المجاراة بعنوان الوعي مسؤلية الجميع امام الشائعات التي يقوم بها العدو في استغلال الهدنه.

البداية #ابوصالح_العملسي

شعب اليمن خـمـسه وعشرين مليون
قوم الوفــا والـــمـــعرفه والــحــميه

اتحالفو ضـد الــــيــــمن كـــل ملعون
واحــــنا الـــثــــقه بالله دايم قويه

بالوعي بانفـشل خطط حلف صهيون
والــشــرعيه مـــن يــــومــها منـتهيه

#ماجد_رشدان

ولاية الله والنبي فلك مشحون
والبدر نوح الامه الحيدريه

النصر للي يركب الفلك مضمون
والخزي دنيا وأخره للبقيه

القدس نقطه وصل الاحرار فالكون
كانت وتبقى مابقينا القضيه

#الشاعر_أخوهيثم_نضال_حُميد

عبد الملك موسى وسلمان فرعون
واحنا عصاته والقضاء والهويه

للخلف ياشلت يهوذا وشمعون
إحنا انتصرنا بنتصار القضيه

يوسف خرج من بعد ماكان مسجون
واليوم يحكمنا بصوره جليه

#ابو_برق_الظرافي

نور الهدى مصباح كافه مع النون
كشّافته فوق الردى مقطعية

الوعي فيه اوضح من الشكل واللون
مايختلط باالذبذبات الذكية

قد ربنا ابطل باالعصى كيد فرعون
مابالكم في قوم تهجم بنيّه

جريح الحرب #رفيق_زرعان

يا شعبنا يا اشرف الناس في الكون
يا خير خلق الله وخير البرية

النصر والتمكين بالوعي مرهون
به نفضح الباطل وإفكه وغيه

ونهزم الموساد وابناء صهيون
ونخرس ابواق النفاق الشقية

#ماجد_المطري

ياشعب سطر بالإبـــــــا نصر ميمــون
قضى على قطعـان "نجــد" الرَّديِّــــه

واقلق قوى امريكا الحقيره وصهيون
واخزى ممـــــالك لليهودي مطيِّــــه

وعي اليمــــــاني فوق والمعتدي دون
بالوعـــــي نفضـــــــح كل خطة خفيه

#الشاعر_ماجد_عذري

والي يخالج قلبه الشك ملعون
ولاتدبر كل ايه جليه

لايمكن ان الله يخليك من دون
هادي يدلك للاامور السويه

والهدي يخلق داخلك وعي موزون
يكشف عمل هذا الحقيقي وذيه

#ناجي_القطيبي

دعهم يقولو عنّنا مايقولون
شعب اليمن واعي ويحمل قضيّه

والشّرعيه حقّ الزهيمر وطحنون
قد اكتشفنا انّها مسرحيّه

رئيسهاالدّمبوع فى السّجن مسجون
بخّس بنفسه عند ذيّه وذيّه

#ذوالفقار_سفيان

هل تعلم ان الوعي بالهدي مقرون
وبـالـنـبـي والـعـتره الـهـاشمـيـه

بافواههم نور الهدى با يـطـفون
ويزهقوا كل النفوس الـبـريـه

لكن علينا عهد مهما يـسـوون
إنا لهم في كل مرصـد ولييه

#عزالدين_جحاف

يااذناب أمريكا وخدام صهيون
مابا يفيد الكبر والعنجهيه

شعب اليمن واعي لكم لاتكيدون
باتخسروا ياهل المساعي المدنيه

واحنا بهويتنا لنا النصر مضمون
هوية الإيمان أعظم هويه

#هادي_حسين_الرزامي

على شعار حسين وخطاه ماضون
فوق السفينه مانخالف وليه

عبد الملك واحنا معه درع وحصون
وعي وبصيره في مسيره سويه

للقدس نظرتنا ولو عاد فرعون
مع التحالف مارتبكنا شويه

#قاسم_السقاف

شعب اليمن من الحديده لسيؤن
ومن عدن للبقع قلعه عصيه

بايهزموا طخنون واصحاب طحنون
واصحاب نجد اهل الوجوه الزريه

