مجاراة عن (‎بناء جيل يجسد الثقافه القرآني )

البداية #صقر_اللاحجي

‏اهـتم ياشـعبي بدورات الاشبال
الحرب قادم والمراحـل خطيره

قواعد التعليم تحريض الاطفال
في كره امريكا وحب المسيــره

الجيل هذا فاتحة كل الاجــيال
القادمه فـي معــركتنا الاخيــره

#ضيف_الله_سلمان

دورات تصنع بالهدى جيل فعّال
قرآني الرؤية عظيم البصيرة..

ثقافة القران وقيادة الآل
عنوان يصنع(خير امة)جديرة..!!

با ينتهي من بطشها كل دجّال
في (تل ابيب ) يكون والا (الفجيرة)

#الشاعر_ابورواسي_ارحب

من غير الاحوال من حال لاحال..
في حالة اجيال الولا نستخيره..

على المراكز كلنا عزم وأقبال..
وهدي ربي ما قبلنا بغيره...

نبني رجال ابطال وأقوال وافعال..
تحمل قيم عضمئ ونخوه وغيره.

#الشاعر_محمد_الهلالي

بسم الله الرحمن ف اقوال وافعال
تحصين للجيال عِزّه وغِيره

لباس تقوى نحبك امراس بامشال
من اجل نفلح في عواقب وسيره

فما دام والاجيال هم روس الاموال
تحصينهم واجب على كل ديره.

#ياسين_الفروي

لزوم ما ننفر معه قول وافعال
ونعلم الابناء معنى(البصيره)

الجيل هذا با " يمهد للاجيال "
و"العاقبة" ف الاوله والاخيره

لكل من بادر بالاولاد والمال
(للمدرسه)والا(لوادي الحثيره)

#الشاعر_بلال_الصوفي

ياشعبنا هبوا لتعليم الاجيال
واليوم كل الشعب يعلن نفيره

وباذن القوي الجبار بايصلح الحال
لو كل نشمي كان راجع ضميره

العلم هو نعمة وهو راحة البال
واجيالنا للامر هذا جديرة

#الشاعر_ابويحيى_القهده

بناء ثقافي واقعي يشرح البال
بناء يجسد منهجية مسيره

نبني شباب الغد بالجيل الاشبال
ونعلم ابنانا الدروس الكثيره

نبني لنا قووه مع الله والآل
تكون ضد المملكه والأميره...

#الشاعر_محمود_الجنيد

ماودنا منكم غرامه ولا مال
تسجيهلم مجان في كل ديرة

نشتي نحصن باالهدى كل الأطفال
تحصين من كل الامور الخطيرة

ماعندنا قال البخاري ولا قال
إمام داعش لا ولا ابو هريرة

#ذيبان_صالح

فيها التعلم والتسامي والاقبال
على مناهل بالضياء مستنيره

والشبل يتخرج وهو شهم رجال
هويه الايمان منهج وسيره

يقطع دروب العز ويشيل الاحمال
حامل لواء النصر والله نصيره

#الشاعر_صالح_حسين

قرآن رباني به النور ما زال
منجي لنا باوقات صعبه عسيره

من يتبعه قلبه تثبت ولا مال
يعطيه ربي من ضياه البصيره

والنصر ياتينا على كل الاحوال
لو اتربت انفسنا بنهجه وسيره

#عبدالحكيم_ابوهاشم

في دورة التعليم با نصنع ابطال
تعمل من اجل الله ضمن المسيره..!!

تثبت مواقفها في اقوال وافعال
حسب الثقه بالله تصبح جديره..!!

مهـما تحمّلنا من اجـوار واثقال
لابـد ما الطاغي يلاقي مصـيره..!!

