تابع مجاراة اليوم لمجموعة شعراء في استقبال شاعر من محافظة المهرة الابية شرفنا بزيارة الى العاصمة صنعاء

#ابومران_عابد_المدم

أرحب على الهامات يا شبل الاسد
ترحيب ضبياني على هامة وشال

الدين واحد والقضية والبلد
برغم أنف الاقلمة والانفصال

يا مهرة الشماء لنا منبع وجد
يجمع أخوتنا بني عماً وخال

أرحب عدد ماشن طشات البرد
يا الشاعر الثائر رجل جنب الرجال

#فايز_الحمزي

ياكل من ثابر ومن يزرع حصد
الجد ياأهل الجد يانعم الرجال

يامرحبا بالآخ من ابٍ وجد
ما في وطنا لاجنوب ولاشمال

يمن موحد ضمنا واحد بلد
مهما تحملنا الحمولات الثقال

والله ثم والله مولانا الصمد
مانقبل الذلة وجُند الإحتلال

مادام وعاد الروح تسري فى الجسد
مانقبل الغازي وعُباد الريال

المسجد الهادي يعانق للجند
وتريم تعانق كل خولان الطيال

#علي_مسرع_القرعي

حيا بكم يا رزحنا في الشرق حد
يا مهرة العزة وذو الباع الطوال

لنا الشرف باقبالكم يا ذا الأسد
الشعر عاجز عنكم بل والمقال

ربي جعلكم ظهرنا واعتى سند
نشتد بالمهره وبارجال الرجال

قصرت في قولي وقولي معتمد
ما قد وصل بالشعر قدرك والخصال

#ابوراكان_السحاري

إرحب عدد ماحن زاجر لـ الرعد
مرحب و حيّا الله دنينك والوصال

أهلاء وسهلاء مرحبا ماله عدد
ارحب تراحيب المطر لاالسيل سال

مهري أسد وأبوه اسد والجد أسد
وجد جدّه من صمد للأحتلاااال

ذي جاء من المهره الى صنعاء وفد
العين له مقعد والارماش الظلال

حيّاك ربي( عدّ) ماالصامد صمدّ
واعداد برقً لاااااح من بين المخال

#زيد_الحوثي

مابه قلق واحنا مع الفرد الصمد
وروح الاخاء في ذا المسيرة لايزال

والاخ جمب الاخ والصاحب عقد
حبله مع الصاحب بساحات القتال

وهذا المثل معروف من جّدَ وجد
ومن يعقد النية على الباري ينال

واحنا اجتمعنا في رضاء واحد احد
والنصر مضمون وله على الواقع مثال

#الشاعر_ابومالك_الكوماني

رعد التحرر من سماء مارب رعد
والنصر همشل ماطره والسيل سال

يمكث بها النافع ويتلاشى الزبد
يصفى وطننا من جنوبه لا الشـمال

اللـه حــط البـأس فيـنا والجـلد
ما للأعادي فوق اراضينا مجـال

باتتحد من حوف لا اطراف العند
الى سقطرى لا الوديعة لا الطـوال

#علي_مغلي

يامرحبا ترحيب ما عده عدد
ياخير واعظم من لحق درب النظال

انتم حصون القبيلة واهل البلد
وانتم عماد المرجلة واهل القتال

كنتم طرف شعب الابا مثل الوتد
واليوم نتعاهد على دعس العقال

تحرير جذري للوطن مهما حشد
كلب اليمامة با ندوسه بـ النعال


#إتحاد_الشعراء_والمنشدين

https://t.me/aboyahyaalshami

عدوان سافل يهودي مرتزق دانق
وماتولاه غير احقر وأخس إنسان

لاشاف الاحرار صوب العز تتسابق
يحس باالبهذله والذل والخسران

ياالمهره إبقي صمودش وإلعني طارق
وإن فزعتش قادمه من صعده الشجعان

وكلّم أحمد علي ياالعمعمه صاااادق
إن ما عقل مايفيده زايد وسلمان

#ابوراكان_السحاري
#إتحاد_الشعراء_والمنشدين

https://t.me/aboyahyaalshami

تابع المجاراة بعنوان دعوة إخاء للمغرر بهم في حزب الاصلاح للعودة الى الموقف الصحيح مع ابناء الشعب في مواجهة العدوان .

البداية #ابوليث_المحضار

يا #حزب_الاصلاح كم قلنا ووضحنا
وكـــــــم نصــــــحنا وبيّنّا ولاطـــعتوا..

واليوم هاشوف وين انتوا ووين احنا
من بعـــد ماكان وين احنا ووين انتوا..!!

بلبل النصر #حسن_المهدي

سـبحان مـن سـبحت باسمه قوارحنا
واسـتغفرت في نكال اعداه قاصف2

ومــــا لــلاذنــاب عـشـيـنا وصـبـحـنا
واعداد ماالشعب قل للجيش لاهنتوا

#ابراهيم_الشرفي

انتوا غلطتوا وذا احنا اليوم سامحنا..
ما نحمل الحقد يا الإصلاح سعما انتوا

لصــف صـنـعـاء بـسـم الله.. روّحنا..؟
ولا على الدعس واصل قد تعوّدتوا!!