في ظل ابوجبريل مشكور ممنون
فالشرق الاوسط حامل اكبر قضيه

#الشاعر_ابوشهيد_القطمي

الوعي في قلب الملايين مكنون
و العزم عزم أبطالنا الحيدرية

مهما الملوك للظلم ضدي يشنون
نشرب من أكواب الهدى الكوثرية

الله مولا شعب مؤمن و ميمون
و البدر جانا من إلاهي هدية

#حسين_القيش

إطفاء نور الله هم له يريدون
والله متمه حسب سنه جليه

يكيدهم كيداً متى مايكيدون
والحق دايم كلمته معتليه

بالشايعات الكذب لو يملو الكون
بانسحقه بالوعي والمعنويه

#ابومصطفى_الرضي

ياشعب له تاريخ يتناقل اقرون
يوقف بصف الحق من صدق نيه

هدهد سبأ يشهد والانصار يروون
صدق الولاء والفزعة الحيدريه

مابا يكون سماع لاذناب صهيون
ولايفرط بالدماء والقضيه

#عدنان_جحوح

بالوعي لا يمكن لجوكر وفرعون
يضحك علينا عند هذا وذيه

به نجعل الاعداء من القهر يبكون
وبه نردّ الشر والعنجهية

فالوعي ثمّ الوعيِ يا من تريدون
للشعب أن يحيا حياته هنية

#الشاعر_ذوالفقار_القيدله

فينا ثقه باالنصر مادونها دون
والمعركه هذه السنه مفصليه

ترخص جماجمنا مع الله وتهون
من اجل عزة شعبنا والقضيه

الوعي حصن الشعب يامن تضنون
باتخدعوا شعب القيم والهويه

#ابواياد_المطري

مجنـون من ظن اليماني بموهون
يخسى الى جنب العقول الغبيه

ايمان هذا الشعب إيمان ذا النـون
وقــــــوته صــــمّاديه اشتــــريه

تخضع له الدنياويخضع له الكون
يلعن ابو كل القــــوى السامريه

#شهاب_المتوكل

الوعي ياشعب اليمن درع مضمون
يوقيك من كيدالاعادي الدنيه

يكشف خطط صهيون واذناب صهيون
وشايعات اصدارهم والاذيه

واللعب في وقت الهدن ذي يسوون
خطره يفوق الهجمه العسكريه

#ناجي_محسن_المحجري

الكذب ماينجح وصاحبه ملعون
ضد الرجال واهل النفوس الزكيه

ماهمنا طحنون وسلمان وصهيون
احنا عزيمتنامع الله قويه

منهو مع الله يبشرالنصرمضمون
ضد الطغاه والكبروالعنجهيه

#الشاعر_عبدالرزاق_ذياب

شعب اليمن بالعز محمي ومضمون
وارجال تعرض كلها اشتريه

محصنه بالوعي ك الفلك مشحون
تنسف بـقوتها بقايـا اُمـيه

تابع المجاراة الاولى (1)
الموضوع
(تحالف العدوان يستهدف جبهتنا الداخلية عبر ادواته وعملائه )!!

البداية للشاعر #عكام_القصاد

الشعب فاهم باالحروب البارده
قد اكتشف كيد المنافق والعميل

من بعد ثامن عام ماشي فايده
تخلخلونا والنفس عاده طويل

كذاب يامن قلت صنعاء فاسده
ونته مع العدوان في صنعاء وكيل

#ناجي_القطيبي

لاعاد نفس المرتزق بتراوده
انّه يحقّق نصر من قولت وقيل

ردو على هرجه بكلمه واحده
اسكت وبانتحاور احناوالكفيل

قد به معانا له حكاوي واجده
وباينفذها رضا. والا صميل

#عزالدين_جحاف

قولوا لأصحاب القلوب الحاقده
شعب اليمن محروس بالرب الجليل

والله في كل المراحل قايده
نعم النصير نعم الولي نعم الوكيل

من رحمته هيأ مسيرة راشده
وحكمة السيد تداويك (ياعليل)

