رصيد الاحداث يكفيكم لأخذ العِبَر
وكلمة السيد القايد لفك الحصار

والله لو تطلعوا لا فوق سطح القمر
والا ضلالاتكم تدخل الى كل دار

ما كان فالعاصمة صنعاء لكم مستقر
ولا لكم من مرامي جيش صنعاء فرار

وتضحيات المجاهد عار تذهب هَدَر
يا كل منعوث يتغنّى برفع الشعار

إرفع علومك ترفّع قبل رفع الخبر
رفع العَلَم غير رفع المقرمة والخمار

شعب اليمن حر مايرضيه فعل الدشر
يبرا الى الله منْكم بعد رمي الجمار

شعباً تجلّت بفضل الله فيه السور
والنصر والفتح والتكوير والإنفطار

كسّر قرون التحالف كامل وماانكسر
قص اجنحة عاصفتهم وانتزعها وطار

واجه سبع تعش دولة ظالمة وانتصر
زلزل عروش، ابتلع قوات، خصّب حجار

واليوم ويل التحالف واحذيته البقر
من قوم لا ضاق صدره حدّثه بانفجار

الويل من جيش لا يحصى ولا يحتصر
من نار طوفان والقاهر ومن ذو الفقار

الوقت محسوب والغايب متى ما حضر
يتحمّل العار والمسؤولية والدمار .

#فوضناك_يا_قائدنا
#الشاعر_ابو_حسين_الراعي
#المولد_النبوي_الشريف 1445هـ
#إتحاد_الشعراء_والمنشدين

؛https://t.me/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

ما لا نهاية» بداية ســدرة الـمُـنـتهى
و «اللّا بداية» نـهاية كل شي منتهـي

لو فوق صنعاء يحلق ضِعف ماتحتها
ما هز رمش العيون اللي بهن تزدهـي

صنعاء لها ما لها من مجد و ان زرتها
سلم على بـابـهـا ذو السافـعين البهيّ

في صمـتها صوت يتكلم مع صمـتها
في لَهْوَهَا الجِدّ وقت الجِدّ ما تلتهي

تذعن جمـيع العواصم لـ انت هددتها
وتـردّ صنعاء بنفس المنطق العنجهي

لا مِقلِقَ الأمن يقـلـقـهـا و لا اقلقـتها
يامجلس الأمن صنّـفها كـمَا تـَشتهي

#عبد_القادر_داود
#اليمن_قول_وفعل
#اليمن_ينتصر_لفلسطين
#فوضناك_يا_قائدنا

ومــا دام اردتـو تتـسـع رقعة الصراع
فـلا تحسـبـوها الا مـن اليوم واسعة

مع الخصم ما با نتخذ وضعية دفاع
و فـي يـدّنـا الـقـدرة لهجمات رادعة

تجلت حقارة مجلس الامن باجتماع
عـقـد جلـســتـه للـحرب لا للـمرافعة

علينا يشن الحرب ذي ما قد استطاع
يواري جـثـث قتـلاه ذي في مواقعه

الى القدس شعبي جهز الركب والمتاع
و بـالـحشد في السبعين شفنا تدافعه

مسلّم و مـتـولي لـقـايد عـلـم شجاع
رفـع راسنـا في يوم الاعراب خـانعة

معه با نواصل دعم و اسنادنا القطاع
و نـدعـو شـعـوب الـمـنطقة للمقاطعة

#عبد_القادر_داود
#اليمن_قول_و_فعل
#مع_غزة_حتى_النصر
#الفتح_الموعود_و_الجهاد_المقدس
#فوضناك_يا_قائدنا