواغيت مشنقه
ما به لهم من بحرنا أية طريق

دام الثقة بالله دوما مطلقة
بانعتصم بالله وبحبله الوثيق

#ابوكنعان_الروس

هو مجلس الأمن لازم نقلقه
ونحمل أمريكاء اذي ماله تطيق

ونجعلك ياالبحر الأحمر محرقه
ونحاصر العالم في القعر العميق

#امين_الراجحي

ياحلف حق المرذله والزقزقه
ف البحر الاحمر بايقع لك جف ريق

مادام والنصر اليماني بيرقه
على سفنكم والبوارج في حريق

#الشاعر_ابورصاص_الموكر

بانلحقه مهما هرب بانلحقه
دام المسير صاب مرماه الدقيق

واليوم عجل السامري بانحرقه
ماحد لإسرائيل وامريكا شفيق

#ابوهادي_عقاب

من ساند اسرائيل لازم نسحقه
وقلوا للامريكي يدور له طريق

لو با نخلي البحر كله محرقه
ونحاصر اسرائيل حتى تقول قيق

#الشاعر_ابوحاشد_معمر_ابوسعيد

اليوم فالمندب رباط المشنقه
ماعد بقي دخله ولا عد به طريق

وحالة اسرائيل حاله مقلقه
جائت نهايتا على باب المضيق

#اسامة_المعباء

الكون من مغربه حتى مشرقه
لجلك انحاصره يالقدس الشقيق

ونصرك الموعود وعد نحققه
مادام بالله حبلنا دايم وثيق

#ابواحمد_الغرباني

اخطار فالساحل عليهم محدقه
وكل معوج با نرويه الطريق

يرحب ثلاثي الشر لاكبر محرقه
لحيث لا رحمه ورئفه او شفيق

#احمد_عبدالرحمن_الظمين

بالله بايصبح للإعداء محرقة
في حرب كبرى تجعل النايم يفيق

وأما سحقنا الكفر ولا نسحقه
وحنا رجال الحرب والساس العريق

#الشاعر_علي_الوزير

راس اليهودي تحت حبل المشنقة
وسـيف ابو جبريل يلمـع لـه بـريق

مـاذاق اهـل غـزة يا امريكي ذُقه
على يد ابن البدر والشعب العريق

#إتحاد_الشعراء_والمنشدين

https://t.me/aboyahyaalshami

المجاراة بعنوان استجابة لدعوة #السيد_القائد للخروج المليوني يوم الغد

البداية #نشوان_الغولي

سيدي لبيك و الشعب حاضر.
تحت أمرك يا ولي طايعين.

با تلبيك النخب و الكوادر.
و القبايل كلهم حاضرين.

با يلبي شعب مؤمن و صابر.
عزّه الرحمان دنيا و دين.

#محمد_مفلح

‌‎وانت تبشر سيدي وانت تامر
طاعتك يا سيدي فرض عين

لو توسدنا بطون المقابر
سجلونا غد متظاهرين

باذن ربي يا القطاع المحاصر
غير يتغلب على المعتدين

#الحمزة_المغربي

بالوفاء جينا على كل ضامر
ابشر ابشر يا علمنا الأمين

والبوارج كلها والطواير
با نحرّقها و ربي ضمين

ندعم فلسطين لـ الوعد الآخر
لو بكلّ اموالنا والبنين.

#عبدالسلام_عبدالله_الطالبي

باتلبيك القبل والعشاير
دعوتك حجة على المسلمين

لادعا داع العلم قول حاضر
ومن خرج منصور دنيا ودين

سيدي عبدالملك بانبادر
وابشر ابشر سيدي باتزين

#بندر_النمري

سمعا وطاعة ولبى وتأمر..
باترانا دايم مسلمين..

بالوفا ندعس خشوم المخاطر..
ياعلمنا ابشر بنا كل حين..

طالما واطفال غزة محاصر..
عهدنا لله مانستكين..

