ياايه التاريخ قف وستندب
وضرب تحيه لليمن ورجاله

الكون منهم منذهل مستعجب
من شعب لاصرح سبق بفعاله

#عبدالوهاب_الفقيه

المجاراة...

البداية #صالح_الاحمدي

لبيـه يارمــز البطــوله والشـــرف
لبيــه يابوابة القـــدس الشـــريف

ياغـــزه العــزه قضـا والا ســلف
احنا لها في صيـف والا في خريف

#ضيف_الله_سلمان

شعب الكرامة طول عمره ما اختلف
مواقفه قوة ولا موقف ضعيف..

تبقى فلسطين القضية والهدف
واهل الصلف با يحنبوا فاهل الصليف..

#الشاعر_عزيز_الردماني

في البحر الاحمر جيشنا شب النكف.
ذي ينجف اسرائيل وسفنها نجيف.

وبحريتنا ذي تلف البحر لف.
رغم أنف أمريكا وذي معها حليف

وكل جمعه حشد ما شي له طرف.
هذا هو الإسلام والدين الحنيف.

#شداد_حُميد

مادام والعالم طرف واحنا طرف
واجب نريهم كيفو الشغل النظيف

تبقى فلسطين القضيه والهدف
والمعركه ف البحر واحنا المستضيف

#جميل_الكامل

والله ما تدخل لصهيون الصلف
من بابنا سلعه ولايدخل حليف

ياجيشنا بالعدل إقصف من قصف
غزه.. وحَاصِر من منع عنها الرغيف

#الشاعر_أمين_الحارثي

شعب اليمن لاقد دهف سيله دهف
مرهم يداوي هم غزه والنزيف

يحرم عليكم ياملاعين الجدف
البحر الاحمر نار والقادم مخيف

#ابوبحر_علي_احمد_مطر

سلام من هذا الطرف لاذا الطرف
لكل شاجع حيدري شامخ منيف

هذا اليمن يعرف بنا ذي ما عرف
البحر بحري والمواني و الرصيف

#ابومالك_الكوماني

وين الجيوش المسلمه يا للأسف
حكام هذا منبطح هذا حليف

يا كاتب التاريخ هذا اخر ملف
وين الضمائر وينو الدين الحنيف

شب النكف ياشعبنا شب النكف
أطفال غزة مالقوا حتى الرغيف

#عبدالواسع_صايل_الغولي

شعب اليمن ان شب باروت النكف
لبى وما مثله في العالم وصيف

في المعركة ما يرمي الا بالنصف
ومن تبقى طعن بالحد النضيف

#الشاعر_ابوجهاد_صبر

احنا طرف والقدس والأقصى طرف
ضد اليهودي  نقسم  الماء  والرغيف

حـمـا عـلى مـن بـالـمـواقـف مـا وقف
فـي حين يلمع بـالسماء بـرق القنيف

#الشاعر_ابو_صقر_شعلان

لبيه جينا سيل ماشي، له طــرف
لبيه ونزلنا كما المـــــزن الكثيف

شعب اليمن اقسم وبالباري حلف
يقتص من صهيون بالحد النضيف

#أبوحسين_العصري

من أجل غزة شعبنا شب النكف
لو يحمل الاثقال مش بس الخفيف

مبادئ الأجداد عنها ما انحرف
إباء حمية عز نجدة للضعيف

#الشاعر_ابراهيم_الغولي

حيا بداعي الحق ذي شب النكف
من المدن لبت قبايلنا وريف

مابا. يعيش الكفر في عيشه ترف
وشعب غزه يحرموهم من رغيف

#حسين_شرويد

لبيك يا من له في احشانا شغف
من ناصرين الحق والدين الحنيف

أبشر نكفكف دمع عينك ذي نزف
بالكف ذي بكت نتنياهو السخيف

#ابوكنعان_الروس

شعب اليمن لباك وعلن بالنكف
مادام فينا قبيلة تنقف نقيف..

باالموت لاأمريكاء وأسرائيل هتف
في وجهه عالم مرتهن عاجز كفيف

#محمد_ابوالعز

طوفان الاقصى ناول اسرائىل كف
في الصـــابر الاول و لف بها لفيــف

و ابن اليمن في الصابر الثـاني لهف
ما با تفــوق الا و هي تحت العطيف

#عبدالوهاب_الفقيه

بلموت لسرايل شعبي قد هتف
ياويلها من شعبنا الحر العنيف

بجنب غزه قد وقفنا صف صف
نستاصل الغده من الكوكب نضيف

#الشاعر_جبر_المهدمي

في نصرة الأقصى جميعاً صف صف"
فاحنا السند والعون واحنا اكبرحليف

"والله يلعن من تخاذل او وقف.."
وقفة محايد او منافق اوسخيف"

#أبورماح_شداد

نحو الهدف ياقدسنـــــــــا كفاً بكف
من تل أبيب نــــرد الأعداء لاجنيف

شب النكف بالنار نقصف من قصف
واقسم برب الكون مامؤمن ضعيف

#الشاعر_أحمد_الغبسي

حيا رجالك يايمن حزم الطرف
ذي مثلوا الاسلام باالحد النظيف

خيرة سلفنا خلفوا خير الخلف
نمضي على قانون مامؤمن ضعيف

#مناع_شريم

لبيك ياالاقصى بشوقي والشغف
حرام لو نقسم حناويك الرغيف

خمسه وسبعين وانته مختطف
واليوم وعد الاخره والله حليف

#الشاعر_عبدالحكيم_ابوهاشم

مهمــا نتنيــاهـو على (غزه) قصف
لا الأمن با ينفع ولا مجلس جنيف..!!

لابــد نضرب مـــن تعـداهم نصــف
من بطن(ابو قبه)وبطن(البرجنيف)..!!

