تابع المجاراة بعنوان هيهات منا الذل نقولها كما قالها الحسين سلام الله عليه .

البداية #محمد_كرشان

اقسم بميثاق الولايه والولا
والارض تسمع بالقسم عرضا وطول

ماننتسي دمّ الحسين في كربلا
ولانفرط في دماءال الرسول

#ناجي_القطيبي

في كربلا سبط النبي حاز العلا
وبيّض الله بالحسين وجه البتول

قدقالها كلمه على روس الملا
هيهات مناالذلّ واثبت مايقول

#لؤي_القحطاني

واحفاد ذي الجوشن وشمر أو حرملا
من فوق لأرض الطاهره هذه تزول

يا كربلاء نيران ثارش تتلهب قل الملا
حسين ثوره نهجها ما بايزول

#الشاعر_ابوحيدر_الحداد

واحنا حسينون ما ملـنا ولـآ
بالبأس والايمان دقينا الطبول

إمَّا نخذّ بالثار من ابنى حرملـآ
وإلآ من الدنيا ومافيها نزول

#الشاعر_ابورفيق_العياني

دم الحسين السبط وادماء كربلا
عاد الشموخ لآل النبي فعلآ وقول

دمر طغاة الارض والخصم البلا
وقاد ثوره باليمن عرضآ وطول

#ابو_حيدر_البصلاني

يشهد علينا الله خلاق الملا
انّا على مبدى ونوفي بما نقول

هيهات ننسى ماحدث في كربلا
او ننحني للكفر واذناب بني سلول

#الشاعر_ابوتراب_الرازحي

حرمل ومن غيره سفك في كربلا
دم الحسين ابن العلي ابن الرسول

و في شعبنا سلمان قلّد حرملا
ما يدري إن السيف من شانه سلول

#أبو_جبريل_سفيان

لأحـل نـرضا بـه مـع الباطـل ولأ
يمكن نفرط في دماء آل الرسول

ولأبـد مانقضي. علـى رأس الـبلأ
صهيون وامريكا وأسرة بن سلول

#الشاعر_ذوالفقار_القيدله

من كربلا الطف نعلن للملا
عهد الوفاء من دمنا لبن البتول

نثبت مع ابن المصطفى والا فلا
عشنا ثواني يافنينا. يانصول

.#الشاعر_بشير_الشامي

في حدث ف الارض يشبيها الملا
وواقعت مئساه فالدنيا تشول

هيهات منا الذل ياحلف البلا
وبايعيد الله اشبال الرسول

#هيهات_منا_الذلة
#عـــاشـــــوراء 1444هـ
#إتحاد_الشعراء_والمنشدين

https://t.me/aboyahyaalshami

تابع المجاراة عن تواجد القوات الامريكية في حضرموت عدوان واحتلال وانتهاك للسيادة اليمنية .

البداية للشاعر #بسام_شانع

الموت لامريكا على ساطيلها
محظور يا بحر المكلا حظر موت

الموت لامريكا ولاسرائيلها
بغتة وسكتة قلبية في كل صوت

تبت اياديها وجت باارجيلها
يا البيت الابيض لا نجونا ان نجوت

#ابوقصي_العويري

بانحـرق امريكـا البـلا ونزيلهـا
حرام نسمع ذكرها في حضرموت

احنا لنا القدره على ترحيلها
لاكن بدل ما تنسحب فيها تموت

اذا قد الانصار سالت سيلها
قل للمريكي مستحيل أنه يفوت

#ابوشهيد_القطمي

إي والله إن الموت من كأسي لها
عاد بانشوتك ياقوى الاجرام شوت

أمريك ما تشتي تجي نديلها
الموت الأزول با يصل داخل شفوت

قلولها عاد با نجي ياويلها
أقسم بربي ما سلم حلف الجبوت

#أحمد_الاهدل

شعب الكرامه قد عزم يغزيلها
ويشوتها ب إذن القوي الجبار شوت

ياويلها امريكا اللعينة ويلها
وذيالها ذي حركتهم باالرموت

لابد نقطع في بلدنا ذيلها
ويدها الطولا ولازم ماتموت

#الشاعر_ابو_صماد_الفليتي

الموت لمريكا وصهيون ذيلها
وقوة اسرائيل داخل( حضرموت)

