✳️ ላፕቶፕ ኮምፒውተራችን ላይ Sleep, Hibernate, Shutdown ልዩነታቸው ምንድን ነው❓

ኮምፒውተርም እንደ ሰው ይደክማል፤ ጫና ሲበዛበትም ከተለመደው ፍጥነቱ ዘግይቶ መንቀራፈፍ ይጀምራል። በመሆኑም ስራችንን ከጨረስን በኋላ በተለያዩ መንገዶች ኮምፒውተራችን ማጥፋት ወይም ማሳረፍ ያስፈልጋል።

ኮምፒውተራችን shutdown፣ sleep ወይም hibernate በማድረግ እረፍት እንዲያገኝ ማድረግ እንችላለን። ይሁን እንጂ የትኛው የተሻለ መንገድ ነው የሚለው የሚያከራክር ጉዳይ ነው። እናም ከዚህ በታች ስለ ሶስቱ ኮምፒውተር ማሳረፊያ ዘዴዎች ጥቅሞች በዝርዝር እንመለከታለን።

⚫Sleep

ላፕቶፕ ኮምፒውተራችን sleep mode ላይ ስናደርገው ከRAM በስተቀር ወደ ሁሉም የኮምፒውተሩ ክፍሎች የሚሰራጨው ሀይል ይቋረጣል።

ፕሮሰሰሩና ስክሪኑ ይጠፋሉ፤ ነገር ግን መረጃዎችን እንዳይረሳ ለማድረግ አነስተኛ የባትሪ ኃይል ይጠቀማል።
መልሰን ስንከፍተው በፍጥነት ወደነበረበት ይመለሳል።
ለጥቂት ደቂቃዎች ወይም ሰዓታት ከኮምፒውተራችን ራቅ ስንል መጠቀም እንችላለን።
ጉዳቱ: ባትሪው ሙሉ በሙሉ ካለቀ Save ያላደረግናቸው ፋይሎች ሊጠፉ ይችላሉ።

⚫Hibernate

ይህ አማራጭ ደግሞ በSleepና በshotdown መሀል የሚገኝ ሲሆን ይህን በምናደርግበት ጊዜ እያከናወንናቸው የነበሩ ስራዎች በRam ሳይሆን በኮምፒውተራችን ሀርድ ድራይቭ ላይ ይቀመጣሉ።
ኮምፒውተሩ ከመጥፋቱ በፊት በቅጽበት በRAM ላይ ያለውን መረጃ በሙሉ (save ያልተደረጉ የዎርድ ፋይሎች፣ ክፍት የብራውዘር ታቦች፣ እየሰሩ ያሉ አፕሊኬሽኖች) ወደ hard drive ወይም SSD (hiberfil.sys) ውስጥ save አድርጎ ያስቀምጣቸዋል።
የላፕቶፑ ባትሪ 0% ቢሆን ወይም ባትሪው ቢወልቅ እንኳ መረጃው Hard Drive/SSD ላይ save ስለተደረገ ምንም ነገር አይጠፋም።

⚫Shutdown

ኮምፒውተራችንን shutdown በምናደርግበት ጊዜ ሁሉም የተከፈቱ ፕሮግራሞች ይዘጋሉ። Ram ውስጥ ምንም አይነት መረጃ አይኖርም። ኦፕሬቲንግ ሲስተሙ ሙሉ በሙሉ ይጠፋል።
እንደ አዲስ በሚነሳበት ጊዜ ረዘም ያለ ጊዜ ይወስዳል።
ኮምፒውተሩ ለረጅም ጊዜ ስራ ላይ የማይውል ከሆነ፣ ወይም Reset እንዲሆንና የተከማቹ ጊዚያዊ ፋይሎች እንዲጠፉ ስትፈልጉ shutdown ወይም restart ማድረግ ትችላላችሁ።
የተዘጋ ኮምፒውተር ምንም ሀይል አይጠቀምም።

@bighabesha_softwares