#وسام_الحنش

جينا جميعاً من طرفها لطرف
لبيك يا اول قبلت الدين الحنيف

شب النكف ياهل الوفاء النكف
ماينزع الغاصب سوى الحد النضيف

#علي_الشعيثي

شعب اليماني ثار والسيد حلف
ماينقذ اسرائيل ياغزه حليف

القدس وحرار اليمن صفاً بصف
قل لليهودي أخر الحطمه صعيف

#ابوقصي_العويري

ياشعب باقي عند عهده ما اختلف
ثابت على ما سنه الدين الحنيف

ياخير من في موقف العزه وقف
انت القوي بالله والعالم ضعيف

#الكرار_المشراقي

شعب اليمن كله معى غزة وقف
على خطاء الاقصى كما الحيد المنيف

دقت طبول الحرب دقو من طرف
لاترحمو كافر ولاخاين حليف

ماهو يماني من تراجع وختلف
ولايقف موقف معى غزة ضعيف

#سيف_المرحبي

احنا مع غزة ولو نسرح نتف
وافعالنا تشهد لها ذي في الصليف

(ليدر)هي العبره لذي ماقد عرف
لا رواكم الله لا غضبنا يالطيف

#صادق_جعفر

الموت لاسرائيل شعبي قد هتف
نرفع شعار الحق والدين الحنيف

رغم الحصار والقتل دمعه ماذرف
وفي أوج الحرب تلقاه الوصيف

#ماجد_عبدالله_القادري

من وسط صنعاء نستمر لما النجف
ومجلس الأمن لو فهم قمة جنيف

تابع المجاراة بعنوان (الجهاد سنام الاسلام )

البداية #بسام_شانع

من كان مسلم يثبت انه مسلم
وإلا فما هو منتمي للاسلام

من هو على الملة يسربل ويضم
مع سرايا القدس والا القسام

يوصِل جبال الطور لا وادي خم
ويخذ بثار اهل اليمن واهل الشام

#سلطان_خضران

سنام الاسلام الجهاد ومـــن لم
يخرج يجاهـد مادخل فالاسلام

كم من نبي قاتل ولم يستسلم
للكافرين وعابدين الاصـــــنام

مريــكا بدت واحنا علينا نختم
البادي اظلم والضعـيف الظلّام

#سامي_عبيد

الواقع اصبح في الحقيقه مؤلم
بأسباب ذي هندس جعله مرجام

صار المنافق فوق مكه جاثم
بيحارب الاسلام باسم الاسلام

والحج موسم والدعاره موسم
وامة محمد غارقه في الأحلام

#عابد_المدم

‏دمدم عليهم بالمنايا دمدم..
نستقبل أمريكا بمندب وألغام..

من سالم امريكا فما بايسلم..
والا من اعلن لليهود أستسلام..

واحنا الذي ما خصمنا يتقدم..
ولا سوانا في المعارك قدام..

#محمد_مجلي

من كان للوبي اليهـــودي يخـــدم
الله بـــري من موقفــــه والأسلام

مسلــم منـافــق بن يهودي يرحـم
واسئل على طارق وبعض الحُكّام

ونعــــم با ابوجبـــريل والله ونعم
لاعُمـــــــر إســرائيل دامت ما دام

#عبدالوهاب_الفقيه

ذي مايجاهد والقسم لايندم
با يدعسوه اهل الرداء والاجرام

لن الجهاد اعظم فريضه واهم
من الصيام ولبس ثوب الاحرام

بفظله الله في الكتاب اتكلم
ولقبه طه سنام الاسلام

#ابو_نجران_المرادي

القدس في شعب اليمن متحزم
وحنا له المحزم طــوال الاعوام

تهجم سرايا القدس وحنا نهجم
مع الكتايب والســــرايـــا قدام

الـقـادم اعظم واللــيالـي مظلم
حان القضاء ياعابدين الاصنام

#عبدالكريم_الشمسي

اقسم بمن كل الخلايق تقسم
إن السكوت اول بنود الاجرام

واجب من الله كل مسلم ينهم
من قبل لا يسحب لساح الاعدام

من يطلب العزة يفعل قح قم
والموت لمريكا سنام الإسلام

#عبدالله_حسين_مسعود

خلاص يا عهد الظلام المظلم
نور الهدايه قد تجلى ذي العام

والمرحله تحصي تغربل تحسم
كشف الحقائق في سنون الأقلام

ذي قالوا المسلم يقاتل مسلم
اليوم شفناهم عبيد الحاخام

#الشاعر_متاش

والشل ياأهل الشل كلاً يزهم
ولى زمان الذل والاستسلام

طوفان الأقصى اليوم مابايرحم
ولايسامح من سكت ع الإجرام

من عاد فيه غيرة وعد عنده دم
قراء على إسرائيل (سورة الأنعام)

#ابومحمد_السحاري

ماعادها مسلم ويقتل مسلم
هاوفهمو ياخادمين الخدام

امريك واسرائيل هي باتهزم
وابواقهم واعرابهم والحا خام

وابو عبيده بالحشود تقدم
طعفر قوا اسرائيل فصيل القسام

#وسام_الحنش

اليوم يا التاريخ ترجم ترجم
افعال ذي مايقبلون استسلام

لله دره شعب ماستسلم
قدام واصل لجل غزه قدام

نبذل دمانا لجلها ونقدم
والنصر بأذن الله هو للإسلام

#ابـومـازن_الـرازحـي

جهاد لو ما اليهوده تستسلم
وتدفع الجزيه رضى أوإرغام

مامسلم الا من وقف ويقـدم
ماله ونفسه في سبيل الإسلام

لا عـذر للمحكوم أو للحاكم
أمام هـذا الإعتدا والإجـرام

#ابوعلي_مبخوت

اليوم ياألله ياأنشاما نعزم.
نركع أحلاف اليهود والخدام.

