تابع المجاراة
رفض واستنكار لما قامت به قوة تتبع الامارات في المكلا من انتهاك لحرمة البيوت وترويع الاطفال والنساء..

البداية #عبدالله_المسعدي

القبايــــــل كلها ياقبايل حضرمــــــوت
لو دعيتـــــــــــو للنكـــــــف لاتنكف كلها

نكفو ماشي بقا بعد تفتيش البيـــــــــوت
لعنبوها مرجله ماتجي فــــــــــــي حلها

فالجنوب اهل العقالات واصحاب البشوت
افســــــــدو فيها وذلــــــــــــو أعزة اهلها

#عدنان_جحوح

عـار والله تسكتوا عن نسيج العنكبوت
يوم يهتك عرض أسرة ويقتل أهلها

رحّلوا المحتل لا تجعلوا الخاسي يفوت
دون ما يجني عواقب فعاله كلها

بعد هتك العار بيت الكرامة بايموت
والمذلـة الـخالـدة با تحل محلها

#محمد_الاخرم

الإماراتي لدى العجل الأمريكي روبوت
ترسله يقتل رجال اليمن ويذلها

لو تحرّكنا نشوته من أرض العز شوت
بعدما نشهر سيوف الُهدى ونسلها

ندعسه وتذيع خبره صحيفه يديعوت
لأجل تعرف عزمنا يوم ما نوصل لها

#ابوناصح_العزي

ياالنصال الحضرميه كل متعدي يموت
كل متحزم يغذي كل غازي نصلها

يا قبل وادي وصحرا يامدنها والخبوت
يانشاما صيعيريه ياالقبايل كلها

الشرف نادى حماته والنقى مابايفوت
فزعة الدم اليماني يالقبايل حلها

#ابومصطفى_الرضي

ماحصل في حضرموت لا ولايمكن يفوت
لا ولن ننسى بكاء الام وصرخة طفلها

والمريكي ذي يحرك ذيوله بالرموت
كم طغى وافسد وسوى جرايم مثلها

جاهزين بانحرق اوراق مكره والكروت
في اليمن والبحر وارض الجزيرة كلها

#ابوكرار_المجنحي

يا رجال الله عزو قلالين البخوت
ذي رضيو في بلدهم لمن جا شلها

وانقذوهم من حثالة عصابات الخبوب
واسندو لحرار منهم ذي الله دلها

مالها الا قوم عند الكرامه باتموت
والمصاعب داهله والشدايد حملها

#أبوخارف_ابوشوصاء

الجريمه كلنا شافها صوره وصوت
في جنوب الشعب كم ياجرايم قبلها

يارجال القبيله ويش خلاكم سبوت
والجنوب اليوم ياقوم تشكي ذلها

انفرو لجل الشرف ياقبايل حضرموت
يارجال الجود وين الكرامه وهلها

#أبـورمـاح_شـداد

ويــش باقــــــي يالمكلا عليكـــم بايفوت
لو تفـوت المرجلــــــه مــن يرابـــط حبلها

يارجــال اترجّــــلوا لاتظلّــوا فـي البيوت
القبيلـــه عـزهــــــــــا مـن عـزيزيـن اهلها

اشهد ان من خاف موتـه بخوفه بايموت
واليمـن طـــول الزمـن ماخُلــق مـن ذلّها

#ابوحمزه_المقاش

طبـعـنا دايم مـعـارض بلغ اصحاب البشوت
مـا حـصـل بـ الامس وحد قبلنا كلها

حضـرموت العـز بـاقـي والتحالف با يـمـوت
لا قـدم شـعـب الـبـطولـه لـ الدول يحتلهـا

مـال تـرويـع الـمـكـالف يـ ابن زايد بـ البـيـوت
غـيـر نـسـفـك مـن ديـارك والـبنـادق حـلـهـا

#وسام_الحنش

يا حياه بعز ياصحابنا ولا نموت
وارضنا والله مانسمح لحد يحتلها

عار في وجه القبايل اذا ضلت سكوت
عن جرايم ونتهاكات تحصل لهلها

سوف يبقى العار في وجهه لاما تموت
ماعيمحيه غير نحرر ارض اليماني كلها

#الشاعر_أبوعزام_الشامي

مرحــبا ياداعي الـــعز يانجاهد أونموت
كـــل غازي سوف يرحل من بلاد أحتلها

هــكـــذا عز النــشاما باتلبي كل صـوت
يرحل المــحــتل فورآ في يدينا حــلها

وبانحررها جميعآفي عدن أوحضرموت
وســـوف تطـــهر بلــدنا من دنسها كلها

#الشاعر_متاش

والقسم لوفنينا كلنا أو نموت
ماتركنا الغزاة اليوم في شغلها

تنتهك عرض الأحرار لانجوت إن نجوت
نكفي ياقبائل شعبنا كلها

دام والحرية زادي وشربي وقوت
نفسي اللي خلقها ألله ماذلها

#ابوكنعان_الروس

لبيك ياالداعي على صوتك غدوت
هالني صوت حرمة يحتضنها طفلها

القبيلة هي شال للاحرار وكوت
كماالشرف والعرض غالي والرجاله لااهلها

ياحضرموت العز لو صرنا فتوت
يابدر صعدة قل سيئون قلها

#ابوشهيد_القطمي

هذة افعال الردا من فعول العنكبوت
المدارس واحدة و الدنائة فعلها

يا قبايل عار عن فعل اعدانا السكوت
و القسم ما نرتضي با المذلة و اهلها

لبو السيد وجندة نحو معة صورة وصوت
نطرد المحتل تلقى الاعادي قتلها

#الشاعر_ابوحاشد_معمر_ابوسعيد

انهضو نهضة رجل واحداً دون السكوت
حي والله النشاما وحيى شملها

ايش باقي بعد ماقد وقع ياحضرموت
القبيلي مابيرضى الملامه وأهلها

الشرف عند القبايل والجله باتموت
لعنبو من للمذله بقى في ذلها

#ناديه_السقطي

لله الله يارجال لا تخاذل او سكوت
لانتهاكات حضرموت عار من يسكت لها

لابقينا ان بقا من تعدا للتخوت
يالجنوب مع الشمال اليمن برجالها

بالكرامة يانعيش كلنا والا نموت
لبو لداعي النكف والحروب انتم لها

العدو اوهن قواه من بيوت العنكبوت
من على الله اتكل واعتصم ينهي لها

#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

تابع المجاراة بعنوان دعوة إخاء لاخواننا في بعض المناطق الجنوبية المحتله.