#ذوالفقار_سفيان

قل للممالك والملوك البايدهـ
عاد المعارك حامله كمن ثقيل

لان هذا الشعب ربي قائدهـ
نعم المهيمن والمؤيد والجليل

لازم يكون الوعي حاله سايدهـ
من اجل نتحتدا المنافق والعميل

#ابوسياف_البيحاني

هي واحده هي واحده هي واحده
مايردع العدوان ذا غير الصميل

فالكل يتجهز يحرك. يساعده
يبذل جهوده والنفس يبقى طويل

وكل مرجف ينتمي. للقاعده
ولا محرض يستعدوا. لرحيل

#علي_بن_علي_مسرع

لعنة عليكم يالعقول الجاحده
ما تعقل الا ضرب من عرض الصميل

آيات بعد الواحدة جت واحدة
هل تنفع الآيات في النذل العميل

ما حد يدور علم عند الشاردة
والحلف خضعي يستشير عند الهبيل

#ابتسام_شرف_المحطوري

لابد ما يُفضح وتُقطع ساعده
من به مرض ولأجل اسياده عليل

لايحتسب ان الرجاجيل راقدة
يقضه ويقضتها تواري المستحيل

في كل جبهه باتراها صامدة
مابيزعزعها منافق أو عميل

#ناجي_محسن_المحجري

يامرتزق ماشى معاكم فايده
ولاالعماله تنفعك عندالعميل

الشعب جاهزلك مشمر ساعده
يصبحك بارودويغديك صميل

انته بتجحت حق قوت الوالده
حق النبات والقشر والا الزنجبيل

#هادي_حسين_الرزامي

بالوعي والإيمان أمه صامده
مابايخلخلنا المنافق والعميل

دام الهدى موجود واهله واجده
ماباتزعزعنا اشاعات الرذيل

قولوا لأمريكا وجيش القاعده
هذا يمن ليمان والشعب الأصيل

#عبدالله_حسين_مسعود

الحرب كبرى والخُطا متباعده
والصهينه مشروعها عاده طويل

ربي فضحهم في القلم والمائده
الحق واضح والتراجع مستحيل

بالوعي با نفشل نوايا الكايده
فينا ثقه بالله والله الوكيل

#ابوشهيد_القطمي

راحت ليالي الناعمة و الباردة
وطاحت مكايد كل متغطرس رذيل

دام الهداية في بلادي السايدة
محال نسمع كل من ظل السبيل

لا تقفدوا النعمة بركض المايدة
ومن فعلها با يعيش عمرة ذليل

#شهاب_المتوكل

يادهر قل لاهل النفوس الفاسده
والمرتزق ذي وسط صنعاوالعميل

لا يحسبوا عين النشاما راقده
ويفكروا تفكير باشعال الفتيل

والله لايلقوا السيوف الحاصده
لرقابهم واللي لمحياهم تزيل

#عبدالله_بحنان

الحق واضح والمواقف شاهده
والسيد القائد وانصاره دليل

وامرأة (سلمان )بحمله واقده
في جيدها وعي المواطن والفتيل

اتباعها الكذاب وشله حاقده
ترجع من المنفذ بلا قصه وذيل

#ابوناصح_العزي

من سورة الاحزاب هي والمايده
سلاحنا من محكم القول الفضيل

وكيد المنافق هو و كيد الكايده
مردود في وجه العميله والعميل

ما دام وايدينا عليهم واحده
كلين من توه رضى ولا صميل

#الشاعر_ابوحيدر_عامر

الحق واضح والخلايق شاهده
واحنا علينا العار مانقبل عميل

دام الثقه بلله فينا زايده
بانسحق المندس والغازي الذليل

نقسم بفاطر والعلق وال مائده
والصف والانفال مانقبل دخيل

#ابراهيم_الشرفي

يا كل مرجف مـا مـع امّـك فايده
من زوبعاتك والصوايـح والعـويل

فاحـذر تـصـدّق كــل دوده زايـده
وَلَا تحمِّل نفـسـك الـحِـمـل الثقيل

وانّك تبى شـق الصفوف الواحده
(فالقتل والتعزير فـي حقك قليل)

#الشاعر_ماجد_عذري

والشعب واحدصف يتبع قايده
رغم انف الامريكي وانف الهنذويل

والنفسيات المارده والحاقده
على يمنا مالهم فيها مقيل

برق اليمن يزغف وحنحن راعده
ولجل شعبي بانكيل ونستكيل

#علي_العسكري_المكلي

رجال و اشبال المسيرة صامدة
متحصنه بالهدي و الوعي النبيل

ما ضرها ارجاف اليهود الكايدة
و بلبلات اعلامهم قالت و قيل

و شعب ابو جبريل هذا قائده
هيهات يتزعزع ثباته مستحيل

#الشاعر_ابوفضل_المتوكل

على كتاب الله ........وامه واحده
يخسو بني صهيون والفكر الدخيل

الزيف والبهتان نهج ......المارده
وما نراه اليوم هو اكبر ....دليل

كل الذيول الباغيه والحاقده
باتمتسح من كل شبر وكل ميل

#احمد_الشعبي

شعب اليمن كامل يتمم ساعدة
عند التخلخل يظهر الشعب الدليل

ماغير من نفسة رديئة فاسدة
تلقاه في حالة نخاسية عميل

يبتاع بيع الكلب عند الفايدة
ويرتضي بالذل عن عزة بديل


#إتحاد_الشعراء_والمنشدين

https://t.me/aboyahyaalshami

المجاراة عن جريمة إحراق المصحف الشريف وتداعياتها واستنهاض همم وضمائر المسلمين وإثارة غيرتهم وحميتهم غضبا لاستهداف أهم المقدسات المتمثل في إحراق المصحف الشريف من قبل الغرب .

البداية #ضيف_الله_سلمان

لابد من موقف جهادي موحّد
امام باغي قد تعدى حدوده.