نغللق المندب ونركز مردم
يحيى سريع اصدر لهم حكم اعدام

وإن زيدو فيها فصلنا المودم.
ونرجع العالم وراى الفين عام

#إتحاد_الشعراء_والمنشدين

https://t.me/aboyahyaalshami

#عبدالوهاب_الفقيه

يبطال غزه والله ان احنا معاكم
محال تبقو وحدكم
مادام وشعب اليماني في لواكم
قريب يضهر نصركم

على اليهود الماكره وهل الضلاله

قد دمنا مخلوط هو ويا دماكم
وعزنا من عزكم
فلبحر الحمر باندك الي غزاكم
ون حاصر ارضه مثلكم

وبانقاتل من امر ربي قتاله

تابع المجاراة عن تورط العدوان الأمريكي والبريطاني في اليمن بشكل مباشر وكيف سيكون الرد عليهم!!.

البداية #إلياس_المقدشي

بريطانيا في حربنا اليوم ودفت
ومن قبلها امريكا اللعينه مودفه

سوا واصـلت عدوانها أو توّقفت
فـ رد اليمــن ما جهد الاعدا تـوّقفه

#الـكـرار_الـعـقـيـبـي

وقفنا مع الحق يوم الاعراب اختفت
ودايم مواقفنا مواقف مشّرفه

اذا مااليهود عن قصف غزه توقفت
بسيف الفقار الحيدري بانوقفه

#الشاعر_ابوجهاد_صبر

بريطانيا  امريكا    هولندا  توالفت
علينا بـ.حـربــاً  (للقوانين)  مخالفه

ولاكــــن علينا العار  مهما  تحالفت
إذا ما تصـابـــح  مـنـتـهـيـه  وتالفه

رجـــــال اليمن ما للخيارات خالفت
بـ.تفويض ابو جبريل في كل سالفه

#فايز_الحمزي

اذا كانت البحرين مع امريكـ تأمركت..!!
وإنجلترا الشمطاء تساند تحالفه

فهذه نهاية كل شله تصهينت..!!
وفي بحرنا تغرق بوارج مخالفه

#عبدالوهاب_الفقيه

بلاد اليمن لاجنب غزه تكاتفت
ودايم مواقفنا مواقف مشرفه

ولليوم هاذا كل النفس تلهفت
تواجه قوى الطاغوت والشر تنسفه

#اشرف_الحسني

تمادت بسفك دماء الاطفال واسرفت
والاعــــراب كلن جا بدلــــوه ومغرفه

وكــــــــــل انظمتهم لليهودي تلطفت
ســـوى شعبنا واقـف مواقف مشرفه

#حمد_الكبسي_الوايلي

وما دام امريكا لما شعبنا لفت
فلا بد ماتحسب لضربه مكلفّه

فما شعبنا ضمن الشعوب اللتي عفت
وحقه صواريخ النقاء بدّ تعزفه

#ياسر_القشوي

قسم والقسم يا كل دولة تطرفت
وصفَّت مع امريكا وجا اعلن تطرفه

يلاقي من ايدينا المنايا بما لفت
وتلقى خسايرها خساير ملكلّفه

#يعقوب_الخمري

وما دامت بريطانيا الـيوم خالـفت
ومن قبلها أمريكا وصهيو مخالفه

قرب نصرنا والساق بالساق التفت
بعــون الله الجــبار صهــيون تالفه

#ابوجراح_عوضه_الشيمي

قلوا للذي ضنه بلادي قد ارجفت
قسم باالقوي ماهي من الحرب خايفه

رياح النقاء هبت وباالموج اعصفت
قريبا بوارجكم تجيها عواصفه

#ناجي_القعود

كم قبلكم احلاف منا ترعفت
والي اتاناء اليوم لازم نرعفه

بريطانيا وامريك ماقد تلغفت
ترحب ومن جاناء علينا نلغفه

#الشاعر_بشير_الشامي

قوى الكفر بغاة شكلها اليوم وسرفت
وعدوانها قد عاقباته مكلفه

تورّط حنين امه على من تخلفت
قدم فالدول بيدورو من يسلفه

#شاعر_بلاد_الروس

تورط ذيول الغرف فالبحر واجتفت
على ضهرها وامست قواهم منتفه

فقوات ابوجبريل للأيلات نضفت
وعاد بايكون الرد بأشيأ مكلفه

#ابوفتح_الجرادي

ذرفنا دموع الدم والعين ماغفت
لغزه نسير النصف وتعيش ناصفه

ومهما علينا الغرب شنت وكثفت
فلابد ماتجنــي خـــــساير مكلـفه

#عبدالقوي_البطل

وشعبي لتهديد الطواغيت ماالتفت
ولاعادته يهمل قضى من يسلفه

ورجال اليمن في الوعد ابد ماتخلفت
رجال الحرايب في حمى الله مكيفة

#همدان_حجي

بريطانيا خبلا في العمر خرفت
وقامة تحاربنا غبية مخالفه

نسيّت بان ذالشعب ماقط يلتفت
لغير المُهيمن وأكثر الناس عارفه

#ابوالعز_القيدله

لشوق الحرايب شعبنا قد تلهفت
قسم لو تجيني الف دوله مكثفه

قسم لوتفحتت جسمنا او تنتفت
حرام مانسلم لو نلاغف ملاغفه

#شاعر_الحرايب

بــــــــريطانيا في حــرب اليمن ودفت
لا بد ما تدفع ثــمن دم غزه ذي اَنزفه

مهما اَمريكا على شعبي الغارات كثف
(بقدس اَثنين) ندق خشمها لما نرعفه

#ابوقفري_الرعادي

بريطانيا الحمقى تعدت تعجرفت
وشعب اليمن رده جميعاً سنعرفه

هو الشعب ذي منه الاعادي تخوفت
هو الشعب ذي ماحد في الكون خوفه

#ابو_ذر_مسعود

وكل اليمن لجل حربك تكاتفت
ومن جا بلادي اقسمة لا تكتفه

وما به بشعبي فيئه تخلفت
ولا به عوائق لليماني تخلفه

#أبوصخر_الجوحمي

وجوبايدن شيبه على امريك خرفت
وفي حربها للشعب صارت مخرفه

وأما البريطاني علينا تعرفت
وتعرف بسالة شعبنا خير معرفه

#جميل_الجنيد

ومهما قوى الطغيان للحق زيّفت
فلا بد ما ننسف عروشه وننسفه

مصير البوارج يا "بتحرق" أو "أختفت"
وضرباتنا فوقه كما البرق خاطفة

#ابوطه_المهذري

ويامن قتل اطفال غزه وأسرفت
علا ضربنا فالرد رادع و يقصفه

بريطاني أمريكي مباشروأشرفت
تجمع من العالم تحالف تلفلفه

#أبوأحمد_الغفّاري

واشنطن ولندن بالعداوات أسرفت
وفاتورة استهداف أرضي مُكلّفه ..