البداية #أبوعساف

يا أهل الجنوب العار فينا وفيكم
العرض واحد والشرف والحمية

قوموا بثورة خيرة الله عليكم
وأحنا سندكم والخوي من خويه

ثوروا على أمريكا قبل ما تجيكم
إن كان بــاقـي لـلـكـرامة بـقـية

#أبـورمـاح_شـداد

وين الحميـه خيـرة الله عليكم
ثوروا على ابوظبـي والفيصليه

شبو النكف واسنــادنا بايجيكم
ونبـــــــادل العـدوان كيـه بكيه

محنا عليكم نحن منكم وفيكم
واروحنــــا فـي ما بليكـم فديه

#ابوحزام_سامي_المضري

شفناخبرصادم وصل من قديكم
يااهل الجنوب قدزادت العنجهيه

نفس  الالم  فينا  بماصار   فيكم
مابا نغاضاء  عن   صراخ   البينيه

لجل الكرامه  والشرف  بانجيكم
نموت من شانه ونحياء سويه

#الشاعر_ابوفتح_الاشول

عدونا واحد ترى ما نسيكم
حتى ولو جاء بإسم دعم الرعيه

حقده علينا مثل حقده عليكم
ولا سلم من باع عرضه هدية

ثورة عمل تفني عدو يعتديكم
و احنا معاكم صف قوه قويه

#ابوعبدالله_عنبل

اكيد لو صنعاء عزيزه عليكم
ما تنكرو تاريخها و الهويه

من ما لدينا لو تواجد لديكم
كان اليمن دوله عزيزه قويه

ولولا طعون الغدر في ظهر اخيكم
لا ينقل الحرب الضروس الحويه

واليوم ايادينا تنادي يديكم
الى الطريق المستقيم السويه

#ابوحرب_العتب

الشعب واحد دائما من يبيكم
تتشطروا عنا برأسه قضية

ينهب ويسلب كل ثروة لديكم
يحتلكم لكن بصورة خفيه

ثوروا على المحتل ثورة ابيكم
عاالانجليز واحنا السند من هِنَيّه

#أخت_شهداء_البكالي

الله اكبر ماجنتها يديكم
لابد من بتر اليدين الخفيه

والله انا بانجيكم نجيكم
الجيش منا كامل الجاهزيه

للعز هبوا يالجنوب بيديكم
لونعتصم بالله. اخ وخويه

#ابوعلي_مبخوت

لاماعقلتو ياغجر طزفيكم
بعض الأوادم دأمن مصمليه

حلف التحالف يلعنو والديكم
واولادكم في النخبه الحضرميه

الشل لاعدشي كرامه لديكم
هبو على الغازي وهي منجليه

#ذاالنون_مشتاق_شريان

مــسيرة القرآن مـــادّة إلـــيكم
اليد ياأهل الـــجنوب الـــوفية

الحل فيكم والحلول هي لديكم
لا قد توحدنا يمنّـــــــا قـــــوية

بانخرج المحتل ذي مد فيــكم
وتبقى اليمن حره شريفة أبيّة

#فايز_الحمزي

هذه يدينا هل تمدوا يديکم ؟
إن عاد باقي للحميه بقية

يکفي مرض واذا الشکوک تعتريکم
فيکم خلل بالإنتماء والهوية

وين الرچوله يوم تغزي عليکم ؟
احقر چيوش الارض صبح وعشية

#ناجي_القعود

اصل العرب منا وترجع اليكم
والعز والنخوه مننا مبتديه

العرض واحد واليمن هي يمنكم
والعار غالي والشرف والهوية

هيا نمد العون والخير فيكم
ندعس على المحتل سيره وجيه

#نجم_الدين_الحمزي

قومو نهد الي يبا يعتريكم
قومو نذيقه ضربتاً حيدريه

العز واحد دمروا عنصريكم.
لا نملي الاكباد بالعنصريه

ماعاش لا ماعاش من يعتديكم
مادامت انفسنا زكيه تقيه

#أبوصخر_الجوحمي

الحل بايديكم وهو من لديكم
ثوره على الغازين من صدق نيه

ما صابكم هو في الشمالي وفيكم
هوشعب واحد في الاباءوالحميه

شدوا الهمم كامل. ولازم. عليكم
وحده قويه ضد حلف البغيه

#الشاعر_ابوالعز_القيدله

ولاسكتم والقسم لايجيكم
اعظم مفاسد من جيوش الرديه

حلف الامارات قد فسق في دويكم
في شلت الاقزام والعنصريه

ياحضرموت احنا معاكم وفيكم
يالعن ابو من بايفلت خويه

#نورالدين_شرف

فكوا قيود البهطله من يديكم
لا تجلسوا للاحتلال الضحيه

احنا لكم انصار ما احنا عليكم
لا يخدعوكم فالحقايق جليه

جينا لصون الارض والعرض فيكم
لو ما تبقى مننا الا وقيه

#ابوزيد_الزبدي

ثورو على المحتل تبت يديكم
يهل الجنوب ولا قديه هوشليه

ياذي  سكتوا  بايعاود  عليكم
وبا   تزيد  الفاحشه   والرذيه

لنتوا  تريدوا  الحريه  بانجيكم
ونضرب  المحتل  ضربه  قويه

#ابوخالد_القراضي

داعي نكف واحنا عنسري صليكم
يلعن ابو من عاش عيشة دنية

حق الأخاء اوجب علينا نجيكم
يا اهل الجنوب مادام واحنا سوية

لا تجعل المحتل يصيطر عليكم
لجل الكرامة فذوق كاس المنية

#ابومحمد_المهذري

تبت يد الغازي وتبت يديكم
يالشرعيه والنخبه الحضرميه

والذل فيكم والخزى يبتليكم
وانتو سبب كل البلاء والاذيه

شبو نكفها والنشاماء تجيكم
تدعس خشوم اعراب نجد الدنيه

#ابوناصح_العزي

عدونا هو نفس ذي يعتديكم
هو هكذا المحتل نفسه دنيه

ثوروا ونادوا للمسيره تجيكم
في ظل قايد حر نفسه ابيه

لو تعرفوا حبه وحرصه عليكم
قيادته نعمه واكبر هديه

#ألشاعر_أبومطلق_فرج

أما الشمال بالوفاء ٱقبل يفيكم
جيش وقبايل ذخركم حضرميّه

سنود كلّن من صلاااه لا صليكم
ثورة على المُحتل وهجوم سويّه

شلّـو العِبر خذو مِن اللي يليكم
والحر تكــفّـيه الإشارة كـفيه

#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

المجاراة بعنوان تاييد ومباركة لعملية #طوفان_الأقصى

البداية #عابد_المدم

طوفان الاقصى تحرك واعلن التفعيل..
يا قدس لبيك جات الثورة الكبرى..

تنكيل تنكيل في جيش العدو تنكيل..
اليوم يوم الفرح والنصر والبشرى..

يا كون ردد شعار الموت لاسرائيل..
الحمد لله في الاولى والاخرى..

#الشاعر_أبوعدي_الحاكم

بصمات قاسم ونصر الله وٱبوجبريل..
اليوم هذا تعانق قبة المسرى..

سرب الابابيل رمت بإحجار من سجيل..
خلال ساعات كم قتلى وكم إسرى..

ما قد شبع مثلما هذا اليوم عزرائيل..
ذي ينزع ارواح باليمنى وباليسرى...

#ضيف_الله_سلمان

الله جعل كيد اسرائيل في تضليل
واتحقق الوعد (سبحان الذي اسرى)..!!

برجال تسقي كيان الاحتلال الويل
يذكّروهم زمان التيه فالصحراء

وعاد قدس المجنح جاري التحميل
ايامهم والليالي كلها غبرا..