#عبدالقوي_البطل

وشيمة العفو تبدوا في نصايحنا
منذوا البداية لكن ماتعقلتوا

كان قصدكم تدخلوا امريك تذبحنا
وتحكمونا إذا ما قد تمكنتوا

#صالح_حسين

ياخونج الاصلاح دعوه ذي يبا معنا
يعجل بعمره وحيا دامكم عدتوا

وان ماتبو الحق قدكم ذي بكم لعنا
لعنة وهونا تخاذلكم وماخنتوا

#جمال_الماوري

يا حزب الاصلاح أفسدتوا وأصلحنا
فرصة لديكم ليصلح كل ما افسدتوا

لا انتم أجبتوا ندانا حين صيّحنا
واحنا معاكم نجاوب عندما صحتوا

#سجاد_نشوان

ياحزب الاصلاح مابنهّمك الا احنا
ماورع سلمان ماهو داري اين انتو

لاذمتي ماتشوفو خير لــو رُحنا
لو ماحد احنا في الشعب ان قد متو

#قاسم_السقاف

ياحزب الاصلاح كم قلنا وصححنا
نسعى لصون البلد وانتوا لها بعتوا

جلبتوا الغزو والعدوان يذبحنا
والان قد طائراته ضدكم خبتوا

#شاعر_بلاد_الروس

كم قد دعينا وطالبنا وصرحنا
لوما اتبعتو ولد سلمان مااهتنتو

عودو وكافي شوفو وين اقد اصبحنا
نصنع صواريخ وانتو وين اصبحتو

#الشاعر_ابوعطان_الشامي

كم يا وكم قد دعيناكم وصيحنا
وانتو رفضتو دعانا بعدما تهتوا

احنا علا مريك وإسرائيل قرحنا
وانتو معاهم علا شعب اليمن قمتوا

#أبوخارف_ابوشوصاء

ماينفع الحبه السوداء ولا الحنا
مادام ونتو مع أمريكا تحالفتو

مادام والحلف يذبحكم ويذبحنا
ويدمر الشعب ذي بالأمس له بعتو

#ابورازح_القعود

كم قد نصحناه وصرحنا ووضحنا
وان المغفل مغفل حزبكم وانتوا

ياحزب الاصلاح اصلحكم واصلحنا
بعتوا يمنكم ولاذلحين ماتبتوا

#ابوهادي_الجامع

قلنا الحقيقه لصالحكم وصالحنا
عودوالى الشعب لجل الرتاح ورتحتوا

عدوان غاشم يصبحكم وصبحنا
على الجميع قدنوا ماقصده الاانتوا

#أبوفايد_علي_أبوشوصاء

دعوة إخا وافهموا واللي يكافحنا
يصلى المنيه وانتوا عننا شفتوا

كونوا كمااحنا فيِ الميدان سبحنا
بمنهج الله ثرنا يوم ما ثرتوا

#زاهر_الرصابي

يا حـــزب كـــم قلــنا وكــم صحنا
الجسم واحد وانتم ما تجـــاوبتوا

واليوم هذه العواقب ما تناطحــنا
ولكنها ناطحتكم فـــ ليش رحبتوا

#ابوالفتح_الجرادي

عدوان عدوان. نادينـــــا وصيحنا
ونتو فرحتو وشاركتـــو وصفيتوا

وقلتو اسبوع ولااثنيـــن وروحنا
لاكن بقينا عـلا المشهـد وروحتوا

#عارف_شرده_أبومقدام

ياكم نصحنا ووضحنا وصارحنا
ومافهمتو وضليتو كما كنتوا

إن باتعودو تغاضينا وسامحنا
مالم فذوقو نهايتكم بما خنتوا

#ابو_سام_محمد_القحم

ياحزب الاصلاح كم صحناوكم صحنا
ولامن الظلم والافساد واقّفتو

من يوم ماقمت صاح الشعب طيّحنا
واليوم من ارض شعب الحريه طحتو

#محمد_رطاس

ولو في الظم دمتم مايفرقنا
الظم والحكحه مانتخذ فيتو

دام والإخاء والوطن يااصلاح مصنعنا
عودو وللنذل بالاقدام كن شوتو

#الكرار_الجبر

ياحزب الافساد يكفي بيننا شحنا
وذي حبكتوه فينا له توصلتوا

بالقصف للأبرياء كان تعمل الحنا
وبعد ما ذقتوا الغارات صيحتوا

#ابوراكان_السحاري

من قلب طيّب على الشاشات صرّحنا
ولا قبلتوا النصــايح. غير عندتوا

واليوم ذي جاء على أيديكم وحاربنا
يدعس أبتكم ولا أنتوا ذي تحاكيتوا

#ابوفتح_الاشول

شوفوا كم الحق غثاكم وفرّحنا
والحق ظاهر وعن غير الهدى ضعتوا

الغزو للشعب وأمسيتوا كما أصبحنا
دعوة إخاء, دونها في دربكم موتوا

#أبو_جبريل_بحجوج

ياحـزب الاصلاح بسم " اللَّـه " سبحنا
وانتوا باسم امريك واسرائيل سبحتوا

ياتركبوا مـعـنـا " السفينه " او تطاحنا
نعيش احنا وسيدنا او الامركه وانتوا

#محمد المروني

طاح الذي بـ العدوا راهن وما طحنا
تستاهلو يوم للباطل تقافزتوا

كم قد نصحنا وحذرنا وصرحنا
واليوم ها شوف ما فلحتم وما نلتوا

#الشاعر_ابو_صماد_الفليتي

ياحزب الاصلاح كم قلنا وكم صحنا.
وكم نصـــــــحنا تحالفكم ولاطعتوا..

غــــــروركم والــغباء قد زاد واتحنا.
فـيكم ومن بغيكم في شعبنا طحتوا.

#الكرار_العقيبي

ان تشتو الصلح ياالاصلاح تصالحنا
نوحد اصفوفنا يامرحبا جيتو

نقاتل الحلف ذابحكم وذابحنا
ان تقبلو وان ماشي طز بك موتو

#الشاعر_رايد_الخمري

سبح بحمده كما في اليل سبحنا
وطرد أمارت حلف ابليس او خفتوا

وقراء سور نون والاحقاف مطرحنا
على من أمن برب الكون أو خنتوا

#إتحاد_الشعراء_والمنشدين

https://t.me/aboyahyaalshami

المجاراة رساله إلى مشايخ واعيان قبايل حضرموت .

البداية لشاعر #ابوصالح_العملسي

في حضرموت الحر نكف صاحبه
والامركه تحرق ويحرق كـــرتها

مادامـــها للــمـــتقـين العاقبه
نادو مــشايخها الأبـيه وقتها

فزعه على حلف العماله قاطبه
والثار في اسرائيل والا فختها

#ابويوسف_القاري

صاحت حروفي والمشاعر غاضبه.
من بعد صوره في المواقع شفتها.

ياللخزا ياكل حامل شاربه.
وين الحميه يلعن الله بختها.

ذي ما تشله غيرته وتعاتبه
اخس من تاك العجوز وبنتها

#الشاعر_فرحان_السلامي

شـب النكـف دام الحميــه لاهبــة
و حضرموت الموت عجّل موتهـا

امـا تكــون اشــوارنــا متقــاربـــة
من قبل ما نسمع قد الوقت انتها

يا حضرموت اين النجوم الثاقبة
الامـــركــة لا يعتـــريكــم سبتهــا

#بلال_الشجني

يا حضرموت عاد الخطوط متقاربه
يا الله أسألك واطلبك لاهنتها

قد شمسها نحو المتاهه غاربه
مادام الأمريكي خرج من تحتها

كيف بايسبرها وقدها خاربه
ويشوهو بالام جانب بنتها

#ناجي_القطيبي

ياحضرموت الغزو حرّك قاربه
والقبيله قد طال فيكم صمتها

قد الامم في بحركم متكالبه
اتحرّكو ياقوم نحرق كرتها

الجيد اذي يصمد بيوم النايبه
والامركه لاتحنبو في سُحتها

#ابوحنشل_قاريه

كلّن يحدد موجبه من سالبه
من قبل ما الاسلاك يلمع شُرتها

لاشبّت النيــران تصبــح لاهبـه
والـنار امــريـكا وداعــش إرتــها

يا اعيان وشيوخ الحضارم قاطبه
موقف مشرّف قبل وقت الإنتها

#علي_الشعيثي

ياحضرموت اين الجيوش الضاربه
ذي تجعل امريكا تشاهد موتها

اين القبايل والرجال العاصبه
من بعد مالكافر وصل لابيتها

انشي كرامه فوق بقعا الكاذبه
ولا ادفنتو ياقبايل تحتها

#حسين_شرويد

دام القبايل في الخطا متواكبه
يأبى كتاب الله تقبل صمتها

فضت على امريكا المنايا صاخبه
وعيال إسرائيل عوّد سبتها

لا بد ما القوات ترجع خايبه
وعرشها باننسفه من تحتها

#ابوبدر_ذيبان

يا حضرموت اين الرجال الناجبه
احفاد الانصار. كاشفين كرباتها

هاه لا تدنسها اليهود الغاصبه
هبووو عليها واحرقوا قواتها

جند اليمن بقوة الله غالبه
والباس باس الله في هداتها

#مناع_شريم

قل للجنوب يبشر شماله جانبه
وحضرموت البأس يشهد صيتها

الشرعيه والانتقالي الهاربه
باعت عروبتها وباعت بيتها

بحضن امريكاء وصهيون حانبه
الله يلعنها ويلعن سبتها

#عباس_الصياحي

ياحضرموت العز دعوه قاطبه..
صرخه بوجه الأمركه وحذاتها..