#فارس_المعزبي

شعبنا يشهـق ويزفـر معابـر
وان عطس دارت وجوه السنين

للقيــاده مستجيب الأوامــر
بالخـروج المستمـر كل حيـن

في سبيل القدس جندي مبـادر
شامخ الهامه عريض الجبيــن

#شداد_حُميد

يا العلم لبيك باطن وظاهر
كلنا للحشد متأهبين

حشد مليوني نبثه مباشر
في مسيره تقهر الكافرين

بالمعابر با نفك المعابر
تحت امرك كلنا جاهزين

جريح الحرب #رفيق_زرعان

استجابه للعلم بانبادر
لاوهن لا ضعف لن نستكين

بأسنا فاطر وقاصف وقاهر
حشدنا مليون ولا اثنين

بلغ ابن البدر ياطير طاير
قله ان احنا ليوث العرين

#ضيف_الله_هجوان

دعوة السيد لها الكل حاضر
تحت امره كلنا طايعين

كل مؤمن للنداء با يبادر
والمنافق بيننا با يبين

والرجال افعال ماهي مناضر
بانخلي كل قاسي يلين

#علي_محمد_المحاقري

والنبي ما نترك الـقـدس عـاثـر
في يـد الانـجـاس والمجرمين

جاهزين يـاسـيـدي بـالـمـعـابـر
نعجن امـريـكـا ولندن عـجـيـن

ساحة الـسبـعـيـن يـاكـل ثـايـر
من بحين لي منعكم من بحين

#محمد_البريهي

يارجال الله ياكل ثائر
ياحماة الدين في كل حين

داعي الرحمان نادى مباشر
نحتشد باكر وله سامعين

نرهب الشيطان وام الكبائر
ننصر الأقصى نذل اللعين

#حمزه_الديلمي

حشد مليوني وطوفان هادر
يابن طه عن يسار او يمين

حيث ماتطلب نلبي نبادر
لعنة الله تلحق القاعدين

‌‌‎#ناجي_القطيبي

سيّدي جيناك طوع الاوامر
شدّ باسك يا،القويّ الامين

نترك الدنيا وندخل نظاهر
كلّ جمعه بانبكر بحين

سر بنا نحو العدوّ المباشر
داعي الله حرّك المؤمنين

#ابومصطفى_الرضي

شعبنا المقدام ماضي وحاضر
في سجل المجد والسابقين

في ميادين الأباء والتظاهر
كلهم ياسيدي جاهزين

ضد جرم الصهينة والمجازر
جسدوا موقف وصرخة حسين

#الشاعر_ابو_صقر_شعلان

بايلبيك شعب مومن وثاير
يبن بدر الدين واخو الحسين

سيل ماشي له نهايه واخر
بايلاحق كامل المرجفين

من هدئ التوبه ومن وحي فاطر
بانفجرها على الظالمين

#الشاعر_ابوجهاد_صبر

يبن بدر الدين ياخـير أمر
امركم غالي وسعره ثمين

الـف يالبيك فـاخـر وكابر
دام قومك كلهم جاهزين

بايهب أول يمناء والاخـر
يقهر الاذناب والكافرين

#ابوهادي_عقاب

سيدي وابشر بعزك وسابر
شعبك الثاير معك واقفين

نخرج الساحات نصرخ مباشر
دك فوضناك في كل حين

اليمن صدر مواقف وصاير
عزة العزه وقوه ودين

#ابووائل_ميصـان_الجرشه

بـعـد ابـو جـبـريـل يـا شـعـب ثـابـر
واقـتـحـم نـهـج الـيـهـود اللـعـيـن

وضـعـنـا لله قـد صـار سـابـر
والـعـدو مـهـزوم عـبـر الـسـنـيـن

يـا عـلـمـنـا لك عـهـود الاكـابـر
قـد قـطـعـنـاهـا بـصـدق ويـقـيـن

#عبدالقوي_البطل

دام والباري لنا خير ناصر
والقوي اسمه في العالمين

بانواجه كل مجرم وفاجر
في سبيله ننطلق كل حين

نحتشد في جمع ماله مناظر
به نغيظ الكفر والطاغيين

#وسام_الحنش

احتزم بالشعب يابدر طاهر
سيدي وابشر بنا حاضرين

بالبنادق والجعب بانظاهر
في سبيل الله والمسلمين

ماتبقى عذر لانسان قادر
النفير العام يامؤمنين

#أبوصخر_الجوحمي

كلنا ياسيدي با نبادر
لجل غزه بالدماء جاهزين

ماتخلف مننا شخص قادر
استجابه لابن طه الامين

شعبنا للحق والدين ناصر
دايم الازمان عبر السنين

#الشاعر_ابوحسين_رقبان

سيدي لبيك من شعب ثاير..
لا ميادين الابا متوافدين..

ما تخيفه حرب والا مخاطر..
لا ملل يطويه طول السنين..

با نحشّد با نجمهر با نظاهر..
يا فلسطين الكرامه قادمين..