وانضامها الفاسد معا تضليلها
باينـــــدعس والشر كله بايموت

وياملوك العار ويلك ويلها
من جند ربي والنشامه ذي تشوت

#نصار_المهلا

جايي لحلف الامركه جايي لها
في معركه بانشوت الملعون شوت

واحنا قدذا المعركه واحنا حيلها
لاتقلقي يامكلا وانتي يا حضرموت

والله ما نترك ولو ملي لها
وحلفكم اوهن من بيت العنكبوت

#الكرار_الجبر

لابد للقوات من تقتيلها
نخلط دماهل مثل ما خلط الزيوت

بالبدر والبركان وبسجيلها
والطرد با يأتي على حسب الكروت

قواتكم لابد من تنكيلها
من ينتهك أرضي قسم ما بايفوت

#الشاعر_ابوالفتح_الجرادي

بانقطع امـــريكا ونقـــطع ذيلهـــا
في ارضنا باتحترق كل الكـروت

ماحيلها تغـــزي اليمـــن ماحيلها
سوا اتت ولا تشغـــل بالــــرموت

يـــاويلهـــا فـــي شعبنا ياويلـــها
باتنتهـي وطيح تتمــــزق فتـوت

#ابوبشار_القاضي

الموت لامريكا مع اباطيلها
تبشر بحرق اوراقها هي والكروت

والموت لسرائيل قادة فيلها
والموت لاصحاب المشالح والبشوت

#وسام_الحنش

ياشعب لاتغتر من تؤيلها
لازم نعاديها ونصرخ الف موت

قواتها ذي تممت تشكيلها
لابد ماترجع وهي في فم حوت

#الشاعر_ابوتراب_الرازحي

أمريك و إسرائيل يا عِزي لها
إحنا فتحنا قبرها في حضرموت

و أنصار ربي قِد نوّت تسري لها
با تُفرم الغازي و يبقا لحم حوت

أرض اليمن من قِد نوى تذليلها
ما نترُكه لو با نموت سبعين موت

#أبو_جبريل_بحجوج

هي لنا يـاقوم ماهي شـي لها
هي قشّه اوهن من بيوت العنكبوت

" السيد الـقـايـد " قـدو ناوي لها
ودهــا مـــا ودهـــا لازم تـمـوت

عـاد المسيره با " تـقـشّ " ب.سيلها
أمريك واسرائيل واصحاب البشوت

#ابومحمد_المعله

ما دام جند الله ركبت خيلها
فيا قمم صنعاء مدي حضرموت

ندعس قوى امريكان نقطع ذيلها
قد ودفت ذي منعكم لٱ عد تفوت

#ابوشرف_خولان

دام المسير قادمه في جيلها
وكل شي محسوب ماشي بايفوت

بانقتل الحيه ونقطع ذيلها
هي قشه اوهن من خيوط العنكبوت