#مقتدى_الوايلي

محال نرضى بالوصايه والذلال
مهما نفخ حلف الزهيمر بكيره

دام الثقه بالله والذكر والال
لاعاش من يبغا يخون المسيره

#الشاعر_حسن_المهدي

نبع الهُدى في روح الاشبال شَلّال
يروي بذور المعرفه والبصيره
..
والوعي من عمر الصّغر يبني اجيال
قادات بحماية وطنها جديره
..
يا شعبنا يا من لك المجد منوال
مستقبل الاشبال ما فيه خِيره

#الشاعر_محمد_القانصي

دورات تصنع جيل من خير الاعمال
من قبل ماتعمى عليه البصيره

لاقد عمي وعيه بقي سيئ الفال
وتصرفاته من قراش الحظيره

الكنز ماهو باالقناطير والمال
الكنز تعليم العيال الصغيره

#ابوريان_الحمزي

من كل ديره تخرج اشبال أشبال
تروي (ضماها) من (ملازم) غزيره

العلم نبراس العُلى ماهوَ المَال
و الهدي (مركب) و (الملازم) تديره

من أجل نتثقّف علينا بـ الاقبال
وللوعي والأيمان قيمه كبيره

#أسـامـة_المـعبـاء

على هدئ القران ومنهج الآل
نبني رجال الله تحمي المسيرة

ياشعبنا طبق دورات الاشبال
تتربي الاجيال بلهدئ مستنيرة

نحمي يمنا من يهود الأنذال
واشبالنا من بعدنا نخوة وغيرة

#عبدالغني_ضبعان

المركز الصيفي بي(خرّج) اجيال
متعلمين الدين بصوره كبيره

ثقافة القرآن لها دور فعّال
تبني جيال الغد في كل ديره

وتحفظ الاطفال من سوء الاعمال
وتنهي المنكر وفحشاء وغيره

#عبدالله_العملسي

العز والناموس والعلم ادوال
من أجل نبني شعب ماشي نضيره

نحمل ثقافه مالها ند ومثال
وفي هدئ القرآن خمسين سيره

مستقبل الاشبال لو بألف رجال
نـبنيه با نـبـنيـه كلمه أخيره

#زيد_الحوثي

واجب نجهز منكب العلم فـ الحال
ونطوف بـــه لكل قـريـــة وديــرة

من وحي(زدنهم هدى)نبني اجيال
مترفعه عن سمع الافكار الخطيرة

الجهل يطمع بالتخلف والاضـــلال
وامـريــك تطمع بالشعوب الفقيرة

#جميل_جعفر_ابوشامخ

نهج الهدى هو كنز الاجيال و المال
كنز الثقافه صح ماشي نظيره

ادعو المشايخ و المواطن و الاقيال
في كل عزله في بلدنا و ديره

تسرع إلىلتسجيل الابناء والاقبال
لإن فـ الدوره فوائد كثيره

#ابوإسلام_الحداء

العلم للأطفال مضمون فعال
زراعته تنتج بفتره قصيره

والطفل لا اتربى على دين واقتال
ويعرف اعدائه ويعرف جويره

با يقهر الملحد مع كل دجال
ويوصل الاسلام لا كل ديره

#إتحاد_الشعراء_والمنشدين

https://t.me/aboyahyaalshami

للمجاراة عن سماحة السيد المجاهد حسن نصر الله حفظه الله من كل شر ومكروه ..

البداية من الشاعر #ابويوسف_القاري

ندعوك يالله تشفي السيد حسن
وتحفظه من كل شر وجايحه

يارب عجل بالشفا لاطهر بدن
وارجو من الكل الدعاء والفاتحه

يامن بكت عينيك في حب اليمن
أبكيت آلاف العيون البارحه

وابشربنا نمضي مع السيد علن
حتى على باب العمود اتصافحه

#الشاعر_احسن_زربه

يشفيك ربي ياالأمين المؤتمن ،
جعلت حزب الله كفه راجحه

،،انتم وابوجبريل قادتنامعآ ،
ياصانعين اعظم مواقف ناجحه ،،

من ضاحيه لبنان الى شعب اليمن
،واحنا اجنحتكم ياالصقور الجارحه

،،لاضعف يوجد لا استكانه لاوهن ،
وعلى عدو الله تنوح النايحه ..

#ضيف_الله_سلمان

قائد حسيني ماانحنى عبر الزمن
رغم الشدايد والخطوب الفادحة..

واجة كيان العار واعراب الفتن
عاد الشواهد والمواقف واضحة..

مادام نصر الله معنا يا(نتن..
ياهو) نهايتكم نهاية فاضحة..

لاتفرحوا لو طبعوا كل الخون
وصفقة القرن اللعينة طايحة..