#نشوان_الغولي

بحق طه النبي مولود عام الفيل.
و من ولد في رحاب الكعبة الغرّا.

و صرخة الموت لامريكا و لاسرائيل.
في ظل قايد علم من نسل ابو الزهرا.

بشاير النصر فالتوراة و الإنجيل.
تحققت كلها فالكهف و الإسرا.

#ابويحيى_الاشرم

يا امة الدين هذا محكم التنزيل
اصدق وعوده له التسبيح والشكرا

الحمد والشكر له نكل قوى اسرائيل
ومد جنده بكل العون والصبرا

قولو لصهيون عاده بايذوق الويل
من جيش بدر الهدى في ليلة المسرا

#الشاعر_ابوكنن

اليوم طوفان داهم دولة اسرائيل
وقع لهم صرب لوما دخن المجراء

والحمد لله بعد الزحف والتنكيل
كم ياغنايم وكم قتلا وكم اسراء

والقادم اعظم عليهم جيل يتبع جيل
لوما نطهر بلاد الشام والمسراء

#حمزة_الحيمي

ألم ترا ما وقع بـ اصحاب ذاك الفيل
والعـاقـبـه ذي لقـوهـا عـاقـبه نـكـرا

وهـكـذا باتـكـون انـهاية اسـرائـيـل
وضعـفها مثل عين الشمس يتعرّى

حجارة الأمس قد صارت حجر سجيل
وموعد الآخره محتوم في (الإسرا)

#ابو_ميثم_الزراع

لبيك ياقدس جــا لــك جند ابوجبريل
والله سبحــانــه اللـــي مَـدّنـا واســرى

زاد العدو في التمــادي واكثر التظليل
وجاه طوفان يحوي معركـــة كــبــرى

قل لليــهــــودي نهارك بانـــرده لــيــل
حيــدر اتى وانــتــم اخـبر مننا وادرى

#عزالدين_جحاف

كيان صهيون كرتوني بلا تطبيل
ياذي تسارع إلى التطبيع معه جهرا

واسطورة الجيش ذي هولتموه تهويل
من انه الجيش ذي مايعرف القهرا

أصبح معرض لبأس الله والتنكيل
على أيادي رجاله يكتب النصرا

#ابوعاقل_المنبهي

بالدم والمال وسلاح ورباط الخيل
نجيك ياقدس والشباب فالمجرى

شعب اليمن بايقاتل جيل يتبع جيل
مهما قتل فاليهود الجرح مايبرا

الصاع صاعين واجبنا نردالكيل
اسنادطوفان الأقصى مابقي عذرا

#علي_محمد_المحاقري

طوفان الاقصى وطوفان اليمن تنزيل
في مُحكم الذكر أنّـى لـلـيـهـود ذكـرى

ياوعـد أولاهما حلت عـلـى اسـرائـيـل
لـعـنـه من الله يـوم الـطـامـه الـكـبـرى

حالة طـوارئ لـدى حـراس وادي ويـل
يامرحبـا بالضيوف للحاطمه الـحـمـراء

#ابوهمام_سليم

طوفان الأقصى بداية هدم إسرائيل
والقادم أعظم فسبحان الذي اسـرى

مــآذن النصر ضجة في الـمـلا تهليل
وكـبـرت بـنـتـصـار الـقـــوة الـكُـبـرى

من اليمن جاوبوها انصار ابو جبريل
لبيك ياقدس حطواالنار في المجرى

#ماجد_المطري

طوفان الاقصى جرف كامل قوى اسرائيل
وأستفحل الذعر في صهيون واستشرى

قتلى وجرحى وأسرى هكذا التنكيل
من كف كم من مقاوم حامي المجرى

ذا وعد رب السما في محكم التنزيل
ترجع فلسطين من (عكا) الى (المسرى)

#ابو_برق_الظرافي

رؤيا لها اعوام فعلن جالها تأويل
وأيات باالنصر الأكبر والعيون ترى

بااحداث جارت على اسرائيل باالتنكيل
واهوال بثت نسخ لجهنم الحمراء

حتى فقد رب اسرائيل فيها الحيل
واتمنت الصهينه من نفسها تبرا

#علي_الشعيثي

مشاهد اليوم تشرح درس بتفصيل
تطهير ارض الحرم والقبه الصفراء

طوفان واحد وعشرين اضهر اتحليل
بوحدت الصف حول الرايه الخضراى

الاخره وعدها في محكم التنزل
والله عالم بوعد الاخره ودراى

#محمد_مجلي

ياملحمــه رتل الواقـــــع لـها ترتيـل
والقدس يسمع لها وام القرى تقـــرا

صادق لوعده في التورات والانجيل
رب السما مدهم بالعون والنصـــــرا

مابدلو قـوم اولو البـأس شي تبديل
ياقـدس ماقلّ فـ إســـرائيل نتبــــرا

#ياسر_القشوي

ثورة تَحَرُر وثوره تعطي التفصيل
ياحلف ابو جهل قولو للقوى الكبرى

الوعد قد حان والايات والتنزيل
والفتح وعده اتى بالنصر والبشرى

محور مقاوم وبالتكبير والتهليل
با يدخل المعركة من حيث لا تدرى

#أبـورمـاح_شـداد

اليوم تبدا نهايه تمسح إسرائيل
واليوم تبدا نهاية عسرنا يسرى

الحرب تبدا معارك جيل يتبع جيل
واصغر بدايه تسطر ملحمه كبرى

طوفان الأقصى بدا بالرد والتنكيل
وما البدايه سوى تحذير باليسرى

#وسام_الحنش

السبت سبت البلا والويل والتنكيل
والقتل والسحب للمحتل والخسرى

والنصر والفتح بالتكبير والتهليل
للقدس والخزي لسرائيل والذعرى

والموت والذل لامريكا ولسرائيل
والعز والمجد لفلسطين والنصرا

المجاراة الثالثة بعنوان #طوفان_الأقصى

البداية #عماد_العملسي

بسم الله الرحمان ياطوفان منهم لاتذر
ديّار صهيوني وكافر في بلاد المسلمين

طوفان الاقصئ هو بداية لليهودي من سقر
والقادم اعظم بلغ اسرائيل وامريك اللعين

#ضيف_الله_سلمان

كتايب القسام يا صهيون ما منها مفر
والقدس من حوله سرايا نكلت بالمعتدين..