هبّة قويه حيدريه غاضبه..
البهطله ياصحابنا مش وقتها..

وكل حُر احنا نكون بجانبه ..
ومن صمت مافاد الامه صمتها..

جريح الحرب #رفيق_زرعان

الكـل يفـزع خبـرته وأقـاربه
نبيد جيش الغزوا في قواتها

نحو المكـلا ننطـلق ونواكـبه
في حرب. أعداء البلاد أمواتها

با ترجع امريكا من ارضي خايبه
في حال سلمت من لظى غاراتها

#صالح _النقيب_الجوفي

ياعيان في صف الوطن متجاوبه
قولو لذي هو معتدي زودتها

من السيوف الحضرميه حاسبه
عيشو بعزه وادفنوهم تحتها

من ساحبال أذل تقطع غاربه
ماتنفلت لامانت ذي فلتها

#ابوعبدالله_صالح_عنبل

النذل قد باع السياده قاطبه
لا هي تساوت له ولا انته ذقتها

الذيب يعرف بالخطر والنايبه
يا حضرموت العز هذا وقتها

عانق رجال الحق واهل الصايبه
تفخر خيول العز لانته سقتها

#ابراهيم_الشرفي

في حضرموت الموت قَطَّب حاجبه
يلقى العدو سوء الجزا في خبتها

ما دام فيها احرار وانفس غاضبه
يـا بـخـت أمريكا اللعينه بختها

با نحرق امريكا وذي مش عاجبه
يحرق مع امريكا إذا جا وقتها..

#ابتسام_شرف_المحطوري

الخزي لطخ من تجاهل واجبه
من فرطو في العِرض وارضه فتها

ياللاسف وين الرجوله حانبه
لجل الفلوس والمال ايمانه انتهى

كل المواقف للمشايخ سالبه
قل المشايخ مانفعها صمتها

#ابوكنعان_الروس

يامن دعاني لا النكف باجاوبه..
وبندقي من فوق كتفي شلتها

ذيما فزع وقت ماهي لاهبه..
لاعاد يجينا بعد ثالث موتها

لاما يفيد تعليق ومنشور كاتبه..
ولا التواصل في مواقع نتها

#ابوراكان_السحاري

وين النشاما من عدن لا الحاربه
هبّه على إمريكاء وهاذا وقتها...

قولو لمن هم علـ اليمن متضاربه
في حضرموت إمريك تطلب سبتها

يلعن أبوه الي رضي في صاحبه
ممقوت فوق الارض والا تحتها

#ذوالفقار_سفيان

فالمعركه كلين يدي واجبه
يالعن ابا امه استحبت صمتها

الحل واحد والروئا متقاربه
واليد ذي خانت نوينا محتها

وشمس أمريكا اللعينه غاربه
مادام يالله لليمن قد سقتها

#امين_العملسي

يااحفاد حيدر ياالكفوف الضاربه
لي جندلت روس العدا ضرباتها

قال المثل لي مايغبر شاربه
مادسمه هاذه حقيقه شفتها

وذي مايصد المعتدي ويحاربه
وقت وعمره في المذلات انتها

#ابونجران_عزالدين_المرادي

الوقت يحسب والمثاني حاسبه
وحضرموت اليوم حامي واقتها

كلين بايبذل في سبيله واجبه
فوق العدو شوت العماله شوتها

بانقضم الغازي وننتف شاربه
ونلامس الغازي ونحرق شرتها

#ابوخارف_ابوشوصاء

ذي ماتعور قبح الله شاربه
قد الرجوله فيه حارق كرتها

تابع المجاراة العاشرة عن الخروج الكبير المشرف يوم السبت المقبل ذكرى المولد النبوي الشريف وآثاره ونتائجه .

#أخت_شهداء_البكالي

في سبتنا لبيك ياسيد العرب
لبت لك الاكوان ترحيبا وطيب

نستعجل الدقات والوقت اقترب
نحييك في الوجدان ياعون الغريب

#أحـمـد_الاهـــدل

شعب اليمن كله الى الساحات هب
ياسيــد الســــادات لداعي مجيب

حشود تتقارح على إمـريكا غضب
لبيــك ثم لبيـــك (ياطه )الحبيب

#أبوأحمد_الوايلي

ايام سوداء مقبله يابو لهب
باتحترق فيها وباتلهب لهيب

جهنم الحمراء لمنهوه رسب
وجاحد القران له منها نصيب

#ابوراكان_السحاري

وبدايت النصر العضيم إلنا .أقترب
ونهاية الحلف أصبحت ضني قريب

بفضل ميلاد النبي جيشي غلب
قوات واشنطن..وداعمها الغريب

#عيسى_الهروجي

صحت ولآنــآ للرسول المنتجب
فوق الثرياء نجم صادع لن يغيب

والسبت موعدنا لتنفيذ الطلب
ياكل مؤمن لب للداعي وجيب

#عبدالله_القبلي

ياسيدي رهن الاشاره والطلب
نحضر في الفرحه وف الوقت الصعيب

مثل السيول الدافقه للمزن صب
في مولدك يتبلسم الجرح العطيب

#عبدالله_حسين_مسعود

الشعب في ذكرى النبي لاهب هب
والوعد يوم السبت والموعد قريب

با يوعد اهل الشرك ميعاد الغضب
ذي يجعل امريكا من الواقع تغيب

#أبوحسين_العصري

لبيك من صنعاء ومن وسط القتب
لبيك من صعدة ومن غولة عجيب

يا خير خلق الله شعبي قد وهب
في حبك الأرواح والغالي بطيب

#ابوغبري_الغبري

مثـل الذهب شعب اليمن مثل الذهب..
ما اتغير المبدى ولا الساس العريب..

يوم الحيا والـدين من غيــره ذهــب..
كان الي استمسك وكان المستجيب...

#علي_الشعيثي

يايوم لاقد شافك الكفر ارتهب
وجرح ال البيت لاشافك يطيب

ذي منع ابتكم ياسلاحي والجعب
هبو جماعه من بعيد ومن قريب

#ابوالكرار_المجنحي

ياشعب أمن باالرساله واستجب
وساند المختار في الوقت الصعيب

لي منعكم لا يعتذر حامل سلب
السبت موعدنا حذاري حد يغيب

#جمال_الماوري

لا قد ذكرتوا حادثة جمع الحطب
كي يحرقوا ابراهيم في نار اللهيب

شعبي تجمع واحتشد كله وهب
يصْلِي بني صهيون من مجرى القصيب

#فايز_الحمزي

قولوا جميعاً يارجال قولوا وجب
المؤمن الصادق لربه يستجيب

نفرح ونستبشر بما ربي وهب
وخصنا نحن اليمانين بالحبيب

#ابو_صماد_الفليتي

وجب علـــــــــــــينا يارجال الله وجب..
نفرح ونتـــــــــــــباها بـ سيدنا الحبيب..