رجال اليمن بقتال الاعداء تشرّفت
وذي ما عرف شعب اليمن با نعرّفه ..

#ابو_مقتحم_الحوثي


جهود النشاما يا الاهي تكاتفت
ومنك المدد والعون لابطال واقفه

فحرب الاباده وسط غزه تكثفت
وواجب علينا حلف النذال ننسفه

#ابوصالح_حسين_البداي

علينا يحل العار لاجفاننا غفت
والامريك في ساحل يمنا منكفه

قرانا حداها الشوق للحرب واحتفت
ولبت بنا كلا على طقم مشرفه

#إتحاد_الشعراء_والمنشدين

https://t.me/aboyahyaalshami

المجاراة عن العدوان الامريكي والبريطاني على اليمن

البداية #نشوان_الغولي

ما بين شهرين (أكتوبر) و (نوفمبر).
ثارت (عدن) و اهلها في حالة استنفار.

من بعد (قرن) احتلال (انجلترا) و اكثر.
عادت قواها تحارب جنب ابو زنار.

قولوا لها ما خضعنا و الزمان اغبر.
و لا مع اجدادنا (ليزر) و لا (رادار).

راحت (بريطانيا) ب(السك) و (الموزر).
ما اليوم طار (المسيّر) و (المجنّح) طار.

#محمد_الحربي

المعركة مستمرة والعدو ( اخبر )
و(عمر بن ود) ودف لايد (الـــكرار )

واللي حصل للبريطاني وسط( لودر )
كما حصل (لليهودي ) من يد السنوار

ومننا بايجيهم رد مــــوت (احمر )
والدهر قلبه بقلبه والزمـــان ادوار

اتخيلو شعب كله مثلما (طومر )
وقائدة حر وانصارة رجال احرار

#أبورواسي_أرحب

تحذف بريطانيا حرفين وتجي بر
و.طانيا في السواحل باتطير أعشار

أجدادنا دخلوها حر داخل حر
وعهدالأحرار نفس العهد مهما سار

أعدادنا فوق ماالطاغوت يتصور
لاخوف  يابو عبيده بشر السنوار

في بحرنا بايقع للحلف وعد أغبر
لوما السفن فيه تتمنئ أنها فوار

#محمد_المنصور

ما دام والبدر حذّر والنذير انذر
متجاهل النور بايصلى عذاب النار

البحر الاحمر لإسرائيل موت احمر
والقايد البدر (موسى) و(العصا) لانصار

يا منكر العصر باننهى عن المنكر
لا عاصم اليوم من بأس الله الجبار

والنار ذي ما تبقّي من أحد وتذَر
مثوى بريطانيا الصغرى وبئس الدار

#ضيف_الله_سلمان

ارادة الله لا تُهزم ولا تُقهَر
والامر والخلق له سبحانه القهار

مهما المريكي علا في الارض واستكبر
كل النهايات تاتي بعد الاستكبار..!!

الله اكبر ومن عاداه با يخسر
على يد ارجال اشداء على الكفار..

بإيمانهم والولاء لله يتغيّر
واقع ومنظومه الشيطان با تنهار..

#عبدالوهاب_الفقيه

الشعب جاهز ومتاهب ومستنفر
والجيش في حالة استعداد وستنفار

والبحر الحمر على الطاغوت خط احمر
محظور مسجور ضد الشر والكفار

وذي دخل حرب معنا وعد لايخسر
مادام وحنا مع القدوس والجبار

عاد الله اكبر من امريكا وحلف الشر
ناصر جنوده ومبطل كيد ابو زنار

#‌‎محمد_مفلح

لا والله الا وصلتوا يا دعاة الشر
لا يد ما تفلت الغازي سوى ف النار

من دون غزه تعزوى كل قرن اعصر
يغلي طناخه وشوقه للملاقى حار

الطفل منا نعده ف الوغى محور
والالف منكم يكفيهم ثلاث انفار

حرام لا نقبض امريكا من المدعر
ومن الزنانير ما يبقى ولا زنار

‌‌‎#يحيى_الوحيشي

لندن عجوز البلاء والشر والمنكر..
باقي لديها من اول لليماني ثأر..

سبحان من ساقها عمياء لتلقى شر..
اعمالها قبل فجر اكتوبر الثوار..

فرصة سعيدة بلا ميعاد ومقدر..
صفوا حساباتنا معها وشبوا النار..

#فارس_المعزبي

محَّد على الله يا(امريكا) نراه اكبـر
ولا علينـــا لغيــر الله أي إكبـــار

ابطال من عهد (تُبَّع) و(الملك حمير)
نشتاق للحرب شوق المغترب للدار

والطَّامع المنتشي يسئـل ويتخبَّـر
عنّـــا (بريطانيا) تحكي له المشوار

ايش الذي صار يوم الطَّعن بالمنحَر
والدّم يبغـر وفوهات الجرامل نـــار

#عبدالله_الجرفي

من (قم فأنذر) ومن (فاصدع بماتؤمر)
ومن قبس نور آية (جاهد الكفار)

حن المسير وهبت ريح من صرصر
في تل ابيب ارتفع صفارة الإنذار

ومندب البحر الاحمر بابه اتسكر
وانجلترا ودفت والكنقرس منهار

واذا اقتحمنا المنامه باربعه عسكر
فالشعب يا قريه البحرين دمه فار

#جميل_الكامل

قد التحالف من الصفعه أصم أدور
وعادهم ما ابسروا كيف صفعة الأنصار

و(وعد بلفور) صار اليوم (وعد اغبر)
وساقهم لليمن من اجل أخذ الثار

قد (برج إيفل) مطنب مفتجع واصفَر
يستفسر المملكه... هل ينفع استغفار؟!!