نهاية اسرائيل في الإسرا كلمحِ بالبصر
والسبت يوم الكارثة للجيش والمستوطنين

#ابوعلي_عبدالله_القاسمي

صبح الشموخ اسفر بوجه الشر والحرب استعر
طوفان طم البر ياحسرة صباح المنذرين

محشر ويوم اغبر على اسرائيل برَّاقه شرر
النصر ال اكبر حان واللعنه على المستعمرين

في سبعه اكتوبر صدر من محكمة رب القدر
أمر القوي يتحرر الأقصى من أيدي بنيمين

يفكوا المعبرنجاهد بالمفيد المختصر
واجب ومن قصر في الواجب لعِن دنيا ودين

#فارس_المعزبي

رُجَّت جبال الارض وانشق القمر
من عجّة الطوفان فوق الظالمين

طوفان طاف القدس في لمحة بصر
واخرج عدو الله منكوس الجبين

#ابو_ضيف_الله_اللاحجي

يا امة الاسلام كلمة واحدة بالمختصر
طوفان الاقصى هاج ياكل العرب والمسلمين

أمّا نصرنا القدس والمسرى وصدينا الخطر
وألا علينا لعنة الجبار والناس أجمعين

#ابوصالح_العملسي

الحمد لله خامس اقوى جيش فالكون انكسر
وتبـــخرت بــــــمـــعية الله قوته في ساعتين

يا انــــــتنــــــياهو إذا تبغا الكـلام المختصر
اخرج وغـادر من جنوب المنطقة انك للعين

#عبدالحكيم_مسعد_النمري

مصادق الوعد الإلهي والدلايل والعبر
في داخل الميدان تتجلى لمرأى كل عين

القدس يتحرر وبن صهيون عاجز منكسر
وقادة المحور لحسم المعركة مستنفرين

‌‌‎#بندر_السقاف

نقولها لك يااليهودي بالكلام المختصر
الله قطع وعده بتمكينه ونصر المؤمنين

وفي تراب القدس لن نبقي لكم ذرة اثر
والا فلا كنا قطعنا العهد واقسمنا اليمين

#عزالدين_جحاف

طوفان القصى هو حفيد طوفان نوح اللي اشتهر
في سالف الأزمان باهلاك الطغاة المجرمين

وحسب وعد الله في القرآن مايبقى أثر
لكل صهيوني وأذياله من المتصهينين

#ابوبحر_علي_احمد_مطر

الله أكبر من توكل به و والاه انتصر
و الصبر فيه العز و التمكين و النصر المبين

طوفان الاقصى ثار فوق الصهينة جواً و بر
لازم يعود الحق لاصحابه ولو من بعد حين

#ماجد_المطري

لا هنت يا الطوفان لاتبقي لصهيوني أثر
نكِّل بهم تنكيل ذي يشفي صدور المؤمنين

فعَّل شعار الموت لاسرائيل والعن من كفر
والعن قوى التطبيع وانصاف الرجال المرجفين

#ضيف_الله_هجوان

طوفان الاقصى ضربته حاسم وقاصم للضهر
ضربه تبشر امة الاسلام بالفتح المبين

ثوره جهاديه حماسيه على خس البشر
يارب تنصرجندها الثاير على المستكبرين

#صالح_حسين

بادعيك ياديان ذي امرك مع الصبر استقر
رحمه مع غفران والنصر المؤزر واليقين

سدد رمى طوفان لا تبقي يهودي في مقر
وانسف ابو صهيون وامريكا وقرن الفاسقين

#رامي_السوداني

طوفان يثأر من جموع اشر واحفاد ادشر
والقدس يتتحرر بعون الله خير الناصرين

عذب ربي لا يذر منهم ولا يبقي بشر
واحنا معك ياشبل حيدر لشهاده حاضرين

#أبوشوامخ_الوعل

الأرض رجت تحتهم والجو فوقه يستعر
وتلخبطت لفكار عنده من فعال المؤمنيين

طوفان لقصى فاض من غزة ويتقادح شرر
من كبر هوله أصبحت لعداء أمامه ساغرين

#عبدالله_حسين_مسعود

الوعد وعد الله هذا سنته بين البشر
الحق يعلا دائما والنصر للمستضعفين

ياكم صبرنا وانت تملك طائره وانا الحجر
واليوم حق الحق والاقصى لنا دنيا ودين

#الـكـرار_العـقـيـبـي

الله ذي ايد وذي سدد هوه الله ذي نصر
الحمد له والشكر ذي زلزل عروش الظالمين

على يدي اطهر بشر بانقضي على احقر بشر
ونحرر الاقصى الشريف امن اليهود الغاصبين

#عبدالوهاب_الفقيه

الغاصب المحتل من طوفان قد ولا الدبر
قضى على صهيون ونها كل ذي متيهودين

بفضل ربي جرع اسرايل من كاس الامر
نكل بها ونها كيان الصهينه والمعتدين

#محمد_مجلي

قامت قيامتهم بني صهيون والوضع انفجــر
باقي لهم صيحه وصاروا فالصحاري جاثمين

يامحور الحق النفيـر اوجب ولا يبقى نفر
وكل من يحشد للاستشهــاد والملقــا جِنين

#علي_الشعيثي

تسلحو للمعركه ذي كانو ابطال الحجر
ووالو الكرار مولانا امير المؤمنين

قالو لهم لاعاصم الافي ضهور المنتظر
واليوم يسرائيل لاعاصم من المتثقفين

#ابـومـازن_الـرازحـي

ما أحدث الطوفان حتى الآن بعضه ماظهر
ونظام تنياهو على حجم الضرر متكتمين

بس الوجع يبتان من ضرب المساجد والأسر
وما خفي، شكله ندامة للخون ومطبعين،

#أبـورمـاح_شـداد

لاهنت ياطوفان من عدة محاور في مقر
امسح ابا إسرائيل وامسح بايدون وبنيمين

ياخاتمة صهيون بالله لاتبقي لها أثر
لاهنت ياطوفان الأقصى ثورتك عزه ودين

#ابوكرار_المجنحي

النصر برقه لاح فوق القدس والحرب استعر
والموت خيم بين جيش الاحتلال الغاصبين

وجيش الاقصى مده الباري تعالى وانتصر
والسيد القائد سندهم والرجال المؤمنين

#إتحاد_الشعراء_والمنشدين

https://t.me/aboyahyaalshami

تابع المجاراة الرابعة بعنوان #طوفان_الأقصى

البداية #الشاعر_نضال_حُميد

اين الحميه ياشعوب الأمه
وين الأخاء يالعالم الأسلامي

غزه تنادي كل مؤمن باسمه
للبوا ندا الجرح العميق الدامي

من عاد في قلبه لغزه رحمه
للبى الندا مادام عاده حامي

وقفه وردت فعل واقوى هجمه
ضد الكيان الغاصب الاجرامي

#أبـورمـاح_شـداد

القدس نادى ياشــــعــوب الأمه
طوفان الأقصى مثلما تسونامي

وين الغضب والعزم ويـن الهمه
وين اليماني والوفـــود الشامي

سافـك دمـــانا بُـــد نشرب دمّه
ونروي الشعــب الأسير الظامي

لاعاش من يخضع لقوة خصمه
والأمر في حرب اليهود إلزامي

#ابوهادي_عقاب

طوفان الاقصى ثار فوق الظلمه
واقبل على اسرائيل بالاقوامي

صبح على جيش اليهود يكمه
خلا جثثهم بالميات اكوامي

كتايب القسام نادت باسمه
من وسط غزه فجرت سونامي

لبى النداء شعب اليمن والحكمه
والسيد القايد جوابه حامي

#أبوحسين_العرجي

طوفان الأقصى قد ركمهم ركمه
طوفان خلّف بالجثث مركامي

يأرض غزة كل واحده حلمه
يرجم على اسرائيل لو مرجامي

وكل إسرائيلي أخذ له قسمه
من الخزاء والذل قدوه الزامي

ومن يطبع ناولوه بالبغمة
اجرامهم قد زاد في الاجرامي

#ابوشهيد_القطمي

هذا الحدث يا قوم يشتي حسمة
لازم نلبي و النفير إلزامي…

كمة على اسرائيل با اقوى كمة
من كل جانب با يصل ملطامي

الله حذر منهم في الختمة
وضح لنا خبث اليهود العامي

با تنعقد في القدس آخر قمة
وبعدها النصر الاكيد لأقوامي

#ابواحمد_الغفّاري

اليوم شاهدنا افتراق الأمه
وشفنا اجتماع الباطل المترامي ..