هذا(كتاب الله)ياامة (محمد)..
وانتوا رجال الله وانتو جنوده

#أحمد_درهم

ومن صمت لاحراقه اليوم مرتد
ومن قعد مابايفيده قعوده

يامسلم اسلم صدق والا تيهود
من هو مع القران يثبت وجوده..

#يحيى_الوحيشي

با نتخذ موقف وبا نخـرج الغد..
ونشارك الشعب اليماني حشوده..

ضد السويدي صاحب الوجه الاسود..
والله يلعن من يفضل قعـــوده..

#ابومنار_العشي

الواقعه هذه ضروري لها رد
يخلي الشيطان يعلن سجوده

لوما خفضنا أصواتنا ما تمرد
ولا تحدانا وجاوز حدوده

#عزالدين_جحاف

الغرب يا أمة محمد تعود
على اهانتنا بأنجس قروده

ذي ماغضب لله لاشك مرتد
عن دين طه والنصارى جدوده

#هادي_حسين_الرزامي

شعب اليمن غاضب على اللي تعربد
عداوته ظاهر ونفسه حقوده

أحرق كتاب الله والناس تشهد
حكم على نفسه وجهز قيوده

#الشاعر_صالح_النقيب

لي منع من له جد فدين يوجد
وكل من طه محمد يقوده

نخرج بمشهد ذي به الكل يشهد
والصمت منهو حر حطم قيوده

#فارس_المعزبي

من اوله لا( قلْ هوَ اللهُ احّد)
كتاب لا يمكن علينا جحوده

والله متكفِّل بحفظه وبالرد
يحرِق من اتكبّر ويشوِي جلوده

#علي_عقاب

يا أمة الاسلام ثوره مؤكد
نرفع شعارالحق نرسي بنوده

ونقدس القرآن والله يشهد
نلجم رموز الكفر نحرق كبوده

#عماد_العملسي

من كان مسلم غد يخرج يندد
ومع كتاب الله يثبت وجوده

هاذا التطاول يجعل الوجه اسود
يشوه المسلم ويحرق كبوووده

جريح الحرب #رفيق_زرعان

لن يقهر الأعداء إلا المهند
يا أمة الإسلام يكفي برودة

شيعة مع سنة مع من تزيد
الكل لازم ان يكسر قيوده

#ابوسياف_البيحاني

الطعن في ملة محمد تجدد
بحرق مصحفنا تعدى حدوده

لازم نواجههم وهذا مؤكد
احنا حماة الدين واحنا عموده

#قاسم_السقاف

احنا رجال الجد في ساعة الجد
من أحرق القران نلعن جدوده

لو السويد قريب اتى الرد باليد
واهل التغاضي يلعنوا والبروده

#الكرار_المشراقي

عليه لعنه من وقــف اوتــردد
على اعتدائات اليهودالحقوده

واجب علاالاسلام والحق بالرد
نزهق ابوالباطل ونكسر عموده

#عماد_النهاري (ابوسجَّاد)