با ترجع الأرض بعد الرد تتذكر
وتخبر الناس والأبراج عما صار

#الشاعر_ابوكنن

من معجزات اليمن كلين يتفكر
صنع من الصفر طيارة بلا طيار

وحارب الشرك واهل الكفر والمنكر
والحمد لله كان النصر للانصار

ياحلف لابد ماتندم وتتحسر
وتدور المخرج الفوري لكم دوار

ذي فكر ان اليمن فيها زبيب اخظر
يتجرع الموت الاحمر من يد الكرار

#الشاعرفرحان_السلامي

قُــل للبــريطـانــي الليلــة معـــه معشــــر
نعيــد تـاريخهُــم فـي يــوم الاستعمـــــار

عـاد الجثـث حـق جـدودك داخـل البنـدر
شبعـت كـلاب اليمـن مـن لحمــةَ الكفـــار

و اليـوم واجــه مصيــرك يـا ولــد خيبـــر
شعب اليمن قد ضرب في نعشك المسمار

إحنــا قهـرنـا الـذي لــه جيــش مــا يُقهــر
يـــا الأمـــركــة واجهــي كمـن بطـل كــرار

#ناجي_القطيبي

قل (للعجوزه) معاناجيش مثل الذّر
يدقّ في نعشها لا شعّبت مسمار

اضنّها شاهدت هاني ولد طومر
ذي واجه الخصم والجبهه بتشعل نار

لاود لندن يعودو حقّها العسكر
داخل( توابيت)جت لابحرنا الزّخار

تواجه الموت من ليمن ومن ليسر
واتجهّزو يابني عمّي لاخذ (الثار)

#إتحاد_الشعراء_والمنشدين

https://t.me/aboyahyaalshami

المجاراة بعنوان إستجابه لدعوة #السيد_القائد وثباتنا المصيري لنصرة القضية الفلسطينية.

البداية #أبورواسي_أرحب

وجّه وكل الشعب جاهز تحت أمرك ياعلّم
لاقلت صوموا داخل الساحات والله لانصووم

والله مانسكت علئ عالم بكله متهم
بأبشع جرايم يرتكبها بأهل غزه كل يوم

#عبدالسلام_الطالبي

إبشر بنا نخرج وحاشا الله نتراجع قدم
نثبت ثبات الراسيات الشم ماعد شي هموم

سوى نصرة الإخوان في غزة وسيدي لاعزم
يصدر لنا توجيه فاحنا جاهزين على العموم

#ابوصالح_العملسي

شعب اليمن واقف مع غزة على ساق وقدم
ومن بين الأنقاض الصواريخ البعيدة باتقوم

لبيه يا بــدر المــــسيـــرة يا مجلّي كل هم
في بر والا بـــــحر نفس الجاهزية والعزوم

#ابومنار_العشي

لبيك يا النور الإلهي ذي كشف كل الظُلم
لبيك يا بدر الهدى حنا شهوبك والنجوم

واجه بنا يا قائد الامه شياطين الامم
الشعب كله جيش جاهز للدفاع او للهجوم

#مقبل_جرام

لبيك يا داعي الإخوّه والمروّه والشِيَم
نجيك رجليّه و بظهور العوادي والطقوم

والله مانفتُر ولا تبرد دمانا والهِمم
لو تستمر الحرب لوما نفخة الساعه تقوم

#ابوالمازن_عبدالله_الشريف

لبيه يا صادع بقول الحق في عالم اصم
يا ناصر المظلوم من بطش العدو الباغي الظلوم

وابشر بنا في كل موقف شد باسك واحتزم
باتمتلي الساحات من كل النشاما والقروم.

#محمود_الجنيد

‏ابشر بعزك يبن طه شعب الإيمان احتزم
بالوعي والإدراك والبأس الحسيني والعزوم

لك الولاء ياسيدي والسمع والطاعة نعم
لوقلت خوضوا البحر الاحمر نعبرة فوق الطقوم

#ابوليث_المحضار ..

معك معك ياسيد الساده على ساق وقدم
معك رضى لله وقيمنْا وتاكيد السلوم..

ابشر بنا واشتد فينا ياعلمنا واحتزم
والله مابا يوصلك منّا سوى بيض العلوم..

#محمد_مجلي

في كل جمعه ننفر الساحات مافينا سأم
ولا قعـدنـا يوم مابين الخوالف والرخوم

بانحتشد فالغــد ما لعدادنا يُحصى رقم
سمعاَ وطاعه ياعلمنــا باترا طيب العلوم

جريح الحرب #رفيق_زرعان

ياسيدي لبيك شعبك حي يتوقد حمم
غداً بأذن الله با تأتيك زينات العلوم

اقسم برب البيت يابن البدر مازلت قدم
ثبات يشبه للرواسي لا تصادم بالغيوم

#عبدالعزيز_الغرباني

ياسيدي لدعوتك الشعب قال ابشر وتم
نثبت معك في موقفك واحنا مجلين الهموم

لاحربنا نزهة ولاهي بلطجة قل للامم
ماعندنا إلا الموت الاحمر حل دقداق الخشوم

#حمزه_الديلمي

نقدم على حوض الفنا والموت مانرجع قدم
في منتهى التسليم والأخلاص شدين العزوم

وابشر بيدك سيف( يابن البدر) ما نبقي صنم
توفيق ربي يجلس العالم وشعبك من يقوم

#علي_محمد_المحاقري

لبيك يابن الـبـدر يارمـز الـمـبـادئ والـقـيـم
ياقـايـد الاحـرار يانـبـع الاصـالـه والـعـلـوم