لي في مجاراة النشاما كلمه
تجسيدها في قادم الأيامي ..

شعب اليمن جاهز بكامل غُرمه
والحشد والتجهيز له متنامي ..

با يستعيد القدس، شعب الحكمه
لا تحسبوا هذا الكلام إعلامي ..

#محمد_البريهي

من موطن الإيمان وارض الحكمة
لأنصار دين الله موقف سامي

واحد ومايقبل أبد للقسمه
وأقسم قسم لو يحكموا بإعدامي

قضيتي الأولى قضية أمه
وجهادنا ضد الكيان إلزامي

معك معك يابدر ماحي الظلمه
لدماء بني صهيون شعبك ضامي

#صقر_الريمي_ابو_الذهب

لبو النداء كــــلٍ يصرح بسمه
بدعم لوجستي ودعم اعلامي

غزة تناديكم والاقصى حلــمه
موقف مشرف من بلاد اسلامي

يــــــامرحبا بالنصر حيا شمه
والفتح من ربي لجنده حــامي

اليوم (ي)الاعراب شدو الهمة
ندعس على اسرائيل ب الاقدامي

#محمد_الزكري

كلمه وربي انها كلمه
نوقف ولو بل واقع الاعلامي

القدس محتاجه لكم ياامه
لبو نداء الجرح العميق الضامي

لا حد يقوول اليوم مدري للمه
اليووم يووم النصر للاسلامي

فزعه وذي ما يستجيب ياحمه
كيف باع دينه والضمير الحامي

#علي_الشعيثي

حب الشهاده في سبيله نعمه
ونصرت الاقصى قرار الزامي

ويل المطبع يوم كشف التهمه
كلن معه يوم الحساب اعلامي

همه مع طونان الاقصى همه
القدس في قلبي وفي صمامي

ومن تخلا عنها علم امه
والله مايبقا حجر قدامي

#وسام_الحنش

حيا ذي اتجواب وحيا شمه
والله يلعن كل من متعامي

ذي ماوقف حتى ولو بالكلمة
ضد العدو الطاغي الاجرامي

حكام الامه من اذلو الامه
ومن يصيح يسكتوه الزامي

ياقدس جاك اهل الابا والحكمة
قادات نُصرة ديننا الاسلامي

#علي_حشفول_الهلالي

الامة اضحت دونما شي ذمه
حتى في اسهل جانب الاعلامي

كلاً من التطبيع يلحق قسمة
واصبح رضاء اسرائيل شي إلزامي

الا اليماني حي والله شمه
ما زال متمسك بمبدأ سامي

ان القضية دايمـا في القمـة
تحرير ارض القدس يابن الشامي

#أبوحسين_العصري

لبيك يا الأقصى نشد الهمه
طوفان يصبح جنبه اتسونامي

كموا ابتهم يا النشامى كمه
دام السخط في دمنا متنامي

من موطن الإيمان وأهل الحكمه
الشعب كله جنبكم قسامي

قل للمطبع با تجي له نقمه
عار الخيانه يلبسوه إلزامي

#عبد_ربه_الحداد_البيحاني

في دعم الاقصى يارجال الهمه
فزعه عروبيه وموقف سامي

لاعاد فيكم يالنشاما ذمه
جهادنا واجب علينا اللزامي

افعال بعد افعال قبل الكلمه
لي منعكم ياكل قانص رامي

#ابواياد_المطري

ذي ما وقف في جنب غزه؛ للمه؟؟
ما يمنعه؟ دام الوقوف الزامي

هذ القضية لا اختفت من دمّه
قدهو يهودي لليهودي حامي

لازم نقف موقف بوحدة كلمة
بجنب غزة طيلة الاعوامي

باقولها ضمن القوافي  (كلمه)
با تغرق إسرائيل بتسونامي

#ماجد_القادري

من موطن الانصار شعب الحكمه
ادعس على اسرائيل تحت أقدامي

نبقى معاها في مجال الخدمه
نوقف معاها في المجال إعلامي

لما العرب تفتح خطوط النجمه
اخوض في اسرائيل سيف أيامي

لو كنت جار القدس كانت نعمه
جيش اليماني والجيوش الشامي

#الشاعر_فاهم_حيدر

الجيد قال اليوم يعلن دعمه
والبعض ندد في خطاب اعلامي

يامن يقول ان الجهاد بكلمه
مابه جهاد الا بموقف دامي

مفروض محورنا يسجل رقمه
والخير واجد والمجنح ضامي

لازم يخذ. كلـين منا قسمـه
يا بالرضى والايكون اللزامي

#إتحاد_الشعراء_والمنشدين

؛https://t.me/aboyahyaalshami

جاكم الطـوفــــان ياصهيون جاكم
بالكتايـــب والجيــــوش الحيدريه

جتكم اذيــــــاب الفلا تدحر قواكم
جتكم حشــــود الأســود المحوريه

من صواريخ (اليمن) يسعد مساكم
وفـي سمـاكـم نارهـا حمراء مضيه

من طرف( طهران ) سددنا عشاكم
زحـــــف مـن نار الصواريخ القويه

والغداء صاروخ من(صنعاء)جباكم
والمسيّـر هجـمـتــــه تـتبـــع خوّيه

من(دمشق)زحوفنا تجحب سماكم
تجعـل (اسرائيل) صحراء مستويه

ومن على( بغداد)ضربـة لعن اباكم
تنعـث اجــداد الجــــدود الخيبريه

ياخنــازيــر العجــم ماشــي معاكم
لاوطــــــن لا ارض لا حـتـى هويه

انتم اللـــي عـار يعــــــــورنا بقاكم
لو بقيتــــوا مـايشـرفنــــــــــا بقيه

يا بقانا فـي البقـــاء بعـــد انتهاكم
او تكــــون  الأرض هــــذه منتهيه

طـالـت ايـديكـم وبانقـطــع يداكم
ويلكـم مــــن دمعــة الطفل البريه

بعد هــذه الحرب لـن نسمـع نباكم
بانكون احنــا النبـأ وانتــم ضحيه

من يمين ومن شمال ومـن وراكم
مــوت قادم من رجاجيـل الحميه

والقسم لابــد مـا نشــــرب دماكم
وترتـــوي منهــا فلسطـين الظميه

والقسم لا نكفـــــــي الأمـه بلاكم
والقسم نحمـي حمــا مسرى نبيه

#أبـورمـاح_شـداد
#طوفان_الأقصى

المجاراة

البداية #الشاعر_ابوحيدر_عامر

الله يلعن والدي والديكم
يا بعض حكام العرب فالجزيرة

بعتوا القضية لعنت اﷲ عليكم
من اليهود وانتو اليهود الاجيره

#ضيف_الله_سلمان

اترجلوا لا بارك الله فيكم
ياحفاد ابو سفيان وابن المغيرة..

