ياصحاب شبوة شي بصر والا نظر
لمالفاصي واحده من واحده

ياماتجرعنا الجرع بعد الجرع
رضا لمجموعة وشله فاسده

هل عادشي موقف يوحد صفنا
نحيي به افكار العقول الجامده

من شان لاحد يحسب انا مطمعه
والامن املاكه ولقمه بارده

كلمات #سالم_المصعبي

اصحاب شبوه عندهم طول النفس
لو الوقت جاحد والحكومه جاحده

باالسلم والحكمه واخماد الفتن
ماحد قصي ع الشارده والوارده

لكن لا ما شي لمطلبهم ثقل
وتجاهلوه اهل القلوب الحاقده

هنا نوقف ضدهم ونقولها
انا بروق النصر وانا راعده

وان القبايل باتكاتف كلها
يوم القبيلي قوته من ساعده

تعليق.. #احمد_حسين_بن_الحاج_المحضار

يامرحبا بااهل الهواجس والكلم
ترحيب من بطنه وشوكه شاهده

العز والناموس. يبغاء له. ثمن
والمرجله عسره وصعبه كايده

وأصحاب شبوة حد مع حمد بن علي
وحد مع الحوثي وحد في القاعده

وبعضهم ماهو مع حد ضد حد
ولادرى ب. النفط من كم. عايده

بدوي ويتنقل ويرعى في الغنم
ولا درى. وين. الاوادم. عامده

تعليق نبيل الطويل النسي ابوشهد

أصحاب شبوه شوشة بفكارها
احساس بين العاثره والكايده

والجمع متبعثر وشوره مختلف
والشي مايعطيه غيره فاااقده

وكل من بادر بنيه طيبه
وبليس لاكف الغوا ماراوده

يمكن يشف الغايه الي لجلها
برهن قراراته وشمر سااعده

تعليق #فهد_المحيقني_اليوبي

اصحاب شبوه لو توحد صفهم
بايضبطون الناقصه والزايده..

لاكننا تهنا وخلونا هبا
لما دخلنا في قياده فاسده..

ياكم صبرنا بس ماحجه امل
قدها ثمان اسنين ماشي فايده.

بالكذب والتخدير ويام الجرع
والوقت شاهد والليالي شاهده..

وف الحقيقه ان سرق تدعم سرق
ون قلت اباحقي يقولو قاعده..

تعليق #محسن_الهدار_بن_عبدالنبي

المشكله كلن معه له مشكله
والحل واحد والمشاكل واجده

الحق ما يرجع لاهله بالرضا
والموت ماشي نفس منه شارده

اليوم يوم العز للي يطلبه
لا ينتظر تنزل عليه المايده

نوقف لجل شبوه ب نيه صادقه
نستئصل الفاسد مثل ما الزايده

تعليق #ادوع_من_مرخه

يصحاب شبوه انتو اهل الاوله
واهل الحصون الماكنه والشايده

والكلمه الي تنعلن ما تنقلب
والقوم ذي تعصى ودايم سايده

وقت التلاحم حان والشر انكسر
واعداء وطنا لا محاله بايده

والثروه الي تنسحب من ارضنا
بالغصب ولا بالرضا هي عايده

تعليق #طارق_الحارثي

باقول ياحيا بقيفان العول
ذي يحرصو ع الشارده والوارده

من حرص واعي منطلقهم كلهم
ماهم مثل بعض العيون الراقده

يبون موطن يتسع لحلامهم
هذه طموحات الشباب الصاعده

تعليق #محمد_المقرحي

نحتاج إلى قايد يقود القافله
والناس حوله تدعمه وتسانده

الحق سيفه والمروة شيمته
ولايخيل في فتات المايده

ولايساوم ع الكرامه والشرف
لويرجع المولود بطن الوالده

ماذي وصل خبه فقولو له دلا
قد خب قدامه عدي وساجده

تعليق #عبدالعزيز_السليماني

#إتحاد_الشعراء_والمنشدين

https://t.me/aboyahyaalshami