بانجعل السبعين كنّه حج في وسط الحرم
وباقي الساحات كنْه يـوم تتلاقى الخصوم

#ابواياد_المطري

يا سيّدي لبيك واحنا قوم تجلي كل هَمّ
من اجل غزه لو خرجنا يا ابن طه كل يوم

مأساتهم ينشق منها الحيد والصخر الأصم
واحنا أرق قلوب والين افئده واحنا قروم

#الشاعر_علي_الغماري

هذا اليمن طول الزمن يبقا رقم غير الرقم
احنا السند واحنا المدد واحنا الرجاجيل القروم

للقدس والاقصى وغزه والمدينه والحرم
بالله والقران وآل البيت شدينا العزوم

#ابـــو_مران_الدحملي

نقسم بسورة ص والتوبه وغافر والقـلــــم
انّا مع ابن البدر لاجل القدس شدينا العزوم

ولا رضينا يقصفوا غزه واسرائيل سلــم
ذي مايقوم اليوم للاقصى متى عد بايقوم

#ابوهمام_سليم_الفتاحي

لبيك ابـوجبريل كــل الشعب لـبـى قــال تم
وتحت أمرك لجل غزه لوخـرجـنـا كـل يـوم

غداً الي الساحات نتوافد كـمـا سيل الـعـرم
في حشدمليوني مدجج بالجتاري والطقوم

#عبدالوهاب_الفقيه

شعب اليمن فيه المروه والمبادي والشّيم
لنصرة الاقصى وغزه شعبنا شد العزوم

بانجعل اسرايل تشعر بلهزيمه والندم
وغد بانلقي القيامه فوق الامريكي تقوم

#ذوالفقار_سفيان

رهن الإشارة يابن بدر الدين ما نرجع قدم
وابشر بأمه عزمها ثابت على الأعداء تحوم

صدق الولاء فينا وحب القدس لو نعدم عدم
ما نترك الأقصى وغزه بدعها ولا ختوم

#أحمد_عبدالرحمن_الظمين

شعب الرجولة والوفاء شعب الكرامة والشيم
عن نصرة الأقصى وغزة شعب لا يمكن يصوم

لله سبحانه وللقائد مسللم معتصم
بحبل رب الكون في وجه الإعادي والخصوم

#ابوحزام_سامي_المضري

العهد باقي قالها شعب اليمن وقسم قسم
ولوباتقل واصل في الساحات يجلس مايقوم

لجل الوطن والدين والاقصى وغزه والحرم
احناصواريخك وبمرك ننطلق وقت الزوم

#ابـومـازن_,الـرازحـي

إبشر بشعبك سيدي ينفـر معك باعلا رقم
بحشـود مليونـي يغيض الكفر ويهـز الجثـوم

على طريق القدس بانِثبِت على انٱف العجم
واحنا على موعد مع غزة نجيها بالطقوم

#اتحاد_الشعراء_والمنشدين

https://t.me/aboyahyaalshami

ــــــــــــــــ العيد الاكبر ـــــــــــــــــــــ

العيد ماهو شي تفاخر بلكوات
ولاتبـاهي بثياب الجـــديـــده

العيد عيد الفتح ولانتصــارات
معا الرجال الصامده والشديده

نقضي معا الله اسعد ايام ووقات
وياسعد من يقضي معا الله عيده

والعيد الكبر يوم ناخـذ بثارات
من من ظلم والحق لهله نعيده

من العدو نبراى ونصرخ بهيهات
مّــنا المـــذله يليهود المكيده

احنا لنا فلحرب صوله وجولات
ومــن يعــادينا قطعنا وريـده

خلاص بعد اليوم لاللوصـايات
والكفر والطاغوت بانقطع ايده

معا اهل غزه قد ربطنا العلاقات
وكــل متصهين قســـــم لانبيده

يوم العروبه غارقه فلمتاهات
وفلتو غـــــزه تواجه وحيده

الله ايدها بقـــوم المهـــمات
بنصار ربي حاميين العقيده

جعل بقبظتنا جمــــيع المحيطات
حتى المحيطات الذي هي بعيده

نحاصر اهل الكفر وهل الضلالات
ولاقاء مرامينا عليهم سديده

لن الشرف عنداليمن حي مامات
في يوم عند البعض كمل رصيده

ونهاية الصهيونيه والولايات
باذن ربي وسط بحر الحديده

#عبدالوهاب_الفقيه

المجاراة الثانية عن الرد الإيراني على الكيان الصهيوني

البداية #ابوخالد_الطويل

يشوش راسي بنوع الرد الايراني
الله محييش يا صنعاء ويا طهران

ويا العراق العريقة حشدش ايماني
ويا دمشق العروبة والبطل لبنان

ردوا سلامي لنصر الله وخاماني
سلام عبدالملك وانصاره الشجعان

#ابوشهيد_القطمي

يا قارعة قاضية طامة على الجاني
اليوم يوم إحتدام النار با النيران

ياالزلزلة يا الجحيم يا هول متفاني
يا العاصفة الحاصبة و الأخذ والطوفان

قومي على الصهينة من كل الأركاني
من بأس طهران وصنعاء يا لواء لبنان

#همدان_حجي

بفضل ربـــــــــــي علـــــى منهاج قـرآني
تتحول اعتـى قوى الباطل كما القطعان

صرخات صمّادية مــــــــــوقف سليماني
ضربات مرّانية يــــــــوزن لظاهى اطنان

محور مقاوم شــــــــــديد البأس متفاني
لي يستمد العزيمة من هـدى الـــــرحمن

#عبدالوهاب_الفقيه

اليوم يوم النقاء ياكل شيطاني
والصهينه مالها عاصم من الطوفان

ولامركه ودفت هي والبريطاني
وفليمن يشعرو بذل والخسران

ومحور الحق نهجه نهج قراني
ياذي نهجتو بنهج اترمب ويفنكان

#ناجي_القطيبي

بقوّة الله كان الردّ قرائاني
ذي والو الله دقّو اوليا،الشيطان

قد اجتمع فيه طهراني وصنعاني
وقايد الحشد زايد قايد الرضوان

هجوم ديني. واخلاقي وانساني
على الذي مارعوحرمه لايّ انسان