عبيد لاسرائيل تبت يديكم
والقدس ما نتو ذي يقرر مصيره

‌‌‎#الكرار_المشراقي

الله يلعـــنكم وتبت يديــكم
ياحفاد هند الباغية والحقيره

تطهيركم واجب قريباً نجيكم
نقتص من صهيون والي يديره..

#علي_الشعيثي

ياذي رضيتو للعدو يشتريكم
وبعتو الجنه بقيمه سغيره

عار الهزيمه والخزاء باتجيكم
مثل النصارى واليهود الحقيره

#أبـورمـاح_شـداد

ياخاينين القدس مـــاذا لديكم
هل شي معاكم ياملاعين غيره

تبت يـد امريكـــا وتبت يديكم
لا طالت ايديها ويدكم قصيره

#ابومهدي_الوايلي

تركتو الاقصى والاقصى يبيكم
الله يسود ذا الوجيه الحقيره

الحل يالعربان هو في يديكم
فزعه لتحرير البلاد الاسيره

#ابوناصح_العزي

االله اخزاكم وتبت يديكم
اشنابكم حبلى بكاسات بيره

ماصار في غزه قسم لايجيكم
هذا جزا ياقوم بايع جويره

#الشاعر_أحمد_عبدالرحمن_الظمين

كن اليهودي بالزلط مشتريكم
معاد فيكم شي كرامة وغيره

ابشع جرائم وسط غزة يريكم
ونتو ولأ واحد تحرك ضميره

#عبدالقوي_البطل

والله يلعن كل من يحتويكم
والا قبلكم تحكموا أي ديرة

ولا ظهر موقف أتى من صليكم
يدل عن نخوة وعزة وغيرة

#ابوكنعان_الروس

العار كل العار مدوي صليكم
يا اهل الوجيهه العابسه والحقيره..

أمريك باالتطبيع كبل يديكم
واليوم لا أسرأئيل دااابه قصيره

#ابـومـازن_الـرازحـي

يا ساسة التطبيع صادر إليكم
لعنه من افواه الجموع الغفيره

على الوهن والضعف ذي يعتريكم
وبترككم خط الهدى والبصيره

#ابو_حسين_الراعي

بعتوا القضية والمريكي شريكم
وباعكم كامل بعشرين ليرة

يا ويلكم من نار تعرض عليكم
خُزّانها مالك وجيش المسيرة

#ياسر_القشوي

كنا نظن القدس منكم وفيكم
باتدعموا الاقصى بمال وذخيره

لكن هو الواقع وربي خزيكم
بعتو القضية يا كلاب الجزيره

#عبدالوهاب_الفقيه

ياغارت الله ويش ذا الخوف فيكم
من دولت اسرايل ذيهي حقيره

مسرى النبي ماعاد يركن عليكم
لانهو راكن على ذا المسيره

#نورالدين_شرف

هاذا الهوان والذل ذي يعتريكم
سخط من الباري ولعنه كبيره

كل الفساد اليوم جا من صليكم
صرتوا كما الانعام وسط الحضيره

#ابوعلي_مبخوت

لابد مافي الوقت مانستظيكم.
ونقاتل التطبيع في كل ديره.

امريك بدولار ذي تشتريكم
وبيعت الأقصى هي أكبر نكيره

#ابوهادي_عقاب

ذي طبعوا يا الله بخاسف يجيكم
يسحق تحالفكم ويلقى مصيره

وحزمكم وين جاء الله اكبرعليكم
غزه تنادي يا نعاج الحضيره

#ابواحمد_العفيف

ريح الخيانه جاتنا من صليكم
يهل التطبع والطباع الحقيــره

قلتوا قداسرائيل منكم وفيكم
ماعندنفحة رجاله وغيــــــــره

#عمر_حميد_الشرفي

هبوا علئ المُــــــحتل تبت يديكم
ولا فـــلن تبقئ لديــــــكم عشيره

من السـكوت الــــيوم ماذا لديكم
يــأهل النفوس الخايفه والحقيره

#ابو_يحيى_الحبيشي

كل اسلحتنا باتوجه صليكم
يامن على الأقصى توجه نفيره

مادام عدبه جند تقطع يديكم
مابه معاكم فايده في الجزيره

#أسـامـة_المـعبـاء

حمى اللحــى قل للعـرب لا بقيكم
مكتـــوفي الايدي و"غـزة" اسيرة

لانتم بحق القدس واهله رضيكم
ف محال ترضى به رجال المسيرة

#محمد_مجلي

اكبر جهـــــاد اليوم نغزي دولكم
قتله لما كُـلـ(ن) يصحّي ضميره

لوما الخيانه جات منكم وفيكم
ماعــد قضيتـنـا فلسطين اسيره

#مرتضى_ناجي

خايب وخاسر من توجه صليكم
ومن حسبكم في سلاحه ذخيره

لا عـز لا رجـله ولا خـير فـيكم
الخـير كـله فـالعلم والمـسيره

#ابن_دغشر_الشومي

لأبد ما الشعب اليماني يجيكم
يقتص من كل الغزاه الأجيره

اتأملوا للبدر ماذا يريكم
من ضربه الأنصار جند المسيره

#الشاعر_عبدالكريم_الشمسي

تبت يديكم ثم تبت يديكم
وقبح الله وجه ما فيه غيرة

إما تركتونا نقاتل عليكم
وإلا مسحناكم من ارض الجزيرة

#الشاعر_حسين_المستكا

ارض اليمن ياقدس آتي اليكم
اما اليهودي با يلاقي مصيرة

بعض العرب مابا تساوي حذيكم
صارت لإسرائيل مدعس حقيرة

#الشاعر_ابوعلي_الريامي

مستعربين انتو ولا خير فيكم.
ما غير صرتوا عار في ذا الجزيرة.

واشعوبكم صارت اسيرة لديكم.
وشعبنا بالكامل اعلن نفيره.