نار الغضب في داخل القلب يوَقد
واعـيوننا من فِعل الاعداء قهـوده

ترجـم لهـم يابـندقـي كل مسـند
هـذا كـتـاب الله واحـنـا جنـوده

#الكرار_الجبر

ياداعي الله ثق بالانصار واشتد
مادام والباغي قداعلن جحوده

اهل الكتاب اليوم لازم لها رد
والشعب يوم الغد يعلن ردوده

#عبدربه_الحداد_البيحاني

الله اكبر فوقهم نار توقد
لابد ماكلن يكثف جهوده

ذي ما وقف وقفه مع الله وندد
مابايدافع عن اراضي جدوده

#حسين_شرويد

لابد من موقـف جماعي موحد
والكل في الساحات يثبت وجوده

نحرق من احرق ذكر ربي ونشتد
ونبيــد راس الشـــر واللي يقوده

#عبدالحكيم_ابوهاشم

الويــل ثم الويـــل مَن زد تردد
من بعد هذا الفعل واعلن رقوده

(الله) في محكم كتابه تـوعّد
ومستحـيل انـه يخالف وعوده

#ابوكرم_نشوان

ياكل من هلل وكبر ووحد
فوق السويدي واقلعو له كبوده

يحرق كتاب الله والكون يشهد
بالجرم هذا قد تجاوز حدوده

#محمد_الداهية

قـل لـسـويـد تـبـت يـدا كـل مـرتــد
وكـل مـطــفـــل فـتـحـنـا لـحـــوده

ماعندنا والله سوى ابيض او اسود
ومن عادهو مسلم ايثـبـت وجـوده

#الشاعر_متاش

مابعد هذا الجُرم والعيب الاسود
يالعن ابوه من يرتضي في قعوده

هذا كتاب الله يا أمة (احمد)
حان النفير العام نطلق رعوده

#ضيف الله_هجوان

احنامع القــــــــرآن والله يشهد
والله يلعن من خلف في وعوده

والمــــــــوت للكفار ميته مؤبد
والنصر للاسلام غصبا وجوده

#ذوالفقار_سفيان

الكون من هول الجريمة تبلد
يلعن من اتقاعس او اعلن ركودهـ

ما بعد هذا لو ركينا على الحد
واحنا جنود الله واحنا اسودهـ

#الشاعر_ماجد_عذري

مابعدحرق المصحف الا نجدد
للعهد والله والملايك شهوده

ياشعبنا بنصرة الحق نصعد
قل للشوافع ان تلبي زيوده

#ابوحيدر_عامر

مايسكت الا إنسان كافر معقد
من فيه ذرت دين يثبت وجوده

يخرج في الساحه وقوله مسدد
منهو مع القران يخرج حشوده

#ابوقصي_العويري

الله يلعــن شكل ابـو مــن تـردد
وشكل مسلم مستكين بجموده

من بعد ما شاف أن دينه مهدد
ولا تفاعل وارتكــز من قعــوده

#أبوحماس_الغبري

رغم المآسي والحصار المشدد
شعب اليمن جاهز يفعل جهوده

لازم يكون الغرب خايف مهدد
ونذيقه الويلات داخل حدوده

#أبوحسين_العصري

درب الرساله من دمانا تعمد
هيهات شعب العز يخلف عهوده

من كربلا لليوم والدهر يشهد
إنا مع الرحمن خيرة جنوده

#إتحاد_الشعراء_والمنشدين

https://t.me/aboyahyaalshami

هدنه ولكن مالها اي موقف
ولاتنفذ منها بند واحد

والقصف عاده مستمر ماتوقف
وحصارهم لازال لناس شاهد

والشعب لازم مايتابع ويعرف
ان العدو بيده جميع الموارد

من راد يبدي راي يبدي وينصف
ويقول كلمة حق ماهويحايد

هذا يهم الكل واسط وطارف
في شعبنا حتى الذي هومحايد

والله يامن ذل ولا تخلف
عن نصرشعبه انه انسان جاحد

لايستحق النصر ذي ماتكلف
ولا تمسك بالسنن والعوايد

ومن وقف لله والله يخلف
على الذي قاتل وانفق وجاهد

#الشاعر_ماجد_عذري
#إتحاد_الشعراء_والمنشدين

https://t.me/aboyahyaalshami

شهرين واحنا بنتفاوض مع ذا وذاك
لجنة تغادر ولجنه تعلن اقدامها

مجرد اوهام واشاعه وراها اذاك
واثارة الناس من داخل على اعلامها

وكيف هدنه وعاد الحرب قايم هناك
وحصار مفروض من شرقي ومن شامها

وكل مانمت حلق بالمسير رماك
ماقد توقف الى ذلحين اجرامها

ماباتسلم لنا الراتب سواء بالعراك
ولن تغادر بلدنا غير برغامها

امثال سلمان مايردعهم الا نطاك
وحكامها في مثل سايد من اخشامها

اسرة خبيثه رديه مالها الهلاك
وعلى يدين اليماني اخر ايامها

كم قد صبرنا عسى باتكفنا من بلاك
تاسع سنه ذي يدومو من وصل دامها

مصري وجني وعفري لاجماعة بلاك
على اليمن من جميع اقطابها سامها

اليل يامهدي المشاط شعبك نخاك
اضرب ابونجد وحرمها من احلامها

جوب على الشعب يامهدي على مادعاك