والكل يوم الــــــــــــسبت لساحه ذهب..
في مولد المخــــــــــــتار لازمنا نجيب...

#الشاعر_بشير_الشامي

الكل هذا السبت خرجه قد وجب
من اجل مالاعداء ويشوفوا للعجيب

وتكون نهايه للعدو وابو لهب
والحشد عندي فاليمن ماهو غريب

#ابوقايد_عون

انضر لهـذا الشعب نضره عـــن كثب
تــلقى رســــول الله طِبه والطبيب

في عصرنا الحاضر وفي كل الحُقب
في حربنا القادم وفي حرب الصليب

#الشاعر_ابوعاقل_المنبهي

يوم السبت بايخرج احرار العرب
في حب طه الكل للداعي يجيب

شعب اليمن على جبينه قدكتب
لبيك يا طه ونصرالله قريب

#جواد_محمد

في يوم ميــلاد النبي شعبي يهب
ويحشد الساحات في مشهد مهيب

من عاصمة لانصار لا صعده وإب
(لبيك يا طب المواجع والطبيب )

#صالح_الدباء

سبت اليمن بايحضره كم من شنب
وانصار طه عند ظنه ماتخيب

حمى اللحى لاما عملنا ذي يجب
لابد نتجمل ونصرالله قريب

#ابوجبريل_شريف

بايحتشد شعبي ولبيناالطلب
يااطهربشراختارك الله الرقيب

احفاد من آووك من شربولهب
الاوس والخزرج وقالوالك لبيب

#مصطفى_محمد

حضورنا في السبت يجتاز العجب
ويذهلو منه بعيدة والقريب

ومنه العدوان بايحرق غضب
ويموت في غيضة بميلاد الحبيب

#ابوعمار_هاشم

يخساء تحالف نجد ويخساء بو لهب
واحنا ارتشفناء حب طه فل الحليب

ومن يحط النار في وصط الحطب
باتلهمه ذي يحسبنه شخص ذيب

#ابوهادي-الجامع

نهايت اعدا الله في يوم قد قرب
تمرض قلوب الشر ولاتلقا طبيب

في مولد الهادي نبادر ونحتسب
وياكيف مانخرج ونفرح بذا الحبيب

#ابوزكريا_المأخذي

الحمد لله حمد دايم ما كتب
له كل شاعر في اليمن ولا اديب

في حب طه من به اتجلت كُرب
والفرج زلزل عنى الوقت الصعيب

#الشاعر_ماجد_القادري

حبي النبي دائم على شعبي وجب
من وسط صنعاء لا تعز ثم حريب

وتحتفل صنعاء وبيروت او حلب
والكون في ذكرى محمد يستجيب

#الشاعر_ايمن_العصري

باالذات هاذا السبت بايلقو التعب
وبايشوفو يوم في المولد صعيب

هم هاكذا الكفار في الدنيا عجب
يشتو فقط نغلط ولامره نصيب

#ابتسام _شرف_المحطوري

هيا الى الساحات يااصل العرب
في مولد المختار هادينا الحبيب

نجــدد البيعـة ونأخـذ بـاالسبب
نعلن ولانا في زمن اصبح مريب

#ابورائد_السعدي

الوعد والميعاد والعهد اقترب
يامولد المختار ترحب بك نهيب

تبت يداسرائيل واذناب العرب
بايعرفوا قيمة محمد عن قريب

#ابوزايد

ياربعنا في حب طه قد وجب
نخرج نبيض وجهنا عند الحبيب

باخرج مع ربعي وللساحه نهب
ونترك المخذول بغيضه ما يطيب

تابع المجاراة عن الذكرى السنوية للشهيد .