#إتحاد_الشعراء_والمنشدين

https://t.me/aboyahyaalshami

تابع المجاراة عن العمليات النوعية التي تصدرها القوات المسلحة اليمنية ضد السفن الأمريكية والبريطانية.

البداية #ابوصالح_العملسي

في اليوم واللـــــيلة ثلاثة بيانات
مضمونها تشفي وجع صدر الامة

بيان من يحــيى يهز الكـــيانات
ولا مية حــاكم وملـيون قــــمة

#ابومصطفى_الرضي

مابين موقفنا وبين الادانات
الفرق شاسع بين ذله وحكمة

مشروعنا والقائد اكبر ضمانات
لإخضاع أمريكا وحسم المهمة

#الشاعر_علي_الغماري

بيان واحد خلخل الاتــــــزانات
خلا الولايات القويات رمّــــــــه

وبياننا الثاني لكسب الرهــانات
يعيّش الصهيونيه في غمّــــــه

#الشاعر_ابوجهاد_صبر

ياشعب ديـنـك بـيــن كُـل الديانات
عــــلا هــدى طـــه ونهـجـه وعلمه

انا اشهد انك هِنّت الاعداء هيانات
حـتـى نتياهو نـسـي  ماهــو اسمه

#يوسف_الحداد

رهاننا بالله فوق الرهــــــــانات
والنصر والتاييد والحكم حكمه

مادام غزه تحت سقف المعانات
مسارنا التصعيد في كل هجمه

#ابومعارك_السقاف

بيان يكشف مكر كل الديانات
والمعركه ب جهود وخلاص ذمه

مانقبل الخاين ولا اهل الخيانات
احــنـــا تحملـنـا قضيه مهمه

#ابتسام_شرف_المحطوري

الحمدلله شعب صد الوصايات
على جبين الدهر يشمخ باإسمه

قايــد لنا قايـد ورب السمـاوات
مابه مثيله، واليمن أهل حكمة

#ابوشهيد_القطمي

الليل يا داعس خشوم المعانات
ادعس على راس اليهودي و خشمة

ما يقدر العالم و كل الديانات
تحمي المريكي عن يمنا و لطمة

#أبوريان_محمد_صبيح

حلف الردى لاقى في البحر صفعات
وذاق واتجرع مرارات سُمّه

شعب اليمن عاف الخنوع والإهانات
قال الهجوم أفضل ولا ألف قمة

#ابوكربلاء_الفقير

هذا اليمن قد هان ابوهم هيانات
هذا اليمن قوة وعزة وهمه

في البحر لحمر غَرَّق اهل الخيانات
ماينكر ألا انسان من دون ذمة

#الشاعر_متاش

هذا هو الإسلام قل للولايات
مايقبل الذلة ولا فية رحمة

مابش معانا غير هذه الخيارات
من خشم ابوعطفة ودبشيك شرمة

#الشاعر_ابوحسين_رقبان

ما همّـــنا تصنـــــــــيف والا إدانات..
ولا توقـفـــــــنا مــــية الـف هجـمة..

شعب اليمن خـارج نطـــــاق الخيــانات..
ومفــعّـل الغــاء العمـــاله بخـدمة..