فيما ترد السعوديه وحكامها

لادين الاسلام ذي من نور هديه هداك
وتعلن المملكه للاامه اسلامها

ولا فلاسلم معها وبشر احنا معاك
على يدينا بااذن الله اعدامها

حتى ولو مالها في الامر اي امتلاك
ون اليهودي دفعها هي واقزامها

مادام اعلنت لامريكا صراحة ولاك
تستاهل الذل ذي يفرض تحكامها

وماجنيته بيدك باتلاقي جزاك
منها وتصبر على يدها وملطامها

لابارك الله في شخصك ولامن بزاك
ذي مايحاسب على نفسه ولا لامها

دفعت له انت لكنه هو الي اشتراك
وماتسويه تلقف انت اثامها

تستاهل الان فصل السلك حق البلاك
والموت من خلفها مكمن وقدامها

مالك على اهل اليمن سلطه ولاذي يراك
الا من حقر عباد الله وزلامها

والوعد مكتوب بيدالله وحنا وراك
تطول ذالحرب ولاتقصر ايامها

والشعب له ثار لاينسى ولا قدنساك
دم اليمن دين عندك وحسب اغرامها

يالله وجهادنا وقتالنا في رضاك
تنصر جنودك على امريكا وخدامها

#الشاعر_ماجد_عذري
#إتحاد_الشعراء_والمنشدين

https://t.me/aboyahyaalshami

ياجرف في عام اربعه والفين اويت الحسين
الفضل لك يوم المنازل قد أبت تستقبله

وانت قابلته بروحية الوفاء دنياء ودين
بذلت في خدمة حسين البدر خدمة مذهله

فتحت له بابك وقابلته بحبك والحنين
وكنت له حارس وحامي كنت فيهاضل له

وكنت واحدمن جنوده من شمال ومن يمين
وتفيض عينك دمع بالماء العذب يجري سايله

وتحن من قلبك على حال العصاه التايهين
اسف على من غره الفاسق بماله ضلله

والقلب يتحسرعلى ذي ماهتدى بالطاهرين
وذي بوجه الحق وهدا الله غلق منزله

ومضهرك لازال لاذلحين في وجهك حزين
على الذي فرط بمثل احسين تلك المرحله

على شقاء الامه واشقاها الذي متفرجين
وكبرشقاء يشقى في الدنياء الذي هوقاتله

تردد الاهات بعدالي حصل في كل حين
والجرح غاير ماندمل ثاره وناره شاعله

ويقول ليت احسين يرجع يابشربعدالسنين
نوقف بجنبه صف ماقاله لنا بانبذله

ولايزيد الاااه الا بعضنا المتفقهين
ذي لارفع راسه على دينه ولا هوبطله

ومدعين العلم ذي هم في المنازل عاكفين
جدال فقهي حول كيف الظم كيف السربله

الناس قدهامن سفاسيف المسائل باغرين
معنا كتاب الله ماقاله لنا بانعمله

احنابحاجة من يبصرنا طريق المتقين
يكشف لنامن حارب الاسلام منهو عرقله

لاكنت اناواعي هناك اجيال ماهم واعيين
ولامعاهم علم ان الكفر راس المشكله

وبسبابكم يامدعين العلم ونتم قاصرين
ضلوعن المنهج وعن تلك الطريق الماثله

المسئله في الوعي هابط عندكل المسلمين
والمسئله هذه لديهم سارت اعظم مسئله

اعداء الاسلام الحقيقيين وعداء العالمين
هم اليهود ومن مشى معهم بنفس الشاكله

ومن تولاء الكفر وتولاء كبار الظاليمن
هولاء صلتهم في كتاب الله هم نفس الصله

واليوم لاماقامت الامه مع الحق اجمعين
وتقاتل امريكاء التي في ارضنا متوغله

مابعدها الاالخزي يحياء الكل منكوس الجبين
دنياء وعاد الاخره نيران وكبر معظله

راح الحسين اليوم نتكاتف مع نسل الامين
عبدالملك نوقف بصفه والحذر لانخذله

يكفي لناتفريط مادمناالجميع مستظعفين
والله ضرب لناس في قوله خيار الامثله

يالله وفقنامع ال النبي الطاهرين
وثبت الاقدام يوم الواقعه والزلزله

#الشاعر_ماجد_عذري

ياحنيني على من غادرونا من الصف
بعدهم مر والاوضاع سارت مريره

نقصهم نقص فينا الكل واسط وطارف
والمآسي بنغرف همها من بحيره

حن ياقلب بعد احمد محي ابن مشهف
ذي رحل بعد ماقدم مواقف كثيره

ياحسافه على انسان مثله حسايف
حين نفقد رجال المعرفه والبصيره

كان عاقل وله في الناس عدة مواقف
حيث لحمد محي مشهف مواقف كثيره

وختتمها مع الباري بموقف مشرف
بعدمافي سبيل الله حدد مصيره

تارك الجرح من خلفه في القلب ينزف
في المساجدوفي اهله وفي كل ديره

والقبل حين تفقد شخص عادل ومنصف
تعتبرها خساره والمصيبه كبيره

في مصاب الجلل والعين بالدمع تذرف