#الشاعر_ابوجهاد_صبر

يقـــول شاعـر يـمـانـي حــر قحطاني
كلمه ويسمع بها الاغــــراب والجيران

لا أمّـــــــــــر عند للمريكي للبريطاني
او عاصم اليوم لـ.اسرائيل مـن إيران

لـبــنـانـي الــرد صـنـعـانــي وطهراني
من اجل غزة حمل في جوفه النيران

#جلال_الغولي

ياقوة الله من للحق اهداني
الحمد لك يامهيمن ياملك ديان

ومن جعلني مناطح قرم همداني
ولاجعلني من اتباع الملك سلمان

ياراسي اشمخ بنصر الله وخاماني
وبالعلم وال بيت المصطفى العدنان

#ابوكنعان_الروس

الرد حاسم وموقوت ساعته جاني
خبر وقوعه براس الكفر والطغيان

لبن اليهودي سرى مخصوص له عاني
بكل قوة تعداء حد الامريكان

ومن بيسخر ويستهبل با أدواني
يسئل نتياهو ويعرف من دموع سلمان

#ابوفتح_الاشول

في رد يكسر تحالف كل شيطاني
رد إعتبار الوفاء والعز للإنسان

صهيون قبله لنيرانك ونيراني
ونار محور مقاوم صوبها مليان

هذا هو الحق وعد الحق رباني
سبحان من عزنا للحق والقرآن

#الشاعر_عبدالحكيم_ابوهاشم

هـذه رساله فقـط وليفهم الجـاني
بأن ايران لن تسكت عن العدوان

مع اليماني وحشدواي ولبناني
لأبد تُسْتَأصل اسرائيل مهما كان

رغم التحالف مريكاني بريطاني
واخس الاعراب اهل السنه الاخوان

#ابوبحر_علي_احمد_مطر

قال اليماني سلامي من هنا ساني
لكل الاحرار من صنعاء السلام الان

سوري عراقي وايراني ولبناني
ولاهل غزة وللأقصى وللطوفان

سلام للقبر يا قاسم سليماني
وفيلق القدس ذي صدرت للميدان

#ماجد_المطري

يا فيلق الـقـدس ياقاســـم سليمانــــي
ســلام الاحرار لك من مـوطن الايمــان

يكثـــف القصـف خامنئـــي وروحانــي
من جنب واحنا بجانب ننسف الطغيان

والمنطلق دين واوجب واجـب انسانـي
والمحور الـقــدس والاقصـى لنا عنوان

#الشاعر_جبر_المهدمي

بُهت من الرد"صهيوني مريكاني!
وكمم افواه خَدامين الامريكان..

من دم الأبطال والقاسم سليماني!
وقودللحق واهل الحق والطوفان

إيران هامه "كـما هاامات مراني..
واتوحدالصف"من طهران لامران"

#ابـومـازن_الـرازحـي

أكـرم بـإيـران أم المحـور البـانـي
وافعـالهـا الحيدرية داخـل الميدان

جنـد الخمينـي ويـد قاسم سليمـانـي
ذي تقمـع الصهينـة وتقـيِّـد الشيطـان

ونشيـد بالـرد هـذا نطـلـب الثـانـي
لوما كيان العدو يصبح خبر قد كان

#ابوحيدر_الراشدي

وانعم بقوم البطل قــــاسم سليمــاني
سلام ربي عليكم يا رجال ايــrـــــران

ومحور العز كمّـــــــــــن شهم متفاني
في نصرة الحق شاجع حيدري ما لان

يا ليلة السبت فوق المجــــرم الجاني
اشفيتي الصدر وافرحتي نظر لاعيان

#عدنان_جحوح

لا شك أن اللعين ابن اللعين فاني
عقب الجرايم على من وحدوا الديان

شعب اليمن من طرف ومن طرف ثاني
لبنان وعراقنا وسوريا وإيران

إلى فلسطين فز الكل متفاني
للنصر والفتح والتمكين بالطوفان

#محمد_البريهي

محور مقاوم يواجه كل شيطاني
نصره لمسرى نبينا أحمد العدنان

في وجه صهيو بريطاني مربكاني
هجماتنا اتوحدت بسم الله الرحمن

الفتح والنصر لاحرار أمتي داني
ووعد رب السما لأنصار دينه بان

#محمد_الاخرم

السيد حسين والقاســـم سليماني
بالدين والهدي وال البيت والقرآن

توحدوا كل واحــد يســــند الثاني
وسددوا قوة الباري على الشيطان

أنهار صهيون والامــــريكي يعاني
من شافها امس سبح لله الرحمٰن

#اتحاد_الشعراء_والمنشدين

https://t.me/aboyahyaalshami

المجاراة بعنوان الحرب با تكبر وتتوسع

البداية #الشاعر_ابوحيدر_عامر

الحرب با تكبر وتتوسع
من اجل غزة بانوسعها

ذي ماتوقع قبل يتوقع
أم الكباير بانوقعها

والحية إللي سمها اتوزع
فالبحر الاحمر بانقطعها

#محمد_مفلح

حرام يا صهيون ما تنكع
من حتفها الحتمي ومصرعها

طريقها نحو الهلاك اسرع
مما توهم في مطامعها

وامريك لا تنزل ولا تطلع
ترحل ووعد القدس يجمعنا

#ماجد_المطري

القول سالف والعدو يسمع
ذي ماسمع للآن يسمعها

هدَّاتنا في كل يوم اسرع
تقظ لاسرائيــــل مضجعها

وعـــــاد باتفنى وتتقطع
بعد الجرايم حان مصرعها

#همدان_حجي

هيهات نتواطى ونتزعزع
وعزومنا ماشي يزعزعها

ذي ماسمع ذاليوم بايسمع
   صرخاتنا لابد يسمعها

    لابد مانزمل ومانبرع
في القدس ونطبّق شرايعها

#الشاعر_جلال_السكري

الحرب عاد الحرب باتبدع
واحنا الذي ف البحر نبدعها

ونجعل اسرائيل تتراجع
ونذل هيبتها ونردعها

احنا اساس الدين والمنبع
نقطع مجاريها ومنبعها

#الشاعر_عبدالحكيم_ابوهاشم

الحرب عاد به ثالثه واربع
لاما قوى اسرائيل نقلعها..!!