#الشاعر _حربي_ اليتيم

ياامريك واسراىيل خيرة عليكم
ياظالمين ياهل الذنوب الكبيرة

طوفان با يخلي وينهي ابتكم
والجيش قادم من ربوع الجزيره

#ابومحمد_سحار

والله لايرجع فشلها عليكم
وتصيبكم نقمه اليمه خطيره

ياخادمين الغرب تبت يديكم
والله لاتلقو نهايه مريره

#الشاعر_حمزه_خطاب

ذي جاء في غزه عسا بايجيكم
ياكل خايــــن مايحـــرك ضمـيره

لاتحسبون القدس راكن عليكم
راكن على الله والعلم والمسيره

#ابوقصي_العويري

لاكن علينا عارها لا نجيكم
ندعس رقب من باع وارخص ضميره

ياذي رضيتو خصمكم يعتليكم
واصبحتو اُمه تحت حُكمه حقيره

الا ياعالم اتخلى عن الإحساس والإسلام
دعيت الحيّه إحساسه من الأحرار في الأمه

دعيت الأمه الحيراء دعيت السذج الحكام
الي عن غزه اتخلت بكل ماتعني الكلمه

فمن ينصر قضيتها ومن بايكوي الآلام
ومن في نصر الأقصى يشحذ الشباب والهمه

فمن مجلس دويلات الأمنّ زاد العدو اجرام
ومنظومة حقوق لإنسان تسفك ياعرب دمه

ومنظومة حقوق مرأه تمزق جسمها بركام
ومنظومة حقوق الطفل قتله وسط بطن امه

ومن كيد الأمم غزوات تجعل اهلها خدام
ولاتصنع...(لعزتها)... ونصرة دينها خدمه

واذا بانترك الأقصى واذا ظلم اليهودي دام
فجعل الكون ذا مادام وجعل الكون ذا ظُلمه

#أبـورمـاح_شـداد

تابع المجاراة عن (فلسطين قضية الامة)

البداية #ضيف_الله_سلمان

اوّل قضايانا قضية فلسطين
والاولوية بين كل القضايا..

واحرار الامة كلهم مستعدين
يطهروها من كيان الخطايا..

على خطى القسام والشيخ ياسين
كل الكتايب جاهزة والسرايا..

من منطلق عزة ومن منطلق دين
والله ذي يعلم بصدق النوايا..

#ضيف_الله_هجوان

فزعه مع الاقصى بكل الميادين
الشكــــــر لك ياشعبنا والتحايا

النصر ميعاد الرجــال الميامين
والله قد اظهـــــر جميع الخفايا

ياامــــة الاسلام وين الملايين
الدم ينزف من جروح الشظايا

لابدمن صرخه بوجه الملاعين
ومن اليهـــودي ننتقم للضحايا

#ابوبدر_ذيبان

فرصه ثمينه يالرجال الميامين
نطهر الاقصى من ام الرزايا

نفيرنا وجهادنا في فلسطين
واجب مقدس من جميع الزوايا

طاعه لامر الله في نصرة الدين
عزه شموخ وثار كل الضحايا

يا الله وفقنا نخوض الميادين
ونجرع المحتل كاس المنايا

#رامي_السوداني

أهل اليمن ياعاشقين الميادين
ذي تسقي اعدادها كئوس المنايا

رجال في وقت الشدايد ميامين
واغمارها في لوله والنهايا

أحنا حمات الأرض والعرض والدين
بحميك يااقصى وبااصرف دمايا

لو تجمع الكفار هم والشياطين
هاذا اليمن مايخضعونه عدايا

#ابوزكريا_مفلح

جينا من التوبة وطه وياسين
نستأصل الغدة بنار المنايا

جايين يالكفار جايين جايين
الموت قادم من جميع الزوايا

والله مانعرف تراجع ولا لين
لو تمطر الدنيا علينا شضايا

كمن مجاهد يمتلك عزة ودين
رأس اليهودي يدعسه بالحذايا

#الشاعر_ابوجهاد_صبر

معَ القضيه لو عــ.ـتِـمّـطـر سكاكين
والأرض. تـتـفـجـر شضايا شضايا..

هـيـهـات نـرجـع لــو تِـولِّـع. براكين
دون القضيه مـرحــبـاء بــ.المنايا..

هي فرض من ربي وسنه من الدين
وأول امــانــات الــنــبــي والوصايا..

قضية (إفلسطين) عـنـد الميامين
اول. قضيه فــي .سـجـل القضايا..

#مختار_البحري

تحرير الاقصى قبل كل العناوين
االمحور الرسمي لكل الزوايا

من اجلها لونحترق في الميادين
رؤوسنا لجل القضية هدايا

مادام فيني دم وسط الشرايين
واسم العروبة راسخٍ في. الحنايا

من اجل الاقصى لوتقسمت نصفين
في نحر بن صهيون عظمي شظايا

#عبدالكريم_الشمسي

ثــــرنـا وثورتـــــنا هدفــها فلسـطين
نسـعى إليــها مــــن جمــيع الزوايا..

ولجــلــها خضـــنا المـعـارك يمانــين
ولا وهِنَّا رغـــم كــــــل الــــــرزايا..

هــذا وعــــاد احــنا عــددنا ثلاثـين
ما اليوم الامه كــل ابوها ســـرايا..

هذه جنودك شوفها سيدي حسين
اليـوم صـــارت لليهــودي منــايا..

#الشاعر_يوسف_الحداد

من اجلها نبذل دمانا قرابين
ونحوها نمضي سراياسرايا

على ثقه بالله فالعسر واللين
ماننحني لاهل الخناء والرزايا

هيات نخضع لليهود الملاعين
لوحاصرونا من جميع الزوايا

#نجيب_المنتصر

ياالله توفقنا نحرر فلسطين
نذوق اسرائيل كاس المنايـا

محور مقوم متحد مستعدين
واعلمنا كبد السمـاء والحنايـا

مابانفرط في القضية ولاالدين
نبذل نضحي بالدماء والعطايـا

واليوم هذا مثلما يوم صفين...
وقاصرين الوعي فينا الضحايا

#ابو_هادي_الغمري

خطي جهادي في شريحة فلسطين
وبحب الاقصى بــــــين اعبي مزايا

مـــحال اكون انسان يعمل بخطين
رقم اشتراكي مــــــن محل السرايا

للفتح يا الاقصى ترانا مــــــــعدين
وارواحنا يا قـــــــدس لجلك هدايا

نفعل مـــــعارك مثلما يـــوم حطين
لو يعجز الحاسوب يحص الضحايا

#أبـورمـاح_شـداد

لو بانعوّد لاجل الأقصى جثامين
ترخص دمانا لاجل ثار الضحايا..

السن هـــي بالسن والعين بالعين
والموت قادم مـن جميع الزوايا..

الويل منـا يالحقـــــير ابن يامين
يوم القوى تقبـــــل سرايا سريا..

لو تنفتح لأبواب ندخل فلسطين
نفتح على اسرائيل باب المنايا..

#ابـومـازن_الـرازحـي

أرض المصلى، واللقـاء للنبيين
لها مكـانـة في قلـوب البـرايا..

والجـامعه للمسلمين الموالين
للـه، ذي يعلـم، بكل الخفــايا..

تحريرهاواجب علينا فرض عين
من اليهود الغـاصبه والخـلايا..

مع حماس مع فصايل فلسطين
ورجال حزب الله ندوس المنايا

#مناع_شريم

بعد الله المحور هم النصر للدين
يجرعوا اسرائيل كاس المنايا

بايقلعوه هذا الكيان من فلسطين
وننتقم للقدس وكل الضحايا

لعنه لواشطن وباريس وبرلين
ولندن وذي طبع عيال العريا

شعب اليمن بايقلع القلب والعين
ويدعس المحتل وكل الخلايا

#ابوشوامخ_الوعل

إحنا مع اهل القدس وناس دارين
حبه جرى في دمنا والخلايا

من صدق ماهي شي مجابر تخازين
يشهد علينا الله رب البرايا

والصرخة اللي ساغها سيدي احسين
وحصارنا يشهد ودم الضحايا

ليلة هتفنا يا فلسطين جآين
قامت عدانا من جميع الزوايا

#إتحاد_الشعراء_والمنشدين

https://t.me/aboyahyaalshami

المجاراة بعنوان تأكيد التضامن اليمني مع أبناء الشعب الفلسطيني.