والوجع في القلوب ماهو وجع مثل غيره

لكن الله ذي يقدر وذي شاء يلطف
ذي له الامر في خلقه ومايستخيره

والقضاء والقدر بيده ولايوم يخلف
ذي له الامر في الاولى وراعي الاخيره

يالله ادعيك في اهله والاولاد تخلف
بالذي خير وجبركل نفسآ كسيره

وسكنه بين جناتك من انهار يرشف
وعصم اقلوب ذي هو يعرفه والعشيره

والصلاه تبلغ الطاهرومظلومي الطف
ال بيت النبي اهل الدروب المنيره

#الشاعر_ماجد_عذري
#إتحاد_الشعراء_والمنشدين

https://t.me/aboyahyaalshami

احنا لساس القبيله مضرب امثال
محنا من الي لادعاته خذلها

عاداتنا نتحمل اثقال وهوال
بوجيه بيضاء ماتسود عملها

فينا حميه قبيله كل رجال
فينا بنفسية مقاتل حملها

والبعض ضن القبيله لعب جهال
وهو بافعال المهانه قتلها

في ضن عقله لاقدة عاصب الشال
قده قبيلي ون تردت مذلها

ون شاف موقف يلزمه عنها مال
لوباتموت البنت في معتقلها

ذوال ومنافق وفي القول دجال
وعيشة احرار الوطن ماقبلها

اذا وعد يخلف ولا قال مطال
يتبع هواء نفسه ولاهو سئلها

ودايمآ تلقاه للظلم ميال
مشغول بالدنيا ونفسه شغلها

اذا ادعى دعوى تلاقيه بطال
والشايعه باول دقايق نقلها

ودايمآ عايش على القيل والقال
لاهو ظبط نفسه ولاهو صملها

#الشاعر_ماجد_عذري
#إتحاد_الشعراء_والمنشدين

https://t.me/aboyahyaalshami

لاسكنا المدينه فما احنا من ذي اغتر بالزينه
والمخالف ندينه ولو كان ابن عمي اوالوالد

يالقلاع الحصينه قلي للخصم بانقتلع عينه
والذليل ياعوينه عوينا راح عمره وهو قاعد

والذي باع دينه من امريكا فياشينها شينه
والخيانه مهينه لمن والاء اليهودي ومن ساعد

ياالقلوب الحزينه لش الله كل شي بايجي حينه
كل دوله لعينه غزة شعب اليمن منها لابد

من ركب في السفينه نجاوالنصربانت مضامينه
تحت رايه امينه لها ربانها السيدالقايد

بالحبال المتينه برب الكون كلين بيدينه
قدتمسك بدينه ولا اكبر من الله ولاواحد

عاش شامخ جبينه ويبقى الوصل مابينه وبينه
من حمل بندقه في يمينه ونطلق في الوغى جاهد

نصر عزه سكينه وزاده فوق ذالك طمأنينه
والنعم بعد نصره وتمكينه يكفيك ومزايد

#الشاعر_ماجد_عذري
#إتحاد_الشعراء_والمنشدين

https://t.me/aboyahyaalshami

المجاراة نعي لفاجعة فقدان هامه وطنيه جهاديه من السابقين الأولين الشاعر المجاهد رياض الصايدي من عاش عمره في مواجهة الباطل وسخر مفرداته الجهاديه لأزهاق باطل أعداء الله...
إنا لله وإنا اليه راجعون

البداية #ابورواسي_أرحب

عظم الله أجرنا في رياض الصايدي
وأحسن الباري عزا جبهة أقلام القصيد

خيرمن به كل شاعر مجاهد يقتدي..
الفقيد الي نعئ موته القول السديد

#صقر_اللاحجي

كان لـــه مـــوقف جـــهادي بوجه المعتــدي
واشهد ان من مات في الحق له اجر الشهيد

العـزاء بعـــده علـــى ما اعتقــــد بايبتـــدي
يوم في بيتـــه ويومين في بيت القصيـــد

#نشوان_الغولي

يا سند ظهري و رزحي و قوة ساعدي.
يا وزى من عاش في قفرة الدنيا وحيد.

من يطول الصيد من بعد مرمى (الصايدي).
يا حسافة كل رامي رجع بعده طريد.

#عاقل_بن_صبر

يا رياض الخلد حيي رياض الصايدي
اشهد ان فقده خساره وتاريخه مجيد

فدوه الغالي← لو الأمر هذا في يدي
لكن ( امر الله ) نافذ على ما هو يريد

#بندر_السقاف

اشهد ان فقدك خساره وربي شاهدي
لاكن المكتوب للخلق ماعنه محيد

لاكن اسمك عبر الاجيال يبقى خالدي
في جبين الدهر دورك وتاريخك مجيد

#امين_التركي

السخي ابن السخي صاحب الكف الندي
ذي بموته صدر الاشعــــــار يتوقد وقيد

رحمة الله تبلغــــــك يا وجعنا السرمدي
نلمسه من يـــوم موتك الى يوم الوعيد

#يحيى_الوحيشي

نسألك يالله بجاه ابن طه سيدي..
ترحم ابن الصايدي وكتبه عندك شهيد..

والله ان العلم سقّط فطوري من يدي..
وانهمر دمعي و وقف دمي ذي في الوريد.