إحنا اليمانيون بانسري لها
فاالجو ولا البحر ولا فاالخبوت

#الشاعر_ابوحيدر_الحداد

هاتو حشود امريك لاسجيلها
ارض اليمن قبر الغزاه من بايفوت

النصر للاسلام في تاويلها
هيهات نرضى بالبمذله والسكوت

جن البحور مترقبه تشعيلها
في البحر الأحمر والروابي والخبوت

#ابوالقاسم_الزبدي

خبرو امريكا قسم باجيلها
وعلى يدي معذر لبوها ماتموت

لاعد تحاول قد كشف تضليلها
في كل جانب وتضح بعد الخفوت

لابد من قطع العنق وارجيلها
لابد يازين الجرامل والمروت

#الشاعر_ابومعاذ_الشعوبي

ياويل امــــريكا وياغبني لها
وويل اسرائيل في ارضي تموت

وكل من ودف يرى تهويلها
في ارضنا يالخصم باترجع فتوت

لاحان وقت الحرب حنا سيلها
ولاعرفنــا ذل اوفينا سكوت

#ابودغمر_المعباء

امريك جات للاجل برجلها
ونصار ربي باتفت جيشه فتوت

ومن غضبنا ماحدن منجلها
وبانرجع جيشهم وسط التبوت

وبايجي اليوم الذي نسريلها
امريك وسرائيل نوعدها تموت

#الشاعر ذوالفقار _ القيدله

عدوة الأمه وماعد شي لها
غير الفنا لامريك واسرائيل موت

والبحر فيه الويل مستني لها
بحر المكلا من وطاه اصبح فتوت

#ناجي_القعود

بانحرق أمريكا وننهي جيلها
وندمر احلاف العماله والبيوت

ذي قالو ان الساحل الغربي لها
ماشي معاهم غير المذله والسكوت

#صدام_شايف_الغولي

هيا بنا ياابطال نسري سيلها
فرصه ثمينه جت إلينا لا تفوت

نحرق قواها في أول ليلها
ونزيل سطوته قبل تخضع حضرموت

أين البراكين تشعل ذيلها
وأين المسير تقوم تنعتها نعوت

#حافظ_الحماس

قُلو لأمريكاء تعطف ذيلها
من قبل ماترجع بدونه للبيوت

أرض اليمن مايعرفو تفعيلها
الارجال الله في كل الوقوت

#ابوهادي_الغمري

يلعن ابو امريكا ويلعن جيلها
وكل دميـه حركتها با الرموت

سحابة الانصار قادم سيلها
ترعد بصرختها شواطئ حضرموت

#إتحاد_الشعراء_والمنشدين

https://t.me/aboyahyaalshami

تابع المجاراة عن الشهيد القائد السيد حسين بدر الدين الحوثي رضوان الله عليه. (8)