#بندر_السقاف

اعظم قيادي قد عرف عبر الزمن
مع علمنا ذي في انصع صافحه

راسين مرفوعه وتسكن في بدن
واحد وامتنا معاهم فالحه

بالحق تجمعنا مواقف بالعلن
جهاد وتجاره مع الله رابحه

يبقاء اليمن لبنان لبنان اليمن
وخصومنا ناحت عليها النايحه

#محمود_الجنيد

رأسي فدى دمعة عيونك والبدن
يابلسم اجروح الشعوب الناصحة

في مهجتك قد حلت احزان اليمن
صورت مئاسينا بعينك واضحة

من طلتك تذهب همومي والحزن
واشمخ برأسي والمعارك قااارحة

ياقاهر اسرائيل واصحاب الفتن
روحي فدى دمعة بخدك طايحة

#عبدالواسع_صايل_الغولي

في السيد القائد حسن ماخاب ظن
ذي في تموز خلى الاعادي نازحه

ياسيدي يا ابن النبي المؤتمن
ادميت قلبي في خطاب البارحه

ابشر ولا تحمل على قلبك شجن
ملعون من خانك لعن من سامحه

معاك بانحمل سلاح الـ ميم ون
والحرب نجعلها عليهم قارحه

ومن مع اسرائيل طبع وارتهن
باندعسه ماتسمع الا صايحه

#نمري_عبدالله_مطر

يالله من كل البلاوي والمحن
تشفيه وتزيده بقوه قادحه

قايد لها التاريخ وقف والزمن
والحرب تشهدله اذا هي قارحه

يا من رحم يونس وموسى بل ومن
خلا يمنا في المعارك رابحه

يارب تشفي قايدي سيدي حسن
واحفظ علمنا بل وكن له ناصحه

#الشاعر_ابو_برق_الظرافي

قايد هُــدى ربــي وآياتــه سكن
في روح للديــن المبجّل صالحه

وانعم بنصــر الله وانعم بالحسن
وانعم بحــزبه كالقنابــل قارحه

هو من صدح بالحق لامريكا غبن
بااطلاق كلماته شرر متقادحه

هو من كشف دين التشدق بــ السنن
واعطى حقايق في تجاره رابحه

#الشاعر_ابويحيى_القهده

انت الولي وانت الوفي في ذا الزمن
مواقفك كالمسك ريحه نافحه

ومن يواليكم نجا من ذا الفتن
تجارة آل البيت تبقى رابحه

ياسيد الأحرار يانسل الحسن
حربك على اسرائيل مثل الجايحه

ب(الحزب)و(الأنصار) نسري للهين
ونفتح الأقصى بخطه ناجحه

#عبدالقوي_البطل

هو الذي قد حس بابناء اليمن
وعاتب العدوان وعد فضايحه

هو الذي لأحلاف خيبر ماارتهن
وخطوته نحو التحرر واضحه

واجه وصد المعتدي وقال لن
يترك جهاده والتجارة الرابحه

الحيدري كرار من نسل الحسن
الله يعافيه بالصمد والفاتحة

#بلال_الصوفي

هو ذخر هذا الشعب هو درع اليمن
خلى ممالك نجد تمسي نايحه

بل صير اسرائيل تدفع للثمن
واخرس نتنياهو كريه الرايحه

واقف معانا في المصايب والمحن
ياربنا تشفيه بحق الفاتحه

وانزل له الصحة بروحه والبدن
اذ له مع ربه تجارة رابحة

#الشاعر_ابوبراءة_الديلمي

من أرضنا ندعوا ونعلنها علن
من موطني حيث الجبال الناطحه

لبيك ياسيدي حسن وقت المحن
في صف واحد من بغم متقارحه

نجعل عدوا الله يدفع لثمن
ونعاهد السيد حسن ونصافحه

#جميل_جعفر_ابوشامخ

ونعم بقايد صح ما خان الوطن
ذي سيرته حـرّه كريمه واضحه

ما اختار الاستسلام او حبّ الوهن
ولا خضع لا و القوارح قارحه

جاهد مع الباري وفـ اليدّ الكفن
تاجر مع الباري تجاره رابحه

اقول له من داخل اوطان اليمن
سـلّـم عليه يا حرف وايضاً صافحه

#شاعر_بيحان_السيد_ابوليث

بعداد يارب السماء مالمزن شن
واعداد ماضلت بغمنا قارحه ..

واعداد ماالبركان فالخصم افتهن
واعداد ماالقاصف عليهم سارحه ..

واعداد ما رد الشعار ابن اليمن
وبجاه طه المصطفى والفاتحه ..