البداية #فارس_المعزبي

ياساري الليل من (صنعا) وماحولها
سلِّم على (المسجد الاقصى) عليه السلام

وقُل (لغزة) تسجلنا بكشف اهلها
سُكَّان واحد موحَّد في جميع المهام

اللـــه يلعـن مـَن اتخـاذل وفلَّـت لهــــا
لــو يلبسين (البنـادق) لابسات اللثــام

#بندر_السقاف

ياساري اليل قل للغرب وذيولها
مسرى محمد رسول الله مابايظام

بالموت نهتف لاسرائيل ونقولها
وافعالنا سابقه ماهو مجرد كلام

احنا لها ياعرب لادقت اطبولها
(ياقدس راهن بنا وانذر عيال الحرام)

#قاسم_السقاف

عزه في اوضاع لاسقاها ولابلها
تباد تحرق تدمر من عيال الحرام

واسواء زعامات مذلوله جعل ذلها
ماوقفت حرب اوتقدر توصل طعام

ياليت وان به طريقه لاجل نوصل لها
ومن تاخر سلاحه يمقته والحزام

#هادي_حسين_الرزامي

أكيد مابه سوى هذا نقوله لها
واجب نجاهد قوى الطغيان فيها لزام

نرخص لها النفس والأموال تبذل لها
ومن بخل في سبيل الله عيشه حرام

بصرخة البدر وجهاد العدو حلها
بندق وجعبه وصرخة بدعها والختام

#ضيف_الله_هجوان

اليوم يوم الجماله للذي شلها
وتحيتي لليمن والشكر والاحترام

مادام الاقصى دعانا يبشر احنا لها
حرام مانخذله في حرب والا سلام

مع فلسطين نلعن وجه محتلها
واحنا ورى من توعدناه بالانتقام

#عدنان_جحوح

لنا فلسطين دون الخلق وحنا لها
محال تنسى نياط القلب أحفاد سام

كل المعانات ذي تأتينا من أجلها
وحنا لها الغالية المزيونة محزم ولام

والله ما نرتضي للصرب يحتلها
ولو علينا تشب الحرب ألفين عام

#ابوكنعان_الروس

يا أطفال غزة بعزه أصمدو لجلها
لو صرتو أشلاء ويسحق لحمكم والعظام

لاتنخو اعراب باعت لليهود اصلها
وباعت الدين والمقدس وبيت الحرام

لبيك لبيك قالوها وعن قولها
باالروح باالدم نرددها ثمانين عام

#ابوهادي_عقاب

صاروخ طوفان عن صنعاء وعن اهلها
نقل رسالة تضامن من بلاد الكرام

وحط بين اليهود الذهر ذي هالها
وقال به خط احمر بعده الالتحام

من اجل غزه وقتل نساء واطفالها
ندق الامريك والصهيون يبقوا حطام

#الشاعر_ابوجهاد_صبر

ارض الـيـمـن فـعـلـهـا سـبّـاق عن قولها
مايصعب الفعل عنها مثل صعب الكلام

في عرضها تـفـدي الأقصى وفي طولها
وهي مـعـه دائـمـاً فـي حـرب وإلا سلام

باتـسّـقـي الغاصب الـمـلـعـون من هولها
وتـجـعـل الـوقـت كُـلـه في بلاده ضلام

#ابـومـازن_الـرازحـي

إلى فلسطين باسم الشعب ذي لجلها
عانا الأمـرين، وتحالف عليه اللئــام

لا زال عهـد الوفـاء بالـوعـد لبطـالهـا
باقي،والاقصى سنام جهادهم والسلام

ولعنـة الله، علـى الــراضـي لمحتلهـا
ومن سكت عـن دماء (غزة)وما ادى كلام

#رامي_السوداني

وصل رساله من ارض العروبه و اصلها
من قايد الشعب الايماني القرم و الهمام

احنا رجال الاقصى وغزه احنا رجالها
وهي القضيه الاساسيه عليا الحرام

#ابوحمزه_المقاش

يـالـيـل خـبـر طغـاة الارض وافلـولهـا
الـحـرب شعواء ولـو نفنـا عليها كـرام

غـزه هـدفـنـا وقـبلـتـنـا وإحـنـا اهلـهـا
فـدوه ولا يـهـتـنيـهـا كل بـاغـي حـرام

والله يـئـبـى لـنـا الـذلـه عـلى طـولـهـا
هـيهـات هيهـات يـتخاذل عزيز المقام

#علي_جارالله_داشع

سرى سرى الليل هيا قد ٲتى حلها
ياساري اليل سجلني بصف الٲمام

ٳلى فلســـطـين باننــفر وحنــا لـها
اوليا رجعنا عليا عار ما احنا كـرام

تحريرها قد وجب واحنا لها كلهـا
لو مابقي من يشيعنا كفى والسلام

#عبـدالمجيـد_الغـانم

احنـا الليـوث الحيـدريه واهلها
واحنا لهـا فـي حـرب ولا سلام

وعنـد اليماني يافلسطيـن حلها
لاترتكن للعرب ذي طبعو للئــام

قد بآن خذلان الامم من جهلهـا
والعرب بانت حقيقتهــا الحرام

#ابوكرار_المجنحي

من اجل غزه والاقصى كلنا لجلها
نموت هاذا طبيعي يا عيال الحرام

باننصر القدس وننكل بمحتلها
وباتشوفو نتائج فعل ماهو كلام

واهل العمالات ذي عاشت على ذلها
ماعندهم دم حتا نص ملي جرام

#ابوبراءة_الديلمي

ياغـــزة الـروح كــفار العـدا جولها
واتكالبوا ضدها صهيون وابن الحرام

ياغـــزة الـ ـعز لا يــمكن احد ذلها
تستاهل الشكر والتقدير والاحترام

واحنا مع القدس يخسى نذل يحتلها
واحنا على العهد مانرضى لها باانهزام

#الكرار_المشراقي

هاتا فلسطين علينا العار محتلها
كيان صهيون وولاد العين الحرام

ابعد من الشمس قوا إسرائيل توصلها
لوجنبها الكون باتهزم اشد انهزام

لو العرب باعت الاقصى ومن حولها
ماكان بعناة لوبانحترب الف عام

#أبـورمـاح_شـداد

حنّا رجاجيـــــــــل تمسح كل ماقبلها
كموم تطهير تنكيل إجتثاث اقتــحام

قولــوا ( للأقصى ) تمدد لليمن حبلها
واحنا لها في المياديــن الهمام الهمام

واللــــــــه مانترك( إسرائيل ) تحتلها
لوبانخوض المعارك عام من بعد عام

#إتحاد_الشعراء_والمنشدين

https://t.me/aboyahyaalshami