البداية #محمود_الجنيد

لامـا كتبنـا فـي"الشهيد القـائـد"
نهـر  اليقين  اللي  شـربـنا منـه

محنا على مـبدا ومـنهـج واحد
لامــا كتبنا  مـا استطعنـا عـنـه

هـذا التقي هـذا النقي الـزاهــد
الله يحشـــرنا معه فــي الجنّة

#الـكـرار_الـعـقـيـبـي

الـمـؤمــن الـحــر الـتـقــي الـزاهــد
من جـاهـد الكـفـار واهــل الـفـتنـه

صــادق صـدق لله مــاقــد عــاهـد
(حسين بدر الدين) رضى الله عنه

نبقـى على نـهـج "الشهيـد الـقـائـد"
ومـــن يـراجـع شـبـر عـليـه اللعنـه

#صدام_شايف_الغولي

هذا كلام الصدق والله شاهد
ومن بخل ياصاح مالك منه

لازم علينا الكل مثل الراعد
نكتب حروف الان ترعب جنه

حسين بدر الدين نوره صاعد
زعزع ملوك العهر اهل الفتنه

#ابن_دغشر_الشومي

هذا حسين البدر مؤمن وأحد
جاهد مع الرحمن ونال الجنه

طهر بلادي من زمارت جاحد
ذي ساندت عفاش أيضاً وابنه

وبفضل مشروع الحسين الصامد
شعبي قهر أكبر تحالف شنه

#سجاد_نشوان

القلب يتنهد على اعظم قايد
ويّوّن لاكن يالهاء من وّنـّـه

العصر غادر عصره المتواجد
لاعند ذي ماخّيّب لحد ظنه

مصاب آل محمد اكبر شاهد
على قيام الساعه المسـتّـنّـه

#ابواياد_المطري

يا حرف شعري قوم وانتا قاعد
واخشع من اول حرف لاخر غُنه

عبّر عن اوصاف الشهيد القائد
واجعل جميع الخلق تصغي أذنه

والله لومـا الدم...؟ ينفع واحد
لا صيغ من شريان دمي" عنّه

#شبل_الحداء_ابوفلاح

دونت. في. ذكرى الشهيد. قصائد
ملاز. مه. مرجع. لشيعه سنه

واليوم. ذكرئ. الشهيد الماجد
حسين. بدر الدين رضئ الله عنه

جاهد. واستشهد مؤمن. عابد
من. فيضـ. علمه. ارتوينا. منه

#أبونوح_مطهر

في صف كالبنيان صفاً واحد
يا سيدي نهجك شربنا منه

ما مت يا سبط النبي القائد
شأنك علا من روح عالي شأنه

عزة كرامة و الكرم متواجد
حيدر علي جدك و أنته منه

#أبوصخر_الجوحمي

ندي المواهب كلها والشاهد
ونسخر الاقلام دايم. عنه

في سيدي ياكل مؤمن صامد
واجب. علينا. ما نخيب ظنه

ياسيدي نهجك علا. واتزايد
مشروعك اصبح للهدايه سنه

#الشاعر_ابوتراب_الرازحي

لا زال قائـدنــا مــع الله قايد
رتبّة مِن الله حـازها فـ الجنه

هو بيـننا ما غـاب عادِه قاعد
ما نـُهجـُم إلا حين يبعث رنه

قد صـار فـ الجنه برتـبةّ رائد
يا اللي في البيداء سألنا عنه

#الشاعر_أبوعزام_الشامي

هو المؤسس والعلم والرائد
من قادنا بالحق نحو الجنه

كان الضلال والتيه فينا سائد
وكل فاسد كان يمارس فنه

حتى أتى القائد وقام يجاهد
وأنتـصر والله راضي عـــنــه

#ابتسام_شرف_المحطوري

لولا حسين البدر ماحد جاهد
هو حرك الامة واحسن ظنه

ياويل من عارض وكل محايد
ماتنفعه الاموال ولا إبنه

وجب علينا نقتدي باالقايد
والحمدالله هو عظيم المنه

مشروع قراني لشعبي الصامد
ينهض باامتنا وننهض منه

#مناع_شريم

بانبذل الارواح والله شاهد
في حب من ربي رفع له شانه

اصدق رجل هو الشهيد القايد
مثله ابو جبريل رضا الله عنه

ومن يعاديهم لئيم و محايد
يكون من كان مبتريين منه

#علي_مغلي

مايجهله الا منافق جاحد
بفضل ربي والعطا والمنة

كانه قيادي حيدري ومجاهد
قدم حياته لجل ننقل عنه

ان الوطن واحد وربه واحد.
والغرب يلقط حرب ولا هدنة.