#ابـومـازن_الـرازحـي

جرعات ليليةوبالصبح جرعات
والفحص جاري والبيانات جمة

وأم المعارك قائمة في الممرات
على طواغيت الأرض مدلهمَّة

#أبوحاتم_عكه

هيهات منا الذِّلَّــه الـيـوم هـيـهـات
للخصــم لن نخضع ونقبل بـحُـكـمـه

الويــل لاسرائــيــل ثُــمَّ الولايات
من شعب فيه ايـمـان راسخ وحِكمه

#ابومجاهد_الغمري

يا بحر خبرني عن اهل الشعارات
اللي لهم في كل ميدان بصمه

ضربات تتعانق مع الانتصارات
والحلف الارعن كمه الموج كمّه

#ماجد_عبدالله_القادري

الحق واضح والحقيقه أمانات
من اجل غزه دام بالعز اسمه

العين بالعين والادانه ادنات
ماهمنا امريكاء ولا كلمة امه

#طه_الرازحي

القادم أعضم  والبشائر لنا آت
بإذن الذي لا نُحكَم الا بحكمة

محنا من الي يفزعوا بالادانات
فزعاتنا في نصرة الحق قمة

#أبوصخر_الجوحمي

قواتنا. بالله. تنهي. الكيانات
امريك واسرائيل واولاد عمه

والبحر اصبح. مقبره. للنفايات
والقادم اعظم في بيان المهمه

#عبدالقوي_البطل

هيهات منا يالمذلات هيهات
لوما لقينا ياالعدو لجع لقمة

بانجعل أمريكا تذوق المذلات
وهذة أكبر يااليمانين نعمة

#احمد_عبدالرحمن_الظمين

انا اشهد انهم زلزلو للولايات
أنصار ربي منجزين المهمه

على يديهم يصنع الله الآيات
ويعذب الكفار من دون رحمة

#ابواحمد_الغرباني

لا ما كفتهم كل تلك الإهانات
فالقادم اعظم والسخا في خضمة

في بحرنا تسقط جميع الحصَانات
ومن يبا يسلم يوالي الأئمه

#الشاعر_رايد_الخمري

يابحر حاز الكاس بربع بطولات
جـــولاتك الأخـرى بـقـوه وهـمة

عاش اليمن والبحرية في الزحوفات
والسيد اقبل بألف كلمة وكمة

#احمد_عبدالله_زيد

في كل يوم اربع سفن للديانيات
تغرق في المندب رصدها بهمة

مارنزهم ف البحر يلقى الهيانات
ناخذ بثار اطفال غزة بدمة

#ابو_وعدالله_هفج

ياكــم تلــقاء الغـرب منـا هيـانـات
والعــام عامـه بإذن ربي نتـــــمه

ماعـاد باتنــجيه كــــل الديانـــات
وقبـل تمــه با يــــــرا الـف غمـــة

#ابوحزام_سامي_المضري

في كل يوم منا تلقو هيانات
بيان يحيى سار للشعب نغمه

بوارجك فالبحر تشتي صيانات
وكل واحد منكم شل قسمه

#جبريل_الخدري

يحيى سريع يصدر ثلاثة بيانات
الصبـح هجمة تالي الليل هجمـة

اذا العـرب عاشو حياة الخيانات
فشعبنا قد عاش في نصر الامـة

#ابومحمد_سحار

افديك ياشعب الفدى والبطولات
من يشبهه من في صموده وعزمه

دك البريطاني ودك الولاياات
خلا سفنهم داخل البحر رمه

#اتحاد_الشعراء_والمنشدين

https://t.me/aboyahyaalshami

(الجهاد المقدس)

الكيان اليهـــودي فــــي الهـــوى دوى..
وارتـمـــــــى في وَحَــل دوّه ورى دوّه..

كلما كان فـــي جــسم الــعرب بــــلوى..
كانت الــــقـدس والقــــسام لـه بـــلوه..

ويله الويل من حـــــاله هــي الاســوا..
با ندشـــــــن مراحـــل كلــها قســـووه..

مـعـركـه مـفـصـلـيه عـارمـه شــــعـوى..
تنهي الغـطـرسه والـظـلـم والســـــطوه..

لا يراهــن ولــــو بالقــــوه استـــقـــوى..
قـــوة الله مــــابــه نِـــدّهــا قـــــوووه..

الانظمه صمـتها المخــــــزي بلا جدوى..
باعـــو الـــديـــــن بالاذعـــان والرخوه..

ما بقــي في وسَــط الامـــــه لها مأوى..
باتسـود الشـعوب المـسلـمه صحـــــوه..

المــــواقــف جـليــــه واضــحه تُـــروى..
بعـــدما بــــادر اهـــل الـعز والنـــخوه..

صعــدوا برهـــا والبـــــحر والاجــــواء..
والخيــــارات خـطـوه تـتــــــبع خطوه..

شعبنا اللـي رفـع للــمحكـــمــه شكوى..
محكـمة عـــــدل مـا بـا تقـــبل الـرشوَه..

ما القـوى با تقلـــــص قـوتــــه الاقـوى..
لو تهيـــــج القـوى بجيــوشــــها نحوه..

ضامـي البحر الأحـــمر يستــقي يروى..
لا اصتـــبح ناقلـــه فـالبـارجه عشــوه..

بالمظــادات با تــحــــرق وبا تـشـــوى..
والمــصير الـــغــــرق كـــلا ولـو مـوّوه..

مـــال لصــــهيون فـي بلـــداننا دعوى..
لو يقـــــدم لـواشنـــــطن مـيـة دعـوه..

يا فلســـــطــين يوم الفـتـح له نهوى..
كلـــــنا صـف ضد الـصهـيـنه واخـوه..

ربُنـــــا الله ذي للــــكـون ذا ســـــــوّا..
نهجــــــنا الديـن ومحــمد لنـا قِـــدوه..