البداية #وضاح_الحميصي

قتله مع الله مجرد فاصل اعلاني
من واقع المعركة لا عالم الرضوان

الله باقي وما فوق الكرة فاني
ونايلين الشهادة في ذوات افنان

ارقى نماذج لاعظم جانب انساني
اتوا من الفتح والانفال والفرقان

#الشاعر_يوسف_الحداد_ابوحيدر

كلين نحوا الشهاده منطلق سانـي
والبذل في شعبنا فايق على الحسبان

يتسابقوا صوبها شيبه وشبـاني
باعو من الله سبحانه عظيم الشان

والله اصطفاهم الى جنات عدناني
واحنا على دربهم نمضي مدى الازمان

#ابوبرق_الصباحي

لله صلاتي واذا قدمت قرباني
نسكي دمي في سبيل الواحدالديان

درب النبيين منهاجي وعنواني
وأعظم وسام الشهاده ليس بالحسبان

كافي من أستشهد أنه حي ياخواني
وعند ربه وضع له منزله ومكان

#يعقوب_الخمري

هيــهات منا الخضوع ياكل شيـــطاني
يا من رضيتوا بعيش الذُل والخُسران

دام الــولا للعـــلم ساكــن في أجفاني
قـد بعــت روحي لمن قد علّم الإنسان

فيـــنا الآباء والشجاعة دافع إنساني
نـقــتُل ونُقــتل حتى نحــرر الأوطان

#ابومشعل_ذويب

لولاالشهيد ماابتنى في صرح الإيماني
لبنه من المجد اومن عزة الإيمان

عشق الشهاده جعلناشعب متفاني
مع العلم في مسيرة كلها احسان

شعار البراءه به القرآن وصاني
ومفرداته اتت في محكم القرآن

#الشاعر_زياد_زيـد

هولا مع الله فازوا طول الازماني
يهناهم الفوز في جنة الارضوان

على خطاهم نجدد عهدنا عاني
إنا على دربهم نمضي في الميدان

نواصل النهج على درب الشهيدهاني
ذي جسداعضم مواقف في رضاالرحمٰن

#الشاعر_ماجد_عبدالله_القادري

ذكرى الشهيد اليماني عز ايماني
والفخر دائم لكم ياموطن الايمان

من دمهم زاد بالإيمان عنواني
دائم على قلبنا الاسم والعنوان

الذكرى شهيد التفاخر كل قيفاني
أخي ورزحي ابوبشار أخي غيلان

#ابوصخر_الجوحمي

اخواننا الشهداء فازوا برضواني
صاروا ضيوف الاله الواحد الديان

ضحوا بأرواحهم لله قرباني
من اجل نحيا بعزه دائم الازمان

نبقى على دربهم وندحر الجاني
وحماية اعراضهم واجب من الرحمان

#ابوعلي_الشبواني

الفضل لله ذي اكرم خير لخواني
الي اصطفاهم الاجنب النبي ضيفان

من قول اعدو اعدو الروح له عاني
واتسابقو في سبيل الواحد الديان

واحنا، علاء العهد بعد الثاني الثاني
بانكمل الدرب قاده والويه واركان

#ابوفتح_الاشول

هذا هو الفضل للقاصي وللداني
فرصه للإنسان يلقى الخير والرضوان

من يشتي الفوز يمشي خطنا الساني
ويرفض الكفر ويجهاد قوى العدوان

ويصرخ الموت واللعنه على الجاني
ويلتقي وعد من رب السماء المنان

#ابونوح

مؤمن مجاهد مع ربي ومتفاني
وأختاره الله ليسكن جنه الرضوان

نمضي بنهجه وهذا النهج عنواني
نهج الشهيد العظيم الشاجع الطعان

سجد قصيدي وفيك أنشأت أركاني
والحرف حيران في حضرة عظيم الشان

#ابوغزه_فرحان_العبدي

حيى مع الله نادى صوت قرآني
ولبوا الصوت كمن حيدري طعان

رجال باعوا من الله روح وابداني
وخلدوا ذكرهم يبقى مدى الأزمان

دماهم اروت تراب وحد الأوطاني
وربي اجزل عطاهم داخل الرضوان

#الشاعر_علي_الوزير

بـاعو من الله كمن قرم مـتفانـي
وجددو مع رسولةبيعة الرضوان

ومثلو في المعارك شعب ليماني
حين افتدو الشعب بالارواح والابدان

وبعشقهم للشهادة عرفو الـجانـي
ان اليمن موطن الايمان والشجعان

#ابوحسين_رقبان

فازوا بدرب الوفا حمران الاعياني
بجنة الخلد والفردوس والرضوان

وجسدوا بالولا في كل ميداني
لال بيت النبوه والولاء عنوان

عاشوا على دربهم قاده وفرساني
وفي ولاهم تربوا للوغى شجعان

#مختار_البحري

يهناهم الفوز رجال وافين شجعاني
يقدموا روسهم في خدمة الإنسان

علئ خطاهم نسير الثاني الثاني
جزاء رجال الوفاء الاحسان بالاحسان

باعوا الجماجم في أشرف موقف إنساني
ثاروا بوجه الطغاة ثورة كما البركان

#حمد_بن_ثيبه

يهناه من فاز وستشهد من اخواني
الي معا ال النبي من بدر لا مران

كم جمع دكوه من حلف المريكاني
الذيب معروف لا هاجم قطيع الضأن

يشاركوا في معاركنا على الجاني
أرواحهم حاضرة مافرقتنا سوا ابدان

#الشاعر_ابو_تميم_الافجم

طوبى لمن باع نفسه مثلما هاني
لله بيعة هنيه بـ ارخص الأثمان

وفي سبيل الذي سواه وسواني
حرك جواده وداس جحافل الطغيان

تالله ما ذل وتراجع ولا اتواني
حتى قتل واصطفاه شهيد عظيم الشان

#ابوراكان_السحاري

الفوز محتوم ياربعي ويا اخــواني
يهناء الشهيد اللقاء باالخالق المنان

أختار نيل الشهاده.غير متواااااني
مأأنذل والاتهاون في لقاء العدوان

من دمّه الطاهر أحيا جيل متفاني
يأباء حياة الخناء والذل للطغيان

#الشاعر_بشير_الشامي

فينا العطاء للشهاده نهج قرآني
من صورة النصر والإخلاص والدخان

لجل الكرامه يسير الثاني الثاني
ويكون رأس اليمن مرفوع للاوطان

مادام وحناء مع سير عدناني
بانهزم الكون والعالم مع امريكان

#الذكرى_السنوية_للشهيد_1444ه‍
#إتحاد_الشعراء_والمنشدين

https://t.me/aboyahyaalshami

المجاراة عن الابطال الثابتين في متارسهم رغم قسوة الشتاء.

البداية #ابوراكان_السحاري

سلام الله على كمّن سنافي
في الجبهات مسلوله سيوفه

مرابط في الشدايد والعوافي
عدوه يرتعد ساعة يشوفه

مع الله والعلم ثابت ووافي
ولايحمل على الدنيا حسوفه.

بذكر الله والتسبيح دافي
وبرد المرحله ماهز جوفه

المجاراة عن الابطال الثابتين في متارسهم رغم قسوة الشتاء.

البداية #ابوراكان_السحاري

سلام الله على كمّن سنافي
في الجبهات مسلوله سيوفه

مرابط في الشدايد والعوافي
عدوه يرتعد ساعة يشوفه

مع الله والعلم ثابت ووافي
ولايحمل على الدنيا حسوفه.

بذكر الله والتسبيح دافي
وبرد المرحله ماهز جوفه

#أبوحسين_العصري

ثباته كن هو موقف خرافي
متى ما كثف الباغي زحوفه

يرد الخصم قتلى او مشافي
ويلقى جمعهم منه حتوفه

جنوبه والمضاجع في تجافي
ونفسه عن هوى الدنيا عزوفه

الا يا الله عينه وانت كافي
عبادك واحفظه من كل عوفه

#ناجي_القطيبي

انا سجّلت فى الشعر اعترافي
لمن يعلن مع (الباري )وقوفه

ويمشي داخل الجبهات حافي
تشوفه مثل (طومر) في زحوفه

وعلمه فى الحرايب علم شافي
اذا، راه العدو فِيْطير (صوفه)

سلامي له معا سجع القوافي
يصل ذلحين ويْقَبّل (كفوفه)