#علي_داشع

والله انها فاجعه والحشاء يتوقـدي
غيمت لـ احزان وامزانها ترعد رعيد

يرحم الله الولي التـــقي الزاهــــدي
ذي بفُقده ذابت اقلوبنا ذوب الجليد

#حمزة_الحيمي

عظم الله اجر شعبي واجرك قايدي
في من اتوفى على النهج نفسه والصعيد

عوّض الله جبهة الشعر بعد الصايدي
واسألك يارب تُحسن عزانا فـِ الفـقـيـد

جريح الحرب#رفيق_زرعان

يالوحيشي يابن سلمان يابن الزايدي
شاركوني في رثائي لمن مجده تليد

فرقة الاحرار يا اصحابنا مش عايدي
فرق شاسع بين قلعه وقريه ف الصعيد

اشهد ان الصايدي كان مؤمن صامدي
واجه الاعداء بالنار وابيات القصيد

#الشاعر_امين_الحارثي

يارياض الخلد حفي رياض الصايدي
المجاهد ذي لقا الله في ثوب الشهيد

والحروف الي غرزها بنحر المعتدي
كلما حنت لذكراك تبعث من جديد

#ابوصالح_العملسي

يا الحروف الأبــجدية مع الفكر اسجدي
قدر في داخــل مـحـاريب رواد القصيد

شـــيعي مــعنا المجاهد رياض الصايدي
ورثي ال الـصايدي بسم همدان ابن زيد

#عابد_المدم

يستحق الصايدي تعزيه من سيدي...
سجله ياضيف سلمان شاعرنا الشهيد...

صايد القيفان صياد راس المعتدي..
أشهد أنه جيد بن جيد لا حد قال جيد..

#صالح_حسين

ياحروفى الراثيه ياخفوقي اتوجدي
وجد من فارق خويه وهو باقي وحيد

في رياض الصايدي يالحزون اتجددي
عظم الله اجرنا واقبله يالله شهيد

#وليد_الضويني

اشهد ان فرقاه ماهو علينا عايدي
حطم اركان الفرايد رحيله بالاكيد

وعقب موته نار صدري قصايدي
ذوبت ابيات حزني فولاذ وحديد

#امين_الراجحي

اعلني ياقافيه للحداد واتنهدي
عن فراق الشاعر الفذ والقول السديد

الف رحمة يارياض لك وبك بانقتدي
في قوافي سغتها توقد الحبهه وقيد

#ابوحيدر_الراشدي

يا حروف الشعــــر واسي وعزي قايدي
في رياض الشاعر الشهم والقرم الفريد

والتعازي لليمن واســــــرة ال الصايدي
عظم الله اجر شعبي على نجم القصيد

#قاسم_السقاف

نسال الله يسكنه فالنعيم يخلدي
الرحيم الوالي القادر الفرد المجيد

جبهة الميدان والشعر له باتشهدي
عظم الله اجر اهله وجمهور الفقيد

#الشاعر_ماجد_عذري

كانت ابياته تزلزل قصور المعتدي
له في الميدان صوله وله اكبر رصيد

تعجزابياتي وتعجز على وصفه يدي
اختصرها ابو رواسي وماقاله اكيد

#الشاعر_ابو_حمزة_ماجد_نشير

احشدي يالقافيه كل حرفاً واشهدي
في قصيدي واجعلي حبرها دم الوريد

ان رياض الصايدي هز عرش المعتدي
ابحروفه ذي تزلزل وذي ترعد رعيد

#جميل_جعفر_ابوشامخ

للتعزيه هيا اكتبي هيا اكتبيها يا يدي
رب السماء يرحم رياض الله يرحم للفقيد

هذا الذي جاهد بهاجوسه وصـدّ المعتدي
وكان شاعر متزن واعي ومتخلق رشيد

#مختار_البحري

شهيد مؤمن حيدري للمسيرة مهتدي
اشهد ان فقدة يحطم قريبة والبعيد

من عميق الجرح برفع إلئ الباري يدي
يرحم الشاعر رياض يقبله ربي شهيد

#ابوخالد_وليد_اللموت

في جنان الخلد يالصايدي طاهر ندي
شاعرمجاهد وله عند ربي مايريد

علم فاجع موتك اليوم زميلي وشهدي
من فراقك عمنا الحزن من علماً كويد

#ناديه_السقطي

رحمة الله الواسعة من إلهي وسيــدي
ترحم الشاعر رياض جبهة الشعر الاكيد

من قوافيه كم وكم غاض حلف المعتدي
جعل مثواك يارياض في رياض الله المجيد

#إتحاد_الشعراء_والمنشدين

https://t.me/aboyahyaalshami