تنزل شفائك للولي سيدي حسن
والملتقى فالقدس واهله فارحه ..

#أبوريان_الحمزي

قائد تسلح بـالهدى ماقد ذعَن
وتاجر مع الباري بصفقه رابحه

مؤمن مُجاهد حيدري فَخْر الزَّمَن
يشهد له الميدان يوم القارحه

مقدام فارس و المواقف للعَلَن
لله لبى و العدو قد ناطحه

رامي بني اسرائيل (طلقه) في البدَن
شلَّت نخاعه و العصب (بـ الفاتحه)

#الياس_المقدشي

عانق علّمْ لبنان نبراس اليمن
أسرة رسول الله "أمّه صالحه"

آل النبي قاداتنا عبر الزمن
فيهم هدى الايات تظهر واضحه


سفينة الانقاذ في بحر الفتن
والبوصله قرآن "رؤيه ناجحه"

مع النبي والال نجتاز المحن
من سورة(التوبه)ونور (الفاتحه)

((صرخة الأحرار))

صرخةالاحرار ياطلقتي ضدالعدا
           الله اكبر قالها انصار ربي كل حين

موت لامريكان طول الزمن يترددا
           موت لاسرائيل يبقى لكل الكافرين

بعدها لعنه على من تمادى واعتدى
           لليهود ومن يوالي عدوا المسلمين.

نصر للاسلام مضمون حسب الموعدا
           قالها الله في كتابه على مرالسنين

ذاك مضمون الذي قالها بدر الهدى
           ماارتجف منها سوى من تولى المشركين

والسماوات العلى للمسيره تشهدا
              والمواقف تشهد انّا الرجال المؤمنين

من يعادي منهج الله ينال اسوء ردى
              والعبر في من مضوا كيف ولّوا غابرين

الوطن بوجودكم يارجال الله هدأ
                بعدما كانوا يخونوا ثراه  العابثين

الشهاده في سبيل الكرامه مقصدا
                والله انه عز في درب رب العالمين...

#الشاعر_ابويحيى_القهده
#إتحاد_الشعراء_والمنشدين

https://t.me/aboyahyaalshami

عنوان المجاراة ترحيب للوفد الوطني ومن بمعيتهم من المكتب السلطاني للدولة الشقيقة سلطنة عمان الوفية، بمناسبة وصولهم العاصمة صنعاء .

البداية #الشاعر_هادي_حسين_الرزامي

يامرحبا بالوفد كله
.وفداليمن وعمان جمله
. والضيف شعبي مايمله.
والوفاء لعمان.

والمعتدي قد جار حمله.
عاده عرف حجمه وثقله.
يتحمل اوزاره وفعله.
يجني الخسران.

#عابد_المدم_أبومران

يا مرحبا يا خير طله
حيا الكواكب والاهله
يملا اليمن شرقي وقبله
موطن الايمان

احنا على مبداء ومله
ونوضع الشي في محله
هيهات هيهات المذله
لو يكن ماكان

#ابويوسف_القاري

باثني بترحيبي واشله
زامل لقوم الطيب واهله
والناطق الرسمي نقله
مرحبا اطنان

جار السلام احنا نجله
والسيئ انبادر بقتله
واعلى اليهودي لعنة
الله هووبن سلمان

#عبدالواسع_صايل_الغولي

يامرحبا بالضيف ذي له
شرف كبير ماحد وصل له
له الشرف في كل جوله
والعدو اهتان

اصل العروبه والرجوله
عبدالسلام والكل حوله
حوارهم في كل دولة
رجّح الميزان

#بندر_السقاف

حيا رجال العز واهله
يملا اليمن بحره وسهله
والظيف ذي شرف بوصله
في يمن لايمان

قل للملك سلمان قله
احنا لها لادق طبله
قصراليمامه بانصل له
صف كالبنيان

#ابورواسي_أرحب

عبر الاذاعه والمجله.
مرحب ملان الكون كله.
واهلاوسهلا نستهله..
يشمل الضيفان..