#عزالدين_جحاف

وماهمه إذا ماسار حافي
ولو يلقى في الهيجاء حتوفه

وماهمه معاناة الحرافي
يهمه الشعب تتحسن ظروفه

يهمه دحر قطعان الجلافي
يهمه الشعب تتماسك صفوفه

أنا اشهد مايوافيه أي وافي
ولايقدر أحد يبلغ وصوفه

#ابوسياف_البيحاني

عليك الله يا ابو قلب صافي
وصابر محتسب ثابت وقوفه

مضحي في سبيل الله حافي
ولا جاكت معه يدفى بصوفه

وثق بالله..سبحانه وكافي
ولا يشكي على العالم ظروفه

انا اشهد انه كافي. ووافي
ويسعد ناظري في يوم اشوفه

#الشاعر_أخوهيثم_نضال_حُميد

رجل مؤمن مجاهد عذب صافي
مع الله منطلق ماشي يخوفه

على روس الشوامخ والفيافي
صمد من دون ماخصمه يشوفه

وفصل من صلابتها كوافي
وخيط من مراعيها كفوفه

وداس اركابها واشعاب حافي
ولا برد الشتاء غير ضروفه

#الشاعر_صالح_النقيب_الجوفي

حماة الحد في كل الفيافي
نسيج العز دفاهم بصوفه

مجاهد داس برد اليل حافي
وماسك بلكرامه في كفوفه

ولاهمو شتا السبع العجافي
سكينه داخل المترس تطوفه

عدو الله كم سوى التفافي
ولاكن بأسهم دمر زحوفه

#ماجد_المطري

تذكَّر وانت فـــوق الفــــرش دافي
وكــم من شهـــم مــا بارح وقوفه

يذوق البرد كنه شهــد صـــــــافي
ويستحلي مع البـــــاري ضـــروفه

وتحمى الأرض تحت اقدام حافي
تلحَّف متــــرسه والرمــل صـــوفه

وشغل البعض بالشـوط الإضـــافي
والأرجنتيـن كنَّـــــه في صـفــوفه

#الشاعر_متاش

لهم منا سلام الله قافي
وشهد القول من اجمل حروفه

وجنه كلها من نهر صافي
وحور العين في الجنة تشوفه

لهم صغت المعاني والقوافي
وروحي في محاربهم شغوفه

رجال الله كمن قرم وافي
في الجبهات مايوقف وقوفه

جريح الحرب #رفيق_زرعان

انا في البيت متلحف ودافي
وهوه في البرد بيكثف زحوفه

مع الله يقتحم في البرد حافي
ويجتاح العناء واقسى ظروفه

مجاهد في سبيل الله وافي
سلام الله على جلده وصوفه

وجلد الوجه له يرجع لحافي
اذا برد الشتاء دقت دفوفه

جميع الشعر وانواع القوافي
قليلة عند من يهوى حتوفه

#عدنان_جحوح

مـرابط في الرواسي والفيافي
تعوّد بالتفاني من زُحُـوفَــــه

غضنفر تحت موج البرد حافي
كمثل الطود شامخ في وقوفـه

أسد مغوار طول الوقت وافي
مع الباري تأقلم في ظروفه

ففي وصفه بتحتار القوافي
ولا شاعر جَزِل تُوفِي حُروفه

#محمد_الداهية

وعاده داخل الـجـبـهـات حـافـي
وعالي الـمـعـنـويـة فـي وقـوفـه

مـن الـرمـلـه فـرشـه لا خـلافــي
وثقل الحرب بتـشـيـلـه كـتـوفـه

وتـلقاه لا ضـوى زاور حـرافــي
ورب العرش يعلم كيف ظروفـه

إلهي يـحفـظـة مـن كـل خـافـي
عدد ماجاء في القـرآن حـروفـه

#علي_العسكري_المكلي

سلام الله عليكم يا المطافي
لوجعة شعب ما يشكي ظروفه

رجال الله كمن قرم وافي
في الجبهات ثايرهم تشوفه

متارسهم حرم كرار صافي
حشود النصر و العزة تطوفه

#أبـو_رمـاح_شـداد

قهر جوالشتاء بالحرب دافي
مكيّف كيف ماكانت ظروفه

وخصمه في مذله وارتجافي
ولاشاف المجاهد زاد خوفه

أحيي قرم بالجبهه مواافي
مجاهد بالولاء كامل وصوفه

وتسجد له حروفي والقوافي
لشكره هاجسي رتب صفوفه

#ابوشهيد_القطمي

لهم تسجد حروفي و القوافي
وكم شاعر لهم تسجد حروفه

سكنهم و الدفاء رووس الفيافي
وروح الجيد في الجبهة شغوفه

مع الله ضد الأحلاف الجلافي
يبيدوا الشر و يصدّوا زحوفه

شتاء أو صيف ما فيهم خلافي
يحني الذيب من البارود كفوفه

#ذوالفقار_سفيان

قسم مـا بـا تـوافيهـم قـوافـي
سوى الجنات ذي داني قطوفه

هنا كمّـن بـطل مـقدام زافـي
الى رب السماء سـاند كتوفه

هنا الاحرار والقوم الصوافي
تحدو الكون في اقسى ظروفه

قلو لاهل السلاسل والكوافي
إذا جا الخصم والله ما يروفه

#عبدالواسع_صايل_الغولي

الا ياعالم اسرار الخوافي
دعوتك دعوة المشتد خوفه

اسالك يا الهي ان تعافي
من اشتدت في الجبهة ظروفه

و خليه من هموم الوقت صافي
وقوي ساعده واسند كتوفه

هم الأقوى ودونهم الضعافي
وهم عز اليمن واغلى حروفه

#محمـد_مجلـي

زنـاد اليـــد والشـاذر كوافي
ويرصد كل ماحوله يطوفه

واشـد البرد مايقرب لحافي
وعين الله من فوقه تشوفه

تابع المجاراة عن الابطال الثابتين في متارسهم رغم قسوة الشتاء.

البداية #ابوراكان_السحاري

سلام الله على كمّن سنافي
في الجبهات مسلوله سيوفه

مرابط في الشدايد والعوافي
عدوه يرتعد ساعة يشوفه

مع الله والعلم ثابت ووافي
ولايحمل على الدنيا حسوفه.

بذكر الله والتسبيح دافي
وبرد المرحله ماهز جوفه

#أبومالك_الكوماني

سديدين الظواهر والخوافي
اطاحوا ف العدو وافنوا زحوفه

بكمن قرم خاض الحرب حافي
وحاز السبق في قاسي ظروفه

بنى بايمانه المجد الإضافي
ومن زاكي دمه صدر حروفه

سقى العدوان كأس الموت صافي
واذاقه ف الوغى كامل صنوفه

#ابوناصح_العزي

سلام الله على صاحي وغافي
في المتراس ماهمه ظروفه

يدوس المعتدي بأقدام حافي
وسقاه المذلق،من كفوفه

ثباته درس للاجيال كافي
صموده مدرسه تكمل وصوفه

شحن قلبه بعلام الخوافي
ولا للبرد شمل جلدصوفه

#ناديه_السقطي

الى كمن بطل وسط الفيافي
مع الله انطلق واعلن وقوفه

تحية نصــر تُرفع بالقوافي
لمن اسقى الغزاه دلة حتوفه

ثباته في سبيل الله خرافي
بايمانه تعـــدا كل خوفه

رجال الله كمن قرم حافي
قهر برد الشتاء باقسى ظروفه

لهم منا الدعاء من قلب صافي
وماخاب من رفع لله كفوفه

#عيسى_الهروجي

حروف الشعر تعجز والقوافي
على كم من بطل تكمل وصوفه

اسد كرار فوق الجمر حافي
على حر اللضاء مثل وقوفه

كفاها الله ربه خير كافي
وأمن ممن الخيفات خوفه

شموخه فاق هامات الفيفي
وعانق في سماء العزة قنوفه

#شهاب_المتوكل

وجندي الله في الجبهات حافي
ومتلحف بصخر احنا نشوفه

ورغم البرد هوبالحق دافي
ولايهتز جلده او كفوفه

من اجلود العدا فصل كوافي
ومن دمهم دفي صدره وجوفه

خرافي في بطولاته خرافي
ولطف الرب والرحمه ضيوفه

#بشير_سفيان

سلا الله لكمن جيد وافي
في الجبهات بيرتب صفوفه

مجهز عدته لأجل الطوافي
ملبي محتزم درعه وسيفه

مع الله مرتبط والله كافي
ومن يخلص معه هيا ضروفه

ومن هول الشديد ما يخافي
ومن ربي معه من با يخيفه

ذكر الله دواء القلب شافي
تسطره الملحم لي نشوفه

#الشاعر_زياد_زيـد

في الجبهه صمدروس الفيافي
مع الرحمٰن قد وحد صفوفه

مع الله موقفه شاهد وكافي
في الجبهات حن نفذ زحوفه

امام الخصم في الميدان حافي
ورغـم البرد قـد اعلن وقوفـه

#عدنان_سالم_الذويبي

على روس القمم وسط الفيافي
رجالن ما اشتكوى الجو وظروفه

ولااحدن منهم علن للنصرافي
ولا لدفى قدم له بروفه

من الله باع ف حربه والعوافي
غريزه ساكنه في وسط جوفه

وطبع الصبر به ظاهر وخافي
شتاء او صيف ما اتزلزل وقوفه

#ابوشامخ_المهدي.