ومن فلسطين بايدن يرفع
من قبل ما امريكا نولعها..!!

اما البريطاني يـرى يسمع
ماقد حصل لا عاد يوسعها..!!

#ابومحمد_السحاري

الموت لسرائيل برقه شع
والموت لمريكا ومن معها

والذل والخزيه لمن طبع
ومدنق ابراسه ويتبعها

والحق فوق الكفر يتربع
والنصر للاسلام نرفعها

#ابوصالح_العملسي

لن تدخل امريكا ولن تـجزع
والحرب تتحمل توابعها

ذي ماقـــــنع لابد ما يقنع
الثالثة قد بان مــطــلعها

بالراجمة والـوعي والمـدفع
بانحرق امريكا ومن معها

#ابو_ميثم_الزراع

ايران تردع واليمن يصكع
ودولة امريكا نركعها

والقدس بإذن الله بايرجع
وراية الإسلام نرفعها

لو بانرد السايلة مطلع
ماحقنا مابا نوزعها

#رفيق_ابو_علي

النصر برقه فـالسما شعشع
والحاسمه بانت لــــوا معها

محور جهـادي ثار واتموضع
عينه علـى اسرائيل وضعها

لابد ما الاقصـى لنا يرجع
وصرختي فوقـــه نرفعها

#محمد_الاخرم

مهما قوى الإجرام تتجمع
لابــــد بأس الله يــــركعها

عاد الجديد الآن يتصنع
يفوقها لاقصى تــــوقعها

قواتها في البر تتضــــعضع
وفي البحر بالقوة نطوعها

#وليد_الضويني

اليوم نار الحرب باتولع
فالبحر الاحمر بانولعها

واحنا لغير الله ما.نركع
لاعداء بفضله بانركعها

من عالميه ثالثه لأربع
صهيون ثالثها ورابعها

#ابوكنعان_الروس

لابد تألم وتتوجع
وتحس بالنار تلسعها

بالحضرمي راسها نقطع
بكف الانصار نصكعها

لوتنزل السبع مانخضع
كلمه على الكون يسمعها

#ابوفتح_الاشول

و معادلات الحرب باتوضع
والله لأهل الحق شرّعها

الصهينه تُكسر و تتضعضع
والأمركه تهزم بمن معها

قل للدوافع من دفع يدفع
والله ما مخلوق ينفعها

#جميل_ابوقاسم

تغلظ ترق الحرب ماتفجع
مانحسب العالم باجمعها

تشتط من حيت مابتترقع
كلمة وبن صهيون يسمعها

مادام غزة يايهودموجع
لابدماسرائيل نوجعها

#عبدالوهاب_الفقيه

اقوى الدول بالله باتخضع
والله على ايدينا يخضعها

للصهينه بانضبط.المصنع
ونفرمت امريكا ونلذعها

ماشي لهم فلمنطقه موقع
غُدد ولاكن وعد نقلعها

#الكرار_المشراقي

منهو مع الله كيف بايخضع
قولو لاامريكاء ومن معها

والله لونفنا ونتقطع
مانقبل الباطل ونتبعها

والقدس منا عهد لايرجع
والغذة اسرائيل نقلعها

#شاعر_بلاد_الروس

والله لو تسلم وتتمنع
ماحد على الدنياء بنافعها

دام المسير فالسماء تطلع
لابد ماتضرب ونوجعها

الحرب باتكبر وتتنوع
ثم الحصار ذي بايجعجها

#ابوفتح_الجرادي

ماحـد لصهيـون بـايشـفـع
والأمركة حــان مصــرعها

والشر فـي الأرض بايـقُمع
مع قـوى الكـفـر بجمـعهـا

في معركه نارهــا تــولــع
على الشاطين مــافضعها

#الشاعر_ابوجهاد_صبر

اليوم يوم الغرب يتدسع
وهيبة امريكا ندسعها

اليوم يوم الامركه تخضع
وشعبنا ذي با يخضعها

اليوم يوم الحرب تتولع
وابن النبي ذي با يولعها

#ابوعلي_مبخوت

لابد مسرائيل تتجرع
وامريك وبريطانيا معها

قتله ولانقبل بحد يفرع
لاما أللاه الكون يفرعها

لاما اليهودي مننا يرفع
ويفهم الكلمه ويسمعها

#الشاعر_جبر_المهدمي

واحنا لها نهجم ونتموضع؛؛
من كل جانب بانولعها؛؛

شعشع بريق النصرقدشعشع"
واليهوده "بالجِذر" نقلعها.¡

لن تجدي امريكا"ولن تنفع.."
وكل القوى" بالله نركعها"

#زياد_السنافي

من ارضنا اسرائيل تترفع
من قبل ماناتي نصرعها

والامركه قولوا لها مقلع
والا من الكِركَار نقلعها

من ذا الذي للصهينه ششفع
من نار حمرا بانولعها

#سجاد_تشلان

والقصف يتعاظم ويتنوع
يهدم عروش الظلم بأجمعها
.
سقف السما للأرض بايوقع
والا إليه القاع نرفعها
.
مادام غزة عيونها تدمع
عين الكيان اليوم نفقعها

#ابوحاتم_عكه

والبايدن لابد يتجرَّع
حسره ندامه ماتوقعها

لابد من ضرباتنا تدمع
عين النتن ياهو ونقلعها

المحورالحرالعظيم.اجمع
يستأصل الغده وينزعها

#اتحاد_الشعراء_والمنشدين

https://t.me/aboyahyaalshami