رغم انف العــــدو والزيــف والإغـواء..
اتحـــــدنا بقـــــــووتــنا عــلى محـوه..

مطلـــع اكـتوبر المـبني علـى التــقوى..
من مـطـــالـــع طـريـق الحـريه غـزوه..

اصــدر الديـــن والاســـلام له فـتوى..
بالجـهاد المـقـدس نحــتــذي حـذوه..

طالما الفتــح وعـد المرحـله تُطــوى..
لاح طوفان الاقــصى لاح مـن ضوه..

#الشاعر_ابوحسين_رقبان

يا مــــن تخــــــبر عــن الانصــار والا سأل..
استفسر العصر عن مـــولى الكلام السديد..

نعــــم عن الـــــسيد الحر الاشـــم البـطل..
هــــذا اللــــذي تجري الاحداث فيما يريد..

هــــذا اللـــذي قــال بايفــعل وفعــلاً فعل..
هــــذا اللــذي بطشته بطشه وبأسه شديد..

هـــذا فـقـط بأس ربانـــي ومـضـرب مثل..
هـــذا هــو الوعــد من ربي وهــذا الوعيد..

بــعده جمـــاهير لا يمـــكن يجـــــيها ملل..
حبه جــرى في مجـــــاري دمها والــوريد..

هيبه من الله في السيـد تثــــير الجــــدل..
لاما اصبح العالم الـمغرور مِنْــــــها بلـــيد..

لا الامـبـراطــور بــــا يـــقدر يركـــع دول..
ولا جميع القوى تحِدْث تغـــــير جديــــد..

ذي ماحصل في صراع الكون كله حصل..
احداث تِخضع في البحرين كمـــن عنيـد..

يا عـــالم الغرب مـــيدان البــحار اشتعل..
يقلب موازين مـن يخـسر ومـن يستفيد..

كل الخــيارات مفتـووحـه بلا محتــــمل..
والمستحـيل اللــذي فالبحر الاحمر اكيد..

من قال حطه في المــــندب وسلم دخل..
ومن تمـرد علــــينا مالـــــه الا الحـــديد..

#الشاعر_ابوحسين_رقبان

المجاراة دعوة للمشاركة الواسعه في مسيرات عصر الجمعة في ميدان السبعين وكل المحافظات

البداية #عبدالسلام_الطالبي

هبوا لساحات الإباء والكرامة
والتضحية من أجل نصرة فلسطين

شعب اليمن بين الشعوب التزامه
من واقع ايماني ومن منطلق دين

#ضيف_الله_سلمان

يحمل سلاحه من يريد السلامة
ويكون جاهز في جميع الميادين..

يحسب حسابه قبل يوم القيامة
اما مع ابن البدر والا ابن يامين!!

#صالح_النقيب

شعب الكرم شعب القيم والشهامه
ابشر بنا ياقدس جينا ملبين

وافعال قايدنا تترجم كلامه
ذي حط غزه داخل الجفن والعين

#مانع_البوساني

الشعب جاهز للمسيرآت عامه
عاشوا رجاجيل الصمود الميامين

أهل المبادي والقيم والشهامه
دآخلهم النخوه بتشعل براكين

#حمزة_الحيمي

ياحاملين الأنفس المستضامه
لنصرة المستضعفين المساكين

كلين يولي للخروج اهتـمـامـه
سن البري بالسن والعين بالعين

#ابوليث_المحضار

ذمار والبيضاء و اب واتهامه
والجوف والمحويت ريمه وسبعين..

وباقي الساحات حسب الاقامه
تصبح فلسطين اليمن يافلسطين..