الله يبشرنا بضله.
ياوفد خيراته مطله.
ما الشعب ماحد مستحله .
وابلغو سلمان

#نجيب_العوسة

مرحب ورا مرحب نشله
والضيف واجبنا نجله
والوفد ذي جانا محله
يسكن الأعيان

سلمان سيف البغي سله
واليوم بايحرق بغله
والفضل لك ياالله كله
يا عظيم الشان

#خليل_قناف_قابيل

الحلف لاقد خف عقلة
لابد بالقاصف نذلة
وتهددة في كل رحلة
قوة الإيمان

والوفد ذي شرف بوصلة
والشعب مستني لحلة
لونبذل الارواح لاجلة
يابني قحطان

#الشاعر_أخوهيثم_نضال_حُميد

يامرحبا باصله وفصله
باسمي وباسم الشعب كله
يكفي لهم طلعه ونزله
كلشي قدبان

أبليس ابو سيفاً ونخله
قد حل رب الكون قتله
هذا طلب شعبي وحله
ويل بن سلمان

#ابوبراءة_الديلمي

حيا ميات نعمل لحفلة
بمن وصلنا عبر رحله
وضيفنا يبشر بجله
قط مايهتان

من كان يريد السلم قله
أن اليمن من كل عزله
يتشاورا فاالأمر كله
في صلاح الشأن

#صالح_حسين_ابواحمد

ارحب عدد سحبه ورمله
يامن وصل والتم شمله
ياهاجسي رحب وقم له
وارصف له القيفان

#ابوإسلام_الحداء

يا مرحبا مليار جمله
إلى بلاد الجود واصله
بالوفد ذي جانا بـ طله
تبعد الاحزان

و الــمـعـتـد لابــد قـتله
وسلخ جلده لاحفى رجله
من بعدما قد زاد جهله
واكثر الطغيان

#الشاعر_عبدالرحيم_ابو_كحلا

ياضيفنا بالورد فله
ارحب على عيني ومقله
مايحملك من مزن طله
للوطن عنوان.

اموت في ارضي من اجله
ونعيش في ارضي مضَله
لوتجي مليون عله
لأبد ما يهتان.

#الشاعر_رايد_الخمري

وهلاً بكم قد شل حمله
من اليمن يامن وصله
دام الوفاء لناس جمله
يـــرحب الضيفان

ومن عاب وجرم بانصله
لوكان تحت الأرض أصله
وبندقي في كل قبله
يفهم العدوان

#علي_مغلي

يا مرحبا والفضل لله
ونهج طه ثم اله
وقوم ماترضى المذلة
تصنع البركان

منهوا تمادا با نقله
مافيل يتعدا لقملة
والقاع مايرقى الاهلة
خبروا سلمان

#ابوليث_المسعودي

أهلا وسهلا بالنور كله
بالوفد ذي جانا بحمله
وشرّف الدنيا واهله
صمام الأمان ..

والعدو ضايق وشكله
منتهي بحسرة وذله
واليمن عالي واهله
من زمان

#الوليد_النفيش

من جا على راسي نشله
ونقلده ورده وفله
من بالوفاء والطيب اصله
يرحبو الضيفان

والجيش له صوله وجوله
جيزان تشهد للرجوله
والارض تحميها بطوله
جيشها ولجان

#أسـامـة_المـعبـاء

يامرحبا مرحب يشله
الشعب للوافد وخله
للوفد الوطني كله
من شعب الايمان

والخاين العايب قله
والله مايجلس بتله
قد شعبنا لسيف سله
في كل ميدان

#صدام_شايف

شامخ نقم رحب بطوله.
والضيف يرحب بانشله.
فوق الراؤس يبقئ محله.
الضيف والشجعان

لي لقنو سلمان واهله ..
في كل قمه بالادله..
عبدالسلام جبهه بكله..
لي عجم العدوان

#الشاعر_ابويحيى_القهده

ترحيب في عسره وسهله
يغشى عمان.ناسه واهله
يا ربعنا في خير دوله
      ياعرب واخوان

ووفدنا يرحب بوصله
وعيوننا تبقى محله
ممثلين الشعب كله
     وفدنا الشجعان

#إبتسام_المحطوري

اهلا بمن شرف بوصله
ضيف المعزه هم أقله
حيابكم ياعز نصله
للرجوله عمان

انتم لشعبي مثل ظله
والشهم قوله مثل فعله
وفي النقاء صوله وجوله
وللوفاء عنوان

#بلال_الصوفي

حيا ملان الكون كله
ومافيه من ورده وفله
عبر الصحيفة والمجله
والزهر والاغصان

بالوفد ذي،شرف محله
وعاد لاحبابه واهله
والسحاب امست تظله
والمطر شنان

#ابوعلي_صايل

ترحيب يملا كل حله..
وعبر ذا القافي نشله..
بضيف ما في الكون مثله..
شرف الأوطان..