عوافي قل لهم ياخي عوافي
مدام الحق يتعدا صروفه

ضهر من بندقي ما كان خافي
وقاتي في يدي داخل قروفه

وما عمر الشلي يشكي حرافي
ولو في الفطر ياكل له نشوفه

زبادي عندنا اطعم من خرافي
علا الباطل وذله في صفوفه

#أبوزيد_الزبدي

غرقت اليوم في بحر القوافي
وشعري جا يشارك في حروفه

مع ربي نفرنا بثقال وبلخفافي
ولاجا الحلف مانخشى زحوفه

معك يا سيدي لاخر مطافي
على الاقصي ونظرنتا نشوفه

عهدنا ان بلاقصى الطوافي
ومنهوا بلخليل يرحب في ضيوفه

#إتحاد_الشعراء_والمنشدين

https://t.me/aboyahyaalshami

المجاراة (٥)
(تحالف العدوان يستهدف جبهتنا الداخلية عبر ادواته وعملائه )!!

البداية #يوسف_الحداد_ابوحيدر

ياشعب الانصار الأبي ياشعبنـا
الوعي ثم الوعي ياشم الإنـوُف

يبقى التعاون صرح شامخ بيننا
والصبر والايمان في كل الضـروف

المعتدي يعمل على تدميرنـــا
بحربه الناعم وبعثار الحــروف

طابوره الخامس يخيم حـــولنا
يسعى ورا زرع الفتن بين الصفـوف

#عزالدين_جحاف

في الوعي والإدراك مافي زينا
ومانبالي في الوغى حر السيوف

بالحكمة والإيمان ربي خصنا
واحنا أقوياء بالله والأعدا ضعوف

يامن نوى أنه يشتت شملنا
نقسم قسم بالله مولانا الرؤوف

لانجعلك بالله تتمنى الفنا
ونجحفك بالوعي والاقدام جحوف

#هادي_حسين_الرزامي

من بعد عام ألفين ربي عزنا
بالسيد القايد ووحدنا الصفوف

وزادنا بالوعي واصلح وضعنا
بالهدي والصرخه تحدينا الحتوف

مابعدها إلا حرب طاحن فوقنا
وزحف يرجع ثم تجي بعده زحوف

والوعي يتنامى بكل اوساطنا
من اين ياتي بعد هذا أي خوف

#الشاعر_متاش

لكن بعون الله يلقى مننا
تحالف العدوان واذنابه حتوف

ماقد ولد ذي بايخرب صفنا
ولا قد امه جابته بين الكشوف

دام العلم قائد مسيرة شعبنا
بانحكم العالم ومن حوله نطوف

قلوا لذي ماقد تفهم درسنا
غداً حياته بانخليها كسوف

#ابوجهاد_الجولبي

درب الثقه بــ الله دايم دربنا
واي خاين نربطه مثل الخروف

وم̷ـــِْن خاننا والله ما هو مننا
وماجزاء الخاين سواء حر السيوف

واحنا أولو قــوه بقوة ربنا
ولا على الدنيا وما فيها حسوف

والحرب هذه لن تفرق صفنا
وقد تغلبنا على حرب الزحوف

#الشاعر_ذوالفقار_القيدله

نهج. النبي . طه. وآله نهجنا
ومن مع الباري ابد ماجاه خوف

بالوعي نتحصن ونقهر خصمنا
وباالبصيره نبني الشعب الشغوف

الحسم ياشعب الإبا من عزمنا
بااصرارنا نغلب رهيفات السيوف

ياويل من حاول يزعزع أمننا
يلقا المنايا من حممنا والحتوف

#الشاعر_ماجد_عبدالله_القادري

فينا ثقه بالله نحمي أرضنا
متوحدين بالصف من كل الصفوف

مادام والعزه مطالب شعبنا
مانفترق والله لو صمنا عطوف

لويهجم العالم شظايا فوقنا
لو بد من الاقصى ومن حوله نطوف

ومن يفرق بالخيانة جمعنا
داخل جهنم بايكن بين الضيوف

#ابوراكان_السحاري

اي والله انه ماتواهن عزمنا
وإن العدو يرحب على حد السيوف

والي يريد إيخلخل امن ابلادنا
بانسلخه مثل الدجاجه والخروف

والوعي فيناء والخزا لـ أعدانا
حلنا قصور الذل واخترنا الكهوف

#ابوالحمزه_السواري

كل المكايد قد فضحها وعينا
والباص بذن الله للخامس شغوف

طابورهم بايندعس بقدامنا
لوطبلو للحلف بنواع الدفوف

ابواق مقصدها تخلخل صفنا
والصف ثابت منحنا لعتاءالزحوف

دام الثقه بالله مصدر دعمنا
وعي اوبصيره مدنا بقسا الظروف

#ابواياد_المطري

سلاحــنا يا اهل المسيره وعـــينا
ودرعنا توحيد في كل الصفوف

كلامــــــــنا واضـح قلو لاعداءنا
شعب اليمن واعي علا أية ضروف

برغم حـجم الباطــــل النـــاوي لنا
الشعب متمسك بوعيه والسيوف

يا شـــعبنا بيــض أمانه وجهـــــنا
والقي بأعدائك الى وسط الحتوف

#شِبّلُ_الُحُدِاء_ابّوَفَلُاحُ

نحذر. من الخاين. يخلخل صفنا
واجب. علينا. بالتوحد فاالصفوف

في نهج ابو. جبريل هو قدوه لنا
وباذن ربي. حول. مكه بانطوف

#علي_جارالله_داشع

مادام ذي ســـــاند ٳلهــــــي ربنا
احنا علينا نحتزم فـوق الكتوف

يامن يريد اليوم يـــفرِق صفــنا
عاد النشامى من ورى ضرب السيوف

من اجل الاستقرار نبــذل جـهــدنا
ولا عرفنا ذله و هـانــه وخــــوف

ياشعبنا واحنا فــدى ياشعـــــــبنا
اعيوننا لك فالمخاطر والظـــروف

#ابومعارك_السقاف

نشـــمـــخ ونتعاون علا ذي ضدنا
امريك واسرائل من قبل الحسوف

مــن قــــدنـا قــــل العدو من قدنا
احنا رجال الله ذي نضرب حتوف

من حــــاول التشويش ماهو مننا
بانقــــطعه ونقطعه مثل الخروف

هـــــــاذه رساله للخون من عندنا
مانقبل الخاين علا ارضي يطوف

#ابورائد_السعدي

ابشر بعزك سيدي وابشر بنا
في نحرالأعداء ماتغيرنا ظروف

من باع للشيطان نفسه خصمنا
نسقيه من سود المنايا والحتوف

اقوى من الفولاذ تلقى صفنا
نقاوم الطاغي ونتحدى الصروف

ما للمنافق سوق ينفذ بيننا
ولاعلى شعب اليمن من نذل خوف

#الشاعر_ابوحيدر_عامر

هدفه الأول يشتت شملنا
والثاني اقلاق السكينة كي نخوف

خدمة لإسرائيل وقف ضدنا
عاد اليهودي داخله ساكن وشوف

محال يوهننا ويضعف عزمنا
حرام لا نشرب دمه مثل النشوف

بقيادت ألا البيت ذيهم عزنا
ماهمنا امريكى ولا حلف الخروف

#الشاعر_ابوصادق_الشيبري

يااموطن الانصار دايم عزمنا
نصر النبي والال واسناد الكتوف

ثقافة القران فيها نهجنا
وابن ياسر كان للجنه شغوف

نواعم العدوان اولى حربنا
وردعه حتمي وبطلانه نشوف

للسيد القائد نجدد عهدنا
ان عصاء موسى بيده والسيوف

#ابونذير_الظاهري

الصبرثم العزم قل لصحابنا
من بعدثامن عام لاذله وخوف

تابع المجاراة (6)
(تحالف العدوان يستهدف جبهتنا الداخلية عبر ادواته وعملائه )!!