#حمزه_الديلمي

القدس غاية لو تقوم القيامه
مانترك الاقصى ولا الشعب والدين

بعد العلم عشرين مليون هامه
من اجل(غزة) لو غزينا الشياطين

#عبدالحكيم_مسعد_النمري

لبيك يارمز الوفاء والشهامة
ياداعي الله والجهاد ووفلسطين

شعب اليمن هيهات تبرد عظامه
واخوانه ابـ غزة يعانوا الأمرين

#مقبل_جرام

غداً غداً ياشعب عالي مقامه
نخرج لساحات الكرامه ملايين

مع اخوته وابناه وابنا عمامه
الكل يحضر يالرجال الميامين

#ابوحيدر_الراشدي

تحشيد يا شعب الاباء والشهامه
على طريق الحـــرية والميامين

مع فلسطين، افزعوا يا النشامه
ولبوا ابن البــــدر، ليث العرانين

#محمد_البريهي

يا اهل الإبا والمرجلة والشهامه
لا بد ماننفر غدا بالملايين

خروج يعلي لليمانيين هامه
ويرهب أمريكا وكل الملاعين

#ذوالفقار_سفيان

الحشد بكره للقيامه علامه
يبشر بنا السيد وتبشر فلسطين

وبعدها ماشي علينا ملامه
لو ندعس امريكا وكل الملاعين

#الشاعر_زياد_زيد

ياهل الابـاء والمرجلـه والشهامة
اتـوافـدو لاكـل سـاحـه مـلاييـن

كلـن مـع الـرحمٰـن شـدي حـزامة
واجب علينا الكل نصرة فلسطين

#وليد_الضويني

شعب اليمن شعب الاباء والشهامه
خلد مواقف ترعب الغرب والصين

واللي جلس ف البيت يطرح لثامه
ما هو يمثل شعبنا يا احمر العين

#سجاد_تشلان

يبشر علمنا ذي بوجهه علامة
من جده المختار إمام النبيين
.
بالحشد الاعظم وانطلاقة همامه
تخلّي امريكا تقل ليتني طين

#ابوحسن_بقلان

العــــز باقـــــــي والمـذله ندامه
والخير للشجعان واهل الميادين

لاما عرفنا ويش درب السلامه
راجع ملازم دوم ماقاله احسين

#الشاعر_ابوجهاد_صبر

يا اهل المخوه والوفاء والشهامه
ياقوم فـزاعـه مــن أول وذلحين

لي مـنـعـكــم يـاكـل هـامـه وقامه
غدوه إلى الساحات نخرج ملايين

#أحمد_الديلمي

صباح سبــت اليهـوده في ندامة
وعـصــر جُمعتـنا عليــهم براكين

والعزم فيــنا والقـوى مستــدامه
لا يأس نقبل يارجاجيل أولين

#الشاعر_متاش

ما مثلكم ياشعب محزم ولامة
اذا دعاكم داعي الله ملبين

يستنجد الأقصى بكامل مهامه
والمصطفئ والآل من يوم صفين

#مختار_البحري

من دس راسه مثل راس النعامة
لاذمتي ماله كرامة ولادين

غزة لكل الناس وضعت علامة
وميزت كل الأوادم لصنفين

#عبدالقوي_البطل

مادام في شعب اليمن كل هامة
والحشد الاكبر ذي تعدى الملايين

باتشرب اسرائيل كأس الندامه
ويصيبهم ماصاب لإسحاق رابين

#ابـومـازن_الـرازحـي

الزحف لا الساحة دليل استقامة
يشهد بإيمان الرجال المـلبِّـيـن

والإستجـابة للقيـادة عـلامـة
للوعي بخطورة عيال الفراعين

#الشاعر_عماد_قيرح

في كل جمعه تحتشد كل هامه
في صف غزه فـ الملمات واللين

خروج مثل الحشر يوم القيامه
يفوق تعداده مـيات الملايين

#علي_الوزير

ذي ماايقضه صوت النساء من منامه
يوم الفؤاد ادماه ماشافت العين

في ذمـتي ماالـلـه يقـبل صيامة
لوصام ياغـزة في العام شهرين

#الشاعر_ابوحسين_رقبان

يا اهل المروه والشرف والشــــهامه..
ياصــــفوة انصار الإلـه الميامـــــين..

لبو ندى الســــيد وشـدو حــــــزامه..
انتوا ملوك الحرب وانتوا سلاطـين...

#ابتسام_شرف_المحطوري

لا ساحــة السبـعيـن يـا كل هامــة
من أجل دولتنا الحبيبة فلسطين

أقل واجب يــارجال الكـــرامــة
نصرخ بصرخة قالها سيدي حسين

#الشاعر_نصر_الصوبي

يا شعب له موقف شديد الصرامه
في نصرة المظلوم ودحر المظلين

الغـــد للساحات يا اهل الشهامــة
نصره لمظـــــلومية ابناء فلسطين

#أبوحاتم_عكه

من ينتخي قوم الكرم والكرامه
يبشر نلبي دعوته بالملايين

شعب اليمن معني يفي بالتزامه
يناهض امريكا وينصر فلسطين

#اتحاد_الشعراء_والمنشدين

https://t.me/aboyahyaalshami

مشاركة #الشاعر_ابوحسين_رقبان خلال مسيرة وفاء يمن الانصار لـ غزة الاحرار بمحافظة ذمار .

https://t.me/+iittZYRRn7ExZDA0