#عبدالواسع_صايل_الغولي

الله والكون والملائك شاهد
ان الحسين وارث قسيم الجنة

وانه اقام الدين رغم الحاقد
ونسألك يارب ترضى عنه

واحنا بفضله ثابتين نجاهد
مسلمين في حرب والا هدنة

وان البغي المستبد الحاقد
المجرم الطاغي عليه اللعنه

ذي قاتلك رمز النظام البائد
عفاش ذي كانه زعيم الفتنه

#المنشد_مؤيد_التوهمي

فارقتنا يا بدر نوره واجد
ياخير من ضحا بنفسه وبنه

فارقتنا والدمع بعدك زايد
ودعتنا يامن رضى الله عنه

وصيتنا نصمد وشعبي صامد
بنهج ال البيت ما خاب ظنه

#الشاعر_أبوعبد_الملك_الأهدل

وانا مع سيدي الشهيد القايد
الحيدري حسين رضى الله عنه

مشروع قرآني ورؤية رائد
في عالم منافق عليه اللعنه

الله سبحانه اصطفاك مجاهد
وانت العلم ذي دلنا للجنّه

#ابو_وعدالله_هفج

الحـبر دمـي فـي الشـهيد القـائــد
والحـس والاحســاس يتــبعنــه

هـو الضـياء نـور العــباد الـزاهــد
وخيـر مـن جاهـد دُعـات الفتـــنه

ارضـاء طريـق الحـق واللــه شاهــد
ومن اللـه النعــمه رضـي اللـه عنـــه

#ابوجبريل_شريف

نهجه طريق الحق منهج رائد
شهيدنا رضوان ربي عنه

حسين في عصره هواعظم قائد
صدع بصرخة بل براءة فطنه

في عصرحكام الامم تتوافد
تطيع بوش الاب وبعده ابنه

#وضحى_الهمداني

نرثي مدامع للشهيد القائد
تُنحت حروف القافية والغُنّه

مقطوع شعري فيه لحني زائد
ياكيف اعبر ويش باحكي عنه

احنا مع الله في خُطاه انجاهد
نهج التُقى ختم الخُطى فـ الجنّة

إتحاد_الشعراء_والمنشدين

https://t.me/aboyahyaalshami

#ابومصطفى_الرضي

باسخر اولادي ونفسي ومالي
وللعلم سامع وللأمر طايع

وبالهدى نسلك طريق المعالي
مادام والتعليم والعلم نافع

دورات صيفية تخرج رجالي
لقتال ونهضة شاملة في المصانع

#رفـيق_ابـو_علـي

با اعلم اولادي دروس النـــضالي
بالمركـــز الصيفي بهمة ودافع

وادعي عيال عمي وجاري وخالي
واحشد واسجل كــل نازل وطالع

من اجــل نبي جيل مؤمن مثالي
تأثير كلمـــاته مثيـل المـدافع

#حمزة_الدرواني

نقضي علاامريكاوحلف الظلالي
لاغزوها الفكري جمياً نقـــاطع

اشبالنا تظرب بزين المـثالي
بيمانهم قوه مع الله ودا فـــع

#الشاعر_ابوتراب_الرازحي

انا نويـت اســرح وأدّرس عيـالي
في مركزٍ ن للعـلـم والـقـول نافع

فـيه الهـدى والنـور يا كــل غالي
وتعليم قـرآني مـن إنـسـان بارع

ما هو بـ حاجـة روبـيـه أو ريالي
ما غير يبغا الخـير من كل جازع

المركز الصـيـفـي طريـق المعالي
يا من عيـالك لاعـبـه فـ الشوارع

#الشاعر_ابوعبدالله_جعمان

الئ المراكز الصيفيه يــا رجالي
نـهـب نتعلم وبالاطفال نسارع

لاما تعملنا بانقع في الظلالي
ونكون الضحيه في كل شارع

بالتعليم نتحصن ونرتقي للمعالي
وننهي حزب كل شيطانً مخادع

#عبدالله_محسن_جحاف

يبني وياكفي وياراس مالي
بادر الى التعليم فالعلم نافع

مهما غيابك نقص مابانبالي
أوفاتنا في غيبتك من منافع

بالعلم باتبلغ لروس المعالي
عانك الى التعليم وبراس رافع

جريح الحرب #رفيق_زرعان

المركز الصيفي سبيل المعالي
الكل منكم ياعيالي يسارع

يتعلم ايات الهدى والقتالي
ويقتبس له نور من بدر ساطع

المعرفه ياجيلنا راس مالي
ومن ضماره ضاع قد صار ضايع

#الشاعر_ابوسجاد_حمزة

العلم نور والجهل كل الضلالي
ياشعبنا المغوار كلاً يسارع

للمركز الصيفي نشيل العيالي
بالعلم يرقو من جميع المطامع

يتسلحو القرآن في كل حالي
يميزو اهل الحق من كل سافع

بالوعي والتعليم يرقو المعالي
ويحارب التضليل واهل الشوارع

#إتحاد_الشعراء_والمنشدين

https://t.me/aboyahyaalshami