البداية #فارس_المعزبي

مسيرة الهدي منصوره على خصمها
من يوم كانت عددها لايزال أربعه..!!

ما بالكم يوم صرنا كلنا قومها
وهي تزعزع كيان المعتدي زعزعه..!!

لايقدر احد يغيّر حرف بين اسمها
ولا البعاسس تعرقلها ولا الزوبعه..!!

#ٲبوحسين_العصري

يا شعب بدد لحلف الصهينة حلمها
وما زرعه المنافق شعبنا يقلعه

تحالفات اليهودي قد غرب نجمها
و ضاع مشروعهم كله ولاعد معه

خيااااار إلا يسلم لليمن حكمها
ويتبعونا كفاااااية للتنك قربعه

#ناجي_القطيبي

مسيرة الحق مابا ينثني عزمها
ببوق ماجور بيبقبق وماحد معه

قد قامت المملكه بعاصفة حزمها
ولَستطاع الزّهيمر هو ومن يتبعه

يُوَقّْفُو سيرها او يحجبو (نجمها)
ورجّحت كفّت اهل الحق فى المعمعه

#الشاعر_بشار_دهقم

الله رب السماء با الهدي قد ضمها
ابطال أرواحهم با الحق متولعه

احسين بن بدر حقق ب الولا حلمها
مسيرة الله فوق الناس مترفعه

منهاج رب الخلايق في الدجى علمها
وحكمها بالبصيره فاق مستنقعه

#ابو_بدر_ذيبان

حثالة الشر ابوها ابليس هو وامها
شيطانهم لاجهنم جنب حزبه معه

وشعب الانصار وقت الجد لاكمها
فصيل واحد وينهي جيشك الامعه

جند المسيره مع الله بقدرته لمها
والخاين النذل باين من قفا الاقنعه

#ابوراكان_السحاري

أضن طحنون عارف كيف هو حجمها
والا طحناه في ذا الحرب وإنقطّعه...

تعلق الخصم بين النيب في فمّها
واصبح مثل صيد في فمّ الاسد قضمعه

#علي_جارالله_داشع

نعم وهذه مسيــره واسعٍ حــجمها
بشويش بشويش ياكمن ردي وٳمّعه

كل القبائل لها قد قدمــت دمـــــها
من هو يحاول في التخريب بانقمعه

هذه مسيره ورب العرش ذي تمــــها
والقايد ابن البدر ماحد بلغ موضعه

#شهاب_المتوكل

ياشعبنا نجدبثت وسطنا سمها
عبراللساسين حق الدجل والقربعه

ذي جندتهم من اجل تصال لاحلمها
وتثير فوضى وتحرمنا الأمان اجمعه

خليك واعي بوعيك تحرقه رسمها
وتفشل مؤامرتها هي وذي تتبعه

#أبوفايد_علي_أبوشوصاء

مسيرة الهدي من ربيّ مدعومها
لامن مريكا ولا ابناء اليهود اجمعه

يتشرف الكون كله دوم بقدومها
ويصيّح النجم للسيد بإنا معه

كل الطواغيت قد دسنا على اخشومها
وياشوقنا للمعارك ساعة المعمعه

#ذوالفقار_سفيان

جات المنايا ويا حي الله بشمها
مع النبي وال بيته والهدى نتبعه

والمرتزق والمنافق قايدي سُمها
لان نور الهداية والهدى منبعه

وفوهت الشر ماينفع سوا لطمها
واللي يريد الخيانه قل ما نرزعه

#أسـامـة_المـعبـاء

مســيرة الحق احنــا الســم في سهمها
ضــد اليهــودي وحلف الشــر والي معه

نقــارع امريكاء واســرائيل واوهــامها
وحبــل تــضليلــهم يـا شعبنــا نــقطعه

الوعـي سيفـه لحرب النــاعمة اجتمــها
والحلف لاقى على شعب اليمن مصرعه

#الشاعر_ماجد_عبدالله_القادري

مسيرة الهدي حرف الصدق من فمها
الحق واضح جميعا كل من يسمعه

النصر فيها مؤكد صدق من حلمها
تاريخها بالثرياء اسمها نطبعه

ومن يخون الكرامة بايذوق سمها
وكل خادع تسعود قررو مصرعه

#الكرار_الجبر

قوم العمالات معروفة مع رقمها
لو حاولت في يمنا تنشر الزوبعة

والشعب رغم المعاناة قد عرف سمها
هيهات بالمكر والتضليل باتخدعه

كم حاولو للمسيرة يضعفو عزمها
وكل من غررو به ضدها تصفعه

#الشاعر_أبوعزام_الشامي

مسيرة الحق ياخي قدعلاء نجمها
لأنها تستقي للهدي من منبعه

ضحت مع الله في الدنيا ولاهمها
ولا تبالي من التضليل والمعمعه

إحنا مع الله ومزروعين في دمها
ومن مع الله صادق دائمآ يرفعه

#عبدالقوي_البطل

وشلة البغي والافساد ذي همها
تشعل فتيل الفتن في الارض وتوسعة

بعزمنا تعرف الانذال كم حجمها
نسوقها لاجحيم الموت تتجرعه

هذا قرار اليمن وقادت اعلامها
يامن نوى للفتن فيها لقى مصرعه

#جبريل_الخدري

المملكه قد وجب ندعس علـّۓ. خشمها
والكون لٱ قد تمادى ندعسه باجمعة

مادام والمملكه في حربنا حلمها
نشر المفاسد ونشر الحقد والزوبعة

نمسح م‌ـــِْن الخارطه يا شعبنا رسمها
وابن النبي سيدي لٱ شك نمضي معة

#صفاء_الحرازي

حسادها معضم العالم على علمها
ونبض الاوجاع في صد العدو توجعه

قد اخرجت كل نفس اتزايدت همها
بالوعي والصدق والاخلاص متقنعة...

الغزو فكري ولكن لن نعيش ظلمها
كل القوى ذي اتت بالغزو لازم تِعهْ

#جواد_محمد

عشرين دولة سحبناها على خشمها
واهل العماله واهل الزيف والزوبعه

وايدي الامريكي تعيش اليوم في وهمها
والجبهه الداخليه من قدم تبلعه

واما المسيرة قويه ما برد عزمها
ومن يفكر يصارعها فبا تصرعه

#ابوحسين_المنصور

الله هيأ وبعلام الهدى تمها
وكل حر وغيور جاهد وربي معه

احرار اسقو ثراها تضحيه بالدماء
يوم المنافق لقي من بأسهم مصرعه

لاعداء الاسلام ساني صوبت سهمها
وأي مندس جنود الله باتردعه

#إتحاد_الشعراء_والمنشدين

https://t.me/aboyahyaalshami