شعب اليمن رحب وأهله..
ذي ماحمل في يوم ذله..
ومن غزاه أكسر لرجله..
كالغبي سلمان..

#إتحاد_الشعراء_والمنشدين

https://t.me/aboyahyaalshami

وجه التشابه بين كلام (الإسرائيلي) افيخاي ادرعي والإصلاحيين..

اي ورب الكون إنه مطوعي
مثلما التمساح يذرفها دموع

السديس ولاّ افيخاي ادرعي
وجه واحد للعماله والخضوع

اللسان من حق الاصلاح اجمعي
والكلام من حق وهّابي قنوع

والضمير داخل يهودي يقبعي
ينشر الباطل،ويبقى الحق شوع

قصف مكه والحرم به يدّعي
والهدف مخفي ومعناه الركوع

يشتي الناقه بفكره ترتعي
ثم يحلبها نزوله والطلوع

لكن اوهامه محال ان تخدعي
كل من بالحق ضوت له شموع

منهج القرآن با يبقى معي
لي من آل البيت في الظلمه سطوع

#الشاعر_ابويحيى_القهده
#إتحاد_الشعراء_والمنشدين

https://t.me/aboyahyaalshami

(( القلوب المقفله))

قم يا قلم واكتب عن الواقع مثال
واسرد قصص في ختم قولك و اوله

وامحي رماد العين ذي ذرّ الظلال
وافتح مغاليق القلوب المقفله

خبر رجاجيل اليمن خير الرجال
واشرح لهم ماهي ضروف المرحله

وقلهم ياعزوتي في كل حال
يا من تصدى لليهودي وافشله

عندي لكم ياشعبنا الواعي سؤال
والحل ما يحتاج طول الحلحله

هل الملك وابن الملك واهل الدلال
يشتوا اليمن في عز ولا بهذله؟

كان اليهودي والعميل وابو عقال
يعمد لبث التفرقه والخلخه

من سابق الأزمان قصده ل حتلال
هل ماضيه ثاني على مستقبله؟

هل لا نويت الخير تطعن بالنصال؟
ون كنت تشتي خير للشخص اقتله؟

فان با نخلي للعدو اية مجال
فتستعد اعناقنا للمقصله

يا معتدي باندفنك وسط الرمال
والجيش حقك بايولي هروله

خاسر ومتهاوي بوهم الإنفصال
والشرعيه كذبه على درب الوله

متكونه من ناس تطمع بالريال
معروووف بانها طامعه في الديوله

عاشت في الغربه على سوء الفعال
واحنا نجازيها على ما تفعله

قل للسعودي بإننا مثل الجبال
راس الجبل ماهو سوى مثل اسفله

كتبت في ماهو حرام كلمة حلال
حرفت ما رب السماوات انزله

خذلك مشاهد للبطولات الجزال
واتيقن انّ اللي نريده نفعله

مش هنجمه او مفخره لكن فعال
والنصر من رب السماء ذي نسأله

ف نساءنا وقت الوغى تهوى القتال
واطفالنا مثل الحتوم المُنزله

نعشق فنون الحرب لو كانت طوال
ياعاشقين الأنتره والهجوله

قاداتنا آل النبي هم خير آل
ما هم كما القعقاع وابو حنضله

قل للعدو هي كلمتين من قال قال
يانصر يا استشهاد يا نستأصله

انك تريد السلم فاحنا راس مال
وانك تريد الذل تلقى البهذله

وبيننا في الحرب ميدان النزال
ذي ماعرف شعب اليمن ما يجهله

إما ندافع عن كرامتنا رجال
ولا فقادتنا النساء والأرمله

ما با نساوم والكرامه لا تزال
واللي براسك يا ابن سلمان افعله

ونسأل الرحمن في ختم المقال
نصره فمن هو ينصره ما يخذله

يفرغ علينا الصبر في حمل الثقال
ونحمده ما اكرمه ما أعدله.....

#الشاعر_ابويحيى_القهده
#إتحاد_الشعراء_والمنشدين

https://t.me/aboyahyaalshami